24/12/2024
#အားဆေးကိစ္စ
ပို့စ်အရ စာရှည်တယ်လို့ထင်ရပေမယ့်
စာအုပ် စာမျက်နှာ ရာချီဖတ်နေကျ သူတွေနဲ့
ဆေးပညာဗဟုသုတမှတ်သားလိုသူများ
အဖို့ကတော့ စာစုလေး
အနည်းငယ်သာဖြစ်ပါတယ်။
အမျိုးသမီးအရွယ်မရွေး သံဓါတ်လိုကြတယ်။
အသက် ၃၅ ကျော်ကစပြီး၊ သွေးဆုံးကာနီးတွေက
#ကယ်လ်စီယမ် လိုကြတယ်။
နည်းနေရင် အရိုးကျိုးလွယ်ကြတယ်။
#ဗီတာမင်တွေ အများကြီးသောက်ရင်
စိတ်ပိုင်းဆိုင်ရာ အားနည်းစေနိုင်တယ်ဆိုတာ
ရှိပေမယ့် သက်သေအထောက်အထား
မပြည့်စုံပါ။
အင်္ဂလန်နဲ့ ကနေဒါကထုတ်တဲ့ Multibionta
ဗီတာမင်နဲ့ ဓါတ်ဆားတွေပါတဲ့ဆေးကို
အာရှကထုတ်တဲ့ဆေးတွေ လိုက်မမီပါ။
ညံ့တဲ့နိုင်ငံတွေကထုတ်တဲ့
ဆေးတိုင်းကိုတော့
အာမမခံနိုင်ပါ။
Deca-Durabolin လူကြီးအတွက်
Anabolic hormone ဟော်မုန်းတွေ
ပါတာမျိုးလည်း ရှိသေးတယ်။ လူတိုင်းနဲ့ မသင့်ပါ။ Moriamin Forte (မိုရီယာမင်-ဖို့ဒ်)
နာမည်ကြီး ဈေးကြီးပါတယ်။
အားဆေးဖြစ်ပါတယ်။ ပေါ်တာကြာပါပြီ။
(ပရိုတင်း) ဓါတ်နည်းရောဂါ၊
အာဟာရမျှတတဲ့ရောဂါ၊
ဗီတာမင်တွေနည်းတဲ့ရောဂါ၊
အာဟာရချို့တဲ့ရောဂါ၊ အလျှင်အမြန်
အားယုတ်ခြင်း၊ နာတာရှည်လူမမာ၊
စိတ်ဖိအားအလုပ်ဖိအားများခြင်း၊
ခုခံအားကျဆင်းနေခြင်း၊
ဗီတာမင်တွေ ပိုလိုခြင်း။
ရုပ်ပိုင်းဆိုင်ရာ အပြင်းအထန်လုပ်ရခြင်း၊
အားအင်ကုန်ခမ်းလွန်းဖြင်း၊
လေ့ကျင့်ခန်းပြင်းထံခြင်း၊
ကိုယ်ဝန်ဆောင်စဉ်နဲ့
ကလေးနို့တိုက်နေရချိန်၊
ကလေးကို မြန်မြန်ကြီးထွားစေလိုခြင်း၊ နလံထချိန်၊ အကြီးစား ခွဲစိတ်ကုသမှုလုပ်အပြီး၊
ကင်ဆာဆေး၊ ဓါတ်ကင်ထားခြင်း။
#ဗီတာမင်A = ရက်တီနော သည်
ငါးကြီးဆီ၊ အသဲ၊ ဥ၊ နို့နှင့်
နို့ထွက်အစာများ၊ မုန်လာဥနီမှာ ပါဝင်သည်။
အရေပြားနှင့် အပေါ်ဖုံးလွှာများ
ကောင်းစေရန်၊ အရိုးကြီးထွားရန်၊
ဆဲလ်များအသစ်ပြုပြင်ရန်၊
ခုခံအားကောင်းရန်၊
ကြက်မျက်သင့်ရောဂါ ကာကွယ်ရန်။
များရင်အဆိပ်သင့်သလိုဖြစ်တယ်။
#ဗီတာမင်ဘီ1(သိုင်ယာမင်း) သည်
(ရိစ်)၊ ဥ၊ အသဲ၊ အစေ့-အဆံ၊
အသားတို့မှာ ပါဝင်သည်။
(ဗယ်ရီဗယ်ရီ)ခေါ်ထုံနာ-ကျင်နာ ရောဂါကို ကာကွယ်သည်။ ဆန်စေ့၏ အပေါ်ယံလွှာမှာ
ပါဝင်သဖြင့် ရေခမ်းချက်စာပါ။
#ဗီတာမင်ဘီ2 (ရိုင်ဘိုဖလေဗင်း) သည်
နို့နှင့် နို့ထွက်အစာများ၊ ဥ၊ အသဲ၊
အသီးအရွက်၊ ဆန်၊ ဂျုံ၊ ရိစ်
တို့မှာပါဝင်သည်။ ချို့တဲ့ပါက
ကျီးကန်းပါးစပ်နာဖြစ်စေသည်။
#ဗီတာမင်ဘီ6 (ပိုင်ရီဒေါက်ဆင်း) သည်
အချို့ဆေးဝါးများကြောင့်၎င်း နည်းစေသည်။
ဥပမာ တီဘီ ဆေး၊ဗီတာမင်
ဘီ 9 (ဖေါလစ်အက်စစ်) သည်
သွေးနီဥသန်စွမ်းစေရန် အသုံးဝင်သည်။
#ဗီတာမင်ဘီ12 (ကိုဘယ်လမင်း) သည်
(ရိစ်)၊ နို့နှင့် နို့ထွက်အစာများ၊ ဥ၊ အသဲ၊
ငါး၊ အသားတို့မှာ ပါဝင်သည်။
ခန္ဓာကိုယ်ကြီးထွား စေရန်၊ (ဆဲလ်)
တည်ဆောက်ရန်၊ သွေးနှင့်
အာရုံကြော ကောင်းစေရန်အတွက်ဖြစ်သည်။
၎င်းနည်းပါက (ပါနီးရှပ်စ်)
သွေးအားနည်းရောဂါဖြစ်စေသည်။
#ဗီတာမင်C (အက်စကောဗစ် အက်စစ်)
စိမ်းသော အသီးအရွက်များ၊
အသီးအနှံများမှာ ပါဝင်နေသည်။
ချဉ်သောအသီးများ
(သံပုရာသီး၊ ရှောက်သီး၊ ဆီးဖြူသီး) အရိုး၊
သွား၊ သွားဖုံး၊ သွေးကြော၊
အရွတ် ကောင်းစေသည်။
ခုခံအားလည်း ကောင်းစေသည်၊
အနာကျက်စေသည်။
ချို့တဲ့ပါက (စကောဗီ) ရောဂါ ရစေသည်။
ဗီတာမင်တွေထဲမှာ (စီ) ကို
အများကြီးပေးလို့ရတယ်လို့ပြောနိုင်ပေမဲ့
များလို့ ဝမ်းပျက်နိုင်တယ်။ ပျို့-အန်မယ်။
ကြွက်တက်မယ်။ ခေါင်းကိုက်မယ်။
#ဗီတာမင်D သည် ငါးကြီးဆီ၊
နို့ထွက်အစာများမှာ ပါဝင်သည်။
နေရောင်ကြောင့် ဗီတာမင်အေမှ
ဒီဖြစ်လာစေသည်။
အရိုးတည်ဆောက်ရန် အသုံးကျသည်။
ချို့တဲ့ပါက Rickets အရိုးပျော့ရောဂါဖြစ်စေသည်။
#ဗီတာမင်E သည် အသီးအရွက်ကရသော
ဆီ၊ ဂျုံ၊ ဆန်၊ ပေါင်မုံ့၊ ဥ၊ အစေ့အဆံများမှာ
ပါဝင်နေသည်။ သွေးဥ၊ ကြွက်သား၊
အာရုံကြောများ အလုပ်ကောင်းစေရန်
အသုံးကျသည်။
#ဗီတာမင်K သည် အသီး
အရွက်များမှာပါသည်။ သွေးတိတ်စေသည်။
အစားအသောက် အစုံစားနေရင် အားဆေးမလိုကြပါ။
မစုံရင်တော့ လိုနိုင်တယ်။
အစုံစားဆိုတာ ထမင်း၊ ခေါက်ဆွဲ၊
ဆန်နဲ့ ဂျုံနဲ့လုပ်ထားတဲ့အစားအစာတွေ၊ ပဲ၊ ပဲသီး၊ အသား၊ ငါး၊ ဥ၊ အသီးအရွက်တွေ၊ အသီးနဲ့ နွားနို့နဲ့ နို့ထွက်အစားအသောက်တွေ ဖြစ်တယ်။
အားဆေး မှန်သမျှ ဗီတာမင်တွေ ဖြစ်ပါတယ်။
ဗီတာမင်တွေထဲမှာ ဘီအုပ်စုကို
ပေါင်းစပ်တာက အသုံးအများဆုံးဖြစ်တယ်။
ဗီတာဇုံးဆိုလည်း အဲဒါပါဘဲ။
B-Complex, Polybion စတဲ့
နာမည်တွေ အတော်ကို များများရှိတယ်။
ပါတာတွေက မတိမ်းမယိမ်းပါ။
ဒီဆေးကို လူတိုင်းသုံးစွဲလို့ရတယ်။
Multibionta ဗီတာမင် အစုံရောထားတာ
အင်္ဂလန်ကလာတာ ကောင်းပါတယ်။
Maxirich ဆေးတောင့်ကိုလဲ သုံးသင့်ပါတယ်။
ဗီတာမင် ဘီ၊ စီ၊ သွပ်ဓါတ် စတာတွေပါတယ်။
တနေ့ ၁ တောင့် ဆိုရင် လုံလောက်ပါတယ်။
Calcium + Vitamin D ရောထားတဲ့ဆေးက အမျိုးသမီးတွေအတွက် လိုတယ်။
တနေ့ ၁ ပြားနဲ့ လုံလောက်ပါတယ်။
Furamin BC သံဓါတ်လို
သွေးအားကောင်းဆေးထဲမှာလည်း
ဗီတာမင် ဘီ နဲ့ စီ ရောတယ်။
(အမိုင်နို-အက်စစ်) ဆိုတဲ့
ပရိုတင်းဓါတ် ပါတဲ့ဆေးလည်း ရှိတယ်။
Moriamin Forte (Calcium pantothenic)
ဆိုတာမျိုးပေါ့။ Deca-Durabolin
လူကြီးအတွက် ဆိုပြီး Anabolic hormone
ဟော်မုန်းတွေ ပါတာမျိုးလည်း ရှိသေးတယ်။
လူတိုင်းနဲ့ မသင့်ပါ။
Algae ရေမှော်ပင်ကနေထုတ်တဲ့
ဆေးမျိုးမှာ vitamins A, B1, B2, B6, C အပြင် Iodine, Potassium, Iron, Magnessium,
Calcium ဓါတ်ဆားတွေ ပါတယ်။
ဆေးတွေက နာမည်တွေသာ ကွာတယ်
ဗီတာမင်တွေဘဲ၊ အတူတူပါဘဲလို့
ပြောရပေမဲ့ လူတဦးကနေ သူနဲ့ဒီဆေးက
သူနဲ့ ပိုတည့်တယ်လို့ ဆိုနိုင်ပါတယ်။
ငြင်းစရာမရှိပါ။
လူဆိုတာ သူ့စိတ်ကနေ
ဒါကပိုကောင်းတယ်လို့
ထင်နေတာကိုက သူ့အတွက်
အားသားချက်တခု ဖြစ်စေတယ်။
စိတ်ရဲ့တန်ခိုးဆိုတာ သိပ်ကြီးမားတာကိုး။
လူတဦးကနေ သူနဲ့ဒီဆေးက
သူနဲ့ ပိုတည့်တယ်လို့ပြောနိုင်တယ်။
လူဆိုတာ သူ့စိတ်ကနေ
ဒါကပိုကောင်းတယ်လို့
ထင်နေတာကိုက သူ့အတွက်
အားသားချက်တခု ဖြစ်စေတယ်။
စိတ်ရဲ့တန်ခိုးဆိုတာ သိပ်ကြီးမားတာကိုး။
ဆရာဝန်တွေကတော့
တယောက်ချင်းစီအတွက်
လိုတာကိုသာ ဆေးအဖြစ်ညွှန်ပါတယ်။
့်ဆွေ
