20/01/2026
မြန်မာမှာက ''ရေမွှေး'' လို့ တစ်လုံးတည်း ဝေါဟာရနဲ့အကုန်ပြည့်စုံပါတယ်။
တကယ်တမ်းဝယ်ကြတဲ့အခါ ရေမွှေးဗူးအောက်ခြေက အမျိုးအစားကို ကျနော်ပိုစိတ်ဝင်စားပါတယ်။ အဆီအနှစ်ပါဝင်နှုန်းကို များရာကနေ နည်းရာကို အစဉ်လိုက်အတိုင်းပြောရရင်
Perfume > Eau de Perfume > Eau de Toilette > Eau de Cologne အစရှိသဖြင့် သွားပါတယ်။
Perfume က နည်းနည်းလေးဆွတ်ရုံနဲ့လုံလောက်ပြီး ပုလင်းလည်း သေးသေးလေးပါပဲ. . .ဒါတောင်သူက စျေးအကြီးဆုံးပါ။
Eau de Perfume က တော့ အဆီပါဝင်မှု % က Perfume လောက်မများဘူး။ ဒါ့ကြောင့် Perfume လောက် ရနံ့မစွဲဘူး။
Eau de Toilette က ပိုရနံ့ပျယ်လွယ်တယ်။ ပမာဏ ပိုများများဆွတ်ဖို့လိုတာကြောင့် ပုလင်းခပ်ကြီးကြီးမှာ တစ်ခါမှုတ်လိုက်ရင် တော်တော်များများပါလာအောင် Spray အနေနဲ့ရောင်းတာများတယ်။ ရနံ့ဆီပါဝင်မှုနည်းပြီး ကျဲလည်းကျဲတာကြောင့် Spray လို ဖျန်းရတာ ပိုအဆင်ပြေတာလည်း ပါတယ်။
Eau de Cologne ကတော့ ပိုကျဲသလို အနံ့လည်းသိပ် မစွဲတတ်ပါဘူး။
Eau de Cologne အနောက်မှာ Body Spray နဲ့ Body Mist တွေ ရှိပါသေးတယ်။ အားကစားလုပ်တဲ့သူတွေ ချွေးထွက်သန်တဲ့လူတွေက ဒါမျိုးတွေနဲ့ပိုကိုက်တယ်။
-----------------------------------------
ရေမွှေးတစ်ခု ဆွတ်ပြီးတဲ့အခါ အနံ့(၃)ကြိမ် ထုတ်လွှတ်လေ့ရှိပါတယ်။ ဆွတ်ဆွတ်ချင်း ထွက်လာတာကို Head /Top Note လို့ခေါ်တယ်။ ကိုယ့်အတွက်ကိုယ်ဆွတ်တဲ့သူတွေအတွက် Head အပိုင်း အားသာတဲ့ဟာမျိုးသင့်လျော်တယ်။ ရေမွှေးဆွတ်တဲ့အချိန် ထွက်လာတဲ့အနံ့ကို ကိုယ့်ဟကိုယ်ရှုရှိုက်စိတ်ရွှင်လန်းပြီး ကျေနပ်နေမယ့်သူမျိုးတွေပေါ့။ ဆိုင်မှာဝယ်တဲ့အခါ စမ်းလို့အလွယ်ဆုံးပါပဲ။
Heart လို့ခေါ်တဲ့ ဆွတ်ပြီး နည်းနည်းကြာမှထွက်တဲ့ အနံ့က သူများအတွက် ရည်ရွယ်တာပါ။ မိမိဆွတ်ထားကြောင်း လူသိစေလိုသူတွေကတော့ Heart အပိုင်းအားသာတဲ့ဟာမျိုး ရွေးဝယ်ကြတယ်။ ဆိုင်မှာဝယ်တဲ့အခါ ဆွတ်ပြီး နာရီဝက်လောက်ကြာမှ ထွက်တတ်လို့ စမ်းရအဆင်သိပ်မပြေဘူး။
Bottom / Base Noteကတော့ ရနံ့တွေ ပြယ်ပြီး Vaporise ဖြစ်ချိန်မှာမှ ထွက်တတ်တာမျိုး။ ရုံးဆင်းချိန်တွေမှာ ရနံ့သင်းသင်းလေးနဲ့ ရေမွှေးရောကိုယ်ပါ တစ်ယောက်ကိုတစ်ယောက်အမှီသဟဲပြ ုရင်း အိမ်တူတူပြန်ကြမယ့် သူတွေက Bottom ပိုင်း အားသာတဲ့ ရေမွှေးမျိုးကို ဝယ်ကြတယ်။
Heart နဲ့ Bottom notes တွေ စမ်းချင်တဲ့ အခါ ရေမွှေးဆိုင်က Sample လေးတွေကို အရင်ဆွတ်ယူကြည့်ပြီး Shopping ပတ်ရင်းနဲ့ အချိန်ကြာလာတာနဲ့ အနံ့ခံလို့ ရပါပြီ
-----------------------------------------
ဝတ်မယ့် အင်္ကျီအမျိုးအစားပေါ်မူတည်ပြီး ရေမွှေးနံ့ရွေးချယ်တတ်ရင် ပို Smart ဖြစ်ပါတယ်။ အလွယ်ဆုံးနည်းကတော့ ရေမွှေးနာမည်ထဲမှာ အဖြေရှာလိုက်တာပါ။ Perfume အများစုက Designer တွေ နာမည်နဲ့များတယ်. . သူတို့ချုပ်တဲ့ အင်္ကျီဒီဇိုင်းလိုမျိုးက သူတို့အနံ့နဲ့အလိုက်ဆုံးပါပဲ
---------------------------------------
နေ့ခင်းဘက်ဆို သစ်သီးနံ့နဲ့ Floral scent တွေ ကောင်းပြီး ညဘက်ဆိုရင်တော့ Woody လို့ခေါ်တဲ့ စန္ဒကူး, နံ့သာဖြ ူလို သစ်မွှေးကို အခြေခံတာတွေကောင်းတယ်။ ဆေးပြင်းလိပ်နံ့နဲ့ Musky တွေလည်း ညအတွက် ကောင်းတယ်။ Sexy ဖြစ်ချင်သူနဲ့ တပါးသူကို ဖမ်းစားချင်ရင်တော့ Woody, Musky နဲ့ ဆေးပြင်းလိပ်နံ့အခြေခံတာတွေ ညဘက်မှာ နားရွက်နောက်က သွေးကြောနေရာကို ဆွတ်ထားရင် သိသိသာသာ တန်ခိုးပြပါတယ်( Musky ဆိုတာ ဟိမဝန္တာက Musk သမင်ရဲ့ လိင်အင်္ဂါနားက Gland ကနေ ထုတ်ယူထားလို့ ဆွဲဆောင်ချင်သူတွေက ဒါကို အခြေခံတာတွေ ဆွတ်ကြတယ် ) 😛
ပြောင်းပြန်အားဖြင့် . . . Club ထဲမှာ Este Lauder လို ပန်းရနံ နဲ့ Bvlgari လို ချိုတဲ့အနံ့ဆွတ်ထားရင်တော့ ကိုယ့်နားဘယ်သူမှ ကပ်လာမှာ မဟုတ်ပါဘူး။
----------------------------------------
Pour Homme ကတော့ for men ဖြစ်ပြီး Pour Femme ကတော့ for ladies ပါ။ ဘာမှရေးမထားရင်တော့ unisex ပါ။ ( Homme ကို အသံထွက်ရခက်ရင် ရှေ့ဆုံးက H နဲ့ နောက်ဆုံးက e ကို ဖြ ုတ်ပြီး omm = ohm ဗမာလို ဂါထာရွတ်တဲ့အသံ '' ဥုံ'' လို့ ရဲရဲတင်းတင်း ထွက်နိုင်ပါတယ်)
----------------------------------------
Sillage ( see-yajj လို့အသံထွက်) တာက ကိုယ်ဆွတ်တဲ့ အခန်းအကျယ်ပေါ်မူတည်ပြီး ဘယ်လောက်ထိ အနံ့က ပျံ့မလဲ တွက်တာပါ။ Longevity က အနံ့သက်တမ်းပါ။ Perfume seller ကို ဒါတွေ အသေးစိတ်မေးဝယ်နိုင်ပါတယ်။ Sillage များလို့ စျေးများတာကြီး ပေးပြီး Taxi မောင်းတဲ့ အလုပ်လုပ်ရရင်တော့ မတန်ဘူးလေ. . Taxi ကား သေးသေးလေးထဲမှာ ကိုယ့် Target က အလွန်ဆုံးရှိ လူ ၄ ယောက်ပါ
----------------------------------------
ရေမွှေးတွေ တစ်ခုပြီး တစ်ခု အနံ့ခံရင်း အားလုံးက တစ်နံ့တည်းလိုလို ဇဝေဇဝါ ဖြစ်လာတဲ့အခါ ကော်ဖီစေ့လေးတွေ ထည့်ထားတဲ့ ပုလင်းကို ရှူပေးနိုင်ပါတယ်။
----------------------------------------
အားကစားလိုက်စားတဲ့ လူငယ်များကတော့ Nike နဲ့ Polo လိုမျိုး fresh and active ဖြစ်တာတွေ ကြိုက်ကြတယ်
----------------------------------------
နွေလို ပူအိုက်တဲ့အခါ Citrus fruit အမျိုးအစားတွေဖြစ်တဲ့ လိမ္မော် , သံရာလို အချဉ်သီး အနံ့တွေနဲ့ ပန်းပွင့်ရနံ့တွေ, သကြားလုံးလို ရနံ့တွေက လူကို အေးမြလန်းဆန်းစေပြီး ငြီးငွေ့ပျင်းရိနေမှုကို ပပျောက်စေပါတယ်။ အင်္ကျီစွပ်ကျယ် . . ဘောင်းဘီတို ဝတ်တတ်ကြလို့ အဝတ်မဖုံးတဲ့ ကိုယ်လက်ခန္ဓာကိုယ်မှာ Body Mist နဲ့ Body Spray လို အမျိုးအစားကို ဆွတ်ဖျန်းလိမ်းကျံရတာကို လူငယ်တွေ နှစ်သက်ကြတယ်။ ကျနော်နှစ်သက်မိတာတော့ BodyShop က ထုတ်တဲ့ Body Mist နဲ့ Kanebo က ထုတ်တဲ့ Spray တွေပါ. . BodyShop တံဆိပ်ကတော့ ကြာပန်းနဲ့ Vanilla လို ချိုမြိန်ပြီး စိတ်ကြည်စေတဲ့ရနံ့တာတွေထုတ်ပြီး Kanebo အနံ့ကတော့ ကော်လာအင်္ကျီနဲ့Style Pant ကို စမတ်ကျကျဝတ်ပြီး အလုပ်လုပ်တတ်တဲ့ IT နယ်ပယ်နဲ့ Hospitality ပိုင်းက လူငယ်တွေ အရမ်းကြိုက်ကြပါတယ်။ Victoria Secret ကတော့ မိန်းကလေးအများစုနှစ်သက်ကြတဲ့ အမွှေးနံ့သာ liquid အရည်မှာ နာမည်ကြီးပါတယ်။
ဆောင်းလို အေးမြတဲ့အခါမှာတော့ အထက်က ပြောခဲ့တဲ့ Woody နဲ့ Musky တို့လို heavy ဖြစ်တာတွေနဲ့ သစ်ကြမ်းပိုးခေါက်အဆီအခြေခံတာတွေက ရေမွေးဆွတ်သူကိုကော ရနံ့ရမိသူကို ရှေးဆန်ဆန် အုတ်နီတိုက်အိမ်ထဲက မီးလင်းဖိုနားရောက်သွားသလို နွေးပြီးအတိတ်ဆန်တဲ့ အာရုံမျိုးဖြစ်ပေါ်စေပါတယ်။
----------------------------------------
တခြားနိုင်ငံမှာဝယ်တဲ့အခါ Immigration လို့ခေါ်တဲ့ Line ကို ဖြတ်ပြီးတဲ့အခါမှ ဝယ်တာပိုသက်သာပါတယ်။ အခွန်လွတ်စျေးသဘောမျိုးပါ. . .duty free. . tax free လို့ ခေါ်ပါတယ်။ မိမိသည် မကြာခင် လေယာဉ်နဲ့သူတို့နိုင်ငံထဲက ထွက်ခါတော့မယ့် သက်သေအနေနဲ့ Boarding Pass ပြပြီး ဝယ်ရပါတယ်။ မိမိနဲ့တစ်ပါတည်း လေယာဉ်ပေါ်သယ်မယ့် HandCarry အနေနဲ့စိတ်ကြိုက်ဝယ်နိုင်ပါတယ်. . .လေယာဉ်လုံခြုံရေးအတွက် အရည်တွေကို Plastic အိတ်အကြည်နဲ့ ထုတ်သယ်သွားဖို့ ဆိုင်က ကူညီပေးပါတယ်။ ဒါမှ အားမရသေးဘူးဆိုရင်. . လေယာဉ်ပေါ်မှာ ထပ်ဝယ်နိုင်ပါသေးတယ်. . ဒါကတော့ သူတို့List ထဲမှာရှိတာပဲ လက်ညှိုးထိုးဝယ်ရုံပါပဲ . . . . ထိုင်ရာက ထရာမလို. . ကောင်းကင်ပေါ်မှာ ပျူငှာတဲ့ Crew များရဲ့ စျေးရောင်းပေးတာကို ဝယ်ဖူးချင်သူတွေအတွက် ကိုက်သလို စျေးလည်းပိုသက်သာပါတယ်။ Meal time ပြီးတာနဲ့ Shopping time စပြီမို့လို့လေယာဉ်စစီးကတည်းက မိမိမှာချင်တဲ့ Product ကို စာအုပ်မှာ ခေါက်ပြီးမှတ်သားထားခါ မြန်မြန်မှာနိုင်ရင် ပိုကောင်းပါတယ်။ မှာတဲ့သူချင်းတူပြီး ပစ္စည်းက တစ်ခုတည်းကျန်တဲ့အခါ အရင်မှာသူက ရပါတယ်။
---------------------------------------
ဗူးကြီး ဝယ်ရမှာ မရဲရင် miniature လို့ခေါ်တဲ့ ပုလင်းသေးသေးလေး (၅)မျိုးလောက်ပေါင်းတာလေးတွေဝယ်နိုင်ပါတယ်။ New Arrival တွေနဲ့ စျေးကြီး Brand တွေကတော့ အမြဲဗူးကြီးသာ ရောင်းတတ်ပါတယ်
----------------------------------------
မြန်မာလူမျိုးအများစုကြိုက်နှစ်သက်ကြတဲ့ ရေမွှေး Brand များကတော့ . .
•BVLGARI(Omina/Aqva-marine & amara/Jasmin noir)
•DIESEL(Fuel for life)
•MONT BLANC(Emblem/Legend)
•TOM FORD
•IDOLE d'Armani
•ARMANI(Aqua di gio/Emporio diamonds/Code/Attitude/Mania)
•CALVIN KLEIN(ck free sport/Truth for men/Eternity/Encounter fresh/ck one/Euphoria/Beauty/Summer)
•KoKorico by JEAN PAUL
•ESTEE LAUDER(Beautiful/Pure white linen/Modern muse/Sensuous nude/Pleasure)
•SELVATORE FERRAGAMO(Acqua essenziale/Emozione/Attimo/Signorina)
•HUGO BOSS
•YVES ROCHER(Evidence)
•GUCCI(Premiere/Guilty/Rush 2)
•PRADA
•BURBERRY(Brit rhythm/Body/Weekend/Touch/My)
•ABERCROMBIE & FITCH
•TOMMY HILFIGER(Summer)
•FCUK(Friction)
•SHISEIDO(Zen)
•DOLCE & GABBANA(light blue/Energy)
•PARIS HILTON(Jordache/Tease)
•DKNY(City/Pink)
•CHANEL(Allure homme sport/CoCo/Bleu)
•DAVIDOFF(the game/the brilliant game)
•ISSEY MIYAKE
•LACOSTE
•KUZNETSKY MOST
•BODY SHOP(Fiji lotus)
•LOVE FURY ( Nine west)
•VERSACE(Bright crystal/Eros/Man)
•GRACEFUL
•ZARA(collection/sport)
•PROVOCATIVE WOMAN
•LANCOME(Tresor in love/Miracle)
•ELIZEBATH ARDEN(5th Avenue)
•CHLOE
•MADAME GLAMOUR(Suddenly)
•DIOR(Forever/J'dore)
•CLIVE CHRISTIAN
•MARC JACOBS(Daisy)
•RALF LAUREN
•BLACK XS
ရေမွှေးနံ့ဟာ ငယ်စဉ်ဘဝကို ပြန်သတိရစေတတ်တာရှိသလို . . .အူမြ ူးစေတယ်. . .ညှို့အားပြင်းစေတဲ့ အစွမ်းသတ္တိတွေ လည်း ရှိပါတယ်။ ပျော်စရာ အမှတ်တရ လို. . .မင်္ဂလာရှိတဲ့အချိန်တွေမှာ သီချင်းအသစ်တစ်ပုဒ်နဲ့ ရေမွှေးနံ့အသစ်တစ်မျိုးနဲ့မှတ်ထားနိုင်ပါတယ်။ ဒီသီချင်းနားထောင်ပြီး ဒီရနံ့ရတဲ့ အခါတိုင်း အတိတ်မြိ ု့ကို လည်ပတ်ပြီး ကြည်နူးရတာကလည်း ပျော်ရွှင်မှုတစ်ခုပါ
Welcome & feel free to discuss your Perfume Experience in comments 🙂 '''''
Credit kyaw han thar myint
