https://www.facebook.com/1004944272874387/

HIV Knowledge and ရွင္သန္ျခင္း, Yangon (2026)

22/04/2026

စကော့တလန်နိုင်ငံသည် အိတ်ချ်အိုင်ဗွီ (HIV) အသစ်ကူးစက်မှုများ ပပျောက်တော့မည့် ပထမဆုံးနိုင်ငံ ဖြစ်လာနိုင်

************************************************

စကော့တလန်နိုင်ငံဟာ အိတ်ချ်အိုင်ဗွီ (HIV) ကူးစက်ခံရသူအသစ် မရှိတော့သည့် ကမ္ဘာ့ပထမဆုံးနိုင်ငံ ဖြစ်လာနိုင်ကြောင်း ထိပ်တန်း ပရဟိတအဖွဲ့အစည်းများက ပြောကြားပါတယ်။

သူတို့အနေနဲ့ စကော့တလန်နိုင်ငံသည် အခြေအနေကောင်းမွန်သော်လည်း ၂၀၃၀ ပြည့်နှစ် မတိုင်မီ ဒီပန်းတိုင်သို့ ရောက်ရှိရန်အတွက် လာမည့် စကော့တလန် အစိုးရထံမှ အရေးတကြီး လုပ်ဆောင်မှုများ လိုအပ်ကြောင်း သတိပေးထားပါတယ်။

# # HHIG ကျန်းမာပျော်ရွှင်စွာ ဖြင့် ပုံမှန်နေထိုင်မူ ရရှိနိူင်ပါစေ

24/03/2026

HIV ကာကွယ်ဆေးPEP❣🍮❓❓❓❓( pls စာလေးဆုံးအောင် ဖတ်ကြည့်ပါ အသိဖြင့် သတိနဲ့ ကာကွယ်ပါ)
PEP❣❓-post exposureost prophylaxis)လို့ခေါ်တဲ့အရေးပေါ်ကာကွယ်ဆေးပေါ့။ Post ဆိုတာက Afterပြီးနောက်လို့ အဓိပ္ပာယ် ဖွင့်ဆိုနိုင်ပါတယ်။ exposureဆိုတာက ထိတွေ့မှုပါ။ အန္တရာယ်ရှိတဲ့ ထိတွေ့မှု တွေ ဥပမာ လိင်အလုပ်သမနဲ့ အကာကွယ်မဲ့ လိင်ဆက်ဆံမိတာ၊ဒါမှ မဟုတ် ကွန်ဒုံးတော့ သုံးပါရဲ့။ လိင်ဆက်ဆံနေစဉ် ကွန်ဒုံး ပေါက်ပြဲသွားတာ၊ HIVပိုးရှိ လူနာကို ထိုးထားတဲ့အပ် နဲ့ ထိုးမိတာ၊ဓားရှမိတာ၊ HIVပိုးရှိသူနဲ့ မူးယစ်ဆေးထိုးအပ်အတူတူ မျှဝေသုံးမိတာတွေကိုဆိုလိုပါတယ်။အန္တရာယ်ရှိတဲ့ အပြုအမူ၊မတော်တဆမှုတွေ ဖြစ်ပြီးနောက် Prophylaxis ဆိုတာက ရောဂါကူးစက်မှုမဖြစ်အောင်ကာကွယ်တာ၊လျော့ပါးအောင် လုပ်ဆောင်တာကို ဆိုလိုပါတယ်။
ဒီဆေးက အန္တရာယ်ရှိ အပြုအမူ ပြုလုပ်ပြီး ဒါမှမဟုတ် မတော်တဆ ဖြစ်ပွားပြီးရ၂နာရီအတွင်းမှာပဲ သောက်လို့ရတဲ့ဆေး။၂၄နာရီ အတွင်းသောက်ရင် အကောင်းဆုံး ကာကွယ်မှုပေးနိုင်တယ်လို့ လေ့လာမှုတွေက ဆိုတယ်။ ရ၂ နာရီအတွင်းဆိုပေမဲ့ စောနိုင်သမျှ စောလေ အကောင်းဆုံးပါပဲ၊စောနိုင်သမျှစောလေ ကူးစက်မှု ကာကွယ်နိုင်မှု အမြင့်ဆုံးပေးနိုင်တယ်လို့ ဆိုပါတယ်။
❣🍮 HIV ရောဂါ ကူးစက်စေနိုင်တဲ့ အပြုအမူ (ဥပမာ ရောဂါရှိမှန်း၊မရှိမှန်း မသိတဲ့လူနဲ့ အကာကွယ်မဲ့ လိင်ဆက်ဆံတာ၊ မူးယစ်ဆေးထိုးအပ် မျှဝေသုံးမိတာ၊ HIVရှိလူနာကိုထိုးတဲ့ အပ်နဲ့ စူးမိတာ) ဖြစ်ပွားပြီး နောက် HIV ကူးစက်မှု လျော့နည်းအောင် ဆေး၂၈ ရက်သောက်ရတဲ့ ရေတို ကုသမှု တစ်ခုပါ။
PEP မှာ သောက်ရတဲ့ဆေးက စတင် ခဲ့ စဥ်က ဆေးအမျိူးအစားပါဝင်မူ နှစ်မျိုးသာ စပ်ခဲ့ပေမယ့် 2018 နောက်ပိုင်း သုံးမျိုး လေးမျိုး ပေါင်းစပ် တိုက်ကြပါတယ်..
NRTIs ဆေးနှစ်မျိုးနဲ့အတူ တတိယမြောက်ဆေးကတော့ P*s(Protease inhibitors) ဒါမှမဟုတ် NNRTIs ဒါမှမဟုတ် INSTIs အမျိုးနွယ်ဝင် ဆေးတစ်မျိုး သို့မဟုတ် နှစ်မျိုး ကို ထည့်ပေးကြမှာပါ။ ဒါက လူနာရဲ့ အသက်၊တခြားရောဂါတွေ ရှိမရှိ နဲ့ တခြားအခြေအနေများစွာ ဆရာဝန်က မေးမြန်းစမ်းသပ်ပြီးမှ သင့်တော်တဲ့ဆေးနဲ့ ကောင်းကျိုး၊ဆိုးကျိုးတွေ လူနာကို ရှင်းပြပြီး ရွေးချယ်ခိုင်းမှာပါ။
PEP❣☺ သောက်ရမယ့် လူနာ ဆေးတကယ်တမ်း မသောက်ခင်မှာ ပထမဦးဆုံး HIV ပိုး ရှိ မရှိ စစ်ဆေးရပါမယ်။
HIV ပိုး မကူးစက်အောင် ဆေးသောက်ရတာ ဖြစ်တဲ့ အတွက် ပိုးရှိနေပြီးသား လူကို PEP တိုက်စရာ မလိုပါဘူး။ ပိုးရှိနေသူက တစ်သက်လုံး ဆေးသောက်ရမှာပါ။
နောက် PEP က အန္တရာယ်ရှိတဲ့ အပြုအမူဖြစ်ပွားပြီး တစ်နည်းအားဖြင့် HIV ပိုးရှိသူနဲ့ ကူးစက်နိုင်လောက်တဲ့ ထိတွေ့မှု ဖြစ်ပြီး ရ၂ နာရီ အတွင်းသောက်မှ သာ အကျိုးရှိတာမို့ ရ၂ နာရီကျော်သွားရင် ကာကွယ်တဲ့ ရာခိုင်နူန်း နည်းသွားတတ်ပါတယ်
နောက်အဓိက အရေးကြီးဆုံးအချက်က အန္တရာယ်ရှိတဲ့ အပြုအမူက ဘယ်သူနဲ့ ဖြစ်ပွားခဲ့တာလဲ ထည့်သွင်း စဉ်းစားရပါမယ်။ ဥပမာ ဆရာဝန် တစ်ဦးက လူနာကို ဆေးထိုးရင်း အပ်စူးမိတယ်ဆိုပါစို့။ ဒီလူနာကို သွေးစစ်ကြည့်တဲ့အခါ HIVပိုး ရှိမနေဘူး။အဲဒီလူနာက လွန်ခဲ့တဲ့ ၆လအတွင်း ပိုးကူးစက်နိုင်တဲ့ အပြုအမူတွေလုပ်မထားဘူးဆိုရင် ဒီဆရာဝန်က PEP သောက်စရာ မလိုပါဘူး။ မိမိရည်းစားမှာ ဘာရောဂါမှ မရှိဘူး။ သူနဲ့ ကိုယ်ကလည်း သစ္စာရှိနေကြမယ်ဆိုရင် ဆေးသောက်စရာ မလိုပါဘူး။ နောက်တစ်ချက် ထည့်သွင်းစဉ်းစားဖို့လိုတာက ထိတွေ့မိတဲ့လူက HIV ရှိနေမယ်။ ဒါပေမယ့် ARVsဆေးတွေသောက်ပြီး ပိုးကောင်ရေက တိုင်းမရအောင်နည်းနေရင် သူ့ဆီကနေ အကာအကွယ်မဲ့ လိင်ဆက်ဆံခြင်းကနေတောင် ရောဂါ မကူးစက်တော့ဘူး undetectable = untransmitable (U=U)လို့ ကမ္ဘာ့ကျန်းမာရေး အဖွဲ့ကြီးက အတည်ပြုပေးထားပါတယ်။ ဒါကြောင့် ဘယ်သူနဲ့ ထိတွေ့ခဲ့တာလည်းကလည်း PEP သောက်သင့် မသောက်သင့် ဆုံးဖြတ်တဲ့ အချက်ထဲမှာ အဓိကကျနေပါတယ်။ HIV ပိုးကူးစက်ခံရဖို့ အခွင့်အလမ်းများသူတွေကတော့ လိင်အပျော်အပါးလိုက်စားသူတွေ၊လိင်လုပ်သားတွေ၊တစ်ဦးထက်ပိုတဲ့ လိင်တူ/လိင်ကွဲဆက်ဆံတဲ့အမျိုးသားတွေ၊မူးယစ်ဆေးသွေးကြောထဲထိုသွင်းသူတွေ၊ကာလာသားရောဂါဖြစ်ပွားဖူးသူတွေ၊ကာလရှည်စွာ အိမ်မှထွက်ခွာကာ လှည့်လည်လုပ်ငန်းဆောင်ရွက်နေသူတွေပဲ ဖြစ်ပါတယ်။
နောက် PEP ပေးသင့် မပေးသင့် ဆုံးဖြတ်တဲ့ ကိစ္စတွေမှာ ဘယ်အရာနဲ့ ထိတွေခဲ့တာလဲဆိုတာပါဝင်ပါတယ်။ HIV ကူးစက်နိုင်တဲ့ နည်းတွေက

၁။ ရောဂါရှိသူရဲ့ သွေး၊ သွေးနဲ့ထိတွေ့ထားတဲ့ ပစ္စည်းတွေကတဆင့် ကူးစက်ခံရခြင်း
- သွေးသွင်းခြင်း
- ဆေးထိုးအပ် မျှဝေသုံးစွဲခြင်း
- မတော်တဆ အပ်စူးခြင်း

၂။ ရောဂါပိုးရှိသူနဲ့ အကာအကွယ်မဲ့ လိင်ဆက်ဆံခြင်း
- ရောဂါရှိသူ၏ မိန်းမကိုယ်(Vagina) အတွင်းသို့ လိင်တံထိုးသွင်းခြင်း
- ရောဂါရှိသူ၏ လိင်တံကို မိန်းမကိုယ်အတွင်းသို့ ထိုးသွင်းခံခြင်း
- ရောဂါရှိသူ၏ စအို အတွင်းသို့ လိင်ဆက်ဆံခြင်း
- ရောဂါရှိသူ၏ လိင်တံဖြင့် စအိုအတွင်းသို့ ထိုးသွင်းခံခြင်း
- ရောဂါရှိသူ၏ ပါးစပ်ဖြင့် လိင်ဆက်ဆံခြင်း
- ရောဂါရှိသူမှ ပါးစပ်အတွင်းသို့ လိင်ဆက်ဆံခြင်း

၃။ HIV ပိုးရှိသူမိခင်မှ ကလေးသို့ ကူးစက်ခြင်း
(HIV အတွက် ကုသမှု မခံယူထားတဲ့ မိခင်၊
ဆရာဝန်ညွှန်ကြားချက်အတိုင်း မလိုက်နာဘဲ မီးဖွားတဲ့ မိခင်တွေကို အဓိကဆိုလိုပါတယ်)

❣☺ HIV ပိုးဟာ သွေး၊သွေးပါတဲ့ တံတွေး၊
သုက်ရည်၊လိင်အဂါင်္ကနေထွက်တဲ့ အရည်၊မိခင် နို့ရည်၊
၊ ကိုယ်ဝန်သန္ဓေသားကိုဝန်းရံထားသော အရည်များ (Amniotic Fluid)ရေမွှာ၊ ဦးနှောက်၊အာရုံကြောတွင်းရည်တွေ၊၀မ်းဗိုက်အတွင်းအရည်တွေ၊အဆစ်အတွင်းအရည်တွေ၊ နှလုံးနံရံကြားက အရည်တွေနဲ့ အဆုတ်အလွှာကြားက အရည်တွေမှာ တခြားလူကို ကူးစက်နိုင်ဖို့ HIV ပိုး အလုံ အလောက်ပါပါတယ်။ဒီအရည်တွေနဲ့ အသားနုအတွင်းအမြှေးပါ ထိတွေ့မိတဲ့အခါ ဥပမာ
လိင်ဆက်ဆံတာ၊ ကူးစက်နိုင်တဲ့ အထက်ပါအရည်တွေ မျက်စိ၊နှာခေါင်းနဲ့ ပါးစပ် ထဲဝင်တာ၊စင်တာ။ ဒီအရည်တွေကို ဆေးထိုးအပ်ကတစ်ဆင့် ဒါမှမဟုတ် အရည်နဲ့ ထိတွေ့ထားတဲ့ ပစ္စည်းတွေက တစ်ဆင့် အသား၊ သွေးကြောအတွင်း ထိုးသွင်းမိတဲ့ အခါ PEP သောက်ဖို့ လိုပါတယ်။ ထိတွေ့မှုဖြစ်တဲ့အခါ
အရေပြားဆိုရင် ရေ၊ ဆပ်ပြာနှင့်စင်အောင်ဆေးပါ။
အမြှေးပါးဆိုရင် ရေနဲ့စင်အောင်ဆေးပါ။ သွေးတွေ ညှစ်ထုတ်တာမျိုး မလုပ်သင့်ပါဘူး။
HIV❣🍮 ပိုးဟာ မျက်ရည်၊ချွေး၊ ဆီးနဲ့ တံတွေး( သွေးမပါတဲ့) မှာ တခြားလူကို ကူးစက်ဖို့ လုံလောက်တဲ့ ပမာဏ မပါရှိပါဘူး။ ဒါကြောင့် ရောဂါရှိသူရဲ့ ဒီအရည်တွေနဲ့ ထိတွေ့မိရင် PEP သောက်စရာ မလိုပါဘူး။။
PEP သောက်တဲ့အခါ ဆေးမှန်၊အချိန်မှန် နဲ့ ၂၈ ရက်တိတိ သောက်ရပါမယ်။တစ်နေ့ကို ဆေးတစ်ကြိမ်လား နှစ်ကြိမ်လားက ပေးတဲ့ ဆေးအပေါ် မူတည်ပါတယ်။ အများစုကတော့ တစ်ရက်တစ်ကြိမ်ဆေးပါ။ ဆေးရဲ့ ဆိုးကျိုး အနည်းငယ် ရှိပါတယ်။ ဆိုးကျိုးတွေကတဲ့ ပေးတဲ့ ဆေးအပေါ်မူတည်ပြီး ပြောင်းလဲနိုင်ပါတယ်။ ဥပမာ ပျို့အန်တာ။ခေါင်းမူးတာ၊ မျက်လုံးဝါတာ၊ဝမ်းလျှောတာတွေ ဖြစ်တတ်ပါတယ်။ PEP သောက်တဲ့လူဟာ ဆေးမသောက်ခင် HIV မရှိကြောင်း သွေးတစ်ကြိမ် စစ်ရပါမယ်။ ။PEPရဲ့ HIV ကူးစက်နှုန်း ကာကွယ်ပေးနိုင်မှု စွမ်းအားက အန္တရာယ်ရှိတဲ့ ထိတွေ့မှု ဖြစ်ပြီး စောနိုင်သမျှ ဆေးစောသောက်တာ၊ အချိန်မှန်၊ဆေးပမာဏမှန် ၂၈ ရက်သောက်တာပေါ် မူတည်ပါတယ်။ ။အထူးသတိပေးလိုတာက PEP ဆိုတာ အရေးပေါ် အခြေအနေမှာ သုံးတဲ့ဆေးပါ။ ဆေးသောက်ပြီဆိုရင်လည်း ၂၈ရက်တိတိ သောက်ရပါမယ်။

ဆေးကုန်ပြီးယင် သွေးပြန်စစ်လို့ရပါပြီ..

(@@ Page အနေ 2016 ကထဲ က စတင် ဖွင့်ထားခဲ့ ပြီး ညွန်ကြားမူ ပြုလုပ်ပေးသမျှ ထဲ မှာ ကူးစက်မူ ရှိသွားတာ တစ်ဦးမှ မရှိသေးတာ ကြောင့် ဆေးနဲ့ ပါတ်သက်သမျှ သိလိုသမျှ ယုံကြည်စွာ တိုင်ပင်ဆွေးနွေး လို့ .ရပါတယ် 🎗🎗
ကျေးဇူးတင်ပါတယ်) 🎗🎗
❣❣❣❣❣❣❣❣

ကျန်းမာပျော်ရွှင်အေးချမ်းပါစေ 🎗🎗🎗
HHIG
ph # #09441430034
❣❣❣❣❣❣❣❣❣❣❣❣❣

24/01/2026

HIV နှင့် ဦးနှောက်ပြဿနာများ 🏥🕘🕘🕘
✔️ HIV သည် ဦးနှောက်တစ်ခုလုံး ဝင်နိုင် ✔️ Neuroinflammation ဖြစ် ✔️ CD4 ကျလာ → ပိုးဝင်လွယ် ✔️ Opportunistic infections (TB, Cryptococcus, CMV…)
💊 ကုသနည်း (အထွေထွေ)
1. ART သောက်ခြင်း ဖြင့် CD4 တက်ခြင်း

🚨 အရေးကြီးတာက — ဦးနှောက်လက္ခဏာတွေရှိရင် ဆေးရုံသွားရန်
အောက်ကတွေ ANY ONE ရှိရင် အမြန်ဆုံး ဆေးရုံသွားဖို့ လိုအပ်ပါတယ်
🔴 ခေါင်းကိုက်ပြင်း
🔴 အဖျားပြင်း
🔴 စကားမပြောနိုင်
🔴 သွားမလျှောက်နိုင်
🔴 မမှတ်မိ
🔴 အိပ်ပျော်မနိုး/Coma
🔴 ကိုယ်ခန္ဓာတစ်ဖက်မအလုပ်လုပ်ခြင်း
💡 သိထားသင့်တာ
HIV လူနာတွေထဲမှာ ဦးနှောက်ပြဿနာများ 90% သည် CD4 နဲ့ Viral load ထိန်းမထားနိုင်လို့ ဖြစ်ပါတယ်။
သတ်မှတ်ထားတဲ့အတိုင်း ART ပုံမှန် သောက်ဖို့ လိုအပ်ပါတယ် **
# #ကျန်းမာပျော်ရွှင် အေးချမ်းစွာဖြင့် ပုံမှန်နေထိုင်မူ ရရှိပိုင်ဆိုင်ပါစေ **
#
# _09441430034

24/01/2026

HIV ပိုးနဲ့ CD4 *ART ဆက်စပ်ပုံ😍
CD4 ဆိုတာဘာလဲ?
CD4 ဟာ ကိုယ်ခံအားစနစ်ထဲက မရှိမဖြစ်လိုအလုပ်လုပ်ပေးတဲ့
T-helper cells (Immune cells) ကို ခေါ်တဲ့နာမည်ပါ။
➡️ အဓိပ္ပါယ်က—ကိုယ်ခန္ဓာ ဆိုးရွားတဲ့ အနာရောဂါတွေကနေ ကာကွယ်ပေးသူတွေ!
HIV အကျိုးသက်ရောက်မှု
HIV ပိုးက CD4 ကို တိုက်ခိုက်ပြီး
အနည်းအနည်းကနေ နာရီတဲ့အထိ လျော့ကျသွားစေပါတယ်။
📉 CD4 နံပါတ်ကျလာတာက → ကိုယ်ခံအားလျော့ကျ
📈 CD4 မြင်သာမြင့်လာတာ → ကိုယ်ခံအားပြန်ကောင်းလာတယ်
CD4 နံပါတ်နဲ့ အခြေအနေ (အလွန်အရေးကြီး!)
1️⃣ CD4 > 500
✔ ကိုယ်ခံအားကောင်း
✔ HIV ရှိသူတွေအများစုမှာ ARTဆေးသောက်ကောင်းရင် ဒီအဆင့်မှာတက်တယ်
2️⃣ CD4 200 – 500
✔ HIV ပိုးရှိသူအများစု တွေ့ရတတ်
✔ အချို့သော ရောဂါတွေအနည်းငယ် ဖြစ်နိုင်
3️⃣ CD4 < 200
⚠ AIDS diagnosis အထောက်အထားတစ်ခု
⚠ Pneumocystis pneumonia (P*P) လို ကိစ္စကြီးတွေ ဖြစ်နိုင်
➡ ဒီအဆင့်မှာ မဖြစ်မနေ ART ဆေးစနစ်ကျကျ သောက်ရမယ်
HIV ဆေး (ART) သောက်မယ်ဆိုရင် CD4 ပြန်လည်တက်လာနိုင်လား?
—
ART ကို စနစ်ကျသောက်ရင် CD4 တက်ပါတယ်!
ပြီးတော့
➡HIV ဗိုင်းရပ် (Viral load) ကို detect မဖြစ်အောင် လျှော့နိုင်တယ်
➡ ကူးစက်စေတာလည်း 0% ဖြစ်လာတယ် (U=U)
အကြောင်းကိုသိထားသင့်တဲ့ အချက် ၂ ခု
⭐ CD4 က HIV ရောဂါအခြေအနေ အဆင့်ကို ပြောပေးတယ်
⭐ Viral load က HIV ပိုးဘယ်လောက်ရှိသလဲ ဆိုတာ ပြောပေးတယ်
အမြဲယှဥ်တွဲကြည့်ဖို့လိုပါတယ်။⚘️⚘️💕🍁
ကျန်းမာပျော်ရွှင်အေးချမ်းပါစေ 😊
ပုံမှန်နေထိုင်မူ ရရှိပိုင်ဆိုင်ပါစေ 💕
# _09441430034
#

10/01/2026

HIV ကာကွယ်ဆေး PEP နှင့် PreP ❤❤🎗
သောက်တော့မယ်ဆိုရင်
ဘယ်လိုရွေးချယ်မလဲ?🎗
ဘယ်ဆေးတွေသောက်မလဲ?🎗

အိပ်ချ်အိုင်ဗွီပိုးကူးစက်မှုကိုကာကွယ်ဖို့
PreP နဲ့ PEP ဆေးသောက်မယ်ဆိုရင်ရွေးချယ်
စရာဆေးတွဲတွေရှိပါတယ်....🎗🎗

NRTIs, NNRTIs, P*s, INTIs
စတဲ့ အဓိကဆေးအုပ်စုကြီး
(၄)မျိုးထဲမှထိရောက်တဲ့ဆေးအမျိုး
ပေါင်း(၂)မျိုး၊(၃)မျိုး၊(၄)မျိုးတို့အား
အန္တရာယ်အနည်းအများပေါ်မူတည်ပြီး
ပေါင်းစပ်ပေးရတာဖြစ်ပါတယ်....

အသုံးများတဲ့ ဆေးတွဲ (၂)မျိုးရှိပါတယ်၊
ဆေးတွေတစ်မျိုးနဲ့တစ်မျိုးကဘေးထွက်ဆိုးကျိုး
အနည်းငယ်ကွဲပြားပါတယ်....🎗🎗

ဈေးနူန်းလဲကွဲပြားမှုရှိပါတယ်....

အာနိသင်ရတာလဲကွဲပြားနိုင်ပါတယ်....

ဒါပေမယ့် ဘယ်ဆေးကိုပဲရွေးရွေး
အဓိကတွဲစပ်ရမည်ဖြစ်သောဆေးအုပ်စု
ကြီးများမှ ဆေးများပါဝင်တယ်ဆိုရင်
ကာကွယ်မှုရရှိနိုင်မှာဖြစ်ပါတယ်...🎗🎗

ဆေးသောက်နေစဉ်မှာလည်း ပြောင်းလဲမူ
တစ်ခုခုဖြစ်ပေါလာခြင်း.. အကြောင်းအရာ တစ်ချို့အတွက် သိရှိလိုခြင်း များ ရှိလာပါကလည်း
ဆေးရယူထားတဲ့နေရာသို့အကြောင်းကြားရမှာ
ဖြစ်တဲ့အတွက် ဆွေးနွေး တိုင်ပင်ပြီးမှ
သောက်သုံးကြဖို့ အကြံပြုလိုပါတယ် ❤❤..

🎗🎗Prep ကို မသောက်ထားဘဲ ကူးစက်နိူင်တဲ့ အပြုအမူ အဖြစ်အပျက် ရှိတယ် ဆိုယင် PEP ဆေး ကို ကြုိတင် သောက်သုံး ခြင်းဖြင့် HIV မကူးအောင် ကာကွယ် ပါ 🎗🎗
🎗🎗❤❤🎗🎗ကျန်းမာပျော်ရွှင်အေးချမ်းကြပါစေ

Knowledge
Ph 09441430034

08/12/2025

HIV ပိုးနဲ့ CD4 ဆက်စပ်ပုံ 🎗🎗🎗

CD4 ဆိုတာဘာလဲ?

CD4 ဟာ ကိုယ်ခံအားစနစ်ထဲက မရှိမဖြစ် အလုပ်လုပ်ပေးတဲ့T-helper cells (Immune cells) ကို ခေါ်တဲ့နာမည်ပါ။
➡️ အဓိပ္ပါယ်က—ကိုယ်ခန္ဓာ ရောဂါတွေကနေ ကာကွယ်ပေးသူတွေ!ပါ

HIV နှင့် CD4 အကျိုးသက်ရောက်မှု

HIV ပိုးက CD4 ကို တိုက်ခိုက်ပြီး ကိုယ်ခံအား တွေလျော့ကျသွားစေပါတယ်။

📉 CD4 နံပါတ်ကျလာတဲ့အခါ → ကိုယ်ခံအားလျော့ကျ
📈 CD4 မြင့်လာတာ → ကိုယ်ခံအားပြန်ကောင်းလာတာပါ🎗🎗

CD4 နံပါတ်နဲ့ အခြေအနေ (အလွန်အရေးကြီး!)

1️⃣ CD4 > 500

✔ ကိုယ်ခံအားကောင်း
✔ HIV ရှိသူတွေအများစုမှာ ဆေးသောက်ရင် ဒီအဆင့်မှာအတက်မြန်တယ်

2️⃣ CD4 200 – 500

✔ HIV ပိုးရှိသူအများစု ရောဂါမလွန်ခင် တွေ့ရတတ်
✔ အချို့သော ရောဂါတွေအနည်းငယ် ဖြစ်နိုင်

3️⃣ CD4 < 200

⚠ AIDS diagnosis အထောက်အထားတစ်ခု
⚠ Pneumocystis pneumonia (P*P) လို ကိစ္စကြီးတွေ ဖြစ်နိုင်
➡ ဒီအဆင့်မှာ မဖြစ်မနေ ART ဆေးစနစ်ကျကျ သောက်ရမယ်
---

HIV ဆေး (ART) သောက်မယ်ဆိုရင် CD4 ပြန်လည်တက်လာနိုင်လား?
ART ကို စနစ်ကျသောက်ရင် CD4 တက်တက်တက်!
ပြီးတော့
➡HIV ဗိုင်းရပ်(Viral load) ကို detect မဖြစ်အောင် လျှော့နိုင်တယ်
➡ ကူးစက်စေတာလည်း 0% ဖြစ်လာတယ် (U=U)

---
အကြောင်းကိုသိထားသင့်တဲ့ အချက် ၂ ခု

⭐ CD4 က HIV ရောဂါအလည်အလယ်အခြေအနေကို သိရှိစေတယ် .CD4 က ဂဏန်းများယင် ကောင်းလေ ပါ
⭐ Viral load က HIV ပိုးဘယ်လောက်ရှိသလဲ ဆိုတာ သိရှိစေတယ် . Viral Load က ကိန်းဂဏန်းနည်းလေ ကောင်းလေ..ပါ 🎗🎗🎗
ယုံကြည်စိတ်ချစွာဖြင့် ဆွေးနွေးတိုင်ပင်နိူင်ပါတယ်
ကျန်းမာပျော်ရွှင်စွာ ပုံမှန်နေထုိင်မူ ရရှိပိုင်ဆိုင်နိူင်ပါစေ
#
# #09441430034 🎗🎗🎗

07/12/2025

အာဖရိကတွင် တစ်နှစ် ၂ ကြိမ်သာ ထိုးဖို့လိုတဲ့ HIV ကာကွယ်ဆေးများ စတင်ထိုးနှံ 🧑‍🎄🧑‍🎄

**************************************************

တောင်အာဖရိကနိုင်ငံတွင် နှစ်စဉ် နှစ်ကြိမ်သာ ထိုးရသော နောက်ဆုံးပေါ် HIV ကာကွယ်ဆေး Lenacapavir အား စတင်ဖြန့်ချိလိုက်ပြီဖြစ်ကြောင်း The Voice of Pride မှ ဖော်ပြလိုက်ရပါတယ်။

တောင်အာဖရိက နိုင်ငံသည် Lenacapavir ဟုခေါ်သော HIV ကာကွယ်ဆေးအသစ်အား စတင်ဖြန့်ချိလိုက်ပြီဖြစ်သည်။ ဒီဆေးကို တစ်နှစ်လျှင် နှစ်ကြိမ်မျှသာ ထိုးရပြီး “HIV ကင်းစင်သော မျိုးဆက်သစ်များ” အတွက် မျှော်လင့်ချက်
သစ်ကို ပေးစွမ်းလျက်ရှိတော့မှာဖြစ်ပါတယ်။ ကနဦးလေ့လာမှုများအရ ဒီဆေးသည် HIV ကူးစက်နိုင်ခြေကို ၉၉.၉% ကျော်အထိ လျှော့ချပေးနိုင်ကြောင်း တွေ့ရှိရပြီး ယခုအချိန်ထိ တွေ့ရှိထားသည့် အစွမ်းထက်ဆုံး ကာကွယ်ရေးနည်းလမ်းများထဲမှ တစ်ခုဖြစ်လာပါတယ်။

ပရီတိုးရီးယားမြို့အနီးရှိ လေ့လာမှုတွင် ပါဝင်သူများဖြစ်ကြသော အသက် ၃၂ နှစ်အရွယ် Kegoratile Aphane အပါအဝင် လူစုသည် အာဖရိကတိုက်တွင် ပထမဆုံးဆေးထိုးပြီးသော လူများဖြစ်သည်။ ဒီလုပ်ငန်းစဉ်သည် Wits တက္ကသိုလ်နှင့် Unitaid ရဲ့ လေ့လာမှုတစ်ခု၏ အစိတ်အပိုင်းဖြစ်ပြီး လူ ၂,၀၀၀ ကို အနည်းဆုံး တစ်နှစ်ကြာ စောင့်ကြည့်လေ့လာကာ ဆေးအား လက်တွေ့ဘဝအခြေအနေများတွင် မည်သို့အလုပ်လုပ်သည်ကို အကဲဖြတ်သွားမည်ဖြစ်ပါတယ်။

ဒီဆောင်ရွက်မှုဟာ အာဖရိကတိုက်ရဲ့ HIV တိုက်ဖျက်ရေးတွင် အဓိကခြေလှမ်းတစ်ရပ်အဖြစ် အမှတ်အသားပြုလိုက်
နိုင်တော့မှာပါ။

ကျန်းမာပျော်ရွှင်စွာ ပြံမှန်နေထုိင်မူ ရရှိပုိင်ဆုိင်ပါစေ
#
Ph 09441430034……..။

02/12/2025

ကာကွယ်ဆေး လူသားစမ်းသပ်မှုတွင် အောင်မြင်မှုရရှိ

~~~~~~~~~~~~~~~~~~~~~~~~~~~~~~~~

HIV ကာကွယ်ဆေးအသစ်တစ်မျိုးသည် လူသားများတွင် စမ်းသပ်မှုအောင်မြင်သွားပြီး HIV သုတေသန ရဲ့ဆယ်စုနှစ်များအတွင်း အကြီးမားဆုံး တိုးတက်မှုတစ်ရပ် အဖြစ် သတ်မှတ်ခံခဲ့ရသည်။ စမ်းသပ်မှုတွင် ပါဝင်သူများအားလုံးတွင် ကာကွယ်ဆေးက အားကောင်းသော ကိုယ်ခံစွမ်းအား တုံ့ပြန်မှုကို ဖြစ်ပေါ်စေပြီး ဘေးကင်းစိတ်ချရကြောင်း သက်သေပြနိုင်ခဲ့ပါတယ်။

သိပ္ပံပညာရှင်များက ဒီတိုးတက်မှုကြောင့် ပထမဆုံး ထိရောက်သော HIV ကာကွယ်ဆေးထုတ်လုပ်ရန် ကမ္ဘာကြီးကို နီးကပ်စေနိုင်သည်ဟု ဆိုပြီး ကာကွယ်ဆေးအား နောက်ဆုံးအတည်ပြုခြင်း အဆင့်များသို့ ရောက်ရှိလာသည်နှင့်အမျှ ကမ္ဘာလုံးဆိုင်ရာ ကာကွယ်ရေးအားထုတ်မှုများအတွက် မျှော်လင့်ချက်သစ် ယူဆောင်လာနိုင်ကြောင်း ဖော်ပြထားပါတယ်။

ကိုးကား

https://www.facebook.com/share/p/17jnSgpu2a/?mibextid=wwXIfr

#
ကျန်းမာေပျော်ရွှင်စွာ ပုံမှန်နေထိုင်မူ ရရှိ ပိုင်ဆိုင်နိူင့်ပါစေ # #

18/11/2025

World AIDS Day (ကမ္ဘာ့ခုခံအားကျဆင်းမှု ကူးစက်ရောဂါ တိုက်ဖျက်ရေးနေ့)
ရဲ့ စတင်ပေါ်ပေါက်လာပုံ 🌐🌐 နှင့် 2025 ဆောင်ပုဒ် ****

🌐World AIDS Day ဆိုတာ ဘာလဲ🌐

World AIDS Day သည် နှစ်စဉ် ဒီဇင်ဘာလ ၁ ရက်နေ့တွင် ကျရောက်သော အပြည်ပြည်ဆိုင်ရာနေ့တစ်ခုဖြစ်ပြီး HIV ပိုးကူးစက်ခံရသူများအား အောက်မေ့သတိရကာ HIV/AIDS ကူးစက်ပြန့်ပွားမှုအား တိုက်ဖျက်ရန် ကမ္ဘာတစ်ဝှမ်းက လူများစုစည်းညီညွတ်သည့်နေ့ ဖြစ်ပါတယ်။

---

ဖြစ်ပေါ်လာပုံ သမိုင်းကြောင်း

World AIDS Day ကို ပထမဆုံး အကြိမ် ကျင်းပခဲ့တာကတော့ ၁၉၈၈ ခုနှစ်၊ ဒီဇင်ဘာ ၁ ရက်နေ့မှာ ဖြစ်ပါတယ်။

၁။ စတင်ချမှတ်သူများ

· ဤနေ့ကို စတင်ချမှတ်ရန် စဉ်းစားခဲ့သူများမှာ ဂျိမ်းစ် ဘွန်း (James W. Bunn) နှင့် သောမတ်စ် နက်တာ (Thomas Netter) ဆိုသည့် ကမ္ဘာ့ကျန်းမာရေးအဖွဲ့ (WHO) ၏ ပြည်သူ့ဆက်ဆံရေး အရာရှိနှစ်ဦး ဖြစ်ပါတယ်။
· သူတို့သည် ၁၉၈၆ ခုနှစ်တွင် WHO ၏ Global Programme on AIDS ၏ ညွှန်ကြားရေးမှူး ဒေါက်တာ ဂျော်နသန် မန်း (Dr. Jonathan Mann) ထံ သူတို့၏ စိတ်ကူးကို တင်ပြခဲ့ကြပြီး သူက ချက်ချင်း သဘောတူခွင့်ပြုခဲ့သည်။

၂။ ရွေးချယ်ရသည့် အကြောင်းရင်း

· ဒီဇင်ဘာ ၁ ရက်နေ့ ကို ရွေးချယ်ရခြင်း၏ အဓိကရည်ရွယ်ချက်မှာ သတင်းမီဒီယာ၏ အာရုံစူးစိုက်မှု ရရှိရန် ဖြစ်ပါတယ်။
· အမေရိကန်ပြည်ထောင်စု ရွေးကောက်ပွဲ ကာလပြီးဆုံးပြီး ခရစ္စမတ်ပိတ်ရက်များ မစတင်သေးသော ဒီဇင်ဘာလအစပိုင်းသည် သတင်းမီဒီယာများ အတွက် "သတင်းခေါင်းစဉ် လစ်ဟာသော" ကာလ (news void) တစ်ခုဖြစ်နေတတ်သဖြင့်၊ ဤအချိန်တွင် ကျင်းပပါက AIDS အကြောင်းကို ကမ္ဘာအနှံ့ သတင်းများ ပိုမိုဖော်ပြမည်ဟု ယူဆခဲ့ကြခြင်း ဖြစ်ပါတယ်။

၃။ ပထမဆုံး World AIDS Day (၁၉၈၈) ၏ ဆောင်ပုဒ်

· ပထမဆုံးနှစ်၏ ဆောင်ပုဒ်မှာ "A World United Against AIDS" (AIDS ကို ဆန့်ကျင်တိုက်ဖျက်ရန် စည်းလုံးသော ကမ္ဘာ) ဖြစ်ပါတယ်။ ဤဆောင်ပုဒ်သည် ကမ္ဘာလုံးဆိုင်ရာ စည်းလုံးညီညွတ်မှု၏ အရေးပါမှုကို အလေးပေးဖော်ပြခဲ့သည်။

၄။ စည်းမျဉ်းခံ နေ့တစ်နေ့အဖြစ် သတ်မှတ်ခြင်း

· ကနဦးတွင် World AIDS Day ကို WHO နှင့် UNAIDS (ကုလသမဂ္ဂ၏ HIV/AIDS တိုက်ဖျက်ရေးအဖွဲ့) တို့မှ ဦးဆောင်ကျင်းပခဲ့ပါသည်။
· ၁၉၉၆ ခုနှစ်မှစ၍ UNAIDS သည် World AIDS Day ၏ စီမံခန့်ခွဲမှုနှင့် ကမကထပြုမှုတာဝန်ကို လွှဲပြောင်းယူခဲ့ပြီး၊ နှစ်စဉ် ဆောင်ပုဒ်များ သတ်မှတ်ကာ ကမ္ဘာတစ်ဝှမ်း စည်းလုံးညီညွတ်စွာ ဆောင်ရွက်နိုင်ရန် စီစဉ်ပေးခဲ့သည်။

---

World AIDS Day ပြုလုပ်ရခြင်း အဓိက ရည်ရွယ်ချက်များ

၁. အောက်မေ့ခြင်း - AIDS ရောဂါကြောင့် ကွယ်လွန်သွားသူများအား လေးစားအောက်မေ့ခြင်း။
၂.သတိပြုရန် - HIV/AIDS သည် လူ့အသိုင်းအဝိုင်းအတွင်း တည်ရှိနေဆဲဖြစ်ကြောင်း သတိပေးခြင်း။
၃.ပညာပေးခြင်း - HIV ၏ ကူးစက်ပုံ၊ ကာကွယ်နည်းများ၊ ကုသရေးဆိုင်ရာ အချက်အလက်များကို ပညာပေးခြင်း။
၄.အကဲခတ်ခြင်း - HIV/AIDS ဆိုင်ရာ မူဝါဒများ၊ ရန်ပုံငွေများ လုံလောက်မှုရှိမရှိ သုံးသပ်ခြင်း။
၅.ခွဲခြားဆက်ဆံမှု တိုက်ဖျက်ခြင်း - HIV ပိုးရှိသူများအပေါ် ခွဲခြားဆက်ဆံမူ များ ပပျောက်စေရန်။

---

အချုပ်ဆိုရသော်

World AIDS Day သည် ၁၉၈၈ ခုနှစ်တွင် WHO အရာရှိနှစ်ဦး၏ စိတ်ကူးဖြင့် စတင်ခဲ့ပြီး၊ သတင်းမီဒီယာ၏ အာရုံစိုက်မှုကို အများဆုံးရရှိနိုင်မည့် ဒီဇင်ဘာ ၁ ရက်နေ့ကို ရွေးချယ်ကာ စတင်ကျင်းပခဲ့ခြင်း ဖြစ်ပါတယ်။ ယနေ့အချိန်တွင် ဤနေ့သည် HIV/AIDS နှင့် ပတ်သက်သည့် အသိပညာပေးခြင်း၊ လူနာများအား ပံ့ပိုးကူညီခြင်း၊ ခွဲခြားဆက်ဆံမှုကို တိုက်ဖျက်ခြင်းနှင့် ရောဂါကြောင့် ဆုံးရှုံးခဲ့ရသူများအား အောက်မေ့သတိရသည့် ကမ္ဘာလုံးဆိုင်ရာ လှုပ်ရှားမှုကြီးတစ်ခု အဖြစ် ရပ်တည်နေပါပြီ။

🌐World AIDS Day 2025 Theme 🌐

"Overcoming disruption, transforming the AIDS response"
"AIDS ရောဂါတိုက်ဖျက်ဖို့ အခက်အခဲများကို ဖြေရှင်းလို့ အတူပူးပေါင်းဆောင်ရွက်စို့" ။
နောက်လာမယ့် နှစ်မှာ ဆောင်ပုဒ် အတိုင်း အားလုံးပူးပေါင်းပါ၀င် ကူညီပေးကြစွာဖြင့်
ကျန်းမာပျော်ရွှင် အေးချမ်းစွာဖြင့် ပုံမှန် နေထိုင်မူ ရရှိပိုင်ဆိုင်နူိင်ပါစေ ။
#
Phone # #09441430034

29/10/2025

HIV ကာကွယ်ဆေး Update

ကမ္ဘာ့ကျန်းမာရေးအဖွဲ့ (WHO) မှ ဇူလိုင်လ ၁၄ ရက်နေ့တွင် တစ်နှစ်လျှင် နှစ်ကြိမ်ထိုးရသော လီနာကပ်ပါဗီရ် (Lenacapavir) ထိုးဆေးကို HIV ကြိုတင်ကာကွယ်ရေးနည်းလမ်း (PrEP) အဖြစ် အသုံးပြုရန် ထောက်ခံအတည်ပြုလိုက်ပါသည် ။ ဤဆေးသည် နေ့စဉ်ဆေးသောက်ရခြင်း သို့မဟုတ် မကြာခဏ ဆေးထိုးရခြင်းကြောင့် ရင်ဆိုင်ရသော အခက်အခဲများကို ဖြေရှင်းပေးနိုင်သည့် ကြာရှည်စွာ အာနိသင်ပြသော ကာကွယ်ဆေးတစ်မျိုး ဖြစ်လာပါသည် ။

အောက်ပါတို့သည် WHO ၏ နောက်ဆုံးထုတ်ပြန်ချက်များအရ အဓိကအချက်အလက်များဖြစ်ပါသည်။

အချက်အလက် အသေးစိတ်
ဆေးအမည် လီနာကပ်ပါဗီရ် (Lenacapavir - LEN)
အတည်ပြုချက် WHO မှ ဇူလိုင် ၁၄၊ ၂၀၂၅ တွင် ထောက်ခံခဲ့သည်
ထိုးနှံမှုအကြိမ် တစ်နှစ်လျှင် နှစ်ကြိမ်
ရည်ရွယ်ချက် HIV ကူးစက်ခံရနိုင်ခြေရှိသူများအတွက် ကြိုတင်ကာကွယ်ရေး (PrEP)
အားသာချက် နေ့စဉ်ဆေးသောက်ရန် မလိုအပ်ဘဲ၊ ကြာရှည်စွာ အာနိသင်ရှိခြင်း၊ ဆေးသောက်ရန် မေ့တတ်သူများ သို့မဟုတ် ကျန်းမာရေးဝန်ဆောင်မှု ရရှိရန် အခက်အခဲရှိသူများအတွက် သင့်တော်ခြင်း
ထိရောက်မှု ဆေးစမ်းသပ်မှုများအရ HIV ကူးစက်မှုအန္တရာယ်ကို အလွန်ထိရောက်စွာ လျှော့ချပေးနိုင်ကြောင်း တွေ့ရှိရသည်

🔬 ဆေးနှင့်ပတ်သက်သည့် အခြားအချက်များ

· ဆေးအာနိသင် : WHO ၊ ညွှန်ကြားရေးမှူးချုပ် ဒေါက်တာ တက်ဒရို့စ်က "လီနာကပ်ပါဗီရ်သည် HIV ကာကွယ်ဆေး မပေါ်သေးသော်လည်း ယင်းနှင့် အနီးစပ်ဆုံးသော ဆေးဝါးတစ်ခုဖြစ်သည်" ဟု ပြောကြားခဲ့သည် ။
· စမ်းသပ်မှုရလဒ်များ : PURPOSE 1 နှင့် PURPOSE 2 ဟုခေါ်သော ဆေးစမ်းသပ်မှုများတွင် လူမျိုးစုံ၊ နေရာဒေသစုံ၌ ဆေး၏ ဘေးကင်းမှုနှင့် ထိရောက်မှုကို အတည်ပြုနိုင်ခဲ့သည် ။
· အမေရိကန် FDA မှ အတည်ပြုခြင်း : လီနာကပ်ပါဗီရ်သည် အမေရိကန်နိုင်ငံတွင် 'Yeztugo' အမည်ဖြင့် FDA ၏ အတည်ပြုချက်ကို ဇွန်လ ၂၀၂၅ ကတည်းက ရရှိခဲ့ပြီးဖြစ်သည် ။

💡 သိထားသင့်သည့် အခြားအကြောင်းအရာများ

WHO သည် လီနာကပ်ပါဗီရ်အပြင် HIV ကာကွယ်ရေးအတွက် နေ့စဉ်သောက်ရသော ဆေးပြား၊ လစဉ်ထိုးရသော Cabotegravir (CAB-LA) ထိုးဆေးနှင့် ဒါပီဗီရင်းယောနိ ကွင်းစသည့် ကာကွယ်ရေးနည်းလမ်းများစွာကိုလည်း ထောက်ခံထားသည် ။ လီနာကပ်ပါဗီရ်သည် ဤနည်းလမ်းများထဲမှ ရွေးချယ်စရာ တစ်ခုအသစ်သာ ဖြစ်ပါသည်။

ဆေးသည် လက်ရှိတွင် ဆေးစမ်းသပ်မှုများအပြင်ဘက်သို့ ကန့်သတ်ထားသေးသော်လည်း WHO သည် နိုင်ငံတကာ HIV ကာကွယ်ရေးအစီအစဉ်များတွင် ဤဆေးကို အမြန်ဆုံး စတင်မိတ်ဆက်ပေးရန် တိုက်တွန်းထားပါသည် ။

ဤဆေးနှင့်ပတ်သက်သည့် WHO ၏ မူဝါဒအပြည့်အစုံကို အောက်ပါလင့်ခ်တွင် ဝင်ရောက်ဖတ်ရှုနိုင်ပါသည်။

· WHO recommends injectable lenacapavir for HIV prevention

အထက်ပါအချက်အလက်များသည် WHO ၏ လတ်တလော ထုတ်ပြန်ချက်များအပေါ် အခြေခံထားခြင်းဖြစ်သည်။ ဆေးနှင့်ပတ်သက်၍ ပိုမိုသိရှိလိုပါက Page ၏ Cb နှင့် သင့်နေထိုင်ရာဒေသရှိ အသေးစိတ်အချက်အလက်များ ဆက်လက်စုံစမ်းနိုင်ပါသည်။
🎗ကျန်းမာပျော်ရွှင်စွာဖြင့်🎗 ပုံမှန် နေထိုင်မူ ရရှိ ပိုင်ဆိုင်ပါစေ 😍🎗🎗🎗
#
# - 09441430034

27/10/2025

HIV ပိုးရှိသူ PLHIV များမှာ TB ရောဂါ ဟာ များသောအားဖြင့် ကူးစက်လွယ် ရောဂါ ဖြစ်လွယ်တတ်ကြပါတယ်
အခုပြတဲ့ application ထဲ မှာ သံသယဖြစ်ဖွယ် ရောဂါလခဏာ တစ်စုံတစ်ရာ ဖြစ်ပေါလာပါက မိမိကိုယ်တိုင် ဝင်ရောက်ကြည့်ရူ့ လေ့လညဆန်းစစ်လို့ရပါတယ်
ကျန်းမာပျော်ရွှင်အေးချမ်းပါစေ

📱 TB CHECK APPLICATION
📤 Release Date - 25.10.2025
💻 Developed by W H O : PHS II

▶️ဒီ Application လေးထဲမှာ ဘာတွေပါမလဲ ?

(၁) တီဘီရောဂါဆိုတာဘာလဲ ?
ကလေး တီဘီ ရောဂါ ၊
ဆေးယဥ်ပါး တီဘီရောဂါ ၊
ဆေးမကုသလျှင် ဘာတွေဖြစ်နိုင်မလဲ ?
တီဘီ သံသယလက္ခဏာများ ၊

(၂) တီဘီ သံသယလက္ခဏာများ အားရွေးချယ်
စစ်ဆေးခြင်း တို့ဖြစ်ပါတယ် ။

တီဘီရောဂါ နှင့် ပတ်သတ်သမျှ အကြောင်းအရာလေးများ ကို အလွယ်တကူ ဖတ်ရှုနိုင်ဖို့ Application ဖြင့် ရေးသား ထုတ်ဝေလိုက်ပါတယ် ခင်ဗျာ။

#တီဘီရောဂါသည်လေထဲမှကူးစက်သောရောဂါဖြစ်သည့်အတွက်သံသယလက္ခဏာများခံစားနေရပါကစောစီးစွာကုသမှုခံယူပါ။

👉လိုအပ်သူများအတွက် အောက်က လင့်များမှ
Download ရယူနိုင်ပါတယ် ခင်ဗျာ။

💥IOS တွက်က မကြာခင် လင့်လေး ချပေးပ့မယ်
ခင်ဗျာ။

📥Android Download Link . . . 👇

https://drive.google.com/file/d/15D9HEc0QA6zq6yIcoq_sW480kXuhbnf0/view?usp=drivesdk

---------------------

📥PC Download Link . . .👇

https://drive.google.com/file/d/15OQCbG-7qBeb_FuKCGTakC-Dx7XP5D7z/view?usp=drivesdk

---------------------

IOS Download Link . . . 👇

09/09/2025

HIV ကို အမြစ်ပြတ် ကုသနိုင်ပြီ
====================

HIV ဆိုတာ ဆယ်စုနှစ်တွေနဲ့ချီပြီး လူသားတွေအတွက် ဖြေရှင်းလို့မရသေးတဲ့ ကျန်းမာရေးပုစ္ဆာတစ်ခု ဖြစ်ခဲ့ပါတယ်။ လက်ရှိသုံးနေတဲ့ဆေးတွေက ဗိုင်းရပ်စ်ပိုးကို ထိန်းချုပ်ထားနိုင်ရုံသက်သက်ပါပဲ။ ပိုးကို အမြစ်ပြတ်မရှင်းထုတ်နိုင်ဘဲ လူနာရဲ့ DNA ထဲမှာ ရန်သူတစ်ယောက်လို တစ်သက်လုံး ပုန်းအောင်းနေတာပါ။ ဒါပေမဲ့ အခုတော့ အဲဒီရန်သူကို သူ့ရဲ့ ပုန်းခိုကျင်းထဲကနေ ဆွဲထုတ်ပြီး အပြီးတိုင်ရှင်းပစ်နိုင်မယ့် မျှော်လင့်ချက်ရောင်ခြည်တစ်ခု ထွက်ပေါ်လာခဲ့ပါပြီ။

Temple တက္ကသိုလ်က သိပ္ပံပညာရှင်တွေဟာ မယုံနိုင်စရာကောင်းတဲ့ အောင်မြင်မှုတစ်ခုကို ပြသခဲ့ပါတယ်။ သူတို့ဟာ "CRISPR" လို့ခေါ်တဲ့ မျိုးဗီဇပြုပြင်ရေးနည်းပညာကို အသုံးပြုခဲ့ကြပါတယ်။ ဒီနည်းပညာကို အလွယ်ပြောရရင်တော့ မော်လီကျူးအဆင့်မှာသုံးတဲ့ အင်မတန်တိကျတဲ့ "မျိုးဗီဇကတ်ကြေး" တစ်လက်ပါပဲ။ သိပ္ပံပညာရှင်တွေက အဲဒီကတ်ကြေးကိုသုံးပြီး လူ့ကိုယ်ခံအားဆဲလ် (T-cell) တွေရဲ့ DNA ထဲမှာ ပုန်းအောင်းနေတဲ့ HIV ဗိုင်းရပ်စ်ရဲ့ DNA ကုဒ်တွေကို တစ်စစီ ညှပ်ထုတ်ပြီး အမှိုက်ပုံးထဲ လွှင့်ပစ်လိုက်သလို ဖယ်ရှားပစ်နိုင်ခဲ့ပါတယ်။

ဒါတင်ဘယ်ကမလဲ။ ဒီနည်းပညာရဲ့ အံ့ဩစရာအကောင်းဆုံးအပိုင်းက အခုမှလာမှာပါ။ ဗိုင်းရပ်စ်ကို ရှင်းထုတ်လိုက်ရုံ သာမကဘဲ၊ အဲဒီဆဲလ်ရဲ့ မျိုးဗီဇကိုပါ နည်းနည်းပြောင်းလဲပစ်လိုက်တဲ့အတွက် ဆဲလ်က HIV ပိုးကို မှတ်မိသွားပြီး အနာဂတ်မှာ HIV ပိုးတွေ ပြန်ဝင်လာရင်တောင် တံခါးပိတ်ပြီး အဝင်မခံတော့ပါဘူး။ ပြောရရင်တော့ ဆဲလ်တွေကို အတွင်းကနေ ကာကွယ်ဆေးထိုးပေးလိုက်သလိုပါပဲ။

ဒီတွေ့ရှိချက်ဟာ HIV ရောဂါကုသရေးသမိုင်းမှာ အလှည့်အပြောင်းတစ်ခု ဖြစ်လာနိုင်ပါတယ်။ လက်ရှိဆေးတွေလို ရောဂါလက္ခဏာကို ဖိနှိပ်ထားရုံမဟုတ်ဘဲ၊ ရောဂါရဲ့ အရင်းအမြစ်ဖြစ်တဲ့ ဗိုင်းရပ်စ် DNA ကိုယ်တိုင်ကိုပစ်မှတ်ထား တိုက်ခိုက်တာဖြစ်လို့ ရေရှည်မှာ အမြစ်ပြတ်ပျောက်ကင်းနိုင်ခြေရှိတဲ့ ကုထုံးတစ်ခုဖြစ်လာပါတယ်။

Ref : Fossbytes

HIV Knowledge and ရွင္သန္ျခင္း

22/04/2026

24/03/2026

24/01/2026

24/01/2026

10/01/2026

08/12/2025

07/12/2025

02/12/2025

18/11/2025

29/10/2025

27/10/2025

09/09/2025

Address

Telephone

Website

Alerts

Shortcuts

Share

Category