22/02/2026
#ဒီရက်ပိုင်းအဘိုးက_ပုံမှန်မဟုတ်ဘူး
#စကားပြောတာတွေလည်း_ပေါက်ကရ_ဆဲကလည်းဆဲနေသေးတယ်
#အဲ့လိုမဟုတ်လည်း_အရမ်းပဲအိပ်နေတော့တာပဲ
ဒီအသုံးအနှုန်းက ကျွန်တော်တို့နဲ့ တော်တော်စိမ်းပါတယ်။ ဒါပေမယ့် အရေးကြီးလှပါတယ်၊ သတိမထားမိပဲ အဘိုးတွေ၊အဘွားတွေကို ဆုံးရှုံးရတတ်လို့ပါ
လူကြီးတွေ စကား ကယောင်ကတမ်းပြောတယ်၊ သတိမေ့မေ့လာတယ်၊ နေ့အိပ်ပြီး ညဆိုအိပ်မပျော်ပဲလျှောက်လျှောက်လုပ်နေတတ်တယ်၊ ဒါမှမဟုတ်အိပ်ပဲအိပ်နေတယ် ဆိုရင်
အလွယ်တကူပဲ ကိုယ့်ဟာကိုယ် 👉 (Alzheimer's disease အယ်ဇိုင်းမား, Dementia အတိတ်မေ့ရောဂါ/သူငယ်ပြန်တယ် ဆိုပြီး သတ်မှတ်လိုက်ကြပါတယ်)
#အလွယ်မှတ်လို့ရအောင်ရှင်းပြရရင်
အတိတ်မေ့ရောဂါ/သူငယ်ပြန်တယ် ဆိုတာက လနဲ့ချီ နှစ်နဲ့ချီပြီးမှ တဖြည်းဖြည်း မှတ်ဉာဏ်လျော့လာတာပါ။
ရက်ပိုင်း (သို့မဟုတ်) တစ်ပတ်နှစ်ပတ်အတွင်းမှာ
- မှတ်ဉာဏ်ရုတ်တရက်ကျဆင်းသွားတယ်
- ကယောင်ကတမ်းတွေပြောတယ်/ကြားတယ်/မြင်တယ်
- နေ့အိပ်ပြီး ညလျှောက်လျှောက်လုပ်တယ် ဆိုရင်
အဲ့ဒါဟာ Alzheimer မဟုတ်ပါဘူး။
ကုသလို့ရတဲ့ အကြောင်းရင်းတစ်ခုခုကြောင့် ဦးနှောက်ရဲ့ လုပ်ငန်းဆောင်တာတွေ ရုတ်တရက်ကျဆင်းသွားတာပါ (Delirium လို့ခေါ်ပါတယ်)
မကုသပဲထားလိုက်ရင် တချို့အကြောင်းရင်းတွေဟာ အသက်ဆုံးရှုံးရတဲ့အထိဖြစ်တတ်ပါတယ်
Delirium ကို
1. Hyperactive ပုံမှန်ထက်ထကြွသောင်းကြမ်းနေတာ
2. Hypoactive ငြိမ်သွားတာ ၊ မှိန်းသွားတာ
3. Mixed အရော
ဆိုပြီး (၃) မျိုးရှိပါတယ်
အဲ့ဒီထဲက မှ ကျွန်တော်စိတ်ပူတဲ့ Hypoactive မှိန်းသွားတယ် ဆိုတဲ့အကြောင်း ထပ်ရှင်းပြပါမယ်
လူကြီးတွေ မှိန်းသွားရတဲ့အကြောင်းတွေထဲက အများစုဟာ
1. Hypoglycemia (သွေးတွင်းဆီးချိုပမာဏ အလွန်ကျခြင်း)
သောက်နေကျ ဆေးတွေတော့ အချိန်မှန်ပုံမှန်တိုက်ပေမယ့် ထမင်း(အာဟာရ) ကို မစားတဲ့အခါ ၊ စိတ်ရှည်လက်ရှည်နဲ့ ဝင်အောင်မကျွေးမိတဲ့အခါ၊ မစားချင်တော့ဘူးလို့ငြင်းတဲ့အခါ မကျွေးဖြစ်တော့ရင် ဖြစ်တတ်ပါတယ်။
အသက်အန္တရာယ်ရှိပါတယ် (အိပ်ပျော်နေတယ်လို့ထင်ကြပေမယ့်၊ သတိလစ်သွားပြီး အသက်ပါဆုံးပါးသွားတတ်ပါတယ်)
( အရပ်ထဲမှာ ကြားနေကျစကားတွေ 👉 အဘိုးက တရားရှိတယ် သူတော်ကောင်းကြီး ညဘက်အိပ်ရာဝင်သွားတာ မနက်ကျတော့ မထလာလို့သွားကြည့်တော့ ဆုံးနေပြီ ဘာမှမခံစားသွားရဘူး )
ဆီးချိုဆေးတွေ သောက်နေရသောလူကြီးများ ပုံမှန်ထက်ပိုအိပ်/မှိန်းနေရင်၊ ချွေးစေးတွေပျံနေရင်၊ ဂဏာမငြိမ်ဖြစ်နေရင်
👉 #ဆီးချိုအမြန်ဖောက်ကြပါ။
2. Metabolic & Electrolytes imbalance
အသည်းအားနည်းသောလူနာများ အသည်းဆိပ်တက်လွန်းလျှင် မှိန်းသွားတတ်ပါတယ်
(အသည်းခြောက်၊အသည်းရောင်၊အသည်းကင်ဆာ ဝေဒနာရှင်များ သတိထားကြပါ)
ဝမ်းမချုပ်ပါစေနှင့်
ကျောက်ကပ်အားနည်းသောလူနာများ ဆီးဆိပ်တက်လျှင်လည်း မှိန်းသွားတတ်ပါတယ် (Urea)
(ဆရာဝန်နှင့် ရက်ချိန်းမှန်မှန်ပြပြီး သွေးမှန်မှန်စစ်ဆေးပါ)
နှလုံးအားနည်းခြင်း၊ကျောက်ကပ်အားနည်းခြင်းကြောင့် ဆီးဆေး Diuretics ပုံမှန်သောက်သုံးနေရသော လူနာများ ဓာတ်ဆားဓာတ်မညီမျှမှုက မှိန်းသွားတတ်ပါတယ် (Sodium)
(ဆရာဝန်နှင့် ရက်ချိန်းမှန်မှန်ပြပြီး သွေးမှန်မှန်စစ်ဆေးပါ)
ကင်ဆာလူနာများ ဆီးအရမ်းသွားခြင်း၊ဝမ်းအရမ်းချုပ်ခြင်းဖြစ်က Calcium ဓာတ်များနေနိုင်ပြီး များလွန်းလျှင် မှိန်းသွားတတ်ပါတယ်
(ဆရာဝန်နှင့် ရက်ချိန်းမှန်မှန်ပြပြီး သွေးမှန်မှန်စစ်ဆေးပါ)
**Covid ကြောက်ပြီး Vitamin D + Calcium high Dose သောက်နေသူများ/တိုက်နေသူများလည်း သတိထားကြပါ
3. Smoker Lung Disease/ COPD (အဆုတ်ပွရောဂါ)
အဆုတ်ပွရောဂါရှိပြီး Oxygen ရှုနေကြသူများ ၊ SpO2 တိုင်းပြီး Oxygen ကျတာနဲ့ Oxygen ပမာဏများစွာတင်ပြီး ရှူနေကြပါက သွေးတွင်း Carbon Dioxide များလာပြီး မှိန်းသွားပါလိမ့်မယ်
Oxygen ရှူနေရသော အဆုတ်ပွရောဂါရှင်များ မှိန်းသွားပါက ဆရာဝန်ချက်ချင်းပြသပါ (သွေးတွင်း Carbon Dioxide ပမာဏ စစ်ဆေးရန်လိုအပ်ပါသည်)
4. ရောဂါပိုးဝင်ခြင်း
သက်ကြီးရွယ်အိုများဟာ ကိုယ်ခံအား လူငယ်တွေလောက်မကောင်းတော့ သဖြင့် ရောဂါပိုးများဝင်ရောက်ပါက ခန္ဓာကိုယ်မှ မတိုက်ထုတ်နိုင်သောကြောင့် ကိုယ်အပူချိန်တက်ခဲ သော်လည်း ရောဂါပိုးအရှိန်ကြောင့် မှိန်းသွားကြပါတယ်။
ချောင်းလေးတစ်ချက်၊နှစ်ချက်လောက်ဆိုးပြီး မှိန်းသွားလျှင် => အဆုတ်ပိုးဝင်ခြင်းဖြစ်နိုင်ပါတယ်
ဆီးအောင့်တယ်ပြောပြီး မှိန်းသွားလျှင် => ဆီးလမ်းကြောင်းပိုးဝင်ခြင်းဖြစ်နိုင်ပါတယ်
ကုတ်လို့ဖြစ်တဲ့ အရေပြားကအနာတွေ ပိုးဝင်ခြင်းဖြစ်နိုင်သလို (အိပ်ယာနာတွေကလည်း ပိုးဝင်နိုင်ပါတယ်)
ထိုသို့ဖြစ်ပါက ပိုးသတ်ဆေး အချိန်မှီပေးရန်လိုအပ်သောကြောင့် ဆေးရုံအမြန်ပြသရန်လိုအပ်ပါတယ်
5. Drugs
ဆေးကိုမိမိတို့ကိုယ်တိုင်သောက်နေသော လူကြီးများတွင် စိတ်ငြိမ်ဆေး၊ အိပ်ဆေးများပါ ပါက (မေ့လျော့ပြီး) အကြိမ်ကြိမ်သောက်မိသောကြောင့်လည်း မှိန်းသွားတတ်ပါတယ်
6. Sub-dual Haemorrhage
ခေါင်းစောင့်မိရုံ၊ ချော်လဲရုံ၊ ကုတင်ပေါ်က ပြုတ်ကျရုံနဲ့ ဦးနှောက်တွင်းသွေးခဲတတ်ပါတယ်
ဒီလောက်ဆိုရင် အနည်းငယ်ကာမိပါပြီ။
နိဂုံးချုပ်ရရင်
အဘိုး အဘွားများ ပုံမှန်မဟုတ်ပဲ အိပ်တာများနေလျှင်၊ ကယောင်ကတမ်းပြောလျှင်၊ အိပ်ချိန်မမှန်တော့လျှင် ၊ ရက်ပိုင်းအတွင်းမှတ်ဉာဏ်ရုတ်တရက် ကျဆင်းသွားလျှင်
👉 ဆီးချိုအမြန်ဖောက်ပါ ( ဆီးချိုကျနေလျှင် အချိုရည်တိုက်ပါ၊မုန့်ကျွေးပါ 😰 သတိမရတော့လျှင် နီးစပ်ရာဆေးခန်း/ဆေးရုံ **အမြန်ဆုံးပြေးပါ => Glucose ထိုးရန်)
👉 ဆီးချိုပုံမှန်ဖြစ်လျှင် ပြနေကျဆရာဝန်နှင့် အမြန်ဆုံးပြန်ပြပါ
(Photo credit; hellocare)
ကျန်းမာရေးဗဟုသုတ တိုးပြီး
သက်ရှည်ကျန်းမာ စိတ်ချမ်းသာကြပါစေ
ဆေးကုသခြင်း ကျန်းမာရေးစစ်ဆေးခြင်း စတဲ့ ကျန်းမာရေးစောင့်ရှောက်ခြင်းတွေအတွက် သွားလာရလွယ်ကူတဲ့ မြို့လယ်ခေါင်မှာရှိတဲ့ စျေးနှုန်းသင့်တင့်တဲ့ မေခလာအထူးကုဆေးခန်းမှာ အထွေထွေရောဂါအထူးကုဆရာဝန်ကြီးများနှင့် ပြသလို့ရပါတယ်
#မေခလာအထူးကုဆေးခန်း
ကြိုတင်ရက်ချိန်းယူရန်နှင့် စုံစမ်းရန် ➡️
☎️ 018375222, 018387721, 09886600300
📮 အမှတ် ၃၂၇၊ရွှေဘုံသာလမ်း(အပေါ်ဘလောက်)၊ပန်းပဲတန်းမြို့နယ်၊ရန်ကုန်မြို့။
