လမ်းပြကြယ် Guiding Star

16/09/2025

လမ်းပြကြယ်တို့ရေ... မင်္ဂလာပါ။
ဒီတစ်ပတ်မှာတော့ လူတိုင်းပါဝင်နိုင်တဲ့ လူ့အဖွဲ့အစည်းတစ်ခု တည်ဆောက်ဖို့ အရေးကြီးတဲ့ "Accessibility" ( လက်လှမ်းမီနိုင်မှု) အကြောင်းလေး မျှဝေပေးချင်ပါတယ်။ ❤️
"မသန်စွမ်းမှု" ဆိုတာ လူတစ်ယောက်ရဲ့ ချို့ယွင်းအားနည်းချက်တစ်ခုတည်းကြောင့် ဖြစ်လာတာမဟုတ်ပါဘူး။ ပတ်ဝန်းကျင်နဲ့ လူ့အဖွဲ့အစည်းရဲ့ အတားအဆီးတွေကြောင့် မသန်စွမ်းသူတွေဟာ အများနည်းတူ ပါဝင်လှုပ်ရှားဖို့ အခက်အခဲများကြုံနေရတာဖြစ်ပါတယ်။
ဒါကြောင့် အားလုံးအတွက် သာတူညီမျှပြီး လွယ်ကူအဆင်ပြေတဲ့ ပတ်ဝန်းကျင်တစ်ခုဖြစ်ဖို့ဆိုရင် ပတ်ဝန်းကျင်က သတ်မှတ်ထားတဲ့ အတားအဆီးတွေကို ဖယ်ရှားပစ်ဖို့ လိုအပ်ပါတယ်။
အတားအဆီးတွေကို ဖယ်ရှားပြီး လက်လှမ်းမီနိုင်မှုကို အတူတကွဖန်တီးကြရအောင်
🏢 ၁။ ရုပ်ပိုင်းဆိုင်ရာ အတားအဆီးများ - အများသုံးအဆောက်အဦးတွေ၊ ပန်းခြံတွေ၊ လမ်းတွေမှာ မသန်စွမ်းသူများအတွက် လက်ရန်းနဲ့ လျှောစောက်တွေ ၊ အမြင်အာရုံမသန်စွမ်းသူများအတွက် အသံပါအချက်ပြမီးတွေနဲ့ ဖောင်းကြွလမ်းလျှောက်ပြားတွေ ထည့်သွင်းတည်ဆောက်ပေးဖို့ လိုအပ်ခြင်း။
💻 ၂။ ပြောဆိုဆက်သွယ်မှု အတားအဆီးများ - Online ပေါ်က ဗီဒီယိုတွေမှာ စာတန်းထိုး ထည့်ပေးတာ၊ လက်သင်္ကေတပြ ဘာသာပြန်သူတွေ ထည့်သွင်းပေးတာ၊ Website တွေကို Screen Reader တွေနဲ့ အသုံးပြုလို့ လွယ်ကူအောင် ၊ ဉာဏ်ရည်မသန်စွမ်းသူတွေပါ နားလည်လွယ်အောင် ရိုးရှင်းတဲ့ စာကြောင်းတိုများ၊ ရုပ်ပုံများ ဖန်တီးပေးတာမျိုး တွေက သတင်းအချက်အလက်တွေ အလွယ်တကူရရှိစေပါတယ်။
❤️ ၃။ စိတ်သဘောထားဆိုင်ရာ အတားအဆီးများ - မသန်စွမ်းသူတွေရဲ့ စွမ်းဆောင်နိုင်စွမ်းကို အသိအမှတ်ပြုပြီး အလုပ်အကိုင်နဲ့ ပညာရေးမှာ တန်းတူအခွင့်အရေးပေးခြင်း ၊ သနားကရုဏာသက်တဲ့အမြင်အစား လေးစားမှုနဲ့ ဆက်ဆံခြင်းတွေက မသန်စွမ်းသူတွေရဲ့ ယုံကြည်မှုကို မြှင့်တင်ပေးပြီး လူ့အဖွဲ့အစည်းမှာ တက်ကြွစွာ ပါဝင်လာစေပါတယ်။
📜 ၄။ မူဝါဒပိုင်းဆိုင်ရာ အတားအဆီးများ - ဌာနပိုင်းဆိုင်ရာ၊ အဖွဲ့အစည်းတွေ၊ ကျောင်းများ၊ ကုမ္ပဏီများက မူဝါဒ၊ စည်းမျဉ်းစည်းကမ်းတွေမှာ လုပ်ငန်းသဘောအရ ကန့်သတ်ထားခြင်းမျိုး မဟုတ်ဘဲ သတ်မှတ်ထားတဲ့ အတားအဆီးတွေ ကို ဖယ်ရှားရမှာဖြစ်ပါတယ်။ ဥပမာအနေနဲ့ ပြောရရင် အလုပ်ခေါ်စာတွေမှာ "ကိုယ်လက်အင်္ဂါပြည့်စုံသူဖြစ်ရမည်" ဆိုတဲ့ မလိုအပ်တဲ့ ကန့်သတ်ချက်တွေအစား လုပ်ငန်းခွင်နဲ့ ကိုက်ညီတဲ့ အရည်အချင်းကိုသာ အဓိကထားတဲ့ မူဝါဒတွေ ချမှတ်ကျင့်သုံးခြင်း။
ဒါတွေအပြင် ဝှီးချဲ၊ မျက်မမြင်တုတ်ကောက်၊ နားကြားကိရိယာ တို့လို အထောက်အကူပြုပစ္စည်းတွေကို လွယ်လွယ်ကူကူ ရရှိနိုင်အောင် ကူညီပေးခြင်းကလည်း မရှိမဖြစ်လိုအပ်ပါတယ်။
မသန်စွမ်းသူတိုင်းကို 'မသန်စွမ်းမှု' ခံစားနေရတယ်လို့ ပုံသေမသတ်မှတ်သင့်ပါဘူး ။ ဘာကြောင့်လဲဆိုတော့ တန်းတူအခွင့်အရေးများ ရရှိအောင် ဖန်တီးထားတဲ့ အတားအဆီးကင်းတဲ့ ပတ်ဝန်းကျင်မျိုး ရှိနေမယ်ဆိုရင် မသန်စွမ်းသူတွေလည်း အခြားသူများနည်းတူ လုပ်ဆောင်နိုင်ကြတာဖြစ်ပါတယ်။
Accessibility (အားလုံးလက်လှမ်းမီနိုင်မှု) ဆိုတာ မသန်စွမ်းသူတွေအတွက် "အထူးအခွင့်အရေး" ပေးတာမဟုတ်ဘဲ လူသားတိုင်းအတွက် "တန်းတူအခွင့်အရေး" ကို ဖန်တီးပေးတာဖြစ်ပြီး ဒါဟာ လူ့အဖွဲ့အစည်းအားလုံးရဲ့ တာဝန်ဖြစ်ပါတယ်။
💪 အတားအဆီးတွေကို ဖယ်ရှားပြီး အားလုံးအတွက် လက်လှမ်းမီလွယ်ကူတဲ့ ပတ်ဝန်းကျင်တစ်ခုကို အတူတူဖန်တီးကြပါစို့။ 💪
ကျွန်တော်တို့ တင်ဆက်ပေးမယ့် အကြောင်းအရာတွေကို လက်မလွတ်ရအောင် လမ်းပြကြယ် (Guiding Star) Page အပြင် The Leprosy Mission Myanmar Page မှာလည်း တင်ဆက်ပေးသွားမှာဖြစ်လို့ ကျွန်တော်တို့ရဲ့ ပေ့ချ်တွေကို Like & Follow လုပ်ထားဖို့ မမေ့နဲ့နော်။
#အားလုံးလက်လှမ်းမီနိုင်မှု #မသန်စွမ်းမှုအသိပညာ #လူတိုင်းအကျုံးဝင်မှု #

14/09/2025

သင်သိပါသလား? လူဦးရေရဲ့ ၉၉% ကျော်မှာ အနာကြီးရောဂါကို သဘာဝအတိုင်း ခံနိုင်ရည်ရှိကြပါတယ်။ ရောဂါကူးစက်ခံရတဲ့ သူတွေအတွက်လည်း ကုသနိုင်တဲ့နည်းလမ်းရှိပါပြီ။

တကယ်တမ်းတိုက်ဖျက်ရမယ့် ရောဂါဟာ ဘက်တီးရီးယားပိုး မဟုတ်ပါဘူး။ ရောဂါနဲ့ပတ်သက်တဲ့ အထင်အမြင်လွဲမှားမှုတွေ (Stigma) ပဲဖြစ်ပါတယ်။ အဲဒီအထင်အမြင်လွဲမှားမှုတွေကြောင့် အထီးကျန်ရခြင်း၊ ကုသမှုနောက်ကျခြင်းနှင့် နက်ရှိုင်းတဲ့ စိတ်ဒဏ်ရာတွေ ဖြစ်ပေါ်စေပါတယ်။

ဒီအနာကြီးရောဂါ ဥပုသ်နေ့မှာ ကျွန်ုပ်တို့နဲ့အတူ ရပ်တည်ပါ။ ဂုဏ်သိက္ခာရှိသောဘဝအတွက် ရပ်တည်ပါ။ သိပ္ပံနည်းကျ အသိပညာကို မျှဝေပါ။ ကြောက်ရွံ့မှုကို အဆုံးသတ်ပြီး ကရုဏာတရားနှင့် ပြည့်ဝသော လူ့အသိုင်းအဝိုင်းတစ်ခုကို အတူတူတည်ဆောက်ကြရအောင်။

နောက်ထပ်သတင်းအချက်အလက်များ သိရှိလိုပါက Play Store မှ MMRehapp app ကို ဒေါင်းလုဒ်ရယူပါ။

#အနာကြီးရောဂါဥပုသ်နေ့ #အထီးကျန်မှုကိုရပ်တန့်ပါ #အနာကြီးရောဂါဥပုသ်နေ့ #အထီးကျန်မှုကိုရပ်တန့်ပါ #စိတ်ကျန်းမာရေး

13/09/2025

အယူမှား - အနာကြီးရောဂါသည် အပြစ်ဒဏ် သို့မဟုတ် ကျိန်စာတစ်ခုဖြစ်သည်။

အမှန် - အနာကြီးရောဂါသည် (Mycobacterium leprae) ဘက်တီးရီးယားပိုးကြောင့် ဖြစ်ပွားသော ရောဂါတစ်မျိုးဖြစ်ပါသည်။

အသက်အရွယ်၊ ကျားမ၊ လူမျိုးဘာသာမရွေး ကူးစက်နိုင်ပြီး ကုသမှုမခံယူရသေးသူတစ်ဦးနှင့် နီးနီးကပ်ကပ် ကြာရှည်စွာထိတွေ့မိချိန်တွင် နှာချေ/ချောင်းဆိုးရာမှ ထွက်လာသော အမှုန်အမွှားများမှတစ်ဆင့် ကူးစက်နိုင်ခြေ အများဆုံးဖြစ်ပါသည်။

သတင်းကောင်းကတော့... အနာကြီးရောဂါသည် Multi-Drug Therapy (MDT) ဆေးဖြင့် ကုသ၍ ပျောက်ကင်းနိုင်ပါသည်။ အာရုံကြောများပျက်စီးမှုနှင့် မသန်စွမ်းမှုများကို ကာကွယ်ရန် အရေးကြီးဆုံးမှာ စောစီးစွာသိရှိ ကုသမှုခံယူခြင်းပဲဖြစ်ပါတယ်။

ကြောက်ရွံ့မှုကို အချက်အလက်များဖြင့်လည်းကောင်း၊ အထင်အမြင်လွဲမှားမှုကို သိပ္ပံနည်းကျ အသိပညာဖြင့်လည်းကောင်း အစားထိုးလိုက်ကြရအောင်။ အသိပညာမျှဝေရန် ဤပိုစ့်ကို Share လုပ်ပေးပါ။

#အနာကြီးရောဂါဥပုသ်နေ့ #အထီးကျန်မှုကိုရပ်တန့်ပါ #အနာကြီးရောဂါဥပုသ်နေ့ #အထီးကျန်မှုကိုရပ်တန့်ပါ #စိတ်ကျန်းမာရေး

08/09/2025

World Physiotherapy Day 2025
ကမ္ဘာ့အကြောအဆစ်ကုပညာနေ့ ၂၀၂၅
ဒီနှစ် စက်တင်ဘာလ ၈ ရက်နေ့မှာ ကျရောက်မယ့် ကမ္ဘာ့အကြောအဆစ်ကုပညာနေ့ (World Physiotherapy Day 2025) ကို ကြိုဆိုပါတယ်။ ဒီနှစ်ရဲ့ အဓိက အလေးထားမှုတွေကတော့ "ကျန်းမာစွာ အသက်ကြီးခြင်း (Healthy Ageing)" နှင့် "လဲကျခြင်း(ချော်လဲခြင်း)မှ ကာကွယ်ခြင်း (Fall Prevention)" ဆိုတဲ့ ဆောင်ပုဒ်တွေပဲ ဖြစ်ပါတယ်။
📌 ကျန်းမာစွာ အသက်ကြီးခြင်းဆိုတာ ဘာလဲ？
ဒီအကြောင်းကို ကမ္ဘာ့ကျန်းမာရေးအဖွဲ့ (WHO) ရဲ့ လေ့လာချက်အရ ၂၀၅၀ ခုနှစ်မှာ အသက် ၆၀ အထက် လူဦးရေ ၂.၁ ဘီလီယံ ရှိလာမယ်လို့ ခန့်မှန်းထားပါတယ်။ ကျန်းမာစွာ အသက်ကြီးခြင်းဆိုတာ ကိုယ်တိုင်လှုပ်ရှားနိုင်မှု၊ လူမှုဆက်ဆံရေး ထိန်းသိမ်းနိုင်မှုနဲ့ ကိုယ်တန်ဖိုးထားတဲ့ အရာတွေကို ဆက်လုပ်နိုင်ခြင်းပဲ ဖြစ်ပါတယ်။
📌 လဲကျခြင်းကို ဘာကြောင့် အရေးကြီးတာလဲ？
လဲကျခြင်းဟာ မမျှော်လင့်ထားတဲ့ ထိခိုက်ဒဏ်ရာရခြင်း၊ သေဆုံးခြင်းတွေရဲ့ ဒုတိယအဖြစ်အများဆုံး အကြောင်းရင်းတစ်ခုအဖြစ် ကမ္ဘာတစ်ဝှမ်း ရပ်တည်နေပါတယ်။
TLM Myanmar အနေနဲ့ကတော့ ရပ်ရွာ အခြေပြု ပြန်လည်ထူထောင်ရေး (Community-Based Rehabilitation - CBR) ကို လုပ်ဆောင်တဲ့အခါ အကြောအဆစ်ကု ပညာရှင်များရဲ့ အခန်းကဏ္ဍကတော့ အရေးအပါဆုံး ဖြစ်ပါတယ်။ အကြောအဆစ်ကု ပညာရှင်တွေ ဟာ ကျေးရွာလူထုနဲ့ လက်တွဲပြီး ပြန်လည်သန်စွမ်းရေး ဝန်ဆောင်မှုတွေကို မသန်စွမ်းသူတွေဆီ အိမ်တိုင်ရာရောက် ဝန်ဆောင်မှုပေးတာတွေ လုပ်ဆောင်ပေးနေကြပါတယ်။
CBR ကတစ်ဆင့် အကြောအဆစ်ကု ပညာရှင်တွေဟာ:
✅ လှုပ်ရှားသွားလာနိုင်မှုနဲ့ နေ့စဉ်ဘဝတွင် လိုအပ်သော အရည်အချင်းများ မြှင့်တင်ရန် လူတစ်ဦးချင်းစီကို ပံ့ပိုးကူညီပေးခြင်း
✅ အိမ်တွင် လေ့ကျင့်ခန်းများ ဆက်လက်လုပ်ဆောင်နိုင်ရန် မိသားစုဝင်များနှင့် စောင့်ရှောက်သူများကို လေ့ကျင့်သင်ကြားပေးခြင်း
✅ မသန်စွမ်းသူများ ရပ်ရွာလူမှုဘဝတွင် တက်ကြွစွာ ပါဝင်နိုင်ရန် ပံ့ပိုးခြင်း
စတာတွေကို လုပ်ဆောင်ပေးပါတယ်။
ကမ္ဘာ့အကြောအဆစ်ကုပညာနေ့ အကြောင်း အသေးစိတ်သိရှိလိုပါက: www.world.physio/wptday
ကျန်းမာစွာ အသက်ကြီးခြင်း (Healthy Ageing) နှင့် လဲကျခြင်း(ချော်လဲခြင်း)မှ ကာကွယ်ခြင်း (Fall Prevention) တို့အတွက် လမ်းညွှန်ချက်များကို မြန်မာဘာသာဖြင့် အောက်ပါ Link များတွင် ဖတ်ရှုနိုင်ပါတယ်။
https://shorturl.at/tdicE
https://shorturl.at/UFZY0

World Physiotherapy Day 2025

ကမ္ဘာ့အကြောအဆစ်ကုပညာနေ့ ၂၀၂၅

ဒီနှစ် စက်တင်ဘာလ ၈ ရက်နေ့မှာ ကျရောက်မယ့် ကမ္ဘာ့အကြောအဆစ်ကုပညာနေ့ (World Physiotherapy Day 2025) ကို ကြိုဆိုပါတယ်။ ဒီနှစ်ရဲ့ အဓိက အလေးထားမှုတွေကတော့ "ကျန်းမာစွာ အသက်ကြီးခြင်း (Healthy Ageing)" နှင့် "လဲကျခြင်း(ချော်လဲခြင်း)မှ ကာကွယ်ခြင်း (Fall Prevention)" ဆိုတဲ့ ဆောင်ပုဒ်တွေပဲ ဖြစ်ပါတယ်။

📌 ကျန်းမာစွာ အသက်ကြီးခြင်းဆိုတာ ဘာလဲ？
ဒီအကြောင်းကို ကမ္ဘာ့ကျန်းမာရေးအဖွဲ့ (WHO) ရဲ့ လေ့လာချက်အရ ၂၀၅၀ ခုနှစ်မှာ အသက် ၆၀ အထက် လူဦးရေ ၂.၁ ဘီလီယံ ရှိလာမယ်လို့ ခန့်မှန်းထားပါတယ်။ ကျန်းမာစွာ အသက်ကြီးခြင်းဆိုတာ ကိုယ်တိုင်လှုပ်ရှားနိုင်မှု၊ လူမှုဆက်ဆံရေး ထိန်းသိမ်းနိုင်မှုနဲ့ ကိုယ်တန်ဖိုးထားတဲ့ အရာတွေကို ဆက်လုပ်နိုင်ခြင်းပဲ ဖြစ်ပါတယ်။

📌 လဲကျခြင်းကို ဘာကြောင့် အရေးကြီးတာလဲ？
လဲကျခြင်းဟာ မမျှော်လင့်ထားတဲ့ ထိခိုက်ဒဏ်ရာရခြင်း၊ သေဆုံးခြင်းတွေရဲ့ ဒုတိယအဖြစ်အများဆုံး အကြောင်းရင်းတစ်ခုအဖြစ် ကမ္ဘာတစ်ဝှမ်း ရပ်တည်နေပါတယ်။

TLM Myanmar အနေနဲ့ကတော့ ရပ်ရွာ အခြေပြု ပြန်လည်ထူထောင်ရေး (Community-Based Rehabilitation - CBR) ကို လုပ်ဆောင်တဲ့အခါ အကြောအဆစ်ကု ပညာရှင်များရဲ့ အခန်းကဏ္ဍကတော့ အရေးအပါဆုံး ဖြစ်ပါတယ်။ အကြောအဆစ်ကု ပညာရှင်တွေ ဟာ ကျေးရွာလူထုနဲ့ လက်တွဲပြီး ပြန်လည်သန်စွမ်းရေး ဝန်ဆောင်မှုတွေကို မသန်စွမ်းသူတွေဆီ အိမ်တိုင်ရာရောက် ဝန်ဆောင်မှုပေးတာတွေ လုပ်ဆောင်ပေးနေကြပါတယ်။

CBR ကတစ်ဆင့် အကြောအဆစ်ကု ပညာရှင်တွေဟာ:

✅ လှုပ်ရှားသွားလာနိုင်မှုနဲ့ နေ့စဉ်ဘဝတွင် လိုအပ်သော အရည်အချင်းများ မြှင့်တင်ရန် လူတစ်ဦးချင်းစီကို ပံ့ပိုးကူညီပေးခြင်း

✅ အိမ်တွင် လေ့ကျင့်ခန်းများ ဆက်လက်လုပ်ဆောင်နိုင်ရန် မိသားစုဝင်များနှင့် စောင့်ရှောက်သူများကို လေ့ကျင့်သင်ကြားပေးခြင်း

✅ မသန်စွမ်းသူများ ရပ်ရွာလူမှုဘဝတွင် တက်ကြွစွာ ပါဝင်နိုင်ရန် ပံ့ပိုးခြင်း
စတာတွေကို လုပ်ဆောင်ပေးပါတယ်။

ကမ္ဘာ့အကြောအဆစ်ကုပညာနေ့ အကြောင်း အသေးစိတ်သိရှိလိုပါက: www.world.physio/wptday

ကျန်းမာစွာ အသက်ကြီးခြင်း (Healthy Ageing) နှင့် လဲကျခြင်း(ချော်လဲခြင်း)မှ ကာကွယ်ခြင်း (Fall Prevention) တို့အတွက် လမ်းညွှန်ချက်များကို မြန်မာဘာသာဖြင့် အောက်ပါ Link များတွင် ဖတ်ရှုနိုင်ပါတယ်။

https://shorturl.at/tdicE
https://shorturl.at/UFZY0

The Leprosy Mission Myanmar ရဲ့ ကျေးရွာအခြေပြု ဝန်ဆောင်မှုများအကြောင်း သိရှိလိုပါက ကျွန်ုပ်တို့ကို ဆက်သွယ်နိုင်ပါတယ်။

#ကျန်းမာစွာအသက်ကြီးခြင်း #လဲကျခြင်းမှကာကွယ်ခြင်း

07/09/2025

✨ မင်္ဂလာပါ လမ်းပြကြယ်တို့ရေ... ✨

ဒီတစ်ပတ်မှာတော့ မြေမြှုပ်မိုင်းများ (💣)၊ အသုံးပြုပြီး မပေါက်ကွဲသေးသော စစ်ကျန်လက်နက်ပစ္စည်းများ (💥) နှင့် လက်လုပ်မိုင်းများ ကြောင့် ထိခိုက်ခံစားခဲ့ရတဲ့ ရပ်ရွာဒေသတွေမှာ လူမှုစီးပွားဘဝတွေ ဘယ်လိုပြန်လည်ထူထောင်ကြမလဲဆိုတာကို ဆွေးနွေးကြည့်ရအောင်။

မိုင်းဒဏ်သင့် ရပ်ရွာဒေသတွေမှာ လူမှုစီးပွား ဘဝပြန်လည်တည့်မတ်ရေးက အရေးကြီးတဲ့ ရေရှည် လုပ်ငန်းစဉ်တစ်ခုဖြစ်ပြီး အားလုံးရဲ့ ပူးပေါင်းပါဝင်မှုက အရေးကြီးပါတယ်။ 🤝

မိုင်းဒဏ်သင့် ဒေသများ ပြန်လည်ထူထောင်ရေးမှာ ဘာတွေ အဓိက လိုအပ်မလဲ။

အရင်ဆုံး ပေါက်ကွဲလက်နက် ပစ္စည်းများ အန္တရာယ်တွေကြောင့် ထိခိုက်ခံစားရတဲ့ ရပ်ရွာဒေသတွေမှာ ဒေသခံတွေဟာ အသက်သေဆုံးတဲ့ အန္တရာယ်အထိ ကြုံတွေ့ရနိုင်သလို၊ ကိုယ်အင်္ဂါ အစိတ်အပိုင်း တခုခု ထိခိုက်ဆုံးရှုံးရတာ၊ အမြင်အာရုံနဲ့ အကြားအာရုံ ချို့ယွင်းသွားခြင်းမျိုးတွေအထိ ဖြစ်ပေါ်စေနိုင်ပြီးတော့ အသက်မွေးဝမ်းကြောင်းလုပ်ငန်းများ ဆုံးရှုံးခြင်းစတဲ့ ၎င်းတို့ရဲ့ လူမှုစီးပွားဘဝ အခြေအနေများအပေါ် အကျိုးသက်ရောက်မှုများ ရှိနိုင်ရုံသာမက စိတ်ပိုင်းဆိုင်ရာ ထိခိုက်ခံစားရမှုတွေလည်း ကြုံတွေ့ရနိုင်ပါတယ်။ 😔

ဒီလို ပေါက်ကွဲလက်နက်ပစ္စည်းများ အန္တရာယ်ကြောင့် ဖြစ်ပေါ်လာနိုင်တဲ့ ဆိုးကျိုးသက်ရောက်မှုများ၊ ထိခိုက်ခံစားရသူများ နေ့စဉ်ဘဝမှာ ကြုံတွေ့ရနိုင်တဲ့ အတားအဆီးများကိုလည်း ဖြေလျော့ ပေးနိုင်ဖို့ အဓိက လိုအပ်ပါတယ်။ 💪

ကိုယ်ခန္ဓာအစိတ်အပိုင်း ထိခိုက်ဆုံးရှုံးခဲ့ရတဲ့သူတွေ အတွက် ခြေတု၊ လက်တု (🦿🦾)၊ ဝှီးချဲ (♿)၊ ချိုင်းထောက် စတဲ့ အထောက်အကူပြုပစ္စည်းကိရိယာများ ထောက်ပံ့ပေးဖို့ လိုအပ်နိုင်ပါတယ်၊ ဒီလိုထောက်ပံ့ပေးမှုက မိုင်းဒဏ်သင့်မှုကြောင့် ကိုယ်ခန္ဓာအစိတ်အပိုင်း ဆုံးရှုံးသွားတဲ့ မသန်စွမ်းသူတွေအနေနဲ့ လူမှုစီးပွားအတွက် သိသာတဲ့ အကျိုးသက်ရောက်မှုများကို ရရှိစေနိုင်မှာဖြစ်ပြီး နေ့စဉ်ကြုံတွေ့ရနိုင်တဲ့ အတားအဆီးတွေကိုလည်း လျော့ကျစေနိုင်မှာဖြစ်ပါတယ်။ ဒါတင်မကသေးပါဘူး။ စိတ်ပိုင်းဆိုင်ရာထိခိုက်မှုတွေ လျှော့ချနိုင်အောင် စိတ်ဒဏ်ရာ ကုစားပေးမှုတွေကိုလည်း အရေးတကြီး လုပ်ဆောင်ကြရမှာဖြစ်ပြီး ခွဲခြားဆက်ဆံမှုကင်းတဲ့ ပတ်ဝန်းကျင်ကောင်းတစ်ခု ဖန်တီးပေးဖို့လည်း လုပ်ဆောင်ကြရမှာပါ။ ❤️‍🩹 🤗

ဒါ့အပြင် စားဝတ်နေရေးအတွက် ဝင်ငွေရရှိဖို့ နည်းလမ်းတွေကိုလည်း ဘယ်လို ဖန်တီးပေးကြမလဲဆိုတာကလည်း အရေးကြီးတဲ့ အခန်းကဏ္ဍ တစ်ခုဖြစ်နေပြန်ပါတယ်။ 💰📈 အထူးသဖြင့် မိုင်းဒဏ်သင့်ဒေသအများစုက လယ်ယာလုပ်ငန်းကို အဓိက မှီခိုကြရတာမို့ ရှင်းလင်းပြီးသား လယ်ယာမြေတွေမှာ စိုက်ပျိုးရေး အမြန်ဆုံးပြန်လုပ်နိုင်ဖို့ အစီအမံတွေ ချမှတ်ဖို့ ပဲဖြစ်ပါတယ်။ စိုက်ပျိုးရေးအပြင် အခြားဝင်ငွေရ လမ်းတွေအတွက် စက်ချုပ် ၊ စက်ပြင် ၊ မွေးမြူရေး လို စတဲ့ အသက်မွေးဝမ်းကျောင်း အလုပ်အကိုင်တွေ ဖန်တီးပေးကြရမှာပါ။

စစ်ကျန်လက်နက်ပစ္စည်းများကို ရှင်းလင်းပြီးသည့်တိုင် အဲဒီ‌ဒေသတွေကို သွားလာတဲ့အခါ ဘေးကင်းစေဖို့ ကလေးငယ်များ (👧👦) အပါအဝင် အားလုံးကို ပေါက်ကွဲလက်နက်ပစ္စည်းများ အန္တရာယ် အသိပညာပေးတွေကို စဉ်ဆက်မပြတ် လုပ်ဆောင်နေဖို့ပဲဖြစ်ပါတယ်။ (📢📚) စဉ်⚠️

ကျွန်တော်တို့ရဲ့ မိုင်းဒဏ်သင့် ရပ်ရွာဒေသခံများ ပြန်လည်ထူထောင်ရေးအတွက် ဒီအကြောင်းအရာလေးကို Share ပေးခြင်းဖြင့် အသိပညာများ ဖြန့်ဝေပြီး ပိုမိုကောင်းမွန်တဲ့ လူထုဘဝတွေဖြစ်လာရေးအတွက် ဝိုင်းဝန်းကြိုးပမ်းကြပါစို့။

ကျွန်တော်တို့ တင်ဆက်ပေးမယ့် အကြောင်းအရာတွေကို လက်မလွတ်ရအောင် လမ်းပြကြယ် (Guiding Star) Page အပြင် The Leprosy Mission Myanmar Page မှာလည်း တင်ဆက်ပေးသွားမှာဖြစ်လို့ ကျွန်တော်တို့ရဲ့ ပေ့ချ်တွေကို Like & Follow လုပ်ထားဖို့ မမေ့နဲ့နော်။ 👍

#ပြန်လည်ထူထောင်ရေး #အထောက်အပံ့ #အသိပညာပေး #မြန်မာ

05/09/2025

လမ်းပြကြယ်လေးတို့ရေ..

အိမ်မှုကိစ္စတွေနှင့် ကလေးထိန်းတာဝန်က ဘယ်သူ့တာဝန်လို့ ထင်ပါသလဲ။
ဆိုတဲ့ မေးခွန်းလေးကို အားတက်သရော ဝိုင်းဝန်းဖြေဆိုပေးကြတဲ့ အတွက် ကျေးဇူးအများကြီးတင်ပါတယ်။

✅ အဖြေမှန်လေးကတော့
၁။ ဇနီးမောင်နှံ နှစ်ဦးလုံး ညှိနှိုင်းတာဝန်ယူသင့်တယ်။

အဖြေမှန်ဖြေဆိုထားသူ အားလုံးကို မဲနှိုက်ရွေးချယ်လိုက်တဲ့ အခါ "ဟိုး စေ" ဆိုတဲ့အကောင့်ပိုင်ရှင်က ကံထူးသွားပါတယ်။ Congratuation !!! 🎉🎉

နောက်ပိုင်းတွေမှာလည်း အခုလို မေးခွန်း အမေးအဖြေလေးတွေ ရှိမှာဖြစ်လို့ စောင့်ကြည့်ပြီး ဖြေဆိုပေးကြပါဦး။

30/08/2025

မင်္ဂလာပါ လမ်းပြကြယ်လေးတို့ရေ... မတွေ့တာကြာပြီနော် ✨
ဒီနေ့မှာတော့ ကျား၊ မ ရေးရာနဲ့ပတ်သက်ပြီး ပတ်ဝန်းကျင်က အမြင်တွေကို ပေါ့ပေါ့ပါးပါး ဆွေးနွေးရင်း ဖုန်းဘေလ်ကံစမ်းလို့ရမယ့် အစီအစဉ်လေးတစ်ခု ပြန်ရောက်လာပါပြီ။
ပုံထဲမှာ ဖော်ပြထားတဲ့ မေးခွန်းလေးကို ဖြေဆိုပြီး ကိုယ့်အမြင်ကို မျှဝေလိုက်ကြရအောင်! 🤩
🎁 အဖြေမှန်ဖြေဆိုပြီး ဖုန်းဘေလ် ၅,၀၀၀ ကျပ် ကံထူးဖို့ ဒီအချက်လေးတွေလုပ်ဖို့ မမေ့ပါနဲ့နော်။
1. အဖြေမှန်ကို Comment မှာရေးပါ
2. ဒီပိုစ်လေးကို Like လုပ်ပြီး Public နဲ့ Share ပေးပါ။

ဒီအချက်တွေ လုပ်ဆောင်ထားတဲ့ အဖြေမှန်ဖြေဆိုသူတွေထဲက ကံထူးရှင်တစ်ဦးကို ရွေးချယ်သွားမှာဖြစ်ပြီး စက်တင်ဘာ ၅ ရက်နေ့ မှာ အဖြေမှန်ကို ကြေညာပေးသွားမှာဖြစ်ပါတယ်။

⭐ ကျွန်တော်တို့ တင်ဆက်ပေးမယ့် အကြောင်းအရာတွေကို လက်မလွတ်ရအောင် လမ်းပြကြယ် (Guiding Star) Page အပြင် The Leprosy Mission Myanmar Page မှာလည်း တင်ဆက်ပေးသွားမှာဖြစ်လို့ ကျွန်တာ်တို့ရဲ့ ပေ့ချ်တွေကို Like & Follow လုပ်ထားဖို့ မမေ့နဲ့နော်။

#ကျားမတန်းတူညီမျှမှု #လမ်းပြကြယ် #မြန်မာ

22/08/2025

💣💥 ပေါက်ကွဲစေတတ်တဲ့လက်နက်ပစ္စည်း (Explosive Ordnance - EO) ဆိုတာ အချိန်မရွေးပေါက်ကွဲနိုင်ပြီး မြေမြှုပ်မိုင်းများ၊ အသုံးပြုပြီး မပေါက်ကွဲသေးတဲ့ စစ်ကျန်လက်နက်ပစ္စည်းတွေနဲ့ လက်လုပ်မိုင်းများကြောင့် ရုပ်ပိုင်းဆိုင်ရာ အကျိုးသက်ရောက်မှုများ (အသက်သေဆုံးခြင်း သို့မဟုတ် ကိုယ်လက်အင်္ဂါချို့တဲ့ပြီး ရုပ်ပိုင်းဆိုင်ရာ စွမ်းဆောင်ရည်များ လျော့သွားစေခြင်း) တို့အပြင် စီးပွား‌ရေး နဲ့ စိတ်ပိုင်းဆိုင်ရာ အကျိုးသက်ရောက်မှုများ စသည်အထိ ထိခိုက်စေနိုင်ပါတယ်၊၊
ဒါကြောင့် မိမိနဲ့ မိမိမိသားစုရဲ့ အသက်အိုးအိမ်စည်းစိမ်ကို ကာကွယ်နိုင်ဖို့ လိုက်နာသင့်တဲ့ ဘေးကင်းလုံခြုံရေး နည်းလမ်းတွေကို မျှဝေပေးချင်ပါတယ်။
⚠️ ⚠️ ပေါက်ကွဲစေတတ်တဲ့ လက်နက်ပစ္စည်း (EO) အန္တရာယ်ကို ရှောင်ရှားနိုင်ဖို့ အရင်ဆုံး သတိပေး အမှတ်အသားများနဲ့ သတိထားရမည့် သဲလွန်စများကို သိထားရမှာ ဖြစ်ပါတယ်။
• နိုင်ငံတကာသုံး သတိပေး အမှတ်အသားများအား သတိပြုပါ၊၊ (အနီရောင်ပေါ်တွင် အဖြူရောင် အရိုးခေါင်း နှင့် ကြက်ခြေခတ်အရိုးနှစ်ချောင်း ကန့်လန့် ဖြတ်ထားခြင်း) 🔺💀
• နိုင်ငံသုံးဘာသာစကား၊ ဒေသသုံးဘာသာ စကားတို့နဲ့ လည်း “မိုင်းအန္တရာယ်” “မိုင်း” “ ပေါက်ကွဲတတ်သည်” စသဖြင့် မိုင်းအန္တရာယ်ရှိကြောင်း အမှတ်အသားပြုထားတတ်ပါတယ်။ 📝✍️
• ဝေးလံတဲ့ ကျေးလက်ဒေသတွေမှာတော့ ရပ်ရွာလူထုက ၎င်းတို့ရဲ့ ကိုယ်ပိုင်ဓလေ့အတိုင်း ပြုလုပ်ထားတဲ့ အမှတ်အသားတွေကို တွေ့ရတတ်ပါတယ်။ 🏞️ ဥပမာ - ကျောက်ခဲများအား ကြက်ခြေခတ်ပုံသဏ္ဍာန် ပြုလုပ်ထားခြင်း (🪨❌)၊ သစ်ကိုင်းထောင်ထားပြီး ကိုင်းထိပ်တွင် သံဗူးစွပ်ထားခြင်း (🌿🥫)၊ လမ်းဝင်ပေါက်၊ ခြံစည်းရိုး၊ သစ်ပင်တို့မှာ သတိပေး အမှတ်အသားများ ထားရှိခြင်း (🌳🚧) တို့ ဖြစ်ပါတယ်။
သတိပေး အမှတ်အသားမရှိသည့် နေရာကိုလည်း ဘေးကင်းလုံခြုံ စိတ်ချရတယ်လို့ ယူဆလို့ မရနိုင်ပါ။ တကယ်လို့ မိမိက အရပ်ဒေသတစ်နေရာရာသို့ ရောက်ရှိပါက ရပ်ရွာဒေသခံတွေကို ၎င်းတို့ သုံးလေ့ သုံးထရှိတဲ့ မိုင်းအန္တရာယ် သတိပေးအမှတ်အသားတွေ အကြောင်း၊ ဘေးကင်းလုံခြုံတဲ့နေရာတွေနဲ့ အန္တရာယ်ရှိတဲ့ နေရာတွေကို မေးမြန်းစုံစမ်းပါ၊၊ ဒေသခံတွေရဲ့ သတိပေးစကားကို အလေးထားလိုက်နာပါ၊၊
ယခင်က တိုက်ပွဲဖြစ်ခဲ့ဖူးတဲ့နေရာများ၊ စွန်ပစ်ထားသောလယ်ယာမြေများ၊ ပျက်စီးနေတဲ့ အဆောက်အဦးများနှင့် အိမ်များ 🏚️💥၊ မိုင်းရှိသည်ဟု မှတ်သားထားသော နေရာများ စသည့် နေရာများမှာလည်း မိုင်းနှင့် အခြား မပေါက်ကွဲသေးသော စစ်ကျန်လက်နက်ပစ္စည်းများ ရှိနေနိုင်ပါတယ်။ ဒါကြောင့် ..
• ချုံနွယ်ထူထပ်တဲ့ ကွင်းနှင့်လမ်းများ၊ မိမိမသိသော လမ်းများအား ရှောင်ရှားပါ၊၊ ⛔️🛤️
• တိုက်ပွဲဖြစ်ခဲ့ဖူးတဲ့ နေရာများနှင့် စွန့်ပစ်ထားသော နေရာများကို ရှောင်ရှားပါ၊၊ 🚫
• အများအသုံးပြုသော လမ်းကိုသာ ရွေးချယ် အသုံးပြုပါ၊၊ ✅🛣️
• မရှိသင့်သည့် နေရာများတွင် ရှိနေသော ပစ္စည်းများအား အမြဲသတိထားပါ၊၊ 👀
🚫✋ နောက်ပြီး ပတ်ဝန်းကျင်မှာ တွေ့နေ၊ မြင်နေကျမဟုတ်တဲ့ အရာဝတ္ထုပစ္စည်းတွေကိုတွေ့ရင် ထိတာ၊ ကိုင်တာ၊ နေရာပြောင်းတာ၊ ခြေထောက်နဲ့ကန်တာ ၊ ခဲနဲ့ပေါက်တာ ၊ ဓာတ်ပုံရိုက်တာတွေ လည်း လုံးဝ မလုပ်ရပါဘူး။ ဒါ့အပြင် အဲဒီအရာဝတ္ထုပစ္စည်းနဲ့ တည်နေရာတဝိုက်ကို မီးရှို့တာ ၊ ရေလောင်းတာ ၊ ဆားနဲ့သိပ်တာ၊ အနီးကပ် ဝိုင်းအုံ ကြည့်ရှု တာ တွေကလည်း အန္တရာယ်ရှိတဲ့ အပြုအမူတွေဖြစ်ပါတယ်။
ဒီလမ်းညွှန်ချက်တွေကို မိမိကိုယ်တိုင် တိကျစွာလိုက်နာရမယ့်အပြင် မိသားစုဝင်တွေ 👨‍👩‍👧‍👦၊ မိတ်ဆွေတွေနဲ့ အိမ်နီးချင်းတွေကိုပါ ပြန်လည်မျှဝေပြီး လုံခြုံတဲ့ လူမှုပတ်ဝန်းကျင်ကို အတူတကွ တည်ဆောက်ကြပါစို့။ ❤️🏘️🕊️
#မိုင်းအန္တရာယ်အသိပညာပေး #ဘေးကင်းလုံခြုံရေး #မသန်စွမ်း #စစ်ကျန်လက်နက်အန္တရာယ် #မြန်မာ

15/08/2025

Youtuber တစ်ဦးအဖြစ် ရပ်တည်နေသူ မဝေဖူးသန့်ဇင်ဟာ မွေးရာပါ အမြင်အာရုံမသန်စွမ်းသူ တစ်‌‌ယောက်ဖြစ်ပါတယ်။ သူမဟာ မွေးရာပါ အမြင်အာရုံချို့ယွင်းချက်ရှိသူတစ်ယောက်ဖြစ်တဲ့အတွက် ကလေးဘဝ/ပညာသင်ယူရတဲ့ ဘဝကာလတွေမှာ ခွဲခြားဆက်ခံရမှုတွေ ကြုံတွေ့ခဲ့ရပြီး လုပ်ငန်းခွင်ဝင်တဲ့ အချိန်မှာတော့ စိန်ခေါ်မှုတွေကို ရင်ဆိုင်ခဲ့ရပါတယ်။
ကိုဗစ်ကာလနောက်ပိုင်းကစပြီး ဆိုရှယ်မီဒီယာကို အသုံးပြုပြီး Youtube ချန်နယ်ကနေ သူမရဲ့ Life Update တွေ၊ ဘဝတူမသန်စွမ်းသူတွေအတွက်လည်း ခွန်အားရစရာ သတင်းစကားတွေကို မျှဝေပေးနေတာဖြစ်ပါတယ်။ လက်ရှိတော့ Wai Phoo Thant Zin ဆိုတဲ့ TikTok အကောင့်အမည်နဲ့ ဆိုရှယ်မီဒီယာကို အသုံးပြုနေပြီး သူမရဲ့ ဘဝရပ်တည်မှုတွေကို မျှဝေပေးနေသူပါ။
Youtuber တစ်ဦးအဖြစ် စတင် လုပ်ကိုင်ချိန်မှာသူမအတွက် အားရစရာအကောင်းဆုံး ကတော့ YouTube အတွက် ဗီဒီယိုတွေ ကိုယ်တိုင်ရိုက်ပြီး ကိုယ်တိုင် Edit လုပ်နိုင်ခဲ့တာပါပဲ။ မြန်မာနိုင်ငံမှာ အမြင်အာရုံမသန်စွမ်းသူတွေအတွက် screen reader အသုံးပြုပြီး video edit လုပ်နည်း သင်ပြပေးသူ မရှိသေးပေမယ့် မဝေဖူးသန့်ဇင်အတွက်တော့ တခြားနိုင်ငံက အမြင်အာရုံမသန်စွမ်း YouTuber တွေ ဘယ်လိုနည်းလမ်းတွေနဲ့ ရပ်တည်ကြလဲဆိုတာကို လေ့လာခဲ့ပါတယ်။ အဲဒီနောက် လက်တွေ့ အကြိမ်ပေါင်းများစွာ လိုက်လုပ်ကြည့်ပြီး လေ့ကျင့်ခဲ့ပြီး နောက်ဆုံးမှာတော့ အောင်အောင်မြင်မြင် လုပ်နိုင်ခဲ့တဲ့အတွက် ပီတိဖြစ်ရသလို၊ ဒီအရာက သူမရဲ့ အလုပ်အပေါ်ထားတဲ့ စိတ်ဓာတ်ကို ပိုပြီးခိုင်မာစေခဲ့တယ်လို့ဆိုပါတယ်။
အများက ထင်နေကြတဲ့ “မသန်စွမ်းသူတိုင်းဟာ အားနည်းပြီး အကူအညီအမြဲလိုနေတယ်" ဆိုတဲ့ အမြင်ကိုလည်း သူမရဲ့ ဗီဒီယိုတွေကနေတစ်ဆင့် မသန်စွမ်းသူတွေဟာ ကြိုးစားအားထုတ်မယ်ဆိုရင် မိမိဘဝကို ရပ်တည်နိုင်ရုံသာမက မိသားစုကိုပါ ပြန်လည်ထောက်ပံ့နိုင်တဲ့သူတွေ ဖြစ်နိုင်ကြောင်း သက်သေပြနိုင်ခဲ့သလို အခြားသူတွေလိုပဲ ဘဝကို လွတ်လပ် ပျော်ရွှင်စွာ ဖြတ်သန်းနိုင်တယ်ဆိုတာကို သူမရဲ့ လုပ်ဆောင်မှုတွေကနေတစ်ဆင့် မြင်ရမှာပါ။
“ပတ်ဝန်းကျင်ရဲ့ အမြင်တွေကို အိပ်မက်အတွက် အတားအဆီးမဖြစ်ပါစေနဲ့" ဆိုတာပါပဲ။ ပတ်ဝန်းကျင်ဆိုတာ လူတစ်ယောက်ပေါ်မှာ အများကြီး အကျိုးသက်ရောက်မှုရှိပါတယ်။ လူတော်လူကောင်း တစ်ယောက်ဖြစ်လာအောင် ပံ့ပိုးပေးနိုင်တဲ့ ပတ်ဝန်းကျင်ရှိသလို၊ ပတ်ဝန်းကျင်ကြောင့်ပဲ လူတစ်ယောက်ရဲ့ဘဝ အနိမ့်ဆုံးထိ ရောက်သွားနိုင်ပါတယ်။ ဒါပေမဲ့ ကိုယ်က ဘယ်လိုပတ်ဝန်းကျင်မျိုးမှာ ကျင်လည်ရသည်ဖြစ်ပါစေ၊ ကိုယ့်ရဲ့ယုံကြည်ချက်နဲ့ ပန်းတိုင်တွေ သွေဖီမသွားဖို့က ကိုယ့်ရဲ့ခံယူချက်နဲ့ ဗဟုသုတပေါ်မှာပဲ မူတည်ပါတယ်။ ဒါကြောင့် အမြဲတမ်းလေ့လာပါ၊ စာများများဖတ်ပါ၊ တခြားသူတွေရဲ့ စကားတွေကို အရမ်းနားမယောင်ပါနဲ့။ ကိုယ့်ကိုယ်ကိုယ် ယုံကြည်မှုရှိရှိနဲ့ ရှေ့ဆက်လိုက်ရင် အိပ်မက်တွေက တကယ်ဖြစ်လာနိုင်ပါတယ်။” လို့ မဝေဖူးသန့်ဇင်က အခုလိုပဲ သတင်းစကားပါးခဲ့ပါတယ်။
#ယူကျူဘာ #အမြင်အာရုံမသန်စွမ်း

09/08/2025

ကျွန်တော်တို့နေထိုင်ရာ ကမ္ဘာကြီးမှာ လူတိုင်းက တန်ဖိုးကိုယ်စီရှိကြပြီး တန်းတူအခွင့်အရေးတွေနဲ့ နေထိုင်ခွင့်ရှိပါတယ်။ ဒါပေမယ့် မသန်စွမ်းသူတွေအတွက် နေ့စဉ်ဘဝက သိပ်တော့မလွယ်ကူပါဘူး။ အခက်အခဲတွေ၊ အတားအဆီးတွေများစွာ ရင်ဆိုင်နေရတုန်းပါပဲ။

💡 ဒီလို အခက်အခဲ အတားအဆီးတွေကို ကျော်လွှားနိုင်ဖို့ UNCRPD (မသန်စွမ်းသူများ၏ အခွင့်အရေးများဆိုင်ရာ သဘောတူစာချုပ်) ဆိုတာ ဖြစ်လာခဲ့ပြီး မသန်စွမ်းသူတွေအနေနဲ့ ရေရှည်မှာ ရုပ်ပိုင်း၊ စိတ်ပိုင်းနဲ့ အသိဥာဏ်ပိုင်းဆိုင်ရာတွေ အတားအဆီးတွေကို ကျော်လွှားပြီး လူ့အသိုင်းအဝိုင်းမှာ အခြားသူတွေနဲ့ တန်းတူ အပြည့်အဝပါဝင်နိုင်ဖို့ တိုက်တွန်းလမ်းညွှန်ချက်ပဲ ဖြစ်ပါတယ်။
၂၀၂၁ ခုနှစ် အချက်အလက်များအရ UNCRPD (မသန်စွမ်းသူများ၏ အခွင့်အရေးများဆိုင်ရာ သဘောတူစာချုပ်) ကို နိုင်ငံပေါင်း ၁၈၂ နိုင်ငံက သဘောတူလက်မှတ်ရေးထိုးခဲ့တာဖြစ်ပြီး မြန်မာနိုင်ငံအနေနဲ့လည်း ၂၀၁၁ ခုနှစ် ဒီဇင်ဘာ ၇ ရက်နေ့မှာ လက်မှတ်ရေးထိုး ခဲ့ပါတယ်။

🌟 UNCRPD ရဲ့ အခြေခံမူတွေက ဘာတွေလဲ?
💖 ဂုဏ်သိက္ခာကို လေးစားခြင်း - မသန်စွမ်းမှုကို ရှေ့တန်းမတင်ဘဲ လူတစ်ယောက်ရဲ့ ဖြစ်တည်မှု ဂုဏ်သိက္ခာကို လေးစားဖို့။
🟰 ခွဲခြားဆက်ဆံမှုမရှိခြင်း - ဘယ်နေရာမှာမဆို မသန်စွမ်းမှုအပေါ် အခြေခံပြီး ခွဲခြားဆက်ဆံမှု မလုပ်ဖို့။
🧑‍🤝‍🧑အပြည့်အဝ ပါဝင်ခွင့်: ကဏ္ဍအသီးသီးမှာ မသန်စွမ်းသူများကို ချန်မထားဘဲ ပါဝင်ခွင့်ပေးဖို့။
🌱 ကွဲပြားမှုကို လက်ခံခြင်း: မသန်စွမ်းမှုအခြေအနေတွေကို ကွဲပြားမှုအဖြစ်သာ မြင်ပြီး လက်ခံလေးစားတတ်ဖို့။
⚖️ တန်းတူညီမျှမှု: မသန်စွမ်းသူတွေရဲ့ အစွမ်းအစတွေကို ဖော်ထုတ်ဖို့ တန်းတူညီမျှတဲ့ အခွင့်အလမ်းတွေ ဖန်တီးပေးဖို့။
♿ လွယ်ကူစွာ သွားလာသုံးစွဲနိုင်မှု: နေရာတိုင်းမှာ မသန်စွမ်းသူတွေ အလွယ်တကူ အသုံးပြုနိုင်တဲ့ ပတ်ဝန်းကျင်တစ်ခုကို အတားအဆီးမဲ့ ဖန်တီးပေးနိုင်ဖို့။
♀️♂️ကျား၊မ တန်းတူညီမျှမှု: မသန်စွမ်းအမျိုးသမီးများနှင့် အမျိုးသားများ တန်းတူအခွင့်အရေးရရှိစေဖို့။
👧👦မသန်စွမ်းကလေးများ၏ အခွင့်အရေး: ကလေးများရဲ့ ဖွံ့ဖြိုးမှုနှင့် သူတို့ရဲ့ အခွင့်အရေးတွေကို လေးစားကာကွယ်ဖို့။

အတားအဆီးကင်းပြီး အားလုံးပါဝင်နိုင်တဲ့ လူ့ဘောင်ဖွဲ့အစည်းတစ်ခုကို တည်ဆောက်ခြင်းဟာ မသန်စွမ်းသူတွေအတွက်သာမက ကျွန်တော်တို့အားလုံးအတွက် ပိုမိုကောင်းမွန်တဲ့ ပတ်ဝန်းကျင်ကောင်းတစ်ခု ဖန်တီးနေခြင်းဖြစ်တယ်ဆိုတာ အတူတကွ နားလည်လက်ခံကြပါစို့။ 🫶
⭐ ကျွန်တော်တို့ တင်ဆက်ပေးမယ့် အကြောင်းအရာတွေကို လက်မလွတ်ရအောင် လမ်းပြကြယ် (Guiding Star) Page အပြင် The Leprosy Mission Myanmar Page မှာလည်း တင်ဆက်ပေးသွားမှာဖြစ်လို့ ကျွန်တာ်တို့ရဲ့ ပေ့ချ်တွေကို Like & Follow လုပ်ထားဖို့ မမေ့နဲ့နော်။

#မသန်စွမ်းအခွင့်အရေး #တန်းတူညီမျှမှု #အားလုံးပါဝင်ရေး

31/07/2025

မင်္ဂလာပါ။ အားလုံးပဲ နေကောင်းကျန်းမာရှိကြပါစေခင်ဗျာ။

ကျွန်တော်တို့ ဒီနေ့မှာတော့ မိမိတို့နေထိုင်ရာ ရပ်ရွာပတ်ဝန်းကျင်နဲ့ သွားလာနေကျ လမ်းခရီးတွေမှာ ရှိနေနိုင်တတ်တဲ့ ပေါက်ကွဲစေတတ်တဲ့ လက်နက်ပစ္စည်း (EO) အန္တရာယ်ကို သတိပြုနိုင်ဖို့ မျှဝေပေးသွားမှာဖြစ်ပါတယ်။

💣 ပေါက်ကွဲစေတတ်တဲ့လက်နက်ပစ္စည်း (EO) ဆိုတာဘာလဲ?

ပေါက်ကွဲစေတတ်တဲ့ လက်နက်ပစ္စည်း (EO) ဆိုတာ မြေမြှုပ်မိုင်း၊ စစ်ကျန်လက်နက်ပစ္စည်းများ၊ စွန့်ပစ်ထားတဲ့ လက်နက်ပစ္စည်းများနဲ့ လက်လုပ်မိုင်းများ စတဲ့ အချိန်မရွေးပေါက်ကွဲနိုင်တဲ့ အလွန်အန္တရာယ်ရှိ ပစ္စည်းတွေဖြစ်ပြီး အသက်အန္တရာယ်သာမက မသန်စွမ်းမှုကို ဖြစ်စေနိုင်တာကြောင့် အထူးသတိပြုဖို့ အရေးကြီးပါတယ်။

💥 ပေါက်ကွဲစေတတ်တဲ့ လက်နက်ပစ္စည်း အဓိကအမျိုးအစားများမှာ

● မြေမြှုပ်မိုင်းများ - မြေကြီးထဲ ဒါမှမဟုတ် မြေမျက်နှာပြင်ပေါ်တွင် ထောင်ထားပြီး အရွယ်အစား၊ အ‌ရောင်၊ပုံစံ အမျိုးမျိုးနဲ့ သတ္တု၊ ပလတ်စတစ်၊ သစ်သား၊ဝါး စတာတွေနဲ့ ပြုလုပ်ထားတတ်ပါတယ်။

● အသုံးပြုပြီးမပေါက်ကွဲသေးတဲ့ စစ်ကျန်လက်နက်များ - စိန်ပြောင်းကျည် (မော်တာကျည်) ၊ အမြှောက်ကျည်ဆံများ၊ လက်ပစ်ဗုံး၊ ဒုံးကျည်များ၊ မော်တာဗုံးများ၊

● စွန့်ပစ်ထားသော စစ်ကျန်လက်နက်ပစ္စည်းများ - ပေါက်ကွဲစေတတ်သော ပစ္စည်းများဖြစ်ပြီး မည်သည့် အဖွဲ့အစည်းကမှ ထိန်းချုပ်ထားခြင်းမရှိတော့သော စွန့်ပစ်ထားသည့် လက်နက်ပစ္စည်းများ ဖြစ်ပါတယ်။

● လက်လုပ်မိုင်းများ - အသက်သေစေရန်၊ ထိခိုက်ဒဏ်ရာရစေရန်၊ ပစ္စည်းပိုင်ဆိုင်မှုတို့ကို ဖျက်ဆီးရန် နှင့် ခြောက်လှန့်ရန်အတွက် ရည်ရွယ်အသုံးပြုကြပါတယ်။ ဘယ်နေရာမှာမဆို တွေ့နိုင်ပြီး နေ့စဉ်သုံး ပစ္စည်းများနှင့် ကိုင်ချင်စိတ် ဖြစ်လာစေဖို့အတွက် ဖန်တီးပြုလုပ်ထားတတ်ပါတယ်။

🚨 ပေါက်ကွဲစေတတ်တဲ့ စစ်ကျန်လက်နက်ပစ္စည်းတွေက ဘယ်လောက်ပဲ သံချေးတက်တက်၊ ပုံစံပျက်ယွင်းပြီး နှစ်ပေါင်းများစွာကြာသည့်တိုင် ဟောင်းနွမ်းဆွေးမြေ့နေပါစေ အချိန်မရွေး ပေါက်ကွဲနေနိုင်သေးတာမို့ အရေးတကြီး သတိပြုဖို့လိုပါတယ်။🚨

⚠️မသင်္ကာဖွယ်ရာ ပစ္စည်းတစ်ခုခု တွေ့ရှိပါက

⛔️ လုံးဝ မထိပါနှင့်။ ဝေးရာကိုသွားပါ။

မသင်္ကာဖွယ်ရာ ပစ္စည်းတစ်ခုခုကို တွေ့ရှိပါက ချက်ချင်း ထိုပစ္စည်းနှင့် ဝေးရာကို သွားဖို့ သတိပြုပါ၊ ထိုပစ္စည်းများကို လုံးဝသွားမထိပါနှင့်၊ အနားကပ်ဖို့ လုံးဝ မကြိုးစားပါနှင့်။ ကောက်ယူခြင်း၊ ကိုင်တွယ်ခြင်း၊ ကန်ကျောက်ခြင်း၊ ခဲနှင့်ပစ်ပေါက်ဆော့ကစားခြင်း လုံးဝမလုပ်ပါနဲ့။ အသေးငယ်ဆုံး လှုပ်ရှားမှုတစ်ခုကပင် ပေါက်ကွဲမှု ဖြစ်စေနိုင်ပါတယ်။

✅ သတင်းပို့ အကြောင်းကြားပြီး အခြားသူများကို အသိပေးပြောပြပါ။

မိမိတွေ့ရှိခဲ့တဲ့ နေရာနှင့် မသင်္ကာဖွယ်ရာ ပစ္စည်းများအကြောင်းကို ရပ်ရွာခေါင်းဆောင်၊ စေတနာ့ဝန်ထမ်း၊ နီးစပ်ရာ အဖွဲ့အစည်း သို့မဟုတ် အကူအညီပေးနိုင်သူကို ချက်ချင်းသတင်းပို့ အကြောင်းကြားပေးပါ။

ပေါက်ကွဲစေတတ်တဲ့လက်နက်ပစ္စည်း (EO) ရဲ့ အန္တရာယ်ဟာ ပေါက်ကွဲတဲ့အချိန်မှာပဲ ပြီးဆုံးသွားတာမဟုတ်ပါဘူး။ ပေါက်ကွဲမှုကြောင့် ခြေလက်အင်္ဂါဆုံးရှုံးခြင်း၊ အမြင်အာရုံဆုံးရှုံးခြင်း၊ အကြားအာရုံချို့ယွင်းခြင်းလို မသန်စွမ်းမှုတွေကို ရင်ဆိုင်ကြရပါတယ်။ ဒီလို ရုပ်ပိုင်းဆိုင်ရာ ဒဏ်ရာတွေအပြင် စိတ်ပိုင်းဆိုင်ရာထိခိုက်မှု၊ အလုပ်အကိုင်ဆုံးရှုံးမှု၊ ပညာရေးအခွင့်အလမ်း ဆုံးရှုံးမှုတွေ ကြုံတွေရနိုင်ပါတယ်။

ပေါက်ကွဲစေတတ်တဲ့လက်နက်ပစ္စည်း (EO) ရဲ့ အန္တရာယ်ကြောင့် မည်သူမဆို ထိခိုက်နိုင်တာမို့ ဘေးကင်းလုံခြုံစွာနေထိုင်ရေးမှာ အရေးကြီးဆုံးဖြစ်ပါတယ်။ ဒါကြောင့် ကျွန်တော်တို့ မိသားစု၊ မိတ်ဆွေသူငယ်ချင်းတွေသာမက ကျွန်တော်တို့ ပတ်ဝန်းကျင်က မသန်စွမ်းသူတွေလည်း ပေါက်ကွဲစေတတ်တဲ့ လက်နက်ပစ္စည်း အန္တရာယ်များအကြောင်းကို သိရှိနားလည် ထားရအောင် ယခု သတင်းစကားတွေကို ပြန်လည်မျှဝေပေးခြင်းဖြင့် ကူညီပေးကြရအောင်။

⭐ ကျွန်တော်တို့ တင်ဆက်ပေးမယ့် အကြောင်းအရာတွေကို လက်မလွတ်ရအောင် လမ်းပြကြယ် (Guiding Star) Page အပြင် The Leprosy Mission Myanmar Page မှာလည်း တင်ဆက်ပေးသွားမှာဖြစ်လို့ ကျွန်တာ်တို့ရဲ့ ပေ့ချ်တွေကို Like & Follow လုပ်ထားဖို့ မမေ့နဲ့နော်။

#ဘေးကင်းလုံခြုံရေး #မသန်စွမ်း #လမ်းပြကြယ် #မြန်မာ

29/07/2025

ကျွန်တော်တို့ ပတ်ဝန်းကျင်မှာ အမြဲကြားနေရပေမယ့် Gender (ကျား/မရေးရာ) ဆိုတာဘာလဲ၊ (ယောက်ျားမို့... /မိန်းမမို့လို့... ဆိုတဲ့ တစ်ခုခုအပေါ် ပုံသေကားချပ် သတ်မှတ်မှုတွေ) အကြောင်း ဒီတစ်ပတ်မှာ အနည်းငယ် မျှဝေဆွေးနွေးချင်ပါတယ်။

📌 ကျား၊မ ရေးရာ (Gender) ဆိုတာ 🚻
လူ့အဖွဲ့အစည်းမှာ "ကျား" နှင့် "မ" ကို ခွဲခြားပြောဆိုတဲ့အခါ အထင်မှားနေကြတာကတော့ ဇီဝလိင် (S*x) နှင့် ကျား၊မ ရေးရာ (Gender) ကို တူတူပဲလို့ ထင်ကြပါတယ်။ တကယ်တော့ ဒီလိုမဟုတ်ပါဘူး။ ကွဲပြားပါတယ်။

🔹 🧬 ဇီဝလိင် (S*x): ဒါက မွေးရာပါ ခန္ဓာကိုယ်ဖွဲ့စည်းပုံ ဇီဝဗေဒဆိုင်ရာ ကွဲပြားမှုဖြစ်ပါတယ်။ များသောအားဖြင့် အမျိုးသား (Male ♂️)၊ အမျိုးသမီး (Female ♀️) ဟူ၍ ခွဲခြားသတ်မှတ်လေ့ရှိပါတယ်။
🔹 👨‍👩‍👧‍👦 ကျား၊မ ရေးရာ (Gender): ဒါက ပတ်ဝန်းကျင်က ခွဲခြားသတ်မှတ်ထားခြင်း ဖြစ်ပါတယ်။ လူ့အဖွဲ့အစည်းတစ်ခုက "အမျိုးသား" ဒါမှမဟုတ် "အမျိုးသမီး" တစ်ယောက်အနေနဲ့ ဘယ်လိုပြုမူနေထိုင်ရမယ်၊ ဘယ်လိုဝတ်စားဆင်ယင်ရမယ် ၊ ယောက်ျားလေး ဆို သန်မာရမယ်။ မိန်းကလေးဆိုရင် နွဲ့နှောင်းရမယ် စတဲ့ ဘယ်လိုပုံစံမျိုး ဖြစ်ရမယ် ဆိုတဲ့ သတ်မှတ်ချက်တွေ၊ ခံယူချက်တွေ အားလုံးကို ဆိုလိုတာဖြစ်ပါတယ်။

📌 Gender Stereotypes (ကျား/မရေးရာ အပေါ် ပုံသေကားချပ် သတ်မှတ်မှု) ဆိုတာ ဘာလဲ? 🖼️
ဒါက လူတစ်ယောက် သို့မဟုတ် လူတစ်အုပ်စုကို သူတို့ရဲ့ Gender အပေါ်မှာပဲမူတည်ပြီး "ဒီလိုမျိုးပဲ ဖြစ်ရမယ်/ဖြစ်သင့်တယ်" လို့ အလွယ်တကူ၊ တစ်ထစ်ချ ကောက်ချက်ချ သတ်မှတ်လိုက်တဲ့ အစွဲအလမ်းကြီးတဲ့ အတွေးအခေါ်ဖြစ်ပါတယ်။ ဒီသတ်မှတ်ချက်တွေဟာ လူတွေရဲ့ အရည်အချင်း၊ စိတ်ဝင်စားမှုနဲ့ စိတ်သဘောထားတွေကို ထည့်မစဉ်းစားဘဲ ကန့်သတ်ချုပ်ချယ်လိုက်သလို ဖြစ်သွားတတ်ပါတယ်။

ပတ်ဝန်းကျင်မှာ ပြောဆို/ ကြားဖူးနေကျ ဥပမာတွေကတော့ 👇
အမျိုးသားဆိုရင်...
🔹 "ယောက်ျားဆိုတာ မငိုရဘူး၊ အမြဲတမ်း သန်မာရမယ်။"
🔹 "ယောက်ျားတွေက အိမ်မှုကိစ္စနဲ့ ကလေးထိန်းတာကို လုပ်စရာမလိုဘူး။"
🔹 "ယောက်ျားဆိုတာ အမြဲတမ်း ဦးဆောင်ရမယ်။ "
အမျိုးသမီးဆိုရင်...
🔹 "မိန်းမဆိုတာ နူးညံ့သိမ်မွေ့ပြီး အသံကျယ်ကျယ်နဲ့ စကားမပြောရဘူး။"
🔹 "အိမ်ထောင်ပြုပြီး အိမ်မှာပဲ ကလေးထိန်း၊ အိမ်မှုကိစ္စလုပ်ရမယ်။"
🔹 "မိန်းမတွေက စိတ်ခံစားမှု အရမ်းများတယ်။"
ဒီလို ပုံသေကားချပ်သတ်မှတ်ချက်တွေဟာ လူတစ်ဦးချင်းစီရဲ့ အရည်အချင်းမှန်သမျှကို ကန့်သတ်ချုပ်ချယ် ထားပါတယ်။ အမျိုးသားတွေကို သူတို့ရဲ့ စိတ်ခံစားချက်ကို ဖော်ပြခွင့်မပေးသလို၊ အမျိုးသမီးတွေကိုလည်း ခေါင်းဆောင်မှုနေရာတွေဆီ တက်လှမ်းခွင့်ကို အဟန့်အတားဖြစ်စေပါတယ်။ ဒါတွေဟာ လူ့အဖွဲ့အစည်းမှာ တန်းတူမညီမျှမှုတွေ ဖြစ်ပေါ်စေတဲ့ အဓိကအကြောင်းအရင်းတစ်ခုလို့ဆိုရမှာပါ။ ⚖️

ဒါ့အပြင် လူ့အဖွဲ့အစည်းအတွင်းမှာ ကျား/မဖြစ်တည်မှု သတ်မှတ်ချက်စံနှုန်းတွေကြောင့် LGBT အသိုင်းအဝိုင်းအတွင်းမှာလည်း လက်ရှိအချိန်ထိ စိန်ခေါ်မှုတွေ ရှိနေဆဲဖြစ်ပြီး ခွဲခြားဆက်ဆံမှုနဲ့ နှိမ်ချပြောဆိုမှုတွေကို ရင်ဆိုင်နေကြရဆဲဖြစ်ပါတယ်။

ဒါတင်မကသေးပါဘူး။ မသန်စွမ်းအမျိုးသမီးတွေနဲ့ လိင်စိတ်ခံယူမှုကွဲပြားတဲ့ မသန်စွမ်းသူတွေ ဟာဆိုရင်လည်း ကျား/မ‌ရေးရာ ဘောင်ခတ်မှုတွေ အပြင် မသန်စွမ်းဖြစ်တည်မှုကြောင့် ပိုမိုကြီးမားတဲ့ ခွဲခြားဆက်ဆံမှုနဲ့ အကန့်အသတ် အတားအဆီးတွေကို နှစ်ထပ်ကွမ်း ရင်ဆိုင်နေရပါတယ်။
အထူးသဖြင့် ပညာသင်ကြားမှု၊ အလုပ်အကိုင်ရရှိမှု အခွင့်အလမ်းတွေနဲ့ ကျန်းမာရေးစောင့်ရှောက်မှု၊ တရားမျှတမှုတို့ကို လက်လှမ်းမီရေး စတဲ့ အခြေခံ အခွင့်အရေးတွေမှာ ကြီးမားတဲ့ အတားအဆီးတွေကို ကြုံတွေနေရဆဲဖြစ်ပါတယ်။

လူ့အဖွဲ့အစည်းအနေနဲ့ လူတစ်ယောက်ချင်းစီကို သူတို့ရဲ့ Gender ပုံစံခွက်ထဲ ထည့်မကြည့်ဘဲ၊ သူတို့ရဲ့ စစ်မှန်တဲ့အရည်အချင်း၊ စိတ်သဘောထားနှင့် ကိုယ်ပိုင်ခံယူချက်ကို လေးစားအသိအမှတ်ပြုခြင်းကသာ ပိုမိုတရားမျှတပြီး သာယာတဲ့ လူ့အဖွဲ့အစည်း ပတ်ဝန်းကျင်ကောင်းတစ်ခုကို ဖန်တီးနိုင်မှာ ဖြစ်ပါတယ်။ ✨🤝❤️

ဒါကြောင့် ပုံသေဘောင်ခတ်ထားတဲ့ ရှေးရိုးစွဲအစဉ်အလာတွေ၊ ကျားမ ဖြစ်တည်မှုစံနှုန်းတွေနဲ့ မသန်စွမ်းဖြစ်တည်မှုတွေ အပေါ် လက်ခံနိုင်အောင် လူ့အဖွဲ့အစည်းအားလုံးကဝိုင်းဝန်းအသိပညာပေးဖို့ လည်းလိုအပ်ပါတယ်။

ကျွန်တော်တို့ တင်ဆက်ပေးမယ့် အကြောင်းအရာတွေကို လက်မလွတ်ရအောင် လမ်းပြကြယ် (Guiding Star) Page အပြင် The Leprosy Mission Myanmar Page မှာလည်း တင်ဆက်ပေးသွားမှာဖြစ်လို့ ကျွန်တာ်တို့ရဲ့ ပေ့ချ်တွေကို Like & Follow လုပ်ထားဖို့ မမေ့နဲ့နော်။

#ကျားမရေးရာ #ပုံသေကားချပ်သတ်မှတ်မှု #ကျားမရေးရာ #ပုံသေကားချပ်သတ်မှတ်မှု