What are the opening hours?

Monday 07:00 - 19:00 Tuesday 07:00 - 19:00 Wednesday 07:00 - 19:00 Thursday 07:00 - 19:00 Friday 07:00 - 19:00 Saturday 07:00 - 19:00 Sunday 07:00 - 19:00

https://www.facebook.com/100932096180102/

Latha Nine Nine Specialist Clinic & Diagnostic Center, No. 99, Latha Street (Upper Block), Latha Township//အမှတ်(၉၉)၊ လသာလမ်း(အပေါ်ဘလောက်)၊ လသာမြို့နယ်၊ ရန်ကုန်မြို့, Yangon (2025)

19/08/2025

နှာခေါင်းသွေးလျှံခြင်း မဖြစ်ရလေအောင်….

👃 🩸 နှာခေါင်းသွေးလျှံခြင်းကို လူတိုင်း ကြုံတွေ့နိုင်ပြီး အထူးသဖြင့် ဆောင်းတွင်း နဲ့ အေးမြခြောက်သွေ့တဲ့ ရာသီဥတုတွေမှာ နှာခေါင်းသွေး လျှံတာ အဖြစ်များပါတယ်၊

ဘာကြောင့် နှာခေါင်းသွေး လျှံတာလဲ?

💁‍♀️နှာခေါင်းအတွင်းမှာ ရှိတဲ့ သွေးကြောလေးတွေ ပေါက်ထွက်သွားတဲ့အခါမှာ နှာခေါင်းသွေးလျှံတာ တွေ့ရပါတယ်။ အသက်အရွယ် မရွေး ဖြစ်နိုင်ပေမယ့် အသက် (၂) နှစ် မှ (၁၀) နှစ် အတွင်း ကလေးငယ်တွေနဲ့ အသက် (၅၀) မှ (၈၀) အတွင်း လူကြီးတွေမှာ အဖြစ်များပါတယ်။

နှာခေါင်းသွေးလျှံစေတဲ့အကြောင်းအရင်းတွေကတော့

📌နေပူထဲမှာ အကြာကြီး နေမိတာ

📌တစ်ခုခုနဲ့ ထိခိုက်မိတာ

📌ပြင်ပ ပစ္စည်းတစ်ခုခု နှာခေါင်းအတွင်း ဝင်သွားတာ

📌နှာခေါင်းထဲ ရောဂါပိုး ဝင်တာ

📌ဓာတ်မတည့်တာ

📌အရက် အလွန်အကျွံ သောက်တာ နဲ့

📌နှာခေါင်းအတွင်းသားကို ခဏခဏ ကလော်မိတဲ့ အခြေအနေတွေမှာ နှာခေါင်းသွေး လျှံတာတွေ ဖြစ်တတ်ပါတယ်။

ဒါ့အပြင် နှာစေးနှာပိတ်တဲ့အခါ အသုံးပြုတဲ့ ဆေးဝါးတွေ၊ သွေးကျဲဆေးတွေ၊ အရောင်ကျဆေးတွေ နဲ့ သွေးတိုးရောဂါ၊ သွေးကင်ဆာ၊ အသည်းရောဂါ၊ သွေးမတိတ်ရောဂါ ရှိတဲ့သူတွေမှာ နှာခေါင်းသွေး လျှံတတ်ပါတယ်။

နှာခေါင်းသွေး လျှံတာကို ဘယ်လို ကာကွယ်ရမလဲ??

👉နှာခေါင်းထဲကို လက်နဲ့ မကြာခဏ နှိုက်တာ၊ အခြား ပစ္စည်းတွေ ထိုးထည့်တာတွေ မလုပ်သင့်ပါဘူး

👉ဆေးလိပ်သောက်တာက နှာခေါင်းအတွင်းသားကို ခြောက်သွေ့စေတဲ့ အတွက် ရှောင်ကြဉ်သင့်ပါတယ်

👉နှာချေတဲ့အခါ ပါးစပ်ကို ဟထားပြီး ချေတာက နှာခေါင်းသွေး လျှံတာကို လျော့ကျစေပါတယ်

👉သွေးကျဲဆေးတွေ၊ အရောင်ကျဆေးတွေကို ဆရာဝန် ညွှန်ကြားချက်နဲ့ ပဲ အသုံးပြုသင့်ပါတယ်

👃 🩸 နှာခေါင်းသွေး လျှံတာက များသောအားဖြင့် ရာသီဥတုအခြေအနေတွေ၊ ပတ်ဝန်းကျင်တွေကြောင့် ဖြစ်ပေမယ့် မကြာခဏ နှာခေါင်းသွေး လျှံနေမယ်၊ တစ်ပတ်ကို (၃) ကြိမ်၊ (၄) ကြိမ်ထက် ပိုဖြစ်နေမယ် ဆိုရင် သတိထားသင့်ပါတယ်။ တခါတရံမှာ နား၊ နှာခေါင်း၊ လည်ချောင်းတွေမှာ အခြား ကျန်းမာရေး ပြဿနာတွေလည်း ရှိနိုင်တဲ့အတွက် မပေါ့ဆမိဖို့ မျှဝေပေးလိုက်ရပါတယ်ရှင် 💖

18/08/2025

⚕ အူအတက်ရောင်ခြင်းအကြောင်း သိကောင်းစရာ‼

အူအတက်ဆိုတာ ---- ဝမ်းဗိုက်ရဲ့ညာဘက်ခြမ်းအောက်ပိုင်းမှာရှိပြီးအူမကြီးနဲ့ချိတ်ဆက်နေတဲ့ အင်္ဂါအစိတ်အပိုင်းလေးဖြစ်ပါတယ်။ ၅ မှ ၁၀ စင်တီမီတာခန့် ရှည်သော သေးငယ်ပါးလွှာသော အိတ်ငယ်တစ်ခုဖြစ်ပါတယ်။

အူအတက်ဘာလို့ရောင်သလဲ? --- အကြောင်းရင်းတွေကို ခုထိ သေချာမပြောနိုင်သေးသော်လည်း အများစုက အူအတက်ရဲ့ အတွင်းပိုင်းပိတ်ခြင်းကြောင့် ရောင်ရခြင်းဖြစ်နိုင်ပါတယ်။ အစာဟောင်းအညစ်အကြေးများကြောင့် ပိတ်ခြင်း၊ ပိုးဝင်ခြင်းကြောင့်ပိတ်ခြင်းများလည်း ဖြစ်နိုင်ပါတယ်။ ဘယ်လိုကြောင့်ပိတ်ပိတ် အူအတက်ဟာ ရောင်လာပါတယ်။ အူအတက်ပေါက်သွားခဲ့ရင်တော့ ဝမ်းဗိုက်ထဲကို ပိတ်နေတဲ့အညစ်အကြေးတွေ လွင့်စင်သွားပြီး အခြားအစိတ်အပိုင်းတွေကြားရောက်သွားကာ အသက်ဆုံးရှုံးနိုင်တဲ့အထိ အန္တရယ်ရှိပါတယ်။

အူအတက်ရောင် လက္ခဏာများကတော့ --- ဝမ်းဗိုက်ညာဘက်အောက်ခြမ်း နာခြင်း၊ လှုပ်ရှားလျှင် ပို၍နာကျင်လာခြင်း (နှိပ်ခြင်း၊ ချောင်းဆိုးခြင်း၊ လမ်းလျှောက်ခြင်း)၊ အစာစားလိုစိတ်မရှိခြင်း၊ ဖျားနာခြင်း၊ ဝမ်းချုပ်ခြင်း (သို့) ဝမ်းလျှောခြင်း။

အူအတက်ရောင်တာကို ဘယ်လိုကုသမလဲ? ---- ပိုးသတ်ဆေးသောက်ရုံနဲ့မသက်သာတဲ့အတွက် ခွဲစိတ်ကုသတာဟာ အသုံးအများဆုံးကုသနည်းဖြစ်ပါတယ်။

အူအတက်ရောင်တာကို ကာကွယ်လို့ရလား? ---- ဖြစ်ရတဲ့အကြောင်းရင်းတွေ မသေချာတဲ့အတွက် ကာကွယ်ဖို့နည်းလမ်းတော့ မရှိသေးပါဘူး။

⚠ ဖြစ်လာရင် အန္တရယ်များတဲ့ ရောဂါတစ်မျိုးဖြစ်တာကြောင့် မိမိခန္ဓာကိုယ်ကို သေချာဂရုစိုက်စောင့်ကြည့်ရင်း ကာကွယ်နိုင်ကြစေဖို့ တိုက်တွန်းနိုးဆော်လိုက်ပါရစေလားရှင်❣

အထူးကုဆရာဝန်ကြီးများနှင့် ဆွေးနွေးတိုင်ပင်ပြသလိုပါက Latha Nine Nine အထူးကုဆေးခန်းကို ဆက်သွယ်စုံစမ်းမေးမြန်းနိုင်ပါတယ်ရှင်❣

📅 ကြိုတင်ရက်ချိန်းရယူရန်

📭 အမှတ်(၉၉)၊ လသာလမ်း(အပေါ်ဘလောက်)၊ လသာမြို့နယ်၊ ရန်ကုန်မြို့။

☎ 09 408 992 244 // 09 408 992 255

📞 09 942 420 000 (Hotline)

#အူအတက်

17/08/2025

🫀 ရင်ဘတ်ထဲ နှလုံးနေရာက အောင့်နေတာ ပူပြီး တင်းကြပ်ကြပ်ကြီး ဖြစ်နေတယ် အသက်ရှုမဝဘူး ၊ ဆေးခန်းပြတာလဲ နှလုံးရောဂါ မဟုတ်ဘူးလို့ ပြောတယ် ၊ မသက်သာလို့ပါဆိုတဲ့ မေးခွန်းတွေ အများကြီးတွေ့ရပါတယ်။

ဆေးပညာမှာ နှလုံးသွေးကြောကျဉ်းလို့ ရင်ဘတ်အောင့်တာနဲ့ Gastroesophageal Reflux Disease (GERD) လို့ ခေါ်တဲ့ အစာအိမ် Acid ဓာတ် များလို့ အပေါ်ဘက် အစာမြိုပြွန်ထဲကို ပြန်ကန်တတ်ပြီး ရင်တွေပူပြီး ရင်ဘတ်အောင့်တာဟာ မကြာခဏ ဆင်တူရိုးမှား ဖြစ်တတ်ကြပါတယ်။

နှစ်ခုလုံးကတော့ ရောဂါဆိုပေမဲ့ အသက်အန္တရာယ်နဲ့ ပိုပြီးနီးစပ်တဲ့ နှလုံးသွေးကြောကျဉ်းတဲ့ အခြေအနေမျိုးကို မလွတ်သွားစေဖို့အတွက် စမ်းသပ်စစ်ဆေးမှုအချို့ ပြုလုပ်ဖို့ လိုအပ်ပါတယ်။

ယေဘုယျအားဖြင့်တော့ ရင်ဘတ်အောင့်ပြီဆို နှလုံးရောဂါလက္ခဏာ ဖြစ်‌နိုင်ချေများပြီး မပေါ့ဆသင့်တဲ့သူတွေကတော့
- အသက် ၄၀ အထက် ရှိသူများ
- ရုတ်တရက် ရင်ဘတ်ထဲ ဆွဲညှစ်ထားသလိုဖြစ်ပြီး အသက်ရှုမဝဖြစ်ခြင်းကို ခံစားရသူများ
- မိသားစုထဲတွင် နှလုံးရောဂါမျိုးရိုးရှိသူများ
- ဆေးလိပ်သောက်သုံးသူများ
- ဆီးချို သွေးတိုး သွေးတွင်း cholesterol များသူများ

GERD လက္ခဏာ ခံစားရသူများဟာ များသောအားဖြင့်
- အစာစားပြီးပြီးချင်း (အထူးသဖြင့် အပူ ၊ အစပ်) လက္ခဏာများ ခံစားရခြင်း
- တစ်ခါတည်း အစာကို အများကြီး စားသုံးလိုက်ခြင်း
- အစာမျိုချရခက်ခဲခြင်း ၊ အစာမျိုချရင် တစ်စို့စို့ ဖြစ်နေခြင်း
- ရင်ဘတ်ထဲ တင်းကြပ်ပြီး ရင်ဘတ်အောင့်ကာ အသက်ရှုမဝခြင်း

ဘာကြောင့်ပဲ အောင့်အောင့် ရင်ဘတ်အောင့်တာမျိုး အသက်ရှုမဝတာမျိုး ဖြစ်ပြီဆိုရင်တော့ အပေါ်က ကျန်းမာရေး ဗဟုသုတအချက်လေးတွေ သိထားခြင်းအားဖြင့် နီးစပ်ရာ ဆရာဝန်နဲ့ ပြသပြီး ရောဂါရှာဖွေနိုင်ဖို့ အရေးကြီးကြောင်း မျှဝေပေးလိုက်ရပါရှင်❣

Latha Nine Nine Specialist Clinic မှာ နှလုံးအထူးကုဆရာဝန်ကြီးများနှင့်တိုင်ပင်ဆွေးနွေးပြသလိုပါက ကြိုတင် ရက်ချိန်းရယူနိုင်ပါပြီရှင်❣

📅 ကြိုတင်ရက်ချိန်းရယူရန်

📭 အမှတ်(၉၉)၊ လသာလမ်း(အပေါ်ဘလောက်)၊ လသာမြို့နယ်၊ ရန်ကုန်မြို့။

☎ 09 408 992 244 // 09 408 992 255

📞 09 942 420 000 (Hotline)

16/08/2025

🤞 သင့်အသည်းလေးကို ဂရုစိုက်မယ် ❣

#အသည်းရောဂါအထူးကုဆရာဝန်ကြီးများ

15/08/2025

‘ရောင်ရမ်းတာ သက်သာစေမယ့် အစားအစာများ’

😖 မတော်တဆ ထိခိုက်ဒဏ်ရာရတဲ့အခါ ခန္ဓာကိုယ်မှာ ရောင်ရမ်းတာတွေ ဖြစ်ဖူးကြမှာပါ။ ရောင်ရမ်းတာက ခဏတာအတွင်း သက်သာတာတွေရှိသလို သေသေချာချာ မကုသရင် နာတာရှည်ရောင်ရမ်းခြင်းဝေဒနာကို ခံစားရနိုင်လို့ မပေါ့ဆသင့်ပါဘူး။

👉 ရောင်ရမ်းတာတွေ ဘာကြောင့်ဖြစ်ရတာလဲ??

ပြင်ပက မလိုလားအပ်တဲ့ ဖုန်မှုန့်တွေ၊ ပိုးမွှားတွေနဲ့ ဓာတုပစ္စည်းတွေ ဝင်လာတဲ့အခါ ခန္ဓာကိုယ်မှာရှိတဲ့ ခုခံအားစနစ်က ခုခံတဲ့အနေနဲ့ တိုက်ခိုက်ပါတယ်။ ဒီအချိန်မှာ ရောင်ရမ်းမှုတွေ ဖြစ်ပေါ်လာပါတယ်။

ဒီလို ရောင်ရမ်းမှုတွေ ဖြစ်လာတဲ့အခါ “အစာလည်းဆေး၊ ဆေးလည်း အစာ” ဆိုတဲ့ အတိုင်း အရောင်ကျစေဖို့ ဖော်စပ်ထားတဲ့ ဆေးဝါးတွေကို သုံးစွဲနိုင်သလို အစားအစာတွေကိုလည်း ရွေးချယ်စားသုံးဖို့ လိုပါတယ်။

ရောင်ရမ်းတာကို သက်သာစေမယ့် အစားအစာတွေကတော့👇👇👇

🍎 အသီးအမျိုးမျိုး
ခရမ်းချဉ်သီး၊ စတော်ဘယ်ရီ၊ ဘလူးဘယ်ရီသီး၊ ချယ်ရီသီး၊ လိမ္မော်သီးတွေမှာ ဗီတာမင် စီ၊ ဗီတာမင် E စတဲ့ ဓာတ်တိုးဆန့်ကျင်ပစ္စည်းတွေပါဝင်တဲ့အပြင် ရောင်ရမ်းတာကိုလည်း သက်သာစေပါတယ်။

🫒 သံလွင်ဆီ
သံလွင်ဆီမှာ ပါဝင်တဲ့ ပါဝင်ပစ္စည်းတွေက အရောင်ကျစေတဲ့ အာနိသင် ရှိပါတယ်။

🥬 အစိမ်းရောင် အသီးအရွက်
ကန်စွန်းရွက်၊ ကညွတ် စတဲ့ အစိမ်းရောင် ရှိတဲ့ အသီးအရွက်တွေမှာ ဓာတ်တိုးဆန့်ကျင် ပစ္စည်းတွေ၊ အရောင်ကျစေတဲ့ အာနိသင်တွေပါ ရှိတဲ့အပြင် အခြား သတ္တုဓာတ်တွေလည်း ပေါကြွယ်ဝပါတယ်။

🥜 အစေ့အဆံ
ဗန်ဒါစေ့၊ သစ်ကြားစေ့ တွေမှာ ဓာတ်တိုးဆန့်ကျင် ပစ္စည်းတွေ၊ အရောင်ကျစေတဲ့ အာနိသင်တွေ ရှိတဲ့ အပြင် နှလုံးနဲ့ ပတ်သက်တဲ့ ရောဂါတွေ၊ ဆီးချို ရောဂါတွေ ဖြစ်နိုင်ချေ လျော့ကျစေပါတယ်။

🐠 ငါးအမျိုးမျိုး
အဆီပါဝင်တဲ့ ဆော်လမွန်ငါး၊ တူနာငါး၊ မက်ကရယ် ငါးတွေမှာ အိုမီဂါ ပေါကြွယ်ဝတဲ့အတွက် ရောင်ရမ်းမှုတွေ လျော့ချပေးသလို နှလုံးကျန်းမာရေး၊ မျက်လုံးကျန်းမာရေးအတွက်လည်း အထောက်အကူ ဖြစ်စေပါတယ်။

👩‍⚕️ အခုပြောခဲ့တဲ့ အစားအစာတွေက ဒဏ်ရာတွေကို အရောင်ကျစေဖို့ ကူညီပေးသလို စိတ်ဖိစီးမှုနဲ့ သွေးလည်ပတ်မှုလည်း ကောင်းမွန်စေတဲ့အတွက်ကြောင့် နေ့စဉ် သင့်တင့်တဲ့ ပမာဏ စားသုံးပေးရင် အကျိုးကျေးဇူး ရရှိနိုင်ကြောင်း မျှဝေပေးလိုက်ရပါတယ်။

Photo credit - Harvard Health

14/08/2025

❓ ခွဲစိတ်ကုသမလား❓စောင့်ကြည့်မလား❓

👉 နေရာတိုင်း အချိန်တိုင်းမှာ ရွေးချယ်မှုဆိုတာ ရှိစမြဲပါ။ ဒီလိုပဲ ဆေးကုသမှုမှာလည်း 🔪 ခွဲစိတ်ကုသမလား?? ဒါမှမဟုတ် စောင့်ကြည့်တဲ့ အခြေအနေနဲ့ပဲ ထိန်းထားမလား?? ဒီလို ရွေးချယ်ဖို့ ဖြစ်လာခဲ့ရင် သင်ဘာကို စဉ်းစားပြီး ရွေးချယ်မလဲ??

❇️ ရောဂါရဲ့အခြေအနေ
ခွဲစိတ်ကုသဖို့ လို/မလိုဆိုတာ လက်ရှိ ရောဂါရဲ့ အခြေအနေပေါ်မှာ မူတည်ပါတယ်။ တခါတရံ မဖြစ်မနေ ခွဲစိတ်မှ လူနာအတွက် အကျိုးရှိနိုင်တဲ့ အခြေအနေမျိုး ရှိနိုင်ပါတယ်။ ဥပမာ - နှလုံးသွေးကြောပိတ်လို့ stent ထည့်ဖို့ လိုတဲ့အခါ ခွဲစိတ်ဖို့ကို ရွေးချယ်ရပါတယ်။ တချို့ အခြေအနေမှာတော့ စောင့်ကြည့်ကုသခြင်းက ပိုအလေးသာတာလည်း ရှိနိုင်ပါတယ်။

❇️ လူနာရဲ့ ခံနိုင်ရည် ရှိမှု
ခွဲစိတ်ကုသမှုတွေဟာ အမျိုးမျိုး ရှိနိုင်သလို မေ့ဆေး၊ ထုံဆေးတွေ သုံးရတဲ့အခါ လူနာအနေနဲ့ ခံနိုင်ရည် ရှိ/မရှိ သတိထားရမှာပါ။ အထူးသဖြင့် အသက်ကြီးသူတွေ၊ ရောဂါအခံရှိသူတွေ၊ အားနည်းသူတွေနဲ့ တချို့အခြေအနေတွေမှာ ခွဲစိတ်ဖို့ မဖြစ်နိုင်တာလည်း ရှိနိုင်ပါတယ်။ ဒီလိုအချိန်မှာတော့ စောင့်ကြည့်ပြီး လက္ခဏာသက်သာဖို့အတွက်ပဲ ကုသရနိုင်ပါတယ်။

❇️ Timing ( အချိန်)
အချိန်ဟာ နေရာတိုင်းမှာ တန်ဖိုးမဖြတ်နိုင်တဲ့အရာ ဖြစ်သလို ဆေးကုသမှုမှာလည်း အချိန်ကို မေ့ထားလို့မရပါဘူး။ လက်တလော အချိန်မှာ ချက်ချင်း ခွဲစိတ်တာနဲ့ အချိန်တစ်ခု စောင့်ကြည့်ပြီးမှ ခွဲစိတ်တာဟာ ရနိုင်တဲ့ ကောင်းကျိုး ဆိုးကျိုး ကွဲပြားသွားနိုင်သလို မမျှော်လင့်ဘဲ အချိန်နောက်ကျသွားတာလည်း ဖြစ်နိုင်ပါတယ်။

❇️ ငွေကြေး ကုန်ကျမှု
ပုံမှန်အားဖြင့် ခွဲစိတ်ကုသတာဟာ ငွေကုန်ကြေးကျ များသလို လူနာနဲ့ မိသားစုဝင်တွေအတွက်လည်း အချိန်ခဏလေးအတွင်းမှာ ငွေကြေးနဲ့ ပတ်သက်ပြီး ဝန်ပိစေပါတယ်။ ဒီအချက်ကလည်း ထည့်စဉ်းစားဖို့ လိုအပ်ပါတယ်၊

❇️ ရေရှည် အကျိုးသက်ရောက်မှု
အခြေအနေအရ ခွဲစိတ်ကုသတာက အလေးသာနိုင်လား?? ရေရှည်မှာရော ဘယ်လို ထူးခြားနိုင်မလဲ?? စောင့်ကြည့်ရုံနဲ့ပဲလုံလောက်လား? ဒါတွေကို ထည့်စဉ်းစားဖို့ လိုပါတယ်။ တခါတရံ ခွဲစိတ်တာနဲ့ စောင့်ကြည့်တာက ရေတိုမှာ မသိသာပေမယ့် ရေရှည်မှာ သိသိသာသာ ကွာခြားသွားတာ ရှိနိုင်ပါတယ်။

👩‍⚕️ ကုသမှုတိုင်းမှာ ကောင်းကျိုးဆိုးကျိုးအမြဲဒွန်တွဲပြီး ရှိနိုင်သလို လူနာတစ်ဦးချင်းစီရဲ့ လိုအပ်ချက်ပေါ်မှာလည်း မူတည်ပါတယ်။ ဒီလို အခြေအနေမျိုးမှာ ဆရာဝန်ကို အချက်အလက် စုံစုံလင်လင် သေချာမေးမြန်းပြီး အကောင်းဆုံး ဆုံးဖြတ်နိုင်ဖို့လိုကြောင်း မျှဝေလိုက်ရပါတယ်ရှင်။

** အထူးကုဆရာဝန်ကြီးများနှင့် ဆေးခန်းပြသလိုပါက ကျေးဇူးပြု၍ တစ်ရက်ကြိုတင်ရက်ချိန်းရယူပေးပါရှင်**

📅 ကြိုတင်ရက်ချိန်းရယူရန်

📭 အမှတ်(၉၉)၊ လသာလမ်း(အပေါ်ဘလောက်)၊ လသာမြို့နယ်၊ ရန်ကုန်မြို့။

☎ 09 408 992 244 // 09 408 992 255

📞 09 942 420 000 (Hotline)

13/08/2025

📣 ရန်ကုန်မြို့လည်မှာ ကျယ်ကျယ်ဝန်းဝန်း အေးအေးဆေးဆေး ဆေးခန်းပြလို့ရမယ့်နေရာ ရှာရခက်နေပြီဆို Latha Nine Nine အထူးကုဆေးခန်းကို သတိရလိုက်ပါ❣

🥰 နွေးထွေးဖော်ရွေတဲ့အပြုံးနဲ့ဝန်ဆောင်မှု့ပေးမယ့် 👨‍⚕️အထွေထွေဆရာဝန်လေးတွေနဲ့ ဆရာမလေးတွေက မနက် ၈ နာရီမှ ည ၇ နာရီထိ အချိန်ပြည့်ရှိနေမှာပါ❣

👨‍⚕️👩‍⚕️သက်ဆိုင်ရာရောဂါအလိုက် အထူးကုဆရာဝန်ကြီးတွေနဲ့လည်း သေချာ‌ဆွေးနွေးတိုင်ပင်ပြသနိုင်မှာပါ❣

👴👵👨👩အဝေးရောက်နေလို့ အိမ်က မိသားစုကျန်းမာရေးအတွက် ရတက်မအေးဖြစ်နေရရင် message လေးသာပို့လိုက်ပါ။ အိမ်အရောက်ဝန်ဆောင်မှုပေးမယ့် Latha Nine Nine medical team က အစစ အဆင်ပြေစေဖို့ တာဝန်ယူပေးမှာပါ❣

💯သင်နှင့်သင့်မိသားစုကျန်းမာရေးအတွက် အမြဲအသင့်ရှိနေမှာ Latha Nine Nine အထူးကုဆေးခန်းပါ❣

📅 အသေးစိတ်စုံစမ်းရန်နှင့် Booking ရယူရန်

⏲ မနက် (၈) နာရီမှ ည (၇) နာရီ

📭 အမှတ်(၉၉)၊ လသာလမ်း (အပေါ်ဘလောက်)၊ လသာမြို့နယ်၊ ရန်ကုန်မြို့။

☎ 09 408 992 244/ 09 408 992 255

📞 09 942 420 000 (Hotline)

#အထူးကုဆေးခန်း

10/08/2025

🤗 သင့်ကျောက်ကပ်လေးကျန်းမာရေး သင်ကိုယ်တိုင် စောင့်ရှောက်ပေး❗

- ဆားလျော့စားပါ 🧂

- လေ့ကျင့်ခန်းပုံမှန်လုပ်ပါ 🚶‍♀️🚶‍♂️

- သွေးတွင်းသကြားဓာတ်ကို ပုံမှန်စစ်ဆေးပါ 🩸

- သွေးပေါင်ချိန်ကို ပုံမှန်စစ်ဆေးပါ 👨‍⚕️

- ဆေးလိပ်မသောက်ပါနှင့် 🚭

- ရေ တစ်နေ့ ၂ လီတာသောက်ပါ 💦

- အကိုက်အခဲပျောက်ဆေးများကို ဆရာဝန်ညွှန်ကြားချက်ဖြင့်သာ သောက်သုံးပါ 💊

09/08/2025

“ပိုမိုစိတ်ချရတဲ့ 𝗗𝗼𝘂𝗯𝗹𝗲 𝗥𝗢 နည်းပညာနဲ့ 𝗟𝗮𝘁𝗵𝗮 𝗡𝗶𝗻𝗲 𝗡𝗶𝗻𝗲 𝗦𝗽𝗲𝗰𝗶𝗮𝗹𝗶𝘀𝘁 𝗖𝗹𝗶𝗻𝗶𝗰 မှာ ကျောက်ကပ်သွေးသန့်စင်နိုင်ပါပြီ”

👉ကျောက်ကပ်သွေးသန့်စင်ဖို့ လိုအပ်နေပြီလား??

ကျွန်တော်တို့ Latha Nine Nine Specialist Clinic & Diagnostic Center ဆေးခန်းမှာ ကျောက်ကပ်သွေးသန့်စင်နိုင်ပါပြီ💯

👍ကျယ်ဝန်းသန့်ရှင်းတဲ့အခန်းမှာ ကျောက်ကပ်ဆေးနိုင်မယ်။

👨‍⚕️ ကျွမ်းကျင်တဲ့ ဆရာဝန်တွေနဲ့ ဝန်ထမ်းတွေရဲ့ အကောင်းဆုံး ကုသဝန်ဆောင်မှုတွေကို ရနိုင်မယ်။

💦 𝗗𝗼𝘂𝗯𝗹𝗲 𝗥𝗢 𝗦𝘆𝘀𝘁𝗲𝗺 ကြောင့် ကျောက်ကပ်ဆေးဖို့ အသုံးပြုတဲ့ရေက 𝗛𝗶𝗴𝗵 𝗣𝘂𝗿𝗶𝘁𝘆 ဖြစ်လို့ လူနာအတွက် ပိုစိတ်ချရတယ်။

💯 ခေတ်မှီပြီး အရည်အသွေးကောင်းတဲ့ 𝘀𝘁𝗮𝗻𝗱𝗮𝗿𝗱𝗶𝘇𝗲𝗱 လုပ်ပြီးသားစက်ကို အသုံးပြုထားတာကြောင့် တိကျ မြန်ဆန်ပြီး စိတ်ချရတယ်။

⏰ မနက် ၇:၃၀ ကနေ နေ့လည် ၁၂ နာရီထိနဲ့ နေ့လည် ၁ နာရီကနေ ညနေ ၆ နာရီထိ ဆိုပြီး တစ်ရက်ကို 2 session သတ်မှတ်ပေးထားတာကြောင့် အဆင်ပြေတဲ့အချိန်နဲ့ ညှိပြီး ကျောက်ကပ်ဆေးနိုင်မှာပါ….

ဆက်သွယ်ရန်ဖုန်း 👇👇

☎️ 09 782 784 970 (HD Ph no.)
(8am - 5 pm အတွင်း မေးမြန်းနိုင်ပါတယ်)

☎️ 09 942 420 000 (Clinic Ph no.)

👌🩸ရေရှည်ကျောက်ကပ်ဆေးဖို့ အဆင်ပြေချင်ရင် Latha Nine Nine Specialist Clinic & Diagnostic Center ကိုသာ စိတ်ချယုံကြည်လိုက်ပါ...

⏰ ဆေးခန်းဖွင့်ချိန် - မနက် ၇ နာရီမှ ည ၈ နာရီထိ

🏥 လိပ်စာ - အမှတ် (၉၉) ၊ လသာလမ်း (အပေါ်ဘလောက်)၊ (၄) ရပ်ကွက်၊ လသာ မြို့နယ်၊ ရန်ကုန်မြို့။

#ကျောက်ကပ်သွေးသန့်စင်ခြင်း

08/08/2025

📢သွေးတိုးရောဂါသတိထားစရာ‼

သွေးတိုးရောဂါသည် လေဖြတ်ရောဂါ (Stroke) ဖြစ်စေသည့် နံပါတ်တစ်အကြောင်းရင်းဖြစ်ပြီး နှလုံးရောဂါ (နှလုံးသွေးကြောကျဉ်းခြင်း၊ သွေးကြောပိတ်ခြင်း၊ နှလုံးကြီးခြင်း) ဖြစ်ခြင်း၏ အဓိကအကြောင်းရင်းလည်းဖြစ်ပါတယ်။

ကမ္ဘာတဝန်း လူသန်းပေါင်းတစ်ထောင်၌ သွေးတိုးရောဂါခံစားနေကြရပြီး ၂၀၁၀ ၌ သွေးတိုးရောဂါသည် ကမ္ဘာအနှံ့ စုစုပေါင်းသေဆုံးခြင်း၏ ၁၈%ရှိကာ လူပေါင်း ၉.၄ သန်းခန့်သေဆုံးရခြင်း၏ အဓိကအကြောင်းရင်းဖြစ်သည်ဟု ယုံကြည်ယူဆကြပါတယ်။ ကျွမ်းကျင်ဆေးပညာရှင်များက သွေးတိုးရောဂါကို တိတ်တဆိတ်လူသတ်သမား (Silent Killer) ဟုပင်တင်စားခေါ်ဝေါ်ကြပါတယ်။

သွေးတိုးရောဂါ၏ အဓိပ္ပာယ်ဖွင့်ဆိုချက်

သွေးတိုးရောဂါဆိုသည်မှာ အပေါ်သွေးပေါင်ချိန်သည် ၁၄၀နှင့်အထက် (သို့မဟုတ်) အောက်သွေးပေါင်ချိန် သည် ၉၀နှင့်အထက်ရှိလျှင် သွေးတိုးရောဂါ ဟုသတ်မှတ်ကြပါတယ်။
သို့ရာတွင် သွေးတိုးရောဂါဟု အမည်တပ်ရန် ၃လအတွင်း အနည်းဆုံး တစ်ပတ်ခြားကာ ၂ ကြိမ် သွေးပေါင်တက်လျှင် သွေးတိုးရောဂါဟု သတ်မှတ်နိုင်သည်။ ယခင် သွေးတိုးရောဂါ မရှိဘဲ ပထမဆုံးအကြိမ် သွေးပေါင်တက်ရုံဖြင့် သွေးတိုးသည်ဟု မခေါ်နိုင်ချေ။

သွေးတိုးရောဂါ ရှိမရှိကို နားလည်တတ်ကျွမ်းသော ကျန်းမာရေး ဝန်ထမ်းများဖြင့်စစ်ဆေးနိုင်ပြီး အစားအသောက် အနေအထိုင် ပြုပြင်၍ ဆေးဝါး စနစ်တကျ သုံးစွဲပါက ရောဂါကို ထိန်းချုပ်နိုင်ပါတယ်။

သွေးတိုးရောဂါဖြစ်စေသော အကြောင်းရင်းများ

သွေးတိုးရောဂါရှိသူ ၉၀ မှ ၉၅ ရာခိုင်နှုန်းသည် အကြောင်းရင်းတိတိကျကျ မသိကြပဲ ကျန် ၅ မှ ၁၀ ရာခိုင်နှုန်းကသာ ခန္ဓာကိုယ်တွင်းရောဂါ တမျိုးမျိုးကြောင့် သွေးတိုးရောဂါ ခံစားနေကြရခြင်းဖြစ်သည်။ ကိုယ်တွင်းရောဂါများမှာ ကျောက်ကပ်ရောဂါ၊ ကျောက်ကပ်သွေးကြောကျဉ်းရောဂါ၊ သွေးကြောမကြီးရောဂါ၊ သိုင်းရွိုက်ဟော်မုန်း အထွက်လွန်ရောဂါ၊ ကိုယ်ဝန်ဆောင်ခြင်း၊ သွေးတိုးစေသောဆေးများ သုံးစွဲနေခြင်းနှင့် အရက်သောက်သုံးခြင်း တို့ ဖြစ်ကြပါတယ်။

သွေးတိုးရောဂါ လက္ခဏာများ

သွေးတိုးရောဂါ ရှိသူများ၏ သုံးပုံတစ်ပုံ ခန့်မှာ မိမိတွင် သွေးတိုးရောဂါ ရှိမှန်း မသိကြသူများ ဖြစ်နေပါတယ်။ များသောအားဖြင့် သွေးတိုး လက္ခဏာ မခံစားရသူ၊ ဘာလက္ခဏာမှ မပြသူ များပါတယ်။ ခံစားရသူ အချို့တွင် ခေါင်းကိုက်ခြင်း၊ ဇက်ကြောတက်ခြင်း၊ မူးဝေခြင်း၊ အသက်ရှူ မြန်လာခြင်း၊ အမြင် ဝေဝါးလာခြင်း တို့ ဖြစ်တတ်ပါတယ်။ အချို့မှာ ရောဂါ၏ နောက်ဆက်တွဲ ဆိုးကျိုး လက္ခဏာ (Complications) များဖြင့် ပြတတ်ကြပါတယ်။ ရင်ဘတ်အောင့်ခြင်း (နှလုံး သွေးကြော ကျဉ်းခြင်း)၊ လေဖြတ်ခြင်း (ဦးနှောက် သွေးကြော ပိတ်ခြင်း/ ပေါက်ခြင်း)၊ မော၍ ဖောယောင်ခြင်း (နှလုံး ညှစ်အား နည်းခြင်း- Heart Failure)၊ မျက်နှာ ယောင်အမ်း လာခြင်း (ကျောက်ကပ် ပျက်စီးခြင်း-Renal Failure)၊ မျက်စိ အမြင် ချို့ယွင်းလာခြင်း (Hypertensive Retinopathy) တို့ ဖြင့် လက္ခဏာ ပြတတ်ကြပါတယ်။

သွေးတိုးရောဂါ၏ နောက်ဆက်တွဲ ဆိုးကျိုးများ

1. သွေးတိုး ရောဂါကြောင့် နှလုံးသွေးကြောများ ထူအမ်း မာကျောလာပြီး (Atherosclerosis) နှလုံး သွေးကြော ကျဉ်းခြင်း/ ပိတ်ခြင်း (Heart Attack)၊ နှလုံးကြွက်သားများ ထူထဲလာပြီး (LVH) နှလုံးညှစ်အား လျော့နည်းလာခြင်း (Heart Failure) တို့ ဖြစ်ပေါ်လာတတ်ပါတယ်။

2. ဦးနှောက် သွေးကြော ပိတ်ခြင်း (Ischemia)၊ သွေးကြော ပေါက်ခြင်း (Hemorrhage) တို့ဖြစ်ပေါ် စေပြီး လေဖြတ်ရောဂါ (Stroke) ဖြစ်ပေါ်လာတတ်ပါတယ်။

3. သွေးတိုးရောဂါ တာရှည်လာပါက ကျောက်ကပ် ပျက်စီးပြီး (Nephrosclerosis) ကျောက်ကပ် လုပ်ငန်း ယိုယွင်းခြင်း (Renal Failure) ဖြစ်ပေါ် လာတတ်ပါတယ်။

4. မျက်စိတွင်းရှိ မြင်လွှာ (Retina) သွေးကြောများ ထိခိုက် ပျက်စီးပြီး အမြင်အာရုံ (Hypertensive Retinopathy) ထိခိုက်လာတတ်ပါတယ်။

ရောဂါကို ထိန်းချုပ်နိုင်မည့် နည်းလမ်းများ

သွေးတိုးရောဂါ ရှိသူများသည် သွေးဖိအားကို 140/90 mmHg အောက် နှင့် ဆီးချို၊ ကျောက်ကပ် ရောဂါ ရှိသူများ အနေဖြင့် 130/80 mmHg အောက် ရှိနေစေရန်နှင့် သွေးတိုး ရောဂါကို ထိန်းချုပ်နိုင်ရန် အောက်ပါ အတိုင်း လိုက်နာ သင့်ပါတယ်။

1. ကိုယ်အလေးချိန် အဝ မလွန်စေရန် ထိန်းသိမ်း ထားရမည်.. Body Mass Index (BMI) ကို ၁၈.၅ မှ ၂၄.၅ အတွင်း ရှိနေစေရန် ထိန်းထားရမည်။

2. လမ်းမြန်မြန် လျှောက်ခြင်း၊ စက်ဘီးစီးခြင်း၊ ရေကူးခြင်း ကဲ့သို့သော ကိုယ်လက် လှုပ်ရှား လေ့ကျင့်ခန်း ကို ပုံမှန် တစ်နေ့ မိနစ် ၃ဝ နှင့် တစ်ပတ်လျှင် ၅ရက်ခန့်လုပ်ရမည်။

3. Dietary Approaches to Stop Hypertension (DASH) Eating Plan အရ သစ်သီး ဝလံများ၊ ဟင်းသီး ဟင်းရွက်များ၊ အဆီ ထုတ်ထားသော နို့နှင့် နို့ထွက် ပစ္စည်းများကို များစွာ စားသုံးပါ။ ဆား (ဆိုဒီယမ်) နည်းသော အစာများကို ရွေးချယ် စားသုံးပါ။ အထားခံသော အစာများ (Preserved Food)၊ ပြုပြင်ထားသော အစာများ (Processed Food) သည် ဆားပါဝင်မှု များပြားသောကြောင့် အတတ်နိုင်ဆုံး ရှောင်ကြဉ်သင့်ပါတယ်။ ငါးများ၊ အဆီမပါသော အသားများကို စားသုံးပါ။ ကိုလက်စထရော များသော အဆီ၊ အဆိမ့်၊ အချိုများကို ရှောင်ကြဉ်ပါ။

4. အရက် အလွန်အကျွံ သောက်သုံးခြင်းသည် သွေးတိုး စေတတ်သဖြင့် ရှောင်ကြဉ်ပါ။

5. သွေးတိုးရောဂါအတွက် ဆရာဝန်ညွှန်ကြားထားသော သွေးကျဆေးများကို တိတိကျကျ သုံးစွဲသင့်ပါတယ်။
သတိထားစရာသွေးတိုးရောဂါအကြောင်းလေး မျှဝေပေးလိုက်ပါတယ်ရှင် 💖

𝗟𝗮𝘁𝗵𝗮 𝗡𝗶𝗻𝗲 𝗡𝗶𝗻𝗲 𝗦𝗽𝗲𝗰𝗶𝗮𝗹𝗶𝘀𝘁 𝗖𝗹𝗶𝗻𝗶𝗰 တွင် အထွေထွေရောဂါအထူးကုဆရာဝန်ကြီးများနှင့် ဆွေးနွေးတိုင်ပင်ပြသနိုင်နေပြီဖြစ်ပါတယ်ရှင်❣

📅 ကြိုတင်ရက်ချိန်းရယူရန်

📭 အမှတ်(၉၉)၊ လသာလမ်း(အပေါ်ဘလောက်)၊ လသာမြို့နယ်၊ ရန်ကုန်မြို့။

☎ 09 408 992 244 // 09 408 992 255

📞 09 942 420 000 (Hotline)

#အထွေထွေရောဂါအထူးကုဆရာဝန်ကြီးများ

#လသာနိုင်းနိုင်း

07/08/2025

ကျောက်ကပ်ဆေးရမဲ့သူတွေ သိချင်တာမှန်သမျှ 🙌

ကျောက်ကပ်ဆေးကုသမှုကို ကိုယ်တိုင်မခံယူဖူးရင်တောင်
အားလုံးလည်း ကြားဖူးကြမှာပါ။ ဒါကြောင့် ဒီနေ့ Post လေးမှာ ကျောက်ကပ်ဆေးခြင်းနဲ့ပတ်သက်ပြီးကျောက်ကပ်ဆေးရမဲ့လူနာနဲ့လူနာရှင်တွေ သိချင်တာမှန်သမျှကို ပြည့်ပြည့်စုံစုံဖြေကြားပေးသွားပါမယ်။

1️⃣ ဘာကြောင့်ကျောက်ကပ်ဆေးရတာလဲ ❔

ကျောက်ကပ်ဆိုတာ ခါးနားမှာရှိတဲ့ လက်သီးဆုပ်အရွယ် အစိတ်အပိုင်းဖြစ်ပြီး သူ့ရဲ့ အဓိကလုပ်ငန်းဆောင်တာက ခန္ဓာကိုယ်အတွင်းရှိ မလိုအပ်တဲ့စွန့်ပစ်ပစ္စည်းတွေ၊ အဆိပ်အတောက်တွေကို စွန့်ပစ်ပေးတာပါ။ တကယ်လို့ ကျောက်ကပ်မကောင်းဘဲ ပျက်စီးသွားရင် (ကျောက်ကပ်က ၁၅ % အောက်သာ အလုပ်လုပ်နိုင်တော့တဲ့အခါ) အဲဒီစုပုံနေတဲ့ အဆိပ်အတောက်၊ စွန့်ပစ်ပစ္စည်းတွေကို ခန္ဓာကိုယ်ကနေ စွန့်ထုတ်သန့်စင်ပေးဖို့ ကျောက်ကပ်‌သွေးသန့်စင်တာမျိုး လုပ်ရင်လုပ် မလုပ်ရင် ကျောက်ကပ်အစားထိုးခြင်းပြုလုပ်ရပါတယ် ✅

2️⃣ ကျောက်ကပ်က စဆေးလိုက်ပြီဆိုတာနဲ့ တစ်သက်လုံး ဆေးရမှာလား ❔

ဒီမေးခွန်းကိုဖြေရမယ်ဆိုရင်တော့ရောဂါအခြေအနေပေါ်မူတည်ပါလိမ့်မယ်။

👉ရောဂါအခြေအနေတစ်ခုခုကြောင့် ကျောက်ကပ်က ရုတ်တရက်ခဏတာပျက်စီးသွားတဲ့အခြေအနေ Acute Kidney Injury တွေမှာတော့ ကျောက်ကပ်ဆေးတာကို ယာယီလုပ်ပြီးရင် ပြန်ကောင်းသွားတတ်ကြပါတယ်။

👉 ဒါပေမဲ့ နာတာရှည်ကျောက်ကပ်ထိခိုက်ပျက်စီးသွားတာမျိုးဆိုရင်တော့ ကျောက်ကပ်က တစ်သက်လုံးပြန်မကောင်းတော့ပါဘူး။ အဲ့အခါမှာကျောက်ကပ်အစားထိုးကုသမှုမလုပ်ဘူးဆိုရင်ကျောက်ကပ်ဆေးတာကို တစ်သက်လုံး ပြုလုပ်ဖို့လိုအပ်ပါတယ် ‼

3️⃣ ကျောက်ကပ်မဆေးခင် ဘာတွေပြင်ဆင်ဖို့လိုလဲ❔

ကျောက်ကပ်ဆေးတဲ့နေရာမှာ

🔹Hemodialysis (စက်ပစ္စည်းအကူအညီဖြင့် ကျောက်ကပ်ဆေးခြင်း) နဲ့

🔹 Peritoneal Dialysis (ဝမ်းဗိုက်မှတစ်ဆင့် ကျောက်ကပ်ဆေးခြင်း) ဆိုပြီးနှစ်မျိုးရှိပါတယ်။

Hemodialysis နည်းနဲ့ ကျောက်ကပ်မဆေးခင် 👨‍⚕️
ဆရာဝန်က သွေးကြောအရင်မွေးပေးရပါမယ်။ Hemodialysis နည်းနဲ့ ကျောက်ကပ်ဆေးတာက တစ်ခါလုပ်ရင် ၄ နာရီလောက်ကြာပြီး တစ်ပတ်ကို ၂ - ၃ ကြိမ်လောက် လုပ်ပေးရပါမယ်။ နောက်ပြီး Hemodialysis ကို 🏥 ဆေးရုံ၊ ဆေးခန်းတွေမှာသာ ပြုလုပ်နိုင်ပါတယ်။

Peritoneal Dialysis မပြုလုပ်ခင် ဝမ်းဗိုက်ထဲကို ပိုက်တစ်ချောင်းထည့်ဖို့ အသေးစားခွဲစိတ်မှုတစ်ခုပြုလုပ်ရပါမယ်။ အဲဒါပြီးရင် ပိုက်ထဲကို ဆေးရည်ထည့်ပြီး 🩸 သွေးမှတစ်ဆင့် စွန့်ပစ်ရမဲ့အရာတွေကို ပိုက်ကနေ အပြင်ကို စွန့်ထုတ်ပေးပါတယ်။ ဒီ Peritoneal Dialysis နည်းနဲ့ ကျောက်ကပ်ဆေးခြင်းက 🏠 အိမ်မှာပြုလုပ်နိုင်ပြီး တစ်နေ့ကို ၄ ကြိမ်လောက် ပြုလုပ်ပေးရပါမယ်။

ဒီကျောက်ကပ်ဆေးခြင်းနည်းလမ်း (၂) ခုထဲမှ ဘယ်လိုအမျိုးအစားက ကိုယ်နဲ့သင့်တော်လဲဆိုတာ ဆရာဝန်နဲ့တိုင်ပင်ပြီး ကုသမှုကို ခံယူနိုင်ပါတယ် 🙌

4️⃣ နေလို့ကောင်းနေလို့ ကျောက်ကပ်ဆေးတဲ့အကြိမ်လျှော့လို့ရလား ❔

မိမိသဘောနဲ့မိမိ ကျောက်ကပ်ဆေးတဲ့အကြိမ်အရေအတွက် လျှော့လိုက်တာကို လုံးဝမလုပ်သင့်ပါဘူး။ ဆရာဝန်ညွှန်ကြားချက်အတိုင်းကျောက်ကပ်ကို ပုံမှန်သန့်စင်ပေးဖို့လိုပါတယ်။

5️⃣ ကျောက်ကပ်ဆေးပြီးရင် နိစ္စဓူဝအလုပ်တွေ လုပ်နိုင်ရဲ့လား ❔

ကျောက်ကပ်ဆေးနေရတဲ့သူတွေက သာမန်လူတွေလို သွားလာလှုပ်ရှားတာလုပ်ဆောင်နိုင်ပါတယ်။ ဒါပေမဲ့ ဆရာဝန်ညွှန်ကြားထားတဲ့အတိုင်း အစာတွေကို ရှောင်ပေးရမယ်။ နေ့စဥ်သောက်သုံးရမဲ့ ရေပမာဏကိုလည်း ထိန်းသောက်ဖို့တော့ လိုအပ်ပါလိမ့်မယ် ✅

6️⃣ ကျောက်ကပ်ဆေးပြီးရင် ပြန်ကောင်းလာနိုင်လား❔

ပြောရမယ်ဆိုရင် ကျောက်ကပ်ဆေးတာက ကျောက်ကပ်လုပ်ရမဲ့အလုပ်ကို အပြင်ကနေ ကူညီလုပ်ဆောင်ပေးတာသာဖြစ်ပြီး ကျောက်ကပ်ကို ပြန်ကောင်းအောင်တော့ မပြုလုပ်ပေးနိုင်ပါဘူး 🙅

ဒီလောက်ဆိုရင်တော့ ကျောက်ကပ်ဆေးတာနဲ့ပတ်သက်ပြီး သိချင်နေတဲ့မေးခွန်းတွေရဲ့ အဖြေကို ရသွားကြမယ်ထင်ပါတယ်။

Latha Nine Nine အထူးကုဆေးခန်းမှာ Hemodialysis နည်းနဲ့ ကျောက်ကပ်ဆေးတဲ့လူနာအတွက်
⏰ မနက် ၇:၃၀ နာရီကနေ နေ့လည် ၁၂ နာရီထိ တစ်ချိန်
⏰ နေ့လည် ၁ နာရီကနေ ညနေ ၆ နာရီထိ တစ်ချိန် ဆိုပြီးရှိလို့ လူကြီးမင်းတို့အဆင်ပြေတဲ့အချိန်နဲ့ ညှိပြီးဆေးနိုင်ပါတယ်။

Double RO နည်းပညာကို အသုံးပြုထားတာဖြစ်လို့ ရေရဲ့ Quality ကလဲ High Purity ဖြစ်တဲ့အတွက် ယုံကြည်စိတ်ချစွာ ကျောက်ကပ်သွေးသန့်စင်ခြင်းဝန်ဆောင်မှုကို ရရှိနိုင်ပါတယ်။

ဒါကြောင့် ကျောက်ကပ်ဆေးဖို့ ဆေးခန်းရှာနေရင် Latha Nine Nine ကိုသာ ယုံကြည်စိတ်ချစွာ အားထားနိုင်ပါတယ်ရှင်။

⏰ ဆေးခန်းဖွင့်ချိန် - နေ့စဉ် မနက် ၇ နာရီမှ ည ၈ နာရီအထိ။

☎ 09 408 992 244 // 09 408 992 255

📞 09 942 420 000 (Hotline)

📭 အမှတ်(၉၉)၊ လသာလမ်း(အပေါ်ဘလောက်)၊ လသာမြို့နယ်၊ ရန်ကုန်မြို့။

#ကျောက်ကပ်ဆေးခြင်း

31/07/2025

🦠 ရေယုန်အကြောင်း ပြောကြရအောင်❗

ရေယုန်လို့ ပြောလိုက်ရင် အားလုံးသိထားကြတဲ့အတိုင်း အရေပြားမှာဖြစ်တဲ့ အရည်ကြည်ဖုလေးတွေပါပဲ။
ဒါဟာ Herpes 🦠 ဗိုင်းရပ်စ် အမျိုးအစားကြောင့် ဖြစ်ပြီး ကူးစက်နိုင်တဲ့ ရောဂါတစ်ခုပါ။
ရေယုန်ဟာ အဖြစ်များပေမယ့် တချို့မှာ ရောဂါလက္ခဏာမပြတာကြောင့် မသိလိုက်ခင်မှာ တခြားသူကို ကူးစက်သွားနိုင်ပါတယ်။

👩⚕ ဘယ်လိုနေရာမှာ ရေယုန်ပေါက်တတ်လဲ❓

ရေယုန်ပေါက်တဲ့ နေရာက ဗိုင်းရပ်စ်အမျိုးအစားအလိုက် ကွဲပြားနိုင်ပေမယ့် ပါးစပ်၊နှုတ်ခမ်း၊ မျက်စိ၊ လိင်အင်္ဂါနဲ့ အရေပြားတွေမှာ အဖြစ်များပါတယ်။
တချို့ ရေယုန်တွေဟာ ကျောနဲ့ ခါးတစ်ဝိုက်မှာ ပေါက်တာတွေလည်း ရှိပါတယ်။

👩⚕ရေယုန်ဘယ်လိုကူးစက်နိုင်လဲ❓

အရေပြားချင်း တိုက်ရိုက်ထိတွေ့ရာကနေ ရေယုန်ကူးစက်နိုင်ပါတယ်။
အနာရဲ့ အရည်တွေ ထိတွေ့မိတာ၊ နမ်းရှုပ်မိရာကနေ တံတွေးကတဆင့် ကူးစက်တာနဲ့ လိင်ဆက်ဆံရာကနေ ကူးစက်တာတွေကတော့ အဖြစ်များပါတယ်။

👩⚕ဘယ်လိုလက္ခဏာတွေနဲ့ လာတတ်လဲ❓

အများစုကတော့ သိပ်မပြင်းထန်တဲ့ အရည်ကြည်ဖုလေးတွေနဲ့ စတတ်သလို တခါတရံ သတိမထားမိတာလည်း ဖြစ်နိုင်ပါတယ်။
တချို့မှာတော့ အနာနဲ့အတူ ဖျားနာတာ၊ ကိုယ်လက်ကိုက်ခဲတာတွေ တွဲဖြစ်တတ်ပါတယ်။

👩‍ ⚕ ရေယုန်ဖြစ်ရင် နောက်ဆက်တွဲဆိုးကျိုးရှိနိုင်လား❓

ရေယုန်ဟာ ဖြစ်ပြီးနောက်မှာ ပြန်ဖြစ်နိုင်တဲ့ အလားအလာရှိပါတယ်။
ရေယုန်ကြောင့် HIV လို ကူးစက်ရောဂါတွေ ပိုကူးစက်နိုင်သလို တခါတရံ အာရုံကြောထိခိုက်တာ၊ ရောဂါပိုးဝင်တာတွေလည်း ဖြစ်နိုင်ပါသေးတယ်။

👩‍ ⚕ ရေယုန်ကို ကုသလို့ရလား❓

ရေယုန်ကို ကုသဖို့ ဆေးရှိတယ်ဆိုပေမယ့် အရှင်းပျောက်အောင် ကုသနိုင်တာတော့ မဟုတ်ပါဘူး။
ရေယုန်အတွက် အသုံးပြုတဲ့ ဗိုင်းရပ်စ်သတ်ဆေးတွေဟာ ရောဂါပြန်မဖြစ်ဖို့နဲ့ လက္ခဏာ သက်သာဖို့အတွက် ကူညီနိုင်ပေမယ့် ပျောက်ကင်းအောင် ကုသနိုင်ခြင်းတော့ မရှိပါဘူး။

👩‍ ⚕ ရေယုန်မဖြစ်အောင် ဘယ်လိုကာကွယ်မလဲ❓

ရေယုန်က သင်မသိလိုက်ခင်မှာ ကူးစက်နိုင်တဲ့ ရောဂါတစ်ခုပါ။
အထူးသဖြင့် အကာအကွယ်မဲ့ လိင်ဆက်ဆံတာတွေ၊ ပါးစပ်နဲ့ လိင်ဆက်ဆံတာတွေက ရေယုန်ကူးစက်နိုင်တဲ့ အလားအလာကိုပိုများစေလို့ သတိထားသင့်ပါတယ်။

👩‍ ⚕ တချို့မှာ ရေယုန်က မပြင်းထန်ဘဲ သက်သာသွားတတ်ပေမယ့် တခါတရံ ရောဂါလက္ခဏာပြင်းထန်ပြီး နောက်ဆက်တွဲ အခြေအနေတွေလည်း ရှိနိုင်တာကြောင့် လိုအပ်ရင် ဆရာဝန်နဲ့ သေချာဆွေးနွေးကုသသင့်ကြောင်း မျှဝေလိုက်ရပါတယ်ရှင်❣

👨‍⚕️👩‍⚕️ အထူးကုဆရာဝန်များ၊ အထွေထွေဆရာဝန်များနှင့် တွေ့ဆုံဆွေးနွေးလိုပါလျှင် Latha Nine Nine Specialist Clinic သို့ ဆက်သွယ်စုံစမ်းမေးမြန်းနိုင်ပါတယ်ရှင်❣

📅 ကြိုတင်ရက်ချိန်းရယူရန်

📭 အမှတ်(၉၉)၊ လသာလမ်း(အပေါ်ဘလောက်)၊ လသာမြို့နယ်၊ ရန်ကုန်မြို့။

☎ 09 408 992 244 // 09 408 992 255

📞 09 942 420 000 (Hotline)

#ရေယုန်ရောဂါအကြောင်းသိကောင်းစရာ

Latha Nine Nine Specialist Clinic & Diagnostic Center

19/08/2025

18/08/2025

17/08/2025

16/08/2025

15/08/2025

14/08/2025

13/08/2025

10/08/2025

09/08/2025

08/08/2025

07/08/2025

31/07/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	07:00 - 19:00
Tuesday	07:00 - 19:00
Wednesday	07:00 - 19:00
Thursday	07:00 - 19:00
Friday	07:00 - 19:00
Saturday	07:00 - 19:00
Sunday	07:00 - 19:00