15/07/2022
📌📌📌 တကျော့ပြန် ကိုဗစ်လေလား
နေ့စဉ် လူပေါင်း ၃ သောင်းကြား ကိုဗစ်ကူးစက်နေပြီး စက်တင်ဘာလမှာ အမြင့်ဆုံးရောက်လိမ့်မယ်လို့ ထိုင်းကျန်းမာရေးအာဏာပိုင်တွေပြောကြား
လာမယ့်သီတင်းပတ်အတွင်း ထိုင်းနိုင်ငံတွင်း ကိုဗစ် ၁၉ ကူးစက်မှု အရေအတွက်က စတင်မြင့်တက် လာဖွယ်ရှိမယ်လို့ ထိုင်းနိုင်ငံအာဏာပိုင်တွေက ပြီးခဲ့တဲ့ ရက်အနည်းငယ် ကဆိုပါတယ်။
နိုင်ငံတွင်း ကိုဗစ်ကူးစက်ခံရမှုအရေအတွက်ဟာဆိုရင် စက်တင်ဘာလမှာ အထွတ်အထိပ်သို့ ရောက်ရှိလာမယ်လို့ မျှော်လင့်ကြောင်း ကိုဗစ်စီမံခန့်ခွဲရေး ကျန်းမာရေးအာဏာပိုင် CCSA မှ ပြောကြားခဲ့ပါတယ်။
လက်ရှိ ထိုင်းနိုင်ငံရဲ့ နေ့စဉ် ကိုဗစ် ကူးစက်မှု လူနာအသစ်ဟာ ၂ သောင်းကနေ ၃ သောင်းကြားမှာ ရှိတယ်လို့ ကျန်းမာရေး ဒုတိယဝန်ကြီး ဆာသစ် ပီတူးတီချာက ဆိုပါတယ်။ပြီးခဲ့တဲ့ ရက်သတ္တပတ်တုန်း ကဆိုရင်လည်း ဆီရီလ ဆေးရုံက ဆရာဝန်တစ်ဦးမှာ ထိုင်းနိုင်ငံက ကိုဗစ် အခြေအနေဟာ ပိုမိုဆိုးရွားလာပြီး လွန်ခဲ့တဲ့ သီတင်းပတ်က လူနာသစ် ၅ သောင်းကျော်ထိ ရှိလာခဲ့တယ်လို့ ပြောကြား ခဲ့ပါတယ်။
လူစည်ကားတဲ့နေရာတွေ သွားလာမှုကို ရှောင်ဖို့နဲ့ ပြည်သူ့ကျန်းမာရေးဝန်ကြီးဌာနရဲ့ အကြံပြုချက်တွေ ကို လိုက်နာမယ်ဆိုပါက နေ့စဉ်ကူးစက်မှု အရေအတွက်က နိုဝင်ဘာလမှာ စပြီး ကျဆင်းသွား လိမ့် မယ်လို့လည်း ဖြည့်စွက်ပြောကြားခဲ့ပါတယ်။ ဒ့ါအပြင် နှာခေါင်းစည်းတွေ ပြန်လည်ဝတ်ဆင်ကြဖို့ကို လည်း တိုက်တွန်းထားပါတယ်။
ဘန်ကောက်မှာဖြစ်ပွားနေတဲ့ အိုမိုက်ခရွန်မျိုးကွဲ BA.4, BA.5 တွေ ပြည်နယ်တွေဆီ ပျံ့နှံ့လိမ့်မယ်လို့ ဆေးသိပ္ပံဌာန ပြောကြားခဲ့ပါတယ်။
ထိုင်းနိုင်၊ ဆေးသိပ္ပံဌာနကနေ အိုမိုက်ခရွန် မျိုးကွဲ အသစ်ရဲ့ ပိုမိုပြင်းထန်တဲ့ ဖျားနာမှုကိုဖြစ်စေတဲ့ BA.4, BA.5 ရောဂါပိုးတွေအကြောင်း အစီရင်ခံထုတ်ပြန်ခဲ့ပြီး ယနေ့အထိ တွေ့ရှိရတဲ့ ရောဂါဖြစ်ပွားမှု အများစု ဟာ ဘန်ကောက်မြို့တော်မှာဖြစ်ကာ အခြားတိုင်းနယ်ပြည်နယ် ၇၆ ခုကိုလည်း ပျံ့နှံ့သွားဖွယ်ရှိ ကြောင်း ဆိုပါတယ်။
ရောဂါကူးစက်ခံရသူ ၇၅ ရာခိုင်နှုန်းမှာ အိုမိုက်ခရွန်မျိုးကွဲအသစ် BA.4, BA.5 တို့ ဖြစ်ကြောင်း အတည် ပြုထားတယ်လို့ ဆေးသိပ္ပံဌာန ညွှန်ကြားရေးမှူးချုပ် ဒေါက်တာ ဆူပါကစ် စီရီလက်က ဆိုပါတယ်။ ဘန်ကောက်မြို့က စမ်းသပ်မှုမှာ ရောဂါဖြစ်ပွားမှုရဲ့ ၇၂ ရာခိုင်နှုန်းမှာ နောက်ဆုံးပေါ် မျိုးကွဲနှစ် မျိုးဖြစ်ပြီး ပြည်နယ်တွေမှာတော့ လက်ရှိဖြစ်ပွားမှုရဲ့ ၃၄.၇ ရာခိုင်နှုန်းသာရှိပါတယ်။
အိုမိုက်ခရွန် မျိုးကွဲအသစ်တွေမှာ ပိုမိုပြင်းထန်တဲ့ ဖျားနာမှုတွေကို ဖြစ်ပေါ်စေတဲ့ အကြောင်းကို ပြောကြားခဲ့ပြီး ကူးစက်ခံရသူတွေရဲ့ ၇၂ ရာခိုင်နှုန်း ကို ခွဲခြမ်းစိတ်ဖြာပြီးဖြစ်ကာ သူတို့တွေမှာ အပျော့စားလက္ခဏာတွေကို ခံစားကြရတယ်လို့ သိရပါတယ်။
သို့ပေမယ့်လည်း လူနာတွေမှာ ပြင်းထန်တဲ့ အဆုတ်ရောင်ခြင်းနဲ့ အသက်ရှူစက်တွေ တပ်ထားရပြီး အချို့မှာ စိုးရိမ်ရကာ အချို့မှာတော့ သေဆုံးခဲ့တယ်လို့ သိရပါတယ်။ ရောဂါမျိုးကွဲအသစ် ၂ မျိုးကူး စက်ခံရမှုကို လူနာ ၇၇ ရာခိုင်နှုန်းမှာ စစ်ဆေးအတည်ပြုနိုင်ခဲ့ပါတယ်။
Ref:thethaiger
#ဘန်ကောက်လမ်းညွန်ကိုစိုင်း
#ကိုဗစ်
