24/02/2026
လောကမှာ မင်းမှာ အိမ်တွေ၊ ခြံတွေ ဘယ်လောက်ပဲရှိရှိ တကယ်တမ်း မင်း အမြဲတမ်း နေထိုင်ရတာက မင်းရဲ့ "ခန္ဓာကိုယ် (Body)" ထဲမှာပဲကွ။ အိမ်အပြင်အဆင်ကိုတော့ သိန်းထောင်ချီ အကုန်ခံပြီး မင်းရဲ့ တကယ့် "အိမ်စစ်စစ်" ဖြစ်တဲ့ ခန္ဓာကိုယ်ကိုတော့ အမှိုက်ပုံးလို သဘောထားပြီး ဖြစ်သလို ပစ်ထားမယ်ဆိုရင်တော့ မင်းဟာ "နန်းတော်ထဲက လူမမာ" ပဲ ဖြစ်မှာပေါ့။
"အလုပ်တွေ အရမ်းများလို့ အိပ်ချိန်မရှိဘူး၊ အဆင်ပြေတာပဲ စားရတာပေါ့" ဆိုပြီး ကိုယ့်ကိုယ်ကိုယ် နှိပ်စက်နေသလား။ အဲဒါ မင်းက "ရွှေဥအုတဲ့ ငန်း" ကို သတ်နေတာပဲဗျ။ မင်းရဲ့ အောင်မြင်မှုတွေ၊ စည်းစိမ်တွေအားလုံးဟာ မင်းရဲ့ "ကျန်းမာရေး" ပေါ်မှာ တည်ဆောက်ထားတာကွ။ ခန္ဓာကိုယ်က "တောင်းဆို" လာတဲ့နေ့ကျရင် မင်းရှာထားတဲ့ ပိုက်ဆံတွေအားလုံးဟာ ဆေးရုံက "ခုတင်ဖိုး" ပဲ ဖြစ်သွားလိမ့်မယ်။
ခန္ဓာကိုယ်ဆိုတာ 'ငှား' လို့မရတဲ့ တစ်ခုတည်းသော 'အိမ်' ဗျ။ မင်းရဲ့ ကားကို ဆီအကောင်းစားထည့်သလို မင်းရဲ့ ခန္ဓာကိုယ်ထဲကိုလည်း 'အဆိပ်' တွေ (အရက်၊ ဆေးလိပ်၊ အစားအသောက်ဆိုးတွေ) အတင်းမသွတ်သွင်းနဲ့ဦးဗျာ။ အလုပ်လုပ်တာ ကောင်းပါတယ်... ဒါပေမဲ့ အဲဒီအလုပ်ကို လုပ်နိုင်ဖို့ မင်းရဲ့ 'နှလုံးသား'၊ 'အဆုတ်' နဲ့ 'ဦးနှောက်' က အသက်ရှူနေဖို့ လိုတယ်လေ။ မင်းကို မင်း တန်ဖိုးထားတယ်ဆိုရင် ပထမဆုံးအနေနဲ့ မင်းရဲ့ 'ခန္ဓာကိုယ်' ကို ဂရုစိုက်စမ်းပါ။ အဲဒါမှ မင်းဖြစ်ချင်တဲ့ 'ဘဝ' ကို ကြာကြာ ခံစားနိုင်မှာပေါ့ သူငယ်ချင်း။"
မင်းရဲ့ စိတ်ကူးအိပ်မက်တွေကို အကောင်အထည်ဖော်ဖို့ ဒီခန္ဓာကိုယ်ကပဲ သယ်ဆောင်သွားရတာဗျ။ (ယာဉ်ပျက်ရင် ခရီးဆုံးမှာ မဟုတ်ဘူး)။ ခန္ဓာကိုယ် ညောင်းညာနေရင်၊ ဖျားနာနေရင် မင်းရဲ့ "စိတ်" ကလည်း ကြည်လင်မှာ မဟုတ်ဘူး။ (စိတ်ဓာတ် မြှင့်တင်ဖို့ဆိုတာ ကျန်းမာမှ ဖြစ်တာဗျ)။ ကျန်းမာတဲ့သူမှာ "ဆန္ဒ" ပေါင်း တစ်ထောင်ရှိပေမဲ့ မကျန်းမာတဲ့သူမှာတော့ "ကျန်းမာချင်တဲ့ ဆန္ဒ" "တစ်ခုတည်း" ပဲ ရှိတော့တာဗျ။
မင်းရဲ့ ခန္ဓာကိုယ်ကို "အားသွင်း" ဖို့ အချိန်ပေးပါ။ အိပ်ရေးပျက်တာဟာ မင်းရဲ့ "သက်တမ်း" ကို အတိုးနဲ့ ချေးယူနေတာပဲဗျ။ မင်းစားတဲ့ အစားအသောက်က မင်းရဲ့ "ဆေး" ဖြစ်ပါစေ။ (ဆေးကို အစားအစာလို ပြန်စားနေရတဲ့ ဘဝမျိုး မရောက်ပါစေနဲ့)။ လေ့ကျင့်ခန်း လုပ်တယ်ဆိုတာ ခန္ဓာကိုယ်ကို နှိပ်စက်တာမဟုတ်ဘူး"ချောဆီ" လောင်းပေးတာဗျ။ တစ်နေ့ (၁၅) မိနစ်လောက်ပဲ ဖြစ်ဖြစ် ကိုယ့်ကိုယ်ကိုယ် အချိန်ပေးစမ်းပါ။
မင်းရဲ့ "ခန္ဓာကိုယ်" ကို "နတ်နန်း" တစ်ခုလို တန်ဖိုးထားလိုက်စမ်းပါ။ "မင်းမှာ နေစရာ ဒီတစ်နေရာပဲ ရှိတာဆိုတဲ့ အသိနဲ့ ကိုယ့်ရဲ့ ကျန်းမာရေးကို ဂရုတစိုက် ထိန်းသိမ်းနိုင်သူကမှ ဘဝရဲ့ အောင်မြင်မှုတွေကို အဓိပ္ပာယ်အရှိဆုံး ခံစားနိုင်မှာပါ" သူငယ်ချင်း...
Regard to original uploader
pharmacy
