24/08/2025
နောင်တ
အခါလွန်နောင်တ….နှောင်းမှ ရသောနောင်တ…အစရှိသဖြင့် တင်စားခေါ်ဝေါ်ကြတယ်။
တချို့က ဘဝမှာ တစ်ခါမှ နောင်တ မရဖူးဘူးလို့ ကျွေးကြော်ကြသလို….တချို့ကလည်း နောင်တများစွာရပြီး ပြိုလဲကြတယ်…..
ကိုယ်မမှားဘူးဆို နောင်တ ဆိုတာကို မလိုချင်တဲ့သူတွေ ပိုများပါတယ်။
ချမှတ်လိုက်တဲ့ ဆုံးဖြတ်ချက်တိုင်း….
ပြုမူလိုက်တဲ့ အပြုအမူတိုင်း….
တွေ့ဆုံနေရတဲ့အရာတိုင်းမှာ လူတိုင်း “နောင်တ”
ကင်းချင်ကြတာပဲ။ အထူးသဖြင့် ကိုယ်ချစ်ခင်မြတ်နိုးရတဲ့သူတွေအပေါ်မှာ ပိုပြီးတောင် နောင်တ မလိုချင်ဘူး။ ဒါပေမယ့် နောင်တ ရစရာ အဖြစ်အပျက်တွေက ဖြစ်ပြီးခဲ့ပြီလေဆိုတော့…. နောင်တဆိုတဲ့အတိုင်း နောင် မှ တ တဲ့ အရာမို့ ဖြစ်ပြီးမှပဲသိကြတာပါ။
နောင်တတွေက ပြန်ပြင်လို့ရလားမေးရင် ကိုယ့်အဖြေကတော့ နောင်တတွေက ပြန်ပြင်လို့ရတဲ့ အခွင့်အရေးနည်းပါးပါးတယ်။
ပြန်ပြင်လို့မရတဲ့ နောင်တ အတွက် ဘယ်လို
ရှေ့ဆက်ရမလဲ။
ကိုယ့်အတွက်ကတော့
☘️နောင်တ တွေပဲ ရနေ ခြင်းက ကိုယ့်ကိုယ်ကို အပြစ်တင်နေခြင်းရဲ့ တစ်စိတ်တစ်ပိုင်းပဲလိုမြင်မိတယ်။ (ကိုယ်လုပ်ခဲ့တဲ့ အရာမျိုး ကိုယ်ချစ်ရသူက လုပ်ခဲ့ရင် ကိုယ့်ကိုယ်ကို အပြစ်တင်သလိုမျိုး တင်နေဖြစ်မှာတဲ့လား။)
☘️ ကိုယ်နောင်တ ရနေတယ်လို့ ခံစားရရင်ကိုပဲ ဒါဟာ ရှေ့ဆက်ဖို့ကောင်းတဲ့ လက္ခဏာရပ်ပါပဲ။ ရှေ့ဆက်ပါ။ အရှုံမပေးလိုက်ပါနဲ့။
☘️ ကိုယ်လုပ်ခဲ့တဲ့အရာကို နောင်တ ဆိုရင် ထို နောင်တ လက်ခံလိုက်ပါ။ ကိုယ့်ကိုယ်ကို မရှောင်ပြေးပါနဲ့။
☘️ ပြန်ပြင်လို့ရတယ်ဆိုရင် အချိန်မနှောင်းခင် ပြန်ပြင်ပါ။ (အခြေနေပေါ်မူတည်ပြီး)
☘️ နောင်တရဲ့ အလှပဆုံးတရားက နောင်တကို သင်ခန်းစာ အဖြစ် ၊ အတွေ့အကြုံကောင်းတစ်ခုအဖြစ်ပြောင်းလဲလိုက်ခြင်းပါ။
☘️ တချို့နောင်တ မှတဆင့် သင်ယူရခြင်းက
ဘဝမှာ အတန်းပညာ ၊ သီအိုရီတွေထက် ပိုကောင်းတဲ့ ဘဝ သင်ခန်းစာတွေ ကို ပေးစွမ်းနိုင်ပါတယ်။
☘️ ကိုယ့်ရဲ့ စိတ်ခံစားချက် (Emotion) တွေကို လေ့လာပါ၊ ကိုယ်ကို နားလည်အောင်လုပ်ပါ။
စီမံခန့်ခွဲပါ။
☘️ ခွင့်လွှတ်ဖို့လိုအပ်ရင် ကိုယ့်ကိုယ်ကို ခွင့်လွှတ်ပါ။ သူများကိုလည်း ခွင့်လွှတ်တတ်ပါစေ။
☘️ အမှားလုပ်မိတယ်ဆိုရင်လည်း တောင်းပန်တက်ပါစေ။ ကိုယ့်အမှားကိုယ်မသိတဲ့သူက ဘယ်နောင်တကိုမှလည်း ဆင်ခြင်နိုင်မှာ မဟုတ်ပါဘူး။
☘️ နောင်တ တစ်ခုတည်းကိုပဲ တစ်ပုံစံတည်း ထပ်ခါတလဲလဲ မရ အောင် အသိနဲ့ သတိရှိပါစေ။
🚨ကိုယ်ချစ်ရတဲ့သူတွေကိုလည်း “ ချစ်တယ်”လို့ပြောဖို့လည်း နောက်မကျပါစေနဲ့နော်။
☘️ ဘဝ မှာ နောင်တ ကင်းတဲ့သူ ဖြစ်/ မဖြစ် မသေချာပေမယ့်… နောင်တ နည်းတဲ့သူတွေတော့ ဖြစ်ကြပါစေ။
မင်းရဲ့ငြိမ်း
“မင်းနဲ့အတူရှိပါရစေ”
-Counseling&Empowerment လေးက
သင် နှင့် အတူရှိနေပေးမှာပါ….. ❤️💻
လုံခြုံစိတ်ချ ရင်ဖွင့်ပါ သင်နဲ့အတူ ရှိနေမှာ..❤️❤️
ဆက်သွယ်လိုပါက👉 Page Messenger ကို အသေးစိတ် စုံစမ်းမေးမြန်းနိုင်ပါသည်။
