21/06/2025
ဘီယာ ကို ဘယ်လိုသောက်ကြမလဲ။
တစ်ကယ်တော့ ဘီယာဟာ တရားခံအဖြစ် မှားယွင်းစွာ
ယိုးစွပ်ခံရတာပါ။
ကျွန်တော်တို့တစ်တွေ
ဘီယာသောက်ရင် ဗိုက်ရွှဲတယ်၊ ဗိုက်ပူတယ်ဆိုတာ မဟုတ်ပါဘူး။ ဘီယာကြောင့် မဟုတ်ဘဲ။
ကျွန်တော်တို့ ဘီယာသောက်တဲ့ အချိန်မှာ စားတဲ့ မြည်းတဲ့
အစားအသောက်ရယ်။
ဘီယာမသောက်တဲ့အချိန်မှာ စားတဲ့ သောက်တဲ့ အစားအစာ အချိုးအစား မှန်ကန်မျှတမှု မရှိတာ၊ ကိုယ်လက်လှုပ်ရှား လေ့ကျင့်ခန်း မလုပ်တာရယ်နဲ့ပဲ ဆိုင်ပါတယ်။
ဘီယာရဲ့ ကောင်းကျိုးတွေကတော့ သင့်တင့်မျှတစွာ သောက်မယ်ဆိုရင်
(၁) နှလုံးနဲ့ သွေးကြောဆိုင်ရာ ကျန်းမာမှုရမယ်၊ ရောဂါဖြစ်ပွါးမှု လျော့နည်းစေမယ်။
(၂) သွေးလည်ပတ်စီးဆင်းမှု ကောင်းမယ်။
(၃) ဘီယာထဲမှာ ပါတဲ့ ခရိုမီယမ်ဓါတ်ဟာ ခန္ဓာကိုယ်ရဲ့ သွေးချိုပမာဏကို ထိန်းညှိပေးပါတယ်။
(၄) အရိုးတွေကို သန်မာစေတယ်။
(၅) သူငယ်ပြန်ခြင်းနဲ့ သတိမေ့လျော့ခြင်းတွေကို အဖြစ်နည်းစေတယ်။
(၆) ဗီတာမင် ဘီ အုပ်စု ကြွယ်ဝစွာပါဝင်သောကြောင့် လန်းဆန်းတက်ကြွစေတယ်။
ဘီယာကို သင့်တင့်အောင် ဘယ်လို သောက်သုံးမလဲ
National Institute on Alcohol Abuse and Alcoholism ရဲ့ အကြံပြုချက်အရ
အရွယ်ရောက်ပြီး ကျန်းမာတဲ့
(၁) အမျိုးသားတစ်ယောက်ဟာ တစ်ရက်ကို အနည်းဆုံး ၃၃၀ မီလီလီတာ ပမာဏပါဝင်တဲ့ ဘီယာ နှစ်ခွက်သောက်သုံးလို့ ရသလို
(၂) အမျိုးသမီးတစ်ယောက်ဟာ ဘီယာတစ်ခွက် သောက်သုံးလို့ရပါတယ်။
ထိုပမာဏထက်များရင်တော့ ဘီယာရဲ့ ဆိုးကျိုးတွေကို ခံစားရနိုင်ချေ များပါတယ်။
(၃) ဘီယာကို သောက်သုံးရင် ဖြည်းဖြည်းနဲ့ ပုံမှန်ပဲ သောက်သုံးသင့်ပါတယ်။ ရေဆာသလို အငမ်းမရ မသောက်သင့်ပါဘူး။ ခန္ဓာကိုယ်ထဲကို ဝင်လာတဲ့ Alcohol ကို ထိန်းညှိနိုင်ဖို့ အသည်းကို အချိန်ပေးရပါတယ်။
(၄) ဘီယာရွေးချယ်ရာမှာလည်း calorie ပမာဏနည်းတဲ့ အမျိုးအစားများကို ရွေးချယ်ခြင်းဟာ ပိုမိုအဆင်ပြေစေပါတယ်။
(၅) ဘီယာမသောက်ခင်နဲ့ သောက်နေစဉ်မှာ အစာစားပေးခြင်းဟာလည်း Alcohol ကြောင့် သွေးတွင်းသကြားဓါတ် လျော့နည်းမှုကို ထိန်းထားနိုင်စေပါတယ်။
(၆) Alcohol ပါဝင်တဲ့ အရည်တွေဟာ ခန္ဓာကိုယ်ရဲ့ ရေဓါတ်ခန်းခြောက်မှုကို ဖြစ်စေတတ်တာမို့ ရေလည်း များများသောက်ပေးဖို့ လိုအပ်ပါတယ်။
(၇) ဘီယာ စ မသောက်ခင်မှာ ကိုယ့်ရဲ့ သောက်သုံးနိုင်မည့် ပမာဏကို ကြိုတင် သတ်မှတ်ထားသင့်ပါတယ်။
(ငါတော့ ၃ ခွက်ပဲ သောက်မယ် ဆိုတာမျိုးပေါ့၊ အလွန်အကျွံ မသောက်သင့်ပါဘူး)
(၈) Alcohol သောက်သုံးထားပြီးတဲ့ အချိန််ှမှာ ယာဉ်ကား/ စက်ပစ္စည်းများကို မောင်းနှင် အသုံးပြုခြင်း မလုပ်သင့်ပါဘူး။
(၉) အကယ်၍ မိမိကိုယ်ကို Alcohol စွဲလန်းမှု ပြဿနာ ရှိနေပြီလို့ ယူဆရင် မိသားစုဆရာဝန်ဖြစ်စေ၊ သမားတော်နှင့်ဖြစ်စေ၊ စိတ်ကျန်းမာရေး ဆရာဝန်နှင့် ဖြစ်စေ အမြန်ဆုံး တိုင်ပင်ဆွေးနွေးဖို့ လိုအပ်ပါတယ်။
(၁၀) ဘီယာသောက်သုံးနေစဉ်မှာလည်း ကယ်လိုရီများတဲ့ အစားအသောက်တွေဖြစ်တဲ့ ဆီပြန်ဟင်းတွေ၊ ဆီကြော်တွေ ကို စားသုံးမည့်အစား အရွက်များများ၊ အသုပ်များ၊ ဟင်းချိုရည်တို့နဲ့ တွဲဖက် စားသောက် သင့်ပါတယ်။
(၁၁) နောက်ဆုံးတစ်ချက်ကတော့ ပျော်ချင်လို့ သောက်သုံးတာ ဖြစ်တဲ့ အတွက် ပျော်တဲ့အဆင့်မှာတင် ရပ်တန့်နိုင်ဖို့ပါပဲ။
တစ်ဦးတစ်ယောက်တည်း သောက်သုံးခြင်းဟာ စိတ်ကျရောဂါအဆင့်ထိ ရောက်ရှိနိုင်တတ်တာမို့ မိတ်ဆွေသူငယ်ချင်းများနဲ့ ဝိုင်းဖွဲ့သောက်သုံးတာက ပိုမိုသင့်လျော်ပြီး မိတ်ဆွေကို ထိန်းကျောင်းပေးနိုင်ပါလိမ့်မယ်။
ဒီနေ့တော့ ဘီယာကို သင့်တင့်မျှတအောင် ဘယ်လိုသောက်သုံးသင့်တယ်ဆိုတာရယ်၊ ဘီယာရဲ့ ကောင်းကျိုးတွေကိုပဲ ရွေးချယ် ဖော်ပြပေးလိုက်ပါတယ် စာဖတ်သူများခင်ဗျာ။
Drink Responsibly
မေတ္တာဖြင့်
Dr Thant
(အရေးပေါ်ဆရာဝန်)
