https://www.facebook.com/102451465541090/

Dr.Kaung Htet Kyaw, Yangon (2025)

07/08/2025

😂

10/07/2025

💦 11 ပေါင်ကလေး

ကိုယ်အလေးချိန် 5 kg (5295ဂရမ်)
ပေါင်အနေနဲ့ဆို 11 ပေါင်

ကလေးရဲ့မိခင်က ထိုင်း-မြန်မာနယ်စပ်မှာ
ယာယီခိုလှုံနေထိုင်တဲ့မြန်မာနိုင်ငံသားပါ
Tha Song Yang ဆေးရုံမှာ ၈ ရက်နေ့ကမွေးဖွားခဲ့တာပါ
crd

07/07/2025

💦ရန်ကုန်မြို့ကသက်သတ်လွတ် စားသောက်ဆိုင်တွေ၊ သားသတ်လွတ် အသားတု snack တွေဝယ်လို့ရတဲ့နေရာ၊ ကိုယ်တိုင်အလွယ်တကူ ချက်စားထားတဲ့ ဟင်းတွေ တစုတဝေးတည်းစုထားပါတယ်၊ 😋🌱📚

📍အေးဆေးတိတ်ဆိတ်မှုတွေရှိတဲ့နေရာမှာ စိတ်ချမ်းချမ်းသာသာ သားသတ်လွတ်စာစားချင်ကြလား

https://www.facebook.com/permalink.php?story_fbid=121173200609698&id=100081336806563

📍 ရန်ကုန်မှာ သွားစားနေကြဖြစ်တဲ့ သားသတ်လွတ်ဆိုင် 🌱
Novotel ဘေးနားက တရုတ်ဘုံကျောင်းထဲကဆိုင်
Lanmadaw Vegetarian Restaurant

https://www.facebook.com/permalink.php?story_fbid=411194611601762&id=100081336806563

https://www.facebook.com/permalink.php?story_fbid=122211660505852&id=100081336806563

📍ကန်တော်ကြီးက သားသတ်လွတ် Menu သီးသန့်ရှိတဲ့ ဆိုင် 🌱🌱
ရန်ကုန်က တရုတ်ဆိုင်ထဲမှာ ကျွန်မ အကြိုက်ဆုံးထဲမှာပါတယ်၊

https://www.facebook.com/permalink.php?story_fbid=276231675098057&id=100081336806563

📍သက်သတ်လွတ် အိမ်မှာအဆင်သင့်စားလို့ရတဲ့ vegetarian meals and delivery

https://www.facebook.com/permalink.php?story_fbid=129493403111011&id=100081336806563

📍သားသတ်လွတ် ဒုတ်ထိုး 🌱 Snack
Snack လိုမျိုး မုန့်ထုတ်ဖောက်ပြီးအသင့်စားလို့ရတယ်၊ စားလိုက်တာ တယောက်တည်းနဲ့ တထိုင်တည်းကုန်သွားတယ်၊ အရသာအရမ်းရှိလို့၊

https://www.facebook.com/permalink.php?story_fbid=256109947110230&id=100081336806563

📍သားသတ်လွတ် Menu သီးသန်နဲ့ ဆိုင် Canton Paradise MM

https://www.facebook.com/permalink.php?story_fbid=164488696272356&id=100081336806563

📍သားသတ်လွတ် ယူနန်ဟော့ပေါ့ 🌱🌱🌱🌱

https://www.facebook.com/permalink.php?story_fbid=316612571059967&id=100081336806563

📍မနက်စာအမြဲစားဖြစ်တဲ့ သက်သတ်လွတ်ပေါက်စီ
https://www.facebook.com/share/1N3nEr7Txf/?mibextid=wwXIfr

📍 ချဉ်ပေါင်နဲ့ အသားတုဟင်း 🌱
https://www.facebook.com/permalink.php?story_fbid=277221701665721&id=100081336806563

📍 ကီးမားပလာတာကိုမှ သားသတ်လွတ်စားချင်လို့ ရှာနေတာ ဒီနေရာလေး တွေ့တယ်။

https://www.facebook.com/permalink.php?story_fbid=180197048034854&id=100081336806563

📍 ရန်ကုန် ဖိုးစိန်လမ်းက သားသတ်လွတ်စားသောက်ဆိုင်လေး 🌱🌱
https://www.facebook.com/permalink.php?story_fbid=488195997234956&id=100081336806563

📍 သားသတ်လွတ် Ramen 🍜 Vegan Ramen
https://www.facebook.com/permalink.php?story_fbid=169126055808620&id=100081336806563

Crd

03/03/2025

💦ကလေးများနှင့်အသည်းရောင်အသားဝါ(အေ)

ခုရက်ပိုင်းကလေးတွေမှာအတွေ့များလာတဲ့အသည်းရောင် အသားဝါအေ ရောဂါအကြောင်းမျှဝေပေးချင်ပါတယ်။

🍓ရောဂါလက္ခဏာများ
ရောဂါလက္ခဏာများမှာ အသည်းရောင်အသားဝါအေပိုးကူးစက်ပြီး၂ ပတ်မှ ၇ ပတ်အတွင်းပေါ်လာတတ်ပါတယ်။
- အဖျားတက်ခြင်း
- ဆီးအရောင်အဝါရင့်ခြင်း
- အသားဝါခြင်း (အရေပြားနှင့် မျက်လုံး)
- အန်ခြင်း
- ဗိုက်နာ/အောင့်ခြင်း
-ဝမ်းပျက်ခြင်း
-ပါးစပ်ပျက်ခြင်း
-မှိန်းခြင်း စတာတွေဖြစ်တတ်ပါတယ်။

🍓ဘယ်လို ကူးစက်လဲ?
-မသန့်ရှင်းသောအစားအစာများ(အသုပ်၊အကင်စတဲ့အစားအစာများ)
-မသန့်ရှင်းသောရေ
-ရောဂါဖြစ်နေသူနှင့်ထိတွေ့မိခြင်း
-ရောဂါပိုးသယ်ဆောင်ထားတဲ့သူပြင်ဆင်ပေးတဲ့အစားအသောက်တွေစားမိခြင်း
-တကိုယ်ရည်သန့်ရှင်းရေးအားနည်းခြင်း
တို့ကြောင့်ကူးစက်နိုင်ပါတယ်။

🍓ရောဂါဖြစ်လာရင်ဘာတွေလုပ်မလဲ?
အကောင်းဆုံးကနီးစပ်ရာဆေးရုံ၊ဆေးခန်းမှာအမြန်ဆုံးပြဖို့လိုအပ်ပါတယ်။

🍓ဘယ်လိုကာကွယ်မလဲ

🌲အသည်းရောင်အသားဝါ(အေ)ရောဂါ ကာကွယ်ဆေး ထိုးလို့ရပါတယ်။
-အသည်းရောင်အသားဝါ အေ ကာကွယ်ဆေးထိုးထားခြင်းဖြင့်ရောဂါကူးစက်ခံရမှုကို ၉၅% ကျော် ကာကွယ်ပေးနိုင်ပါတယ်။
-အသက် ၁ နှစ်နဲ့အထက် ကလေးအားလုံးကို ထိုးပေးနိုင်ပြီး ကာကွယ်ဆေးကို (၂) ကြိမ်အပြည့်ထိုးနှံရပါမယ်။ပထမအကြိမ်ထိုးပြီး ၆ လအကြာမှာ ဒုတိယအကြိမ်ကို ထိုးပေးရပါမယ်။

🌲 လက်ကိုသန့်ရှင်းအောင်ဆေးကြောပါ။(အစားမစားခင်၊စားပြီး၊အိမ်သာအသုံးပြုပြီးတိုင်း)

🌲သန့်ရှင်းလက်ဆတ်သောအစားအသောက်များကိုပြင်ဆင်ကျွေးပါ။အစားအစာများကိုကျက်အောင်ချက်ပြုတ်ပါ။

🌲ရောဂါဖြစ်နေသူနှင့်ထိတွေ့ခြင်းကိုရှောင်ပါ

🍓🍓အနှစ်ချုပ်အနေနဲ့ကလေးတွေမှာအသည်းရောင်အသားဝါ (အေ)ကာကွယ်ဆေးထိုးထားခြင်းဖြင့်ထိရောက်စွာကာကွယ်နိုင်သလို သန့်ရှင်းလတ်ဆတ်သောအစားအစာများကျွေးခြင်း၊တကိုယ်ရည်သန့်ရှင်းရေးဂရုစိုက်ပေးခြင်း၊အပြင်စာ/ လမ်းဘေးစာ တွေကိုမကျွေးခြင်း တို့ဖြင့်ရောဂါကူးစက်မှုကိုကာကွယ်နိုင်ပါသည်။

20/11/2024

2025 ပြက္ခဒိန်

crd

10/04/2024

💦ကလေးများနှင့်အပူရှပ်ခြင်း

ရာသီဥတုအရမ်းပူလာသောကြောင့်အပူရှပ်ခြင်းကိုကလေးအများစုကြုံနေရပါတယ်။တချို့ကလေး‌တွေမှာအပူချိန် 104-105' F ထိ ဖျားကြပါတယ်။
အဖျားအရမ်းကြီးလျှင် တက်သွားနိုင်ပါတယ်။

🍓ကလေးဖျားလျှင်ပြုစုနည်း
👉ထားရမည့်နေရာ
-အေးသောနေရာမှာကလေးကိုထားပါ။အရိပ်ရပီးအေး‌ရင်ပိုကောင်းပါတယ်။
-Air con ခန်းမှာလည်းထားလို့ရပါတယ်။
-လေဝင်လေထွက်ကောင်းအောင်ပြတင်း‌ပေါက်များ ဖွင့်ထားပါ။

👉အဝတ်အစား
-ပွပွချောင်ချောင် ချည်ထည် စွပ်ကြယ်သား စပန့်သား အဝတ်များသာ ဝတ်ပေးပါ။

👉ရေပတ်တိုက်ပေးပါ။
ရေပတ်တိုက်လျှင် သဘက်စ ချည်ထည်စကို ရေဆွတ်၍ ကလေး၏ တစ်ကိုယ်လုံးကိုပတ်ထားပါ။
-နဖူး၊ဂျိုင်းကြား၊ပေါင်ခြံကြား မကျန်အောင်ရေပတ်တိုက်ပေးပါ။

** နဖူးပေါ်ပဲ ရေပတ်ဝတ်တင်ရုံ၊cool gelကပ်ရုံဖြင့်အဖျားမကျပါ။
အထက်ပါနည်းအတိုင်းတစ်ကိုယ်လုံး‌‌ ရေပတ်သေချာတိုက်မှ အဖျားကျပါမယ်။

🛑ရေခဲရေ မသုံးရပါ။ (အဖျားပိုတက်တတ်ပါတယ်)
ရိုးရိုးရေအေးသာသုံးပါ။

👉အရမ်းပူလာရင်ရေချိုးလို့ရပါတယ်။

🛑အနွေးထည် မဝတ်ရပါ။
ဂျင်းသား အပူစများ မဝတ်ပေးရပါ။

🍓ဆေးများ
အဖျားကျဆေး Paracetamol/ Biogesic တိုက်ပေး၍ရပါသည်
Paracetamol ကိုအချိုးအဆ မှန်မှန်တိုက်ရပါမယ်။
နည်းတိုက်လျှင်အဖျားမကျနိုင်ပါ။များတိုက်မိလျှင် Para ၏ ဘေးထွက်ဆိုးကျိုးမှာအသည်းထိခိုက်တတ်ပါတယ်။

👉Para ကို 15 mg/kg ဖြင့် 6 နာရီခြား
အပူအရမ်းကြီးလျှင် 4 နာရီခြား တိုက်၍ရပါတယ်။
(eg. body weight 8 kg ရှိသော ကလေးကို Para 120 mg အား 5 ml 4-6 times တစ်နေ့တာအတွက်တိုက်လို့ရပါတယ်)
Para အများစုမှာ 120 mg ဖြစ်ပါတယ်။
250 mg 150 mg ပါသောဆေးများလည်းရှိပါတယ်။

👉ကလေးစအိုထဲသို့ အဖျားကျဆေးတောင့် Para suppositary လည်း ထည့်ပေးနိုင်ပါတယ်။
ချွင်းချက်-သွေးဥမွှားနည်းနေသောကလေးများ Reduced Platelet count
ဝမ်းလျှောနေသောကလေးများတွင် မထည့်ရပါ
Para suppo သည်လည်း 120 mg / 250 mg အမျိုးမျိုးရှိပါတယ်။

🛑Para suppo ထည့်ထားပြီးလျှင် Paraအရည်ထပ်ပီး ချက်ချင်းမတိုက်ရပါ။
အနည်းဆုံး 4 နာရီခြားပြီးမှ တိုက်ရပါမယ်။

🍓ဘာကျွေးမလဲ
-ဖျားနေသော ကလေးအား လျှောလျှောလျူလျူ ဝင်လွယ်မည့်အစားအစာများကျွေးပေးပါ။
(ဆန်ပြုတ် ခေါက်ဆွဲပျော့ပျော့အရည်ဖျော် ကြက်ပေါင်းရည်)

👉နို့စို့အရွယ်လေးများ အမေနို့ဆက်တိုက်ပေးပါ။

👉အဖျားတက်နေလျှင် ကလေးများမစားနိုင်ပါ။
ရေပတ်တိုက်ပီးအဖျားကျဆေးတိုက်ပီးအဖျားကျသွားချိန်တွင် အစားကိုဝင်အောင်ကျွေးပေးပါ။

🌲သားသားမီးမီးတို့အပူဒဏ်အန္တရာယ်မှကင်းဝေးကြပါစေ။😊

မေတ္တာဖြင့်
ဒေါက်တာကောင်းထက်ကျော်

21/09/2023

💦ကလေးများနှင့် မျက်စိနာခြင်း

မျက်စိနာတဲ့ရောဂါဟာ ကလေးတွေမှာ အဖြစ်များပြီး ဘတ်တီးရီးယား သို့မဟုတ် ဗိုင်းရပ်စ် ပိုးဝင်လို့ ဖြစ်တတတ်ပါတယ်။
မွေးကင်းစကလေးလေးတွေမှာလည်း ဖြစ်ပါတယ်။

တချို့ကလေးတွေ အအေးမိပြီးဖျားလျှင် မျက်စိနာခြင်းပါ ဖြစ်တတ်ပါတယ်။
ဗိုင်းရပ်စ် ပိုးကြောင့် ဖြစ်တဲ့ မျက်စိနာတာဆိုလျှင် ကူးစက်နိုင်ပြီး ဘတ်တီးရီးယားပိုး ကြောင့်ဆိုလျှင် မကူးစက်နိုင်ပါဘူး။
မျက်စိနာတာက တခုခုနဲ့ ဓာတ်မနဲ့တဲ့ အခါမှာလည်း ဖြစ်တတ်ပါသေးတယ်။

🍓လက္ခဏာများ
မျက်စိနာလျှင် ကလေးရဲ့ မျက်စိဟာ နီရဲ ရောင်ရမ်းပြီး မျက်ရည်လည်နေတတ်ပါတယ်။ ယားလည်းယား နိုင်ပါတယ်။ တခါတလေ ကလေးမျက်စိမှာ အဝါ သို့မဟုတ် အစိမ်းရောင်အရည် တွေထွက်နေတတ်ပြီး ကလေးအိပ်ပျော်ပီး ပြန်ထတဲ့အခါ စေးကပ်ပြီး မျက်လုံးဖွင့်ရခက်တတ်ပါတယ်။ မျက်လုံးဘေးနားကို အသားက ရောင်ရမ်းနေပါမယ်။ မျက်လုံး တဖက်တည်း ဖြစ်နိုင်သလို နှစ်ဖက်လုံးလည်း ဖြစ်နိုင်ပါတယ်။

🍓မျက်စိနာလျှင် ဘယ်လိုကုသရမလဲ

-ကလေးရဲ့ မျက်စိကို သန့်သန့်ရှင်းရှင်း ဖြစ်အောင် လုပ်ပေးပါ။
-ရေနွေးနွေးလေးနဲ့ သန့်ရှင်းတဲ့ ဂွမ်းလုံးကို စွတ်ပြီး မျက်လုံးကို သန့်ရှင်းပေးပါ။တရက်ထဲမှာကို ထပ်ခါထပ်ခါ ပြုလုပ်ရနိုင်ပါတယ်။
ရိုးရိုး သန့်တဲ့ရေနဲ့ လုပ်လည်း အဆင်ပြေပါတယ်။ တခြားလူမကူးစက်အောင် မျက်နှာသုတ်စောင် အတူတူမသုံးပါနှင့်။
-မျက်စိသန့်ရှင်းရေး လုပ်ပေးပြီး အရောင်ကျစေရန် ရေအေးထဲမှာ အဝတ်စိမ်၊ သေချာညစ်ပြီး မျက်စိပေါ်ကို အုပ်ထားပေးလို့ရပါတယ်။

🛑ဆရာဝန်နှင့်ချက်ချင်းပြသရမည့်အခြေအနေများ
👉မျက်စိသန့်ရှင်းရေးသေချာလုပ်ပေးပေမယ့်လည်း ၄ ရက်လောက်ကြာတဲ့ အထိ မသက်သာခြင်း
👉မျက်လုံးနဲ့ မျက်လုံးဘေးအသာက နီရဲရောင်ရမ်းပီး နာကျင်နေခြင်း
👉အမြင်အာရုံပါ ပြသနာဖြစ်လာခြင်း
👉ကလေးက ဖျားပြီး အစာကောင်းကောင်း မစားနိုင်ခြင်း
👉မွေးကင်းစ ကလေးလေး မျက်လုံးမှအရည်တွေထွက်တယ်ဆိုလျှင် မျက်ရည်ပြွန် ပိတ်တာ ဖြစ်နိုင်ပီး ဆေးခန်းသွားပြသင့်ပါတယ်။

12/07/2023

💦ကလေး လေပြွန်ရောင်ရောဂါ(Bronchitis)

ကလေးငယ်တွေအရမ်းဖျားနေကြပါတယ်။ဖျားရတဲ့အကြောင်းရင်းအများစုကတုပ်ကွေးဗိုင်းရပ် ကူးစက်ခံရပီးဖြစ်လာတဲ့လေပြွန်ရောင်ရောဂါဖြစ်ပါတယ်။

🍓အဆုတ်လေပြွန်ရောင်ရောဂါဟာ တုပ်ကွေးဗိုင်းရပ်အပြင် ရာသီတုပ်ကွေးဖြစ်ပီးကိုယ်ခံအားကျတဲ့အခါ Secondary bacterial infection ထပ်ဝင်ပီးလေပြွန်ရောင်ရောဂါဖြစ်တတ်ပါတယ်။တချို့ကလေးတွေမှာအဖျားပျောက်ပီးမှနောက်တခေါက်ထပ်ဖျားပီဆိုရင်သတိပြုသင့်ပါတယ်။

လေပြွန်ရောင်ရမ်းခြင်းကိုအသက်ကြီးငယ်မရွေးခံစားရနိုင်ပေမယ့်ကလေးငယ်တွေမှာလေပြွန်ရောင်ရမ်းခြင်းကိုပိုမိုပြင်းထန်စွာခံစားရလေ့ရှိပါတယ်။

🍓လက္ခဏာများ
-ဖျားခြင်း
-နှာစေးခြင်း၊ နှာပိတ်ခြင်း
-ချောင်းဆိုးခြင်း၊ချွဲကျပ်ခြင်း
-လည်ချောင်းနာခြင်း
-မောပန်းနွမ်းနယ်ခြင်း
-အသက်ရှူမဝခြင်း၊အသက်ရှုရခက်ခြင်း
-ခေါင်းကိုက်ခြင်း
-ကိုယ်လက်ကြွက်သားများ နာကျင်ခြင်း
-အချို့ကလေးတွေမှာ ချောင်းဆိုးနဲ့ အန်တာပါ တွဲတတ်ပါတယ်။

🍓အိမ်တွင်ပြုစုနည်း

🌼အရည်များများတိုက်ပေးပါ။

တိုက်လို့ရမဲ့အရည်များ
*ရေချက်အေး
*အသား၊ငါး စွပ်ပြုတ်
*ကြက်ပေါင်းရည်
* ဆန်ပြုတ်/ မြူစွမ်ပြုတ်
*ထမင်းရည်
*နို့ / နို့မှုန့် (dumex, Similac, pedisure)
*ကလေး ငှက်သိုက်

👉ကလေးကိုအရည်များများတိုက်တဲ့အခါ လေပြွန်ရောင်ရမ်းခြင်းကိုသက်သာစေမှာဖြစ်သလိုချွဲသလိပ်များကိုခန္ဓာကိုယ် အတွင်းမှပြန်လည်ထုတ်ရာမှာများစွာအထောက်အကူကိုရရှိစေမှာ ဖြစ်ပါတယ်။

🌼အစား ကိုနည်းနည်းနဲ့ခဏခဏကျွေးပါ
ထမင်းစားတဲ့ကလေးဆိုရင်ထမင်းကျွေးပေးပါ။တနေ့မှာအစာကိုနည်းနည်းနဲ့ အကြိမ်များများ ၅ ကြိမ်မှ၆ ကြိမ် ထိကျွေးလို့ရပါတယ်။ကြက်ဥ တရက် ၂ လုံး - အကာချက် (သို့မဟုတ်) ပူတင်းပုံစံမျိုး ကျွေးလို့ရပါတယ်။

🌼ဆားရည်နှင့်ပလုပ်ကျင်းပါ
ဆားရည် နွေးနွေးလေးနဲ့ မကြာခဏ ပလုတ်ကျင်း ပေးခြင်းဖြင့်လည်း လည်ချောင်းနာခြင်း၊ လည်ချောင်းကွဲခြင်းတို့ကို သက်သာ ပျောက်ကင်းစေမှာ ဖြစ်ပါတယ်။ ဒါ့အပြင် ဆားရည်နဲ့ ပလုတ်ကျင်းပေးခြင်းကြောင့် လည်ချောင်း အတွင်းမှ ဘက်တီးရီးယားတွေကိုလည်း ရှင်းလင်းပစ်နိုင်မှာ ဖြစ်တာကြောင့် လေပြွန်ရောင်ရမ်းခြင်းကိုလည်း သက်သာစေမှာ ဖြစ်ပါတယ်။

🌼ရေနွေးအိတ်ကပ်ပေးပါ
ကလေးငယ်တွေ အနေနဲ့ လေပြွန်ရောင်ရမ်းခြင်းကို ခံစားရတဲ့ အခါမှာ ရင်ဘတ်တစ်ဝိုက် နာကျင်ခြင်း၊ ချောင်ဆိုးတိုင်း ရင်ဘတ်အောင့်ခြင်းစတဲ့ ဝေဒနာတွေကို ခံစားရမှာ ဖြစ်ပါတယ်။ ဒါကြောင့် သင့်ကလေးငယ်ရဲ့ ရင်ဘတ် အပေါ် ရေနွေးအိတ် ကပ်ပေးခြင်းဖြင့် လေပြွန်ရောင်ရမ်းခြင်းကြောင့် ခံစားရတဲ့ ဝေဒနာတွေကို သက်သာစေမှာ ဖြစ်ပါတယ်။

🛑အန္တရာယ်ရှိတဲ့လက္ခဏာများ
-၃ ရက်အထက်အဖျားရှိခြင်း၊အဖျားကြီးခြင်း
-အနီစက်များထွက်လာခြင်း
-အသက်ရှုနှုန်းမြန်ခြင်း
-အသက်ရှုရင် "ရွီရွီး" မြည်သံကြားရခြင်း
-ချောင်းဆက်တိုက်ဆိုးခြင်း
-ပြာခြင်း၊မှိန်းခြင်း
-ခြေဖျား၊လက်ဖျားအေးခြင်း
-အစာမဝင်ခြင်း၊အန်ခြင်း
-ဆီးမသွားခြင်း စတဲ့လက္ခဏာတခုခုရှိလာရင်ဆရာဝန်နဲ့အမြန်ဆုံးပြဖို့လိုအပ်ပါတယ်။

မေတ္တာဖြင့်
ဒေါက်တာကောင်းထက်ကျော်

07/07/2023

❗ပြင်းထန်တုပ်ကွေးအန္တရာယ် သတိပေးချက်

ဒီနှစ် တုပ်ကွေး တော်တော်ဆိုးပါမယ်။ တုပ်ကွေးမျိုးကိုက ပိုဆိုးလာသလား၊ ကိုဗစ်နဲ့ပေါင်းပြီး supervirus တွေဖြစ်ကုန်လို့လားတော့ သေချာမသိရသေးဘူး။

ဒီရက်ပိုင်းအတွင်း ကြားရသလောက်လည်း ကလေးရော၊ လူကြီးတွေရော တော်တော်ဖျားကြတယ်။ ဖျားတဲ့အခါမှာလည်း တော်တော်ခံရတယ်ဆိုတာတွေချည်းပဲ။ ကျနော်တို့ချည်းဖြစ်နေတာတော့မဟုတ်ဘူး နိုင်ငံတကာမှာလည်း ဒီနှစ်တုပ်ကွေး ပြင်းထန်အဆင့်ဖြစ်နေတယ်လို့ ကောက်ချက်ချနေကြတယ်။ ၁၀နှစ်အတွင်း အပြင်းထန်ဆုံး တုပ်ကွေးရာသီဖြစ်နိုင်တယ်လို့ ခန့်မှန်းနေကြပါတယ်။ ဒီနှစ်တုပ်ကွေးရဲ့ လက္ခဏာနှစ်ခုက ရောဂါပြင်းထန်တယ်၊ ပြန့်နှုန်းမြန်တယ်။ ကိုဗစ်အလွန်ကာလမှာ ကာကွယ်ရေးနည်းလမ်းတွေ ဆက်မလုပ်ကြတော့တာကြောင့် တုပ်ကွေးက ပိုကူးနေကြတယ်လို့ဆိုပါတယ်။

- ဖျားနေတဲ့သူတွေနဲ့ နီးနီးကပ်ကပ်မနေပါနဲ့။
- ဖျားနေရင် ဖျားချင်သလိုဖြစ်နေရင် အပြင်တွေလျှောက်မသွားဘဲ အိမ်မှာပဲနားပါ။
- မက်စ်ပြန်တပ်ပါ။
- လက်ဆေးတာကို သေချာပြန်လုပ်ပါ။
- မျက်စိ၊ ပါးစပ်၊ နှာခေါင်းတွေကို လက်နဲ့မကိုင်ပါနဲ့။ မျက်နှာကို မကြာခဏမကိုင်ပါနဲ့။
- ဒီအချိန်မှာ ကိုယ်ခံအားကောင်းအောင်နေရမယ်။ အာဟာရပြည့်အောင်စားရမယ်၊ အိပ်ရေးဝအောင်အိပ်ရမယ်။ ကိုယ့်ကိုယ်ဂရုစိုက်ရမယ့်အချိန်ဖြစ်ပါတယ်။
- ကလေးတွေဖျားနေရင် ကျောင်းမလွှတ်ပါနဲ့။
- တုပ်ကွေးကာကွယ်ဆေး လက်လှမ်းမီရင်ထိုးပါ။ အထူးသဖြင့် ၅နှစ်အောက်၊ အသက် ၆၅နှစ်အထက်၊ သွေးတိုးဆီးချိုလို နဂိုရောဂါအခံရှိသူတွေ ပိုထိုးသင့်ပါတယ်။

တော်တော်ခံနေကြရတယ်ဆိုတဲ့အတွက် မပေါ့ကြဖို့ သတိပေးပါတယ်။ ကိုယ်ဖျားနေရင်ရော ကိုယ့်အနီးနားမှာဖျားတဲ့သူတွေ ရှိနေရင်ရော သေချာဂရုစိုက် ကာကွယ်ကြပါ။

ပုံမှန်အားဖြင့်တော့ ၁ပတ်လောက် ဖျားတတ်ကြတယ်။ အဖျားကြီးတတ်တယ်။ ချောင်းဆိုး၊ နှာစေး၊ ခေါင်းကိုက်၊ ကိုယ်တွေလက်တွေကိုက်ခဲ နုံးချိပြီး ခေါင်းမထူနိုင်အောင် ခံနေကြရတယ်။ လည်ချောင်းနာတာ၊ ကြွက်သားတွေနာကျင်နေတာနဲ့ ချမ်းတုန်တာတွေလည်းဖြစ်နိုင်တယ်။

- အကိုက်အခဲပျောက်ဆေး၊ ကိုယ်ပူကျဆေး၊ နှာစေးနှာပိတ်သက်သာတဲ့ဆေးတွေသောက်လို့ရတယ်။ ဥပမာ ပါရာစီတမောလ်၊ ဘိုင်အိုဂျက်ဆစ်၊ အလက်ဆန် သောက်လို့ရတယ်။ နှာမွှန်နှာစေးနေရင် Citrizine, Loratidine လိုဆေးမျိုးတွေသောက်လို့ရတယ်။ ကိုယ်ပူရုံပဲဆိုရင် ပါရာသောက်၊ အရမ်းကိုက်ခဲတအားဆိုးနေရင် အလက်ဆန်လိုမျိုး အကိုက်အခဲပျောက်ဆေးပါတာသောက်ပါ။ သတိထားရမှာက အနည်းဆုံး ၆နာရီခြားရမယ်။ အကိုက်ခဲပျောက်ဆေးသောက်မယ်ဆိုရင် အစာစားပြီးမှ သောက်ရမယ်။
- ချောင်းဆိုးရင် ချယ်ရီကော့ဖ်လိုချောင်းဆိုးပျောက်ဆေးအရည် သောက်လို့ရတယ်။ လည်ချောင်းယားရင် ပူရှိန်းလို သကြားလုံးလေးတွေ ငုံလို့ရတယ်။
- ရေဓာတ်ပြည့်ဝနေအောင်နေရမယ်။ ဓာတ်ဆား ဒါမှမဟုတ် သီးစုံဓာတ်ဆားသောက်ပါ။ ချိုချိုအေးအေးမှဆိုရင် Royal-D လိုမျိုး ဓာတ်ဆားဖျော်ရည်သောက်လို့ရတယ်။ ရေဓာတ်ပြည့်ဝနေမှ မြန်မြန်ပြန်ကောင်းမယ်။
- အနားကောင်းကောင်းယူပါ။ အစာမစားချင်ဖြစ်လိမ့်မယ်။ သည်းခံပြီး ဝင်အောင်စားရမယ်။ အာဟာရပြည့်ဝတာလေးတွေ ရွေးစားမယ်။ မစားရင် ဖျားတာပိုကြာနိုင်လို့ ဝင်အောင်စားရမယ်။
- ရေချိုးလို့ရတယ်။ အဖျားအရမ်းတက်နေရင် ရေချိုးချလို့ရတယ်။ ရေနွေးလေးနဲ့ လန်းသွားအောင်ချိုးချင်လည်းရတယ်။

အသက်ရှူကျပ်လာတာ၊ ရင်ဘတ်တွေတအားအောင့်တာ၊ အရမ်းအန်တာ၊ အစာလုံးဝမဝင်တာ၊ အဖျားတာရှည်နေတာ (၁ပတ်ကျော် ၂ပတ်)၊ အရောင်ရင့်တဲ့ချွဲတွေထွက်နေတာ၊ ဆေးသောက်ပေမယ့်လည်း လုံးဝမသက်သာဖြစ်နေတာ၊ အစက်အပျောက်တွေပေါ်လာတာဆိုရင် ဆေးရုံဆေးခန်းသွားရမယ်။
Crd: Sayar Dr Thurein Hlaing Win

12/06/2023

💦ကလေးများနှင့်သွေးလွန်တုပ်ကွေး(Dengue Fever)

မိုးရာသီကာလရောက်ပြီဆိုရင်ကလေးအများစုဖျားနာလာတတ်ပါတယ်။ဖျားနာခြင်းကရာသီတုပ်ကွေးဖြစ်နိုင်သလို‌သွေးလွန်တုပ်ကွေးလည်းဖြစ်နိုင်တဲ့အတွက်သတိပြုဖို့လိုအပ်ပါတယ်။သွေးလွန်တုပ်ကွေးမှာ သာမန်ဖျားနာခြင်းကတဆင့်သွေးလန့်ခြင်းဆိုတဲ့အရေးပေါ်အခြေအနေရှိတဲ့အတွက်အတွက်မျှဝေပေးလိုက်ပါတယ်။

🍓သွေးလွန်တုပ်ကွေးလက္ခဏာများ
ဖျားခြင်း နှင့် အောက်ပါ အချက်များထဲမှ ၂ချက် ရှိလျှင်
-အန်ခြင်း(ကော်ဖီရောင်)
-ဝမ်းမဲမဲသွားခြင်း
-နှာခေါင်းသွေးလျှံခြင်း
-အရေပြားပေါ်တွင်အနီစက်၊အဖိန့်ထွက်ခြင်း
-ခြေဖျားလက်ဖျားအေးခြင်း
-ဗိုက်နာခြင်း
-မှိန်းခြင်း စတဲ့လက္ခဏာတခုခုဖြစ်တတ်ပါတယ်။

🛑အလွယ်ဆိုရင်တော့ "အဖျားကြီးပြီးကလေးမှိန်းရင်၊ ဖျားပီး၃ရက်ထိအဖျားမကျရင်" သွေးလွန်တုပ်ကွေးဖြစ်နိုင်တယ်လို့မှတ်ရပါမယ်။

🍓အိမ်တွင်ပြုစုနည်း
🍄အဖျားတက်နေလျှင်
-ရေပတ်တိုက်ပေးပါ
-ရေပတ်တိုက်လျှင် သဘက်စ ချည်ထည်စကို ရေဆွတ်၍ ကလေး၏ တစ်ကိုယ်လုံးကို တိုက်ပေးပါ ပတ်ထားပါ။
-နဖူး ဂျိုင်းကြား ပေါင်ခြံကြား မကျန်အောင် ရေပတ်တိုက်ပေးပါ

🛑နဖူးပေါ်ပဲ ရေပတ်ဝတ် တင်ရုံဖြင့် အဖျား မကျပါ
တစ်ကိုယ်လုံးတိုက်မှ အဖျားကျပါမယ်။
ရေခဲရေ မသုံးရ (အဖျားပိုတက်တတ်ပါတယ်)
ရိုးရိုးရေအေးအေးသာ သုံးပါ။
ရေပတ်တိုက်နည်းကိုအောက်က link မှာဝင်ကြည့်နိုင်ပါတယ်။
https://fb.watch/l6i0-2Q4SR/?mibextid=Nif5oz

🍄အစားများကိုအားရှိစေရန်မသေချာပြင်ဆင်ကျွေးပါ။အရောင်ပါသောအစားအစာများမကျွေးရပါ။ကျေလွယ်ရ်ျအာဟာရ‌ပြည့်ဝသောအစာများဖြစ်ရပါမယ်။

🍄အရည်များများတိုက်ပါ။
ရေ၊စွတ်ပြုတ်၊ကြက်ပေါင်း၊နို့ စတဲ့အားရှိပီးအရောင်မပါသောအရည်များကိုများများတိုက်ပေးပါ။
ဓာတ်ဆားရည်ကိုဆရာဝန်ညွှန်ကြားမှသာတိုက်ပါယ

🍄သောက်ဆေးများ
-အဖျားကျဆေး Paracetamol/ Biogesic တိုက်လို့ရပါတယ်။
Paracetamol ကိုအချိုးအဆ မှန်မှန်တိုက်ရပါမည်။
နည်းတိုက်လျှင်အဖျားမကျနိုင်ပါ
များတိုက်မိလျှင်ဘေးထွက်ဆိုးကျိုးမှာအသည်းထိခိုက်တတ်ပါတယ်။
Para ကို 15 mg/kg ဖြင့် 6 နာရီခြား
အပူအရမ်းကြီးလျှင် 4 နာရီခြား တိုက်လို့ရပါတယ်။
(eg. body weight 8 kg ရှိသော ကလေးကို Para 120 mg အား 5 ml 4-6 times တစ်နေ့တာအတွက်တိုက်၍ရပါသည်)

🍓သွေးလန့်ခြင်းလက္ခဏာများ
အန္တရာယ်လက္ခဏာများ
-ဗိုက်နာခြင်း
-ဆက်တိုက်အန်ခြင်း
-မောလာခြင်း
-ခြေဖျားလက်ဖျားအေးစက်ခြင်း
-ဆီးမသွားခြင်း၊နည်းခြင်း
-မှိန်းခြင်း(သို့)ကယောင်ကတမ်းဖြစ်ခြင်း တွေဖြစ်ပါတယ်။

🛑ဒီလက္ခဏာတွေ ရှိလာရင်အရေးပေါ်ဆေးရုံသွားဖို့လိုပါတယ်။
-အရေးကြီးအချက်ကသွေးလန့် ခြင်းမဖြစ်ခင်အဖျားကျသွားတတ်သည်ကိုနေကောင်းသွားပီလို့ မှားယွင်းစွာယူဆတတ်တဲ့အတွက်

👉"အဖျားကျပြီး ကလေးမလန်းခြင်း၊မှိန်းခြင်း၊အန် ခြင်း၊ဗိုက်အောင့်ခြင်း၊ခြေဖျားလက်ဖျားအေးစက်နေခြင်း တွေရှိလျှင်ဆေးရုံအမြန်သွားရပါမယ်။

🍓သွေးလွန်တုပ်ကွေးကခြင်ကိုက်ခံရခြင်းကြောင့်ဖြစ်ပီးကာကွယ်ဆေးမရှိတဲ့အတွက်ကလေးများကိုခြင်ကိုက်မခံရစေရန်သေချာကာကွယ်ဂရုစိုက်ပါ။

🌲သားသားမီးမီးတို့သွေးလွန်တုပ်ကွေးအန္တရာယ်မှကင်းဝေးကြပါစေ။
မေတ္တာဖြင့်
ဒေါက်တာကောင်းထက်ကျော်

27/04/2023

💦ကလေးများနှင့် မိတ်ဖုထွက်ခြင်း (Heat rash)

နွေရာသီပူလာတဲ့အခါ မိတ်ထွက်ခြင်းကိုကလေးတွေအမြဲကြုံရတတ်ပါတယ်။မိတ်ဖုထွက်ခြင်းက အသက်အရွယ်မရွေးမှာဖြစ်တတ်ဖြစ်ပြီးခန္ဓာကိုယ်မှာအပူဒဏ်ခံနေရတဲ့လက္ခဏာတစ်ခုဖြစ်ပါတယ်။

🍓မိတ်ဖုထွက်ရတဲ့အကြောင်းအရင်း
ကလေးတွေရဲ့ခန္ဓာကိုယ်မှာချွေးဂလင်းတွေကပိုကျဥ်းတဲ့အတွက်ပိတ်ဆို့နေတဲ့အခါချွေးတွေကအရေပြားမျက်နှာပြင်ထိမထွက်လာတော့ဘဲချွေးငုပ်သွားပါတယ်။
မိတ်ဖုထွက်ခြင်းကဒီအခြေအနေကိုခန္ဓာကိုယ်ကတုံ့ပြန်လိုက်တဲ့လက္ခဏာပါ။မိတ်ထွက်တဲ့အခါကုတ်ချင်လာအောင်ယားတာ၊စပ်တာလေးတွေခံစားရနိုင်ပါတယ်။မိတ်ဖုထွက်ရတဲ့အကြောင်းရင်းကအပူဒဏ်ခံရတာများလာလို့ပါ။ကလေးတွေရဲ့အရေပြားမှာလူကြီးတွေထက်ချွေးပေါက်ပိုကျဉ်းတဲ့အတွက်မိတ်ဖုပိုထွက်လွယ်ပါတယ်။

🍓မိတ်ဖုထွက်တဲ့နေရာများ
ချိုင်းကြား၊ ပေါင်ကြား၊ လည်ပင်းကြား၊ တံတောင်ဆစ်ကြားတို့လိုကလေးတွေရဲ့အရေပြားအတွန့်အခေါက်လေးတွေကြားမှာရော၊ ကျော၊ရင်ဘတ်၊ဗိုက်၊ တင်ပါး၊ဦးရေပြားမှာပါမိတ်ပေါက်တတ်ပါတယ်။

🍓ကလေးတွေမိတ်ထွက်ရင်ဘယ်လိုသက်သာအောင်ပြုစုပေးရမလဲ?

👉ရေချိုးပေးပါ။မနက်၁၁နာရီမတိုင်ခင်ချိုးပေးပါ။

👉ရေချိုးပီးရင်caladry, kalamine lotion ကိုမိတ်ဖု‌ရှိတဲ့နေရာတွေကိုပါးပါးလိမ်းပါ(မျက်နာမလိမ်းရပါ)။

👉ကလေးခန္ဓာကိုယ်ကိုအေးအောင်ထားပေးပါ။
-အဝတ်အစားကိုပါးပီးပွပွချောင်ချောင်(ချည်ထည်)ဝတ်ပေးပါ။
-ကလေးကိုအေးတဲ့နေရာမှာထားပါ။နေပူထဲခေါ်မသွားပါနဲ့။
-ကလေးကိုအပူရှိန်တိုက်ရိုက်မထိအောင်အေးတဲ့နေရာမှာအောင်ထားပေးပါ။
-မီးလာရင် အဲကွန်း သို့ ပန်ကာ ကိုလူတိုက်ရိုက်မရောက်အောင်ဖွင့်ထားပါ။မီးမလာရင်လေဝင်လေထွက်ကောင်းပီးအေးတဲ့နေရာထားပေးပါ။

👉မိတ်ဖုတွေကို မပေါက်အောင်ထားပေးပါ။
-ရေချိုးပြီးလို့သုတ်ပေးရင်တောင်တဘက်နဲ့ပွတ်မသုတ်ပါနဲ့။မိတ်ဖုလေးတွေပေါက်ကုန်ရင်ကလေးအရေပြားမှာအနာတွေဖြစ်လာနိုင်ပါတယ်။

👉ကလေးလက်သည်းလေးတွေကိုညှပ်ပေးထားပါ။
မိတ်ဖုလေးတွေကယားတဲ့အတွက်ကလေးလက်သည်းနဲ့ကုတ်မိရင်အနာဖြစ်တတ်ပါတယ်။လက်သည်းညှပ်ပေးထားလည်းလက်သည်းအစွန်းတွေ၊အစောင်းတွေနဲ့ဆို ကလေးကမိတ်ယားလို့ ကုတ်လိုက်ရင် အရေပြားပေါက်ပြဲစေနိုင်ပါတယ်။ဒါ့ကြောင့် လက်သည်းလေးတွေကို အဖျားတိပေးထားပါ။

🍓မိတ်ဖုထွက်ခြင်းကိုဘယ်လိုကာကွယ်မလဲ?

👉ကလေးကို နေပူထဲ သိပ်ခေါ်မသွားပါနဲ့။

👉ကလေးကိုအေးပီးလေဝင်လေထွက်ကောင်းတဲ့နေရာမှာထားပေးပါ။

👉အဝတ်အစားကိုပွပွချောင်ချောင်ဝတ်ပေးပါ။

👉နို့ဖြစ်ဖြစ်၊ရေဖြစ်ဖြစ်အသက်အရွယ်အလိုက် ကလေးကိုရေဓာတ်လုံလောက်အောင်တိုက်ကျွေးပါ။

👉လည်ပင်း၊ပေါင်ကြားတို့လိုနေရာမှာချွေးစို့၊စိုစွတ်နေရင်အရေပြားမလောင်အောင်ကလေးသုံး wet tissue လေးနဲ့ဂရုတစိုက်သုတ်ပေးပါ။လိုအပ်လာရင်ရေအေးလေးနဲ့ဆေးကြောပေးပြီး သူ့ဘာသာခြောက်သွေ့အောင်လေသလပ်ထားပေးပါ။

👉ကလေးမှာကိုယ်အပူချိန်ကိုမကြာခဏစစ်ဆေးပေးပါ။ကလေးအသားကိုလက်နဲ့စမ်းကြည့်ပါ။ ပူနေလား၊ ချွေးတွေထွက်နေလား သိရမှချွေးထွက်မလွန်အောင်တစ်မျိုး၊ချွေးငုပ်ပြီး ပူနေရင်တစ်မျိုး လိုသလိုပြုစုစောင့်ရှောက်ရမှာဖြစ်ပါတယ်။

👉ညဘက်အိပ်တဲ့အခါပူအိုက်ရင် ပန်ကာ သို့ အဲကွန်း ကိုကလေးနဲ့တိုက်ရိုက်မထိတဲ့နေရာမှာ ထားရပါမယ်။ ကလေးဆီကို လေအေးလေးတွေဝေ့ဝိုက်ရောက်ရှိစေဖို့ဖြစ်ပီးသက်သောင့်သက်သာနဲ့ ကလေးကို အေးမြစေမှာဖြစ်ပါတယ်။

🛑ဆရာဝန်နဲ့ဘယ်အချိန်မှာပြသင့်လဲ?
-အဖျားဝင်လာရင်
-မိတ်‌တွေကအလွန်အမင်းနီရဲ‌ယားယံနေရင်
-မိတ်တွေကရက်အတော်ကြာလာတဲ့အထိ မှေးမှိန်မလျော့သွားဘူးဆိုရင် သို့ ပိုဆိုးလာတယ်ဆိုရင် မိတ်မဟုတ်တဲ့တခြားရောဂါတစ်ခုခုရဲ့လက္ခဏာဖြစ်နေနိုင်တဲ့အတွက်ဆရာဝန်နဲ့ပြဖို့လိုအပ်ပါတယ်။

မေတ္တာဖြင့်
ဒေါက်တာကောင်းထက်ကျော်

25/04/2023

💦ကလေးများနှင့်အပူရှပ်ခြင်း

ရာသီဥတုအရမ်းပူလာသောကြောင့်အပူရှပ်ခြင်းကိုကလေးအများစုကြုံနေရပါတယ်။တချို့ကလေး‌တွေမှာအပူချိန် 104-105' F ထိ ဖျားကြပါတယ်။
အဖျားအရမ်းကြီးလျှင် တက်သွားနိုင်ပါတယ်။

🍓ကလေးဖျားလျှင်ပြုစုနည်း
👉ထားရမည့်နေရာ
-အေးသောနေရာမှာကလေးကိုထားပါ။အရိပ်ရပီးအေး‌ရင်ပိုကောင်းပါတယ်။
-Air con ခန်းမှာလည်းထားလို့ရပါတယ်။
-လေဝင်လေထွက်ကောင်းအောင်ပြတင်း‌ပေါက်များ ဖွင့်ထားပါ။

👉အဝတ်အစား
-ပွပွချောင်ချောင် ချည်ထည် စွပ်ကြယ်သား စပန့်သား အဝတ်များသာ ဝတ်ပေးပါ။

👉ရေပတ်တိုက်ပေးပါ။
ရေပတ်တိုက်လျှင် သဘက်စ ချည်ထည်စကို ရေဆွတ်၍ ကလေး၏ တစ်ကိုယ်လုံးကိုပတ်ထားပါ။
-နဖူး၊ဂျိုင်းကြား၊ပေါင်ခြံကြား မကျန်အောင်ရေပတ်တိုက်ပေးပါ။

** နဖူးပေါ်ပဲ ရေပတ်ဝတ်တင်ရုံ၊cool gelကပ်ရုံဖြင့်အဖျားမကျပါ။
အထက်ပါနည်းအတိုင်းတစ်ကိုယ်လုံး‌‌ ရေပတ်သေချာတိုက်မှ အဖျားကျပါမယ်။

🛑ရေခဲရေ မသုံးရပါ။ (အဖျားပိုတက်တတ်ပါတယ်)
ရိုးရိုးရေအေးသာသုံးပါ။

👉အရမ်းပူလာရင်ရေချိုးလို့ရပါတယ်။

🛑အနွေးထည် မဝတ်ရပါ။
ဂျင်းသား အပူစများ မဝတ်ပေးရပါ။

🍓ဆေးများ
အဖျားကျဆေး Paracetamol/ Biogesic တိုက်ပေး၍ရပါသည်
Paracetamol ကိုအချိုးအဆ မှန်မှန်တိုက်ရပါမယ်။
နည်းတိုက်လျှင်အဖျားမကျနိုင်ပါ။များတိုက်မိလျှင် Para ၏ ဘေးထွက်ဆိုးကျိုးမှာအသည်းထိခိုက်တတ်ပါတယ်။

👉Para ကို 15 mg/kg ဖြင့် 6 နာရီခြား
အပူအရမ်းကြီးလျှင် 4 နာရီခြား တိုက်၍ရပါတယ်။
(eg. body weight 8 kg ရှိသော ကလေးကို Para 120 mg အား 5 ml 4-6 times တစ်နေ့တာအတွက်တိုက်လို့ရပါတယ်)
Para အများစုမှာ 120 mg ဖြစ်ပါတယ်။
250 mg 150 mg ပါသောဆေးများလည်းရှိပါတယ်။

👉ကလေးစအိုထဲသို့ အဖျားကျဆေးတောင့် Para suppositary လည်း ထည့်ပေးနိုင်ပါတယ်။
ချွင်းချက်-သွေးဥမွှားနည်းနေသောကလေးများ Reduced Platelet count
ဝမ်းလျှောနေသောကလေးများတွင် မထည့်ရပါ
Para suppo သည်လည်း 120 mg / 250 mg အမျိုးမျိုးရှိပါတယ်။

🛑Para suppo ထည့်ထားပြီးလျှင် Paraအရည်ထပ်ပီး ချက်ချင်းမတိုက်ရပါ။
အနည်းဆုံး 4 နာရီခြားပြီးမှ တိုက်ရပါမယ်။

🍓ဘာကျွေးမလဲ
-ဖျားနေသော ကလေးအား လျှောလျှောလျူလျူ ဝင်လွယ်မည့်အစားအစာများကျွေးပေးပါ။
(ဆန်ပြုတ် ခေါက်ဆွဲပျော့ပျော့အရည်ဖျော် ကြက်ပေါင်းရည်)

👉နို့စို့အရွယ်လေးများ အမေနို့ဆက်တိုက်ပေးပါ။

👉အဖျားတက်နေလျှင် ကလေးများမစားနိုင်ပါ။
ရေပတ်တိုက်ပီးအဖျားကျဆေးတိုက်ပီးအဖျားကျသွားချိန်တွင် အစားကိုဝင်အောင်ကျွေးပေးပါ။

🌲သားသားမီးမီးတို့အပူဒဏ်အန္တရာယ်မှကင်းဝေးကြပါစေ။😊
မေတ္တာဖြင့်
ဒေါက်တာကောင်းထက်ကျော်

Dr.Kaung Htet Kyaw

07/08/2025

10/07/2025

07/07/2025

03/03/2025

20/11/2024

10/04/2024

21/09/2023

12/07/2023

07/07/2023

12/06/2023

27/04/2023

25/04/2023

Address

Website

Alerts

Shortcuts

Share

Category