The Elixir for your health

11/08/2025

📢📢 ခွေးရူးပြန်ရောဂါဆိုတာကတော့ ခွေးရူးပြန်ဗိုင်းရပ်ပိုးကူးစက်ခံထားရတဲ့ အကောင်ကိုက်ခံရခြင်းကြောင့်ဖြစ်ပြီး ကာကွယ်ဆေးမထိုးပါက သေဆုံးတတ်သောရောဂါဖြစ်ပါတယ်။😓

✅ အဲတော့ ဘယ်လိုအကောင်တွေကိုက်ခံရရင်ဖြစ်တတ်ပါသလဲ။

_ နာမည်က ခွေးရူးပြန်ရောဂါပေမဲ့ ခွေးတမျိုးထဲကြောင့်မဟုတ်ပါဘူးနော်။

_ ရောဂါပိုးရှိတဲ့ ခွေး၊ ကြောင်၊ လင်းနို့၊ကြွက်၊ နွား၊ မြင်းနှင့် အခြားသွေးနွေးသတ္တဝါ သို့မဟုတ် နို့တိုက်သတ္တဝါ အကိုက်ခံရတဲ့အခါ ၊ကုတ်ခြစ်ခံရတဲ့အခါ၊ အနာ ဒါဏ်ရာရှိတဲ့နေရာနှင့်မျက်စိကို ထိုသတ္တဝါရဲ့လျှာနဲ့အလျက်ခံရတဲ့အခါ အဲဒီအကောင်တွေရဲ့တံတွေးကတဆင့်ကူးစက်နိုင်ပါတယ်။

✅ ခွေးရူးပြန်ကာကွယ်ဆေးကို ထိုးနှံပြီး (၁၄) ရက်ကြာမှသာ ခွေးရူးပြန်ရောဂါကိုကာကွယ်နိုင်မှာဖြစ်ပါတယ်။

✅ အချိန်မှီကာကွယ်ဆေးထိုးဖို့မမှီတာ ပျက်ကွက်တာဖြစ်ရင်တော့ နောက်ဆုံးအချိန်မှာ ခွေးရူးပြန်ရောဂါလက္ခဏာများပေါ်ပေါက်လာမှာပဲဖြစ်ပါတယ်။

✅ ခွေးကိုက်ဒါဏ်ရာနေရာက ဦးနှောက်နဲ့အနီးအဝေးပေါ်မူတည်ပြီး အချိန် (၉)ရက်ကနေ ရက်(၉၀) (တခါတရံ လပေါင်းများစွားကြာနိုင်)ကြာသည်အထိ ခွေးရူးပြန်ရောဂါပိုး ဦးနှောက်ထဲသို့ရောက်ရှိကာ အသက်ဆုံးရှုံးနိုင်တာကြောင့်မို့

အကိုက်ခံရပြီး လ များစွာကြာမှ ဆေးထိုးဖို့အခွင့်သာရင်လည်း ထိုးရမှာပဲဖြစ်ပါတယ်။

✅ ရောဂါလက္ခဏာပေါ်မှ ဆေးထိုးမယ်ဆိုရင်တော့ ဆေးအာနိသင်ရဖို့ ၁၄ ရက်စောင့်ရတာမို့ မမှီနိုင်တော့ပါဘူး။😓

✅ ခွေးရူးပြန်ကာကွယ်ဆေးကို အကိုက်ခံရပြီးပြီးချင်း သို့မဟုတ် အကိုက်ခံသည့်နေ့တွင် ထိုးနိုင်ပါက အကောင်းဆုံးဖြစ်ပါသည်။

📢📢 ရောဂါလက္ခဏာတွေကတော့

_ ခွေးကိုက်ဒါဏ်ရာမှ ယားလာ၊ ပူလာခြင်း။ ဖျားခြင်း၊ ခေါင်းကိုက်ခြင်း၊ ကိုယ်လက်ကိုက်ခဲ၍ တုတ်ကွေးကဲ့သို့ လက္ခဏာများပေါ်လာခြင်း၊

_ တံတွေးမျိုချရန်ခက်ခဲခြင်း၊ ရေသောက်ရန်ခက်ခဲခြင်း (‌အရပ်အခေါ် ရေ‌ကြောက်လာခြင်း)

_ ပါးစပ်တွင် အမြှပ်တစီစီထလာခြင်း၊ ဂနာမငြိမ်ဖြစ်ခြင်း၊ ကြွက်သားများတောင့်တင်းလာကာ

_ ရုန်းရင်းဆန်ခတ်ဖြစ်ခြင်းနှင့် သတိမေ့မြောကာ အသက်သေဆုံးခြင်းတို့ဖြစ်နိုင်ပါတယ်။

✅✅ အကိုက်ခံရတဲ့အခါ ဘာတွေလုပ်ရမလဲ

* ပထမဦးစွာ အကိုက်ခံရသောနေရာကို ရေများများနဲ့ လောင်းချပြီးအချိန်ကြာကြာဆေးပါ။

** ပြီးလျှင် ရေ၊ ဆပ်ပြာနှင့်‌သေချာစွာ ထပ်မံ‌ဆေးကြောပါ။ ဆပ်ပြာမရနိုင်ပါက ရေနှင့် ၁၅မိနစ်ခန့်ကြာအောင် ဆေးကြောပါ။

** အနာကို အဝတ်သန့်သန့်ဖြင့် ခြောက်အောင်သုတ်ပြီး အရက်ပျံ၊ ဆေးနီ ဆေးဝါ‌ရေ၊ ပိုးသတ်းဆေးတို့ဖြင့် လိမ်းပါ။

** အနာကို လက်အိတ်စွတ်၍ကိုင်တွယ်ပါ။

** အနာကို ပလာစတာကပ်ခြင်း၊ ပတ်တီးစီးခြင်းမလုပ်ပါနဲ့။

** ဆရာဝန်ပြသပြီး ခွေးရူးပြန်ရောဂါကာကွယ်ဆေးနှင့် လိုအပ်ပါက အရေးပေါ်ကာကွယ်ဆေးထိုးပြီးမှသာ ချုပ်သင့်က ချုပ်ရပါမည်။

_ မေးခိုင်ကာကွယ်ဆေးလည်းထိုးရပါမည်။

_ အနာပေါ်မူတည်ပြီး ပိုးသတ်ဆေး အ‌ရောင်ကျဆေးများလိုအပ်နိုင်ပါသည်။

📢📢😓 လွဲမှားတဲ့ အယူအဆများအနေနဲ့ ❌❌

🙅 ကာကွယ်ဆေးအမြန်ထိုးရမည့်အစား ခွေးရူး ခွေးကောင်း ဟုတ် မဟုတ်စောင့်ကြည့်နေခြင်း ❌❌

🙅 ခွေးကိုကာကွယ်ဆေးထိုးထားသဖြင့် လူကိုထိုးရန်မလိုဟု ဆုံဖြတ်ချက်မှားခြင်း ❌❌

🙅 ခွေးကိုက်ဒါဏ်ရာကို မန်းမှုတ်ပြီး အချိန်ဖြုန်းတီးနေခြင်း ❌❌

🙅ဆေးမြှီးတိုများဖြင့်ကုသနေခြင်း ❌❌

🙅 ကာကွယ်ဆေး (၄)လုံးကို (၃)ကြိမ် အပြည့်မထိုးခြင်း ❌❌

✅✅ ကြိုတင်ကာကွယ်မှုအနေနှင့်ကတော့

_ အကိုက်မခံရခင် အိမ်မှာ ခွေး၊ ကြောင်စသဖြင့်အပေါ်ကအကောင်လေးတွေကို ကာကွယ်ဆေးထိုးထားနိုင်သလို

_ အကောင်‌တွေနဲ့ ထိတွေမှုရှိသူတွေကလည်း ခွေးရူးပြန်ရောဂါကာကွယ်ဆေးကို ကြိုတင်ထိုးနှံထားရပါမယ်။

_ ကြိုတင်ကာကွယ်ဆေးထိုးထားပြီး အကိုက်ခံရတဲ့အခါမှာတော့ ကာကွယ်ဆေး နှစ်ကြိမ်သာ booster ဘိုစတာ အနေနဲ့ထပ်ထိုးရန် လိုအပ်မှာဖြစ်ပါတယ်။

📢📢 နောက်ဆုံးအနေနဲ့ကတော့ ခွေး၊ ကြောင် စသဖြင့်အကိုက်ခံရပြီး ခွေးရူးပြန်ရောဂါဖြစ်ပွားပါက မုချသေစေနိုင်တာမို့ ခွေးရူးပြန်ကာကွယ်ဆေးထိုးဖို့ နီးစပ်ရာ ဆေးရုံဆေးခန်းကို ပြသတိုင်ပင်သင့်ပါတယ်နော်။

#ခွေးရူးပြန်
#ရောဂါ
#ကာကွယ်ဆေး
#ကျန်းမာရေး

17/07/2025

ဒီတခါ ပြောပြချင်တဲ့အကြောင်းအရာလေးကတော့ လူတယောက်ချင်းစီမှာ မှန်ကန်တိကျတဲ့ကျန်းမာရေးအသိရှိခြင်း ရဲ့အရေးကြီးတဲ့အကြောင်းလေးပဲ ဖြစ်ပါတယ်။

_ ကျန်းမာရေးအသိမှာမှ မှန်ကန်တယ်ဆိုတာ ဘေးအန္တရယ်ကင်းတဲ့ ကျန်းမာရေးအသိ ကို ဆိုလိုတာပဲ ဖြစ်ပါတယ်။

_ မှန်ကန်တိကျတဲ့ကျန်းမာရေး အသိဆိုတာက တယောက်စကားတယောက်နားပြောတဲ့ အရပ်စကားမဟုတ်ရပါဘူး၊ တယောက်က ကြုံတွေ့ရလို့ တယောက်ကို လက်ဆင့်ကမ်းတဲ့ အတွေ့အကြုံလည်းမဟုတ်ပါဘူး၊ တယောက်က စမ်းသပ်ကြည့်ပြီး တယောက်ကို လိုက်လုပ်ဖို့ ပြောတဲ့ အတွေ့အကြုံတခုလည်းမဟုတ်ပါဘူး။

_ တနည်းပြောရရင် ဆေးမြီးတို‌တွေ ၊ မမြင်ရတဲ့အစွမ်းသတ္တိ တွေကို မဆိုလိုပါဘူး။

မှန်ကန်တဲ့ကျန်းမာရေးအသိပညာဆိုတာကတော့
😀 နားလည်တတ်ကျွမ်းတဲ့ပညာရှင်တွေရဲ့အတွေ့အကြုံ၊
😀 အမြဲလေ့လာဆည်းပူးရင်းထွက်လာတဲ့ အသိပညာစာပေတွေ၊
😀 အသိပညာအတတ်ပညာရှင်များစွာရဲ့စမ်းသပ်တွေရှိချက်တွေ၊
😀 လေ့လာစူးစမ်းသုံးသပ်မှု စမ်းသပ်လေ့လာမှုပေါင်းများစွာရဲ့ ရလာဒ်တွေအပေါ် အခြေခံတဲ့ evidence based medicine လို့ခေါ်တဲ့ လက်တွေ့ကျတဲ့ကျန်းမာရေးအချက်အလက်တွေပဲ ဖြစ်ပါတယ်။

_ မှန်ကန်တိကျတဲ့ ကျန်းမာရေးအသိပညာတွေက လူတဦးတယောက်ချင်းစီရဲ့ ကျန်းမာရေးအပြင် လူထုတခုလုံးရဲ့ ကျန်းမာရေးအတွက်လည်း အရေးပါပါတယ်။

_ အစက စပြောရရင်တော့ ကိုယ်ဝန်ဆောင်မိခင်၊ မွေးကာစ ကလေး၊ ကလေးသူငယ်၊ လူငယ်လူရွယ်၊ လူလတ်ပိုင်း၊ သက်ကြီးရွယ်အို စသဖြင့် ကိုယ်၏ကျန်းမာရေး၊ စိတ်၏ကျန်းမာရေး ကဏ္ဌတိုင်းမှာ မှန်ကန်တဲ့ ကျန်းမာရေးအသိရဖို့အတွက် အရမ်းကိုမှ အရေးကြီးပါတယ်။

_ အသက်နဲ့ဆိုင်တဲ့အရာဖြစ်လို့ ကိုယ်ဒုက္ခမရောက်ဖို့ ကိုယ့်ကြောင့်သူများ ဒုက္ခမတွေ့ရဖို့ အချင်းချင်းလက်ဆင့်ကမ်းတာက မှန်ကန်တဲ့ကျန်းမာရေးအသိရှိခြင်းက သာ ကျန်းမာပျော်ရွှင်တဲ့ လူအဖွဲ့အစည်းကို ရရှိနိုင်မှာဖြစ်ပါတယ်။

_ မတိကျမသေချာတဲ့ကျန်းမာရေးအချက်အလက်တွေ၊
_ဆေးမြီးတိုတွေ၊
_ စနစ်တကျလေ့လာထားခြင်းမရှိတဲ့ကုသမှုတွေ၊
_ တဆင့်စကားတဆင့်နားနဲ့ ကုသမှုတွေ၊
_ ကျန်းမာရေးဆိုင်ရာယုံကြည်စိတ်ချရတဲ့အဖွဲ့အစည်းတွေရဲ့ ထောက်ခံချက်မရှိတဲ့ကုသမှုတွေက မိမိကျန်းမာရေးအတွက် စိတ်မချရပါဘူး။

ဥပမာ အနေနဲ့ပြောရရင်
_ ကင်ဆာရောဂါဖြစ်နေသူကို ဒီအရွက်လေးပြုတ်သောက်ပါ၊ ဟိုအစေ့လေးစားရတယ်ပြောတယ် စသဖြင့် စနစ်တကျလေ့လာထားခြင်းမရှိတဲ့ အချက်အလက်တခုကိုပေးလိုက်ခြင်းက သုံးစွဲမိတဲ့ ကင်ဆာဝေဒနာသည်ရဲ့ အသည်း ကျောက်ကပ်တွေထိခိုက်မိရင် ရောဂါပိုမိုဆိုးဝါးစေနိုင်ပါတယ်။ စနစ်တကျကုသမှုကို လည်း နှောင့်နှေးသွားစေပါတယ်။

_ လေဖြတ်တာ၊ နှလုံးသွေးကြောပိတ်တာ စသဖြင့် အရေးပေါ်အခြေအနေတွေမှာ အရေးပေါ်ကုသမှုပေးနိုင်တဲ့ဆေးရုံကိုမသွားပဲ ဆေးမြီးတိုနဲ့ကုသတာတွေက အသက်ကယ်နိုင်တဲ့ တန်ဖိုးရှိတဲ့အချိန်တွေကို နှောင့်နှေးစေပြီး အသက်မမှီတာတွေဖြစ်တဲ့အထိဖြစ်နိုင်ပါတယ်။

_ ကျန်းမာရေးအသိက မှန်ကန်ဖို့ တိကျဖို့ တကယ် အ‌ထောက်အကူဖြစ်ဖို့ အရေးကြီးပါတယ်။ ဒါဆိုရင် မှန်ကန်တဲ့ကျန်းမာရေးအသိပညာတွေ ဘယ်လိုရနိုင်မလဲ။

_ ကျန်းမာရေးအသိပညာတွေကို စိတ်ချရတဲ့ ကျန်းမာရေးအဖွဲ့အစည်းတွေ ကနေရရှိနိုင်ပါတယ်။
_ ကျန်းမာရေးနဲ့ပတ်သက်တဲ့ ဆောင်းပါးတွေ စာအုပ်တွေ အသိပညာတွေရေးပေးနေတဲ့ စိတ်ချရတဲ့ ကျန်းမာရေး ပေ့ခ်ျတွေ website တွေကနေ ဖတ်နိုင်ပါတယ်။

_ အရေးကြီးဆုံးတချက်ကတော့ တွေ့သမျှ မြင်သမျှ ကြားသမျှ ကို မစဉ်းစားမဆင်ခြင်ပဲ မယုံကြည်ဖို့ပါပဲ။

_ ကိုယ်သိလိုက်တဲ့ ကျန်းမာရေးအချက်အလက်က ယုံကြည်ရရဲ့လား၊ ကျွမ်းကျင်သူတွေ လက်ခံထားရဲ့လား၊ လူဘယ်နှယောက်ကြုံရလဲ တကယ်ကြုံရလား၊ ပညာရှင်တွေနဲ့ လေ့လာသုံးသပ်ထားလား စဖြင့် ချင့်ချိန်ပြီးမှ ယုံကြည်သင့်ပါတယ်ဆိုတာ ပြောရင်းနဲ့ ဒီအပတ် ကျန်းမာရေးအသိပညာမျှဝေခြင်းကို အဆုံးသတ်လိုက်ပါတယ်နော်။

#ကျန်းမာရေး
#အသိပညာ

17/07/2025

📢📢🧐 ဇိမ်ခံသောလူနေမှုပုံစံနှင့် ပျံ့ပွားလာနေသော မကူးစက်တတ်သောရောဂါများအကြောင်း ❗❗

_ ?? တနှစ်တနှစ်ကို ကမ္ဘာလူဦးရေ 41 သန်းလောက်က မကူးစက်တတ်သောရောဂါများနဲ့သေဆုံးနေတာ သင်သိပါသလား။
_ ?? အဖြစ်များလာတဲ့ မကူးစက်တတ်သောရောဂါတွေက ဘာတွေလဲ သင်သိပါသလား။

#မကူးစက်တတ်သောရောဂါများကတော့ မျိုးရိုး၊ ပြောင်းလဲလာသော ဇီဝဖြစ်ပျက်မှု၊ သဘာဝပတ်ဝန်းကျင်ပြောင်းလဲမှု၊ လူနေမှုပုံစံပြောင်းလဲလာမှုနဲ့ အများကြီးသက်ဆိုင်မှုရှိပြီး နာတာရှည်ရောဂါများဖြစ်ပါတယ်။

_ အဖြစ်အများဆုံး မကူးစက်တတ်သောရောဂါများကတော့

(၁)နှလုံးသွေကြောနှင့်ဆိုင်သောရောဂါများနှင့် လေဖြတ်ခြင်း
(၂)ကင်ဆာရောဂါများ
(၃)နာတာရှည်အဆုတ်ရောဂါများ(အဆုတ်ပွ‌ရောဂါ ၊ပန်းနာရင်ကြပ်ရောဂါ)
(၄)ဆီးချိုရောဂါ နှင့်
(၅)စိတ်ကျန်းမာရေးဆိုင်ရာရောဂါပြဿနာများ ပဲဖြစ်ပါတယ်။

#မကူးစက်တတ်သောရောဂါများကတော့ ကမ္ဘာပေါ်မှာ ဝင်ငွေ အသင့်အတင့်ရှိသောနိုင်ငံများနဲ့ ဝင်ငွေနိမ့်သောနိုင်ငံများမှာ အဖြစ်များတာတွေ့ရပြီး ကမ္ဘာလူဦးရေရဲ့ သုံးပုံတပုံကိုထိခိုက်တာကိုတွေ့ရပါတယ်။

#မကူးစက်တတ်သောရောဂါများရဲ့ တရားခံတွေကဘာတွေ ဖြစ်မလဲ။

_ ဆေးလိပ်၊ ဆေးရွက်ကြီး သောက်သုံး၊သုံးစွဲခြင်း
_ အရက်သေစာ အလွန်အကြူးသောက်သုံးခြင်း
_ လေထုညစ်ညမ်းခြင်းနဲ့
_ ကျန်းမာရေးနဲ့မညီညွတ်သောက်အစားအသောက်များစားသုံးခြင်း
_ ဇိမ်ခံသော လူနေမှု ဘဝ ပုံစံတွေကြောင့်ဖြစ်ပါတယ်။

🤔 ဒီနေရာမှာ ဇိမ်ခံတယ်ဆိုတာ ကြွယ်ဝချမ်းသာခြင်းနှင့်မသက်ဆိုင်ပါဘူး။
🧐 ဇိမ်ခံသောလူနေမှုဆိုတာ ❗❗
_ နေ့စဉ်ဘဝမှာ မလှုပ်မရှားနဲ့ အထိုင်များခြင်း၊
_ အချိန်ကြာမြင့်စွာလှဲလျောင်းခြင်းနဲ့
_ ကိုယ်လက်လှုပ်ရှားမှုလေ့ကျင့်ခန်းမလုပ်ခြင်းပဲဖြစ်ပါတယ်။

🙅 နေ့စဉ်ဘဝမှာ TV သို့မဟုတ် screentime ကိုကြာရှည်စွာ ထိုင်လျက် လှဲလျက်ကြည့်ရှုတာ၊ ဂိမ်းကစားတာ၊ ကွန်ပြူတာရှေ့မှာ အကြာကြီးထိုင်ပြီး အလုပ်လုပ်တာ၊ လမ်းလျောက်တာ မလုပ်ဖြစ်ပဲ ကား ဆိုင်ကယ်စတဲ့ automobile တွေပဲ အစီးများတာ၊ အထိုင်များတဲ့အလုပ်တွေလုပ်ရတာတွေက ဇိမ်ခံသောလူနေမှုတွေမှာပါဝင်နေတတ်ပါတယ်။

#မကူးစက်တတ်သောရောဂါများရဲ့ နောက်ထပ်ဖြစ်နိုင်ချေတွေကတော့ လူတယောက်ခြင်းစီရဲ့ ဇီဝဖြစ်ပျက်မှု
မတူညီမှုတွေ ဖြစ်တဲ့

_ သွေးအတွင်းအဆီများခြင်း
_ သွေးအတွင်းသကြားဓါတ်များခြင်း
_ အဝလွန်ခြင်း
_ သွေးပေါင်ချိန်မြင့်တက်ခြင်း
စသဖြင့် မူတည်ပါတယ်။

💊💊📢 ကာကွယ်ကုသမှုတွေအနေနဲ့ကတော့

🙄 ရောဂါကို စောစီးစွာသိရှိဖို့အတွက် လိုအပ်တဲ့စစ်ဆေးမှုတွေလုပ်သင့်ပါတယ်။
🤔 ရောဂါကိုသိရှိလျှင် ဖြစ်တဲ့ရောဂါ လက္ခဏာတွေ သက်သာဖို့အတွက် ကုသမှုခံယူသင့်ပါတယ်။
🧐 စစ်ဆေးမှုတွေအနေနဲ့ သွေးပေါင်တိုင်းတာခြင်း၊ သွေးအတွင်းအချိုဓါတ်တိုင်းတာခြင်း၊သွေးအဆီဓါတ်တိုင်းတာခြင်း၊ ကိုယ်အလေးချိန်ထိန်းသိမ်းခြင်း၊ ဖြစ်ပေါ်လာသောရောဂါလက္ခဏာများအတွက် လိုအပ်သော စစ်ဆေးမှုများကို စစ်ဆေးကြည့်သင့်ပါတယ်။

🔍🔍 အရေးကြီးတဲ့ကာကွယ်ကုသမှုအနေနဲ့ကတော့
#လူနေမှုပုံစံပြောင်းလဲဖို့ပဲ ဖြစ်ပါတယ်

(၁) ကျန်းမာရေးနဲ့ညီညွတ်တဲ့ အစားအသောက်များကိုရွေးခြယ်စားသုံးပါ။စားသောက်တဲ့ပမာဏကို ချင့်ချိန်စားသုံးပါ။ ကစီဓါတ်၊ အသားဓါတ်နှင့် အဆီဓါတ် အာဟာရမျှတစွာပါဝင်တဲ့ အစားအသောက်များနှင့်အမျှင်ဓါတ်ကြွယ်ဝတဲ့ အစားအစာများကိုစားသုံးသင့်ပါတယ်။ ကြာရှည်ခံအောင်ပြုလုပ်ထားတဲ့အစားအစာများကို‌ရှောင်ကြဥ်သင့်ပါတယ်။ အငံဓါတ်လွန်ကဲသော အစားအစာများကို လျော့စားသင့်ပါတယ်။

(၂) ပုံမှန်ကိုယ်လက်လှုပ်ရှားမှုကို နေ့စဉ်ပြုလုပ်ပေးပါ။လမ်းလျောက်ပါ။

(၃) သင့်တင့်မျှတစွာ အိပ်စက်အနားယူပါ။ပျှမ်းမျှ ညအိပ်ချိန် ၆_၈ နာရီရှိခြင်းက ကျန်းမာတဲ့စိတ်နဲ့ ခန္ဓာကိုယ်အတွက်အရေးကြီးပါတယ်။ အိပ်ရေးမဝခြင်းက စိတ်ဖိစီးမှုတွေနဲ့ သွေးပေါင်းချိန်ပြောင်းလဲမှူကို ဖြစ်ပေါ်စေနိုင်ပါတယ်။

(၄) စိတ်လက်ကြည်သာအောင်နေထိုင်ပါ။ တရားထိုင်ခြင်း၊ ကိုယ်လက်လှုပ်ရှားမှု လုပ်ခြင်းက စိုးရိမ်ကြောင့်ကြမှုတွေ၊ စိတ်ဖိစီးမှုတွေ၊ စိတ်ဓါတ်ကျခြင်းတွေအတွက် အထောက်အကူပြုနိုင်ပါတယ်။

(၅) ဆေးလိပ် အရက်နဲ့ ကွမ်း သုံးစွဲခြင်းကိုရှောင်ကြဉ်ခြင်းက ကင်ဆာရောဂါ၊ အသဲရောဂါ၊ အဆုတ်ရောဂါနဲ့ အခြားမကူးစက်နိုင်တဲ့ရောဂါပြဿနာတွေကို လျော့ချကာကွယ်ပေးနိုင်ပါတယ်။

😃 ကဲဒီလောက်ဆိုရင်‌တော့ မကူးစက်နိုင်တဲ့ရောဂါတွေ မပျံ့ပွားဖို့အတွက် လက်လှမ်းမှီသလောက်ကြိုတင်ကာကွယ်နိုင်ကြပြီထင်ပါတယ်။


#မကူးစက်တတ်သောရောဂါများ
#သွေးတိုး
#ဆီးချို
#ကင်ဆာ
#အဆုတ်
#စိတ်ကျန်းမာရေး
#ကျန်းမာရေး

17/07/2025

ကျန်းမာသောစားသောက်နေထိုင်မှုပုံစံ 💪🏋️
HealthyLifestyle ⛹️🚶🏃

📆🗓️ နှစ်သစ်တခုရောက်ခဲ့ပြန်ပြီမို့ နှစ်သစ်မှာ ဘာတွေလုပ်ရမယ်၊ ဘာတွေဖြစ်ရမယ်ဆိုတဲ့ ရေတိုရေရှည်ရည်မှန်းချက်တွေ ချတတ်ကြပါတယ်။

တနှစ်ပတ်လုံးမှာ ကျန်းမာပျော်ရွှင်နေဖို့ကလည်း အဖိုးတန်ရည်မှန်းချက်တခုပဲ ဖြစ်ပါတယ်။

မကျန်းမာတဲ့အခါ ပျော်ရွှင်စရာ‌ကောင်းတဲ့နေ့ရက်တွေရဖို့ အကန့်အသတ်တွေ ဖြစ်လာနိုင်တာမို့
ကျန်းမာပျော်ရွှင်တဲ့ စားသောက်နေထိုင်မှုပုံစံကို နှစ်သစ်အစက စပြီး လိုက်နာကျင့်သုံးနိုင်အောင် ပြောပြပေးသွားမယ်နော်။

🤔 ကျန်းမာစေတဲ့ စားသောက်မှုပုံစံ 🥗🍅🥦

_ စားမဲ့အစားအစာထဲမှာ သင့်တင့်မျှတဲ့ အာဟာရအုပ်စုတွေ (အသားဓါတ်၊ကစီဓါတ်၊အဆီဓါတ်နဲ့ vitamin သတ္တုဓါတ်တွေ) ပါဖို့အရေးကြီးသလို စားတဲ့ ပမာဏကလည်း သင့်တင့်ရုံသာစားဖို့နဲ့ စားတဲ့အကြိမ်အရေအတွက်ကလည်း မှန်ကန်ဖို့လိုပါတယ်။

_ အဲလို စားသုံးတဲ့အခါမှာ ပြည့်ဝဆီတွေ၊ ကိုလက်စရောများတဲ့ အစားအစာတွေကို လျော့ပြီးစားသင့်ပါတယ်။

_ အချို၊ အငံ နဲ့အဆီတွေကို တတ်နိုင်သမျှ ထိန်းချုပ်စားဖို့လည်း အရေးကြီးပါတဲ့။

_ အမျှင်ဓါတ်များတဲ့ အစားအစားတွေ ဖြစ်တဲ့ ဟင်းသီးဟင်းရွက်နဲ့ အသီးအနှံတွေကို နေ့စဉ်ဘဝမှာ မဖြစ်မနေထည့်သွင်း စားသုံးပေးသင့်ပါတယ်။

_ ကောင်းမွန်တဲ့ အ‌ဆီတွေဖြစ်တဲ့ ပဲဆီ၊ သံလွင်ဆီ၊ အ‌စေ့အဆံတွေနဲ့ ဆယ်လ်မွန်ငါး၊ ငါးသေတ္တာငါးတို့ကို စားသုံးနိုင်ပါတယ်။

🤔 ကျန်းမာစေတဲ့ ကိုယ်လက်လှုပ်ရှားမှု 💪🏃

_ နေ့စဉ် တနေ့ကို မိနစ်သုံးဆယ်ခန့် ကိုယ်လက်လှုပ်ရှားမှုလုပ်ရပါမယ်။

_ လမ်းလျှောက်တာ၊ မိမိနဲ့သင့်တော်တဲ့ အားကစားတခုခုလုပ်တာ၊ ကခုန်တာ၊ ရောဂကျင့်တာ၊ ပြေးတာ စသဖြင့် ပြုလုပ်နိုင်ပါတယ်။

🤔 ကိုယ်အလေးချိန်ကို ထိန်းသိမ်းခြင်း 👀

_ Central obesity လိုခေါ်တဲ့ ခန္တာကိုယ်အလယ်ပိုင်း ဝမ်းဗိုက်နေရာ ဆူပြီး ဝလာရင်တော့
အသဲအဆီဖုံးခြင်းနဲ့ ရောဂါတွေ ဖြစ်လာတတ်လို့ ကျန်းမာစေဖို့ ခန္တာကိုယ်အလေးချိန်ကို ထိန်းသိမ်းဖို့ လိုအပ်ပါတယ်

🤔 ဆေးလိပ်ဖြတ်ပါ။

🤔 အရက်အလွန်အလွန်အကျွံသောက်ခြင်းမှရှောင်ကျဉ်ပါ။

🤔 လိင်မှာတဆင့်ကူးစက်သောရောဂါများနဲ့ HIV/AIDS ရောဂါများမှ ကာကွယ်နိုင်ရန် လိင်ဆက်ဆံတဲ့အခါ အကာအကွယ်ပစ္စည်း ကွန်ဒုံးသုံးစွဲပါ။

🤔 တနေ့ နှစ်ကြိမ် သွားတိုက်ပြီး ခံတွင်းကျန်းမာရေး ဂရုစိုက်ပါ။

🤔 ပူပြင်းသောနေရောင်ကို‌ ရှောင်ကြဥ်ပါ။မနက်ဆယ်နာရီမှ ညနေ သုံးနာရီထိ နေရောင်ပြင်းပြင်းကိုရှောင်ကျဉ်ပါ။ နေ‌ရောင်ကာလိမ်းဆေး sunscreen လိမ်းပါ။

🤔 စိတ်ကျန်းမာရေးအတွက်ကတော့

_ မိသားစု၊ သူငယ်ချင်းတွေနဲ့ ‌ထိတွေ့ဆက်သွယ်ပါ။
_ ပတ်ဝန်းကျင် မိတ်ဆွေ အဖွဲ့အစည်းများတွင်ပါဝင်နေထိုင်ပါ။
_ အကောင်းမြင်စိတ်မွေးမြူပါ။ပျော်ရွှင်စွာနေထိုင်ပါ။
_ အိပ်ရေးဝဝအိပ်ပါ။
_ စိတ်ဖိစီးမှုကို သိရှိပြီး လျော့ချပါ။

ကဲ ဒီလောက်ဆိုရင်တော့ ၂၀၂၄ ကစပြီး ရေတိုရော ရေရှည်မှာပါ ကျန်းမာပျော်ရွှင်စေဖို့ နေထိုင်စားသောက်မှု ပုံစံ ကို အတူတူ လုပ်ဆောင်ကြဖို့ အဆင်သင့်ဖြစ်ပြီ ထင်ပါတယ် 😀

#ကျန်းမာရေး
#ကျန်းမာသောနေထိုင်မှု
#ကျန်းမာသောစားသောက်မှု


#2024

03/07/2025

01/07/2025

📢📢 သွေးလွန်တုပ်ကွေး ရောဂါ(Dengue Hemorrhagic Fever - DHF) အကြောင်းသိကောင်းစရာများ 📢📢

🤔 သွေးလွန်တုပ်ကွေးရောဂါ (Dengue Hemorrhagic Fever - DHF) ကတော့ Dengue ဗိုင်းရပ်စ် ကူးစက်မှုရဲ့ပြင်းထန်ပြီး အသက်အန္တရာယ်ဖြစ်စေနိုင်သော နောက်ဆက်တွဲ ပြဿနာတစ်ခုပါ။

🤔 သွေးလွန်တုတ်ကွေးရောဂါက အပူပိုင်း‌ဒေသတွေမှာ အများပြည်သူ ကျန်းမာရေးအတွက် အရေးကြီးသော စိုးရိမ်ပူပန်မှုတစ်ခု ဖြစ်နေပြီးတော့ အဓိကရောဂါပိုး သယ်ဆောင်သည့် ခြင်ကျား (Aedes aegypti) ပေါက်ပွားရာဒေသများမှာ ပိုမိုအဖြစ်များပါတယ်။

🤔 ဖြစ်ပွားရခြင်း အကြောင်းရင်းတွေကတော့

- Dengue ဗိုင်းရပ်စ်ကြောင့် ဖြစ်ပွားပြီး သူ့မှာ မတူညီတဲ့ အမျိုးအစား (serotypes) (၄) မျိုးရှိပါတယ်။

- သွေးလွန်တုတ်ကွေးရောဂါက တကြိမ်မက ဖြစ်ပွားနိုင်ပါတယ်။

- Dengue ဗိုင်းရပ်စ်ပိုး ပထမဆုံးအကြိမ် ကူးစက်ခံရပါက အများအားဖြင့် ရောဂါလက္ခဏာမပြင်းထန်ခြင်း သို့မဟုတ် လုံးဝမပြခြင်းတို့ ဖြစ်တတ်ပေမဲ့

- ပထမတစ်ခါနှင့် နောက်တစ်ခါဖြစ်တဲ့ အမျိုးအစားမတူပါက ပိုမိုပြင်းထန်တတ်ပါတယ် 😔

✅ သွေးလွန်းတုတ်ကွေး ရဲ့ ရောဂါလက္ခဏာတွေကတော့

_ ရုတ်တရက်ဖျားခြင်း (104°F သို့မဟုတ် 40°C အထိ) နှင့် တုပ်ကွေးကဲ့သို့သော လက္ခဏာများဖြစ်သည့်

-ခေါင်းကိုက်ခြင်း (မျက်လုံးနောက်ဘက် နာကျင်ခြင်း)

- ကြွက်သား၊ အရိုးနှင့် အဆစ်အမြစ်များ နာကျင်ခြင်း
(သွေးလွန်တုတ်ကွေးမှာတော့ နာကျင်ရလွန်းလို့ break bone fever, dengue အရိုးကျိုးမတတ်နာကျင်သောဖျားနာခြင်းလို့ခေါ်ကြပါတယ်)

- ပျို့အန်ခြင်း

- အရေပြားပေါ် အနီစက်များ ထွက်ခြင်း တို့နဲ့ လာတတ်ပါတယ်။

✅ 📢📢 ပြင်းထန်သော Dengue/DHF ၏ ** သတိပြုရမည့် လက္ခဏာများကတော့ ..

_ ပြင်းထန်သော Dengue ၏ အရေးကြီးအဆင့်သည် များသောအားဖြင့် ** ဖျားနာပြီး ၂ ရက်မှ ၇ ရက်အကြာတွင် ဖြစ်ပွားလေ့ရှိပြီး အဖျားကျချိန်နှင့် တိုက်ဆိုင်လေ့ရှိပါတယ်။

_ သွေးရည်ကြည်များ ယိုစိမ့်မှုနှင့် DHF သို့မဟုတ် Dengue Shock Syndrome (DSS) သို့ ပြောင်းလဲနိုင်ချေကို သတိပေးလက္ခဏာတွေကို စောင့်ကြည့်ဖို့ အလွန့် အလွန်အရေးကြီးပါသည်။

✅ အဲတာတွေကတော့

📢 ပြင်းထန်စွာ ဗိုက်နာခြင်း

📢 ဆက်တိုက်အန်ခြင်း: အန်ဖတ်ထဲတွင် သွေးပါပါက ပိုအရေးကြီးသည်။

📢 သွေးယိုစီးမှု လက္ခဏာများဖြစ်တဲ့
- Petechiae (အရေပြားပေါ်တွင် သေးငယ်သောအနီစက်များ)၊Ecchymoses (ပွန်းရာ၊ အညိုအမည်းစွဲခြင်း)များထွက်ခြင်း
- နှာခေါင်းသွေးလျှံခြင်း (epistaxis)
- သွားဖုံးသွေးယိုခြင်း
- အန်ဖတ်ထဲတွင် သွေးပါခြင်း (အညိုရောင်အန်ခြင်း) သို့မဟုတ် ဝမ်းထဲတွင် သွေးပါခြင်း (ဝမ်းမဲမဲသွားခြင်း)

📢 အသက်ရှူမြန်ခြင်း

📢 မှိန်းခြင်း၊ မလန်းဆန်းခြင်း၊ ဂနာမငြိမ်ဖြစ်ခြင်း သို့မဟုတ် စိတ်တိုခြင်း

📢 အဖျားကျလာတယ်လို့ထင်ရသော်လည်း အသားအရေ‌ ခြေ လက် အေးစက်ခြင်း

📢 ဆီးနည်းသွားခြင်း (လေးနာရီကနေ ခြောက်နာရီအတွင်းဆီးထပ်မသွားခြင်း)

📢 တက်ခြင်း တို့ပဲဖြစ်ပြီး အဲ လက္ခဏာတွေဖြစ်ရင်တော့ ဆေးရုံဆေးခန်းသွားပြဖို့လိုအပ်ပြီး လိုအပ်ပါက ဆေးရုံတင်ကုသဖို့လိုအပ်နိုင်ပါတယ်။

✅ 📢📢 အချိန်မီ မကုသပါက ပြင်းထန်သော Dengue သည် အောက်ပါတို့ကို ဖြစ်ပေါ်စေနိုင်သည်-

😔 ရှော့ခ်ရခြင်း (dengue shock syndrome)

😔 ခန္ဓာကိုယ်အတွင်း သွေးယိုစီးခြင်း

😔 ကိုယ်တွင်းအင်္ဂါများ ပျက်စီးခြင်း (အဆုတ်၊ နှလုံး၊ ကျောက်ကပ်၊ အသည်း၊ ဗဟိုအာရုံကြောစနစ်)

😔 အသက်ဆုံးရှုံးခြင်း တို့ထိဖြစ်နိုင်ပါတယ်။

✅ ကုသမှုအနေနဲ့ကတော့

_ Dengue သို့မဟုတ် DHF အတွက် တိကျသော ဗိုင်းရပ်စ်နှိမ်နင်းဆေး ကုသမှုမရှိသေးပါဘူး ။

_ အဓိကအားဖြင့် အရည်ဓါတ်မျှတမှုကို ထိန်းသိမ်းခြင်းနှင့် ရောဂါလက္ခဏာများကို ဂရုတစိုက်စောင့်ကြည့်ကုသဖို့ပါပဲ။

_ အရည်ဖြည့်တင်းခြင်းက ကုသမှု၏ အခြေခံအုတ်မြစ်ဖြစ်ပြီး သွေးရည်ကြည် ယိုစိမ့်မှုကိုစောင့်ကြည့်ကုသဖို့ အရေးကြီးပါတယ်။

_ ပါးစပ်ကသောက်ရတဲ့ ဓာတ်ဆားရည် (ORS) ကို ရောဂါမပြင်းထန်သော အခြေအနေများအတွက် အသုံးပြုပြီးတော့ ပြင်းထန်စွာ ရေဓာတ်ခန်းခြောက်ခြင်း သို့မဟုတ် ရှော့ခ်ရခြင်း လက္ခဏာများအတွက် သွေးကြောကသွင်းသည့်အရည်များ သည် အလွန်အရေးကြီးပါတယ်။

_ လိုအပ်ပါက သွေးသွင်း၍ကုသခြင်း လိုအပ်နိုင်ပါတယ်။

✅✅ သွေးလွန်တုတ်ကွေးရောဂါကို ကာကွယ်ခြင်း

📢 ခြင်နှိမ်နင်းရေးအနေနဲ့

- ခြင်ပေါက်ပွားရာနေရာများကို ဖယ်ရှားခြင်းပြုလုပ်ရပါမယ်။

- Aedes ခြင်များသည် ရေစီးရေလာမရှိသော ရေကြည် ရေသန့်များတွင် ပေါက်ပွားပါတယ်။

ရေစုနိုင်သော ပုံးများ (ပန်းအိုးများ၊ တာယာအဟောင်းများ၊ ပုံးများ၊ ငှက်ရေချိုးကန်များ၊ ရေသိုလှောင်ကန်များ) ကို ပုံမှန်ရှင်းလင်းပြီး သန့်ရှင်းရေးလုပ်ပါ။

- ရေသိုလှောင်ကန်များကို လုံခြုံစွာ ဖုံးအုပ်ထားပါ။

- ရေစုနိုင်သော အသုံးမပြုတော့သည့် ပစ္စည်းများကို စနစ်တကျ စွန့်ပစ်ပါ။

- DEET, Picaridin, သို့မဟုတ် IR3535 ပါဝင်သော ခြင်ဆေးများကို အသုံးပြုပါ။

- အထူးသဖြင့် ခြင်ကိုက်ချိန်များ (နံနက်ခင်းနှင့် နေ့လည်ခင်း၊ညနေခင်း) တွင် လက်ရှည်အင်္ကျီ၊ ဘောင်းဘီရှည်နှင့် ခြေအိတ်များကို ဝတ်ဆင်ပါ။

- ခြင်လုံသော သို့မဟုတ် လေအေးပေးစနစ်ပါသော အခန်းများတွင် နေထိုင်ပါ။

- အပြင်ဘက် သို့မဟုတ် ခြင်လုံမထားသောနေရာများတွင် အိပ်ပါက ခြင်ထောင်များကို အသုံးပြုပါ။

✅ 📢📢 ကာကွယ်ဆေးထိုးခြင်း

၁။ Dengue ကာကွယ်ဆေး (Dengvaxia) ကို ယခင် Dengue ရောဂါပိုးကူးစက်ခံရဖူးကြောင်းအတည်ပြုထားတဲ့ အသက် ၉ နှစ်မှ ၄၅ နှစ်အရွယ်အတွင်း ထိုးနှံနိုင်ပါတယ်။ စုစုပေါင်းကာကွယ်ဆေးသုံးကြိမ်ကို ခြောက်လစီခြားပြီး ထိုးဖို့လိုအပ်ပါတယ်။

၂။ Dengue ကာကွယ်ဆေးနောက်တမျိုးဖြစ်တဲ့ (Q denga) ကတော့ dengue ရောဂါပိုးကူးစက်ခံထားဖူးခြင်းရှိရှိ မရှိရှိ အသက် လေးနှစ်အထက်ကစ ထိုးနှံနိုင်တယ်လို့ဆိုထားပါတယ်။ ဒီကာကွယ်ဆေးကိုတော့ သုံးလခြားပြီး နှစ်ကြိမ်ထိုးနှံဖို့လိုပါတယ်။

ကဲဒီလောက်ဆိုရင်တော့ သွေးလွန်တုတ်ကွေးအကြောင်းအတော်လေးစုံပြီထင်ပါတယ်နော်။


#သွေးလွန်တုတ်ကွေး
#ကျန်းမာရေး
#ကလေး


#ခြင်

27/06/2025

📢ကာလဝမ်းရောဂါ သို့မဟုတ် cholera သို့မဟုတ် အသက်အန္တရယ်ရှိသော ပြင်းထန် ဝမ်းပျက်ဝမ်းလျောရောဂါ 📢

📢 ကာလဝမ်းရောဂါ cholera ရောဂါက Vibrio cholerae လို့ခေါ်တဲ့ဘက်တီးရီးယားကြောင့်ဖြစ်ပြီး ရေမသန့်ရာက တဆင့်ဖြစ်တဲ့ ကူးစက်မှုပြင်းထန်တဲ့ရောဂါဖြစ်ပါတယ်။

📢 မသန့်သောရေကတဆင့် အစားအသောက်ကတဆင့်၊ ရောဂါပိုးရှိသူရဲ့ မစင်ကိုထိတွေ့မှု့ကတဆင့် ပါးစပ်ကနေ ရောဂါပိုးဝင်ပြီးကူးစက်ဖြစ်ပွားပါတယ်။

📢 ကာလဝမ်းရောဂါကြောင့် အချိန်တိုအတွင်း ရေဓါတ်ခမ်းခြောက်မှုဖြစ်ကာ အချိန်မှီမကုသပါက အသက်ဆုံးရှုံးနိုင်ပြီး အစုလိုက်အပြုံလိုက်ဖြစ်ပါက ကပ်ရောဂါအသွင် ကုသရခက်ခဲနိုင်ပါတယ်။

🔍🔍🔍🔍ရောဂါလက္ခဏာများကတော့

_ ပျို့ ချင် အန်ချင်မယ်၊ အန်မယ်။ ပမာဏများနိုင်ပါတယ်။

_ ဆန်ဆေးရေအရောင်ဝမ်းတွေ ပမာဏာများစွာသွားမယ်။ အနဲံ့ကငါးညှီနံ့လိုဖြစ်ပြီး ဝမ်းသွားပြီး နာရီပိုင်းအတွင်း အရေဓါတ်ခမ်းခြောက်မယ်။ ဓါတ်ဆားဆုံးရှုံးလို့ ကြွက်တက်တာ၊နုန်းတာ၊ သတိလစ်တာ ဖြစ်မယ်။ အချိန်မှီမကုသရင် အသက်ဆုံးရှုံးနိုင်ပါတယ်။

📢📢 အရေးပေါ်ကုသမှုက တော့ ရေတလီတာနဲ့ဖျော်ရတဲ့ အများအခေါ် BPI ဓါတ်ဆားပဲဖြစ်ပါတယ်။
_ ဓါတ်ဆားရည်ကို ဝမ်းသွားသမျှပမာဏအတိုင်း ပြန်သောက်သောက်ပေးဖို့လိုပါတယ်။
_ ရေသန့်ဖို့ ဖျော်ပုံဖျော်နည်းစနစ်ကျဖို့လိုပါတယ်။
_ ရေသန့်မရနိုင်ရင် ရေကျက်အေးနှင့်ဖျော်နိုင်ပါတယ်။

📢📢✅အရေးပေါ်ဓါတ်ဆားဝယ်မရပါက
ရေသန့် သို့မဟုတ် ရေကျက်အေး တစ်လီတာထဲကို သကြားလဘက်စားဇွန်း ၆ ဇွန်းနှင့် ဆား လဘက်စားဇွန်း ဇွန်းတဝက်ထည့်ပြီး သောက်သုံးရပါတယ်။

✅အန်နေလျှင် အများကြီးတခါထဲမသောက်ပဲ တဖြည်းဖြည်းချင်းသောက်ပေးပါ။

✅ရေဓါတ်ဆုံးရှုံးမှုအလွန် များရင်တော့ drip ပုလင်းချိတ်ရနိုင်လို့ ဆေးရုံပြသသင့်ပါတယ်။

📢📢 ကာကွယ်မှုတွေအနေနဲ့ကတော့

_မသန့်သော ရေမှတဆင့်ကူးစက်တာဖြစ်လို့ ရေသန့်ဖို့လိုပါတယ်။ သန့်ရှင်းသောရေကိုသာသောက်သုံးပါ။ရေသန့်မရနိုင်လျှင်ရေကိုကြိုချက်သောက်သုံးပါ။ အိမ်သုံးရေ ရေကန်ကို ကလိုရင်းခတ်ပါ။

_ လက်ကိုသေချာစင်ကြယ်စွာဆေးကြောပါ။ ( အစားအစာကိုမကိုင်တွယ်ခင်၊ အစားအစာမပြင်ဆင်ခင် ပြင်ဆင်နေစဉ်နှင့်ပြင်ဆင်ပြီးချိန်၊ အသီးအရွက်အသားငါးကိုင်တွယ်ပြီးချိန်၊ အစားမစားခင်၊ ကလေးအစာမကျွေးခင်၊ အိမ်သာမှထွက်သောအခါ၊ ကလေးကို အိမ်သာအညစ်အကြေးဆေးကြောပြီးသောအခါ၊ ဝမ်းရောဂါလူနာအားကိုင်တွယ်ပြီးသောအခါ လက်ကို စနစ်တကျ ဆေးကြောပါ။ ရေမရနိုင်လျှင် လက်သန့်ဆေးရေ သုံးပါ)

_ စိတ်ချရသောအိမ်သာသုံးစွဲပါ။ ယင်လုံအိမ်သာသုံးပါ။
အိမ်သာနှင့် ရေအရင်းအမြစ် ရေကန် ပေတစ်ရာကွာပါစေ။ အိမ်သာ သွားရန်အဆင်မပြေပါက ပလတ်စတစ်အိတ်ထဲတွင် မစင်စွန့်ပြီးလုံခြုံအောင်ပိတ်ကာ ရေအရင်းအမြစ်နှင့်ပေတစ်ရာအကွာတွင် မြေမြှပ်ရပါမယ်။

_ အစားအသောက်သန့်ရှင်းမှု ဂရုစိုက်ပါ။

_ သန့်ရှင်းပူနွေးပြီး ကျက်နေအောင်ချက်ထားသော အစားအစာများသာ စားသုံးပါ။ အသီးအနှံများကို ကိုယ်တိုင် လက်ဆေး၍ အခွံခွာ၍စားသုံးပါ။ အသီးအနှံအရွက် အသားငါး အစိမ်းစားခြင်းမှ ရှောင်ကျဉ်ပါ။

_သန့်ရှင်းမှုဂရုပြုပါ။
_မီးဖိုချောင် ဟင်းချက်တဲ့နေရာကို ရေနှင့်ဆပ်ပြာသုံးပြီးဆေးကြောပါ။ပြီးလျှင် ခြောက်သွေ့စွာထားပါ။
_ အညစ်အကြေးပေထားသောအဝတ်များအား ရေအရင်းအမြစ်နဲ့ ပေတစ်ရာအကွာတွေလျော်ဖွတ်ပါ။ ရေနွေးနဲ့လျော်ဖွတ်ပြီး အခြောက်လှမ်းပါ။
_ ဝမ်းနဲ့ အန်ဖတ်များကို အိမ်သာတွင်းသာစွန့်ပြစ်ပါ။ အိမ်သာ ကို အညစ်အကြေးပိုးသတ်ဆေးရည်ဖြင့်ဆေးကြောပါ။
_သန့်ရှင်းရေးလုပ်ပြီးတိုင်း လက်ကိုသေချာပြန်ဆေးပါ။



#ကာလဝမ်းရောဂါ
#ဝမ်းပျက်
#အန်
#ကျန်းမာရေး

25/06/2025

24/06/2025

📢📢 လက်သည်းကပြောသော ကျန်းမာရေး
✅ လက်သည်းက ခန္ဓာကိုယ်ရဲ့ ပြတင်းပေါက်တစ်ခုလို့ဆိုနိုင်ပါတယ်။
_ လက်သည်းအရောင်ပြောင်းလဲမှု‌တွေက ခန္ဓာကိုယ်တွင်းမှာရှိတဲ့ ကျန်းမာရေးပြဿနာအမျိုးမျိုးကို ဖော်ပြနိုင်ပါတယ်။
_ တချို့ အခြေအနေတွေက အသေးအမွှားကိစ္စများဖြစ်နိုင်ပေမဲ့ အချို့မှာတော့ ပိုမိုပြင်းထန်သော ရောဂါများ၏ လက္ခဏာများ ဖြစ်နိုင်တာမို့ စိုးရိမ်စရာကောင်းတဲ့ အပြောင်းအလဲများ တွေ့ရှိပါက ဆရာဝန် သို့မဟုတ် အရေပြားအထူးကုဆရာဝန်နှင့် တိုင်ပင်ဆွေးနွေးသင့်ပါတယ်။

22/06/2025

မိုးရာသီနှင့် အရေပြားပြဿနာများ

ပူနေတုန်းမိုးလေးကျလာတော့ပျော်ကြရွှင်ကြရတာ။ မိုးရာသီရောက်ရင်တော့ အေးမြမှုတွေနဲ့အတူစိတ်ကသိကအောင့်ဖြစ်စရာအခြေအနေလေးတချို့ကိုပါ တွေ့ကြုံတတ်ပါတယ်။
- အဲလိုအခြေအနေတွေထဲကက တမျိုးက အရေပြားဆိုင်ရာပြဿနာလေးတွေပါပဲ။
မိုးရာသီမှာ တွေ့ရများတဲ့အရေပြား ပြဿနာလေးတွေရယ် ဘယ်လိုကာကွယ်နိုင်မလဲဆိုတာရယ်ကိုပြောပြပေးသွားပါမယ်။

၁။ အရေပြားယားယံခြင်း၊ အရေပြားတုံ့ပြန်လွယ်ခြင်း။
၂။ အရေပြားမှိုရောဂါများဖြစ်တဲ့ ခန္ဓာကိုယ်ချောင်ကြားတွေမှာအဖြစ်များတဲ့ ပွေး၊ ရေတစိုစိုဖြစ်နေတဲ့ခြေထောက်တွေမှာဖြစ်တတ်တဲ့ ခြေဝဲစားခြင်း။
၃။ Scabies လို့ခေါ်တဲ့ဝဲရောဂါ။
၄။ ဝက်ခြံများထွက်ခြင်း။
၅။ မွေးကျွတ်နာများ။
၆။ Eczema flares အရေပြားတုံ့ပြန်လွယ်မှု ဓါတ်မတဲ့မှုများ ကြွခြင်း။

- ခုပြောပြခဲ့တဲ့ပြဿနာလေးတွေက
မိုးတွင်းမှာ humidity စိုထိုင်းဆ များလာခြင်း ရာသီဥတုပြောင်းပြီး အပူချိန်ရုတ်တရက်အပြောင်းအလဲဖြစ်ခြင်းတွေကြောင့် အရေပြားတုံပြန်လွယ်မှု ယားယံမှုတွေနဲ့အတူ ဖြစ်လာတာဖြစ်ပါတယ်။

- ကာကွယ်နိုင်မဲ့နည်းလမ်းလေးတွေကတော့
၁။ တကိုယ်ရည်သန့်ရှင်းရေးကို ဂရုစိုက်ပါ။ စိုထိုင်းစများတဲ့ရာသီဥတုဖြစ်လို့ အရေပြားမှာချွေးပေါက်ပိတ်တာမျိုးတွေဖြစ်ပြီး ဝက်ခြံထွက်တာမျိုး‌‌တွေ ဖြစ်တတ်လို့ မျက်နှာကို မပြင်းတဲ့မျက်နှာသစ်နဲ့ တနေ့သုံးကြိမ်လောက်ထိသစ်ပေးနိုင်ပါတယ်။အသားအရေကို ရေဓါတ်ရအောင် moisturizer လိမ်းတာ ရေများများသောက်ပေးတာမျိုးလုပ်နိုင်ပါတယ်။
၂။ သန့်ရှင်းပြီးခြောက်သွေ့တဲ့အဝတ်အစားများကိုသာဝတ်ဆင်သင့်ပါတယ်။ ခြေဝဲစားတတ်သူများအနေနှင့်လည်း ခြေထောက်ရေစိုပြီးရင် ခြောက်အောင်ပြန်သုတ်တာ ခြောက်သွေ့တဲ့ခြေအိတ်ကိုသာဝတ်ဆင်တာ လေဝင်လေထွက်ကောင်းတဲ့ဖိနပ်မျိုးဝတ်ဆင်တာတွေ လုပ်နိုင်ပါတယ်။
၃။ ခန္ဓာကိုယ်ရေစို ချွေးစိုတာတွေဖြစ်ရင် ‌ခြောက်သွေ့အောင်သုတ်ဖို့လိုပါတယ်။အထူးသဖြင့် ချိုင်းကြား ပေါင်ကြား ဂုတ်ကြား ကိုယ်အလေးချိန်များသူတွေဆို ရင်ဘက်အောက်ရင်ဘက်ကြား ဗိုက်ခေါက်ကြားတွေ ခြောက်သွေ့ဖို့သတိပြုရပါမယ်။ အရေပြားမှိုသတ်ဆေးပါတဲ့ ပေါင်ဒါမှုန့်တွေသုံးပြီးခြောက်သွေ့အောင်လည်းလုပ်နိုင်ပါတယ်။

- ဆီးချိုရာဂါရှိသူ၊ အရေပြားတုံပြန်လွယ်ရောဂါ eczema ရှိသူ၊ ကိုယ်ဝန်ဆောင်တွေအနေနဲ့ကတော့ ကျွမ်းကျင်ရာ ဆရာဝန်နဲ့ပြသပြီးမှသာ ကုသမှုခံယူသင့်ပါတယ်။

- ကဲဒီလောက်ဆိုရင်တော့ မိုးရာသီအရေပြားပြဿနာလေးတွေအတော်အသင့်ကာကွယ်နိုင်ပြီ ဖြစ်လို့ မိုးရာသီနဲ့တူ ဘေးကင်းပျော်ရွှင်ကြပါစေနော်။

14/02/2025

😀📢📢 မကြာခင်မှာ အစ္စလာမ်ဘာသာဝင်တို့ရဲ့ ဥပုသ်လကို ရောက်ရှိတော့မှာဖြစ်ပါတယ်။ အစ္စလာမ် ဘာသာဝင်တွေရဲ့ အဓိက မဏ္ဌိုင်ငါးခုထဲမှာ ဥပုသ်စောင့်တည်ခြင်းဟာလည်းတခု အပါအဝင်ဖြစ်ပါတယ်။

🤔🤔 ဥပုသ်စောင့်တည်ခြင်းကို သက်ကြီးရွယ်အိုတွေ ကလေးလေးတွေ၊ ကိုယ်ဝန်ဆောင်တွေနဲ့ ရောဂါတစုံတရာရှိသူတွေအတွက် ကင်းလွတ်ခွင့်ရရှိပြီးသားဖြစ်ပေမဲ့

😀 ဥပုသ်စောင့်မယ် မစောင့်ဘူးက လူတစ်ဦးနဲ့တစ်ဦး ဆုံးဖြတ်ချက်မတူကြတာဖြစ်လို့ ဆီးချိုရောဂါရှိသူတွေအနေနဲ့ ဥပုသ်စောင့်သင့်ရဲ့လား စောင့်မယ်ဆိုရင် ဘာတွေ ဆောင်ရ ရှောင်ရမလဲ ပြောပြပေးသွားမယ်နော်။

🤔 ဥပုသ်လမှာ အစားအသောက်ပုံစံ အအိပ်အနေပုံစံက ပြောင်းလဲမှူကြောင့် ခန္ဓာကိုယ်ထဲမှာ ဇီဝ ဖြစ်ပျက်မှုပုံစံပြောင်းလဲမှုတွေ ဖြစ်ပေါ်ပါတယ်။

😀 သာမာန် အားဖြင့်တော့ ဥပုသ်စောင့်ခြင်းဖြင့် အင်ဆူလင်လိုအပ်မှု ပမာဏလျော့နည်းသွားတာ၊ ကိုယ်အလေးချိန်ကျသွားတာ၊ ခန္ဓာကိုယ်ရောင်ရမ်းမှုတွေကျဆင်းတာ၊ သွေးအတွင်းအဆီကျသွားတာ စတဲ့ ကျန်းမာရေးအတွက်ကောင်းကျိုးတွေရှိနိုင်ပါတယ်။

🔍 သို့ပေမဲ့ လည်း ဆီးချိုရောဂါရှိသူတွေအတွက်တော့ ဥပုသ်စောင့်ဖို့အတွက် စဉ်းစားရမဲ့အချက်များစွာရှိနေပြီး မိမိရဲ့ဆီးချိုရောဂါကိုကုသမှုခံယူနေတဲ့ ကျွမ်းကျင်တဲ့ဆရာဝန်နဲ့သေချာစွာတိုင်ပင်ဖို့ လိုအပ်လှပါတယ်။

🤔 ဥပုသ်စောင့်ခြင်းကြောင့် ဆီးချိုရောဂါရှိသူတွေမှာ ဖြစ်လာနိုင်တဲ့အန္တရယ်တွေက ဆီးချို ရောဂါအမျိုးအစား၊ ထိန်းချုပ်မှု၊ သုံးစွဲရတဲ့ဆေးအမျိုးအစားပမာဏနှင့် တနေ့တာ လူနေမှု ပုံစံပေါ်လိုက်ပြီး အနည်းအများကွာခြားနိုင်ပါတယ်။

😔❌ ဆီးချိုရောဂါရှိသူတွေ ဥပုသ်စောင့်တဲ့အခါ ဖြစ်လာနိုင်တဲ့ ဆိုးကျိုးအန္တရယ်တွေကတော့ 📢📢

- သွေးအတွင်းသကြားဓါတ်အလွန်ကျဆင်းတာ
- သွေးတွင်းသကြားဓါတ်အလွန်တက်လာတာ
- အရည်ဓါတ်ခမ်းခြောက်တာ
- သွေးတွင်းသကြားဓါတ်များခြင်းရဲ့ နောက်ဆက်တွဲရောဂါများဝင်တာ၊ ဆီးချိုဆိပ်တက်တာတွေ ဖြစ်လာတတ်ပါတယ်။

📢❌ ဥပုသ်စောင့်ဖို့အတွက်မသင့်တော်သောဆီးချိုရောဂါ အုပ်စုများကို အကြမ်းဖျင်းအားဖြင့်တင်ပြရလျှင်တော့ 🤔

- ဆီးချိုးရောဂါ အမျိုးအစား ၁
- ‌ဆီးချိုရောဂါ အမျိုးအစား ၂ ကို ကောင်းစွာထိန်းချုပ်မှုမရသူများ
- ဆီးချိုရောဂါအပြင် တခြား နှလုံး၊ ကျောက်ကပ်၊ အသဲ၊ သွေးကြောရောဂါ၊ လေဖြတ်ရောဂါ စသဖြင့် ရောဂါတခုခုတွဲလျက်ရှိသူများ
- ဆီးချိုရောဂါ ကြာရှည်စွာရှိသူများ၊ သက်ကြီးရွယ်အို ဆီးချိုရောဂါသမားများနှင့် ကိုယ်ဝန်ဆောင်ဆီးချိုရောဂါသည်များ
- မကြာမီကာလအတွင်း ဆီးချိုရောဂါကြောင့် ဆေးရုံတက်ကုသခံမှုခံယူထားရသူများ

စသဖြင့်အခြေအနေများရှိရင်တော့ ဥပုသ်စောင့်ဖို့ မသင့်တော်ပါဘူး။

🔍🔍 ကျန်တဲ့ဆီးချိုရောဂါရှိသူများအနေနှင့်ကလည်း ဥပုသ်စောင့်ရန်သင့်မသင့်ကို မိမိပြသလျက်ရှိသော ဆီးချိုကျွမ်းကျင်ဆရာဝန်နှင့်သေချာတိုင်ပင်ပြီး အစားအသောက်ပုံစံ နှင့်ဆေးအတိုးအလျော့ကို ပြုလုပ်ပြီးမှ ဥပုသ်စောင့်သင့်ပါတယ်။

📢📢 ဥပုသ်စောင့်တဲ့အခါမှလည်း သိရှိသင့်တဲ့အချက်တွေ ပြောပြပေးပါမယ်။

၁) ဆရာဝန်နှင့်သေချာတိုင်ပင်ဆွေးနွေးပါ။

၂) သွေးအတွင်းသကြားဓါတ်ကို တနေ့ကိုသုံးကြိမ်နှင့်အထက်လိုအပ်သလို ဖောက်စစ်ကြည့်ဖို့လိုအပ်ပါတယ်။{သွေးအတွင်းသကြားဓါတ် ၇၀ အောက်ကျတာ ၊ ၃၀၀ အထက်များရင် ဥပုသ်ဆက်မစောင့်သင့်ပါဘူး၊ ရပ်လိုက်ရပါမယ်}

၃)**သွေးအတွင်းအချိုဓါတ်ကျတဲ့ လက္ခဏာက အရေးကြီးပြီး အသက်အန္တရယ်ရှိတဲ့အတွက် သေချာစွာသိရှိရပါမယ် *{သွေးချိုးဖောက်စစ်လို့ ၇၀ အောက်ကျနေတာ၊ မဖောက်စစ်ပေမဲ့လည်း ကတုန်ကရင်ဖြစ်ပြီး ချွေးစေးတွေပျံလာတာ၊ ကယောင်ကတမ်းဖြစ်လာတာ စသဖြင့် သွေးအချိုကျတဲ့ လက္ခဏာတွေဖြစ်လာရင်တော့ ဥပုသ်ကိုရပ်နားပြီး အချိုရည်သောက်တာ အစာစားတာလုပ်ရပါမယ်}*

၄)ရေ သို့မဟုတ် အရည် များများသောက်ဖို့လိုအပ်ပါတယ်။ ဥပုသ်မတိုင်ခင်နဲ့ ဥပုသ်ပြီးချိန်များမှာ ရေကိုဖောဖောသီသီသောက်ပြီး ရေဓါတ်ပြည့်ဝနေစေဖို့ အရေးကြီးပါတယ်။

၅)အစားအသောက်စားတဲ့အခါမှာလည်း ချိုလွန်းအီလွန်းသော အဆီများလွန်းသော အရာများမစားသုံးသင့်ပါဘူး။ ဥပုသ်ဖြေတဲ့အခါ အချိုနည်းနည်း အရည်နည်းနည်းအရင်သောက်ပြီးမှ ပုံမှန် ကျန်းမာရေးနှင့်ညီညွတ်‌သော အစားအစာများ စားသောက်တာလုပ်သင့်ပါတယ်။

၆)ဥပုသ်မတိုင်ခင်နှင့် ဥပုသ်ပြီးချိန်မှာ ဆရာဝန်ညွန်ကြားသော သောက်နေကျဆေးသောက်ရန်၊ ဆေးထိုးရန်လိုအပ်သူဖြစ်ပါကထိုးရန် လိုအပ်ပါတယ်။ အင်ဆူလင်ဆေးကို ဥပုသ်ချိန်အတွင်းလိုအပ်ပါက ထိုးနိုင်ပါတယ်။

၇) ဥပုသ်ချိန်အတွင်း ပြင်းထန်တဲ့ကိုယ်လက်လှုပ်ရှားမှု မလုပ်သင့်ပါဘူး။ ပုံမှန်လှုပ်ရှားနိုင်ပါတယ်။

😀 ကဲဒီလောက်ဆိုရင်တော့ ဥပုသ်စောင့်သင့် မစောင့်သင့်ရယ် သတိထားရမဲ့အချက်လေးတွေရယ် အကြမ်းဖျဉ်းသိကြမယ်ထင်ပါတယ်။
😀 ကျွမ်းကျင်ဆရာဝန်နဲ့ ဆေးတွေသေချာညှိဖို့နှင့် ဆရာဝန်ရဲ့ အကြံပြုချက်ကိုသေချာလိုက်နာဖို့တော့ လိုအပ်ပါတယ်ဆိုတာ ပြောရင်းနဲ့ပဲ နောက်အပတ်တွေမှာ ဘာ ခေါင်းစဉ်လေးတွေ ဆက်တင်ပြမလဲ စောင့်ကြည့်ကြစို့နော်။

#ရမ်ဇာန်
#ဥပုသ်
#ကျန်းမာရေး
#ဆီးချို
#ရောဂါ

07/02/2025

📢📢 Air quality index and health
လေထုညစ်ညမ်းမှုနှင့် ကျန်းမာရေး 📢📢

🤔🤔 Air quality index (AQI) ဆိုတာ ဘာလဲ

✅ လေထုညစ်ညမ်းမှုအညွှန်းကိန်း (AQI) ဆိုတာကတော့ မိမိပတ်ဝန်းကျင်မှာရှိတဲ့ လေထုအရည်အသွေးကိုဖော်ပြသော ကိန်းဂဏန်းတစ်ခုဖြစ်ပါတယ်။

✅ AQI မြင့်လေလေလေထုညစ်ညမ်းမှု မြင့်လေလေဖြစ်လို့
နေ့စဉ်ရှူရှိုက်နေတဲ့လေထုက သန့်စင်ဖို့ လိုအပ်ပါတယ်။

✅ AQI ကိုအဆင့်ခွဲခြားသတိမှတ်ထားပြီး AQI အဆင့်ပေါ်မူတည်ပြီး ကျန်းမာရေးပြဿနာများပေါ်ပေါက်နိုင်တာမို့ သတိပြုကြဖို့လိုအပ်ပါတယ်။

📢 AQI _ 0-50:** 🟢 အစိမ်းရောင်ဖြင့်ဖော်ပြပါတယ်။ ကောင်းမွန်သည်။ လေထုအရည်အသွေးသည် ကျေနပ်ဖွယ်ဖြစ်ပြီး လေထုညစ်ညမ်းမှုကြောင့် အန္တရာယ်မရှိပါ။

📢 AQI _ 51-100:** 🟡 အဝါရောင်ဖြင့်ဖော်ပြပါတယ်။ သာမန်ဖြစ်သည်။ လေထုအရည်အသွေးသည် လက်ခံနိုင်ဖွယ်ဖြစ်သော်လည်း အချို့သောသူများသည် လေထုညစ်ညမ်းမှုကို ပိုမိုထိခိုက်လွယ်နိုင်သည်။

📢 AQI _ 101-150:** 🟠 လိမ္မော်ရောင်အဆင့်ဖြစ်ပါတယ်။ ထိခိုက်လွယ်သူများ ( ကလေးသူငယ်များ၊ ရင်ကြပ်ပန်းနာနှင့်အသက်ရှူလမ်းကြောင်းဆိုင်ရာရောဂါရှိသူများ၊ နှလုံးရောဂါရှိသူများ)အတွက် အန္တရာယ်ရှိသည်။ ထိခိုက်လွယ်သောသူများသည် ကျန်းမာရေးဆိုင်ရာသက်ရောက်မှုများကို ခံစားရနိုင်သည်။

📢 AQI _ 151-200:** 🔴 အနီရောင်အဆင့်ဖြစ်ပါတယ်။ အန္တရာယ်ရှိသည်။ လူတိုင်းသည် ကျန်းမာရေးဆိုင်ရာသက်ရောက်မှုများကို ခံစားရနိုင်သည်။

📢 AQI _ 201-300:** 🟣 ခရမ်းပုတ်ရောင်ဖြင့်ဖော်ပြသည်။ အလွန်အန္တရာယ်ရှိသည်။ အရေးပေါ်အခြေအနေများအတွက် ကျန်းမာရေးဆိုင်ရာ သတိပေးချက်များ ထုတ်ပြန်ထားသည်။ လူတိုင်း ထိခိုက်နိုင်ချေရှိသည်။

📢 AQI_ 300+:** 🟤 နီညိုရောင်ဖြင့်ဖော်ပြသည်။ အန္တရာယ်များသည်။ လူတိုင်းသည် ဆိုးရွားသော ကျန်းမာရေးဆိုင်ရာ သက်ရောက်မှုများကို ခံစားရနိုင်သည်။

✅ AQI မြင့်မားသောအခါ အပြင်ထွက်ခြင်းကို ရှောင်ကြဉ်သင့်ပြီး အထူးသဖြင့် ကလေးများ၊ သက်ကြီးရွယ်အိုများနှင့် အသက်ရှူလမ်းကြောင်းဆိုင်ရာ ရောဂါရှိသူများသည် အထူးဂရုပြုသင့်ပါသည်။

✅ AQI ကို mobile phone များ၊ social media internet ပေါ်နှင့် application များတွင်ရှာဖွေကြည့်ရှုနိုင်ပြီး၊ TVနှင့် radio သတင်းများတွင်လည်း သတိပေးချက်များနားဆင်နိုင်ပါတယ်။

✅🤔🤔🤔 ညစ်ညမ်းသောလေထုထဲတွင် ဘယ်အရာတွေကို သတိပြုရှောင်ရှားသင့်ပါသလဲ 🤔🤔🤔

_ မိမိနေထိုင်ရာပတ်ဝန်းကျင်ရှိ နေ့စဉ် AQI တန်ဖိုးကို သိရှိအောင်လုပ်ပါ။

_ လေထုညစ်ညမ်းမှုတွင် အိုဇုန်း ozone ၊ carbon mooxide ၊ sulphur dioxide နှင့် အမှုန်အမွားညစ်ညမ်းမှုများပါဝင်နေပါက နေအိမ်ပြင်ပတွင် ပြင်းထန်၍ကြာရှည်စွာလုပ်ရသော ကိုယ်လက်လုပ်ရှားမှုများကိုတတ်နိုင်သလောက်လျော့ချရပါမယ်။

_ တတ်နိုင်သရွေ့ အိမ်ထဲတွင်နေထိုင်ပါ။

_ အိမ်အပြင်ထွက်လျှင် မက်စ် mask တပ်ပါ။ တတ်နိုင်ပါက N 95 mask ကိုရွေးခြယ်တပ်ပါ။

_ အိမ်တွင်းလေသန့်စင်စက် air purifier သုံးနိုင်ပါတယ်။

_ အမှိုက်မီးရှို့ခြင်း ၊သစ်ရွက်မီးရှို့ခြင်းကို ရှောင်ကြဉ်ပါ။

_ လေထုညစ်ညမ်းမှုနှင့်ပတ်သတ်သော သတိပေးချက်များကို နားစွင့်ပါ၊ ဂရုပြုပါ၊ ဝေမျှပါ။

#ကျန်းမာရေး
#လေထုညစ်ညမ်းမှု
#အသက်ရှူလမ်းကြောင်း