20/07/2022
အလားတူ .. ဆေးဝါးများဝယ်ယူခြင်း
ဒီနေ့ ကိုယ်သောက်သုံးနေကျ ဆေးဝါးများ ဝယ်ယူရန် အခက်အခဲဖြစ်လာရင် … ရွေးချယ်ဖို့ နည်းလမ်းလေး ပါ ..
ဆေးဝါးများကို …
ကုန်အမှတ်တံဆိပ် (Brand name) နဲ့ မှတ်ထားကြပါတယ် ..
တစ်ချို့က အဂ်လိပ် လို မခေါ်တတ်တော့ …. ဆေးကဒ်ပြား အရောင် … ဘူးခွံမှာပါသော .. ပုံ များကို မိမိ အရပ်အခေါ်အဝေါ်နဲ့ မှတ်ထားပါတယ် …
ဘယ်လိုပဲ ဖြစ်ဖြစ် …. အလားတူ ဆေးဝါးကို အောက်ပါအချက်တွေနဲ့ တိုက်ပြီး ရှာဖွေနိုင်ပါတယ် ..
၁။ ကိုယ်သောက်နေကျ ဆေးဝါးရဲ့ ဘူးခွံ (သို့) ပုလင်း (သို့) ဆေးကဒ်ပြား ပေါ်မှာ … ဆေးရဲ့ မျိုးရင်းအမည် (Generic name) ကိုရှာပါ …
ဥပမာ။ ။ အဖျား, ခေါင်းကိုက်ရင် သုံးတဲ့ … ဆေးရဲ့ မျိုးရင်းအမည် (Generic name) က ပါရာစီတမော …. ဆိုရင် ဘယ်ကုန်အမှတ်တံဆိပ်(Brand) မဆို သုံးနိုင်ပါတယ်
၂။ ဆေးရဲ့ ပါဝင်မှု အလေးချိန် တူညီရပါမယ် (ဥပမာ။ ။ ပါရာစီတမော ၅၀၀ မီလီဂရမ်) ဆိုရင် အလားတူ ဆေးရဲ့ ပါဝင်မှုအလေးချိန် … ပါရာစီတမော ၅၀၀ မီလီဂရမ် တူရပါမယ်
၃။ ဆေးပြား (Tablet) ဖြစ်ဖြစ် , ဆေးတောင့် (capsule) ဖြစ်ဖြစ် ဆေးရဲ့ မျိုးရိုး အမည် (Generic) နဲ့ ဆေးပါဝင်မှု အလေးချိန် (မီလီဂရမ် / မိုက်ကရိုဂရမ်) တူရပါမယ် …
၄။ မြန်မာနိုင်ငံ အစားအသောက်နှင့် ဆေးဝါး ကွပ်ကဲရေးငှာန (FDA) ရဲ့ ဆေးဝါး မှတ်ပုံတင်အမှတ် ရှိရပါမယ်
၅။ ဆေးဝါးရဲ့ သက်တမ်း (Expired date) ကို စစ်ပါ … သက်တမ်းကုန်ဆုံးသော ဆေးဝါးများ မသုံးသင့်ပါ
၆။ တစ်ချို့ဆေးတွေက … ဆေးတစ်မျိုးထက်ပါဝင် ပေါင်းစပ်ထားတာတွေရှိပါတယ်
အတတ်နိုင်ဆုံး … မိမိသောက်နေကျ ဆေးရဲ့ မျိုးရိုးအမည် (generic name) နဲ့ ဆေးပါဝင်မှု အလေးချိန် (မီလီဂရမ်, မိုက်ကရိုဂရမ် )…နဲ့ အခြားသော ဆေးများပေါင်းစပ်ပါဝင်မှု ကို အတိအကျ စစ်ဆေးပြီး … အလားတူ ဆေးကို ရွေးချယ်နိုင်ပါတယ် ….
သတိပြုဖို့ က… ဆေးဝါးတစ်ချို့မှာ ဆေးနာမည် တစ်ခုနဲ့တစ်ခု … ဆေးဝါးကုန်အမှတ်တံဆိပ်အမည် (Brand name) အသံထွက် တူပြီး … ဆေးမှာပါဝင်တဲ့ မျိုးရင်း (Generic name) မတူရင် အန္တာရယ် ရှိပါတယ် ….
မိမိအနီးအနားရှိ … ဆေးဝါးကျွမ်းကျင်သူ , ဆရာဝန်, ကျန်းမာရေး ဝန်ထမ်းများ ကို မေးမြန်းပါ …
:မျိုးသက် (ဆေးဝါးလုလင်)
Institute of pharmacy
19 July 2022
