04/07/2025
ဗုဒ္ဓ၏ နေ့စဥ် သြဝါဒ
“အပ်ပမာ ဒနေ ဘိက်ခဝေ သမ်ပာဒထေ”
၁။ ခြောက်ဒွါရတွင် ၊ ရုပ် နာမ်ထင်၊ အစဥ်ရှုမှတ်နေ။
၂။ သီလ,သမာ၊ ဓိ, ပညာ၊ ကောင်းစွာ ပြည့်စုံစေ။
၃။ ဝါလေးဆယ့်ငါး၊ မြတ်ဘုရား၊ မိန့်ကြား နေ့တိုင်းပေ။ (အံ-ဌ၊၄၈၊မဟာပရိနိဗ္ဗာနသုတ်) 🙏
✍️ ဗုဒ္ဓသာသနာ့ အမွေယူနည်း ဆောင်ပုဒ်များ
ထိုင်ပုံနည်း
၁။ ခေါင်းကို မတ်ကာ၊ ခါးဖြောင့်စွာ ၊ ထိုင်ပါပလ္လင်ခွေ။
၂။ ခွေသောအခါ၊ ခြေဝဲယာ ၊ ဆင့်ကာမထပ်ယှဉ်ထားလေ။
လက်ထားနည်း
၃။ ဝဲလက်ပေါ်တွင် ယာလက်တင်၊ ထိယှဥ်လက်မထိပ်ချင်းပေ။
၄။ ဝဲယာဒူးတွင် လက်ကိုတင် ၊ ထားချင်ထားနိုင်ပေ။
၅။ ခြေချင်းဝတ်တွင် လက်မှောက်ယှဉ် ၊ ထားချင်းထားနိုင်ပေ။
ရှုမှတ်ပုံအစဥ်
၆။ မျက်စိမှိတ်လိုက် ချက်ဝမ်းဗိုက် ၊ စိတ်စိုက်တည်နေစေ။
၇။ ဖောင်းခိုက် ပိန်ခိုက် အစဥ်လိုက် ၊ ချိန်ကိုက်ရှုမှတ်လေ
၈။ ကိုယ်မှာ စိတ်မှာ ဖြစ်ပေါ်ရာ လိုက်ကာရှုမှတ်လေ။
၉။ ဒွါရခြောက်ဖြာ ထင်ပေါ်ရာ လိုက်ကာရှုမှတ်လေ။
၁၀။ ပြီးသောအခါ ဖောင်း ပိန်သာ ပြန်ကာရှုမှတ်လေ။
၁၁။ ရပ်လျှင်၊ အိပ်လျှင် ဤနည်းပင် အစဥ်ရှုမှတ်လေ။
လမ်းလျှောက် ရှုမှတ်ပုံ
၁၂။ ခြေထောက်ပေါ်မှာ စိတ်စိုက်ကာ ၊ ဘယ်ညာရှုမှတ်လေ။
၁၃။ ခြေကြွသောအခါ ချသောအခါ ၊ ကောင်းစွာရှုမှတ်လေ။
၁၄။ ခြေကြွ၊ လှမ်း၊ ချ သုံးချက်ပ ၊ မုချရှုမှတ်လေ။
၁၅။ မနားမရပ် ခြားမပြတ် ရှုမှတ်မြဲပါလေ။
၁၆။ လှုပ်ရှားမူရာ လူမမာ တူစွာကျင့်ပါလေ။
၁၇။ လျောင်း၊ ထိုင်၊ သွား၊ ရပ် စဥ်မပြတ် ၊ စပ်အောင်ရှုမှတ်လေ။
✍️မေးခွန်း သုံးခွင် အဖြေမြင်
၁၈။ သူသွား ငါသွား ဘယ်သူသွား ရှုပွားမှတ်ရင်း သိမည်လေ။
၁၉။ သွားမှုပိုင်ရှင် မှတ်ရင်းပင် ဉာဏ်မြင်သိမည်လေ။
၂၀။ ဘာကြောင့်သွားသလဲ မှတ်ရင်းပဲ ဉာဏ်ထဲသိမည်လေ။
၂၁။ သို့ဉာဏ်သိမြင် နိဗ္ဗာန်ဝင် ကုန်စင်ဆင်းရဲတွေ။
၂၂။ မဟာနာဂ၊သုဘဒ္ဒ စံပြပုံသက်သေ။
(မဟာသတိပဋ္ဌာနသုတ်)📙
📝၁၅ - မဂ်၊ ဖိုလ် နိဗ္ဗာန် အမြန်ရစေသော ယောဂီ စည်းကမ်းများ✍️
ဣန္ဒြေထက်မြက်ကြောင်း(၉)ပါး
• ဣန္ဒြေငါးပါး၊ ထက်ကြောင်းများ၊ ၉ ပါးရှိလေသည်။
၁။ ဖြစ်တိုင်းရုပ်နာမ်၊ ချုပ်ပျက်ဟန်၊ ဧကန်ရှုရမည်။
၂။ ရှုမှတ်မှုမှာ၊ ရိုသေကာ၊ ကောင်းစွာ ပြုရမည်။
၃။ မနားမရပ်၊ ခြားမပြတ်၊ ရှုမှတ်မြဲရမည်။
၄။ သင့်လျှော်လှစွာ၊ ခုနစ်ဖြာ၊ ကောင်းစွာမှီရမည်။
၅။ စိတ်တည်ကြည်ကြောင်း၊ နမိတ်ဟောင်း၊ ကောင်းကောင်းမှတ်ရမည်။
၆။ သင့်တော်လျောက်ပတ်၊ ဗောဇ္စျင်မြတ်၊ မပြတ်ပွားရမည်။
၇။ ကိုယ်နှင့်အသက်၊ မငဲ့ကွက်၊ ရက်စက်နိုင်ရမည်။
၈။ ရှုစဉ်ပေါ်ရိုး၊ ဆင်းရဲမျိုး၊ လွှမ်းမိုးပယ်ရမည်။
၉။ လမ်းဆုံးမရောက်၊ လက်မမြှောက်၊ တောက်လျှောက်သွားရမည်။
• ဉာဏ်နုသောအခါ၊ ဤကိုးဖြာ၊ ဆိုင်ရာပွားရမည်။ ( ဝိသုဒ္ဓိမဂ် ၂၊ ၁၄၈)📙
✍️နည်းယူကျင့်ဖွယ်(၅)မျိုး
၁။ မျက်စိကွယ်သူ၊ ပုံစံယူ၊ နည်းတူကျင့်ရမည်။
၂။ နားထိုင်းပင်းသူ၊ ပုံစံယူ၊ နည်းတူကျင့်ရမည်။
၃။ ဆွံ့အသောသူ၊ ပုံစံယူ၊ နည်းတူကျင့်ရမည်။
၄။ လှုပ်ရှားမူရာ၊လူမမာ၊ တူစွာကျင့်ရမည်။
၅။ကိုယ်ကျိုးမြော်မြင်၊ သူသေသွင်၊ သင့်လျှင်အိပ်ရမည်။📙
(မိလိန္ဒပဉှာ၊ ၃၄၅၊ခု- ၂- ၂၉၅၊ ကစ္စာန ထေရ)
✍️ကုသိတာရမ္တသုတ်(မပျင်းနှင့်) 📙
၁။ အလုပ်ပန်းမည်၊ ပန်းခဲ့သည်၊ ကြံစည်မပျင်းနှင့်။
၂။ ခရီးပန်းမည်၊ ပန်းခဲ့သည်၊ ကြံစည်မပျင်းနှင့်။
၃။ အစာဆာသည်၊ ဝမ်းအင့်သည်၊ ကြံစည်မပျင်းနှင့်။
၄။ ရောဂါ ရှိသည်၊ ပြန်ထမည်၊ ကြံစည်မပျင်းနှင့်။
✍️ဝိပဿနာ ယောဂီအရည်အချင်း(၅)မျိုး
၁ ယုံကြည်၊ ၂ ကျန်းမာ၊ ၃ စိတ်မှာဖြောင့်မတ်၊
၄ မလစ်လပ်၊ ရှုမှတ်ကြိုးစားသည်။ ၅ ဖြစ်ပျက်မြင်သိ၊ ငါးခု ရှိ၊ ရောက်၏ နိဗ္ဗာန်ပြည်။(မ - ၂ - ၂၉၉)📙
📝၁၅ - မဂ်၊ ဖိုလ်၊ နိဗ္ဗာန် ဘဝပြည့်စုံသူ
မဟာသောတာပန်၏ ဂုဏ်(၄)ပါး
၁ ၊ ၂ ၊ ၃ ၊ ရ တ နာ သုံးဆင့် ဉာဏ်ဖြင့်မြင်တွေ့ ၊ မပြောင်းရွှေ့၊ တိုး၍ ကြည်ညို ယုံကြည်သည်၊
၄ ၊ ကိုယ်နှုတ်နှစ်ဖြာ ၊ ကျင့်သိက္ခာ၊ မြဲစွာသီလ ၊ လုံခြုံသည်။
( ရ တ နာ = ဘုရားရတနာ၊ တရားရတနာ၊ သံဃာရတနာ) ( ဒီ ၊ ၃၊ ၁၉၀)📙
