Aung - Pharmacy

13/04/2024

❤️❤️❤️စိတ်ချစွာ မွေးကင်းစကလေး အာဟာရတိုက်ကျွေးနိုင်ရန်အလို့ငှာ ❤️❤️❤️

မွေးကင်းစကလေး အာဟာရတိုက်ကျွေးခြင်းနှင့်ပတ်သက်၍ တိုက်ကျွေးမည့်နို့ရည်ဟာ စိတ်ချလုံခြုံမှု ၄ချက်နှင့် ကိုက်ညီရပါမယ်။

၁။ Biological safety ပိုးမွှားကင်းစင်ကြောင်း စိတ်ချယုံကြည်ရမှု

၂။ Chemical safety ဓါတုဆေးဝါးကင်းစင်ကြောင်း စိတ်ချယုံကြည်ရမှု

၃။ Nutritional safety အာဟာရပြည့်မီမှန်ကန်ကြောင်း စိတ်ချယုံကြည်ရမှု

၄။ Financial safety ငွေကြေးကုန်ကျစရိတ် တတ်နိုင်ကြောင်း စိတ်ချယုံကြည်ရမှုတို့ပဲ ဖြစ်ပါတယ်။
ဒီလေးချက်စလုံး ပြည့်မီတဲ့ အာဟာရကို ပြောပါဆိုရင် မိခင်နို့ကိုပဲ ပြောရပါမယ်။

- Biological safety အတွက်ဆိုရင် မိခင်နို့ဟာ ကလေးအတွက် အသန့်ဆုံး sterile အဖြစ်ဆုံးပါပဲ။ မိခင်နို့ဟာ ရောဂါကာကွယ်တဲ့ ပဋိပစ္စည်း Secretory antibodies Ig M‌တွေပါလို့ ဝမ်းပျက်ဝမ်းလျောခြင်း၊ ဓါတ်မတဲ့ခြင်း၊ ပိုးဝင်ခြင်းမှ ကာကွယ်ပေးပါတယ်။သို့သော် မိခင်မှာ HIVပိုးကဲ့သို့သော ကူးစက်ရောဂါရှိပါက မိခင်နို့ကို မတိုက်ကျွေးရင် ပိုကောင်းပါတယ်။ မိခင်နို့ထက် အစားထိုးနို့ Replacement feeding က Safety မဖြစ်မှသာ မိခင်နို့ကို တစ်မျိုးထဲ ၆လအထိ တိုက်ကျွေးရပါမယ်။

- နို့မှုန့်နဲ့မိခင်နို့ ရောတိုက်တဲ့mixed feeding မဖြစ်ဖို့ အရေးကြီးပါတယ်။ အကယ်၍ နိူ့မှုန့်တိုက်မယ်ဆို ပိုးမွှားကင်းစင်ဖို့ အထူးဂရုစိုက်ရပါတယ်။ မဖျော်ခင် လက်ကို ဆပ်ပြာနဲ့ ပြောင်နေအောင်ဆေးမယ်။ နို့ဖျော်တဲ့ဗူးကို ရေနွေးပွက်ပွက်ဆူထဲမှာ အနဲဆုံးမိနစ်၂၀ကြာအောင်ပြုတ်မယ်။ နို့မှုန့်ကို ရေနွေးပွက်ပွက်ဆူနဲ့ဖျော်မယ်။ သောက်ပြီးနို့ဗူးကို ပိုးမပေါက်အောင် ချက်ခြင်းဆေးကြောပြီး နောက်တကြိမ်မသုံးမီ ပြန်ပြုတ်ထားဖို့လိုပါတယ်။

- နို့မှုန့်ဟာ ထုတ်လုပ်မှုအဆင့်တိုင်းမှာ ပိုသတ်ထားပြီး မှိုနဲ့ ဘက်တီးရီးယားကင်းစင်တဲ့ နို့မှုန့်ဖြစ်ရပါမယ်။ လူကြီးသောက်တဲ့ commercial milk powder တွေ၊ ပျားရည်၊ နို့ဆီနဲ့ ထမင်းခွံ့တာတွေဟာ Biological safety နဲပြီး ကလေးကို ဝမ်းပျက်ဝမ်း‌လျှောခြင်းနဲ့ သွေးဆိပ်တက်ခြင်းစတဲ့ ဒုက္ခ‌တွေပေးတတ်ပါတယ်။

- Chemical safety ဓါတုဆေးဝါးဓါတ်ကင်းစင်ခြင်း နဲ့ပတ်သက်လို့ အကောင်းဆုံ့နို့ကို ညွှန်းပါဆို မိခင်နို့ပဲညွှန်းရပါမယ်။ မိခင်က စားလိုက်တဲ့အာဟာရတွေကို အစာအိမ်နဲ့အူလမ်းကြောင်းက ချေဖျက်စုပ်ယူမယ်။ ပါတဲ့ အန္တရယ်ဖြစ်နိုင်သော ဆေးဝါးနဲ့ဓါတုပစ္စည်းတွေကို အသည်းက ချေဖျက်မယ်။ ပြီးမှ သွေးထဲ အာဟာရတွေရောက်မယ်။ ရင်သားကနို့ရည်ပြုဂလင်းတွေက သွေးထဲကအာဟာရတွေနဲ့ နို့ရည်ပြုလုပ်ပေးမယ်။ ဒါကြောင့် မိခင်နို့ရည်ဟာ အန္တရယ်ရှိ သတ္ထုတွေဖြစ်တဲ့ မာကျူရီ၊ ခဲ၊ အာဆင်းနစ်နဲ့ ကတ်ဒမီရမ် သတ္ထုဓါတ်တွေ မပါနော့ပါဘူး။

- မွေးကင်းစအတွက် သီးသန့်ထုတ်ထားတဲ့ formula milk တွေမှာလဲ ဒီလိုအန္တရာယ်ရှိတဲ့ သတ္ထုဓါတ်တွေ ကင်းစင်အောင် သန့်စင်ထားရပါတယ်။ Chemical safety လို့ပြောရင် အန္တရယ်ရှိ ဓါတုပစ္စည်းကင်းစင်ရုံတစ်ခုမဲ့ မရပါဘူး။

- နို့ရည်ရဲ့ ပျင်းအားosmolarity ကလည်း အရေးကြီးပါတယ်။ ကလေးရဲ့ အူလမ်းကြောင်းဟာ ပျင်းအားများ/နဲတဲ့ အရည်ဓါတ်တွေကို ခံနိုင်ရည်မရှိပါဘူး။ ရေတိုက်ရင် ရေဟား ပျင်းအားနဲတဲ့အတွက် ကလေးရဲ့အူလမ်းကြောင်းကို အနာဖြစ်ရုံမက သွေးထဲက ဆားဓါတ်တွေကို ကမောက်ကမဖြစ်စေတတ်ပါတယ်။ ပျားရည်၊ နို့ဆီနဲ့ commercial milk တွေ ကတော့ ပျင်းအားများတဲ့အတွက် ကလေးကိုယ်ထဲက ရေကို ဝမ်းထဲ ဆွဲယူလို့ ဝမ်းပျက်ပြီး ရေဓါတ်ခန်းခြောက်တတ်ပါတယ်။

- Nutritional safety လို့ပြောဖို့ဆို အာဟာရက နည်းလို့ ကိုယ်အလေးချိန်မတက်တာအပြင် များလို့ အဝလွန်တာကိုလဲ ထဲ့စဉ်းစားရပါမယ်။ Optimum nutrition ဖြစ်ဖို့ဆို ကလေးကိုယ်အလေးချိန် ပုံမှန်တက်ဖို့ နို့ရည် တိုက်ကျွေးခြင်းက အရေးပါပါတယ်။ တိုက်ကျွေးမှုနဲခြင်း (အကြိမ်ရည်/ပမာဏ)အပြင် အလွန်ထိုးသိပ်တိုက်ကျွေးခြင်း overfeeding ကပါ nutritional safety မဖြစ်စေပါဘူး။

- Commercial milk powder တွေဟာ non dairy creamer တွေဖြစ်ပြီး ဆီအုန်းကနေထုတ်ထားတာဖြစ်လို့ ကဆီဓါတ်ပဲအဓိကပါဝင်ပြီး အသားဓါတ်နဲ့ အကျိုးပြုအဆီဓါတ်တွေ အရမ်းနဲပါးပါတယ်။ ဒါကြောင့် ကလေးဟာ ဖောင်းကားလာပြီး အသားဓါတ်မရလို့ ဉာဏ်ရည်နဲ့ ကြွက်သားဖွံ့ဖြိုးမှုကို ထိခိုက်တတ်ပါတယ်။ ၆လမပြည့်ခင် ထမင်းခွံခြင်းဟာလည်း အလားတူပါပဲ။

- Financial safety ကတော့ အထူးပြောစရာမလိုပါဘူး။ မိခင်နို့ဟာ ဈေးချိုပေမည့် ကလေးအတွက် ရွှေပါပဲ။ အမေသာ အာဟာရမျှတအောင် စားမယ်ဆို ကလေးငါးနှစ်အောက်သေဆုံးနှုန်းကို ၁၃ရာခိုင်နှုန်းထိ လျှော့ခပေးနိုင်ပါတယ်။ ဖျားနာမှုနဲ့တဲ့အတွက် ဆေးဖိုးဝါးခ ကုန်ကျစရိတ်သက်သာမယ်၊ မိခင်ဟာလဲ နို့တိုက်ကျွေးခြင်းဖြင့် ရင်သားနဲ့ မျိုးဥအိမ်ကင်ဆာ ဖြစ်ပွားမှုကို လျော့ချပေးတဲ့အတွက် နောက်ဆက်တွဲ ဆေးကုသစရိတ်တွေ သက်သာပါမယ်။ မွေးကင်းစကလေးတိုက်ကျွေးတဲ့ နို့မှုန့်ဟာ ကုန်ကျစရိတ်ရှိပါတယ်။ ဒါကြောင့် တစ်ရက်စာအတွက်မကြည့်ပဲ ၆လမှ တစ်နှစ်နှစ်နှစ်စာ နို့မှုန့်ဖိုးအတွက် Financial safety ရှိမှသာ ရွေးချယ်သင့်ပါတယ်။

Photo from google

Credits ဆရာKlean

06/04/2024

👶👶👶ကလေးများအတွက် ကာကွယ်ဆေး👶👶👶

ကလေးများ အတွက် အရမ်းကို အရေးကြီးတဲ့ ၊ မေမေတို့လည်း သိထားဖို့ လိုတဲ့ ကာကွယ်ဆေး အကြောင်းပါ

**ကာကွယ်ဆေးဆိုတာဘာလဲ
⁃ ကာကွယ်ဆေးဆိုတာ အလွန်ပြင်းထန်ပြီး သေစေနိုင်တဲ့ ရောဂါပိုးတွေ မဖြစ်အောင် ကာကွယ်ပေးတဲ့ပစ္စည်းပါ
⁃ အဲ့လိုကာကွယ်စေဖို့ ကလေး ဘဝထဲက ထိုးသင့်တဲ့အချိန်မှာ ထိုးဖို့ လိုကိုလို အပ်ပါတယ်

**ကာကွယ်ဆေး ဘာလို့ ထိုးရတာလဲ
⁃ ခန္ဓာကိုယ်ကနေ ရောဂါပိုးကို နှင်ထုတ်နိုင်အောင် ခုခံအား တည်ဆောက်ပေးဖို့အတွက်ပါ

**ကာကွယ်ဆေးက စိတ်ချရပါ့မလား
⁃ အရမ်းကို စိတ်ချရပြီး အန္တရာယ်ကင်းပါတယ် လူအမြောက်အများမှာ စမ်းသပ်မှုတွေ နမူနာ ထိုးနှံခြင်းနဲ့ စစ်တမ်းကောက်ယူခြင်းတွေ အများအပြားပြုလုပ်ပြီးမှ ထိုးတာဖြစ်ပါတယ်

**မေမေတို့ရဲ့ သားသားမီးမီးလေးတွေကို ဘာကြောင့်ကာကွယ်ဆေးထိုးပေးသင့်တာလဲ
(တချို့ရောဂါတွေက ဒီနိုင်ငံမှာရှိတောင်မရှိတော့ဘူး ထိုးဖို့လိုသေးလို့လား)
⁃ ကလေးတွေ ကာကွယ်ဆေးထိုးထားခဲ့ကြတဲ့အတွက် ဆုံဆို့ကြက်ညှာ၊ ဝက်သတ်၊ ပိုလီယိုနဲ့ တခြားရောဂါအများအပြား ဖြစ်ပွါးမှုနှုန်း နည်းလာပါတယ်
⁃ ကလေးတစ်ယောက် မထိုးပဲ လွတ်သွားပါက အထက်ပါရောဂါများ ပြန်လည်ဖြစ် ပွါး လာပြီး ကလေးသေဆုံးမှုနှုန်း ပြန်လည်မြင့်တက်လာနိုင်ပါတယ်
⁃ တချို့ ပျောက်သွားပြီးသား ရောဂါတွေကလဲ မပျောက်သေးတဲ့ ၊ ကာကွယ်ဆေးမရထားတဲ့ ဒေသတွေက နေပြီး ကာကွယ်ဆေး မထိုးထားတဲ့ကလေးတွေကို ပြန်လည်ကူးစက်နိုင်လို့ပါ

**တချိန်ထဲမှာ အများကြီးထိုးရတာ ကလေးခံနိုင်ပါ့မလား
⁃ ကလေးရဲ့ ပတ်ဝန်းကျင်မှာရှိတဲ့ ရောဂါပိုးတွေက အခုထိုးရတဲ့ ကာကွယ်ဆေးထက်တောင် များတာမို့ ကလေးရဲ့ ခုခံအားက ခံနိုင်ရည်ရှိပါတယ်

**ကာကွယ်ဆေးထိုးပြီးရင် ဘာတွေ ဖြစ်တတ်လဲ
⁃ ထိုးထားတဲ့နေရာလေးမှာ နီ၊နာ၊ယောင်ဖြစ်မယ်၊ ဖျားမယ် (အချိန်ခဏသာ ကြာနိုင်ပါတယ်)
⁃ ကာကွယ်ဆေးကို ဓာတ်မတည့်ခြင်း (ဒီလိုဖြစ်တာ အရမ်းကို ရှားပါးပါတယ် ၊ ဒါပေမယ့် ဖြစ်လာခဲ့ရင် အရေးပေါ်ကုသမှုပေးဖို့ လိုအပ်တာကြောင့် အရေးပေါ်ကုသပေးနိုင်တဲ့ ကျန်းမာရေး ဝန်ထမ်းတွေဆီမှာ ထိုးဖို့လိုပါတယ်)
⁃ ကာကွယ်ဆေးဟာ Autism (အော်တဇင်) လို့ခေါ်တဲ့ ရောဂါနဲ့ ဆက်စပ်တယ်ဆိုတာကလဲ အယူအဆအမှားသာ ဖြစ်ပါတယ် ၊ အမှန် မဟုတ်ပါ၊

**ကာကွယ်ဆေးထိုးပြီး ဘယ်လို ပြုစုစောင့်ရှောက်ပေးရမလဲ
⁃ ကိုယ်ပူမယ် (ရေဘတ်တိုက်၊ ရေချိုးပေးပါ ပါရာစီတမောကို ကလေးရဲ့ ကိုယ်အလေးချိန်အလိုက် တိုက်ပါ)
⁃ ဆေးထိုးထားတဲ့နေရာ နာမယ်၊ ရက်အနည်းငယ်လောက်ထိ ရဲမယ်ရောင်မယ် (ရေအေးဝတ်နဲ့ ကပ်ပါ၊ ပါရာစီတမော တိုက်လို့ရပါတယ် )
⁃ အစားသောက်ပျက်ခြင်း (အရည်များများဝင်အောင်တိုက်ပေးပါ)
⁃ ပုံမှန်ထက်ဂျီမယ်၊ ငိုမယ် (ဆေးထိုးထားတဲ့ နေရာ နာတာကြောင့် ဖြစ်တာပါ ၁-၂ ရက်အတွင်း သက်သာပါတယ်)
⁃ ဆေးထိုးထားတဲ့ နေရာမှာ အခဲလေးကျန်မယ် (မနာရင် စိတ်ပူဖို့မလိုပါ၊ လအနည်းငယ်ကြာရင် သူ့ဘာသူ ပျောက်သွားတတ်ပါတယ်)

**ဘယ်လိုတွေဖြစ်ရင် ဆရာဝန်ဆီသွားသင့်သလဲ
⁃ နီရဲပြီးရောင်နေတာက ၃ ရက်ကျော်တာတောင် မသက်သာပဲ ပိုဆိုးလာမယ်
⁃ နီရဲပြီးရောင်တာက ၇ ရက်ထိ လုံးဝမပျောက်ပဲကျန်နေမယ်
⁃ ထိုးပြီး ၂ ရက်ကျော်မှ ဖျားမယ် ဒါမှမဟုတ် အဖျားက ၃ ရက်ကျော်မယ်
⁃ မေမေက စိုးရိမ်ရတယ်လို့ထင်တယ်

**ကလေးနာနေတာကို မကြည့်ရက်ဘူး
⁃ ခဏလေးနာတာကိုသာ ကြည့်လိုက်ပါ
⁃ ကာကွယ်ဆေးမထိုးလို့ ရောဂါဖြစ်လာခဲ့ရင် ကလေးရော မေမေရော ဒီ့ထက် ပိုနာကျင်ခံစားရမှာပါ
⁃ တခါထဲထိုးတာနဲ့ လဲ မကာကွယ်နိုင်ဘူး
⁃ ထိုးရမဲ့ အကြိမ်အရေအတွက် အပြည့်ထိုးမှသာ သက်ဆိုင်ရာ ရောဂါပိုးကို ကာကွယ်နိုင်မှာပါနော်

**ကာကွယ်ဆေးက ဘယ်ရောဂါတွေကို ကာကွယ်နိုင်တာလဲ
⁃ ပုံမှန်ကာကွယ်ဆေးထိုးအစီအစဉ်အတိုင်း ကာကွယ်ဆေးထိုးနှံပါက ရောဂါ (၁၃) မျိုးကို ကာကွယ်နိုင်ပါတယ် (ပုံကိုကြည့်ပါ)

**ကာကွယ်ဆေးကို အချိန်ဆွဲပြီး မထိုးလို့ရလား
⁃ ပုံမှန်ကာကွယ်ဆေးထိုး အစီအစဉ်က သတ်မှတ်ထားတဲ့ အသက်အရွယ်အတိုင်း ထိုးသင့်ပါတယ်
⁃ ကာကွယ်ဆေးထိုးချင်ပေမဲ့ အခြေအနေအကြောင်းကြောင်းကြောင့် နောက်ကျသွားတယ် ထိုးရမဲ့ ရက်ကျော်သွားရင်လဲ အခြေအနေပေးတာနဲ့ ချက်ချင်း သွားထိုးသင့်ပါတယ်
⁃ ⭐️အောက်ပါ အခြေအနေများရှိပါက ကာကွယ်ဆေးထိုးပေးမည့် ကျွမ်းကျင် ဝန်ထမ်းကို ပြောပြရပါမယ်
🔴အဖျားရှိလျှင် (38.5 ‘C နဲ့ အထက်)
🔴သက်ဆိုင်ရာ ကာကွယ်ဆေးကို ပြီးခဲ့သည့်အကြိမ်တွင် ဓာတ်မတည့်မှုရှိခဲ့လျှင်
🔴ခုခံအားလျော့နည်းစေသော ဆေးများသောက်နေရလျှင် (ဥပမာ စတီးရွိုက်ဆေးဝါး)

**ကာကွယ်ဆေးထိုးရမဲ့နေ့အတွက် ဘာတွေ ပြင်ဆင်ရမလဲ
⁃ ကာကွယ်ဆေးထိုးရမဲ့ရက်သည် ရုံးပိတ်ရက်ဖြစ်ပါက ရှေ့/ နောက် ၂-၃ ရက်တိုး/ဆုတ် ၍ ထိုးလို့ရပါတယ်
⁃ ကျန်းမာရေး ဌာနကို ကလေးရဲ့ ကာကွယ်ဆေးထိုးမှတ်တမ်းကဒ်ပြား ယူဆောင်သွားပါ
⁃ ကလေးကို သက်တောင့်သက်သာဖြစ်စေမဲ့ အဝတ်အစားကို ဝတ်ဆင်ပေးပါ
⁃ ကာကွယ်ဆေးထိုးစုရပ်တွေမှာ စောင့်ဆိုင်းချိန် ကြာနိုင်တာမို့ အဆာပြေ စားသောက်စရာများ ယူသွားပါ

❓🙋‍♀️မေမေတို့သိချင်တဲ့ မေးခွန်းလေးတွေ ရှိရင် ကာကွယ်ဆေးနဲ့ ပတ်သက်လို့ ထပ်ပြီး သိချင်တာရှိရင် ၊mommy Paed ရဲ့ messenger ကဖြစ်စေ comment မှာဖြစ်စေ မေးမြန်းနိုင်ပါတယ်နော်

ချစ်တဲ့ mommy Paed
- Pharmacy

21/03/2024

🍋သံပုရာသီး အသုံး၀င်ပုံ (၁၀) ချက်🍋

၁။ ခံတွင်း ကျန်းမာရေး

သံပုရာသီးဟာ သွားကို ဖြူစေ ပါတယ်။ သံပုရာသီး အခွံကိုဆား (တကော်စာ)နဲ့ ရောပြီး ပွတ်ပေးရင် သွားကို ဖြူစေ ရုံတင် မကဘူး။ တောက်ပ စေပါတယ်။ ခံတွင်းအနံ့ မကောင်းတာလည်း ပျောက်စေ ပါတယ်။ သွားကိုက် နေရင်လည်း သံပုရာရည်နဲ့ ပလုတ်ကျင်း ပေးပါ။

၂။ နှုတ်ခမ်းကွဲခြင်း

မျက်နှာ လိမ်းခရင်မ် တစ်ဇွန်း (လက်ဖက်ရည် သောက်ဇွန်း)နဲ့ လိမ္မော်ရည်၊ ပျားရည်တို့ကို ရောစပ်ပြီး လိမ်းပေးပါ။ တစ်ပတ်လောက် လိမ်းရုံနဲ့ သိသာ ထင်ရှား ပျောက်ကင်း သွားပါ လိမ့်မယ်။

၃။ ဆံပင်ကျွတ်ခြင်း

အုန်းရည် လေးဇွန်း (စားပွဲတစ်ဇွန်း)နဲ့ သံပရာရည်တို့ ရောစပ်ပြီး တစ်ပတ်တစ်ခါလောက် လိမ်းပေးရင် ဆံပင်ကျွတ်တာ ပျောက်ကင်း စေပါတယ်။

၄။ ဦးရေပြား ယားယံခြင်းနှင့် ဒဏ်ပျောက်ဖို့အတွက်

ကြက်ဥ အကာရည်နှင့် သံပရာရည် (သံပုရာသီး တစ်လုံးစာ) တို့ရောပြီး ဆံနွယ် အမြစ်ကနေ လိမ်းပေးပါ။ တစ်နာရီခန့်ကြာမှ ရေနဲ့ ပြန်ပြီး ဆေးကြော ပေးပါ။ တစ်လလောက် လုပ်ပေး ရုံနဲ့တင် ဦးရေပြား သန့်ရှင်းပြီး ဗောက်၊ ဒက်တို့ ကင်းစင် သွားပါ လိမ့်မယ်။

၅။ အသားအရေ ခြောက်သွေ့ခြင်းအတွက်

ငှက်ပျောသီးမှည့် တစ်လုံးကို ယူပြီး ချေပေးပါ။ ပြီးရင်တော့ လတ်လတ် ဆတ်ဆတ် သံပုရာရည် တစ်စက် နှစ်စက်နဲ့ ချေထားတဲ့ ငှက်ပျောသီး တို့ကို ရောစပ်ပေးပါ။ ပြီးရင်တော့ မျက်နှာနဲ့ လက်ကို လိမ်းပေးရမှာ ဖြစ်ပါတယ်။ အသားအရေကို ချောမွေ့ သန့်ရှင်း စေပါတယ်။ နောက်တစ်နည်း ကတော့ ပျားရည်တစ်ဇွန်း (လက်ဖက်ရည်ဇွန်း)ကို ဟင်းသီး ဟင်းရွက် ဆီနဲ့ ရောပေးပါ။ ပြီးရင် သံပုရာရည် တစ်စက် လောက်နဲ့ ထပ်ရောပြီး လက်တွေ၊ တံတောင်ဆစ် တွေ၊ ခြေဖနောင့်တွေနဲ့ ကြမ်းထော် နေတဲ့ နေရာတွေကို လိမ်းပေးပါ။ လိမ်းပြီးရင် ဆယ်မိ နစ်လောက် စောင့်ပေးပါ။ သံပုရာသီးဟာ အရေပြား အလှအပ အတွက် အကောင်းဆုံး ပေးစွမ်း စေနိုင်တဲ့ သစ်သီးပဲ ဖြစ်ပါတယ်။ အထူးသဖြင့် ဝက်ခြံနဲ့ ယားနာတွေကို ပျောက်ကင်း စေတဲ့ သတ္တိ ရှိပါတယ်။ မှဲ့ခြောက် တွေကိုလည်း ပျောက်ကင်း စေပါတယ်။ သံပုရာရည်နဲ့သာ လိမ်းပေးရမှာ ဖြစ်ပါတယ်။

၆။ အဆီပြန်တဲ့ အသားအရေ ပိုင်ရှင်များအတွက်

သံပုရာရည် နှစ်ဇွန်း (လက်ဖက်ရည်ဇွန်း)၊ နနွင်းမှုန့် ဇွန်းဝက်ခန့် (လက်ဖက် ရည်ဇွန်း) တို့ကိုယူပါ။ သင်္ဘောသီးစိတ်ကို ချေပြီး ပျော့ဖတ် သဖွယ် ရအောင် လုပ်ပါ။ ယင်းသင်္ဘောသီး ရည်ကို သုံးဇွန်းခန့် ယူပါ။ အားလုံးကို ရောစပ်ပြီး မျက်လုံးကလွဲရင် မျက်နှာတစ်ပြင်လုံးကို လိမ်းပေးရမှာ ဖြစ်ပါတယ်။ လိမ်းပြီး မိနစ် ၂၀ ခန့်ကြာအောင် စောင့်ပေးပါ။ ပြီးမှ ရေနဲ့ စ်ဖန် ပြန်ဆေးကြော ပေးပါ။

၇။ တံတောင်ဆစ် မည်းခြင်းအတွက်

သံပရာသီးအခွံနဲ့ ပွတ်ပေးပါ။ ပြီးရင်ရေနဲ့ ဆေးပေးပါ။ နည်းနည်းတော့ ကြာပေမယ့် အရေပြားကို သန့်စင်သွားပြီး တောက်ပြောင်ဝင်း လက်လာ ပါလိမ့်မယ်။ တချို့ အသားအရေ တွေဟာ မှောင်မှောင် မှိုင်းမှိုင်းနဲ့ ခြောက်ခြောက် သွေ့သွေ့ ဖြစ်နေ တတ်ပါတယ်။ အရောင်အဝါ လင်းလက် ချင်တယ် ဆိုရင်တော့ လတ်လတ် ဆတ်ဆတ် သံပုရာသီး တစ်လုံးရဲ့ အရည်နဲ့ မျက်နှာမကျန် ခန္ဓာကိုယ် အနှံ့ အိပ်ရာမဝင်ခင် ပွတ်လိမ်းပေးပါ။ မနက်ကျမှ ရေချိုးပေးပါ။ အရေပြားကို တောက်ပြောင် ရွှန်းလဲ့စေပြီး နူးညံ့စေပါတယ်။ အိပ်ရတာ စေးထန်း ထန်းနဲ့ မအိပ်ချင်ဘူး ဆိုရင်တော့ ရေချိုးတဲ့အခါမှာ ချိုးမယ့်ရေထဲ သံပုရာရည် တစ်ခွက် တစ်ဝက်ခန့် ထည့်ပြီး အဲဒီ့ရေနဲ့ စိမ်ချိုးပေးပါ။

၈။ လက်သည်းဆေးစွန်းတာ ဖျောက်ချင်ရင်

သံပုရာသီးစိတ် (သို့) သံပရာရည်ကို ရေထဲရောပြီး လက်ကို စိမ်ပေးပါ။ လက်သည်းမှာ ပေနေတဲ့ အစွန်းအထင်း တွေကို ချက်ခြင်းချေ ချွတ်ပေးသွား ပါလိမ့်မယ်။ ပြီးသွားရင် လက်သည်းကို ပြန်ဆိုးမယ် ဆိုရင်လည်း ပိုပြီး တောက်ပြောင် လာပါ လိမ့်မယ်။သံပုရာရည်ထဲ လက်သည်း ခြေသည်းကို ဆယ်မိနစ်ခန့် စိမ်ပေးပါ။ ပြီးလို့ရှိရင် ဘရက်ရ်ှနဲ့ လက်သည်း၊ ခြေသည်းကို ပြန်ပွတ်တိုက် ပေးပါ။ ပြီးမှ ရေနွေး နွေးနဲ့ ဆေးကြော ပေးပါ။ ဒီနည်းဟာ လက်သည်းကို သန်စွမ်းစေပြီး တောက်ပြောင် စေပါတယ်။ ဖြစ်နိုင်ရင် ဗင်နီဂါဖြူ ဇွန်းဝက်ခန့်နဲ့ ရေနွေးတစ်ဝက်တို့ ရောပြီး ဘရက်ရ်ှနဲ့ တိုက်ပေးရင် ပိုကောင်း ပါတယ်။

၉။ ခြေထောက်

သံပုရာရည် တစ်ခွက်စာ (ကော်ဖီခွက် တစ်ခွက်စာ)၊ သစ်ဂျပိုး(အနံ့အတွက်)၊ သံလွင်ဆီ နှစ်ဇွန်း (စားပွဲတင်ဇွန်း)၊ နွားနို့လေးပုံတစ်ပုံ (ခွက်တစ်ခွက်)၊ ရေသန့် (ရေကို သင့်တော်သလို ထည့်နိုင် ပါတယ်၊ အနည်း၊ အများ အရေး မကြီးပါ)တို့ ရောစပ်ပေးပါ။ တကယ်လို့ သစ်ဂျပိုး မသုံးချင်ဘူး ဆိုရင် တခြားအနံ့ ပစ္စည်းတို့ သုံးနိုင်ပါတယ်။ နှင်းဆီပွင့်ချပ် တို့ဖြင့်လည်း အစားထိုး အသုံးပြု နိုင်ပါတယ်။ အားလုံးရော စပ်ပြီးရင်တော့ အဲဒီ့အရည်ကို ခြေထောက်စိမ် ပေးရမှာ ဖြစ်ပါတယ်။ ပြီးသွားမှ ရေနဲ့ ဆပ်ပြာ (Mild) နဲ့ သေချာဆေးကြောသန့်စင်ပေးပါ။ တစ်ပတ်လောက် လုပ်ကြည့် လိုက်တာနဲ့ ခြေထောက် အသားအရေဟာ သိသိသာသာ ချောမွေ့ လာပါ လိမ့်မယ်။

၁၀။ နွေအပူမှာ ချွေးဆုနေခြင်းအတွက် အကောင်းဆုံးသစ်သီး

ပူပြင်း ခြောက်သွေ့တဲ့ နွေရာသီလို ဥတုမျိုးမှာ ချွေးထွက် သက်သာအောင်ပဲ ဖြစ်ဖြစ်၊ ရင်ပူ သက်သာအောင် လုပ်ဖို့ပဲ ဖြစ်ဖြစ် သံပုရာ သီးရည်ကို ပျားရည် တစ်ဇွန်းနဲ့ ရောပြီး သောက်ပေးပါ။ သွေးလေ လည်ပတ်မှုကို ကောင်းမွန် စေရုံမျှမက ချွေးထွက်ခြင်းကိုလည်း သက်သာ စေပါတယ်။ သံပုရာသီးထဲမှာ ပါရှိတဲ့ ဂလူးကိုစ့်နဲ့ သတ္တုဓာတ်တွေကြောင့် ခန္ဓာကိုယ်ကို ချွေးထွက်ခြင်းမှ ကာကွယ်ပေးတဲ့အပြင် အေးမြအောင်လည်း စွမ်းဆောင် ပေးပါတယ်။

Credit
ပြန်လည်မျှဝေပါသည်။
Pharmacy

04/11/2023

“အမြင်အာရုံကို ကြည်လင်အားကောင်းစေတာ OMG-3 ငါးကြီးဆီပါ”

🔥 ဖုန်းကို အမြဲလိုလို အချိန်အကြာကြီး အသုံးပြုတဲ့သူတွေအနေနဲ့ မျက်စိကို အထူးဂရုစိုက်ဖို့လိုအပ်ပါတယ်။
🍀 မျက်စိကို ခဏတဖြုတ်အနားပေးတာ၊ အမြင်အာရုံအားကောင်းစေတဲ့ ဟင်းသီးဟင်းရွက်များများစားပေးတာ၊ မျက်စိအားဆေးသောက်ပေးတာလေးတွေ လုပ်ပေးနော်။ 🍀🍀

🍀 OMG-3 ငါးကြီးဆီလေးက မျက်စိကိုအားကောင်းစေတဲ့အပြင် ခန္ဓာကိုယ်တွင်းမှာရှိတဲ့ အဆီပို (မကောင်းတဲ့ကိုလက်စထရော) တွေကို သိသိသာသာလျော့ကျစေတာမို့လို့ နှလုံးသွေးကြောကျဉ်းရောဂါမဖြစ်အောင်ကာကွယ်ပေးနိုင်ပြီး၊ နှလုံးအဆီဖုံး/ အသည်းအဆီဖုံးရောဂါတွေဖြစ်မလာအောင် ❌ တားဆီပေးနိုင်တာပေါ့။
ညဘက်ကိုလည်း ကောင်းစွာအိပ်စက်စေတာမို့လို့ OMG-3 လေးသောက်ပြီးမှ အိပ်ပေးနော်။

✅ OMG-3 ငါးကြီးဆီကို နီးစပ်ရာဆေးဆိုင်များတွင် ဝယ်ယူနိုင်သလို Page Messenger မှတစ်ဆင့်လည်း တိုက်ရိုက်မှာယူနိုင်ပါတယ်ရှင်။
✅ OMG-3 ငါးကြီးဆီလေးကို အသက် ၁၂ နှစ်အရွယ်မှစတင်ပြီးနေ့စဉ်ပုံမှန်သောက်သုံးနိုင်ပါတယ်။

05/01/2023

စျေးကွက်ထဲက Amlodipine

Amloten 5 10*10 - Myat Han Thar
Adipin 5 10*10 - Global ( Golden Spirit )
Adipin 10 10*10 - Global ( Golden Spirit )
Amlo 5(We care) 10*10 - We Care ( Mega )
Amlodipine 5 MPF 10*10 - BPI
Amlo 5(BPI) 10*10 - MPF
Amloten 10 10*10 - Myat Han Thar
Amlosun 5 10*10 - Sun ( Mega )
Amlosun 10 10*10 - Sun ( Mega )
Amlo Denk 5 5*10 - TTO
Amlo Denk 10 5*10 - TTO
Amlong 5 3*10 - Zizawa
Amlong 10 3*10 - Zizawa
Amtas 5 10*10 - Medi Myanmar
Amtas 10 10*10 - Medi Myanmar
Topdip 5 10*10 - Medi Myanmar
Topdip 10 10*10 - Medi Myanmar
Amlodac 5 10*10 - Zydus
Amlodac 10 10*10 - Zydus
Rhydamlo 5 10*10 - New Magnet
Euroamlo 5 10*10 - Medi Green
Euroamlo 10 10*10 - Medi Green
Primodil 5 10*10 - Mendly
Amlotere 5 10*10 - Eucalyptus
Amlotere 10 10*10 - Eucalyptus
Amlo PSA 5 10*10 - San Lwin
Amlo PSA 10 10*10 - San Lwin
Stamlo 5 - Dr Reddy
Stamlo 10 - Dr Reddy
CCB 5 - Model Pharma
Amlofil 5,10 - Rammawaddy
Lidipin 5 - KTZ
Amlopac- AA
Amloshin - YSI
Amlorite 5 - Htet Thiha Paing
Amlowel 5,10 - Pharma Apex
Lodipam 5 - Aorta
Amdol- Medicine House
Amdep 5 - Lucky Asia
Amcardia 5 - Medi Myanmar
Amlodipine 5,10 - Amethyst
Amo 5 - Sandar Myaing

Aung - Pharmacy
09790197214

10/12/2022

အစာအိမ်နာ(ရောင်)တတ်တဲ့ လူနာတွေ ရှောင်သင့်သော အစားအစာများ

🥝အချဉ်ဓါတ်ပါသော အသီးအနှံနှင့် ဖျော်ရည်များ
ခရမ်းချဉ်သီး၊ လိမ္မော်သီး၊ လီမွန်၊ စပျစ်သီး၊ ကီဝီသီး၊ သံပုရာသီး စတဲ့ အသီးတွေမှာ ပါဝင်တဲ့အချဉ်ဓါတ်တွေက အကောင်းပကတိရှိနေတဲ့အစာအိမ်ကို ကောင်းကျိုးသက်ရောက်စေတယ်လို့ သတ်မှတ်ကြပေမယ့် အစာအိမ်ရောင်/ အနာ ဖြစ်နေမယ်ဆိုရင်တော့ ပိုပြီးဆိုးစေမှာဖြစ်ပါတယ်။

🥛 နို့နှင့်နို့ထွက်ပစ္စည်းများ
ရှေးခေတ်ဆရာဝန်တွေက အအစာအိမ်ရောင်တဲ့လူနာတွေကို နွားနို့သောက်ဖို့ အကြံပေးခဲ့ဖူးပါတယ်။ ဒါပေမယ့် အသစ်အသစ်သော ရှာဖွေတွေ့ရှိချက်တွေအရ နွားနို့ထဲပါဝင်တဲ့ အမိုင်နိုအက်ဆစ် (amino acids) နဲ့ ကယ်လဆီယမ် (calcium) တို့က အစာအိမ်ထဲမှာရှိနေတဲ့acid တွေကို ပိုမိုများလာစေပြီးအစာအိမ်အနာဖြစ်စေတယ်ဆိုပြီး ရှေးယခင်ကအကြံပေးချက်တွေကို ဆန့်ကျင်ထားကြပါတယ်။ ဒါပေမယ့်လဲ အချဉ်ဖောက်ထားတဲ့ probiotic ပါဝင်တဲ့ ဒိန်ချဉ်ကတော့ အစာအိမ်နဲ့ အူလမ်းကြောင်းကို သန့်ရှင်းစေပါတယ်။

🌶စပ်သောအစားအစာများ
အစပ်အရသာရှိတဲ့အစားအစာတွေက အစာအိမ်နံရံတွေကို ဆိုးကျိုးတိုက်ရိုက် သက်ရောက်စေတာမျိုးမဟုတ်ပဲ အအစာအိမ်ရောင်တာကိုပိုဆိုးစေတဲ့ အက်ဆစ်တွေ ပိုမိုထုတ်လွှတ်စေတာကြောင့် အအစာအိမ်ရောင်တတ်တဲ့သူတွေအနေနဲ့ရှောင်သင့်တဲ့ အစားအစာထဲပါဝင်နေတာဖြစ်ပါတယ်။

🍝 ပြုပြင်ထားတဲ့အစားအစာများ
စားကောင်းအောင်၊ တာရှည်ခံအောင်ပြုပြင်/ ပြုလုပ်ထားတဲ့ဓါတုပစ္စည်းတွေပါဝင်သောအစားအစာ ဥပမာ- ပါစတာ (pasta)၊ ပေါင်မုန့်ဖြူ၊ ဝေဖာ စတဲ့ အစားအစာတွေက အအစာအိမ်ရောင်တာဖြစ်စေရုံသာမက ပိုဆိုးစေပါတယ်။

☕ ကော်ဖီ
ကော်ဖီထဲမှာပါဝင်တဲ့ ကဖိန်းဓါတ်ဟာအစာအိမ်နဲ့ အူလမ်းကြောင်းကို ပိုမိုဆိုးရွားစေတဲ့အတွက်ကြောင့် အအစာအိမ်ရောင်တတ်တဲ့သူတွေအနေနဲ့ရှောင်ရှားသင့်ပါတယ်။

🍻 အရက်
အစာအိမ် ရောင် တတ်တဲ့သူတွေအနေနဲ့ အရက်သောက်သုံးမိမယ်ဆိုရင် အစာအိမ်ယောင်တာပိုဆိုးစေပါတယ်။ ဒါ့အပြင် အရက်ကို သတ်မှတ်ထားတဲ့ပမာဏထက်ကျော်ပြီး အမြဲသောက်သုံးမိမယ်ဆိုရင်အစာအိမ်ယောင်ခြင်းကိုဖြစ်စေနိုင်ပါတယ်။

🧃 အားဖြည့်အချိုရည်များ
ကျန်းမာချင်လို့/ နေကောင်းချင်လို့ အားဖြည့်အချိုရည်သောက်မယ်ဆိုတဲ့အတွေးတွေရှိနေရင်စွန့်ပစ်စေချင်ပါတယ်။ အအစာအိမ်ရောင်တတ်တဲ့သူတွေအနေနဲ့ ကဖိန်းဓါတ်များစွာပါဝင်တဲ့ အားဖြည့်အချိုရည်တတွေသောက်မယ်ဆိုရင်အစာအိမ်ရောင်တာ ပိုဆိုးစေတဲ့အပြင် အစာချဉ်ရည်တွေ အထက်သို့ပြန်တက်စေနိုင်တဲ့ အဓိကအကြောင်းရင်းဖြစ်ပါတယ်။

🥑ထောပတ်
ထောပတ်တွင် အမျိုးမျိုးသောအဆီတွေပါဝင်နေတဲ့အတွက်ကြောင့် အစာအိမ်အတွင်းရှိအက်ဆစ်တွေထုတ်လွှတ်မှုပိုများစေပြီး အစာအိမ်ရောင်ရမ်းစေပါတယ်။ ထောပတ်အပြင် အဆီပါဝင်မှုများတဲ့ အစားအစာတွေကို အအစာအိမ်ရောင်တတ်တဲ့သူတွေအနေနဲ့ရှောင်ရှားသင့်ပါတယ်။

🍷အချဉ်ဖောက်ထားသော အစားအစာများ
မူလအချဉ်အရသာမဟုတ်ပဲ အချည်ဖောက်ထားတဲ့အရည်ထဲကို စားပွဲတင်ဆား(သဘာဝမဟုတ်သောဆား)ပမာဏအများကြီးထည့်ပြီး ပြုပြင်ထားတဲ့အစားအစာများ ဖြစ်တဲ့အတွက် မကြာခဏ စားသုံးမယ်ဆိုရင် ကင်ဆာ ဖြစ်စေခြင်း၊ နှလုံးသွေးကြောဆိုင်ရာ အခြေအနေများကိုပိုဆိုးစေခြင်းအပြင် ကျန်းမာရေးကို ပိုပြီးထိခိုက်စေနိုင်ပါတယ်။
__________________________________________________________________

26/10/2022

လှိုင်း စီးကြသူများ
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

သတင်းတခုခု ​ဟော့ ပြီဆိုတာ ဖြင့်

​》》》ကြောက်​ရောင်း (​လက်လီဆေးဆိုင်)
■​စျေး​တွေ ထပ်တက်​တော့မလား?
■​ရောင်းရူံးကြီး ဖြစ်​တော့မလား?
■ရှိတာ​တွေ ထိန်း​ရောင်းရမလား?
■မှိီသ​လောက်တက်​စျေးနဲ့​ဆေး​တွေ ထပ်ဖြည့်ရမလား?
■ဆိုင်ပိတ်ထားရမလား?
■ထိန်း​ရောင်းရမလား?
■တက်​ရောင်းရမှာလား?
■ငါ​ဖောက်သည်​တွေ သူများဆီပါသွားမလား?
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
​《《《ကြောက်ဝယ် (​ဆေးဝယ်)
■​ဆေး​စျေး​တွေထပ်တက်ဦးမလားမသိ?
■၁ လ ၂ လစာ ထပ်ဝယ်ထားဦးမှ?
■​နောက်​နေ့ဆို ​စျေး​တွေက တက်ချင်တက်​တော့မှာ?
■​ဆေး​တွေကမလို​ပေမယ့် ထပ်ဝယ်ထားကြီးမှဘာ?

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
​ဆေးဝါးတင်သွင်း -ထုတ်လုပ်သူများ
■အ​ရောင်းပိတ်ပါတယ်
■ခွဲတမ်းပါ​နော်
■အတွဲနဲ့ယူရပါမည်​နော်
■​စျေးတက်ပါမယ်​နော်
■% မ​ပေး​တော့ပါဘူး​နော်
■FOC ဖြုတ်ပါတယ်​နော်

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
​ဆေးဝါး လက်ကား ​ရောင်းသူများ

■ပြတ်​စျေးပါ​နော်
■တက်​စျေးပါ​နော်
■Com အ​ရောင်းပိတ်ထားလိုပါ​နော်

လှိုင်း စီးကြသူများ


#ကောင်းဆက်

26/09/2022

23/09/2022

#𝑴𝒆𝒕𝒇𝒐𝒓𝒎𝒊𝒏 ဆီးချိုဆေးကို အစာစားပြီးမှ သောက်ရလား။မစားခင် သောက်ရတာလား

💊 𝑴𝒆𝒕𝒇𝒐𝒓𝒎𝒊𝒏 သည် ဆီးချိုလူနာများရဲ့ ပထမဆုံး မိတ်ဆွေ ဖြစ်ပါတယ်။ ဆီးချိုလူနာသစ်တစ်ယောက် ပထမဆုံး စသောက်ရတဲ့ဆေး ဖြစ်သလို ဆီးချိုသည်ဘဝ တလျောက်လုံး လက်တွဲသွားရမယ့် အဖော်လည်း ဖြစ်ပါတယ်။ ဒါကြောင့် သူ့အကြောင်းကို အထိုက်အလျောက်နားလည် ထားဖို့ လိုပါတယ်။

💊 ဆီးချိုရှိလို့ 𝑴𝒆𝒕𝒇𝒐𝒓𝒎𝒊𝒏 ကို သောက်ရတော့မယ် ဆိုရင် ပထမဆုံးမေးကြတယ့် မေးခွန်းက ဆေးကို အစားမစားခင် သောက်ရမှာလား။
စားပြီးမှ သောက်ရမှာလား ဆိုတဲ့မေးခွန်း ဖြစ်ပါတယ်။

💊 သိပ်ကို မေးသင့်တဲ့မေးခွန်း ဖြစ်ပါတယ်။
အချို့ဆေးများသည် အစာနဲ့တွဲသောက်သည် ဖြစ်စေ အစာနဲ့ခွာသောက်သည် ဖြစ်စေ ဆေးအာနိသင်ပြောင်းလဲ သွားတာမရှိပါဘူး။
ဒါပေမဲ့ အစာနဲ့တွဲသောက်သင့်တဲ့၊ အစာနဲ့တွဲသောက်လို့မရတဲ့
ဆေးတွေထဲမှာ 𝑴𝒆𝒕𝒇𝒐𝒓𝒎𝒊𝒏 ပါပါတယ်။

💊 𝑴𝒆𝒕𝒇𝒐𝒓𝒎𝒊𝒏 ဆေးသည် insulin resistance ကို နည်းစေပါတယ်။ သွေးထဲက သကြားဓာတ်တွေကို ကြွက်သားတွေက အသုံးပြုတာကို များစေတယ်။ အသည်းကနေ ဂလူးကိုစ့်ထုတ်တာကို နည်းစေတယ်။ ဒီနည်းနဲ့ သွေးတွင်း သကြားဓာတ်ကို ကျအောင် လုပ်တယ်။ ဆီးချိုရောဂါကို ထိန်းသိမ်းတယ်။

💊 အဓိပွာယ်က 𝑴𝒆𝒕𝒇𝒐𝒓𝒎𝒊𝒏 သည် ဆီးချိုပမာဏကို ရုတ်တရက် ကျဆင်းသွားစေတာမျိုးမရှိဘူး။
𝒔𝒖𝒍𝒑𝒉𝒐𝒏𝒚𝒍𝒖𝒓𝒆𝒂𝒔 အုပ်စုဝင်ဆေးတွေဖြစ်တဲ့ Gliclazide, glimepride, glibenclamide ဆေးတွေနဲ့မတူဘူး။
အဲဒီဆေးတွေက မုန့်ချိုအိတ်ကို ခေါ်လို့ pancreas ကနေ insulin
ပိုထွက်လာအောင် အားပေးတဲ့ဆေးတွေဖြစ်တယ်။
insulin ပိုထွက်လာတော့ သွေးထဲက သကြားဓာတ်ကို ကိုယ်ထဲမှာ သိမ်းပြီး၊ အသုံးပြုပြီး ဆီးချိုကိုထိန်းတယ်။
အဲဆေးတွေက သွေးတွင်းသကြားဓာတ်ကို ကျဆင်းမှု့ များပြားစေလို့
ဆေးသောက်ပြီးချိန်မှာ အစာအိမ်ထဲမှာ အစာရှိနေဖို့ လိုတယ်။
ဒါကြောင့် အဲဆေးများကို အစာမစားခင် မိနစ် ၃၀ အလိုမှာ သောက်ရမှာ ဖြစ်တယ်။

💊 𝑴𝒆𝒕𝒇𝒐𝒓𝒎𝒊𝒏 ကို ကျတော့ အစာစားပြီးမှသောက်သင့်တယ်။

လုံးဝသောက်ရမယ်လို့ မဆိုလိုဘူး။ အစာမစားခင် သောက်မယ်ဆိုလည်း ရတယ်။ ဒါပေမဲ့ သွေးတွင်းသကြားဓာတ်အနည်းငယ်ကျဆင်းနိုင်တဲ့ အန္တာရာယ်ရှိတယ်။ အခြားဆီးချိုဆေးများနဲ့တွဲသောက်ရင် ဆီးချိုပိုကျတတ်တယ်။ဒါ့အပြင် အစာစားပြီးမှသောက်သင့်တဲ့အချက်တစ်ခုက ဆေးသည် အစာအိမ်အူလမ်းကြောင်းကို ထိခိုက်စေပြီး ပျို့အန်၊ဝမ်းလျော၊လေပွ ဖြစ်တတ်လို့ ဖြစ်တယ်။
အစာစားပြီးမှာ ဆေးကို သောက်တဲ့အခါမှာ အဲလို ဘေးထွက်ဆိုးကျိုးတွေသက်သာသွားတယ်။ ဒါကြောင့် 𝑴𝒆𝒕𝒇𝒐𝒓𝒎𝒊𝒏 ကို စားပြီးမှ သောက်ကြပါ။
များသောအားဖြင့် 𝑴𝒆𝒕𝒇𝒐𝒓𝒎𝒊𝒏 ကို တနေ့ ကို ၂ ကြိမ် ပေးပါတယ်။
ရည်ရွယ်ချက်က မနက်စာ စားပြီး ၁ ကြိမ် နဲ့ ညနေစာ စားပြီး ၁ ကြိမ် ဖြစ်ပါတယ်။
ဆေးပမာဏကို တစ်ကြိမ်ကို 500mg တနေ့၂ ကြိမ်ဆိုတော့ 1000mg = 1g စပေးပါတယ်။ ဆေးကို လူနာရဲ့ အခြေအနေကို မူတည်ပြီး တိုးပါတယ်။
ဆီးချိုကို ထိန်းနိုင်ရင် ဆေးကို မတိုးပါဘူး။ ဒီအတိုင်း ဆက်သောက်ခိုင်းပါတယ်။
အချို့ကို 𝑴𝒆𝒕𝒇𝒐𝒓𝒎𝒊𝒏 နေ့လည်ကို ပေးပါတယ်။
ဆီးချိုကို မထိန်းနိုင်သေးတဲ့ လူနာတွေမှာ ဆေးပမာဏကို တိုးပေးတာဖြစ်ပါတယ်။
ဆီးချိုကို ထိန်းနိုင်ရင်တော့ ဆေးကို လျော့ပေးလို့ရပါတယ်။

💊 𝑴𝒆𝒕𝒇𝒐𝒓𝒎𝒊𝒏 ပေးပြီး ၂ ပတ် ၃ ပတ်လောက် မှာတော့ ဘေးထွက်ဆိုးကျိုးကိုခံစားရနိုင်တယ်။ နောက်ပိုင်းမှာတော့ သက်သာသွားပါတယ် Metformin မှာက ၂ မျိုးရှိတယ်။
💊 𝑰𝒎𝒎𝒆𝒅𝒊𝒂𝒕𝒆 𝒓𝒆𝒍𝒆𝒂𝒔𝒆 𝑴𝒆𝒕𝒇𝒐𝒓𝒎𝒊𝒏 နဲ့ Extended release 𝑴𝒆𝒕𝒇𝒐𝒓𝒎𝒊𝒏 တို့ ဖြစ်တယ်။
ပုံမှန်သောက်နေကြ metformin က 𝑰𝒎𝒎𝒆𝒅𝒊𝒂𝒕𝒆 𝒓𝒆𝒍𝒆𝒂𝒔𝒆 ပုံစံဖြစ်တယ်။
ဆေးအာနိသင်တိုတယ်။ ဒါကြောင့် တနေ့ကို ၂ ကြိမ်လောက်သောက်ဖို့ လိုတယ်။
နောက်ပိုင်းထွက်လာတဲ့𝒆𝒙𝒕𝒆𝒏𝒅𝒆𝒅 𝒓𝒆𝒍𝒆𝒂𝒔𝒆 ဆိုတဲ့ ပုံစံကတော့ သွေးထဲမှာ ဆေးအာနိသင်ကို တနေ့ကုန် ဖြည်းဖြည်းချင်း ထုတ်ပေးတာ ဖြစ်တယ်။
ဒါကြောင့် 𝒆𝒙𝒕𝒆𝒏𝒅𝒆𝒅 𝒓𝒆𝒍𝒆𝒂𝒔𝒆 metformin ကို မနက်ပိုင်း တစ်လုံး
သောက်ထားရုံနဲ့ တနေ့တာအတွက် လုံလောက်တယ်။
ဒါ့အပြင် အစာအိမ်အူလမ်းကြောင့် ထိခိုက်မှု့နည်းတယ်။
ဆေးအာနိသင်ကတော့ 𝒊𝒎𝒎𝒆𝒅𝒊𝒂𝒕𝒆 𝒓𝒆𝒍𝒆𝒂𝒔𝒆 𝒎𝒆𝒕𝒇𝒐𝒓𝒎𝒊𝒏 နဲ့ မကွာပါဘူး။
𝒆𝒙𝒕𝒆𝒏𝒅𝒆𝒅 𝒓𝒆𝒍𝒆𝒂𝒔𝒆 ဆေးတွေကတော့ ဈေးကြီးပါတယ်။

ဒေါက်တာထွန်းမြတ်ဝင်း (ဆေးဝါးဗဟုသုတမျှဝေမယ်)

#ဆီးချို
#ဆီးချိုဆေး

05/09/2022

#စနစ်ဆိုး

ဆေးဆိုင်တွေက Biogesic တကတ်ဝယ်ရင်
Cevit တကတ်တွဲဝယ်ရမယ်ဆို ရပ်ကွက်ထဲကလူတွေက ဝယ်မလား ?
ကျွန်​တော် Covid 3rd wave တုန်းက အဝယ်များသွားလို့ မကုန်လို့ ခုလိုတွဲရောင်းရတာပါဆိုရင် ဝယ်သူက ရူးနေလားပဲ ပြောသွားမှာ အသေချာဘဲ

Company ကနေဆေးသွင်းရင် အဲဒီဆေးပေါက်အောင် ရောင်းရအောင် Advertise လုပ်ရမယ် GP တွေဝင်ရမယ် Promotion လုပ်ရမယ် အဲ့ကုန်ကျစရိတ်တွေ သုံးပြီးလုပ်ရမှာ Company ကိစ္စ
ကိုယ်ဝယ်ထားတဲ့ဆေး ကုန်အောင်ရောင်းရမှာကိုယ့်ကိစ္စ
ခုတော့ Date နီးတွေ ရောင်းမကုန်တွေကို ပေါက်ပြီးသားဆေးတွေနဲ့ တွဲယူမှရောင်းမယ်
ဒါလိုချင် ဒါပါတွဲယူရမယ်ဆိုတာ သမဝါယမဆိုင် စနစ်လား?
Company ရဲ့ ဝန်ထုပ်ဝန်ပိုးကို လက်လီနဲ့ end user ကတာဝန်ယူပေးဖို့ ဆိုင်လား ? သိချင်တာပါ??
မလိုချင် မဝယ်နဲ့လေလို့ ပြောရင် ရောင်းပေးတဲ့အတွက်ပဲ ကျေးဇူးတင်ပါတယ် ပြန်ပြောရမယ့်ပုံ
သက်ဆိုင်ရာဆေးရဲ့ တန်ရာတန်ကြေးကိုပေးပီးသားပဲလေ ဘာလို့ မကုန်တဲ့ဆေးတွေ ကျွန်​တော် တို့က ထပ်ယူပေးရမလဲ နားမလည်နိုင်လို့ပါ
မတရားတဲ့ စနစ်တခုလို့ ကျွန်​တော် ကတော့ ခံစားရတယ်
ခုလိုတိုင်းပြည်ပျက် ကျပ်တည်းနေချိန်မှာ ပိုတောင်မလုပ်သင့်ဘူးလို့ ကျွန်တော့ က​တော့ မြင်တာပါပဲ

Crd

03/08/2022

💊💊အကိုက်အခဲပျောက်ဆေးများ၏ဖုံးကွယ်ထားသောလျှို့ဝှက်ချက်များ💊💊

📙ဒီစာကိုဖတ်ပြီးသွားရင် အကိုက်အခဲပျောက်‌ေဆးနဲ့ပတ်သက်လို့ အသိပညာတွေ များစွာရသွားပြီ။
အကိုက်အခဲပျောက်ဆေးများကို လိုသလို အသုံးချလို့ ရသွားပြီ။သောက်သင့်တဲ့အခြေအနေ မသောက်သင့်တဲ့အခြေအနေကို သုံးသပ်နိုင်သွားပြီ လို့ကျွန်တော်ယုံကြည်ပါတယ်။

💊ယနေ့ကျွန်တော်တို့နေ့စဉ်သောက်သုံးနေတဲ့ အကိုက်အခဲ‌ေပျာက်‌ေဆးများစွာရှိပါတယ်။အကိုက်အခဲပျောက်‌ေဆးများဆိုတာက သုံးတတ်ရင်ဆေးဖြစ်သလို မသုံးတတ်ရင်တော့ဘေးအန္တရာယ်ဖြစ်စေနိုင်ပါတယ်။အသံုးများသော အကိုက်အခဲပျောက်ဆေးများကတော့ paracetamol ၊diclofenac sodium၊ mefenamic acid၊ ibuprofen ၊indomethacin ၊meloxicam၊ celecoxib တို့ဖြစ်ပါတယ်။

💊NSAID တွေစွမ်းနိုင်တဲ့အချက် ၃ ချက်ရှိတယ်။
(၁) ကိုက်ခဲတာကိုသက်သာစေတယ် (၂ )ဖျားတာတာကိုသက်သာစေတယ်
(၃) ရောင်ရမ်းတာကိုကျစေတယ်။

💊ဒါပေမယ့်အကိုက်အခဲပျောက်ဆေးတိုင်းကတော့ ဤသုံးမျိုးစလုံးကိုမပေးစွမ်းနိုင်ဘူး။
အချို့‌ေဆးတွေကတော့ ဒီသုံးမျိုးစလုံးကိုပေးစွမ်းနိုင်တယ်။အဲဒီဆေးကတော့ diclofenac sodium ဖြစ်တယ်။paracetamol ကတော့ဖျားတာကိုပဲပျောက်စေတယ်။ကိုက်ခဲတာကိုအနည်းငယ်သာသက်သာစေတယ်။ကိုယ်ခန္ဓာကြွက်သွားအရိုးအဆစ် ရောင်ရမ်းတာကိုတော့ မသက်သာ‌ေစဘူး။အသုံးဝင်တယ်ဆိုပေမယ့် သူ့ရဲ့ဘေးထွက်ဆိုးကျိုးကိုတော့ မေ့မထားသင့်ဘူး။

💊အဲဒီအထဲမှာမှ ဆရာဝန်ညွှန်ကြားချက်မလိုသော မိမိဘာသာအလွယ်တကူဝယ်သောက်နိုင်တဲ့ ဆေး(OTC)တွေကတော့ ibuprofen ၊aspirin ၊naproxen sodium တို့ဖြစ်ပါတယ်။
ဆရာဝင်ညွှန်ကြားချက်ပါမှ သုံးနိုင်တဲ့အကိုက်ခဲပျောက်ဆေးများ(POM)ကတော့ indomethacin, diclofenac sodium, celecoxib, meloxicam တို့ဖြစ်ပါတယ်။

🤕ခေါင်းကိုက်လို့ ကိုယ်လက်ကိုက်ခဲလို့ ကျနော်တို့သုံးနေတဲ့ Alaxan ဆိုတာက ibuprofen ဖြစ်ပါတယ်။
ibuprofenသည် အကိုက်ခဲပျောက်ဆေးများထဲမှာ ဘေးထွက်ဆိုးကျိုးအနည်းဆုံးဆေးဖြစ်ပါတယ်။
လူကြီးတစ်ယောက် ကိုယ်လက်ကိုက်ခဲ ခေါင်းကိုက်ရင် ibuprofen 400 mg တနေ့တကြိမ် သို့မဟုတ် ၂ ကြိမ်သောက်နိုင်ပါတယ်။ကလေးငယ်များမှာလည်း သောက်သုံးလို့ရပါတယ်။၂ နှစ်အောက်ကလေးငယ်များမှာတော့ မသုံးစွဲသင့်ပါဘူး။

💔နှလုံးသွေးကြောကျဉ်း ရင်ဘတ်အောင့်တဲ့သူတွေ နေ့စဉ်သောက်သုံးနေတဲ့ ဆေးကတော့ aspirin လို့ခေါ်တဲ့ အကိုက်ခဲပျောက်ဆေး သွေးကျဲဆေးဖြစ်ပါတယ်။လေဖြတ်ထားသောလူနာများ နေ့စဉ်သောက်သုံးရသောဆေး aspirin ဖြစ်ပါတယ်။
ရောဂါအခြေအနေပိုမိုဆိုးရွားမသွားအောင် ကာကွယ်ဆေးအနေနဲ့ သောက်သုံးရတဲ့ဆေး ဖြစ်ပါတယ်။
aspirin 75 mg တစ်နေ့တစ်လုံး ပုံမှန်သောက်ရပါတယ်။အကိုက်ခဲပျောက်ဆေးအနေနဲ့လည်း အသုံးပြုပါတယ်။ဒါပေမယ့်အသုံးနည်းပါတယ်။ကလေးငယ်များမှာတော့ လုံးဝမသုံးသင့်ပါဘူး။

😨အကိုက်ခဲပျောက်ဆေးတွေကို ကိုယ်ခန္ဓာ၊ကိုယ်အတွင်းအပြင် နာကျင်ကိုက်ခဲမှု့အအမျိုးမျိုးမှာ အသုံးပြုတယ်။
ခေါင်းကိုက်ရင်သုံးတယ်။ကိုယ်လက်ကိုက်ခဲရင်သုံးတယ်။လည်ပင်းကျီးပေါင်း၊ခါးကျီးပေါင်းကြောင့်နာကျင်ကိုက်ခဲရင်သုံး တယ်။ဖျားနာရင်သုံးတယ်။ဓမ္မတာလာခါနီးနာကျင်ကိုက်ခဲရင်သုံးတယ်။လေးဘက်နာကြောင့်၊အရိုးအဆစ်ရောင်ရမ်းတာမှာသုံးတယ်။သွေးလေးဘက်နာမှာ၊အရိုးအဆစ်ရောင်ရမ်းတာမှာသုံးတယ်။ထိခိုက်ဒဏ်ရာကြောင့်၊ပိုးဝင်တာကြောင့်၊အရေပြားကြွက်သားအရိုးအဆစ်ကိုက်ခဲရောင်ရမ်းတဲ့ရောဂါတွေမှာသုံးပါတယ်။
ဖြစ်တဲ့ရောဂါမတူသလို သောက်ရမယ့်အကိုက်ခဲပျောက်ဆေးလည်း တူမှာမဟုတ်ပါဘူး။ဆေးပမာဏလည်း တူမှာမဟုတ်ပါဘူး။

🤦‍♀️Dolfenal လို့ခေါ်တဲ့ mefenamic acid အကိုက်ခဲပျောက်ဆေးကို အမျိုးသမီးများဓမ္မတာမလာခင် သို့မဟုတ် ဓမ္မတာလာနေစဉ် ကိုက်ခဲနာကျင်မှုကိုသက်သာစေဖို့ အသုံးပြုတယ်။ကိုယ်ခန္တာရုတ်တရက်နာကျင်ကိုက်ခဲ့ရင်လည်း သုံးနိုင်တယ်။ စဖြစ်ဖြစ်ချင်း mefanamic ကို 500 mg တကြိမ်ပေးတယ်။ပြီးရင် 250 milligram တနေ့ ၄ ကြိမ်ပေးနိုင်တယ်။
(၇) ရက်ထက် ပိုမပေးသင့်ဘူး။ဘေးထွက်ဆိုးကျိုးရှိတယ်။အစာနဲ့တွဲသောက်ရတယ်။Antacids များနဲ့တွဲမသောက်သင့်ပါဘူး။အစာအိမ်မှဆေးရဲ့စုပ်ယူမှုကိုထိခိုက်နိုင်ပါတယ်။

🦶အခုနောက်ပိုင်းအသုံးပြုနေတဲ့ celecoxib ဆေးကတော့ အစာအိမ်ကိုထိခိုက်မှုနည်းပါတယ်။သွေးကျဲတာသိပ်မဖြစ်ဘူး။ပန်းနာရင်ကျပ်သမားတွေ ကိုက်ခဲနေရင် သုံးလို့ရတယ်။ကျောက်ကပ်ကိုတော့ ထိခိုက်နိုင်တယ်။
ဆေးအာနိသင် ကြာတဲ့အတွက် တနေ့ တလုံး သုံးရုံနဲ့ လုံလောက်တယ်။
Acute pain and Dysmenorrhoea, ankylosing spondylitis, osteoarthritis, rheumatoid arthritis လိုရောဂါတွေမှာ အသုံးပြုတယ်။
ပုံမှန်ဆိုရင်တော့ 200 milligram တ‌ေန့ တကြိမ်ပေးတယ်။
ရောဂါအမျိုးအစားပေါ်မူတည်ပြီးတော့ ပေးရတဲ့ကာလကတော့ တူမှာမဟုတ်ဘူး။
အကိုက်အခဲပျောက်ဆေးများကို သောက်ရတော့မယ်ဆိုပါက သတိထားပါ။
ဆေးကပေးနိုင်တဲ့ အကျိုးနဲ့ ဘေးထွက်ဆိုးကျိုးကို အရင်သုံးသပ်ပါ။
ကိုယ့်အတွက်ဘေးထွက်ဆိုးကျိုးများနိုင်တယ်ဆိုရင် မသောက်သင့်ပါဘူး။
တခြားနည်းလမ်းကို စဉ်းစားလုပ်ဆောင်သင့်ပါတယ်။
အကိုက်အခဲပျောက်ဆေးအများစုရဲ့ ဘေးထွက်ဆိုးကျိုးတွေကတော့ အစာအိမ်ထိခိုက်တယ်။အသည်းကိုထိခိုက်တယ်။ကျောက်ကပ်ကိုထိခိုက်တတ်ပါတယ်။ဒါကြောင့် ဆေးဆိုင်မှာအလွယ်တကူဝယ်လို့ရနေတဲ့ဆိုင်ကယ်ပျောက်ဆေးအမျိုးမျိုးကိုကိုယ်သဘောနဲ့ကိုယ် လွယ်လွယ်ကူကူ မစဉ်းစားဘဲ မသောက်တာက ကိုယ့်အတွက် အန္တရာယ်ကင်းပါတယ်။ ဆေးမသောက်ခင် ကိုယ်နဲ့သင့်တော်တဲ့ ဆေးဟုတ်မဟုတ် ဦးစွာ စစ်ဆေးသင့်ကြောင်း သတိပေးလိုပါတယ်။ အကိုက်ခဲပျောက်ဆေးများကို အသုံးချနိုင်ပါစေ။ဘေးထွက်ဆိုးကျိုးများကို ရှောင်ရှားနိုင်ပါစေ။

ဒေါက်တာထွန်းမြတ်ဝင်း (ဆေးဝါးဗဟုသုတ မျှဝေမယ်)


Ph -09790197214

#အကိုက်အခဲပျောက်ဆေး

15/07/2022

“ (Vitamin B1,B6,B12) အာရုံကြောအားဆေး “ များအကြောင်း 🙋👨‍💻👨‍💻👨‍💻
=================================

✔️ ဗီတာမင်ဘီအုပ်စု Vitamin B1 (Thiamine Mononitrate) +Vitamin B6 (Pyridoxine) +Vitamin B12 (Cyanocobalamine) သုံးမျိုး ကို အချိုးကျပေါင်းစပ်ထားတဲ့ အာရုံကြောဆေး တစ်မျိုးပါ။
(အသုံးများသော ဆေးများကို ပုံနဲ့တကွဖော်ပြပေးလိုက်ပါတယ်)

✔️ အာရုံခံဆဲလ်၊ နာ့ဖ်ဆဲလ်တွေရဲ့ ဇီဝဖြစ်ပျက်မှုပေါ် အကျိုးသက်ရောက်တယ်။

✔️ နာတာရှည် ထုံကျင်၊ ညောင်းညာကိုက်ခဲ၊ အကြောတင်းနေသူ၊ ထိတွေ့မှုအာရုံ နည်းပါးသူ၊ အသက်အရွယ်ကြီးသူတွေမှာ လိုအပ်တဲ့ ဗီတာမင် ဘီဝမ်း၊ စစ်၊ တွဲကို အချိုးကျပေါင်းစပ်ထားတယ်။

✔️ အရောင်၊ဆေးကဒ်ပုံစံအမျိုးမျိုးလာပါတယ်။ဆေးကဒ်များ ကွာခြားတာက စျေးနှုန်းနဲ့ အားပါဝင်မှု အနဲအများသာဖြစ်နေတာလောက်ပါပဲ။ (ပုံနဲ့တကွ ဖော်ပြပေးထားပါတယ်)

💁‍♀️ ဗီတာမင်ဘီရဲ့ အာနိသင်✅✅✅
=================================
✔️ သက်ရှိဆဲလ်တိုင်းရဲ့ စွမ်းအင်အတွက် ဗီတာမင်ဘီ လိုအပ်ပါတယ်။

✔️ ဆဲလ်တွေရဲ့ ဇီဝဖြစ်ပျက်မှုအတွက် အရေးပါတယ်။

✔️ စားလိုက်တဲ့ ကာဗိုဟိုက်ဒရိတ်က စွမ်းအင်ထုတ်ရာမှာ အဓိကအခန်းကဏ္ဍက ပါဝင်ကူညီပေးနေတယ်။

✔️ မျိုးဗီဇ ဖွဲ့စည်းတည်ဆောက်ခြင်းဖြစ်စဉ်မှာလည်း အရေးကြီးပြန်တယ်။

✔️ နာဖ့်ဆဲလ်တွေမှာရှိတဲ့ Acetylcholine ဖွဲ့စည်းရာမှာလည်း ပါဝင်တယ်။

✔️ အာရုံကြောနဲ့ ကြွက်သားလုပ်ဆောင်ချက် ကောင်းမွန်စေဖို့ ကူညီပေးတယ်။

✔️ နာ့ဖ်ကြောမျှင်၊ နာ့ဖ်ကို အုပ်ထားတဲ့ မိုင်ရာလင် အလွှာ (Myelin Sheath) တွေကို ပြန်လည်တည်ဆောက်ပေးတယ်၊ ပြုပြင်ပေးတယ်။

✔️ အရက်၊ ဆေးဝါး၊ ဆီးချိုသမားတွေမှာ ဖြစ်လေ့ရှိတဲ့ Mono And Polyneuropathics အာရုံကြော ရောင်ရမ်းပျက်ဆီးခြင်းအတွက် ကောင်းမွန်စေတယ်။

✔️ အာရုံကြော အဖွဲ့အစည်းမှာ အရေးပါတဲ့ GABA၊Dopamine နဲ့ Serotonin ဓာတ်တွေဖွဲ့စည်းဖို့ လည်း ကူညီလုပ်ဆောင်ပေးတယ်။

✔️ ဦးနှောက်နဲ့အာရုံကြောရောဂါတွေမှာ အဓိက အထောက်အကူပေးတယ်။

💁‍♀️အသုံးဝင်ပုံ။✅✅✅
=================================
✔️ ခြေဖျား၊ လက်ဖျား ထုံကျဉ် ကိုက်ခဲခြင်း၊

✔️ ပူစပ် ပူလောင် ဖြစ်ခြင်း၊

✔️ အာရုံကြော ရောင်ရမ်းခြင်း၊

✔️ အာရုံကြော အားနည်းခြင်း၊

💁‍♀️ဗီတာမင်ဘီ လိုအပ်သူများ✅✅✅
================================= ✔️ အရက်အလွန်အကျွံ သောက်သုံးသူ၊

✔️ ဆီးချိုရောဂါသည်၊

✔️ အသက်ကြီးရင့်သူ၊

✔️ ဘီတာမင်ဘီ ချို့တဲ့သူ၊

✔️ နာတာရှည် ရောဂါသည်၊

💊ဆေးညွှန်း💊
=================================
- တစ်ခါသောက် တစ်လုံး၊ တစ်နေ့ ၂-၃ ကြိမ် အစာစားပြီး သောက်ပါ။

- ရေရှည်စွဲသောက်နိုင်ပါတယ်။အကိုက်အခဲပျောက်ဆေး မဟုတ်လို့ ရေရှည်စွဲသောက်ရုံနဲ့ အစာအိမ် မထိခိုက်စေပါ။

- ဝါးစားတာ၊ အမှုန့်ကြိတ်တိုက်တာတွေက ဆေးအာနိသင်ကို လျှော့ပါးစေမယ်။

- ကိုယ်ဝန်ဆောင်တွေ တစ်န့ တစ်ကြိမ်(သို့) နှစ်ကြိမ်သောက်သုံးနိုင်တယ်။

- အသက်အရွယ်မရွေး သောက်သုံးနိုင်တယ်။

- ပါဝင်တဲ့ ပမာဏဟာ လိုတာထက်ပိုများလို့ ကလေးတွေမှာ သတိထားတိုက်ကျွေးရမယ်။

- အာရုံကြောဆေးတွေကို ဆရာဝန်ညွှန်ကြားချက်နဲ့ သောက်သုံးသင့်တယ်။

🛑ဘေးထွက်ဆိုးကျိုး။🛑
=================================
- ချွေးထွက် များတာ

- နှလုံးခုန် မြန်တာ

- ရင်တုန်တာ

- အရေပြား ယားယံတာ

- အင်ပြင် ထွက်တာ။

❌- Vitamin B6 ပါတဲ့အားဆေးတွေကို L-Dopa ဆေးနဲ့ တွဲမသောက်သင့်ဘူး။

- L-Dopa ရဲ့ အာနိသင် ယုတ်လျှော့စေမယ်။

- ဆရာဝန်ညွှန်ကြားသလို စိတ်ချ လက်ချသောက်သုံးနိုင်ပါသည်။

Credit to original uploader

🏥Aung - Pharmacy🏥
📱09790197214

🟥မိသားစုတိုင်း ကျန်းမာပီး ပျော်ရွှင်စွာဖြတ်သန်းနိုင်ကြပါစေ🟥