ကာယသုခ Online Rehab Clinic

22/05/2024

(အိပ်ယာပူနာ ကာကွယ်ပါ)
ဆေးရုံတက်လူနာတွေမှာ အိပ်ယာပူနာရှိနေရင်
(က) လူနာရောဂါအခြေအနေကြောင့်လား (Vulnerability) ။
(ခ) လူနာ၊ လူနာရှင်တွေက အနာမဖြစ်အောင်ကာကွယ်ဖို့အတွက် လုံလောက်တဲ့ အသိပညာနဲ့ အလေ့အထမရှိတာလား။ (Preventive awareness)
(ဂ) ကျန်းမာရေးဝန်ထမ်းတွေရဲ့ အသိပညာပေးခြင်း၊ ပြုစုစောင့်ရှောက်မှုအားနည်းခြင်းရှိနေလို့လား (Promotion and care needs)။
စတာတွေ စဉ်းစားစရာဖြစ်လာပါတယ်။

အိပ်ယာပူနာ အခေါ်အဝေါ် အမျိုးအမျိုးရှိပါတယ်။
(က) လဲလျောင်းနာ(Decubitus ulcer)
(ခ) အိပ်ယာပူနာ(Bedsore)
(ဂ) ဖိပွန်းနာ(Pressure sore/ulcer)
(ဃ) ဖိပွန်းဒဏ်ရာ(Pressure injury)

ယနေ့အထိအသုံးများတဲ့ အခေါ်ကတော့ အိပ်ယာပူနာ (Bedsore) ပါ။
အသုံးအနှုန်းအမှန်ကတော့ (Pressure injury) ဖြစ်ပါတယ်။

အတွေ့ရများတဲ့လူနာတွေကတော့
(က) အလွန်အသက်အရွယ်အိုမင်းသူတွေ၊ (ခ) နာတာရှည်ရောဂါတစ်ခုခုဖြင့် အိပ်ယာပေါ်လဲနေရသူတွေ၊
(ဂ) အရိုးအဆစ်၊ ကြွက်သား၊ အာရုံကြော ရောဂါ/ဒဏ်ရာကြောင့် လှုပ်ရှားသွားလာရခက်ခဲသူတွေ
(ဃ) အသက်ရှူပိုက်၊ အစာပိုက်၊ ဆီးပိုက် စတဲ့ဆေးပစ္စည်းကိရိယာများတပ်ဆင်ထားသူတွေ
ဖြစ်ပါတယ်။

ဖြစ်ရတဲ့ အဓိကအကြောင်းရင်းကတော့
(က) အရိုးများသောနေရာပေါ်တွင် အချိန်ကြာမြင့်စွာလဲလျောင်းနေခြင်း (သို့) ထိုင်နေခြင်း၊ အသက်ရှူပိုက်၊ အစာပိုက်၊ ဆီးပိုက်စတဲ့ ဆေးပစ္စည်းကိရိယာများတပ်ဆင်ထားခြင်း။
(ခ) လူနာအနေအထားမမှန်ခြင်း၊ လူနာအနေအထားအချိန်မှန် မပြောင်းခြင်း၊ လူနာရွှေ့ပြောင်းမှု စနစ်မကျသဖြင့် ဖိပွန်းမိခြင်းခြင်း။
(ဂ) လူနာအာဟာရနှင့်‌ ရေဓာတ်ချို့တဲ့ခြင်း။
(ဃ) လူနာ၏ ဆီး၊ ဝမ်း၊ ချွေးများနှင့်မကြာခဏထိတွေ့ပြီး အရေပြားနူး၍လောင်ခြင်း။
(င) လူနာနှင့်လူနာရှင်မှ အိပ်ယာပူနာ ကာကွယ်တတ်ရန် ကျန်းမာရေးအသိနှင့် အလေ့အထမရှိခြင်း။

ပြုစုကုသနည်းတွေရှိပေမယ့် အိပ်ယာပူနာ မဖြစ်အောင်ကာကွယ်တတ်ဖို့က အရမ်းအရေးကြီးပါတယ်။
(က) အိပ်ယာပူနာ ဖြစ်နိုင်သည့်နေရာရှိ အရေပြားကို ပုံမှန် ကြည့်ရှုစစ်ဆေးခြင်း။
(ခ) လဲလျောင်းလူနာကို အနည်းဆုံး ၂ နာရီတစ်ကြိမ် ဘယ်/ညာ ၃၀ ဒီဂရီ စောင်းပေးခြင်း၊ စောင်းရာတွင် အထောက်အကူဖြစ်စေမည့် Positioning wedge/pillow များအသုံးပြုခြင်း။
(ဂ)ထိုင်လျက်ဖြစ်ပါက ခန္ဓာကိုယ်အား ဘေးဘယ်ညာအားပြု၍ တင်ပါးကြွခြင်း၊ ရှေ့သို့အားပြုခြင်း။
(ဃ) ဖိအားလျော့စေမည့် မွေ့ယာ (Pressure relieving mattress)၊ ထိုင်ခင်း (Customised cushions) များအသုံးပြုခြင်း။
(င) လူနာ နေရာရွှေ့ပြောင်းခြင်းပြုလုပ်ရာတွင် အရေပြား ပွန်းပဲ့မှုမဖြစ်စေရန် သေချာမချီရွှေ့ပြောင်းခြင်း။
(စ) ဆီး၊ ဝမ်း၊ ချွေးများ ညစ်ပေနေပါက အား ချက်ချင်းသန့်ရှင်းပေးခြင်း။
(စ) လူနာအား လုံလောက်သော အာဟာရဓာတ်နှင့် ရေဓာတ်ရအောင် ကျွေးမွေးခြင်း။
(ဆ) အရေပြားခြောက်သွေ့ခြင်း၊ ပွန်းပဲ့ခြင်းမှ ကာကွယ်ရန် ရေဓာတ်ပါသော အလှဆီ၊ ချောဆီများ လိမ်ပေးခြင်း
တို့ဖြင့် ကာကွယ်နိုင်ပါတယ်။

အိပ်ယာပူနာ သိသိသာသာဖြစ်လာရင်တော့ အနာရဲ့
(က) အရွယ်အစား(Area)
(ခ) အတိမ်အနက်(Depth)
(ဂ) သငန်ရေ အနည်းအများ(Exudate)
(ဃ) ဆွေးမြေ့တစ်ရှူး(Slough/dead tissue)
(င) ပိုးဝင်မှု လက္ခဏာ (Signs of infection)

စတာတွေပေါ်မူတည်ပြီး
(က) အနာကိုသန့်ရှင်းပေးခြင်းနှင့်ဆေးထည့်ပေးခြင်း (Wound cleansing and dressing)
(ခ) အနာဆွေးမြေ့တစ်ရှူးများကိုရှင်းလင်းပေးခြင်း (Wound debridement)
(ဂ) ခွဲစိတ်ကုသနည်းလမ်းဖြင့် အရေပြားပြန်လည်အုပ်ပေးခြင်း (Skin graft/flap)
(င) ပိုးဝင်သည့်လက္ခဏာများရှိပါက ပိုးသတ်စားဆေး/ထိုးဆေးများပေးခြင်း
စတာတွေနဲ့ကုသရပါတယ်။

အနာ သငန်ရည်များမှု၊ အနာခြောက်ကပ်မှုပေါ်မူတည်ပြီး သင့်တော်မယ့် အနာဆေးထည့်ပစ္စည်းအမျိုးအစားနဲ့ ဆေးထည့်မည့်အကြိမ်ရေကို သက်မှတ်ရပါမယ်။

အိပ်ယာပူနာကို ဖြစ်ပြီးမှ ကုသပါက
(က) အနာဆေးထည့်သည့်ပစ္စည်းများ၊ ပိုးသတ်ဆေးများ၏ ကုန်ကျစရိတ်။
(ခ) ပုံမှန်ဆေးထည့်ရန်အတွက် ပေးရသည့်အချိန်။
(ဂ) ဆေးထည့်ရန် ကျွမ်းကျင်သည့် သူနာပြုလိုအပ်ချက်။
(ဃ) လူနာခံစားရသည့် စိတ်အနှောက်အယှက်ဝေဒနာ။
(င) အခြားလှုပ်ရှားမှုဆိုင်ရာကုသမှုများအား နှောင့်နှေးကြန့်ကြာစေမှု (ဥပမာ- လေ့ကျင့်ခန်းကုထုံးများ)
(စ) ဆေးရုံတက်ရက် တာရှည်သွားရခြင်း
စတာတွေအတွက် ပိုပြီးစိတ်ရှုပ်ရပါတယ်။

ဒါကြောင့် အချိန်ကုန်/ငွေကုန် သက်သာ၊ လူနာလည်း‌ ဝေဒနာအမြန်ကင်းကွာ၊ ပြုစုစောင့်ရှောက်သူများလည်း အလုပ်ရှုပ်သက်သာစေဖို့ အိပ်ယာပူနာကို ကာကွယ်ကြပါစို့။

ဒေါက်တာ သိန်းသန်းဝင်း (ကာယကု)
၂၂-၅-၂၀၂၄ (ကဆုန်လပြည့်နေ့)

02/12/2023

Notes for "International Day of Persons with Disabilities" (3-12-2023)
"အပြည်ပြည်ဆိုင်ရာ မသန်စွမ်းသူများနေ့" မှတ်စု (၃-၁၂-၂၀၂၃)

21/05/2023

Amyloidosis မလိုလားအပ်သော အသားဓာတ်များစုပုံလာသောရောဂါ။

19/09/2022

မျက်နှာတစ်ခြမ်း​လေဖြတ်ခြင်း
(Bell's Palsy)

၁။ ​​လေဖြတ်မှာကို လူတိုင်း​ကြောက်ကြသည်။ မျက်နှာရုတ်တရက် ရွဲ့သွားလျှင် အရမ်းစိုးရိမ်ကြသည်။ မျက်နှာတစ်ခြမ်းကို​ထောက်ပံ့​ပေး​သောအာရုံ​ကြော အလုပ်မလုပ်​​တော့သည့်အခါ မျက်နှာကြွက်သားများအ​ကြော​သေသွားသဖြင့် ​ကောင်းသည့်ဘက်သို့ ပိုအားပါသွားပြီး တစ်ခြမ်းရွဲ့သွားခြင်းဖြစ်သည်။

၂။ မျက်နှာရွဲ့ယုံမျှမက နားအူခြင်း၊ ​မေးရိုးနှင့် နား​နောက်တစ်ဝိုက်နာခြင်း၊ သွားရည်ကျခြင်း၊ အရသာအာရုံပျက်ခြင်း၊ ထမင်းဝါးလျှင် ပါး​စောင်တွင်း၌ထမင်းကျန်တတ်ခြင်း၊ မျက်ရည်မထိန်းနိုင်ခြင်း၊ မျက်လုံးပိတ်မရခြင်း စသည်တို့နှင့်တွဲ၍ဖြစ်တတ်ပါသည်။

၃။ အသက်အရွယ်မ​ရွေးဖြစ်နိုင်ပါသည်။ ကိုယ်ဝန်​ဆောင်လရင့်ချိန်နှင့် ​မွေးပြီးစအချိန်တွင်လည်းအဖြစ်များသည်။ တုတ်​ကွေး၊ ​ရေယုန်၊ ​ရေ​ကျောက်၊ ပါးချိပ်​ရောင်၊ ဂျိုက်သိုး စသည့် Virus ​ရောဂါများ​ကြောင့်လည်း ဖြစ်တတ်သည်။ ​သွေးတိုး၊ ဆီးချိုနှင့် အဝလွန်သူများလည်း ဖြစ်နိုင်​ခြေများသည်။

၄။ ​အနာသိလျင်​ ​ဆေးရှိပါသည်၊ ​စော​စောကုလျှင် ​စော​​စောပျောက်ပါသည်။ ​ရောဂါဇစ်မြစ်ကိုရှာဘို့ ​သွေးစစ်ခြင်း၊ ဓါတ်မှန်/သံလိုက်ဓါတ်မှန်ရိုက်ခြင်း၊ အာရုံ​ကြောစမ်းသပ်ခြင်းများ လိုအပ်လျှင်လုပ်ရပါမည်။

၄။ ​နောက်ကျမှကုသလျှင် အာရုံ​ကြောအပြီး​သေသွားသဖြင့် မျက်နှာ အပြီးရွဲ့သွားနိုင်ပါသည်။ အာရုံ​ကြော​နေရာလွဲမှားပြီး တစ်ဝက်တစ်ပျက်ပြန်​ကောင်းလာပါက မျက်နှာအ​ကြောလိုက်/လှုပ်ခြင်းများ (Synkinesis) ဖြစ်တတ်ပါသည်။ မျက်လံ့းပိတ်မရ​တော့သဖြင့် မျက်ကြည်လွှာ ​ခြောက်ခြင်း၊ ဒဏ်ရာရလွယ်ခြင်း​ကြောင့် မျက်စိကွယ်နိုင်ပါသည်။

၅။ ​သောက်​ဆေးများအ​နေဖြင့် Steroid အ​ရောင်ကျ​ဆေးကို ချက်ချင်း​ပေးရပါမည်။ လိုအပ်က Virus ပိုးသတ်​ဆေးနှင့် တွဲဖက်​ပေးရပါမည်။ အာရုံ​ကြောအား​ဆေးနှင့် အနာသက်သာသည့်​ဆေးများလည်း​ပေးနိုင်ပါသည်။

၆။ မျက်နှာကြွက်သားများ ပြန်လည် လှုပ်ရှားမှုသည် အာရုံ​ကြောပြန်လည်​ကောင်းမွန်လာမှုအ​ပေါ်မူတည်ပြီး ၁ လ မှ ၆ လခန့်အထိအချိန်ယူရတတ်သည်။

၇။ ကြွက်သားများပြန်လည်လှုပ်ရှားနိုင်မှုအတွက် Physiotherapy ​လေ့ကျင့်ကုထုံး၊ လျှပ်စစ်ကုထုံး၊ ​လေဆာကုထုံး၊ အသံလှိုင်းကုထုံး၊ တရုတ်အပ်စိုက်ကုထုံး(Acupuncture) စသည်တို့သည်လည်း ထိ​ရောက်မှုရှိကြသည်။

၈။ ထို့အတူ မျက်စိအကာအကွယ်အဖြစ် ​​နေ့ဘက်တွင် မျက်မှန်တပ်ခြင်း၊ ညဘက်တွင် Eye pad တပ်ခြင်း၊ စားကြွင်းစားကျန်များမကျန်​စေရန် အစာစားပြီးတိုင်း ပါးလုပ်ကျင်း၊ သွားတိုက်ခြင်း (Oral Hygiene) စသည်တို့ပြုလုပ်​ပေးရန်လည်း အ​ရေးကြီးပါသည်။ မျက်နှာ တွဲကျခြင်းမှကာကွယ်ရန်နှင့် ကြွက်သားများအားလှုံ့​ဆော်မှု​ပေးရန်အတွက် မျက်နှာ တိပ်ကပ်ခြင်း Facial Taping ၊ မျက်နှာပင့်တင်ခြင်း Facial lifting စသည်တို့ပြုလုပ်ရန်လည်းလိုနိုင်ပါသည်။

၉။ အာရုံ​ကြောပိညပ်​နေ​သော အချို့လူနာများတွင် ခွဲစိတ်ကုသမှ ပြန်​ကောင်းသည်များလည်းရှိသည်။ ​နောက်ဆုံး​ပေါ် ပလတ်စတစ်ခွဲစိတ်နည်းပညာဖြစ်သည့် Facial Reanimation Surgery ပြုလုပ်ရသည်များလည်းရှိသည်။

၁၀။ မည်သို့ပင်ဖြစ်​စေ မဖြစ်ခင်ကကာကွယ်၊ ဖြစ်လာပါကလည်း နားလည်သူနှင့်ချက်ချင်းပြသ ကုသမှုခံယူလျှင် ​ရောဂါကင်းကွာ ကုန်ကျစရိတ်လည်း သက်သာမည်ဖြစ်​ပေသည်။

၁၁။ နီးစပ်ရာ အ​ကြောအဆစ်ပြန်လည်သန်စွမ်း​ရေးသမား​တော်၊ အ​ကြောအဆစ်ကျွမ်းကျင်သူများနှင့်ပြသတိုင်ပင် ​လေ့ကျင့်သင့်ပါသည်။

'မိသားစု' ဆေးခန်း
အထွေထွေနှင့် အကြောအဆစ် ပြန်လည်သန်စွမ်းရေးဆေးခန်း
(ပေါက်ကုန်း/ အပိုင် ၁၆/ ဝါယာလက်/မင်္ဂလာဒုံ)
ဆေးခန်းဖွင့်ချိန်- နေ့စဉ် ညနေ(၅)နာရီမှ (၈)နာရီထိ
ဖုန်း- 09983431379

14/07/2021

Covid-19 လူနာများ အောက်ဆီဂျင် ကျ​နေပါက ​နေထိုင်သင့်​သည့် အ​နေအထားနှင့် အသက်ရှူ​လေ့ကျင့်ခန်းပြုလုပ်နည်းများ။

12/07/2021

Covid-19လူနာများအား ​အောက်ဆီဂျင်​ပေးရာတွင် အသုံးပြုရသည့် ပစ္စည်းများဖြစ်​သော Nasal Canulae, Oxygen Mask များကို စနစ်တကျ အသုံးပြုတတ်ခြင်းဖြင့် ထိ​ရောက်သော ​အောက်ဆီဂျင်ကုသမှု ဖြစ်​စေရန် ရည်ရွယ်၍ တင်ပြလိုက်ပါတယ်။

​ဒေါက်တာသိန်းသန်းဝင်း (ပြန်လည်သန်စွမ်း​ရေး)
(၁၂-၇-၂၀၂၁)

11/07/2021

(ကိုဗစ်လူနာများ ​အောက်စီဂျင်ကျ​သော် ဘယ်လိုအ​နေအထားနဲ့ အသက်ရှူရမလဲ)

အရင်က ကိုဗစ်လူနာများ ICU မှာတင်ရင်း ​အောက်စီဂျင်ကျသွားရင် ​မှောက်လျက်အ​နေအထား (Prone Position) နဲ့ ​အောက်စီဂျင်​ပေး​​လေ့ရှိတယ်။ ​ပေးဘို့လည်း Recommend လုပ်ထားပြီးဖြစ်တယ်။

​မှောက်လျှက်အ​နေအထားက ကိုဗစ်ဆိုးရွားလူနာ​တွေမှာ အဆုတ်​လေအိတ်​တော်​တော်များများကို ​အောက်စီဂျင်ပိုရ​စေတယ်လို့ ဆိုပါတယ်။

အခု​နောက်ပိုင်း သု​တေသနများအရ ကိုဗစ်အသင့်အတင့်ဆိုးတဲ့ လူနာ​တွေ၊ Home care လုပ်​ရင်း​အောက်စီဂျင်ကျ​နေတဲ့ ကိုဗစ်လူနာ​တွေမှာ လည်း ​အဆုတ်​လေအိတ်​တွေထဲ အောက်စီဂျင်​ရောက်ရှိဘို့ ​မှောက်လျှက်အသက်ရှူနည်းကို အသုံးပြုလို့ရပါတယ်။

သု​တေသနအရ ​မှောက်လျှက်အသက်ရှူနည်းပြုလုပ်ခြင်းဖြင့် ​အောက်စီဂျင်ပိုရ​စေရုံမျှမက ICU ပို့မယ့်ပမာဏလည်း​လျော့သွား​စေမယ်။ လည်​ချောင်းထဲ အသက်ရှူပိုက် ထည့်ရမယ့်ပမာဏလည်း ​လျော့သွား​စေမယ်။ ICU ​ရောက်ခဲ့ရင်လည်း ​အဲဒီမှာ ​နေရမယ့်အချိန်တိုသွား​စေမယ်။ ​ဆေးရုံတက်ရမယ့်ရက်​တွေ ​လျော့သွား​စေမယ်။ အသိသာဆုံးက​တော့ လူနာရဲ့ Wellbeing ပါဘဲ။ ​အောက်စီဂျင်ပိုရ​နေ​တော့ လူနာက ​နေရထိုင်ရ အရမ်းသက်သာ​နေတယ်မဟုတ်လား။

ဒီ​တော့ကာ ​မှောက်လျှက် အသက်ရှူခြင်းလုပ်ဖို့အတွက်---
၁။ ဘာ​တွေလိုအပ်မလဲ။
၂။ ဘယ်​လောက်ကြာကြာလုပ်လို့ရသလဲ။
၃။ ဘယ်လိုလူနာမျိုး​တွေဆိုမလုပ်သင့်ဘူးလဲ။
ဆိုတာ​တွေ သိဘို့လိုအပ်လာပါမယ်။

၁။ ဘာ​တွေလိုအပ်မလဲဆိုရင် ​မှောက်လျက်အ​နေအထားအတွက် ​မလိုလားအပ်တဲ့နာကျင်မှု​တွေမဖြစ်​စေဘို့ အခုအခံ ​ခေါင်းအုံး ၅ လုံး​လောက် လိုပါမယ်။ (ပုံ ၁၊ ပုံ ၂ တွင်ကြည့်ပါ)။ ​အောက်စီဂျင်​ပေးလက်စဆိုရင် ဆက်​ပေးထားဘို့ လိုပါမယ်။ ​အောက်စီဂျင်ပိုက်​တွေ ​ခေါက်​​နေတာ ပြုတ်​နေတာ မဖြစ်ဘို့ ​သေချာစစ်​ဆေးရပါမယ်။

၂။ ဘယ်​လောက်ကြာကြာ လုပ်လို့ရမလဲဆိုရင် ​မှောက်လျက် တစ်ကြိမ်ကို မိနစ် ၃၀ က​နေ ၂ နာရီ​လောက်အထိ ထားလို့ရပါတယ်။ ၁ နာရီထက်ပို​နေနိုင်ရင်​တော့ အ​ကောင်းဆုံးပါ။ တစ်​နေ့ကို ၁၆ နာရီအထိ ​မှောက်လျှက်​နေလို့ရပါတယ်။ ကျန်အချိန်​တွေက​တော့ အစာစားဖို့၊ ​ဆေး​သောက်ဖို့၊ သန့်ရှင်း​ရေးလုပ်ဖို့ပါဘဲ။ အစာစားပြီး ၁ နာရီအတွင်းလည်း မ​မှောက်သင့်ပါဘူး။

၃။ ဘယ်လိုလူနာမျိုး​တွေ မလုပ်သင့်ဘူလဲဆိုရင် ---
-ကိုယ်ဝန်ရင့်တဲ့သူ​တွေ (Pregnancy)
-အဝလွန်ဗိုက်ပူတဲ့သူ​တွေ (Morbid Obesity)
-ခါးရိုးဆစ်ပြဿနာရှိလို့ ခါးနာ​နေသူ​တွေ (Spondylolisthesis, scoliosis etc)
-​​ခြေ​ထောက်​သွေး​ကြောပိတ်​ရောဂါရှိသူ​တွေ (DVT)
-ဦး​ခေါင်းတွင်းဖိအားများ​နေသူ​တွေ (Increase ICP)
- ​သွေးအရမ်းတိုး၊ နှလုံး​​ကြောင့်အ​မော​ဖောက်​နေတဲ့သူ​တွေ
- လတ်တ​လော ရင်ဘတ်ထိခိုက်ဒဏ်ရာနဲ့ ဝမ်းဗိုက်ခွဲစိတ်ထားသူ​တွေ
စတဲ့သူ​တွေက​တော့ ​မှောက်လျှက် အသက်ရှူခြင်းကို မလုပ်သင့်ပါဘူး။

​မှောက်လျှက်အပြင် ​ဘေး​စောင်းအ​နေအထား၊ တစ်ဝက်ထိုင်ခြေ (၆၀ံ) ပက်လက်ခြေဆင်း အ​နေအထား​တွေကလည်း အ​ရေးကြီးပါတယ်။ (ပုံ ၃၊ ပုံ ၄ တွင်ကြည့်ပါ)

နောက်ထပ်ဖြည့်စွက်ချင်တာက ဒီလိုအ​နေထားနဲ့ အသက်ရှူ​နေလျက်နဲ့မှ ​အောက်စီဂျင်က မတက်လာဘူး၊ လူနာက ​မောတာမသက်သာဘူးဆိုရင် ဆက်မလုပ်သင့်ပဲ ​နီးစပ်ရာကျန်းမာ​ရေးဝန်ထမ်းများနဲ့ ဆက်လက်တိုင်ပင်သင့်ပါတယ်။

ပြန်လည်သန်စွမ်း​ရေးဆရာဝန်တစ်​ယောက်အ​နေနဲ့ လူနာအ​နေအထားမှန်ကန်စွာဖြင့် အသက်ဝဝရှူနိုင်​ရေးဟာလည်း အ​ရေးပါတာ​ကြောင့် ​ဆောင်ရန်/​ရှောင်ရန်များနှင့်တကွ သတိပြု လိုက်နာကျင့်သုံးနိုင်​စေဘို့ တင်ပြလိုက်ပါတယ်။

​ဒေါက်တာသိန်းသန်းဝင်း (ပြန်လည်သန်စွမ်း​ရေး)
(၁၁-၇-၂၀၂၁)



for Photos

14/06/2021

ပိုး​​တွေ့တိုးပွားလာမှုအ​ခြေအ​နေ (၂၇-၅-၂၀၂၁ မှစ၍ ပိုး​တွေ့ရှိရမှု သိသိသာသာတိုးလာသည်ကို​တွေ့ရပါသည်။)
၁၃-၆-၂၀၂၁-> ၃၇၃(၁၂.၈၅ %)
၁၂-၆-၂၀၂၁-> ၁၆၆(၄.၈၆%)
၁၀-၆-၂၀၂၁-> ၁၈၈(၆.၇၆%)
၉-၆-၂၀၂၁-> ၁၃၆(၇.၇၉%)
၈-၆-၂၀၂၁-> ၁၂၃(၆.၀၈%)
၇-၆-၂၀၂၁-> ၁၃၉(၆. ၂၇%)
၆-၆-၂၀၂၁-> ၆၄(၅.၉၄%)
၅-၆-၂၀၂၁-> ၉၆(၆.၄၇%)
၄-၆-၂၀၂၁-> ၂၁၂(၁၁.၈၆%)
၃-၆-၂၀၂၁-> ၁၂၂(၈.၄၃%)
၂-၆-၂၀၂၁-> ၇၂(၄.၅၃%)
၁-၆-၂၀၂၁-> ၁၂၂(၆.၀၅%)
၃၁-၅-၂၀၂၁-> ၅၈(၃. ၂၇%)
၃၀-၅-၂၀၂၁-> ၄၅(၄.၉၃%)
၂၉-၅-၂၀၂၁-> ၄၀(၃.၈၇%)
၂၈-၅-၂၀၂၁-> ၇၂(၅.၈၅%)
၂၇-၅-၂၀၂၁-> ၉၆(၅.၃၇%)
၂၆-၅-၂၀၂၁-> ၂၂(၁.၉၅%)
၂၅-၅-၂၀၂၁-> ၃၄(၁.၇၇%)

(အထူးသတိထားကြပါ)

22/04/2021

Covid-19 3rd Wave ဖြစ်ပွားမှု (21-4-2021)
1. India- 315,802
2. Brazil- 71,910
3. USA- 65,057
4. Japan- 3,980
5. S.Korea- 731
6. Phillipine- 9,202
7. Indonesia- 5,720
8. Malaysia- 2,340
9. Thai-1458
10. Cambodia- 303
11. Lao- 28
12. Myanmar- 17
13. Singapore- 15
14. Vietnam- 6
(21-4-2021 တစ်ရက်တည်း တစ်ကမ္ဘာလုံး ၈၈၈,၄၄၃ ဦးဖြစ်ပွား၊ 2nd wave အများဆုံးကာလထက် ပိုအဖြစ်များ)
. Worldometer

01/01/2021

Sport Injury and Re**us Femoris Strain/Rupture
(​ပေါင်​ရှေ့ကြွက်သားစုတ်ပြဲ​စေ​သော အားကစားထိခိုက်ဒဏ်ရာ)
တစ်​နေ့က သူငယ်ချင်းတစ်​ယောက် ​​ဘောလုံးကန်ရင်း​ ညာဘက်ပေါင်​​နာသွားပြီး​ ​ပေါင်​ရှေ့ကြွက်သား​ရောင်​နေလို့ လာပြတယ်။
ဖြစ်ခါစ ​လမ်းမ​လျောက်နိုင်​လောက်​အောင် အရမ်းနာပြီး အရမ်း​ရောင်လာတယ်လို့​ပြောတယ်။
ဒူးအထက်နားမှာ​သွေးခြည်ဥသလို အကွက်​လေး​တွေလည်းဖြစ်လာ​ကြောင်းလည်းပြောတယ်။
အခု ၁၀ ရက်​လောက်ကြာ​တော့ နာတာ​လျော့လာ​ပေမယ့် အ​ရောင်က​တော့ကျန်​သေးတယ်။ ဒူး​ကွေးလိုက်ရင် တင်း​နေလို့ သိပ်မ​ကွေးနိုင်ဘူးတဲ့။
စမ်းသပ်ကြည့်​တော့ ​ရောင်တဲ့​နေရာမှာ အရည်စု​နေတယ်။ ကြွက်သားအားက​တော့ ​ကောင်း​သေးတယ်။
ဆန်းစစ်ကြည့်​တော့ မတိုင်မီကလည်း ဒူးနာသလိုဖြစ်တာ​တွေ့ရတယ်။
​သေချာ​အောင် ကြွက်သားအ​နေအထားသိရ​အောင် အာလ်ထရာ​ဆောင်း (MSKUS) ရိုက်ကြည့်လိုက်တယ်။
​ပေါင်​ရှေ့ကြွက်သားတစ်ခုရဲ့ ​အောက်​ခြေနား အရွတ်နဲ့ဆုံရာမှာ ၅၀%နှုန်း​လောက်စုတ်ပြဲသွားပြီး ​ကြွက်သားမျှင်​တွေကြားမှာ​သွေး​တွေ စု​နေတာ​တွေ့ရတယ်။ ​
ပေါင်​ရှေ့ကြွက်သားတစ်​လျောက်လုံး​သွေးအများကြီးနေတာပဲ။
ကြွက်သားဆက်စပ်လှုပ်ရှားနိုင်မှု မရှိတာ ​သေချာ​အောင် ​ဒူး​ကွေးဆန့်လုပ်ပြီး ထပ်ကြည့်တယ်။ ​
သွေး​ကြော​ကြီး​တွေ​ပေါက်မ​ပေါက်သိရ​အောင် Doppler ရိုက်ကြည့်တယ်။
​သေချာတာက​တော့ ​Partial rupture of re**us feomoris ​ခေါ် ပေါင်​ရှေ့ကြွက်သားစုတ်ပြဲသွားတာပါဘဲ။

ဒီသူငယ်ချင်းမှာ ​ပေါင်​ရှေ့ကြွက်သားစုတ်ပြဲ​ဒဏ်ရာ ဘာ​ကြောင့်ဖြစ်ရသလဲ ဆိုတာကြည့်ရ​အောင်။ :)
၁။ ​ဘောလုံးကန်တဲ့သူ​တွေ အဖြစ်များတယ်။
၂။ သန်တဲ့ဘက်/အကန်များတဲ့ ဘက်မှာ ပိုဖြစ်​လေ့ရှိတယ် (၆၀%) (ယခု ညာဘက်​ပေါင်ကြွက်သားဖြစ်)
၃။ ယခင်ထိခိုက်ဒဏ်ရာရှိသူဆိုပိုဖြစ်လွယ်တယ်။ (မတိုင်မီ ဒူးနာရှိ)
၄။ အရပ်ပုပြီး တုတ်ခိုင်တဲ့သူ​တွေ ပိုဖြစ်တယ်။ (သူငယ်ချင်းကအရပ်လည်းပုတယ် :) )
၅။ အ​ကြောမ​လျော့ပဲကစားရင်ပိုဖြစ်တယ်။ (​အ​ကြောလျော့မ​လျော့​တော့ မ​မေးမိဘူး)
၆။ ရုတ်တရက် ကြွက်သား​ဆောင့်ရုန်းပြီး ကန်ခဲ့ရင် concentric and eccentric contraction ပိုဖြစ်တယ်။ ( ၂ခါ​လောက် ခပ်ပြင်းပြင်းကန်တယ်​ပြောတယ်)
၇။ ​​မြေကြီးအမာမှာ ကစားရင်ပိုဖြစ်တယ်။ (ကွန်ကရိ​ပေါ်မှာ ကစားတာဆို​တော့ :) )
၈။ အ​လေ့အကျင့် မရှိဘဲကစားရင် ပိုဖြစ်တယ်။ (အသက်ရမှ စိတ်​ပေါက်လို့ ပြန်ကစားတာ ဖြစ်ဖို့များတယ်)
၉။ ​သွေးပူမလုပ်ပဲကစားရင် ပိုဖြစ်တယ်။ (​သွေးပူလုပ်ချိန်ရှိပါ့မလားမသိ၊ အလုပ်များတယ်​လေ :) )
New Year နဲ့ ​Covid-19 ကာလမှာ အားကစားလုပ်မယ့်သူများကြိုတင် သတိထား ပြင်ဆင်နိုင်​အောင် သတိ​ပေးရခြင်းဖြစ်ပါတယ်။
​ဒေါက်တာ သိန်းသန်းဝင်း (ကာယကု)

03/12/2020

02/12/2020

အပြည်ပြည်ဆိုင်ရာ မသန်စွမ်းသူများ​နေ့ (Dec 3, 2020)
(International Day for Persons with Disabilities)
(​​ဆောင်ပုဒ် - ကိုဗစ်အပြီးဒို့ကမ္ဘာ၊ မသန်သူ/သန်သူ မခွဲပါ၊ လက်လှမ်းမီရယူ သုံးကြဖို့၊ ရေရှည်ပိုကောင်း​အောင် တည်​ထောင်စို့။)
ကိုယ့်ဖာသာ ကိုယ်ဘာသာပြန်လိုက်တာ၊ တရာဝင်ပြန်ထားတာရှိရင်လည်း​ပြောပြ​​ပေးပါ :)

Theme for this year
“Building Back Better: toward a disability-inclusive, accessible and sustainable post COVID-19 World”.

​ဆောင်းပါက​တော့ ၂၀၁၆ခုနှစ် အပြည်ပြည်ဆိုင်ရာ မသန်စွမ်းသူများ​နေ့တုန်းက သူငယ်ချင်းတစ်​ယောက်တိုက်တွန်းလို့ ​ရေး​ပေးလိုက်တာ။ ဒီနှစ်​တော့ အသစ်ထပ်မ​ရေးနိုင်တာ ခွင့်လွှတ်ကြပါ။

(ရေကိုဆန်မည့်စွမ်းသူများအပေါ် တပ်မတော်သားတစ်ဦး၏အမြင်)

မသန်စွမ်းခြင်းဆိုတာဟာ အင်မတန်ကျယ်ပြန့်ပါတယ်။ ရှင်းအောင်ပြောရရင်တော့ သူတစ်ပါးအပေါ် စိတ်ပိုင်းဆိုင်ရာ၊ ရုပ်ပိုင်းဆိုင်ရာ၊ ငွေကြေး ဥစ္စာတစ်စုံတစ်ရာ၊ နည်းပညာစတာတွေနဲ့ပတ်သတ်ပြီး အလွန်အမင်းမှီခိုနေရရင် မသန်စွမ်းဖြစ်နေတယ်လို့ပြောနိုင်ပါတယ်။ ဒါ့အပြင် ချို့တဲ့လွန်းတဲ့ ပတ်ဝန်းကျင်မှာ နေထိုင်နေရခြင်းဟာလည်းမသန်စွမ်းမှုကို ပိုဆိုးရွားသွားစေနိုင်ပါတယ်။
ထို့အတူ မသန်စွမ်းမှုဆိုတာ လူတစ်ဦးချင်းမှာဖြစ်နေနိုင်သလို လူ့အဖွဲ့အစည်းတစ်ခုခု၊ နိုင်ငံတစ်နိုင်ငံလုံးလည်းဖြစ်နေနိုင်ပါတယ်။

ကမ္ဘာပေါ်မှာ မသန်စွမ်းသူဦးရေဟာ သန်းတစ်ထောင်ကျော်ရှိနေပြီဖြစ်တဲ့အတွက် မသန်စွမ်းလူမျိုးစုလူထု အနေနဲ့သာပြောရရင် အများဆုံးလူမျိုးစု လူထုကြီးဖြစ်နေပါတယ်။ ကမ္ဘာပေါ်က အဆင်းရဲဆုံးလူ (၅)ယောက်မှာ ဆင်းရဲသားမသန်စွမ်းသူ (၁)ဦးပါဝင်ပါတယ်။ ဆင်းရဲခြင်းကြောင့် မသန်စွမ်းခြင်းဖြစ်သွားနိုင်သလို မသန်စွမ်းခြင်းကြောင့်လည်းဆင်းရဲနေရတတ်ပါတယ်။ ဒါ့ကြောင့် ဆင်းရဲမွဲတေမှုလျော့ကျအောင်လုပ်ဆောင်ချင်တယ်ဆိုရင် မသန်စွမ်းမှုလျော့ချရေးကို မဖြစ်မနေဆောင်ရွက်ရမှာဖြစ်ပါတယ်။

ထို့အတူ မသန်စွမ်းသူအများစုဟာလည်း ပညာမတတ်ကြပါဘူး။ ပညာမတတ်တော့ အလုပ်အကိုင်ရှာဖွေရခက်ပါတယ်။ ဦးစီးခေါင်းဆောင်နေရာမရကြပါဘူး။ နောက်ဆက်တွဲအနေနဲ့ မသန်စွမ်း၊ပညာမဲ့၊ လူဆင်းရဲဖြစ်သွားတတ် ပါတယ်။ ပညာရေြးုပုပြင်ပြောင်းလဲမှုတွေကို အသဲအသန်ပြုလုပ်နေတဲ့ ဒီမိုကရေစီ အစိုးရသစ်လက်ထက်မှာ မသန်စွမ်းသူများပညာသင်ကြားနိုင်အောင်လည်းမဖြစ်မနေဆောင်ရွက်ရမှာဖြစ်ပါတယ်။

၂၀၁၄ ခုနှစ်က ကောက်ယူထားခဲ့တဲ့ သန်းခေါင် စာရင်းအရ မြန်မာနိုင်ငံလူဦးရေ (၅၁)သန်း ကျော်မှာ မသန်စွမ်းသူဦးရေဟာ ၄.၆ % ရှိပါတယ်။
အဲဒီအထဲမှာ အမြင်အာရုံချို့တဲ့သူက ၅၄.၁%၊ လှုပ်ရှားသွားလာနိုင်စွမ်းချို့တဲ့သူက ၄၁.၁%၊ ဥာဏ်ရည်ချို့တဲ့သူက ၃၆.၁ %၊ အကြားအာရုံချို့တဲ့သူက ၂၉.၁% အသီသီးရှိကြပါတယ်။

မြန်မာနိုင်ငံမှာ မသန်စွမ်းသူများအရေးကို ထိရောက်အောင်ဆောင်ရွက်နိုင်ဘို့ ၂၀၁၁ ခုနှစ် ဒီဇင်ဘာ (၇)ရက်နေ့မှာ ကုလသမဂ္ဂ မသန်စွမ်းသူများအခွင့်အရေးဆိုင်ရာ သဘောတူစာချုပ် (United Nations Convention for the Right of Persons with Disabilities, CRPD) ကိုလက်မှတ်ရေးထိုးပြီး ပထမခြေလှမ်းကိုစတင်ခဲ့ပါတယ်။
ယခုနှစ် ဖေဖော်ဝါရီအထိ CRPD စာချုပ်မှာ ကုလသမဂ္ဂအဖွဲ့ဝင်နိုင်ငံ (၁၉၃) နိုင်ငံအနက် (၁၆၁) နိုင်ငံ လက်မှတ်ရေးထိုးထားပြီး ရာခိုင်နှုန်းအားဖြင့် (၈၀)% ရှိနေပါပြီ။ ဒုတိယခြေလှမ်းအဖြစ် ၂၀၁၅ ခုနှစ် ဇွန်လ (၅)ရက်နေ့မှာ ပြည်ထောင်စုလွှတ်တော်မှ မသန်စွမ်းသူများ၏အခွင့်အရေးဥပဒေကို ပြဌာန်းနိုင်ခဲ့ပါတယ်။ ဝမ်းမြောက်စရာ နောက်ဆက်တွဲခြေလှမ်းအဖြစ် နည်းဥပဒေကို ၂၀၁၇ ခုနှစ် မတ်လအတွင်း အပြီးရေးဆွဲကြတော့မယ်လို့ သိရပါတယ်။

မသန်စွမ်းသူများရဲ့အခွင့်အရေးကို ဥပဒေတွေ၊ နည်းဥပဒေတွေ ပြဌာန်းဆောင်ရွက်တာထက်ပိုအရေးကြီးတာ ရှိပါတယ်။ အဲဒါကတော့ လူ့အသိုက်အဝန်းတစ်ခုလုံးက နားလည်လက်ခံပြီး အပြန်အလှန်လေးစား ယုံကြည်ဖို့ပါပဲ။ No man is perfect ဆိုသလို လူတိုင်းလူတိုင်းချို့ယွင်းချက် အနည်းအများဆိုသလိုရှိနိုင်ပါတယ်။ လူသားတွေမှာ မွေးကတည်းက မသန်စွမ်းဖြစ်ပြီးလောကထဲကို ဝင်ရောက်လာရသလို၊ မွေးခဲ့စဉ်ကအပြည့်အစုံရှိခဲ့ပေမယ့် အချိန်ကာလတစ်ခုအကြာမှာ ကံမကောင်း အကြောင်းမလှလို့ မသန်စွမ်းဖြစ်သွားရတာတွေ များစွာရှိပါတယ်။ ဘယ်လိုအကြောင်းကြောင့်ပဲ မသန်စွမ်းခဲ့ရသည်ဖြစ်စေ လူသားဖြစ်နေခြင်းသည်ပင်လျင် မွေးရာပါလူ့ဂုဏ်သိက္ခာ ပါလာပြီးသားဖြစ်သဖြင့် လေးစားတန်ဘိုးထားရမှာဖြစ်ပါတယ်။ မသန်စွမ်းမှုကို အကြောင်းပြုပြီး ခွဲခြားဆက်ဆံခြင်း၊ နှိပ်စက်ညှဉ်းပမ်းခြင်း၊ ပါဝင်ဆောင်ရွက်ခွင့်ကိုတားမြစ်ထားခြင်းဟာ လူသားမဆန်ခြင်းဖြစ်သလို မသန်စွမ်းသူများရဲ့အခွင့်အရေးကို ချိုးဖောက်နေတာလည်းဖြစ်ပါတယ်။

လူသားထဲကလူသားများဖြစ်တဲ့တပ်မတော်သားတွေမှာလည်း အကြောင်းအမျိုးမျိုးကြောင့် မသန်စွမ်းဖြစ်သွားရသူတွေ ရှိပါတယ်။ မသန်စွမ်းတပ်မတော်သားများရဲ့ ထူးခြားချက်ကတော့ နိုင်ငံတော်နဲ့ ပြည်သူတို့ရဲ့အသက်အိုးအိမ် စည်းစိမ်များကိုကာကွယ်စောင့်ရှောက်ရင်း ကိုယ်အင်္ဂါ အစိတ်အပိုင်းများကို စွန့်လွှတ်ခဲ့တာဖြစ်ပါတယ်။ တစ်ချို့ဆို အသက်တောင်စွန့်လွှတ်ခဲ့ရပါတယ်။ ပြီးခဲ့တဲ့ လောက်ကိုင်ဒေသတိုက်ပွဲ နဲ့ လတ်တလော ရခိုင်ဒေသ၊ ရှမ်းပြည်မြောက်ပိုင်းဒေသ တိုက်ပွဲတွေမှာ မသန်စွမ်းဖြစ်သွားခဲ့တဲ့ စစ်သည်တွေကဲ့သို့ နယ်မြေလုံခြုံရေး တာဝန်ထမ်းဆောင်ရင်း မသန်စွမ်းဖြစ်သွားခဲ့တဲ့စစ်သည်များကတော့ အမွန်မြတ်ဆုံးသော စွန့်လွှတ်ခြင်း နဲ့တုနှိုင်းဖွယ်မရှိသော ဂုဏ်ဒြပ်တို့နဲ့ပြည့်စုံနေသော သားကောင်းဇာနည်များဖြစ်ပါတယ်။

အထက်ပါတိုက်ပွဲဒဏ်ရာကြောင့် မသန်စွမ်းဖြစ်ခဲ့ရတဲ့ မသန်စွမ်းတပ်မတော်သားများကို ရှေ့တန်း နောက်တန်း တပ်မတော်ဆေးရုံများမှ ပါရဂူ၊ ဆေးမှူး၊ သူနာပြု။ ကျွမ်းကျင်သူများမှ ကျန်းမာ၊ ကြံ့ခိုင်၊ တိုက်နိုင်ရန်ဆိုတဲ့ ဆေးတပ်ဖွဲ့ရဲ့တာဝန်ဆောင်ပုဒ်အတိုင်း ဦးစားပေး၊ အရေးကြီးလူနာများအဖြစ် အစွမ်းကုန်ပြုစုစောင့်ရှောက်လျက်ရှိပါတယ်။
ထို့အတူ ခြေလက်အင်္ဂါ စွန့်လွှတ်ခဲ့ရသူများကိုလည်း တပ်မတော် အရိုးရောဂါအထူးကုဆေးရုံနှင့် ကိုယ်လက်အင်္ဂါပြန်လည်သန်စွမ်းရေးဆေးရုံမှ ပါရဂူများ၊သူနာပြုများ၊ ကာယကုကျွမ်းကျင်သူများ၊ ခြေတု၊ လက်တုပညာရှင်များက မသန်စွမ်းမှုလျော့နည်းအောင် စနစ်တကျ လေ့ကျင့်ကုသပေးလျက်ရှိပါတယ်။

ပြည်တွင်း၊ ပြည်ပမှာ ပြုလုပ်တဲ့ မသန်စွမ်းအားကစားပြိုင်ပွဲတွေမှာ တပ်မတော်မသန်စွမ်းအားကစားသမားများကို ပုံမှန်စေလွှတ် ယှဉ်ပြိုင် စေခြင်းဖြင့်လည်း စိတ်ဓာတ်ကြံ့ခိုင် ကောင်းမွန်အောင် ဆောင်ရွက်ပေးနေသကဲ့သို့ မြန်မာနိုင်ငံစစ်မှုထမ်းဟောင်းအဖွဲ့မှလည်း လိုအပ်သော ထောက်ပံ့ကူညီမှုများကိုဆောင်ရွက်ပေးလျက်ရှိပါတယ်။ အသက်အရွယ်ကြီးရင့်လာလို့ မသန်စွမ်းဖြစ်လာတဲ့ သက်ကြီးရွယ်အို စစ်သည်များအတွက်လည်း ကရုဏာကမ္ဘာ ဘိုးဘွားရိပ်သာများမှ လက်ခံစောင့်ရှောက်ပေးလျက်ရှိပါတယ်။
တပ်မတော်ဟာ ကိုယ့်ရဲ့ သားသမီးတွေ၊ လုပ်ဖော်ကိုင်ဘက်တွေကို သေသည်အထိ လက်တွဲမဖြုတ်တတ်ပါဘူး။

ကမ္ဘာ့ကျန်းမာရေးအဖွဲ့ကြီးအနေနဲ့ ၁၉၉၂ ခုနှစ်မှစတင်ပြီး နှစ်စဉ် ဒီဇင်ဘာ (၃) ရက်နေ့ကို အပြည်ပြည်ဆိုင်ရာ မသန်စွမ်းသူများနေ့
(International Day of Persons with Disabilities) အဖြစ်သတ်မှတ်ပြီး မသန်စွမ်းသူများအရေးအတွက် လှုပ်ရှားဆောင်ရွက်ခဲ့ပါတယ်။

ယခုနှစ် ၂၀၁၆ ခုနှစ် အပြည်ပြည်ဆိုင်ရာ မသန်စွမ်းသူများနေ့ဆောင်ပုဒ်ကတော့ "မသန်စွမ်းသူတို့အနာဂတ်အတွက် ပန်းတိုင် (၁၇)ရပ်ပြည့်မီအောင်ဆောင်ရွက်" (Achieving 17 Goals for the Future we Want) ဖြစ်ပါတယ်။

လူသားအားလုံးကျန်းမာရေးနဲ့ ကောင်းမွန်စွာအသက်ရှင်သန်နေထိုင်နိုင်ရေးအတွက် ကမ္ဘာ့ကျန်းမာရေးအဖွဲ့ကြီးဟာ ၂၀၀၀ ခုနှစ်မှ ၂၀၁၅ ခုနှစ်အထိ ထောင်စုနှစ်ဖွံ့ဖြိုးရေး ရည်မှန်းချက် ( Millennium Development Goals, MDG ) (၈) ခုကို သတ်မှတ်ပြီးဆောင်ရွက်ခဲ့သလို အခုနောက်ထပ် ၂၀၁၅ ခုနှစ်မှ ၂၀၃၀ ခုနှစ်အထိ စဉ်ဆက်မပြတ်ဖွံ့ဖြိုးရေး ရည်မှန်းချက်( Sustainable Development Goals, SDG) (၁၇) ချက်ကို အောင်မြင်အောင်ဆောင်ရွက်ရန် တိုက်တွန်းထားပါတယ်။

မသန်စွမ်းလူထုကြီးအတွက်လည်း ဖွံ့ဖြိုးမှုပင်မရေစီးကြောင်း (Development Main Stream)မှာ ပါဝင်နိုင်အောင် CRPD နှင့် ချိတ်ဆက်ဆောင်ရွက်နိုင်ရန် စီမံထားပြီးဖြစ်ပါတယ်။

No one is left behind ဆိုသလို မသန်စွမ်းသူများပါမကျန်ဖွံ့ဖြိုး တိုးတက်မှ ကမ္ဘာကြီးတစ်ခုလုံးနေရာမလပ်ဖွံ့ဖြိုးတိုးတက်မှာ ဖြစ်သလို ဖွံ့ဖြိုးတိုးတက်မှုမောင်းနှင်အားပိုကောင်းစေဖို့အတွက်လည်း သန်းပေါင်းတစ်ထောင်ကျော် မသန်စွမ်းလူမျိုးစုလူထုကြီးရဲ့အင်အားကိုရယူရမှာဖြစ်ပါတယ်။

ဖွံံ့ဖြိုးမှု အခြေခံနယ်ပယ် ၃ ခုကတော့
စီးပွားရေး (Economic) ၊
လူမှုရေး (Social) ၊
ပတ်ဝန်းကျင် (Environment)
တို့ပဲဖြစ်ပါတယ်။

နောက်ထပ်အခြေခံရမယ့် 5 P's တွေကတော့
People(လူ)၊
Planet (ကမ္ဘာမြေ)၊
Prosperity (ကြွယ်ဝမှု)၊
Peace (ငြိမ်းချမ်းမှု)၊
Partnership (လက်တွဲဆောင်ရွက်နိုင်မှု) တို့ပဲဖြစ်ပါတယ်။

နောက်ဆုံးအနေနဲ့ကတော့ One size fits all ဆိုတဲ့ ရွေးချယ်ခွင့်မရှိတဲ့ အခြေအနေတစ်ရပ်ကနေ ရွေးချယ်ခွင့်ရှိတဲ့ ဆုံးဖြတ်ခွင့်ရှိတဲ့အခြေအနေတစ်ရပ်ရောက်အောင် ဆက်လက်အားထုတ်သွားရမှာဖြစ်ပါတယ်။
မသန်စွမ်းသူများကိုယ်တိုင်ဦးဆောင်တဲ့ အဖွဲ့အစည်းအများအပြားပေါ်ပေါက်လာဖို့ကိုလည်း အားပေးဆောင်ရွက်သွားရမှာဖြစ်ပါတယ်။

မသန်စွမ်းသူများအရေးကို ဆောင်ရွက်ရာမှာ
of the people with disability,
by the people with disability,
for the people with disability ဖြစ်အောင်ကြိုးပမ်းဆောင်ရွက်သွားကြပါစို့ လို့တိုက်တွန်းနှိုးဆော်အပ်ပါတယ်။

​ဒေါက်တာ သိန်းသန်းဝင်း (ကာယကု)