ပန်းရွှေရောင်-Pann Shwe Yaung Foundation

25/09/2025

21/09/2025

မင်္ဂလာပါ 🙏

14/09/2025

ဂျပန်အကြောင်း

09/09/2025

အမျိုးသမီးတွေ ကျန်းမာရေးဂရုစိုက်ဖို့ မမေ့ပါနဲ့။

ကျန်းမာရေးက လူသားတိုင်းအထူးဂရုစိုက်ရမယ့်အရာပါ။ အဲ့ထဲမှာမှ အမျိုးသမီးတွေအတွက်ဆိုရင် သားအိမ်ကျန်းမာရေးကတစ်ခုအပါပေါ့နော်။ အဲ့ထဲမှာမှ ကျွန်မကိုယ်တိုင်ဖြစ်ဖူးတဲ့ သားဥအိမ်ကင်ဆာ (Ovarian Cancer) ဆိုတာ စောစောတွေ့ရင် ကုသနိုင်သလို၊ ပျောက်ကင်း သက်သာသွားနိုင်တဲ့ရောဂါတစ်ခုပါ။
ကျွန်မ 2022 အစောပိုင်းမှာ ဒီရောဂါဖြစ်‌နေတာကို သိခဲ့ရပီး ခွဲစိတ်ကုသမှုခံယူခဲ့ပါတယ်။Chemo Treatment ပါ ဆက်ယူခဲ့ရပါတယ်။ စစသိချင်းတုန်းကတော့အတာ်လေးကို စိတ်ဓာတ်ကျခဲ့ရပြီး ကြောက်ရွံစိုးရိမ်မှုတွေအပြည့်ပေါ့လေ။
ဒါပေမယ့်လည်း ငါရှင်သန်မှဖြစ်မယ်။ ဒီလိုလွယ်လွယ်နဲ့တော့ အရှုံးမပေးနိုင်သေးဘူး။ ငါတတ်နိုင်တဲ့နည်းလမ်းနဲ့ ခွန်အားနဲ့တော့ လောကဓံကို အစွမ်းကုန်တိုက်ထုတ်ကြည့်တာပေါ့လေ ဆိုပီးအားတင်းဖြတ်ကျော်ခဲ့ပါတယ်။ ဒီအတွ့အကြုံတွေကဘဲ ကျွန်မကိုပိုသန်မာလာစေပြီး လောကအပေါ်ရှုမြင်တဲ့ အမြင်တွေကိုပါ ပြောင်းလဲလာစေခဲ့ပါတယ်။
အမျိုးသမီးတိုင်းအတွက် ပေးချင်တဲ့ message ကတော့ ...
✔အိမ်နဲ့နီးတဲ့ ဆေးခန်း/ဆေးရုံမှာ ပုံမှန် ကျန်းမာရေး စစ်ဆေးပါ။
✔ မိမိခန္ဓာကိုယ်အပြောင်းအလဲကို မပေါ့မဆအမြဲသတိထားစောင့်ကြည့်ပါ။
✔ သေချာမသိရင် ဆရာဝန်နဲ့ တိုင်ပင်ဆွေးနွေးပါ။

👩‍🦰တနေ့တာမှာ မိသားစုအတွက်၊ အလုပ်အတွက် အချိန်ပေးရတာတွေ များနေပေမယ့်လည်း ... အမျိုးသမီးလေးတို့ရေ ... မိမိကိုယ်ကို ဂရုစိုက်ဖို့၊ မိမိကျန်းမာရေးကို သတိထားဂရုစိုက်ဖို့တော့ မမေ့ကြပါနဲ့နော်။

💖 အရေးကြီးဆုံးကတော့ လောကဓံနဲ့ကြုံလာရင် အလွယ်တကူမျှော်လင့်ချက်ကို မစွန့်လွှတ်လိုက်ဘဲ ကြံကြံခံရင်ဆိုင်နိုင်ဖို့ပါဘဲ။ မှန်ကန်သော ကုသမှုနှင့် အချိန်မီရောဂါတွေ့ရှိဖို့က အဓိကကျပါတယ်။
✨ အချိန်မီ သတိထား၊ အချိန်မီ ကုသပါ။ ကျန်းမာရေးက ဘယ်အရာထက်မဆို အရေးကြီးဆုံးပါနော်✨

#အမျိုးသမီးကျန်းမာရေး
#ကင်ဆာ

17/09/2024

အသက်ရှင်နေသေးလို့
မပျော်စရာကြားထဲ
ရယ်နေရသေးတာပါ .. သူငယ်ချင်းရာ

ကမ္ဘာဟာ ကပ်ရောဂါအမျိုးမျိုးကြားထဲ
တစ်ယောက်ကိုတစ်ယောက်က
ဆွဲထားကြတာ အင်းကျီတောင်ပြဲလုမတတ်ပဲ။

လက်တွေလည်း ကာတွန်းကားတွေထဲကလို
ရှည်ထွက်ရစမြဲဆိုရင်
ငါတို့အမြဲတမ်း တစ်ယောက်ကိုတစ်ယောက်
ဖမ်းမိနေမှာပေါ့ ..

ငိုပြီးရယ်ရတယ်တဲ့.. အလကား
လျှောက်ပြောတာသူငယ်ချင်း
ဒီနှစ်တွေထဲ ငိုပြီးရင်းငိုလိုက်ရတာ
မျက်ရည်တောင် မကျန်တော့ဘူး ..
စားသမျှအဟာရတောင် မျက်ရည်ပြန်ဖြစ်ဖို့
စားနေရသလိုပါပဲ..

ဆုံးရှုံးမှုအရသာက ဘာလဲလို့မေးရင်
မနေ့က စကားတွေပြောနေတုန်း
ဒီနေ့မှာ အဲ့ဒီလူရဲ့
နာရေးဖိတ်စာရောက်လာတာမျိုး..

တွေ့သမျှလူတိုင်းရဲ့နဖူးမှာ
သင်္ခါရ စာလုံးကိုထင်ထင်ရှားရှား
မြင်နေရတယ် ..

အိမ်ရှိနေသေးလို့ နေနေရတာပါ
သူငယ်ချင်းရာ
ကိုယ်ပိုင်ဆိုင်တာ ရေရေရာရာ မရှိပါဘူး
တချို့များ မိုးကာတဲထဲ ယိုနေတဲ့
မိုးကလေးတွေကို လိုက်ဖာထေးနေရရှာတယ်။

အသက်ရှင်နေသေးလို့ ရယ်နေရတာပါ
သူငယ်ချင်းရာ ..
အရမ်းကြီးပျော်နေရတာလည်းမဟုတ်ပါဘူး

ခေတ်ကာလကြီးက
ကောင်းကင်ဟာ အိုဇုန်းလွှာတင်မကဘူး
မေတ္တာတရားပါပေါက်ပြဲနေတာ
ဘယ်တော့ များ.. အိမ်ခေါင်မိုးပေါ်
လေယာဥ် ........
ကျလာမလဲမသိနေဘူးရယ်...

ဒီကြားထဲ ကိုယ့်ကိုယ်လည်း သနားလှပါပြီ
သူငယ်ချင်းရာ ..
ကိုယ်မတတ်နိုင်တဲ့အခိုက်အတန့်တွေတိုင်း
အရှုံးသမားတစ်ယောက်လို
ခံစားနေရတာပါပဲ ..

ဒီစကားကို ကိုယ့်ဒုက္ခထက်
နှစ်ဆ ပိုခံစားနေရတဲ့ လူတွေကြားရင်
ကိုယ့်ကိုယ်ရယ်ကြအုံးမယ်...ထင်ပါရဲ့ ။

Crd ( )
#ကိုယ့်ကိုယ်ကိုယ်အားမရခြင်း

https://www.facebook.com/share/p/DsTFbB2osJcxQt6m/?mibextid=oFDknk

19/04/2023

အပူချိန်အရမ်းမြင့်တက်နေပါတယ်။
ဒီနေ့ အပူချိန်ဟာ ၄၃ C အထိ တက်လာပါပြီ။ဒီအတိုင်း ဆက်တက်နေရင် ၄၅-၄၇C အထိ ရောက်နိုင်ပါတယ်။

အပူချိန် တက်နှုန်းတွေကိုလေ့လာကြည့်ရင် ယခင်က ၁C တက်ဖို့ ၁၀ နှစ် ကြာပါတယ်။ အခု ၃ နှစ် အတွင်း ၂`C တက်လာပါတယ်။အပူချိန် ၁C တက်လာတိုင်းပျမ်းမျှအသက် ၂ နှစ် လျော့စေပါတယ်။

အထူးသတိထားကြပါ။
မြန်မာတွေရဲ့ပျမ်းမျှအသက်ဟာ ကျား ၅၃၊ မ ၅၇ ဖြစ်ပါတယ်။ အခု အပူချိန် ၂C တက်လာမှုကြောင့်
၄ နှစ် ထပ်လျော့သွားနိုင်ပါတယ်။စိုထိုင်းဆလည်း အရမ်းလျော့နည်းနေပါတယ်။ ဒီအခြေအနေဟာ တော်သေးတယ်လို့ပြောလို့ ရပေမယ့်အပူဒဏ်ပို ခံစားရနိုင်ပါတယ်။

ဒီအချိန်မှာ အစားအစာ၊ အနေအထိုင်သတိပြုကြပါ။အအေးစာတွေက အပူစုပ်နိုင်ပေမယ့်အပူရှပ်ခြင်းကိုအဓိက ဖြစ်စေပါတယ်။

အရေးကြီးတာကနေပူထဲမှာနံက် ၁၁ နာရီမှ ညနေ ၃ နာရီအတွင်းသွားလာ လှုပ်ရှားအလုပ်လုပ်ကိုင်ခြင်းရှောင်ကြဉ်ကြပါ။ချည်သား အဝတ်ထူထူတွေက
အပူဒဏ်ကို ကာကွယ်ပေးနိုင်ပါတယ်။

အပူက ပြန်ရောက်လာစဉ်
အဝတ်များ ချွတ်ခြင်း၊ ရေခဲရေသောက်ခြင်း၊ ရေချိုးခြင်းတို့ ရှောင်ပါ။ဆားနှင့် ရေသောက်ခြင်းကိုလည်းမပြုလုပ်ကြပါနဲ့။

အပူက ပြန်ရောက်စဉ် ၅ မိနစ်ခန့် ပြန်လာစဉ်ကအတိုင်း နေပေးကြပါ။ အဲယားကွန်းခန်းအတွင်းအဝင်အထွက် လုပ်ကိုင်သွားလာနေရသူများသတိပြုကြပါ။

အပူမှ ပြန်ရောက်ချိန်
အဲကွန်းခန်းအတွင်းရုတ်တရက် ဝင်ရောက်ပါကခန္ဒာကိုယ်အရေပြားမှ သွေးများ ဗဟို သွေးလှည့်အဖွဲ့ထဲရောက်ရှိပြီးရုတ်တရက် သွေးပေါင်တက်ကာ
လေဖြတ်ခြင်း၊ ဦးနှောက်သွေးကြောပေါက်ခြင်းတို့ဖြစ်တတ်ပါတယ်။အဲကွန်းခန်းထဲ ကြာရှည်နေရသူများအပူထဲသို ထွက်ချိန်မှာသွေးပေါင်ထိုးကျပြီးမူးဝေတတ်ပါတယ်။

ရေများများ သောက်ပါ။
အငန်/အချိုလျော့စားကြပါ။
ချွေးထွက်လွန်သူမှ လွဲ၍ဓာတ်ဆားရေ သောက်ခြင်း လျော့ပါ။ဟင်းကျန်ထမင်းကျန်များ စားခြင်း ရှောင်ပါ။ဟင်းကျန်များ နွေးရာတွင်ရေဖြည့်ထည့်၍ နွေးပါ။လက်သုပ်များ လျော့စားပါ။

မိဘပြည်သူအများ ဘေးရန်ကင်းကွာ ကျန်းမာချမ်းသာကြပါစေ။

04/02/2023

04/02/2023

Together we can make change

Today is World Cancer Day, a day to recognise that together we can make change.

Each year over 1,000 Australian children are diagnosed with cancer. 🎗️

We know that better, kinder treatments for children with cancer are needed. And that better, kinder treatments are possible.

Children’s Cancer Foundation continue to work alongside and partner with like minded individuals and organisations to fund world-class research – knowing that together we will change the path of childhood cancer.

17/12/2022

အမျိုးသမီးများ အသက်အရွယ်အလိုက်လိုအပ်တဲ့ ကျန်းမာရေး ဆေးစစ်မှုများ
=================================

အမျိုးသမီးများ ဘဝမှာ ကျန်းမာအသက်ရှည်စွာ နေထိုင်သွားနိုင်ဖို့အတွက် ရောဂါတွေကို အဆင့်နုတုန်းမှာ ကြိုတင်သိရှိကုသနိုင်ဖို့ အသက်အရွယ်အလိုက် ပြုလုပ်သင့်တဲ့ ကျန်းမာရေးစစ်ဆေးမှုများကို ပြုလုပ်ပေးရမှာဖြစ်ပါတယ်။

#အသက်အရွယ်အလိုက် ပြုလုပ်သင့်တဲ့ ကျန်းမာရေးစစ်ဆေးမှုများကတော့..........
Credit

11/12/2022

(y)

07/11/2022

ပျော်ရွှင်မှုမှာ မွေ့လျော်တတ်ပါစေ။

“ကြည်လင်ပျော်ရွှင်တဲ့စိတ်”

ကိုယ့်ကိုယ်ကိုယ် ပြန်သုံးသပ်ကြည့်တဲ့အခါ …

စိတ်ကလေးကြည်လင်နေရင် အလုပ်လုပ်တာ သက်သောင့်သက်သာဖြစ်တယ်။ ပြဿနာတွေဆိုလည်း အကြီးကြီးလို့ မမြင်ဘဲ ငါရှင်းလိုက်ရင် ပြလည်သွားမှာပါလို့မြင်တယ်။ ပြဿနာလာပေးတဲ့သူရှိရင်လည်း ဪ သူ တစ်ခုခု အဆင်မပြေ ဖြစ်နေလားမသိဘူး၊ ငါ ဘာလေး လုပ်ပေးလိုက်ရင်တော့ အဆင်ပြေမှာပါ…
သားက စိတ်ရှုပ်အောင် လုပ်ရင်လည်း ငါ့ကြောင့်မဟုတ်ဘူး.. သူက သူ့ကိုယ်သူ ရှာဖွေနေတဲ့အချိန်မို့ စိတ်ရှုပ်နေတာနေမယ်… စသဖြင့် တွေးပေးနိုင်ပါတယ်။ လုပ်စရာရှိတာကို တည်တည်ငြိမ်ငြိမ်နဲ့ မလစ်ဟင်းဘဲလုပ်နိုင်တယ်။

ကိုယ်တိုင်စိတ်ရှုပ်နေရင်တော့ အသံကျယ်တဲ့သူဆိုလည်း စိတ်တိုမိတယ်၊ ပြဿနာလာပေးတဲ့သူနဲ့ဆိုလည်း သူ့ကို ကူဖြေရှင်းဖို့ဝေးစွ ဝေးဝေးပြေးချင်တယ်.. သားက ကိုယ်မကြိုက်တာ မဖြစ်စေချင်တာ ပြောရင် လုပ်လာရင်လည်း မအော်မိအောင် တအားသတိထားရတယ်။ အမှားတွေ လုပ်မိ ပြောမိတတ်ပါတယ်။

အဲတော့ စိတ်ကလေးကြည်လင်နေအောင် ကြိုးစားလုပ်ဖြစ်တဲ့ အလေ့အကျင့်လေးတွေကို ပြောပြချင်ပါတယ်။

🌻 Time Out

စိတ်တိုနေတဲ့အချိန်၊ စိတ်ရှုပ်နေတဲ့အချိန်မှာ ဆုံးဖြတ်ချက်ချတာ၊ အရေးကြီးတဲ့စကားတွေ ပြောတာ၊ social media posts တွေတင်တာ၊ email တွေ ပို့တာတွေ မလုပ်သေးဘဲ ခဏလေး ၅ မိနစ်၊ ၁၀ မိနစ်လောက် Time Out ယူဖို့ ကြိုးစားပါတယ်။

မိတ်ဆွေလည်း စိတ်ရှုပ်လာတဲ့အခါ ခဏလေး အိမ်ပြင်ထွက်လိုက်တာ၊ မတ်တတ်ရပ် လေဝဝရှူပြီး အသက်ရှူလေ့ကျင့်ခန်းလုပ်လိုက်တာ၊ ဘာသာရေးလုပ်တတ်သူဆိုရင်လည်း ရွတ်နေကျ ဘုရားစာလေး ခဏ ရွတ်လိုက်တာ စသဖြင့် စိတ်ပြောင်းအောင် တစ်ခုခုလေး လုပ်ကြည့်စေချင်ပါတယ်။ စိတ်အေးသွားတဲ့အခါ ခုနကလောက် တုန့်ပြန်မှု မပြင်းထန်တော့တာ တွေ့ရပါလိမ့်မယ်။

🌻 Lists of Activities/People

ကျွန်မလုပ်ဖြစ်တာလေး တစ်ခုက ကိုယ့်ကို စိတ်ကြည်လင်စေတဲ့၊ စိတ်ပျော်စေတဲ့ အရာတွေကို စာရွက်နဲ့ ရေးချပြီး အနားမှာ အမြဲထားထားဖြစ်ပါတယ်။ ကိုယ့်ကို ပျော်ရွှင်စေမဲ့ အလုပ်တွေ၊ ကိုယ့်ကို judge မလုပ်ဘဲ အကြံပေးနိုင်တဲ့၊ နားထောင်ပေးနိုင်တဲ့ ဘယ်ချိန်မဆို တိုင်ပင်လို့ရတဲ့ မိတ်ဆွေတွေကို စာရင်းလုပ်ထားပြီး အဲ့ထဲက တစ်ခုမဟုတ်တစ်ခု ထ လုပ်လိုက်တာ၊ နေ့တိုင်းမှာ အချိန်ပေးတာမျိုး လုပ်ဖြစ်ပါတယ်။

Activities ကို အရင်လုပ်ကြည့်ပြီး လူကို နောက်မှ ထားတာက အကြောင်းရှိပါတယ်။ ကိုယ့်မှာ mentor လို အမြဲတိုင်ပင်ဖို့အတွက် လူတစ်ယောက်ရှိတယ်ဆိုရင်တော့ ကိစ္စမရှိပေမဲ့ မိတ်ဆွေသူငယ်ချင်း ချစ်သူအဆင့်ဆိုရင်တော့ ကိုယ့်ဖါသာ အရင် မဖြေရှင်းကြည့်ဘဲ ကိစ္စတိုင်း သူ့ကို ပြောပြနေ အားကိုးနေရင် ဟိုဘက်လူလည်း ကြာလာတဲ့အခါ စိတ်ညစ်ညူးလာမယ်။

သူ့မှာလည်း ဖြေရှင်းနေရတဲ့ ပြဿနာတွေ ရှိနိုင်တာကိုး။ ကိုယ်လည်းသူ့အပေါ် အလွန်အကျွံ မှီခိုတာတွေ ဖြစ်လာမယ်။ ကြာတော့ ဆက်ဆံရေးကို ထိခိုက်စေနိုင်ပါတယ်။ ကိုယ့်ကိုယ်ကိုယ် အားကိုးပြီး ဖြေရှင်းကြည့်ပြီး မရတော့မှ နောက်ဆုံးလက်နက်အနေနဲ့ မိတ်ဆွေတွေ၊ ချစ်ခင်သူတွေကို ပြောပြတိုင်ပင်သင့်တယ်လို့ ထင်တာပါပဲ။

🌻 Mood Journal, Thoughts Journal, Gratitude Journal

ဒါက ကျွန်မရဲ့ mentor တစ်ယောက်ပေးတဲ့နည်းလေးပါ။ အမြဲသုံးဖြစ်ပါတယ်။ Journal စာအုပ်ထဲ ရေးချင်ရေး၊ မရှိရင်တော့ အနားက ဖုန်းထဲ notes sheet တစ်ခု ဖွင့်ပြီး ရေးလိုက်တာပါပဲ။ လူတိုင်းလိုလို နည်းလမ်းသိပေမဲ့ နေ့စဉ်လုပ်ဖို့ မေ့နေတတ်တဲ့ နည်းလေးတွေပါ။

ကိုယ့်ရဲ့ အတွေးတွေ၊ ခံစားချက်တွေ feelings, emotions တွေကို ရေးချတဲ့အခါ ခေါင်းလည်းရှင်းတယ်၊ ပိုပြီးလည်း မြင်သာလာပါတယ်။ အစမှာတော့ နည်းနည်း အသားမကျသလိုဖြစ်ပေမဲ့ အကျင့်ရလာတဲ့အခါ ရေးချလိုက်တာနဲ့ ဒါက ချက်ချင်း ဖြေရှင်းရမဲ့ ကိစ္စလား၊ ကိုယ်က သက်သက်မဲ့ တွေးပူနေတာလား၊ ကိုယ်မတတ်နိုင်တဲ့ out of control ကိစ္စလားဆိုတာ ကွဲပြားစေပါတယ်။ စိတ်ရှင်းသွားစေတာတော့ အမှန်ပါပဲ။

Gratitude journal ကတော့ လူတိုင်းလို သိကြ၊ ရေးကြပါတယ်။ ညအိပ်ခါနီးမှာ ကိုယ့်တစ်နေ့တာလုပ်ခဲ့တဲ့အရာတွေ၊ ပြီးမြောက်ခဲ့တာတွေ၊ အဆင်ပြေတာတွေ၊ ကိုယ့်ကို ကူညီပေးခဲ့တဲ့လူတွေကို ကျေးဇူးတင်တဲ့ အနေနဲ့ ချရေးတာပါ။ ဘဝက အမြဲ ပျော်စရာမကောင်းနေပေမဲ့ ကျေးဇူးတင်စရာ အခိုက်အတန့်လေးတွေကိုတော့ မြင်တတ်ဖို့ လိုပါတယ်။

ပုံလေးကတော့ ပရင့်ထုတ်ပြီး နံရံမှာ ကပ်ထားဖြစ်တဲ့ ကျွန်မရဲ့ စိတ်ကြိုက် activities လေးတွေပါ။ ကျွန်မတို့စိတ်ကို အမှိုက်ဖွမဲ့လူတွေ၊ အကြောင်းအရာတွေ၊ အဖြစ်အပျက်တွေက အမြဲလို ရှိနေမှာပဲမို့ ကိုယ့်ရဲ့ inner peace ကို ရဖို့၊ လူတိုင်းကို အဝင်မခံဖို့၊ inner circle မှာ ဘယ်သူ့ကို ပေးဝင်မှာလဲဆိုတာကို သတ်မှတ်ထားဖို့၊ ဝင်လာရင်လည်း ချက်ချင်းရှင်းထုတ်တတ်ဖို့ကို နေ့တိုင်း သတိပြုစေချင်ပါတယ်။

ထက်ရည်
7.11.2022