What are the opening hours?

Monday 09:00 - 18:00 Tuesday 09:00 - 18:00 Wednesday 09:00 - 18:00 Thursday 09:00 - 18:00 Friday 09:00 - 18:00 Saturday 09:00 - 18:00 Sunday 09:00 - 18:00

https://www.facebook.com/103808528835205/

WILMA - Specialist to Your Home, Yangon (2025)

05/04/2022

ဆေးရုံ၊ဆေးခန်းတွေ မသွားချင်ဘူး၊ အကြာကြီး ထိုင်စောင့်နေရမှာလဲ ကြောက်တယ်၊ ဒါပေမယ့် အထွေထွေရောဂါ အထူးကုသမားတော်နဲ့လဲ အေးအေးဆေးဆေး တိုင်ပင်ဆွေးနွေး ပြသချင်တယ်ဆိုရင်တော့ 𝗪𝗶𝗹𝗺𝗮 𝗦𝗽𝗲𝗰𝗶𝗮𝗹𝗶𝘀𝘁 𝘁𝗼 𝗬𝗼𝘂𝗿 𝗛𝗼𝗺𝗲 ကိုသတိရလိုက်ပါ။
🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹

𝗪𝗶𝗹𝗺𝗮 မှ ရယူနိုင်တဲ့ ဝန်ဆောင်မှုတွေကတော့_

[𝟭] 𝗥𝗲𝗴𝘂𝗹𝗮𝗿 𝗧𝗲𝗹𝗲𝗰𝗼𝗻𝘀𝘂𝗹𝘁𝗮𝘁𝗶𝗼𝗻 𝗦𝗲𝗿𝘃𝗶𝗰𝗲

လုပ်သက်ဆယ်နှစ်ကျော် အတွေ့အကြုံရှိသော အထူးကုသမားတော်တစ်ယောက်နဲ့ မိမိရောဂါအခြေအနေ၊ ဆောင်ရန်ရှောင်ရန်နှင့် ပုံမှန်စစ်ဆေးရမည့် ဓာတ်ခွဲအဖြေများအကြောင်းကို မိသားစုဆရာဝန်တစ်ယောက်ကဲ့သို့ မိမိအိမ်မှာတင် သက်တောင့်သက်သာဖြင့် ပြသဆွေးနွေးနိုင်ပြီး ကောင်းမွန်သောကျန်းမာရေးစောင့်ရှောက်မှုကို ရရှိဖို့အတွက် “𝗥𝗲𝗴𝘂𝗹𝗮𝗿 𝗧𝗲𝗹𝗲𝗰𝗼𝗻𝘀𝘂𝗹𝘁𝗮𝘁𝗶𝗼𝗻 𝗦𝗲𝗿𝘃𝗶𝗰𝗲” ရှိပါတယ်။

🌟 အထွေထွေရောဂါ အထူးကုသမားတော်နှင့် 15 minutes စာ ပြသဆွေးနွေးခွင့် အတွက် 𝗖𝗼𝗻𝘀𝘂𝗹𝘁𝗮𝘁𝗶𝗼𝗻 𝗳𝗲𝗲𝘀 - ၁၀,၀၀၀ ကျပ်သာ ကျသင့်မှာ ဖြစ်ပါတယ်။ လိုအပ်လျင်လဲ 15 minutes ထက်ပိုမို ကြာနိုင်ပါတယ်။

အသေးစိတ်ကိုလဲ ဒီမှာဖတ်ကြည့်လို့ရပါတယ်။
https://www.facebook.com/WilmaHomeSpecialist/posts/118519030697488
--------------------------------------------------------------------------

[𝟮] 𝗠𝗲𝗱𝗶𝗰𝗮𝗹 𝗖𝗵𝗲𝗰𝗸-𝘂𝗽 𝗖𝗼𝗻𝘀𝘂𝗹𝘁𝗮𝘁𝗶𝗼𝗻 𝗣𝗮𝗰𝗸𝗮𝗴𝗲

ကျန်းမာရေး စစ်ဆေးမှုတွေလုပ်ချင်တယ်၊ ဒါပေမယ့် ဆေးရုံတွေက ဝန်ဆောင်မှုပေးနေတဲ့ package လိုက်လဲမစစ်ချင်ဘူး၊ မိမိရဲ့ ကျန်းမာရေး အခြေအနေအရ ဘာတွေ စစ်ဆေးသင့်လဲလည်း မသေချာဘူး ဖြစ်နေသူတွေအတွက် Wilma မှ "𝗠𝗲𝗱𝗶𝗰𝗮𝗹 𝗖𝗵𝗲𝗰𝗸-𝘂𝗽 𝗖𝗼𝗻𝘀𝘂𝗹𝘁𝗮𝘁𝗶𝗼𝗻 𝗣𝗮𝗰𝗸𝗮𝗴𝗲 " ရှိပါတယ်။

ဒီ 𝗣𝗮𝗰𝗸𝗮𝗴𝗲 မှာ ရိုးရိုးအထွေထွေဆရာဝန် နှင့်မဟုတ်ပဲ အထွေထွေရောဂါ အထူးကုသမားတော် နှင့် နှစ်ကြိမ်တိုင်တိုင် (Medical check-up မလုပ်ခင်နှင့် Medical check-up လုပ်ပြီး ရရှိလာတဲ့ အဖြေတွေအပေါ်) တိုင်ပင် ဆွေးနွေး ကုသခွင့် ခံယူနိုင်မှာဖြစ်ပါတယ်။

🌟 𝗖𝗼𝗻𝘀𝘂𝗹𝘁𝗮𝘁𝗶𝗼𝗻 𝗳𝗲𝗲𝘀 ကို ၁၈,၅၀၀ ကျပ်သာ သတ်မှတ်ပေးထားပါတယ်။

ဒီ 𝗣𝗮𝗰𝗸𝗮𝗴𝗲 လေးရဲ့ အကျိုးကျေးဇူးတွေကတော့_
🔹 ဆေးရုံ၊ အထူးကု ဆေးခန်း သို့ သွားစရာမလိုပဲ ဈေးနှုန်းသက်သာစွာဖြင့် အထွေထွေရောဂါ အထူးကုသမားတော် နှင့် ဆွေးနွေးနိုင်ခြင်း၊
🔹 မိမိ၏ ကျန်းမာရေး အခြေအနေပေါ် မူတည်ပြီး လိုအပ်သည်များကိုသာ ရွေးချယ် စစ်ဆေးရန် ညွှန်ကြားပေးခြင်း၊
🔹 မိမိ ပြောလိုသည်ကို အချိန်ယူ ဆွေးနွေးပေးခြင်း၊
🔹 ကျန်းမာရေး စစ်ဆေးမှုမှ ရရှိလာသော အဖြေများကို သေချာစွာ ရှင်းပြပေးခြင်း၊
🔹 ကျန်းမာရေး စစ်ဆေးမှု အဖြေတွေအရ လိုအပ်လျှင် လိုအပ်သလို ဆေးကုသမှု ခံယူနိုင်ခြင်း၊
🔹 အချိန်ကုန် သက်သာခြင်း တို့ပဲဖြစ်ပါတယ်။

-------------------------------------------------------------------------

[𝟯] 𝗖𝗼𝘃𝗶𝗱 𝗖𝗮𝗿𝗲 𝗣𝗮𝗰𝗸𝗮𝗴𝗲

ကိုဗစ်လူနာတွေ အိမ်မှာပဲ စိုးရိမ်စိတ်ကင်းကင်း၊ ဈေးနှုန်း သက်သက်သာသာနဲ့ ပြန်လည်နေကောင်း ကျန်းမာ လာစေဖို့ Wilma က "ကိုဗစ် စောင့်ရှောက်မှု package" လေး လုပ်ပေးထားတာဖြစ်ပါတယ်။ ဒီ ဝန်ဆောင်မှုမှာ package A နဲ့ B ဆိုပြီး နှစ်မျိုးရှိပါတယ်။

🌟 Package A ကတော့ သုံးရက်တာ (𝟯 𝗰𝗼𝗻𝘀𝗲𝗰𝘂𝘁𝗶𝘃𝗲 𝗱𝗮𝘆𝘀) သတ်မှတ်ထားပြီး 𝗖𝗼𝗻𝘀𝘂𝗹𝘁𝗮𝘁𝗶𝗼𝗻 𝗳𝗲𝗲𝘀 - ၂၀,၀၀၀ ကျပ်သာ ကျသင့်မှာ ဖြစ်ပါတယ်။

🌟 Package B ကတော့ ငါးရက်တာ (𝟱 𝗰𝗼𝗻𝘀𝗲𝗰𝘂𝘁𝗶𝘃𝗲 𝗱𝗮𝘆𝘀) သတ်မှတ်ထားပြီး 𝗖𝗼𝗻𝘀𝘂𝗹𝘁𝗮𝘁𝗶𝗼𝗻 𝗳𝗲𝗲𝘀 - ၃၀,၀၀၀ ကျပ် သာ ကျသင့်မှာ ဖြစ်ပါတယ်။

သတ်မှတ်ထားတဲ့ ရက်အတွင်း သတ်မှတ်ထားသော အချိန်တွင် နေ့စဉ် သမားတော်နှင့် ဖုန်း (သို့) viber မှ ဆက်သွယ်ဆွေးနွေးပြသရမှာဖြစ်ပြီး လိုအပ်ရင် လိုအပ်သလို ရောဂါ အခြေအနေ စစ်ဆေးမှု၊ ဆေးဝါး များကို တိုက်ရိုက် ညွှန်ကြား ပေးမှာ ဖြစ်ပါတယ်။

အသေးစိတ်ကိုလဲ ဒီမှာဖတ်ကြည့်လို့ရပါတယ်။
https://www.facebook.com/WilmaHomeSpecialist/posts/118519030697488

☎️ ဖုန်းနံပါတ် 𝟎𝟗-𝟐𝟔𝟎𝟕𝟔𝟑𝟕𝟑𝟕 သို့မဟုတ် 𝐖𝐢𝐥𝐦𝐚 𝐩𝐚𝐠𝐞 𝐦𝐞𝐬𝐬𝐞𝐧𝐠𝐞𝐫 m.me/WilmaHomeSpecialist သို့ လူနာအမည်၊ ကျား/မ၊ အသက်၊ Viber အသုံးပြုမည့်ဖုန်းနံပါတ်၊ ပြသလိုသော အကြောင်းအရာ နှင့် ပြသလိုသောနေ့ရက် အချိန် တို့ကိုပြော၍ အနည်းဆုံးတစ်ရက်ကြိုတင် Booking ယူကာ ပြသနိုင်ပါသည်။

Thanks for being our valued customers ! 🙏😊😊

𝗪𝗜𝗟𝗠𝗔 - 𝗦𝗽𝗲𝗰𝗶𝗮𝗹𝗶𝘀𝘁 𝘁𝗼 𝗬𝗼𝘂𝗿 𝗛𝗼𝗺𝗲

03/04/2022

#အပူဒဏ်ကြောင့်ခြေကုန်လက်ပန်းကျခြင်းနှင့်_အပူရှပ်ခြင်း
🔸🔸🔸🔸🔸🔸🔸🔸🔸🔸🔸🔸🔸🔸🔸🔸🔸🔸🔸

အခုတလော ရာသီဥတုက ပူပြင်းလာပြီ ဖြစ်တဲ့အတွက် 𝗛𝗲𝗮𝘁 𝗲𝘅𝗵𝗮𝘂𝘀𝘁𝗶𝗼𝗻 လို့ခေါ်တဲ့ အပူဒဏ်ကြောင့် ခြေကုန်လက်ပန်းကျခြင်း နဲ့ 𝗛𝗲𝗮𝘁 𝘀𝘁𝗿𝗼𝗸𝗲 လို့ခေါ်တဲ့ အပူရှပ်ခြင်းများ မဖြစ်အောင် အထူး ဂရုစိုက်ကြရပါမယ်။ အဲ့ဒီတော့ အပူဒဏ်ကြောင့် ခြေကုန်လက်ပန်းကျခြင်း နဲ့ အပူရှပ်ခြင်း ဟုတ်/မဟုတ် ဘယ်လိုသိနိုင်မလဲ၊ ဖြစ်လာခဲ့ရင် ဘာတွေလုပ်ဆောင်သင့်လဲဆိုတာလေးတွေ အောက်မှာ အသေးစိတ် ပြောပြပေးပါမယ်။

🔶 𝗛𝗲𝗮𝘁 𝗲𝘅𝗵𝗮𝘂𝘀𝘁𝗶𝗼𝗻 (အပူဒဏ်ကြောင့်ခြေကုန်လက်ပန်းကျခြင်း) နှင့် 𝗛𝗲𝗮𝘁 𝘀𝘁𝗿𝗼𝗸𝗲 (အပူရှပ်ခြင်း) တွေဟာ ဘယ်လိုလူတွေမှာ အဖြစ်များသလဲဆိုရင် နေပူထဲမှာ အချိန်ကြာမြင့်စွာ နေရသူ (သို့) ပင်ပင်ပန်းပန်း အလုပ်လုပ်ရသူ၊ အားကစား ပြင်းပြင်းထန်ထန် လုပ်သူ၊ အထူးသဖြင့် ဦးထုပ်၊ ထီး၊ အဆောင်း အကာမပါဘဲ နေပူထဲ သွားလာလှုပ်ရှား အလုပ်လုပ်နေရသူများနှင့် အရက်မှီဝဲထားသူတို့မှာ အဖြစ်များတတ်ပါတယ်။

✅ အပူဒဏ်ကြောင့်ခြေကုန်လက်ပန်းကျခြင်းကို ကာကွယ်ရန်_
အပူချိန်အမြင့်ဆုံး အချိန်များတွင် တတ်နိုင်သမျှ နေပူထဲမထွက်ပါနှင့်၊ အရိပ်ရပြီးအေးမြသော လေဝင်လေထွက်ကောင်းသောနေရာတွင်နေပါ။ နေပူထဲ မဖြစ်မနေ ထွက်ရမည်ဆိုလျှင် ဦးထုပ်၊ ထီး၊ အဆောင်း အကာများဝတ်ဆင်ပါ။ အရောင်နုနု ပွပွချောင်ချောင် ချည်သား အဝတ်ကို ရွေးချယ်ဝတ်ဆင်ပါ။ ချွေးထွက်များလျှင် ရေနှင့်ဓာတ်ဆားလုံလောက်စွာ သောက်သုံးပါ။

🔶 အပူဒဏ်ကြောင့်ခြေကုန်လက်ပန်းကျခြင်း ရဲ့ လက္ခဏာများ_
ချွေးထွက်လွန်ခြင်း၊ ပင်ပန်းနုံးချိခြင်း၊ ခေါင်းမူးခေါင်းကိုက်ခြင်း၊ ပျို့အန်ခြင်း၊ မူးမေ့ခြင်း၊ ကြွက်တက်ခြင်း၊ သွေးပေါင်ချိန်မမှန်ခြင်း တို့ဖြစ်ပါတယ်။

✅ အပူဒဏ်ကြောင့်ခြေကုန်လက်ပန်းကျခြင်း (𝗛𝗲𝗮𝘁 𝗲𝘅𝗵𝗮𝘂𝘀𝘁𝗶𝗼𝗻) ဖြစ်ခဲ့လျှင်_
အေးအေးလူလူ နားပါ။ ထူထဲသော အဝတ်အစားများချွတ်ပြီး လဲပစ်ပါ။ ရေအေးနှင့် ရေပတ်တိုက်ပါ (သို့) ရေချိုးပါ။ ရေအေးအေး/ ဓာတ်ဆားရည်သောက်ပါ။
ထိုသို့ လုပ်ဆောင်ပေးသော်လည်း ရောဂါလက္ခဏာများ သက်သာခြင်း မရှိပါက အပူရှပ်ခြင်း (𝗛𝗲𝗮𝘁 𝘀𝘁𝗿𝗼𝗸𝗲) အဆင့်ထိ ရောက်သွားနိုင်တဲ့အတွက် နီးစပ်ရာဆေးရုံ/ ဆေးခန်းသို့ သွားသင့်ပါတယ်။

🔶 အပူရှပ်ခြင်း (𝗛𝗲𝗮𝘁 𝘀𝘁𝗿𝗼𝗸𝗲) ရဲ့ လက္ခဏာများ_
ကိုယ်ပူချိန် ၁၀၄°ဖာရင်ဟိုက်/ ၄၀°ဆဲလ်စီးရပ်(စ်) နှင့် အထက်တက်ခြင်း၊ ကယောင်ကတမ်းဖြစ်ခြင်း၊ တက်ခြင်း၊ သတိလစ်ခြင်း၊ ချွေးမထွက်ဘဲ တကိုယ်လုံးနီရဲပူခြစ်ခြောက်သွေ့နေခြင်း၊ ခေါင်းကိုက်ခြင်း၊ ပျို့အန်ခြင်း၊ သွေးခုန်နှုန်းမြန်ခြင်း၊ အသက်ရှူမြန်ခြင်း အစရှိတာတွေဖြစ်ပါတယ်။

✅ အပူရှပ်ခြင်း ဖြစ်လျှင် လုပ်ဆောင်ရမယ့် ရှေးဦးသူနာပြုစုနည်းတွေကတော့_
လူနာကို အရိပ်ရပြီး အေးမြသောနေရာသို့ ရွှေ့ထားပါ။ လူနာကိုလဲလျောင်းထားပါ။ ခြေရင်းပိုင်း အနည်းငယ်မြှင့်ထားပါ။ ရေအေးပတ်နိုင်နိုင်တိုက်ပါ (အဓိကနေရာတွေဖြစ်တဲ့ လည်ပင်း၊ ချိုင်း၊ ပေါင်ခြံတို့တွင် ရေအေးပတ်ကပ်ပါ)။ ဖြစ်နိုင်ပါက ပန်ကာ (သို့) အဲယားကွန်း ဖွင့်ထားပေးပါ။ သတိကောင်းစွာရပါမှ ရေအေးအေး/ဓာတ်ဆားရည် တို့ကိုတိုက်ပါ။ ဆေးရုံသို့ပို့ရန် အမြန်ဆုံး စီစဥ်ပါ။

🚨 𝗛𝗲𝗮𝘁 𝘀𝘁𝗿𝗼𝗸𝗲 လို့ခေါ်တဲ့ အပူရှပ်ခြင်းဟာ တအားတက်နေတဲ့ ကိုယ်အပူချိန်ကို အချိန်တိုအတွင်း မြန်မြန်မချနိုင်ရင် အင်မတန်စိုးရိမ်ရပါတယ်။ ဦးနှောက် အပါအဝင် ကိုယ်တွင်းကလီစာတွေ ပျက်ဆီးပြီး အသက်ဆုံးရှုံးတဲ့အထိ ဖြစ်နိုင်ပါတယ်။

အားလုံးပဲ ကျန်းမာကြပါစေ 🙏🙏🙏။

**********************************************************************

27/02/2022

ဒီနေ့မှာတော့ 𝗖𝗢𝗩𝗜𝗗-𝟭𝟵 ရောဂါ ဖြစ်ပွားပြီးသူတွေမှာ ကြုံရတဲ့ ပြဿနာတွေနဲ့ ဆောင်ရန်၊ ရှောင်ရန်လေးတွေ ပြောပြချင်ပါတယ်။ 👌👌

အဲဒါလေး မပြောခင် 𝗖𝗢𝗩𝗜𝗗-𝟭𝟵 ရောဂါပိုးဟာ ခန္ဓာကိုယ်ရဲ့ ဘယ်အစိတ်အပိုင်းကို အများဆုံး ထိခိုက်လဲဆိုတာကနေ စပြောချင်ပါတယ်။

ထိခိုက်မှု အများဆုံကတော့ အဆုတ်ပါ။ Covid 19 ရောဂါ ပြင်းပြင်းထန်ထန် ခံစားခဲ့ရသူတွေမှာ အဓိကအားဖြင့် အဆုတ်ကို ထိခိုက်ပြီး အားနည်းတာ၊ သွေးကြောရောင်ရမ်းပြီး (အဆုတ်သွေးကြော၊ ခြေထောက်သွေးကြော စသဖြင့် တို့တွင်) သွေးခဲတာတွေ အဖြစ်များပါတယ်။ ဒါ့အပြင် နှလုံး ရောင်ရမ်းခြင်း၊ နှလုံး သွေးကြောပိတ်ခြင်း၊ လေဖျန်းခြင်း၊ လေဖြတ်ခြင်း၊ အာရုံကြောအားနည်းခြင်း၊ အသည်းရောင်ခြင်း၊ ကျောက်ကပ်အားနည်းခြင်း စတာတွေလဲ ဖြစ်နိုင်ပါတယ်။
လေ့လာတွေ့ရှိချက်တွေအရ COVID 19 virus (Omicron) မျိုးစိပ်က ပြင်းထန်မှု သိပ်အဖြစ် မများဘူးလို့ ပြောကြပေမယ့် မိမိရဲ့ ကိုယ်ခံအားအခြေအနေ၊ ရောဂါအခံများပြားမှု စတာတွေပေါ်မူတည်ပြီးပြင်းထန်သူတွေလဲရှိပါတယ်။ ပြီးတော့ ခုကိုဗစ် ဖြစ်သူတိုင်းက omicron ချည်းဘဲလို့ တထစ်ချ ယူဆလို့မရနိုင်ပါ။ Delta မျိုးစိပ်ကလဲ ဆက်လက်ဖြစ်ပွားနေဆဲပါ။ အစိုးရိမ်မလွန်သင့်ပေမယ့် ရောဂါဖြစ်လာချိန်နဲ့ ဖြစ်ပြီးချိန်တွေမှာ ဂရုတော့စိုက်ရပါမယ်။

ℹ️ 𝗖𝗢𝗩𝗜𝗗-𝟭𝟵 ရောဂါ ဖြစ်ပွားပြီးသူတွေမှာ ကြုံရတဲ့ ပြဿနာတွေက ဘာတွေဖြစ်မလဲ?

🟠 ရုပ်ပိုင်းဆိုင်ရာအားဖြင့် ခန္ဓာကိုယ်က နုံးချိအားနည်းတာ၊ ခံတွင်းပျက်တာ၊ အဆစ်အမြစ်နဲ့ ကြွက်သားနာကျင်တာ၊ ချောင်းဆိုးကျန်နေတာ၊ အနံ့ပြန်မရသေးတာ၊ ဆံပင်ကျွတ်တာ စတာတွေ ဖြစ်လေ့ရှိပါတယ်။
🔵 စိတ်ပိုင်းဆိုင်ရာအားဖြင့်တော့ စိုးရိမ်စိတ်များတာ၊ အတွေးလွန်တာ၊ ညအိပ်မပျော်တာတွေ ဖြစ်တတ်ပါတယ်။ ဒါတွေဟာ ဖြစ်ရိုးဖြစ်စဉ်မို့ စိုးရိမ်စိတ်မထားပဲ အာဟာရရှိတာစား၊ ညအိပ်အပျော်ရင် နေ့လည် ခဏတဖြုတ် ပြန်အိပ်၊ တတ်နိုင်သလောက် အပေါ့စား လေ့ကျင့်ခန်းလေးတွေ လုပ်ပေးမယ်ဆိုရင် တဖြေးဖြေး ပုံမှန် ပြန်ဖြစ်လာမှာပါ။

✅ 𝗖𝗢𝗩𝗜𝗗-𝟭𝟵 ရောဂါ ဖြစ်ပွားပြီးသူတွေအတွက် ဆောင်ရန် အချက်တွေက ဘာများဖြစ်မလဲ?

🟢 ရုပ်ပိုင်းဆိုင်ရာပြသနာများအတွက်ကတော့ သင့်တော်တဲ့ဆေးဝါးမှီဝဲရပါမယ်။ ရောဂါအခံရှိရင် သေချာ ဆက်လက်ကုသဖို့ လိုပါမယ်။ အာဟာရပြည့်ဝအောင်စားသောက်ဖို့လိုပါမယ်။ အနားယူချိန်လုံ လုံလောက်လောက်ရှိဖို့လိုပါတယ်။ ကိုယ်နဲ့သင့်တော်မယ့် ကိုယ်လက်လှုပ်ရှားမှု/ လေ့ကျင့်ခန်းများ လုပ်သင့်ပါတယ်။ စိတ်အေးချမ်းမှုရမယ့် စာပေဖတ်ရှုတာ၊ တရားထိုင်တာ၊ ငြိမ့်ညောင်း သာယာတဲ့ သီချင်းတွေ နားထောင်တာ၊ မိသားစု/ မိတ်ဆွေတွေနဲ့ နွေးနွေးထွေးထွေး ပြောဆိုဆက်ဆံတာတွေ လုပ်ပေးသင့်ပါတယ်။

❌ 𝗖𝗢𝗩𝗜𝗗-𝟭𝟵 ရောဂါ ဖြစ်ပွားပြီးသူတွေ အတွက် ရှောင်ရန်အချက်တွေက ဘာတွေလဲ?

🔴 အလုပ်အလွန်အကျွံလုပ်တာ၊ အစားအသောက်မမှန်တာ၊ အနားယူချိန်နည်းပါးတာ၊ ကိုယ်လက်လှုပ်ရှားမှုမရှိတာ၊ အရက်၊ ဆေးလိပ်၊ ကွမ်း သုံးစွဲတာ၊ ရောဂါအခံကို သေချာ ဆက်မကုသပဲ ထားတာ၊ stress များစေတဲ့ social media အလွန်အမင်း အသုံးပြုတာ စတဲ့အချက်တွေကိုသတိထားရှောင်ရှားသင့်ပါတယ်။

✅ 𝗖𝗢𝗩𝗜𝗗-𝟭𝟵 ရောဂါ ဖြစ်ပွားပြီးရင် ဘာစစ်ဆေးမှုတွေလုပ်သင့်သလဲ?

🟢 အသက်အရွယ် အပိုင်းအခြား၊ ရောဂါအခံ အနေအထား၊ ကိုဗစ် ဖြစ်နေစဥ်ပြင်းထန်မှု အခြေအနေပေါ်မူတည်ပြီး စစ်ဆေးရမဲ့ အကြောင်းအရာတွေ ကွာခြားမှု ရှိနိုင်ပါတယ်။ ဒါကြောင့်မို့ သက်ဆိုင်ရာ (သို့) ပြလက်စ ဆရာဝန်ရဲ့ ညွှန်ကြားချက်နဲ့ စစ်ဆေးကြည့်တာက အကောင်းဆုံးပါ။

✅ 𝗖𝗢𝗩𝗜𝗗-𝟭𝟵 ရောဂါ ဖြစ်ပြီး ဘယ်လောက်အကြာမှာ booster ထိုးလို့ရမလဲ?

🟢 အနည်းဆုံး ၁ လ (4 weeks) အကြာမှာ booster ထိုးလို့ရပါတယ်။

ℹ️ 𝗖𝗢𝗩𝗜𝗗-𝟭𝟵 ရောဂါ တခါဖြစ်ဖူးရင်နောက်ဖြစ်နိုင်သေးလား?

🟡 ဖြစ်နိုင်ပါတယ်။ ဒါ့ကြောင့် မိမိမျက်နှာနဲ့ အံဝင်ခွင်ကျဖြစ်မယ့် mask ကိုစနစ်တကျတပ်ဆင်ပါ။ မကြာခဏ လက်ဆေးပါ။ လူစုလူဝေး ရှောင်ရှားပါ။ ကာကွယ်ဆေးထိုးပါ။ တခါဖြစ်ဖူးလဲ မပေါ့ဆကြပါနဲ့လို့ ပြောချင်ပါတယ်။

ဒီကပ်ဆိုးကြီးကို ကျော်လွှားနိုင်ပြီး အားလုံးပဲ ကျန်းမာကြပါစေ 🙏🙏🙏။
+++++++++++++++++++++++++++++++++++++++++

☀️ အိုမီခရွန်အကြောင်းသိကောင်းစရာလေးတွေကိုတော့ ဒီလင့်မှာ ဖတ်လို့ရပါတယ်။
https://www.facebook.com/WilmaHomeSpecialist/posts/123961196819938

☀️ 𝗪𝗜𝗟𝗠𝗔 မှ ရရှိနိုင်တဲ့ ကိုဗစ် စောင့်ရှောက်မှု package (𝘾𝙤𝙫𝙞𝙙 𝙘𝙖𝙧𝙚 𝙥𝙖𝙘𝙠𝙖𝙜𝙚 𝙗𝙮 𝙎𝙥𝙚𝙘𝙞𝙖𝙡𝙞𝙨𝙩 ) အကြောင်းသိချင်ရင်တော့ ဒီလင့်မှာ ဖတ်လို့ရပါတယ်။
https://www.facebook.com/WilmaHomeSpecialist/posts/124957663386958

24/02/2022

🔶 𝙋𝙧𝙖𝙘𝙩𝙞𝙘𝙞𝙣𝙜 𝙃𝙚𝙖𝙧𝙩-𝙃𝙚𝙖𝙡𝙩𝙝𝙮 𝙇𝙞𝙛𝙚𝙨𝙩𝙮𝙡𝙚 🔶

𝗖𝗢𝗩𝗜𝗗-𝟭𝟵 ကပ်ရောဂါ ကာလအတွင်း နေ့စဥ်ဘဝတွေက စိတ်ဖိစီးမှုများနေတတ်ပါတယ်။ ဒါပေမယ့်လည်း ယခုအချိန်ဟာ 𝗖𝗢𝗩𝗜𝗗-𝟭𝟵 ကပ်ရောဂါကြီး ကြားကပဲ ကျန်းမာစေတဲ့ ဘဝနေထိုင်မှု ပုံစံနဲ့ အသားကျရပါတော့မယ်။

#ကိုရိုနာဗိုင်းရပ်စ်နှင့်_နှလုံး
နှလုံးနှင့် အဆုတ်ဟာ ခန္ဓာကိုယ်အတွင်း အောက်ဆီဂျင်ကို ထိန်းသိမ်းရန် အတူတကွ လုပ်ဆောင်ကြပါတယ်။ Novel Coronavirus (COVID-19) ကဲ့သို့သော အသက်ရှူလမ်းကြောင်း ဆိုင်ရာ ရောဂါတစ်ခုခုကြောင့် အဆုတ်ကို ထိခိုက်မိတဲ့အခါ၊ နှလုံးကိုလည်း ထိခိုက်နိုင်ပါတယ်။ နှလုံးက သွေးညှစ်ထုတ်ရန် အားထုတ်ရမှာဖြစ်ပြီး၊ နှလုံးရောဂါရှိသူအတွက်ဆို ပို၍ပင်ခက်ခဲနိုင်ပါတယ်။

🔶 အဲ့တာကြောင့် နေ့စဥ် ပြေးလွှားပြီး ရုံးတက်နေရတာထက် အိမ်မှာရှိနေရခြင်း (e.g. 𝘄𝗼𝗿𝗸 𝗳𝗿𝗼𝗺 𝗵𝗼𝗺𝗲) သို့မဟုတ် တစ်ပတ်ခြားစီ ရုံးတက်ရတာမျိုးက သင့်ကျန်းမာရေးကို ပိုဂရုစိုက်ဖို့ အခွင့်အရေးပေးလိုက်သလိုပါပဲ။

🔶 အခုပဲ နှလုံး (𝙃𝙚𝙖𝙧𝙩) ကျန်းမာစေနိုင်သော နေထိုင်မှုပုံစံကို (𝙇𝙞𝙛𝙚𝙨𝙩𝙮𝙡𝙚) ကို စတင် လေ့ကျင့်ကြရအောင်။

(၁) အိမ်ထဲမှာပဲ (𝘼𝙘𝙩𝙞𝙫𝙚 ဖြစ်အောင်) တက်တက်ကြကြွနေပါ 👯‍♀️🏋️‍♀️🤸‍♀️🧘‍♂️🧘‍♀️

အိမ်မှာ လေ့ကျင့်ခန်းလုပ်ဖို့ ကိရိယာတွေရှိရင် အသုံးပြု၍ လေ့ကျင့်ခန်း ပုံမှန်လုပ်ပါ၊ မဟုတ်ပါကလဲ အိမ်တွင်း (သို့) အိမ်တစ်ပတ် ပတ်၍လမ်းလျှောက်ခြင်း (သို့) လှေကားထစ်များ အတက်အဆင်း လုပ်ခြင်းဖြင့် လေ့ကျင့်ခန်းလုပ်ပါ။

(၂) အစားအသောက် ပုံစံ ပြုပြင်ပြောင်းလဲပါ 👩‍🍳🧑‍🍳

အရင်က ရုံးချိန်မှီအောင် အပြေးအလွား သွားရတဲ့အခါ လွယ်ကူတာပဲ ချက်ဖြစ်တာမျိုး၊ ဆိုင်ကပဲဝယ်စားလိုက်တာမျိုး ဖြစ်တတ်ပါတယ်။ ရုံးအသွား အပြန် အချိန် သက်သာသွားတဲ့အခါမှာ (𝗠𝗲𝗮𝗹 𝗽𝗹𝗮𝗻 သေချာ ချပြီး) ချက်ပြုတ်တဲ့ အလေ့အထကို ပြုလုပ်ကြည့်ပါ။ ရေရှည်မှာ မိမိအတွက် အကျိုးရှိစေမည့် ကျန်းမာရေးနှင့် ညီညွတ်စေတဲ့ အစားအစာများကို စားသုံးပါ။

(၃) ဆေးလိပ်ဖြတ်ပါ ⛔️🚬🚫

COVID-19 သည် အသက်ရှူလမ်းကြောင်းဆိုင်ရာ ရောဂါတစ်ခုဖြစ်ပါတယ်။ အဲ့လိုဖြစ်တဲ့ အလျောက် ဆေးလိပ်သောက်သူများသည် အဆုတ်စွမ်းရည်ကို လျှောကျစေနိုင်တဲ့ အတွက် COVID-19 ရောဂါကူးစက်ခံရတဲ့အခါ ၎င်းတို့ကို အန္တရာယ်ပိုဖြစ်စေနိုင်ပါတယ်။ ထို့အပြင် ပါးစပ်ထဲတွင် စီးကရက် ခဲထားတဲ့အတွက် 𝗺𝗮𝘀𝗸 တပ်ဖို့ မေ့လျော့နေတတ်ပီး ဗိုင်းရပ်စ်ကူးစက်ရန် အခွင့်အလမ်း ပေးသလို ဖြစ်စေတဲ့အတွက် ယခုအချိန်ဟာ ဆေးလိပ်ဖြတ်ရမည့်အချိန်ဖြစ်ပါတယ်။

********************************************************************

☀️ အိုမီခရွန်အကြောင်းသိကောင်းစရာလေးတွေကိုတော့ ဒီလင့်မှာ ဖတ်လို့ရပါတယ်။
https://www.facebook.com/WilmaHomeSpecialist/posts/123961196819938

21/02/2022

#ကိုရိုနာဗိုင်းရပ်စ်နှင့်နှလုံး_နှလုံးရောဂါ
💕💕💕💕💕💕💕💕💕💕💕

နှလုံးနှင့် အဆုတ်ဟာ ခန္ဓာကိုယ်အတွင်း အောက်ဆီဂျင်ကို ထိန်းသိမ်းရန် အတူတကွ လုပ်ဆောင်ကြပါတယ်။ Novel Coronavirus (COVID-19) ကဲ့သို့သော အသက်ရှူလမ်းကြောင်းဆိုင်ရာ ရောဂါတစ်ခုခုကြောင့် အဆုတ်ကို ထိခိုက်မိတဲ့အခါ၊ နှလုံးကိုလည်း ထိခိုက်နိုင်ပါတယ်။ နှလုံးက သွေးညှစ်ထုတ်ရန် အားထုတ်ရမှာဖြစ်ပြီး၊ နှလုံးရောဂါရှိသူအတွက်ဆို ပို၍ပင်ခက်ခဲနိုင်ပါတယ်။

မိမိမှာ နှလုံးသွေးကြောဆိုင်ရာ ရောဂါတစ်မျိုးမျိုးရှိပါက COVID-19 နှင့်ပတ်သက်၍ ပိုမိုသတိထားသင့်ပြီး social distancing နှင့် ကိုရိုနာဗိုင်းရပ်ကူးစက်ခြင်းမှ ကာကွယ်ရန် အခြားနည်းလမ်းများကို လုပ်ဆောင်သင့်ပါတယ်။

အချို့သော နှလုံးလူနာများသည် ရောဂါကူးစက်နိုင်ခြေ မြင့်မားနိုင်ပြီး၊ အချို့မှာ ရောဂါကူးစက်ခံရပါက ဗိုင်းရပ်စ်က နှလုံးကြွက်သား သို့မဟုတ် သွေးကြောများကို ပျက်စီးစေကာနောက်ဆက်တွဲပြဿနာများ ဖြစ်နိုင်ခြေပိုများပါတယ်။ ယေဘုယျအားဖြင့် အသက် 65 နှစ်အထက် သွေးကြောကျဉ်းရောဂါ သို့မဟုတ် သွေးတိုးရောဂါရှိသူတို့မှာ နောက်ဆက်တွဲ ဖြစ်နိုင်ချေ ပိုများပါတယ်။
-------------------------------------------------------------------------

☀️ COVID-19 ရောဂါလက္ခဏာများ နှင့် #နှလုံးလူနာများ ☀️

COVID-19 ကြောင့် အဆုတ် ရောဂါ၊ အဆုတ်ဒဏ်ရာရခြင်း ရောဂါလက္ခဏာများကတော့ နှလုံးရောဂါရှိသူနှင့် မရှိသူများအတွက် အတူတူပဲ ဖြစ်ပါတယ်။

🔴 အချို့သော အဆုတ်ရောဂါလက္ခဏာများသည် အသက်ရှူကြပ်ခြင်းနှင့် ရင်ဘတ် မအီမသာဖြစ်ခြင်း ကဲ့သို့သော နှလုံးပြဿနာများနှင့်လည်း ဆင်တူကြောင်း၊ COVID-19 ဟုလဲ အမြဲမဆိုနိုင်ကြောင်း၊ ၎င်းလက္ခဏာတို့သည် ဆေးဝါးကုသမှုခံယူရန် လိုအပ်သော ပြင်းထန်သော နှလုံးပြဿနာကိုလဲ ညွှန်ပြနိုင်ကြောင်း နားလည်သဘောပေါက်ထားရန် အရေးကြီးပါတယ်။

🚨🚑 ပြင်းထန်သော အသက်ရှုလမ်းကြောင်းဆိုင်ရာ ပြဿနာများ ခံစားရခြင်း၊ ကြာရှည်စွာ ရင်ဘတ်အောင့်ခြင်း သို့မဟုတ် ဖိအားများ ခံစားရခြင်း၊ နှုတ်ခမ်းများ သို့မဟုတ် မျက်နှာ နီလာခြင်း တို့ ခံစားရပါက ဆေးရုံဆေးခန်း/ အရေးပေါ် (Emergency) သို့ ချက်ချင်း သွားသင့်ပါသည်။

🚨 #နှလုံးဖောက်ခြင်း၏လက္ခဏာများမှာ-

✅ ရင်ဘတ်အောင့်ခြင်း သို့မဟုတ် မအီမသာဖြစ်ခြင်း။
✅ အားနည်းခြင်း၊ မူးမေ့ခြင်း တို့ကို ခံစားရခြင်း။
✅ မေးရိုး၊ လည်ပင်း သို့မဟုတ် နောက်ကျောတွင် နာကျင်ခြင်း သို့မဟုတ် မအီမသာဖြစ်ခြင်း။
✅ လက်နှစ်ဖက် သို့မဟုတ် ပခုံးနှစ်ဖက်စလုံးတွင် နာကျင်ခြင်း သို့မဟုတ် မအီမသာဖြစ်ခြင်း။
✅ အသက်ရှုကြပ်ခြင်း။

***********************

🚨 #လေဖြတ်ခြင်း၏လက္ခဏာများမှာ-

✅ မျက်နှာ၊ လက် သို့မဟုတ် ခြေထောက်၊ အထူးသဖြင့် ခန္ဓာကိုယ်တစ်ဖက်ခြမ်းတွင် အားနည်းခြင်း။
✅ စကားပြောရာတွင် အခက်အခဲ သို့မဟုတ် နားလည်ရန်ခက်ခဲခြင်း။
✅ မျက်လုံးတစ်ဖက် (သို့) နှစ်ဖက်စလုံးတွင် မြင်ရခက်ခြင်း။
✅ လမ်းလျှောက်ရာတွင် အဆင်မပြေခြင်း၊ မူးဝေခြင်း၊ ဟန်ချက်ပျက်ခြင်း သို့မဟုတ် ထိန်းညှိ၍ မရှိခြင်း။
✅ အကြောင်းရင်းမသိဘဲ ရုတ်တရက် ပြင်းထန်စွာ ခေါင်းကိုက်ခြင်း။

🕐🕑 နှလုံးဖောက်ခြင်း သို့မဟုတ် လေဖြတ်ခြင်းနှစ်ခုလုံးအတွက် ရလဒ်များသည် ကုသမှုကို လျင်မြန်စွာလက်ခံရရှိခြင်းနှင့် ကြီးမားစွာ ဆက်စပ်နေသောကြောင့် ဆေးရုံသို့သွားရန် တုံ့ဆိုင်းမနေသင့်ပါ။

20/02/2022

Wilma မှ ကျန်းမာရေး ဗဟုသုတနဲ့ ပတ်သတ်ပြီး ဒီအပတ်မှာ ဘယ်လို အကြောင်းအရာမျိုးကို ပြောပြစေလိုပါသလဲ? Comment please!

14/02/2022

📣📣 𝘾𝙤𝙫𝙞𝙙 𝙘𝙖𝙧𝙚 𝙥𝙖𝙘𝙠𝙖𝙜𝙚 𝙗𝙮 𝙎𝙥𝙚𝙘𝙞𝙖𝙡𝙞𝙨𝙩 >>> 𝗪𝗜𝗟𝗠𝗔 မှ ကိုဗစ် စောင့်ရှောက်မှု package ရယူနိုင်ပါပြီ။
------------------------------------------------------------------------
အိုမီခရွန်ကြောင့် ကိုဗစ်တွေ ပြန်စလာတော့ ကိုဗစ်လူနာတွေ အိမ်မှာပဲ စိုးရိမ်စိတ်ကင်းကင်း၊ ဈေးနှုန်း သက်သက်သာသာနဲ့ ပြန်လည်နေကောင်း ကျန်းမာ လာစေဖို့ Wilma က "ကိုဗစ် စောင့်ရှောက်မှု package" လေး လုပ်ပေးထားပါတယ်။

*************

ဒီ ဝန်ဆောင်မှုမှာ package A နဲ့ B ဆိုပြီး နှစ်မျိုးရှိပါတယ်။ နှစ်မျိုးလုံးကတော့ အရင် covid wave တွေမှာ လူနာများစွာကို စောင့်ရှောက်မှုပေးခဲ့တဲ့ အထွေထွေ အထူးကု သမားတော်မှ နေ့စဉ် တယ်လီဖုန်း (သို့) viber မှ စောင့်ကြပ် ကြည့်ရှု ကုသပေးမှာ ဖြစ်ပါတယ်။

🔖✅ Package A ကတော့ သုံးရက်တာ (𝟯 𝗰𝗼𝗻𝘀𝗲𝗰𝘂𝘁𝗶𝘃𝗲 𝗱𝗮𝘆𝘀) အထွေထွေ အထူးကု သမားတော် နှင့် ဆွေးနွေး ကုသမှု ခံယူနိုင်မှာဖြစ်ပြီး Fees အနေနဲ့ 20,000 ကျပ် သာ ကျသင့်မှာ ဖြစ်ပါတယ်။

🔖✅ Package B ကတော့ ငါးရက်တာ (𝟱 𝗰𝗼𝗻𝘀𝗲𝗰𝘂𝘁𝗶𝘃𝗲 𝗱𝗮𝘆𝘀) အထွေထွေ အထူးကု သမားတော် နှင့် ဆွေးနွေး ကုသမှု ခံယူနိုင်မှာဖြစ်ပြီး Fees အနေနဲ့ 30,000 ကျပ် သာ ကျသင့်မှာ ဖြစ်ပါတယ်။

သတ်မှတ်ထားတဲ့ ရက်အတွင်း သတ်မှတ်ထားသော အချိန်တွင် နေ့စဉ် သမားတော်နှင့် ဖုန်း (သို့) viber မှ ဆက်သွယ်ဆွေးနွေးပြသရမှာဖြစ်ပြီး လိုအပ်ရင် လိုအပ်သလို ရောဂါ အခြေအနေ စစ်ဆေးမှု၊ ဆေးဝါး များကို တိုက်ရိုက် ညွှန်ကြား ပေးမှာ ဖြစ်ပါတယ်။ ဒါကြောင့် မိမိတို့ မိသားစုဝင်ထဲမှ အထူးကု တစ်ယောက် အနားမှာ စောင့်ကြပ်ကြည့်ရှုပေးနေသလိုမျိုး စိတ်သက်သာမှုကို ရစေပြီး ကိုဗစ်ရောဂါကို သက်တောင့်သက်သာနဲ့ ကျော်လွှားသွားနိုင်ပါလိမ့်မယ်။

မိမိတစ်ဦးထဲ အစိုးရိမ်လွန်ပြီး မလိုအပ်တဲ့ ဆေးဝါးတွေ သောက်သုံးမိတာ၊ ဘေးထွက် ဆိုးကျိုးတွေ ခံစားရတာ၊ လိုအပ်တဲ့ ဆေးဝါးတွေကို မသိလို့ အချိန်နှောင်းမှ သောက်သုံးမိတာ၊ နဂို ရောဂါ အခံရှိလို့ ကိုဗစ်ဖြစ်လာတဲ့အခါ ဘာလုပ်ရ ကိုင်ရမှန်း မသိတာ၊ နောက်ဆက်တွဲတွေ မဖြစ်အောင် ဘယ်လိုလုပ်ရမှန်း မသိတာ အစရှိတဲ့ စိုးရိမ်မှု နဲ့ မေးခွန်းပေါင်း များစွာအတွက် Wilma ရဲ့ ကိုဗစ်စောင့်ရှောက်မှု package လေးတွေက ဖြေရှင်း ပေးပါလိမ့်မယ်။

🔖✅ Packeage နဲ့ မသွားချင်တဲ့ လူတွေအတွက်ကတော့ Wilma ရဲ့ နဂို ဝန်ဆောင်မှုဖြစ်တဲ့ 𝙍𝙚𝙜𝙪𝙡𝙖𝙧 𝙎𝙚𝙧𝙫𝙞𝙘𝙚_အထွေထွေ အထူးကု သမားတော်နှင့် teleconsultation တစ်ကြိမ်ကို 10,000 ကျပ်နှင့် ကျန်းမာရေး စောင့်ရှောက်မှု ခံယူနိုင်ပါတယ်။

🎯ဘယ်လိုလူတွေ Covid care package ယူသင့်သလဲဆိုရင်_
• မိမိဘာသာ Covid Antigen test စစ်ပြီး Positive ဖြစ်ထားသူများ
• Covid Antigen test မစစ်ထားသော်လည်း ကိုဗစ်လူနာနှင့် ထိတွေ့မှု ရှိပြီး ရောဂါလက္ခဏာပြနေသူများ
• အထူးသဖြင့် အသက်အရွယ် ကြီးရင့်သူ၊ နဂိုရောဂါအခံရှိသူ၊ အိပ်ရာထဲလဲနေသူ (သို့) နာတာရှည် ရောဂါရှိသူ၊ ကိုယ်ခံအားကျစေတဲ့ ဆေးဝါးများ သုံးစွဲနေရသူ တို့ပဲ ဖြစ်ပါတယ်။

♦️♥️ Booking ပြုလုပ်လိုပါက ဖုန်းနံပါတ် 09 260 763 737 ကိုခေါ်ဆို၍ (သို့) page messenger (m.me/WilmaHomeSpecialist) မှ တဆင့် မေးမြန်း ပြုလုပ်နိုင်ပါတယ်။

******************

☀️ အိုမီခရွန်အကြောင်းသိကောင်းစရာလေးတွေကိုတော့ ဒီလင့်မှာ ဖတ်လို့ရပါတယ်။
https://www.facebook.com/WilmaHomeSpecialist/posts/123961196819938

☀️ 𝗧𝗶𝗽𝘀 𝗳𝗼𝗿 𝗖𝗢𝗩𝗜𝗗-𝟭𝟵 𝗛𝗼𝗺𝗲 𝗖𝗮𝗿𝗲 ကို ဒီလင့်မှာ ဖတ်ပါ။
https://www.facebook.com/WilmaHomeSpecialist/posts/124440963438628

12/02/2022

𝗧𝗶𝗽𝘀 𝗳𝗼𝗿 𝗖𝗢𝗩𝗜𝗗-𝟭𝟵 𝗛𝗼𝗺𝗲 𝗖𝗮𝗿𝗲
🔹🔹🔹🔹🔹🔹🔹🔹🔹🔹🔹🔹🔹

𝐂𝐎𝐕𝐈𝐃-𝟏𝟗 ရောဂါ ကို ကာကွယ်နေရင်း ကြားထဲက မတော်တဆ ကူးစက်ခံခဲ့ရရင် ပထမဆုံး ပြောချင်တာက အစိုးရိမ် မလွန်ဖို့ပါ၊ ဒါပေမယ့် ဂရုတော့ စိုက်ရပါမယ်။

ဒီရောဂါကို အဆင်ပြေပြေ ကျော်လွှားသွားနိုင်ဖို့ နဲ့ အသက်အန္တရယ်က ကင်းဝေးစေဖို့ ဘယ်လိုအရာတွေကို ရှောင်ရှားပြီး ပြုမူနေထိုင်သင့်တယ်ဆိုတာကို အောက်ကပုံလေးတွေထဲမှာ အမှား ❌၊ အမှန် ✅ မေးခွန်းလေးတွေနဲ့ အတိုချုပ်ပြောပြပေးထားတာဖြစ်ပါတယ်။

အမေးအဖြေလေးတွေက လူအများဒွီဟ ဖြစ်လေ့ရှိတဲ့ အရာတွေပဲထည့်ပေးထားတာမို့ အဆုံးထိ တစ်ပုံချင်း သေချာဖတ်ပေးပါ။ ဖြစ်တတ်တဲ့ အမှားတွေကို ရှောင်ရှားနိုင်ပြီး အားလုံးအတွက် အကျိုးရှိနိုင်ဖို့ မျှော်လင့်ပါတယ်။

အိုမီခရွန်အကြောင်းသိကောင်းစရာလေးတွေကိုတော့ ဒီလင့်မှာ ဖတ်လို့ရပါတယ်။
https://www.facebook.com/WilmaHomeSpecialist/posts/123961196819938

အားလုံးပဲ ရောဂါကပ်ဆိုးမှကင်းဝေးပြီး ရွှင်လန်းချမ်းမြေ့ကြပါစေလို့ WILMA မှ ဆုမွန်ကောင်းတောင်းပေးလိုက်ပါတယ်။

10/02/2022

#အိုမီခရွန်အကြောင်းသိကောင်းစရာများ
‼️‼️‼️‼️‼️‼️‼️‼️‼️‼️‼️‼️‼️‼️‼️‼️‼️

🔷 အိုမီခရွန် 𝗢𝗺𝗶𝗰𝗿𝗼𝗻 (𝗖𝗢𝗩𝗜𝗗-𝟭𝟵 𝗩𝗜𝗥𝗨𝗦) ရဲ့ ရောဂါလက္ခဏာတွေက အရင်မျိုးစိပ်တွေနဲ့ တူပါသလား?

🔷 ယေဘုယျအားဖြင့်ဆင်တူပါတယ်။ အဖြစ်များတာတွေကတော့ နှာစေး၊ နှာပိတ်တာ၊ လည်ချောင်းနာတာ၊ ချောင်းခြောက်ဆိုတာ၊ ဖျားနာ ၊ ကိုက်ခဲ၊ ပင်ပန်းနုံးချိတာတွေ အဖြစ်များပါတယ်။ အနံ့ပျောက်တာ၊ အရသာပျောက်တာတို့ကတော့ အိုမီခရွန်မှာ သိပ်မဖြစ်ကြပါဘူး။

🔶 အရင်သုံးနေကြ ရောဂါရှိမရှိစစ်တဲ့ 𝘙𝘢𝘱𝘪𝘥 𝘈𝘯𝘵𝘪𝘨𝘦𝘯 𝘛𝘦𝘴𝘵 𝘒𝘪𝘵 တွေနဲ့စစ်လို့ရပါသလား?

🔶 ဟုတ်ကဲ့။ ရောဂါလက္ခဏာပြလို့ (သို့) သံသယ ရှိလို့ ရှိရင် စစ်ကြည့်လို့ ရပါတယ်။

🔷 𝘙𝘢𝘱𝘪𝘥 𝘈𝘯𝘵𝘪𝘨𝘦𝘯 𝘛𝘦𝘴𝘵 𝘒𝘪𝘵 နဲ့စစ်လိုက်လို့ 𝙉𝙚𝙜𝙖𝙩𝙞𝙫𝙚 ဆိုရင် စိတ်ချရပြီလား?

🔷 စိတ်ချလို့မရပါဘူး။ 𝙉𝙚𝙜𝙖𝙩𝙞𝙫𝙚 ပေမယ့် ရောဂါလက္ခဏာတွေရှိနေရင် သီးသန့်လေးနေတာ၊ mask တပ်ထားတာ၊ လူကြားထဲမသွားတာ၊ မကြာခဏလက်ဆေးတာ၊ မိမိရဲ့ရောဂါအခြေအနေကိုသတိထားစောင့်ကြည့်တာမျိုး လုပ်သင့်ပါတယ်။ ရက်ခြားပြီး နောက်တစ်ကြိမ်ထပ်စစ်ဆေးတာမျိုးလဲလုပ်လို့ရပါတယ်။

🔶 𝗢𝗺𝗶𝗰𝗿𝗼𝗻 ရဲ့ ရောဂါပြင်းထန်မှု အခြေအနေက ဘယ်လိုရှိလဲ?

🔶 အရှေ့ကဖြစ်ခဲ့တဲ့ မျိုးစိပ်တွေလောက်မပြင်းထန်ဘူးလို့ လေ့လာချက်တွေအရ တွေ့ရပါတယ်။ ဒါပေမယ့် ရောဂါကူးစက်ခံရသူရဲ့ အသက်အရွယ်၊ ကိုယ်ခံအား၊ ရောဂါအခံ ရှိ/ မရှိ၊ အရင်က ကိုဗစ်ဖြစ်ဖူးခြင်း ရှိ/ မရှိ၊ ကာကွယ်ဆေးအပြည့်အဝထိုးနှံထားခြင်း ရှိ/ မရှိ ဒါတွေပေါ်မူတည်ပြီး ကွဲပြားနိုင်ပါတယ်။ ဒါကြောင့် အစိုးရိမ်မလွန်သင့်သလို၊ ပေါ့ဆလို့လဲမဖြစ်ပါဘူး။

🔷 𝗖𝗢𝗩𝗜𝗗-𝟭𝟵 ရောဂါရဲ့ သတိထားသင့်တဲ့ ပြင်းထန်တဲ့ လက္ခဏာတွေကဘာတွေလဲ?

🔷 မောကြပ်နေတာ၊ သွေးတွင်း oxygen 94% အောက်ကျတာ၊ အသက်ရှူနှုန်းမြန်တာ (တစ်မိနစ်ကို ၂၄ကြိမ်ထက်ပိုတာ)၊ အစားအသောက်မဝင်တာ၊ တအားမှိန်းတာ၊ ကယောင်ကတမ်း ဖြစ်တာ၊ သွေးပေါင်ကျတာ စတာတွေဖြစ်ပါတယ်။

🔶 Covid vaccine ကာကွယ်ဆေးထိုးထားရင် 𝗢𝗺𝗶𝗰𝗿𝗼𝗻 ကူးစက်နိုင်ပါသလား?

🔶 ဟုတ်ကဲ့။ ကူးစက်နိုင်ပါတယ်။ ဒါပေမယ့် ကာကွယ်ဆေး အပြည့်အဝထိုးထားရင် ရောဂါကူးစက်ခံရရင်တောင် ပြင်းထန်မှု၊ သေဆုံးမှု၊ ဆေးရုံတက်ရောက်ကုသရမှု တို့ကိုလျှေ့ချနိုင်မှာဖြစ်ပါတယ်။

🔷 COVID အတွက် သောက်ဆေးတွေ ရနိုင်တယ်ဆိုတာ ဟုတ်ပါသလား?

🔷 ဟုတ်ပါတယ်။ Pfizer ကထုတ်တဲ့ 𝗣𝗮𝘅𝗹𝗼𝘃𝗶𝗱 ကအကောင်းဆုံးပါ။ ဒါပေမယ့် မြန်မာနိုင်ငံမှာ မရနိုင်သေးပါဘူး။ အခုစျေးကွက်ထဲမှာ ဝယ်လိုအားများနေတဲ့ 𝗠𝗼𝗹𝗻𝘂𝗽𝗶𝗿𝗮𝘃𝗶𝗿 ဆိုတဲ့ဆေးကတော့ လက္ခဏာစပြပြီး ၅ ရက်အတွင်း သောက်ရတဲ့ဆေးပါ။ လူတိုင်း သောက်ဖို့ မလိုအပ်ပါဘူး။ ရောဂါပြင်းထန်နိုင်မှု အခြေအနေပေါ် မူတည်ပြီး ဒီဆေးသောက်ဖို့ တကယ်လိုအပ်တဲ့ ၊ ဆေးသောက်ဖို့သတ်မှတ်ချက်နဲ့ ကိုက်ညီတဲ့ လူတွေမှသာ နားလည်တတ်ကျွမ်းတဲ့ ဆရာဝန်ရဲ့ ညွှန်ကြားချက်နဲ့ သောက်ရမှာ ဖြစ်ပါတယ်။

🔶 𝗥𝗲𝗺𝗱𝗲𝘀𝗶𝘃𝗶𝗿 ဆိုတဲ့ ထိုးဆေးကရော 𝗢𝗺𝗶𝗰𝗿𝗼𝗻 အတွက် ထိရောက်မှု (effective) ရှိပါသလား?

🔶 ဟုတ်ကဲ့၊ လေ့လာတွေ့ရှိချက်တွေအရ ထိရောက်မှု ရှိပါတယ်။ လက္ခဏာစပြပြီး (၇) ရက်အတွင်း ထိုးမှ အကျိုးသက်ရောက်မှု ရှိမှာပါ။ သူက Molnupiravir ထက် ပိုကောင်းတဲ့ အချက်တွေ ရှိပါတယ်။ သို့သော် ဘယ်ဆေးဖြစ်ဖြစ် သုံးစွဲဖို့ရာမှာ သတ်မှတ်ချက် စံချိန်စံညွှန်း ကိုက်ညီမှု၊ ကောင်းကျိုး နဲ့ ဘေးထွက် ဆိုးကျိုး စသဖြင့် ရှိတာဖြစ်တဲ့အတွက် ဆရာဝန်နဲ့ သေချာတိုင်ပင်ပြီးမှ သုံးရမှာ ဖြစ်ပါတယ်။

******************

📌 ကိုဗစ် မဖြစ်စေဖို့ အဓိက အရေးကြီးတဲ့အချက်တွေက ဘာတွေဖြစ်မလဲ?

✅ အဓိက အရေးကြီးတာကတော့_
၁။ မိမိ မျက်နှာအနေအထားနဲ့ အံဝင်ခွင်ကျဖြစ်မယ့်၊ quality ကောင်းတဲ့ mask ကို စနစ်တကျ တပ်ပါ။
၂။ မကြာခဏ လက်ဆေးပါ။
၃။ လူစုလူဝေး တတ်နိုင်သမျှ ရှောင်ပါ။
၄။ လူတယောက်နဲ့ တယောက် ခပ်ခွာခွာ ပြောဆို ဆက်ဆံပါ။
၅။ ကာကွယ်ဆေး အပြည့်ထိုးပါ။
၆။ နှာချေ၊ ချောင်းဆိုးလျှင် လုံခြုံစွာအုပ်ပါ။
၇။ အာဟာရ ပြည့်ဝအောင် စားသောက်ပါ။
၈။ ကောင်းစွာ အိပ်စက် အနားယူပါ။

ခုလောက်ဆိုရင်တော့ အိုမီခရွန် နဲ့ ပတ်သတ်ပြီး တော်တော်လေး မှတ်သားမိပြီလို့ ထင်ပါတယ်။ ရောဂါကပ်ဘေးမှ ကင်း‌ဝေးကြပါစေ။

☀️✨ WILMA ရဲ့ ကိုဗစ်စောင့်ရှောက်မှု package လေးတွေ အကြောင်းသိချင်ရင် ဒီလင့်မှာ ဖတ်လို့ရပါတယ်။
https://www.facebook.com/WilmaHomeSpecialist/posts/124957663386958

-19

03/02/2022

COVID-19 disease caused by Omicron can be mild or serious. For some people, symptoms can even lead to death. Protect yourself:
💉 Get vaccinated
↔️ Keep a safe distance and avoid crowds
😷 Wear a well-fitted mask
💨 Keep indoor spaces ventilated
💪 Cover coughs and sneezes
👐 Clean hands often

03/02/2022

#သည်းခြေကျောက်တည်ခြင်း {𝐆𝐚𝐥𝐥𝐬𝐭𝐨𝐧𝐞𝐬} - အပိုင်း(၂)
🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺

🔘 သည်းခြေကျောက်တည်ခြင်း ဖြစ်စေနိုင်သော အကြောင်းရင်းများ

ဖြစ်နိုင်ချေများစေတဲ့ အကြာင်းအရင်းတွေကတော့ အသက် 40 နှင့်အထက်ဖြစ်ခြင်း၊ အမျိုးသမီးဖြစ်ခြင်း၊ အဝလွန်ခြင်း၊ အထိုင်များခြင်း၊ အဆီများသော အစားအသောက်များစားခြင်း၊ အမျှင်ဓာတ်နည်းသော အစားအသောက်များသာလျှင်စားခြင်း၊ မိသားစုထဲတွင် သည်းခြေကျောက်တည်ဖူးသူရှိခြင်း၊ ဆီးချိုရှိခြင်း၊ အသည်းရောဂါရှိခြင်း နှင့် သန္ဓေတားဆေးများ သို့မဟုတ် ဟော်မုန်းကုထုံးဆေးဝါးများ သောက်သုံးခြင်း တို့ပဲ ဖြစ်ပါတယ်။

🔘 သည်းခြေကျောက်တည်ခြင်းရဲ့ နောက်ဆက်တွဲပြဿနာများ

သည်းခြေကျောက်တည်ခြင်းရဲ့ နောက်ဆက်တွဲပြဿနာတွေကတော့ သည်းခြေအိတ်ရောင်ခြင်း၊ သည်းခြေပြွန်များ ပိတ်ဆို့ကာ အသားဝါခြင်းနှင့် သည်းခြေပြွန်ပိုးဝင်ခြင်း၊ ပန်ကရိယပြွန်ပိတ်ဆို့ခြင်း နှင့် ရောင်ရမ်းခြင်း တို့အပြင် သည်းခြေအိတ်ကင်ဆာအထိ ဖြစ်နိုင်ခြေရှိပါတယ်။ ဒါပေမယ့် သည်းခြေအိတ်ကင်ဆာ ဖြစ်တာကတော့ အရမ်းရှားပါတယ်။

🔘 သည်းခြေကျောက် တွေ့ခဲ့လျှင် ကုသပုံ

သည်းခြေကျောက်တည်တာကို စစ်ဆေးတွေ့ရှိခဲ့ရင် ကျောက်တည်တဲ့ အခြေအနေ အလိုက် ကုထုံးအမျိုးမျိူး ရှိပါတယ်။ ကျောက်ကို ခြေ ပစ်တာလဲရှိသလို အများစုကတော့ နောက်ဆက်တွဲ ပြဿနာတွေကို ကာကွယ်ဖို့အတွက် Laparoscopic cholecystectomy လို့ ခေါ်တဲ့နည်းနဲ့ သည်းခြေအိတ်ကို ဖယ်ရှားခြင်းဖြစ်ပါတယ်။ Laparoscope လို့ခေါ်တဲ့ ပြွန်သေးသေးလေးကို ဝမ်းဗိုက်ရှိ ၀.၅-၁ စင်တီမီတာ အရွယ် အပေါက်ကလေးမှတဆင့် ထည့်ပြီး ခွဲစိတ်တာပဲ ဖြစ်ပါတယ်။ ခွဲစိတ်မှုအရွယ်အစား အလွန်သေးငယ်တာကြောင့် လူနာဟာ ၂ - ၃ ရက်အတွင်း ပြန်လည်ကောင်းမွန်လာလေ့ရှိပါတယ်။

✅ ကြိုတင်ကာကွယ်တဲ့ အနေနဲ့ body weight ထိန်းတာ၊ အမျှင်ဓါတ်များတဲ့ အစားအစာ စားပေးတာ၊ အချိုနဲ့ ဆီကြော်တွေ လျော့စားတာ၊ ကိုယ်လက်လှုပ်ရှား အားကစားလုပ်ပေးတာ၊ Fish oil, Olive oil စတဲ့ healthy oil တွေ စားသုံးတာ စတာတွေ လုပ်လို့ရပါတယ်။

#သည်းခြေကျောက်တည်ခြင်း {𝐆𝐚𝐥𝐥𝐬𝐭𝐨𝐧𝐞𝐬} - အပိုင်း(၁) ကိုအောက်ပါလင့်မှာ ဖတ်နိုင်ပါတယ်။
https://www.facebook.com/WilmaHomeSpecialist/posts/120317670517624

𝘚𝘰𝘶𝘳𝘤𝘦: 𝘔𝘍𝘔𝘌𝘙; 𝘕𝘐𝘋𝘋𝘒

28/01/2022

#သည်းခြေကျောက်တည်ခြင်း {𝐆𝐚𝐥𝐥𝐬𝐭𝐨𝐧𝐞𝐬} - အပိုင်း(၁)
🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺

သည်းခြေကျောက် ဆိုတာ သည်းခြေရည်ရှိ ကိုလက်စထရော (cholesterol) သို့မဟုတ် ဘီလီရူဘင် (bilirubin) တို့မှ သည်းခြေအိတ်အတွင်း ဖွဲ့စည်း ဖြစ်ပေါ်လာလေ့ရှိတဲ့ ကျောက်စရစ်ခဲကဲ့သို့ မာကျောသော အခဲလေးတွေ ဖြစ်ပါတယ်။ သည်းခြေကျောက်တွေဟာ သဲမှုန်လေးအရွယ်မှ ဂေါက်သီးတစ်လုံး အရွယ်အစားအထိ ရှိနိုင်တယ်။

🔺 သည်းခြေကျောက် အမျိုးအစားများ

သည်းခြေကျောက်ကို နှစ်မျိုးတွေ့ရလေ့ရှိပါတယ်။
1️⃣ စိမ်းဝါရောင်ရှိတဲ့ မပျော်ဝင်နိုင်သော ကိုလက်စထရော ၈၀% လောက်နဲ့ ဖွဲ့စည်းထားတဲ့ ကျောက်အမျိုးအစားရယ်၊
2️⃣ သည်းခြေရည်မှာ bilirubin အလွန်အကျွံပါဝင်နေချိန် ဖြစ်ပေါ်လာတဲ့ အညိုရောင် သို့မဟုတ် အနက်ရောင်ကျောက်အမျိုးအစား တို့ပဲဖြစ်ပါတယ်။

🔺 ရောဂါလက္ခဏာ

များသောအားဖြင့်တော့ ဖြစ်ခါစမှာ ရောဂါလက္ခဏာ ပြလေ့မရှိပါဘူး။ ပုံမှန် ကျန်းမာရေးစစ်ဆေးမှုတွေ လုပ်ရင်း အာထရာစောင်း (Ultrasound) မှာ တွေ့ရတတ်ပါတယ်။
သည်းခြေကျောက်တွေဟာ သည်းခြေရည် ထုတ်လွှတ်ရမယ့် လမ်းကြောင်းမှာ ရှိတဲ့ ပြွန် (bile duct) တွေကို ပိတ်ဆို့လာတဲ့အခါမှာတော့ ညာဘက်ဝမ်းဗိုက်အပေါ်ပိုင်းမှ ရုတ်တရက် ပြင်းပြင်းထန်ထန် နာကျင်တဲ့ ‌‌ဝေဒနာကို ခံစားရမှာ ဖြစ်ပါတယ်။ အခြား ရောဂါလက္ခဏာတွေကတော့ နံရိုးအောက် မကြာခဏ နာကျင်ခြင်း၊ ညာဘက်ပခုံး သို့မဟုတ် နောက်ကျောတွင် နာကျင်ခြင်း၊ အန်ခြင်း၊ အစာမကြေခြင်း၊ ရင်ပူခြင်း စတာတွေပဲ ဖြစ်ပါတယ်။

🔴 သည်းခြေကျောက်တည်ခြင်း ဖြစ်စေနိုင်သော အကြောင်းများ၊ နောက်ဆက်တွဲပြဿနာများ နှင့် ကုသမှုပုံစံ တို့ကို နောက်ရက်မှာ ဆက်ပြောပြပေးပါမယ်။

𝘚𝘰𝘶𝘳𝘤𝘦: 𝘔𝘍𝘔𝘌𝘙; 𝘕𝘐𝘋𝘋𝘒

24/01/2022

ဆီးချို (𝐃𝐢𝐚𝐛𝐞𝐭𝐞𝐬) ဘာကြောင့်ဖြစ်ရတာလဲ?
🔹🔹🔹🔹🔹🔹🔹🔹🔹🔹🔹🔹🔹🔹🔹🔹
ဆီးချိုဆိုတာ သွေးတွင်းသကြားဓါတ် (𝙗𝙡𝙤𝙤𝙙 𝙜𝙡𝙪𝙘𝙤𝙨𝙚) ပုံမှန်ရှိရမဲ့ ပမာဏထက် များနေတာ ခေါ်ပါတယ်၊ နာတာရှည်ရောဂါတစ်မျိုးပါ။

မိမိတို့ စားသုံးတဲ့ အစားအစာ တော်တော်များများဟာ သကြားဓါတ် (Glucose လို့လဲခေါ်ပါတယ်) အဖြစ် ဖြိုခွဲခံရပြီး သွေးကြောထဲရောက်ရှိသွားပါတယ်။ သွေးထဲမှာသကြားဓါတ်တွေ (Blood Glucose) များလာတဲ့အခါ ပန်းကရိယ (pancreas) ကနေ အင်ဆူလင် (𝙄𝙣𝙨𝙪𝙡𝙞𝙣) ဆိုတဲ့ ဟော်မုန်းတစ်မျိုးကို ထုတ်ဖို့ အချက်ပြပါတယ်။ အင်ဆူလင်ဟာ သွေးထဲက ပိုနေတဲ့သကြားဓါတ်တွေကို ခန္ဓာကိုယ်ဆဲလ်တွေက စွမ်းအင် (Energy) အဖြစ်သုံးပစ်လိုက်ဖို့ စေခိုင်းတဲ့ အဓိက key ပါပဲ။

ဆီချိုရောဂါရှိသူတွေမှာ (၁) ခန္ဓာကိုယ်က အင်ဆူလင် အလုံအလောက် (သို့) လုံးဝ မထုတ်နိုင်တာ၊ (၂) ရှိနေတဲ့ အင်ဆူလင်တွေကို ခန္ဓာကိုယ်ရှိ ဆဲလ်တွေက မတုံ့ပြန်တာတွေ ဖြစ်တတ်ပြီ အချိန်ကြာလာတာနဲ့အမျှ သွေးတွင်းသကြားဓါတ်တွေ အဆမတန် များလာပါတော့တယ်။ နောက်ဆက်တွဲအနေနဲ့ နှလုံးရောဂါ၊ အမြင်အာရုံဆုံးရှုံးခြင်းနှင့် ကျောက်ကပ်ရောဂါ ကဲ့သို့သော အခြား ကျန်းမာရေး ပြဿနာတွေ ဖြစ်လာနိုင်ပါတယ်။

🔴ဆီးချိုရောဂါလက္ခဏာတွေနဲ့ ဆီးချိုရောဂါနဲ့ပတ်သက်လို့ သိထားသင့်တာလေးတွေကို အောက်ကလင့်မှာ ဖတ်ရှုနိုင်ပါတယ်။
https://www.facebook.com/WilmaHomeSpecialist/posts/118239340725457

22/01/2022

📢 ၁၀,၀၀၀ ကျပ်ထဲနှင့် အထွေထွေရောဂါ အထူးကုသမားတော် ထံမှာ Online မှပြသဆွေးနွေးနိုင်ပါပြီ 📢
**********************************************************************
✅ အထူးကုသမားတော်တစ်ယောက်နဲ့ မိမိရောဂါအခြေအနေ၊ ဆောင်ရန်ရှောင်ရန်နှင့် ပုံမှန်စစ်ဆေးရမည့် ဓာတ်ခွဲအဖြေများအကြောင်း မိသားစုဆရာဝန်တစ်ယောက်ကဲ့သို့ ရင်းနှီးပွင့်လင်းစွာ ဆွေးနွေးတိုင်ပင်လိုပါသလား❓

✅ ဆေးရုံဆေးခန်းတွေမှာ အကြောင်းအမျိုးမျိုးကြောင့် မကြာခဏရက်ချိန်းပြန်လည်ပြသဖို့ ခက်ခဲနေပါသလား❓

✅ မိမိအိမ်မှာတင် အချိန်ပေးစောင့်စရာမလိုပဲ သက်တောင့်သက်သာဖြင့် ကောင်းမွန်သောကျန်းမာရေးစောင့်ရှောက်မှုကို ရယူလိုပါသလား❓

✨ ဒါဆိုရင်တော့ လုပ်သက်ဆယ်နှစ်ကျော် အတွေ့အကြုံရှိသော အထွေထွေရောဂါအထူးကုသမားတော် ဒေါက်တာစုစုလှိုင် - M.B.,B.S (ygn), M.Med.Sc (Internal Medicine) နှင့် Viber မှ ပြသဆွေးနွေးဖို့ မှတဆင့် ကြိုတင် Booking ရယူလိုက်ပါ။ (Internet မရသောဒေသများအတွက် Phone မှတဆင့် တိုင်ပင်ဆွေးနွေးနိုင်ပါသည်။ 👏)

🔵 ဘယ်လို 𝑩𝒐𝒐𝒌𝒊𝒏𝒈 ယူရမလဲ?

ဖုန်းနံပါတ် 𝟎𝟗-𝟐𝟔𝟎𝟕𝟔𝟑𝟕𝟑𝟕 သို့မဟုတ် 𝐖𝐢𝐥𝐦𝐚 𝐩𝐚𝐠𝐞 𝐦𝐞𝐬𝐬𝐞𝐧𝐠𝐞𝐫 သို့ လူနာအမည်၊ ကျား/မ၊ အသက်၊ Viber အသုံးပြုမည့်ဖုန်းနံပါတ်၊ ပြသလိုသော အကြောင်းအရာ နှင့် ပြသလိုသောနေ့ရက် အချိန် တို့ကိုပြော၍ အနည်းဆုံးတစ်ရက်ကြိုတင် Booking ယူကာ ပြသနိုင်ပါသည်။

🔵 ဝန်ဆောင်ခ (𝗖𝗼𝗻𝘀𝘂𝗹𝘁𝗮𝘁𝗶𝗼𝗻 𝗳𝗲𝗲𝘀) ဘယ်လိုသတ်မှတ်ထားပါသလဲ?

15 minutes စာ ပြသဆွေးနွေးခွင့် အတွက် 𝗖𝗼𝗻𝘀𝘂𝗹𝘁𝗮𝘁𝗶𝗼𝗻 𝗳𝗲𝗲𝘀 - ၁၀,၀၀၀ ကျပ် သတ်မှတ်ထားပါတယ်။ ပြသဆွေးနွေးနေတဲ့ အချိန်အတွင်းမှာတော့ တခြားဖုန်းများ ပြန်လည်ဖြေဆိုခြင်း မပြုပါရန် မေတ္တာရပ်ခံပါတယ်။

🔵 ဘယ်သူတွေပြသနိုင်မလဲ နှင့် ပြသရမည့်ပုံစံ အသေးစိတ်ကို အောက်ကပုံလေးတွေမှာ ဖော်ပြထားပါတယ်။

𝗪𝗜𝗟𝗠𝗔 - 𝗦𝗽𝗲𝗰𝗶𝗮𝗹𝗶𝘀𝘁 𝘁𝗼 𝗬𝗼𝘂𝗿 𝗛𝗼𝗺𝗲
📳 𝗣𝗵: 𝟬𝟵 𝟮𝟲𝟬 𝟳𝟲𝟯 𝟳𝟯𝟳
🔗 𝗺𝗲𝘀𝘀𝗲𝗻𝗴𝗲𝗿: m.me/WilmaHomeSpecialist

21/01/2022

ဆီးချိုရောဂါနဲ့ပတ်သက်လို့ သိထားသင့်တာလေးများ
🔸🔸🔸🔸🔸🔸🔸🔸🔸🔸🔸🔸🔸🔸🔸🔸🔸
ဆီးချိုရောဂါဟာ မြန်မာနိုင်ငံမှာ အဖြစ်အများဆုံးရောဂါတွေထဲက တစ်ခုဖြစ်တာကြောင့် ဒီနေ့မှာ ဆီးချိုရောဂါလို့ ခန့်မှန်းနိုင်တဲ့ ရောဂါလက္ခဏာတွေနဲ့ အဲ့လို ရောဂါလက္ခဏာတွေ တွေ့လာခဲ့ရင် ဘာဆက်လုပ်သင့်လဲ ဆိုတာလေး ပြောပြချင်ပါတယ်။

⚠️ ပထမဆုံး ဆီးချိုရောဂါလက္ခဏာတွေက ဘာတွေဖြစ်မလဲကြည့်ရအောင်။

📍ဆီးသွားများခြင်း(ဆီးခဏခဏသွားခြင်း)
📍 မကြာခဏရေငတ်ခြင်း
📍 မောပန်းနွမ်းနယ်ခြင်း
📍 အကြောင်းမဲ့ ကိုယ်အလေးချိန်ကျဆင်းခြင်း
📍 ခြေ/လက်ထုံကျဥ်ခြင်း
📍 အနာဖြစ်လွယ်ပြီး အနာကျက်ဖို့ခက်ခြင်း
📍 ပိုးမွှားရောဂါဝင်လွယ်ခြင်း တို့ဟာ ဆီးချို ရောဂါလက္ခဏာတွေကပဲ ဖြစ်ပါတယ်။

🤔 ဒါဆို ဘယ်လိုလူတွေမှာ ဆီးချို ဖြစ်နိုင်ခြေ ပိုများမလဲပေါ့နော်။

ဆီးချို ဖြစ်နိုင်ခြေ များသူတွေကတော့ ဆီးချို မျိုးရိုးရှိသူ၊ အဝလွန်သူ၊ ဖိအား (stress) များတဲ့ လုပ်ငန်းခွင်ထဲမှာ (သို့) လူနေမှုဘဝမှာ နေရသူ၊ ကိုယ်ဝန်ဆောင်ချိန် ဆီးချိုဖြစ်ပွားသူ၊ သွေးတိုး၊ နှလုံး၊လေဖြတ် ရောဂါရှိသူ တွေပဲဖြစ်ပါတယ်။

🛑 ဆီးချို သွေးချို လို့ အချို့ကပြောတာ ကြားဖူးမှာပါ။ ဒီတော့ ဆီးချို နဲ့ သွေးချိုက တူလား မတူလား ပြောစရာရှိလာတယ်။

ဟုတ်ပါတယ် ဒီနှစ်ခုဟာ တူတူပါပဲ၊ တွဲနေတာပါ။ သွေးထဲမှာများနေတဲ့ သကြားဓာတ်တွေက ဆီးထဲမှာပါလာတာပါ။

🛑 တကယ်လို့ ဆီးချိုရောဂါဖြစ်လာပီဆိုရင် ဘယ်လိုကုရမလဲ။ အရှင်းရော ပျောက်ကင်းနိုင်မလား။

အရှင်းပျောက်အောင်ကုသလို့မရနိုင်ပါဘူး၊ ဒါပေမယ့် ထိန်းထားလို့ ရနိုင်ပါတယ်။
💊💉 ဆီးချိုရောဂါကို ထိန်းချုပ်ထားနိုင်ဖို့ မိမိရဲ့ရောဂါ အခြေအနေပေါ်မူတည်ပြီး သောက်ဆေး၊ ထိုးဆေး၊ အစားအသောက်ထိန်းခြင်း စသဖြင့် လိုအပ်နိုင်ပါတယ်။

ℹ️ နောက်ဆုံးအနေနဲ့ ဆီးချို နောက်ဆက်တွဲ ပြဿနာတွေ အကြောင်းပြောပြပါမယ်။

အဲ့တာတွေကတော့ မျက်စိမှုန်တာ ၊ တိမ်စွဲတာ၊ ကျောက်ကပ်အားနည်းပြီး ပျက်ဆီးတာ၊ အာရုံကြောရောဂါတစ်မျိုးမျိူးဖြစ်တာ၊ သွေးတိုးတာ၊ လေဖြတ်တာ ၊ နှလုံးသွေးကြောပိတ်တာ၊ ခြေထောက်သွေးကြောပိတ်တာ၊ အနာမကျက်တာ (ပြင်းထန်ရင် ခြေထောက်ဖြတ်ပစ်ရတာ) စတာတွေဖြစ်နိုင်ပါတယ်။
ဒါတွေပြောပြလို့ ကြောက်လန့်မသွားစေချင်ပါဘူး၊။ နေထိုင်မှုပုံစံနဲ့ အစားအသောက်ကို သင့်တော်သလို ပြောင်းလဲပြီး ဆေးဝါးကုသမှု စနစ်တကျ ခံယူမယ်ဆိုရင် အဆင်ပြေပါလိမ့်မယ်။ ☺️

WILMA - Specialist to Your Home

05/04/2022

03/04/2022

27/02/2022

24/02/2022

21/02/2022

20/02/2022

14/02/2022

12/02/2022

10/02/2022

03/02/2022

03/02/2022

28/01/2022

24/01/2022

22/01/2022

21/01/2022

Address

Opening Hours

Telephone

Website

Alerts

Contact The Practice

Shortcuts

Share

Category

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 18:00
Saturday	09:00 - 18:00
Sunday	09:00 - 18:00