What are the opening hours?

Monday 06:00 - 23:59 Tuesday 06:00 - 23:59 Wednesday 06:00 - 23:59 Thursday 06:00 - 23:59 Friday 06:00 - 23:59 Saturday 06:00 - 23:59 Sunday 06:00 - 23:59

OSC Pharmacy, No. 137(D), Thudhamar Road, North Okkalapa Township, Yangon (2025)

17/09/2025

#အစာအိမ်ကိုထိခိုက်စေနိုင်သော_ဆေးဝါးများ

ဆေးတစ်ခုခုကို သောက်သုံးတဲ့အခါ ကိုယ်သောက်
လိုက်တဲ့ ဆေးဟာ ဘယ်လိုမျိုးလဲ၊ ကိုယ်သောက်နေတဲ့
ဆေးဟာ ဘယ်လိုဘေးထွက်ဆိုးကျိုးတွေရှိစေသလဲ
ဆိုတာကို သိပြီးမှသောက်ရင် ပိုကောင်းပါတယ်။
ဒါမှလည်း ချင့်ချိန်ဆင်ခြင်နိုင်မှာဖြစ်ပါတယ်။

ကိုယ်လက်ကိုက်ခဲတဲ့အခါ၊ ဖျားနာတဲ့အခါ ဆေးဆိုင်
တွေမှာ လက်လှမ်းမှီသလို လွယ်လွယ်ကူကူ
၀ယ်သောက်လို့ရနေတဲ့အကိုက်အခဲပျောက်ဆေးတွေ၊
ပဋိဇီ၀ပိုးသတ်ဆေးတွေနဲ့ တစ်ချို့သော ဆေးတွေဟာ
အစာအိမ်ကို ထိခိုက်စေတယ် ဆိုတာ သိပါသလား....

- အကိုက်အခဲပျောက်ဆေး NSAIDsများ
- ပဋိဇီ၀ပိုးသတ်ဆေးများ
- ဆီးချိုရောဂါတွင်သုံးသော Metformin
- Steroids ဆေးများ
- ၀မ်းပျော့ဆေးနှင့် ၀မ်းနှုတ်ဆေးများဟာ
အစာအိမ်ကို သက်ရောက်မှုရှိစေပြီး အန္တရာယ်ဖြစ်စေနိုင်ပါတယ်။

(1) အကိုက်အခဲပျောက်ဆေးများ

Paracetamolလိုဆေးဟာ ဘေးထွက်ဆိုးကျိုးနည်း
ပေမယ့် အခြားသော Non-selective Cox blockers
များဖြစ်တဲ့ Diclofenac, Aspirin, Ibuprofen, Naproxen လိုအကိုက်အခဲပျောက်ဆေးတွေဟာ
အစာအိမ်ကို ထိခိုက်စေနိုင်ပါတယ်။ အစာအိမ်အနာဖြစ်တာ၊ အစာအိမ်သွေးကြောပေါက်တာတွေထိ ဖြစ်စေနိုင်ပါတယ်။

(2) ပဋိဇီ၀ပိုးသတ်ဆေးများ

ရပ်ကွက်ထဲမှာ သွားနာလည်း ပိုးသတ်ဆေးသောက်၊
ဗိုက်အောင့်လည်းပိုးသတ်ဆေးသောက် မိမိသဘောနဲ့
ပိုးသတ်ဆေးကို လွဲမှားစွာသောက်နေကြတဲ့သူတွေရှိ
ပါတယ်။ ပိုးသတ်ဆေးဆိုတာ Infectionကို ကုသတဲ့
နေရာမှာသုံးပါတယ်။ ခန္ဓာကိုယ်ထဲက ကောင်းတာ
ဆိုးတာ ရွေးမနေဘဲ ပိုးအားလုံးကို သတ်ပစ်စေပါတယ်။
အဲ့အခါ အစာအိမ်နဲ့အူလမ်းကြောင်း တစ်လျှောက်မှာ
ရှိတဲ့ ကောင်းကျိုးပြု အဏုဇီ၀ပိုးများကိုပါသေစေနိုင်ပြီး
၀မ်းပျက်၀မ်းလျှောတွေပိုဖြစ်စေပါတယ်။

အစာအိမ်ကိုလည်း ဒုက္ခပေးစေပြီးအော့အန်တာ၊
၀မ်းဗိုက်မအီမသာဖြစ်တာတွေကို ဖြစ်စေနိုင်ပါတယ်။

(3) Metformin

Type(2) ဆီးချိုရောဂါမှာ အသုံးပြုတဲ့ Metformin
ဟာလည်း အစာအိမ်ကို သက်ရောက်မှုရှိစေပါတယ်။
ဆီးလမ်းကြောင်းပိုး၀င်ခြင်း၊ ၀မ်းပျက်၀မ်းလျှောဖြစ်စေတဲ့
E.coli bacteriaကို များလာစေပါတယ်။

(4) Steroids

Prednisolone လိုမျိုး steroids ဆေးတွေဟာ
အစာအိမ်အတွင်းမှာ အက်စစ်ထွက်နှုန်းကို
ပိုများစေကာ အစာအိမ်နံရံတွေကို ထိခိုက်စေနိုင်ပြီး
အစာအိမ်အနာဖြစ်တာ၊ အစာအိမ်သွေးကြေ
ာပေါက်တာမျိုးကိုဖြစ်စေနိုင်ပါတယ်။ ဒါကြောင့်
ဗိုက်ထဲ အစာမရှိချိန် Empty stomachဖြစ်နေတဲ့
အချိန်မှာ မသောက်သင့်ပါဘူး။

(5) Laxatives

၀မ်းပျော့ဆေးတွေ၊ ၀မ်းနှုတ်ဆေးတွေကို ရေရှည်
အသုံးပြုမယ်ဆိုရင် အူလမ်းကြောင်းရဲ့ ညှစ်အားကို
လျော့ကျစေပြီး ဆေးအပေါ်မှီခိုမှုတွေဖြစ်လာနိုင်ပါတယ်။
ဆေးပါမှ ၀မ်းသွားတာမျိုးတွေဖြစ်လာနိုင်ပါတယ်။
အစာအိမ်ထဲမှာ gasတွေများပြီး မအီမသာဖြစ်စေနိုင်ပါတယ်။

ဒါကြောင့် ဒီဆေးတွေကို ဆရာ၀န်မညွှန်ကြားဘဲ
မလိုအပ်ဘဲမသောက်သင့်ပါဘူးနော်။ ကိုယ်
သောက်လိုက်တဲ့ ဆေးတွေက ကိုယ့်ရဲ့အစာအိမ်နဲ့
အူလမ်းကြောင်းမှာ ဘယ်လိုသက်ရောက်မှုတွေရှိစေသလဲ၊
ဘယ်လိုပတ်သက်ဆက်နွယ်မှုတွေရှိသလဲ
ဆိုတာကို သိထားဖို့ အရေးကြီးပါတယ်....

စူးရှမေ

12/09/2025

#တီဘီရောဂါဆိုတာဘာလဲ?

တီဘီရောဂါဆိုတာ လေမှတဆင့် ကူးစက်နိုင်သည့် ရောဂါတစ်မျိုး ဖြစ်ပါတယ်။ တီဘီရောဂါရှိသူတွေ ချောင်းဆိုး၊ နှာချေ၊ တံတွေးထွေးတဲ့အခါ ပိုးမွှားတွေဟာ လေထဲမှာ ပျံ့နှံ့ပြီး ထိုမှတဆင့် ကူးစက်နိုင်တဲ့ ရောဂါတစ်မျိုး ဖြစ်ပါတယ်။

လေမှတဆင့် ကူးစက်နိုင်တဲ့ ရောဂါဖြစ်တာကြောင့် မိသားစုဝင် တစ်ဦးဦးမှာ အဆုတ်တီဘီရောဂါ ရှိနေလျှင် ကျန်မိသားစုဝင်များလည်း စစ်ဆေးကြည့်သင့်ပါတယ်။

မိမိကိုယ် မိမိ တီဘီရောဂါသံသယရှိနေလျှင် နှာခေါင်းစည်းတပ်ခြင်း၊ သလိပ်စစ်ဆေးခြင်း၊ စသည်တို့ကို လုပ်ဆောင်ပြီး လိုအပ်သော ကုသမှုများကို ခံယူသင့်ပါတယ်။

#တီဘီရောဂါလက္ခဏာများမှာ
 ချောင်းဆိုးခြင်း (အနည်းဆုံး နှစ်ပတ်ခန့်)
 သလိပ်ထွက်ခြင်း
 ချောင်းဆိုးလျှင် သွေးပါခြင်း
 ကိုယ်အလေးချိန် ကျဆင်းသွားခြင်း
 အစားစားချင်စိတ် နည်းပါးခြင်း
 ပင်ပန်းနုန်းခွေနေခြင်း
 ဖျားခြင်း
 ညဘက်ချွေးများထွက်နေခြင်း
 ချမ်းတုန်ခြင်း
 ခံတွင်းပျက်ခြင်း စသည်တို့ ဖြစ်ပါတယ်။

အထက်တွင် ဖော်ပြမထားသော အခြားလက္ခဏာများ လည်းရှိနိုင်ပါတယ်။ အကယ်၍ ဖော်ပြပါလက္ခဏာများ
ရှိနေပြီး တီဘီဟု သံသယရှိနေလျှင် ဆရာဝန်နှင့် တိုင်ပင်ဆွေးနွေးသင့်ပါတယ်။

#ထိုအချက်များအပြင်

🔹 လက်သန့်ရှင်းရေးကို အထူးဂရုပြုပါ။
🔹 ချောင်းဆိုးနှာချေတိုင်း တစ်သျှူးကို အသုံးပြုပေးပါ။
🔹 တီဘီရောဂါ ခံစားနေရသည်ဟုသံသယရှိပါက ဆေးစစ်ပါ။
🔹 လူစုလူဝေးရှိရာနေရာများသို့ သွားတိုင်း နှာခေါင်းစည်းတပ်ပါ။
တီဘီရောဂါကာကွယ်ဖို့ဆိုတာ မိမိတစ်ယောက်တည်းအတွက်သာမက ပတ်ဝန်းကျင်ရှိလူတိုင်းအတွက် အရေးကြီးပါတယ်။ အထက်ပါအချက်များကို လိုက်နာခြင်းဖြင့် တီဘီရောဂါကူးစက်မှုကို လျှော့ချပေးနိုင်ပါတယ်။

10/09/2025

ဆေးအသစ်တစ်မျိုးကို မသောက်ခင်မှာ မေးသင့်တဲ့မေးခွန်းများ❓

❗️အရေးကြီးဆုံးအရာကတော့ ဒီဆေးကိုဘာကြောင့် သောက်ရတယ်ဆိုတာကို နားလည်ထားဖို့ပါပဲ။

❗️ဆေးသောက်ခြင်းက ကျန်းမာစေတဲ့ဘဝတစ်ခုဖြစ်ဖို့
အရေးပါတဲ့ အခန်းကဏ္ဍတစ်ခု ဖြစ်ပါတယ်။

❗️ဆေးတစ်ခုကို စသောက်တော့မယ်ဆိုရင် အရင်ဆုံး ဆရာဝန်နှင့် တိုင်ပင်ဆွေးနွေးပြီး အောက်ဖော်ပြပါအချက်များကို မဖြစ်မနေမေးမြန်းသင့်ပါတယ်။

➡️ဒီဆေးက ဘာအတွက် သောက်ရတဲ့ဆေးလဲ?
အရေးကြီးတာတစ်ခုကတော့ ဒီဆေးတွေ သောက်ခြင်းဖြင့် ရောဂါလက္ခဏာတွေကို သက်သာစေတာလား ပျောက်ကင်းစေတာလားဆိုတာကို သေချာနားလည်ထားဖို့ လိုအပ်ပါတယ်။

➡️ဒီဆေးတွေကို ဘယ်အချိန်မှာ ဘယ်လိုသောက်ရမလဲ?
ဆေးတိုင်းက ကွဲပြားပါတယ်။ တစ်ချို့အရာတွေကို အရက်နဲ့ တွဲဖက်၍ မသောက်သုံးသင့်ပါဘူး။

တစ်ချို့က အစာအိမ်ကို ထိခိုက်စေနိုင်တာကြောင့် အစားနဲ့တွဲပြီးတော့ သောက်သုံးသင့်ပါတယ်။ တစ်ချို့ဆေးတွေက အိပ်ချင်စေနိုင်ပြီး ညဘက်မှာ သောက်တာအကောင်းဆုံးဖြစ်ပါတယ်။ ထိုဆေးတွေကို စက်ကိရိယာများနှင့် အလုပ်လုပ်နေစဉ် သို့မဟုတ် ကားမောင်းနေစဉ်မှာ မသောက်သုံးသင့်ပါဘူး။ တစ်ချို့ဆေးတွေကတော့ တခြားမတူညီတဲ့ ဆေးတစ်မျိုးနဲ့တွဲသောက်မိတဲ့အခါ မလိုအပ်တဲ့ အကျိုးသက်ရောက်ခြင်းတွေလည်း ဖြစ်တတ်ပါတယ်။

➡️ဆေးတွေကို ဘယ်လိုမျိုး သိုလှောင်ထားသင့်သလဲ?
တစ်ချို့ဆေးတွေက အအေးခန်းထဲ ထားဖို့ လိုအပ်ပါတယ်။ သင့်တော်တဲ့ သိုလှောင်ထားရှိမှုကို ပြုလုပ်ပေးမှသာ ဆေးတွေက ဘေးကင်းပြီး အာနိသင်ထိရောက်မှာ ဖြစ်ပါတယ်။

➡️တူညီတဲ့ဆေးတွေမဟုတ်ဘဲ ဘာကြောင့် ဒီဆေးဖြစ်ရတာလဲ?
ဆရာဝန်ညွှန်းတဲ့ဆေးတွေက တခြားဆေးတွေထက် ဘေးထွက်ဆိုးကျိုးနည်းတာဖြစ်နိုင်ပါတယ်။ တစ်ချို့ဆရာဝန်တွေက သင့်ကျန်းမာရေးအခြေအနေ သို့မဟုတ် သင်သောက်သုံးနေသည့် ဆေးတွေကို ထည့်သွင်းစဉ်းစားပေးရပါတယ်။

➡️ဖြစ်နိုင်ချေရှိသည့် ဘေးထွက်ဆိုးကျိုးတွေကဘာလဲ?
ဆေးတွေရဲ့ ဘေးထွက်ဆိုးကျိုးတွေက ဘယ်လောက်ပြင်းထန်လဲဆိုတာကတော့ အသက်အရွယ်၊ ကိုယ်အလေးချိန်နှင့် တခြားသော ဆေးသောက်တဲ့ပုံစံ စတဲ့အချက်တွေအပေါ် မူတည်ပြီးတော့ အပြောင်းအလဲတွေဖြစ်နိုင်ပါတယ်။

➡️ကိုယ်ဝန်ရှိနေလျှင် သောက်သုံးလို့ရပါသလား?
တစ်ချို့သောဆေးဝါးများက ကိုယ်ဝန်ဆောင်အမျိုးသမီးများနှင့် သူ့သန္ဓေသားကိုပါ ထိခိုက်စေနိုင်ပါတယ်။ သင်က ကိုယ်ဝန်ဆောင်ဖို့ ရည်ရွယ်ထားသူတစ်ယောက်ဖြစ်နေရင်လည်း ဆရာဝန်နဲ့ တိုင်ပင်ဆွေးနွေးပြီးမှ သောက်သုံးနိုင်ပါတယ်။

➡️ဆေးတစ်ကြိမ်သောက်ဖို့ လွတ်သွားလျှင် ဘာလုပ်ရမလဲ‌?
မိမိဆေးက တစ်ကြိမ်လွတ်ရုံနဲ့ အာနိသင်အပြောင်းအလဲဖြစ်နိုင်တဲ့ ဆေးမျိုးလားဆိုတာကို သိအောင်အရင်မေးပါ။

ဥပမာ နေ့စဉ်သုံးသန္ဓေတားဆေးတွေက သောက်ဖို့ တစ်ကြိမ်လွတ်သွားရင် ကိုယ်ဝန်ရနိုင်ချေပိုတိုးလာနိုင်ပါတယ်။ နှစ်ကြိမ်လောက်လွတ်သွားပြီဆိုရင်တော့ နောက်ထပ် သန္ဓေတားနည်းတစ်ခုကို အသုံးပြုဖို့ လိုအပ်ပါတယ်။

❗️အချုပ်အားဖြင့်ဆိုရလျှင် ဆေးအသစ်တစ်မျိုးကို စတင်သောက်သုံးမည်ဆိုပါက ဆရာဝန်ညွှန်ကြားချက်အတိုင်း အတိအကျလိုက်နာပါ။ ဆေးညွှန်းစာရွက်ကို သေချာဖတ်ပါ။ ဆေးသောက်ပြီး ဘေးထွက်ဆိုးကျိုးတွေ့ရင် ချက်ချင်းဆရာဝန်ကိုပြောပါ။ မိမိသဘောနဲ့ မိမိ ဆေးရပ်တာမျိုး မလုပ်ပါနဲ့။

.com

polyclinic.com

28/08/2025

သွေးတိုးရောဂါ

- လေဖြတ် (ကိုယ်တစ်ခြမ်းသေ)
- မျက်စိကွယ်
- နှလုံးရောဂါ (မော၊ ဖော)
- နှလုံးသွေးကြောကျဉ်း၊ ပိတ် (ရင်ဘတ်အောင့်)
- ကျောက်ကပ်ပျက် (မော၊ ဖော၊ ဆီးမထွက်)
- သည်လိုတွေမဖြစ်ရလေအောင် သွေးပေါင်ကို ၁၃၀/၈၀ အောက်မှာ အမြဲထားရပါမယ်။
သွေးပေါင်ထိန်းရမရ သိနိုင်ဖို့ရာ တစ်ပတ်တစ်ခါ သွေးပေါင်ချိန်ပေးပါ။

- သွေးပေါင်မချိန်မီ နာရီဝက်မလိုကစပြီး ကော်ဖီ၊ လက်ဖက်ရည် မသောက်ထားသင့်ပါ။
- ဆီးဝမ်းသွားချင်၍ အောက်မထားရပါ။
- ၅ မိနစ်ခန့်် နားပြီးမှ ချိန်ပါ။
- သက်တောင့်သက်သာ အနေအထားမှာ ချိန်ပါ။
- နှလုံးနဲ့လက်ဆောင်းတစ်တန်းတည်းရှိနေအောင် ထိုင်ပြီး ချိန်လျှင် ပိုသင့်တော်ပါတယ်။
- ချိန်နေစဉ် စကားမပြောသင့်ပါ။
- စက်မှန်
- အနေအထားမှန်
- ချိန်နည်းမှန်

#သွေးတိုးရောဂါ မဖြစ်အောင် ထိန်းသိမ်းရန် နည်းလမ်းများ’

၁။ အစားအသောက်
- ဆားနှင့် အငန်ကဲသောအစာများ (ငါးပိ၊ ငါးခြောက်၊ ငံပြာရည်) လျှော့စားပါ။
- ဟင်းခပ်မှုန့်၊ ဟင်းချိုမှုန့်များ၊ တတ်နိုင်သမျှ ရှောင်ပါ။
- အဆီအဆိမ့် လျှော့စားပါ။ ဝက်ဆီ၊ စားအုံးဆီ ရှောင်ပြီး ဟင်းရွက်ဆီ၊ ပဲပိစပ်ဆီ၊ နေကြာဆီ၊
သံလွင်ဆီ အစားထိုးသုံးပါ။
- အသီးအနှံ၊ အသီးအရွက်၊ အစေ့အဆံများများ စားပါ။
- အရက်ဘီယာ ထိန်းသောက်ပါ။

၂။ လေ့ကျင့်ခန်း
- တစ်နေ့ နာရီဝက် တစ်နာရီပုံမှန်လုပ်ပါ။
- ချွေးစို့တဲ့အထိ ခပ်သုတ်သုတ်လုပ်ပါ။
- ဝိတ်ကျလာလေလေ သွေးတိုးထိန်းရတာ လွယ်လေလေ ဖြစ်ပါတယ်။

၃။ သွေးထိန်းဆေး
- သွေးထိန်းဆေး အမျိုးမျိုးရှိပါတယ်။
- သင့်တော်ရာကို ဆရာဝန်က ရွေးချယ်ပေးပါလိမ့်မယ်။
- သွေးတိုးဟာ အမြစ်ပြတ်တဲ့ရောဂါမဟုတ်ပါ။ ဒါကြောင့် သွေးထိန်းဆေးကို သောက်လိုက်မသောက်လိုက် မလုပ်ရပါ။ သေတပန်သက်တဆုံး သောက်မှသာ သက်ရှည်ကျန်းမာပါလိမ့်မည်။

23/08/2025

#အူမကြီးကင်ဆာရောဂါအကြောင်းသိကောင်းစရာ
မင်္ဂလာပါ…!
OSC ဆေးရုံမှ နှုတ်ခွန်းဆက်သလိုက်ပါတယ်ရှင့်….
ယနေ့တင်ပြဆွေးနွေးပေးမည့်အကြောင်းအရာကတော့
ယနေ့ခေတ်လူတော်တော်များများမှာ အဖြစ်များလာသည့်
အူမကြီးကင်ဆာရောဂါ နှင့်ပတ်သက်ပြီး
🔹အထွေထွေခွဲစိတ်အထူးကုသမားတော်ကြီး
ပါမောက္ခဦးနေအောင်ထွန်း
𝐏𝐫𝐨𝐟:𝐔 𝐍𝐚𝐲 𝐀𝐮𝐧𝐠 𝐇𝐭𝐮𝐧
𝐌.𝐁.,𝐁.𝐒, 𝐌. 𝐌𝐞𝐝. 𝐒𝐜(𝐒𝐮𝐫𝐠), 𝐌.𝐑.𝐂.𝐒.𝐄𝐝 (𝐔𝐊),
𝐃𝐫. 𝐌𝐞𝐝. 𝐒𝐜 (𝐆𝐞𝐧𝐞𝐫𝐚𝐥 𝐒𝐮𝐫𝐠𝐞𝐫𝐲),
𝐃𝐂𝐌𝐄,𝐅𝐑𝐂𝐒(𝐆𝐥𝐚𝐬𝐠),𝐅𝐑𝐂𝐒𝐄𝐝,𝐌𝐅𝐒𝐓𝐄𝐝,𝐅𝐀𝐂𝐒 မှ
အသေးစိတ်တင်ပြဆွေးနွေးပေးထားသည်များကို ပြန်လည်မျှဝေပေးလိုက်ပါတယ်ရှင်…🩺

12/08/2025

ဆီးကျိတ်ကင်ဆာ 🎗🎗🎗

ဆီးကျိတ်သည် သုတ်ရည်များထုတ်လုပ်ပေးသည့် အကျိတ်တစ်ခုဖြစ်ပါတယ်။

ဆီးကျိတ်ကင်ဆာသည် အမျိုးသားများတွင်ဖြစ်လေ့ရှိသော ကင်ဆာရောဂါများထဲမှ တစ်ခုအပါအ၀င်ဖြစ်ပြီး ယေဘူယျအားဖြင့် ကင်ဆာ ဆဲလ်များကြီးထွားမှုနှုန်းဟာ နှေးကွေးတတ်ပါတယ်။

သို့သော် တချို့ဆီးကျိတ်ကင်ဆာအမျိုးအစားများဟာ လျင်မြန်စွာပျံ့နှံ့နိုင်တာကြောင့် စောစီးစွာသိရှိပြီး ဆေးကုသမှုခံယူဖို့ အထူးလိုအပ်ပါတယ်။

ဆီးကျိတ်ကင်ဆာဟာ တစ်ယောက်နဲ့တစ်ယောက်မတူညီကွဲပြားတဲ့ လက္ခဏာတွေ ရှိတတ်ကြပါတယ်။ အမျိုးသားအများစုမှာ လက္ခဏာလုံးဝမပြကြတာမျိုးလည်း ရှိကြပါတယ်။

🎗အောက်ဖော်ပြပါလက္ခဏာများထဲမှ တစ်ခုခုသင့်မှာ ရှိနေလျှင် ဆရာဝန်ဖြင့် ချက်ချင်းပြသပါ။

• ဆီးသွားရခက်ခဲခြင်း
• ဆီးကြောင်းသေးခြင်း၊ အားနည်းခြင်း
• ညဘက်၌ မကြာခဏဆီးသွားခြင်း
• ဆီးကျန်ခြင်း/ဆီးအိမ်ထဲဆီးကုန်အောင် ဆီးမသွားနိုင်ခြင်း
• ဆီးသွားစဉ် နာကျင်ခြင်း/ပူလောင်ခြင်း
• ဆီးထဲတွင် သွေးပါခြင်း
• တင်ပါး၊ နောက်ကျော၊ တင်ပါးဆုံရိုးစသည်တို့တွင် နာကျင်နေခြင်း
• သုတ်လွှတ်စဉ် နာကျင်ခြင်း
အထက်ပါ လက္ခဏာများဟာ ဆီးကျိတ်ကင်ဆာမဟုတ်ဘဲ အခြားသောရောဂါ အခြေအနေများကြောင့်လည်း ဖြစ်တတ်ပါတယ်။

သင့်ကို စိုးရိမ်စေသည့် လက္ခဏာများရှိနေလျှင် ဆရာဝန်ဖြင့် ချက်ချင်းပြသကြည့်သင့်ပါတယ်။

01/08/2025

ကိုယ်ဝန်ဖျက်ဆေးများ၏ အန္တရာယ်
=====================
ယခုအခါမှာ သန္ဓေတားနည်းတွေ အမျိုးမျိုးရှိနေပြီဖြစ်တာကြောင့် ကိုယ်ဝန်ဖျက်ချနှုန်းကတော့ အရင်ကထက် လျော့နည်းသွားကြပေမဲ့ မမျှော်လင့်ဘဲ မလိုချင်သည့်အချိန် ကိုယ်ဝန်ရသွားတဲ့အခါမှာတော့ ဖျက်ချကြဖို့ ကြိုးစားတတ်ကြပါတယ်။ ယခုအခါမှာ အွန်လိုင်းပေါ်ကနေပြီးတော့ ကိုယ်ဝန်ဖျက်ဆေးများ ရောင်းချနေကြတာကိုလည်း တွေ့ရှိလာရပါတယ်။ ဒီဆေးတွေနဲ့ ပတ်သက်တဲ့ အန္တရာယ်များကို ရေးသားဖော်ပြပေးသွားမှာ ဖြစ်ပါတယ်။

#ရောဂါပိုးဝင်ခြင်း
ကိုယ်ဝန်ဖျက်ဆေးရဲ့ အန္တရာယ်တစ်ခုကတော့ ဆေးဟာ ကိုယ်ဝန်ဖျက်ချသည့် လုပ်ငန်းစဉ်ကို ပြီးမြောက်အောင် မလုပ်ဆောင်နိုင်တဲ့အခါမှာ သားအိမ်ထဲမှာ သန္ဓေသားလောင်းရဲ့ တစ်ရှူးလေးတွေ ကျန်နေခဲ့တတ်ပါတယ်။ ကျန်နေတာကို သတိမထားမိတဲ့အခါမှာ ထိုကျန်ရှိနေသည့် တစ်ရှူးများက အသက်အန္တရာယ်ရှိသည့် ရောဂါပိုးဝင်ခြင်းအထိ ဖြစ်လာနိုင်ပါတယ်။
#ဆေးကုသမှုများမရှိခြင်း
အများစုက မိမိနေအိမ်မှာပဲ လုပ်ဆောင်ခဲ့ကြတာဖြစ်ပြီး ဆေးကုသမှုမရှိဘဲ ပြီးသွားတတ်ကြပါတယ်။ ဒါကတော့ နောက်ဆက်တွဲ ကျန်းမာရေးပြဿနာများ ဖြစ်လာနိုင်ပါတယ်။

#သွေးဆင်းများခြင်း
ကိုယ်ဝန်ဖျက်ဆေးများဟာ ကိုယ်ဝန်ကို တားဆီးလိုက်တာဖြစ်တာကြောင့် သားအိမ်မှ တစ်ရှူးများ ပြိုကွဲပြီး သွေးဆင်းလာတာဖြစ်ပါတယ်။ သာမန်သွေးယိုဆင်းခြင်းအပြင် အလွန်အမင်းသွေးယိုဆင်းခြင်းများအထိ ဖြစ်လာနိုင်ပါတယ်။ ထိုကဲ့သို့ လွန်ကဲစွာ သွေးယိုဆင်းခြင်းများကြောင့် သေဆုံးသည်အထိ ဖြစ်လာနိုင်ပါတယ်။ သင်ဟာ ကိုယ်ဝန်ဖျက်ဆေးများကို သောက်သုံးပြီးနောက် အလွန်အမင်း သွေးယိုဆင်းလာလျှင် ဆရာဝန်နှင့် ချက်ချင်းပြသပါ။

#တင်ပါးဆုံရောင်ရမ်းနာ
ကိုယ်ဝန်ဖျက်ချခြင်းက တင်ပါးဆုံရောင်ရမ်းနာ ဖြစ်လာနိုင်သည့် အန္တရာယ်လည်း ရှိပါတယ်။ ထိုရောဂါလက္ခဏာများမှာ နောက်ထပ် ကိုယ်ဝန်မဆောင်နိုင်တော့ခြင်း၊ ပြည်တည်နာနှင့် နာတာရှည် နာကျင်မှုများ ပါဝင်ပါတယ်။

#စိတ်ကျန်းမာရေးပြဿနာများ
အမျိုးသမီးအများစုဟာ ကိုယ်ဝန်ဖျက်ချပြီးနောက်မှာ စိတ်ကျန်းမာရေးဆိုင်ရာ ပြဿနာများ ဖြစ်လာတတ်ကြပါတယ်။ ထိုအခြေအနေများမှာ စိတ်လှုပ်ရှားခြင်း၊ စိတ်ဓာတ်ကျခြင်း သို့မဟုတ် စိတ်ထိခိုက်သည့် လက္ခဏာများ စသည်တို့ ပါဝင်ပါတယ်။

#ကိုယ်ဝန်မဆောင်နိုင်နှုန်းမြင့်တက်လာခြင်း
ကိုယ်ဝန်ဖျက်ဆေးကြောင့် ရောဂါပိုးဝင်ရောက်ခြင်းက သားအိမ်ကို နောက်ထပ် ကိုယ်ဝန်မဆောင်နိုင်တော့သည်အထိ ဖြစ်လာစေနိုင်ပါတယ်။ သင်ဟာ ကိုယ်ဝန်ဖျက်ဆေးကို သောက်သုံးတော့မည်ဆိုပါက သင့်အနာဂတ်မိသားစုအစီအစဉ်များနှင့် ဖြစ်လာနိုင်သည့် အန္တရာယ်များကို ထည့်သွင်းစဉ်းစားသင့်ဖို့က အရေးကြီးပါတယ်။

#နောက်ဆက်တွဲ ကျန်းမာရေးပြဿနာများ
အောက်ဖော်ပြပါ ကျန်းမာရေးပြဿနာရှိသူများဟာ ကိုယ်ဝန်ဖျက်ဆေးကို လုံးဝကို မသောက်သုံးသင့်ကြောင်းကို ဖော်ပြထားပါတယ်။
🔹 သားအိမ်တွင်းပစ္စည်းထည့်ထားသူ
🔹 ကိုယ်ဝန်ဖျက်ဆေးတွင် ပါဝင်သည့် ဆေးဝါးများနှင့် ဓာတ်မတည့်သူ
🔹 နှလုံးရောဂါရှိသူ
🔹 သွေးကြောနှင့်ဆိုင်သည့် ရောဂါများရှိသူ
🔹 အသည်းရောဂါရှိသူ
🔹 ကျောက်ကပ်ရောဂါရှိသူ
🔹 အဆုတ်ရောဂါရှိသူ
🔹 မူမမှန်သည့် သန္ဓေသားရှိသူ
🔹 သွေးကျဲဆေးအသုံးပြုနေသူများ

.com

25/07/2025

အိုမီပရာဇော (အစာအိမ်ဆေး)💊💊💊

💊အိုမီပရာဇောကို အစာအိမ်ထဲမှာ အက်စစ်တွေအရမ်းများနေတဲ့အခြေအနေများကို ကုသဖို့အတွက် အသုံးပြုလေ့ရှိပါတယ်။

💊ရင်ပူရင်ဆာဖြစ်ခြင်းနှင့် အူသိမ်နာ၊ အစာပြွန်နာခြင်းနှင့် စားချဉ့်ပြန်ခြင်း စသည်တို့ကို ကုသဖို့အတွက် အသုံးပြုကြပါတယ်။

💊စားချဉ့်ပြန်ခြင်းဆိုသည်မှာ အစာအိမ်ထဲရှိ အက်ဆစ်များက အစာပြွန်ထဲသို့ ပြန်တက်လာခြင်း ဖြစ်ပါတယ်။

💊တစ်ခါတလေ အိုမီပရာဇောကို H.pylori ဘတ်တီးရီးယားကြောင့် ဖြစ်သည့် ရောဂါပိုးဝင်ခြင်းများကို ကုသရာတွင် အမောက်စလင်တို့လို ဆေးတွေနဲ့လဲ တွဲပြီးသုံးလေ့ရှိပါတယ်။

💊အိုမီပရာဇောကို အစာအိမ်က အက်ဆစ်ထုတ်လုပ်တာအရမ်းများနေသည့်အခြေအနေများကို ကုသရာမှာလည်း အသုံးပြုလေ့ရှိပါတယ်။

💊အစာအိမ်အချဉ်ပေါက်ခြင်း၊ ရင်ပူရင်ဆာဖြစ်ခြင်း သို့မဟုတ် အစာမကြေခြင်း စသည့်အခြေအနေများတွင်လည်း အိုမီပရာဇောကို သောက်သုံးနိုင်သည်။
ထို့အပြင် အိုမီပရာဇောကို ပြင်းထန်စွာဖျားနာသည့်လူနာများတွင် အစာအိမ်လမ်းကြောင်း သွေးယိုစိမ့်မှုများ မဖြစ်အောင် ကာကွယ်ဖို့အတွက်လည်း အသုံးပြုကြပါတယ်။

အိုမီပရာဇောဟာ အစာအိမ်ကထုတ်လုပ်သည့် အက်စစ်ပမာဏကို လျှော့ချပေးနိုင်ပါတယ်။

ဆေးဝါးများကို ဆရာဝန်ညွှန်ကြားချက်ဖြင့် သောက်သုံးခြင်းသည် အကောင်းဆုံးနည်းလမ်းဖြစ်ပါတယ်။

23/07/2025

What are painkillers and NSAIDs?

အကိုက်အခဲပျောက်ဆေးများနှင့် NSAIDs ဆိုတာဘာလဲ?
အကိုက်အခဲပျောက်ဆေးများ နှင့် စတီးရွိုက်မပါသော အရောင်ကျဆေးများ (NSAIDs) ဆိုတာ နာကျင်ကိုက်ခဲမှုကိုသက်သာစေရန်အသုံးပြုသည့်ဆေးဝါးများဖြစ်ပါတယ်။

အကိုက်အခဲပျောက်ဆေးများ (ဥပမာ - ပါရာစီတမော) သည် နာကျင်ကိုက်ခဲမှုကို သက်သာစေပြီး NSAIDs (ဥပမာ - အိုင်ဗျူပရိုဖန်၊ အက်စပရင်) သည် အရောင်ကျခြင်း၊ အဖျားကျစေခြင်းနှင့် နာကျင်မှုကိုသက်သာစေပါတယ်။

ပါရာစီတမော (Paracetamol)
ပါရာစီတမောကို အဖျားသက်သာစေရန်နှင့် နာကျင်ကိုက်ခဲမှုများ သက်သာစေရန် အသုံးပြုပါတယ်။ ပါရာစီတမောကို ဆေးပြား၊ ဆေးတောင့်၊ ဆေးရည် စသဖြင့် သောက်သုံးတတ်ကြပါတယ်။ သောက်သုံးပြီးနောက် နာရီပိုင်းအတွင်း ဆေးစွမ်းပြပြီး ငါးနာရီခန့်အထိ ဆေးအာနိသင် ရတတ်ပါတယ်။

ပါရာစီတမောဟာ ဘေးကင်းစိတ်ချစွာ အလွယ်တကူ သောက်သုံးနိုင်သော်လည်း အခြားကျန်းမာရေးပြဿနာတွေရှိနေလျှင်တော့ ဆရာဝန်နဲ့တိုင်ပင်ဆွေးနွေးပြီးမှ သောက်သုံးသင့်ပါတယ်။

ခါးနာခြင်း၊ အရိုးအဆစ်ရောင်ရမ်းနာခြင်း စသည့် ပြဿနာများရှိနေလျှင် ပါရာစီတမောတစ်မျိုးထဲသောက်သုံးခြင်းက အထိရောက်ဆုံးကုသနည်းဖြစ်ချင်မှဖြစ်ပါလိမ့်မယ်။
NSAIDs (ဥပမာ - အိုင်ဗျူပရိုဖန်၊ အက်စပရင်) တို့နဲ့ တွဲပြီး ပါရာစီတမောကို သောက်သုံးနိုင်ပါတယ်။

သို့သော် ခေါင်းတစ်ခြမ်းကိုက်ခြင်း၊ ချောင်းဆိုးခြင်း၊ အအေးမိခြင်းနှင့် အအေးမိတုပ်ကွေးရောဂါတို့အတွက် ဆေးသောက်သုံးနေလျှင် သေချာဂရုစိုက်သင့်ပါတယ်။ ဘာလို့လဲဆိုတော့ ဒီဆေးတွေမှာ မကြာခဏဆိုသလို ပါရာစီတမောပါတတ်ပါတယ်။

ပါရာစီတမောအများကြီးကို သောက်သုံးမိလျှင် အသည်းပျက်စီးခြင်း ဖြစ်စေနိုင်ပါတယ်။

NSAIDs
စတီးရွိုက်မပါသော အရောင်ကျဆေးများ (NSAIDs) ကို နာကျင်မှု၊ အဖျားပျောက်ဆေးနှင့် အရိုးအဆစ်များ ရောင်ရမ်းနာကျင်မှုများအတွက် ရေတိုသက်သာစေရန် အသုံးပြုလေ့ရှိပါတယ်။

သောက်သုံးပြီး တစ်နာရီအတွင်း သက်သာပျောက်ကင်းစေနိုင်ပါတယ်။ သို့သော် အပြည့်အဝအကျိုးသက်ရောက်စေဖို့ ရက်ပေါင်းများစွာလည်း ကြာနိုင်ပါတယ်။

အိုင်ဗျူပရိုဖန်၊ အက်စပရင် တို့လို NSAIDs ကို သောက်သုံးနေလျှင် နောက်ထပ်ဆေးကုသမှုမလုပ်ခင် ဆရာဝန်နှင့် တိုင်ပင်ဆွေးနွေးသင့်ပါတယ်။

ဒီဆေးတွေကို ရေရှည်သောက်သုံးနေမယ်ဆိုရင်တော့ ဘေးထွက်ဆိုးကျိုးများ ဖြစ်စေနိုင်ပါတယ်။

.org

02/07/2025

မင်္ဂလာပါရှင်
1️⃣.7️⃣.2️⃣0️⃣2️⃣5️⃣ရက်နေ့မှစ၍ OSC ဆေးရုံ၏ ဝန်ဆောင်မှုများကို ပုံမှန်အတိုင်း ပြန်လည်ဆောင်ရွက်သွားမည်ဖြစ်ကြောင်းမိဘပြည်သူများထံ လေးစားစွာ အသိပေးအကြောင်းကြားအပ်ပါသည်ရှင်...📣

မိဘပြည်သူတို့၏ ကျန်းမာရေးလိုအပ်ချက်များကို အပြည့်အဝ ဖြည့်ဆည်းပေးနိုင်ရန်အတွက် ခေတ်မီစက်ကိရိယာများနှင့် ကျွမ်းကျင်သော ဆရာဝန်ကြီးများ၊ သမားတော်ကြီးများ၊ အထူးကုဆရာဝန်ကြီးများ၊ သူနာပြုများနှင့် ကျန်းမာရေးဝန်ထမ်းများဖြင့် ဝန်ဆောင်မှုပေးရန် အသင့်ဖြစ်နေပါပြီ🏥🩺⚕️

OSC ဆေးရုံသည် လူကြီးမင်းတို့၏ ကျန်းမာရေးအတွက် အကောင်းဆုံးသော ဝန်ဆောင်မှုများကို နေ့စဉ် ပိတ်ရက်မရှိ ဆောင်ရွက်ပေးမည်ဖြစ်ကြောင်း သတင်းကောင်းပါးအပ်ပါသည်…🏪

ဆေးရုံပြသခြင်းနှင့် အခြားသောဝန်ဆောင်မှုများ အားလုံးအတွက် အသေးစိတ်သိရှိလိုပါက
ဖုန်းနံပါတ် : 09-43208326, 09-765485562 ကို ဆက်
သွယ်စုံစမ်းမေးမြန်းနိုင်ပါသည်။

27/02/2025

ခန္ဓာကိုယ်က လိုအပ်သည့် ဗီတာမင် ၁၃ မျိုး
===========================
ဗီတာမင်ဆိုတာ ကျန်းမာရေးကောင်းမွန်စေဖို့ ခန္ဓာကိုယ်က လိုအပ်တဲ့ အော်ဂဲနစ်အာဟာရဓာတ်များ ဖြစ်ပါတယ်။ ဗီတာမင်အားလုံးက မဖြစ်မနေလိုအပ်ပါတယ်။ သို့သော် ခန္ဓာကိုယ်က သူတို့ကို လိုအပ်နေရင်တောင် လိုအပ်သည့်ပမာဏကို ကိုယ်တိုင်မထုတ်လုပ်နိုင်ပါဘူး။
အစားအသောက် သို့မဟုတ် ဖြည့်စွက်စာများမှတဆင့် လိုအပ်သည့်ပမာဏကို ရရှိနိုင်ပါတယ်။ ခန္ဓာကိုယ်အတွက် မရှိမဖြစ်လိုအပ်သည့် ဗီတာမင် ၁၃ မျိုးရှိပါတယ်။
ကျန်းမာရေးကောင်းမွန်စေဖို့ ဗီတာမင်တွေက ဘယ်လောက်အရေးပါလဲဆိုတာကို နားလည်စေဖို့ ဗီတာမင်များအကြောင်းကို သေချာရေးသားဖော်ပြလိုက်ပါတယ်။
ခန္ဓာကိုယ်က ဗီတာမင်နဲ့ သတ္ထုဓာတ်တွေကို ပမာဏအနည်းငယ်သာလိုအပ်ပါတယ်။ လိုအပ်သည့် ပမာဏအနည်းငယ်ကိုတောင် မရနိုင်ဘူးဆိုလျှင်တော့ ရောဂါများ ဖြစ်လာနိုင်ပါတယ်။ ဥပမာ
• ဗီတာမင်စီ ချို့တဲ့လျှင် သွားဖုံးသွေးယိုခြင်းနှင့် ပင်ပန်းနွမ်းနယ်ခြင်းများ ဖြစ်လာနိုင်ပါတယ်။
• ဗီတာမင် အေ ချို့တဲ့လျှင် အမြင်အာရုံကို ချို့တဲ့စေနိုင်ပါတယ်။
• ဗီတာမင်ဒီ ချို့တဲ့လျှင် အရိုးများအားနည်းခြင်းကို ဖြစ်စေနိုင်ပါတယ်။
ဗီတာမင်နှင့် သတ္ထုဓာတ်တွေက အခြေခံအားဖြင့် အမျိုးမျိုးကွဲပြားကြပါတယ်။ အော်ဂဲနစ်ဗီတာမင်များက အပူ၊ လေ သို့မဟုတ် အက်ဆစ်များကြောင့် ပြိုကွဲနိုင်ပြီး စုပ်ယူသိုလှောင်ဖို့ ပိုခက်ခဲစေပါတယ်။
အော်ဂဲနစ်မဟုတ်သည့် သတ္ထုဓာတ်များက သူတို့ရဲ့ ဖွဲ့စည်းမှုပုံစံကို ထိန်းသိမ်းထားပြီး အပင်များ၊ ငါး၊ တိရိစ္ဆာန်နှင့် သောက်သုံးလိုက်သည့် အရည်များမှတဆင့် ခန္ဓာကိုယ်ဆီကို ရောက်ရှိနိုင်စေပါတယ်။
#ရေမှာပျော်ဝင်နိုင်သည့် ဗီတာမင် ၉ မျိုး
ရေမှာ ပျော်ဝင်နိုင်သည့် ဗီတာမင်များက ခန္ဓာကိုယ်တစ်လျှောက် အလွယ်တကူသွားလာနိုင်ပါတယ်။ ပိုလျှံနေသည့် ပမာဏကိုတော့ ကျောက်ကပ်မှတဆင့် အညစ်အကြေးများ စွန့်ပစ်စေပါတယ်။
ရေတွင် ပျော်ဝင်နိုင်သော ဗီတာမင်များသည် ခန္ဓာကိုယ်အတွင်း လွယ်ကူစွာ ရွေ့လျားနိုင်ပြီး မလိုအပ်သော ပမာဏများကို ကျောက်ကပ်မှတစ်ဆင့် စွန့်ထုတ်လေ့ရှိပါသည်။
ရေတွင် ပျော်ဝင်နိုင်သော ဗီတာမင်များကို မကြာခဏ နှင့် အနည်းငယ်စီ လိုအပ်သော်လည်း၊ niacin (နီယာစင်)၊ ဗီတာမင် B6၊ folate (ဖောလိတ်)၊ choline (ကိုလင်း) နှင့် ဗီတာမင် C တို့သည် ကျန်းမာရေးအတွက် အထွက်နှုန်း ကန့်သတ်ချက်များ ရှိပါသည်။
ဥပမာအားဖြင့်၊ ဗီတာမင် B6 ကို ကြာရှည်စွာ အလွန်အကျွံ စားသုံးပါက ပြန်လည်ကောင်းမွန်နိုင်ခြင်း မရှိသော အာရုံကြော ပျက်စီးမှုများ ဖြစ်ပေါ်စေနိုင်ပါသည်။ မျှတသော အစားအစာသည် ထိုဗီတာမင်များ၏ လုံလောက်သော ပမာဏကို ပေးစွမ်းနိုင်ပါသည်။
ရေတွင် ပျော်ဝင်နိုင်သော ဗီတာမင်များ၊ ၎င်းတို့၏ အသုံးဝင်ပုံနှင့် ပါဝင်သည့်အစားအသောက်များမှာ
၁။ သီယာမင်း (ဗီတာမင် B1)
ခန္ဓာကိုယ်အတွက် စွမ်းအင်ထုတ်လုပ်မှုတွင် အရေးပါသော အင်ဇိုင်း၏ အစိတ်အပိုင်းဖြစ်ပြီး အာရုံကြောဆိုင်ရာလုပ်ဆောင်ချက်များအတွက် အရေးပါသည်။
ဝက်သား၊ ဂျုံကြမ်းပေါင်မုန့် သို့မဟုတ် အာဟာရဖြည့်ထားသော ပေါင်မုန့်နှင့် ကွေကာ၊ ပဲအမျိုးမျိုး၊ အစေ့အဆန်များ တွင် ပါဝင်သည်။
၂။ ရိုင်ဘိုဖလေဗင် (ဗီတာမင် B2)
စွမ်းအင်ထုတ်လုပ်မှုအတွက် အရေးပါသော အင်ဇိုင်း၏ အစိတ်အပိုင်းတစ်ခုဖြစ်ပြီး အမြင်အာရုံနှင့် အသားအရေကျန်းမာရေးအတွက် အရေးပါသည်။
နို့နှင့် နို့ထွက်ပစ္စည်းများ၊ ဂျုံကြမ်းပေါင်မုန့် သို့မဟုတ် အာဟာရဖြည့်ထားသော ပေါင်မုန့်နှင့် ကွေကာ၊ အစိမ်းရင့်ရောင်ဟင်းသီးဟင်းရွက်များတွင် ပါဝင်သည်။
၃။ နီယာစင် (ဗီတာမင် B3)
စွမ်းအင်ထုတ်လုပ်မှုအတွက် အရေးပါသော အင်ဇိုင်း၏ အစိတ်အပိုင်းတစ်ခုဖြစ်ပြီး အာရုံကြောစနစ်၊ အသားအရေနှင့် အစာခြေစနစ်ကျန်းမာရေးအတွက် အရေးပါသည်။
အသား၊ ကြက်သား၊ ငါး၊ ဂျုံကြမ်းပေါင်မုန့် သို့မဟုတ် အာဟာရဖြည့်ထားသော ပေါင်မုန့်နှင့် ကွေကာ၊ ကညွတ်၊ မှို၊ အစိမ်းရင့်ရောင်ဟင်းသီးဟင်းရွက်များ၊ မြေပဲထောပတ် တို့တွင် ပါဝင်သည်။
၄။ ပန်တိုသင်းနစ်အက်စစ် (Pantothenic Acid)
စွမ်းအင်ထုတ်လုပ်မှုအတွက် အရေးပါသော အင်ဇိုင်း၏ အစိတ်အပိုင်းတစ်ခုဖြစ်သည်။
များစွာသော အစားအစာများတွင် ပါဝင်သည်။
၅။ ဘိုင်အိုတင် (Biotin)
စွမ်းအင်ထုတ်လုပ်မှုအတွက် အရေးပါသော အင်ဇိုင်းများ၏ အစိတ်အပိုင်းတစ်ခုဖြစ်သည်။
အစားအစာအမျိုးမျိုးတွင် ပါဝင်ပြီး၊ အူလမ်းကြောင်းရှိ ဘက်တီးရီးယားများမှလည်း ထုတ်လုပ်ပေးသည်။
၆။ ပီရီဒေါ့စင်း (ဗီတာမင် B6)
ပရိုတင်းဇီဝကမ္မဖြစ်စဉ်အတွက် အရေးပါသော အင်ဇိုင်းများ၏ အစိတ်အပိုင်းဖြစ်ပြီး၊ သွေးနီဥဆဲလ်များ ဖန်တီးရာတွင်လည်း ကူညီပေးသည်။
အသား၊ ငါး၊ ကြက်သား၊ ဟင်းသီးဟင်းရွက်များနှင့် သစ်သီးများ တွင် ပါဝင်သည်။
၇။ ဖောလစ်အက်စစ် (Folic Acid)
DNA နှင့် ဆဲလ်အသစ်များ (အထူးသဖြင့် သွေးနီဥဆဲလ်များ) ဖန်တီးရာတွင် အရေးပါသော အင်ဇိုင်းများ၏ အစိတ်အပိုင်းဖြစ်သည်။
အစိမ်းရောင်ဟင်းသီးဟင်းရွက်များ၊ ပဲအမျိုးမျိုး၊ အစေ့များ၊ အသည်း၊ လိမ္မော်ရည် တို့တွင် ပါဝင်သည်။
၈။ ကိုဘာလမင် (ဗီတာမင် B12)
ဆဲလ်အသစ်များ ဖန်တီးရာတွင် အရေးကြီးသော အင်ဇိုင်းများ၏ အစိတ်အပိုင်းဖြစ်ပြီး၊ အာရုံကြောဆိုင်ရာ လုပ်ငန်းဆောင်တာများ အတွက်လည်း အရေးပါသည်။
အသား၊ ငါးနှင့် ပင်လယ်စာများ၊ ကြက်သား၊ ဥများ၊ နို့နှင့် နို့ထွက်ပစ္စည်းများတွင် ပါဝင်သည်။ အပင်များမှ ထုတ်လုပ်ထားသည့် အစားအသောက်များတွင် မရရှိနိုင်ပါ။
၉။ အက်စ်ကောဘစ်အက်စစ် (ဗီတာမင် C)
Antioxidant (ဓာတ်တိုးဆန့်ကျင်ပစ္စည်း) အဖြစ်လုပ်ဆောင်ပြီး၊ ပရိုတင်းဇီဝကမ္မဖြစ်စဉ်အတွက် အရေးပါသော အင်ဇိုင်းများ၏ အစိတ်အပိုင်းဖြစ်ပြီး သံဓာတ်စုပ်ယူမှုကို ကူညီပေးပြီး၊ ကိုယ်ခံအားစနစ် ကျန်းမာရေးအတွက် အရေးကြီးသည်။
သစ်သီးများနှင့် ဟင်းသီးဟင်းရွက်များတွင်သာ တွေ့ရသည်။ အထူးသဖြင့် လိမ္မော်သီး၊ သခွားမွှေးသီး၊ စတော်ဘယ်ရီသီး၊ ကီဝီသီး၊ ငရုတ်သီး၊ ခရမ်းချဉ်သီး၊ အာလူး၊ သင်္ဘောသီး၊ သရက်သီးနှင့် မုန်ညင်းမျိုးနွယ်ဝင် ဟင်းသီးဟင်းရွက်များတွင် တွေ့ရသည်။
အဆီတွင် ပျော်ဝင်နိုင်သော ဗီတာမင်များ (Fat-Soluble Vitamins)
အဆီတွင် ပျော်ဝင်နိုင်သော ဗီတာမင်များကို ခန္ဓာကိုယ်၏ ဆဲလ်များတွင် သိုလှောင်ထားပြီး၊ ရေတွင် ပျော်ဝင်နိုင်သော ဗီတာမင်များကဲ့သို့ အလွယ်တကူ စွန့်ထုတ်ခြင်း မရှိပါ။ သိုလှောင်ထားသောကြောင့် ရေတွင် ပျော်ဝင်နိုင်သော ဗီတာမင်များလောက် မကြာခဏ စားသုံးရန် မလိုအပ်ပါ။ သို့သော် အလွန်အကျွံ စားသုံးပါက အဆိပ်သင့်နိုင်ပါသည်။
အောက်တွင် အဆီတွင် ပျော်ဝင်နိုင်သော ဗီတာမင်များ၊ ၎င်းတို့၏ အသုံးဝင်ပုံနှင့် ရရှိနိုင်သည့်အစားအသောက်များကို ဖော်ပြထားပါသည်။
၁၀။ ဗီတာမင် အေ (beta-carotene)
ကောင်းမွန်သော အမြင်အာရုံ၊ အသားအရေနှင့် မျက်နှာတစ်ရှူးများ၊ အရိုးနှင့် သွားကြီးထွားမှု၊ ကိုယ်ခံအားစနစ်အတွက် အရေးပါသည်။
o ဗီတာမင် အေ (Retinol) ကို တိရစ္ဆာန်များမှ ရရှိသည်။
o Beta-Carotene ကို အပင်များမှ ရရှိပြီး၊ အထူးသဖြင့် အစိမ်းရင့်ရောင် ဟင်းသီးဟင်းရွက်များနှင့် လိမ္မော်ရောင် သစ်သီးနှင့် ဟင်းသီးဟင်းရွက်များမှာ တွေ့ရသည်။
၁၁။ ဗီတာမင် ဒီ
ကယ်လ်စီယမ် စုပ်ယူမှုကို အားပေးသည်။ အရိုးများတွင် သိုလှောင်ထားသည်။
ကြက်ဥအနှစ်၊ အသည်း၊ အာဟာရဖြည့်ထားသော နို့နှင့် မာဂျရင်း၊ အဆီများသော ငါးများတွင် တွေ့ရသည်။ နေရောင်ခြည်နှင့် ထိတွေ့ပါက အရေပြားမှ ဗီတာမင် ဒီ ထုတ်လုပ်ပေးသည်။
၁၂။ ဗီတာမင် အီး
Antioxidant (ဓာတ်တိုးဆန့်ကျင်ပစ္စည်း) အဖြစ် ဆဲလ်နံရံများကို ကာကွယ်ပေးသည်။
ပျော်ဝင်နိုင်သော အပင်ဆီများ၊ အစိမ်းရင့်ရောင် ဟင်းသီးဟင်းရွက်များ၊ ဂျုံ၊ ဂျုံကြမ်းထုတ်ကုန်များ၊ အသည်း၊ ကြက်ဥအနှစ်၊ အစေ့အဆန်များတွင် တွေ့ရသည်။
၁၃။ ဗီတာမင် ကေ
သွေးခဲခြင်းအတွက် အရေးကြီးသည်။
အစိမ်းရင့်ရောင် ဟင်းသီးဟင်းရွက်များ၊ ပန်းပွင့်စိမ်း၊ ပန်းဂေါ်ဖီစိမ်း၊ ကညွတ်တို့တွင် ပါဝင်သည်။ အူလမ်းကြောင်းရှိ ဘက်တီးရီးယားများမှလည်း ထုတ်လုပ်ပေးသည်။
.com

21/02/2025

ကိုလက်စထရောလယ်ဗယ်ကို ဘယ်လို ထိန်းချုပ်ကြမလဲ?

ခန္ဓာကိုယ်မှာ ကိုလက်စထရောဓာတ်မြင့်မားနေမယ်ဆိုရင် ပြင်းထန်တဲ့ ကျန်းမာရေးပြဿနာတွေ အများကြီး ဖြစ်လာနိုင်ပါတယ်။

ဒါကြောင့် ကိုလက်စထရောကို ဘယ်လိုထိန်းချုပ်ကြမလဲဆိုတာကို ဒီနေ့မှာ ပြောပြပေးသွားမှာ ဖြစ်ပါတယ်။

🔹အဆီများတဲ့အစားအစာတွေကို လျှော့စားပါ။
ကိုလက်စထရောကို လျှော့ချဖို့က အဆီများတဲ့အစားအသောက်တွေကို လျှော့ချမှ ရပါမယ်။ အထူးသဖြင့် ပြည့်ဝဆီလို့ခေါ်တဲ့ အဆီတွေပါဝင်တဲ့အစားအသောက်များကို ရှောင်ပါ။

မပြည့်ဝဆီလို့ခေါ်တဲ့ ကျန်းမာစေတဲ့အဆီပါဝင်တဲ့ အစားအသောက်များကိုတော့ စားသောက်နိုင်ပါတယ်။

မက်ကရယ်၊ ဆယ်လ်မွန်ကဲ့သို့ အဆီများသည့် ငါးများ၊ ဆန်လုံးညို၊ ဂျူံပေါင်မုန့်၊ ပါစတာ၊ အခွံမာသီးနှင့် အစေ့အဆန်များ၊ အသီးအရွက်များ များများစားပေးပါ။

အသားပြားများ၊ ကြက်အူချောင်း၊ ဝက်အူချောင်းများ၊ အဆီများသောအသားများ၊ ထောပတ်၊ ခရင်မ်၊ ချိစ်၊ ကိတ်၊ ဘီစကစ်၊ အုန်းဆီပါဝင်သော အစားအသောက်များကို လျှော့စားပါ။

🔹တစ်ပတ်ကို အနည်းဆုံး မိနစ် ၁၅၀ ခန့် လေ့ကျင့်ခန်း ပြုလုပ်ပေးပါ။

လမ်းလျှောက်ခြင်း၊ ရေကူးခြင်း၊ စက်ဘီးစီးခြင်း စသည့် လေ့ကျင့်ခန်းများကို ပြုလုပ်နိုင်ပါတယ်။

🔹ဆေးလိပ်ဖြတ်ပါ။
ဆေးလိပ်သောက်ခြင်းက ကိုလက်စထရောဓာတ်ကို မြင့်တက်စေပြီး နှလုံးသွေးကြောကျဉ်းခြင်း၊ လေဖြတ်ခြင်းနှင့် ကင်ဆာရောဂါ စသည့် ပြင်းထန်သည့် ကျန်းမာရေးပြဿနာများကို ဖြစ်စေနိုင်ပါတယ်။

🔹အရက်ဖြတ်ပါ။
ကျန်းမာသန်စွမ်းသော သူတစ်ဦးအနေဖြင့်တောင် တစ်ပတ်ကို အရက် (၆) ခွက်ထက် ပိုမသောက်သင့်ပါ။ အချိန်ခဏလေးအတွင်းမှာ အရက်၊ ဘီယာအများကြီး သောက်ခြင်းကို ရှောင်ရှားပါ။

+

OSC Pharmacy

17/09/2025

12/09/2025

10/09/2025

28/08/2025

23/08/2025

12/08/2025

01/08/2025

25/07/2025

23/07/2025

02/07/2025

27/02/2025

21/02/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	06:00 - 23:59
Tuesday	06:00 - 23:59
Wednesday	06:00 - 23:59
Thursday	06:00 - 23:59
Friday	06:00 - 23:59
Saturday	06:00 - 23:59
Sunday	06:00 - 23:59