https://www.facebook.com/104102268530134/

Yangon Medical Network, Yangon (2026)

15/02/2026

ဆရာ၊ဆရာမ များအားလုံး မင်္ဂလာပါရှင်

“Impact of Nutrition on Environmental Health” ခေါင်းစဉ်ဖြင့် February, 20 ရက်နေ့တွင် ဆွေးနွေးမည်ဟု ကြေညာထားသော Nutrition Course အား Cancel ကြောင်းနှင့် ပို့ချမည့်ရက်အား ထပ်မံကြေညာ ပေးသွားမည် ဖြစ်ကြောင်း အသိပေးအပ်ပါသည်။

Yangon Medical Network

14/02/2026

ဆရာ၊ ဆရာမ အားလုံးမင်္ဂလာပါ

📖Yangon Medical Network မှအခုတစ်ခေါက် စီစဥ်ထားတဲ့ course ကတော့ "Mental Health & Psychosocial Support" course -3rd batch ဖြစ်ပါသည်။

🧩၁၀ ရက်နေ့တွင် introduction session 1 ပြီးသွားပြီး ကျန် ၈ရက်အတွက် အချိန်နှင့်ရက်များမှာ အောက်ပါအတိုင်းဖြစ်ပါသည်။

🧩🧩🧩10th Feb မှာလုပ်ခဲ့သော "What is MHPSS:Introduction နေ့တွင် register လုပ်ခဲ့သော email များကို Zoom link များပို့ပေးသွားမည်ဖြစ်ပါသည်။ (Register ထပ်လုပ်ရန်မလိုပါ) Register မလုပ်ရသေးသော ဆရာ ဆရာမ များအနေနှင့် အောက်ပါ link တွင် register လုပ်နိုင်ပါသည်။

https://forms.gle/2hbDfWHbueXj4qt79

Platform: Zoom

📌 18.2.26 (6:00 pm)
Topic: MHPSS Session 2 (Psychological First Aid)

📌 19.2.26 (6:00 pm)
Topic: MHPSS Session 3 (Active Empathetic Listening)

📌 21.2.26 (6:00 pm)
Topic: MHPSS Session 4 (Su***de and self-harm)

📌 23.2.26 (6:00 pm)
Topic: MHPSS Session 5 (Depression, Anxiety, Psychosis)

📌 24.2.26 (6:00 pm)
Topic: MHPSS Session 6 (Alcohol and substance use disorder)

📌 25.2.26 (6:00 pm)
Topic: MHPSS Session 7 (Relaxation and Emotional Regulation)

📌 27.2.26 (6:00 pm)
Topic: MHPSS Session 8 (Stress and Grief reaction, Traumatic response and PTSD)

📌 28.2.26 (6:00 pm)
Topic: MHPSS Session 9 (Stress management and self care)
......................

▶️ယခင် YMN Tele-educationမှ စီစဉ်ပြုလုပ်ထားခဲ့ courseများနှင့် CME များကိုလဲ အောက်ဖော်ပြပါ YMN Tele Education YouTube channel မှာ ပြန်လည်နားထောင်နိုင်ပါတယ်ရှင်။
https://youtube.com/-education5812?si=utMP7FjeROXoHM0l

Medical personal တိုင်း
ပြည်သူလူထု ကျန်းမာရေးစောင့်ရှောက်နိုင်စေရန်
ရည်သန်လျှက်
Yangon Medical Network

11/02/2026

ဆရာ၊ ဆရာမ အားလုံးမင်္ဂလာပါ

📖Yangon Medical Network မှ အခုတစ်ခေါက် စီစဥ်ထားတဲ့ course ကတော့ "Nutrition in Emergency" ဖြစ်ပါသည်။

🧩အရေးပေါ်အခြေအနေများတွင် အဓိကအားဖြင့် ထိခိုက်လွယ်သောလူဦးရေတွင် အာဟာရချို့တဲ့ခြင်းကြောင့် ဖျားနာမှုနှင့် သေဆုံးမှုနှုန်းများ တိုးလာကြသည်။

🧩ထို့ကြောင့် အရေးပေါ်အခြေအနေ သို့မဟုတ် သဘာဝဘေး အန္တရာယ်အချိန်အခါတွင် ပြင်းထန်သော အာဟာရချို့တဲ့မှုကို တားဆီးနိုင်ရန် ထိခိုက်လွယ်လူဦးရေ၏ အာဟာရအခြေအနေကိုတိုင်းတာခြင်း၊ ကုသခြင်းနှင့် ကာကွယ်ခြင်း စသည်တို့ကိုဆွေးနွေးရန်အောက်ပါအတိုင်းစီစဥ်ထားပါသည်။

📌 13.2.26 (7:30 pm)
Topic: Nutrition in Emergency
Platform : Zoom

🩺ဒီ course‌ လေးကိုတက်‌ ရောက်နိုင်ရန်အတွက်အောက်ဖော်ပြပါ Link မှာ Register လုပ်ထားနိုင်ပြီဖြစ်ပါတယ်။
စာရင်းပေးထားတဲ့ email တွေကိုသာ Zoom link ပေးပို့မှာ ဖြစ်ပါတယ်။ Limited Seat ဖြစ်တာမို့ အမြန်လေး register လုပ်ဖို့တော့ လိုမယ်နော်။

https://forms.gle/3aQs48S3c8B6VJnP9
......................

▶️ယခင် YMN Tele-educationမှ စီစဉ်ပြုလုပ်ထားခဲ့ courseများနှင့် CME များကိုလဲ အောက်ဖော်ပြပါ YMN Tele Education YouTube channel မှာ ပြန်လည်နားထောင်နိုင်ပါတယ်ရှင်။
https://youtube.com/-education5812?si=utMP7FjeROXoHM0l

Medical personal တိုင်း
ပြည်သူလူထု ကျန်းမာရေးစောင့်ရှောက်နိုင်စေရန်
ရည်သန်လျှက်
Yangon Medical Network

09/02/2026

CA stomach
အစာအိမ်ကင်ဆာအကြောင်းသိကောင်းစရာ

အစာအိမ်ကင်ဆာသည် ကမ္ဘာပေါ်တွင် ပဉ္စမမြောက်အဖြစ်အများဆုံးကင်ဆာဖြစ်ပြီး နေရာဒေသအလိုက်ပြောင်းလဲမှု ရှိပါသည်။

🤔ဘယ်လိုလူမျိုးတွေမှာ အစာအိမ်ကင်ဆာ အဖြစ်များသလဲ။
👉အသက်50 ကျော်
👉အမျိုးသားများ
👉ဆေးလိပ်သောက်သူများ၊ V**e သောက်သူများ
👉ဆေးရွက်ကြီးပါဝင်သော ပစ္စည်းများစားသုံးသူများ
👉အရက်သောက်သူများ
👉အစာအိမ်ရောင်ခြင်းမကြာခဏဖြစ်သူများ
👉Helicobacter pylori အစာအိမ်ပိုးရှိသူများ
👉မိဘမျိုးရိုးထဲတွင် အစာအိမ်ရောဂါရှိသူများ
👉ဆားနယ်ထားခြင်း၊အချဥ် ဖောက်ထားခြင်း၊
ကြာရှည်ခံအောင်ဆိုးဆေးများသုံးထားသည့် အစားအစာများစားသုံးခြင်း
👉မီးခိုး၊ ကျပ်ခိုးဖြင့် ကင်ထားသောအစားအစာများ၊နိုက်ထရိတ် ( နိုက်ထရိုစမင်း) ဓါတ်များသောအစားအစာများစားသုံးခြင်းစသည်တို့တွင်အဖြစ်များပါသည်။
ထိုနိုက်ထရိတ်ဓါတ် (Nitrates) ပါဝင်သောအစားအစာများသည်အစာအိမ်နံရံရှိ ဘက်တီးရီးယားပိုး တစ်မျိုးနှင့် ဓါတ်ပြုရာမှ ကင်ဆာဖြစ်စေနိုင်သောဓါတ်ပေါင်းစုများ ( N-nitroso-compounds) များဖြစ်ပေါ်လာပါသည်။
အစာအိမ်ကင်ဆာရောဂါ၏ 70 ရာခိုင်နှုန်းမှာ အစာအိမ်ရောဂါပိုး H.pylori နှင့် ဆက်စပ်လျက်ရှိပါသည်။

🤔အသက်ငယ်ငယ်နဲ့ အစာအိမ်ကင်ဆာရောဂါဖြစ်နိုင်သလား။
🧑‍⚕️မျိုးရိုးဗီဇ၊ နေထိုင်စားသောက်မှုပုံစံနှင့် အစာအိမ်ရောဂါပိုး H.pylori ရှိမရှိပေါ်မူတည်၍အသက်ငယ်ငယ်နှင့်လည်း အစာအိမ်ကင်ဆာရောဂါဖြစ်နိုင်ချေရှိပါသည်။

🤔အစာအိမ်ကင်ဆာရောဂါရဲ့ရောဂါလက္ခဏာတွေက ဘာတွေလဲ။
👉အများစုမှာ အစောပိုင်းတွင်ရောဂါလက္ခဏာမပြပဲရှိတတ်သည်။
ရောဂါရင့်လာသည်နှင့်အမျှ
👉ကင်ဆာလူနာသုံးပုံ နှစ်ပုံခန့်တွင် ကိုယ်အလေးချိန်ကျသွားခြင်း
👉50% ခန့်တွင် ဗိုက်အောင့်ခြင်း
👉အစာမကြေဖြစ်ခြင်း
👉အစားအသောက်ပျက်ခြင်း
👉ပျို့ချင်၊အန်ချင်သလိုဖြစ်ခြင်း
👉အနည်းငယ်စားရုံနှင့်ဗိုက်ပြည့်ခြင်း
👉ကော်ဖီရောင်၊ အညိုရောင် အန်ခြင်း
👉ဝမ်းအမဲရောင်သွားခြင်း
👉သွေးအားနည်း၍ ဖြူဖတ်ဖြူလျော်ဖြစ်ခြင်း
👉အစာမျိုချခက်ခြင်း
စသည်တို့တွေ့ရတတ်သည်။
👉ကင်ဆာ၏ နောက်ဆက်တွဲပြဿနာများအဖြစ်အခြားကိုယ်တွင်းအင်္ဂါအစိတ်အပိုင်းများသို့ ပျံ့နှံ့သွားခြင်း
ဥပမာ
🔺အသည်းကိုပျံ့သွားခြင်းကြောင့် အသားဝါ လာခြင်း၊🔺ရေဖျဥ်းစွဲ၍ ဗိုက်ဖေါင်းလာခြင်း
🔺အဆုတ်ကိုပျံနှံ့သွားခြင်း
🔺ပြန်ရည်ကြိတ်များကြီးလာခြင်း
🔺သားဥအိမ်သို့ပျံ့နှံ့သွားခြင်း
စသည်တို့ဖြစ်တတ်သည်။

🤔အစာအိမ်ကင်ဆာမှန်းဘယ်လိုသိနိုင်မှာလဲ။
🧑‍⚕️အထက်ပါရောဂါလက္ခဏာများရှိပါက
ဆရာဝန်တွေကရောဂါရာဇဝင်ကိုမေးမြန်းခြင်း၊စမ်းသပ်စစ်ဆေးခြင်းအပြင် လိုအပ်ပါက
👉Ultrasound ရိုက်ကြည့်ခြင်း၊
👉အစာအိမ်အူလမ်းကြောင်းကို မှန်ပြောင်းကြည့်ခြင်း
👉ကွန်ပျူတာဓါတ်မှန်ရိုက်ကြည့်ခြင်း
👉သွေးစစ်ကြည့်ခြင်း၊ကင်ဆာညွှန်ကိန်းများစစ်ဆေးခြင်း စသည်တို့ပြုလုပ်စစ်ဆေးရန်လိုအပ်ပါသည်။

🤔အစာအိမ်ကင်ဆာ ရောဂါကကုသလို့ပျောက်ကင်းနိုင်သလား။
🧑‍⚕️အစာအိမ်ကင်ဆာရောဂါ သည်စောစောသိပြီးစောစောကုသမှုခံယူပါက ပျောက်ကင်းနိုင်ချေများပါသည်။ ခွဲစိတ်ခြင်း၊ ကင်ဆာဆေးများသွင်းခြင်း၊ဓါတ်ကင်ခြင်းစသည်တို့ပြုလုပ်ရန်လိုအပ်ပါသည်။
ကုသ၍ ပျောက်ကင်းနိုင်ခြင်းရှိမရှိသည်
🔺ဖြစ်ပေါ်သောကင်ဆာဆဲလ်အမျိုးအစား ( ဥပမာ adenocarcinoma, squamous cell carcinoma)
🔺အခြားကိုယ်တွင်းအင်္ဂါများသို့ ပျံ့နေခြင်းရှိမရှိ
🔺အသက်အရွယ်
🔺နဂိုရောဂါအခံ ရှိမရှိစသည်တို့အပေါ်တွင်မူတည်နေပါသည်။

🤔အစာအိမ်ကင်ဆာရောဂါမဖြစ်အောင် ဘယ်လိုကာကွယ်ရမလဲ။
👉ဆေးလိပ်သောက်ခြင်း၊ ဆေးရွက်ကြီးပါဝင်သော ပစ္စည်းများကိုစားသုံးခြင်းမှာရှောင်ကြဥ်ခြင်း
👉အစာအိမ်ရောဂါပိုး ရှိပါကကုသမှုခံယူခြင်း
👉မကြာခဏအစာအိမ်ရောင်ခြင်း၊အစာအိမ်အနာဖြစ်ခြင်းရှိပါကစောစောကုသခြင်း
👉ကျန်းမာရေးနှင့် ညီညွတ်သောအစားအစာများစားသုံးခြင်း
👉Vitamin A နှင့် Vitamin C ပါဝင်သော အသီးအရွက်များစားသုံးခြင်း
👉ကင်ဆာဖြစ်စေသော နိုက်ထရိုစမင်းဓါတ်ပေါင်းများ၊ ကြာရှည်ခံဆိုးဆေးပါသော အစားအစာများကို ရှောင်ကြဥ်ခြင်း
👉V**e သောက်ခြင်းမှ ရှောင်ကြဥ်ခြင်း
👉အကင်များ၊ဆားနယ်ထားသောအစားအစာများကို အလွန်အကျွံစားသုံးခြင်းမှရှောင်ကြဥ်ခြင်း
👉အစာအိမ်ကင်ဆာဖြစ်နိုင်ချေရှိသောရောဂါလက္ခဏာများရှိပါက စောစောကုသမှု ခံယူခြင်း
စသည်ဖြင့် ကာကွယ်နိုင်ပါသည်။

လူတိုင်းကျန်းမာရေးကို လက်လှမ်း မှီ စေရန်
ရည်သန်လျက်
Yangon Medical Network

References
Davidson's Principles and Practices of Medicine
https://www.mayoclinic.org/diseases-conditions/stomach-cancer/symptoms-causes/syc-20352438
https://my.clevelandclinic.org/health/diseases/15812-stomach-cancer

08/02/2026

ဆရာ၊ ဆရာမ အားလုံးမင်္ဂလာပါ

📖Yangon Medical Network မှအခုတစ်ခေါက် စီစဥ်ထားတဲ့ course ကတော့ "Mental Health & Psychosocial Support" course -3rd batch ဖြစ်ပါသည်။

🧩အရင်တစ်ခေါက် စီစဥ်ခဲ့သော MHPSS course ကို registration မလုပ်မိလို့ဖြစ်စေ, လုပ်ပြီး Zoom limit ပြည့်လို့မတက်လိုက်ရလို့ဖြစ်စေ ပြန်လည်တက်ရောက်လိုသော ဆရာ၊အမတို့အတွက် ယခုလတွင်တတိယတစ်ခေါက်ပြန်ဆွေးနွေးသွားမည်ဖြစ်ပါသည်။

📌 10.2.26 (6:00 pm)
Topic: MHPSS Session 1 (What is mhpss: introduction)
Platform : Zoom

ကျန်ရက်များ၏ ရက်နှင့်အချိန်ကို ပြန်လည်ကြေငြာသွားမည်ဖြစ်သည်။

🩺ဒီ course‌ လေးကိုတက်‌ ရောက်နိုင်ရန်အတွက်အောက်ဖော်ပြပါ Link မှာ Register လုပ်ထားနိုင်ပြီဖြစ်ပါတယ်။
စာရင်းပေးထားတဲ့ email တွေကိုသာ Zoom link ပေးပို့မှာ ဖြစ်ပါတယ်။ Limited Seat ဖြစ်တာမို့ အမြန်လေး register လုပ်ဖို့တော့ လိုမယ်နော်။

https://forms.gle/2hbDfWHbueXj4qt79

▶️ယခင် YMN Tele-educationမှ စီစဉ်ပြုလုပ်ထားခဲ့ courseများနှင့် CME များကိုလဲ အောက်ဖော်ပြပါ YMN Tele Education YouTube channel မှာ ပြန်လည်နားထောင်နိုင်ပါတယ်ရှင်။
https://youtube.com/-education5812?si=utMP7FjeROXoHM0l

Medical personal တိုင်း
ပြည်သူလူထု ကျန်းမာရေးစောင့်ရှောက်နိုင်စေရန်
ရည်သန်လျှက်

Yangon Medical Network

06/02/2026

Diabetes Emergency
ဆီးချိုအရေးပေါ်အခြေအနေများ
🤔ဆီးချိုအရေးပေါ်အခြေအနေတွေကဘာတွေလဲ။
🧑‍⚕️ဆီးချို ရောဂါသည်များတွေ့ကြုံရသော ဆီးချို အရေးပေါ်အခြေအနေများမှာ
🚨ဆီးချိုအလွန်အကျွံတက်သွားခြင်း
🚨ဆီးချိုသာမန်အောက်အလွန်ကျသွားခြင်းတို့ဖြစ်ပါသည်။
💢ဆီးချို အလွန်အကျွံကျသည်ဖြစ်စေ၊ တက်သည်ဖြစ်စေ အသက်အန္တာရာယ်ရှိသောကြောင့် အရေးပေါ်ကုသမှုလိုအပ်ပါသည်။
ထို့ကြောင့်ဆရာဝန်တွေကဆီးချိုရောဂါသည်တစ်ဦးဆေးခန်းလာပြသည်နှင့်
👉ဆီးချို ရောဂါရှိတာဘယ်လောက်ကြာပြီလဲ။
👉ဆီးချို ကြောင့်အရေးပေါ်ဆေးရုံတက်ရဖူးလား။
👉ဆီးချိုပမာဏဘယ်လောက်ထိအများဆုံးတက်ဖူးသလဲစသည်ဖြင့်မေးမြန်းကြခြင်းဖြစ်ပါသည်။

🚨ဆီးချိုအလွန်အကျွံတက်သွားခြင်း
🧑‍⚕️ဆီးချိုအလွန်အကျွံတက်သွားခြင်းကိုဆေးပညာအရ
🔷Diabetes Ketoacidosis (DKA)
🔷Hyperosmolar Hyperglycemic Syndrome (HHS)
ဟူ၍နှစ်မျိုးခွဲခြားနိုင်ပါသည်။
💢DKA ကိုအမျိုးအစား(1) ဆီးချိုရောဂါသည်များတွင် အတွေ့ရများပြီး HHS ကိုအမျိုးအစား(2) ဆီးချိုရောဂါသည် များတွင်အတွေ့ရများပါသည်။
💢DKA နှင့် HHS နှစ်မျိုးလုံးတွင် အင်ဆူလင်ထိုးဆေးလိုအပ်ပြီး အရေးပေါ်ဆေးရုံတင်ကုသရန်လိုအပ်ပါသည်။

🤔ဆီးချို အလွန်အကျွံတက်ခြင်းရဲ့ရောဂါလက္ခဏာတွေက ဘာတွေ လဲ။
🧑‍⚕️ဆီးချိုအလွန်အကျွံတက်လာပါက
👉ဆီးခဏခဏသွားခြင်း
👉ရေငတ်ခြင်း
👉ကိုယ်အလေးချိန်ကျသွားခြင်း
👉အားမရှိသလိုခံစားရခြင်း၊လူနုံးနေခြင်း
👉ပျို့ခြင်း၊အန်ခြင်း၊ဗိုက်အောင့်ခြင်း
👉ခြေထောက်ကြွက်တက်ခြင်း
👉မျက်စိအမြင်ဝါးခြင်း
👉နှလုံးခုန်နှုန်းမြန်ခြင်း
👉ခြေဖျားလက်ဖျားအေးခြင်း
👉အသက်ရှုနှုန်းမြန်ခြင်း
👉ကယောင်ချောက်ခြားဖြစ်ခြင်း၊သတိကောင်းစွာမရခြင်း
👉ပါးစပ်မှချဥ်စူးစူးအနံ့ရခြင်း ( smell of acetone)
👉သတိလစ်သွားခြင်း
👉ခေါင်းကိုက်ခြင်းစသည်တို့တွေ့ရတတ်သည်။

🔷 DKA ( Diabetes Ketoacidosis ) တွင်ဆီးချိုဖောက်ကြည့်ပါက ( 200 mg/dL သို့မဟုတ် 11.1 mmol/L) ထက်များနေနိုင်သည်။
🚨သတိပြုရန်မှာ DKA တွင်ဆီးချိုပမာဏအများအပြားတက်နေခြင်းမရှိတတ်ပဲ သွေးထဲရှိ ကီတုန်းပမာဏနှင့် အက်စစ်ဓါတ်များနေခြင်းဖြစ်သည်။
💢ပြင်ပအခြေအနေများ( stressful condition) ၊ခွဲစိတ်မှုများ၊ပိုးဝင်နာဖျားခြင်းများက DKAကိုဖြစ်စေနိုင်ပါသည်။

🔷HHS ( Hyperosmolar Hyperglycemic Syndrome) တွင် ဆီးချို တိုင်းကြည့်ပါက ပမာဏ ( 30 mmol/L သို့မဟုတ် 540 mg/dL) ကျော်တတ်ပြီး
သက်ကြီးရွယ်အိုများနှင့် အမျိုးအစား(2) ဆီးချိုရောဂါရှိသူများတွင်တွေ့ရပါသည်။

🤔ဘယ်လိုလူတွေမှာဆီးချိုအလွန်အကျွံတက်ခြင်းဖြစ်တတ်သလဲ။
ဆီးချိုရောဂါရှိပြီးအခြားပြင်ပဖိစီးမှုအခြေအနေများဖြစ်သည့်
🚨ခွဲစိတ်မှုများ
🚨ဖျားနာမှုများ
🚨နှလုံးသွေးကြောပိတ်ခြင်း
🚨ဆီးပိုးဝင်ခြင်း၊အဆုတ်ရောင်ခြင်း
🚨စတီးရွိက်ဆေးများသောက်ရခြင်းစသည်တို့နောက်တွင်ဖြစ်လေ့ရှိသည်။

🤔ဆီးချိုအလွန်အကျွံကျသွားခြင်းရဲ့ ရောဂါလက္ခဏာတွေက ဘာတွေ လဲ။
🧑‍⚕️ဆီးချို အလွန်အကျွံကျသွား ခြင်းကိုအဆင့်( 3) ဆင့်ဖြင့်သတ်မှတ်ထားသည်။
🔷အဆင့်( 1) ( 3.0 mmol/L နှင့် 3.9mmol/L ကြားသို့မဟုတ်54 mg/dL နှင့် 70 mg/dL ကြား)
🔷အဆင့် ( 2) ( 3.0 mmol/L သို့မဟုတ် 54 mg/dL အောက်)
🔷အဆင့် ( 3) ( ဆီးချိုကျခြင်းနှင့်အတူ သတိလစ်သွားခြင်း ၊တက်သွားခြင်းစသည် လက္ခဏာများပါရှိခြင်း)
ဟူ၍သတ်မှတ်ထားပါသည်။

🤔ဆီးချိုကျသွားခြင်းရဲ့ရောဂါလက္ခဏာတွေက ဘာတွေလဲ။
👉ချွေးစီးပြန်ခြင်း
👉ကတုန်ကယင်ဖြစ်ခြင်း
👉ရင်တုန်ခြင်း
👉ဆာလောင်လာခြင်း
👉ကယောင်ခြောက်ခြားဖြစ်ခြင်း
👉ခေါင်းမူးခြင်း
👉စိတ်တိုဒေါသထွက်လွယ်ခြင်း
👉အာရုံစူးစိုက်မှုနည်းလာခြင်း
👉ခေါင်းကိုက်ခြင်း
👉ခြေလက်လေးလံခြင်း
👉စကားပြောခက်ခြင်း
စသည်တို့ဖြစ်လာတတ်သည်။

🤔ဆီးချိုအရေးပေါ်အခြေအနေမှန်းဘယ်လိုသိနိုင်မှာလဲ။
🧑‍⚕️လူနာတွင်အရင်ကဆီးချိုရှိသည်ဟုသိထားပြီး
🚨သတိလစ်သွားခြင်း
🚨ဆီးချိုဖောက်စစ်ပါက အလွန်များ နေခြင်း၊ သို့မဟုတ်နည်းနေခြင်း
🚨ချွေးစီးပြန်ခြင်း
🚨ကတုန်ကယင်ဖြစ်ခြင်း ၊နှလုံးခုန်နှုန်းမြန်ခြင်း
🚨တက်သွားခြင်း
🚨ပါးစပ်မှ အနံ့စူးစူးရခြင်း
🚨ဗိုက်အောင့်ခြင်း၊အန်ခြင်း
🚨ဆီးခဏခဏသွားခြင်း၊ရေငတ်ခြင်း
🚨ခြေလက်များလေးလံခြင်း
စသည်တို့ရှိပါကနီးစပ်ရာကျန်းမာရေးဌာန သို့အမြန်သွားရောက်ပြီးကုသမှုခံယူသင့်ပါသည်။

လူတိုင်းကျန်းမာရေးကို လက်လှမ်း မှီ စေရန်
ရည် သန်လျက်
Yangon Medical Network

References
Davidson's Principles and Practices of Medicine
https://www.mayoclinic.org/diseases-conditions/diabetic-coma/symptoms-causes/syc-20371475
https://my.clevelandclinic.org/health/diseases/16628-diabetic-coma
https://www.diabinfo.de/en/living-with-diabetes/treatment/in-an-emergency.html

02/02/2026

Vitamin D and Health
Vitamin D နှင့်ကျန်းမာရေး

🤔Vitamin D ဆိုတာဘာလဲ။
🧑‍⚕️Calciferol လို့ခေါ်တဲ့ဗီတာမင် D ဟာအဆီမှာ ပျော်ဝင်လွယ်သော ဗီတာမင်တစ်မျိုးဖြစ်ပြီး အစားအသောက်နှင့် ဖြည့်စွက်စာများတွင်တွေ့ရပါသည်။
👉နေရောင်ခြည်နှင့် အရေပြားထိတွေ့မှုမှလည်း ခန္ဓာကိုယ်မှ Vitamin D ကိုထုတ်လုပ်နိုင်ပါသည်။
💢နေရောင်ခြည်၊အစားအသောက်နှင့် ဖြည့်စွက်စာများမှရရှိသော ဗီတာမင်D သည်ခန္ဓာကိုယ်အတွင်းတွင်အသုံးဝင်သော ပုံစံ ( active form) သို့ရရှိစေရန် အသည်းတွင်တစ်ကြိမ်၊ ကျောက်ကပ်တွင်တစ်ကြိမ် ဓါတ်ပြုမှု ( Hydroxylation) ပြုလုပ်ရပါသည်။
🚨ဒီအချက်ကြောင့် အသည်းနှင့် ကျောက်ကပ်ရောဂါ ရှိတဲ့သူတွေမှာ ဗီတာမင်ဒီဖြည့်စွက်စာတွေအလွန်အကျွံသောက်ရင် အသုံးမဝင်တဲ့ ပုံစံများ(biologically inert forms) စုပုံလာပြီး ဗီတာမင်ဒီအဆိပ်သင့်ခြင်း (Vitamin D toxicosis) ဖြစ်လာနိုင်ပါသည်။
🚨ဒါကြောင့်"တန်ဆေးလွန်ဘေး"ဟုဆိုကြခြင်းဖြစ်ပါသည်။

🤔ဗီတာမင်ဒီရဲ့လုပ်ဆောင်ချက်တွေက ဘာတွေလဲ။
🧑‍⚕️Vitamin D သည်လူရဲ့ခန္ဓာကိုယ်မှာအစာလမ်းကြောင်းအူသိမ်မှကယ်ဆီယမ်လို့ခေါ်တဲ့သက်စောင့်ဓါတ်စုပ်ယူမှုကိုအားပေးပါသည်။
👉ထို့အပြင်ခန္ဓာကိုယ်မှာကယ်ဆီယမ်နှင့် ဖော့စဖိတ်ဓါတ်များသမမျှတစေရန်ဆောင်ရွက်ခြင်းဖြင့် ကြွက်တက်ခြင်း ၊အကြောဆွဲခြင်း၊ကြွက်သားများအားနည်းခြင်းမဖြစ်အောင်ကာကွယ်ပေးပါသည်။
👉အရိုးဆဲလ်များဖြစ်ပေါ်မှု၊ အရိုးတည်ဆောက်မှုမှာ ကယ်ဆီယမ်နှင့်ဗီတာမင်ဒီလိုအပ်ပါသည်။ ထိုဓါတ်များချို့တဲ့ပါက အရိုးပွခြင်း၊အရိုးများကျိုးလွယ်ခြင်း စသည်တို့ဖြစ်နိုင်ပါသည်။
👉ဗီတာမင်ဒီသည်ရောင်ရမ်းမှုကိုလျော့ကျစေခြင်း၊ ဆဲလ်များတည်ဆောက်ခြင်း၊အာရုံကြောနှင့်ကိုယ်ခံအားစနစ်တွင်လည်းပါဝင်ပါသည်။

🧑‍⚕️အစားအစာများတွင်ပါဝင်သော ဗီတာမင်ဒီသည်အဓိကအားဖြင့်ပုံစံနှစ်ခု D2 (Ergocalciferol)နှင့် D3 (Cholecalciferol) စသည်ဖြင့် တည်ရှိပါသည်။

🤔လူတစ်ယောက်အတွက်တစ်ရက်တွင် Vitamin D ပမာဏဘယ်လောက်လိုအပ်သလဲ။
🧑‍⚕️လူတစ်ယောက်အတွက်တစ်ရက်လိုအပ်သောဗီတာမင်ဒီပမာဏမှာ အသက်အရွယ်အလိုက်ကွာခြားပါသည်။
မွေးကင်းစနဲ့ ကလေးငယ်များတွင် 400 IU မှ 600 IU (10 - 15 micrograms)
အရွယ်ရောက်ပြီးလူကြီးများတွင် 600 IU မှ 800 IU ( 15 - 20 micrograms) လိုအပ်ပါသည်။
သွေးတွင်းဗီတာမင်ဒီပမာဏ 25 nmol/L သို့မဟုတ် 10 ng/ml အောက်လျောနည်းပါက ဗီတာမင်ဒီချို့တဲ့သည်ဟုသတ်မှတ်ထားပါသည်။
25 မှ 50nmol/L ကြား(10 မှ20ng/mL ကြား)ကိုမူ ဗီတာမင်ဒီလုံလောက်စွာမရှိသူများဟုသတ်မှတ်ထားပြီးလူဦးရေ၏ 50 ရာခိုင်နှုန်းခန့်ရှိသည်ဟု မှတ်တမ်းများအရသိရပါသည်။

🤔ဗီတာမင်ဒီကိုသဘာဝအတိုင်းဘယ်လိုရနိုင်သလဲ။
🧑‍⚕️လူ၏ ခန္ဓာကိုယ်အတွင်းရှိဗီတာမင်ဒီ ပမာဏစုစုပေါင်း၏ (30)ရာခိုင်နှုန်းကို အစားအသောက်များမှလည်းကောင်း၊ (70) ရာခိုင်နှုန်းကို နေရောင်ခြည် နှင့်ထိတွေ့သောအရေပြားထုတ်လုပ်မှုမှ လည်းကောင်းရရှိပါသည်။
ဗီတာမင်ဒီကြွယ်ဝသောအစားအစာများမှာ
🔷ကြက်ဥအကာ
🔷ငါးကြီးဆီ၊ အဆီများသောငါးများဖြစ်သည့်ဆယ်လမွန်၊ငါးသေတ္တာငါးစသောငါးများ
🔷နို့နှင့်နို့ထွက်ပစ္စည်းများ
🔷အသားနှင့်အသည်းများ
စသည်တို့ဖြစ်သည်။
💢လုံလောက်သောနေရောင်ခြည်ထိတွေ့မှုမှလည်း ဗီတာမင်ဒီရရှိနိုင်သည်။

🤔ဗီတာမင်ဒီချို့တဲ့ရင် ဘာရောဂါတွေဖြစ်တတ်သလဲ။
💢အရိုးပျော့ရောဂါ (Ricket and Osteomalacia)
💢ကိုယ်ခံအားစနစ်ဖေါက်ပြန်ခြင်းကြောင့်နောက်ဆက်တွဲ Autoimmuneနှင့်ဆိုင်သောရောဂါများ
💢ကယ်ဆီယမ်ဓါတ်လျော့နည်းခြင်း
💢အရိုးပွခြင်း
💢အရိုးအဆစ်များနာခြင်း
💢ကြွက်သားအားနည်းခြင်း၊ကြွက်တက်ခြင်း
💢ပင်ပန်းလွယ်ခြင်း၊စိတ်ကျရောဂါ များ
စသည်တို့ဖြစ်နိုင်သည်။
သို့သော် တခါတရံတွင် မည်သည့်ရောဂါလက္ခဏာမျှ မရှိပဲ သွေးစစ်ကြည့်မှသာတွေ့ရသည်လည်းရှိသည်။

🤔ဗီတာမင်ဒီဖြည့်စွက်စာတွေ၊ဆေးတွေကိုလိုအပ်တာထက်ပိုသောက်ရင် ဘာရောဂါတွေဖြစ်တတ်သလဲ။
🚨သွေးတွင်းကယ်လ်ဆီယမ်ဓါတ်များခြင်း
🚨ဆီးထဲတွင်ကယ်လ်ဆီယမ်ဓါတ်များခြင်း၊ဆီးကျောက်တည်ခြင်း
🚨ကျောက်ကပ်ပျက်စီးခြင်း
🚨နှလုံးစည်းချက်မမှန်ခြင်း
🚨ဗိုက်အောင့်ခြင်း၊အန်ခြင်း
🚨လိုအပ်သည်ထက်ပို၍ဓါတ်ပြုရသဖြင့်အသည်းထိခိုက်ပျက်စီးခြင်း
🚨အစားအသောက်ပျက်ခြင်း၊ရေဓါတ်ခန်းခြောက်ခြင်း
🚨ဝမ်းချုပ်ခြင်း
🚨ကယောင်ချောက်ခြားဖြစ်ခြင်း (confusion)
🚨လမ်းလျောက်ပုံမမှန်ခြင်း (gait ataxia)
စသည်တို့ဖြစ်နိုင်သည်။

🧑‍⚕️မည်သည့်အရာမဆို 'တန်ဆေးလွန်ဘေး'ဖြစ်သည့်အတိုင်းလူ၏ ခန္ဓာကိုယ်ကျန်းမာရေးအတွက်ဗီတာမင်ဒီသည်နည်းလွန်းလျင်လည်းမကောင်း၊များလွန်းလျင်လည်းမကောင်းဖြစ်သောကြောင့် သင့်တင့်မျှတသောပမာဏဖြင့်သာ စားသောက်နေထိုင်သင့်ပြီးဖြည့်စွက်စာဆေးများကိုလည်းလိုအပ်မှသာသောက်သင့်ပါသည်။

လူတိုင်းကျန်းမာရေးကို လက်လှမ်း မှီ စေရန်
ရည် သန်လျက်
Yangon Medical Network

References
Davidson's Principles and Practices of Medicine
https://ods.od.nih.gov/factsheets/VitaminD-HealthProfessional/
https://my.clevelandclinic.org/health/diseases/15050-vitamin-d-vitamin-d-deficiency
https://my.clevel

31/01/2026

ပြည်သူတွေ တစုတစည်းထဲ ဖတ်ရှုလေ့လာနိုင်ဖို့ January လမှာ မျှဝေပေးခဲ့တဲ့ ကျန်းမာရေးအသိပညာပေးဆောင်းပါးတွေကို စုပေးထားပါတယ်။

လူတိုင်းကျန်းမာရေးကို လက်လှမ်းမှီစေရန် ရည်သန်လျှက်
Yangon Medical Network

သွေးလေးဘက်နာရောဂါ
https://www.facebook.com/share/p/1XBt3pXHyi/?mibextid=wwXIfr

အင်ပြင်ထခြင်း
https://www.facebook.com/share/p/1P57uxhsmT/?mibextid=wwXIfr

A*O နှင့် ပိုးလေးဘက်နာရောဂါအကြောင်းသိကောင်းစရာ
https://www.facebook.com/share/p/17icG4C6bH/?mibextid=wwXIfr

သံဓာတ်ချို့တဲ့သော သွေးအားနည်းရောဂါ
https://www.facebook.com/share/p/17AXYjWuso/?mibextid=wwXIfr

နီပါး ဗိုင်းရပ်စ်ပိုး
https://www.facebook.com/share/p/1N46zqH9fP/?mibextid=wwXIfr

26/01/2026

Nipah Virus
နီပါးဗိုင်းရပ်စ်ပိုး

🤔Nipah Virus ဆိုတာဘာလဲ။
🧑‍⚕️Nipah Virus နီပါးဗိုင်းရပ်စ်ဆိုတာကတော့ Henipaviruses အမျိုးအစားဖြစ်ပြီးတိရစ္ဆာန်မှတဆင့်ကူးစက်တတ်သောရောဂါပိုးတစ်မျိုးဖြစ်ပါတယ်။
Nipah ဆိုတဲ့အဓိပ္ပါယ်ကတော့ဗိုင်းရပ်စ်ကိုစတင်တွေ့ရှိရာဒေသဖြစ်တဲ့ မလေးရှားနိုင်ငံက Nipah မြစ်ကိုအစွဲပြုခေါ်ဝေါ်ခဲ့တာဖြစ်ပါတယ်။
ပထမဆုံးစတွေ့တာကတော့ 1998 ခုနှစ်ထဲကပါ။
မလေးရှားနိုင်ငံမှာဝက်မွေးမြူရေးခြံများမှတဆင့်ကူးစက်သူဦးရေ 265 ယောက်ရှိခဲ့ပြီး 108 ယောက်သေဆုံးခဲ့ပါတယ်။ ထိုကူးစက်မှုသည် စင်ကာပူနိုင်ငံသို့ပါပျံ့နှံ့ခဲ့ပြီး ကူးစက်ခံရသော 11 ယောက်တွင် 1 ယောက်သေဆုံးခဲ့ကြောင်းသိရပါတယ်။
2001 မှ 2026 အထိအိန္ဒိယနိုင်ငံမှာကူးစက်ခံရသူ 100 ကျော်ရှိခဲ့ပြီး အဲဒီထဲက ထက်ဝက်ခန့်သေဆုံးခဲ့တယ်လို့သိရပါတယ်။
ဒီအချက်ကပဲ Nipahvirus ကိုကြောက်စရာကောင်းတဲ့သေနှုန်းမြင့်ရောဂါ(40-75%)တစ်ခုအဖြစ်သတ်မှတ်ခဲ့ကြပါတယ်။
2026 ခုနှစ်ဇန်နဝါရီလအတွင်းမှာတော့အိန္ဒိယနိုင်ငံမှာကူးစက်ခံရသူ 5 ဦးရှိခဲ့ပြီးကျန်းမာရေးဝန်ထမ်းများပါပါဝင်ခဲ့ကြောင်းသိရပါတယ်။ထို့ကြောင့် သတိထားစရာ ရောဂါတစ်ခုဖြစ်လာပါတယ်။

🤔Nipah Virus ကဘယ်လိုကူးစက်တတ်သလဲ။
🧑‍⚕️အစပိုင်းမှာတော့ ဒီဗိုင်းရပ်စ်ကိုသစ်သီးစားတဲ့လင်းနို့တွေမှာသယ်ဆောင်ထားပြီး အခြားကြားခံတိရစ္ဆာန်များ(ဥပမာမြေခွေးများ၊ရှဥ့်များ၊ဝက်များ) မှတဆင့်သော်လည်းကောင်း၊တိုက်ရိုက်သော်လည်းကောင်းကူးစက်ပါတယ်။
ဒါ့အပြင်
👉ကူးစက်ခံရသောလင်းနို့သို့မဟုတ် တိရစ္ဆာန်များစားထားသော သစ်သီးဝလံများကိုစားမိခြင်း
👉တိရစ္ဆာန်များ၏ သွားရည်များ၊ အညစ်အကြေးများနှင့်ထိတွေ့မိခြင်းမှလည်းကူးစက်နိုင်ပါတယ်။

🤔Nipah Virus ကြောင့်ဖြစ်တဲ့ရောဂါလက္ခဏာတွေက ဘာတွေ လဲ။
🧑‍⚕️အာရုံကြောနှင့်အသက်ရှု လမ်းကြောင်းရှိဆိုင်ရာရောဂါလက္ခဏာများဖြင့်တွေ့ရတတ်တယ်လိုဆိုပါတယ်။
👉ဖျားနာခြင်း
👉ခေါင်းကိုက်ခြင်း
👉ကိုယ်လက်ကိုက်ခဲခြင်း
👉အန်ခြင်း
👉လည်ချောင်းနာခြင်း
စတာ တွေနဲ့အစပျိုးတတ်ပြီး
👉ခေါင်းမူးခြင်း ၊
👉သတိကောင်းစွာမရခြင်း၊ သတိလစ်သွားခြင်း
👉တက်သွားခြင်း(Seizures)
👉ဦးနှောက်ရောင်ခြင်း၊
👉အဆုတ်ရောင်ခြင်း
👉ပြင်းထန်သော နမိုးနီးယားလက္ခဏာများဖြစ်ခြင်း
စသည်တို့ဖြစ်တတ်ကာအသက်သေဆုံးနိုင်သည်အထိပြင်းထန်ပါတယ်။

🤔Nipah Virus ကိုဘာရောဂါတွေနဲ့မှားတတ်သလဲ။
🧑‍⚕️အစောပိုင်းမှာ
ဂျပန်ဦးနှောက်အမြှေးရောင်ရောဂါ (Japanese B encephalitis)
ငှက်ဖျားရောဂါ (Malaria)
စတာတွေနဲ့ရောဂါလက္ခဏာဆင်တူတာကြောင့် မှားယွင်းခဲ့ကြပါတယ်။

🤔Nipah Virus ကကုသလို့ပျောက်ကင်းနိုင်သလား။
🧑‍⚕️ပြင်းထန်တဲ့ အခြေအနေမျိုးမှာတော့သေနှုန်းမြင့်ရောဂါတစ်မျိုး (40 - 75%) ဖြစ်ပါတယ်။
လောလောဆယ်မှာတိကျသောကုသမှု (Definitive treatment) မရှိသေးပါ။

🤔Nipah Virus အတွက်ကာကွယ်ဆေးပေါ်နေပြီလား။
🧑‍⚕️ကာကွယ်ဆေးမပေါ်သေးပါ။ ရောဂါမဖြစ်အောင် ကြိုတင် ကာကွယ်သည့်အနေဖြင့်
👉လင်းနို့များကိုက်ထားသော သစ်သီးဝလံများကိုတတ်နိုင်သမျှစားသုံးခြင်းမှရှောင်ကြဥ် ခြင်း
👉သစ်သီးများကိုစနစ်တကျဆေးကြောသန့်စင်ပြီးမှစားသုံးခြင်း
👉အသားများကိုကျက်အောင်ချက်ပြီးမှ စားသုံးခြင်း
👉လင်းနို့အပါအဝင် တောရိုင်းတိရစ္ဆာန်များနှင့်တိုက်ရိုက်ထိတွေ့ခြင်းမှရှောင်ကြဥ်ခြင်း
👉လူနာကိုကိုင်တွယ်ရာတွင်လက်အိတ်များသုံးခြင်း၊ နှာခေါင်းစီးတပ်ခြင်း
👉လက်ကိုမကြာခဏဆပ်ပြာဖြင့်ဆေးခြင်း
👉ရောဂါကူးစက်ခံရသည်ဟုသံသယရှိပါက စောစောကုသမှုခံယူခြင်း
ဖြင့်ကာကွယ်နိုင်ပါတယ်။

လူတိုင်းကျန်းမာ ရေးကို လက်လှမ်း မှီ စေရန်
ရည် သန်လျက်
Yangon Medical Network

References
https://www.cdc.gov/nipah-virus/about/index.html
https://share.google/x2d6f21r8js9SzkgK

23/01/2026

Iron Deficiency Anaemia
သံဓါတ် ချို့တဲ့သော သွေးအားနည်းရောဂါ

မြန်မာနိုင်ငံတွင် သံဓါတ်ချို့တဲ့မှုကြောင့်ဖြစ်သော သွေးအားနည်းရောဂါသည်အတွေ့ရများသောရောဂါတစ်ခုဖြစ်ပါသည်။

💢လူ၏ ခန္ဓာကိုယ်တွင်သွေးဖြူဥ၊သွေးနီဥ ၊သွေးဥမွှာ စသည်ဖြင့်သွေးဆဲလ်များရှိကြသည်။
ထိုသွေးဆဲလ်များအနက် သွေးနီဥပမာဏလျော့နည်းနေခြင်း၊သို့မဟုတ်ဟေမိုဂလိုဘင်ဓါတ်ပမာဏလျော့နည်းနေခြင်းကို သွေးအားနည်းခြင်းဟုခေါ်ပါသည်။
💢သံဓါတ်သည်ထိုသွေးနီဥဆဲလ်များတည်ဆောက်ရာတွင်ဖော့လစ်အက်ဆစ်နှင့် ဗီတာမင်B12 ဓါတ်များနှင့်အတူလိုအပ်ပါသည်။
💢ပုံမှန်အားဖြင့်ဟေမိုဂလိုဘင်ဓါတ် သည်အသက်အရွယ်၊ ယောကျ်ားမိန်းမစသည်တို့အပေါ်တွင်မူတည်၍ ကွာခြားပါသည်။
👉ပုံမှန်လူတစ်ယောက်တွင်ဟေမိုဂလိုဘင်ဓါတ် မှာ
အမျိုးသားများတွင် 135 g/L မှ175 g/L အကြား
အမျိုးသမီးများတွင် 115 g/L မှ155g/L အကြား
တွင်ရှိပါသည်။

🤔သံဓါတ်ချို့တဲ့ခြင်းကိုဘယ်လိုခွဲခြားထားသလဲ။
🧑‍⚕️သံဓါတ်ချို့တဲ့ခြင်းတွင် အဆင့် (3) ဆင့်ရှိပါသည်။
👉ပထမအဆင့် သည်ခန္ဓာကိုယ်တွင်သိုလှောင်ထားသောသံဓါတ်များလျော့နည်းလာခြင်းဖြစ်သည်။
👉ဒုတိယအဆင့်သည် ရိုးတွင်းခြင်ဆီထဲတွင် သွေးနီဥဆဲလ်များထုတ်လုပ်ရန်သံဓါတ်မလုံလောက်တော့ခြင်းဖြစ်သည်။
👉တတိယအဆင့်သည် သွေးနီဥဆဲလ် များအလုံအလောက်မရှိသဖြင့် ခန္ဓာကိုယ်တွင်သွေးအားနည်းခြင်းရောဂါလက္ခဏာများပေါ်ပေါက်လာခြင်းဖြစ်သည်။

🤔သံဓါတ်ချို့တဲ့မှုကြောင့်ဖြစ်သော သွေးအားနည်းခြင်းရဲ့ရောဂါလက္ခဏာတွေက ဘာတွေလဲ။
🧑‍⚕️သံဓါတ်ချို့တဲ့မှုကြောင့်ဖြစ်သော သွေးအားနည်းရောဂါကြောင့်
💢ပင်ပန်းလွယ်ခြင်း
💢ခေါင်းကိုက်ခြင်း
💢ဂနာမငြိမ်ဖြစ်ခြင်း(irritability)
💢ကြွက်တက်ခြင်း (muscle cramps)
💢အသားအရေဖြူဖတ်ဖြူရော်ဖြစ်ခြင်း
💢မြေကြီး၊ပြာ၊မြေဖြူ၊ကြက်ဥခွံ၊ကြိုးစ၊ဆံပင်စသည်စားစရာမဟုတ်သော အရာများကိုစားချင်နေခြင်း(pica)
💢အသက်ရှုကျပ် လာခြင်း၊ မောခြင်း
💢လျှာတွင်အနာများဖြစ်ခြင်း( tongue sores)
💢နှလုံးခုန်နှုန်းမြန်ခြင်း
💢သွေးအားနည်းခြင်းကြောင့်နှလုံးမောခြင်း
💢ခြေသည်းလက်သည်းများကျွတ်ဆတ်၍ ကျိုးလွယ်ခြင်း၊ဇွန်းပုံသဏ္ဍာန်ခွက်နေခြင်း
💢ဆံပင်ကျွတ်ခြင်း
စသည်တို့ဖြစ်နိုင်သည်။

🤔သံဓါတ်ချို့တဲ့ခြင်းက ဘာကြောင့်ဖြစ်နိုင်သလဲ။
🧑‍⚕️အဓိကအားဖြင့်
🔷နေ့စဉ်စားသုံးသောအစားအစာများတွင် သံဓါတ် လုံလောက်စွာမပါခြင်း
🔷အစားအစာများတွင်ပါဝင်သောသံဓါတ်ကို အစာအိမ်နှင့် အူလမ်းကြောင်းမှကောင်းစွာ မစုပ်ယူနိုင်ခြင်း၊အစာအိမ်အနာဖြစ်ခြင်းနှင့်အူလမ်းကြောင်းခွဲစိတ်ထားခြင်း
🔷အမျိုးသမီးများတွင်ရာသီသွေးဆင်းမှုများခြင်း၊အစာအိမ်နှင့်အူလမ်းကြောင်းတွင် အနာဖြစ်ပြီးသွေးယိုစိမ့်ခြင်း အပါအဝင်ခန္ဓာကိုယ်ရှိတနေရာရာမှ သွေးထွက်နေခြင်း၊
စသည်တို့ကြောင့်ဖြစ်နိုင်သည်။

🤔ဘယ်လိုလူမျိုးတွေ မှာ သွေးအားနည်းရောဂါဖြစ်တတ်သလဲ။
👉ကိုယ်ဝန်ဆောင် များ၊ မွေးဖွားပြီးစအမျိုးသမီးများ၊နို့တိုက်မိခင်များ
👉အစားရှောင်သူများ
👉မကြာခဏသွေးလှူနေသူများ
👉အကြီးစားခွဲစိတ်မှုခံယူထားသူများ တွင်အဖြစ်များပါသည်။

🤔သံဓါတ်ချို့တဲ့ခြင်းကိုဘယ်လိုသိနိုင်မလဲ။
🧑‍⚕️အထက်ပါရောဂါလက္ခဏာများရှိသည့်အပြင် သွေးဖေါက်စစ်ဆေးခြင်းဖြင့်သိနိုင်သည်။

🤔သံဓါတ်ချို့တဲ့ခြင်းကြောင့်ဖြစ်သောသွေးအားနည်းခြင်းက ကုသလို့ပျောက်ကင်းနိုင်သလား။
🧑‍⚕️သံဓါတ်လျော့နည်းခြင်းပြင်းထန်မှုအနည်းအများပေါ်မူတည်၍ သောက်ဆေး၊ ထိုးဆေးများဖြင့်ကုသ၍ရနိုင်ပါသည်။
👉ထို့အပြင်နေ့စဥ်စားသုံးသောအစားအသောက်များတွင် သံဓါတ်ပြည့်ဝသောအစားအစာများဖြစ်သည့်အသား၊ငါးအမျိုးမျိုး၊ကြက်ဥ၊ ဘဲဥ၊ပဲအမျိုးမျိုး၊ဟင်းနုနယ်၊ပန်းမုန်လာ၊ဂျုံ၊တို့ဟူး စသည်တို့ကိုစားသုံးပေးသင့်သည်။
🚨သွေးအားနည်းခြင်းသည် အကြောင်းအမျိုးမျိုးကြောင့်ဖြစ်နိုင်သဖြင့် သံဓါတ်ချို့တဲ့ခြင်းရှိမှသာ သံဓါတ်ပါသောအားဆေးများကိုသောက်သင့်ပါသည်။
🚨အဘယ်ကြောင့်ဆိုသော်သာလာဆီးမီးယား(Thalassemia) ခေါ်မျိုးရိုးလိုက်သောသွေးအားနည်းရောဂါများတွင် သံဓါတ် ပါသောအားဆေးများလုံးဝမသောက်သင့်သောကြောင့်ဖြစ်ပါသည်။

လူတိုင်းကျန်းမာရေးကို လက်လှမ်း မှီ စေရန်
ရည် သန်လျက်
Yangon Medical Network
References
https://my.clevelandclinic.org/health/diseases/22824-iron-deficiency-anemia

19/01/2026

A*O and Rheumatic Fever
A*O နှင့် ပိုးလေးဘက်နာ ရောဂါအကြောင်းသိကောင်းစရာ

🤔 A*O ဆိုတာဘာလဲ။
🧑‍⚕️ ပြင်ပကဘက်တီးရီးယားပိုးတစ်မျိုးဖြစ်တဲ့( GroupA Streptococcus) ဆိုတဲ့ဘက်တီးရီးယားပိုးတစ်မျိုးဟာအသက်ရှုလမ်းကြောင်းကတဆင့် လူရဲ့ခန္ဓာကိုယ်အတွင်းဝင်ရောက်လာ တဲ့အခါမှာ ထိုဘက်တီးရီးယားပိုး ကိုတိုက်ထုတ်ဖို့ လူရဲ့ ခန္ဓာကိုယ်မှာရှိတဲ့ ကိုယ်ခံအားစနစ်က ပဋိပစ္စည်း(antibody)တွေကိုထုတ်ပေးပါတယ်။
👉A*O ( Antistreptolysin O) ဆိုတာကတော့သွေးအတွင်းရှိအဲဒီပဋိပစ္စည်းတစ်မျိုး (antibody) ပမာဏကိုတိုင်းတာခြင်းဖြစ်ပါတယ်။

🤔 A*O တက်နေတိုင်းလေးဘက်နာဖြစ်နေတာလား။
🧑‍⚕️A*O ဆိုတာ ပဋိပစ္စည်းပမာဏ (Antibody level) သာဖြစ်လို့ A*O များနေတိုင်းတော့လေးဘက်နာရောဂါရှိနေတာမဟုတ်ပါ။

🤔ဘယ်လိုအခြေအနေတွေမှာ A*O တက်နေတတ်သလဲ။
🧑‍⚕️မြန်မာနိုင်ငံအပါအဝင်အရှေ့တောင်အာရှတွင်လူဦးရေအများစုမှာ Group A Streptococcus ဘက်တီးရီးယားပိုး နှင့်ထိတွေ့မှုရှိထားသူများပါသည်။
ထို့ကြောင့်ထိုရောဂါပိုးကိုတိုက်ဖျက်သော ပဋိပစ္စည်းများကိုလည်းခန္ဓာကိုယ်မှ ထုတ်လုပ်ထားပြီးသွေးထဲတွင်ရောက်ရှိနေပြီးဖြစ်ပါသည်။
ထို့ကြောင့်ရောဂါလက္ခဏာမရှိသူများကိုစစ်ကြည့်ရင်လည်း အနည်းနဲ့အများတော့ A*O တက်နေတာကိုတွေ့ရမှာဖြစ်ပါတယ်။
ထို့အပြင်
👉လတ်တလောလည်ချောင်းနာနေသူများ(2 ပတ်မှ 4 ပတ်အတွင်း)
👉ဖျားနာနေသူများ
👉ကျောက်ကပ်ရောင်သည့်လက္ခဏာရှိသူများ
👉အာသီးရောင်ခြင်း ရှိသူများ
👉အဆစ်အမြစ်များနာကျင်ကိုက်ခဲနေသူများ၊
👉ဖျားနာနေသူများ
👉နှလုံးရောင်သည့် လက္ခဏာရှိသူများ
👉အရေပြားပေါ်တွင်အနီစက် အကွက်များရှိသူများ
တွင်လည်း A*O တက်နေကြောင်းတွေ့ရတတ်ပါတယ်။

🤔A*O တက်နေတိုင်း ဆေးစားဖို့လိုသလား။ (Rheumatic Fever)ပိုးလေးဘက်နာဖြစ်နေပြီလား။
🧑‍⚕️ဘာရောဂါလက္ခဏာမှ မရှိပဲ A*O တက်နေရုံနဲ့တော့ပိုးလေးဘက်နာရောဂါမဟုတ်ပါ။ ဆေးသောက်စရာမလိုအပ်ပါ။

🤔( Rheumatic Fever) ပိုးလေးဘက်နာရောဂါဆိုတာဘာလဲ။
🧑‍⚕️ဘက်တီးရီးယားပိုး တစ်မျိုး ဖြစ်တဲ့ Group A Streptococci ကြောင့် ဖြစ်သောရောဂါဖြစ်ပါတယ်။
အသက် 5 နှစ်ကနေ 15နှစ်ကြားကလေးတွေမှာအဖြစ်များပါတယ်။ မြန်မာနိုင်ငံအပါအဝင်အရှေ့တောင်အာရှနိုင်ငံတွေမှာအတွေ့ရများပါတယ်။ Streptococcus ပိုးဝင်ခြင်းကြောင့် အရေပြား၊အဆစ်များနှင့် နှလုံးကိုပါထိခိုက်ခြင်းဖြစ်စေတတ်ပါတယ်။

🤔ပိုးလေးဘက်နာ (Rheumatic Fever) ရဲ့ရောဂါလက္ခဏာ တွေက ဘာတွေ လဲ။
🧑‍⚕️အသက်ရှု လမ်း ကြောင်း မှတဆင့်ကူးစက်ပိုးဝင်ပြီးနောက် 2 ပတ်မှ 4 ပတ်အတွင်း
💢လည်ချောင်းနာခြင်း
💢ဖျားခြင်း
💢ဒူးဆစ်၊တံတောင်ဆစ်၊လက်ကောက်ဝတ်စသည့် အဆစ်အမြစ်များရောင်ခြင်း၊ကိုက်ခဲခြင်း၊
💢ရင်ဘတ်အောင့်ခြင်း
💢လူနုံးပြီး ပင်ပန်းလွယ်ခြင်း
💢အရေပြားအောက်တွင် အကြိတ်ကလေးများပေါ်ခြင်း (subcutaneous nodules)
💢အရေပြားပေါ်မှာအနီရောင်အကွက်များပေါ်ခြင်း (erythema marginatum)
💢3 လထက်ပိုပြီးကြာလာပါက ဦးနှောက်အတွင်း ထိခိုက်မှုကြောင့်အကြောဆွဲရောဂါဖြစ်ခြင်း ( Sydenham 's chorea)
စသည့်ရောဂါလက္ခဏာများနှင့်အတူ
💢လတ်တလောသွေးစစ်ခြင်း၊ ချွဲသလိပ်ပိုးမွေးခြင်းများတွင် Streptococcus ဘက်တီးရီးယားပိုး တွေရခြင်း၊သို့မဟုတ် A*O တက်နေခြင်း
စတာတွေဖြစ်ပါတယ်။
A*O ( Antistreptolysin O) ဆိုတာသွေးအတွင်းရှိရောဂါကာကွယ်သောပဋိပစ္စည်းတစ်မျိုး (antibody) ပမာဏကိုတိုင်းတာခြင်းဖြစ်ပါတယ်။

🤔ဘယ်အချိန်မှာ ပိုးလေးဘက်နာ ရောဂါအတွက်ဆေးသောက်ဖို့လိုလာပြီလဲ။
🧑‍⚕️အထက်ပါရောဂါလက္ခဏာများရှိလာရင်တော့ ပိုးလေးဘက်နာရောဂါအတွက်ပင်နီဆီလင်ပိုးသတ်ဆေး သောက်ဆေး၊ ထိုးဆေး (Penicillin V, Phenoxymethylpenicillin, Benzathine benzylpenicillin) စတာတွေနဲ့စနစ်တကျကုသမှုခံယူဖို့လိုအပ်ပါတယ်။

🤔ပိုးလေးဘက်နာ ရောဂါရဲ့နောက်ဆက်တွဲပြဿနာတွေကဘာတွေလဲ။
🧑‍⚕️ပိုးလေးဘက်နာ ရောဂါကိုပိုးသတ်ဆေးနှင့်စနစ်တကျမကုသခဲ့ရင်
👉နှလုံးအဆို့ရှင် ထိခိုက်ပျက်စီးခြင်း
👉နှလုံးရောင်ခြင်း
👉နှလုံးမောခြင်း၊နှလုံးစည်းချက်မမှန်ခြင်း
👉အဆစ်အမြစ်ကိုက်ခြင်းများဖြစ်လိုက်ပျောက်လိုက်ဖြစ်ခြင်း
👉ဦးနှောက်အတွင်း ထိခိုက်ခြင်းကြောင့် အကြောဆွဲရောဂါဖြစ်ခြင်း ( Sydenham 's chorea)
စတာတွေဖြစ်တတ်ပါတယ်။

လူတိုင်းကျန်းမာရေးကိုလက်လှမ်းမှီ စေရန်
ရည် သန်လျက်
Yangon Medical Network

References
https://www.mayoclinic.org/diseases-conditions/rheumatic-fever/symptoms-causes/syc-20354588
Davidson's Principles and Practices of Medicine

12/01/2026

Urticaria or Hives
အင်ပြင်ထခြင်း

🤔အင်ပြင်ထခြင်းဆိုသည်မှာ ဘာလဲ။
🧑‍⚕️အရပ်ထဲတွင်တစ်ခုခုနှင့် ဓါတ်မတည့်ခြင်း ကြောင့် အရေပြားပေါ်မှာကြွတက်နေသောအကွက်များဖြစ်ကာအလွန်အမင်းယားယံခြင်းကို အင်ပြင်ထသည်ဟုခေါ်ဆိုကြသည်။

🤔အင်ပြင်ထခြင်းကို ဘယ်လိုအမျိုးအစားခွဲခြားနိုင်သလဲ။
🧑‍⚕️အင်ပြင်ထခြင်းသည်အကြောင်းအမျိုးမျိုးကြောင့်ဖြစ်နိုင်ပါသည်။ အချိန်ကာလပေါ်မူတည်၍
👉( Acute Hives ) ခဏတဖြုတ်အင်ပြင်ထခြင်း
( 6 ပတ် အတွင်းပျောက်သွားခြင်း)
👉( Chronic Hives) ဖြစ်လိုက်ပျောက်လိုက် ကြာရှည်နေသော အင်ပြင်ထခြင်း
( 6 ပတ်ထက်ပို၍ ကြာရှည်ခြင်း)
စသည်ဖြင့် ခွဲခြားနိုင်ပါသည်။

🤔အင်ပြင်ထခြင်းဘာကြောင့်ဖြစ်သလဲ။
🧑‍⚕️ပတ်ဝန်းကျင်လှုံ့ဆော်မှု တစ်ခုခု၊ သို့မဟုတ်ဓါတ်မတည့်ခြင်း တစ်ခုခုကြောင့်ခန္ဓာကိုယ်အတွင်းရှိကိုယ်ခံအားတုံ့ပြန်မှုစနစ် ( immune system) မှ ဟစ္စတာမင်း( histamine) ခေါ်ဓာတုပစ္စည်းတစ်မျိုးကို သွေးထဲသို့ထုတ်လွှင့်ခြင်းကြောင့် အရေပြားယားယံခြင်း၊အကွက်ထခြင်း၊မျက်နှာနှင့် နှုတ်ခမ်းများဖူးယောင်လာခြင်းတို့ဖြစ်ပါသည်။
ပတ်ဝန်းကျင်လှုံ့ဆော်မှုများမှာ
🔺အပူသို့မဟုတ်အအေး၊နေရောင်ခြည်နှင့်ထိတွေ့ခြင်း
🔺ပျားအပါအဝင် ပိုးမွှားအင်းဆက်များအကိုက်ခံရခြင်း
🔺ကြက်ဥ၊နို့၊ဂျုံ၊ မြေပဲ၊ ပင်လယ်စာအစရှိသော မတည့်သောအစားအစာတစ်ခုခု စားသုံးမိခြင်း
🔺မြက်ခင်းများ၊သစ်ပင်များ၊ တိရစ္ဆာန်အမွှေးများ၊တိရစ္ဆာန်သားရည်များနှင့်ထိတွေ့ခြင်း
🔺တုံခါမှုများ (ဥပမာ မြက်ရိတ်စက်၊ဖုန်စုပ်စက်)စသည်တို့နှင့်ထိတွေ့ခြင်း
🔺အရေပြားပေါ်တွင်လက်ပတ်၊ လက်ကောက်စသည်ပွတ်တိုက်မှုများ၊ နီကယ်စသည့် သတ္တုများနှင့်ဓါတ်မတည့်ခြင်း များ၊
🔺ဘက်တီးရီးယားပိုး၊ ဗိုင်းရပ်စ်ပိုး၊ မှိုပိုးနှင့် အသည်းရောင်အသားဝါ ဗိုင်းရပ်စ်ပိုးဝင်ခြင်း
🔺ပန်နီဆီလင် အပါအဝင်ပိုးသတ်ဆေးများ၊အကိုက်အခဲပျောက်ဆေးများ၊ ကာကွယ်ဆေးများနှင့်ဓါတ်မတည့်ခြင်း
🔺သိုင်းရွိက်ရောဂါများ၊ဟော်မုန်းပြောင်းလဲမှုများ၊
🔺ကင်ဆာရောဂါများ
🔺သွေးကြောများရောင်ရမ်းခြင်း( vasculitis) အပါအဝင် (autoimmune) ရောဂါများ
🔺စိတ်ဖိစီးမှုများ၊စိတ်လှုပ်ရှားမှုများ
စသည်ဖြင့်ရှိနိုင်သည်။

🤔ဘယ်အချိန်မှာဆရာဝန်နဲ့ပြဖို့လိုလာပြီလဲ။
🧑‍⚕️အင်ပြင်ထခြင်းအများစုသည် ခဏတစ်ဖြုတ်ဖြစ်တတ်ပြီး 24 နာရီအတွင်းပျောက်ကင်းသွားတတ်သည်။ သို့ရာတွင်အချို့သောလူနာများတွင် အိပ်ရေးပျက်ခြင်း၊ နေ့စဥ်လုပ်ငန်းဆောင်တာများကိုထိခိုက်စေခြင်း၊စိတ်အနှောင့်အယှက်ဖြစ်စေခြင်းစသည်တို့ဖြစ်စေသည်။
🚨အချို့သော ကာလရှည် (6 ပတ်)ထက်ပို၍ ဖြစ်လိုက်ပျောက်လိုက်ဖြစ်နေသောအင်ပြင်ထခြင်းများတွင် ဖြစ်စေသော အကြောင်း ရင်း ကိုလိုက်ရှာရန်လိုအပ်ပါသည်။
🚨အချို့သောဓါတ်မတည့်မှုများမှာမူ ယားခြင်း၊အရေပြားအကွက်ထခြင်းများသာမက
💢မျက်နှာနှင့် နှုတ်ခမ်းများဖူးယောင်လာခြင်း
💢သွေးပေါင်ကျလာခြင်း
💢တရွှီရွှီအသံမြည်ကာအသက်ရှု ကျပ်၍မောလာခြင်း
💢သွေးလန့်၍ anaphylaxis shock ရသည့် လက္ခဏာများရှိလာပါက နီးစပ်ရာကျန်းမာရေးဌာနတွင် စနစ်တကျကုသမှု ခံယူ သင့်ပါသည်။
ဆရာဝန်တွေက
👉ဘယ်အချိန်မှာစဖြစ်တာလဲ၊ ဘယ်လောက်ကြာနေပြီလဲ၊
👉ဘယ်လိုအရာတွေနဲ့ထိတွေ့ရင်ဖြစ်တတ်သလဲ၊
👉နဂိုရောဂါအခံ ဘာရှိလဲ၊ တခြားဘာတွေဖြစ်သေးလဲ
စသည့်ရောဂါရာဇဝင်မေးမြန်းမှုများအပြင်
👉လူနာအားစမ်းသပ်စစ်ဆေးခြင်း
👉လိုအပ်ပါကသွေးဖေါက်စစ်ဆေးခြင်းများပြုလုပ်ရန်လိုအပ်ပါသည်။

🤔အင်ပြင်ထခြင်းကကုသလို့ပျောက်နိုင်သလား။
🧑‍⚕️အင်ပြင်ထခြင်းအများစုမှာ ( Antihistamines) ခေါ်ဆေးများပေးခြင်းဖြင့် ( 24) နာရီအတွင်းပျောက်ကင်းနိုင်ပါသည်။
💢အဓိကကုသမှုမှာဖြစ်စေသောအကြောင်းတရား၊ပတ်ဝန်းကျင်လှုံ့ဆော်မှုကို တတ်နိုင်သလောက်ရှောင်ရှားခြင်းဖြစ်ပါသည်။
👉သို့ရာတွင်မကြာခဏဖြစ်နေသော အင်ပြင်ထခြင်းများ ဖြစ်စေသော ရောဂါအခံ ကိုပါရှာဖွေကုသရန်လိုအပ်ပါသည်။
🚨ထို့အပြင်အရေးပေါ်ဓါတ်မတည့်ခြင်းရောဂါလက္ခဏာများရှိပါကနီးစပ်ရာဆေးရုံဆေးခန်းတွင်စနစ်တကျကုသမှုခံယူသင့်ပါသည်။

လူတိုင်းကျန်းမာ ရေးကို လက်လှမ်း မှီ စေရန်
ရည် သန်လျက်
Yangon Medical Network

References
https://my.clevelandclinic.org/health/diseases/8630-hives
https://www.mayoclinic.org/diseases-conditions/chronic-hives/symptoms-causes/syc-20352719
Kumar and Clarks clinical medicine 10th edition

Yangon Medical Network

15/02/2026

14/02/2026

11/02/2026

09/02/2026

08/02/2026

06/02/2026

02/02/2026

31/01/2026

26/01/2026

23/01/2026

19/01/2026

12/01/2026

Address

Website

Alerts

Contact The Practice

Shortcuts

Share

Category