Surge Myanmar

23/07/2021

Oxygen Concentrator စက်အားပိုးသန့်စင်ခြင်း
=======================================

Oxygen concentrator မှာ ပိုးသန့်စင်ရန်စဉ်းစားဖို့ (၁) စက်အပြင်ပိုင်း၊ (၂) လေစစ်ဇကာ filters များ၊ (၃) mask နဲ့ လေရှုပြွန် cannula and tubing (၄) ရေအိုး water trap humidifiers (၅) စက်အတွင်းပိုင်း ဆိုပြီး (၅) ပိုင်းခွဲစဉ်းစားပါမယ်။
ပထမတစ်ယောက်သုံးပြီး နောက်တစ်ယောက်မသုံးခင်မှာဖြစ်စေ၊ အခြားနေရာကသယ်ယူလာတာဖြစ်စေ #ပိုးသတ်ပြီးမှသုံးစွဲသင့်ပါတယ်။
ပိုးသန့်စင်မယ့်သူဟာ #လူနဲ့ဝေးရာမှာ mask နဲ့လက်အိတ်သေချာဝတ်ပြီးမှ ပိုးသန့်စင်သင့်ပါတယ်။
(၁) စက်အပြင်ပိုင်းကို အစွန်းချွတ်ဆေးမပါတဲ့ဆပ်ပြာရည်စိမ်ထားတဲ့အဝတ်နဲ့သုတ်နိုင်ပါတယ်။ ပြီးတာနဲ့ kitchen tower စက္ကူလိပ်နဲ့ရေပြန်သုတ်နိုင်ပါတယ်။
စက်ကိုအသုံးပြုနေစဉ်မှာ ရေစိုအဝတ်နဲ့သန့်စင်ခြင်း #မပြုလုပ်ပါနဲ့။
အဓိကကလက်ကိုင်တွေ၊ setting ချိန်တဲ့နေရာတွေ လက်နဲ့ထိတွေ့နိုင်တဲ့နေရာတွေမှာ ပိုးသန့်စင်ပစ်ရမှာဖြစ်ပါတယ်။
(၂) Filters လေစစ်စကာတွေကို ဖြုတ်ထုတ်ပါ။ ဖုန်ခါသန့်စင်ပြီး ချွတ်ဆေးမပါတဲ့ဆပ်ပြာရည်ထဲမှာ ၂ မိနစ်ခန့်စိမ်ပါ။ ပြီးရင်ပိုက်ခေါင်းအောက်ကရေနဲ့ပြန်ဆေးပစ်ပါ။
တတ်နိုင်ရင် UV light ခရမ်းလွန်ရောင်ခြည်ဖြစ်ဖြစ်၊ နေရောင်ထဲမှာ မိနစ် ၂၀ လောက်ထားပြီးဖြစ်ဖြစ် ပိုးသတ်ပါ။
လေသလပ်ခံကာ #လုံးဝခြောက်သွေ့သွားမှပြန်လည်တပ်ဆင်သုံးစွဲပါ။ မခြောက်သွေ့လို့ စက်အတွင်းသို့ရေမှုန်ရေမွှားပါသွားတာ မကောင်းပါ။
ဆေးရုံလိုနေရာများမှာသုံးဖို့ filter အပိုဝယ်ထားသင့်ပါတယ်။
အထဲမှာ HEPA လို့ခေါ်တဲ့ လေစစ်ဇကာပါပါတယ်။ အဲ့ဒါကိုသေချာဖြုတ်ပြီး ဘရပ်ရှ်လေးနဲ့သန့်စင်ရပါတယ်။
ဖုန်ထဲမှာလူနာကရှုထုတ်ထားတဲ့ #ဗိုင်းရပ်စ်ပိုးတွေကပ်နေနိုင်တာကြောင့် mask နဲ့ goggles 🥽 တပ်ပြီးမှဖုန်သန့်စင်သင့်ပါတယ်။
(၃) လေရှုပြွန် cannula and tubing နဲ့ mask ကို နောက်တစ်ယောက်ပြန်သုံးရန် သန့်စင်ဖို့က #လက်တွေ့မကျပါဘူး။ နောက်တစ်ယောက်သုံးရင် #အသစ်လဲပါ။
Cannula ထိပ်နဲ့ mask ကို တစ်ယောက်တည်းသုံးရင်တောင်မှ ❌ ကြမ်းပြင်၊ စားပွဲခုံ၊ အိပ်ရာပေါ်စသည်တို့အပေါ်မှာမချမိဖို့ ဂရုစိုက်ပါ။ အဲ့လိုချမိရင် ရောဂါပိုးကိုဒါရိုက်ရှုမိသလိုဖြစ်စေပါတယ်။
မျက်နှာပြင်တစ်ခုခုပေါ် ချမိတယ်ဆိုရင် ဆပ်ပြာရည်ပါတဲ့ရေနွေးထဲမှာစိမ်ပါ။ ပြီးရင်ရေနဲ့ဆေးပါ။ ပြီးရင် (white vinegar ၁ ဆ - ရေ ၃ ဆ) ပါတဲ့ရေနွေးထဲ မိနစ် ၂၀ စိမ်ပြီးခြောက်အောင်သုတ်ပြီးမှ သုံးပါ။
အကယ်လို့ antiseptic solution ပိုးသတ်ဆေးရည်ရှိရင် အဲ့ဒီအထဲမှာမိနစ် ၃၀ စိမ်ပါ။
UV အလင်းရောင် (သို့မဟုတ်) နေရောင်ထဲထားပြီးလည်း ပိုးသတ်နိုင်ပါတယ်။
ဒါက cannula ထိပ်နဲ့ mask ကိုသာဆေးကြောသန့်စင်ဖို့ပြောတာဖြစ်ပြီး tubing ပြွန်ရှည်ကိုလုံးဝရေမစိမ်ရပါ။ ❌
ပြွန်ထဲရေဝင်သွားရင် ခြောက်သွေ့အောင်လုပ်ရတာအရမ်းခက်ပါတယ်။
လူနာတစ်ယောက်တည်းသုံးတာတောင်မှ လူနာကနေမကောင်းဖျားနာမှုရှိခဲ့ရင် cannula နဲ့ mask ကိုအသစ်လဲလှယ်သင့်ပါတယ်။
(၄) ရေအိုး water trap humidifiers ကိုလည်း အပေါ်ကနည်းအတိုင်းဆေးကြောနိုင်ပါတယ်။ လူနာပြောင်းရင် ကျိန်းသေပိုးသတ်ဖို့လိုပါတယ်။ လူနာမပြောင်းရင်တောင် ၅ ရက်တစ်ခါလောက်ဆေးပေးပါ။
အကယ်လို့ antiseptic solution ပိုးသတ်ဆေးရည်ရှိရင် အဲ့ဒီအထဲမှာမိနစ် ၃၀ စိမ်ပါ။
အဲ့ဒီ humidifier ပလတ်စတစ်ဘူးလေးထဲထည့်တဲ့ရေဟာ ရေသန့်ဖြစ်ရပါမယ်။ ကြိုချက်ထားတဲ့ရေသန့်ဖြစ်ရင်ပိုကောင်းပါတယ်။ အဲ့ဒီရေကို ထပ်ထပ်ဖြည့်တာထက် #နေ့စဉ်အသစ်လဲလှယ်ပေးတာမျိုးလုပ်ပေးသင့်ပါတယ်။
ရေမသန့်ခဲ့ရင်၊ ဘူးမသန့်ခဲ့ရင် mucormycosis လို့ခေါ်တဲ့ Covid လူနာမှာနောက်ဆက်တွဲမှိုနက်ရောဂါဖြစ်တတ်ပါတယ်။
ဟုတ်ပြီ။ အပေါ်က အဆင့် (၄) ဆင့်နဲ့စက်အပြင်လည်းသန့်ပြီ။ လေစစ်ဇကာတွေလည်းသန့်ပြီ။ လေရှုပြွန်ကလည်းအသစ်သုံးထားပြီးပြီ။ ရေဘူးကိုလည်းသေချာဆေးပြီးရေအသစ်လဲလှယ်ပြီးပြီ။
ဒါဆိုရင် လူနာတစ်ယောက်နဲ့တစ်ယောက်မကူးစက်ဘူးလို့ ၁၀၀ % သေချာပြီလား❓
Filter ဘယ်လောက်ကောင်းသလဲပေါ်မှာမူတည်ပါတယ်။ ကျနော့်အယူအဆကိုပြောပါမယ်။
အရင်လူနာရှုထုတ်သမျှလေဟာ စက်ပတ်ဝန်းကျင်ကိုရောက်သွားမှာပါ။ စက်ကအဲ့ဒီလေကိုစုပ်ယူပြီး နိုင်ထရိုဂျင်ဖယ်ထုတ်ကာ အောက်ဆီဂျင်ကိုစုစည်းပေးလိုက်တာပါ။
အဲ့ဒီတော့ စက်ရဲ့ Filter တွေက ဗိုင်းရပ်စ်နဲ့ဘက်တီးရီးယားကိုမစစ်ထုတ်ပေးနိုင်ဘူးဆိုရင် စုပ်ယူတဲ့လေနဲ့အတူအထဲကိုဝင်သွားမှာဖြစ်ပါတယ်။
စက်ထဲက ဇီယိုလိုက်ဇကာနဲ့ပိုက်ထဲမှာ အချိန်အတိုင်းအတာတစ်ခုအထိရှိကောင်းရှိနေနိုင်ပါတယ်။ စက်အထဲပိုင်းကိုသန့်စင်ဖို့မဖြစ်နိုင်ပါ။
အဲ့လိုပါသွားခဲ့ရင်တော့ အနည်းဆုံး (၅) ရက်ခန့်ထားပြီးမှသုံးသင့်ပါတယ်။

Richard Myo Thant
12-July-2021

23/07/2021

Oxygen Safety Precaution
=======================================

ဒီကာလမှာ အိမ်တိုင်းလိုလို အောက်ဆီဂျင်အိုးတွေ ဆောင်ထားကြတော့ လိုက်နာဆောင်ရွက်သင့်တဲ့ Oxygen Safety Precaution တွေ မျှဝေပေးချင်ပါတယ်
အောက်ဆီဂျင်ဟာ မှန်မှန်ကန်ကန် အသုံးပြုမယ်ဆိုရင် safe, non-explosive gas ဖြစ်ပါတယ်
သို့သော် ကိုယ်တိုင် မီးမလောင်ပေမဲ့ မီးလောင်ခြင်းကို အားပေးပါတယ်
ဒါကြောင့် နေအိမ်မှာ အောက်ဆီဂျင် သုံးမယ်ဆိုရင် အောက်ပါ အချက်များကို သတိပြုပါ
⚠️ အောက်ဆီဂျင်ကို မီးတောက်မီးဖိုရှိရာနဲ့ အနည်းဆုံး ၃ မီတာ (၁၀ ပေ) ခန့် ခွာထားပါ
⚠️ Oxygen equipment အနီး ဆေးလိပ်မသောက်ရ
⚠️ အောက်ဆီဂျင်အနီး မီးလောင်လွယ်တဲ့ပစ္စည်းများ (petrol, cleaning fluid, aerosol cans or sprays such as fresheners or hairspray) မသုံးရ
⚠️ Oxygen supply device ကို alcoholic solutions, oil or grease ဖြင့် မထိပါစေနဲ့
⚠️ အောက်ဆီဂျင် ပေးနေစဉ် လျှပ်စစ်ပစ္စည်းများ (hairdryers, razors) မသုံးရ
⚠️ Oxygen concentrator ကို grounded electrical outlet မှာပဲ တပ်ပါ (extension cord သို့မဟုတ် power board ဖြင့် ဘယ်တော့မှ မသုံးပါနဲ့)
⚠️ Oxygen equipment ကို ဖုန်မတက်အောင် သန့်သန့်ရှင်းရှင်း ထားပါ
⚠️ Oxygen concentrator ကို ခန်းဆီး၊ လိုက်ကာနဲ့ ဝေးပြီး လေကောင်းလေသန့်ရတဲ့နေရာမှာ ထားပါ
⚠️ Oxygen cylinder တွေကို မီးတောက်မီးဖိုနဲ့ ဝေးပြီး နေရောင်ခြည်လည်း တိုက်ရိုက်မကျဘဲ လေဝင်လေထွက်ကောင်းတဲ့နေရာမှာ ထောင်လျက် ထားပါ
⚠️ Cylinder တွေ မပျက်စီးအောင် oxygen equipment ကို သတိထား ကိုင်တွယ်ပါ
⚠️ မှန်ကန်တဲ့ pressure gauge နဲ့ regulator ကို သုံးပါ
⚠️ ကုန်ခါနီးရင် valve ကို ပိတ်ပါ
⚠️ တစ်ရက် ၂၄ နာရီ အောက်ဆီဂျင် ရှူနေရရင် back-up oxygen cylinder ဆောင်ထားပါ

23/07/2021

Covidဖြစ်ရင်
🏠အိမ်မှာ ဘယ်လိုနေသင့်လဲ?
💁‍♀️အောက်စီဂျင် ဘယ်ချိန်လိုအပ်လဲ?
🤒ဖျားလျှင် ဘာတွေလုပ်ပေးဖို့လိုလဲ?
🙇‍♀️ဝမ်းလျောလျှင် ဘာသောက်ဖို့လိုလဲ?
🏩ဘယ်အချိန် ဆေးရုံတက်သင့်လဲ?
⏰ဘာတွေ Monitor လုပ်ဖို့လိုလဲ?
ပုံလေးတွေနဲ့ဆိုတော့ ပိုမှတ်မိလွယ်မယ်လို့ ထင်ပါတယ်…
အားလုံးအကြောက်မလွန်ပဲ အတူတကွ ကျော်ဖြတ်ကြပါစို့…💪👍

Source: World Health Organization (WHO)

23/07/2021

Oxygen Concenterator တလုံးဝယ်မယ်ဆိုရင်
ဘာတွေ သိထားသင့်ပြီး. . သတိထားကြည့်ရမလည်း. . . .


Concenterator ဆိုတာ O2 ထုတ်တဲ့စက်ဖြစ်ပြီး အိုးတွေနဲ့မတူတာက O2 မကုန်သွားဘဲဖြည့်စရာမလိုဘဲသုံးနိုင်ပါတယ်
စက်ထဲမှာ regulator ပါပြီးဖြစ်တဲ့အတွက် water tank ကိုတပ်ပြီး တိုက်ရိုက်သုံးနိုင်ပါတယ်. .
medical grade O2 concenterator တလုံးမှာ . . .
_ အရေးကြီးဆုံးက oxygen purity ပါ. . စက်ကထွက်တဲ့ သန့်စင်တဲ့ O2 % ပါ . . medical grade O2 concenterator တလုံးရဲ့ O2 purity ဟာ 90%ထက် မနည်း 96% ထက်မများသင့်ပါဘူး. .
_ flow rate မှန်ကန်ဖို့ _ outlet pressure stable ဖြစ်ဖို့ အရေးကြီးပါတယ်. . O2 စက်တွေမှာ 1-10L per minute ပေးလို့ရပါတယ်. . flow meter ပြတဲ့ အတိုင်း flow အမှန်တကယ် ထွက်နေဖို့အရေးကြီးပါတယ်. . အထူးသဖြင့် covid မှာ high flow O2 ပေးတဲ့အခါကိုယ် flow meter မှာတင်သလောက်ထွက်ဖို့အရေးကြီးပါတယ်. . flow range များတဲ့ စက်ကိုရွေးချယ်သင့်ပါတယ် (eg: 1-10L/min)
3/5/7/8/10 L စသည်ဖြင့် ရွေးချယ်မယ်ဆို 10L ထိပေးနိုင်တာကို covid ကာလမှာဝယ်သင့်ပါတယ်
_ service and spare parts အရေးကြီးပါတယ် air filter/ bacterial filter တွေ parts ရှိရပါတယ်. . လဲကိုလဲရပါတယ်. . သုံးတဲ့ပါတ်ဝန်းကျင်ပေါ်မူတည်ပါတယ်. . များသောအားဖြင့် 6-12 လကြာရင် filter တွေလဲရပါတယ်. . ဆေးပြီးပြန်သုံးလို့ရတာရှိသလို မရတဲ့ filter တွေရှိပါတယ်. . pressure sensor/ O2 sensor တွေလိုအပ်လာရင် လဲဖို့ပစ္စည်းလိုပါတယ်. . စက် error တက်ရင် ဘာဖြစ်လည်း ကြည့်ပေးနိုင်တဲ့ service ရှိရင်ကောင်းပါတယ်. . အသုံးပြုပြီး အချိန်တခုကြာရင် O2 purity/ flow sensor နဲ့ pressure တွေပြန် maintenance check/ calibrate လုပ်ပေးနိုင်တာရှိရင်ကောင်းပါတယ်. .
_ Single or double inhalation လာပါတယ်
single ဆို တယောက်တည်းရှုလို့ရမှာဖြစ်ပြီး double ဆိုနှယောက်တချိန်တည်းသုံးနိုင်ပြီး/ 2 line inhalation လည်းသုံးနိုင်ပါတယ်. . ခုလို shortage ဖြစ်ချိန် double ပိုရွေးသင့်ပါတယ်
_ noise level _ db နဲ့ပြပါတယ် 37~50 db လောက်ရှိကြပါတယ်. . စက်တိုင်းအသံထွက်တယ်ဆိုပေမယ့် သေချာနားထောင်ကြည့်ရင်ကွာပါတယ်. . စက်အတူတူကို 5L စက်နဲ့ 10L စက်နဲ့ noise ကွာပါတယ်. . အချိန်အကြာပြီး patient နားကပ်ပြီးဖွင့်ထားမှာ ဖြစ်တဲ့အတွက် ညအချိန်နဲ့ နေမကောင်းချိန်ဆို အသံငြိမ်လေကောင်းလေးပါဘဲ
_ alarm; Oxygen percent ကျသွားရင် alarm ပေးတာပါသင့်ပါတယ်. . power failure alarm/ high pressure low pressure alarm/ over heat/ SpO2 alarm တို့စသည်ဖြင့်ပါပါတယ်
_ SpO2 monitor (သွေးတွင်း O2 level တိုင်းတာ) ပါရင်ပိုကောင်းပါတယ်. . မပါလည်း pulse oximeter နဲ့တိုင်းရပါတယ်. . SpO2 စက်အသေးလေးတွေက spot check ဖြစ်ပြီး monitor ကတော့ continuous monitoring ဖြစ်ပါတယ်. . O2 ပေးထားတဲ့အချိန်မှာ SpO2 ကို check လုပ်ကိုလုပ်နေရပါမယ်
_ other features တွေ nebulizer/ integrated UPS/ battery back up/ monitor display စတာတွေပါလာတာတွေပေါ်မူတည်ပြီးလည်းစျေးကွာပါတယ်
_ ISO/ FDA / FAA/ EC/ CE certificate တွေရှိတဲ့စက်မျိုးကိုရွေးချယ်သင့်ပါတယ်. .
_ နောက်တခုသိထားသင့်တာက catalogue တွေ specification တွေဆိုတာက စာရွက်ပေါ်ကကိုယ်ရေးချင်သလိုရေးရပါတယ်. . စက်က တကယ့် spec data နဲ့ကိုက်ဖို့အရေးကြီးပါတယ်. . O2 analyser တို့/meter တို့နဲ့ စစ်ဆေးနိုင်ပေမယ့် စက်တိုင်းမလွယ်ပါဘူး. .
အဲ့တော့ အသုံးများတဲ့ စက် service နဲ့ spare partsပေးနိုင်တာမျိုးကို ရွေးသင့်ပါတယ်. . မဟုတ်ရင် filter လေးဝယ်မရလို့ O2 purity မကောင်းတာ သုံးလည်းမထူးတာတွေဖြစ်နိုင်ပါတယ်. .
အခုအချိန် something is better than nothing ဆိုပေမယ့်လည်း တကယ်အသုံးတည့်ဖို့လည်းလိုအပ်တာမို့
လိုအပ်တာလေးတွေ ယေဘုယျသိထားသင့်ပါတယ်. .
oxygen concenterator ဆောင်ထားသင့်လားဆိုရင်
အရင်တုန်းကတော့ မလိုပေမယ့် ခုခြေနေနဲ့ သက်ကြီးရွယ်အိုတွေ ကျန်းမာရေးမကောင်းသူတွေ ရောဂါအခံရှိသူတွေကတော့ ဆောင်ထားသင့်ပါတယ်.

# Credit : Dr. Phone

23/07/2021

သွေးတွင်းအောက်စီဂျင်တိုင်းကိရိယာအကြောင်းသိကောင်းစရာ
Pulse Oximeter(SpO2)
===============================================
ဒီနေ့page ကနေသွေးတွင်းအောက်စီဂျင်တိုင်းတဲ့ကိရိယာလေး-Pulse oximeter(SpO2) အကြောင်းလေးကို အသေးစိတ်ပြောပြပေးပါ့မယ်။
🔍Pulse oximeter(SpO2) ဆိုတာဘာလဲ?
SpO2-saturation of peripheral Oxygenဖြစ်ပါတယ်။စက်လေးက
သွေးတွင်းထဲမှာရှိနေတဲ့အောက်စီဂျင်ပမာဏကိုညွှန်ပြပေးတာဖြစ်တယ်။စက်နာမည်ကိုတော့သွေးတွင်းအောက်စီဂျင်တိုင်းစက်-Pulse Oximeterလို့ခေါ်ပါတယ်။Medical terms အနေနဲ့တော့ SpO2လို့ခေါ်လေ့ရှိပါတယ်
🔍သူ့ကိုဘယ်လိုတိုင်းလဲ?
အဲ့စက်ကလေးကို လက်ချောင်း တစ်ခုတွင်ညှပ်ပြီးတိုင်းလိုက်ရင် စက္ကန့်ပိုင်းအတွင်း အဖြေထုတ်ပေးပါတယ်။
တိုင်းလို့ရတဲ့နေရာတွေကတော့-လက်ချောင်း၊ခြေချောင်းတို့တွင်အများဆုံးတိုင်းပါတယ်။
🔍အဖြေဘယ်လိုဖတ်လဲ?
အဖြေကို သူကရာခိုင်နှုန်းနဲ့ပြပါတယ်(%)
ပုံမှန်က 95%-100%ဆို Normal အဖြေဖြစ်ပါတယ်။
အောက်စီဂျင်level နဲ့အတူသူက နှလုံးခုန်နှုန်းကိုပါဖော်ပြပေးပါတယ်။
PR(pulse rate)ဆိုတာ နှလုံးခုန်နှုန်းဖြစ်ပါတယ်။
🔍ဘယ်လိုလူတွေမှာဆောင်ထားသင့်လဲ??
1မွေးရာပါနှလုံးရောဂါရှိသူတွေ
2.နာတာရှည်အဆုတ်လေပြွန်ရောင်သူတွေ
3.ပန်းနာရင်ကျပ်ရှိသူတွေ
4.နှလုံးအားနည်းသူတွေ
5.အမောဖောက်တတ်သူတွေ
6.ကျောက်ကပ် မကောင်းသူတွေ
🔍SpO2 တိုင်းရင်သတိထားရမည့်အချက်များ
1.လက်ချောင်းထဲသေချာဝင်အောင်တိုင်းပါ-လွတ်နေလျော့နေပါကအဖြေမှားတတ်သည်
2.အသားမာရှိတဲ့လက်ချောင်း၊လက်သည်းနီဆိုးထားသောလက်ချောင်းများတွင်မတိုင်းရ
3.လက်ခြေချောင်းများအရမ်းအေးနေလျှင် နွေးအောင်လုပ်ပြီးမှတိုင်းရမည်။အေးနေတဲ့အချိန်တိုင်းလျှင် အဖြေမှာနည်းခြင်း၊မပေါ်ခြင်းတို့ဖြစ်တတ်သည်။
4.နှလုံးခုန်းနှုန်းအရမ်းမြင့်နေသူ၊စီးချက်မမှန်သူများတွင်တိုင်းရင် အဖြေမှားတတ်သည်။
5.ကျောက်ကပ်ဆေးဖို့အကြောမွေးထားသူတွေကတော့ အကြောမွေးထားတဲ့ဘက်ကိုမတိုင်းရပါ။
🔍SpO2 ဘယ်လောက်ဆို အန္တာရယ်ရှိလဲ???
တကယ်တော့ Spo2 တစ်ခုထဲနဲ့ လူနာအခြေအနေကိုဆုံးဖြတ်လေ့မရှိပါဘူး။
🔴သို့သော် ရောဂါအခံလည်းရှိတယ်တကယ်လည်းမောနေတယ်ဆိုရင် SpO2-

23/07/2021