https://www.facebook.com/105236461721940/

Heart-Q Myanmar, No. 23/5(C), Thiri Mingalar Yeik Thar Street, (7) Ward, Yankin Township, Yangon (2025)

27/11/2025

ကိုယ်ဝန်ဆောင် မိခင်တွေနဲ့ နှလုံးကျန်းမာရေး🤰🫀

ကိုယ်ဝန်ဆောင်ချိန်ဟာ မိခင်လောင်းတိုင်းအတွက် ဝမ်းသာစရာဖြစ်ပေမဲ့၊ နှလုံးရောဂါ ရှိသူတွေအတွက်တော့ အထူးဂရုစိုက်ရမယ့် အန္တရာယ်များတဲ့ အခြေအနေတစ်ခု ဖြစ်ပါတယ်။ ကိုယ်ဝန်ဆောင်ချိန်မှာ နှလုံးဟာ ပုံမှန်ထက် ၄၀% အထိ ပိုအလုပ်လုပ်ရတယ်။ ဒီအတွက်ကြောင့် နှလုံးရောဂါရှိသူမိခင်တွေဟာ အသက်အန္တရာယ်ကိုပါ ရင်ဆိုင်ရနိုင်ပါတယ်။

သာမန်ကိုယ်ဝန်ဆောင်ခြင်းမှာ မောပန်းတာက ပုံမှန်ဖြစ်ပေမယ့်၊ ဒီလက္ခဏာတွေက ခံစားနေရပြီဆိုပါက သတိထားသင့်ပါတယ်။
🤱အနားယူနေချိန်မှာတောင် အသက်ရှူရခက်ပြီး မောနေခြင်း
🤱ရင်တုန်တာ (သို့)နှလုံးခုန်မြန်တာကို သိသိသာသာ ခံစားရခြင်း
🤱ညအိပ်ချိန် ချောင်းဆိုးပြီး သွေးစပါခြင်း (သို့) ဖျားနာခြင်းမရှိဘဲ ခဏခဏ ချောင်းဆိုးခြင်း
🤱ခြေထောက်၊ ခြေကျင်းဝတ်တွေ ဖောယောင် လာခြင်း
🤱မူးဝေပြီး သတိလစ်ချင်သလို ခံစားရခြင်း စတာတွေပဲဖြစ်ပါတယ်။

နှလုံးရောဂါရှိသူ မိခင်တွေအနေနဲ့ မိမိနဲ့ ကလေး ဘေးကင်းဖို့အတွက် ဒီအချက်တွေကို မဖြစ်မနေ လိုက်နာသင့်တယ်။
🩺မီးယပ်ဆရာဝန်အပြင် နှလုံးအထူးကုဆရာဝန် နဲ့ပါ ပုံမှန် ရက်ချိန်းယူပြီး စစ်ဆေးသင့်ပါတယ်။
🩺နှလုံးကို ဝန်မပိစေဖို့ လုံလောက်စွာ အနားယူပြီး၊ ကိုယ်အလေးချိန်ကိုလည်း ထိန်းသိမ်းသင့်ပါတယ်။
🩺ကလေးမွေးဖွားမယ့် နည်းလမ်းကို သားဖွားမီးယပ်ဆရာဝန် နဲ့ ကြိုတင် ပြင်ဆင်၊ တိုင်ပင်သင့်ပါတယ်။

မိခင်လောင်းများအနေဖြင့် မိမိရဲ့ နှလုံးကျန်းမာရေးကို အလေးထားပြီး၊ အထူးကုဆရာဝန်များရဲ့ ညွှန်ကြားချက်တွေကို တိကျစွာ လိုက်နာမယ်ဆိုရင် ဘေးကင်းလုံခြုံတဲ့ ကိုယ်ဝန်ဆောင်ကာလကို အောင်မြင်စွာ ဖြတ်သန်းနိုင်မှာဖြစ်ကြောင်း ဆုမွန်ကောင်းတောင်းရင်း အားပေးစကား ပြောကြားလိုက်ရပါတယ် ခင်ဗျာ🙏❤️
#ကိုယ်ဝန်ဆောင် #နှလုံး #နှလုံးကျန်းမာရေး

25/11/2025

နှလုံးကျန်းမာရေးကောင်းစေဖို့ Heart-Q နှလုံးအားဆေး မှီဝဲကြပါစို့!📣❤️

🫀နှလုံးဆိုတာ မိခင်ဝမ်းတွင်းသန္ဓေတည်ချိန်မှစပြီး အသက်ဆုံးပါးသည်အထိ မရပ်မနား အလုပ်လုပ်ဆောင်ရတဲ့ ခန္ဓာကိုယ်ရဲ့ အရေးအကြီးဆုံးသော အစိတ်အပိုင်းပဲဖြစ်ပါတယ်။ နှလုံးဟာ ခန္ဓာကိုယ်တစ်ခုလုံးအတွက် လိုအပ်တဲ့သွေးလည်ပတ်မှုကို အဓိကဆောင်ရွက်ပေးပါတယ်။ ဒါ့ကြောင့် နှလုံးကျန်းမာမှသာ အခြားသောကိုယ်အင်္ဂါအစိတ်အပိုင်းများလည်း မိမိတို့တာဝန်ကို ကောင်းမွန်စွာ ဆောင်ရွက်နိုင်မှာဖြစ်ပါတယ်။
Heart-Q မှာပါဝင်တဲ့ Omega 3, Coenzyme Q10 နဲ့ L Carnitine (500mg) တို့ဟာ နှလုံးကျန်းမာရေးကိုကောင်းမွန်စေပြီး နှလုံးရောဂါမျိုးစုံကို သက်သာစေပါတယ်။
ဒါကြောင့် မိမိနှလုံးကျန်းမာ၊ ကောင်းမွန်စေရန် Heart-Q နှလုံးအားဆေးကို တစ်နေ့တစ်လုံး သောက်သုံးပြီး ကြိုတင်ကာကွယ်ဖို့ တိုက်တွန်းလိုက်ပါတယ်နော်🥰✨

24/11/2025

🥤🧃နှလုံးကျန်းမာရေးအတွက် သောက်သင့်သည့်အရာများ 🍹🥛

နေ့စဉ် မှန်ကန်စွာ ရွေးချယ်သောက်သုံးတဲ့ အဖျော်ယမကာတွေဟာ သင့်နှလုံးကျန်းမာရေးအတွက် အကောင်းဆုံး သဘာဝ အားဖြည့်ဆေးတွေပဲ ဖြစ်ပါတယ်။ ဒီဖျော်ရည်တွေက သွေးတိုး၊ ကိုလက်စထရော မြင့်တက်ခြင်းနဲ့ သွေးကြောပိတ်ဆို့ခြင်းလို နှလုံးရောဂါဖြစ်စေနိုင်တဲ့ အချက်တွေကို ထိရောက်စွာ လျှော့ချပေးနိုင်ပါတယ်။

💦ရေသန့်
ရေသန့်ဟာ နှလုံးကျန်းမာရေးအတွက် အခြေခံအကျဆုံးနဲ့ အရေးကြီးဆုံးပဲ ဖြစ်ပါတယ်။ နေ့စဉ် ရေသောက်သုံးခြင်းက သွေးကို ပုံမှန် အနေအထားအတိုင်း ထိန်းသိမ်းပေးလို့ သွေးမပြစ်အောင် ကာကွယ် ပေးနိုင်ပါတယ်။ ဒီလို ရေဓာတ်ပြည့်ဝနေခြင်းက နှလုံးသွေးကြောစနစ်ကို ကောင်းမွန်စွာ လည်ပတ်စေဖို့ အရေးပါတဲ့ အခန်းကဏ္ဍကနေ ပါဝင်တယ်။ ဒါကြောင့် တစ်နေ့ကို အနည်းဆုံး ၈ ခွက်ခန့် သောက်သုံးသင့်ပြီး၊ ဆီးအရောင် ဖျော့တော့တဲ့ အဝါရောင် ဖြစ်နေရင် သင့်ခန္ဓာကိုယ် ရေဓာတ်ပြည့်ဝတယ်လို့ ယူဆနိုင်ပါတယ်။

🍵လက်ဖက်စိမ်း
လက်ဖက်စိမ်းဟာ နှလုံးအတွက် အထူးကောင်းမွန်တဲ့ အဖျော်ယမကာပဲ ဖြစ်ပါတယ်။ လက်ဖက်စိမ်းမှာ Catechins လို ဓာတ်တိုးဆန့်ကျင်ပစ္စည်းတွေ ကြွယ်ဝစွာ ပါဝင်လို့ LDL (မကောင်းတဲ့) ကိုလက်စထရော ပမာဏကို ထိရောက်စွာ လျှော့ချပေးတယ်။ ဒါ့အပြင် သွေးကြောပိတ်ဆို့ခြင်း ဖြစ်ပေါ်မှုကို ကာကွယ်ပေးတဲ့အတွက် နှလုံးကျန်းမာရေးကို အားဖြည့်ပေးတယ်။ အဲဒါကြောင့် တစ်နေ့ကို သကြားမထည့်ဘဲ ၂ ခွက်မှ ၃ ခွက်အထိ သောက်သုံးသင့်ပါတယ်။

🍹သလဲသီးဖျော်ရည်
ကလည်း နှလုံးကျန်းမာရေးကို ထိန်းသိမ်းဖို့ သောက်သုံးသင့်တဲ့ ဖျော်ရည်တစ်ခုဖြစ်ပြီး သောက်သုံးခြင်းဖြင့် အသားအရည်ကိုပါ ကြည်လင် လှပစေပါတယ်။ သလဲသီးဖျော်ရည် လတ်လတ်ဆတ်ဆတ်ထဲမှာ ဗီတာမင် K၊ ပိုတက်ဆီယမ်၊ ဖောလိတ်၊ ဗီတာမင် B6၊ B5၊ ဗီတာမင် E အပြင် ဓာတ်တိုးဆန့်ကျင်အာနိသင် (Antioxidants) များ ကြွယ်ဝစွာ ပါဝင်ပါတယ်။ နှလုံးသွေးကြောကျဉ်း ပြဿနာကိုသက်သာစေပြီး သွေးအတွင်းရှိ ကိုလက်စထရောကိုလည်း လျော့နည်းစေပါတယ်။

🥕မုန်လာဥနီဖျော်ရည်
မုန်လာဥနီဖျော်ရည်ဟာ သွေးတိုးကျစေတဲ့ ဖျော်ရည်များထဲမှာ ထိပ်ဆုံးက ပါဝင်ပါတယ်။ ဒီဖျော်ရည်မှာ Nitrate ဓာတ်တွေ ကြွယ်ဝစွာ ပါဝင်လို့ ခန္ဓာကိုယ်ထဲရောက်တဲ့အခါ သွေးကြောတွေကို ပြေလျော့စေပြီး သွေးလည်ပတ်မှု ကောင်းစေတဲ့ Nitric Oxide ထုတ်လုပ်မှုကို အားပေးတယ်။ ဒါကြောင့် သွေးပေါင်ချိန်ကို သိသိသာသာ လျှော့ချပေးနိုင်တယ်။ နှလုံးကျန်းမာရေးအတွက် အကောင်းဆုံးရလဒ်ရစေဖို့ သကြား ဒါမှမဟုတ် ဆား လုံးဝမထည့်ဘဲ သောက်သုံးသင့်ပါတယ်။

သင့်နှလုံးကျန်းမာရေးကို ပြင်းပြင်းထန်ထန် ထိခိုက်စေနိုင်တဲ့ အဖျော်ယမကာ နှစ်မျိုးကို လုံးဝ ရှောင်ရှားသင့်ပါတယ်။ ပထမတစ်ခုကတော့ သကြားဓာတ်ပါဝင်မှုများတဲ့ အချိုရည်တွေ (Soft Drinks) ဖြစ်ပြီး၊ သကြားနဲ့ ကယ်လိုရီ မြင့်မားစွာ ပါဝင်လို့ ကိုယ်အလေးချိန်တက်တာ၊ ဆီးချိုဖြစ်တာတွေကနေတစ်ဆင့် နှလုံးရောဂါဖြစ်နိုင်ခြေကို သိသိသာသာ မြှင့်တင်ပေးပါတယ်။ ဒုတိယတစ်ခုကတော့ အရက်သေစာ (Alcohol) ဖြစ်ပြီး၊ အရက်ကို အလွန်အကျွံ သောက်သုံးခြင်းဟာ သွေးတိုးခြင်း၊ နှလုံးခုန်မမှန်ခြင်း (AFib) နဲ့ လေဖြတ်ခြင်းအန္တရာယ်တွေကို တိုးစေလို့ ရှောင်ကြဉ်သင့်ပါတယ်

⚠🥰နေ့စဉ်သောက်သုံးတဲ့ အဖျော်ယမကာတွေကို စနစ်တကျ ရွေးချယ်ခြင်းဟာ သင့်နှလုံးကျန်းမာရေးကို ကာကွယ်ပေးနိုင်တဲ့ စျေးအသက်သာဆုံးနှင့် အထိရောက်ဆုံး နည်းလမ်းပဲ ဖြစ်တယ်။ ရေသန့်ကို လုံလောက်စွာ သောက်သုံးခြင်းဖြင့် သွေးကို ပုံမှန်အနေအထား ထိန်းသိမ်းပေးတာ၊ လက်ဖက်စိမ်းကဲ့သို့သော ဖျော်ရည်တွေက LDL ကိုလက်စထရောကို လျှော့ချပေးတာ၊ ဒါမှမဟုတ် မုန်လာဥနီဖျော်ရည်က သွေးတိုးကို ထိန်းချုပ်ပေးတာ စတဲ့ အကျိုးကျေးဇူးများစွာ ရရှိစေတယ်။ အရေးကြီးဆုံးကတော့ နှလုံးကို ဒုက္ခပေးတဲ့ သကြားပါသော အချိုရည်များနဲ့ အရက်သေစာ အလွန်အကျွံ သောက်သုံးခြင်းတို့ကို လုံးဝ ရှောင်ရှားသင့်ပါတယ်။ သင့်ရဲ့ နေ့စဉ် ရေသောက်သုံးမှု ပုံစံကို ပြုပြင်ခြင်းဖြင့် သွေးတိုး၊ ဆီးချိုနဲ့ သွေးကြောပိတ်ဆို့ခြင်း အန္တရာယ်တွေကို သိသိသာသာ လျှော့ချပြီး ကျန်းမာတဲ့ နှလုံးကို ပိုင်ဆိုင်နိုင်မှာဖြစ်ပါတယ်💓💯
#နှလုံးဖြည့်စွက်စာ #ရေသန့် #သလဲသီး

17/11/2025

🥱ညဘက် အိပ်ရေးပျက်ခြင်းနဲ့ သင့်နှလုံးကျန်းမာရေး

ညဘက်တိုင်း အိပ်မပျော်လို့ နာရီကိုပဲ ထထကြည့်နေရသူတွေ၊ ဒါမှမဟုတ် အလုပ်ကြောင့် အိပ်ချိန်ကို အတင်းလျှော့ချနေရသူတွေအတွက် သတိပေးစရာရှိပါတယ်။ ဒါကတော့ နာတာရှည် အိပ်ရေးပျက်ခြင်း (Chronic Sleep Deprivation) ဒါမှမဟုတ် အိပ်မပျော်ခြင်းပြဿနာ (Insomnia) တို့ဘဲဖြစ်ပြီး ဒီပြဿနာတွေဟာ သင့်နှလုံးသွေးကြောစနစ်ကို ပြင်းထန်စွာ ထိခိုက်စေပြီး နှလုံးရောဂါနဲ့ လေဖြတ်ခြင်းအန္တရာယ်ကို သိသိသာသာ မြင့်တက်စေပါတယ်🛏💤

🔺ဆွီဒင်သုတေသီတွေရဲ့ လေ့လာတွေ့ရှိချက်အရ အိပ်ရေးဝခြင်းဟာ နှလုံးကျန်းမာရေးအတွက် အရေးကြီးဆုံး ကာကွယ်ရေးအချက် ဖြစ်တယ်လို့ ဆိုထားတာကြောင့် သင့်ရဲ့ နှလုံးကျန်းမာဖို့အတွက် ညစဉ် လုံလောက်စွာ အိပ်စက်ဖို့ မဖြစ်မနေ လိုအပ်ပါတယ်။
🔺ဥရောပမှာ လူဦးရေ ၁.၃ သန်းကျော်ရဲ့ ကျန်းမာရေး အချက်အလက်တွေကို လေ့လာကြည့်တဲ့အခါ၊ အိပ်မပျော်ခြင်းနဲ့ မျိုးဗီဇအရ ဆက်နွယ်မှုရှိတဲ့သူတွေဟာ နှလုံးရောဂါ၊ နှလုံးရုတ်တရက် ရပ်ဆိုင်းခြင်း (Sudden Cardiac Arrest) နဲ့ လေဖြတ်ခြင်းတို့လို ပြင်းထန်တဲ့ ကျန်းမာရေးပြဿနာတွေ ဖြစ်နိုင်ခြေ ပိုများတာကို တွေ့ရှိခဲ့ရပါတယ်။

အိပ်ရေးပျက်တာ၊ ဒါမှမဟုတ် အိပ်ချိန်မမှန်တာကြောင့် သင့်နှလုံးကျန်းမာရေးကို အောက်ပါအတိုင်း ထိခိုက်၊ ပျက်စီးစေပါတယ်။
၁။ သွေးတိုးခြင်း (Hypertension)
အိပ်ရေးမဝတဲ့အခါ ညဘက် အနားယူချိန်မှာ သွေးပေါင်ချိန် ပုံမှန်အတိုင်း မကျဘဲ စိတ်ဖိစီးမှု ဟော်မုန်းတွေကြောင့် မြင့်တက်နေစေပြီး ရေရှည်မှာ နာတာရှည် သွေးတိုးရောဂါ ကို ဖြစ်စေပါတယ်။

၂။ အဝလွန်ခြင်း
အိပ်ရေးမဝရင် ဆာလောင်မှုကို ဖြစ်စေတဲ့ Ghrelin ဟော်မုန်းက ပိုများလာပြီး ဗိုက်ပြည့်တာကို ထိန်းချုပ်တဲ့ Leptin ဟော်မုန်းက လျော့ကျသွားတယ်။ ဒါကြောင့် အဆီ၊ အချိုတွေ ပိုစားမိပြီး အဝလွန်လာကာ နှလုံးကို ဝန်ပိုစေပါတယ်။

၃။ စိတ်ဖိစီးမှုများလာခြင်းနဲ့ နာတာရှည် ရောင်ရမ်းမှု
ကော်တီစော (Cortisol) လို စိတ်ဖိစီးမှုဟော်မုန်းတွေ ပိုထုတ်လွှတ်တာကြောင့် နှလုံးအပေါ် ဖိအား များလာစေတယ်။ ဒါ့အပြင် ရောင်ရမ်းမှု (Inflammation) က သွေးကြောနံရံတွေကို ပျက်စီးစေပြီး သွေးကြောပိတ်ဆို့မှု အန္တရာယ်ကို မြှင့်တင်ပေးပါတယ်။

🥰အိပ်ရေးဝခြင်းဟာ နှလုံးကျန်းမာရေးအတွက် အလွန်အရေးပါ ပါတယ်။ နာတာရှည် အိပ်ရေးပျက်ခြင်းဟာ သွေးတိုးခြင်း၊ ရောင်ရမ်းမှုများ၊ ဟော်မုန်းမညီမျှမှုများနှင့် အဝလွန်ခြင်းတို့ကို ဖြစ်ပေါ်စေပြီး နောက်ဆုံးတွင် နှလုံးရောဂါ၊ နှလုံးရုတ်တရက် ရပ်ဆိုင်းခြင်းနှင့် လေဖြတ်ခြင်း အန္တရာယ်များကို သိသိသာသာ မြှင့်တင်ပေးနိုင်တာကို ဥရောပမှ သုတေသနများက သက်သေပြထားပါတယ်။

ဒါကြောင့် သင့်ရဲ့နှလုံးကျန်းမာစေဖို့အတွက် ညစဉ် ၇ နာရီမှ ၈ နာရီအထိ အရည်အသွေးပြည့်ဝစွာ အိပ်စက်ဖို့ မဖြစ်မနေ ဂရုစိုက်အိပ်စက်ဖို့ အကြံပြုချင်ပါတယ် ...

နှလုံးအတွက် အကောင်းဆုံးဖြည့်စွက်စာ Heart-Q🫀
#နှလုံးဖြည့်စွက်စာ #အိပ်ရေးပျက်ခြင်း

04/11/2025

🙏တန်ဆောင်မုန်းလပြည့်နေ့ သာမညဖလ အခါတော်နေ့မှာ ကိုယ်စိတ်နှစ်ဖြာကျန်းမာစေကြောင်းဆုတောင်းမေတ္တာပို့သလိုက်ပါတယ် ...

#နှလုံးအားဆေး

03/11/2025

နှလုံးတွင် အဖြစ်များသော ရောဂါများ ...

🫀နှလုံးဟာ လူ့ခန္ဓာကိုယ်အတွက် အရေးကြီးဆုံး အစိတ်အပိုင်း ဖြစ်ပြီး၊ နှလုံးနဲ့ပတ်သက်တဲ့ ရောဂါအမျိုးအစားများစွာ ရှိတယ်။ အဓိကအားဖြင့် နှလုံးရဲ့ အစိတ်အပိုင်းအသီးသီးကို ထိခိုက်စေနိုင်တဲ့ ရောဂါ (၅) မျိုးကို အောက်ပါအတိုင်း ဖော်ပြထားပါတယ်။

၁။ နှလုံးသွေးကြောပိတ်ရောဂါ (Coronary Artery Disease - CAD)
နှလုံးသွေးကြောပိတ်ရောဂါဆိုတာ ကိုလက်စထရောလို အဆီဓာတ်တွေ စုမိပြီး နှလုံးကြွက်သားကို သွေးပို့တဲ့ သွေးကြောတွေ ကျဉ်းသွားတာ ဒါမှမဟုတ် ပိတ်သွားတာပဲဖြစ်ပြီးတော့ ဆေးလိပ်၊ အရက်သောက်ခြင်းနဲ့ စိတ်ဖိစီးမှုတွေက နှလုံးသွေးကြောပိတ်ခြင်းကို ဖြစ်စေပါတယ်။ နောက်ဆက်တွဲအနေနဲ့ သွေးမလုံလောက်လို့ နှလုံးကြွက်သားနာကျင်တဲ့ ရင်ဘတ်အောင့်ခြင်း နဲ့၊ သွေးကြောရုတ်တရက် လုံးဝပိတ်သွားလို့ နှလုံးပျက်စီးတဲ့ နှလုံးတိုက်ခိုက်ခံရခြင်း စတာတွေပါ ဖြစ်လာနိုင်စေပါတယ်။

၂။ မွေးရာပါ နှလုံးရောဂါ (Congenital Heart Disease)
ကလေးငယ်ဟာ မိခင်ဝမ်းထဲမှာ ဖွံ့ဖြိုးတိုးတက်နေချိန်ကတည်းက နှလုံးရဲ့တည်ဆောက်ပုံမှာ ချို့ယွင်းချက်တွေ ပါလာတာပဲ ဖြစ်တယ်။ နှလုံးနံရံမှာ အပေါက်ပါနေတာ (Septal Defects)၊ သွေးဝင်/ထွက်တဲ့ အပေါက်တွေ (သို့မဟုတ် အဆို့ရှင်တွေ) ကျဉ်းနေတာ၊ ဒါမှမဟုတ် နှလုံးရဲ့သွေးညှစ်ထုတ်မှု မကောင်းလို့ ကိုယ်ခန္ဓာ ပြာနှမ်းလာတဲ့ ဝေဒနာတွေ ခံစားရနိုင်ပါတယ်။

၃။ နှလုံးအားနည်းခြင်း (Heart Failure)
နှလုံးဟာ သူ့ရဲ့ ပုံမှန်လုပ်ငန်းဆောင်တာကို မလုပ်နိုင်တော့ဘဲ ခန္ဓာကိုယ်ရဲ့ သွေးလည်ပတ်မှုစနစ်ကို ထိန်းမနိုင်တော့တဲ့ အခြေအနေပဲ ဖြစ်တယ်။ ယခင်ဖြစ်ခဲ့တဲ့ နှလုံးရောဂါတွေရဲ့ နောက်ဆုံးရလဒ်ပဲ ဖြစ်ပါတယ်။ နောက်ပိုင်းမှာ အသက်ရှူရခက်ခဲတာ၊ အလွယ်တကူ မောပန်းနွမ်းနယ်တာနဲ့ ခန္ဓာကိုယ်မှာ အရည်တွေ စုပုံပြီး ခြေထောက်တွေ ဖောင်းရောင်တာမျိုးတွေအထိ ဖြစ်လာနိုင်ပါတယ်။

၄။ နှလုံးအဆို့ရှင် ရောဂါ (Heart Valve Disease)
ဒီရောဂါကတော့ နှလုံးခန်းများနဲ့ သွေးကြောများကြား သွေးစီးဆင်းမှုကို ထိန်းညှိပေးတဲ့ အဆို့ရှင်တွေ ချို့ယွင်းတာပဲ ဖြစ်ပါတယ်။ မွေးရာပါ ချို့ယွင်းချက်၊ ဗိုင်းရပ်စ်ပိုး၊ သွေးတိုး သို့မဟုတ် Rheumatic Fever (လည်ချောင်းနာပိုးကြောင့် နှလုံးထိခိုက်ခြင်း) တို့ကြောင့် အဆို့ရှင်တွေ ကျဉ်းသွားတာ (Stenosis) သို့မဟုတ် ပိတ်မနေဘဲ ယိုယွင်းတာ (Regurgitation) တွေ ဖြစ်လာနိုင်ပါတယ်။

၅။ နှလုံးကြွက်သားဆိုင်ရာ ရောဂါ (Cardiomyopathy)
ဒီရောဂါဟာ နှလုံးကြွက်သားမှာ ပြဿနာရှိလို့ နှလုံးရဲ့ စုပ်ယူညှစ်ထုတ်နိုင်စွမ်းကို ထိခိုက်စေတာပဲ ဖြစ်တယ်။ ဒါ့အပြင် သွေးတိုးရောဂါကြောင့် နှလုံးကြွက်သား ထူပူလာတာ၊ ကျယ်ပြန့်လာတာ ဒါမှမဟုတ် မာကျောလာတာ စတဲ့ ပုံစံအမျိုးမျိုးနဲ့ ဖြစ်ပေါ်လာနိုင်ပါတယ်။

🛑နှလုံးဟာ ခန္ဓာကိုယ်ရဲ့ အသက်သွေးကြောပဲ ဖြစ်တယ်။ နှလုံးသွေးကြောပိတ်တာ၊ မွေးရာပါချို့ယွင်းတာ၊ နှလုံးအားနည်းတာ၊ အဆို့ရှင်ချို့ယွင်းတာနဲ့ နှလုံးကြွက်သားပြဿနာတွေလို ရောဂါမျိုးစုံ ဖြစ်ပွားနိုင်တယ်။ ဒီရောဂါတွေဟာ သက်ကြီးရွယ်အိုတွေမှာသာမက လူငယ်တွေမှာပါ အဖြစ်များလာတာကို ကျွန်တော်တို့ သတိပြုသင့်ပါတယ်။ ဒါကြောင့် နှလုံးကျန်းမာရေးကို အထူးဂရုစိုက်ဖို့ အရေးကြီးတာမို့ နှလုံးကျန်းမာရေးအတွက် (Heart Q) လိုမျိုး L Carnitine – 500 mg နဲ့ CoQ10 – 100 mg ပါဝင်တဲ့ ဖြည့်စွက်စာဟာ နှလုံးကို ပုံမှန်အလုပ်လုပ်နိုင်ဖို့နဲ့ ကျန်းမာတဲ့ အနေအထားမှာ ထိန်းသိမ်းဖို့အတွက် လိုအပ်တဲ့ အာဟာရဓာတ်တွေကို ဖြည့်တင်းပေးနိုင်တယ်။ နှလုံးကို ကြိုတင်ကာကွယ်စောင့်ရှောက်ခြင်းနဲ့ ပုံမှန်စစ်ဆေးခြင်းတွေ ပြုလုပ်ပြီး ကျန်းမာပျော်ရွှင်တဲ့ ဘဝကို ပိုင်ဆိုင်နိုင်တယ်လို့ နိဂုံးချုပ်လိုက်ပါတယ် ခင်ဗျာ..💥❤
#နှလုံး #နှလုံးကျန်းမာရေး #ရောဂါ

29/10/2025

🌍 ယနေ့အောက်တိုဘာလ ၂၉ရက်နေ့ဟာ ကမ္ဘာ့လေဖြတ်ရောဂါကာကွယ်ရေးနေ့ (World Stroke Day) ပဲဖြစ်ပါတယ် ...
ဒီနှစ်ရဲ့ Theme အနေနဲ့ကတော့: "EVERY M1NUTE COUNTS"

🧠 World Stroke Day ဆိုတာဘာလဲ?
ကမ္ဘာ့လေဖြတ်ရောဂါကာကွယ်ရေးနေ့ကို နှစ်စဉ် အောက်တိုဘာလ ၂၉ ရက်နေ့တွင် ကျင်းပကြပါတယ်။
အဓိက ရည်ရွယ်ချက်တွေကတော့
• လူတိုင်းအတွက် လေဖြတ်ရောဂါ (Stroke) ၏ အန္တရာယ်များကို သတိပေးခြင်း
• ရောဂါလက္ခဏာတွေကို မြန်မြန်ဖော်ထုတ်နိုင်အောင် အသိပညာဖြန့်ဝေခြင်း
• ပြန်လည်သက်သာရေးနဲ့ ကာကွယ်ရေးအတွက် လုပ်ဆောင်မှုတွေကို အားပေးခြင်း စတာတွေပဲဖြစ်ပါတယ်။

⏰ “Every Minute Counts” ဆိုတာကတော့ ...
လေဖြတ်တဲ့အခါ မိနစ်တိုင်းမှာ ဦးနှောက်ဆဲလ်တွေအနည်းဆုံး သန်း ၁.၉ ခန့်ပျက်စီးနေတတ်ပါတယ်။
ဒါကြောင့် လက္ခဏာတွေ သတိထားမိတာနဲ့ မြန်မြန်ဆေးရုံကို သွားခြင်းဟာ ဦးနှောက်ကို ကယ်နိုင်တဲ့ လုပ်ရပ်တစ်ခု ဖြစ်ပါတယ်။ ဒါကိုရည်ညွှန်းပြီး မိနစ်တိုင်းဟာအရေးကြီးတယ်ဆိုတာကို ဆိုလိုခြင်းပဲဖြစ်ပါတယ် ...
လေဖြတ်ခြင်း၏ လက္ခဏာများကို လွယ်ကူလျင်မြန်စွာ မှတ်မိစေရန် F.A.S.T နည်းလမ်းကို အသုံးပြုနိုင်ပါတယ်။
• F (Face Drooping) - မျက်နှာတစ်ခြမ်း ရွဲ့စောင်းခြင်း
• A (Arm Weakness) - လက်တစ်ဖက် အားနည်းခြင်း
• S (Speech Difficulty) - စကားပြောရ ခက်ခဲခြင်း/ မပီသခြင်း
• T (Time to Call) - ချက်ချင်း အရေးပေါ် ဆက်သွယ်ရန်

ကြိုတင်ကာကွယ်ဖို့ အောက်မှာဖော်ပြထားတဲ့ နည်းလမ်းတွေကို လိုက်နာသင့်ပါတယ်။
✅သွေးတိုး၊ ဆီးချို၊ နှလုံးရောဂါများကို ပုံမှန် စစ်ဆေးပြီး ဆေးညွှန်းအတိုင်း သောက်သုံးပါ။
✅ဆေးလိပ်နှင့် အရက်သေစာ သောက်သုံးခြင်းကို လျှော့ချပါ။
✅နေ့စဉ် ကိုယ်လက်လှုပ်ရှား လေ့ကျင့်ခန်း ပုံမှန်လုပ်ပါ။
✅အငန်ဓာတ်၊ အဆီဓာတ်များ လျှော့ချထားသော ကျန်းမာရေးနှင့် ညီညွတ်သည့် အစားအစာများကို ရွေးချယ် စားသုံးပါ။

လေဖြတ်ဝေဒနာ ခံစားရပြီးနောက် မြန်မြန်ကုသမှုနှင့် ပြန်လည်သန်စွမ်းရေးကို အချိန်မီ ပြုလုပ်ပါက ဘဝကို အကောင်းဆုံး ပြန်လည်ပိုင်ဆိုင်နိုင်တယ်။ သတိထားခြင်းနှင့် အချိန်မီ ဆောင်ရွက်ခြင်းဟာ ဘဝတစ်ခုကို ကယ်တင်ခြင်းတစ်ခုပဲ ဖြစ်ပါတယ်🥰✨
#နှလုံးဖြည့်စွက်စာ #ကမ္ဘာ့လေဖြတ်ရောဂါကာကွယ်ရေးနေ့

19/10/2025

💥မင်္ဂလာရှိသော ဒီပါဝလီပွဲတော် အချိန်အခါသမယလေးဖြစ်ကြပါစေ 🙏

#ဒီပါဝလီနေ့

16/10/2025

နှလုံးကျန်းမာဖို့ စားသင့်တဲ့ အစားအစာများ🫀

ကျန်းမာတဲ့ နှလုံးသားကို ပိုင်ဆိုင်ဖို့အတွက် နေ့စဉ်စားသောက်တဲ့ ပုံစံဟာ အဓိက အရေးပါပါတယ်။ အောက်မှာ ပြောပြမယ့် အစားအစာတွေက အိုမီဂါ-၃ (Omega-3s)၊ အမျှင်ဓာတ် (Fiber) နဲ့ ဓာတ်တိုးဆန့်ကျင်ပစ္စည်းတွေ (Antioxidants) ကြွယ်ဝလို့ သင့်နှလုံးကို ထိထိရောက်ရောက် ကျန်းမာစေဖို့ အထောက်အကူဖြစ်စေပါတယ် ...

• အစိမ်းရောင် အရွက်များ (ဟင်းနုနွယ်၊ ကိုက်လန်)🥬
သွေးပေါင်ချိန်ကို ထိန်းပေးပြီး သွေးကြောတွေကို ပျော့ပျောင်းစေတဲ့ နိုက်ထရိတ်ဓာတ် များစွာ ပါဝင်တယ်။

• ဘယ်ရီသီးနဲ့ ခရမ်းချဉ်သီး🍒
ဗီတာမင်ဓာတ်တွေနဲ့ ဓာတ်တိုးဆန့်ကျင်ပစ္စည်းတွေ အများကြီး ပါဝင်လို့ နှလုံးသွေးကြောဆိုင်ရာ ရောဂါဖြစ်တာကို လျှော့ချပေးတယ်။

• Omega-3 ပါဝင်တဲ့ ငါးများ (ဆယ်လမွန်၊ တူနာ၊ ဆာဒင်း)🍣
အထက်မှာ ဖော်ပြထားတဲ့ ငါးတွေကိုစားခြင်းဖြင့် သွေးအတွင်းအဆီများကို လျှော့ပေးပြီး သွေးကြောကျဉ်းခြင်းကိုပါ ကာကွယ်ပေးပါတယ်။ အဲဒါကြောင့် အနည်းဆုံး တစ်ပတ် ၂ ကြိမ်လောက်လောက် စားပေးသင့်ပါတယ်။

• ပေါင်မုန့်ကြမ်းနဲ့ ဂျုံအမျိုးမျိုး (whole grains)🍞
အမျှင်ဓာတ်ပါဝင်မှု များတဲ့အတွက် သွေးအတွင်းရှိ အဆီနဲ့ သကြားဓာတ်ကို ထိန်းပေးပါတယ်။ ဒါ့အပြင် နေ့စဉ်စားသုံးခြင်းဖြင့် နှလုံးရောဂါဖြစ်နိုင်ခြေကို လျှော့ချပေးပါတယ်။

အထက်မှာ ဖော်ပြထားတဲ့ အစားအစာတွေက သင့်နှလုံးကျန်းမာရေးအတွက် အထောက်အကူပြုပေမဲ့ အောက်မှာဖော်ပြထားတဲ့ အစားအစာတွေကို တတ်နိုင်သမျှ လျှော့ချတာ သို့မဟုတ် ရှောင်ကြဉ်သင့်ပါတယ်❌
• သကြားဓာတ်များတဲ့ အချိုရည်နဲ့ အသင့်စားမုန့်များ
• စည်သွပ်ဘူးနဲ့ အသင့်စား (ready-made) အစားအစာများ
• အဆီဓာတ်များတဲ့ အစားအစာများ စတာတွေက နှလုံးကျန်းမာရေးကို ထိခိုက်နိုင်တာဖို့ ရှောင်ကြဉ်သင့်ပါတယ်။

နှလုံးသွေးကြောဆိုင်ရာ ရောဂါဖြစ်နိုင်ခြေကို လျှော့ချနိုင်ပြီး သက်ရှည်ကျန်းမာတဲ့ ဘဝကို ပိုင်ဆိုင်နိုင်မှာဖြစ်တာမို့ စနစ်တကျ လိုက်နာ၊ စားသောက်သင့်ပါတယ်🤗✅
#နှလုံးဖြည့်စွက်စာ #အစားအစာ #ပေါင်မုန့် #ဟင်းသီးဟင်းရွက်

06/10/2025

✨💥သီတင်းကျွတ်လပြည့် အခါသမယလေးမှာ စိတ်နှလုံးချမ်းသာ ကိုယ်ကျန်းမာ၍ ရွှင်လန်းနိုင်ပါစေကြောင်း Heart-Q Myanmar မိသားစုမှ ဆုမွန်ကောင်းတောင်းအပ်ပါသည် 🙏

#သီတင်းကျွတ်

03/10/2025

လူကြီးမိဘများအတွက် ကျန်းမာခြင်းလက်ဆောင်မွန်😍🎁

🕯️သီတင်းကျွတ်လပြည့်နေ့မှာ ချစ်ခင်လေးစားရသော လူကြီးမိဘတွေကို ဘယ်လိုလက်ဆောင်မျိုးနဲ့ ဂါရဝပြုရမလဲ🤔?
ကျန်းမာရေးအတွက်ဖြည့်စွက်စာ (၄)မျိုးအပြင် မျက်နှာသုတ်ပုဝါ နဲ့ ရေဘူးပါလက်ဆောင် ပါတဲ့ Thadingyut Package/ Promotion Bag လေးတွေကို 10% discount နဲ့ ဝယ်ယူနိုင်ပါပြီ ...

'ကိုယ်ခံအားကို မြှင့်တင်ပေးတဲ့ Atlas C, နှလုံးအတွက် အကောင်းဆုံးအဖော်မွန် Heart Q
အိပ်မပျော်ညများ ကင်းဝေးစေဖို့ SleepEzy နဲ့ အရိုးအဆစ်များနာကျင်မှုကို ကင်းဝေးစေတဲ့ Ostonil' စတဲ့ ဖြည့်စွက်စာ (၄)မျိုးစလုံးကို 10% Discountနဲ့ တစ်ခါတည်းရရှိနိုင်မှာဖြစ်တာမို့ လူကြီး၊ မိဘတွေကို ကန်တော့ဖို့အတွက် အကောင်းဆုံးရွေးချယ်မှု တစ်ခုပဲဖြစ်ပါတယ်🤩❤️

အရေအတွက် အကန့်အသတ်လေးရှိတာမို့ မှာယူလိုပါက chat box အမြန်လာဖို့တော့ လိုမယ်နော်...☎️📱💯
#နှလုံးအားဆေး #သီတင်းကျွတ်

Heart-Q Myanmar

27/11/2025

25/11/2025

24/11/2025

17/11/2025

04/11/2025

03/11/2025

29/10/2025

19/10/2025

16/10/2025

06/10/2025

03/10/2025

Address

Telephone

Website

Alerts

Contact The Practice

Shortcuts

Share

Category