27/04/2026
ခုတလော ရာသီဥတုက အရမ်းကို ပူလို့
လမ်းသွားရင်း နဲ့ တစ်စုံတစ်ယောက် လဲကျသွားတာ ကြုံလာခဲ့ရင် အရေးပေါ် ဒီအချက်တွေ လုပ်ပေးပါ
ဆေးရုံ ဆေးခန်း သွားနေတုန်း လမ်းမှာလဲ လုပ်ပေးပါ ၊ အချိန်လုံးဝ မဆွဲပါနဲ့ ‼️
📌 အရိပ် အမိုး ရှိတဲ့ အေးတဲ့ နေရာအောက် လူနာကို ဆွဲ ခေါ်ပါ
📌 လူနာ သတိရနေသေးရင် ရေ / အချိုရည် / ဓါတ်ဆား ရည် ဘာရရ အများကြီး ဝင်အောင် တိုက်ပါ
လူနာ ရဲ့ အသားအရည်ကို ကိုင်ကြည့်လို့ ပူခြစ်ပြီး ခြောက်ကပ်နေတယ် ဆိုရင် heat stroke ဖြစ်နေပြီမို့
📌 လူနာ ဝတ်ထားတဲ့ အဝတ်တွေ အထပ်ထပ် ဖြစ်နေရင် ဆွဲခွါချွတ်ပစ်ပါ ၊ အဓိကက ခန္ဓာကိုယ် အပူချိန် ကို လျှော့ဖို့ ဖြစ်လို့ အပိုတွေ အကုန် ချွတ်ပစ်ပါ
📌 ရေ ၊ ရေခဲရေ ၊ ရေပတ်ဝတ် ဘာရရ တစ်ကိုယ်လုံးကို လောင်းချပါ ၊ တိုက်ပေးပါ
📌 အဓိက ပင်မ သွေးလွှတ်ကြောကြီးတွေ ရှိတဲ့ လည်ပင်း ၊ ချိုင်း ၊ ပေါင်ရင်း တွေမှာ ရေပတ် ဝတ် or ရေခဲ အေးနေတာတွေကို တင်ထားပါ ၊ ကိုယ်ထဲက အပူတွေကို စုပ်ယူပစ်လိုက်ဖို့ပါ ၊ ရေပတ်ဝတ်တွေ ပူလာ ပါလိမ့်မယ် ၊ အဲ့ဒီအချိန်ကျရင် ရေအေး ပြန် စွတ်ပြီး ပြန် တင်ပေးပါ ၊ ထပ်ခါ ထပ်ခါ ပြုလုပ်ပေးပါ
📌 ပန်ကာ ရှိရင် ပန်ကာလေ တိုက်ရိုက် ဖွင့်ထားပေးပါ ၊ မဟုတ်လဲ ယတ်ခတ်ပေးပါ ၊ Air con ကို အဆုံးထိ အေးနေအောင် ဖွင့်ပါ
‼️ အယူလွဲမှားတတ်တဲ့ အဓိက အချက်က နေပူထဲ က လူမို့ ရေ ချက်ချင်း ထိရင် / ချက်ချင်း အေးရင် အပူရှပ် ပြီး အန္တရာယ်ရှိတယ် ဆိုတဲ့ အချက် ပါ ၊ ဒီအချက်က ပုံမှန် ဆိုရင် မှန်ပါတယ် ၊ ဒါပေမယ့် heat stroke ဖြစ်နေတဲ့ လူနာ အတွက်ဆိုရင်တော့ မမှန်ပါဘူး ‼️
Heat stroke ရနေတဲ့ လူနာ ဟာ ခန္ဓာကိုယ် အပူချိန် အရမ်းကို မြင့်နေပြီ မို့ ဦးနှောက် ၊ နှလုံး နဲ့ ဝမ်းတွင်း ကလီစာ vital organs တွေ အားလုံး စ ထိခိုက်နေပါပြီ ။ အမြန်ဆုံး အေးအောင် ဖန်တီးပေးနိုင်မှ ( ကိုယ် အပူချိန် ကျအောင် ပြန် ဆွဲချ နိုင်မှ ) အသက်အန္တရာယ် က ကာကွယ်နိုင်ပါလိမ့်မယ်
လူနာ ရဲ့ အသားကို ကိုင်ကြည့်လို့ ပူခြစ်ပြီး ခြောက်ကပ်နေရင် အဲ့ဒါ heat stroke ပါပဲ
အမြန်ဆုံး အရေးပေါ် ပြုစုနည်းများ ပြုလုပ်ပေးခြင်း ဖြင့် လူနာ ရဲ့ အသက်အန္တရာယ်ကို ကာကွယ်လို့ ရနိုင်ပါတယ်
ပြုစုပေးနေရင်း တစ်ပြိုက်နက် နီးစပ်ရာ ဆေးရုံ ဆေးခန်းကို အမြန်ဆုံး ပို့ဆောင်ပေးကြဖို့ တိုက်တွန်းလိုပါတယ်
Heat exhaustion , Heat stroke လက္ခဏာတွေကတော့
📌 ခေါင်းမူးဝေ ခေါင်းကိုက်ခြင်း ၊ ရင်တုန် ၊ အားအင်ချိနဲ့ နုန်းချိ ၊ အော့အန်ခြင်း
📌 ကနဦးမှာ ချွေးများ အဆမတန်ထွက်ပြီး နောက် အသားမှာ ခြောက်ကပ် ပူပြင်းလာခြင်း
📌 ရောက်နေသော နေရာ ၊ အချိန် ၊ လူတွေကို ရှင်းလင်းစွာ မသိတော့ဘဲ အသိစိတ် ဝေဝါးခြင်း ( confusion )
📌 အမြင် ဝေဝါးခြင်း
📌 သတိလစ်ခြင်း ၊ တက် ခြင်း စတဲ့ လက္ခဏာများ ဖြစ်ပါတယ်
ဒီလို symptoms တွေ နဲ့ လူနာကို ကြုံလာခဲ့ရင်
‼️‼️‼️ act fast ‼️‼️‼️
အချိန်လုံးဝ မဆွဲဘဲ အရေးပေါ် ပြုစုကြဖို့ တိုက်တွန်း ပြောကြားလိုပါတယ်
Dr Leik
လေးစားစွာဖြင့်Crd
