Dr.Lei - telehealth services

28/03/2025

⚠️ငလျင်ပြီးလျှင် နောက်ဆက်တွဲ ငလျင်အသေးလေးတွေလာနိုင်လို့ ပြင်ဆင်ထားစရာတွေ ကြိုတင်စီစဉ်ထားကြပါ

⚠️Aftershock (နောက်ဆက်တွဲငလျင်) မဖြစ်ခင်၊ ဖြစ်နေစဉ်နှင့် ဖြစ်ပြီးနောက်မှာ ဘေးကင်းစေရန်အတွက် ပြင်ဆင်ထားသင့်တဲ့အချက်တွေကတော့—

၁။ Aftershock မဖြစ်ခင် (ကြိုတင်ပြင်ဆင်မှု)
• အရေးပေါ် တကိုယ်ရည်သုံး အသုံးအဆောင်ပစ္စည်း
• ရေသန့်၊ အစားအစာ (သုံးရက်မှတစ်ပတ်လောက်လုံလောက်ရန်)
• ဆေးဝါးများ
• မီးလောင်လွယ်စေသည့်ပစ္စည်းများ အပြင်ထုတ်ထားရန်
× မီးလောင်ခြင်းမဖြစ်စေရန် မီးသတ်ဆေးဗူးများဆောင်ထားပါ ။

• လျှပ်စစ်မီးပျက်နိုင်မှုအတွက် အရေးပေါ် မီးလုံး၊ ဆိုလာ ၊ ဘက်ထရီများ ဆောင်ထားရန်
× မိမိနေထိုင်သော အဆောက်အအုံ အက်ကွဲ/ မခိုင်ခံ့လောက်ဘူးဟု ယူဆပါက ကြိုတင်ရျ် နေရာပြောင်းရွေ့နေထိုင်ရန်


⚠️Aftershock ဖြစ်နေစဉ်

• အကာအကွယ်ယူရန် – Safety traingle တွေနေပါ ( ခေါင်းကို cover လုပ်နိုင်သော စားပွဲခုံအောက်) မှန်များရှိသောနေရာအဝေးတွင် နေရန်
• ပစ္စည်းပြုတ်ကျနိုင်ခြေရှိသောနေရာများမှ ဝေးရာတွင်နေရန်
• မီးစွဲနိုင်မှုရှိတဲ့ အန္တရာယ်ရှိသောနေရာများမှ ခြားနေရန်

⚠️၃။ Aftershock ဖြစ်ပြီးနောက် (နောက်ဆက်တွဲ ထိခိုက်မှုမှ ကာကွယ်မှု)
• အပျက်အစီးများကို စစ်ဆေးခြင်း
• အိမ်အတွင်းအခိုက်အတန့်များနှင့် မျက်နှာကျက်များကို စစ်ဆေးပါ
• ဓာတုပစ္စည်းများယိုစိမ့်မှုရှိ/မရှိ စစ်ဆေးပါ
• မီးဖိုနှင့် ဓာတ်ငွေ့အိုးများကို ပိတ်ထားပါ
• လျှပ်စစ်မီးနှင့် ရေပိုက်များစစ်ဆေးခြင်း
• ရေယိုမှုများကို စစ်ဆေးပါ
• လျှပ်စစ်ကြိုးချွတ်ကျမှုများရှိပါက သတိထားပါ
• မလိုအပ်ဘဲ အန္တရာယ်ရှိနိုင်သောနေရာများ မသွားပါနှင့်

Aftershock မဖြစ်မီ ကြိုတင်ပြင်ဆင်ထားခြင်းက ဘေးအန္တရာယ်ကို လျှော့ချနိုင်စေနိုင်ပါမည်။

---------------------------------------------

Dr.Lei telehealth services
https://m.facebook.com/Health-Knowledges-by-DrLei-105660815514262/

25/02/2025

🔸အဖြစ်များနေတဲ့ (အသားဝါ၊ ဖျား၊ ဗိုက်နာ ) အသည်းရောင်အသားဝါ A ရောဂါ 🔸အကြောင်း ဖတ်ကြည့်ကြပါ

🔅ရောဂါ ဘယ်ကဖြစ်တာလဲ?

အသည်းရောင်အသားဝါ A ရောဂါ ဟာ အသည်းကို ထိခိုက်စေသော ဗိုင်းရပ်စ်ပိုးကြောင့် ဖြစ်ပွားတဲ့ ရောဂါတစ်ခုဖြစ်ပါတယ်။ ညစ်ပတ်တဲ့ ရေ၊ အစားအစာကအဓိက ကူးပါတယ်။

🔅ဖြစ်စေနိုင်တဲ့အကြောင်းရင်း ကတော့
Hepatitis A virus (HAV) ကြောင့် ဖြစ်ပြီး မစင်မှတစ်ဆင့် ပါးစပ် (fecal-oral route) မှ အဓိက ကူးစက်တတ်ပါတယ်။

🔅ကူးစက်တတ်သောနည်းများ ကတော့

-ဗိုင်းရပ်စ်ပါသော အစားအသောက် သို့မဟုတ် ရေ သောက်သုံးမိခြင်း။
- ရောဂါရှိသူနှင့် နီးကပ်စွာ ထိတွေ့ခြင်း (ဥပမာ- လိင်မှတစ်ဆင့်၊ အိမ်သုံးပစ္စည်းများ မျှဝေသုံးစွဲခြင်း)။

🔅ရောဂါလက္ခဏာများ

ပုံမှန်အားဖြင့် ဗိုင်းရပ်စ်နှင့် ထိတွေ့ပြီး ၂ ပတ် မှ ၆ ပတ်အတွင်း ဖြစ်ပေါ်လာတတ်ပါတယ်။

- အသားဝါခြင်း၊ မျက်လုံးဝါခြင်း (jaundice)
- မောပန်းခြင်း၊ ကိုယ်လက်ကိုက်ခဲခြင်း
- ပျို့အန်ခြင်း၊ ဗိုက်အောင့်ခြင်း
- အစားအသောက်ပျက်ခြင်း
- အဖျားတက်ခြင်း
- ဆီးအရောင်ရင့်ခြင်း၊ ဝမ်းအရောင်ဖျော့ခြင်း

ကလေးငယ်များတွင် လက္ခဏာမပြဘဲ ဖြစ်နိုင်ပြီး၊ လူကြီးများတွင် ပိုပြင်းထန်နိုင်ပါတယ်။

🔅ကာကွယ်လို့ရပါသလား?

ဆေးထိုးကာကွယ်ခြင်းဖြင့် ကာကွယ်လို့ရပါတယ်။
- Hepatitis A ကာကွယ်ဆေး (ဥပမာ- Havrix, Vaqta) ကို ၂ ကြိမ် (၆ လခြား) ထိုးနှံနိုင်ပါတယ်။
- ကလေးများအား ၁နှစ်အရွယ်တွင် ကာကွယ်ဆေးစထိုးသင့်ပါတယ်။
- ခရီးသွားများ (အထူးသဖြင့် ဆင်းရဲသော နိုင်ငံများသို့)၊ နာတာရှည်အသည်းရောဂါရှိသူများ ကြိုတင်ကာကွယ်သည့်အနေဖြင့် ကာကွယ်ဆေးထိုးသင့်ပါသည်။
ကာကွယ်ဆေးအာနိသင်မှာ ထိုးပြီး ၂ ပတ်အကြာမှသာ ခုခံအားထွက်လာနိုင်ပါတယ်။

🔅သန့်ရှင်းရေး
- လက်ကို ဆပ်ပြာနှင့် စင်ကြယ်စွာဆေးခြင်း (အထူးသဖြင့် အိမ်သာတက်ပြီးနှင့် အစာမစားမီ)လက်ဆေးပါ။
- သန့်စင်သောရေနှင့် ကျက်အောင်ချက်ထားသော အစားအစာများကို စားသုံးသင့်ပါတယ်။

🔅ပြင်းထန်မှုနှင့် နောက်ဆက်တွဲပြဿနာများ

အများစုမှာ ရက်သတ္တပတ်အနည်းငယ်အတွင်း ပြန်လည်ကောင်းမွန်လာနိုင်ပါတယ်။
ရှားရှားပါးပါး အသည်းပျက်စီးမှု (acute liver failure) ဖြစ်နိုင်ပြီး၊ အထူးသဖြင့် အသက် ၅၀ ကျော်သူများနှင့် အသည်းရောဂါရှိသူများတွင် စိုးရိမ်ရပါတယ်။

🔅ရောဂါကုသမှု
သီးသန့်ကုသဆေး ဟူ၍မရှိပါ ။ ရောဂါလက္ခဏာများကို သက်သာစေရန်အတွက် အောက်ပါနည်းလမ်းများကို လိုက်နာသင့်ပါတယ်။
- အနားယူခြင်း၊ ရေဓာတ်ပြည့်ဝအောင် သောက်ခြင်း။
- အရက် ဘီယာ ရှောင်ခြင်း
- ဆရာဝန်ညွှန်ကြားချက်အတိုင်း ဆေးသောက်ခြင်း


⚠️Hepatitis A ရောဂါသည် ပြန်လည်ဖြစ်ပွားနိုင်သော ရောဂါမဟုတ်ပါ ။ တစ်ကြိမ်ဖြစ်ပြီးပါက ခုခံအားရှိသွားနိုင်ပါတယ်။
⚠️Hepatitis B နှင့် C ကဲ့သို့ သွေး၊ လိင်မှတစ်ဆင့် အဓိက မကူးစက်ပါ (သို့သော် လိင်တူဆက်ဆံသူများတွင် ကူးစက်နိုင်ခြေရှိပါတယ်)

✅ဤအချက်များကို သိရှိပြီး ကာကွယ်ဆေးထိုးခြင်း၊ သန့်ရှင်းသောအလေ့အထများ မွေးမြူခြင်းဖြင့် Hepatitis A ကို ထိရောက်စွာ ကာကွယ်နိုင်ပါတယ်။

---------------------------------------------

လူကြီးမင်းနှင့် မိသားစုတို့၏ ကျန်းမာ​ရေးအတွက် ဝန်ဆောင်မှုများကို ရယူဖို့ messenger ကိုဆက်သွယ်ပြီး booking ယူလိုက်ပါ။

Dr.Lei telehealth services

https://m.facebook.com/Health-Knowledges-by-DrLei-105660815514262/
🚸Credits ပေးပြီး ပြန်လည်ကူးယူနိုင်ပါသည်. 🚸

19/02/2025

ဗေဒင်ဆရာတောင် အလကားမဟောပေးပါ 😌

Telehealth မှာတော့ booking တင်ပြီးမေးလို့ရတယ်နော်

15/02/2025

ဆရာဝန်သွားပြရင် စောင့်နေရမှာစိုးလို့ တခါထဲဆေးစပ်ပေးပါလား ဆရာ 🫢

02/02/2025

✅

Antibiotics ကို
- နောက်ဆုံးပေါ်မို့လို့ သုံးတာလဲ မှားပါတယ် ❌
- ဆေးရုံမှာ သုံးတဲ့ဆေးမို့ သုံးတာလဲ မှားပါတယ် ❌
- ဆရာကြီး သုံးတဲ့ဆေးမို့ သုံးတာလဲ မှားပါတယ် ❌

Antibiotics ဆိုတာကို မှန်မှန်ကန်ကန်နဲ့ ကျွမ်းကျွမ်း ကျင်ကျင်သုံးတတ်ရင် လူနာကို ထိရောက်တဲ့ ကုသမှုပေးနိုင်ပါတယ်။ ဆိုလိုတာက လူနာအနေနဲ့
- ရက်တိုတိုပဲ ဆေးသောက်ရနိုင်မယ်။
- ရောဂါနဲ့ တည့်မှန်တဲ့ ဆေး သောက်ရမယ်။
- မလိုဘဲ ငွေပိုမကုန်ဘူး။
- မလိုတဲ့ ဘေးထွက်ဆိုးကျိုး လူနာမခံရဘူး။
- ဆေးသောက်ဆေးထိုးပြီး မသက်သာဘူးဆိုတာ မဖြစ်ဘူး။
- (ကဲ…. နောက်ဆုံးမှ drug resistance ကိစ္စ ပြောပါမယ် 😅) Drug resistance မဖြစ်ဘူးပေါ့လေ။

Antibiotics ကို မှန်မှန်ကန်ကန် သုံးဖို့ >>>

၁) လူနာကို ရောဂါဖြစ်နေတဲ့ စနစ် (system) ကို ကြည့်ရမယ်။

> skin မှာဆို Gram (+)
> oral cavity ဆို Gram (+) & anaerobe
> Upper GIT ဆို Gran (-)
> Lower GIT ဆို anaerobe
> Respiratory ဆို Gram (+) သို့မဟုတ် atypical
> Urinary tract ဆို Gram (-)
> Female ge***al tract ဆို anaerobe

၂) လူနာ ဖြစ်တဲ့ လက္ခဏာစု (syndrome) နဲ့ ကြည့်ရမယ်။

> diarrhea ဆို Gram (-)
> UTI ဆို Gram (-)
> chest infection ဆို Gram (+) & atypical
> skin infection ဆို Gram (+)
> vaginal discharge ဆို mixed organism (G+, anaerobe, fungal, protozoal)

၃) ဘယ် Abx ကို ဘယ်အုပ်စုကို နိုင်လဲ ကြည့်ရမယ်။ Antibiogram လို့ ခေါ်ပါတယ်။ ပုံမှာကြည့်ပါ။ 👇🏻

https://www.grepmed.com/images/12536/susceptibility-antibiogram-antibiotic-sensitivity-pharmacology-70

၄) oral လား၊ injection လား ကြည့်ရမယ်။
အခြေခံ သဘောက ပါးစပ်က သောက်ရင် အကောင်းဆုံးပဲ။ သို့သော် GI absorption နည်းနေရင် သို့မဟုတ် အဲ့လို စုပ်ယူဖို့ အချိန်မစောင့်နိုင်ရင် (ဥပမာ- sepsis လိုမျ်ုး သွေးဆိပ်တက်နေရင်) ထိုးဆေး လိုပါမည်။

သို့သော် topical ရမလား စဉ်းစားပါ။ မျက်စိနာရင် မျက်စဉ်းက သောက်ဆေးထက် ပိုကောင်းပါသည်။ အရေပြားပြဲပြီး အနာရင်းတာ လိမ်းဆေးက ပိုကောင်းပါသည်။

၅) ဆေးမတည့်တဲ့ အခြေအနေတွေ စဉ်းစားရမည်။

> allergy & hypersensitivity
> liver disease
> renal disease
> G6PD deficiency

Dosage modification လိုအပ်ပါက formulary စာအုပ်တွေ၊ Apps တွေ 🫣 မရှက်တမ်း ဖွင့်ကြည့်ပါ။ 🤭 ရမ်းပေးခြင်းက ပို၍ ရှက်ဖို့ကောင်းပြီး လူနာကို ထိခိုက်စေနိုင်သည်။

၆) အသက်နဲ့ body weight ကို dosage ချိန်ဆသည့်အခါ ထည့်စဉ်းစားပါ။ dosage ပြည့်အောင် ပေးပါ။ frequency မှန်အောင်ပေးပါ။

၇) လူနာ သောက်လက်စ ဆေးတွေနဲ့ မိမိပေးမည့် Abx တည့် မတည့် ချိန်ဆပါ။ မသိပါက drug interaction checker မှာ တိုက်ကြည့်ပါ။ အထူးသဖြင့် immunosuppressant တွေ ပေးထားသည့်လူနာတို့တွင် ဂရုစိုက်သင့်သည်။

၈) ဘယ်လောက်ကြာကြာ ပေးရမလဲ အတွက် formulary တွေမှာ general guideline ရှိပါတယ်။ သို့သော် အလွယ်ဆုံးကတော့ ခန္ဓာကိုယ် အတွင်းပိုင်းရောက်လေလေ ကြာကြာပေးရလေလေပါပဲ။
> gonorrhea urethritis - 1 dose
> pharyngitis - 3-5 days
> skin cellulitis - 5-7 days
> pneumonia - 7-14 day
> abscess - 2-4 weeks
> Infective endocarditis - 4-6 weeks etc

၉) Abx ရပ်တော့မယ် စဉ်းစားတာနဲ့ လူနာရဲ့ immune system ကို သတိရပါ။ Abx က မသတ်နိုင်ဘဲ ကျန်တဲ့ ပိုးကို လူနာရဲ့ immune system က သတ်နိုင်မယ်လို့ ကိုယ်က ယုံကြည်ပြီဆိုမှ ဆေးရပ်လိုက်ပါ။ 😇
Immune ကောင်းတဲ့ လူလတ်ပိုင်းကို ဆေးစောစောရပ်ဖို့ စဉ်းစားလို့ရပေမယ့် immune မကောင်းတဲ့ သက်ကြီးပိုင်းတွေဆို အချိန်နည်းနည်းပိုပေးရနိုင်တယ်။

✳️ အထက်ပါ (၉) ချက်က ကျွန်တော့် ရဲ့ Abx ပေးတဲ့ practice ပါပဲ။

💪 နောက်ဆုံးပေါ် ဆေးအပြင်း သုံးသင့်တယ်လို့ ယူဆရင် Guideline အတိုင်း သုံးဖို့ သတ္တိရှိရမှာဖြစ် သလို သာမန် သုံးနေကြဆေးနဲ့ ပျောက်အောင်
ကုလို့ရရင်လဲ ခပ်ပါးပါးပဲ ကုပေးရမှာပါ။

⏺️ အခု ဆွေးနွေးခဲ့တာက primary care practice ဖြစ်ပြီး hospital practice နဲ့ တူညီမည် မဟုတ်ပါ။

02/02/2025

လူကြီး လူလတ်ကစ အဖြစ်များတဲ့ သွေးတိုးရောဂါ

✨အခုအချိန်မှာ stress တွေများတာ၊ အငံတွေအစားများတာ ၊ အဝလွန်တာ ကစပြီး လူကြီးလူလတ်ပိုင်းတွေမှာအဖြစ်များလာတဲ့ သွေးတိုးရောဂါအကြောင်း နဲ့ပက်သက်ပြီး ဗဟုသုတရစေဖို့ရာ အချိန်ပေးပြီး ဖတ်ကြည့်ကြပါနော် ။

✨သွေးတိုးရောဂါ (Hypertension) ဆိုတာက သွေးကြောတွေထဲမှာ သွေးဖိအားမြင့်တက်နေတဲ့ အခြေအနေကို ခေါ်ပါတယ်။
✨ပုံမှန်အားဖြင့် လူတယောက်ရဲ့သွေးပေါင်ချိန်ဟာ အပေါ်သွေး 100-120/ အောက်သွေး 70-80 ကြားမှာရှိသင့်ပါတယ် ။ (အပေါ်သွေးဆိုတာ နှလုံးညှစ်နေတဲ့အချိန်မှာ ဖြစ်ပေါ်တဲ့ သွေးလွှတ်ကြောတွေထဲက ဖိအားပါ။ အောက်သွေးဆိုတာ နှလုံးမညှစ်ဘဲ နားနေတဲ့အချိန်မှာ ဖြစ်ပေါ်လာတဲ့ သွေးဖိအားပါ။)

✨သွေးပေါင်ချိန်ကို တကြိမ်သာတိုင်းပြီး သွေးပေါင်မြင့်နေရုံနဲ့ သွေးတိုးရှိနေပြီလို့ မပြောနိုင်ပါဘူး။ သွေးပေါင်ချိန်ဟာ တနေ့တာအတွင်းမှာ အပြောင်းအလဲတွေ ရှိနေတတ်ပါတယ်။ စိတ်လှုပ်ရှားနေမယ်၊ စိတ်ဖိစီးမှုများနေမယ်၊ လေ့ကျင့်ခန်းတွေ လုပ်နေမယ် ဆိုရင် ခဏတာ သွေးပေါင်ချိန် မြင့်မားနေတတ်တယ်။ အဲအချိန်တွေမှာ သွေးပေါင်တိုင်းရင် တက်နေတတ်ပါတယ်။

✨အကယ်ရျ် သွေးပေါင်ချိန်ဟာ ၁၃၀/၈၀ mmHg မှ ၁၄၀/၉၀ mmHg အကြားမှာ ရှိနေမယ်ဆိုရင် ဒါကို သွေးတိုးရောဂါလို့ ပြောလို့ မရသေးပေမဲ့ တချို့လူတွေအတွက်တော့ နည်းနည်း မြင့်နေတယ်လို့ ယူဆနိုင်ပါတယ်။ ဒါကို Pre-existing hypertension အဆင့်လို့ ခေါ်ပါတယ်။
✨ဒီအဆင့်မှာ အစားအသောက် ဆင်ခြင်ခြင်း၊ ကိုယ်လက်လှုပ်ရှားမှု ပြုလုပ်ခြင်း၊ stress များလျော့ချခြင်း၊ အိပ်ရေးဝဝအိပ်ခြင်း ၊ အရက်ဆေးလိပ်မသောက်ခြင်း၊ caffine ဓာတ်ပါတာ လျော့သောက်ခြင်း စသဖြင့်ဆင်ခြင်ပါက ဆေးကိုပုံမှန်သောက်ဖို့မလိုပဲ ထိန်းလို့ရနိုင်ပါတယ်။

✨သွေးတိုးရောဂါက နာတာရှည်ရောဂါတစ်မျိုးဖြစ်ပြီး ကုသမှုမခံယူရင် နှလုံးရောဂါ၊ လေဖြတ်ခြင်း၊ ကျောက်ကပ်ပျက်စီးခြင်း အစရှိတဲ့ ပြင်းထန်တဲ့ ကျန်းမာရေးပြဿနာတွေ ဖြစ်စေနိုင်လို့ မပေါ့ဆသင့်ပါဘူး။

သွေးတိုးရောဂါ အမျိုးအစားများကို
✳️ပဏာမသွေးတိုးရောဂါ (Primary Hypertension)**
- အကြောင်းရင်းအတိအကျမရှိဘဲ ဖြစ်ပေါ်လာတတ်ပြီး အသက်အရွယ်ကြီးရင့်လာခြင်း၊ မျိုးရိုးဗီဇ၊ နေထိုင်မှုပုံစံ (ဥပမာ အငန်စားသုံးမှုများခြင်း၊ သွေးတွင်းအဆီဓာတ်များခြင်း၊ အဝလွန်ခြင်း၊ ကိုယ်လက်လှုပ်ရှားမှုနည်းခြင်း) တို့နဲ့ ဆက်စပ်နေပါတယ်။

✳️အခြားရောဂါများကြောင့်ဖြစ်သော သွေးတိုးရောဂါ (Secondary Hypertension)**
- ကျောက်ကပ်ရောဂါ၊ ဟော်မုန်းမညီမျှခြင်း၊ သိုင်းရွိုက်ရောဂါ (Thyroid ) ၊ steroid စွဲသောက်ခြင်း စတဲ့ အခြားရောဂါတွေကြောင့်လည်း သွေးတိုးရောဂါ ဖြစ်ပေါ်လာတတ်ပါတယ်။


✳️သွေးတိုးရောဂါ၏ လက္ခဏာများမှာ
- ခေါင်းအုံ ၊ ခေါင်းကိုက်ခြင်း
- မူးဝေခြင်း
- နှလုံးခုန်မြန်ခြင်း
- အမြင်ဝါးခြင်း
- မောပန်းလွယ်ခြင်း
(များသောအားဖြင့် သွေးတိုးရောဂါစဖြစ်လာလျှင် လက္ခဏာမပြဘဲ တိတ်တဆိတ်ဖြစ်နေတတ်ပါတယ်။)

✳️ပြင်းထန်သွေးတိုးရောဂါ ( Stage 3 Hypertension)
တကယ်လို့ သွေးတိုးရောဂါဖြစ်နေမှန်းမသိရှိပဲကြာရှည်စွာနေမိလျှင် - တခြားလက္ခဏာများဖြစ်တဲ့ ရင်ဘတ်အောင့်ခြင်း။
- အသက်ရှူမ၀ခြင်း။
- ခါးနာခြင်း
- ခြေလက်တွေ ထုံကျင်လာခြင်း၊ အားနည်းပြီး လှုပ်မရဖြစ်ခြင်း။
- မူး‌ဝေထုံထိုင်း ခြင်း
- အမြင်အာရုံချို့ယွင်းခြင်း။
- စကားကောင်းစွာ ပြောမရခြင်း၊ လေဖြတ်ခြင်း
အစရှိတဲ့ လက္ခဏာတွေပါ ခံစားလာရပါက နီးစပ်ရာ ဆေးရုံသို့သွားသင့်ပါတယ်။

✴️ဒီလို အဆင့်‌ရောက်ရင်တော့ သောက်ဆေးနဲ့ မလုံလောက်တော့ဘဲ ဆေးရုံမှာ ထိုး‌ဆေးတွေနဲ့ သွေးပေါင်ကို ချပေးဖို့ လိုလာပါပြီ။

✳️သွေးတိုးရောဂါကို ထိန်းချုပ်နည်းများ
1. **နေထိုင်မှုပုံစံပြောင်းလဲခြင်း**
- ဆားလျှော့စားပါ။
- ကိုယ်အလေးချိန်ထိန်းပါ။
- ကိုယ်လက်လှုပ်ရှားမှုပုံမှန်လုပ်ပါ။
- အရက်နှင့် ဆေးလိပ်ရှောင်ပါ။
- စိတ်ဖိစီးမှုလျှော့ချပါ။

2. **ဆေးဝါးကုသမှု**
- ဆရာဝန်ညွှန်ကြားတဲ့ သွေးတိုးကျဆေးများကို ပုံမှန်သောက်သုံးပါ။ သွေးတိုးကျဆေးပေးတဲ့အခါ ပထမဆုံး ဆေးတမျိုးနဲ့ စပေမဲ့ တချို့လူတွေမှာ သွေးပေါင်ကို ထိန်းဖို့ ဆေးတမျိုးထက် ပိုသောက်ရတာမျိုးတွေ ရှိနိုင်ပါတယ်။ ဒါကြောင့် ဆရာ၀န်နဲ့ အနီးကပ် ဆွေးနွေးတိုင်ပင်ပြီး သွေးပေါင်ကျဆေးတွေကို စနစ်တကျ သောက်သင့်ပါတယ်။
-

✳️သွေးတိုးရောဂါရှိခဲ့ရင် တခြားဆေးစစ်မှုတွေ လုပ်ဖို့ လိုသလား ?
အခြေခံ ဆေးစစ်မှုတွေကို ပြုလုပ်ဖို့ လိုအပ်ပါတယ်။
• Urine RE- ဆီးထဲမှာ သွေး သို့မဟုတ် အသားဓာတ် ရှိမရှိ သိရန် ဆီးစစ်ခြင်း
• Renal function test - ကျောက်ကပ်အလုပ်ကောင်းကောင်းလုပ်ရဲ့လား၊
• Lipid Profile- ကိုလက်စထရော၊ သွေးသကြား ပမာဏတွေ တက်နေသလားသိရန် သွေးစစ်ခြင်း
• နှလုံးစစ်ဆေးမှုအတွက် ECG ဆွဲခြင်း အစရှိသည်ကို စမ်းသပ်စစ်ဆေးပါလိမ့်မယ်။

✳️သွေးတိုးရောဂါကို မကုသဘဲထားရင်
- နှလုံးရောဂါ
- လေဖြတ်ခြင်း
- ကျောက်ကပ်ပျက်စီးခြင်း
- အမြင်အာရုံဆုံးရှုံးခြင်း စတဲ့ ပြင်းထန်တဲ့ နောက်ဆက်တွဲပြဿနာတွေ ဖြစ်စေနိုင်ပါတယ်။
- သွေးတိုးရောဂါဟာ နှလုံးသွေးကြောရောဂါ ပိတ်ခြင်းဖြစ်ပွားစေနိုင်တဲ့ အကြောင်းရင်းများစွာထဲက တစ်ခုသာဖြစ်ပါတယ်။

3. ** ပုံမှန်စစ်ဆေးမှုများ**
- သွေးပေါင်ချိန်ကို အိမ်မှာ ပုံမှန်တိုင်းတာပြီး ထိန်းညှိပါ။

✳️သွေးတိုးရောဂါကို စောစီးစွာသိရှိပြီး ကုသမှုခံယူခြင်းဖြင့် နောက်ဆက်တွဲပြဿနာတွေကို ကာကွယ်နိုင်ပါတယ်။ ဆရာဝန်နဲ့ ပုံမှန်ပြသပြီး ညွှန်ကြားချက်တွေကို လိုက်နာဖို့ အရေးကြီးပါတယ်။

---------------------------------------------
ကျန်းမာရေးအတွက် တိုင်ပင်ဖို့ အခုပဲ messenger မှတဆင့် ဆက်သွယ်လိုက်ပါ။

Dr.Lei telehealth services
https://m.facebook.com/Health-Knowledges-by-DrLei-105660815514262/
🚸credits ပေးရျ် ပြန်လည်ကူးယူနိုငိပါသည်။ 🚸

14/01/2025

စာဖတ်သူတို့ ဗဟုသုတအနေနဲ့ ဖတ်ကြည့်လို့ရအောင်ပါ ။🌿

Sal--via divin--rum လို့ခေါ်တဲ့ တဲ့ magic mint လို့ခေါ်တဲ့အပင်အကြောင်း ကြားဖူးကြလား?
အဲအပင်ဟာ လက်ဖက်ပင်ရဲ့ အရွက်နဲ့ ဆင်တူပါတယ်။ အနောက်နိုင်ငံက Diviners တွေ ထွက်ရပ်ပေါက်မှာ သုံးတဲ့ အပင်မျိုးပေါ့။ ဒါကြောင့် *Divine Sage * လို့လည်းခေါ်ကြတယ်။
Mexico အနောက်မြောက်ဘက်ဒေသတွေမှာအတွေ့များပြီး အလေ့ကျပေါက်ပါတယ်။ မြန်မာပြည်က ရိုးမတွေဘက်မှာလည်းရှိတတ်ပါတယ်။ အပင်တွေ့လို့ ခူးခတ်စားသောက်မိရင် အန္တရာယ်ရှိပါတယ်တဲ့။

ဘာလို့လဲဆိုတော့...
သူ့မှာ opoid လို psychoactive compound ပါဝင်လို့ ရေနွေးကြမ်းလိုသောက်ရင် ထင်ယောင်ထင်မှားဖြစ်ခြငိး ၊ စိတ်ကဆင့်ကလျားဖြစ်ခြင်းကနေ sui--cide အထိ ဖြစ်နိုင်လို့ မသုံးသင့်တဲ့ အပင်အနေနဲ့ သတ်မှတ်ထားပါတယ်။
Salvia Divinorum အရွက်ကို ဆေးပေါ့လိပ်အနေနဲ့ကော၊ ကွမ်းရွက်အနေနဲ့ကော ၊ အရွက်ခြောက်ကို လက်ဖက်ခြောက်လ်ုမျိုးပါ သောက်သုံးကြပါတယ် ။

ဒါပေမယ့် သူ့မှာကောင်းကျိုးတွေရှိပါတယ်တဲ့..
ဆေးဖြစ်ဝါးဖြစ် အနည်းငယ်မျှသာသုံးရင်
- အူကိုငြိမ်စေတဲ့ compound ပါလို့ ဝမ်းလျော​တာ
- -သွေးအားနည်း၊ ခေါင်းကိုက်တာတွေမှာ သုံးလို့ရပါတယ်။

🚫ဒါပေမယ့် experiences တွေအရ Bad trip ကိုမှ ဆိုးဆိုးရွားရွားအထိ ဖြစ်စေနိုင်လို့ မသုံးစွဲသင့်ပါဘူးနော် 🚫

ရွှေဥဒေါငင်းရေးထားတာတော့ တိတေနဘာဇနီတဲ့.. ဖတ်ကြည့်လို့ရအောင်ပါ 🌿

https://www.facebook.com/share/19YwsUsuGd/?mibextid=wwXIfr

03/01/2025

🇭🇰တရုတ်ပြည်မှာ novo virus outbreak ပြီးတော့ ဗိုင်းရပ်စ် အသစ်တမျိုးပေါ်တယ်။ Human Metapneumovirus HMPV ပါတဲ့။
သမားရိုးကျ flu နဲ့ခပ်ဆင်ဆင်ပေမယ့် immune ကျတဲ့သူတွေ၊ မွေးကင်ူစတွေ ( အသက် ၆လမှ ၁၂လ ) ကလေးတွေ ၊အသက် ၆၅ နှစ်အထက်လူကြီးတွေ ၊ အဆုတ်ရောဂါအခံရှိတဲ့လူတွေမှာ ပုံမှန်ထက်ပိုမိုပြင်းထန်နိုင်ပါတယ်။

🔺Virus ဟာ အဆုတ်ရဲ့ အောက်ပိုင်းမှာ ခိုပြီး နမိုးနီးယားဆန်ဆန် ဖျားမယ်၊ ချောင်းဆိုးမယ်၊ လည်ချောင်းနာမယ်၊ မောမယ်၊ အသက်ရှုကြပ် ရင်ကြပ်တတ်တယ်။

🔸မကူးအောင် ဘယ်လိုနေရလဲ?
ကိုဗစ် ကာကွယ်သလိုပဲ ကာကွယ်ရပါတယ်။
ချောင်းဆိုး နှာစေးခြင်းက ကူးတဲ့အတွက်ကြောင့် လူများတဲ့နေရာရှောင်ပါ။

🔹ပန်းနာရင်ကြပ် ၊ COPD နာတာရှည်အဆုတ်ရောင်တဲ့သူတွေ ရောဂါပြင်းထန်တတ်လို့ အထူးသတိထားသင့်ပါတယ်။

---------------------------------------------
ကျန်းမာရေးနဲ့ အထွေထွေမေးမြန်းစုံစမ်းရန် messenger သို့ဆက်သွယ်နိုင်ပါသည်ရှင်

Dr.Lei
https://m.facebook.com/Health-Knowledges-by-DrLei-105660815514262/
🚸Plz give credits 🚸

01/01/2025

နေမကောင်းဖြစ်နေလို့ ဆေးခန်းပြရခက်ခဲနေလား?
သွေးအဖြေဖတ်ဖို့ medical check up လုပ်ဖို့ ဆွေးနွေးချင်သလား?
လူနာဆေးရုံတင်ချင်လို့ တိုင်ပင်ဆွေးနွေးလိုသလား?
မိသားစုကျန်းမာရေးအတွက် Telehealth services လေးရှိနေလို့ အခုပဲ ဘိုကင်တင်ပြီး ဆက်သွယ်လိုက်ပါနော်!

12/10/2024

စာမရေးဖြစ်တာလည်းကြာ၊ ဆရာမအလုပ်လုပ်နေတဲ့ဆေးရုံနားမှာနေတဲ့ ဦးလေးကြီးကိုလည်း သတိရမိလို့ သတိပြုဖွယ်ရာဖြစ်အောင်လို့ ရေးလိုက်ပါတယ်။ အဲဒီ့ဦးလေးကြီးက သူ့ခြံထဲမှာ လမ်းဘေးခွေးတွေကို ကျွေးမွေးထားရာကနေ ခွေးရူးပိုးကူးစက်ခံရပြီး ဆုံးပါးသွားရတာပါ ။😢

လူတွေသိပေမယ့် သတိမပြုမိတဲ့ ခွေးရူးပြန်ရောဂါ အကြောင်း ဗဟုသုတရအောင် ဖတ်ကြည့်ကြပါနော်!

🔸ခွေးရူးပြန်ရောဂါဆိုတာ ရောဂါပိုး ကူးစက်ထားတဲ့ ခွေးတွေ၊ ကြောင်တွေ၊ လင်းနို့တွေ၊ ကြွက်တွေမှာ သယ်ဆောင်လာတဲ့ Rabies ဆိုတဲ့ virus ကြောင့် ဖြစ်တတ်ပါတယ်။

သေဆုံးမှု၏ (၄၀) ရာခိုင်နှုန်းမှာ အသက် (၁၅) နှစ်အောက် ကလေးများဖြစ်ပါတယ်။

🔸၉၉ ရာခိုင်နှုန်းသော ခွေးရူးပြန်ရောဂါခံစားရသူများသည် လမ်းဘေး လေလွင့်ခွေးများ၊ ပိုင်ရှင်မဲ့ခွေးများအပါအဝင် အိမ်မွေးခွေးများမှတစ်ဆင့် ရောဂါကူးစက်ခံရခြင်းကြောင့် ဖြစ်သည်။

🔸အကိုက်ခံရခြင်း၊ ကုတ်ခြစ်ခံရခြင်းနှင့် မျက်စိ၊ ပါးစပ် နှင့် ပေါက်ပြဲဒဏ်ရာ စသည်တို့၏ အမြှေးပါးကို တိုက်ရိုက်ထိတွေ့ခြင်းစသည့် နည်းလမ်းများဖြင့် တံတွေးမှတစ်ဆင့် လူနှင့် တိရစ္ဆာန်များကို ကူးစက်စေနိုင်ပါသည်။

🔸ခွေးရူးပြန်ခြင်း လက္ခဏာတွေ စပြလာပြီး အချိန်မှီ ကုသမှုမခံယူပါက အသက်အန္တရာယ်ရှိနိုင်ပါတယ် ။ ဒါကြောင့် လမ်းဘေး ခွေး၊ ကြောင် ၊ ကြွက် သတ္တဝါတကောင်မှ မူမမှန်ပဲ ကိုက်လျှင် သံသယရှိပါက ဆေးရုံသို့အမြန်ဆုံးသွား၍ ဆေးကုသမှု ခံယူသင့်ပါတယ် ။ မပေါ့ဆသင့်ပါဘူးနော် !

🔰ခွေးရူးပြန်ရောဂါ၏ လက္ခဏာများ

ခွေးရူးပြန်ဗိုင်းရပ်စ် စဝင်ပြီး ပထမဆုံးလက္ခဏာပြဖို့ ပျမ်းမျှအားဖြင့် ၁ လ မှ ၃ လ ထိကြာတတ်ပါတယ်။ ပထမဆုံးလက္ခဏာတွေက တုပ်ကွေးနဲ့တူပါတယ်။ အဖြစ်အများဆုံးရောဂါလက္ခဏာတွေကတော့

🔸ဖျားခြင်း
🔸ခေါင်းကိုက်ခြင်း
🔸ပျို့ခြင်းအန်ခြင်း
🔸အစားအသောက်ပျက်ခြင်း
🔸အလင်းကြောက်ခြင်း
🔸သွားရည်ပုံမှန်ထက် ကျခြင်း တို့အပြင်

တခြားလက္ခဏာတွေကတော့ ကိုက်ခံရတဲ့နေရာမှာ နာခြင်း သို့မဟုတ် ထုံခြင်းကို ၃ ရက် ၄ ရက်လောက် ခံရပါတယ်။ အဲ့ဒီနောက်ပိုင်းမှာတော့ အာရုံကြောစနစ်ကို ထိခိုက်လာတဲ့ လက္ခဏာတွေဖြစ်တဲ့ ဂဏာမငြိမ်မှုတွေ၊ ကြမ်းတမ်းတဲ့ အပြုအမူတွေ နဲ့ ပုံမှန်မဟုတ်တဲ့ ငြိမ်သက်နေတဲ့ အမူအရာတွေပါ ဖြစ်လာတတ်ပါတယ်။ ထင်ယောင်ထင်မှား ဖြစ်ခြင်း ၊ အိပ်မပျော်ခြင်း ၊ အကြောသေတာတွေလဲ ဖြစ်လာတတ်ပါတယ်။
🔸အစာရေပြွန်ကြွက်သားထိ၍ ရေမြိုချရခက်ခဲသောကြောင့် ရေသောက်ရမှာ ကြောက်ခြင်း (hydrophobia) လဲ ဖြစ်တတ်ပါတယ်။

🔸 သတိမေ့ခြင်း၊တက်ခြင်း နှင့် နောက်ဆုံး အသက်အန္တရာယ်ရှိသည့် အထိဖြစ်လာနိုင်ပါတယ်။
100% fatal rate ရှိတဲ့အတွက် အလွန်အရေးကြီးပါတယ်။

🔹 အကိုက်ခံရသည့်နေရာ သည် ခွေးရူးပြန်ခြင်း ပိုး ဦးနှောက်ကို အမြန်ဆုံးရောက်နိုင်တဲ့ ခေါင်း၊လည်ပင်း နှင့် လက်တွေမှာ ဒဏ်ရာများရှိခြင်းက ပိုမိုစိုးရိမ်ရပါသည်။

🚩ဒါကြောင့် အကိုက်ခံရတာနဲ့ မပေါ့ဆဘဲ နီးစပ်ရာ ဆေးရုံ ဆေးခန်းသို့သွားပါ ။

🔹ဘယ်လိုအတည်ပြုမလဲ?
ကိုက်သည့် တိရစ္ဆာန် ( ခွေး ) မှ သွားရည်ကျခြင်း၊ မူမမှန်ခြင်း ၊ ပတ်ဝန်းကျင်ရှိ တခြားလူများအား ကိုက်ခြင်း ရှိမရှိ လေ့လာပါ။ သက်ဆိုင်ရာသို့ အသိပေးပါ။

🔹ဘယ်လိုကုသမလဲ?

အကိုက်ခံရတဲ့နေရာကို ဆပ်ပြာ၊ ရေနှင့် ၁၅မိနစ်ကြာ ထပ်ခါ ထပ်ခါ ဆေးကြောပါ။ ဆေးရုံဆေးခန်းသို့သွားပါ။ အနာကို betadine ဖြင့် ဆေးသေချာထည့်ပါ။ ပြီးနောက် ခွေးရူးပြန်ခြင်း ပိုးကူးစက်ခြင်းမှ ကာကွယ်ရန် ဆေးအဆင့်ဆင့်ထိုးရပါတယ်။

Prompt post- exposure prophylaxis

အကိုက်ခံရလျှင် အရင်ဆုံး မေးခိုင်ရောဂါ ကာကွယ်ဆေး ထိုးသင့်ပါတယ်။
ခွေးရူးပြန်ခြင်း ကာကွယ်ဆေး ၂ မျိုးရှိပါတယ်။

🔸Rabies vaccine ရောဂါ ကာကွယ်ဆေးဖြစ်ပြီး လက်မောင်းအသားဆေး ၂လုံး ဖြစ်သည့်နေ့နှင့် ၁ လုံးစီ ၇ ရက်ခြား ၂၁ ရက်ခြား တခါထိုးရပါမယ်။ ပုံမှန်အားဖြင့် သွေးမထွက်တဲ့ ဒဏ်ရာ ၊ ကုတ်ခံရသလောက် ( scratch ) ပဲဆိုလျှင် ထိုးရပါမယ်။
နောက်တမျိုးမှာ
Rabies immunoglobulin ဟုခေါ်တဲ့ ကိုက်ခံရတဲ့ ဒဏ်ရာ ကြီးလျှင် ၊ သွေးထွက်လျှင် ၊ နက်လျှင် အနာပတ်လည် ထိုးရတဲ့ ဆေးတမျိုးဖြစ်ပါတယ်။
ကာကွယ်ဆေးထိုးပြီးသား pet ဖြစ်ပါက ၊ ခွေးရူးပြန်လက္ခဏာမပြပါက ၊ ဆော့ကစားခြင်း ဟပ်ခြင်းကြောင့်ပဲ ဖြစ်ပါက ခွေးရူးပြန်ပိုးစစ်ဆေး၍ မတွေ့ရှိလျှင် ထိုးစရာမလိုပါ။

အနာသက်သာသည့်ဆေး၊ အကိုက်အခဲပျောက်ဆေး၊ အရောင်ကျဆေး များကို ဆရာဝန်ညွှန်ကြားသည့်အတိုင်း သောက်ရန်လိုပါတယ်။

သင်ချစ်သော အိမ်မွေးခွေးများကို ကာကွယ်ဆေးထိုးပေးခြင်းနှင့် ခွေးကိုက်မခံရအောင် ကာကွယ်ခြင်းတို့ဖြင့် ခွေးရူးပြန်ရောဂါကို ကာကွယ်နိုင်ပါသည်ရှင်။

---------------------------------------------

Dr.Lei telehealth services
https://m.facebook.com/Health-Knowledges-by-DrLei-105660815514262/
🚸တဆင့်ပြန်လည်ကူးယူခြင်း မပြုရန်. မေတ္တာရပ်ခံပါသည် 🚸

12/10/2024

ကျန်းမာရေးနှငိ့ပက်သက်သော မေးခွန်းများကို messenger မှတဆင့် သက်သာသော ဆွေးနွေးခ ( mobile banking မှ တဆငိ့ ) ၇၀၀၀ ကျပ်ဖြင့် မေးမြန်းနိုင်ပါပြီရှင် 😊