22/04/2023
ကုန်ရောင်းထွက်စေရန် နေ့အလိုက် ဈေးခေါ်ကုန်တိုက်စီရင်နည်း
၁။ တနင်္ဂနွေနံ
အိုး၊အုန်း၊အိမ်၊ဥ စသည့် တနင်္ဂနွေနံ ကုန်များ
ဈေးကောင်းကောင်းနှင့် အမြတ်များများရ၍
ရောင်းထွက်စေလိုသော် .... တနင်္ဂနွေနေ့
နံနက်(၇)နာရီက နံနက်(၉)နာရီ အတွင်းတွင်
သနပ်ကိုင်း(၆)ခွက်ကိုယူ၍ ပစ္စည်းထည့်ထား
သောနေရာ၏ မြောက်အရပ်၌ သံပုံးထဲတွင်
သဲထည့်၍ သနပ်ကိုင်းကို ၎င်းသံပုံးထဲတွင်
စိုက်ထားပါ။ မွန်းလွဲ(၁)နာရီခွဲ အချိန်သို့ရောင်
သောအခါ သောကြာသား/သမီးတစ်ယောက်
ယောက်က အိုး၊အိမ်စသောကုန်ထွက်စေဆို၍
မိမိရောင်းလိုသော ပစ္စည်းကို(၆)ချက်ရိုက်ပါ။
၎င်းနောက်သနပ်ကိုင်းကိုသံပုံးတွင်ပြန်စိုက်ပါ။
(၇)လည်လျှင်အဟောင်းစွန့်၍ အသစ်ပြန်
လုပ်ပါ။ ဈေးကောင်းကောင်းနဲ့ ရောင်းရပါ
မယ်။
၂။ တနင်္လာနံ
ကျောက်၊ကျွဲ၊ကြံ၊ကြက်ဥစသည့်တနင်္လာနံ
ကုန်များရောင်းထွက်စေလိုသော် တနင်္လာနေ့
နံနက်(၇)နာရီခွဲမှ နံနက်(၉)နာရီအတွင်းတွင်
လက်ပံကိုင်း (၁၅)ခက်ကိုယူ၍ ပစ္စည်းထား
သော နေရာ၏ အနောက်အရပ်တွင်
သော်လည်းကောင်း အနောက်တောင်ထောင့်
တွင်သော်လည်းကောင်း ရောင်းလိုသော
တစ်နေရာရာ၌ ဒန်အိုးတွင် နနွင်းထည့်၍
လက်ပံကိုင်း (၁၅)ခက်ကို ၎င်းဒန်အိုးတွင်
စိုက်၍ထားပါ။ မွန်းလွဲ(၁)နာရီခွဲမှ ညနေ(၃)
နာရီအတွင်းတွင် မိမိရောင်းလိုသော ကျောက်
စသော တနင်္လာနံကုန် အဖိုးများများနှင့်
ထွက်စေဆို၍ ၎င်းလက်ပံကိုင်းနှင့် (၁၅) ချက်
ရိုက်ပါ ပြီးလျှင် ဒန်အိုးထဲပြန်စိုက်ပါ။ (၇)ရက်
လည်လျှင် အဟောင်းစွန့်၍ အသစ်ကိုပြန်ပြု
လုပ်ပါ။ ဈေးကောင်းကောင်းနှင့်ရပါမည်။
၃။ အင်္ဂါနံ
ဆန်၊ဆီ၊ဆေး၊ဆား၊စောင်၊စိန်၊စက် စသော
အင်္ဂါနံကုန်များ ရောင်းထွက်စေလိုသော်
အင်္ဂါနေ့နံနက်(၉)နာရီမှ နံနက်(၁၀)နာရီခွဲ
အတွင်း မရမ်းကိုင်း (၈)ခက်ကိုယူ၍ အရှေ့
မြောက်ထောင့် အရပ်၌ အိုးထဲတွင်စိုက်ထူ၍
ထားပါ။မွန်းလွဲ(၁)နာရီခွဲမှ(၃)နာရီအတွင်း
တနင်္ဂနွေသား/သမီးတစ်ယောက်ယောက်က
ရောင်းလိုသော ဆန်၊ဆီ၊ဆား၊ဆေး၊စိန်စသော
အင်္ဂါနံကုန်များ ရောင်းထွက်စေဟုဆို၍
မရမ်းကိုင်းဖြင့် (၈)ချက်ရိုက်ပါ။ပြီးလျှင်
၎င်းသစ်ကိုင်းကို အိုးထဲပြန်စိုက်၍ထားပါ။
(၇)ရက် စေ့လျှင်အဟောင်းစွန့်၍ အသစ်ပြန်
စိုက်ထားပါ။ဈေးကောင်းနှင့်ရောင်းရမည်။
၃။ ဗုဒ္ဓဟူးနံ
ရွှေ၊လှေ၊လှည်း၊ဝါး စသည့်ဗုဒ္ဓဟူးနံကုန်များ
ရောင်းထွက်စေလိုသော ဗုဒ္ဓဟူးနေ့နံနက်(၇)
နာရီမှ(၁၀)နာရီခွဲအတွင်း ကသစ်ကိုင်း(၁၇)
ခက်ယူ၍ ကုန်ထားသောနေရာ၏ အရှေ့အရပ်
၌ ကြေးခွက်တွင်ဖြစ်စေ၊ကျောက်ပေါ်မှာဖြစ်
စေ စိုက်ထားပါ။ညနေ(၃)နာရီမှ(၄)နာရီခွဲ
အတွင်းတွင် တနင်္လာသား/သမီးများက
ရောင်းရမည့်ကုန်ကို ထွက်စေဆို၍ကသစ်ခက်
နှင့်(၁၇)ချက်ရိုက်ပါ။ ပြီးလျှင်ပြန်စိုက်ထားပါ။
ရောင်းကောင်းပြီးအမြတ်များရပါမည်။
၅။ ကြာသပတေးနံ
ပဲ၊ပြောင်း၊မြ၊ပတ္တမြား၊မြေ၊မြင်း စသော
ကြာသပတေးနံကုန်များရောင်းထွက်လိုသော်
ကြာသပတေးနေ့နံနက်(၁၀)နာခွဲမှ မွန်းလွဲ(၂)
နာရီခွဲအတွင်းတွင် ပိတောက်ကိုင်း (၁၉)ခက်
ကိုယူ၍ စဉ့်အိုးတွင်စိုက်ထားပါ။ ညနေ(၃)
နာရီမှ(၄)နာရီအတွင်းတွင် ၎င်းပိတောက်ကိုင်း
နှင့် ကြာသပတေးနံကုန်ရောင်းထွက်စေဟု
(၁၉)ခါ ဆို၍ရိုက်ပါ။ ပြီးလျှင် စဉ့်အိုးတွင်ပြန်
စိုက်ထားပါ။ ရောင်းကောင်းပြီးအမြတ်များရ
ပါမည်။
၆။ သောကြာနံ
သံ၊သွပ်၊သစ် စသောသောကြာနံကုန်များ
ရောင်းထွက်စေလိုသော သောကြာနေ့(၆)နာရီ
မှ(၇)နာရီခွဲအတွင်းတွင် ဇလပ်ကိုင်း(၂၁)ခက်
ကိုယူ၍ (ပစ္စည်းများထားသောနေရာ(သို့)
ရောင်းရန်ကုန်)တစ်နေရာရာ၏ တောင်အရပ်
ကလက်ရန်းပေါ်တွင်စိုက်ထောင်၍ထားရ
မည်။ ၎င်းသစ်ကိုင်းနှင့် သောကြာနေ့
ညနေ(၄)နာရီ ခွဲမှ(၉)နာရီအတွင်းတွင်ဗုဒ္ဓဟူး
သား/သမီးများ က သောကြာနံကုန်ထွက်စေ
ဆို၍ (၂၁)ချက်ရိုက်ပါ။ ပြီးလျှင်လက်ရန်း
ပေါ်ပြန်ထားပါ။ ၎င်းကုန်ရောင်းကောင်းပြီး
အမြတ်များရပါမည်။ (၇)ရက်စေ့လျှင်
သစ်ကိုင်းဟောင်းစွန့်၍အသစ်ထားပါ။
၇။ စနေနံ
ကျောက်နီ၊နီလာ၊ထီး၊နွား၊အထည်အလိပ်
စသော စနေနံကုန်များရောင်းထွက်စေလို
သော် စနေနေ့နံနက်(၆)နာရီမှ(၇)နာရီအတွင်း
တွင် ပိတောက်ကိုင်း(သို့) ပိန္နဲရွက် (၁၀)ကိုင်း/
ရွက် တစ်ခုခုဖြင့် စနေနံပစ္စည်းထားသော
နေရာ၏ အနောက်တောင်ထောင့်တွင် ပုလင်း
(သို့)ဖန်ဘူး တစ်မျိုးမျိုးတွင်ထည့်၍ ညနေ(၄)
နာရီခွဲတွင် ကြာသပတေးသား/သမီး
တစ်ယောက်ယောက်မှ စနေနံကုန်
ဈေးကောင်းကောင်းနှင့် အမြတ်များများရ၍
ရောင်းထွက်စေဟု (၁၀)ချက်ရိုက်၍မူလ
နေရာပြန်ထားပါ။ (၇)ရက်စေ့လျှင်
သစ်ကိုင်းဟောင်းစွန့်၍အသစ်ထားပါ။
မှတ်ချက် - ဆရာသည်ဤ "ကုန်ရောင်းထွက်စေရန် နေ့အလိုက် ဈေးခေါ်ကုန်တိုက်စီရင်နည်း" အား သစ်တံခါးဆရာတော်ဘုရား၏ *စီးပွားတက်၍ ချမ်းသာအောင် အဓိဌာန်ကျင့်စဉ်ဆောင်နှင့် ကျိုက် (၁၀) ကျိုက် အဓိဌာန်ကျင့်စဉ်မြတ်ကြီး* စာအုပ်မှထုတ်နုတ်ကာ
အကြပ်တည်းဖြစ်ပြီးအဆင်မပြေသူများ နှင့် အဆင်ပြေသော်လည်း ပို၍အဆင်ပြေလိုသော ရည်ရွယ်ချက်ဖြင့် မျှဝေပါသည်။ အကျွန်ုပ်၏ မှန်ကန်သော သစ္စာ စကားကြောင့် (၃၁) ဘုံသားအားလုံးနှင့်တကွ ၇ရက်သားသမီးအားလုံး စိတ်ချမ်းသာ၊ကိုယ်ကျန်းမာခြင်းနှင့်ပြည့်စုံကာ ကပ်ဘေးအားလုံးမှ ကျော်လွှားနိုင်ကြပါစေ.....
#အစီအရင်
#ဓာတ်ရိုက်ဓာတ်ဆင်
ဝိဇ္ဇာ - Weizza
