Psychiatrist by Mi

14/09/2024

20/08/2023

Insecurity

စိတ်မလုံခြုံခြင်းဆိုတာ ကိုယ့်ရဲ့အားနည်းချက်၊
လစ်ဟာမှုတွေ အပေါ်မှာ ယုံကြည်မှု မရှိခြင်းပါ။ စိတ်မလုံခြုံမှုကို ကိုယ်တိုင်သော်လည်းကောင်း၊ ကိုယ့်ပတ်ဝန်းကျင် မှာသော်လည်းကောင်း တွေ့ဖူး ကြုံဖူး ကြမှာပါ။

စိတ်မလုံခြုံ တာနဲ့ ကြောက်စိတ်ဟာ တူမယောင်နဲ့ မသိမသာ ကွဲပြား ပါတယ်။ကြောက်စိတ်ဆိုတာ ထိပ်လန့်ခြင်း စိုးရိမ်​​ကြောင့်ကျခြင်းဖြစ်ပြီး စိတ်မလုံခြုံတာကတော့ သိမ်ငယ်စိုးရွံခြင်းကို အခြေခံပါတယ်။စိတ်မလုံမခြုံဖြစ်စေ တဲ့ အကြောင်းအရင်း များစွာ ရှိပါတယ်။

1️⃣အပြစ်လုပ်ထားခြင်း
ကိုယ်တိုင်က လူမသိသူမသိ အများစုလက်မခံတဲ့အလုပ်မျိူး ကျူးလွန်ထားမိရင်
သက်ဆိုင်ရာ ပတ်ဝန်းကျင်က လူတွေနဲ့တွေ့ရမှာ စိတ်မလုံခြုံမှုကို ဖြစ်စေခြင်း။

2️⃣စကားလုံးအပိုတွေပြောခြင်း
မဟုတ်တာလုပ်ထားမိတဲ့အချိန်ဆိုရင်
လိုရင်းကိုမရောက်ပဲ အပိုစကားတွေ
ရှောင်လွဲ ပြောဆိုခြင်း၊ မလိုအပ်ပဲ စကားများခြင်း။

3️⃣အန္တရာယ် ရှိသောနေရာပတ်ဝန်းကျင်တွင်ရှိနေခြင်း
ကိုယ့်ကို တစ်စုံတစ်ခု စိတ်အားဖြင့်သော်လည်းကောင်း၊ ကိုယ်ထိလက်ရောက်သော်လည်းကောင်း အနာတရ ဖြစ်စေမဲ့ နေရာ၊ ပတ်ဝန်းကျင် တွင်ရှိနေသဖြင့် စိတ်မလုံခြုံ ရခြင်း။

4️⃣ကြွှားဝါခြင်း
ကိုယ့်ရဲ့ အားနဲချက် လိုအပ်ချက်တွေကို ဖုံးကွယ်ဖို့ ကြိုးစားရင်း ဖြစ်တည်မှုတခုခုကို
cover ယူပြီး မလုံခြုံ မှုကိုဖြေဖျောက်ခြင်း။

5️⃣Negative Energy များခြင်း
အဲ့လိုလူအများစုက ပတ်ဝန်းကျင် ရဲ့ အတင်းသတင်း အစုံကို ဖြန့်ဝေတက်ပီး၊ မကောင်းတဲ့
ရှု့ထောင့်အမြင်တွေနဲ့သာ ဝေဖန်ခြင်း။ အကြောင်းအရာတခုအပေါ်မှာ ကိုယ်အမှန်ဆိုတဲ့အထင်နဲ့သာ ငြင်းဆန်ခြင်း(အငြင်းသန်ခြင်း)၊ သူတပါးအားအပြစ်ပုံချတတ်၊
နှိမ့်ချပြောဆိုတတ်ခြင်း။

ဒီလိုအကြောင်းအရာတွေအပြင် အခြားသော
အကြောင်းအရင်းများစွာလဲ ရှိနေနိုင်ပါတယ်။
ဒီလို အချက်တွေ ရှိနေပါက စိတ်မလုံခြုံ မှုခံစားနေရတယ်လို့ အကြမ်းဖျင်းခန့်မှန်း နိုင်ပါတယ်။စိတ်မလုံခြုံမှုခံစားနေခြင်းကို ပြောင်းလဲယူလို့ရပါတယ်။ ရေရှည်သွားနေရင် ခံစားနေရသူအတွက်ထိခိုက်ပီး ပတ်ဝန်းကျင်ပါ အနှောင့်အယှက် ဖြစ်တာမို့ ပေါင်းသင်းဆက်ဆံရေးမှာ အဆင်မပြေဖြစ်ရပါတယ်။

အရင်ဆုံး ကိုယ့်ကိုကိုယ် ယုံကြည်မှု ရှိပါ။
လူတစ်ဦးတစ်ယောက်စီတိုင်းမှာ အားနည်းချက်၊ အားသာချက်ဆိုတာ ရှိတာမို့ သူတစ်ပါးနဲ့ နှိုင်းယှဥ်ခြင်း
မလုပ်ပါနဲ့။ Self-love / Self-care ကို ဂရုစိုက်ပါ ။ကိုယ်လုပ်နိုင်တဲ့အရာတွေ အပေါ်မှာ အာရုံ စိုက်ပါ။ ကိုယ့်အောင်မြင်မှုတွေကို appreciate လုပ်ပါ။ကိုယ့်ရဲ့ လုံခြုံ စိတ်ချရတဲ့ ပတ်ဝန်းကျင် မှာ ရှင်သန်ပါ။ လိုအပ်ရင်mental heal မှ counselor တွေနဲ့ ရင်ဖွင့်တိုင်ပင်ပီး အကြံဉာဏ်ကောင်းတွေ ရယူနိုင်ပါတယ်နော်။🍀

10/08/2023

ကျန်းမာရေး၊လူမှုရေး၊အချစ်ရေး ပြသနာများနှင့်ဖြေရှင်းနိုင်ရန် အကြံဥာဏ်ပေးခြင်း၊ဆွေးနွေးတိုင်ပင်ခြင်းများ ပြုလုပ်နိုင်ပါသည်။

စိတ်ကျန်းမာရေး နှင့်ပက်သက်၍ မေးမြန်းချင်ပါကမေးမြန်းနိုင်ပါသည်။အောက်ဖော်ပြပါ အချက်အလက်များကို ဖြည့်ပေးရပါမည်။

အသက်
ကျား၊မ
ဖြစ်ပေါ်နေသည့် လက္ခဏာ
ဖြစ်ပေါ်နေသည့် ကာလ၊ ကြာမြင့်ချိန်

ယခင်က စိတ်ပိုင်းဆိုင်ရာ ထိခိုက်ခံစားခဲ့ရဖူးခြင်းရှိ၊ မရှိ

ဆီးချို၊သွေးတိုး၊နှလုံးရောဂါ စသည့် ခန္တာကိုယ်တွင်ဖြစ်သောရောဂါများ ရှိ၊မရှိ

မိဘ၊ ဆွေမျိုး ညီအစ်ကို မောင်နှမ၊ ဝမ်းကွဲ ဆွေမျိုးများတွင် စိတ်ရောဂါ ဖြစ်နေသူ ရှိ၊မရှိ

အရက်သောက်တတ်သူဖြစ်ပါက နောက်ဆုံးအရက်သောက်သည့်ရက်၊ အချိန်

မူးယစ်ဆေးဝါးသုံးစွဲသူဖြစ်ပါက နောက်ဆုံး ဆေးသုံးခဲ့ချိန်

ဆေးလိပ်သောက်၊ မသောက်
ကွမ်းစား၊ မစား
အလုပ်အကိုင်
မိသားစုအခြေအနေ
စိတ်ထိခိုက်ပင်ပန်းစေသော အချက်များ ရှိပါက ဖော်ပြရန်

မိမိကိုယ်ကို ထိခိုက်စေသော၊အသက်အန္တရာယ်ဖြစ်စေသောအပြုအမူများ ရှိ၊မရှိ

သူတစ်ပါးအား ရန်လိုခြင်း၊ထိခိုက်စေခြင်း၊အန္တရယ်ပြုခြင်းများ ရှိ၊မရှိ

ဆက်သွယ်ရန် page ph no သို့မဟုတ် viber ကမေးမြန်းနိုင်ပါသည်။

10/08/2023

အတွေးလွန်ခြင်းဆိုတာ စိတ်ရောဂါတစ်မျိုးပဲ။

အကြောင်းအရာတစ်ခုကို မကောင်းတဲ့ဘက်ကနေ ထပ်ခါထပ်ခါ တွေးနေတာကို အတွေးလွန်တယ်လို့ ခေါ်ပါတယ်။ ဖြစ်ပြီးသားကိစ္စကနေ မရုန်းထွက်နိုင်ဘဲ အတွေးလွန်နေခြင်းနဲ့ မဖြစ်ရသေးတဲ့ကိစ္စကို ကြိုတင်စိုးရိမ်ပူပန်ပြီး အတွေးလွန်နေခြင်းဆိုပြီး အတွေးလွန်တဲ့ပုံစံ နှစ်မျိုးရှိပါတယ်။

အတွေးလွန်ခြင်းမှာ နောက်ဆက်တွဲဆိုးကျိုးတွေ အများကြီးပါ။
1. စိတ်ဖိစီးမှု အလွန်အမင်း မြင့်တက်လာမယ်။
2. မှန်မှန်ကန်ကန် ဆုံးဖြတ်နိုင်စွမ်း လျော့နည်းလာမယ်။
3. မှတ်ဉာဏ်မကောင်းတော့ဘဲ မေ့လျော့လာမယ်။
4. အားငယ်စိတ်တွေ ပိုများလာမယ်။
5. ကိစ္စတိုင်းကို မကောင်းတဲ့ဘက်ကချည်း စဉ်းစားလာမယ်။
6. အရာရာကို လွယ်လွယ်ကူကူ အရှုံးပေးလာမယ်။
7. အိပ်ပျော်ဖို့ ခက်ခဲလာမယ်။
8. အစာစားလိုစိတ် ပျောက်ဆုံးလာမယ်။
9. နှလုံးရောဂါ ရလာမယ်။
10. စိတ်ရော ကိုယ်ပါ ပင်ပန်းဆင်းရဲလာမယ်။
အဆုံးမှာ သတ်သေတဲ့အထိ အခြေအနေ ဆိုးနိုင်ပါတယ်။

အတွေးလွန်ခြင်းဟာ ကျွန်မတို့ကြုံနေရတဲ့ ပြဿနာတွေအတွက် မှန်ကန်တဲ့အဖြေကို မပေးပါဘူး။ တန်ဖိုးရှိတဲ့အချိန်တွေကို ဖြုန်းတီးရာရောက်ပါတယ်။ ကျွန်မတို့ရဲ့ဘဝကိုလည်း အောက်ဆုံးထိရောက်အောင် ဆွဲချနိုင်ပါတယ်။ လူမှုရေး၊ ပညာရေး၊ စီးပွားရေး၊ အချစ်ရေး၊ ဘယ်ကိစ္စမှာမဆို အတွေးလွန်ခြင်းက ကျွန်မတို့ကို ဒုက္ခရောက်စေနိုင်ပါတယ်။

ဒါကြောင့် အတွေးလွန်တတ်တဲ့စိတ် ရှိနေပြီဆိုရင် မဖြစ်မနေကုသဖို့ လိုအပ်ပါတယ်။ ကျွန်မလေ့လာထားတဲ့ အတွေးလွန်ခြင်းကနေ ရုန်းထွက်နိုင်မယ့် နည်းလမ်းကောင်းတွေကို ဝေမျှပေးချင်ပါတယ်။

1. မအိပ်ခင်မှာ ပျော်စရာအကြောင်းတွေပဲ တွေးကြည့်ပါ။ အိပ်ရာနိုးရင်လည်း ပျော်စရာကိစ္စကိုပဲ စပြီးတွေးပါ။ နေ့တစ်နေ့ရဲ့ အစနဲ့ အဆုံးမှာ မကောင်းတဲ့အကြောင်းတွေ လုံးဝ မတွေးပါနဲ့။

2. အတိတ်က မကောင်းတဲ့ကိစ္စတွေကို ပြန်မတွေးမိအောင်နေပါ။ အနာဂတ်ကိုလည်း ဘယ်တော့မှ ကြိုပြီး မစိုးရိမ်ပါနဲ့။ လက်ရှိအခြေအနေမှာပဲ အကောင်းဆုံးရှေ့ဆက်ဖို့ ကြိုးစားကြည့်ပါ။

3. ဘယ်သူမှ perfect မဖြစ်ဘူးဆိုတဲ့ အသိကို ခေါင်းထဲထည့်ထားပါ။ လောကကြီးမှာ အမှားကင်းတဲ့သူ၊ အပြစ်ကင်းတဲ့သူ၊ အားနည်းချက်ကင်းတဲ့သူဆိုတာ မရှိပါဘူး။

4. အတွေးမလွန်ဖို့ သတိကပ်ထားပါ။ တစ်ခုခုကို ၅ မိနစ်ထက် ပိုတွေးနေမိပြီဆိုတာနဲ့ အဲ့ဒီအတွေးကို ဖြတ်တောက်လိုက်ပါ။ ပြီးရင် တစ်ခုခုလုပ်ပြီး အာရုံပြောင်းပါ။

5. ဘယ်အရာမဆို လုပ်နိုင်တယ်ဆိုတဲ့ ယုံကြည်ချက်ထားပါ။ မှားရင် ပြန်ပြင်မယ်။ လဲကျရင် ပြန်ထမယ်။ မလိုအပ်တာတွေ မစိုးရိမ်ပါနဲ့။ ကြိုမတွေးပါနဲ့။ ခွန်အားရှိသမျှသာ ကြိုးစားပါ။

6. ဘယ်ကိစ္စမှာမဆို အကောင်းမြင်စိတ်မွေးပါ။ အကောင်းဘက်က တမင်လှည့်တွေးပါ။ အကောင်းမြင်ခြင်းက ကြီးတဲ့ပြဿနာကို သေးစေပြီး သေးတဲ့ပြဿနာကို ပပျောက်သွားစေပါတယ်။

7. တစ်ယောက်တည်းမနေပါနဲ့။ မိသားစု၊ သူငယ်ချင်းတွေနဲ့ အဆက်အသွယ်ရှိနေပါစေ။ စိတ်ညစ်စရာတွေကို ရင်ဖွင့်ပါ။ သူတို့နဲ့ တိုင်ပင်ပါ။ အကြံဉာဏ်ယူပါ။

8. နေ့တိုင်း ကိုယ်ဝါသနာပါတာကို အနည်းဆုံး မိနစ် ၃၀ လုပ်ပါ။ TV ကြည့်တာ၊ game ဆော့တာ၊ ပန်းချီဆွဲတာ၊ သီချင်းဆိုတာ၊ ဘာပဲဖြစ်ဖြစ် လုပ်ပြီး စိတ်ကို ပျော်အောင်ထားပါ။

9. နေ့တိုင်း အားကစားတစ်ခုခုလုပ်ပါ။ Gym ဆော့နိုင်ရင် အကောင်းဆုံးပါပဲ။ အားကစားလုပ်ခြင်းက စိတ်ရောကိုယ်ပါ ကျန်းမာစေပါတယ်။

10. အစားကို အချိန်မှန်မှန်စားပါ။ ရေလည်း များများသောက်ပါ။ ညဘက် ၁၁ နာရီဆို မကောင်းတာတွေ မတွေးဘဲ အိပ်ပါ။ ၈ နာရီပြည့်အောင် အိပ်ပါ။

အတွေးမလွန်တဲ့အခါ ဘဝက ပိုပြီး ပျော်ရွှင်စရာ ဖြစ်လာပါတယ်။
အားလုံး အတွေးလွန်ခြင်းမှ ကင်းဝေးကြပါစေ

Crd

10/08/2023

“ကိုယ့် ကိုယ့် ကိုယ် အ သက် အ န္တ ရာယ် ထိ ခိုက် ဆုံး ရှုံး အောင် လုပ် ဆောင် ခြင်း”

ကိုယ့်ကိုယ့်ကိုယ်အသက်အန္တရာယ် ထိခိုက်ဆုံးရှုံးအောင်လုပ်ဆောင်တဲ့ ဖြစ်စဉ်တွေဟာ၊ ကာယကံ ရှင်တွေ၊ ကျန်ရစ်သူမိသားစု၊ မိတ်ဆွေသူငယ်ချင်းတွေအတွက်သာမကဘဲ၊ လူမှုအသိုက်အဝန်း အတွက်ပါ စိတ်ဖိစီးမှုတွေ ဖြစ်ပေါ်စေတဲ့ အနေအထားတစ်ခုဖြစ်ပါတယ်။

ဒီလိုလုပ်ဆောင်မှုတွေ၊ စိတ်ကျန်းမာရေးနဲ့ပတ်သက်တာတွေနဲ့ဆက်နွှယ်နေတဲ့ ကနဦးရှိနှင့်ပြီးသား ယူဆချက်တွေ၊ လွဲမှားမှုတွေကြောင့်၊ အခုလိုဖြစ်စဉ်တွေဟာ လူတစ်ယောက်အတွက် လူမှု ဂုဏ် သိက္ခာစွန်းထင်းစရာ အဖြစ်တစ်ခုလို မှတ်ယူလွဲတတ်ကြပြန်ပါတယ်။ ဒါကလည်း အားလုံးအတွက် ဖိစီးမှုဖြစ်စရာ အနေအထားတစ်ခုပါပဲ။

အခြေအနေအကြောင်းကြောင်းကြောင့် ကိုယ့်ကိုယ်ကိုယ် အသက်အန္တရာယ်ထိခိုက်ဆုံးရှုံးအောင် လုပ်ဆောင်ပြီး လူ့လောကထဲက ထွက်ခွာသွားကြတဲ့သူတွေနဲ့ပတ်သက်လို့ ကျန်ရစ်ခဲ့ကြရတဲ့ မိသားစုဝင်တွေ၊ ချစ်ခင်ရင်းနှီးရသူတွေ၊ မိတ်ဆွေတွေဟာ ဝမ်းနည်းပူဆွေးမှုသောကတွေ ခံစားနေရတတ်ပါတယ်။

အခုလိုအနေအထားမျိုးတွေမှာ ဒီလိုဖြစ်စဉ်တွေနဲ့ပတ်သက်တဲ့ အချို့သော သတင်းဖော်ပြမှုမျိုးတွေ၊ ပြောဆိုမှုမျိုးတွေဟာ သူတို့တွေအတွက် ထပ်ဆောင်းဖိစီးမှုတွေ ဖြစ်လာကြရပါတယ်။

ဒါဟာ ကျွန်တော်တို့အားလုံး စာနာစိတ်နဲ့၊ အထူးသတိပြုဖို့လိုအပ်တဲ့အချက်တစ်ခုပဲဖြစ်ပါတယ်။

crd စိုးမင်း
၁၁-၇-၂၀၂၀

09/08/2023

Zung Self-Rating Depression Scale (Zung (ဇောင်) စိတ်ကျရောဂါစစ်ဆေးလွှာ)

👨‍⚕️ စိတ်ကျရောဂါ ရှိမရှိ စစ်ဆေးတဲ့နေရာမှာ BDI-II၊ Hamilton တို့လောက် အသုံးမများပေမယ့် အလွယ်တကူ ကိုယ့်ဘာသာကိုယ် စစ်ဆေးကြည့်နိုင်တဲ့ စိတ်ကျရောဂါ စစ်ဆေးလွှာလေး ဖြစ်ပါတယ်။

👨‍⚕️ ဗဟုသုတအနေနဲ့ပြောရရင် ဒီစစ်ဆေးလွှာလေးကို Duke University က စိတ်ကျန်းမာရေးဆရာဝန် Dr. William W.K.Zung (1965) က ဒီဇိုင်းထုတ်ခဲ့တာ ဖြစ်ပါတယ်။

👨‍⚕️ စုစုပေါင်းမေးခွန်း (၂၀) ရှိပါတယ်။ မေးခွန်းတစ်ခုချင်းစီက အဖြေ (၄) ခုဖြစ်နိုင်ပါတယ်။

👨‍⚕️ လွန်ခဲ့တဲ့ (၂) ပါတ်ကျော်လောက်ကနေ ကိုယ့်ဆီမှာ ဖြစ်ပေါ်ခံစားနေရတဲ့ လက္ခဏာတွေရဲ့ အနည်းအများပေါ် မူတည်ပြီးတော့ မေးခွန်းတစ်ခုချင်းစီကို အမှတ်ပေးသွားရမှာ ဖြစ်ပါတယ်။

👨‍⚕️ ဒီ စစ်ဆေးလွှာလေးမှာ ထူးခြားတာတစ်ခုက Positive မေးခွန်း (၁၀) ခုနဲ့ Negative မေးခွန်း (၁၀) ခုကို ရောသမမွှေထားလို့ အမှတ်ပေးတဲ့ ပုံစံကလည်း တစ်ခြားစစ်ဆေးလွှာတွေနဲ့ မတူဘဲ တမူထူးခြား ကွဲပြားပါတယ်။

👨‍⚕️ ဒါကြောင့် အောက်က Comment မှာပေးထားတဲ့ အမှတ်ပေးတဲ့ စနစ်လေးကို မြင်ရင်အံ့ဩသွားမယ်လို့ မျှော်လင့်ပါတယ်။ အဖြေကိုလည်း Comment မှာပေးထားပါတယ်။

🩺 Dr.DeDe (Mental Health) 🩺

👨‍⚕️ Page မှာ ရေးသားဖေါ်ပြထားတဲ့ စိတ်ကျန်းမာရေးဆိုင်ရာ ဆောင်းပါးတွေ၊ Audio၊ Video တွေကို အများအကျိုးအတွက် Copy ယူမယ့် သူများအနေနဲ့ ဖြတ်ညှပ်ကပ် မလုပ်ဘဲ အပြည့်အဝ Credit ပေးပေးဖို့ တောင်းဆိုလိုပါတယ်။

👨‍⚕️ ဒေါက်တာဒီဒီနဲ့ ဆွေးနွေးလိုတယ်ဆိုရင်တော့ Page messenger (သို့) Phone Call (သို့) Viber တို့ကနေတစ်ဆင့် ဆက်သွယ်ပြီး မေးမြန်း စုံစမ်းနိုင်ပါတယ်။

❗❗လာရောက် ဆွေးနွေးတိုင်ပင်တဲ့ မိတ်ဆွေတို့ရဲ့ ကိုယ်ရေးကိုယ်တာ အချက်အလက် လုံခြုံရေးကို ကျွန်တော်တို့ ဆရာဝန်များ စောင့်ထိန်းရတဲ့ ကျင့်ဝတ်အတိုင်း လျှို့ဝှက်ပေးထားတာမို့ မိသားစုဝင် တစ်ယောက်လို ယုံကြည်စိတ်ချစွာ ဆွေးနွေး တိုင်ပင်နိုင်ပါတယ်❗❗

#စိတ်ရောဂါ #စိတ်စွဲရောဂါ #စိတ်ကျန်းမာရေး #စိတ်ပညာ #စိတ်စစ်ဆေးလွှာ

09/08/2023

Obsessive-Compulsive Inventory (OCI-R) OCD စစ်ဆေးလွှာ

👨‍⚕️ OCD ရောဂါကို စိတ်ဝင်စားတဲ့သူတွေအတွက် OCD ရှိမရှိ စစ်ဆေးကြည့်ချင်တဲ့ သူတွေအတွက် စစ်ဆေးလွှာလေးတစ်ခုကို ဗဟုသုတအနေနဲ့ ဖေါ်ပြပေးလိုက်ပါတယ်။

👨‍⚕️ စုစုပေါင်းမေးခွန်း (၁၈) ခု ရှိပါတယ်။ (၁၈) ခုမှာ ဖြစ်တဲ့အကြိမ်ရေ အနည်း၊ အများပေါ်မူတည်ပြီး အမှတ်တွေ ပေးထားပါတယ်။

👨‍⚕️ မေးခွန်းတစ်ခုချင်းစီကို သေသေချာချာ ဖတ်သွားရင်း ကိုယ်နဲ့ကိုက်ညီတဲ့ အမှတ်တွေပေးသွားနိုင်ပြီး နောက်ဆုံးမှာ ကိုယ်ပေးခဲ့တဲ့ အမှတ်တွေအကုန်လုံးကို ပေါင်းလိုက်ရုံဘဲ ဖြစ်တယ်။

👨‍⚕️ အဖြေကို Comment မှာ ပေးထားပါမယ်။ Page မှာ ဖေါ်ပြထားပြီးဖြစ်တဲ့ တစ်ခြားသော စိတ်ပိုင်းဆိုင်ရာ စစ်ဆေးလွှာတွေကိုလည်း Comment မှာ link ချပေးထားလို့ စိတ်ဝင်စားရင် တစ်ခါတည်း စစ်ကြည့်သွားလို့ ရပါတယ်။

၀ မှတ် - မရှိပါ
၁မှတ် - အနည်းငယ်ရှိ
၂ မှတ် - အတော်အသင့်ရှိ
၃ မှတ် - တော်တော်များများရှိ
၄ မှတ် - ဆိုးဆိုးရွားရွာရှိ

၁။ ကိုယ့်အတွက် အသုံးမဝင်တဲ့ တွေ့သမျှ ဗြုတ်စဗျင်းတောင်း ပစ္စည်းတွေကို အများကြီးစုဆောင်းနေမိတယ်

၂။ ဘာဘဲလုပ်လုပ် လိုအပ်တာထက်ပိုပြီး စစ်ဆေးနေတတ်တယ် (စစ်ဆေးလိုက်ရမှလည်း နေသာထိုင်သာ ရှိသွားတယ်)

၃။ ဘယ်ပစ္စည်း/ အရာတွေဘဲဖြစ်ဖြစ် စနစ်တကျ၊ စီစီရီရီ၊ ညီညီညာညာ၊ သပ်သပ်ယပ်ယပ် မရှိဘူးဆိုရင် စိတ်ထဲမှာ အဆင်မပြေတော့ပါ

၄။ ဘာကိစ္စကိုဘဲလုပ်လုပ် စိတ်ထဲကနေ အစဉ်အလိုက် ရေတွက်နေဖို့ အတင်းလှုံဆော်နေသလို ခံစားရတယ်

၅။ အရာဝတ္ထုတစ်ခုကို လူစိမ်း (သို့) တစ်ခြားလူတွေက ထိတွေ့ထား (သို့) ကိုင်တွယ်ထားတယ်လို့ သိ/ ယူဆလိုက်ရင် အဲဒီအရာဝတ္ထုကို ထိတွေ့ (သို့) ကိုင်တွယ်ဖို့ ခက်ခဲနေတာ တွေ့ရတယ်

၆။ ကိုယ့်ရဲ့အတွေးကို ထိန်းချုပ်ဖို့ ခက်ခဲနေတာကို တွေ့ရတယ်

၇။ ကိုယ့်အတွက် မလိုအပ်တဲ့ ပစ္စည်းတော်တော်များများကို စုဆောင်းထားမိတယ်

၈။ အိမ်တံခါး/ ပြတင်းတံခါး/ အံဆွဲ စတဲ့စတဲ့ဟာတွေကို ပိတ်မပိတ် ထပ်တလဲလဲ ပြန်ပြန်ပြီး စစ်ဆေးနေမိတယ်

၉။ ကိုယ်ကအချိန်ကုန်ခံပြီး သပ်သပ်ယပ်ယပ်၊ စနစ်တကျ၊ စီစီရီရီ၊ ညီညီညာညာ ထားထားတဲ့အရာတွေကို တစ်ခြားလူတွေက ပြောင်းလဲလိုက်ရင် စိတ်ထဲအဆင်မပြေတော့ပါ

၁၀။ တစ်ချို့ကိန်းဂဏန်းတွေကို ထူးထူးခြားခြား ထပ်တလဲလဲ ရွတ်နေ/ လုပ်နေမိတယ်

၁၁။ ကိုယ့်ကိုယ်ကိုယ် ညစ်ပတ်နေတယ်ထင်ပြီး လက်ဆေးတာ၊ ရေချိုးတာ၊ သန့်ရှင်းရေးလုပ်တာတွေကို မကြာခဏ လုပ်နေမိတယ်

၁၂။ ကိုယ်မတွေးချင်တဲ့ မနှစ်မြို့ဖွယ် အတွေးတွေ စိတ်ထဲသူ့အလိုလို အတင်းတိုးဝင် ပေါ်ပေါ်လာနေလို့ စိတ်မသက်မသာ ဖြစ်နေရတယ်

၁၃။ နောင်တစ်ချိန် အသုံးလိုတဲ့အခါ မရှိမှာစိုးလို့ ပစ္စည်းတော်တော်များများကို (မလိုအပ်တာများ) မစွန့်ပစ်ဘဲ နေမိတယ်

၁၄။ ရေပိုက်ခေါင်း၊ မီးခလုတ်၊ ဂစ်မီးဖိုခလုတ် စတာတွေကို ပိတ်ထားပြီးတာတောင် ထပ်တလဲလဲ ပြန်ပြန်ပြီး စစ်ဆေးနေမိတယ်

၁၅။ ပစ္စည်းတွေကို စိတ်ထဲကနေ သတ်မှတ်ထားတဲ့ ထူးထူးခြားခြား ပုံစံတွေနဲ့ စီစီရီရီ ထားနေတတ်တယ်

၁၆။ ကိုယ့်အတွက် ကံကောင်းစေတဲ့ (သို့) ကံဆိုးစေတဲ့ ကိန်းဂဏန်းတွေ ရှိတယ်လို့ ခံစားရတယ်

၁၇။ ကိုယ့်ရဲ့ လက်တွေကို လိုအပ်တာထက် အချိန်အကြာကြီး၊ အကြိမ်ရေအများကြီး ဆေးကြောနေမိတယ်

၁၈။ မနှစ်မြို့ဖွယ်ကောင်းတဲ့ အတွေးတွေ မကြာခဏ ပေါ်နေတတ်သလို အဲဒီအတွေးတွေကို စိတ်ထဲကနေ မောင်းထုတ်ဖို့ အလွန်တရာ ခက်ခဲနေတာကိုလည်း တွေ့ရတယ်

🩺 Dr.DeDe (Mental Health) 🩺

👨‍⚕️ Page မှာ ရေးသားဖေါ်ပြထားတဲ့ စိတ်ကျန်းမာရေးဆိုင်ရာ ဆောင်းပါးတွေ၊ Audio၊ Video တွေကို အများအကျိုးအတွက် Copy ယူမယ့် သူများအနေနဲ့ ဖြတ်ညှပ်ကပ် မလုပ်ဘဲ အပြည့်အဝ Credit ပေးပေးဖို့ တောင်းဆိုလိုပါတယ်။

👨‍⚕️ ဒေါက်တာဒီဒီနဲ့ ဆွေးနွေးလိုတယ်ဆိုရင်တော့ Page messenger (သို့) Phone Call (သို့) Viber တို့ကနေတစ်ဆင့် ဆက်သွယ်ပြီး မေးမြန်း စုံစမ်းနိုင်ပါတယ်။

❗❗လာရောက် ဆွေးနွေးတိုင်ပင်တဲ့ မိတ်ဆွေတို့ရဲ့ ကိုယ်ရေးကိုယ်တာ အချက်အလက် လုံခြုံရေးကို ကျွန်တော်တို့ ဆရာဝန်များ စောင့်ထိန်းရတဲ့ ကျင့်ဝတ်အတိုင်း လျှို့ဝှက်ပေးထားတာမို့ မိသားစုဝင်တစ်ယောက်လို ယုံကြည်စိတ်ချစွာ ဆွေးနွေး တိုင်ပင်နိုင်ပါတယ်❗❗

#စိတ်ရောဂါ #စိတ်စွဲရောဂါ #စိတ်ကျန်းမာရေး #စိတ်ပညာ #စိတ်စစ်ဆေးလွှာ

09/08/2023

09/08/2023

Patient Health Questionnaire - 9 (PHQ -9)

👨‍⚕️ စိတ်ကျရောဂါရှိမရှိ စစ်ဆေးတဲ့ အချိန်တွေမှာတင်မက စိတ်ကျလူနာတွေကို ကုသတဲ့ကာလအတွင်း ရောဂါသက်သာလာမှုရှိမရှိ ဆုံးဖြတ်နိုင်တဲ့ PHQ- 9 စွယ်စုံသုံး စိတ်ကျရောဂါ စစ်ဆေးလွှာလေးတစ်ခုကို ဖေါ်ပြပေးလိုက်ပါတယ်။

👨‍⚕️ လွန်ခဲ့တဲ့ (၂) ပါတ်ကျော် ကာလအတွင်း အောက်မှာပေးထားတဲ့ အချက် (၉) ချက်သည် ဘယ်လောက်အတိုင်းအတာအထိ ကိုယ့်အပေါ် အနှောင့်အယှက် ပေးနေသလဲဆိုတဲ့ အပေါ်မူတည်ပြီး စိတ်ကျအနည်းအများကို ဆုံးဖြတ်နိုင်ပါတယ်။

👨‍⚕️ စုစုပေါင်းမေးခွန်း (၉) ခု ရှိပါတယ်။ မေးခွန်းတစ်ခုချင်းစီကို သေချာဖတ်ပြီးရင် ကိုယ်နဲ့ကိုက်ညီတဲ့ အမှတ်တွေကို ပေးသွားရင်း နောက်ဆုံးမှာ အမှတ်တွေ အကုန်လုံးကို ပေါင်းလိုက်ရုံဘဲ ဖြစ်ပါတယ်။

❗နံပါတ် (၁) မေးခွန်း နဲ့ နံပါတ် (၂) မေးခွန်းတွေမှာ အမှတ်များနေရင်တော့ စိတ်ကျရောဂါဖြစ်နိုင်ခြေပိုများပါတယ် ❗

🟥 အဖြေကို Comment မှာ ပေးထားပါတယ်

၀ မှတ်- မရှိပါ
၁မှတ် - တစ်ပါတ် ၂-၃ ကြိမ်လောက်ရှိ
၂ မှတ် - တစ်ပါတ် ၄-၅ ကြိမ်လောက်ရှိ
၃ မှတ် - နေ့တိုင်းနီးပါးရှိ

1️⃣ ကိုယ်လုပ်နေကျ ကိစ္စတွေအပေါ် စိတ်ဝင်စားမှုမရှိတာ (သို့) မပျော်ရွှင်တော့တာ

2️⃣ အရာရာ မျှော်လင့်ချက်မဲ့နေပြီးတော့ စိတ်ဓါတ်တွေကျနေတာ

3️⃣ အိပ်ပျော်ဖို့ခက်​တာ (သို့) ပုံမှန်ထက် ပိုအိပ်နေတာ

4️⃣ အားမရှိတော့သလို ခံစားရတာ

5️⃣ အစာစားချင်စိတ် မရှိတာ (သို့) အလွန်အမင်းစားတာ

6️⃣ ကိုယ့်ကိုယ်ကိုယ် အဆိုးမြင်တာ၊ အရှုံးသမားတစ်ယောက်လို မြင်နေတာ

7️⃣ အရာရာ အာရုံစူးစိုက်ဖို့ ခက်လာခြင်း (ဥပမာ - သတင်းစာဖတ်ခြင်း၊ TV ကြည့်ခြင်း၊ ဖုန်းသုံးခြင်း)

8️⃣ တစ်ခြားသူတွေ သတိထားမိလောက်အောင် ကိုယ့်လှုပ်ရှားပုံ၊ စကားပြောဆိုပုံတွေ နှေးကွေးလာတာ (သို့) ပုံမှန်ထက် ဂဏာမငြိမ် ဖြစ်လာတာ

9️⃣ ကိုယ်ကိုယ်ကိုယ် နာကျင်စေဖို့ (သို့) Tay သွားရင် ကောင်းမည်ဟု တွေးနေတာ

👨‍⚕️ မိတ်ဆွေများအနေနဲ့ ဒီကာလကြီးမှာ ကိုယ်ကိုယ်တိုင်မှာ သော်လည်းကောင်း/ ကိုယ့် မိသားစု၊ ဆွေမျိုးသားချင်း၊ မိတ်ဆွေ၊ သူငယ်ချင်း တစ်ယောက်ယောက်မှာ သော်လည်းကောင်း စိတ်ပိုင်းဆိုင်ရာ ပြဿနာတွေ ရှိနေပြီဆိုရင် နားလည်တတ်ကျွမ်းတဲ့ သူတွေနဲ့ အချိန်မီ ဆွေးနွေးတိုင်ပင် ပြသဖို့ရာကို မရှက်ပါနဲ့၊ မကြောက်ပါနဲ့ လို့ပြောချင်ပါတယ်။

👨‍⚕️ မိတ်ဆွေများအနေနဲ့ စောစောစီးစီး ပြသနိုင်လေလေ ရောဂါသက်သာဖို့ ရာခိုင်နှုန်း များလေလေ ဖြစ်ပါတယ်။

🩺 Dr.DeDe (Mental Health) 🩺

👨‍⚕️ Page မှာ ရေးသားဖေါ်ပြထားတဲ့ စိတ်ကျန်းမာရေးဆိုင်ရာ ဆောင်းပါးတွေ၊ Audio၊ Video တွေကို အများအကျိုးအတွက် Copy ယူမယ့် သူများအနေနဲ့ ဖြတ်ညှပ်ကပ် မလုပ်ဘဲ အပြည့်အဝ Credit ပေးပေးဖို့ တောင်းဆိုလိုပါတယ်။

👨‍⚕️ ဒေါက်တာဒီဒီနဲ့ ဆွေးနွေးလိုတယ်ဆိုရင်တော့ Page messenger (သို့) Phone Call (သို့) Viber တို့ကနေတစ်ဆင့် ဆက်သွယ်ပြီး မေးမြန်း စုံစမ်းနိုင်ပါတယ်။

❗❗လာရောက် ဆွေးနွေးတိုင်ပင်တဲ့ မိတ်ဆွေတို့ရဲ့ ကိုယ်ရေးကိုယ်တာ အချက်အလက် လုံခြုံရေးကို ကျွန်တော်တို့ ဆရာဝန်များ စောင့်ထိန်းရတဲ့ ကျင့်ဝတ်အတိုင်း လျှို့ဝှက်ပေးထားတာမို့ မိသားစုဝင်တစ်ယောက်လို ယုံကြည်စိတ်ချစွာ ဆွေးနွေး တိုင်ပင်နိုင်ပါတယ်❗❗

#စိတ်ရောဂါ #စိတ်စွဲရောဂါ #စိတ်ကျန်းမာရေး #စိတ်ပညာ