10/10/2025
💞 Love Language 💞
(အကြင်နာနဲ့ နားလည်မှုမှ အနီးကပ်မှုတစ်ခုဆီသို့)
တစ်ချို့အချစ်တွေက မီးတောက်လိုပဲ…
စတင်ချိန်မှာ တောက်ပပေမဲ့ အချိန်ကြာလာတာနဲ့အမျှ တိတ်သွားတတ်တယ်။
အချစ်ဆိုတာ ချစ်ရှိန်တွေ တက်နေတယလို့ ခံစားရတဲ့ ပူပူနွေးနွေးအခြေအနေဆိုတာနဲ့ပဲ မတည်တန့်ပါဘူး…
တကယ်တမ်း…အချစ်ဆိုတာ…
“ချစ်တယ်” ဆိုတဲ့စိတ်တွေ လှုပ်ရှားနေတယ်ဆိုတာထက် ပိုအနက်ရှိပါတယ်နော်…
ပြောရရင် ချစ်ခြင်းဆိုတာ
“တစ်ဦးအပေါ်တစ်ဦး…
နားလည်ပေးတာ၊
ကြင်နာပေးတာ၊
တန်ဖိုးထားပေးတာ” ပါ။
~~~
ဒီမှာ ချစ်ခြင်းမှာ အရေးကြီးတဲ့ love language ဆိုတာလေး ပြောပြပေးပါမယ်။
Love Language ဆိုတာဘာလဲ?
Love Language ဆိုတာ…. ချစ်သူ၊ မိသားစု၊ မိတ်ဆွေ၊ သူငယ်ချင်း၊ အလုပ်ဖော်ကိုင်ဖက်တွေ ကြားမှာချစ်ခြင်းကို
“ကိုယ်ကလည်း ပြသတယ်၊
ကိုယ်ကလည်း လက်ခံတယ်”
ဆိုတာပါ။
ဒေါက််တာ ဂယ်ရီချက်မင်း (Dr. Gary Chapman) ရဲ့ The Five Love Languages မှာ ဆိုထားတာက
“The way we express love may not be the way others receive love.”
အဓိပ္ပါယ်က
“ကိုယ်တွေက ဖော်ပြတယ်၊ ပြသတယ် ဆိုတဲ့ ချစ်ခြင်းပုံစံက ကိုယ်ချစ်တဲ့သူ အချစ်ခံရတယ် ဆိုတဲ့ခံစားချက်ကို ပေးနိုင်တဲ့ ချစ်ခြင်းပုံစံနဲ့ ကွဲပြားကောင်း ကွဲပြားနိုင်ပါတယ်။” လို့ ပြောထားတာပါ။
ပြောရရင် ကိုယ်က ချစ်ခြင်းကို ပြသတယ်၊ ချစ်တယ်ဆိုတာ ကိုယ့်နည်းကိုယ့်ဟန်နဲ့ ပြသနေပေမဲ့ သူ့အတွက် သူ့ ချစ်ခြင်းရတဲ့ love language နဲ့ မပြသနေရင် သူ့အတွက် “ကိုယ်ကသူ့ကို ချစ်တယ်” ဆိုတာလည်း ခံစားမိနေမှာ မဟုတ်ပါဘူး။
~~~
Love Language ၅ ခုရှိတယ် ဆိုတော့ တစ်ခုချင်းပြောပြပေးမယ်နော်…
💗 1️⃣ Words of Affirmation
တစ်ခါတစ်လေ ကိုယ်က အကြီးကြီးတွေ ပြောနေတာတော့ မဟုတ်ဘူး၊ ဒါပေမဲ့လည်း “မင်းကလေ အရမ်းတော်တယ်” ဆိုတဲ့ စကားလုံးတစ်ခုက တစ်ဖက်သားအတွက် အရမ်းအားဖြစ်စေတယ်။ တန်ဖိုးလည်း အများကြီးရှိတတ်တယ်။ ပီတိအများကြီးလည်း ပေးတတ်ပါတယ်။
အဲ့ဒီစကားလေးတစ်ခွန်းလေးကြောင့် အောက်ခြေထိကျနေတဲ့ စိတ်ပင်ပန်းတာတွေရှိရင်တောင် စိတ်ကလေးပြန်ပေါ့ပါးလာပြီး အေးချမ်းသွားစေနိုင်တယ်။
ဥပမာ…
💞 တကယ်လို့ ကိုယ့်အမေက ကိုယ့်သားသမီးကို “သမီးက စဥ်းစားပေးတတ်တယ်နော်၊ သားက စဥ်းစားပေးတတ်တယ်နော်” လို့ပြောရင် သားသမီးရင်ထဲလည်း နွေးထွေးရပါတယ်။
💞 အလုပ်မှာလည်း ကိုယ့်ရဲ့ စီနီယာက “မင်းရဲ့ကြိုးစားမှုကို ငါတန်ဖိုးထားတယ်” လို့ ပြောရင် ကိုယ် ဘယ်လောက်တောင် တက်ကြွသွားမလဲ။
💞 ကိုယ့်ရဲ့ သူငယ်ချင်း ကိုယ့်ကို “မင်းက ငါ့ဘဝမှာ အရေးကြီးတဲ့သူတစ်ယောက်၊ အချိန်တိုင်း ငါ့ဘေးမှာ ရှိနေတာ ငျေးဇူးတင်တယ်” ပြောရင် ကိုယ်ဘယ်လိုခံစားရမလဲဟင်။
🗝️ Tip အနေနဲ့ ပေးရရင်… တစ်ဖက်ရဲ့ complaints ဆိုတာတွေနားထောင်ပါ။ သူက သူလိုချင်တာကို တစ်နည်းမဟုတ် တစ်နည်းနဲ့ ပြသပေးနေနိုင်ပါတယ်။ ကိုယ်က မမြင်တာမျိုး ဖြစ်နိုင်ပါတယ်။ ဒါကြောင့် သေချာ သတိလေးထားပြီး ကြည့်ပေးပါနော်။ သူ့ love language လေးကို။
Words of Affirmation ဆ်ုရင်လည်း…ကိုယ်ဘယ်တော့မှ မပြောဘူးဘူးဆိုရင်… သူ့ Love Language က…Words of Affirmation ဟုတ်လား၊ မဟုတ်ဘူး ဘယ်လို သိမလဲနော်။ ဒါကြောင့် ကိုယ်က စပြီး love language ရဲ့ Words of Affirmation လေး ကို ကိုယ်ချသ်ရတဲ့ သူအတွက်လုပ်ပေးကြည့်ပါနော်။ သူ ဘယ်လိုတုန့်ပြန်လဲ ဆိုတာလည်း သေချာလေး ဂရုစိုက်ပြီး စူးစမ်းပေးပါနော်။
~~~
💞 2️⃣ Quality Time
Quality time ပေးတယ်ဆိုတာမှာ အချိန်ကို ဒီတိုင်း ပေးလိုက်တာမျိုး မဟုတ်ဘဲ… “အတူရှိတာ” ရုံတင်မဟုတ်ဘဲ “သူ့ဆီမှာပဲ ကိုယ့် အာရုံတွေကို အလံုးစံု အပ်နှင်းထားလိုက်တာပါ…”
💞 မိသားစု မှာဆိုရင် ကိုယ့်လက်က ဖုန်းကိုချပြီး သူ့အတွက် စာအုပ်တစ်အုပ်ဖတ်တာမျိုး။
💞 မိတ်ဆွေအတွက်ဆိုလည်း သူစိတ်မချမ်းသာတဲ့အခါ သူပြောချင်တာကို တိတ်တိတ်လေးနဲ့ နားထောင်ပေးတာမျိုး။
💞 အလုပ်မှာဆိုလည်း အလုပ်အကြောင်းပဲ ပြောနေတာမျိုး မဟုတ်ဘဲ တစ်ယောက်နဲ့ တစ်ယောက် နားလည်ဖို့အချိန်ပေးတာမျိုး။
ဒီမှာ…အချို့အတွက် အချစ်ဆိုတာ “အတူရှိခြင်း” ဆိုတာလေးကို မှတ်မိသွားစေချင်ပါတယ်နော်။
~~~
💓 3️⃣ Physical Touch
တစ်ခါတစ်လေ စကားက မလုံလောက်တတ်ပါဘူး…
💗 မိသားစုတွေမှာဆိုရင် ညအိပ်ခင် အချိန်လေးမှာ အချင်းချင်းပွေ့ဖက်ပေးလို့ ရပါတယ်။
💗 ကိုယ့်ချစ်သူလေးငိုနေရင်လည်း လက်ကလေးကို ကိုင်တာဖြစ်ဖြစ်၊ ပခုံးလေးကို ဖတ်တာဖြစ်ဖြစ် လုပ်ပြီး ဘေးနားမှာ ကြည့်ပါနော်။
💗 အလုပ်မှာဆိုလည်း ကိစ္စကြီးတစ်ခုခုပြီးသွားရင် အချင်းချင်း “Good job!” ဆိုပြီး လက်ဖဝါးချင်း ရိုက်လို့ ရပါတယ်။
တစ်ခါတစ်လေ စကားလံုးတွေထက် အတွေ့အထိလေးကလည်း ပိုပြီးနွေးထွေးစေတတ်ပါတယ်နော်။ ဒါလေးလည်း ဆန်းစစ်ကြည့်ပါနော်။
~~~
💗 4️⃣ Acts of Service –
ချစ်ခြင်းဟာ တစ်ခါတစ်ရံလည်း “ငါပြောမယ်” မဟုတ်ဘဲ “ငါလုပ်ပေးမယ်” ဆိုတာနဲ့ပဲ အဓိပ္ပါယ်ရှိတတ်တယ်…
💞 အမေက ဘာမှမခိုင်းခင်မှာပဲ အမေ့အစား အိမ်သန့်ရှင်းပေးတာမျိုး။
💞 အလုပ်မှာ လုပ်ဖော်ကိုင်ဖက်အတွက် အတွက် ဖိအားတစ်ခုဖြစ်စေတာမျိုးကို လျှော့ပေးတာ။
ကိုယ်က အလိုက်တသိလေးနဲ့ လုပ်ပေးလိုက်တာက “ဪ၊ သူ့ ငါ့ကို စဥ်းစားပေးရှာသားပဲ” ဆိုတာ မြင်သွားစေတယ်။
~~~
💝 5️⃣ Gifts
လက်ဆောင်ဆိုရာမှာ…တန်ဖိုးများတာ၊ တန်ဖိုးနည်းတာ မဟုတ်ဘဲ… “သူ့ကို စဉ်းစားပေးတယ်” ဆိုတဲ့ သက်သေအနေနဲ့ ပေးတာပါ။ သူ့ကို ကိုယ့်စိတ်ထဲက နစ်နစ်ကာကာ ချစ်မြတ်နိုးတာကို ပြသတာပါ။
💝 ကိုယ့် မိသားစုတွင်းမှာဆိုရင် အဖေက သမီးအတွက် handmade lunch box လေးတစ်ခု။
💝 ကိုယ့်မိတ်ဆွေ…သူစိတ်ညစ်နေတဲ့ အခါ သည့်အတွက် ကော်ဖီလေးတစ်ခွက် ဝယ်ပေးပြီး တကူးတကလာပို့ပေးတာ။
လက်ဆောင်တစ်ခုဆိုတာက “ကိုယ်ပြောချင်တာတွေ” ကို စကားမပြောပဲ ပစ္စည်းေလးကလည်း မျှဝေေပး၊ ပြသပေးတာပါနော်။
~~~
🌸 Real Love
ကိုယ်တွေအများစုက “အချစ်ဆိုတာ တစ်သက်လုံး ပျော်ရွှင်ဖို့ဖြစ်တယ်” လို့ထင်တတ်ကြတယ်။
တကယ်တမ်း…Real love ဆိုတာ တည်ဆောက်ရတယ်၊ အချိန်ယူပေးပေးရတယ်။ ပျော်ရွှင်စရာတွေရော၊ ဝမ်းနည်းစရာတွေရော ပြည့်နှက်နေပါသေးတယ်။
💖 Real love ဆိုတာ
🌷 နားလည်ဖို့ ကြိုးစားပေးတယ်။
🌷 အပြစ်မရှာပဲ ကြင်နာပေးတယ်။
🌷 ရယူဖို့ထက် လိုအပ်နေတာကို ဖြည့်စည်းပေးတယ်။
ဒါကြောင့် ချစ်ခြင်းမေတ္တ္ာတရားဆိုတာ တဒင်္ဂခုန်သွားတဲ့ နှလုံးစီးချက်ဆိုတာထက် ပိုပါတယ်။
တစ်ယောက်နဲ့ တစ်ယောက်ကြားမှာ နားလည်မှု၊ ကြင်နာမှု၊ ပေးဆပ်မှုဆိုတာတွေနဲ့ တည်ဆောက်ထားတာပါ။
အဲ့လိုမျိုးတည်ဆောက်ဖို့လည်း ကိုယ့်အချင်းချင်းကြားမှာ သူ့ love language က ဘာလဲ ကိုယ်က သိအောင်လုပ်ထားပြီး သူ့ကို ချစ်ခြင်းပြတာ၊ ကိုယ် လိုချင်တဲ့ love language က ဘာလဲဆိုတာ ပွင့်ပွင့်လင်းလင်းပြောပြပေးထားတာ လိုအပ်ပါတယ်နော်။
~~~
အများကြီးလည်း ဖတ်ပြီးသွားပြီဆိုေတာ့ နောက်ဆုံးလေးမှာ သီချင်းလေးတစ်ပုဒ်ထဲက စာသားလေး သတိရစေချင်ပါတယ်။
🎵 သီချင်းလေးက Love Language လို့ ခေါ်ပါတယ်၊ Crooked Colours ဆိုတဲ့ music band က ဆိုထားတာပါ🎶
“So speak your love language to me,
I understand just what you need…”
ဆိုတဲ့အတိုင်း ကိုယ့် love language ကလေးကို ပြောပြကြရအောင်နော်။
ဘယ်လိုပြောပြမလဲဆိုရင်…
comment လေးမှာပြောပြပေးသွားပါနော်။
ကိုယ် love language ကို ပြသစေချင်တဲ့သူ ရှိရင်ရင် comment မှာ mention သွားလို့လည်း ရပါတယ်။
ဒါမှမဟုတ်လည်း သူ့ကို ဒီ post လေး share ပြီး ကိုယ့် love language ကတော့ “ဒါပါနော်”လို့ သွားပြောလို့ ရပါတယ်။
ပြောပြီးရင် သူ့ အချစ်လက်ခံချင်တဲ့ သူ့ love language ကိုလည်း မေးပေးပါနော်။
“ ချစ်ခြင်း မေတ္တာတွေကို အသွားအပြန်ရှိပါစေနော်။”
~~~
❣️love language နဲ့ ပတ်သတ်တာ၊ Relationship, Attachment နဲ့ ဆိုင်တာ ေတွကို သိချင်သေးရင် Happy & Co Pageလေးကို like & follow လုပ်ထားနိုင်ပါတယ်နော်။
❣️ပြီးတော့ ကိုယ်တိုင်ကိုယ်ကျ ကိုယ့် love language ရှာတာ၊ ကိုယ့် ဆက်ဆံရေးကို အဆင်ပြေလာအောင်၊ ကောင်းမွန်လာအောင်၊ ပိုအဆင်ပြေလာအောင်၊ ပိုကောင်းမွန်လာအောင် လုပ်လို့ရနိုင်မယ့် အခွင့်အရေးလည်း ရှိမှာမို့ Happy and Co. Page ကို ဆက်ပြီး စောင့်မျှော်ပေးကြပါနော်။
❣️ ကိုယ့်မှာ Telelgram account လေးရှိရင်…Telegram channel လေးလည်း ရှိတယ်နော်။
Happy & Co. Telegram channel https://t.me/happyandco
❣️ဆွေးနွေးချင်တာလေးရှိသေးရင်လည်း comment မှာရေးသွားလို့ ရတယ်နော်။
References
Gordon, S. (2024, February 5). The 5 love languages: How to receive and express love. Verywell Mind. https://www.verywellmind.com/can-the-five-love-languages-help-your-relationship-4783538
Chapman, G. (1992). The Five Love Languages. Chicago: Northfield Publishing.
https://youtu.be/W92z8e1GdKI?si=BTA6MN_nw3J_TsXZ
The new album "Tomorrows", is out now - https://crookedcolours.lnk.to/TomorrowsIDDownload/Stream "Love Language" : https://CrookedColours.lnk.to/LoveLanguage...
