07/10/2025
ကိုယ်လက်အဆစ်အမြစ်တွေကိုက်ခဲနေတယ်ဆို …
=====
🧑⚕️ ခန္ဓာကိုယ်ထဲမှာရှိတဲ့ အရိုးတစ်ခုနဲ့တစ်ခုကို အဆစ်တွေက တွယ်ဆက်ပေးထားတာဖြစ်ပြီး ထိုအဆစ်တွေဟာ နေ့စဉ်လှုပ်ရှားသွားလာဖို့အတွက် ကူညီပေးပါတယ်။ ဒါပေမယ့် ရောဂါတစ်ခုခုကြောင့်၊ ဒါမှမဟုတ်ဒဏ်ရာတစ်ခုခုကြောင့် အဆစ်တွေ ပျက်စီးသွားတဲ့အခါ လှုပ်ရှားသွားလာဖို့အခက်တွေ့ကြုံရပြီး နာကျင်တဲ့ဝေဒနာကိုပါ ခံစားရပါတယ်။
ကိုယ်လက်အဆစ်အမြစ်ကိုက်ရတဲ့အကြောင်းတချို့ ကို ဖော်ပြပေးသွားမှာဖြစ်ပါတယ်။
🧑⚕️ အသက်ကြီးလာသည်နှင့်အမျှ အဆစ်အမြစ်နာကျင်ခြင်းသည် အဖြစ်များလာတတ်ကြပါတယ်။ နိုင်ငံတနိုင်ငံ၏ စစ်တမ်းတခုတွင် အရွယ်ရောက်ပြီးသူ၏ ၃ပုံ၁ပုံခန့်သည် ပြီးခဲ့သည့်ရက် ၃၀ အတွင်း အဆစ်အမြစ်နာကျင်ခြင်းကို ခံစားခဲ့ကြရတယ်ဟု ဖော်ပြထားပါတယ်။
ဒူးနာခြင်းသည် အဖြစ်အများဆုံးဖြစ်ပြီး ပခုံးနှင့်တင်ပါးနာကျင်ခြင်းသည် ဒုတိယအဖြစ်အများဆုံးဖြစ်တယ်။ ဒါပေမယ့် အဆစ်အမြစ်တွေနာကျင်ကိုက်ခဲမှုဟာ ခြေကျင်းဝတ်နှင့်ခြေဖဝါးမှသည် ပခုံးနှင့်လက်ဖဝါးတွေအထိ၊ သင့်ခန္ဓာကိုယ်ရဲ့ ဘယ်အစိတ်အပိုင်းကိုမဆို သက်ရောက်နိုင်ပါတယ်။
🧑⚕️ အဆစ်အမြစ်နာကျင်ကိုက်ခဲခြင်းကို ဖြစ်စေသည့်အကြောင်းအရာများကတော့
🦴 အရိုးအဆစ်ရောင်ခြင်း (Osteoarthritis)
🦴 လေးဖက်နာအဆစ်ရောင်ရောဂါ (Rheumatoid arthritis)
🦴 အဆစ်များကြားရှိအရည်အိတ်ရောင်ခြင်း (Bursitis)
🦴 ဂေါက်ရောဂါ (Gout)
🦴 ထိခိုက်ဒဏ်ရာ စသည်တို့ပဲဖြစ်ပါတယ်။
🧑⚕️ အဆစ်အမြစ်နာကျင်ကိုက်ခဲခြင်းဝေဒနာဟာ ဘယ်သူတွေမှာ ဖြစ်နိုင်ချေများသလဲဆိုတော့ …
📈 မိသားစုမျိုးရိုးတွင် အဆစ်အမြစ်နာကျင်ကိုက်ခဲခြင်းရောဂါအခံရှိသူများ
📈 အသက်အရွယ်ကြီးရင့်လာသူများ
📈 ဂေါက်ရောဂါ (Gout) ရှိသူအများစုမှာ အမျိုးသားများဖြစ်ကြပြီး အမျိုးသမီးများသည် အမျိုးသားများထက် လေးဖက်နာအဆစ်ရောင်ရောဂါ (Rheumatoid arthritis) ဖြစ်နိုင်ချေပိုများပါတယ်။
📈 ယခင်က အဆစ်အမြစ်ဒဏ်ရာရရှိခဲ့ဖူးခြင်း
📈 အဝလွန်ခြင်း စသည့်သူတွေမှာ ဖြစ်နိုင်ချေပိုများပါတယ်။
🧑⚕️ ဒါကြောင့် မိမိဟာ အဆစ်အမြစ်နာကျင်ကိုက်ခဲခြင်းဝေဒနာ ဖြစ်နိုင်ချေများသောအုပ်စုထဲတွင်ပါဝင်ပြီး အဆစ်အမြစ်တွေလည်းကိုက်ခဲနေတယ်ဆိုရင်တော့ ဆရာဝန်ဖြင့် ဆွေးနွေးတိုင်ပင်ပြီး အောက်ပါ ကျန်းမာရေးစစ်ဆေးမှုများကို ပြုလုပ်သင့်ပါတယ်။
✔️ ဓာတ်ခွဲခန်းတွင်သွေးစစ်တဲ့အခါ ဘာတွေထည့်စစ်သင့်သလဲဆိုတော့
🧪 CP (Auto) with film report
🧪 ESR
🧪 A*O (Quanti)
🧪 RA (Quanti)
🧪 Anti CCP
🧪 Uric acid
🧪 Vitamin D
🧪 Electrolytes (Na+,K+,Cl-,HCO3-)
👉 ၃လအတွင်းဆီးချိုသွေးချိုထိန်းသိမ်းမှုကို စစ်ဆေးရန်အတွက် 🧪 HbA1c စသည်တို့ကို ယေဘုယျအားဖြင့် စမ်းသပ်စစ်ဆေးသင့်ပါတယ်။
