Yaung Ni Laboratory - ရောင်နီ ရောဂါရှာဖွေရေးဓါတ်ခွဲခန်း

16/09/2025

သေွးဖောက်ကျွမ်းကျင် အမျိုးသမီးဝန်ထမ်း တစ်ဦး

လစ်လပ်နေပါသဖြင့်

09428122824 viber or phone

ဖြင့် ဆက်သွယ် နိုင်ပါသည်

လစာ ညိှနှိုင်းပါ

13/09/2025

#သွေးအဖြေလေးဖတ်ပေးပါဦးဆရာ

#ဘာအားဆေးသောက်ရမလဲ ဆရာ ဆိုတဲ့မေးခွန်း နောက်မှာ
#သွေးအဖြေလေးကြည့်ပေးပါဦး ဆိုတဲ့ Request က ဒုတိယလိုက်ပါတယ် 😅
😁 သွေးအဖြေဖတ်နည်းက လွယ်လွယ်လေး 😁
ကိုယ့်အဖြေရဲ့ဘေးမှာ Reference Range ပါတယ်
- အဲ့ Range ထဲဝင်ရင် Normal
- အဲ့ထက်နည်းရင် နည်းတယ်
- အဲ့ထက်များရင် များတယ်
#ဒါပဲ။ ဘာမှ မခက်ဘူး။
___________
အဲ့တော့ အင်္ဂလိပ်စာတတ်တဲ့လူတိုင်း Reference Range ကြည့်ပြီး ကောင်းတယ် မကောင်းဘူးပြောလို့ရပါတယ်။
#ဘာကခက်တာလဲ ⁉️
ကျွန်တော်တို့က #လူနာကို_ကုသတာ ဖြစ်ပါတယ်၊ ***သွေးအဖြေတွေကောင်းအောင်_လုပ်နေတာမဟုတ်ပါဘူး
​ အဲ့တော့
သွေးအဖြေဆိုတာတွေကို အထောက်အကူအနေပဲနဲ့သုံးပြီး #လူနာရဲ့_အခြေအနေ ကို မူတည်ပြီး ကုသရတာပါ။
ဆိုလိုတာက
လူနာအခြေအနေကို သိမထားတဲ့ ဆရာဝန်တစ်ယောက် က သွေးအဖြေ ကြည့်တာဟာ အင်္ဂလိပ်စာတတ်တဲ့လူ ဖတ်ပြတာနဲ့ အတူတူပါပဲ။
အဲ့ဒါကြောင့် ဆရာဝန်အများစုက စစ်ခိုင်းထားတဲ့ ဆရာဝန်ကိုပဲမေးပါလို့ ပြောကြတာပါ
(လျှိုတာ ၊ စိတ်ပုတ်တာမဟုတ်ပါဘူး 😅)
စိတ်ပုတ်တာမဟုတ်ကြောင်းရှင်းပြရင်း
ကိုဗစ်ဖြစ်တုန်း အစစ်များတဲ့
CP (Complete Picture) ကြည့်ပုံလေး ပြောပြပါမယ်။
CP မှာအဓိကကြည့်တာ
- WBC 👉 White blood Cell သွေးဖြူဥ
- Hb 👉 Haemoglobin
- Platelet 👉 သွေးဥမွှားပေါ့
သွေးရောဂါတွေကတော့ရှုပ်လို့ မပြောတော့ပါဘူး။
1. RBC (Haemoglobin) သွေးနီဥက ခန္ဓာကိုယ်က cells တွေကို Oxygen နဲ့ အာဟာရပို့မယ်၊ Cells တွေဆီက Carbon dioxide နဲ့ အညစ်အကြေးတွေပြန်သယ်လာမယ်။
RBC (Haemoglobin) သွေးနီဥနည်းရင် သွေးအားနည်းရောဂါ Anaemia လို့ခေါ်ပြီး။
သွေးနီဥ အရွယ်အစား MCV ဆိုတာကိုကြည့်ပြီး
- microcytic anaemia
- normocytic anaemia
- macrocytic anaemia ဆိုပြီးရှိပါသေးတယ်

Micocytic Anaemia ကို Iron Deficiency Anaemia (သံဓာတ်ချို့တဲ့သွေးအားနည်းရောဂါ) နဲ့ Haemolytic Anaemia တွေထဲက Thalassaemia ဆိုပြီးရှိပါတယ်။

RBC (Haemoglobin) သွေးနီဥများရင် သွေးပျစ်တဲ့ရောဂါ Polycythemia လို့ခေါ်ပါတယ်

Polycythemia မှာ Absolute Polycythemia နဲ့ Relative Polycythemia ဆိုပြီးခွဲပါသေးတယ်။

Absolute Polycythemia ကိုမှ Polycythemia Rubra Vera ဆိုတာနဲ့ Haemopoietin ထုတ်များလို့ Polycythemia ရနေတာနဲ့ ခွဲရပါသေးတယ်

2. Platelet က ဒဏ်ရာရလို့ သွေးကြောပေါက်သွားရင် အဲ့နေရာကို သွားဖာပေးတယ်။

Platelet နည်းတာကို Thrombocytopenia လို့ခေါ်ပြီး Platelet နည်းစေတဲ့အကြောင်းရင်းအများကြီးထဲက ITP - Immune Thrombocytopenic Purpura ဆိုတဲ့ရောဂါက နာမည်ကြီးပါတယ်။

Platelet များတာကို Thrombocytosis လို့ခေါ်ပါတယ်။
တစ်နေရာရာမှာ သွေးထွက်နေရင် Platelet များတတ်သလို၊ သွေးထွက်တာများလွန်းလည်း Platelet နည်းနေတတ်ပါတယ်။

Essential Thrombocytosis ဆိုတဲ့ သွေးခဲအရမ်းလွယ်တဲ့ရောဂါကလည်းရှိပါသေးတယ်။

3. သွေးဖြူဥတွေကတော့ ကိုယ်ခံအားစနစ် နဲ့ အလုပ်တွဲလုပ်ပါတယ်။
ဆိုတော့ကာ
သွေးဖြူဥများရင် Bacteria ပိုးဝင်တာဖြစ်နိုင်ပါတယ်။
WBC သွေးဖြူဥကိုထပ်ခွဲတော့
- Neutrophil
- Eosinophil
- Basophil
- Monocyte
- Lymphocyte ဆိုပြီး (၅) မျိုးရှိပြီး။

Neutrophil များရင် Bacteria ပိုးဝင်တာဖြစ်ပြီး
Lymphocyte များရင်Virus ပိုးဝင်တာဖြစ်ပါတယ် ဒါပေမယ့် ကိုဗစ်ဟာ Virus ဖြစ်ပြီး Lymphocyte နည်းပါတယ်။ (တရားသေမှတ်လို့မရပါဘူး)
သန်ကောင်တွေရှိနေရင်၊ Allergy ရှိရင် Eosinophil များတတ်ပါတယ်။

အဲ့ဒါတွေအပြင်ကြည့်ရတာက RCDW တို့ Hct တို့လည်းကြည့်ရပါသေးတယ်။
Absolute count နဲ့ Percentage တွေကြည့်ပြီးလည်း ချိန်ထိုးရပါသေးတယ်။

ပြောရရင် ဒါက အမြည်းပဲရှိပါသေးတယ် အများကြီး အများကြီး ရှိသေးတဲ့အတွက်
- လူနာက ဘာလို့စစ်တာလဲ
- လူနာရဲ့အခြေအနေ က ဘယ်လိုရှိလဲ
- အသက်အရွယ်၊ ယောက်ျား/မိန်းမ
- ဘာလက္ခဏာတွေရှိလဲ
- Vital signs တွေဘယ်လိုနေလဲ
- ရောဂါအခံဘာတွေရှိလဲ
- ဘာဆေးတွေသောက်နေရတာလဲ
ဆိုတာတွေသိမှ အခြေအနေ ပြောပေးလို့ရပါတယ်။

အဲ့ဒါကြောင့် သွေးအဖြေတွေဟာ ကြည့်ပေးနေတဲ့ဆရာဝန်က သူ့ Idea နဲ့သူ စစ်တာဖြစ်လို့ တခြားဆရာတစ်ယောက်ပြောပြတာဟာ #မပြည့်စုံတတ်ပါဘူး။
__________
ကိုယ်တွေ့ တစ်ခုပြောပြပါမယ်
ကျွန်တော်ဆရာဝန်ဖြစ်စကပေါ့ စာလေးတစ်လုံး နှစ်လုံးတတ်ပြီး ကိုယ်ဟာကိုယ် ဆရာကြီးထင်နေတဲ့အချိန်ပေါ့လေ
လူနာတစ်ယောက်က ချောင်းဆိုးတာရက်ကြာနေတယ် ကျွန်တော်ဆေးတွေပေးတာမသက်သာတာနဲ့ ဆရာကြီးတစ်ယောက်ဆီလွှဲလိုက်တယ်လေ
အဲ့ဒီဆရာကြီးက လူနာကြည့် ဓာတ်မှန်ရိုက်ပြီိး သွေးစစ်တဲ့အထဲမှာ အသည်းကိုပါထည့်စစ်လိုက်ပါတယ်။
အဲ့တော့ ကျွန်တော်က အတင်းတုတ်တော့တာပေါ့ လူနာကို အကုန်လျှောက်စစ်တာပဲ၊ ဘာညာပေါ့။
နောက်အခန့်သင့်လို့ အဲ့ဆရာကြီးနဲ့ စကားပြောဖြစ်တဲ့အခါ ကျွန်တော်ရဲ့လူနာဟာ
- ချောင်းဆိုးတာရက်ကြာတယ်
- ဓာတ်မှန်သိပ်မကောင်းတဲ့အတွက်
TB ရောဂါဖြစ်နိုင်တယ်၊ TB ဆေးက အသည်းထိတတ်တဲ့အတွက် အသည်းကောင်းမှ ဆေးစလို့ရတယ်၊
TB သေချာတာနဲ့ ဆေးတန်းပေးလို့ရအောင် အသည်းထည့်စစ်ကြောင်း ပြန်သင်ပေးပါတယ်။
ဆိုလိုတာက ဆရာကြီးတွေ မိနစ်ဝက်လောက်လူနာ ကြည့်လိုက်တာမှာ အများကြီးတွေးပေးလိုက်ပါတယ် ဆိုတာလေးပြောပြချင်တာပါ။
အဲ့ဒီ ဆရာကြီးကို ကြွေသွားပြီး Internal Medicine (ဆေးပညာ) ကိုစိတ်ဝင်စားပြီး စာတွေဖတ်ဖြစ်ခဲ့တာပါ။
သိလိုက်ရတာက သွေးအဖြေတွေဆိုတာ လျှောက်မစစ်ရဘူး၊ လူနာအခြေအနေပေါ်မူတည်ပြီး ကိုယ်ယူဆတဲ့ရောဂါကို အထောက်အပံ့ဖြစ်စေတာပဲ စစ်ရတယ် ဆိုတဲ့အတွေးကို ရရှိစေခဲ့ပါတယ်။
(Photo credit; Wikipedia . com)
ကျန်းမာရေးဗဟုသုတ တိုးပြီး
သက်ရှည်ကျန်းမာ စိတ်ချမ်းသာကြပါစေ
Dr. ဘုန်းစည်သူလွင်

(ကျန်းမာရေးဆောင်းပါးများ နေ့စဉ်တင်ပေးနေသောကြောင့် #ကျွန်တော့_Pageကို_Like လုပ်ထားခြင်းဖြင့် ကျန်းမာရေးဗဟုသုတတိုးပွားလာပါ လိမ့်မယ် 💕💕💕 )

10/09/2025

#နေပူထဲသွားရင်_မျက်နာမှာအနီကွက်ကြီးထွက်လာတယ်
#အဆစ်လေးတွေ_ရောင်တယ်_ကိုက်တယ်
ေမကောင်းဖြစ်တယ်

( )
#အရေပြားလေးဖက်နာရောဂါ

ဖြစ်တာသိပ်မရှားပေမယ့် ၊ Covid ဖြစ်ပြီးနောက်ပိုင်းမှ လူတော်တော်များများ ကြားမိ၊ သတိထားမိလာကြတဲ့ရောဂါပါ။
ရောဂါ လက္ခဏာတွေကများသလို၊ Presentations တွေက စုံတဲ့အတွက် #ဗဟုသုတရစေရန်နှင့်၊ ရောဂါရှိတဲ့ သူများ #ဘာလို့ဖြစ်ရတာလဲ ဆိုတာ သိရှိစေရန် ရည်ရွယ်ပါတယ်။

Auto-Immune disease အမျိုးအစားထဲပါတဲ့ခန္ဓာကိုယ်ရဲ့ ကာကွယ်ရေးစနစ်ကမောက်ကမ ဖြစ်တဲ့ရောဂါပါ။

ထပ်ရှင်းရရင် ကျွန်တော်တို့ခန္ဓာကိုယ်က
Self - မိမိကိုယ်တိုင်လား ?
non-self ပြင်ပက ပစ္စည်းလား ? ဆိုတာကို ခွဲခြားသိ ပါတယ် ၊
ပြင်ပ ပစ္စည်း (ဥပမာ - ရောဂါပိုးတွေခန္ဓာကိုယ်ထဲရောက်လာရင် သတ်ပစ်တာပေါ့)
Auto Immune ရောဂါဆိုတာ အဗပါ်ကပြောတဲ့ self လား non self လား မခွဲနိုင်တော့တာပါ။ အဲ့လိုနဲ့ ကိုယ်ခံအားက ပိုး တွေဝင်လာမှ တိုက်ဖို့လုပ်တာမဟုတ်တော့ပဲ၊ မိမိ ခန္ဓာကိုယ်ရဲ့ Cells တွေကို
ပြန်တိုက်ခိုက်ဖျက်ဆီးတော့တာပါ။
__________
အဲ့ဒီရောဂါမှာရှိတဲ့ ဓာတ်ပစ္စည်းတွေထဲက ရောဂါလက္ခဏာ တော်တော်များများကို ရှင်းပြလို့ရတဲ့ Antibody တစ်မျိုးကို ရှင်းပြချင်ပါတယ်။

SLE (antiphospholipid syndrome)

သူက phospholipid ဆိုတဲ့ အဆီလွှာကို တိုက်ပါတယ်။
ပြဿနာက ကျွန်တော်တို့ရဲ့ ခန္ဓာကိုယ်က Cells တိုင်းကို ဖုံးအုပ်ထားတဲ့ အလွှာက phospholipid bilayer ပါ။
အဲ့တော့ phospholipid ကို တိုက်တဲ့ Antibody (ဓာတ်ပစ္စည်း) ထွက်တဲ့အတွက်
SLE အရမ်းဆိုးရင် မထိခိုက်တဲ့နေရာမရှိပါဘူး။

👉👉👉
cells တိုင်းကိုတိုက်တော့ နေရာတိုင်း ထိပေမယ့် cell တစ်လုံးစီရှိတဲ့နေရာလေးတွေက လက္ခဏာပိုသိသိသာသာပြပါတယ်
- Photosensitive ဖြစ်တယ်လို့ ခေါ်ပါတယ် နေရောင်နဲ့ထိရင် ရောဂါကြွပါတယ်
- အရေပြား ကသွေးကြော လေးတွေရောင်တော့ #အနီကွက်တွေ ထွက်ပါတယ် (မျက်နှာမှာ , ကိုယ်လုံးမှာ )
- အရေပြား Cells တွေမှာ အမွေးလည်းပါတော့ အမွေးကျွတ်ပါတယ် ဆံပင်ကျွတ်ပါတယ် (Hair loss)
- Mucosa လို့ခေါ်တဲ့ အလွှာတွေကို တိုက်တော့ ပါးစပ်နဲ့ နှာခေါင်းမှာ အနာလေးတွေပေါက်ပါတယ် (Oral and nasal ulceration)
- သွေးကြောလေးတွေရောင်စေတော့ သွေးကြောသေးသေးလေးတွေ အများကြီးစုထားတဲ့ အင်္ဂါ ကျောက်ကပ်ရောင်ပါတယ် (SLE nephritis)
- သွေး cells တွေကိုတိုက်တဲ့ အတွက် သွေးနီဥတွေပေါက်ကုန်ပါတယ်=> သွေးအားနည်းရောဂါရပါတယ် (Haemolytic anaemia) ၊သွေးဖြူဥတွေသေကုန်တဲ့အတွက် (ကူးစက်ရောဂါခဏ ခဏ ဖြစ်ပါတယ်)
- အဆစ်တွေကိုလည်းတိုက်တဲ့ အတွက် အဆစ်ရောင်ပါတယ်
- Serosa ဆိုတဲ့ အရေပြားလို ကိုယ်ခန္ဓာအတွင်းပိုင်းကို အုပ်ထားတဲ့ အလွှာကိုလည်း တိုက်တဲ့အတွက် (Serositis => Pleuritis အဆုတ်အမြှေးပါးရောင်ရင် #ရင်ပတ်အောင့်ပါတယ်၊ Pericarditis နှလုံးအမြှေးပါးရောင်ရင် #ရင်ပတ်အောင့်ပါတယ်၊ peritonitis => ဝမ်းခေါင်းအမြှေးပါးရောင်ရင် #ဗိုက်အောင့်ပါတယ်၊

👉👉👉
SLE လူနာတွေမှာက Antibody က ရှိပြီးသားပေမယ့် အရမ်းအင်အားမကောင်းသေးတဲ့ အချိန် လက္ခဏာမပြသေးပါဘူး။ ဒါပေမယ့် ကိုယ်ခံအားကို လှုံ့ဆော်တဲ့ ကိစ္စတွေရှိလာရင်ရောဂါကြွပါတယ်
- ရောဂါပိုးတစ်ခုခု ဝင်တာ
- ဆေး သောက်လိုက်တာ
- ပြင်ပကနေ Foreign body ဝင်ရင် ကိုယ်ခံအားကြွတဲ့ အတွက် တချို့ SLE လူနာတွေမှာ ကိုယ်ဝန်ရှိသွားတာက ရောဂါ ကြွစေတဲ့ အကြောင်းရင်းဖြစ်သွားပါတယ်

ကလေးဆိုတာ ကိုယ့်သွေးသားဆိုပေမယ့် "အဖေ"ဖြစ်သူရဲ့ DNA တစ်ဝက်ပါပါတယ် အဲ့တော့ Foreign body ပါပဲ။ ကလေးရှိနေတဲ့ အတွက် ကိုယ်ခံအားက ကြွလာပြီး ရောဂါလက္ခဏာတွေ ဆိုးလာရသလို (ကိုယ်ခံအားအရမ်း ကြွလာလျှင် ကလေးကို တိုက်ခိုက်ပစ်လိုက်ပါတယ်)
***SLE လူနာတွေမှာ ကလေး အဖတ်မတင်တတ်ပါဘူး

👉👉👉
#ရောဂါရှိကြောင်း_ဘယ်လိုသိမလဲ ⁉️

- အပေါ်ကရောဂါလက္ခဏာတွေအပြင်
- သွေးစစ်ပါတယ် (ANA, ENA profile)

👉👉👉
#ရောဂါရှိနေပြီ_ဘာလုပ်မလဲ ⁉️

ကိုယ်ခံအားက ပြဿနာဖြစ်နေတဲ့ အတွက်အပြီးပျောက်သွားအောင် မလုပ်နိုင်ပါဘူး။

ကိုယ်ခံအားတရားလွန်ထကြွမနေအောင်နဲ့
ကိုယ်ခံအား ကျသွားမရအောင် ထိန်းညှိပြီးဆေးပေးရပါတယ်။

အဓိက ကတော့ အရောင်ကျဆေးပေးလိုက်တာနဲ့ သက်သာပါတယ် ( )
ရေရှည်မှာ Steroid တွေက အန္တရာယ်ရှိတဲ့ အတွက်
ကိုယ်ခံအားထိန်းညှိဆေး Drugs တွေပေးပါတယ်။
နေရောင်နဲ့ထိရင် ရောဂါပိုကြွစေတဲ့ အတွက်နေပူမခံပါနဲ့။
ဆေးတွေကလည်း ရောဂါပိုကြွစေတဲ့ အတွက် ဆေးတစ်ခုခုသောက်မယ် ဆိုတိုင်း ဆရာဝန်နဲ့တိုင်ပင်ပြီးမှသောက်ပါ

👉👉👉
သတိထားရမှာတွေက မိမိရဲ့ကိုယ်ခံအားကို ထိန်းညှိထားတဲ့အတွက် ပုံမှန်လူတွေလောက် ***ကိုယ်ခံအားမကောင်းပါဘူး
ရောဂါပိုးတွေဝင်လွယ်ပါတယ်
ဆေးတွေကြောင့် ပိုးဝင်ရင်တောင်ချက်ချင်းမဖျားပါဘူး ဖျားပြီဆိုတာ တော်တော်ကိုဆိုးတဲ့ အခြေအနေဖြစ်နေပါပြီ။ ဖျားတာနဲ့ ချက်ချင်း ဆရာဝန်ပြပါ။
TB ရောဂါကူးလွယ်ပါတယ်၊ ဖြစ်လွယ်ပါတယ်
နာနေတတ်တဲ့အတွက် အကိုက်ပျောက်ဆေးတွေအလွယ်သုံးတတ်ပါတယ်၊ ရောဂါကိုယ်တိုင်က ကျောက်ကပ်ကိုထိခိုက်စေတဲ့ အတွက်ကိုယ်ဟာကို အကိုက်ပျောက်ဆေးတွေအလွယ်သုံးရင် ကျောက်ကပ်အမြန်ပျက်တတ်ပါတယ်
ဆေးမီးတိုတွေ လုံးဝ (လုံးဝ) မသောက်ပါနဲ့
👉👉👉
ဒီလောက်ဆိုရင် ရောဂါအကြောင်းနည်းနည်းတီးမိခေါက်မိပြီထင်ပါတယ်။
SLE ရောဂါ ကိုပြသရမယ့်ဆရာဝန်က ပါ။ အရိုးအဆစ်နှင့်လေးဖက်နာအထူးကုဆရာဝန် ဖြစ်ပါတယ်။
ကျောက်ကပ်ကိုပါ ထိခိုက်ရင်တော့ ကျောက်ကပ်အထူးကုဆရာဝန်ကြီးနဲ့ပါ တွဲပြီး ကြည့်ရှု့ကုသပေးပါလိမ့်မယ်

(Original post; Nov,2020 👉 https://www.facebook.com/104993831383029/posts/127472875801791/)
ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ
Dr. ဘုန်းစည်သူလွင်

(ကျန်းမာရေးဆောင်းပါးများ နေ့စဉ်တင်ပေးနေသောကြောင့် #ကျွန်တော့_Pageကို_Like လုပ်ထားခြင်းဖြင့် ကျန်းမာရေးဗဟုသုတတိုးပွား လာပါလိမ့်မယ် 💕💕💕 )

06/09/2025

ဒီနေ့ကတော့ ဓာတ်ခွဲခန်းတွေမှာ တခါတရံ စစ်လေ့ရှိတဲ့ (Troponin T )အကြောင်းကို ကျနော်သိသလောက်ရှင်းပြပေးလိုက်ပါတယ်နော်။

၁။ Troponin T ဆိုတာ ဘာလဲ။
* Troponin T (TnT သို့မဟုတ် TropT) ဆိုတာ နှလုံးကြွက်သားနဲ့ အရိုးကြွက်သားတွေမှာ တွေ့ရတဲ့ ပရိုတင်း (protein) တစ်မျိုး ဖြစ်ပါတယ်။ နှလုံးကြွက်သားတွေ ကျုံ့နိုင်၊ ဆန့်နိုင်ဖို့အတွက် အဓိက လိုအပ်တဲ့ ပရိုတင်းအုပ်စုသုံးစုထဲက တစ်ခုဖြစ်ပါတယ်။
* လုပ်ဆောင်ချက်
Troponin complex လို့ခေါ်တဲ့ ပရိုတင်းအုပ်စုမှာ Troponin T, Troponin I, Troponin C ဆိုပြီး သုံးမျိုးရှိပါတယ်။ Troponin T က ဒီပရိုတင်းအုပ်စုကို tropomyosin လို့ခေါ်တဲ့ နောက်ထပ်ပရိုတင်းတစ်ခုနဲ့ ချိတ်ဆက်ပေးတဲ့ အလုပ်ကို လုပ်ပါတယ်။ နှလုံးခုန်ခြင်း၊ နှလုံးကြွက်သားတွေ လှုပ်ရှားခြင်း စတဲ့ အရေးကြီးတဲ့ လုပ်ငန်းဆောင်တာတွေကို ထိန်းချုပ်ပေးပါတယ်။

၂။ Troponin T စမ်းသပ်စစ်ဆေးခြင်း (Troponin Test)
* ဘာကြောင့် စစ်ဆေးတာလဲ။
* သာမန်အားဖြင့် Troponin T ပရိုတင်းဟာ သွေးထဲမှာ လုံးဝမရှိသလောက် နည်းနေတတ်ပါတယ်။
* ဒါပေမဲ့ နှလုံးကြွက်သားတွေ ထိခိုက်ပျက်စီးသွားပြီဆိုရင် ဒီပရိုတင်းတွေဟာ သွေးကြောထဲကို စိမ့်ထွက်လာပြီး သွေးထဲမှာ ပမာဏမြင့်တက်လာပါတယ်။
* ဒါကြောင့် Troponin T စမ်းသပ်စစ်ဆေးခြင်းဟာ နှလုံးထိခိုက်မှု ရှိ၊ မရှိကို သိရှိနိုင်ဖို့အတွက် အရေးအကြီးဆုံး စစ်ဆေးမှုတစ်ခု ဖြစ်ပါတယ်။
* အသုံးပြုပုံ
* ရင်ဘတ်အောင့်ခြင်း၊ အသက်ရှူရခက်ခြင်း၊ မူးဝေခြင်း၊ ချွေးအေးပြန်ခြင်း စတဲ့ နှလုံးရောဂါလက္ခဏာတွေ ရှိတဲ့သူတွေကို အရေးပေါ်ဌာနတွေမှာ အဓိက စစ်ဆေးလေ့ရှိပါတယ်။
* နှလုံးထိခိုက်မှု ရှိ၊ မရှိကို အတည်ပြုနိုင်ဖို့၊ နှလုံးရောဂါကို စောင့်ကြည့်ဖို့နဲ့ နှလုံးထိခိုက်မှု အတိုင်းအတာကို ခန့်မှန်းနိုင်ဖို့အတွက် အသုံးဝင်ပါတယ်။
* EKG (ECG) လို့ခေါ်တဲ့ နှလုံးလှိုင်းစစ်ဆေးခြင်းနဲ့ တွဲဖက်ပြီး ရောဂါရှာဖွေလေ့ရှိပါတယ်။

၃။ Troponin T ပမာဏ မြင့်တက်ခြင်း (Elevated Troponin T)
* နှလုံးထိခိုက်မှု
Troponin T ပမာဏ မြင့်တက်လာပြီဆိုရင် နှလုံးကြွက်သားတွေ ထိခိုက်ပျက်စီးနေပြီဆိုတာကို ညွှန်ပြနေပါတယ်။ ပမာဏ များလေလေ၊ နှလုံးထိခိုက်မှုက ပိုများလေလေ ဖြစ်ပါတယ်။
* အဓိကအကြောင်းအရင်းများ
* နှလုံးသွေးကြောပိတ်ခြင်း (Heart Attack/Myocardial Infarction): နှလုံးသွေးကြောပိတ်ပြီး နှလုံးကြွက်သားတွေကို သွေးနဲ့အောက်စီဂျင် မရတော့ဘဲ ပျက်စီးသွားတဲ့အခါ Troponin T ပမာဏ အများဆုံး မြင့်တက်လာတတ်ပါတယ်။
* မတည်ငြိမ်တဲ့ ရင်ဘတ်အောင့်ခြင်း (Unstable Angina)
နှလုံးသွေးကြောကျဉ်းပြီး လိုအပ်တဲ့ သွေးပမာဏ မရတဲ့အခါ ဖြစ်တတ်တဲ့ ရင်ဘတ်အောင့်ခြင်းဖြစ်ပြီး နှလုံးထိခိုက်နိုင်ခြေရှိတာကြောင့် Troponin ပမာဏ အနည်းငယ် မြင့်တတ်နိုင်ပါတယ်။
* အခြားအကြောင်းအရင်းများ
* နှလုံးကြွက်သားရောင်ရမ်းခြင်း (Myocarditis)
နှလုံးကြွက်သားတွေ ရောင်ရမ်းတဲ့ ရောဂါ။
* နှလုံးလုပ်ဆောင်ချက် ပျက်ယွင်းခြင်း (Heart Failure)
နှလုံးက သွေးကို ထိထိရောက်ရောက် မညှစ်နိုင်တော့တဲ့ အခြေအနေ။
* အဆုတ်သွေးကြောပိတ်ခြင်း (Pulmonary Embolism)
အဆုတ်ထဲမှာ သွေးခဲပိတ်ဆို့နေခြင်း။
* ကျောက်ကပ်ရောဂါ (Kidney Disease): နာတာရှည် ကျောက်ကပ်ရောဂါရှိသူတွေမှာလည်း အနည်းငယ် မြင့်တက်နေတတ်ပါတယ်။
* ပြင်းထန်တဲ့ ရောဂါပိုးဝင်ခြင်း (Severe Infections)
ခန္ဓာကိုယ်တစ်ခုလုံးကို ထိခိုက်နိုင်တဲ့ ပြင်းထန်တဲ့ ရောဂါပိုးဝင်မှုတွေ။
* ခွဲစိတ်မှုများ (Surgery): နှလုံးခွဲစိတ်ပြီးနောက်ပိုင်းမှာလည်း Troponin ပမာဏ မြင့်တက်တတ်ပါတယ်။

၄။ Troponin T ရဲ့ သွေးထဲရှိ ပုံမှန်ပမာဏ
* ပုံမှန်ပမာဏ
Troponin T ရဲ့ ပုံမှန်ပမာဏဟာ သွေးထဲမှာ အလွန်နည်းပါးပြီး စစ်ဆေးလို့ မတွေ့နိုင်သလောက် ဖြစ်ပါတယ်။
* စံနှုန်းကွာခြားမှု
ဓာတ်ခွဲခန်းတစ်ခုနဲ့တစ်ခု အသုံးပြုတဲ့ စစ်ဆေးမှုစနစ်အပေါ် မူတည်ပြီး စံနှုန်းတွေ ကွာခြားနိုင်ပါတယ်။ ဥပမာ -
* High-sensitivity cardiac troponin T (hs-cTnT) test
ဒီစမ်းသပ်မှုဟာ ပိုပြီး အာရုံခံနိုင်စွမ်းမြင့်မားတာကြောင့် ပမာဏ နည်းနည်းလေးကိုတောင် တိုင်းတာနိုင်ပါတယ်။ ပုံမှန်အားဖြင့် 14 ng/L ထက် နည်းပါးရပါမယ်။
* သွေးထဲမှာ Troponin T ပမာဏ တိုးလာပြီး နောက်ပိုင်း ပြန်ကျဆင်းသွားတဲ့ ပုံစံက နှလုံးထိခိုက်မှုကို အတည်ပြုနိုင်တဲ့ အရေးကြီးတဲ့ အချက်ဖြစ်ပါတယ်။

၅။ Troponin T နဲ့ Troponin I တို့ရဲ့ ကွာခြားချက်
* Troponin T (TnT)
နှလုံးကြွက်သားအပြင် အရိုးကြွက်သားအချို့မှာလည်း အနည်းငယ် တွေ့ရှိရနိုင်ပေမယ့်၊ နှလုံးကြွက်သားမှာ ရှိတဲ့ Troponin T ရဲ့ ဖွဲ့စည်းပုံက ထူးခြားပါတယ်။
* Troponin I (TnI)
ဒီပရိုတင်းဟာ နှလုံးကြွက်သားမှာသာ သီးသန့်နီးပါး တွေ့ရှိရတာကြောင့် နှလုံးထိခိုက်မှုကို စစ်ဆေးရာမှာ အလွန်တိကျတဲ့ အညွှန်းကိန်းတစ်ခု ဖြစ်ပါတယ်။
နိဂုံးချုပ်အနေနဲ့ ပြောရမယ်ဆိုရင် Troponin T စမ်းသပ်မှုဟာ ရင်ဘတ်အောင့်တဲ့ လူနာတွေမှာ နှလုံးထိခိုက်မှု ရှိ၊ မရှိကို အမြန်ဆုံးနဲ့ အထိရောက်ဆုံး သိရှိနိုင်ဖို့အတွက် ခေတ်မီဆေးပညာမှာ အရေးပါတဲ့ စစ်ဆေးမှုတစ်ခု ဖြစ်ပါတယ်။ ဒါပေမဲ့ ရောဂါအဖြေကို သီးသန့်မဆုံးဖြတ်ဘဲ အခြားစစ်ဆေးမှုတွေ (ဥပမာ EKG) နဲ့ လက္ခဏာရပ်တွေကို ခြုံငုံသုံးသပ်ပြီး ဆုံးဖြတ်ရတာ ဖြစ်ပါတယ်။

အားလုံးပဲကျန်းမာချမ်းသာကြပါစေ🙏

05/09/2025

⭕CA 125⭕
CA 125 ဟာ ကင်ဆာပရိုတင်း တစ်မျိုးဖြစ်ပြီး သွေးထဲမှာ ၎င်းပမာဏကို တိုင်းတာတဲ့ စမ်းသပ်မှုတစ်ခု ဖြစ်ပါတယ်။ CA 125 ကို ကင်ဆာအမှတ်အသား (tumor marker) အဖြစ် သတ်မှတ်ပါတယ်။ ကင်ဆာအမှတ်အသားဆိုတာကတော့ ခန္ဓာကိုယ်ထဲမှာ ကင်ဆာဆဲလ်တွေ ဒါမှမဟုတ် ကင်ဆာကို တုံ့ပြန်တဲ့ပုံမှန်ဆဲလ်တွေက ထုတ်လုပ်နိုင်တဲ့ ဓာတ်ပစ္စည်းတွေပဲ ဖြစ်ပါတယ်။
CA 125 ကို အဓိကအားဖြင့် သားဥအိမ်ကင်ဆာနဲ့ဆက်စပ်ပြီး အသုံးပြုလေ့ရှိပါတယ်။ ဒါပေမဲ့ CA 125 ပမာဏ မြင့်တက်နေတာဟာ သားဥအိမ်ကင်ဆာကို တိုက်ရိုက်ဖော်ပြနေတာ မဟုတ်ပါဘူး။ တခြားသော ကျန်းမာရေးပြဿနာတွေကြောင့်လည်း မြင့်တက်နိုင်ပါတယ်။
CA 125 စမ်းသပ်မှုကို ဘယ်လိုအသုံးပြုသလဲ။
CA 125 စမ်းသပ်မှုကို အောက်ပါအခြေအနေတွေမှာ ဆရာဝန်တွေက အဓိကအသုံးပြုပါတယ်။
* ကင်ဆာကုသမှုကို စောင့်ကြည့်ဖို့
* သားဥအိမ်ကင်ဆာ၊ သားဥပြွန်ကင်ဆာ၊ ဒါမှမဟုတ် peritoneum (ဝမ်းဗိုက်တွင်း အင်္ဂါများကို ဖုံးအုပ်ထားသော အမြှေးပါး) ကင်ဆာလို့ ရောဂါရှာဖွေထားပြီးသား လူနာတွေမှာ ကုသမှု ထိရောက်မှုရှိမရှိကို စောင့်ကြည့်ဖို့ အသုံးအများဆုံးနည်းလမ်း ဖြစ်ပါတယ်။ CA 125 ပမာဏ ကျဆင်းလာတယ်ဆိုရင် ကုသမှုက အလုပ်ဖြစ်နေကြောင်း ပြသနေပါတယ်။
* ကင်ဆာ ပြန်ဖြစ်မဖြစ် စောင့်ကြည့်ဖို့
* ကုသမှု အောင်မြင်ပြီးနောက် ကင်ဆာပြန်ဖြစ်လာနိုင်သလားဆိုတာကို သိရှိနိုင်ဖို့အတွက် ပုံမှန် စစ်ဆေးလေ့ရှိပါတယ်။ CA 125 ပမာဏ ပြန်လည် မြင့်တက်လာရင် ကင်ဆာပြန်ဖြစ်လာနိုင်တဲ့ လက္ခဏာတစ်ခု ဖြစ်ပါတယ်။
* ရောဂါရှာဖွေရာမှာ အထောက်အကူပြုဖို့
* ဝမ်းဗိုက်မှာ သို့မဟုတ် တင်ပါးဆုံတွင်းမှာ အကျိတ် ဒါမှမဟုတ် အဖုအကျိတ်တွေ့ရှိတဲ့အခါ သားဥအိမ်ကင်ဆာဟုတ်မဟုတ် သိရှိနိုင်ဖို့ တခြားသော စမ်းသပ်မှုတွေနဲ့အတူ တွဲပြီး အသုံးပြုနိုင်ပါတယ်။ ဒါပေမဲ့ CA 125 တစ်ခုတည်းနဲ့တော့ ကင်ဆာလို့ အတိအကျ ပြောလို့မရပါဘူး။
* ကင်ဆာဖြစ်နိုင်ခြေ မြင့်မားသူများကို စစ်ဆေးဖို့
* သားဥအိမ်ကင်ဆာဖြစ်နိုင်ခြေ အလွန်မြင့်မားတဲ့ မိသားစုရာဇဝင်ရှိသူတွေအတွက် ကင်ဆာကို ကြိုတင်စစ်ဆေးတဲ့ပုံစံ (screening) အဖြစ် အသုံးပြုနိုင်ပါတယ်။ ဒါပေမဲ့ ပုံမှန်လူတွေမှာတော့ ဒီစမ်းသပ်မှုကို အသုံးပြုလေ့မရှိပါဘူး။
CA 125 မြင့်မားနေရခြင်း၏ အခြားအကြောင်းရင်းများ
CA 125 ပမာဏ မြင့်တက်နေတိုင်း ကင်ဆာလို့ မဆိုလိုပါဘူး။ အောက်ပါကဲ့သို့သော ကင်ဆာမဟုတ်တဲ့ (benign) အခြေအနေတွေကြောင့်လည်း မြင့်တက်နိုင်ပါတယ်။
* ရာသီသွေးဆင်းခြင်း
* ကိုယ်ဝန်ဆောင်ခြင်း
* သားအိမ်တွင်း အမြှေးပါးများ နေရာလွဲမှားစွာ ကြီးထွားခြင်း (Endometriosis)
* သားအိမ်အကျိတ် (Uterine fibroids)
* တင်ပါးဆုံတွင်း ရောင်ရမ်းမှုရောဂါ (Pelvic inflammatory disease)
* အသည်းခြောက်ခြင်း (Cirrhosis)
ဒီအကြောင်းရင်းတွေအပြင် အခြားသော ကင်ဆာအမျိုးအစားတွေဖြစ်တဲ့ ရင်သားကင်ဆာ၊ အူမကြီးကင်ဆာ၊ ပန်ကရိယကင်ဆာ၊ အဆုတ်ကင်ဆာ၊ အစာအိမ်ကင်ဆာ စတာတွေကြောင့်လည်း CA 125 ပမာဏ မြင့်တက်နိုင်ပါတယ်။
အရေးကြီးတဲ့အချက်
CA 125 စမ်းသပ်မှုဟာ ရောဂါရှာဖွေတဲ့တစ်ခုတည်းသော ကိရိယာ မဟုတ်ပါဘူး။ အခြားသော စမ်းသပ်မှုတွေ (ဥပမာ- ultrasound၊ CT scan၊ biopsy) နဲ့ တွဲဖက်ပြီးတော့မှသာ ဆရာဝန်တွေက အခြေအနေကို ပိုမိုပြည့်စုံစွာ ဆုံးဖြတ်နိုင်မှာ ဖြစ်ပါတယ်။ ဒါကြောင့် CA 125 ရဲ့ ရလဒ်နဲ့ပတ်သက်ပြီး စိုးရိမ်ပူပန်မှုတွေ ရှိနေရင် ဆရာဝန်နဲ့ ဆွေးနွေးတိုင်ပင်တာက အကောင်းဆုံးပါပဲ။
အားလုံးပဲကျန်းမာချမ်းသာကြပါစေ🙏

04/09/2025

https://www.facebook.com/share/p/175wQ5d6Vs/

03/09/2025

https://www.facebook.com/share/1CbtsLCW2M/

ဝမ်းတွင်းသွေးပါမပါ စစ်ဆေးခြင်း (Stool Occult Blood Test)

Stool Occult Blood Test ဟာ အစာအိမ်နဲ့ အူလမ်းကြောင်းထဲမှာ မျက်စိနဲ့မမြင်နိုင်တဲ့ သွေးတွေ ပါဝင်နေသလားဆိုတာကို စစ်ဆေးတဲ့ အရေးကြီးတဲ့ ဓာတ်ခွဲခန်းစစ်ဆေးမှုတစ်ခုဖြစ်ပါတယ်။
ဒီစစ်ဆေးမှုကို ဝမ်းကိုက်ခြင်း (dysentery) သို့မဟုတ် ဝမ်းအိမ်အူလမ်းကြောင်းဆိုင်ရာ ရောဂါလက္ခဏာ (gastrointestinal symptoms) တွေ ရှိနေတဲ့သူတွေအတွက် အထူးသဖြင့် ဆရာဝန်က အကြံပြုလေ့ရှိပါတယ်။ ဒီစစ်ဆေးမှုဟာ အူမကြီးကင်ဆာ (colon cancer)၊ အစာအိမ်အနာ (gastric ulcers)၊ ရောင်ရမ်းအူသိမ်အူမရောဂါ (inflammatory bowel disease) စတဲ့ ပြင်းထန်တဲ့ရောဂါတွေကို အစောပိုင်းအဆင့်မှာပဲ ရှာဖွေနိုင်တာကြောင့် အချိန်မီကုသမှု ခံယူနိုင်ဖို့ အထောက်အကူဖြစ်စေပါတယ်။

စစ်ဆေးမှုပြုလုပ်ခြင်း🧬
Stool Occult Blood Test ကို အဓိကအားဖြင့် နည်းလမ်းနှစ်မျိုးနဲ့ ပြုလုပ်လေ့ရှိပါတယ်။
* Guaiac-based F***l Occult Blood Test (gFOBT)
ဒီနည်းလမ်းဟာ ဝမ်းနမူနာထဲက သွေး hemoglobin မှာပါဝင်တဲ့ heme လို့ခေါ်တဲ့ ဒြပ်ပေါင်းကို စစ်ဆေးတာဖြစ်ပါတယ်။
ဒီစစ်ဆေးမှုမပြုလုပ်မီ ဆေးဝါးအချို့နဲ့ အစားအစာအချို့ကို ရှောင်ရှားဖို့ လိုအပ်ပါတယ်။
* F***l Immunochemical Test (FIT)
ဒီနည်းလမ်းဟာ gFOBT ထက် ပိုပြီး တိကျပါတယ်။ လူ့သွေးမှာသာရှိတဲ့ globin လို့ခေါ်တဲ့ ပရိုတိန်းကို သိရှိနိုင်အောင် ပြုလုပ်ထားပါတယ်။
FIT ဟာ အစားအသောက်နဲ့ ဆေးဝါးတွေရဲ့ သက်ရောက်မှုကို အနည်းငယ်သာ ခံရတာကြောင့် gFOBT ထက် ပိုမိုလွယ်ကူပြီး အမှားနည်းပါတယ်။

စစ်ဆေးမှုအတွက် ပြင်ဆင်ခြင်း
Stool Occult Blood Test မလုပ်ခင်မှာ မှန်ကန်တဲ့ ရလဒ်ရရှိစေဖို့အတွက် အောက်ပါအချက်တွေကို ဂရုပြုသင့်ပါတယ်။
* အစာ: gFOBT အတွက် အသားနီ (red meat)၊ အစိမ်းလိုက်စားရတဲ့ ဟင်းသီးဟင်းရွက်နဲ့ အသီးအနှံအချို့ (ဥပမာ- မုန်လာဥ၊ ပန်းဂေါ်ဖီ) ကို စစ်ဆေးမှုမလုပ်မီ ရက်အနည်းငယ်အလိုကတည်းက ရှောင်ရှားသင့်ပါတယ်။
* ဆေးဝါး: သွေးကျဲစေတဲ့ ဆေးဝါးများ (ဥပမာ- Aspirin, Ibuprofen) နဲ့ ဗီတာမင်စီ (Vitamin C) ဖြည့်စွက်စာတွေဟာ စစ်ဆေးမှုရလဒ်ကို ထိခိုက်စေနိုင်တာကြောင့် ဆရာဝန်ရဲ့ ညွှန်ကြားချက်အရ လိုအပ်ပါက ခေတ္တရပ်ထားသင့်ပါတယ်။

ရလဒ်များ၏ အဓိပ္ပာယ်
* အဖြေ Positive (+): ဝမ်းထဲမှာ သွေးပါနေကြောင်း ပြသနေပါတယ်။ ဒါဟာ အစာအိမ်အနာ၊ လိပ်ခေါင်း၊ အူလမ်းကြောင်းရောင်ရမ်းခြင်း၊ သို့မဟုတ် ကင်ဆာကဲ့သို့သော ရောဂါတစ်ခုခုကို ညွှန်ပြနေနိုင်ပါတယ်။ Positive ဖြစ်တိုင်း ကင်ဆာမဟုတ်နိုင်ပေမယ့် နောက်ထပ် အသေးစိတ်စစ်ဆေးမှုတွေ (ဥပမာ- Colonoscopy) ပြုလုပ်ဖို့ လိုအပ်ပါတယ်။
* အဖြေ Negative (-): ဝမ်းထဲမှာ သွေးမတွေ့ရဘူးဆိုတာကို ဖော်ပြပါတယ်။ ဒါပေမယ့် Negative ဖြစ်ရုံနဲ့ အူလမ်းကြောင်းဆိုင်ရာ ရောဂါတွေ လုံးဝမရှိဘူးလို့ အတိအကျ ပြောလို့မရပါဘူး။ အဘယ့်ကြောင့်ဆိုသော် ရောဂါဖြစ်ပွားနေတဲ့ အချိန်တိုင်းမှာ သွေးမထွက်နိုင်တာကြောင့်ပဲ ဖြစ်ပါတယ်။

နိဂုံးချုပ်အနေနဲ့ Stool Occult Blood Test ဟာ အထူးသဖြင့် အူမကြီးကင်ဆာလို ရောဂါမျိုးကို စောစီးစွာ ရှာဖွေနိုင်ဖို့အတွက် အရေးပါတဲ့ စစ်ဆေးမှုတစ်ခုဖြစ်ပါတယ်။ ထို့ကြောင့် ဤစစ်ဆေးမှုရလဒ်ကို မှန်ကန်တိကျစွာ အဓိပ္ပာယ်ဖော်နိုင်ဖို့အတွက် ကျွမ်းကျင်တဲ့ ဆရာဝန်တစ်ဦးနဲ့ တိုင်ပင်ဆွေးနွေးတာဟာ အကောင်းဆုံးဖြစ်ပါတယ်။ ကျန်းမာရေးနဲ့ပတ်သက်ပြီး သံသယရှိတာ သို့မဟုတ် မရှင်းလင်းတာတွေရှိရင် ဆရာဝန်နဲ့ တိုက်ရိုက် ဆွေးနွေးပြီး စစ်ဆေးသင့်ပါတယ်။

အားလုံးပဲကျန်းမာချမ်းသာကြပါစေ🙏

09/08/2025

သွေးဖောက်ကျွမ်းကျင်အမျိုးသား ဝန်ထမ်းတစ်ဦးနှင့်

Laboratory Marketing,male or female one post
Vacancy
Please contact to Viber 09428122824

25/06/2025

#အသည်းအဆီဖုံးတာကလူတိုင်း_ရှိနေတတ်တာမလား ❓
#ဒီတိုင်းပဲထားလိုက်ရင်ရလား ❓
(FLD)

#အသည်းအဆီဖုံးတယ်ဆိုတာဘာလဲ ❓
အသည်းကြီးရဲ့ အပေါ်က အဆီတွေဖုံးနေတာမဟုတ်ပါဘူး ၊ အသည်း Cells (hepatocyte) တွေရဲ့အတွင်းထဲမှာ အဆီတွေစုစုလာရာကနေ တရားလွန်များလာတဲ့အခါ အသည်း Cells တွေပျက်စီးပြီး အဆီချည်းကျန်တော့တာကို ဆိုလိုတာပါ။
အသည်းအဆီဖုံးတဲ့ ပမာဏများလေလေ အသည်း cells တွေပျက်စီးပြီး အဆီတွေ များလေလေပေါ့

အသည်းအဆီဖုံးတယ် ဆိုတာမှာ
- ဘာလက္ခဏာမှ မပြတတ်ပါဘူး
- အဲ့ဒါကြောင့် ကိုယ့်မှာ အသည်းအဆီဖုံးနေလား မသိကြပါဘူး

#အသည်းအဆီဖုံးတော့ဘာဆက်ဖြစ်လဲ ❓
👉 အသည်း cells တွေပျက်စီးတော့ အသည်းရောင်လာပါတယ် - hepatitis (အဆီတွေကြောင့်အသည်းရောင်တာမို့ steatohepatitis လို့ခေါ်ပါတယ်
👉 အသည်း cells တွေ - ရောင်တာ ပျက်စီးတာ ကနေ အသည်းမှာ အမာရွတ်တွေဖြစ်လာပါတယ် - fibrosis
👉 ပျက်စီးလိုက် အသစ်ဖြစ်လိုက် အမာရွတ်ဖြစ်လိုက်နဲ့ ဒီတိုင်းဆက်ပစ်ထားရင်
🥲 အသည်းခြောက်ခြင်း - cirrhosis ဖြစ်သွားနိုင်သလို
🥲 အသည်းကင်ဆာ - Hepatocellular Carcinoma ဖြစ်သွားနိုင်ပါတယ်

အဲ့ဒါကြောင့်
😧 B ပိုး၊ C ပိုးလည်း မရှိဘူး
😧 အရက်လည်း မသောက်ဘူး
😧 ဆေးတွေအမြစ်တွေလည်း မသောက်ပဲ အသည်းဘာလို့ခြောက်ရတာလဲ ၊ အသည်းကင်ဆာ ဘာလို့ဖြစ်ရတာလဲ ဆိုရင်
*** “အသည်းအဆီဖုံးတာ ကို မသိလို့ပါ ဒါမှမဟုတ် သိသိကြီးနဲ့ ဂရုမစိုက်ပဲပစ်ထားလို့ပါ” ***

ဆိုလိုတာက #အသည်းအဆီဖုံးနေတယ် ဆိုရင် ဂရုစိုက်ရပါမယ်။
အဆီတွေလျော့သွားအောင်လုပ်နိုင်ရင် ရှေ့ဆက် မပျက်စီးတော့ပဲ #အသည်းအကောင်းလေး_ပြန်ဖြစ်နိုင်ပါတယ် ။

ဘာလက္ခဏာမှမပြဘူးဆိုတော့
#အသည်းအဆီဖုံးတာ_ဘယ်လိုသိနိုင်သလဲ ❓
👉 Ultrasound ရိုက်ရင်သိပါတယ်

Ultrasound က ၃၀,၀၀၀ ကနေ ၅၀,၀၀၀ လောက်ရှိတာ ရိုက်ကိုရိုက်ရမှာလား
👉 Ultrasound မရိုက်လည်း ဒီလိုမျိုးဆိုရင် အသည်းအဆီဖုံးနေနိုင်ပါတယ်
1. ဗိုက်ရွှဲခါးတုတ်နေရင် ( ခါး size အမျိုးသား ၄၀”အမျိုးသမီး ၃၅” ကျော်နေရင်ပေါ့)
2. ကိုယ်အလေးချိန် နဲ့ အရပ်အချိုး BMI 25 ကျော်ရင်
(1 နဲ့ 2 က စာထဲပါတဲ့အတိုင်းပြောရတာ ရှုပ်နေရင် - တွေ့တဲ့လူတွေက သင့်ကို ဝ လာတယ်နော်လို့ပြောတာခံရပြီး အောက်က ဆက်ပြောထားတဲ့ အချက်တွေနဲ့ ငြိနေရင် အသည်းအဆီဖုံးနေနိုင်ပါတယ်)
3. လှုပ်ရှားမှုမရှိဘူး (ဘာလေ့ကျင့်ခန်းမှမလုပ်ဘူး - အလုပ် - အိမ် - စား/သောက် - အိပ်)
4. အဆီ အချို အစားများတယ်
5. ဆေးလိပ် အရက်သောက်တယ်
6. စိတ်ဖိစီးမှုများတယ်
7. အိပ်ချိန်မမှန်ဘူး (အိပ်ရေးပျက်တယ်)
Medical check up လုပ်တုန်း
8. သွေးတွင်းအဆီများနေတယ်
9. ဆီးချိုရောဂါရှိသူ ၅၅.၅% (တနည်း ဆီးချိုရောဂါရှိသူ - ၂ ယောက်မှာ တစ်ယောက်က အသည်းအဆီဖုံးရှိပါတယ်)

အဲ့တော့ ဒီ (၉) ချက်မှာ တစ်ချက်ထက်ပိုနေတာနဲ့ အသည်းအဆီဖုံး နေပါပြီ ၊ အချက်များများငြိလေ သေချာလေပေါ့
__________
#အသည်းအဆီဖုံးနေပြီဘာဆေးသောက်ရမလဲ ❓

ဘာကြောင့်အသည်းအဆီဖုံးရလည်း
- အစားသောင်းကြမ်းလို့
- မလှုပ်ရှားလို့ ဆိုတာ သိထားကြပြီး ပါပြီ
ဒါပေမယ့် ပြင်ဖို့ ဆန္ဒမရှိကြပါဘူး ဆေးသောက်မယ် ဆက်စားကြမယ် ဆက်သောက် ဆက်ကွဲပြဲကြမယ်ပေါ့
အဲ့လိုမရပါဘူး အသည်းအဆီဖုံးတဲ့အဆင့်မှာ “ Diet and Lifestyle modification - အစားအသောက်အနေအထိုင်ကိုပြင်ကိုပြင်ရပါမယ်”

- အဝ လွန်နေရင် ကိုယ်အလေးချိန်ကို ကျန်းမာသော နည်းလမ်းတွေသုံးပြီး လျှော့ပါ
(https://www.facebook.com/104993831383029/posts/108040834411662/)
- အရက်မသောက်ပါနှင့် (အသည်းအဆီဖုံးရုံမက အသည်းပါရောင်နေရင် လုံးဝ ရှောင်ရပါမယ်)
- ဆေးလိပ်သောက်တာဟာ ကင်ဆာတိုင်းကိုဖြစ်စေလို့ ရှောင်ရပါမယ်။
- ဆီးချိုရောဂါ၊ Metabolic syndrome ၊ အဝလွန်ခြင်း ၊ Obstructive sleep apnoea ၊ သွေးတွင်းအဆီများခြင်း (Dyslipidaemia) စတဲ့ရောဂါတွေကိုလည်း သေသေချာချာ ကြပ်ကြပ်မတ်မတ် ကုသမှုခံယူရပါမယ်
- ဆေးသောက်လိုသူများအတွက်ကတော့ #ပြသနေတဲ့ဆရာဝန်နဲ့တိုင်ပင်ပြီး Vitamin E သောက်လို့ရပါတယ်။

အဓိက ကတော့ #အစားအသောက်ပေါ့
- ကဆီဓာတ် (Carbohydrate) လျှော့စားရမှာပါ (ထမင်းအဓိက စားတတ်တဲ့/ကြိုက်တဲ့ ကျွန်တော်တို့အတွက် မလွယ်ဘူးဆိုပေမယ့် လျှော့စားရပါမယ်)
- သွေးတွင်း Glucose ရုတ်တရက်တက်ပြီး Insulin ကမောက်ကမ ဖြစ်စေနိုင်တဲ့ အချိုမုန့်တွေနဲ့ အချိုရည်ကတော့ လုံးဝကို ရှောင်ရမှာပါ
- အချိုကြိုက်တာကို ဘယ်လိုလုပ်ရမလဲ အချိုမုန့်တွေနဲ့ အချိုရည် ကော ရှောင်ရရင် 😀 အသီးတွေစားပါ (အသားအရေလည်းကောင်း အဆိပ်အတောက်တွေလည်းစင်တာပေါ့)
- ဟင်းသီးဟင်းရွက် အများကြီးစားပါ (ကျွန်တော်တို့ နိုင်ငံအတွက်ကတော့ သေသေချာချာဆေးပြီးမှ စားကြပါ) ကျန်းမာချင်လို့ ဟင်းသီးဟင်းရွက် စားကာမှ ပိုသတ်ဆေးမိပြီး ကြွသွားမှာစိုးလို့ပါ (လူယုတ်မာ is everywhere 😅)
- အသားက ကဆီဓာတ်လောက်မဆိုးပေမယ့် ဝက်သားစားတဲ့လူထက် ငါးစားတဲ့ သူက အများကြီးပိုပြီး ကျန်းမာတာပေါ့ (ပင်လယ်စာ စားပေးပါ) ပင်လယ်စာဆိုလို့ ငါးပိ၊ငါးခြောက်တွေ အများကြီးစားရင်တော့ သွေးတိုးရောဂါရပါလိမ့်မယ်
- အဆီကတော့ ပဲဆီ သုံးတာအကောင်းဆုံးပေါ့ (သံလွင်ဆီက ပိုကောင်းတယ် ဆိုပေမယ့် သူ့စျေးကဝယ်မှ မစားနိုင်တာ 😅) ကိုယ့်ဝင်ငွေအရ စားအုံးဆီပဲစားနိုင်တယ် ဆိုလဲ နည်းနည်းပဲသုံးပေါ့ (တစ်ခါသုံးပြီးသားဆီတော့ လုံးဝ ပြန်မသုံးကြပါနဲ့ Trans fat တွေက တော်တော်ကြောက်ဖို့ကောင်းလို့ပါ)
- Intermittent fasting ဆိုတဲ့ နည်းလမ်းကတော့ လုပ်နိုင်ရင် ကောင်းတယ် ဆိုတဲ့ သုတေသနတွေ အများကြီးရှိပါတယ် ၊ တကယ်လည်း ကိုယ်အလေးချိန်ကျသလို (Insulin resistance ကျသွား တဲ့အတွက်)ကျန်းမာရေးအတွက်လည်း ကောင်းပါတယ်
(ဒါပေမယ့် ရေရှည်လုပ်နိုင်မလုပ်နိုင်ဆိုတာရယ်၊ လုပ်ငန်းခွင်မှာ ဗိုက်ဆာနေပြီး အဆင်မပြေဖြစ်နေမှာရယ်ကို ချိန်ကြပါ )
- Keto diet ကတော့ ကျွန်တော် (ကျွန်တော့ Opinion ပါ) အားမပေးပါဘူး ( ခေတ်အရမ်းစားနေပေမယ့် Diet တစ်ခုမှာ Carbohydrate လျှော့တာမှန်ပေမယ့် အဆီ Potion များများစားခိုင်းတာ မဖြစ်သင့်ပါဘူး)
- အကောင်းဆုံးကတော့ ကောက်ရိုးမီး မဟုတ်ပဲ လေ့ကျင့်ခန်းပုံမှန်လုပ်ပါ (ဒူးနာလို့ ဟိုနားနာလို့ဒီနားနာလို့ ဘာမှမလုပ်ဖြစ်ဘူးဆိုတဲ့ သူတွေလည်း မနာတဲ့နေရာတွေကို လေ့ကျင့်ခန်းလုပ်ပေါ့)
- Workout ထဲမှာ မလုပ်ရမယ့် Workout ကတော့ ပါးစပ် Workout ပါပဲ 😁 (တခြားဘယ်နေရာမှ မလှုပ်ရှားပဲ မိုးလင်းမိုးချုပ် ပါးစပ်ပဲလှုပ်နေတာလေ တကျွတ်ကျွတ်နဲ့စားနေတာပေါ့)
- အတင်းပြောရင်တောင် Mood ဝင်လာလို့ မျက်နှာမဲ့ရွဲ့ပြီး ကိုယ်ဟန်လက်ဟန်တွေပါလာရင် လေ့ကျင့်ခန်းလုပ်သလိုဖြစ်သေးတယ်လေ (စတာနော်)
- စိတ်ဖိစီးမှုလျှော့ (သူများကို အကောင်းမြင်ရမှာ 😀၊ သံသယစိတ် လျှော့၊ ဣဿာမစ္ဆရိယ လျှော့ရမှာပေါ့)
__________
#အသည်းအဆီဖုံးရုံမက_အသည်းပါရောင်နေပြီ
အသည်းအထူးကုဆရာဝန်/တတ်ကျွမ်းနားလည်တဲ့ဆရာဝန် ပြသပြီး သေသေချာချာ ကုသမှုခံယူရပါမယ် မဟုတ်ရင် (၇ နှစ် အတွင်း)
- အသည်းခြောက်
- အသည်းကင်ဆာ ဖြစ်လာပါလိမ့်မယ်

အရွယ်ရောက်ပြီးသူ စုစုပေါင်းရဲ့ ၂၅ ရာခိုင်နှုန်းဟာ အသည်းအဆီဖုံးရောဂါရှိပါတယ် (၄ ယောက်မှာ တစ်ယောက်ရှိတာမို့ - သင်လည်းအစားကြိုက်ပြီးလေ့ကျင့်ခန်းလုပ်ရမှာပျင်းနေတယ်ဆိုရင် သတိထားဖို့လိုအပ်ပါတယ်)

(Photo Credit; Cleveland clinic)
ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ




အမှတ် (၂၁) ၊ ဘုရင့်နောင်လမ်း၊ မြယမုံအိမ်ယာ၊ (၂၆) ရပ်ကွက်၊ တောင်ဒဂုံမြို့နယ်။
☎️ 09687000017, 09687000018, 09977788835

18/06/2025

Marketing one post vacancy

Male or Female

Please contact to 09428122824viber

05/04/2025

Runner and Phlebotomist

အမျိုးသား ၂ ဦး

အမျိုးသမီး ၁ ဦး

လစ်လပ်နေပါသဖြင့်

09428122824
09792276697
သို့ viber or phone ဖြင့် လျှောက်ထားနိုင်ပါသည်

26/03/2025

သွေးဖောက်ကျွမ်းကျင်

အမျိုးသား တစ်ဦး

အမျိုးသမီး တစ်ဦး

လစ်လပ်နေပါသည်

09428122824 viber သို့ CV form ဖြင့် လျှောက်ထားနိုင်

ပါသည်