https://www.facebook.com/groups/875832880005504/?ref=share_group_link

Snakebite Emergency Cases and Identification, Yangon (2025)

04/06/2024

❗🐍 WHO မှ သတ်မှတ်ထားတဲ့ မြန်မာနိုင်ငံအတွက် အန္တရာယ်ရှိတဲ့မြွေတွေ မျိုးစိတ် ခွဲနည်း🐍❗

မြွေကိုက်ခြင်းနှင့် ပတ်သတ်သည့်များကို မေးမြန်းလို သိရှိလိုပါက အထူးကုဆရာဝန်များ၏ အကူအညီဖြင့် Run နေသည့် Snakebite Emergency Cases and Identification (Myanmar) မှာ ဝင်ရောက် မေးမြန်းလို့ ရပါတယ်။

အုပ်စု ၁ ပိုစ့် Link - https://www.facebook.com/share/p/qMk7b3Bs681PrwZy/?mibextid=oFDknk

WHO (Cat - 1) - https://drive.google.com/file/d/1aiiw1NmFg2yBNcEOuv6k_y2mfAvCzSVM/view?usp=sharing

WHO (Cat - 2) - https://drive.google.com/file/d/1UqIIDZHWwxYt9EM2QlZ93UW4NdF8yLHs/view?usp=sharing

SEC Admin Team 🚑

31/05/2024

အားလုံးပဲ မင်္ဂလာပါ 🚑

🐍 WHO က မြန်မာနိုင်ငံအတွက် အန္တရာယ်ရှိတဲ့မြွေမျိုးစိတ်တွေကို အုပ်စု ၂ ခု ခွဲထားပါတယ်။ ပထမအုပ်စု ထဲမှာ လူတွေနဲ့ ထိတွေ့မှုအများဆုံးဖြစ်ပြီး ကိုက်ခံရတာအများဆုံးဖြစ်တဲ့ မြွေမျိုးစိတ်တွေ ပါဝင်ပြီး ဒုတိယအုပ်စုမှာတော့ ဒုတိယအနေဖြင့် အန္တရာယ်ရှိတဲ့မြွေတွေကို ထည့်ထားပါတယ်။

ဆေးရုံ၊ ဆေးခန်းနှင့် ကယ်ဆယ်ရေးအသင်းများနှင့် လိုအပ်သည့်နေရာများမှာ Print ထုတ်ပြီး ကပ်ထားလို့ရအောင် ပထမဆုံး အုပ်စု - ၁ အတွက် ID နည်းကို သေချာရှင်းပြထားပြီး တင်ပေးလိုက်ပါတယ်။ အုပ်စု - ၂ ID နည်းကိုလည်း မကြာခင်မှာ ထပ်တင်ပေးသွားမှာဖြစ်ပါတယ်။ (အရောင်နဲ့ Print လုပ်ထားရင် ပိုကောင်းပါတယ်။)

Print ထုတ်ရင်ပိုအဆင်ပြေပြီး Quality ပိုကောင်းတဲ့ပုံတွေ ထွက်ဖို့အတွက် PDF Version ကို link ချပေးထားပါတယ်။

မြွေကိုက်လူနာနဲ့ ပတ်သတ်တဲ့ဗဟုသုတတွေကို ကူညီမျှဝေပေးဖို့ တောင်းဆိုပါတယ်။ အားလုံးကို ကျေးဇူးအများကြီးတင်ပါတယ်။🙏

WHO (Cat - 1) - https://drive.google.com/file/d/1aiiw1NmFg2yBNcEOuv6k_y2mfAvCzSVM/view?usp=sharing

WHO (Cat - 2)
https://www.facebook.com/share/p/zp5YtK98je6XF9aF/?mibextid=oFDknk

မြွေကိုက်လူနာနှင့်ပတ်သတ်သည့် မေးမြန်းလို၊ သိရှိလိုပါက အထူးကုဆရာဝန်များ၏ အကူအညီဖြင့် ဖွဲ့စည်းထားသည့် Snakebite Emergency Cases and Identification (Myanmar) ကို Join ထားလို့ရပါတယ်။

မြန်မာနိုင်ငံရှိ တောရိုင်းတိရိစ္ဆာန်တွေကို လေ့လာချင်ရင်တော့ Wildlife of Myanmar ကို Join လို့ရပါတယ်။

16/05/2024

📌အားလုံး ဖတ်ရအဆင်ပြေအောင် SECI မှ တင်ထားသည့်ပိုစ့်များကို စုပြီး တင်ပေးလိုက်ပါတယ်။

မြွေကိုက်ရှေးဦးသူနာပြုနည်း
https://www.facebook.com/share/p/s5rvkM1EqG9YD2dP/?mibextid=oFDknk

မြွေနဲ့ရုတ်တရက်တွေ့ရင် ဘာလုပ်ရမလဲ
https://www.facebook.com/share/PQyhGpL9P6huESXz/?mibextid=oFDknk

မြွေပွေးကြောင့် ကျောက်ကပ်ထိခဲ့ပြီး အသက်တိုနိုင်ပါသလား
https://www.facebook.com/share/p/dNiyA5rh7nhR3Xnm/?mibextid=oFDknk

မြွေဆိပ်ဖြေဆေး
https://www.facebook.com/share/p/zyowrLMe2MRhoDgv/?mibextid=oFDknk

အဆိပ်မထည့်ပဲကိုက်ခြင်း (Dry bite) နှင့် ခန္ဓာကိုယ်ထဲ မြွေဆိပ် ဘယ်လိုသွားလဲ
https://www.facebook.com/share/p/21saUd25Ux9taJdd/?mibextid=oFDknk

မြန်မာနိုင်ငံတွင် အန္တရာယ်ရှိသည်ဟု WHO မှ သတ်မှတ်ထားသည့်မြွေများ (အုပ်စု - ၁)
https://www.facebook.com/share/p/eHN6F5YVmjQFn4xq/?mibextid=oFDknk

မြန်မာနိုင်ငံတွင် အန္တရာယ်ရှိသည်ဟု WHO မှ သတ်မှတ်ထားသည့်မြွေများ (အုပ်စု - ၂)
https://www.facebook.com/share/p/62a4r2bFQx1o38hV/?mibextid=oFDknk

မြွေကိုက်ခံရခြင်းနှင့် ကြပ်စည်းခြင်း
https://www.facebook.com/share/p/WYib7fFd1XZyVS6t/?mibextid=oFDknk

ဆရာဝန်များအတွက် မြွေကိုက် Case ကိုးကားရန်
https://www.facebook.com/share/p/Dy13gfMjuNoqpfC8/?mibextid=oFDknk

မြွေတွေမှာ အဆိပ်ရှိသလို လူတွေမှာ သွားဆိပ်ရှိလား
https://www.facebook.com/share/p/o9xxNDaMdBx9G2zV/?mibextid=oFDknk

မြွေစိမ်းမြီးခြောက်ကိုက်ခြင်း ခံရရင် ဘာလုပ်ရလဲ
https://www.facebook.com/share/p/Sa3RXFxVPR6WjggX/?mibextid=oFDknk

မြွေစိမ်းမြီးခြောက်အကြောင်း
https://www.facebook.com/share/p/ZZR7wrJY1ZLeM83D/?mibextid=oFDknk

ဆင်ပစ်မြွေအကြောင်း
https://www.facebook.com/share/p/SVnzP5DZLb6oBSYn/?mibextid=oFDknk

မြွေကိုက်ခံရခြင်းနှင့် ပတ်သတ်သည့်အယူအဆအမှားများ
https://www.facebook.com/share/p/PWZun68rTCErRj19/?mibextid=oFDknk

တိုင်းရင်းဆေးနှင့် မြွေကိုက်ခံရခြင်း
https://www.facebook.com/share/p/EjyNnSmd1WggnMvj/?mibextid=oFDknk

26/12/2023

🚑 Dry bite (အဆိပ်မထည့်ပဲကိုက်ခြင်း) နှင့် လူခန္ဓာကိုယ်ထဲမှာ မြွေဆိပ်က ဘယ်လိုသွားလဲ 🐍💉

မြွေတွေက ကိုက်ရင် အဆိပ်ပမာဏကို ထိန်းချုပ်နိုင်တယ်လို့ ပညာရှင်တော်တော်များများက လက်ခံယုံကြည်ကြပါတယ်။ မြွေတွေကိုက်တဲ့အခါ သားကောင်သေးရင် အဆိပ်နည်းသလို သားကောင်ကြီးရင် အဆိပ်ထည့်တာများတဲ့ မှတ်တမ်းတွေရှိပြီး မြွေတွေက လူကို ခုခံတဲ့အချိန်မှာ Dry bite နဲ့ ကိုက်တတ်ကြပါတယ်။ Dry bite ဆိုတာ မြွေတွေက ကိုက်တဲ့အချိန် အဆိပ်မထည့်ပဲကိုက်ခြင်းကိုဆိုလိုပါတယ်။ မြွေတွေက အဆိပ်ကို သားကောင်လိုက်ရာမှာပဲ သုံးတဲ့အတွက် သူတို့က အတတ်နိုင်ဆုံး အဆိပ်မသုံးရအောင် ရှောင်ကြတဲ့အတွက် အဆိပ်ပြင်းမြွေကိုက်ခံထိပေမဲ့ အဆိပ်တက်တဲ့လက္ခဏာတွေ မပြဘူး ဘာမှမဖြစ်ဘူးဆိုတာ Dry bite နဲ့ မြွေက ကိုက်လိုက်ခြင်းပဲ ဖြစ်ပါတယ်။ 🐍

နောက်တချက်က သွေးမထွက်တိုင်း Dry bite ကိုက်လိုက်တယ်လို့ ယူဆလို့မရပါဘူး။ သွေးကြောထဲကို တိုက်ရိုက်မရောက်ပဲ မြွေဆိပ်က ခန္ဓာကိုယ်ထဲကို Lymphatic system ကနေဝင်တာများပါတယ်။

Lymphatic system ကို အကြမ်းဖျင်း အရင်ရှင်းပြပါမယ်။ လူတွေရဲ့ ခန္ဓာကိုယ်မှာ ဆဲလ်ပေါင်းများစွာရှိပါတယ်။ အဲ့ဒီဆဲလ်တွေထဲမှာရှိတဲ့ အရည်တွေကို သွေးကြောထဲကို ပို့ဖို့အတွက် ဆဲလ်တွေက Lymphatic system ကို အသုံးချပါတယ်။ သူက ခြေ၊လက်၊ ခန္ဓာကိုယ်အနှံမှာရှိတဲ့ဆဲလ်တွေက အရည်တွေကို Lymphatic vessels (သွေးကြည်ရည်ပြန်ကြော) နဲ့ Lymph nodes တွေ့ကတဆင့် လူရဲ့ချိုင်းအနားမှာရှိတဲ့ သွေးပြန်ကြောကို ပို့ပေးပြီး အဲ့ဒီကနေ နှလုံးထဲကို ရောက်ပါတယ်။ နှလုံးထဲကနေမှတဆင့် ခန္ဓာကိုယ်ရဲ့ သွေးကြောတွေထဲကို ဝင်ပါတယ်။ မြွေဆိပ်က အဲ့ဒီနည်းနဲ့ Lymphatic system ကို အသုံးပြုပြီး လူရဲ့ ‌သွေးကြောတွေထဲကို ပြန့်ဝင်ခြင်း ဖြစ်ပါတယ်။

ဥပမာ - မြွေက ‌ခြေဖမိုးကို အဆိပ်ထည့်ပြီး ကိုက်လိုက်ပါတယ်။ ကိုက်တဲ့နေရာမှာရှိတဲ့ဆဲလ်တွေထဲကို အဆိပ်တွေပြန့်သွားပါတယ်။ (သွေးထွက်ဖို့မလိုပါဘူး။ မြွေဆိပ်တက်ဖို့အတွက် မြွေဆိပ်က သွေးကြောထဲကို တိုက်ရိုက်ဝင်ဖို့ မလိုတဲ့အပြင် ငန်းတော်ကျားလိုမြွေမျိုးကိုက်ရင် သွေးမထွက်တာများပါတယ်။) အဲ့ဒီမှာ မြွေဆိပ်က Lymphatic system ကို အသုံးပြုပြီး ခန္ဓာကိုယ်ရဲ့ အပေါ်ကို Lymphatic vessels တွေကနေ စတက်ပါတယ်။ Lymph nodes တွေကနေတဆင့် ‌ခြေသလုံး၊ ‌ခြေသလုံးကနေပေါင်ကို ရောက်ပါတယ်။ (ဒီအကြောင်းကြောင့် မြွေကိုက်ရင် ကိုက်တဲ့လက်တို့ ‌ခြေထောက်တို့ကို တုတ်နဲ့ချည်ပြီး လှုပ်ရှားမှုကို ကန့်သတ်ရတာပါ။ လှုပ်ရှားမှုများရင် ကြွက်သားတွေက ‌မြွေဆိပ်ကို အပေါ်ကို တွန်းပို့သလိုဖြစ်ပြီး နှလုံးထဲကို အဆိပ်အမြန်ရောက်နိုင်လို့ပါ။) အဲ့လိုအပေါ်ကို တဆင့်ချင်း တက်သွားရင်းနဲ့ ချိုင်းရဲ့အပေါ်နားလောက်မှာရှိတဲ့ နှလုံးရဲ ‌သွေးပြန်ကြောကို ရောက်ပါတယ်။ အဲ့ဒီကနေမှ ‌မြွေဆိပ်က နှလုံးထဲဝင်ပြီး နှလုံးက မြွေဆိပ်ကို ခန္ဓာကိုယ်ရဲ သွေးကြောတွေထဲကို တွန်းပို့လိုက်ပြီး ပြန်ဖြန့်ပါတယ်။ ကိုက်တဲ့နေရာရဲ့ ဆဲလ်တွေကနေ မြွေဆိပ်က သွေး‌ကြောထဲကို စိမ့်သွားတာမဟုတ်ပါဘူး။ မြွေဆိပ်ရဲ့ particle အရွယ်အစားက ကြီးတဲ့အတွက် သွေးကြောရဲ့ နံရံတွေကို ဖြတ်ပြီး စိမ့်မဝင်နိုင်ပါဘူး။ နောက်ပြီးမြွေကိုက်လိုက်တိုင်း မြွေဆိပ်က သွေးကြောထဲတိုက်ရိုက်မဝင်တဲ့အတွက် သွေးမထွက်တိုင်း Dry bite ဖြစ်မယ်လို့ ယူဆလို့မရပါဘူး။

မြွေဆိပ်ကို စုပ်ထုတ်လို့မရဘူး ဓါးနဲ့လှီးထုတ်လို့မရဘူးဆိုတာ ‌ခန္ဓာကိုယ်ထဲမှာ မြွေဆိပ်သွားလာတဲ့ပုံကို အခြေခံပြီးပြောခြင်း ဖြစ်ပါတယ်။ မြွေကိုက်တဲ့နေရာကို ဓားနဲ့ခွဲလည်း အဆိပ်က ဆဲလ်တွေကနေ Lymphatic system တဆင့်ကနေ နှလုံးဆီကို ‌သွားနေပါပြီ။ ဒါကြောင့် သွေးကြောနဲ့မဆိုင်ပါဘူး။ အဆိပ်က သွေးကြောထဲကို ရောက်သွားပြီဆိုရင်လည်း အဓိပ္ပါယ်က နှလုံးထဲကို ရောက်သွားပြီဖြစ်တဲ့အတွက် ခန္ဓာကိုယ်တခုလုံးကို ပြန့်သွားပါပြီ။ ဒါကြောင့် ကိုက်တဲ့နေရာကိုပဲ ‌ရွေးပြီး ဓားနဲ့ လှီးပြီး သွေးညှစ်ထုတ်နေလို့ ဘာမှမထူးပါဘူး။ မြွေကိုက်တဲ့နေရာကို ချက်ချင်းဓားနဲ့ လှီးလိုက်ပြီး‌ သွေးထွက်လာတာက အဆိပ်တွေမဟုတ်ပါဘူး။ သွေးကြောထဲက ရိုးရိုးသွေးတွေပါ။ နောက်ပြီး မြွေဆိပ်ကို သောင်းချီတဲ့ဆဲလ်တွေထဲကနေ စုပ်ထုတ်လို့မရပါဘူး။

ဒါကြောင့် မြွေကိုက်ရင် ဆေးရုံသွားဖို့ အရေးကြီးဆုံးပါ။ မြွေဆိပ်ကို ဆေးရုံမှာရှိတဲ့ မြွေဆိပ်ဖြေဆေးကပဲ ကုနိုင်ပါတယ်။ 💉

Snake id - မြွေပွေး (Eastern Russell's viper/Daboia siamensis)
Photo credit - Nobert Kaszycki

Snakebite Emergency Cases and Identification (Myanmar)
Wildlife of Myanmar
Admin Team 🚑🐍

19/12/2023

💉🐍 မြွေဆိပ်ဖြေဆေး (Antivenom)🐍💉

မြွေဆိပ်ဖြေဆေးမှာ Monovalent, Polyvalent နဲ့ လူသိနည်းတဲ့ Monovalent labeled ဆိုတဲ့ အမျိုးအစားတွေရှိပါတယ်။ Monovalent က မျိုးစိတ် ၁ ခုတည်းအတွက် ရည်ရွယ်ပြီး ထုတ်ထားတာ ဖြစ်ပါတယ်။ Polyvalent ကတော့ မြွေမျိုးစိတ် ၂ ခုနဲ့ အထက်အတွက် ပေါင်းပြီး ထုတ်ထားတဲ့ မြွေဆိပ်ဖြေဆေးပါ။ ဥပမာ - မြွေဟောက်အဆိပ်နဲ့ မြွေပွေးအဆိပ်ကို ပေါင်းထုတ်လို့ ရလာတဲ့ မြွေဆိပ်ဖြေဆေးကို မြွေဟောက်ကိုက်လူနာတွေအတွက် သုံးလို့ရသလို မြွေပွေးကိုက်လူနာတွေအတွက်လည်း သုံးလို့ရပါတယ်။ အဲ့ဒီမြွေဆိပ်ဖြေဆေးကို Polyvalent လို့ ခေါ်ပါတယ်။ နောက်တခုက Monovalent labeled ပါ။ သူက မြွေမျိုးစိတ်တခုအတွက် နာမည်တပ်ပြီး ထုတ်ထားပေမဲ့ အဆိပ်က မြွေမျိုးစိတ်တခုတည်းမဟုတ်ပဲ တခြားမြွေမျိုးစိတ်ရဲ့ အဆိပ်တွေပါ၀င်ပါတယ်။ မြန်မာနိုင်ငံမှာ မြွေဟောက် (Naja kaouthia) နဲ့ မြွေပွေး (Daboia siamensis) မြွေဆိပ်ဖြေဆေး ၂ မျိုးရှိပါတယ်။ ၂ မျိုးလုံးက Monovalent ပါ။

🐎🐑 မြွေဆိပ်ဖြေဆေးကို ဘယ်လိုထုတ်လုပ်လဲ 🐑🐎

ပထမဆုံး အရည်အသွေးကောင်းမွန်တဲ့ မြွေဆိပ်ကိုရဖို့အတွက် ကျန်းမာတဲ့ မြွေတွေဆီကနေ အဆိပ်ကို ထုတ်ယူပါတယ်။ အဲ့ဒီအဆိပ်တွေကို မြင်းတွေရဲ့ ခန္ဓာကိုယ်ထဲကို အချိန်ဇယားနဲ့ အဆိပ်ပမာဏတဖြေးဖြေးတိုးပြီး ထိုးသွင်းပေးပါတယ်။ မြင်းတွေရဲ့ ခန္ဓာကိုယ်ထဲမှာ မြွေဆိပ်ကို တိုက်ထုတ်တဲ့ antibodies တွေရှိလာတဲ့အခါ မြင်းတွေရဲ့ ‌သွေးကို ပုံမှန်ဖောက်ယူပြီး သွေးထဲက antibodies ကို စစ်ထုတ်ပါတယ်။ အဲ့ဒီနောက် ဓာတ်ခွဲခန်းမှာ အဆင့်ဆင့်ခွဲခြားသန့်စင်ပြီး ဆေးရုံတွေမှာ သုံးတဲ့ မြွေဆိပ်ဖြေဆေးကို ရရှိပါတယ်။

📌မြွေဆိပ်ဖြေဆေးက ဘယ်လိုအလုပ်လုပ်လဲ📌

မြွေဆိပ်ဖြေဆေးက antibodies ဖြစ်တဲ့အတွက် မြွေဆိပ်ထဲမှာရှိတဲ့ Antigens တွေကို တိုက်ခိုက်ပြီး လူရဲ့ခန္ဓာကိုယ်က ဆဲလ်တွေကို ထပ်ဖျက်စီးလို့မရအောင် တားပါတယ်။ မြွေဆိပ်ဖြေဆေးက မြွေဆိပ်ကိုပဲ သီးသန့်တိုက်ခိုက်တာဖြစ်တဲ့အတွက် မြွေဆိပ်ကြောင့်ဖြစ်တဲ့ ဆဲလ်ပျက်စီးခြင်းကို ပြန်လည်မပြုပြင်ပေးနိုင်ပါဘူး။ ဥပမာ - မြွေပွေးကိုက်လို့ ကျောက်ကပ်ပျက်စီးနေပြီဆိုရင် မြွေဆိပ်ဖြေဆေးထိုးလိုက်လို့ ဖြေဆေးကြောင့် ‌ကျောက်ကပ်က ပြန်ကောင်းလာမှာမဟုတ်ပါဘူး။ အဆိပ်ဖြေဆေးက ‌ကျောက်ကပ်ကို ပိုမဆိုးအောင်သွားအောင် တိုက်ခိုက်နေတဲ့ အဆိပ်တွေကိုပဲ တားပေးတာပါ။

မြွေဆိပ်ဖြေဆေးထိုးရင် ထိုးရမယ့်ဆေးပမာဏ ‌ပြည့်အောင်ထိုးပေးရပါတယ် (ဥပမာ - မြွေပွေးဆိုရင် ၈ လုံးအရင် စထိုးရပြီ လူနာ မသက်သာ (သို့) ပိုဆိုးမှ ဆရာ၀န်က ဆုံးဖြတ်ချက်ချပြီး နောက်ထပ် ၈ လုံးထပ်ထိုးပေးပါတယ်)။ တောဘက်တွေမှာ ‌လူနာတွေကို မြွေဆိပ်ဖြေဆေးကို ဆေးပမာန ပြည့်အောင် မထိုးပေးပဲ ပိုက်ဆံတွေ အများကြီးတောင်းတဲ့ ‌ဒေါက်တာရမ်းကုတွေရှိတာမို့ သတိထားဖို့လိုပါတယ်။ မြန်မာနိုင်ငံမှာက မြွေကိုက်လူနာတွေအတွက်ကို မြွေဆိပ်ဖြေဆေးကုန်ကျစရိတ်ကို အစိုးရက ပေးပါတယ်။

မြွေဆိပ်ဖြေဆေးထိုးတိုင်း လူနာအတွက် ရှော့ဖြစ်နိုင်တဲ့ အခြေအနေ ပိုတိုးလာတဲ့အတွက် မြွေဆိပ်ဖြေဆေးထိုးရန်ကို ဆရာဝန်တွေက သေချာစောင့်ကြည့်ပြီးမှ ထိုးပေးပါတယ်။ ‌တချို့လူနာတွေက အစိုးရိမ်လွန်ပြီး မြွေမျိုးစိတ် မသေချာ (သို့) ရောဂါလက္ခဏာ မပြခင်ကို မြွေဆိပ်ဖြေဆေး ထိုးချင်ကြပါတယ်။ ဒါကြောင့် ဆေးရုံမှာချက်ချင်း မထိုးပေးတဲ့အကြောင်းအရင်းက မြွေဆိပ်ကြောင့် အန္တရာယ်မဖြစ်ပဲ မြွေဆိပ်ဖြေဆေးကြောင့် အသက်အန္တရာယ်ရှိနိုင်တဲ့အတွက်ဖြစ်ပါတယ်။ 🐍

Photos - BPI
SEC admin team 🚑 🐍
Snakebite Emergency Cases and Identification (Myanmar)
Wildlife of Myanmar

16/12/2023

ရုတ်တရက် မြွေကို တွေ့တဲ့အခါ သံကုန်ဟစ်ပြီး ပြေးနေတုန်းလား⁉

✅ မပြေးသင့်ပါဘူး။ ရပ်ပြီး မြွေက အရင်ထွက်သွားတဲ့အချိန်ကို စောင့်သင့်ပါတယ်။

🐍မြွေတွေက တောရိုင်းတိရိစ္ဆာန်တွေထဲမှာ နို့တိုက်သတ္တဝါတွေလိုမျိုး ဉာဏ်မကောင်းကြတဲ့အတွက် သူတို့ကို ရန်ပြုမယ့်သူ ဟုတ်မဟုတ်ကို သေချာမခွဲနိုင်ကြပါဘူး။ သူတို့အနားမှာ လျှင်မြန်တဲ့လှုပ်ရှားမှုတခု လုပ်မိရင် သူတို့ကို အန္တရာယ်ပြုမယ်အထင်နဲ့ ဦးအောင် ကို.က်၊ပေါက် တာမျိုး လုပ်ကြပါတယ်။ အကယ်၍ မြွေတွေ့လို့ ရုတ်တရက် လန့်ပြေးခဲ့ရင် မြွေကပါ လန့်သွားပြီး လူကို ထ ကို.က်၊ပေါက်နိုင်ပါတယ်။ လူတွေ ဘယ်လောက် မြန်မြန် မြွေတွေရဲ့ လျှင်မြန်တဲ့လှုပ်ရှားမှုကို မမှီတဲ့အတွက် ကို.က်၊ပေါက် ခံရနိုင်ခြေပိုများပါတယ်။🐍

‼ ဒါကြောင့် မြွေတွေ့တဲ့အခါ -

၁။ လှုပ်ရှားမှုတွေ အကုန်ရပ်တန့်ရပါမယ်။
၂။ မြွေရဲ့ ဆန့်ကျင့်ဖက်နေရာကို ဖြေးဖြေးချင်းရွှေ့ပါ။
၃။ မြွေနဲ့ ၁၀ ပေ၊ ၁၅ ပေ အကွာလောက်ရောက်တဲ့အခါ ပုံမှန်လှုပ်ရှားမှုမျိုးနဲ့ လှည့်ထွက်သွားလို့ရပါတယ် (သို့) မြွေကို ဓာတ်ပုံရိုက်ပြီး Snakebite Emergency Cases and Identification (Myanmar) နှင့် Wildlife of Myanmar မှာ မေးလို့ရပါတယ်။🐍❤

မြွေ ID - အဆိပ်ပြင်း မြွေဟောက် (Naja kaouthia)
Photo credit - Maung Nanda (Wildlife of Myanmar)

SEC Team 🐍🚑

18/08/2023

‼မြွေအန္တရာယ်ကို ကာကွယ်ဖို့အတွက် ညဖက်အိပ်ရင် ဘာလို့ ခြင်ထောင်နဲ့ အိပ်သင့်တာလဲ ‼

မြွေအန္တရာယ်ကို ကာကွယ်ဖို့ လုပ်ဆောင်ရန်တွေထဲမှာ ခြင်ထောင်နဲ့ အိပ်ဖို့ကို SEC admin team က အမြဲ သတိတရနဲ့ မှာပါတယ်။ 🐍

ဒီအဖြစ်အပျက်က လွန်ခဲ့တဲ့ တပတ်လောက်က ဘင်္ဂလားဒေ့ရှ်မှာ ဖြစ်သွားတာပါ။ ဘာသာရေးကျောင်းတခုရဲ့ အဆောင်က အခန်းထဲကို သံကွင်းစွပ်မျိုးစိတ်မြွေဝင်လာပြီး အိပ်နေတဲ့ ကျောင်းဆရာတွေအနားရောက်လာတဲ့အခါ ကျောင်းဆရာ နှစ်ယောက်ရဲ့ အိပ်ပျော်ရင်း ရုတ်တရက် လှုပ်ရှားမှုတွေကြောင့် မြွေက လန့်ပြီး ပေါ.က်လိုက်တာဖြစ်ပါတယ်။

အဆိပ်ပြင်းမြွေဖြစ်တဲ့အပြင် လိုအပ်တဲ့ ဆေးကုသမှုကို အမြန်ဆုံးမခံယူနိုင်ခဲ့တဲ့အတွက် အပေါက်ခံရတဲ့ ကျောင်းဆရာ နှစ်ဦးလုံး အသက်ဆုံးရှုံးခဲ့ရပါတယ်။

သံကွင်းစွပ်မျိုးစိတ်ဖြစ်တဲ့ အဆိပ်ပြင်းမြွေတွေက အဆိပ်က အာရုံကြောစနစ်ကို အဓိကထားတိုက်ခိုက်တဲ့အမျိုးအစား(Neurotoxic)ဖြစ်ပြီး ညဖက်မှာ အစာရှာလှုပ်ရှားကြတဲ့မြွေတွေဖြစ်ပြီး မြန်မာမှာ သူတို့နဲ့ ပတ်သတ်တဲ့ မြွေဆိပ်ဖြေဆေးမရှိသေးပါဘူး။ ဒါကြောင့် Ventilator(အသက်ရှူရန် အထောက်အကူပြုတဲ့စက်) ရှိတဲ့ဆေးရုံကို အမြန်ဆုံးသွားဖို့ အရေးကြီးပါတယ်။

‼ ဒါကြောင့် ညဖက်တွေဆိုရင် ခြင်ထောင်ထောင်ပြီး ခြင်ထောင်ကို ဖျာ (သို့) မွှေ့ယာအောက်မှာ သေချာဖိအိပ်ကြဖို့ အလေးအနက် တိုက်တွန်းလိုက်ပါတယ်။ 🚑🐍

မြွေကိုက်ခြင်းနှင့်ပတ်သတ်သည့် ဗဟုသုတများ ဆေးပညာဆိုင်ရာ မေးခွန်းများအတွက် Snakebite Emergency Cases (မြန်မာ) ကို Join ထားလို့ရပါတယ်။

Video credit - Ulrich Kuch
Original Link - https://www.linkedin.com/posts/ulrichkuch_cctv-school-bangladesh-activity-7096224026162802688-WWJW?utm_source=share&utm_medium=member_android&fbclid=IwAR3KcHix6hflPar1iErQPwH2qltCHYOXYPovbOggglZRJukUrEo_M9dddis

SEC Team 🚑

02/06/2023

ဒီနေ့ SEC adminတွေနဲ့ WOM admin တွေပေါင်းပြီး
စိတ္တသုခကျောင်းတိုက်ရဲ့ မြွေတွေထားတဲ့ကန်ကို သွားပြီးပြင်ဆင်ပေးခဲ့ပါတယ်ရှင့်။
အစစအရာရာ ကူညီဖြည့်စွက်ပေးခဲ့တဲ့ အစ်မ Shwe Lei နဲ့ ကိုကြီး Kotoe Aungလည်းကျေးဇူးပါရှင့်။
တစ်ပုံချင်းစီထောက်ကြည့်ပေးကြပါဦးနော်🤍

12/05/2023

မှန်ကန်တဲ့ မြွေကိုက်ရှေးဦးသူနာပြုနည်း 🚑

၁။ မြွေကိုက်ခံရသည့် ဒဏ်ရာကို သန့်ရှင်းသော အဝတ်ဖြင့် ခပ်ဖွဖွသုတ်ပါ။ (ဒဏ်ရာကို အားဖြင့်ဖိပွတ်ခြင်းမပြုရ)

၂။ လက်သုံးလုံးပတ်လည်အရွယ်ရှိ သန့်ရှင်းသော အဝတ် (သို့) ပတ်တီးကို ခေါက်၍ မြွေကိုက်ဒဏ်ရာပေါ်တွင်တင်ပါ။ လက်ဖမိုး၊ လက်ချောင်း (သို့) ခြေဖမိုး၊ ခြေချောင်းများတွင် မြွေကိုက်ခံရပါက အဝတ်ကိုခေါက်၍ သင့်လျော်ရာ အရွယ်ပြုလုပ်၍ ဒဏ်ရာပေါ်တင်ပါ။

၃။ အဝတ်ခေါက်၏ အပေါ်တွင် ပတ်တီး (သို့) အဝတ်စဖြင့် **တင်းသည်ဆိုရုံမျှ** ချည်နှောင်ပါ။

၄။ ပတ်တီးစီးနှောင်ထားသော ခြေ၊လက်အား မလှုပ်ရှားနိုင်အောင် ခြေဆစ်၊လက်ဆစ်တို့အပေါ်၌ ဝါးခြမ်း (သို့) တုတ်ရှည်ရှည် တချောင်းဖြင့်ကပ်၍ ကြိုး (သို့) အဝတ်စဖြင့် စည်းပါ။

၅။ လူနာကို လှုပ်ရှားမှုမပြုလုပ်စေပဲ နီးစပ်ရာ ဆေးရုံ၊ဆေးခန်းသို့ အမြန်ဆုံး ပို့ဆောင်ပါ။

၆။ ဖြစ်နိုင်ပါက မြွေသေ (သို့) မြွေ၏ ဦးခေါင်း၊ အမြီး၊ ဝမ်းဗိုက်၊ ကျောတို့အား ဓာတ်ပုံရိုက်၍ ဆေးခန်းသို့ ယူလာပါ။ (ကိုက်သောမြွေအမျိုးအစားကို သိရှိပါက မှန်ကန်တိကျသောက် မြွေဆိပ်ဖြေဆေးကို ထိုးနိုင်ရန် အထောက်အကူပြုပါမည်။)

ပိုရှင်းရန်အတွက် ပုံမှာကြည့်ပါ။

*လုံးဝ တင်းတင်းကြပ်ကြပ် ကြပ်မစည်းရပါ*
Photo Credit to MOH

မြွေကိုက်ခြင်းနှင့်ပတ်သတ်သည့်ဗဟုသုတများအတွက် Snakebite Emergency Cases (မြန်မာ) ဂရုကို join ထားလို့ရပါတယ်။

SEC Team 🚑🐍

12/05/2023

မြွေနှင့် မုန်တိုင်း အန္တရာယ်

မုန်တိုင်းစဝင်လာတဲ့သတင်းကြောင့် အားလုံးကပြင်ဆင်နေကြပြီဆိုတော့ SEC admin team ကဆောင်ရန်ရှောင်ရန်လေးတွေ ပြောပေးချင်ပါတယ်။

လေပြင်းမုန်တိုင်းနဲ့အတူ အမှိုက်တွေအပြင် မြွေနဲ့အခြားအန္တရာယ်ရှိအကောင်တွေလွင့်လာနိုင်ပြီး ရေကြီးရေလျှံတွေလည်း ဖြစ်နိုင်ပါတယ်။

မြွေတိုင်းရေကူးတတ်ပေမဲ့ သူတို့က အဆုတ်နဲ့ အသက်ရှူရတဲ့အတွက် ရေထဲတော့အကြာကြီးမနေနိုင်ပါဘူး။ အဲ့တော့ မြွေတွေရေနဲ့မျော လာပြီဆိုရင် တတ်နိုင်သမျှ ကုန်းပေါ်တက်ဖို့ကြိုးစ-ားကြမှာပါ။ သူတို့လည်းအန္တရာယ်ကင်းဖို့ လူတွေရဲ့အဆောက်အဦအောက်/နေအိမ်/ လှေပေါ်ကို တက်လာကြမှာဖြစ်ပါတယ်။

📌ဒါဆို မြွေတွေ့ရင် ဘာလုပ်မလဲ

ဒါကြောင့် မိမိနေအိမ်မှာ မြွေတွေ့ခဲ့ရင် ကလေးနဲ့လှုပ်ရှားဖို့ခက်ခဲတဲ့သက်ကြီးရွယ်အိုတွေကို ဝေးဝေးမှာအရင်နေခိုင်းပါ။
မြွေရဲ့အနီးအနားမှာ လှုပ်ရှားမှုမြန်မြန်မလုပ်ပါနဲ့။
အနားမကပ်ပဲ လုံခြုံတဲ့အကွာဝေးမှာနေပြီးရင် မြွေကို တုတ်ရှည်ရှည်တချောင်းနဲ့ ပြန်ခြောက်ထုတ်ပေးလို့ရပါတယ်။
(ပုံမှန်အချိန်ဆို မီးသတ်ကို ခေါ်လို့ရပေမဲ့ ရာသီဥတုကြောင့် သူတို့လာရန် အခက်အခဲရှိနိုင်ပါတယ်။)

‼သတိထားရမယ့်အချက်

လေကြီးမိုးကြီးဖြစ်နေချိန် မြွေကိုသ-တ်ဖို့လုပ်တာက အရမ်းအန္တရာယ်များပါတယ်။ မြွေကိုက်ခံရတဲ့သူတွေအများစုက မြွေနဲ့ထိတွေ့ဖို့ ကြိုးစားတဲ့သူတွေဖြစ်တဲ့အတွက် အဆိပ်ပြင်းမြွေကို.က်ခံခဲ့ရရင် ရာသီဥတုအခြေအနေကြောင့် ဆေးရုံသွားဖို့ ခက်ခဲနိုင်ပါတယ်။ မြွေမျိုးစိတ်သိဖို့အတွက် ဓာတ်ပုံရိုက် ဒီဂရုမှာအမျိုးစ-ားလာမေးလို့ရပါတယ်။ အက်မင်တွေကအချိန်နှင့်တပြေးညီအဆိပ်ရှိမရှိ ဖြေပေးပါဖြစ်ပြီး နေရာရွှေ့ပြောင်းဖို့အတွက်ပါ လမ်းညွှန်ပေးပါမယ်ဗျ။

မုန်တိုင်းဖြစ်နေချိန် -
အိမ်ရဲ့ အမြင့်နေရာမှာပဲနေပါ။
အိမ်ရဲ့ ချောင်များနှင့် အမှောင်နေရာများကို လက်နှိုက်ခြင်း၊ သွားလာခြင်းကို သတိထားပေးပါ။
တိရိစ္ဆာန်လေးတွေမွေးထားရင် သူတို့လျှောက်မသွားအောင် သတိထားပေးပါ။

မုန်တိုင်းပြီးလို့ ခြံထဲ/အိမ်ထဲ သန့်ရှင်းရေးလုပ်တဲ့ခါ ဘွတ်ဖိနပ်ရှည်စီးဖို့လက်အိတ်အထူအရှည်စွတ်ဖို့လည်း သတိထားပါ။

❗မြွေမျိုးစိတ်နဲ့ အန္တရာယ်ကင်းအောင်နေရာရွေ့နည်းအတွက် လိုအပ်ရင်ဒီဂရု‌ေတွထဲ ပိုစ့်တင်မေးလို့ရပါတယ်။ မုန်တိုင်းကာလအတွင်း24နာရီ အချိန်ပေးပြီးဖြေပေးပါမယ်။
Snakebite Emergency Cases (မြန်မာ)
Wildlife of Myanmar

ဘေးအန္တရာယ်ကင်းကြပါစေဗျ။
Photo - WOM member

Snakebite Emergency Cases and Identification

04/06/2024

31/05/2024

16/05/2024

26/12/2023

19/12/2023

16/12/2023

18/08/2023

02/06/2023

12/05/2023

12/05/2023

Address

Website

Alerts

Shortcuts

Share

Category