Bright LAMP -Health Care Training Center

07/05/2024

Passport in hand ရှိပြီး nurse aid သင်တန်းဆင်းလက်မှတ်ရရှိထားသူများ စင်္ကာပူနိုင်ငံရှိ aging home တွင်လုပ်ကိုင်နိုင်ရန် (10.5.2024) ရက်နေ့တွင် interview ရှိပါသည်။ အသေးစိတ်သိရှိလိုပါက Cb တွင်ဆက်သွယ်နိုင်ပါသည်။

27/04/2024

အပူချိန်မြင့်တက်လာတာနှင့်အမျှ
မိမိကျန်းမာရေးဂရုစိုက်ကြစို့

23/04/2024

မေလတန်းခွဲသစ်အတွက် ‌သင်တန်းအပ်လက်ခံနေပါပီ။

02/04/2024

World autism day - April 2, 2024

အော်တစ်ဇင်ဆိုသည်မှာ
✅ကလေးတစ်ဦး၏ဘ၀ တလျှောက်လုံး၌ အပြန်အလှန်ပြောဆိုဆက်သွယ်ခြင်း
✅ပေါင်းသင်းဆက်ဆံခြင်း စသည်တို့ပုံမှန်မဟုတ်သောအခြေအနေတစ်မျိုးဖြစ်ပါတယ်။
✅အော်တစ်ဇင်သည် စိတ်ရောဂါတစ်မျိုးမဟုတ်ပါ။

April - ၂ ရက်နေ့သည် ကမ္ဘာ့ အော်တစ်ဇင်နေ့ (၂၀၂၄) - World Autism Awareness Day 2024 ဖြစ်ပါတယ်။

အော်တစ်ဇင်ကလေးတိုင်း ပုံ မှန်ကလေးများ အတိုင်း တန်းတူ အခွင့်အရေးရပီး quality of life အပြည့်ရပါစေ

16/03/2024

For knowledge sharing 😊
to original writer

ကလေးဦးနှောက် သိကောင်းစရာ (၁)

ဦးနှောက်စတင်ဖွံ့ ဖြိုးခြင်းနှင့် "ဘဝအစ
ရက်တစ်ထောင် "

ဘဝအစရက်တစ်ထောင်ဆိုသည်မှာ ကလေးအသက် ၂ နှစ်ထိကို ဆိုလိုပါသည်။

👉 တွက်ချက်ပုံမှာ -

ကိုယ်ဝန်ဆောင်ချိန် - ၂၇၀ ရက်
ကလေး အသက် ၁ နှစ်ထိ - ၃၆၅ ရက်
၁နှစ်မှ ၂ နှစ်ထိ နောက်ထပ် - ၃၆၅ ရက်

စုစုပေါင်း ရက် ၁၀၀၀ ကို ဆိုလိုပါသည်။

ကိုယ်ဝန်ဆောင်စဉ် သန္ဓေသားဘဝတွင် ဦးနှောက်သည် ပထမဆုံး စတင်ဖွဲ့ စည်းလာသော ကိုယ်အင်္ဂါတစ်ခုဖြစ်ပြီး ကိုယ်ဝန်-၃ ပတ်ခန့်မှ စတင် ဖွံ့ဖြိုးလာပါသည်။ ထို့ကြောင့် ကိုယ်ဝန်ဆောင်ချိန်ကာလကို ထည့်သွင်း ရေတွက်ထားပါသည်။

လူကြီးဦးနှောက်၏ ၈၀% သည် အဆိုပါရက် တစ်ထောင်အတွင်း ဖွံ့ဖြိုးလာပါသည်။

အဆိုပါ ရက်တစ်ထောင်အတွင်း ဗီဇနှင့် ပတ်ဝန်းကျင်၏ ရိုက်ခတ်မှုသည် ကလေးဦးနှောက်ဖွံ့ဖြိုးမှုကို များစွာ အဟန့်အတားဖြစ်စေပါသည်။
ထို့ကြောင့် "ဘဝအစ ရက်တစ်ထောင်" သည် ကလေး၏အနာဂါတ် ကို အဓိက ပုံဖေါ်ပေးသောအချိန်ဖြစ်ပါသည်။

သန္ဓေသားနှင့် ကလေးငယ်၏ ဦးနှောက် စတင်ကောင်းစွာဖွံ့ ဖြိုးနိုင်ရန် gene ဟုခေါ်သော ဗီဇပေါ်တွင် သာမက အောက်ပါတို့အပေါ်တွင်လည်း မူတည်ပါသည်။

၁၊ ကိုယ်ဝန်ဆောင်နှင့် နို့တိုက်မိခင်၏ အာဟာရ
၂၊ ပိုးမွှားနှင့် အဆိပ်အတောက်များ
၃၊ မွေးဖွားချိန် ပြဿနာများ
၄၊ ကလေးငယ်၏ ပတ်ဝန်းကျင်နှင့် ထိတွေ့မှု နှင့် ပတ်ဝန်းကျင်အပေါ် လေ့လာစူးစမ်းနိုင်မှု
၅၊ ကလေးငယ်​၏ အာဟာရ

ဗီဇဟုဆိုရာတွင် မိခင် သို့မဟုတ် ဖခင်ထံမှ ဆင်းသက်လာသော ဗီဇသာမက ဤကလေးကျမှ စတင် ပြောင်းသော ဗီဇမျိုးလည်း ရှိပါသည်။ ယနေ့ခေတ်ဆေးပညာသည် ဗီဇကိုရှာဖွေခြင်း၊ ဗီဇကိုပြောင်းလဲခြင်း၊ ကုသခြင်းစသည်တို့ကို စမ်းသပ်ပြုလုပ်လာသော်လည်း ရောဂါအများစု လူအများစု အတွက် လက်လှမ်းမမှီသော အနေအထားတွင်ရှိနေပါသေးသည်။

👉ကိုယ်ဝန်ဆောင်နှင့် နို့တိုက်မိခင်၏ အာဟာရ

ကိုယ်ဝန်ဆောင်နှင့် နို့တိုက်မိခင်၏ အာဟာရသည် သန္ဓေသားနှင့် ကလေးငယ်ဦးနှောက်ဖွံ့ဖြိုးမှု အတွက် အင်မတန်အရေးကြီးသော အချက်တစ်ခုပါ။ သင့်တင့်မျှတ သန့်ရှင်းလတ်ဆတ်သော အစာအာဟာရ သုံးဆောင်မှီဝဲဘို့ အရေးကြီးပါသည်။ အစားအသောက် ရှောင်ကြဉ်ခြင်း အာဟာရမပြည့်ဝခြင်းတို့ကြောင့် ဦးနှောက်၏ အထွေထွေဖွံ့ဖြိုးမှုကိုထိခိုက်ရုံသာမက အချို့သောရောဂါများ ဖြစ်ပေါ်လာတတ်ပါသည်။

ဥပမာ - ဖေါလစ်အက်ဆစ်ချို့တည့်သဖြင့် ဦးနှောက် အောက်ခြေသာ ပါလာခြင်း (Anencephaly)၊ ကြောရိုးအာရုံကြောမကြီး ကျွံထွက်ခြင်း (myelomeningocele) စသည်တို့ ဖြစ်တတ်ပါသည်။ အိုင်အိုဒင်းဓါတ် ချို့တည့်ခြင်းကြောင့် ကလေးငယ်၏ သိုင်းရွိုက် ဟော်မုန်းဓါတ်အားနည်းပြီး ဉာဏ်ရည်မမှီ ဖြစ်နိုင်ပါသည်။ ကာကွယ်ရလွယ်သလောက် နောက်ဆက်တွဲ အန္တရာယ်ကြီးမားသော ရောဂါများဖြစ်ပါသည်။

👉ပိုးမွှားနှင့် အဆိပ်အတောက်များ

ရောဂါပိုးမွှားများသည် မိခင်မှတစ်ဆင့် သန္ဓေသားဆီရောက်ရှိနိုင်ပါသည်။ Rubella ဟုခေါ်သော အနီစက်များထွက်တတ်သည့် ဂျိုက်သိုးရောဂါ၊ Cytomegalovirus, Zika virus စသော ဗိုင်းရပ်စ် များကြောင့် ဖြစ်ပွားသော ရောဂါများသည် ဦးနှောက်ကြီးထွားမှုကို ဟန့်တားပြီး ဦးနှောက်သေးသော၊ ဦးခေါင်းသေးသော ကလေးငယ်များ မွေးဖွားလာနိုင် ပါသည်။ ပိုးမွှားများ၊ ပတ်ဝန်းကျင် အဆိပ်အတောက်များသည် မွေးကင်းစကလေး လေဖြတ်ခြင်း (neonatal stroke) ကိုဖြစ် စေသော အကြောင်းရင်းများလည်းဖြစ်
ပါသည်။
ခဲဆိပ်သင့်ခြင်းသည်လည်း မွေးပြီးနောက်ပိုင်း ကလေးဦးနှောက်ဖွံ့ဖြိုးမှုကို ထိခိုက်စေသော အကြောင်းရင်းတစ်ခုဖြစ်ပါသည်။ ဘက်ထရီလုပ်ငန်းများ၊ ခဲကို အသုံးပြုသော စက်မှုလုပ်
ငန်းများသည် ခဲဆိပ်သင့်နိုင်သော အခြေအနေများ ဖြစ်ပါသည်။

ကလေးငယ်စဉ်ဘဝတွင် ဘက်တီးရီးယားများ၊ တီဘီပိုး၊ ဗိုင်းရပ်စ်များကြောင့် ဖြစ်ပွားသော ဦးနှောက်အမြှေးရောင်၊ ဦးနှောက်ရောင်ရောဂါများသည်လည်း ကလေးဦးနှောက်ဖွံ့ဖြိုးမှုကိုများစွာပြဿနာဖြစ်စေပါသည်။ ထိုရောဂါများကိုဖြစ်မှကုသခြင်းထက်ကြိုတင်ကာကွယ်ခြင်းကများစွာထိရောက်ပါသည်။ထို့ကြောင့်ကလေးငယ်စဉ်ဘဝတွင်ကာကွယ်ဆေးများထိုးနှံပေးခြင်းသည် ထိရောက်သော ရောဂါကာကွယ်ခြင်း ဖြစ်ပါသည်။

👉မွေးဖွားချိန် ပြဿနာများ

မွေးဖွားခါစ ကလေးဦးနှောက်သည် အင်မတန်နုနယ်ပြီး ထိုအချိန်တွင် လိုအပ်သော အောက်ဆီဂျင်၊ အချိုဓာတ် စသည်တို့ မရရှိပါက အလွန်ထိခိုက် ပျက်စီးလွယ်ပါသည်။ မွေးဖွားစဉ်ခက်ခဲခြင်း၊ မွေးချိန်ကြာခြင်း၊ ရေမွန်းခြင်း၊ လမစေ့ပေါင်မပြည့်ဘဲမွေးခြင်း၊ မွေးပြီးအလွန်အမင်းအသားဝါခြင်း စသည်တို့ကြောင့် ဦးနှောက်ထိခိုက် ပျက်စီးနိုင်ပါသည်။ ထို့ကြောင့် စောစီးစွာ ကိုယ်ဝန်အပ်နှံပြီး ကိုယ်ဝန် မှန်မှန်ပြခြင်း၊ ဆေးရုံဆေးခန်းများတွင် တတ်ကျွမ်းသောဆရာဝန်၊ ဆရာမများနှင့် မွေးဖွားခြင်းသည်လည်း ထိရောက်သော ကြိုတင်ကာကွယ်မှု ဖြစ်ပါသည်။

👉ကလေးငယ်၏ ပတ်ဝန်းကျင်

ကလေးငယ်တစ်ဦးပုံမှန်မွေးဖွားလာချိန်တွင် သူ၏ဦးနှောက်သည် အရာရာကို သူ၏အရွယ် အလိုက် စူးစမ်း လေ့လာ သင်ယူ တတ်မြောက် နိုင်ရန် အဆင်သင့်ဖြစ်နေပါပြီ။ သူ့ပတ်ဝန်းကျင်ရှိ မိဘ၊ မိသားစုနှင့် ကလေးကိုပြုစုစောင့်ရှောက်သူ များသည် ကလေး၏လက်ဦးဆရာပီသစွာ သင်ဆရာ မြင်ဆရာ ကြားဆရာ အနေဖြင့် ကလေးငယ်အပေါ် သင့်တင့်မျှတသောကာကွယ်မှု၊ သင်ကြားမှု၊ စူးစမ်းလေ့လာနိုင်ရန် ကောင်းမွန်သောအတွေ့အကြုံများဖန်တီးပေးမှု တို့ မဖြစ်မနေလိုအပ်ပါသည်။

👉 ကလေးကို စကားပြောပါ။
👉 ကလေးနဲ့ ကစားပါ။
👉 ကလေးစူးစမ်းမေးမြန်းလာလျှင် တုံ့ ပြန်ပါ။
👉 ကလေးစူးစမ်းခွင့်ရရှိနိုင်ရန် ကစားစရာများ၊ ပုံစာအုပ်များ၊ အိပ်ရာဝင်ပုံပြင်များ၊ ကလေးချော့တေးများ၊ ကဗျာများနှင့် ထိတွေ့ပေးပါ။

အခြားတစ်ဖက်တွင် ကလေးအတွက် ရုပ်ပိုင်း စိတ်ပိုင်းကို အန္တရာယ်ရှိသော ထိခိုက်နိုင်သော ပတ်ဝန်းကျင်၊ ခံစားမှု၊ မြင်ကွင်း၊ အတွေ့အကြုံ စသည်တို့ကို လုံးဝ လုံးဝ ရှောင်ကြဉ်ပါ။ ဤအတွေ့အကြုံများသည် ကလေးငယ်၏ဦးနှောက်ဖွံ့ ဖြိုးမှု ကို သေချာပေါက် ဟန့်တားနိုင်ပြီး ဘဝတလျှောက်ဆိုးကျိုးများစွာ ဆက်လက်ဖြစ်ပွားနိုင်ပါသည်။

👉ကလေးငယ်​၏ အာဟာရ

သန့်ရှင်းလတ်ဆတ်၍ သင့်တမျှတသော အစာ အာဟာရများသည်လည်း ကလေးငယ် ဦးနှောက်ဖွံ့ဖြိုးမှုအတွက် မရှိမဖြစ်လိုအပ်ပါသည်။ အသား၊ငါး၊ပဲ၊ အသီးအရွက်မျိုးစုံ စားသုံးရန်လိုအပ်ပါသည်။ ဗီတာမင်များ၊ ပရိုတိန်းဓာတ်၊ သံဓာတ် စသည်တို့ ချို့တဲ့ပါက ဦးနှောက်​၏ လုပ်ငန်းဆောင်တာများကို ထိခိုက် နိုင်ပါသည်။

အထက်ပါ အချက်များကို သတိထားလိုက်နာခြင်းဖြင့် ကလေးတစ်ဦး၏ အနာဂါတ်ကို ပုံဖေါ်ပေးသော ဘဝအစ ရက်တစ်ထောင်ကို ကောင်းစွာအထောက်အကူပြုစေမည်ဖြစ် ပါသည်။

ေးဦးနှောက်သိကောင်းစရာ

15/02/2024

08/02/2024

Contraceptive method များထဲမှ Hormonal method အကြောင်းလေးအနည်းငယ်မိတ်ဆက်ပေးပါ့မယ်
Hormonal method မှာ
-oral contraceptive pill
-Injection
-Implants
-Patches

25/01/2024

ကမ္ဘာပေါ်ရှိအမေများ အားလုံးကို ကျန်းမာပါစေဟုဆုတောင်းမေတ္တာပို့သအပ်ပါတယ်ရှင့်🙏

24/01/2024

☘️၀န်ထုပ်၀န်ပိုး(burden)
☘️အရှက်ရစေတယ်(Shame)
☘️မလိုချင်ပဲရတာ(unwanted)

စတဲ့စကားလုံးတွေက အပြစ်မရှိပဲ လူ့လောကထဲရောက်လာမဲ့ လူသားလေးအတွက်အရမ်းရက်စက်တဲ့စကားပေါ့

ဒါကြောင်❤️❤️
အရွယ်ရောက်ပီးသော ကျား/မ မရွေး သန္တေတားနည်းအမျိုးမျိုးကို သိသင့်ပါတယ်။
Contraceptive (သန္တေတားနည်း) အမျိုးမျိုးရှိပါတယ်။
Hormonal method နဲ့ Non Hormonal method ဆိုပီး ယျေဘူယျအားဖြင့် ၂ မျိုးခွဲခြားထားပါတယ်။

✅Pill (သောက်ဆေး)
✅Injection (ထိုးဆေး)
✅Implant
✅Patches
✅Intra uterine devices
✅Male/ female Condoms
✅Vaginal ring
✅Lactational amenorrhea method
✅Sterlization
✅Calendar method
✅Withdrawal method

အထပ်ပါနည်းလမ်းတွေသာစနစ်တကျသုံးစွဲရင် မလိုလားအပ်တဲ့ အရာတွေမဖြစ်စေဘူးပေါ့😊

(နောက်ပိုင်းတွင် တခုခြင်းဆီအကြောင်းအသေးစိတ်တင်ပြသွားပါ့မယ်)

⭐⭐⭐လူသားတိုင်းအတွက် prescious baby လေးသာဖြစ်ပါစေလို့ဆုတောင်းရင်း🙏

ကျန်းမာရေး ဗဟုသုတအဖြစ် လေ့လာချင်ရင် page Like and following လုပ်ထားပေးနော်
Google source

20/01/2024

✅Acute Abdominal Pain
(ရုတ်တရက် ဗိုက်အောင့်ခြင်း/နာခြင်း)
************************************

ဗိုက်အောင့်ခြင်းကိုတော့ လူတိုင်းခံစားဖူးကြမှာအမှန်ပါ။

ဗိုက်အောင့်ခြင်း ၊ ဗိုက်နာခြင်းကို ဖြစ်ပေါ်စေသောအကြောင်းအရင်းများစွာရှိပါသည်။

ဥပမာ-
အစာမကြေလို့၊လေအောင့်လို့ စသည်ဖြင့် နာကျင်နိုင်သလို

😭ရောဂါတခုခုခံစားနေရရင်လဲနာကျင်နိုင်ပါတယ်။

ဒါကြောင့်
၀မ်းဗိုက်ရဲ့ ဘယ်အစိတ်အပိုင်းမှာနာကျင်လျှင် ဘာရောဂါဖြစ်နိုင်သလဲဆိုတာ ပုံနှင့်တကွဖော်ပြလိုက်ပါတယ်။

(မှတ်ချက်-၀မ်းဗိုက်နာကျင်ပါက ဖိနှိပ်ခြင်းမပြုလုပ်ရပါ။ အန္တရာယ်ရှိပါသည်)

photo