What are the opening hours?

Monday 08:30 - 20:00 Tuesday 08:30 - 20:00 Wednesday 08:30 - 20:00 Thursday 08:30 - 20:00 Friday 08:30 - 20:00 Saturday 08:30 - 20:00 Sunday 08:30 - 20:00

https://www.facebook.com/109310165516993/

Aung Clinic_အောင်ဆေးခန်း, No. 2494, Hlawgar-Wartayar Road, Hta/16 Qtr, Near Lower Hlawgar Gate, Shwe Pyi Thar Tsp, Yangon (2025)

08/06/2023

ဖျားနာနေတဲ့ မိသားစုဝင် ကို ဘယ်လို ဂရုစိုက်ပေးမလဲ
လူတစ်ယောက်ဖျားနာရတဲ့ အကြောင်းရင်းတွေထဲမှာ အဖြစ်အများဆုံးကတော့ အသက်ရှူလမ်းကြောင်းကို ဗိုင်းရပ်စ်ကူးစက်ခံရလို့ပါ။ အရပ်စကားနဲ့ ပြောမယ်ဆိုရင် အအေးမိတာ၊ တုပ်ကွေးမိတာကြောင့် ဖျားနာတာ အများဆုံးပါပဲ။ ခုလို ရာသီအကူးအပြောင်းကာလဆိုရင် ပိုပြီးတော့ ဖျားနာတတ်ပါတယ်။ ဒီလိုကူးစက်ရောဂါတွေကြောင့် အိမ်မှာ ဖျားနာနေတဲ့ မိသားစုဝင် တစ်ယောက်ရှိပြီဆိုရင် နောက်တစ်ယောက်ကို အလွယ်လေး ကူးစက်သွားနိုင်ပါတယ်။
ဒါကြောင့် ဖျားတဲ့သူတစ်ယောက်ယောက် ရှိပြီဆိုရင် သေချာဂရုစိုက်ပေးရပါမယ်။ သူလည်း မြန်မြန်သက်သာစေသလို သူများကို ကူးနိုင်ခြေလည်း နည်းသွားတာကြောင့်ပါ။
ဖျားနာနေတဲ့ မိသားစုဝင် ခံစားရတဲ့ လက္ခဏာတွေ သက်သာစေဖို့
အအေးမိ တုပ်ကွေးကြောင့် ဖျားနာတယ်ဆိုရင် ဖျားတာအပြင် နှာစေးနှာပိတ်တာ၊ ခေါင်းကိုက်တာ၊ ကိုယ်လက်ကိုက်ခဲတာတွေ ဖြစ်တတ်ပါတယ်။ ဒီတော့လက္ခဏာအလိုက် ဒီလိုမျိုး ကုသပေးလို့ရပါတယ်။ ခုပြောမယ့် ဆေးတွေက ဆရာဝန်ဆေးစာမလိုတာကြောင့် အိမ်မှာတင် အနားယူပြီးကိုယ်တိုင်ကုသလို့ ရတဲ့နည်းတွေပဲ ဖြစ်ပါတယ်။
• ဖျားတဲ့အခါ − အဖျားသိပ်မကြီးရင် တစ်ကိုယ်လုံးကို ရေပတ်ဝတ်တိုက်တာ၊ ရေကျက်သီးနွေးနဲ့ ရေချိုးတာတွေ လုပ်နိုင်ပါတယ်။ အဖျားကြီးလာရင်၊ ဖျားလို့ နေလို့ထိုင်လို့ မကောင်းရင် ပါရာစီတမောသောက်နိုင်ပါတယ်။ ဆေးပတ်လည်အောင် သောက်ပေးပါ။
• ချောင်းဆိုးတဲ့အခါ − ချောင်းခြောက်ဆိုးရင် ချောင်းဆိုးပျောက်ဆေး၊ ချွဲထရင် ချွဲပျော်ဆေးသောက်ပေးပါ။
• လည်ချောင်းနာတဲ့အခါ − ဆားရည်နဲ့ အာလုပ်ကျင်းပေးပါ။ အရည်အေးအေးလေးတွေ သောက်ပေးပါ။ နာကျင်တာ သက်သာအောင် ပါရာစီတမောလည်း သောက်ပေးနိုင်ပါတယ်။
• ခေါင်းကိုက်တာနဲ့ ကိုယ်လက်ကိုက်ခဲတာတွေအတွက် − ရေနွေးနွေးနဲ့ ရေချိုးပါ။ ပါရာစီတမောသောက်ပေးပါ။
• နှာရည်ယို၊ နှာစေးတာတွေအတွက် − Chlorphenamine Maleate ပါတာတွေ သောက်ပေးနိုင်ပါတယ်။
• နှာပိတ်တာအတွက် − Phenylephrine ပါတာ သောက်ပေးနိုင်ပါတယ်။
ဖျားနာနေတဲ့ မိသားစုဝင်မှာ ဒီလက္ခဏာတွေ ပေါ်လာရင် အမြန်ဆုံးသက်သာစေဖို့ ဆေးရုံ/ဆေးခန်းပြသပေးရန်လိုအပ်ပါတယ်...

ဆေးခန်းပြရန်လိုအပ်ပါက မင်မင်တို့ Aung Clinic_အောင်ဆေးခန်းကို လာ‌ရောက်ပြသနိုင်ပါတယ်ရှင်...

လိပ်စာ ။ ။ အမှတ်(၂၄၉၂), လှော်ကား-ဝါးတစ်ရာလမ်းမကြီး, ထ/၁၆ ရပ်ကွက်, လှော်ကားအောက်ဂိတ်အနီး, ရွှေပြည်သာမြို့။
ဖုန်း ။ ။ ၀၉ ၄၂၀ ၃၁၀ ၃၅၈
၀၉ ၉၇၅ ၃၆၅ ၇၁၆
မင်မင်တို့ Aung Clinic_အောင်ဆေးခန်း pageကလည်း အခုလို ကျန်းမာရေးနဲ့ ပတ်သတ်တဲ့ ဗဟုသုတရစေမယ့် အကြောင်းအရာလေးများကိုလည်း အပတ်စဥ်တင်ပေး သွားမှာဖြစ်လို့ မိမိမိတ်ဆွေ သူငယ်ချင်းများကိုလည်း ပြန်လည် မျှဝေပေးရင်း page လေးကိုလည်း ဝန်းရံပေးကြပါအုန်းနော်
credit to https://hellosayarwon.com

02/06/2023

အခုကာလက တုပ်ကွေး အဖြစ်များတဲ့ ကာလပါ။ နှစ်စဉ် မိုးကျလာပြီဆိုရင် တုပ်ကွေးကလည်း မိုးနဲ့အတူ ပါလာတတ်တဲ့ အရာပေါ့😔တုပ်ကွေး ဖြစ်ပြီဆိုရင် ခံစားရတာ အတော်လေး မသက်သာပါဘူး🤒ဒါဆိုတုပ်ကွေးကာကွယ်ဖို့ ဘာတွေစားကြမလဲ🧄🥕🥚🥝🥬

တုပ်ကွေးရာသီမှာ တုပ်ကွေးကာကွယ်ဖို့ ဒါတွေစားပေးပါ………..

တုပ်ကွေးရာသီမှာ တုပ်ကွေးကွေးကြသူတွေထဲ မပါစေဖို့ဆိုရင်တော့ နေ့စဉ်စားသုံးမှုမှာ ဒါလေးတွေ ထည့်စားပေးဖို့ လိုပါမယ်။(စျေးဆိုင်တွေမှာလည်း အလွယ်တကူဝယ်လို့ရပြီး စျေးနှုန်းသင့်တင့်တဲ့ မီးဖိုချောင်သုံး စားစရာလေးတွေဆိုတော့ အဆင်ပြေပြီပေါ့👍)

ကြက်သွန်ဖြူ

ကြက်သွန်ဖြူမှာ ကူးစက်တတ်တဲ့ ရောဂါပိုးတွေကို တိုက်ဖျက်နိုင်တဲ့ အစွမ်းရှိပါတယ်။ သာမန်အအေးမိ ဖျားနာတာကစလို့ တုပ်ကွေးတွေအထိပါ ကာကွယ်ပေးနိုင်တဲ့ အာနိသင်ရှိတယ် လို့ ၂၀၀၄ ခုနှစ်က လုပ်ခဲ့တဲ့ လေ့လာမှုတွေအရ သိရပါတယ်။
ဒါ့ကြောင့် ဒီကာလမှာ တုပ်ကွေးကာကွယ်ဖို့ဆိုရင် ကြက်သွန်ဖြူလေးကို ဟင်းချက်တိုင်း ထည့်ချက်ပေးဖို့ အကြံပြုပါရစေ။

ချင်း (ဂျင်း)

ချင်း (ဂျင်း) က အူမကြီးကို သန့်စင်ပေးနိုင်တဲ့ ဓာတ်တိုးဆန့်ကျင် အာနိသင် ပြည့်ဝတဲ့ မီးဖိုချောင်တွင်းက ဆေးတစ်လက်ပါ။ ဟင်းချက်တဲ့အခါ ချင်း(ဂျင်း) ထည့်ချက်တာ၊ ချင်း (ဂျင်း) လက်ဖက်ရည် နွေးနွေးလေး သောက်ပေးတာက မိုးအေးအေးမှာ နွေးထွေးစေပြီး တုပ်ကွေး မဖြစ်အောင်လည်း ကာကွယ်ပေးနိုင်မှာပါ။

မုန်လာဥနီ

မုန်လာဥနီမှာ ကိုယ်ခံအားကို အားဖြည့်ပေးနိုင်တဲ့ beta carotene နဲ့ ဗီတာမင် A တို့ ကြွယ်ဝစွာ ပါဝင်နေပါတယ်။ မုန်လာဥနီက သွေးအားပြည့်စေသလို ဓာတ်တိုးပစ္စည်းတွေကြောင့် ထိခိုက်မှုတွေ မဖြစ်စေဖို့လည်း ကာကွယ်ပေးပါတယ်။

ဥအမျိုးမျိုး

ဆီလီနီယမ် ကြွယ်ဝစွာ ပါဝင်နေတဲ့ ဥအမျိုးမျိုးက သိုင်းရွိုက်ဂလင်းကို ကျန်းမာစေပြီး ကိုယ်ခံအားကို အားဖြည့်ပေးပါတယ်။ နောက်တစ်ချက်က ကြက်ဥ၊ ဘဲဥတွေမှာ ပရိုတင်းနဲ့ အမိုင်နိုင် အက်ဆစ်တို့ ကြွယ်ဝစွာပါဝင်နေတာပါ။
ပရိုတင်း ကြွယ်ဝမှုက ကိုယ်ခံအားစနစ်က T-cell တွေကို အားဖြည့်ပေးပြီး အအေးမိ၊ တုပ်ကွေးမဖြစ်စေဖို့ ကာကွယ်ပေးပါတယ်။

ကိုက်လန်

ကိုက်လန်မှာ ဓာတ်တိုးဆန့်ကျင် အာနိသင်ကြွယ်ဝစွာ ပါဝင်နေသလို ဖောလိတ်၊ ဗီတာမင် A၊ ဗီတာမင် C နဲ့ ဗီတာမင် K တို့ ကြွယ်ဝစွာ ပါဝင်နေပါတယ်။ ဒါ့အပြင် သံဓာတ် ကြွယ်ဝစွာ ပါဝင်နေမှုက ကိုယ်ခံအား ကောင်းစေဖို့ ထောက်ကူပေးနိုင်ပါတယ်။

ဖရုံစေ့

ဖရုံစေ့မှာ ဇင့်ဓာတ် ကြွယ်ဝစွာ ပါဝင်နေတာကြောင့် အအေးမိ၊ တုပ်ကွေးတို့ကို ကာကွယ်တိုက်ထုတ်ဖို့ အထိရောက်ဆုံး အားဖြည့်ပေးပါတယ်။ တုပ်ကွေး ကာကွယ်ဖို့ တစ်နေ့ကို ဖရုံစေ့ လက်တစ်ဆုပ်စာ စားပေးဖို့ လိုပါမယ်။

အခုလို တုပ်ကွေး အဖြစ်များတဲ့ ကာလကို ကျန်းကျန်းမာမာ ကျော်ဖြတ်နိုင်ဖို့ဆိုရင် အခုပြောခဲ့တဲ့ အစားအစာလေးတွေထဲက တစ်ခု ဒါမှမဟုတ် နှစ်ခုလောက်ကို စားသုံးပေးဖို့ လိုပါမယ်ရှင်...

ကဲ…… တုပ်ကွေးရာသီကို အကောင်းဆုံး ကျော်ဖြတ်ကြစို့နော် 🥰

မင်မင်တို့ Aung Clinic_အောင်ဆေးခန်း pageကလည်း အခုလို ကျန်းမာရေးနဲ့ ပတ်သတ်တဲ့ ဗဟုသုတရစေမယ့် အကြောင်းအရာလေးများကိုလည်း အပတ်စဥ်တင်ပေး သွားမှာဖြစ်လို့ မိမိမိတ်ဆွေ သူငယ်ချင်းများကိုလည်း ပြန်လည် မျှဝေပေးရင်း page လေးကိုလည်း ဝန်းရံပေးကြပါအုန်းနော်🥰

credit to https://hellosayarwon.com

02/06/2023

မင်္ဂလာပါရှင်....
ကျွန်မတို့ "အောင် အထွေထွေရောဂါကုဆေးခန်း" သည် ‌ရွှေပြည်သာမြို့နေပြည်သူများအတွက် ကျန်းမာရေးစောင့်ရှောက်မှု့များကို မနက် (၈)နာရီခွဲမှည(၈)နာရီအထိ ဝန်ဆောင်မှုပေးကာ ကုသပေးနေလျှက်ရှိပါသည်။

🏥 လိပ်စာ ။ ။ အမှတ်(၂၄၉၂), လှော်ကား-ဝါးတစ်ရာလမ်းမကြီး, ထ/၁၆ ရပ်ကွက်, လှော်ကားအောက်ဂိတ်အနီး, ရွှေပြည်သာမြို့။

📞ဖုန်း ။ ။ ၀၉ ၄၂၀ ၃၁၀ ၃၅၈
၀၉ ၉၇၅ ၃၆၅ ၇၁၆

Address

No. 2494, Hlawgar-Wartayar Road, Hta/16 Qtr, Near Lower Hlawgar Gate, Shwe Pyi Thar Tsp
Yangon
11411

Opening Hours

Monday	08:30 - 20:00
Tuesday	08:30 - 20:00
Wednesday	08:30 - 20:00
Thursday	08:30 - 20:00
Friday	08:30 - 20:00
Saturday	08:30 - 20:00
Sunday	08:30 - 20:00

Website

facebook.com

Alerts

Be the first to know and let us send you an email when Aung Clinic_အောင်ဆေးခန်း posts news and promotions. Your email address will not be used for any other purpose, and you can unsubscribe at any time.

Aung Clinic_အောင်ဆေးခန်း

08/06/2023

02/06/2023

02/06/2023

Address

Opening Hours

Website

Alerts

Shortcuts

Share

Category