19/02/2026
ဆရာကြီးဦးရန်အောင်၏ အသုံးဝင်ဆေးနည်းများ
🌹🌹🌹🌹🌹
၁ - ရေချိုးနည်း
၂ - နှာခေါင်းပိတ်သလိပ်ထွက်အသားယားခြင်း
၃ - အပူထုတ်ရေချိုးနည်း
၄ - ညအိပ်ရာဝင်လေရှူ
၅ - ဓာတ်ညီအောင်နေထိုင်နည်း
၆ - လက်တုန်ခြင်း
၇ - ခါးနာခြင်း
၈ - ရေဖျဉ်း
၉ - အဆစ်နာ - အဆစ်များကိုက်
၁၀ - ဆရာကြီးဆေးခန်းလိပ်စာ
🌹၁။ရေချိုးနည်း
● ရေမချိုးမီ ရေတစ်ခွက်ကြိုတင်သောက်ပါ။
● ရေမချိုးမီ ဆီးအရင်သွားထားပါ။
● ရေမချိုးမီ ခြေဖဝါးကို ဆားပွတ်ပါ။
● ရေချိုးသည့်အခါရေကိုအစွန်းအဖျားမှစ၍လောင်းပါ။
● သိပ်အေးတဲ့ရေကို မချိုးရ ။
● သိပ်ပူတဲ့ရေကိုလည်းမချိုးသင့် ။
● နွေရာသီမှာ မနက်၇နာရီကစပြီး နေပြထားတဲ့ရေနဲ့ နံနက် ၁၁ နာရီမှာ ချိုးပေးပါ။
● အကယ်၍ သိပ်အေးရင် အခါးရွက်ပြုတ်ရည်ကို ကိုယ်အပူချိန်နဲ့မျှရုံချိုးသင့်ပါတယ်။
● ဆပ်ပြာကိုလည်း ရှားစောင်းလက်ပတ် မန်ကျည်းတို့ပါဝင်တဲ့ ဆပ်ပြာကိုသုံးပါ။
● ရေချိုးပြီးတဲ့အခါ ခြောက်အောင်သုတ်ပါ။
● သနပ်ခါးရေကျဲကို နေ့စဉ် မှန်မှန် လိမ်းပေးပါ။
••••••••••
🌹 ၂။နှာခေါင်းပိတ်ပြီးသလိပ်ထွက်ခြင်း အသားယားခြင်း နားသိပ်မကြားခြင်း
မနက်ပိုင်း နှာခေါင်းပိတ်ပြီးသလိပ်ထွက်ခြင်း အသားယား နားသိပ်မကြားရခြင်း
နေထိုင်စားသောက်ပုံ ...
ခရမ်းမှ ၈၅ နှစ်အမေအတွက်
ယားတယ်ဆိုတာ -အခါးဓာတ်နည်းတာ ရေချိုးသည့်အခါ အခါးသုံးရမယ် ။
ခရမ်းမှာ ကန့်ကလာပေါတယ် ကန့်ကလာရရင် ကန့်ကလာကိုပြုတ်ပြီးရေချိုးပေး
ကန့်ကလာကို ဟင်းချိုချက်သောက်ရင် နှာပိတ်တာ အလွယ်လေးထွက်သွားမယ်။
ဒီလိုအချိန်မှာ အားဆေးတွေများများတိုက်ရင် အရွယ်နဲ့မမျှ အစာမကြေပဲ အားမရှိ
အဲဒီလိုရောဂါဘက်ကိုယိုင်သွားတတ်။အားဆေးကိုတတ်ကြွမ်းတဲ့ဆရာညွန်သည့်အတိုင်းတိုက်ပါ - မလိုအပ်ပဲဆေးတွေတိုက်ရင် ဆေးပိတာများတယ်။
ကြိုတင်သတိထားမှာက အိပ်ရာနာ Bed Soreကိုသတိထားပါ - အသက်ကြီးလာရင်ခြေထောက်ဖော. မျက်နှာအမ်း အိပ်ရာနဲ့ထိတွေ့တာများတဲ့အပိုင်း အိပ်ရာနာ နီရဲလာရင် ကွမ်းသီးကို သွေးလိမ်းပါ ။
ခြေထောက် လက်တွေ ယောင်တာဖောတာဖြစ်ရင် ကနဖော့ရိုးနီ ( ရေကနဖော့)ကိုပြုတ်တို့ သုပ် ချဉ်ရေချက် ကျွေး (အာကာသကောင်းတာကိုကျွေးပါ)မကျည်းရည်နဲ့သုပ်စားသင့်တယ်။
- ငါကြိုက် ( ရှောင်ခိုင်းရင်မရှောင်)
- ရောဂါကြိုက် ( ချဉ်ခြင်းတပ်တာ)
- ဓာတ်ကြိုက် ( သူ့အတွက်အကျိုးပြုတာ)
● နားသိပ်မကြားရတာ - အသက်ကြီးတဲ့အခါ အာရုံကြောအားနည်းတယ်
နားအောက်ခြေတဝိုက် ပစောက်ပုံ ( နားရှေ့ကနေ နားနောက်ထိ ) ကရမက်ရည်ကျဲကျဲလေးကို လက်ဖျားမှာဆွတ်ပြီး လက်နှစ်ဖက်နဲ့ စုံပွတ်ပေးပါ ။
●တခါပွတ်ရင် ၇ ကြိမ်လောက် စုံပွတ်ပါ - ကနဖော့ကျွေးရင်လည်းပြန်ကြားလာနိုင်ပါတယ်။
သတိထားရမှာက အိပ်ရာနာမဖြစ်ဖို့ပါ။
•••••••••
🌹 ၃။ အပူထုတ် ရေချိုးနည်း
လူတွေမှာ ငုတ်လှောင်အောင်းနေတဲ့ အပူတွေ ရှိပါတယ် ။ဒီ အပူတွေကို ရေချိုးပြီး မထုတ်ရင် အန္တရာယ်ရှိပါတယ်။
အောင်းပူတွေကို စနစ်တကျမထုတ်ဘဲ ကန်ထွက်နေမယ်ဆိုရင် အန္တရာယ်ရှိပါတယ်။
ဒါကြောင့် ရေချိုးနည်း မှန်ဖို့လိုပါတယ်။
ရောဂါ ရှိသည်ဖြစ်စေ မရှိသည်ဖြစ်စေ လူတိုင်းအတွက် အောင်းပူတွေ ထွက်စေမယ့်
(အနှိပ်မခံဘဲ )အပူထုတ်နည်းကို ပြောပြပါမယ် ။
၁ - ရေမချိုးခင် အပူထုတ်နည်း..
မန်ကျည်ရေ ခပ်ကျဲကျဲ ခပ်ပါးပါးလေးခန္ဓာကိုယ်တခုလုံးကို ပွတ်ပါ ။
၂ - ဆားနည်းနည်းဖြင့် -
ဘယ်ခြေဖဝါးကို ညာလက်ဖဝါးနဲ့ /ညာခြေဖဝါးကို ဘယ်လက်ဖဝါးနဲ့ အလျားလိုက်အကြိမ် ၅၀ ခန့် ပွတ်ပါ ။
၃ - ၁၀ မိနစ်ကြာမှရေချိုးပါ ။
၄ - ရေချိုးရာမှာ ဝုန်းကနဲ ရေတန်းမချိုးပါနဲ့
ခြေရေလက်ရေ ကိုဖြစ်သလို စ မလောင်းပါနဲ့။
ပေါင်အလယ် လက်မောင်းအလယ် အဆီရှိတဲ့နေရာမှာ အပူခိုတာမို့ပေါင်အလယ် လက်မောင်းအလယ်က စလောင်းပြီး အစွန် အဖျားတွေကိုလောင်းပါ ။
ပြီးတော့ မျက်နှာသစ်မယ် - တစ်ကိုယ်လုံး ချိုးမယ် -
ဒီလို စိတ်ရှည်လက်ရှည် ချိုးပေးရင် အပူတွေ တစိမ့်သိမ့်ထွက်စေပါတယ်။
အထူးမှတ်သားရမှာက -
ဆားပွတ် ပြီး ရေချိးပါ -
ရေမချိုးဖြစ်ပဲ ဆားမပွတ်ပါနဲ့ -
ည အခါ ညစ်ပေလို့ ခြေထောက်ကို ရေဆေးရင်လည်း ခြောက်အောင်ပြန်သုတ်ပါ။
ဒီလို မဟုတ်ရင် မျက်စိနာတတ်တယ် မျက်ဝတ်တွေ ထွက်တတ်ပါတယ် ။
•••••••••••
🌹 ၄။အိပ်ရာဝင်လေရှူပြီးမှ အိပ်ပါ
ညစဉ် အိပ်ရာထဲရောက်လျှင် ပက်လကအနေအထားနဲ့ ခေါင်းအုံးမပါစေပဲခြေလက်တို့ကို ဆန့်ထားပြီး စိတ်ကိုလျှော့ထားပါ။
အသက်ကို မှန်မှန်ဖြည်းဖြည်း တဝကြီး.နှာခေါင်းဖြင့်ရှူသွင်းပါ -
ပါးစပ်မှ အကုန် ပြန်ထုတ်ပါ. - ၂၁ ကြိမ်ခန့် ပြုလုပ်ပါ ။
တစ်လခန့် ကြာလာပါက အိပ်ရာထတွင် ပေါ့ပါး ကြည်လင်လာသည်ကို တွေ့ရပါမည်။
••••••••••
🌹 ၅။ဓါတ်ညီအောင်နေထိုင်နည်း
ဓါတ်ညီအောင်နေထိုင်နည်းက
ဆီး ဝမ်း သွေး လေ မှန်အောင် နေထိုင်နည်းဖြစ်
ပါတယ် ။
ဝမ်းမှန်အောင်ကျင့်ပါ
ဝမ်းမှန်ဖို့က အချိန်မှန်မှန်စားပါ
အစားကို တစ်ကြိမ်နဲ့တစ်ကြိမ် ၃ ဂနာရီ ၄ နာရီခြားခွာစားပါ။
ပမာဏမှန်ပါစေ - ၆၅ ကျပ်သားကနေ ၉၀သားခန့်ထိသာ စားပါ။
စားတဲ့ ရသ ဓာတ်ကိုပြည့်စုံအောင်စားပါ - ချို ချဉ် စပ် ဖန် ခါး အငန် မျှတအောင်စားပါ။
စားလျှင် ညက်ညက် ဝါးစားပါ - အစားတလုပ်ကို ၁၀ ချက်ဝါးစားပါ။
ရေကိုမှန်မှန်သောက်ပါ - တစ်နေ့ကို ရေသန့်ဘူးပြီး ၂ ဘူး အနည်းဆုံးသောက်ပါ။
ဆီး မကျန်အောင် နေ့စဉ်အခါးရွက်ပြုတ်ရည် သို့မဟုတ် အခါးရွက်ဟင်းချို ၁ ခွက်ဝင်အောင် စားသောက်ပါ။
ဆေးကုလားမနဲ့ အုန်းနုရည်ကို တစ်ပတ် ၂ ခါသောက်ပေးပါ -
အာရုဏ်တက်မှာ သွားချင်တဲ့ဆီးကို အောင့်ထားလျှင် ဆီးပုပ်ပြီး ပိုးပွားစေတာမို့ မပျင်းမရိ ဆီးထသွားပါ။
လေမကျန်အောင် ပဲကတ္တီပါ (ပဲနီပြား ) ပြုတ်ကို ကြက်သွန်နီ ဆီစိမ်းသန့်သန့်. ဆားလှော်ထည့်ပြီး တပတ်အနည်းဆုံး ၃ ရက်မှ ၅ ရက် စားပေးပါ ။
မြန်မာ့ရိုးရာ တစ်နေ့ ထန်းလျက် ၁ ခဲ စားလျှင်လည်း လေမကျန်ဘူး အပေါ် အောက်
လျောလျာလျူလျူ သွားရင် လေပုပ်လေသိုးတွေ မရှိတော့တဲ့အတွက် စီပိုးကို အများကြီး ထိန်းနိုင်မယ်။
ဆီး၊ဝမ်း၊သွေး၊လေ မှန်နေရင်
အသက်ကို ထောက်ပံ့ထားမယ် အိုမင်းရင့်ရော်မူ
နှေးပြီးအရွယ်လည်းတင်မယ်။
••••••••••
🌹 ၆။လက်တုန်ခြင်း
လက်တုန်တာက လေမျိုး ၈၀ ကို ချုံ့လိုက်ရင် ၆ မျိုးပဲရှိတယ် သိရုံလေး အတွဲလိုက်ပြောချင်ပါတယ် . -
၁ - အထက်ကိုဆန်လေနဲ့ အထက်ကိုစုန်လေ
(ကြို့ထိုးမယ် သန်းမယ်. တဂေ့ဂေ့နဲ့လေတက်မယ် )ဒါတွေက အထက်ဆန်လေ။
၂ - ဝမ်း. ရာသီသွေး. သားသမီး. မီးဖွားတာတို့က အောက်ကိုစုန်တဲ့လေက လုပ်ဆောင်တယ်။
၃ - အူ ပြင်ပ ဝမ်းဗိုက်ထဲက တည်သောလေ -
( နှလုံးတုန်ခြင်း ရင်ခုန်ခြင်း မောပန်းခြင်းတို့ကို ဖြစ်စေတယ်) အဆုတ်. နှလုံး. ကျောက်ကပ် စတာတွေကို နေရာမှန်အောင် ထောက်ပံ့ပေးတယ်။
၄ - အူတွင်းခေါင်း အောင်းတဲ့လေ - ( အူတလျှောက်မှာတည်ရှိသည် )
အစာအိမ်ကနေအူသိမ် / အူသိမ်ကနေ ဝမ်းသွားလမ်းကြောင်းအထိရှိနေတဲ့လေ -
သူက လေထိုးခြင်း , လေအောင့်ခြင်း , လေပွခြင်း. , လေကျပ်ခြင်းတို့ကိုဖြစ်စေတယ်။
၅ - ဝင်လေ ထွက်လေ ( အသက်ရှူတဲ့လေဖြစ်တယ်)
၆ - အဂါင်္ကြီးငယ် သွားတဲ့လေ - အဂါင်္ကြီးငယ် အစွန်အဖျားတွေကို ပျံ့နှံ့တယ်
ကွေးခြင်း ဆန့်ခြင်းကို ပြုလုပ်စေတယ် - မြှောက်ခြင်း၊ဆန့်ခြင်း၊ထိုင်ခြင်း၊ထခြင်း တွေအတွက် အရေးကြီးတယ်။
လက်တုန်တာက အဂါင်္ကြီး ငယ်သွားတဲ့ လေ အားနည်းသွားတာ ဖြစ်တယ်။
ဘယ်ဘက်လက်တုန်တယ်ဆိုတော့ ဘယ်ဘက်ခြမ်းမှာ အားနည်းသွားတာပေါ့ -
ဒီလို အားနည်းသွားတဲ့လေ ပြန်ပြည့်အောင် အသက်ကို မှန်မှန် ရှူပေးရမယ် ။
◆ မိုးလင်းတာနဲ့ မျက်နှာသစ်ပြီး လေသန့်ရမဲ့နေရာမှာ နှာခေါင်းကလေကို ရှူသွင်းပါ
တဝကြီးရှူပါ - ၅ စက္ကန့်လောက် အောင့်ထားပါ - ပါးစပ်က ပြန်ထုတ်ပါ ။
တခါရှူရင်အကြိမ် ၂၀ လောက် ၂ နာရီကြား ၁ ခါလုပ်ဆောင်ပေးရင် သက်သာတတ်တယ်။ (အစွန် အဖျားသွားတဲ့လေကိုဖြည့်တာဖြစ်တယ်)
◆ ရေချိုးတိုင်း လက်ဝါး ၂ ဖက် ကိုရေစွတ်ပါ
- ဖြစ်တဲ့ဘယ်လက်ကို ပက်လက်လန်ပြီးအောက်ကခံမယ်
- ဆား မန်ကျည်းစေ့ ၁ စေ့ခန့်ထည့်မယ် ပြီးတော့ ညာဘက်လက်က အပေါ်မှောက်လက်မ လက်မ ခြင်း လက်ညိူးလက်ညိူးခြင်း ၂ လက်မလောက် အစွန်းထွက်အောင်ရှေ့နောက် ပွတ်မယ် အကြိမ် ၅၀ လောက်ပွတ်ပါ - ပြီးမှ ရေချိုးပါ -
- ရေချိုးပြီးရင် လက်မောင်း အလယ်လောက်မှ စပြီး ကရမက် (သို့) သနပ်ခါးကို ခြောက်သည်အထိ လိမ်းပါ - လက်နှစ်ဖက်စလုံးကို လိမ်းပါ - ကောင်းတဲ့ဖက်ကို အရင်စလိမ်းပါ ဖြစ်တဲ့ဘက်ကို နောက်မှလိမ်းပါ။
◆ လက်ကို ချိုမိုင်မိုင်လုပ်ပါ - လက်ဖဝါးဖြန့်မယ် ဆုပ်မယ် ၂ ဖက် ပြိုင်တူ လုပ်ရပါမယ်။
၁ ကြိမ်ကို ၂ နာရီကြာ ၁ ခါလုပ်ပါ - အားပါပါလုပ်ကြည့်ပါ - ၂၁လောက်အတွင်း
လက်တုန်တာ သက်သာလာပါလိမ့်မယ်။
••••••••••
🌹 ၇။ ခါးနာခြင်း
အသက်ကြီး ၇၀ကျော် ခါးနာခြင်း ခါးနာရင် အစား စာချင်စိတ်နည်းပါးတယ်။
မတန်တဆအလေးများ ခြင်း ချော်လဲပြီးဖြစ်ခြင်း ဖင်ထိုင်ရက်ကျခြင်း လမ်းကြမ်းမှာဆောင့်ခုန်မိခြင်း စက်ဘီး အမြင့်ပေါ်များမှပြုတ်ကျခြင်း...
မည်သည့် အကြောင်းကြောင်းဖြစ်စေ ဆေးပူ မလိမ်းပါနဲ့ သိပ်နာလျှင်ရေခဲကပ်ပါ ။
အကြောင်းရှာကြည့်ပါ။
သွေးစစ်ကြည့်ပါ
သွေးလေးဘက်နာ ဖြစ်ရင်လည်း အဆစ်အမြစ် ဒူးများနာတတ်သည်။
ကိုယ်ဝန်ဆောင်ချိန် ကလေးပေါင်များလျှင်လည်း ခါးနာတတ်သည်။
ခါးနာတာနဲ့ပတ်သက်သည့်လေ့ကျင့်ခဏ်းလုပ်ပါ
ရေကူးတတ်လျှင်ရေကူးပါ
ရေမကူးတတ်လျှင်လည်း လက်ကကိုင်ထားပြီး ခြေထောက်ကို ရေကူးသလို လုပ်ပေးပါ
ရေထဲမှာ ခြေခတ်ပေးပါ ။
အရိုးညှပ်နေတာဆိုရင်လည်းပြန်ပြေသွားလိမ့်မယ်။
ဒါမှမဟုတ် တန်းဘားလေးဆွဲပေးပါ
ခြေဖျားထောက်ပြီးကိုင်ပါ ဆွဲနိုင်သလောက်ဆွဲပေးပါ၊မြေနဲ့ ၁ လက်မလွတ်ရုံလောက်လေးပါ
ဆွဲလိုက်တော့ ကွာသွား ဟသွားမယ်ခြေဖျား ပြန်ချလိုက်တဲ့အခါ လွဲနေရင်ပြန်တည့်သွားမယ်။
လူ ခန္ဓာကိုယ်တည်ဆောက်ပုံက ထိုင်မတ်မတ် လမ်းလျှောက်မတ်မတ်မို့ -
လျောင်း. ထိုင်. ရပ်. သွား မှာ လျောင်းတာကလွဲလို့ ထိုင် ရပ်. သွား က မတ်မတ်သွားတာပါ ။
ခါးမှာရှိတဲ့အဆစ်ပေါင်း ၃၀ လောက်က အမြဲတမ်း ထောင်နေရတော့ ပြားသွားတာကပ်သွားတာ. ပိသွားတာ ရှိတတ်တယ် ။
အသက် ၇၀ ကျော်လို့ အမူမဲ့ အမှတ်မဲ့နေလိုက်ရင် အိပ်ရာထဲ ဘုံးဘုံးလဲနိုင်တယ်။
ပြင်လို့ရတဲ့အချိန်မှာ ပြင်စေချင်တယ် ကံကိုဦးတည်ပြောတာ။
ဆေးလိမ်းတာနဲ့ပတ်သက်ပြီး အပူလိမ်းတာကို အထူးဆင်ခြင်ပါ။
အပူလိမ်းတာက ခဏသက်သာတယ် အပူရှိန်ကုန်တဲ့အခါမှာထပ်ဆိုးလာမယ်။
လုံးချာလည်နေတတ်တယ်။
ရေခဲကပ်ကြည့်ပါ - ကရမက်လိမ်းကြည့်ပါ ။
အစာ အဟာရနဲ့ပတ်သက်လို့ အရိုးတွေဖြစ်ဖြစ် အကျိတ်တွေ. အသားပိုတွေထွက်ရင်ပဲဖြစ်ဖြစ် အဲဒါ အာကာသ ဓာတ်ဘဲ - အကြော်တွေစားမယ်ဆိုရင် အဲဒီရောဂါ မပျောက်နိုင်ဘူး ။
အရှင်းဆုံးပြောရရင် ကြက်ဥ ဘဲဥတောင်ကြော်ပြီးရင် အကြော်အတိုင်းမစားနဲ့။
မန်ကျည်းသီး ခရမ်းချဉ်သီးတို့နဲ့ ပြန်ချက်စားပါ။
အထက်အညာဒေသက ငါးရှားတယ် ငါးကြော်ထားမယ် ခရမ်းချဉ်သီး မန်ကျည့်မှည့်တို့နဲ့ ပြန်နှပ်စားပါ - ပါးစပ်က အကြော်မစားသလို နှာခေါင်းကလည်း ညှော်မိတာ အနံ့ပေါင်းစုံရှူတာမျိုးကိုလည်း ရှောင်ပါ ။
ညှော် ရှူမိရင်လည်း ခွေးတောက်ရွက်. မဲဇလီရွက်. ကြက်ဟင်းခါးရွက် (အေးခါးရွက် )များပို ခြေပြီးရှူပေးပါ။
နောက်တခုက မျက်စိအာကာသ - တီဗွီတစ်ချိန်လုံးဖွင့်ထားပြီးကြည့်တာ ကြာကြာထိုင်ကြည့်ရင် မကောင်းဘူး - အာကာသ ဓာတ်တွေကို မျက်လုံးကစားတာပေါ့.
စားတာကတော့ အအေးတွေစားပေါ့ ချို ချဉ် ခါး အေး အရသာတွေစားပေါ့
မန်ကျည်းရေလေးရေမချိုးခင်ပွတ် တကိုယ်လုံးပွတ် (၁၀မိနစ်)ကြာ - ခြေထောက် ဆားပွတ်ပြီးရေချိုး - ရေချိုးပြီး သနပ်ခါး သို့မဟုတ် ကရမက်လိမ်းပါ။
ရေထဲလမ်းလျှောက်နိုင်ရင် ရေထဲလမ်းလျှောက်ပေါ့ အဲဒါလေးတွေက ဘာမှမဟုတ်တာ
ပျောက်ချင်ရင်လည်းပျောက်သွားမှာ အနည်းနဲ့အများ အကျိုးရှိမှာပါ။
••••••••••
🌹 ၈။ရေဖျဉ်း
ရေဖျဉ်းက ရေကို လိုသလောက်ပဲသောက်ပါ
ပိုသောက်ရင် ခါးကော့ပြီးတောင့်တောင့်ကြီး ဖြစ်တတ်ပါတယ်. သင့်သလောက်ပဲသောက်ပါ။
တကယ်လိုတာက အခါးထဲမှာ ကနဖော့ရွက်ပါ
ကနေဖော့ကို များများမစားပဲ နည်းနည်းပဲစားပါ -
မြဲမြဲစား. မများနဲ့ တစ်နေ့ ၂ ပင်လောက်ပဲစားပါ။
ကနဖော့ အနီကိုစားပါ - စားတဲ့အခါမှာ တို့စား သုတ်စား ဟင်းချို. ချဉ်ရည်ဟင်းချက်စားလည်းရတယ် - နည်းနည်းနဲ့ မြဲမြဲစားရင် သက်သာပါလိမ့်မယ်။
◆ နောက်တစ်ခုက ကနဖော့ရွက်ကိုထောင်းပြီး အရည်ညှစ်မယ် ဟင်းသောက်ဇွန်း ၁ ဇွန်းစာနဲ့ ကရမက်အကြမ်းပုဂံ ၁ လုံးစာရောပါ ၂ ခုကိုမွှေပြီး လိမ်းပေးသင့်ပါတယ်။
ကနဖော့ရွက်များပေါများခဲ့ရင် ပြုတ်ပြီးရေချိုးပါ - တင်းတာတောင့်တာသက်သာမှာ သေချာပါတယ်။
ဆော်ဒါပါတဲ့အကြော်ကို လုံးဝရှောင်ရပါမယ်။
ဥပမာ - မနက် အိပ်ရာထ အီကြာကွေးစားမယ် စမူဆာစားမယ်ဆိုရင် ဆော်ဒါလည်းပါမယ်. အကြော်လည်းပါမယ် မစားသင့်ပါ။
ဝမ်းမှန်အောင်ကြိုးစားပါ - ဖီးကြမ်းငှက်ပျောသီး ဒိန်ချဉ် သီးစုံချဉ်ရည် အသီးအရွက်စားရင် ဝမ်းမှန်မယ်။
ဝမ်းမှန်မှ သက်သာမယ် ဝမ်းငုတ်ရင် နေရထိုင်ရ မသက်သာဖြစ်မယ်။
••••••••••
🌹 ၉။ အဆစ်နာ အဆစ်များကိုက်
အဆစ်နာ အဆစ်တွေကိုက်တာဟာ လေးဘက်နာ ၃ မျိုးထဲကသွေးလေးဘက်နာဖြစ်ဖို့များပါတယ်။
မိန်းကလေးတွေက အရွယ်ရောက်တာစောတယ် - ရာသီသွေးဆုံးတော့လည်း ၃၇ -၃၈
လောက်မှာသွေးဆုံးကြတယ် - ၃၉ သွေးဆုံးချိန်နီးကပ်လာတဲ့အခါ သတိထားပါ။
ဂဃနဏပြောချင်တာက
မွေးသည်မှ သေသည်အထိ စားနိုင်တာက အရသာ ၆ မျိုးပဲရှိပါတယ်။
ဆင်းရဲ ချမ်းသာစားနိုင်တာ ချို ချဉ် စပ် ဖန် ခါး အငန် အရသာ ၆ မျိုး ပဲရှိတယ် ။
၆ မျိုးအနက် ကြော် လှော် ကင်. မီးဖုတ်လိုက်ရင် ပကတိအစာကို သာမန်ထက် မာသွားတင်းသွား ကြွပ်သွား လုပ်တာနဲ့ အတူတူပဲ. ဒါကိုအာကာသ ဓာတ်လို့ခေါ်တယ်။
ရောဂါဆို အဟာရနဲ့ကုအစာလည်းဆေး ဆေးလည်းအစာ မတည့်သောအစာသည်ဘေးဆိုတဲ့အတိုင်း အဆစ်တွေ နာတာ ကိုက်တာတွေဟာ အစပ်နဲ့ အကြော်ကို လုံးဝရှောင်ရပါမယ်။
အစပ် အကြော်နေရာမှာ အစားထိုးရမှာက အချဉ်ပါ အချဉ်ကို အချိုနဲ့တွဲစားတဲ့အခါချဉ်ချို အရသာလေး မှန်မှန်စားပါ -
အခါးအေးပြီး ခါးတဲ့အခါးကို မှန်မှန်စားပါ။
အခါးနဲ့ချဉ်ချိုကို တွဲစပ်တဲ့အခါမှာ အနက်ကိုအေးခါး ညကို ချဉ်ချိုလေးစားပါ ။
ရေချိုးတိုင်း ရေချိုးတိုင်း ခံစားရတဲ့နေရာကို {၁၀ မိနစ်}စောပြီး မန်ကျည်းရည်ကျဲကျဲလေးပွတ်ပါ ပွတ်ပြီးမှ ရေချိုးပါ။ ရေချိုးပြီးရင် အပူနဲ့အအေးကိုယှဉ်လိမ်းကြည့်ပါ{ ၃ ရက်}စီလောက်ပါ ။
အပူလိမ်းရင် သက်သာမယ် မပျောက်ဘူး ပိုပိုဆိုးလာမယ် အပူမတည့်တဲ့သူပေါ့
အပူမတည့်ရင် အအေးကိုလိမ်းပါ ကရမက်နဲ့ သနပ်ခါးကိုသာ နိုင်အောင်လိမ်းရင် သည်
ဝေဒနာ ၇ ရက် ၉ ရက်လောက်မှာ တိုးတက်လာပါလိမ့်မယ်။
သွေးဆုံးကိုလည်း ဂရုစိုက်ပါ သွေးဆုံးကောင်းရင်မအိုပါ - အစပ် အကြော်တွေစားရင်တော့အန္တရာယ်ရှိပါတယ်။
#ကျန်းမာရေး
#ဟန်နုမာန်တိုင်းရင်းဆေး
