20/03/2025
Hello အားလုံးပဲ မင်္ဂလာပါရှင်။
"Htoo Care Pharmacy - ထူးကဲဆေးဆိုင်" ရဲ့ ကျန်းမာရေးဗဟုသုတ အစီအစဉ်လေးပြန်လည် ရောက်ရှိလို့လာပါပြီရှင်။
ကျွန်မတို့ ထူးကဲဆေးဆိုင်က ကျန်းမာရေးဗဟုသုတလေးတွေ မတင်ပေးတာကြာပြီမို့ ဒီတခါမှာတော့အသစ်ပြန်ဝင်ထားတဲ့ ၁လမှ၁လုံးသာသောက်ရတဲ့ Ibandronic Acid 150mg အကြောင်းလေး ဗဟုသုတရအောင်
ပြောပြပေးချင်ပါတယ်ရှင့်
၁) Ibandronic acid ဆိုဘာလဲ?
- ဟုတ်ကဲ့ Ibandronic Acid အကြောင်းအရင်မပြောခင် အရိုးမှာရှိတဲ့
ဆဲလ်လေးတွေအကြောင်း အရင်ရှင်းပြပေးမယ်နော်…
- ကျွန်မတို့အရိုးမှာ Osteoblasts လို့ခေါ်တဲ့တည်ဆောက်ပေးတဲ့ဆဲလ်နဲ့ Osteoclasts လို့ခေါ်တဲ့ ဖျက်ဆီးတဲ့ဆဲလ်ဆိုပြီး ၂မျိုးရှိပါတယ်ရှင်...
- ကျွန်မတို့ ငယ်ရွယ်တုန်းမှာတော့ တည်ဆောက်ပေးတဲ့ ဆဲလ်တွေများပြီး အသက်ကြီးလာတဲ့အခါမှာတော့ အရိုးကိုဖျက်ဆီးတဲ့ဆဲလ်တွေက တည်ဆောက်ပေးတဲ့ဆဲလ်တွေထက် ပိုအားသာလာပါတယ်…
- အဲ့အခါမှာ အရိုးပွခြင်း၊အရိုးကျိုးလွယ်ခြင်းများ ဖြစ်လာနိုင်ပါတယ်။
အခုမှ Ibandronic Acid အကြောင်းလာပါပြီရှင်…
- Ibandronic Acid က ဖျက်ဆီးတဲ့ဆဲလ်ဖြစ်တဲ့Osteoclastsတွေ
အရိုးကိုဖျက်ဆီးခြင်းကို လျော့ချပေးတာမို့
- အရိုးပွခြင်းကိုလျော့နည်းစေပြီး အရိုးများကို ခိုင်မာစေပါတယ်ရှင်။
၂) ဘယ်လိုသူတွေသောက်သင့်လဲ?
- အသက်အရွယ်ရလာပြီး အရိုးပွနေသူတွေ သောက်သုံးသင့်ပါတယ်..
- အရိုးပွ မပွ စစ်ဆေးဖို့ရာ Dexa Scan ဆိုတာကိုရိုက်ပြီး အရိုးအထူးကုဆရာဝန်နဲ့ သေချာတိုင်ပင်ပြီး သောက်သုံးသင့်ပါတယ်။ (တကယ်ဖြစ်တော့မှ ဆေးမကူနိုင်တော့ဘူး မဖြစ်ရအောင် အသက်ကြီးသူများနဲ့ ဓမ္မတာဆုံးပြီးသော အမျိုးသမီးများအနေနဲ့ စစ်ဆေးသင့်ပါတယ်နော်)
၃) ဘယ်လိုသူတွေ မသောက်သင့်ဘူးလဲ?
- Ibandronate allergy ရှိသူများ။
- အစာရေမြိုပြွန် ပြသနာရှိသူများ။
- ကြာကြာမတ်မတ်မထိုင်နိုင်သူများ မတ်တပ်မရပ်နိုင်သူများ (ဆေးသောက်တဲ့အခါ မတ်မတ်ထိုင်၍သော်လည်းကောင်း မတ်တပ်ရပ်၍သော်လည်းကောင်း သောက်ရခြင်းကြောင့်ပါရှင်)
- ကယ်စီယမ်ဓာတ်ချို့တဲ့သူများ။
- ကျောက်ကပ် မကောင်းသူများ မသောက်သုံးသင့်ပါဘူးရှင်။
၄) Side effects ကရော ဘာတွေရှိနိုင်လဲ?
- အရိုးအဆစ်များ နာကျင်ခြင်း။
- အစာမကြေခြင်း၊ ဗိုက်နာခြင်းနဲ့ ဝမ်းလျောခြင်း။
- ခေါင်းကိုက်ခြင်း။
- ရာသီတုပ်ကွေးလို လက္ခဏာများခံစားရခြင်းတို့ကတော့
ဖြစ်တတ်တဲ့ side effects များဖြစ်ပါတယ်ရှင်။
*ဆေးသောက်ပြီးနောက် အစာမျိုရခက်ခဲခြင်း၊ အစာမျိုချရာတွင်နာကျင်ခြင်း၊ ရင်ဘတ်အတွင်းနာကျင်ခြင်း၊ ရင်ပူခြင်း အစရှိတဲ့အစာရေမျိုပြွန်ဆိုင်ရာ လက္ခဏာများပေါ်ပေါက်လာပါက သမားတော်နဲ့ဆွေးနွေးတိုင်ပင်ပါ။
၅) ဆေးသောက်သုံးပုံ၊ ဆောင်ရန်၊ ရှောင်ရန်တွေကရော?
- နံနက်အိပ်ယာထပြီးနောက် အစားမစားခင် ရိုးရိုးရေဖန်ခွက် တစ်ခွက်ဖြင့် ထိုင်၍သော်လည်းကောင်း၊ မတ်တပ်ရပ် အနေအထားဖြင့်သော်လည်းကောင်းသောက်ပါ။
- ရိုးရိုးရေဖြင့်သာ သောက်ပါ။ (သစ်သီးဖျော်ရည်၊နို့ (သို့) အခြားဖျော်ရည်တို့နဲ့ တွဲမသောက်ရပါ။
- ဆေးသောက်ပြီးနောက် ခန္ဓာကိုယ်ကွေးညွတ်သောအနေအထား၊
အိပ်ယာတွင်လဲလျောင်းခြင်းတို့ကို ၁နာရီမျှရှောင်ကြဉ်ရပါမည်။
- ဆေးသောက်ပြီးနောက် သောက်လက်စဆေးများ၊ အစားအစာများ၊ ဖျော်ရည်များကိုလည်း ၁နာရီမျှ ရှောင်ကြဉ်ရပါမည်။
- စားသည့်အစားအစာများတွင် ကယ်လ်စီယမ်နဲ့ ဗိုက်တာမင်ဒီ လုံလောက်စွာမပါဝင်ပါက ကယ်လ်စီယမ်နဲ့ ဗိုက်တာမင်ဒီ ပါဝင်သည့် ဖြည့်စွက်စာသောက်သုံးသင့်ပါတယ်တယ်ရှင်။
- ကယ်လ်စီယမ်နဲ့ ဗိုက်တာမင်ဒီပါဝင်သည့် ဖြည့်စွက်စာအကြောင်း သိချင်ရှင်လည်းအောက်ကလင့်ခ်မှာ ဝင်ရောက်ဖတ်ရှုနိုင်ပါတယ်။
ဖတ်ရှူရန် Link - https://www.facebook.com/htoocarepharmacy/posts/181170818040645
လူကြီးမင်းတို့အတွက် မှန်ကန်သောကျန်းမာရေး အသိပညာများရရှိစေရန် အပတ်စဉ် ကျန်းမာရေးဗဟုသုတများ ဝေမျှပေးသွားပါမယ်ရှင်။
#ထူးကဲဆေးဆိုင် #ထူးကဲ
