https://www.facebook.com/111518614804712/

Hanuman:Thailand Herbal Products, Yangon (2026)

11/03/2026

🌞 နေပူပူနဲ့ ပြန်လာပြီး ချက်ချင်း ရေချိုးချလိုက်တာ၊ ခေါင်းပေါ်ကနေ ရေစလောင်းချတာ စတဲ့ အကျင့်တွေက သင့်ရဲ့ ကျန်းမာရေးအတွက် အလွန်အန္တရာယ်များတယ်ဆိုတာ သိပါသလား?

အထူးသဖြင့် သွေးတိုးရောဂါရှိသူတွေနဲ့ သက်ကြီးရွယ်အိုတွေမှာ ရေချိုးမှားခြင်းကြောင့် သွေးလန့်တာ နဲ့ လေဖြတ်ခြင်း အထိ ဖြစ်ပွားနိုင်ပါတယ်။

🤔ဘာကြောင့် ခေါင်းကနေ ရေစမလောင်းသင့်တာလဲ?

ကျွန်တော်တို့ရဲ့ ခန္ဓာကိုယ်ဟာ အပူချိန်ပြောင်းလဲမှုကို ချက်ချင်း လိုက်မညှိနိုင်ပါဘူး။ ခေါင်းပေါ်ကို ရေအေးစလောင်းချလိုက်ရင် သွေးကြောတွေက ရုတ်တရက် ကျုံ့သွားပြီး သွေးဖိအား မြင့်တက်ကာ ဦးနှောက်သွေးကြော ပေါက်ထွက်တာမျိုးအထိ ဖြစ်စေနိုင်လို့ပါ။

ကျန်းမာရေးနဲ့ညီညွတ်တဲ့ ရေချိုးနည်းလမ်း (၅) ဆင့် -
ခန္ဓာကိုယ်ကို အပူချိန်နဲ့ တဖြည်းဖြည်း ညှိယူနိုင်ဖို့ အောက်ပါအတိုင်း အစဉ်လိုက် ရေချိုးပေးပါ-

🔹1. ခြေဖဝါးမှ စတင်ပါ
အရင်ဆုံး ခြေဖဝါးနဲ့ ခြေထောက်တွေကို ရေစလောင်းပါ။

🔹2. ဒူးနှင့် ပေါင်
ထို့နောက် ဒူးကနေ ပေါင်အထိ ရေလောင်းပြီး အအေးဓာတ်ကို ခံယူပါ။

🔹3. လက်နှင့် ပခုံး
လက်ချောင်းလေးတွေကနေ ပခုံးအထိ ရေကို ဖြည်းဖြည်းချင်း ဆွတ်ဖျန်းပေးပါ။

🔹4. ကိုယ်ခန္ဓာ
ခါးကနေ ရင်ဘတ်အထိ ရေလောင်းပြီး ခန္ဓာကိုယ် အပူချိန်ကို ညှိပါ။

🔹5. နောက်ဆုံးမှ ဦးခေါင်း
ခန္ဓာကိုယ်တစ်ခုလုံး အအေးဓာတ်နဲ့ ယဉ်ပါးသွားပြီဆိုမှ ဦးခေါင်းကို ရေလောင်းချပါ။

သတိထားရမည့် အချက်များ ⚠️

* နေပူထဲက ပြန်လာလျှင် သို့မဟုတ် လေ့ကျင့်ခန်း လုပ်ပြီးလျှင် အနည်းဆုံး (၁၅) မိနစ်ခန့် အနားယူပြီး ချွေးစင်မှ ရေချိုးပါ။

* ဗိုက်အရမ်းဆာနေချိန် သို့မဟုတ် အစာစားပြီးခါစတွင် ရေမချိုးပါနှင့် (အစာခြေစနစ်ကို ထိခိုက်စေနိုင်ပါသည်)။

* အရမ်းအေးလွန်းသော သို့မဟုတ် အရမ်းပူလွန်းသော ရေကို ရှောင်ကြဉ်ပါ။

✅️ ရေချိုးတာဟာ ကိုယ်ခန္ဓာ သန့်ရှင်းဖို့တင်မကဘဲ သွေးလှည့်ပတ်မှုကိုလည်း ထိန်းညှိပေးတာမို့ အစဉ်လိုက် စနစ်တကျ ချိုးပေးဖို့ အရေးကြီးပါတယ်နော်။

မိမိတို့ရဲ့ မိဘဘိုးဘွားတွေနဲ့ သူငယ်ချင်းတွေ သိသွားအောင် ဒီအချက်လေးကို **Share** လုပ်ပြီး သတိပေးလိုက်ပါဦး။ 👇
"အားလုံးပဲ ကျန်းမာပျော်ရွှင်သော ဘဝကိုပိုင်ဆိုင်နိုင်ကြပါစေ.....
သင် ချစ်ခင်ရတဲ့မိတ်ဆွေ၊ အပေါင်းသင်းများကိုလည်း မျှဝေပေးခြင်းဖြင့် ကျန်းမာရေးကုသိုလ်ယူနိုင်ပါ....."

& Knowledge #ကျန်းမာရေးဗဟုသုတ #ကျန်းမာရေး
crd

06/03/2026

IMEI စစ်ကြည့်ချင်ရင်...

အရင်ဆုံး * #06 # ကိုနှိပ်။
IMEI ဆိုတဲ့ ဂဏန်းတွဲအများကြီးကို ကူးထား။

အောက်က ဝက်ဆိုက်ကိုသွား
https://ceir.gov.mm/

လက်ရှိအခြေအနေစစ်ဆေးရန်ဆိုတဲ့ခလုတ်ကိုနှိပ်။

ကူးထားတဲ့ IMEI ဂဏန်းတွေဖြည့်။ I am not robot ကို အမှန်ခြစ်။ လက်ရှိအခြေအနေကို စစ်ဆေးရန်ကိုနှိပ်။ အခွန်ပေးပြီးသားဆို ပုံထဲကအတိုင်းပြလိမ့်မယ်။

အလွယ်ပြောရရင် ဝက်ဆိုက်ထဲဝင် စာဖတ်ကြည့်ပြီး ခိုင်းတာလိုက်လုပ်ပြီး စစ်ကြည့်လို့ရတယ်။ မြန်မာဘာသာ ပြောင်းဖတ်လို့ရတယ်။ (လိုရမယ်ရ vpn ခဏ ပိတ်ချင်ပိတ်ပေါ့)

မပေးရသေးရင် အခွန်ဆောင်ရန်ကို ဝင်ဖတ်ကြည့်ပေါ့။

Crd

02/03/2026

ဝမ်းပျက်ဝမ်းလျှောတွေ တအားကို ပြန်ဖြစ်နေလို့ ပြန်တင်ပေးလိုက်ပါတယ်။

ဓာတ်ဆား အမှုန့်ထုပ်နဲ့
အူလမ်းကြောင်းအကျိုးပြု အမှုန့်ထုပ် မတူဘူးဆိုတာ သိစေဖို့

ဒီနှစ်ဆောင်းတွင်းမှာ ကလေးတွေ ဝမ်းပျက်ဝမ်းလျှော၊ အထက်လန်အောက်လျှောနဲ့ အစာအဆိပ်သင့်တာတွေ တအားဖြစ်ခဲ့တယ်။ ဆရာတို့လည်းနေ့တိုင်း ဒါတွေပဲထိုင်ကုနေရသလိုဖြစ်တဲ့အထိကို များခဲ့ပါတယ်။ အဲဒီမှာ ဆရာသတိထားမိလိုက်တာတစ်ခုက ပရိုဘိုင်အိုးတစ်အမှုန့်ထုပ် (Probiotics) နဲ့ ဓာတ်ဆားကို သိပ်ပြီးသဲသဲကွဲကွဲမသိကြတဲ့ မိဘတွေအများစုရှိနေတာကိုတွေ့ရတယ်။
ဒါအရေးကြီးပါတယ်။ မိဘတိုင်းသိဖို့လိုအပ်ပါတယ်။ အဲဒါကြောင့် ဒီနေ့ဆရာ Probiotics နဲ့ ဓာတ်ဆားအသုံးပြုပုံကို ပြောပြချင်ပါတယ်။

✅ ဓာတ်ဆား ဆိုတာဘာလဲ? ဓာတ်ဆားဘာကြောင့်တိုက်ရသလဲ?

ဝမ်းပျက်ဝမ်းလျှောဖြစ်တဲ့အခါ ဝမ်းအရည်တွေသွားတာဖြစ်တဲ့အတွက် အဓိကဆုံးရှုံးတာကတော့ ရေဓာတ်ပါ။ ဒါပေမယ့် ရေနဲ့အတူတူ ခန္ဓာကိုယ်ကနေ ဆိုဒီယမ်၊ ပိုတက်ဆီယမ်၊ ကလိုရိုက် (Sodium, Potassium, Chloride) စတဲ့သတ္တုဓာတ်တွေလဲ အတူတူပါသွားပါတယ်။ ဒီသတ္တုဓာတ်တွေဟာ ရေဓာတ်ထိန်းညှိမှု၊ ကိုယ်တွင်းအင်္ဂါများလှုပ်ရှားနိုင်မှု နဲ့ ကိုယ်ခံအားအတွက်အရမ်းအရေးကြီးပါတယ်။ ဒါကြောင့် ဝမ်းလျှောတဲ့အခါ ဒီဓာတ်တွေကိုပြန်ဖြည့်ပေးဖို့အတွက် "ဓာတ်ဆား" (Oral Rehydration Salt - ORS) ပြန်တိုက်ပေးရပါတယ်။

ဝမ်းလျှောတဲ့ အကြိမ်ရေများလာပြီး ဒီသတ္တုဓာတ်၊ ဆားဓာတ်တွေ ဆက်တိုက်ဆုံးရှုံးနေပေမယ့် ဓာတ်ဆားပြန်မဝင်ရင်တော့ ခန္ဓာကိုယ်တွင်းဇီဝကမ္မဖြစ်စဥ်တွေ ပုံမှန်မလုပ်နိုင်တော့ဘဲ အသက်အန္တရာယ်ရှိတဲ့အထိ ဖြစ်သွားနိုင်ပါတယ်။ ဒါကြောင့် ဝမ်းပျက်ဝမ်းလျှောရင် ဓာတ်ဆားပြန်တိုက်ရတာဖြစ်ပါတယ်။

✅ အူလမ်းကြောင်းကောင်းမွန်စေတဲ့ အမှုန့်ထုပ်လေးတွေ (သို့မဟုတ်) ပရိုဘိုင်အိုးတစ်

ဆရာတို့ အူလမ်းကြောင်းအတွင်းမှာ အစာခြေစနစ်ကိုအကျိုးပြုတဲ့ ပိုးမွှားတွေရှိပါတယ်။ ဒီပိုးတွေက အူလမ်းကြောင်းကို ကျန်းမာစေဖို့အကျိုးပြုပါတယ်။ ဝမ်းပျက်ဝမ်းလျှောပိုးဝင်လာတဲ့အခါ အူလမ်းကြောင်းအကျိုးပြု ပိုးမွှားတွေနဲ့ ခန္ဓာကိုယ်ရဲ့ ဂေဟစနစ်ပျက်စီးသွားပါတယ်။ ဒါကြောင့် ဝမ်းပျက်ဝမ်းလျှောပိုးကိုပြန်တိုက်ထုတ်ဖို့အတွက် အကျိုးပြုပိုးမွှားတွေပါဝင်တဲ့ ပရိုဘိုင်အိုးတစ်အမှုန့်ထုပ် (Probiotics) တွေကို ကလေးငယ်ကိုပြန်တိုက်ပေးပြီး ဝမ်းပျက်ဝမ်းလျှောသက်သာအောင်ကုကြပါတယ်။ ကစ်လက်၊ ဘိုင်အိုဖလော၊ အင်နိုလက် စသည်ဖြင့်စျေးကွက်ထဲမှာဝယ်လို့ရပါတယ်။

✅ ဓာတ်ဆားနဲ့ ပရိုဘိုင်အိုးတစ် မှားကြတဲ့အခါ

များသောအားဖြင့် မှားကြတာက ပရိုဘိုင်အိုးတစ်ကို ဓာတ်ဆားလို့မှားမှတ်ကြတာပဲ။ ဝမ်းလျှောတဲ့အခါ ဒီနှစ်မျိုးလုံးကိုတိုက်ဖို့လိုအပ်ပေမယ့် ကလေးငယ်က အင်မတိအင်မတန် အီးပန်းလာတဲ့အခါ ဆားဓာတ်ပါတဲ့ဓာတ်ဆားတိုက်ဖို့က အလွန်အရေးကြီးပါတယ်။
ဓာတ်ဆားတိုက်တဲ့အခါ ဓာတ်ဆားအငန်ထုပ်တိုက်လို့ရပါတယ်။ အရသာပါယုံစွက်ထားတဲ့ ဓာတ်ဆားတွေတိုက်လို့ရပါတယ်။ တစ်လီတာနဲ့ဖျော်ရပါတယ်။
ကလေးဓာတ်ဆားလည်းတိုက်လို့ရပါတယ်။ များသောအားဖြင့် 150ml ဒါမှမဟုတ် 250ml နဲ့ဖျော်ရပါတယ်။
ပရိုဘိုင်အိုးတစ်အမှုန့်ထုပ် တိုက်တဲ့အခါ ရေအများကြီးနဲ့ဖျော်စရာမလိုပါဘူး။ ကလေးသောက်ဖို့အဆင်ပြေယုံရေပမာဏနဲ့ပဲ ဖျော်ပေးရင်ရပါတယ်။

ဓာတ်ဆားကို ရေနည်းနည်းနဲ့ဖျော်မိတဲ့အခါ သတ္တုဓာတ်နဲ့ရေဓာတ်အချိုးမကျဘဲ ဝမ်းလျှောတာမသက်သာတဲ့အပြင် မလိုလားအပ်တဲ့ဆိုးကျိုးတွေရှိသွားနိုင်ပါတယ်။
ပရိုဘိုင်အိုးတစ်ကို ရေများများနဲ့ဖျော်မိတဲ့အခါ ဒီအချိုးမကျတဲ့ဖျော်ရည်ကြီးသောက်နေရတဲ့အတွက် ကလေးရသင့်တဲ့အခြားအစာအာဟာရတွေလဲ မဝင်၊ ကလေးဆီရောက်သင့်တဲ့ပရိုဘိုင်အိုးတစ်ပမာဏလဲမရောက် ဖြစ်ပြီး ဘာမှအကျိုးမထူးဖြစ်တတ်ပါတယ်။

ဒါကြောင့် ပရိုဘိုင်အိုးတစ် နဲ့ ဓာတ်ဆားမမှားရအောင် ဆရာခေါင်းစဥ်တစ်ခုအဖြစ်ထုတ်နုတ်ရေးပေးလိုက်ပါတယ်။

နောက်တစ်ပတ်မှာ ဝမ်းပျက်ဝမ်းလျှောချိန်မှာ တိုက်သင့်တဲ့ဓာတ်ဆားနဲ့ တိုက်ရန်မသင့်တော်တဲ့ဓာတ်ဆားအကြောင်းကို တင်ပြသွားပါမယ်။

ဒီစာဖတ်မိတဲ့ကလေးမိဘတို့ အသိပညာတစ်ခုတိုးသွားမယ်၊ သိပြီးသားကလေးမိဘတွေလည်း ကိုယ့်အသိမှန်ကန်ကြောင်း စိတ်ချသွားမယ်လို့မြော်လင့်ပါတယ်။ ကိုယ့်ပတ်ဝန်းကျင်က ကိုယ့်ရဲ့မိတ်ဆွေ သားငယ်သမီးငယ်ပိုင်ရှင်တွေအသိတိုးအောင် ကုသိုလ်ဖြစ်အနေနဲ့ ကူညီမျှဝေဖို့လည်း အကြံပြုချင်ပါတယ်။

မေတ္တာဖြင့်
စိုင်းမြတ်သူ

#ဒေါက်တာစိုင်းမြတ်သူ
#ဓာတ်ဆား

16/02/2026

သွေးတွေ ပျစ်လာတယ်… လက်တွေ ထုံလာတယ်… လက်ဖျားတွေက ကိုယ့်ပစ္စည်းမဟုတ်သလို ခံစားလာရတယ်...
ဒါတောင်မှ ဘာမှမဖြစ်သေးပါဘူးဆိုပြီး လျစ်လျူရှုနေတုန်းပဲလား။
တကယ်တော့ သင့်မီးဖိုချောင်ထဲမှာ ကျွန်ုပ်တို့ရှိနေတာ နေ့တိုင်းပါပဲ။ "ချင်း၊ ကြက်သွန်ဖြူ၊ ကြက်သွန်နီ" ဆိုတဲ့ သာမန်ပစ္စည်းလေးတွေပေါ့။
🫚 ချင်း (ဂျင်း) – သွေးကို နွေးထွေးစေသူ
ချင်းက စပ်ရုံတင် မဟုတ်ပါဘူး။
သွေးလည်ပတ်မှုကို ကောင်းမွန်စေတယ်၊ ခန္ဓာကိုယ်ကို နွေးထွေးစေပြီး သွေးကြောတွေကို ကျုံ့မသွားအောင် ကူညီပေးပါတယ်။
ခြေလက်အေးစက်တတ်သူတွေ၊ ခဏခဏ ထုံကျင်တတ်သူတွေ ဒါမှမဟုတ် ခေါင်းမူးတတ်သူတွေအတွက်...
ဒါဟာ သွေးလည်ပတ်မှု မကောင်းတော့ဘူးဆိုတဲ့ အချက်ပေးသံ ဖြစ်နိုင်ပါတယ်။
🧄 ကြက်သွန်ဖြူ – သွေးကို ကျဲစေသူ
• ကြက်သွန်ဖြူမှာ Allicin ဓာတ် ပါဝင်ပါတယ်။
• သွေးခဲပိတ်ဆို့မှုကို လျှော့ချပေးတယ်။
• သွေးတွင်းအဆီဓာတ်ကို ကျစေတယ်။
• သွေးတွေ အလွန်အမင်း ပျစ်မသွားအောင် ကူညီပေးတယ်။
သွေ;တို;၊ အဆီများသူတွေ ဒါမှမဟုတ် မိသားစုထဲမှာ လေဖြ၊တ်ဖူးတဲ့ ရာဇဝင်ရှိသူတွေအနေနဲ့ ဒီလိုနီးစပ်ရာ ပစ္စည်းလေးတွေကို အထင်မသေးသင့်ပါဘူး။
🧅 ကြက်သွန်နီ – လမ်းကြောင်း ဖွင့်ပေးသူ
ကြက်သွန်နီက Antioxidant (ဓာတ်တိုးဆန့်ကျင်ပစ္စည်း) ကြွယ်ဝလို့ သွေးကြောနံရံတွေကို ဂရုစိုက်ပေးပါတယ်။
မျက်စိနဲ့မမြင်ရတဲ့ သွေးကြောတွင်း ရောင်ရမ်းမှုတွေကို လျှော့ချပေးတယ်။
တစ်ခါတလေ "လေဖြ၊တ်ခြင်း (Stroke)" ဆိုတာ တစ်ရက်တည်းနဲ့ ဖြစ်လာတာ မဟုတ်ပါဘူး။
နေ့စဉ် အနည်းငယ်စီ စုပုံလာရာကနေ ဖြစ်လာတာပါ။

🍵 အစွမ်းထက် (၃) မျိုး ပေါင်းစပ်နည်း
• ချင်း (ဂျင်း) - ၆ ပြား
• ကြက်သွန်ဖြူ - ၃ တက်
• ကြက်သွန်နီ - ၃ လုံး
• ရေ ၁ လီတာနဲ့ ၁၀-၁၅ မိနစ်ခန့် ဆူအောင်တည်ပါ။
မနက်ခင်း (သို့) ညအိပ်ခါနီးမှာ နွေးနွေးလေး သောက်ပေးပါ။
ဆရာဝန်က "လေဖြ၊တ်နိုင်ခြေရှိတယ်" လို့ ပြောလာမယ့်အချိန်အထိ စောင့်မနေပါနဲ့။
လက်တစ်ဖက် မချီနိုင်တော့တဲ့အထိလည်း စောင့်မနေပါနဲ့ဦး။
ရှေးလူကြီးတွေဟာ မီးဖိုချောင်သုံးပစ္စည်းတွေနဲ့ပဲ ကျန်းမာရေးကို နေ့တိုင်း ဂရုစိုက်ခဲ့ကြတာပါ။
ဒါပေမဲ့ အခုခေတ်လူတွေကတော့... သွေးစစ်ချက်ထဲက ကိန်းဂဏန်းတွေ ထိုးတက်သွားမှပဲ ထိတ်လန့်တတ်ကြတယ်။
ဒီနေ့တော့ ကျွန်ုပ်တို့ကို လျစ်လျူရှုထားနိုင်ပါသေးတယ်။
ဒါပေမဲ့ တစ်နေ့နေ့မှာ လက်ဖျားတွေ စထုံလာရင်၊ ပါးစပ်ရွဲ့လာရင် ဒါမှမဟုတ် လက်မမနိုင်တော့ရင်...
"ဘာလို့ အချိန်မီရှိတုန်းက ဂရုမစိုက်ခဲ့မိပါလိမ့်" လို့ နောက်မှ နောင်တမရပါနဲ့။
အဖြေက သင့်မီးဖိုချောင်ထဲမှာ အစကတည်းက ရှိနေပြီးသားပါပဲ။ 💛

MON SOUNG

#ကြက်သွန်နီ

15/02/2026

💧 ရေသောက်နည်းခြင်းရဲ့ ကျန်းမာရေးဆိုင်ရာ ဘေးထွက်ဆိုးကျိုးများ....

ကျန်းမာရေးဆိုင်ရာ လေ့လာသုံးသပ်ချက်များ အရ အမျိုးသား တစ်ဦး အနေနဲ့ တစ်နေ့ကို ရေ ၃.၇ လီတာခန့် သောက်သုံးပေးဖို့ လိုအပ်ပြီး၊ အမျိုးသမီးတွေကတော့ တစ်နေ့ကို ၂.၇ လီတာခန့် သောက်သုံးပေးဖို့ လိုအပ်ပါတယ်။ တကယ်လို့ ကုန်ဆုံးသွားတဲ့ ရေဓာတ်တွေကို ပြန်လည် ဖြည့်တင်း‌ပေးခဲ့ခြင်း မရှိဘူးဆိုရင် မလိုလာအပ်တဲ့ ဘေးထွက်ဆိုးကျိုးတွေကို ခံစားရနိုင်ပါတယ်။

ကျန်းမာရေးဆိုင်ရာ လေ့လာသုံးသပ်ချက်များ အရ အမျိုးသား တစ်ဦး အနေနဲ့ တစ်နေ့ကို ရေ ၃.၇ လီတာခန့် သောက်သုံးပေးဖို့ လိုအပ်ပြီး၊ အမျိုးသမီးတွေကတော့ တစ်နေ့ကို ၂.၇ လီတာခန့် သောက်သုံးပေးဖို့ လိုအပ်ပါတယ်။ တကယ်လို့ ကုန်ဆုံးသွားတဲ့ ရေဓာတ်တွေကို ပြန်လည် ဖြည့်တင်း‌ပေးခဲ့ခြင်း မရှိဘူးဆိုရင် မလိုလာအပ်တဲ့ ဘေးထွက်ဆိုးကျိုးတွေကို ခံစားရနိုင်ပါတယ်။

ဒါကြောင့် ရေသောက်နည်းခြင်းရဲ့ ကျန်းမာရေးဆိုင်ရာ ဘေးထွက်ဆိုးကျိုးတွေကို အခုလို ဖော်ပြပေးလိုက်ရတာ ဖြစ်ပါတယ်။

ကိုယ်အပူချိန် မြင့်တက်ခြင်း
ချွေးထွက်ခြင်းဖြင့် ကျွန်တော်တို့ ခန္ဓာကိုယ်တွင်း မြင့်တက်လာတဲ့ အပူချိန်ကို ထိန်းညှိပေးလျက် ရှိပါတယ်။ တကယ်လို့ ရေသောက်နည်းခြင်းကြောင့် ခန္ဓာကိုယ် အတွင်းမှာ ရေဓာတ် နည်းပါးသွားခဲ့မယ်ဆိုရင် ချွေးထွက်ခြင်း လုပ်ငန်းစဥ်ကို လုပ်ဆောင်နိုင်တော့မှာ မဟုတ်တာကြောင့် ကိုယ်အပူချိန် မြင့်တက်ခြင်းကို ခံစားရမှာ ဖြစ်ပါတယ်။

သွေးပေါင်ကျခြင်း
ခန္ဓာကိုယ်တွင်း ရေဓာတ်နည်းပါးသွားတဲ့ အခါမျိုးတွေမှာ ပရိုတိန်း ပါဝင်တဲ့ သွေးရည်ကြည် ထုထည် ကျဆင်းခြင်းကို ဖြစ်ပွားစေမှာ ဖြစ်တာကြောင့် သွေးပေါင်ကျခြင်းကိုလည်း ခံစားရမှာ ဖြစ်ပါတယ်။

မူးဝေခြင်း၊ အော့အန်ခြင်း
ခန္ဓာကိုယ်တွင်း ရေဓာတ် နည်းပါးခြင်းကြောင့် ကိုယ်အပူချိန် မြင့်တက်ခြင်း၊ သွေးပေါင်ကျခြင်းစတဲ့ ဝေဒနာတွေကိုပါ ခံစားရမှာဖြစ်တဲ့ အပြင် နှလုံးခုန်မြန်ခြင်းကိုလည်း ခံစားရနိုင်ပါတယ်။ နှလုံးခုန်မြန်ခြင်းကြောင့် မူးဝေခြင်း၊ အော့အန်ခြင်းတို့ကို ခံစားရမှာ ဖြစ်ပါတယ်။

ဝမ်းချုပ်ခြင်း
ရေဓာတ် အနေနဲ့ ခန္ဓာကိုယ်အတွင်းမှ မလိုအပ်တော့တဲ့ အစားအစာတွေကို ခန္ဓာကိုယ် အပြင်ဘက်ကို ချောမွေ့စွာ စွန့်ထုတ်နိုင်ဖို့ ကူညီပေးလျက် ရှိပါတယ်။ ဒါကြောင့် ခန္ဓာကိုယ်တွင်း ရေဓာတ် နည်းပါးသွားတဲ့ အခါမှာ အစာချေနဲ့ အူလမ်းကြောင်း စနစ်မှာ မလိုလားအပ်တဲ့ ဘေးထွက် ဆိုးကျိုးတွေကို ဖြစ်ပွားစေနိုင်ပြီး ဝမ်းချုပ်ခြင်းကို ခံစားရမှာ ဖြစ်ပါတယ်။

ခေါင်းကို'က်ခြင်း
အကြောင်းပြချက် မရှိဘဲ ခေါင်းကို'က်ခြင်းကို ခံစားရတာကလည်း ခန္ဓာကိုယ်တွင်း ရေဓာတ် နည်းပါးလာတာကြောင့် ဖြစ်နိုင်ပါတယ်။ ခန္ဓာကိုယ်တွင်းမှာ ရေဓာတ် နည်းပါးသွားတဲ့ အခါမှာ ဦးနှောက် အနေနဲ့ လုပ်ဆောင်ရမယ့် လုပ်ငန်းစဉ်တွေကို ကောင်းမွန်စွာ လုပ်ဆောင်နိုင်ခြင်း မရှိတာကြောင့် ခေါင်းကို'က်ခြင်း၊ ‌ခေါင်းမူးခြင်းစတဲ့ ဝေဒနာတွေကို ခံစားရတာ ဖြစ်ပါတယ်။

အသားအရေ ခြောက်သွေ့ခြင်း
ရေသောက်နည်းနေပြီဖြစ်ကြောင်း အလွယ်တကူ သိရှိနိုင်တဲ့ နောက်ထပ် အချက်တစ်ချက်ကတော့ အသားအရေ ခြောက်သွေ့လာခြင်းပဲ ဖြစ်ပါတယ်။ အရေပြားဟာ ကျွန်တော်တို့ ခန္ဓာကိုယ်ရဲ့ အကြီးမားဆုံး အစိတ်အပိုင်း တစ်ခု ဖြစ်ပါတယ်။ လှပတဲ့ အသားအရေကို ပိုင်ဆိုင်နိုင်ဖို့ အတွက် တစ်နေ့ကို ရေ ၈ ခွက်ခန့် သောက်သုံးပေးဖို့ လိုအပ်ပါတယ်။ ခန္ဓာကိုယ်တွင်းမှာ ရေဓာတ် နည်းပါးသွားတဲ့ အခါမှာ ခန္ဓာကိုယ် အတွင်းရှိ အဆိပ်အတောက်တွေကို ချွေးအဖြစ် စွန့်ထုတ်နိုင်မှာ မဟုတ်တာကြောင့် အသားအရေ ခြောက်သွေ့ခြင်းကို ခံစားရမှာ ဖြစ်ပါတယ်။

ခံတွင်း အနံ့ဆိုးထွက်ခြင်း
ရေသောက်နည်းတဲ့ အခါမှာ ပါးစပ်တွင်း တံတွေး ထုတ်လုပ်မှုလည်း နည်းပါးသွားမှာ ဖြစ်တာကြောင့် ပါးစပ်ခြောက်ခြင်းကို ခံစားရမှာ ဖြစ်ပါတယ်။ ဒါ့အပြင် တံတွေး ထုတ်လုပ်မှု နည်းပါးသွားခြင်းကြောင့် ပါးစပ်တွင်း ဘက်တီးရီးယားများ ပိုမို ပေါက်ဖွားလာနိုင်ပြီး ခံတွင်း အနံ့ဆိုးထွက်ခြင်းကိုလည်း ဖြစ်ပွားစေနိုင်ပါတယ်။
"အားလုံးကျန်းမာပျော်ရွှင်သော ဘဝကိုပိုင်ဆိုင်နိုင်ကြပါစေ.....
သင် ချစ်ခင်ရတဲ့မိတ်ဆွေအပေါင်းသင်းများကိုလည်း မျှဝေပေးခြင်းဖြင့် ကျန်းမာရေးကုသိုလ်ယူနိုင်ပါတယ်....."

& Knowledge #ကျန်းမာရေးဗဟုသုတ #ကျန်းမာရေး

06/02/2026

သွေးတိုးကို ကျစေသည့် ဆေးနည်း(၁၀)မျိုး 🌹

၁။ရှောက်သီးအခွံပါ ၄စိတ် စိတ်ပြီးမတ်ခွက်တွင် ထည့်ရေနွေးစိမ် ထားပြီးအအေးခံ ၍တစ်နေ ကုန်သောက် ပါ ။

၂။ရှောက်သီးအရည် ညှစ်၃ ဇွန်း+ပျားရည်စစ်စစ် ၁ ဇွန်းထမင်းစားပြီးသောက်ပါ။

၃။ရှောက်ရွက်အနု၊ အရင့်တစ်နေ့ လျှင် ၇ ရွက်မှ ၁၀ ရွက်ခန့် နေ့စဉ်အတို့အမြှုပ်ပြုလုပ် ၍စားပါ။

၄။ငါးပိရည်၊ငံပြာရည် ၊ငါးခြောက်စသည်တို့ သည်မြန်မာလူမျိုးတို့နှင့် မကင်းနိုင်သော အစာများဖြစ်သည် ။ ထိုအစာများစား သည့်နေ့တွင်ဒန့်သလွန်ရွက် ဟင်းချိုကို ကြက်သွန်ဖြူ နိုင်နိုင်ဖြင့်ချက်ပြီးတွဲ ဖက်သောက်ပေးပါ။

၅။ဒန့်သလွန်သီး အရင့်များကို နေဖြင့်အခြောက် လှန်းထားပြီးသွေးအလွန် တိုးလျှင်၂စေ့၊၃စေ့ဝါးစားပါ။

၆။သင်္ဘောအဖိုပင် ၏အပွင့်ကို ပြုတ်၍စားပါ ကသွေးတိုးရောဂါ သက်သာစေသည်။

၇။ကြက်သွန်နီကို ထက်ခြမ်းခြမ်းရေ တစ်ဖန် ခွက်တွင်စိမ်၍ နံနက်အိပ်ယာ ထစောစောသောက်ပေးလျှင်သွေးတိုးရောဂါ ကိုကာကွယ်သည် ။နံနက်အိပ်ယာ ထချိန် ခေါင်း ကိုက်ခြင်းကို သက်သာစေသည်။

၈။ပြောင်းဖူး၏ ထိပ်မှအမွှေးကိုပြုတ် ၍အရည်ကိုအကြမ်းပန်း ကန်တစ်လုံးစာသောက် လျှင်သွေးတိုးရောဂါ သက်သာစေ သည်။

၉။ချင်းလက် နှစ်ဆစ် ကိုထုထောင်းအ ရည်ကိုယူ သံပရာသီးတစ် လုံးအရည်နှင့် ပျားရည် တစ်ဇွန်းစပ်နေ့ စဉ်သောက်ပါ ။သွေးတိုးရောဂါဘေး ကင်းဝေးနိုင်သည်။

၁၀။♦♦♦ သွေးတိုးရောဂါ ခံစားနေရပါက ဆေးဝိဇ္ဇာ အာရုံကြောဆေးကို အစာစားပြီး ၅ပြား တနေ့၃ကြိမ်
ရှောက်ရည် ဖြင့်သောက်ပေးပါ။

တခါသောက်ရင် ရှောက်ရည်ကို ဟင်းစားဇွန်း၁ဇွန်း ကိုရေနွေးဖြင့်ရောပြီး ဆေး၅ပြားဖြင့်သောက်ပေးပါ👇👇👇

08/01/2026

ဘေးစောင်းအိပ်ခြင်းက အိပ်ပျော်ရလွယ်ကူစေပြီး နှစ်ခြိုက်စွာ အိပ်ပျော်စေနိုင်ပါတယ်။
သတင်းကောင်းကတော့... ၎င်းရဲ့ အကျိုးကျေးဇူးတွေက အလွန်ကောင်းမွန်တာပဲ ဖြစ်ပါတယ်။ ဒါပေမဲ့ သတင်းဆိုးကတော့... "မှားယွင်းတဲ့နည်းလမ်း" နဲ့ ဘေးစောင်းအိပ်မယ်ဆိုရင်တော့ = ဇာတ်ညောင်းတာ၊ ခါးနာတာ၊ တင်ပါးဆုံထိခိုက်တာ၊ အကြောတက်တာတွေ ဖြစ်နိုင်ပြီး ဘယ်လောက်ပဲအိပ်အိပ် ပင်ပန်းနွမ်းနယ်မှုတွေ ပျောက်ကွယ်သွားမှာ မဟုတ်ပါဘူး။

⚠️ ဘေးစောင်းအိပ်တဲ့အခါ ပုံစံမမှန်ကြောင်း ပြသနေတဲ့ သတိပေးလက္ခဏာများ....
အိပ်ရာနိုးတဲ့အခါ လန်းဆန်းမနေဘဲ အောက်ပါဝေဒနာတွေ တစ်ခုခု ခံစားနေရပြီဆိုရင် သင့်ရဲ့ အိပ်စက်တဲ့ပုံစံ မှားယွင်းနေပါပြီ။
• လည်ပင်းနာခြင်း - နိုးနိုးချင်း လည်ပင်းတစ်ဖက်က နာပြီး လှည့်မရဖြစ်နေခြင်း။
• လက်ထုံခြင်း - အောက်ဘက်က ပခုံးနဲ့ လက်မောင်းတွေ ထုံကျဉ်ပြီး လေးလံနေခြင်း။
• ခါးနှင့်တင်ပါးတောင့်ခြင်း - ခါးတောင့်တောင့်ကြီးဖြစ်နေပြီး လမ်းလျှောက်ရင် တစ်ခုခု ခက်နေသလို ခံစားရခြင်း။
• အိပ်သော်လည်းမဝခြင်း - (၇) နာရီကျော် အိပ်သော်လည်း ခန္ဓာကိုယ်က နုံးချိပြီး ပင်ပန်းနေခြင်း။

🧠 ဘာကြောင့် "ဘေးစောင်းအိပ်တာ" က နာကျင်မှုကို ဖြစ်စေတာလဲ?
အဖြေကတော့ ရိုးရှင်းပါတယ်။ သင်အိပ်နေစဉ်မှာ သင့်ခန္ဓာကိုယ်က "လိမ်" နေလို့ပါပဲ။
• လည်ပင်းစောင်းနေခြင်း - လည်ပင်းက စောင်းနေတော့ အကြောတွေ တင်းလာတယ်။
• အောက်ဘက်ပခုံး အဖိခံရခြင်း - ကိုယ်အလေးချိန်က ပခုံးပေါ် တိုက်ရိုက်ကျတော့ အာရုံကြောတွေ ဖိမိကုန်တယ်။
• ဒူးကြားမှာ တစ်ခုခုမခံထားခြင်း - ဒူးကြားမှာ ခံထားတာမရှိတော့ တင်ပါးဆုံက လည်သွားပြီး ခါးရိုးကို သွားဆွဲတယ်။
• ကျောရိုးမတည့်ခြင်း - ကျောရိုးမတည့်တော့ ကြွက်သားတွေက အိပ်နေရင်းနဲ့တောင် မနားရဘဲ အလုပ်လုပ်နေရတယ်။
ရလဒ်ကတော့... ခန္ဓာကိုယ်က အနားမရတဲ့အပြင် ပိုပြီး ပန်းလျသွားရတာပါပဲ။

✅ နာကျင်မှုကင်းဝေးပြီး လန်းဆန်းစေမယ့် "မှန်ကန်သော ဘေးစောင်းအိပ်နည်း"
ကျန်းမာချင်ရင် ဒီ (၄) ချက်ကို မှတ်ထားပါ -
၁။ ခေါင်းအုံးအမြင့်ကို ညှိပါ
လည်ပင်းနဲ့ ကျောရိုး တစ်ဖြောင့်တည်းရှိနေပါစေ (အရမ်းနိမ့်လွန်းတာ၊ မြင့်လွန်းတာမျိုး မဖြစ်စေရပါ)။
၂။ ဒူးနှစ်လုံးကြားမှာ ခေါင်းအုံးခုအိပ်ပါ
ဒါဟာ အရေးကြီးဆုံးပါ။ ဒူးနှစ်လုံးကြားမှာ ခေါင်းအုံးလေး ခံထားပေးရင် တင်ပါးဆုံ လိမ်မသွားတော့ဘဲ ခါးနာတာကို ချက်ချင်း သက်သာစေပါတယ်။
၃။ အောက်ဘက်ပခုံးကို တိုက်ရိုက်အဖိမခံပါနဲ့
အောက်ဘက်က ပခုံးကို တည့်တည့်ကြီး အဖိမခံပါနဲ့။ ကိုယ်ကိုယ်လေးကို အရှေ့ကို နည်းနည်းတိုးပြီး "ပက်လက်နဲ့ ဘေးစောင်း" ကြား ပုံစံမျိုး အိပ်ပေးပါ။
၄။ အိပ်ခါနီး အကြောဆန့်ပါ
မအိပ်ခင် (၃) မိနစ်လောက် ခါးနဲ့ တင်ပါးကို အသာအယာ အကြောဆန့်ပေးရင် ခန္ဓာကိုယ်က ပြေလျော့သွားပြီး နှစ်နှစ်ခြိုက်ခြိုက် အိပ်ပျော်စေမှာပါ။

🌿 ကျန်းမာရေး လိုက်စားသူများအတွက် အပိုဆောင်း အကြံပြုချက်
• အချိုးကျပါစေ - တစ်ညလုံး တစ်ဖက်တည်း မအိပ်ဘဲ ဘယ်၊ ညာ တစ်လှည့်စီ ပြောင်းအိပ်ပေးပါ။
• ဖက်လုံးအသုံးပြုပါ - ဖက်လုံး ဒါမှမဟုတ် ခေါင်းအုံးရှည်ကို ဖက်အိပ်ခြင်းက ခန္ဓာကိုယ်ရဲ့ အနေအထားကို တည့်မတ်အောင် ကူညီပေးပါတယ်။
• နိုးနိုးချင်း မထပါနဲ့ - မနက်နိုးရင် အိပ်ရာပေါ်မှာတင် (၃၀) စက္ကန့်လောက် အညောင်းဆန့်ပြီးမှ ထပါ။
အိပ်ရာနိုးတဲ့အခါ လန်းဆန်းတက်ကြွနေတယ်ဆိုရင်တော့ သင်ဟာ အိပ်စက်ခြင်းအနုပညာကို ပိုင်နိုင်သွားပြီလို့ ပြောလို့ရပါတယ်ရှင်။

MON SOUNG

#အိပ်စက်ခြင်း

04/01/2026

ဘယ်နေရာမှာ နာကျင်နေပါသလဲ?

သင့်ခန္ဓာကိုယ်မှာ ဒီလိုနေရာတွေ နာကျင်မှုရှိလာပြီဆိုရင် မပေါ့ဆပါနဲ့နော်...

Crd

23/12/2025

ခြေဖနောင့်နာခြင်း
==========
ယခုတလော ကျွန်တော်တို့ရဲ့ Customer service ဌာနကို ခြေဖနောင့်အတက်ထွက်တဲ့အကြောင်းနဲ့ ပတ်သက်ပြီး ဆောင်ရန်/ရှောင်ရန်တွေ လာလာမေးကြလို့ ကျွန်တော် ဒီ Post လေးကို ရေးသားလိုက်ပါတယ်။

ခြေဖနောင့်နာတယ်ဆိုတာ အများအားဖြင့် ခြေဖဝါးအတွင်းရှိ အရွတ်မြှေးရောင်ရမ်းခြင်း (𝗣𝗹𝗮𝗻𝘁𝗮𝗿 𝗳𝗮𝘀𝗰𝗶𝘁𝗶𝘀) ကြောင့်ဖြစ်ရပါတယ်။ အဲ့ဒီလို ခြေဖဝါးအတွင်း အရွတ်မြှေးရောင်ရမ်းမှု ခံစားနေရတဲ့ သူတွေမှာ ၅၀% ခန့်ဟာ ခြေဖနောင့်ရိုးမှာ အရိုးအတက် (Bone spur) ထွက်နေလေ့ရှိပါတယ်။ ခြေဖနောင့်အရိုးတက် ကိုယ်၌က နာကျင်မှုကို သိပ်မဖြစ်စေဘဲ အရွတ်မြှေး ရောင်ရမ်းမှုကသာ နာကျင်မှုကို အဓိကဖြစ်စေပါတယ်။

ခြေဖဝါးအရွတ်မြှေးကို ဒဏ်ဖြစ်ခြင်းက ရောင်ရမ်းမှုရဲ့ အဓိကအကြောင်းရင်းပါ။ လမ်းလျှောက်ခြင်း၊ ပြေးခြင်းနှင့် မတ်တပ်အကြာကြီး ရပ်ရခြင်းတို့က အရွတ်မြှေးကို ဒဏ်ဖြစ်စေပါတယ်။ ကူရှင်မကောင်းတဲ့ဖိနပ်၊ မာတဲ့ဖိနပ်နဲ့ ခြေခွက်ပုံစံအတိုင်း အလိုက်သင့်တဲ့ ဒီဇိုင်းမရှိတဲ့ ဖိနပ်တွေက ခြေဖဝါးအရွတ်မြှေး ဒဏ်ဖြစ်ခြင်းကို ပိုဆိုးစေပါတယ်။ အဲ့ဒီအခါမှာ ခြေဖဝါးအရွတ်မြှေး ရောင်ရမ်းလာပြီး နာကျင်မှုကို ခံစားရစေပါတယ်။

ဆောင်ရန်/ရှောင်ရန်များ
=============
✔️ ခြေထောက်ကို အနားပေးပါ။ ကိုယ်အလေးချိန် လျှော့ချပါ။ ဆိုးပြား ပျော့အိသောဖိနပ်၊ ခြေထောက်ပုံစံအတိုင်း အလိုက်သင့်ဖြစ်အောင် ဒီဇိုင်းထုတ်ထားသော ဖိနပ်များကို စီးပါ။ ဖိနပ်အတွင်း Insole ခေါ် ခြေနင်းပြားလေးများ ခုခံပြီးလည်း စီးနိုင်ပါတယ်။
✔️ မျက်နှာပြင်အမာများပေါ်တွင် ဖိနပ်မပါဘဲ ခြေဗလာနှင့် လမ်းလျှောက်ခြင်း၊ မာသောဖိနပ်စီးခြင်းတို့ကို ရှောင်ပါ။
✔️ ခြေထောက်နာနေစဉ် လမ်းလျှောက်ခြင်း၊ ပြေးခြင်းစသော ပုံမှန်လုပ်နေကျ လေ့ကျင့်ခန်းများကို လျှော့လုပ်ပါ။ ခတ္တခဏ နားထားပါ။ လေ့ကျင့်ခန်း မလုပ်မီနှင့် လုပ်ပြီးချိန်များတွင် အကြောလျှော့ပေးပါ။
✔️ ခြေထောက်ကို ပိုမိုနာကျင်စေတဲ့ မည်သည့်အပြုအမူမဆို ရှောင်ကြဉ်ပါ။
✔️ စိတ်ရှည်ပါ။ ခြေဖဝါးအရွတ်မြှေး ရောင်ရမ်းခြင်းသည် တမဟုတ်ချင်း သက်သာသွားမည့် ရောဂါမဟုတ်ပါ။ အချိန်ယူ ကုသရပါမယ်။
✔️ လိုအပ်ပါက အရိုးအထူးကုဆရာဝန်များ၊ အကြောဘက်ဆိုင်ရာ ဆေးဘက်ကျွမ်းကျင် (Physiotherapist) တို့နှင့် သွားရောက်ပြသသင့်ပါတယ်။

ကုသခြင်း
======
ကုသမှုအနေနဲ့ အကိုက်အခဲပျောက်ဆေးတွေ သောက်သုံးနိုင်ပါတယ်။ အကိုက်အခဲပျောက်ဆေး အများစုဟာ အစာအိမ်ကို ထိခိုက်စေနိုင်တာကြောင့် အစာနှင့်တွဲပြီး သောက်သုံးသင့်ပါတယ်။ ညအိပ်ရာဝင်ခြေကျပ်စည်း (Night splint) ကိုလည်း စီးပေးနိုင်ပါတယ်။ မသက်သာရင် ဖနောင့်ကို စတီးရွိုက်အရောင်ကျဆေးများ ထိုးတာ၊ ကျောက်ပတ်တီးစီးတာ စတဲ့ကုသမှုတွေ ခံယူရနိုင်သလို ခွဲစိတ်ကုသမှုတွေအထိ ပြုလုပ်ရနိုင်ပါတယ်။

သဘာဝဆေးဝါးတွေထဲကနေ မိုးမခပင်ရဲ့ အခေါက်ကနေရရှိတဲ့ ဆယ်လီစင် (𝗦𝗮𝗹𝗶𝗰𝗶𝗻) ဒြပ်ပေါင်း၊ နနွင်း (𝗧𝘂𝗿𝗺𝗲𝗿𝗶𝗰)၊ နာနတ်သီးကနေရရှိတဲ့ ဘရိုမယ်လိန်း (𝗕𝗿𝗼𝗺𝗲𝗹𝗮𝗶𝗻) ဒြပ်ပေါင်းနဲ့ အိုမီဂါ-၃ ဖက်တီးအက်ဆစ် (𝗢𝗺𝗲𝗴𝗮 𝟯 𝗳𝗮𝘁𝘁𝘆 𝗮𝗰𝗶𝗱) တို့ကို ခြေဖဝါးအတွင်း အရွတ်မြှေး ရောင်ရမ်းမှုအတွက် အသုံးပြုနိုင်တာကို တွေ့ရပါတယ်။

မိုးမခပင်ကနေရရှိတဲ့ ဆယ်လီစင်ဒြပ်ပေါင်းနဲ့ နနွင်းမှာပါဝင်တဲ့ ကာကူမင် (𝗖𝘂𝗿𝗰𝘂𝗺𝗶𝗻) ဒြပ်ပေါင်းတို့ဟာ နာကျင်မှုနှင့်ရောင်ရမ်းမှုတွေကို သက်သာစေပါတယ်။ ဘရိုမယ်လိန်း ဒြပ်ပေါင်းနဲ့ အိုမီဂါ-၃ တို့ဟာလည်း ရောင်ရမ်းမှုကို ကျဆင်းစေတယ်။ နိုင်ငံတကာသုတေသနတွေအရ ကာကူမင်နှင့် ဘရိုမယ်လိန်းတို့ရဲ့ ခြေဖဝါးအရွတ်မြှေး ရောင်ရမ်းမှုကို ကျဆင်းစေတဲ့ အာနိသင်ဟာ အခြား ဈေးကွက်အတွင်း လက်ရှိအသုံးပြုနေတဲ့ အရောင်ကျဆေးတွေနည်းတူ အစွမ်းထက်ကြောင်း တွေ့ရပါတယ်။

ဒေါက်တာခင်မောင်လွင် (FAME)

07/12/2025

#ကိုယ့်အင်္ဂါအစိတ်အပိုင်းတွေကို ကိုယ်တိုင် တိတ်တဆိတ် ဖျက်ဆီးနေမိတဲ့ အချက် (၂၀)

ကျွန်တော်တို့ နေ့စဉ်မသိလိုက်ဘဲ လုပ်မိနေတဲ့ အလေ့အကျင့်လေးတွေက ရေရှည်မှာ ကိုယ့်ခန္ဓာကိုယ်အစိတ်အပိုင်းတွေကို ဒုက္ခပေးနေတတ်ပါတယ်။
ဘာတွေလဲဆိုတာ Check ကြည့်ရအောင်။

၁။ ဦးနှောက် (Brain) မနက်စာ မစားခြင်း၊ သကြားစားသုံးမှု များလွန်းခြင်း။

၂။ နှလုံး (Heart) အငန်ကဲခြင်း၊ တစ်နေကုန် ထိုင်လွန်းခြင်း (Sedentary lifestyle)။

၃။ ကျောက်ကပ် (Kidneys) ရေမသောက်ခြင်း၊ ဆီးအောင့်ထားခြင်း။

၄။ အသည်း (Liver) အရက်သောက်ခြင်း၊ အိပ်ရာဝင် နောက်ကျခြင်း၊ အဆီအစိမ့် လွန်ကဲခြင်း။

၅။ အစာအိမ် (Stomach) အကိုက်အခဲပျောက်ဆေး (Painkillers) တွေကို အစာမရှိဘဲ သောက်ခြင်း၊ အစပ်လွန်ကဲခြင်း။

၆။ အဆုတ် (Lungs) ဆေးလိပ်ငွေ့ ရှူရှိုက်ခြင်း၊ လေဝင်လေထွက် မကောင်းသောနေရာတွင် နေခြင်း။

၇။ မျက်လုံး (Eyes) အမှောင်ထဲတွင် ဖုန်းကြည့်ခြင်း၊ မျက်တောင်ခတ် နည်းခြင်း။

၈။ နား (Ears) နားကြပ်ကို အသံအဆုံးချဲ့ နားထောင်ခြင်း။

၉။ အူလမ်းကြောင်း (Intestine) အသားစားများပြီး အသီးအရွက် (Fiber) စားသုံးမှု နည်းခြင်း။

၁၀။ ပန်ကရိယ (Pancreas) အလွန်အကျွံ စားသုံးခြင်း (Overeating)၊ အချိုရည် စွဲလမ်းခြင်း။

၁၁။ သည်းခြေအိတ် (Gallbladder) အစားစာချိန် မမှန်ခြင်း၊ ဝိတ်ကို အမြန်ချခြင်း။

၁၂။ ကျောရိုး (Spine) ခါးကိုင်းပြီး ထိုင်ခြင်း၊ မွေ့ရာ အပျော့လွန်ခြင်း။

၁၃။ အရိုး (Bones) ကော်ဖီ/အချိုရည် (Soda) အသောက်လွန်ခြင်း၊ နေရောင်ခြည် မထိတွေ့ခြင်း။

၁၄။ အရေပြား (Skin) နေလောင်ခံခရင်မ် (Sunscreen) မလိမ်းခြင်း၊ မိတ်ကပ်မဖျက်ဘဲ အိပ်ခြင်း။

၁၅။ သွေးကြောများ (Blood Vessels) 😡 စိတ်ဖိစီးမှုများခြင်း (Stress)၊ ဆေးလိပ်သောက်ခြင်း။

၁၆။ ကြွက်သား (Muscles) ရေသောက်နည်းခြင်း၊ အကြောမလျှော့ခြင်း (No stretching)။

၁၇။ လည်ချောင်း (Throat) ရေခဲရေ အသောက်လွန်ခြင်း (တချို့သူများအတွက်)၊ ဆေးလိပ်ငွေ့။

၁၈။ သွား (Teeth) ရေခဲဝါးစားခြင်း၊ သွားမတိုက်ဘဲ အိပ်ခြင်း။

၁၉။ ကိုယ်ခံအား (Immune System) 😴 အိပ်ရေးပျက်ခြင်း၊ သန့်ရှင်းမှု အားနည်းခြင်း။

၂၀။ ဟော်မုန်း (Hormones) စိတ်ထင်ရာ ဆေးဝယ်သောက်ခြင်း၊ ပလတ်စတစ်ဘူးဖြင့် ရေနွေးထည့်သောက်ခြင်း။

ဒီအချက် (၂၀) ထဲက ကိုယ်နဲ့ ဘယ်နှချက် ငြိနေလဲ? ကိုယ့်ကျန်းမာရေးအတွက် ဒီနေ့ကစပြီး ဆင်ခြင်လိုက်ကြရအောင်

#ပြန်လည်ဝေမျှလိုက်ပါသည်။

01/12/2025

ဆောင်းဥတုတွင်_ရေမချိုးပဲနေလျှင်_ ခေါင်းမူး_ရောဂါရနိုင်သည်_

✅ရေချိုးကြောက်သူများ၊အအေးဒဏ်ကြောင့်
တစ်ပတ်မှာ တစ်ကြိမ်ခန့်သာ ရေချိုးသူများတွင်
ခေါင်းမူးရောဂါ ရနိုင်ကြောင်း တွေ့ရှိရသည်။

“အသ”က် ၆ဝ ကျော် လူကြီးတစ်ဦး ခေါင်းမူး
သဖြင့် သွေးပေါင်တက်သည်ထင်ပြီး ချိန်
ကြည့်သော အခါ ပုံမှန် သွေးပေါင် ဖြစ်ကြောင်း
တွေ့ရသည်။

✅ခေါင်းမူးသဖြင့် အလုပ်မလုပ် နိုင်သည့်အပြင် အစားအသောက် ပါပျက် လာသည်။ ထိုသူသည် အအေးပတ် လွယ်သဖြင့် ကြောက်ပြီး ရေမချိုးသည်မှာ ၁ဝ ရက်ခန့် ရှိပြီဟု ဆိုသည်။

✅ရေနွေး အနည်းငယ် စပ်ပြီး ရေနေ့စဉ်ချိုး သောအခါ ခေါင်းမူး သက်သာ သွားသည်ဟု ဆိုသည်။

✅ဇက်ကျီးပေါင်း ရောဂါရှိသူ အသက် ၅ဝ ဝန်းကျင် ကျောင်းဆရာ တစ်ဦးမှာလည်း နံနက်စောစော ကျောင်းသွား ရသဖြင့် ရေမချိုးဖြစ်။ ကျောင်းပိတ်ရက် မွသာ ရေချိုးသည်။

✅ကျီးပေါင်းတက်ပြီး အာရုံကြော နှင့် လည်ပင်းရိုးဆစ် ညပ်သူများမှာ ခ်ာခ်ာ လည်အောင် မူးလေ့ ရှိသည်။

✅ပုံမှန်အားဖြင့် မမူး၊ ပစ္စည်း တစ္ခုခုကို ကုန်းကောက် လိုက်သောအခါ ဖြစ်စေ၊ မြင့်သော နေရာရှိ ပစ္စည်းတစ်ခုခု ကိုယူရန် မော့ကြည့် လိုက်သောအခါတွင် ဖြစ်စေ သတိ လက်လွတ် ချာချာလည်အောင် မူးသွားတတ်သည်။

✅ဤသည်မှာ လည်ပင်းရိုးဆစ် ကျီးပေါင်းတက် ရောဂါ၏ သဘောဖြစ်သည်။ တစ်ခါတစ်ရံ နှလုံးရောဂါ ထင်ပြီး ဆေးကုမှား တတ်သည်။

✅အဆိုပါ ကျောင်းဆရာ သည် ရေမချိုးရက် မ်ား၍ မူးလာသော အခါ ဖြစ်နေကျ ကျီးပေါင်း ရောဂါကြောင့် မူးသည်ထင်ပြီး ယခင် ကုနေကျ ကုထုံးအတိုင်း ဆေးရုံ ဆေးခန်း သွားပြီး ဇက္ကိုခဲ ဆွဲသည်။ မသက် သာသည့် အပြင် ပို၍ မူးလာသည်။

✅ကျောင်းပိတ်ရက် ရေချိုးသည့် နေ့များတွင် ခေါင်းမူး သက်သာသည်ကို သတိပြုမိသည့် အခါက်မွ ဇက်ကျီးပေါင်း ရောဂါကြောင့် မူးခြင်း မဟုတ်ဘဲ ရေမချိုး၍ မူးခြင်း ဖြစ်ကြောင်း သိလာရသည်။

✅သတိပြုမိ ပြီးနောက် နေ့လည် အားလပ်ချိန် တွင် ကျောင်းမှ အိမ်သို့ ပြန်လာပြီး နေ့စဉ် ရေချိုးသောအခါ ချာချာလည် အမူးရောဂါမှာ ပျောက်ကင်း သွားသည်။

အရပ်သုံး စကား ''ရေမချိုးလို့ သေတဲ့မသာ မရွိဘူး...ရေချိုးလို့ သေတဲ့ မသာပဲ ရှိတယ်...'' ဟူသော စကားမွာ မှားယွင်းသော အယူအဆ ဖြစ်သည်။

#ရေမချိုးခြင်းအပြစ်(၁ဝ)ပါးရှိသည်။

၁။ အခိုးငုတ်ခြင်း
၂။ မသန့်ခြင်း
၃။ လေချုပ်ခြင်း
၄။ သွားနာခြင်း
၅။ မျက်စိဝေခြင်း
၆။ ဆံပင်ကျွတ်ခြင်း
၇။ အသံပျက်ခြင်း
၈။ သမ်းဝေခြင်း
၉။ ခေါင်းမူးခြင်း
၁ဝ။ အသားပတ်ခြင်း

😄အထက်ပါ အချက်များကို ကြည့်ခြင်း အားဖြင့် ရောဂါ မဟုတ်သော်လည်း ရေမချိုးခြင်း ကြောင့်ဖြစ်သော ပြဿနာ အတော်များများ ရှိကြောင်း တွေ့နိုင်ပေသည်။ ဆောင်းတွင်း အေးသဖြင့် နေ့စဉ် ရေမချိုး နိုင်သည့်တိုင် တစ်ရက်ခြား ရေချိုးနိုင်အောင် ကြိုးစား သင့်သည်။

✅အအေးမပတ် စေရန် ရေနွေး စပ်ချိုးပါ။ (အလွန်အမင်း ပူအောင် မစပ်ပါနှင့်)။ ရေပေးရေးမှ ရေပေးဝေ ချိန်တွင် ပိုက်မှ စီးလာသော ရေသည် အနွေးဓာတ် ပါသည်။
✅
ထိုအချိန်တွင် ရေတင်ပြီး ချိုးပါ။ အဝီစိတွင်း ရွိသူမ်ားမွာ ရေတင်ပြီး ချက်ချင်း ချိုးလျှင် နွေးပါသည်။

✅ရေနွေး မရှိလျှင် ရေကို အင်တုံတွင် ထည့်ပြီး နေ့ ၁၁ နာရီမွ ၁၂ နာရီအတွင်း နေရောင်ခြည် ပြပြီး နွေးသောရေ ချိုးပါ။

✅ရေချိုးပြီးလျှင် နွေးသော အဝတ္ကို လျင်မြန်စွာ ဝတ်ပါ။ ရေနွေးပူပူ၊ ကော်ဖီပူပူ သို့မဟုတ် မြန်မာ့ရိုးရာ အခိုးပွင့်ဆေး တစ်မျိုးမျိုးကို သောက်ပါ။

နေ့စဉ် ရေချိုးခြင်း သည် အခိုးပွင့် ကျန်းမာပြီး သွေးတိုးခြင်း ကိုလည်း လျော့ကျ စေနိုင်သော နည်းဖြစ်ပါသည်။

#အားလုံးကျန်းမာကြပါစေ။
#ကျန်းမာရေးဗဟုသုတရကြပါစေ

#တစ်ဆင့်ပြန်လည်မျှဝေခြင်း ။

14/11/2025

အသက်(၄၅)ကနေ
(၆၀) သမားများ
အထူးသတိ ထားဖို့ပါ ။
အဲဒီအတွင်းကို
ဂရုစိုက်နေထိုင်ရင်...
ကျန်းမာအသက်ရှည်ပါတယ် တဲ့၊
အလေ့ကျင့်ကောင်းသွားရင်
ရောဂါကြီးကြီးမား ...
မရှိရင်အသက် ရာကျော်အထိ
အသက်ရှည်
ကျန်းမာပါတယ်လို့ ဆိုကြတယ်။

၁။ ကိုယ်အလေးချိန်ကို
အမြဲထိမ်းပါ။
(weightချိန် ပါ )...

၂။ အိပ်ရေးဝအောင် အိပ်ပါ....

၃။ အစာအိမ်ကို ဂရုစိုက်ပါ။
ဖြေးဖြေးနဲ့ နည်းနည်းပဲစားပါ။
၇၀% ပြည့်အောင်ပဲစားပါ။
အလွန်အကျွံ မစားပါနဲ့။
ပျော့တဲ့အစားစာရွေးစားပါ။
အဆီ,အငန်,အချို,
အပူစာတွေလျော့စားပါ။

၄။ အရိုးအဆစ်ကိုဂရုစိုက်ပါ။

၅။ vitamin D ရအောင်
နွားနို့,ငါး,ပဲ စားတဲ့အပြင်
မနက်(သို့) ညနေခင်း
နေရောင်ခြည်ကို
10min လောက်
အနည်းဆုံး ခံယူပါ။
vitamin Dအားဆေးလည်း
တခါတလေ စားပေးပါ။

၆။ လမ်းလျှောက် လေ့ကျင့်ခန်း
လုပ်ပေးပါ။
ကြွက်သားအားကောင်းအောင်
လေ့ကျင့်ပေးပါ။
ခြေသလုံးကြွက်သား
အားကောင်းရင်
နှလုံးရောဂါမဖြစ်နိုင်ပါဘူး။
ကခုန်ခြင်းဖြင့်လည်း
ကိုယ်လက် လှုပ်ရှား
လေ့ကျင့်ခန်းတမျိုးပါပဲ။

၇။ ရေချိုးချိန်၊
ကိုယ် အဆင်ပြေချိန်တွင်
သီချင်းအော်ဆိုပေးခြင်း ဖြင့်
အဆုတ်အားကောင်းအောင်
လုပ်ပေးပါ။
လက်ခုပ်တီးပေးပါ။

၈။ pressure ,stress လျော့ပေးပါ၊
စိတ်ပျော်ရွှင်အောင်နေပါ၊
ပြသနာအကြီးကို
သေးအောင်လုပ်၊
အသေးကိုပျောက်အောင်လုပ်။
တော်ရုံ အရေးမကြီးတာတွေနဲ့
ရန်မဖြစ်နဲ့။
စိတ်ထဲ မထားကြပါနဲ့။

၉။ စိတ်အေးချမ်းတည်ငြိမ်အောင်
တရားထိုင်ပေးပါ၊
ဝင်လေထွက်လေမှတ်ပေးပါ။
၁၀။ သန့်ရှင်းမှုကို
အလေးထားပါ၊
တကိုယ်ရည် သန့်ရှင်းမှုနဲ့
အိမ်တွင်းအိမ်ပြင်
ပတ်ဝန်းကျင် သန့်ရှင်းရေးကို
ဂရုစိုက်ပါ။
၁၁။ ပိုးဟပ်၊ကြွက်၊ခြင်၊ယင်၊
ပရွက်ဆိတ်စတဲ့
အင်းဆက်ပိုးတွေကို
ကိုယ့်အိမ်တွင်း
အိမ်ပြင်မရှိအောင်ဂရုစိုက်ပါ။

၁၂။ ဦးနှောက်ကို
တခုခုလုပ်နေရင်းအသုံးချပါ။
စီးပွါးလုပ်ငန်း၊
အလုပ်၊ပညာ တခုခု
ကိုယ်ဝါသနာပါရာကို
အမြဲ လေ့လာရင်း
လုပ်နေရင်းနဲ့
ဦးနှောက်ကို အသုံးချပေးပါ။
ဦးခါင်းကိုအသုံးချခြင်းဖြင့်
အယ်ဇိုင်းမားရောဂါ
မဖြစ်အောင်
ကာကွယ် ပေးနိုင်ပါတယ်။

၁၃။ ဝမ်းမှန်အောင် လုပ်ပါ၊
အညစ်အကြေး စွန့်ခြင်းဖြင့်
ကိုယ်ထဲက
အဆိပ် အတောက်ကို
ဖယ်ပေးနိုင်ပါတယ်။
ရေများများသောက်ခြင်းဖြင့်
သွေးကြောပိတ်ခြင်း၊
အပူကြီးခြင်းကို
ကာကွယ်ပေးနိုင်ပါတယ်။
ကျောက်ကပ်
ကျောက်တည်ခြင်းကို
ကာကွယ်ပေးနိုင်တယ်။

၁၄။ မနက်အစာမစားခင်
ပုံမှန်ရေတခွက်
ရေနွေး၂ခွက်
သောက်ပေးခြင်းဖြင့်
အူလမ်းကြောင်းက
အညစ်အကြေးတွေ
ထုတ်ပေးနိုင်ပါတယ်။
အိပ်ကာနီး
ရေတခွက်သောက်ခြင်းဖြင့်
မနက်ဆီးသွားပြီး
ကိုယ်တွင်းက အပူကို
ကျစေပါတယ်။
အသက်၃ဝကျော်ရင်
သွေးကြောတွေက
တဖြေးဖြေးအဆီပိတ်ပြီး
ကျဉ်းလာပါတယ်။
တချို့ကသွေးပျစ်ပီး
ကျဉ်းလာပါတယ်။

ဒါ့ကြောင့်
အဆီအကြော်စာတွေ
လျော့စားပါ
ရေနွေးရေသောက်ပေးခြင်း
လေ့ကျင့်ခန်းလုပ်ပေးခြင်းဖြင့် သွေးကြောပိတ်ခြင်းကို
ကာကွယ်နိုင်ပါတယ်။

တရုတ်ဆေးပညာ ကနေ
ဘာသာပြန် ရေးပေးတာပါ။
မိတ်ဆွေသူငယ်ချင်းများအားလုံး
ကျန်းမာအသက်ရှည်ပါစေ...

Hanuman:Thailand Herbal Products

11/03/2026

06/03/2026

02/03/2026

16/02/2026

15/02/2026

06/02/2026

08/01/2026

04/01/2026

23/12/2025

07/12/2025

01/12/2025

14/11/2025

Address

Telephone

Website

Alerts

Contact The Practice

Shortcuts

Share

Category