https://www.facebook.com/112332891956504/

ကျန်းမာတော်ဝင် အထူးကုဆေးခန်း

Home
Myanmar
Yangon
ကျန်းမာတော်ဝင် အထူးကုဆေးခန်း

Our mission is to be the guiding light on your journey to better health and well-being.

27/08/2024

Female (1) Post

တာမွေမြို့နယ်၊ ကျောက်မြောင်းအတွင်း တာဝန်ထမ်းဆောင်ရန် Pharmacist_Aid Female (1) Post

🔸 လိုအပ်သောအရည်အချင်းများ

- အနည်းဆုံး (10) တန်းအောင်မြင်ပြီးသူ ဖြစ်ရမည်။

- Pharmacist Aid နှင့် Nurse Aid သင်တန်းဆင်းလက်မှတ် ရှိရမည်။

- အသင်းအဖွဲ့နဲ့ ပူးပေါင်းဆောင်ရွက်နိုင်သူဖြစ်ရမည်။

- လူနာများကို မိသားစုဝင်တစ်ယောက်ကဲ့သို့ စိတ်ရှည်သည်းခံစွာ ပြုမူဆောင်ရွက်‌နိုင်သူဖြစ်ရမည်။

- Patient complain များကို လိုအပ်ရင် လိုအပ်သလို အကင်းပါးစွာ ချက်ချင်း ဖြေရှင်းနိုင်သူဖြစ်ရမည်။

- သွက်လက်ထက်မြက်ပြီး သင်ယူလိုစိတ်ပြင်းပြသူ ဖြစ်ရမည်။

- အလုပ် လိုအပ်ချက်အရ ရံဖန်ရံခါ ရန်ကုန်မြို့တွင်း သွားလာနိုင်သူဖြစ်ရမည်။

💸 လစာ - ကျွမ်းကျင်မှုအပေါ်မူတည်၍
ညှိနှိုင်းနိုင်ပါသည်။

🕗 အလုပ်ချိန် ~ 8 AM - 8 PM

📆 ပိတ်ရက် - တစ်ပတ် တစ်ရက်

ဆေးခန်းလိပ်စာ - အမှတ်(၃၁)၊ သီတာလမ်းနှင့် ကျောက်မြောင်းလမ်းထောင့်၊ တာမွေမြို့နယ်၊ ရန်ကုန်မြို့။

ဆက်သွယ်ရန် - 09 444 69 7771 ၊ 09 768 666 357

#သူနာပြုအကူ

23/08/2024

ကိုယ်ဝန်ဆောင်မိခင်တွေမှာ အဖြစ်များတဲ့ ဝေဒနာတစ်ခုရှိပါတယ်... 🤰

အဲဒါကတော့ခါးနာခြင်းပါပဲ။ ကိုယ်ဝန်ဆောင်ရတဲ့အချိန်မှာ လရင့်လာတာနဲ့အမျှ ကိုယ်အလေးချိန်တက်လာခြင်း၊ ပြောင်းလဲလာတဲ့ ဟော်မုန်းများကြောင့် တင်ပဆုံအရိုးအရွတ်တွေ အားပျော့လာခြင်းစတာတွေကြောင့် ဖြစ်ပါတယ်။ ဒီဆောင်းပါးမှာတော့ ကိုယ်ဝန်ဆောင်ချိန်မှာ ခါးနာတာကို ဘယ်လိုသက်သာအောင်လုပ်မလဲဆိုတဲ့ အချက် ၆ချက်ကို ရေးသားဖော်ပြပေးချင်ပါတယ်။ ကိုယ်ဝန်ဆောင်စဉ် ခါးနာခြင်းကို သက်သာစေမယ့် နည်းလမ်း ၆ ခု ကို ပြောပြပေးမယ်နော်။

🔰 ကိုယ်ဝန်ဆောင်စဉ် ခါးနာခြင်းကို သက်သာစေမယ့် နည်းလမ်း ၆ခု

ကိုယ်ဝန်ဆောင်စဉ် ခါးနာခြင်းကို သက်သာစေမယ့် နည်းလမ်း တွေကတော့ –

(၁) ကိုယ်ဟန်အနေအထားမှန်မှန်နေထိုင်ခြင်း

ကိုယ်ဝန်လရင့်လာတဲ့အခါ ခန္ဓာကိုယ်ရဲ့အလေးချိန်ဟာ ရှေ့မှာပုံလာပါတယ်။ Centre of Gravityက ခန္ဓာကိုယ်ရှေ့ကိုရွေ့လာတာပါ။ ရှေ့ကိုယိုင်သွားတာကို ထိန်းဖို့ ခန္ဓာကိုယ်က နောက်ကိုလန်လာတတ်ပါတယ်။ အဲ့ဒီလိုနောက်ကိုလန်နေခြင်းဟာ ခါးအောက်ပိုင်းကကြွက်သားတွေကို ဆွဲညှစ်သလိုဖြစ်ပြီး ခါးနာခြင်းကို ပိုခံရစေပါတယ်။ ဒါကြောင့် ကိုယ်ဟန်အနေအထားမှန်ကန်ဖို့အတွက်

-ဖြောင့်ဖြောင့်မတ်မတ်ရပ်ပါ။

-ရင်ဖွင့်ပြီးနေပါ။

-ပခုံးကိုလည်း အသာလျှော့ပြီးနေပါ။ ရှေ့ကိုကိုင်းတာမျိုး၊ နောက်ကိုလန်တာမျိုးမဖြစ်အောင်ဂရုစိုက်ပါ။

-ဒူးချိတ်ထိုင်တာကိုရှောင်ပါ။

မတ်တတ်အကြာကြီးရပ်ခြင်းကိုလည်း ရှောင်ကြဉ်သင့်ပါတယ်။ ထိုင်နေရတဲ့အခါမှာလည်း ကျောကို ပုံစံတကျနဲ့ သက်တောင့်သက်သာဖြစ်စေသော ကုလားထိုင်ကို ရွေးချယ်သင့်ပါတယ်။ ခါးနောက်မှာ ခေါင်းအုံးအသေးလေးတစ်ခုကို support အဖြစ် ခုပြီးထိုင်သင့်ပါတယ်။

(၂) ဖိနပ်ရွေးပါ

ဖိနပ်စီးတဲ့အခါ High Heel ဒေါက်ချွန်အမြင့်တွေကို ရှောင်ပါ။ ရှေ့ကိုငိုက်ပြီး ချော်လဲတတ်ပါတယ်။ အလွန်ပါးလှပ်သောဖိနပ်မျိုးထက်စာရင် ခြေဖဝါးရဲ့ arch အကွေးအတိုင်းသွားတဲ့ အထူအနေတော်ရှိတဲ့ဖိနပ်မျိုးကို ရွေးချယ်သင့်ပါတယ်။ ခုခေတ်မှာ ဗိုက်ထိန်းဗိုက်စီးတွေလည်း ပေါ်နေပါတယ်။ ကြီးထွားလာတဲ့ ဗိုက်ကို ပင့်ထိန်းပေးတဲ့ ဗိုက်စီးများဟာ မိခင်လောင်းတွေအတွက် သက်သာစေတယ်လို့ အသုံးပြုသူမိခင်လောင်းအတော်များများကဆိုကြပါတယ်။

(၃)ပစ္စည်းမခြင်း

ပစ္စည်းတချို့ကို ကောက်ယူတဲ့အခါ ထိုင်ချပြီး (မုဆိုးထိုင်ထိုင်ခြင်း)ပြုပြီးမှ ခြေထောက်ပေါ်မှေးတင်ပြီး မ ယူပါ။ ခါးကိုကွေးပြီး မယူခြင်း လုံးဝမလုပ်သင့်ပါ။ ပစ္စည်းမတဲ့နည်းရှိတယ်ဆိုပေမဲ့လည်း ကိုယ့်ရဲ့ limit နဲ့ လုပ်နိုင်စွမ်းအားကို သိသင့်ပါတယ်။ မနိုင်နိုင်တဲ့ဝန်ကို လုံးဝမထမ်းပါနဲ့။

(၄) ဘေးစောင်းအိပ်ခြင်း

ပက်လက်အိပ်ခြင်းကို ကိုယ်ဝန်လေးလ သို့မဟုတ် ငါးလ ကျော်တာနဲ့ မပြုလုပ်ပါနဲ့တော့။ ဘေးစောင်းအိပ်ပါ။ ဒူးတစ်ချောင်း သို့မဟုတ် နှစ်ချောင်းလုံးကွေးပြီးအိပ်ပါ။ ကိုယ်ဝန်ဆောင်များအတွက် သီးသန့်ထုတ်တဲ့ မွေ့ရာ၊ ဖက်ခေါင်းအုံး စသည်တို့ကို အသုံးပြုပြီး သက်တောင့်သက်သာအိပ်စက်ပေးပါ။ ခါးနောက်နဲ့ ဗိုက်အောက်မှာ ပျော့ပျောင်းတဲ့ အထောက်အကူခေါင်းအုံးလေးတွေ ခံထားနိုင်ပါတယ်။

(၅) ရေနွေးအိတ် သို့မဟုတ် ရေခဲအိတ်ကပ်ခြင်း

ခါးနာတဲ့အခါ ရေနွေးအိတ်လေးကပ်ပေးတာ၊ ရေခဲအိတ်လေးကပ်ပေးတာတွေကလည်း စစ်တမ်းတိတိကျကျနဲ့ ဘယ်လောက်အကျိုးရှိသလဲဆိုတာကို ပြောလို့မရပေမယ့် မိခင်လောင်းတွေအတွက် နေသာထိုင်သာရှိစေပါတယ်။

(၆) လေ့ကျင့်ခန်းပြုလုပ်ခြင်း

သားဖွားမီးယပ်ဆရာဝန်ရဲ့ ခွင့်ပြုမှုနဲ့အတူ ကိုယ်ဝန်ဆောင်စဉ်မှာ ယောဂလေ့ကျင့်ခန်းပြုလုပ်ခြင်း၊ လမ်းလျှောက်ခြင်း၊ ခါးလေ့ကျင့်ခန်းများ ပြုလုပ်ခြင်းဟာလည်း ခါးနာခြင်းကိုသက်သာစေပါတယ်။

ဘယ်အချိန်မှာ ဆရာဝန်နဲ့ တိုင်ပင်ရမလဲ ❓

ကိုယ်ဝန်ဆောင်စဉ်မှာ ခါးနာခြင်းဟာ အဖြစ်များတယ် ဖြစ်လေ့ဖြစ်ထရှိတယ်ဆိုပေမဲ့ နှစ်ပတ်ထက်ပိုပြီး ဆက်နာနေရင်တော့ ဆရာဝန်နဲ့တိုင်ပင်ရပါမယ်။ မိမိသဘောနဲ့မိမိ သောက်ဆေး၊ လိမ်းဆေးများ မသုံးပါနဲ့။ နောက်တစ်ခုကတော့ ကိုယ်ဝန်ဆောင်စဉ်မှာ ခါးနာခြင်းဟာ လမစေ့ဘဲ ကလေးမွေးခြင်းရဲ့ လက္ခဏာလည်းဖြစ်နိုင်သလို ဆီးလမ်းကြောင်းပိုးဝင်ခြင်းရဲ့ လက္ခဏာလည်းဖြစ်နေနိုင်ပါတယ်။ ဒါကြောင့် ခါးနာခြင်းနဲ့အတူ ရေဆင်းသွေးဆင်းခြင်း၊ ဖျားခြင်း၊ ဆီးသွားလျှင် ဆီးပူ ဆီးကျင် ဆီးအောင့်ခြင်းများပါ တွဲရက်ခံစားရရင်တော့ မပေါ့ဆသင့်ပါဘူး။ သားဖွားမီးယပ်ဆရာဝန်နဲ့ အမြန်ပြသပြီး စစ်ဆေးကုသမှု ခံယူသင့်ပါတယ်လို့ အကြံပေးဆွေးနွေးလိုက်ရပါတယ်။

အခုဆိုရင်တော့ သားဖွားမီးယပ်အတွက် လိုအပ်တဲ့ စစ်ဆေးမှုတွေကို ကျန်းမာတော်ဝင်အထူးကုဆေးခန်းနဲ့ ရောဂါရှာဖွေရေးစင်တာမှာ စိတ်ရောဂါအထူးကုဆရာဝန်ကြီးတွေနဲ့ လာရောက် တိုင်ပင်ဆွေးနွေးနိုင်ပါပြီနော်။

🏥 ကျန်းမာတော်ဝင် အထူးကုဆေခန်းနှင့် ရောဂါရှာဖွေရေးစင်တာတွင် ပြသနိုင်သော သားဖွားနှင့်မီးယပ်အထူးကုဆရာဝန်ကြီးများကတော့ ~

🧑‍⚕️ ဒေါက်တာ ရတနာလှိုင်အေး
M.B.,B.S(Ygn), M.Med.Sc(OG)
သားဖွားနှင့်မီးယပ် အထူးကုဆရာဝန်ကြီး

🧑‍⚕️ ဒေါက်တာ အောင်မြတ်သူ
M.B.,B.S, M.Med.Sc(OG)
Dip in OG
သားဖွားနှင့်မီးယပ်အထူးကုဆရာဝန်ကြီး

ကြိုတင် Booking ယူရန် -
☎ 09 768 666 357
☎ 09 444 69 7771

🏢 လိပ်စာ -အမှတ်(၃၁)၊ သီတာလမ်း နှင့် ကျောက်မြောင်းလမ်းထောင့်၊ သီတာမှတ်တိုင်အနီး၊ တာမွေမြို့နယ်၊ ရန်ကုန်မြို့။

#ကျန်းမာတော်ဝင်
#အထူး‌ကုဆေးခန်း
#ရောဂါရှာဖွေရေးစင်တာ
#စွဲလမ်းခြင်း
#စိတ်ရောဂါ
#အရက်ဖြတ်
#ဆေးဖြတ်
#သားဖွားမီးယပ်
#ကိုယ်ဝန်ဆောင်
#အိမ်ပင့်ကျန်းမာရေးဝန်ဆောင်မှု

21/08/2024

အကြောက်တရားဆိုတာ လူတိုင်းမှာရှိပါတယ်... ✔

ဒါပေမယ့် တချို့သောသူတွေမှာတော့ အထူးအထွေ အကြောင်းပြချက်မရှိဘဲ တစ်စုံတစ်ခုကို အလွန်အမင်းကြောက်နေတတ်ပါတယ်။ ထိုတစ်စုံတစ်ရာကို တွေ့ကြုံလိုက် ရတဲ့အခါမှာအလွန်အမင်းစိုးရိမ်ပူပန်မှုကိုခံစားရပြီးပြောမပြတတ်တဲ့ကြောက်ရွံ့မှုမျိုးနဲ့ ကြောက်ရွံ့ နေတာပါ။ ကြောက်ရွံ့တဲ့အရာဟာ နေရာတစ်နေရာလည်းဖြစ်နိုင်သလို၊ ပစ္စည်း(ဒါမှမဟုတ်) အခြေအနေတစ်ရပ်ရပ်လည်းဖြစ်နေနိုင်ပါသေးတယ်။ တခြားသော စိုးရိမ်ပူပန်မှုမျိုးနဲ့ မတူတာကတော့ အကြောက်လွန်ရောဂါဆိုတာဟာမိမိဘာကိုကြောက်သလဲ ဆိုတာ တိတိကျကျ ရှိနေပါတယ်။

အကြောက်လွန်ရောဂါကို Phobia လို့သုံးနှုန်းပါတယ်။ Phobia ရှိနေသူ တစ်ယောက်ဟာ သူတို့ကြောက်ရွံတဲ့အရာတွေနဲ့ ပတ်သက်လာရင် ဘာဆိုဘာမှ မလုပ်ရဲ၊ မကိုင်ရဲကြပါဘူး။ ကြောက်ရွံမှုရဲ့ အကျိုးဆက်ကြောင့် ပြင်းထန်စွာထိခိုက်နာကျင်ရတဲ့အထိ ဖြစ်နိုင်ပါတယ်။ အလုပ်တွေ၊ ကျောင်းတွေမှာ လုပ်ငန်းစွမ်းဆောင်ရည်တွေလျော့ကျစေလာနိုင်သလို လူမှုပတ်ဝန်းကျင်မှာလည်းနည်းအမျိုးမျိုးနဲ့ ထိခိုက်လာနိုင်ပါတယ်။

Phobia ဘာကြောင့်ဖြစ်ရသလဲ ❓

မျိုးရိုးလိုက်တာကြောင့်ဖြစ်နိုင်သလို ပတ်ဝန်းကျင်ကြောင့်လည်း Phobia ရောဂါ ခံစားသွားရနိုင်ပါတယ်။ စိတ်ပိုင်းဆိုင်ရာရောဂါ ခံစားနေရသူ တစ်ယောက်ယောက် မိမိဆွေမျိုးထဲမှာ ရှိခဲ့မယ်ဆိုရင်လည်း အကြောက်လွန်ရောဂါခံစားရနိုင်ပါတယ်။ မိမိမျက်စိရှေ့မှာ ရေနစ်ခြင်းကဲ့သို့သောကြောက်မက်ဖွယ်ဖြစ်ရပ်တစ်မျိုးမျိုး ကြုံတွေ့ခဲ့ဖူးရင်လည်း Phobia ရောဂါ ခံစားသွားရနိုင်ပါတယ်။ ဦးခေါင်းထိခိုက်မှုပြင်းထန်စွာခံစားရပြီးနောက်ပိုင်းမှာလည်း Phobia ရောဂါတင်ကျန်ခဲ့နိုင်ပါသေးတယ်။ ထို့အတူပါပဲ မူးယစ်ဆေးဝါးသုံးစွဲခြင်းနဲ့ စိတ်ကျရောဂါ ဖြစ်ပွားနေခြင်းတွေကလည်း အကြောက်လွန်ရောဂါဖြစ်ပွားဖို့ အတွက်လမ်းစတွေပါပဲ....

ပထမဦးစွာအကြောက်လွန်ရောဂါရဲ့ လက္ခဏာတွေကိုပြောပြချင်ပါတယ်။

🔸 နှလုံးခုန်နှုန်းဟာသိသိသာသာမြန်လာမယ်

🔸 အသက်ရှူကျပ်လာမယ်

🔸 စကားပြောမြန်လာမယ် (သို့) စကားမပြောနိုင်တော့ဘူး

🔸 အာတွေခြောက်လာမယ်

🔸 အစာအိမ်နာကျင်လာမယ်

🔸 ပျို့ချင်အန်ချင်လာမယ်

🔸 သွေးပေါင်တွေ ရုတ်တရက်ထိုးတက်လာမယ်

🔸 တစ်ကိုယ်လုံးတုန်ရီလာမယ်

🔸 ရင်ဘတ်အောင့်လာမယ်

🔸 ရင်ကျပ်လာမယ်

🔸 လည်ပင်းအစ်သလိုမွန်းမွန်းကျပ်ကျပ်ခံစားရမယ်

🔸 ခေါင်းမူးဝေလာမယ်

🔸 အလွန်အမင်းချွေးထွက်လာမယ်

🔸 သွေးပျက်ခြောက်ခြားလာတာမျိုးတွေကြုံလာရတတ်ပါတယ်။

ဒါပေမယ့် အကြောင်းမဲ့သက်သက်တော့ ဒီလိုလက္ခဏာတွေခံစားရတာမဟုတ်ပါဘူး။ မိမိတို့ကြောက်ရွံတဲ့အရာတစ်ခုခုနဲ့ကြုံလာမှသာ ဒီလက္ခဏာတွေဖြစ်လာမှာပါ။ အထက်ပါ လက္ခဏာတွေဟာ Phobia ကြောင့်မဟုတ်ဘဲ အခြားရောဂါတစ်မျိုးမျိုးကြောင့်လည်း ခံစားရနိုင်တာမို့ ကြုံတွေ့လာရပြီဆိုပါက သိကျွမ်းနားလည်တဲ့ဆရာဝန်နဲ့ပြသတိုင်ပင်သင့်ပါတယ်။

တကယ်လို့ အခုလို အကြောက်လွန်ရောဂါတွေအပြင် စိတ်ကျန်းမာရေးပြဿနာတွေရှိခဲ့ရင်တော့ ကျန်းမာတော်ဝင်အထူးကုဆေးခန်းနဲ့ ရောဂါရှာဖွေရေးစင်တာမှာ စိတ်ရောဂါအထူးကုဆရာဝန်ကြီးတွေနဲ့ တိုင်ပင်ဆွေးနွေးကုသနိုင်ပါပြီနော်... ✅

🏥ကျန်းမာတော်ဝင် အထူးကုဆေခန်းနှင့် ရောဂါရှာဖွေရေးစင်တာတွင် ပြသနိုင်သော စိတ်ကျန်းမာရေးအထူးကုဆရာဝန်ကြီးများ👇👇👇👇

🧑‍⚕️ ဒေါက်တာလဲ့လဲ့အောင်

M.B.,B.S(Mgy), M.Med.Sc(Mental Health)

အရက်၊ မူးယစ်ဆေး‌စွဲနှင့် စိတ်ကျန်းမာရေး အထူးကုဆရာဝန်

🧑‍⚕️ ဒေါက်တာ ရွှေယမင်းဦး

M.B.,B.S, M.Med.Sc(Mental Health)

Dip in psychology,

Mental Health Hospital (Yangon)

အရက်၊ မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

🧑‍⚕️ ဒေါက်တာကျော်ပိုင်ထက်

M.B.,B.S, M.Med.Sc(Mental Health)

အရက်၊ မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

👩‍⚕️ ဒေါက်တာ ထိုက်အောင်မြင့်နွယ်

M.B.,B.S, M.Med.Sc(Mental Health)

အရက်မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

ကြိုတင် Booking ယူရန်

☎ 09 - 768 666 357 , 09 - 444 69 7771,

လိပ်စာ -အမှတ်(၃၁)၊ သီတာလမ်း နှင့် ကျောက်မြောင်းလမ်းထောင့်၊ သီတာမှတ်တိုင်အနီး၊ တာမွေမြို့နယ်၊ ရန်ကုန်မြို့။

#ကျန်းမာတော်ဝင်

#အထူး‌ကုဆေးခန်း

#ရောဂါရှာဖွေရေးစင်တာ

#စွဲလမ်းခြင်း

#စိတ်ရောဂါ

#အရက်ဖြတ်

#ဆေးဖြတ်

#အစိုးရိမ်လွန်ခြင်း #အကြောက်လွန်ခြင်း

#စိတ်ဝေဒနါ

#စိတ်အတက်အကျရောဂါ

#စိတ်ဓာတ်ကျခြင်း

#အကြောက်လွန်ရောဂါ

18/08/2024

တကယ်လို့ သင်ဟာ ခပ်မြင့်မြင့် နေရာတစ်နေရာကို ရောက်နေတယ်ဆိုပါစို့....

အစွန်အဖျားနေရာကနေ အောက်ကို ငုံကြည့်ချိန်မှာ ခုန်ချချင်စိတ်ဖြစ်ဖူးပါသလား။ ကိုယ်ကိုယ်ကို သတ်သေချင်စိတ်အပါအဝင် စိတ်ပိုင်းဆိုင်ရာ ပြဿနာ တစ်စုံတစ်ရာ မရှိပါဘဲနဲ့ တစ်စုံတစ်ယောက်ကပဲ တိုက်တွန်းနေတာလိုလို၊ ကိုယ်တိုင်ကပဲ စိတ်ဆန္ဒရှိနေတာလိုလို စိတ်ခံစားချက်မျိုး သင့်စိတ်ထဲခံစားနေရပြီး အောက်ကိုခုန်ချချင်လာတာမျိုးပေါ့။

ဒါ ဘာဖြစ်တာလဲ...❓ သင့်ရဲ့ စိတ်ကျန်းမာရေး အခြေအနေအားနည်းတာလား ❓ သင့်ရဲ့ အတွင်းစိတ်ထဲမှာ စိတ်ကျန်းမာရေး ချို့ယွင်းနေပြီလား ❓

ဒီလို စိတ်ခံစားချက်မျိုးကို “the call of the void” လို့ ခေါ်ပါတယ်။ မူရင်းစကားလုံးက “l’appel du vide” ဆိုတဲ့ ပြင်သစ်စကားစုပါ။ မြန်မာလိုဆိုရင်တော့ စိတ်ရိုင်းဝင်တယ်လို့ ဆိုရမယ်ထင်ပါတယ်။ ဒီလို စိတ်အခြေအနေမျိုးက လူတိုင်းမှာ မဖြစ်တတ်ပေမယ့် လူတချို့မှာတော့ ဖြစ်နိုင်ပါတယ်။ ဖြစ်လည်းဖြစ်နေကြပါတယ်။ ဖလော်ရီဒါပြည်နယ်တက္ကသိုလ်ရဲ့ သုတေသနရလဒ်တွေအရ ၅၀% သောလူတွေဟာ ဒီလို စိတ်ခံစားချက်မျိုးနဲ့ ကြုံရလေ့ရှိတယ်လို့ ဆိုထားပါတယ်။

ခုလို ခုန်ချဖို့ လှုံ့ဆော်မှုဟာ ဦးနှောက်ရဲ့ တုန့်ပြန်ပုံ ဖောက်လွဲဖောက်ပြန်ဖြစ်ခြင်းဖြစ်ပြီးတော့ ဦးနှောက်ဟာ အသက်ရှင်ရန်ခုန်ချဖို့လိုအပ်တယ်လို့ လွဲမှားစွာ သိနားလည်နေတာကြောင့်ဖြစ်ပါတယ်။

သိပ္ပံပညာရှင်တွေကတော့ ဒီလိုလက္ခဏာမျိုးကို “High Place Phenomenon (HPP)” လို့ ခေါ်ဆိုကြပါတယ်။ ဦးနှောက်ရဲ့ နားလည်မှုလွဲမှားချက် အမျိုးအစားတစ်မျိုးလို့ သိနားလည်ထားရပါတယ်။

လူတစ်ယောက်ဟာ မြင့်မားတဲ့နေရာတွေ၊ အဆောက်အအုံတွေ၊ တံတားတွေနဲ့ တောင်ကမ်းပါးစွန်းတွေကို ရောက်ချိန်မျိုးတွေမှာ ဦးနှောက်ဟာ သတိပေးချက် Signal တွေ ထုတ်ပေးလေ့ရှိပါတယ်။

အန္တရာယ်ရှိနိုင်ကြောင်း၊ သတိထားဖို့ လိုအပ်ကြောင်း သတိပေးချက်ဖြစ်ပါတယ်။ ဒါဆိုရင် သင်ဟာနောက်ဆုတ်သွားမှာဖြစ်ပြီး ဘေးအန္တရာယ်ကို သတိပြုမိမှာဖြစ်ပါတယ်။

ဒါပေမယ့် တချို့အခြေအနေတွေမှာ ဒီလိုရပ်နေတာဟာ အန္တရာယ်မရှိနိုင်ဘူးလို့ မသိစိတ်က တွေးမြင်လက်ခံနေတာမျိုးဖြစ်နေတတ်ပါတယ်။ ဒီအခြေအနေမှာ ခုလို ခုန်ချဖို့ တွန်းအာမျိုးပေါ်လာတတ်ပါတယ်။ ကိုယ်တိုင်က ခုန်ချဖို့ စိတ်ဆန္ဒမရှိသလို စိတ်လည်းမကူးထားပေမယ့် ခုန်ချအောင် တိုက်တွန်းမှု တစ်စုံတစ်ရာရနေသလို ခံစားနေရတာမျိုးဖြစ်ပါတယ်။

ဒီလို ခံစားချက်မျိုးပေါ်လာတဲ့သူတိုင်းဟာ ကိုယ့်ကိုယ်ကို သတ်သေဖို့ စိတ်ဆန္ဒမရှိသူတွေဖြစ်ကြပြီး ရည်ရွယ်ချက်မရှိပဲ ရုတ်တရက်ပေါ်ပေါက်လာတဲ့ စိတ်ခံစားချက်မျိုးဖြစ်ပါတယ်။

ဒီလို ဦးနှောက်ဖောက်ပြန်မှုဟာ ခုန်ချချင်စိတ် တစ်ခုတည်းသာမဟုတ်ပါဘူး။ တစ်ခါတစ်ရံမှာ သင်ကားမောင်းနေရင်း လမ်းမှာတွေ့တဲ့ တစ်စုံတစ်ရာတွေကို ဝင်တိုက်ပစ်လိုက်ချင်စိတ် ပေါ်လာတာမျိုး၊ ကလေးငယ်ကို ရေချိုးပေးနေရင်း ရေနှစ်ပစ်ချင်စိတ်ပေါ်လာတာမျိုး၊ မိတင်ခန်းထဲမှာထိုင်နေရင်း အထက်လူကြီးကို အော်ဟစ်ကြိမ်းမောင်းပစ်ချင်စိတ် ပေါ်လာတာမျိုးတွေနဲ့ အတူတူပဲဖြစ်ပါတယ်။ “intrusive thoughts” လို့လည်း ခေါ်ဆိုကြပါတယ်။

ဒီလိုလက္ခဏာမျိုးတွေဟာ Obsessive-Compulsive Disorder (OCD) ရောဂါလို စိတ်နဲ့လူနဲ့မကပ်ပဲ ထင်ယောင်ထင်မှား အထပ်အထပ်အခါခါ လုပ်မိနေတာမျိုးကြောင့်လည်းဖြစ်နိုင်ပါတယ်။ ဒါပေမယ့် လူအများစုကတော့ OCD ရောဂါ မရှိပါပဲနဲ့ စိတ်ရိုင်းတွေ တွေးတော့မိနေကြတာ ဖြစ်ပါတယ်။

များသောအားဖြင့်တော့ ဒီလိုစိတ်ခံစားချက်မျိုးပေါ်လာရုံနဲ့ တကယ်ကျူးလွန်လိုက်မိတာမျိုး ဖြစ်နိုင်ချေနည်းပါးလှပါတယ်။ ဒါပေမယ့် မကြာခန ဒီလို စိတ်ခံစားချက်မျိုးတွေ ကြုံနေရတယ်ဆိုရင်တော့ဖြင့် ကျွမ်းကျင်သူတွေနဲ့ တိုင်ပင်ဆွေးနွေးတာမျိုးက အကောင်းဆုံးနည်းလမ်းဖြစ်ပါတယ်။ အကြောင်းကတော့ ခုလို စိတ်ခံစားချက်မျိုး မကြာခဏပေါ်လာနေတာဟာ Obsessive-Compulsive Disorder (OCD) ရောဂါ လက္ခဏာလည်းဖြစ်နိုင်တာဖြစ်ပါတယ်။ 🖇

တကယ်လို့ စိတ်ကျန်းမာရေးပြဿနာတွေရှိခဲ့ရင်လည်း ကျန်းမာတော်ဝင်အထူးကုဆေးခန်းနဲ့ ရောဂါရှာဖွေရေးစင်တာမှာ စိတ်ရောဂါအထူးကုဆရာဝန်ကြီးတွေနဲ့ တိုင်ပင်ဆွေးနွေးကုသနိုင်ပါပြီနော်... ✅

🏥ကျန်းမာတော်ဝင် အထူးကုဆေခန်းနှင့် ရောဂါရှာဖွေရေးစင်တာတွင် ပြသနိုင်သော စိတ်ကျန်းမာရေးအထူးကုဆရာဝန်ကြီးများ👇👇👇👇

🧑‍⚕️ ဒေါက်တာလဲ့လဲ့အောင်

M.B.,B.S(Mgy), M.Med.Sc(Mental Health)

အရက်၊ မူးယစ်ဆေး‌စွဲနှင့် စိတ်ကျန်းမာရေး အထူးကုဆရာဝန်

🧑‍⚕️ ဒေါက်တာ ရွှေယမင်းဦး

M.B.,B.S, M.Med.Sc(Mental Health)

Dip in psychology,

Mental Health Hospital (Yangon)

အရက်၊ မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

🧑‍⚕️ ဒေါက်တာကျော်ပိုင်ထက်

M.B.,B.S, M.Med.Sc(Mental Health)

အရက်၊ မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

👩‍⚕️ ဒေါက်တာ ထိုက်အောင်မြင့်နွယ်

M.B.,B.S, M.Med.Sc(Mental Health)

အရက်မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

ကြိုတင် Booking ယူရန်

☎ 09 - 768 666 357 , 09 - 444 69 7771,

လိပ်စာ -အမှတ်(၃၁)၊ သီတာလမ်း နှင့် ကျောက်မြောင်းလမ်းထောင့်၊ သီတာမှတ်တိုင်အနီး၊ တာမွေမြို့နယ်၊ ရန်ကုန်မြို့။

#ကျန်းမာတော်ဝင်

#အထူး‌ကုဆေးခန်း

#ရောဂါရှာဖွေရေးစင်တာ

#စွဲလမ်းခြင်း

#စိတ်ရောဂါ

#အရက်ဖြတ်

#ဆေးဖြတ်

#အစိုးရိမ်လွန်ခြင်း #အကြောက်လွန်ခြင်း

#စိတ်ဝေဒနါ

#စိတ်အတက်အကျရောဂါ

#စိတ်ဓာတ်ကျခြင်း

15/08/2024

စိတ်ဓာတ်ကျတယ်ဆိုတာ လူတိုင်းကြုံတွေ့ရနိုင်တဲ့ စိတ်ပိုင်းဆိုင်ရာပြဿနာ တစ်မျိုးပါ... 🖇

ပြင်းထန်လာရင်တော့ စိတ်ကျဝေဒနာအထိ ဖြစ်သွားစေနိုင်တဲ့ ပြဿနာမျိုးပေါ့။

ဒါပေမယ့် လူတော်တော်များများက သူတို့စိတ်ဓာတ်ကျနေတယ်ဆိုတာကို စောလျင်စွာ သိရှိကြခြင်းမရှိကြပါဘူး။ အကြောင်းကတော့ စတင်ပြသလာနေတဲ့ ရောဂါလက္ခဏာတွေကို သတိမထားမိတာကြောင့်ပါ။

စိတ်ဓာတ်ကျခြင်းရဲ့ ကနဦးလက္ခဏာများ ကို သတိမမူမိတာကြောင့် အသိနောက်ကျလေ့ရှိပြီး အခြေအနေရင့်မာလာချိန်မှာတော့ စိတ်ကျဝေဒနာစွဲကပ်တဲ့အထိ ဖြစ်သွားတတ်ပါတယ်။

ဒါကြောင့် မိမိစိတ်ဓာတ်ကျနေပြီဆိုတာကို သိနားလည်စေနိုင်မယ့် ကနဦးလက္ခဏာတွေကို ဖော်ပြပေးချင်ပါတယ်။ လူတစ်ယောက် စိတ်ကျလာပြီဆိုရင် ကနဦးပိုင်းမှာတင် အောက်ပါ လက္ခဏာတွေ ကို ပြသမှာဖြစ်ပါတယ်။

🔰 စိတ်ဓာတ်ကျ ခြင်းရဲ့ ကနဦးလက္ခဏာများ

စိတ်ဓာတ်ကျခြင်းရဲ့ ကနဦးလက္ခဏာများ ကတော့ -

🔸 ဝမ်းနည်းခြင်း၊ စိတ်အားငယ်ခြင်း

🔸 နေ့စဉ်လုပ်ငန်းဆောင်တာတွေအပေါ် စိတ်ပါဝင်စားမှု လျော့ကျခြင်း

🔸 အပေါင်းအသင်း၊ မိသားစု၊ မိတ်ဆွေတွေနဲ့ ဝေးကွာလာခြင်း

🔸 ပင်ပန်းနွမ်းနယ်ခြင်း၊

🔸 အိပ်ချိန်ပြောင်းလဲလာခြင်း၊

🔸 အစာစားချင်စိတ် ပြောင်းလဲလာခြင်း၊

🔸 အာရုံစူးစိုက်မှု နည်းပါးလာခြင်း စတာတွေပါပဲ။

ဒီ လက္ခဏာတွေ ဟာ တစ်ခုခြင်းထက် အစုအဖွဲ့လိုက်ပြသတတ်ပါတယ်။ ဒါကြောင့် သတိထားကြည့်မယ်ဆိုရင် ရောဂါ လက္ခဏာတွေ က ထင်သာမြင်သာရှိတတ်ပါတယ်။

မိမိမှာ စိတ်ဓာတ်ကျဆင်းနေတဲ့ လက္ခဏာတွေ ရှိလာနေပြီဆိုရင် စိတ်ကျဝေဒနာအဆင့်အထိ ဖြစ်မလာစေဖို့ စနစ်တကျ တားဆီးနိုင်ဖို့ လိုအပ်ပါတယ်။ အဓိကအားဖြင့်တော့ အချက် ၄ ချက်ကို လိုက်နာနိုင်မယ်ဆိုရင် ကနဦးလက္ခဏာတွေကို တားဆီးနိုင်ပါလိမ့်မယ်။

🔰 ပုံမှန် အိပ်စက်ပါ – စိတ်ဓာတ်ကျလာပြီဆိုရင် အိပ်ရတာ ခက်လာတတ်ပါတယ်။ ဒါမှမဟုတ်လည်း အလွန်အမင်း အိပ်စက်တာမျိုးဖြစ်တတ်ပါတယ်။ ဒီအခြေအနေကို ထိန်းချုပ်နိုင်ဖို့က အလွန်အရေးတကြီး လိုအပ်တဲ့အချက် ဖြစ်ပါတယ်။

🔰 နေ့စဉ် လေ့ကျင့်ခန်း လုပ်ပါ – ကိုယ်လက်လေ့ကျင့်ခန်းလုပ်ဖို့ စိတ်ဓာတ်ခိုင်မာဖို့ လိုပါတယ်။ ဒီနေ့လုပ်လိုက် နောက်နေ့မလုပ်လိုက် လုပ်နေရင် ကိုယ်၊ စိတ် ကျန်းမာရေးကို အကျိုးပြုမှာ မဟုတ်ပါဘူး။

🔰 ကျန်းမာရေး နဲ့ ညီညွတ်စွာ စားသောက်ပါ – အဆီအဆိမ့်တွေ၊ အငန်တွေ၊ အချိုတွေကို ရှောင်ကြဉ်ပြီး အသားငါး နဲ့ သစ်သီးဝလံတွေကို အချိန်မှန် အာဟာရ ပြည့်ပြည့်ဝဝ ချိန်ညှိပြီး နေ့စဉ် စားသောက်ဖို့လည်း လိုအပ်ပါတယ်။

🔰 အဆက်အသွယ် မပြတ်ပါစေနဲ့ – မိသားစုဝင်တွေ၊ ချစ်သူခင်သူတွေ၊ ဆွေမျိုးမိတ်သင်္ဂဟတွေနဲ့ အဆက်အသွယ် မပြတ်နေထိုင်ပြီး အခက်အခဲတွေကို ပွင့်ပွင့်လင်းလင်း ညှိနှိုင်းတိုင်ပင်ဖို့လည်း လိုအပ်ပါလိမ့်မယ်။

ဒီနေရာမှာ သိထားဖို့က လူတစ်ယောက် စိတ်ဓာတ်ကျ နေရင် တက်ကြွစွာ လုပ်ဆောင်နိုင်ဖို့ကိစ္စက တကယ်တမ်း ထင်တားတာထက် ပိုမို ခက်ခဲပါတယ်။ ဒါကြောင့် စိတ်ဓာတ်ခိုင်မာမှုရှိဖို့တော့ လိုအပ်ပါတယ်။

စိတ်ဓာတ် ခိုင်ခိုင်မာမာနဲ့ တွန်းလှန်မှသာ စိတ်ကျဝေဒနာဆီကို ဦးမတည်ဘဲ သာမန် စိတ်ဓာတ်ကျဆင်းမှုကို တားဆီးကာ ကျန်းမာပျော်ရွှင်တဲ့ ဘဝဆီကို ပြန်လည် ရောက်ရှိနိုင်မယ် ဆိုတာ ပါပဲ။

တကယ်လို့ စိတ်ကျန်းမာရေးပြဿနာတွေရှိခဲ့ရင်လည်း ကျန်းမာတော်ဝင်အထူးကုဆေးခန်းနဲ့ ရောဂါရှာဖွေရေးစင်တာမှာ စိတ်ရောဂါအထူးကုဆရာဝန်ကြီးတွေနဲ့ တိုင်ပင်ဆွေးနွေးကုသနိုင်ပါပြီနော်... ✅

🏥ကျန်းမာတော်ဝင် အထူးကုဆေခန်းနှင့် ရောဂါရှာဖွေရေးစင်တာတွင် ပြသနိုင်သော စိတ်ကျန်းမာရေးအထူးကုဆရာဝန်ကြီးများ👇👇👇👇

🧑‍⚕️ ဒေါက်တာလဲ့လဲ့အောင်

M.B.,B.S(Mgy), M.Med.Sc(Mental Health)

အရက်၊ မူးယစ်ဆေး‌စွဲနှင့် စိတ်ကျန်းမာရေး အထူးကုဆရာဝန်

🧑‍⚕️ ဒေါက်တာ ရွှေယမင်းဦး

M.B.,B.S, M.Med.Sc(Mental Health)

Dip in psychology,

Mental Health Hospital (Yangon)

အရက်၊ မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

🧑‍⚕️ ဒေါက်တာကျော်ပိုင်ထက်

M.B.,B.S, M.Med.Sc(Mental Health)

အရက်၊ မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

👩‍⚕️ ဒေါက်တာ ထိုက်အောင်မြင့်နွယ်

M.B.,B.S, M.Med.Sc(Mental Health)

အရက်မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

ကြိုတင် Booking ယူရန်

☎ 09 - 768 666 357 , 09 - 444 69 7771,

လိပ်စာ -အမှတ်(၃၁)၊ သီတာလမ်း နှင့် ကျောက်မြောင်းလမ်းထောင့်၊ သီတာမှတ်တိုင်အနီး၊ တာမွေမြို့နယ်၊ ရန်ကုန်မြို့။

#ကျန်းမာတော်ဝင်

#အထူး‌ကုဆေးခန်း

#ရောဂါရှာဖွေရေးစင်တာ

#စွဲလမ်းခြင်း

#စိတ်ရောဂါ

#အရက်ဖြတ်

#ဆေးဖြတ်

#အစိုးရိမ်လွန်ခြင်း #အကြောက်လွန်ခြင်း

#စိတ်ဝေဒနါ

#စိတ်အတက်အကျရောဂါ

#စိတ်ဓာတ်ကျခြင်း

12/08/2024

ဒီပရက်ရှင် ဝင်နေပြီ... စိတ်ဓာတ်ကျနေပြီဆိုရင် ဘာမှမလုပ်ချင်၊ မတွေးချင်တော့ဘူး... 💢

ဘာကိုမှ စိတ်မပါတော့သလို အစားအသောက်ကိုလည်း ဖြစ်သလို စားတတ်ကြပါတယ်။

ဒီလိုအချိန်မှာ အစာစားချိန် မမှန်တာ၊ အစားအသောက် ရွေးချယ်မှု မှားယွင်းတာတွေကြောင့် စိတ်ကျန်းမာရေး ကို ပိုဆိုးစေနိုင်တာကို သုတေသနတွေက လေ့လာတွေ့ရှိခဲ့ကြပါတယ်။ အစားအသောက်က ခန္ဓာကိုယ် အတွက်တင် မကဘဲ စိတ်ကျန်းမာရေး အတွက်ပါ သက်ရောက်မှု မသေးဘူး ဆိုတာ သိခဲ့ရတာပါ။

စိတ်ကျ လက္ခဏာ ရှိနေသူတွေဟာ ဒီအစားအစာတွေ စားရင် ပိုဆိုးလာနိုင်ပါတယ်။

(၁) အချိုများတဲ့ အစားအသောက်

စိတ်ဖိစီး၊ စိတ်ညစ်နေတဲ့အချိန်မှာ အချိုတောင့်တတတ်တယ်လို့ ပြောကြတယ်။ အချိုစားပေးရင် စိတ်ကျဝေဒနာ သက်သာသွားမယ်လို့ ယူဆကြတာကိုး။ အမှန်တော့ အဲဒီအစားအသောက်တွေမှာ ပါတဲ့ သန့်စင်ပြီးသား သကြားတွေက စိတ်ကျဝေဒနာကို ပိုဆိုးစေနိုင်ပါတယ်။

အချိုစားခြင်းက ခဏတာ စိတ်ကို တက်စေနိုင်ပေမယ့် မြန်မြန်ဆန်ဆန်ပဲ ပြန်ကျသွားစေနိုင်ပါတယ်။ သွေးတွင်းသကြားဓာတ် အတက်အကျပြဿနာကြောင့် နောက်ဆုံးမှာ ဗိုက်ဆာတာနဲ့ စိတ်တိုတာ ပဲ ဖြစ်ကျန်စေပြီး စိတ်ပူပန်မှုတွေ၊ စိတ်ကျ လက္ခဏာတွေကို မသက်သာစေနိုင်ဘူးလို့ ဆိုပါတယ်။

(၂) သကြားတု

Aspartame လို့ ခေါ်တဲ့ သကြားအတုက စိတ်ကျခြင်းကို ပိုဆိုးစေနိုင်ပါတယ်။ Aspartame က စိတ်တည်ငြိမ်ပျော်ရွှင်မှုနဲ့ သက်ဆိုင်တဲ့ ဆီရိုတိုနင်ဟော်မုန်း ထွက်ရှိမှု ပမာဏကို လျော့နည်းစေနိုင်တာမို့ စိတ်ကျ ရောဂါ ရှိသူတွေမှာ လက္ခဏာ ပိုဆိုးစေနိုင်ပါတယ်။

ဒါ့အပြင် ခေါင်းကိုက်တာ၊ စိတ်အတက်အကျ အပြောင်းအလဲမြန်တာ၊ ညအိပ်မပျော်တာတွေ ဖြစ်နိုင်ပါသေးတယ်။

(၃) ပြုပြင်စီမံထားတဲ့ အစားအစာ

ပြုပြင်စီမံထားတဲ့ အသား၊ ရယ်ဒီမိတ် အကြော်အလှော်တွေ၊ အဆီများတဲ့ နို့ထွက်ပစ္စည်းတွေ စတဲ့ အသင့်စားတွေကို များများစားမိရင် စိတ်ကျ လက္ခဏာတွေ ပိုဆိုးစေနိုင်ပါတယ်။ လတ်ဆတ်တဲ့ အစားအစာတွေပဲ စားပါ။

(၄) ကော်ဖီ

ကော်ဖီ သောက်လိုက်ရင် လန်းသွားမယ်လို့ ယူဆတာရယ်၊ စိတ်ညစ်နေချိန် ကော်ဖီဆိုင် ထိုင်ပြီး တွေးနေရတာ စိတ်ပြေလျော့တယ်လို့ ယူဆတာရယ် အမှားကြီးမှားတတ်ကြပါတယ်။

သောက်ပါများတဲ့ အခါ ကော်ဖီ မှာပါတဲ့ ကဖင်းတွေက လူကို ကတုန်ကယင် ဖြစ်စေတာ၊ ရင်တုန်စေတာ အပြင် အိပ်ရေးပါ ပျက်စေနိုင်ပါတယ်။ အိပ်မပျော်၊ အိပ်ရေးပျက်ရာကနေ စိတ်ဖိစီးမှု၊ စိတ်ဓာတ်ကျမှုတွေ ကို ပိုဆိုးစေတော့တာပေါ့။

(၅) အားဖြည့်အချိုရည်

လန်းဆန်းတက်ကြွစေဖို့ ဆိုပြီး အားဖြည့်အချိုရည်တွေ လှိမ့်သောက်နေတာမျိုးက နှလုံးခုန်မမှန်တာ၊ စိုးရိမ်စိတ်ပိုများလာတာ၊ အိပ်မပျော်တာ စတဲ့ ပြဿနာတွေ အဖတ်တင်သွားစေနိုင်ပါတယ်။ ခဏတော့ ဟုတ်မလိုလိုနဲ့ ရေရှည်ကျန်ခဲ့တဲ့ ဆိုးကျိုးတွေကြောင့် စိတ်ကျ ဝေဒနာ ပိုဆိုးသွားနိုင်ပါတယ်။

သူတို့မှာ သကြားတုတွေ၊ ကဖင်းတွေ အကုန်ပေါင်းစပ်ထားတာမို့ အပေါ်က အစားအသောက်တွေထက် သက်ရောက်မှု ပိုဆိုးပါလိမ့်မယ်။

(၆) အရက်

စိတ်ညစ်လို့ အရက်သောက်၊ ဘီယာသောက်ကြတာ ပိုစိတ်ညစ်ရမယ့်လမ်း ဆိုတာ သဘောမပေါက်ကြပါဘူး။ အယ်လ်ကိုဟောက အိပ်စက်မှုကို အနှောင့်အယှက် ပေးပါတယ်။

အိပ်နေလည်း ခန္ဓာကိုယ်က အမှန်တကယ် အနားမယူနေ၊ နှစ်နှစ်ခြိုက်ခြိုက် အိပ်မပျော်နိုင်တဲ့ အတွက် အရက်ကြောင့် ဖြစ်တဲ့ ဆိုးကျိုးအပြင် အိပ်ရေးပျက်ခြင်းရဲ့ သက်ရောက်မှုတွေပါ ခံစားရပါလိမ့်မယ်။

တကယ်လို့ စိတ်ကျန်းမာရေးပြဿနာတွေရှိခဲ့ရင်လည်း ကျန်းမာတော်ဝင်အထူးကုဆေးခန်းနဲ့ ရောဂါရှာဖွေရေးစင်တာမှာ စိတ်ရောဂါအထူးကုဆရာဝန်ကြီးတွေနဲ့ တိုင်ပင်ဆွေးနွေးကုသနိုင်ပါပြီနော်... ✅

🏥ကျန်းမာတော်ဝင် အထူးကုဆေခန်းနှင့် ရောဂါရှာဖွေရေးစင်တာတွင် ပြသနိုင်သော စိတ်ကျန်းမာရေးအထူးကုဆရာဝန်ကြီးများ👇👇👇👇

🧑‍⚕️ ဒေါက်တာလဲ့လဲ့အောင်

M.B.,B.S(Mgy), M.Med.Sc(Mental Health)

အရက်၊ မူးယစ်ဆေး‌စွဲနှင့် စိတ်ကျန်းမာရေး အထူးကုဆရာဝန်

🧑‍⚕️ ဒေါက်တာ ရွှေယမင်းဦး

M.B.,B.S, M.Med.Sc(Mental Health)

Dip in psychology,

Mental Health Hospital (Yangon)

အရက်၊ မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

🧑‍⚕️ ဒေါက်တာကျော်ပိုင်ထက်

M.B.,B.S, M.Med.Sc(Mental Health)

အရက်၊ မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

👩‍⚕️ ဒေါက်တာ ထိုက်အောင်မြင့်နွယ်

M.B.,B.S, M.Med.Sc(Mental Health)

အရက်မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

ကြိုတင် Booking ယူရန်

☎ 09 - 768 666 357 , 09 - 444 69 7771,

လိပ်စာ -အမှတ်(၃၁)၊ သီတာလမ်း နှင့် ကျောက်မြောင်းလမ်းထောင့်၊ သီတာမှတ်တိုင်အနီး၊ တာမွေမြို့နယ်၊ ရန်ကုန်မြို့။

#ကျန်းမာတော်ဝင်

#အထူး‌ကုဆေးခန်း

#ရောဂါရှာဖွေရေးစင်တာ

#စွဲလမ်းခြင်း

#စိတ်ရောဂါ

#အရက်ဖြတ်

#ဆေးဖြတ်

#အစိုးရိမ်လွန်ခြင်း #အကြောက်လွန်ခြင်း

#စိတ်ဝေဒနါ

#စိတ်အတက်အကျရောဂါ

10/08/2024

အိပ်မပျော်တာက ကိုယ်ဝန်ဆောင် မိခင်တိုင်း ခံစားရလေ့ရှိတဲ့ ကျန်းမာရေးပြဿနာတစ်ရပ်ပါ... 🌸

ဖြစ်လေ့ရှိတယ်ဆိုပေမယ့်လည်း ဒီကျန်းမာရေး ပြဿနာကို မကုသဘဲ ထားလို့ မဖြစ်ပြန်ပါဘူး။ ကာလရှည်ကြာ အိပ်မပျော်တာက ကိုယ်ဝန်ဆောင် မေမေတွေကို စိတ်ဓာတ်ကျတာမျိုး ဖြစ်စေနိုင်ပါတယ်။ ဒီပြဿနာကို ဆေးဝါးမလိုဘဲ အကောင်းဆုံး ဖြေရှင်းနိုင်မယ့် နည်းလမ်းလေး ပြောပြပေးပါရစေ။ ကဲ … ကိုယ်ဝန်ဆောင် မေမေ အိပ်ပျော်စေမယ့် သဘာဝ နည်းလမ်းများ အကြောင်း လေ့လာလိုက်ရအောင်နော်။

ကိုယ်ဝန်ဆောင် မေမေကို အိပ်မပျော်ဖြစ်စေတဲ့ အကြောင်းအရင်းတွေက ဘာတွေများလဲ ❓

ကိုယ်ဝန်ဆောင်ချိန် အိပ်မပျော်ဖြစ်စေတဲ့ အကြောင်းအရင်းက တစ်ချက်မကရှိနေနိုင်ပါတယ်။

စိုးရိမ်ပူပန်စိတ် များတာ

အစာမကြေသလို ခံစားရတာ

အယ်လ်ကိုဟော သောက်သုံးမိတာ

ခန္ဓာကိုယ် အနေအထား နေရတာ သက်တောင့်သက်သာ မရှိတာ

မအိပ်ခင် ရေအများကြီး သောက်မိတာ

သက်သောင့်သက်သာ မရှိတဲ့ အဝတ်အစားတွေကြောင့် ကိုယ်ဝန်ဆောင်ချိန်မှာ ညဘက် အိပ်မပျော်တာမျိုး ဖြစ်နိုင်ပါတယ်။

ကိုယ်ဝန်ဆောင်ချိန် အိပ်ပျော်စေဖို့ အိပ်ဆေး သောက်လို့ရလား ❓

ကိုယ်ဝန်ဆောင်ချိန်မှာ အိပ်ပျော်အောင်ဆိုပြီး အိပ်ဆေး မသောက်သင့်ပါဘူး။ ကိုယ်ဝန်ဆောင် မေမေ အိပ်ဆေးသောက်တဲ့အခါ

ခြေကုန်လက်ပန်း ကျတာ

ကတုန်ကယင် ဖြစ်တာ

အစားစားချင်စိတ် မရှိ ဖြစ်တာ

လမစေ့ဘဲ မီးဖွားတာ

ပေါင်မပြည့်တဲ့ ဘေဘီလေး မွေးဖွားတာ

ဘေဘီလေးမှာ မွေးရာပါ ချို့ယွင်းချက် ပါလာတာ

စိုးရိမ်စိတ် များတာ

မှတ်ဉာဏ်ပိုင်းဆိုင်ရာ ထိခိုက်တာတွေ ဖြစ်နိုင်ပါတယ်။

🌸 ကိုယ်ဝန်ဆောင် မေမေ အိပ်ပျော်စေမယ့် သဘာဝ နည်းလမ်းများ

ကိုယ်ဝန်ဆောင် မေမေ အနေနဲ့ ညဘက်တွေ အိပ်မပျော်ဘူး ဖြစ်နေတယ်ဆိုရင် ဒီနည်းလမ်းလေးတွေကို စမ်းသပ်ကြည့်သင့်ပါတယ်။ ကိုယ်ဝန်ဆောင် မေမေ အိပ်ပျော်စေမယ့် သဘာဝ နည်းလမ်းများ ကတော့ –

🍀 လေဝင်လေထွက်ကောင်းတဲ့ နေရာမှာ အိပ်ပါ

ကိုယ်ဝန်ဆောင်မေမေတွေ အိပ်စက်မယ့် အိပ်ခန်းက လေဝင်လေထွက် ကောင်းဖို့ လိုပါမယ်။ ဒါကြောင့် ကိုယ်ဝန်ဆောင် မေမေရဲ့ အိပ်ခန်းမှာ လေအေးပေးစက် ဖွင့်ထားတာမျိုး မလုပ်ပါနဲ့။ ပန်ကာ ဖွင့်ပေးလို့တော့ ရပါတယ်။ လေဝင်လေထွက်ကောင်းတာက မေမေ့ကို အိပ်ပျော်စေသလို ဗိုက်ထဲက ဘေဘီလေးရဲ့ ကြီးထွားမှုကိုလည်း မြန်စေပါတယ်။

🍀 သက်သောင့်သက်သာရှိတဲ့ ညအိပ်ဝတ်စုံ ဝတ်ပါ

ညဘက်အိပ်တဲ့အခါ လေဝင်လေထွက် ကောင်းပြီး ချွေးစုပ်တဲ့ ချည်သား ပွပွချောင်ချောင်လေး ဝတ် အိပ်ပေးပါ။ ဒါက မေမေ့ကို ကောင်းကောင်း အိပ်ပျော်စေဖို့ အကောင်းဆုံး အကူအညီပေးနိုင်မှာပါ။

🍀 အိပ်ရာမဝင်ခင် ရေချိုးပါ

အိပ်ရာမဝင်ခင်မှာ အပူချိန် ၃၅ ဒီဂရီဆဲစီးရပ်စ် ကနေ ၃၈ ဒီဂရီဆဲစီးရပ်စ် အတွင်းရှိတဲ့ ရေနွေးနွေးလေးထဲမှာ ခြေထောက်စိမ်တာ၊ ရေချိုးတာမျိုး လုပ်ပေးတာက စိတ်ဖိစီးမှုတွေကို ပြေလျော့စေပြီး ကြွက်သားတွေကို ပြေလျော့စေသလို စိတ်ခံစားမှု ကောင်းစေလို့ နှစ်နှစ်ခြိုက်ခြိုက် အိပ်ပျော်စေမှာပါ။

🍀 အယ်လ်ကိုဟော မသောက်ပါနဲ့

အယ်လ်ကိုဟော သောက်တာက အိပ်စက်မှုကို အနှောင့်အယှက် ဖြစ်စေပါတယ်။ ဆီးခဏခဏသွားစေတာကြောင့်လည်း အိပ်ရေးပျက်စေနိုင်ပါတယ်။ ဒါကြောင့် ကိုယ်ဝန်ဆောင်ချိန်မှာ မိခင်ရော ကလေးပါ ကျန်းမာစေဖို့ အယ်လ်ကိုဟော လုံးဝ မသောက်ပါနဲ့။

🍀 မအိပ်ခင်မှာ လေ့ကျင့်ခန်း မလုပ်ပါနဲ့

ကိုယ်ဝန်ဆောင်ချိန် လေ့ကျင့်ခန်း ပြင်းပြင်းထန်ထန် မလုပ်သင့်ပါဘူး။ လေ့ကျင့်ခန်း လုပ်တာက ကိုယ်ဝန်ဆောင် မေမေကို အင်အားကုန်ခမ်းစေနိုင်သလို အိပ်စက်မှုကိုပါ အနှောင့်အယှက် ဖြစ်စေပါတယ်။

🍀 မအိပ်ခင် နွားနို့သောက်ပါ

အိပ်ရာမဝင်ခင် မိနစ် ၃၀ အလိုလောက်မှာ နွားနို့ ပူပူလေး တစ်ခွက် သောက်ပါ။ နွားနို့ သောက်တာက ကိုယ်ဝန်ဆောင်ချိန်မှာ လိုအပ်တဲ့ အာဟာရဓာတ်တွေကို ပြည့်ဝစေနိုင်သလို ဗိုက်ထဲက ဘေဘီလေးကိုလည်း ကျန်းမာစေဖို့ ညဘက်တိုင်းမှာလည်း နှစ်နှစ်ခြိုက်ခြိုက် အိပ်ပျော်နိုင်စေမှာပါ။

🍀 ခပ်ဖွဖွလေး နှိပ်နယ်ပါ

ကိုယ်ဝန်ဆောင်ချိန်မှာ ခပ်ဖွဖွလေး အနှိပ်ခံတာက ကြွက်သားတွေကို ပြေလျော့စေပြီး သက်တောင့်သက်သာ ဖြစ်စေနိုင်ပါတယ်။ ဒါ့အပြင် အနှိပ်ခံတာက စိတ်ခံစားမှု ကောင်းစေပြီး ညဘက်မှာလည်း နှစ်နှစ်ခြိုက်ခြိုက် အိပ်ပျော်နိုင်စေပါတယ်။

🍀 ပျော်စရာတွေ တွေးပါ

ညအိပ်ရာမဝင်ခင်မှာ စိတ်ပျော်ရွှင်ခဲ့ရတဲ့ အခိုက်အတန့်တွေ၊ ပျော်စရာ အဖြစ်အပျက်တွေကို ပြန်တွေးတောပါ။ ဒါကလည်း နှစ်နှစ်ခြိုက်ခြိုက် အိပ်ပျော်စေဖို့ အကောင်းဆုံး အထောက်အပံ့ပေးနိုင်မှာပါ။

အခုဆိုရင်တော့ သားဖွားမီးယပ်အတွက် လိုအပ်တဲ့ စစ်ဆေးမှုတွေကို ကျန်းမာတော်ဝင်အထူးကုဆေးခန်းနဲ့ ရောဂါရှာဖွေရေးစင်တာမှာ စိတ်ရောဂါအထူးကုဆရာဝန်ကြီးတွေနဲ့ လာရောက် တိုင်ပင်ဆွေးနွေးနိုင်ပါပြီနော်။

🏥 ကျန်းမာတော်ဝင် အထူးကုဆေခန်းနှင့် ရောဂါရှာဖွေရေးစင်တာတွင် ပြသနိုင်သော သားဖွားနှင့်မီးယပ်အထူးကုဆရာဝန်ကြီးများကတော့ ~

🧑‍⚕️ ဒေါက်တာ ရတနာလှိုင်အေး
M.B.,B.S(Ygn), M.Med.Sc(OG)
သားဖွားနှင့်မီးယပ် အထူးကုဆရာဝန်ကြီး

🧑‍⚕️ ဒေါက်တာ အောင်မြတ်သူ
M.B.,B.S, M.Med.Sc(OG)
Dip in OG
သားဖွားနှင့်မီးယပ်အထူးကုဆရာဝန်ကြီး

ကြိုတင် Booking ယူရန် -
☎ 09 768 666 357
☎ 09 444 69 7771

🏢 လိပ်စာ -အမှတ်(၃၁)၊ သီတာလမ်း နှင့် ကျောက်မြောင်းလမ်းထောင့်၊ သီတာမှတ်တိုင်အနီး၊ တာမွေမြို့နယ်၊ ရန်ကုန်မြို့။

#ကျန်းမာတော်ဝင်
#အထူး‌ကုဆေးခန်း
#ရောဂါရှာဖွေရေးစင်တာ
#စွဲလမ်းခြင်း
#စိတ်ရောဂါ
#အရက်ဖြတ်
#ဆေးဖြတ်
#သားဖွားမီးယပ်
#ကိုယ်ဝန်ဆောင်
#အိမ်ပင့်ကျန်းမာရေးဝန်ဆောင်မှု

08/08/2024

ဒီနေ့ Mood မကောင်းဘူးလို့ ပြောတာ ကြားဖူးမှာပါ... စိတ်ဆိုတာက ဒီလိုပါပဲ... 📊

အမြဲတသမတ်တည်း မရှိနိုင်ပါဘူး။ တစ်ခါတလေ ပျော်တာမျိုး ရှိနိုင်သလို တစ်ခါတလေ စိတ်ကျနေတာမျိုး ရှိနေနိုင်ပါတယ်။ စိတ်အတက်အကျ ဖြစ်တတ်တာက ပုံမှန်ပါပဲ။ ဒါပေမယ့် နေ့စဉ်ဘဝကို ထိခိုက်နိုင်လောက်တဲ့ စိတ်အတက်အကျမျိုး ဖြစ်နေရင်တော့ ဒါကို Mood disorder လို့ ခေါ်ပြီး စိတ်ရောဂါအဖြစ်သတ်မှတ်ပါတယ်။

🔰 စိတ်အတက်အကျ ရောဂါအမျိုးအစားများ

အများစုသိကြတာက တက်လိုက်ကျလိုက် ဖြစ်နေတဲ့ Bipolarမျိုးပါ။ တကယ်က ဒီထက်မကများပါတယ်။

◾ Major depression

နေ့စဉ်လုပ်နေကျ အလုပ်တွေမှာ စိတ်ဝင်စားမှု မရှိတော့တာ၊ အမြဲလိုလို ဝမ်းနည်းပြီး စိတ်ဓာတ်ကျနေတာအပြင် တခြားစိတ်ကျတဲ့ လက္ခဏာတွေကို ၂ပတ်ထက် ပိုပြီး ခံစားနေရတာပဲ ဖြစ်ပါတယ်။

◾ Cyclothymic disorder

Bipolarလောက် မဆိုးတဲ့ စိတ်အတက်အကျ ရောဂါတစ်မျိုးပါ။ အနည်းဆုံး ၂နှစ်လောက် ခံစားနေရတာ ဖြစ်ရပါမယ်။

◾ Bipolar disorder

ဒါကတော့ လူအများ သိကြတဲ့ စိတ်အတက်အကျ ရောဂါပါ။ သူ့မှာ Iနဲ့ II ဆိုပြီး ၂ခုရှိပါတယ်။ Iက အတက်ဘက်ကို ပိုသွားပါတယ်။ II မှာတော့ Iလောက် မဆိုးတဲ့ အတက်လက္ခဏာကို တွေ့ရပါတယ်။ သူက အကျဘက်ပိုသွားပြီး Iလောက် မပြင်းထန်တာကို တွေ့ရပါတယ်။

🔹 တခြား စိတ်အတက်အကျရောဂါများ

-တခြားကတော့ ရောဂါအခံ (ဥပမာ ကင်ဆာ)ကြောင့် စိတ်ကျတာ

-ဆေးဝါးတွေ၊ မူးယစ်ဆေးတွေ၊ အရက်တွေကြောင့် စိတ်ကျတာ

–ရာသီလာခါနီး စိတ်အတက်အကျဖြစ်တာ

–ကလေးတွေမှာ အရွယ်နဲ့ မလိုက်အောင် စိတ်အတက်အကျဖြစ်တာ စတာတွေလည်း ရှိပါတယ်။

🔸 စိတ်အတက်အကျရောဂါ ဖြစ်ရတဲ့ အကြောင်းရင်း

စိတ်အတက်အကျရောဂါအပါအဝင် စိတ်ရောဂါအများစုက တစ်ချက်တည်းကြောင့် ဖြစ်တာ မဟုတ်ပါဘူး။ အခြေခံအချက်ကတော့ ဦးနှောက်ထဲက ဓာတုပစ္စည်းတွေ မညီမျှလို့ ဖြစ်တာလို့ ပြောလို့ရပေမယ့် ဒီတစ်ခုတည်းကြောင့်တော့ မဟုတ်ပါဘူး။ ဘဝမှာ ကြုံရတဲ့ အတွေ့အကြုံတွေ၊ ပတ်ဝန်းကျင်အခြေအနေတွေကြောင့်လည်း ပါပါတယ်။ စိတ်အတက်အကျရောဂါတွေက မျိုးရိုးလိုက်တတ်တယ်လို့လည်း ဆိုကြပါတယ်။

ဘယ်သူတွေက စိတ်အတက်အကျရောဂါ ပိုဖြစ်နိုင်လဲ ❓

လူတိုင်းက ဝမ်းနည်းတာ၊ စိတ်ကျတာ ခံစားဖူးကြပါတယ်။ ဒါပေမယ့် စိတ်အတက်အကျရောဂါရှိတဲ့ သူတွေက ကျလည်း ကြမ်းကြမ်း၊ တက်လည်း ကြမ်းကြမ်းပါပဲ။ စိတ်အတက်အကျရောဂါ ဖြစ်နိုင်ခြေ များတဲ့သူတွေကတော့

မိဘတွေမှာ စိတ်အတက်အကျရောဂါရှိနေတာ – ဒါဆို သားသမီးတွေမှာ ဖြစ်နိုင်ခြေ များပါတယ်။ အထူးသဖြင့် မိသားစုပြဿနာ၊ ပတ်ဝန်းကျင် အခြေအနေမကောင်းရင် ပိုဖြစ်နိုင်ပါတယ်။

ပတ်ဝန်းကျင် အခြေအနေ- မျိုးရိုး မရှိပေမယ့် ပတ်ဝန်းကျင်အခြေအနေတွေက စိတ်အတက်အကျဖြစ်အောင် တွန်းပို့နေတာမျိုး ရှိပါတယ်။ အလုပ်ကနေ ထုတ်ခံလိုက်ရတာ၊ ကွာရှင်းခံရတာ၊ ချစ်ခင်ရတဲ့သူနဲ့ သေကွဲရှင်ကွဲ ကွဲရတာ၊ ငွေရေးကြေးရေး ပြဿနာ စသဖြင့် ပြဿနာပေါင်းစုံက စိတ်အတက်အကျဖြစ်အောင် လှုံ့ဆော်ပေးနေပါတယ်။ ဒီလိုနဲ့ မကြာခဏ စိတ်ဓာတ်ကျ၊ စိတ်ညစ်ရာကနေ တကယ့် စိတ်ရောဂါဖြစ်သွားနိုင်ပါတယ်။

ကျား/မ- အမျိုးသမီးတွေက အမျိုးသားတွေထက် ၂ဆနီးပါး စိတ်အတက်အကျ ဖြစ်နိုင်ခြေ ရှိပါတယ်။ အထူးသဖြင့် ရာသီလာခါနီးရင် ပိုဆိုးပါတယ်။ ဟော်မုန်းအပြောင်းအလဲကြောင့်လို့ ယူဆရပါတယ်။

📊 စိတ်အတက်အကျ ရောဂါတွေရဲ့ လက္ခဏာများ

အသက်အရွယ်နဲ့ ဖြစ်တဲ့ အမျိုးအစားကို လိုက်ပြီး လက္ခဏာတွေက ကွာသွားနိုင်ပါတယ်။ အတွေ့ရများတဲ့ လက္ခဏာတွေကတော့ -

ဆက်တိုက် ဝမ်းနည်းပြီး ခံစားချက်မဲ့နေတာ

မျှော်လင့်ချက် မဲ့သလို၊ ကူရာမဲ့နေသလို ခံစားရတာ

ကိုယ့်ကိုယ်ကို ယုံကြည်မှု နည်းလာတာ

ကိုယ့်ကိုယ်ကို အသုံးမဝင်ဘူးလို့ ခံစားရတာ

ကိုယ့်ကိုယ်ကို အပြစ်တင်လွန်းတာ

ကိုယ့်ကိုယ်ကို သတ်သေဖို့ စဉ်းစားတာ၊ သေသွားရင် ကောင်းမှာပဲလို့ တွေးတာ (ဒါအမြန်ကုသဖို့ လိုနေပြီဆိုတဲ့ အခြေအနေပါ)

နေ့စဉ် လုပ်တဲ့ အလုပ်တွေမှာ စိတ်ဝင်စားမှု မရှိတော့တာ

လူမှုဆက်ဆံရေးမှာ ကိုယ့်ရဲ့ စိတ်အခြေအနေကြောင့် ပြဿနာတွေ တက်လာတာ

အိပ်မပျော်တာ၊ အိပ်လွန်းတာ

စားသောက်တဲ့ ပုံစံပြောင်းလာတာ

အမြဲလိုလို နုံးနေတာ

အာရုံစူးစိုက်လို့ မရတာ

စိတ်တိုစိတ်ဆတ်လာတာ စတာတွေပဲ ဖြစ်ပါတယ်။

လူတိုင်းက ခုပြောတဲ့ အချက်တွေကို ခံစားဖူးပေမယ့် အများစုက ခဏပါပဲ။ အချိန်ကြာလာတာနဲ့အမျှ သက်သာလာပါတယ်။ စိတ်အတက်အကျရောဂါရှိသူတွေကတော့ ကြာလေ ဆိုးလေ ဖြစ်လာပါတယ်။

စိတ်အတက်အကျရောဂါ ခံစားနေရတယ်လို့ ယူဆတဲ့အခါ တတ်ကျွမ်းသူနဲ့ ကုသမှု ခံယူသင့်ပါတယ်။ အထူးသဖြင့် ကိုယ့်ကိုယ်ကို သတ်သေချင်စိတ် ပေါက်လာတဲ့အခါမျိုးမှာ အရေးပေါ် ကုသမှု ခံယူဖို့ သင့်ပါတယ်။ စိတ်ရောဂါတွေက ကုလို့မရတဲ့ ရောဂါတွေ မဟုတ်ပါဘူး။ သေချာကုသမယ်ဆိုရင် ပြန်လည် သက်သာလာပြီး သာမန်လူလို နေထိုင်သွားနိုင်ပါတယ်။

တကယ်လို့ စိတ်ကျန်းမာရေးပြဿနာတွေရှိခဲ့ရင်လည်း ကျန်းမာတော်ဝင်အထူးကုဆေးခန်းနဲ့ ရောဂါရှာဖွေရေးစင်တာမှာ စိတ်ရောဂါအထူးကုဆရာဝန်ကြီးတွေနဲ့ တိုင်ပင်ဆွေးနွေးကုသနိုင်ပါပြီနော်... ✅

🏥ကျန်းမာတော်ဝင် အထူးကုဆေခန်းနှင့် ရောဂါရှာဖွေရေးစင်တာတွင် ပြသနိုင်သော စိတ်ကျန်းမာရေးအထူးကုဆရာဝန်ကြီးများ👇👇👇👇

🧑‍⚕️ ဒေါက်တာလဲ့လဲ့အောင်

M.B.,B.S(Mgy), M.Med.Sc(Mental Health)

အရက်၊ မူးယစ်ဆေး‌စွဲနှင့် စိတ်ကျန်းမာရေး အထူးကုဆရာဝန်

🧑‍⚕️ ဒေါက်တာ ရွှေယမင်းဦး

M.B.,B.S, M.Med.Sc(Mental Health)

Dip in psychology,

Mental Health Hospital (Yangon)

အရက်၊ မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

🧑‍⚕️ ဒေါက်တာကျော်ပိုင်ထက်

M.B.,B.S, M.Med.Sc(Mental Health)

အရက်၊ မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

👩‍⚕️ ဒေါက်တာ ထိုက်အောင်မြင့်နွယ်

M.B.,B.S, M.Med.Sc(Mental Health)

အရက်မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

ကြိုတင် Booking ယူရန်

☎ 09 - 768 666 357 , 09 - 444 69 7771,

လိပ်စာ -အမှတ်(၃၁)၊ သီတာလမ်း နှင့် ကျောက်မြောင်းလမ်းထောင့်၊ သီတာမှတ်တိုင်အနီး၊ တာမွေမြို့နယ်၊ ရန်ကုန်မြို့။

#ကျန်းမာတော်ဝင်

#အထူး‌ကုဆေးခန်း

#ရောဂါရှာဖွေရေးစင်တာ

#စွဲလမ်းခြင်း

#စိတ်ရောဂါ

#အရက်ဖြတ်

#ဆေးဖြတ်

#အစိုးရိမ်လွန်ခြင်း #အကြောက်လွန်ခြင်း

#စိတ်ဝေဒနါ

#စိတ်အတက်အကျရောဂါ

06/08/2024

စိတ်ပြဿနာရဲ့ အကြောင်းရင်းခံကို ရှာဖွေခြင်း... 🖇

ကိုကျော်ကြီးက နိုင်ငံတကာကုမ္ပဏီကြီးတစ်ခုမှာ Digital Marketing Manager အဖြစ် တာဝန်ယူနေတဲ့သူတစ်ယောက်ပါ။

အခုတလော ညဘက်တွေ အိပ်မပျော်ဘူး။ အိပ်ဆေးကူရင်ကူ ဒါမှမဟုတ် အရက်ကိုမူးအောင်သောက်မှ အိပ်ပျော်တယ်။ ညဘက်တွေ မကြာခဏနိုးတယ်။ မနက်ထတဲ့အခါ အိပ်ရေးဝတယ်လို့မခံစားရတဲ့အပြင် တကိုယ်လုံး နာကျင်ကိုက်ခဲနေတာ၊ အာရုံစူးစိုက်လို့မရတာတွေဖြစ်တယ်။ ပိတ်ရက်တွေဆိုလည်း အိပ်ရေးမဝတာက မဝတာပဲ။ ညဘက်တွေဆိုရင် အိပ်ရမှာကြောက်တယ်၊ ငါအိပ်မပျော်ရင် ဘယ်လိုလုပ်မလဲဆိုတဲ့ အတွေးတွေဆက်ဖြစ်နေမှာကိုစိုးတယ်၊ အိပ်ရေးမဝလို့ နောက်နေ့မှာ အလုပ်မလုပ်နိုင်မှာကိုကြောက်တယ်။ ဒီလိုနဲ့ အစိုးရိမ်လွန်တာကနေပြီး အိပ်မပျော်တာက ပိုဆိုးလာတယ်၊ တချိန်လုံးပင်ပန်းနေပြီး မလှုပ်ချင်မကိုင်ချင်တာ၊ အာရုံစူးစိုက်လို့မရတာ၊ အိမ်ထဲက အိမ်ပြင်မထွက်ချင်တာမျိုးတွေဖြစ်နေတယ်။ နေ့တိုင်းမှာစိတ်မကြည်တော့ အလုပ်ကိုထိခိုက်လာတယ်၊ အလုပ်မှာအပြည့်အဝအာရုံစူးစိုက်လို့မရဘူးလို့တွေးတယ်၊ အဲဒါက ညဘက်အိပ်မပျော်တာပိုဆိုးလာစေပြီး သံသရာလည်နေတယ်။

ဒီလိုမျိုးနဲ့ ရင်းနှီးပါသလား။ အဖြစ်ပျက်ချင်း ထပ်တူမကျနိုင်ပေမယ့် တော်တော်များများမှာ ဒီအဖြစ်ပျက်နဲ့ ဆင်တူတဲ့ စိတ်ပိုင်းရုပ်ပိုင်းဆိုင်ရာပြဿနာတွေ ရှိလိမ့်မယ်။ ဘယ်ကနေစပြီးပြင်ဆင်ရမယ်ဆိုတာလည်းမသိနဲ့ ရေတိုဖြေရှင်းနည်းဖြစ်တဲ့ အိပ်ဆေးသောက်တာ၊ အရက်မူးအောင်သောက်တာမျိုးတွေနဲ့ပဲ ဖြေရှင်းနေရတယ်။ အမှန်တော့ ညဘက် အိပ်မပျော်တာတို့၊ ကိုယ်လက်တွေနာကျင်ကိုက်ခဲပြီး မလှုပ်ချင်မသွားချင်ဖြစ်တာတို့က စိတ်ပိုင်းဆိုင်ရာ ပြဿနာတွေကြောင့် ဆက်ဖြစ်လာတဲ့ ခန္ဓာကိုယ်ရဲ့ တုံ့ပြန်မှုတွေပါ။ စိတ်ပြဿနာကို အရင်ရှာဖွေကုသဖို့မလုပ်ဘဲ ဒီအဖြစ်ပျက်မှာလိုမျိုး အိပ်ဆေးသောက်တာ၊ အရက်သောက်တာတွေနဲ့ ရုပ်ပိုင်းဆိုင်ရာပြဿနာတွေကိုပဲ ကုသဖို့ကြိုးစားတာမျိုးက အလုပ်မဖြစ်နိုင်ဘူး။ အကြောင်းရင်းခံ ရှိနေသ၍ အကျိုးဆက်တွေက ဆက်ဖြစ်နေမှာပဲ။

စိတ်ပြဿနာရဲ့ အကြောင်းရင်းခံကို ရှာဖွေခြင်း

ကျနော်တို့ဖြစ်ပျက်နေတဲ့ပြဿနာတွေအကြောင်းကို ပိုနားလည်လေ၊ ဒါတွေကို ဘယ်လို‌ဖြေရှင်းရမလဲ ပိုသိလေမလား။ ဒါကြောင့်ကုသတဲ့နေရာမှာ စိတ်ကိုအရင်နားလည်ဖို့နဲ့ ဘယ်လိုအကြောင်းရင်းခံတွေက ပြဿနာဖြစ်နေစေတာလဲဆိုတာကို အရင်နားလည်ဖို့ လိုအပ်တယ်။ ဒီအတွက် အခြေနေ (၅)မျိုးကို သိအောင်လုပ်ရပါမယ်။

၁။ အတွေးများ

၂။ စိတ်အခြေအနေ

၃။ အကျင့်စရိုက်ပုံစံ

၄။ ရုပ်ပိုင်းဆိုင်ရာအပြုအမူ

၅။ ပတ်ဝန်းကျင်အခြေအနေ

အပေါ်မှာပေးထားတဲ့ဥပမာကိုရှင်းပြမယ်။ ကိုကျော်ကြီးကြုံတွေ့နေရတဲ့အခြေနေဟာ အစိတ်ပိုင်း (၅)ခုနဲ့ဖွဲ့စည်းထားတယ်။

၁။ ကိုကျော်ကြီးဟာ အရင်က လက်ထောက်မန်နေဂျာဖြစ်ပြီး လွန်ခဲ့တဲ့ ၃လလောက်ကမှ အစမ်းခန့်အဖြစ်နဲ့ မန်နေဂျာရာထူးရထားတယ်။ လက်ရှိမှာ နိုင်ငံရေးစီးပွားရေးအကျပ်အတည်းတွေကြောင့် ကျပ်တည်းတယ်၊ အလုပ်အကိုင်ရှားပါးတယ် – ပတ်ဝန်းကျင်အခြေအနေ

၂။ ညဘက်အိပ်မပျော်ဘူး၊ ပင်ပန်းနွမ်းနယ်နေတယ်လို့ ခံစားရတယ်၊ ကိုယ်လက်တွေကိုက်ခဲတယ် – ရုပ်ပိုင်းဆိုင်ရာအပြုအမူ

၃။ စိတ်ဖိစီးတယ်၊ စိုးရိမ်တယ် – စိတ်အခြေအနေ

၄။ အိပ်ဆေးသောက်တယ်၊ အရက်သောက်တယ်၊ အပြင်မထွက်တော့ဘူး – အကျင့်စရိုက်ပုံစံ

၅။ အာရုံစူးစိုက်လို့မရဘူး၊ အလုပ်ပြုတ်တော့မလားမသိဘူး၊ ညဘက်အိပ်မပျော်ရင်ဒုက္ခပါပဲ၊ အလုပ်မှာမစဉ်းစားနိုင်တော့ရင် ပြဿနာပဲ – အတွေးများ

ဒီအကြောင်းရင်း ငါးခုဟာ တစ်ခုနဲ့တစ်ခုဆက်စပ်ပြီးဖြစ်ပေါ်နေတယ်။ တစ်ခုခုရဲ့ အပြောင်းအလဲဟာ ကျန်တဲ့အရာတွေကို ဆက်ပြီးရိုက်ခတ်မှုတွေရှိတယ်။ တစ်ခုချင်းစီမှာ နည်းနည်းစီ ကောင်းမွန်တဲ့အပြောင်းအလဲတွေလုပ်ရင် စိတ်ပိုင်းရုပ်ပိုင်းဆိုင်ရာမှာ ကောင်းမွန်တဲ့အပြောင်းလဲတွေဖြစ်ပေါ်လာသလို၊ အနှုတ်ဆန်တဲ့အပြောင်းလဲတွေလုပ်ရင်ကျတော့လည်း ဆိုးတဲ့အပြောင်းလဲတွေဖြစ်လာနိုင်တာပေါ့။

ဥပမာ ကိုကျော်ကြီးက ရာထူးတိုးသွားတာ ကောင်းမွန်တဲ့အပြောင်းလဲအဖြစ် သတ်မှတ်ပြီး “ဘယ်လောက်ခက်ခဲတဲ့ပြဿနာဖြစ်ဖြစ် ငါဖြေရှင်းနိုင်ပါတယ်၊ အမှားလုပ်ခဲ့မိရင်တောင် သင်ခန်းစာရတာပေါ့”လို့တွေးလာနိုင်ရင် စိတ်ဖိစီးတာ သက်သာလာမယ်၊ အပြင်ပိုထွက်မယ်၊ လေ့ကျင့်ခန်းလုပ်မယ်ဆိုရင် အိပ်ဆေးသောက်တာ အရက်သောက်တာမျိုးတွေလုပ်စရာမလိုဘဲ ညဘက်တွေအိပ်ပျော်မယ်၊ ပင်ပန်းနွမ်းနယ်သလိုခံစားရတာတွေ သက်သာမယ်။

သီအိုရီအရ ပြောရတာမှန်ပေမယ့် လက်တွေ့မှာတော့ ဒီလောက်ဘယ်လွယ်ပါ့မလဲ။ တချို့အကြောင်းရင်းရှာဖွေရတာတွေက ထင်ထားသလောက်မလွယ်ဘူး။ ကိုယ်ဘယ်လိုအတွေးမျိုးတွေဖြစ်ပေါ်နေလဲ။ ဘယ်လိုစိတ်အခြေအနေမျိုးရှိနေလဲ။ ကိုယ်ကစိတ်ဓာတ်ကျတယ်ထင်ပေမယ့် တကယ်တမ်းမှာတော့ စိတ်တိုတာ၊ စိတ်ဖိစီးတာဖြစ်နေနိုင်တယ်။ ဒါတွေကို ခန္ဓာကိုယ်က ဘယ်လိုတုံ့ပြန်မှုတွေလုပ်လဲ။ ကိုယ်ကရော ဘယ်လိုအကျင့်မျိုးတွေဖြစ်လာလဲ။ ဒါတွေကို သတိထားကြည့်ရတယ်။ ကိုယ့်ကိုယ်မေးခွန်းတွေမေးပြီး ရုပ်ပိုင်း၊ စိတ်ပိုင်းဆိုင်ရာ အခြေအနေတွေကို ဆန်းစစ်ရတယ်။ ဖြစ်ပျက်နေတဲ့အခြေနေတွေနဲ့ ကိုယ့်ရဲ့အတွေးအခေါ်၊ စိတ်ခံစားချက်တွေဖြစ်ပေါ်လာပုံ၊ သူတို့ကနေတဆင့် အပြုအမူနဲ့ အကျင့်စရိုက်တွေအဖြစ်ကူးပြောင်းသွားတာတွေကို သတိပြုမိလာလေ၊ ကိုယ့်ရဲ့ ရုပ်ပိုင်းစိတ်ပိုင်းဆိုင်ရာ ပြဿနာတွေကို ဖြေရှင်းဖို့ နည်းလမ်းတွေတွေ့လာလေပါပဲ။

ဒါကြောင့် ပထမဆုံးသင်ခန်းစာကတော့ ကိုယ့်ရဲ့လက်ရှိအနေအထားကို အပေါ်မှာပေးထားတဲ့အချက် (၅)ချက်နဲ့ စပြီးဆန်းစစ်ကြည့်ဖို့ပါ။ စိတ်ဓာတ်ကျနေတယ်ဆိုရင် ဘာလို့စိတ်ဓာတ်ကျတာလဲ၊ ဘယ်အတွေးကြောင့် အဲဒီလိုဖြစ်နေတာလဲ။ အဲဒီလိုအတွေးမျိုးဖြစ်လာအောင် ဘယ်လိုအခြေအနေတွေက ဖန်တီးလာတာလဲ။ စိတ်ဓာတ်ကျမှုကြောင့် ကိုယ့်ခန္ဓာရုပ်ပိုင်းဆိုင်ရာမှာ ဘာတွေပြောင်းလဲလာတာလဲ၊ ဘယ်လိုအကျင့်မျိုးတွေဖြစ်လာစေတာလဲ။ ဒီလိုဆက်စပ်မှုတွေကို တွေ့လာတဲ့အခါ အခြေအနေတွေကိုပြောင်းလဲဖို့၊ အတွေးတွေနဲ့ ခံစားချက်တွေကို ပြောင်းလဲဖို့ ဖြစ်နိုင်လာပါလိမ့်မယ်။

တကယ်လို့ စိတ်ကျန်းမာရေးပြဿနာတွေရှိခဲ့ရင်လည်း ကျန်းမာတော်ဝင်အထူးကုဆေးခန်းနဲ့ ရောဂါရှာဖွေရေးစင်တာမှာ စိတ်ရောဂါအထူးကုဆရာဝန်ကြီးတွေနဲ့ တိုင်ပင်ဆွေးနွေးကုသနိုင်ပါပြီနော်... ✅

🏥ကျန်းမာတော်ဝင် အထူးကုဆေခန်းနှင့် ရောဂါရှာဖွေရေးစင်တာတွင် ပြသနိုင်သော စိတ်ကျန်းမာရေးအထူးကုဆရာဝန်ကြီးများ👇👇👇👇

🧑‍⚕️ ဒေါက်တာလဲ့လဲ့အောင်

M.B.,B.S(Mgy), M.Med.Sc(Mental Health)

အရက်၊ မူးယစ်ဆေး‌စွဲနှင့် စိတ်ကျန်းမာရေး အထူးကုဆရာဝန်

🧑‍⚕️ ဒေါက်တာ ရွှေယမင်းဦး

M.B.,B.S, M.Med.Sc(Mental Health)

Dip in psychology,

Mental Health Hospital (Yangon)

အရက်၊ မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

🧑‍⚕️ ဒေါက်တာကျော်ပိုင်ထက်

M.B.,B.S, M.Med.Sc(Mental Health)

အရက်၊ မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

👩‍⚕️ ဒေါက်တာ ထိုက်အောင်မြင့်နွယ်

M.B.,B.S, M.Med.Sc(Mental Health)

အရက်မူးယစ်ဆေးစွဲနှင့် စိတ်ကျန်းမာရေး အထူးကုဆရာဝန်

ကြိုတင် Booking ယူရန်

☎ 09 - 768 666 357 , 09 - 444 69 7771,

လိပ်စာ -အမှတ်(၃၁)၊ သီတာလမ်း နှင့် ကျောက်မြောင်းလမ်းထောင့်၊ သီတာမှတ်တိုင်အနီး၊ တာမွေမြို့နယ်၊ ရန်ကုန်မြို့။

#ကျန်းမာတော်ဝင်

#အထူး‌ကုဆေးခန်း

#ရောဂါရှာဖွေရေးစင်တာ

#စွဲလမ်းခြင်း

#စိတ်ရောဂါ

#အရက်ဖြတ်

#ဆေးဖြတ်

#အစိုးရိမ်လွန်ခြင်း #အကြောက်လွန်ခြင်း

#စိတ်ဝေဒနါ

Address

အမှတ်(၃၁)၊ သီတာလမ်းနှင့် ကျောက်မြောင်းလမ်းထောင့်၊ သီတာမှတ်တိုင်အနီး၊ တာမွေမြို့နယ်၊
Yangon
11211

Website

facebook.com

Alerts

Be the first to know and let us send you an email when ကျန်းမာတော်ဝင် အထူးကုဆေးခန်း posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Yangon?