05/07/2024
🛑ပြင်းထန်ဝမ်းပျက်ဝမ်းလျှောရောဂါ ( Cholera)🛑
🔺ဝမ်းပျက်ဝမ်းလျှောဖြစ်စေတဲ့အကြောင်းအရင်းတွေ အများကြီးရှိသလို ဝမ်းလျှောတဲ့ လက္ခဏာပုံစံတွေ အမျိုးမျိုးရှိကြပါတယ်
🔺ပြင်းထန်ဝမ်းပျက်ဝမ်းလျှောရောဂါ ( ကာလဝမ်းရောဂါ)ဆ်ိုတာ က vibrio cholerae လို့ခေါ်တဲ့ ဘက်တီးရီးယားပိုးကြောင့်ဖြစ်တာပါ
🔺ကာလဝမ်းရောဂါ ကပြင်းထန်ဝမ်းလျှောခြင်းနဲ့ ရေဓာတ်ခန်းခြောက်ခြင်းကို နာရီပိုင်းအတွင်းဖြစ်စေတတ်တယ်
🔺မကုသဘဲထားပါက ယခင်က ကျန်းမာသောလူများတွင်ပင် နာရီပိုင်းအတွင်း သေဆုံးနိုင်ပါတယ်
⚠️ဘယ်လိုကူးစက်ပြန့်ပွားလဲ ⚠️
🔺ရောဂါပိုးပါသောရေကိုသောက်သုံးခြင်း
🔺ရောဂါပိုးပါသော အစာကိုစားသုံးခြင်း
🔺လူနာရဲ့မစင် အန်ဖက်နဲ့ထိုအရာတွေမှာ ပေနေသောအရာဝတ္ထုများကို ကိုင်တွယ်မိခြင်း
🔺အဆိုပါရောဂါဖြင့်သေဆုံးသူကိုထိတွေ့မိခြင်းတို့ကြောင့် ကူးစက်ပြန့်ပွားနိုင်ပါတယ်
📛ရောဂါလက္ခဏာများ 📛
🔺ပြင်းထန်စွာဝမ်းလျှောခြင်း
▪️ဝမ်းအရောင်က ဆန်ဆေးရေ အရောင်လိုဖြစ်နေမယ်
▪️အညှီနံ့ ရှိနေနိုင်တယ်
▪️ဝမ်းလျှောတဲ့ ပမာဏများတဲ့အတွက်အချိန်အနည်းငယ်အတွင်းမှာ ခန္ဓာကိုယ်ထဲက ရေဓာတ်များစွာဆုံးရှုံးနိုင်ပါတယ်
🔺ပျို့ခြင်း / အန်ခြင်း
▪️တခါတရံ ဝမ်းပျက်ဝမ်းလျှောမဖြစ်ခင် အရင်ဆုံး အန်တာနဲ့စလာတတ်ပါတယ်
🔺ကြွက်တက်ခြင်း
▪️ဝမ်းအရည်နဲ့အတူ ခန္ဓာကိုယ်ထဲကနေ ဆိုဒီယမ် ပိုတက်ဆီယမ် ကလိုရိုက်စတဲ့ ဓာတ်တွေအလျင်အမြန်ဆုံးရှုံးသွားတဲ့အခါ ဖြစ်တတ်ပါတယ်
🔺ရေဓာတ်ခမ်းခြောက်ခြင်း
▪️နာရီပိုင်းအတွင်းဖြစ်နိုင်တဲ့အတွက် သတိထားရပါမယ်
▪️အားအင်ကုန်ခမ်းသလိုဖြစ်နေမယ်
▪️ကလေးငယ်လေးတွေမှာ တချိန်လုံးဂျီကျနေတာမျိုး
▪️ရေအလွန်အမင်းဆာနေတာ မျက်ရည်မထွက်တာ
▪️မျက်တွင်းချိုင့်ဝင် ငယ်ထိပ်ချိုင့်ဝင်
▪️ဆီးပေါက်နည်းသွားတာမျိုး သွေးပေါင်ကျလာတာမျိုးရှိနေနိုင်ပါတယ်
‼️ဒါမျိုးလက္ခဏာရှိလာရင် နီးစပ်ရာကျန်းမာရေးငှာနကိုချက်ချင်းသွားပါ‼️
✅ဘယ်လိုကုသမလဲ✅
ဓာတ်ဆား
▪️အသက်ကယ်ဆေးက ဓာတ်ဆားပါ
ဝမ်းလျှောခြင်းမှာ အဓိက အန္တရယ်က ရေဓာတ်ဆားဓာတ်ဆုံးရှုံးမှု ဖြစ်တဲ့အတွက် အချိုးကျဖျော်စပ်ထားတဲ့ WHO ဖော်မြူလာအတိုင်းထုတ်ထားတဲ့ ဓာတ်ဆားကိုသာသုံးရပါမယ်
▪️ဖျော်ပုံဖျော်နည်းမှန်ကန်ဖို့လည်းလိုပါတယ် ( တလီတာအတွက် အထုပ် နဲ့ ရေ 200 ml အတွက်အထုပ်ဆိုပြီးလည်းရှိပါတယ်)
▪️ဓာတ်ဆားထုပ် အဆင်အသင့်မရှိလျှင်အရေးပေါ်အိမ်တွင်းဓာတ်ဆားဖျော်နည်းအတိုင်း ဖျော်ပြီးတိုက်ပါ
ဒီ link မှာဝင်ကြည့်လို့ရပါတယ်
https://m.facebook.com/story.php?story_fbid=125452237253085&id=100093649274709
▪️ရေဓာတ်အလွန်အကျွံဆုံးရှုံးမှုမဖြစ်စေရန်
၂ နှစ်အောက်ကလေး - ဝမ်းတကြိမ်သွားပြီးတိုင်းဓာတ်ဆား ၅၀ - ၁၀၀ မီလီလီတာ
၂ နှစ်အထက် - ၁၀၀ - ၂၀၀ မီလီလီတာ ကို ဝင်နိုင်သလောက်တိုက်တိုက်ပေးပါ
▪️ကလေးက အန်နေလျှင် ၁၀ မိနစ်ခန့်စောင့်ပြီး နည်းနည်းစီပြန်တိုက်ကြည့်ပါ
▪️လူကြီးတယောက် ကာလဝမ်းရောဂါဖြစ်တဲ့အခြေအနေမှာ ရေဓာတ်ခန်းခြောက်တဲ့လက္ခဏာရှိနေရင် တရက်ကို ဓာတ်ဆား ၆ ထုပ်(၆ လီတာ)ခန့် လိုနိုင်ပါတယ်
▪️ရေဓာတ် အလွန်အမင်းဆုံးရှုံးလာရင်တော့ သွေးကြောထဲ ဓာတ်ဆားရည်သွင်းဖို့လိုနိုင်ပါတယ်
▪️ဝမ်းလျှောခြင်းနဲ့ပက်သက်တဲ့အယူအဆအမှားတွေလည်း ရှောင်ကြဉ်ပါ
ဒီ link မှာ ဖတ်လို့ရပါတယ်
https://m.facebook.com/story.php?story_fbid=124420690689573&id=100093649274709
✅ Zinc ( ဇင့် ဆေး အရည် / ဆေးပြား ) ✅
▪️ဝမ်းပျက်ဝမ်းလျှောဖြစ်နေတဲ့ အသက် ၅ နှစ်အောက်ကလေးတွေမှာ Zinc တိုက်ကျွေးခြင်းဟာ ဝမ်း
သွားတဲ့အကြိမ်ကို လျော့နည်းစေနိုင်သလို နောက်ထပ်
ဝမ်းလျှောခြင်းကိုပါကာကွယ်ပေးနိုင်ပါတယ်
၆ လအောက်ကလေး - တနေ့လျှင် Zinc 10 mg
၆ လအထက်ကလေး - တနေ့လျှင် Zinc 20 mg
🔶 ပိုးသတ်ဆေး 🔶
▪️အလွန်အကျွံမသုံးပါနဲ့
သင့်တော်သောဆေးကိုကျွမ်းကျင် ဆရာဝန် ဆရာမ နှင့်တိုင်ပင်ပြီးမှသာသောက်ပါ
✅ အစားအသောက်နှင့်အာဟာရ ✅
- မိခင်နို့တိုက်နေတဲ့ကလေးဝမ်းလျှောနေရင် မိခင်နို့ကိုဆက်တိုက်ပါ
- သန့်ရှင်းစွာပြင်ဆင်ထားသောအစားအသောက် များ စားသုံးလို့ရပါတယ်
- ဆန်ပြုတ် စွပ်ပြုတ် လိုကြေလွယ်တဲ့အစာများ ထမင်းရည်၊ အုန်းရည် များ တိုက်ပေးလို့ရပါတယ်
♻️ကာကွယ်ခြင်း ♻️
✅ သန့်ရှင်းသောရေကိုသောက်သုံးပါ
ရေသန့်မရနိုင်လျှင် ရေကိုကျိုချက်ပြီးမှသောက်ပါ
အိမ်သုံးရေကို ကလိုရင်းဆေးပြားခတ်ပြီးမှသုံးပါ
✅ ယင်လုံအိမ်သာအသုံးပြုပါ
ယင်လုံအိမ်သာမရှိသောနေရာတွင် ရောဂါပိုးရှိသော မစင်ကနေတဆင့် ထပ်ပြန့်ပွားဖို့မဖြစ်ရအောင် မစင်ကိုစနစ်တကျစွန့်ပစ်ပါ
သောက်သုံးရေအရင်းအမြစ်မှ ပေ ၁၀၀ ခန့်အကွာမှာ ကျင်းတူးပြီး စွန့်ပစ်ပါ
အရေးပေါ်အခြေအနေမှာ ယာယီအိမ်သာကျင်း ကို ရေရှိသောနေရာနှင့် ပေ ၁၀၀ အကွာမှာ၁ ပေခွဲ အနက်ခန့်တူးပြီး စွန့်ပစ်ပါ
✅ သန့်ရှင်းလတ်ဆတ်သော အစားအသောက်များစားသုံးပါ
ယင်နားစာများ မစားပါနဲ့
အသားငါးအသီးအရွက်များ ကျက်အောင်ချက်ပြုတ်ပြီးမှစားသုံးပါ
✅ လက်ကိုဆပ်ပြာဖြင့် သေချာသန့်စင်အောင်ဆေးပါ
စားသောက်တဲ့ကလေးရဲ့လက်နဲ့ ကျွေးမွေးပြုစုတဲ့လူကြီးရဲ့လက် ၊ ဝမ်းသွေးပြီးတိုင်း သန့်ရှင်းရေးလုပ်ပေးတဲ့ လက်ကို ဆပ်ပြာနှင့်သေချာဆေးပါ
အစားမစားခင် နဲ့ ဝမ်းသွားပြီးတိုင်းလက်ကိုသေချာစွာဆေးပါ
✅ မီးဖိုချောင်သုံးပစ္စည်းများနှင့် အစားအစာများကို ချက်ပြုတ်သည့်နေရာများကို သန့်ရှင်းပြီး ပိုးသတ်ပါလုံးဝခြောက်သွေ့အောင်ထားပါ
သောက်သုံးရေအရင်းအမြစ်များမှ မီတာ ၃၀ (ပေ ၁၀၀) အကွာအဝေးခန့်တွင် အဝတ် သို့မဟုတ် အနှီးများကို လျှော်ပါ
ညစ်ညမ်းနေသော အိမ်သာများနှင့် မျက်နှာပြင်များကို သန့်ရှင်းပြီး ပိုးသတ်ပါ
သန့်ရှင်းရေး ပြီးသောအခါ၊ ဆပ်ပြာရည်နှင့် ပိုးသတ်ဆေးရည်များကို ရေမြောင်း၊ အိမ်သာ သို့မဟုတ် အိမ်သာထဲသို့ လောင်းထည့်ခြင်းဖြင့် ဘေးကင်းစွာ စွန့်ပစ်ပါသန့်စင်ပြီး ပိုးသတ်ပြီးနောက် လက်ကို ဆပ်ပြာနှင့်ရေဖြင့် ထပ်မံဆေးကြောပါ
အထက်ပါနည်းလမ်းများဖြင့် ပြင်းထန်ဝမ်းပျက်ဝမ်းလျှောရောဂါကူးစက်ပြန့်ပွားခြင်းကိုအလျင်အမြန်ကာကွယ်နိုင်မှာဖြစ်ပါတယ်
to the clean cure
to Chin Telehealth
❗ကလေးဝမ်းလျှောဝမ်းပျက်ခြင်းနှင့် အယူအဆအမှားများ❗
ကလေးတယောက်ဝမ်းလျှောရင် ပြုစုရတာ အတော် ခက်ပါတယ်..
မိခင်တွေအသိဆုံးပါ..
အပေါ်က အလျဉ်မီအောင်မဖြည့်ရသေးခင်
အောက်က တဘွတ်ဘွတ်နဲ့ သွားလိုက်ကြတာ
ကလေးဘောင်းဘီတွေလည်းကုန်ပေါ့ ..
မိဘတွေမှာ လူမောစိတ်မောဖြစ်ရပါတယ် ..
✴️အဲ့တော့ အရေးကြီးတာက ဝမ်းလျှောတဲ့ ကလေးပြုစုတဲ့နေရာမှာ ကိုယ်တိုင်အမှတ်မှားနေတဲ့ အယူအဆရောသူများပြောစကားတွေနားယောင်ပြီး လုပ်တတ်တဲ့ အယူအဆအမှားလေးတွေရောပြောချင်ပါတယ်...
💡Probiotics အထုပ်သေးသေးလေးတွေဟာ ဓာတ်ဆားနဲ့တူလား ❓
ဝမ်းလျှောနေချိန်WHO formula အတိုင်းထုတ်ထာဲ့ ဓာတ်ဆား ကို မတိုက်ဘဲ Probiotics အမှုန့်လေးတွေကို ဓာတ်ဆား ထင်ပြီးတိုက်တတ်ကြတယ်..
ဝမ်းလျှောတဲ့ကလေးမှာ အဓိက အကျဆုံး အသက်ကယ်ဆေး ဆိုလည်း မမှားတာက ဓာတ်ဆားပါ ..အရပ်ထဲ
ဓာတ်ဆား အငံ / BPI ဓာတ်ဆား ဆိုပြီး သိကြတယ် ..
အခုနောက်ပိုင်း အရသာလေးတွေထည့်ပြီး WHO စံချိန်စံညွှန်း အတိုင်း ဖော်စပ်ထားတဲ့ ဓာတ်ဆားတွေလည်း အများကြီးရှိနေပါပြီ
အထုပ်ကြီး တထုပ် ရေတလီတာ နဲ့ဖျော်ရတာရှိသလို အထုပ်သေးတထုပ် ရေ ၂၀၀ မီလီလီတာနဲ့ဖျော်ရတွေလည်းရှိပါတယ်.. ဒီလိုဓာတ်ဆားတွေကို မှန်မှန်ကန်ကန်ရွေးချယ်ပြီးဖျော်တိုက်မှ ကလေးရေဓာတ်ဆုံးရှုံးမှုကိုကာကွယ်နိုင်မှာပါ
Probiotics ဆိုတာကတော့ ဝမ်း အားဆေးသဘောမျိုးဖြစ်တဲ့အတွက် အထောက်အကူဖြစ်ပေမယ့် ရေဓာတ်ဆုံးရှုံးမှုကိုမကာကွယ်နိုင်ပါဘူး
💡မိခင်နို့စို့နေတဲ့ကလေးကဓာတ်ဆားမသောက်နိုင်လို့ ကလေးအစားမိခင်သောက်လိုက်ရင် ထိရောက်သလား ❓
မိခင်သောက်တာ မိခင်အတွက်ဘဲဖြစ်ပါတယ်
ရေဓာတ်ခန်းခြောက်နေချိန်နို့ကနေတဆင့် လုံလောက်တဲ့ အရေးကြီးတဲ့ဓာတ်ဆားဓာတ်ကို ရမှာမဟုတ်ပါဘူး
ဝမ်းလျှောနေတဲ့ကလေး ကို သူရဲ့အစာအိမ် အူလမ်းကြောင်းထဲ ပါးစပ်ကနေဓာတ်ဆား တိုက်ရိုက်ဝင်မှ အကျိုးအာနိသင်ရှိပါမယ်...
💡ဓာတ်ဆားသောက်ပြီးတိုင်း အောက်ကနေဝမ်းအရည်ဘဲသွားလို့ ဆက်မတိုက်လို့ရမလား ❓
လုံးဝ ( လုံးဝ ) မဟုတ်ပါဘူးနော်❌❌
တချို့မိဘတွေစိတ်ထဲမှာ ဓာတ်ဆားတိုက်လိုက်လို့ ဓာတ်ဆားရေတွေဝမ်းထဲပြန်ပါတယ်ထင်နေကြတာပါ
ကလေးက သူ့ဘာသူဝမ်းပျက်နေတဲ့အတွက်သွားစရာရှိတဲ့ဝမ်းတွေဟာ အဆက်မပြတ်သွားနေတာပါ
ဓာတ်ဆားကို တရားခံမရှာပါနဲ့ ..တိုက်တာရပ်လိုက်မှ အကြီးအကျယ်ဒုက္ခရောက်သွားမှာပါ
💡ကလေးဝမ်းလျှောတာ အမြန်သက်သာချင်လို့ ဝမ်းပိတ်ဆေးတိုက် လို့ရမလား ❓
ဝမ်းလျှောနေတဲ့ ကလေးတွေမှာ ဝမ်းပိတ်ဆေး မတိုက်ပါဘူး
မအီမသာဖြစ်ခြင်း အော့အန်ခြင်း အူလှုပ်ရှားမှုနည်းသွားပြီး အူပိတ်ခြင်း စတဲ့ဆိုးကျိုးသာ ပိုများနိုင်ပါတယ်
💡ပိုးသတ်ဆေး ကို ဝမ်းပိတ်ဆေး အနေနဲ့သုံးလို့ရလား ❓
တချို့မိဘတွေက ဝမ်းလျှောပြီဆိုတာနဲ့ ပိုးသတ်ဆေးတန်းတိုက်ထားကြတယ်
တချို့ကလည်း ပိုးသတ်ဆေးကိုဝမ်းပိတ်ဆေး ဆိုပြီး တိုက်ကြပြန်ရော..
ဝမ်းလျှောတဲ့ကလေး အများစုက ဗိုင်းရပ်စ်ပိုးတွေကြောင့် အဖြစ်များကြတော့ အများစုက ပိုးသတ်ဆေးမလိုဘဲ ပြန်ကောင်းကြပါတယ်..
မလိုအပ်ဘဲပိုးသတ်ဆေးပေးခြင်းကလည်း အူနံရံက အကျိုးပြုဘက်တီးရီးယားလေးတွေဒုက္ခပေးနိုင်တော့ ဝမ်းလျှောတာပိုဆိုးစေတတ်ပါတယ်..
တချို့သော ဘက်တီးရီးယားပိုးဝင်တဲ့ အခြေအနေမှာတော့ ပိုးသတ်ဆေး လိုကောင်းလိုနိုင်ပါတယ်..ဆရာဝန်နဲ့သေချာတိုင်ပင်ပြီး ဆရာဝန်ညွှန်ကြားမှ သောက်စေချင်ပါတယ်..
💡ကလေးက အစားလုံးဝမစားလို့ အချိုရည်တွေဘဲတိုက်လို့ရမလား❓
ဝမ်းလျှောနေတဲ့ကလေးတွေဟာ အူနံရံလေးတွေယောင်ယမ်း နာကျင်ကြတာမို့ ဗိုက်အောင့် ဗိုက်နာ မအီမသာဖြစ် အော့အန်ပြီး အစားမစားချင်ကြပါဘူး
ဒါ့အပြင် စားသမျှလေးဟာလည်း ပြန်ပြန် အန်တတ်တော့ မိဘတွေအတွက် စိတ်မောစရာပါ
🚫အချိုဓာတ်လွန်ကဲတဲ့ Ready made အချိုရည်တွေမတိုက်သင့်ပါဘူး
✅ကလေးအဟာရဖြစ်ဖို့ နို့စို့ကလေးဆိုရင် နို့များများတိုက်ပေးပါ
✅လတ်ဆတ်တဲ့သစ်သီးဖျော်ရည် လေးတိုက်လို့ရပါတယ်
✅အုန်းစိမ်းရည် ဆန်ပြုတ် စွပ်ပြုတ် ထမင်းရေ တိုက်ကြည့်ပါ
✅ထမင်းရေ ဟာ ဝမ်းလျှောတဲ့ကလေးအတွက် အကျိုးရှိတယ်ဆိုတာ လေ့လာတွေ့ရှိချက်တွေလည်းရှိပါတယ်
ချစ်တဲ့ကလေးတွေကျန်းမာကြပါစေ ♥️
ကလေးချစ်တဲ့ ကလေးဒေါက်တာ 👶
#ချင်းတယ်လီကျန်းမာ
