တားေရာ့ ေမးမယ္

25/06/2024

ဟိုးရှေးရှေးတုန်းကပေါ့
အိန္ဒိယ နိုင်ငံရဲ့ နယ်လေးတစ်နယ်မှာ
လယ်နီးနားချင်း လယ်သမား ငါးယောက် ရှိတယ်။
တနေ့တော့ သူတို့ငါးယောက် လယ်ထွန်နေကြတုန်း
ရုတ်တရက် မိုးတွေအုံ့လာပြီးတော့
လေရောမိုးပါ ခပ်ကြမ်းကြမ်း ရွာချပါလေရော။

မိုးကလည်း သည်းကြီးမဲကြီးရွာ လေပြင်းတွေကလည်းတိုက်
လျှပ်စီးတွေလည်း တအုံးအုံး တဂျိန်းဂျိန်းနဲ့ဆိုတော့
လယ်သမား ငါးယောက်စလုံးဟာ အနီးအနားက
သစ်ပင်ကြီး တစ်ပင်ရဲ့အောက်ထဲ ပြေးသွားပြီး မိုးခိုကြတယ်။

အဲဒီလို မိုးခိုနေကြတုန်း ထူးဆန်းတဲ့
ဖြစ်ရပ်တစ်ခု ဖြစ်နေတာကို
လယ်သမား ငါးယောက်စလုံးက
သတိထားမိလိုက်ကြတယ်။
အဲဒါက ဘာလဲဆိုတော့ လျှပ်စီးတွေဟာ
သစ်ပင်ကြီးကို မိုးကြိုးပစ်တော့မယ့် ပုံစံနဲ့
ခဏတိုင်း အနီးကပ် လျှပ်စီးလျှက်နေတာပါ။

ဒီလိုဖြစ်နေတာဟာ သစ်ပင်ကြီးရဲ့အောက်မှာ
ရှိနေတဲ့ လူတွေကို မိုးကြိုးပစ်တော့မယ်ဆိုတာ
လယ်သမားတွေက အလိုလို သဘောပေါက်လိုက်ကြတယ်။

ဒါကြောင့် စိုးရိမ်စိတ်တွေနဲ့ ကြောက်လန့်
အော်ဟစ်ပြီးတော့ ငိုတဲ့သူငို ဘုရားစာရွတ်တဲ့လူက
ဘုရားစာရွတ်နဲ့ ဆူညံနေကြတာပေါ့ ။

အဲဒီအချိန်သူတို့ ငါးယောက်ထဲမှာ
အသက်လည်းကြီးပြီး ဝါအရရော
သမ္ဘာအရရော အတွေ့အကြုံအရပါ
အားလုံးထက်မြင့်တဲ့ လယ်သမားတစ်ယောက်က
ဒီအဖြစ်အပျက်ကို သေချာစဉ်းစားကြည့်လိုက်တယ်။

ဒီမိုးကြိုးဟာ သစ်ပင်ကြီးကို ပစ်ချင်နေရင်လည်း
ပစ်ပြီးလောက်ပြီ။ လူတွေကို ပစ်ချင်ရင်လည်း
ပစ်ပြီးလောက်ပြီ။ ဘာဖြစ်လို့ အခုထိ
မပစ်နိုင်ဘဲ ခဏတိုင်း ဒီသစ်ပင်နားကို
လျှပ်စီးလက်နေရတာလဲ။

ငါတို့ ငါးယောက်ထဲက တစ်ယောက်ယောက်ကိုများ
ရွေးပြီး ပစ်ချင်နေတာများလား။
အကုသိုလ်ကောင် တစ်ကောင်ကောင်တော့
ငါတို့ထဲမှာပါနေပြီ။ တော်ကြာ အဲဒီကောင်ကို
ပစ်ချလိုက်ရင် မဆိုင်တဲ့ လေးယောက်ပါ
ရောပြီး သေရလိမ့်မယ်။

မဖြစ်ဘူး မဖြစ်ဘူး ဒီအတိုင်းနေနေလို့တော့
မဖြစ်ဘူး ။အကုသိုလ်ကောင်ကို
အမြန်ရှင်းထုတ်မှ ရတော့မယ်ဆိုပြီး
လယ်သမားကြီးက ကျန်တဲ့လေးယောက်ကို
အခုလို ပြောပါတယ်။

ကဲ မိတ်ဆွေတို့ ငါတို့ ငါးယောက်ထဲမှာ
တစ်ယောက်ယောက်ကိုတော့ မိုးကြိုး
ပစ်တော့မယ်ဆိုတာ သေချာနေပြီ။
ငါတို့ ငါးယောက်လုံး ဒီလိုအတူတူ
ရှိနေမယ်ဆိုရင် ငါးယောက်လုံး သေသွားနိုင်တယ်။
အဲဒီတော့ အလှည့်ကျ အနေနဲ့ တစ်ယောက်ချင်း
ဒီသစ်ပင်ကနေ ဟိုး အရှေ့မှာ မြင်နေရတဲ့
သစ်ပင်ငယ်လေး ရှိတဲ့အထိ ပြေးသွားရမယ်။
မိုးကြိုး ပစ်ခံရမယ့်လူ ဖြစ်နေခဲ့ရင်တော့
ပြေးနေရင်း လမ်းခုလပ်မှာပဲ မိုးကြိုးထိမှန်မယ်။

အေး မိုးကြိုး အပစ်မခံရဘူးဆိုရင်တော့
ငါတို့ရှိတဲ့ ဒီသစ်ပင်ကြီးရဲ့အောက်ကို ပြန်လာပေါ့။
ကဲ ဘယ့်နဲ့လဲဟေ့ အားလုံး သဘောတူကြရဲ့လား
ဆိုတော့ ငါးယောက်လုံးက သဘောတူကြတယ်။

ပထမဆုံးအနေနဲ့ အသက်အကြီးဆုံးဖြစ်တဲ့
လယ်သမားကြီးက စပြီးတော့ ထွက်ပြေးတယ်။
သစ်ပင်ငယ်နားရောက်ပြီး မိုးကြိုး အပစ်မခံရတော့
အရမ်းဝမ်းသာသွားတာပေါ့။
ဟေး မိုးကြိုးက ငါ့ကို ပစ်ချင်တာ မဟုတ်ဘူး
ငါ သူတို့ဆီကို ပြန်သွားလို့ရပြီ ဆိုပြီးတော့
သစ်ပင်ကြီးရှိတဲ့ဆီကို ပြန်ပြေးလာတယ်။

နောက်တစ်ယောက် အလှည့်အနေနဲ့
ဒုတိယလူက ထွက်ပြေးတယ်။
ဒုတိယလူလည်း ပထမလူလိုပဲ မိုးကြိုး
အပစ်မခံရဘဲ ပြန်လှည့်လာနိုင်ခဲ့တယ်။
ဒီလိုနဲ့ တတိယလူလည်း ထိုနည်း၄င်း
ဘာမှမဖြစ်သွားဘူး။ စတုတ္ထလူလည်း
သူတို့လိုပဲ ဘာမှမဖြစ်ဘဲ ပြန်လာနိုင်ခဲ့တော့
နောက်ဆုံးကျန်တဲ့ လူတစ်ယောက်ပဲ
မိုးကြိုး အပစ်ခံရမယ့်လူဆိုတာ သေချာပြီပေါ့။

အဲဒီတော့ နောက်ဆုံးလူက အင်မတန်
အကြောက်လွန်ပြီး သစ်ပင်ကြီးကနေ
ထွက်ပြေးဖို့ မလုပ်ရဲတော့ဘူး။
ငိုယိုပြီး အားလုံးကို တောင်းပန်ပါတယ်။
ကျွန်တော် မသွားရဲဘူး
ကျွန်တော့်ကို မိုးကြိုးပစ်တော့မယ်
ကျွန်တော့်ကို ကယ်ကြပါဆိုပြီး ငိုငိုယိုယိုနဲ့
သစ်ပင်ကြီးကို ဖက်တွယ်ပြီး ထွက်ပြေးဖို့ ငြင်းဆန်နေတယ်။

လျှပ်စီးလျှက်တာကလည်း သစ်ပင်ကြီးရဲ့
အနားနား ဆက်တိုက်ဆက်တိုက် နီးနီးကပ်ကပ်နဲ
့ ပိုပိုပြီးတော့ မြန်သထက်မြန်လာတော့ အားလုံးရဲ့
စိုးရိမ်စိတ်တွေက မြင့်တက်လာကြပါတယ်။
ဒါကြောင့်ငါတို့တွေ ဒီအတိုင်း အချိန်ဆွဲနေလို့
မရတော့ဘူး အားလုံး သေကုန်လိမ့်မယ်
ဒီအကုသိုလ်ကောင်ကြီးကို
မြန်မြန်ထုတ်မှရတော့မယ် မဟုတ်ရင်
အားလုံးသေရလိမ့်မယ်။

ဒီကောင့်ကို ဆွဲထုတ်ကြရအောင်ဆိုပြီး
ဆွဲထုတ်ဖို့ ဆုံးဖြတ်လိုက်ကြတယ်။
လူလေးယောက်အားနဲ့ ဆွဲထုတ်ဖို့
ကြိုးစားလာကြတော့ တစ်ယောက်ထဲအားက
ဘယ်ခံနိုင်ပါ့မလဲ။

နောက်ဆုံးတော့ ကဲ မတတ်နိုင်တော့ဘူး
သေရင်လည်း သေပါစေတော့
ငါ ထွက်ပြေးပါတော့မယ်ဆိုပြီး ပြေးပါတော့တယ်။

သူလည်းထွက်ပြေးပြီး လမ်းတစ်ဝက်လောက်လည်း
ရောက်ရော အုံးခနဲ ဂျိန်းခနဲ မိုးကြိုးပစ်ချပါတော့တယ်။
ထူးဆန်းတာက မိုးကြိုးဟာ နောက်ဆုံး
ထွက်ပြေးနေတဲ့လူကို ပစ်တာမဟုတ်ဘဲ
သစ်ပင်ကြီးရဲ့အောက်မှာ ကျန်ခဲ့တဲ့
လူလေးယောက်လုံးကို ပစ်ချလိုက်တာဖြစ်တယ်။

ဒါကြောင့် လေးယောက်လုံး တစ်ပြိုင်တည်း
သေကုန်ကြတယ်။ သေရမယ့်ကံက
နောက်ဆုံးလူမှာ မပါဘူး။
စဉ်းစားကြည့်ရင် အားလုံးက နောက်ဆုံးလူပဲ
သေရမယ် ထင်နေကြတာ။
တကယ်တော့ နောက်ဆုံးလူက သူတို့ကို
ကယ်နေတာ ဖြစ်နေတယ်။

နောက်ဆုံးလူက သူတို့နဲ့ အတူတကွရှိနေလို့သာ
သူတို့တွေကို မိုးကြိုးက မပစ်ခဲ့တာ။
နောက်ဆုံးလူကသာ ကံအထူးဆုံးလူ
ဖြစ်နေခဲ့တာ။ သူ့ကံအရှိန်နဲ့ ကျန်တဲ့
လေးယောက်က သေဘေးကနေ လွတ်နေခဲ့တာ။

ဒါကိုဖတ်ခြင်းအားဖြင့် တစ်ခါတစ်လေ ကိုယ်ကြောင့်လို့ထင်ပေမယ့် တစ်ဦးတစ်ယောက်ကြောင့် ကောင်းနေတက်တယ်ဆိုတာမမေ့ပါနဲ့
Card original

22/06/2024

No photo description available.
We love Aung Min Kung
Snotresdpoa
J
0604698l26
a
ti776
y
t9
r
19ll

c
a
887m1u
n
3
7
u
1mhf
1
t4885g
·
" ဘုန်းဘုရားကြီးဘိုးပေါက်ဆိန် "

ပထမံထွက်ရပ်ပေါက် ပုဂ္ဂိုလ်ကြီးများအကြောင်းကိုရေးသားကြရာတွင်အဆိုပါပုဂ္ဂိုလ်ကြီများ၏ မိဘမျိုးရိုး|မိဘအမည်| မွေးဖွားရာဇာတိ| မွေးဖွားသည့်ခုနှစ်သက္ကရာဇ်တို့ကို ဖော်ပြလေ့ရှိကြသော ဘုန်းဘုရားကြီးဘိုးပေါက်ဆိန်အကြောင်းကို ရေးသားဖေါ်ပြကြရာတွင်အထက်ပါအထက်ပါအကြောင်းအရာများကို ဖော်ပြနိုင်စွမ်းမရှိကြပေ။

ဘုန်းဘုရားကြီး ဘိုးပေါက်စိန် (ခေါ်) ဦးဝိဇ္ဇာဓရ၏ပေါက်စေတီတော်တွင် အပတ်စဉ် တနင်္ဂနွေနေ့ နံနက်တိုင်း ” အောင်ပွင့်ပူဇော်ပွဲ ” (ခေါ်) ပန်းပွင့်ရေချမ်းအမွှေးတိုင်နှင့် ကန်တော့ပွဲများကို နိစ္စဘတ်ဝတ်တခုအဖြစ် သတ်မှတ်ကာကြီးမှူ းဆောင်ရွက်နေသူ အဘဆရာကြီးဦးလှရွှေ (တောင်ဥက္ကလာပ) သည်လည်း ဘုန်းဘုရားကြီး၏ မိခင်| ဖခင်နှင့် မွေးရပ်ဇာတိတို့ကို အများနည်းတူ သိလိုစိတ်ပြင်းပြသော တကြိမ်တွင် ဘုန်းဘုရားကြီးမေးလျှောက်ရာ ဘုန်းဘုရားကြီးက

” ဟေ့…ငတိတွေ | ငတတွေ ငါ့အသက်ကိုသိတော့မင်းတို့ ဝိဇ္ဇာဖြစ်မလား | ဘာဖြစ်မှာတုန်းကွ ငါ့မိဘနာ မည်သိတော့ရော ဘာဖြစ်ကြမှာလဲ | ဆင်ကြီးကိုတွေ့နေတာ ဘာလိုဆင်ခြေရာ ထပ်ရှာချင်ကြတာလဲကွ
ဘာထူးမှာမို့လဲ…အလကား ငတိတွေ | ငတတွေဘုရားရဲ့ ခမည်းတော်မယ်တော်နာမည်တွေ| ဘုရားရဲ့ သက်တော်တွေ သိရုံမျှနဲ့ မင်းတို့နိဗ္ဗာန်ရမလား| ရဟန္တာဖြစ်မလားကွ | ဟေ့… ပြောစမ်း ဘုရားဟောတဲ့ တရားကျင့်မှ တရားထူးရပြီး နိဗ္ဗာန်ရောက်မှာ ရဟန္တာဖြစ်မှာအလကား အပိုမဆလာတွေ လာမေးနေတာ သွား…သွား…သွား… ”ဆိုပြီး နှင်ထုတ်ခြင်းခံရဖူးသည်ဟု မှတ်သားမိခဲ့လေ သည်။

ဘုန်းဘုရားကြီးက တခါတရံတွင်သူ့စကားထဲတွင်ဘုရင့်နှောင်တို့ အလောင်းဘုရားတို့| သီပေါမင်းလက်ထက်က ဖြစ်ပျက်ခဲ့တဲ့ အကြောင်းလေးတွေ တခါတခါစိတ်ကူးရလျှင် ပြောပြတတ်ကြောင်း| တခါတခါ

” မောင်ရွှေအောင် ကြီးလဲမတွေ့တာကြာပြီ |သူ့ဘုရားမှာ ရွှေထီးကလည်း ရွှေရောင်မရှိတော့ဘူး မဲနေပြီ |ထီးတင်ရမယ် ”ပြောသဖြင့် “ဘယ်သူကိုပြောတာပါလဲ ဘုရား ” ဟုမေးလျှောက်သောအခါ”

ဟ…… ဘိုးဘိုးအောင်ကို ပြောတာပေါ့ | သူ့ရဲ့ ပထမစခန်း တောင်တွင်းကြီးက ဗိဿ နိုးမြို့ဟောင်းကရွှေရောင်တော် ဘုရားကိုပြောတာပေါ့ ” ဟုပြန်လည်ပြောပြခဲ့သည်။

ထို့ကြောင့် ဘိုဦးဝိုင်းလက်ထက်က အထူးထင်ရှားခဲ့သော ပထမံဘိုးဘိုးအောင်ကို ဘုန်းဘုရားကြီးက မောင်ရွှေအောင်ဟု ခေါ်ခဲ့သည်။ တခါတရံ အဘဘိုးမင်းခေါင် အကြောင်းပြောလျှင်လည်းမောင်မငိးခေါင်ကြီးဟု သုံးနှုန်းခေါ်ဆိုခဲသည်။ဘုန်းဘုရားကြီးသည် ပထမံဘိုးဘိုးအောင်| အဘဘိုးမင်းခေါင်တို့ထက် အသက်ပို၍ ကြီးရမည် တွေးထင်မြင်မိသည်။
တခါတရံ စိတ်သိပ်မဆိုးသော အခါမျိုး သူ့တပည့်ဦးပဉ္ဇင်းများက ထိုအကြောင်းကိုမေးလျှောက်လျှင်လည်းမောင်းတော့ မထုတ်။

” ဒါတွေသိလဲ အပိုပါဘဲကွာ…ဘာမှထူးမလာဘူးဟေ့…အချိန်ရှိတုန်း သိသင့်တာတွေသိအောင်လုပ် |ဖြစ်သင့်တာတွေ ဖြစ်အောင်လုပ်| မိမိကို အကျိုးရှိမယ့် ဟာကို သိတာကောင်းတယ် | ဘာအကျိုးမှမဖြစ်တာကိုသိတော့လဲ ဘာမှမဖြစ်လာနိုင်ဘူးကွ မှတ်ထားလောကမှာ ဗုဒ္ဓထက် ကြီးကျယ်မြင့်မြတ်တဲ့ ပုဂ္ဂိုလ်ထူးမရှိဘူး | ဝိဇ္ဇာစကားပြိတ္တာ နားမလည်ဆိုတာမျိုး မဖြစ်စေနဲ့ | အသိတလုံး အခက်ဆုံးတဲ့ အူကလာမှ အာဂလူတဲ့ | အူကလာတဲ့ ဆန္ဒအရေးကြီးတယ် | ဒါမှ အာဂလူဖြစ်မယ်။ ဒါကြောင့် အသိရှိဖို့က အဓိကဘဲ အပိုတွေအကျိုးမရှိတာတွေ မလုပ်နဲ့ | မကြံနဲ့ | မပြောနဲ့ ”ဟုသာ ဆုံးမစကားပြောကြားလိုက်သည်။

ဆရာတော်ဘုန်းဘုရားကြီး၏ စကားများသည်ကား အလွန်မှန်ကန် သောစကား | လိုက်နာကျင့်သုံးသင့်သောသြဝါဒစကား သာဖြစ်ကြောင်း တပည့်များအားလုံးကသဘောပေါက် နားလည်ကြလေသည်။

အချို့သော ပုဂ္ဂိုလ်ထူးများက ဘုန်းဘုရားကြီးဘိုးပေါက်စိန် မျက်မှန်အနက်တပ်ထားခြင်းမှာ ..သူ့မျက်လုံးများကို သူများမြင်မှာ စိုးသောကြောင့် ဖြစ်သည်ဟုပြောဆိုကြသည်။ ဘုန်းဘုရားကြီး၏ မျက်လုံးမှာ တဖက်ကကျဉ်းကျဉ်းသေးသေး | နောက်တဖက်က ပြူ းပြူ းကြီး |ဒါကြောင့်လည်း ဘုန်းဘုရားကို ပုဂံပြည်တွင်ထွက်ရပ်စခန်းအောင်ခဲ့သော အရှင်အဇ္ဇဂေါဏမထေရ်ဟုတချို့ကပြောဆိုခဲ့ကြသေးသည်။ မဖြစ်နိုင်ဟုလည်း မဆိုနိုင်ပေ။
ဘုန်းဘုရားကြီးဦးဝိဇ္ဇာဓရ၏ တပည့်ဖြစ်သူ ဦးစိတ္တာဘိဝံသ၏ ပြောကြားချက်မှာလည်း ထူးခြားဆန်းကြယ်ကောင်းလှသည်။”

" တခါက ကရင်ပြည်နယ် ဘားအံ့ဘက်က ဒကာ ဒကာမတွေ ကျုပ်ကျောင်းကို ရောက်လာကြတယ် |ဒကာမကြီးတယောက်က ဘုန်းဘုရားကြီးရုပ်ပုံတော်ကိုကြည့်ပြီး”

အရှင်ဘုရားနဲ့ ကွဲသွားတာကြာပြီ| အခုမှဖူးတွေ့ရတယ် ဆရာတော်ရဲ့ ” ဆိုပြီးဖက်၍ငိုခဲ့ကြောင်းမိန့်ကြား သည်။

ထို ဒကာမကြီး၏ အသက်ကား(၈၀) ကျော်ပြီဖြစ်ကြောင်းသိရ၏။ ဆရာတော်ကြီး၏သက်တော်ကိုမှန်း ၍ ကြည့်နိုင်လေသည်။ ထိုဒကာမကြီးက ဘုန်းဘုရားကြီးသည် ဘားအံဇာတိဟု ပြောခဲ့သည်။ သို့သော်လည်း ရွှေဟင်္သာဘန်ကောက်လုံချည်စက်သူဌေး ဦးဘသန်းကမူ ဘုန်းဘုရားကြီးသည် ရှမ်းလူမျိုးဖြစ်သည် | ရှမ်းဇာတိဖြစ်သည်ဟု ပြောခဲ့သလို | မြောင်းမြက ဒကာတွေကလည်း မြောင်းမြဇာတိဖြစ်သည်

| မုံရွာ
မြို့ က ဒကာတွေကလည်း မုံရွာဇာတိဖြစ်သည်| မုံရွာမှာပဲ ပျံလွန်တော်မူခဲ့သဖြင့် သူတို့ကိုယ်တိုင် မီးသဂြိုလ်ခဲ့ရသေးသည်ဟု ဆိုကြပြန်သည်။

” ဝိဇ္ဇာမှာလိပ်စာမရှိဘူး”ဆိုသောစကားသည်ကား သွေးထွက်အောင်မှန်ခဲ့လေ သည်။
ဒုတိယကမ္ဘာစစ်ကြီးအတွင်းကဖြစ်သည့် စာရေးသူ၏ ဖခင်မိတ်ဆွေတယောက်သည် ဟင်္သာတမြို့ ဥယျာဉ်ကြီးရပ်ကွက်တွင် နေထိုင်ခဲ့သည်။ ထိုအချိန်က ဘုန်းဘုရားကြီး ဘိုးပေါက်ဆိန်သည်လည်းထိုရပ်ကွက်တွင်ရောက်ရှိနေထိုင်သော အချိန်ုဖြစ်သည်။
ဘုန်းဘုရားကြီးထံ လာရောက်ဖူးမြော်ကြသော ရန်ကုန်မှ မိတ်ဆွေများသည်သူ၏နေအိမ်တွင်တည်းခိုကြသည်။ဘုန်းဘုရားကြီးထံသို့ သူကလိုက်ပို့ပေးရသည်။
ထိုစဉ်က ဘုန်းဘုရားကြီးသည် အဓိဋ္ဌာန်တခုပြီးမြောက်အောင်မြင်အောင် ကျင့်ကြံအားထုတ်ပြီးမြောက်လာခဲ့ဟန်တူသည်။

အာဟာရ မပြည့်စုံခဲ့ခြင်းကြောင့် ကျန်းမာရေးမကောင်း | အသားအရည် ခြောက်ခမ်းနေပြီး| ဆံပင်ကလည်း လက်နှစ်သစ်ခန့် ရှည်နေသည်။ခါးဝတ်သင်္ကန်းမှာလည်း ဘိုသီဘတ်သီနှင်ု့ဖြစ်သောကြောင့်အဖေ့မိတ်ဆွေကစလေဆရာကြီးဦးပုည၏မေတ္တာထဲမှ_
ရှေးအတီကေပုဂံပြည်တွင်ဆံကေသာလက်လေးသစ်မဲညစ်တဲ့ စီဝရံ တာတေလံ အကျင့်ဆိုးရှင်သိုးတကာ့ ခေါင်းကြီး ရှင်မထီးတို့ ဟူသောစာပိုဒ် ကိုပင်သတိရခဲ့သေးသည်ဟု ဆိုခဲ့သည်။

ဝိဇ္ဇာေ့ရှကို ရောက်နေသော်လည်း ဝိဇ္ဇာမှန်း မသိခဲ့ဖြစ်ခဲ့ရလေသည်။
ဝိဇ္ဇာကလည်းမိမိသည် ဝိဇ္ဇာဖြစ်သည်ဟုဘယ်သောအခါမှ ပြောဆိုလိမ့်မည်မဟုတ်ချေ။
ဘုရားရှင်လက်ထက်တွင်လည်း ရဟန္တာဖြစ်သောရှင်မဟာကဿ ပ ကိုယ်တော်ကြီး၏ အလုပ်အကျွေးဖြစ်သော ရဟန်းတပါး မိမိ၏ ဥပဇ္ဇာယ်ဆရာတော် အရှင်မ ဟာကဿ ပ အချိန်ကြာမြင့်စွာ နေထိုင်ခဲု့ပြီးဖြစ်သောလာ်း မိမိ၏ ဆရာသည် ရဟန္တာဖြစ်သည်ကို မသိရှာခဲ့ပေ။
ရဟန္တာဖြစ်သောရဟန်းတို့က မိမိသည်စျာန်မဂ်ဖိုလ်ရနေပြီး ရဟန္တာဖြစ်နေုပြီဟု ပြောကြိားမိန့် ဆိုခဲ့လျှင်” ပါစိတ် အာပတ်”သင့်သည်ဖြစ်သောကြောင့် ပြောဆို၍မရပေ။

တနေ့တွင် ထိုရဟန်းသည်ဆရာအရှင်နှင့်အတူဆွမ်းခံအတူ လိုက်ပါလာခဲ့သည်။ လမ်းခရီးတနေရာတွင် ထိုရဟန်းက အရှင်မဟာကဿ ပမထေရ်ကြီးအား_

” အရှင်ဘုရား လောက၌ ရဟန္တာ ရဟန္တာဟူ၍ တပည့်တော်ဖြင့် ကြားသာကြားဖူးပါသည်။ ရဟန္တာကို တကြိမ်မှ မမြင်ဖူးပါဘုရား ”

ဟုလျှောက်ထားသောအခါ မထေရ်ကြီးက

” ငါ့အရှင် ယခုအခါ သပိတ်|ပရိက္ခရာကို ယူဆောင်ရဟန္တာနောင်က လိုက်နေရလျက်ပင် ထိုသူသည်ရဟန္တာ ရဟန္တာမှန်းမသိ ရှာပေ ” ဟု

သွယ်ဝိုက်၍ ဆင်ဝှေ့ရန်ရှောင် ပြောဆိုခဲ့ရလေသည်။

ထိုအတူ ကျွန်ုပ်တို့သည်လည်း ဝိဇ္ဇာေ့ရှရောက်နေသော်လည်း ဝိဇ္ဇာမှန်းမသိ ဖြစ်ခဲ့ရလေသည်။
ဘုန်းဘုရားကြီးသည် ဟင်္သာတမြို့မှ တဖန်သူ၏ ဆရာဖြစ်သော မရမ်းကျေးရွာ သို့ ကြွသွားခဲ့သည်။ ယခင်မရမ်းကျေးရွာတွင် သီတင်းသုံးနေထိုင်ခဲ့စဉ်ကလည်းထူးခြားသော ဖြစ်စဉ်များကြုံတွေခဲ့ရသည်။ ထိုအချိန်ကဘုန်းဘုရားကြီးဖြစ်သလို နေထိုင်ပြီးတရားကိုသာ ဂရုစိုက် ကျင့်ကြံနေသဖြင့် တချို့က ဘုန်းကြီးရဟန်းဟုပင်မထင်ဘဲ ပြစိမှားစော်ကားခြင်းများ ရှိကြသည်။
ထိုအချိန်က ဧရာဝတီတိုင်း ဟင်္သာတဝန်းကျင်တွင်မသမာသူတွေ အကြမ်းဖက်သောင်းကျန်းသူတွေ အနည်းအကျဉ်းရှိနေသည်။

တနေ့တွင် မသမာသူလူတစုသည် တောထဲတွင်တရားကျင့်နေသော ဘုန်းဘုရားကြီးကို ရဟန်းသံဃာဟုမထင်ဘဲ သူတို့ အကြောင်းကိုစုံစမ်းထောက်လှမ်းနေသူဟု သံသယဖြစ်ပြီး စစ်ဆေးရာ တွင် နှိပ်စက်ရိုက်ပုတ်ရုံမျှမက ပေါက်ဆိန်ကြီးနှင့်ပင်ဘုန်းဘုရားကို ရက်ရက်စက်စက်ပေါက်သည်။

သိုရာတွင် ဘုန်းဘုရားမှာ ဘာမှမဖြစ်| ဖြုံတောင်မဖြုံဘဲ

” ထပ်လုပ်ကွာ | လုပ်စမ်းကွာ ”

ဟု ပြောသဖြင့် လက်နက်ကိုင်ထားသော လူများထဲမှမိုက်ကန်းကန်း လူတဦးက သေနတ်ဖြင့်ပစ်သည်။ ကျည်ဆန်ကမထွက်| ဘေးဘက်ကိုလွှဲ၍ပစ်ကြည့်တော့ကျည်ဆန်ထွက်သည်။ ဘုန်းဘုရားကြီးကို ချိန်၍ထပ်ပစ်သည်။ ကျည်ဆန်ကထွက်မလာ ။
အဲဒီအခါ ဘုန်းဘုရားကြီးက

” ဟေ့လူတွေ လုပ်ကြလေကွာ… မင်းတို့အလှည့်ပြီးပြီလားကွ| ကဲ…မင်းတို့အလှည့်ပြီးရင် ငါ့အလှည့်ကွ ”
ဟုပြောဆိုပြီး ပုဆိန်ကို ထဆွဲပြီး ထိုလူရမ်းကားတို့ကိုလိုက်ပေါက်လေတော့သည်။ လက်နက်ကိုင်လူတစုလည်း ကြောက်ကြောက်လန့်လန့်နှင့် ခြေဦးတည်ရာထွက်ပြေးကြလေတော့သည်။

ထိုကြောင့် ” ပေါက်ဆိန်ကိုယ်တော် “| ” ဘိုးပေါက်ဆိန်ဆရာတော် ” | ” ဘုန်းဘုရားကြီး ဘိုးပေါက်ဆိန် ” ဟု အများက ခေါ်ဆိုခဲ့ကြသည်ဟု ဆိုကြသည်။

ဘုန်းဘုရားကြီး၏ တပည့်များကမူ ဘုန်းဘုရားကြီးသည် အလွန်ထက်မြက် ထူးခြားလှသော ပါရမီရှင် သာသနာပြုပုဂ္ဂိုလ်ကြီးဖြစ်သည်။
ထိုကြောင့် ” သူရဲ့ ထူးချွန်ထက်မြက်တဲ့ ဥာဏ်ပညာကိုအလွန်ထက်မြက်လှတဲ” ပေါက်ဆိန် ” လို့ တင်စားထိုက်သလို စကားပြောရာမှာလည်း တပည့် ဒကာ ဒကာမတွေရဲ့ အလိုကို မလိုက်ဘဲ ပြောစရာရှိပြီဆိုရင် မညှာမတာ ရက်ရက်စက်စက်ပေါက်ဆိန်နဲ့ ပေါက်သလို ပြောတတ်လို့ ဘုန်းကြီးဦးပေါက်ဆိန် | ဘိုးပေါက်ဆိန်ဟု ခေါ်ကြကြောင်းပြောကြသည်။
ဘုန်းဘုရားကြီး၏ အမှတ်တဆိပ်သည်လည်း” ပေါက်ဆိန် နှစ်လက် ” ပင်ဖြစ်သည်။

ဦးဝိဇ္ဇာဓရ(ခေါ်)ဘုန်းဘုရားကြီး ဘိုးပေါက်ဆိန်ကား အခြားပေါက်ဆိန်များနှင့် လုံးဝမတူညီသော ” မေတ္တာပေါက်ဆိန် ” ပင်ဖြစ်လေသည်။ မေတ္တာဟူသည် အေးမြကြည်လင်၏။ မွှေးပျံ့သင်းကြိုင်ရနံ့လှိုင်၏။ မေတ္တာဖြန်းမှ လန်းဆန်းကြရသည် မဟုတ်ပါလော။
မေတ္တာသည် ” နေရုရွှေတောင်တွင် အဘယ်ကဲ့သို့သော သတ္တဝါ| အရာဝတ္တုမဆို ရွှေရောင်ကူးကာ ဝင်းဝငိးပြောင်နေသည့် ပူပြင်းတောက်လောင်နေသော သောက| ဒုက္ခတို့သည် ဘုန်းဘုရား၏မေတ္တရေသီတာတွင် အေးမြချမ်းသာ သုခအသွင်သို့ပြောင်းလဲတည့်ကြသည်သာ ဖြစ်လေသည်။
ဘုန်းဘုရားကြီး၏ ပေါက်စေတီကျောင်းတိုက်ကြီးနှင့်ပေါက်စေတီတော်မြတ်၏တာဝန်များကိုအမြဲထမ်းဆောင်နေသော ဆရာကြီး ဦးစိုးမြင့်ကလည်း သူ၏ကိုယ်တွေ့ဖြစ်သော ဟင်္သာတမြို့အနီးက မရမ်းရွာတွင်ဘုန်းဘုရားကြီး သီတင်းသုံးနေစဉ် ကာလက တွေ့ကြုံခဲ့ရသောအလွန် ထူးဆန်းသည့် အဖြစ်ပျက်ကလေးတခုကို ပြောကြားခဲ့သည်။

၁၃၀၁ ခုနှစ် ဝန်းကျင်ခန့် တနေ့တွင် ဘုန်းဘုရား သည် ဧကရီသင်္ကန်းထောင့်တဖက်တွင် အိုးခြမ်းပဲ့တထုပ်ကိုထုပ်ထားပြီး အခြားတဖက်တွင် ကျောက်စရစ်များကို တထုပ်ထုပ်ပြီး ထိုသင်္ကန်းကို ပုခုံးပေါ်တင်ကာရေကာတာကြီးပေါ်တွင်ခေါက်တုန့်ခေါက်ပြန်လျှောက်နေ သည်။
ထိုကဲ့သို့ သွားနေစဉ် ဓနုဖြူ မြို့အနီးညောင်ချောင်းရွာ တာကြီးနံံဘေးတွင် အသုဘတလားစင်တခုကိုတွေ့ သဖြင့် ထိုအသုဘအိမ်သို့ ကြွသွားပြီး မေးမြန်းရာ ထို အိမ်မှ မိန်းကလေးသည် ပိုးထိ (မြွေကိုက်) ၍သေဆုံးသွားသဖြင့် သဂြိုလ်ရန် အလောင်းပြင်ထားကြောင်းပြောသည်။ ထိုအခါ ဘုန်းဘုရားက

” ဟာ…… ဒီကလေးမလေး မသေပါဘူး| ဘာလို့ ဒီလိုပြင်ထားရတာလဲ| အကုန်ဖျက်ပစ်ကြ| ကလေးမကို အိမ်ပေါ်ပြန်တင်ပြီး အိပ်ယာထဲပြန်ချထားလိုက် ”

ဟု စေခိုင်းရာ အိမ်သားများနှင့် ရွာသားများသည်မယုံသော်လည်း ဘုန်းကြီးအမိန့်ကို မလွန်ဆန်ရဲသဖြင့် အလောင်းကို အိမ်ပေါ်ပြန်တင်ပေးလိုက်သည်။
ဘုန်းဘုရားက နွားနို့နှင့်ကြေးဖလားတခုရအောင် ရှာခိုင်းပြီး ရရှိသောအခါ ကြေးဖလားထဲသို့ နွားနို့များထည့် ကာ ကလေးမလေး၏ အနီးမှာ ချထားလိုက်သည်။ ထိုနောက်ခေါင်းရင်းတည့်တည့်မှ ထိုင်ပြီးခန္ဓပရိတ်ရွက်|ဂါထာတွေရွက်ပြီး ကြေးဖလားကို အသံမြည်အောင်ခေါက်နေသည်။
မကြာလှသော အချိန်တွင် မြွေကြီးတကောင်သည်ဒေါသတကြီးဖြင့် တရှုးရှုးအသံပေးကာ အိမ်ပေါ်သို့တက်လာသည်။ အိမ်ပေါ်ရှိအချို့ရွာသားများမှာ ကြောက်လန့်၍ဆင်းပြေးကြသည်။ ဘုန်းဘုရားကြီးက မြွေကြီးကို_

” ဟေ့ကောင်…မင်းမဟုတ်ဘူး | မင်းနဲ့မဆိုင်ဘူး…သွား…ဝေး ဝေး သွား |ထွက်သွားစမ်း… ”

နှင်လွှတ်ရာ မြွေကြီးသည် စကားကိုနားလည်သကဲ့သို့အိမ်အောက်သို့ ပြန်ဆင်းသွားလေသည်။

ဘုန်းဘုရားသည် ကြေးဖလားကို ပရိတ်ရွတ်မပျက်ဘဲ ဆက်၍ခေါက်နေသည်။ ခဏကြာသော် မြွေပွေးကြီးတကောင်သည် လေးတိလေးကန်တအိအိနှင့်တက်လာ သည်။ ထိုအခါကျမှ မြွေပွေးကြီးကို

” ဟေ့ကောင်… မင်းတော်တော် ကျေးဇူးကန်းတာဘဲ |သူ့အိမ်မှာလည်းနေပြီး သူကိုဒုက္ခပေးရသလား | မင်း အဆိပ်တွေကို ပြန်စုပ်ထုတ်လိုက် ”

ဟုစေခိုင်းလိုက်သည်။

မြွေပွေးကြီးသည် သွေးကိုစုပ် လိုက်| ကြေးဖလားထဲက နွားနို့အပေါ်အန်ချလိုက်နဲ့ အကြိမ်များစွာ လုပ်နေရသည်။ စပြီးအန်ချသောသွေးများ သည် သွေးနက်သွေးပုပ်များဖြစ်သော်လည်းနောက်ပိုင်းတွင် အနီရောင်သွေးကောင်းများ ထွက်လာသည်။ ယခင်က သေးဆုံးပြီဟုဆိုသော မိန်းကလေးမလေးလည်း လှုပ်ရှားလာပြီး တဖက်သို့ စောင်းပြီးအိပ်နေသည်။
အိမ်သားတွေလည်းဝမ်းသာလာကြပြီ။
အချိုကဘုန်းဘုရားအား လက်အုပ်ချီ၍ ရှိခိုးနေကြသည်။ တနာရီခန့်စုပ်လိုက် အန်ချလိုက်လုပ်ပြီးသောအခါ သွေး သည် အနီရောင်ရဲရဲဖြစ်လာသည်။ ကလေးမလေးသည်ထ၍ ထိုင်လိုက်လေပြီ။ ဘုန်းဘုရားသည် မြွေပွေးကြီး ကို ပခြုပ်ထဲထည့်၍ အဝေးသို့ သွားလွှတ်ခိုင်းလိုက်သည်။
ထိုဖြစ်ရပ်ကြောင့် ဓနုဖြူ မှ ဒကာ ဒကာမများကကလေးမလေးဟာ ဘုန်းဘုန်းပေးတဲ့အသက်ဘဲရှိတယ်ဟုဆိုကာ အရမ်းကြည်ညို ကျေးဇူးတင်ကြပြီး ကိုးကွယ်သမှုပြုခဲ့ကြကြောင်းသိရှိရလေသည်။

ဘုန်းဘုရားကြီး ဘိုးပေါက်ဆိန် (ခေါ်) ဦးဝိဇ္ဇာဓရအရှင်သူမြတ်ကြီးသည်ကား ပရိယတ္တိ| ပရိပတ္တိ | ပဋိဝေဓ တည်းဟူသော သာသနာတော်သုံးရပ်ကို ဝန်ဆောင်ခဲ့သော ပုဂ္ဂိုလ်တယောက်ပင်ဖြစ်သည်။

ဝိဇ္ဇာ(၃)ပါး ဝိဇ္ဇာရှစ်ပါးတို့ အကြောင်းကို ဆရာတော်ကြီးကရှင်းပြရာတွင် ဝိဇ္ဇာသုံးပါးဟူသည်

၁။ပုဗ္ဗေနိဝါသနဿ တိဥာဏ်(ရှေးဘဝက တွေ့ကြုံသမျှကိုပြန်၍အောက်မေ့နိုင်သောဥာဏ်)

၂။ဒိဗ္ဗစက္ခုဥာဏ်(နတိမျက်စိကဲ့သို့ ဝေးကွာသောအဆင်း|သေးငယ် သောအဆင်းကိုမြင်နိုင်သောဥာဏ်)

၃။အာသဝက္ခယဥာဏ်(ကိလေသာ အာသဝေါတရားတို့ကို ကုန်စေနိုင်သောအရဟတ်တမဂျဥာဏ်)
ဝိဇ္ဇာ ရှစ်ပါးဟူသည်အထက်ကသုံးပါးအပြင်

၄။ဝိပဿ နာဥာဏ်(အနိစ္စ ဒုက္ခ အနတ္တ ဟုရုပ်နာမ်အားလုံးကို သိမြင်နိုင်သောဥာဏ်)

၅။ စေတောပရိယဥာဏ်(သူတပါး၏ စိတ်ကိုသိနိုင်သောဥာဏ်)

၆။မနောမယဥာဏ်( မိမိကိုယ်တွင်း၌ အလားတူကိုယ်တမျိုးကို စိတ်ဖြင့်ဖန်တီးနိုင်သောဥာဏ်)

၇။ဒိဗ္ဗသောတဥာဏ်(နတ်တို့၏ နားကဲ့သို့ ဝေးသောအသံ သေးငယ်သောအသံကိုကြားနိုင်သောဥာဏ်)

၈။ဣဒ္ဓိဝိဓဥာဏ်(မြေလျှိုးမိုးပျံ စသည်ဖြင့် တန်ခိုးအမျိုးမျိုးကို ဖန်ဆင်းနိုင် သောဥာဏ်)

တိုကို ဝိဇ္ဇာ(၃)ပါး ဝိဇ္ဇာ(၈)ပါးဟု သတ်မှတ်ကြကြောင်း|ထိုဝိဇ္ဇာ(၈)ပါးထဲမှ တပါးပါးကို သိလျှင်လည်းဝိဇ္ဇာပင်ဖြစ် ကြောင်း| တချို့ ဝိဇ္ဇာတွေလို ဝိဇ္ဇာမှန်းမသိကြကြောင်းမသိရခြင်းမှာ ” မသိမှု” ဆိုသော အဝိဇ္ဇာက ဖုံးနေသော ကြောင့် ဖြစ်ကြောင်းရှင်းပြသည်။

” ဝိဇ္ဇာဆိုပြီး ပိတ်ဖြူ ပုဆိုးဝတ်| ပိတ်ဖြူ ခေါင်းပေါင်း |ပုတီးစိပ်နေတိုင်း ဝိဇ္ဇာလို့ မထင်နဲ့ … ဒီခေတ်မှာ အယောင်ဆောင်တွေကများတယ်| အစစ်တခု အတုတသိန်း အပလိန်း အနန္တဆိုတဲ့ စကားဟာ ရှေးခေတ်ပညာရှင်တွေက အလကားပြောခဲ့တာ မဟုတ်ဘူး။အစစ်တခုရှိရှင် အတုက တသိန်းမကရှိနေပြီ။ ဒါကိုအစစ်မှန်း|အတုမှန်း ခွဲခြားနိုင်အောင် ကိုယ်ပိုင်ဝိဇ္ဇာဥာဏ်နဲ့ မြင် အောင်ကြည့်ကြ။ အဲဒါမှ မသိရှင် အဝိဇ္ဇာလွှမ်းနေပြီ။
အဝိဇ္ဇာအလွှမ်းခံရရင် ကျွမ်းသန္တန်လန်ပြီသာ မှတ်ကြဟဲ့… အဝိဇ္ဇာရယ် တဏှာရယ် ပေါင်းပြီးသံသရာမှာ ခန္ဓာ ဒုက္ခ တွေနဲ့ နပမ်းလုံးရပြီမှတ်ကြ… ”
ဟုဆုံးမလေ့ရှိသည်။

ထို့ပြင် ဘုန်းဘုရားကြီးက

” လူတွေ လူတွေ… လိုချင်တာသာရှိကြတယ်| မလုပ်ချင်ကြဘူး | အေး… အလုပ်မလုပ်ဘဲအချောင်သက်သက်နေလို့ကတော့ ဘယ်နတ် ဘယ်ဝိဇ္ဇာ ဘယ်ဘိုးတော်ကမှ လာမ မှာမဟုတ်ဘူး… လောကကြီးမှာဂိုဏ်းတွေ ဂဏတွေ များသကွ| ဟိုကွာ ဟိုဂိုဏ်း ဒီဂိုဏ်းများလိုက်တဲ့ဂိုဏ်းတွေ မှတ်ထား…လောကမှာဗုဒ္ဓထက်ကြီးကျယ်မြင့်မြတ်တဲ့ ပုဂ္ဂိုလ်မရှိဘူး။
ဒါကြောင့် ဗုဒ္ဓဂိုဏ်းကိုသာဝင်ကြ| ဗုဒ္ဓအလိုကျ နေထိုင်စားသောက်ကြ ”ဟူ၍လည်း မကြာခဏဆိုဆုံးမ လေ့ရှိလေသည်။

တခါက မြင်းခြံဆီစက်သူဌေး ဦးကြွက် တည်ထားခဲ့သော စေတီတော်ကို သားများဖြစကြသော ဦးအေးနှင့်ဦးသိန်းတို့က ထီးတော်တင်ရန် အကြိမ်ကြိမ်ကြိုးစားကြသော်လည်း မအောင်မြင်ခဲ့ပေ။

ထိုကြောင့် ဘုန်းဘုရားကြီးကို လျှောက်ထား အကူအညီတောင်းခဲ့ကြသည်။

ဘုန်းဘုရားကြီးက ဦးစွာ ပထမ ရက်ကောင်းရက်မြတ်ကို ရွေးချယ်ပေးကာ စေတီတော်၏ မုခ်လေးမုခ်တွင်ထန်းလက်တဲ မဏ္ဍပ်လေးခု ထိုးစေသည်။

ထိုစဉ်က ဘုန်းဘုရားကြီးနှင့်အတူမန္တလေးမာန်အောင်ဆရာတော် ဦးနန္ဒိယ| ကြည်ု့မြင်တိုင်သဘာဝဓမ္မဆရာတော်ဦးစိန္ဒာနှင့် ပထမဆေးဝင်္ကပါ ဆရာတော်ကြီး ဦးသူရိယတို့ပါဝင်ခဲ့သည်။
ထီးတော်တင်ရာတွင်ပထမပိုင်း၌အခက်အ ခဲရှိသော်လည်း နောက်ပိုင်းတွင် အောင်မြင်စွာ တင်လှူနိုင်ခဲ့သည်။
ထီးတော်တင်ပြီးသည့်နေ့ ညနေ( ၄) နာရီခန့်တွင်စနေထောင့်မှ လေနီကြမ်းကြီးပြင်းထန်စွာ တိုက်ခတ်သဖြင့် ဘုန်းဘုရားကြီးစဲမြန်းနေသော ထန်းလက်တဲအားလုံးနှင့်ဇာတ်စင်ပါ ပြိုကျပျက်စီးလွင့်စင်သွားသည်။ စေတီတော်၏ ထီးတော်ကားဘာမှမဖြစ်ခဲ့။ဆရာတော်ကြီးက

” ဘာမှမပူနဲ့ … ထီးတော်ခိုင်လား မခိုင်လား စမ်းကြည့်တာ ”

ဟူ၍ပင် မိန့်ကြားခဲ့သည်။

ယခင်က ထီးတော်တင်၍မရသည်မှာ
ဘုရားအောက်တည့်တည့်တွင် ဘီလူးစောင့်နေသော နေရာရှိသဖြင့်ထိုဘီလူးမကြိုက်၍ ထီးတော်တင်၍မရအောင် ဟန့်တားထားခြင်းဖြစ်ကြောင်း| ဘုန်းဘုရားကြီးက…ထိုဘီလူးအား မေတ္တာဓါတ်ပို့လွှတ်၍ နေရာေ့ရွှပြောင်းစေခဲ့ကြောင်း နောက်ပိုင်းမှသိရှိခဲ့ရလေသည်။
ထိုညတွင် ဆရာတော် တည်းခိုရာသို့ အဘိုးအိုတယောက် ရောက်လာပြီး ဆရာတော်ကို ဖူးမြော်ပြီး”

"တပည့်တော် မောင်ဖြူ ပါ ဘုရား…တပည့်တော်ငယ်စဉ်ကတည်းက အဖေကမှာခဲ့လို့ပါ ဘိုးပေါက်ဆိန်ဆိုတဲ့ ဘုန်းကြီးကို ဖူးဖြစ်အောင်ဖူး ပုဂ္ဂိုလ်ထူးကွလို့မှာ ခဲ့လို့ တပည့်တော် လာဖူးတာပါ ဘုရား…”လျှောက်ထားခဲ့လေသည်။

ထိုကြောင့် ဘုန်းဘုရားကြီး၏သက်တော်ကို ပို၍ခန့်မှန်းရခက်လာသည်။

ဘုန်းဘုရားကြီးသည် ရန်ကုန်မြို့ စမ်းချောင်းမြို့ နယ်တွင် အောင်မင်္ဂလာသိဒ္ဓိကျောင်းတိုက်ကို တည်ထောင်၍သာသနာပြုခဲ့သည်။ နေ့ချင်း ညချင်းပင် ကျောင်းတိုက်ကြီးများ ဖြစ်ပေါ်လာ၍ ပရိယတ္တသာသနာတိုးတက် ဖွံ့ဖြိုးလာခဲ့သည်။
ထိုပြင်စစ်ကိုင်းတောင်ရိုးတွင် ဆွမ်းဦးပုံညရှင်နှင့် ပတ္တမြားစေတီတို့ကို ပြုပြင်မွမ်းမံခဲ့သည်။
ဓနုဖြူချောင်းမှ မုခ်ဦးပြသာဒ်နှင့် နန်းဦးတိုက်မှ အုတ်မဟာရံတံတိုင်းကိုပြုလုပ်စေခဲု့ပြီးတပည့်ဖြစ်သူ ဦးပရမဝဏ္ဏသိဒ္ဓိ(ယောဂီဦးပြည့်စုံ)ကို ပုပ္ပါးတောင်ကလာပ်ရှိ ရွှေဂူချောင်အထိ ကားလမ်းဖောက်စေခဲ့သည်။
ပုပ္ပါးတောင်ကြီးသို့သွားရာလမ်းတွင် မောင်တော်ငုတ်တုတ်စေတီတော်နှင့်မှန်ပြတောင်စေတီတော်တို့ကို၎င်း| ရွှေဂူချောင်ရှိ ဇရပ် တန်ဆောင်း ဂူကျောင်း ပြသာဒ် ရေကန်နှင့် သိမ်တိုက်တို့ကိုလည်း တည်ဆောက်ခဲ့သည်။
ဘုန်းဘုရားကြီးသည် ပုပ္ပါးတောင်ကလာပ် သံလှေ ကားကိုလည်း အသစ်တပ်ဆင်ပေး၍ရေစက်မီးစက်များဖြင့် ရေမီးပြည့်စုံအောင် ဆောင်ရွက်ပေးေ်မူခဲ့သည်။
ပုဂံပြည်ရှိ အာနန္ဒာဘုရားကြီး| ဗူးဘုရား| မင်းမျှော်ရာဇာဘုရား တိုကိုလည်း ဦးစီးဦးဆောင်ပြု၍ ထီးတော်နှင့် စိန်ဖူးတော်များ တင်လှူခဲ့သည်။ တောင်တွင်းကြီးမြို့ ရှိရွှေရောင်တော်စေတီတော်ကြီးကိုလည်း စိန်ဖူးတော်နှင့်ထီးတော်တင်ပွဲ ပြုလုပ်ကျင်းပပေးခဲ့သည်။
အောင်လံမြို့တွင် အောင်လံကိုးသိန်းတောင်ဘုရားကို၎င်း | ဇရပ်| ကျောင်း| ကန်| တန်ဆောင်းများကို ရေးမီးအပြည့်အစုံဖြင့် တည်ဆောက်ပေးခဲ့သည်။
ရန်ကုန်မြို့ ရှစ်မိုင်တံတားလေးလမ်းဝရှိ နာဂလိုဏ်ဂူ ကုန်းမြေပေါ်ရှိ သစ္စာဝါဒီဘိုးဘိုးကြီး ထွက်ရပ်စခန်းတွင်လည်းမဟာမြတ်မုနိရုပ်ပွားတော်မြတ်ကြီး ကိန်းဝပ်ရာဂန္ဓာကုဋိတိုက်ကြီးကိုလည်း ကြီးမှူ းတည်ဆောက်ခဲ့သည်။ ရန်ကုန်မြို့ | တောင်ဥက္ကလာပ (၅) ရပ်ကွက်|(၆)နံပါတ်မြို့ ဦးကျောင်းတိုက်တွင်လည်း ဝိဇ္ဇာဓရ စာသင်တိုက်ကို ဘုန်းဘုရားကြီးက တည်ထောင်ပေးခဲ့လေ သည်။

ဘုန်းဘုရားကြီးကပညတ်သွားရာဓာတ်သက်ပါတတ်သဖြင့် ယခုခေတ်လူများအတွက် အခေါ်အဝေါ်များကို ပြင်ကြရန် မိန့်ဆိုရာတွင်”

" ဓာတ်ခန်း ဓာတ်ခန်းဆိုတဲ့ စကားမခေါ်ကြနဲ့| ဓာတ်တွေခြောက်သွားမယ် ခမ်းခြောက်ရင်မကောင်းဘူး| ဓာတ်နန်းလို့ ခေါ်ကြ| ငှက်ပျော ဖီးကြမ်းလို့ မခေါ်နဲ့| သာမန်အချိန်ခေါ် ကိစ္စမရှိဘူး| ထွက်ရပ်စခန်း အကျင့်စခန်းပါရမီစခန်း ဆောင်ရွက်နေရင် ဖီးကြမ်းလို့မခေါ်နဲ့ ငှက်ပျောဖီးကြီးလို့ခေါ်ရမယ်|ငှက်ပျော်ဖီးကြီး ပြောတိုင်းပြီး |ငှက်ပျောဆင်စွယ်ပြောတိုင်းလွယ်တယ်|
အကြောင်း ကြီးငယ် စကားအချေအတင်နဲ့ ပြောရမယ့်အချိန်မှာဘုရားရှင်ကိုယ်တော်မြတ်ကြီးနဲ့ ဘုန်းဘုရားကိုငှက်ပျောဖီးကြီး| ငှက်ပျောဆင်စွယ်တို့ကို အဖီးလိုက်မတတ်နိုင်ရင် အလုံးလိုက်ဝယ်ပြီး လှူ ဒါန်း| အခုဖြစ်တဲ့အမှုအခင်းပြောရေး ဆိုတာ ကိစ္စများ ပြောတိုင်းပြီးရပါလို၏ဘုရားပြောတိုင်းလွယ်ရပါလို့၏ ဘုရားလို့ ဆုတောင်းကြပါ ” ဟူ၍ မိန့်ဆိုခဲ့ဖူးလေသည်။

ဘုန်းဘုရားကြီး ဘိုးပေါက်ဆိန် ထွက်ရပ်နန်းကြွမြန်းခဲ့သည်မှာ နှစ်ပေါင်း ငါးဆယ်ခန့်ရှိခဲ့ပြီဖြစ်သည်။ ယခုအ ချိန်အထိ ဒါယကာ ဒါယကာမများကို ဘုန်းဘုရား၏ အမှတ်အသား ဖြစ်သော မေတ္တာပေါက်ဆိန် လက်နက်က ကူညီစောက်ရှောက်လျက်ပင် ရှိနေသေးသည်။

တခါက ကားသော့ပျောက်နေသော ကျောင်းဒကာတဦးသည်ဘုန်းဘုရားကြီးပေးထားသော ပုဆိန်ကလေးဖြင့် သုံးချက်တိတိပေါက်ပြီး စက်နှိုးလိုက်ရာ သော့မရှိဘဲ ကား စက်နှိုးသွားခြင်း| စကားမပြောနိုင်သူကို ဘုန်းဘုရားကြီးပေးထားသော ပုဆိန်ကလေးကို ရေစိမ်သောက်စေခြင်းကြောင့် ပြန်လည်စကားပြောနိုင်ခြင်းတို့ကို လက်တွေ့
သိမြင်တွေရှိခဲ့ရသည်။

ရောင်းချင်သော ပစ္စည်းကိုထိုပေါက်ဆိနိကလေးဖြင့် အဓိဋ္ဌာန်ပြု ပေါက်လိုက်ရာ ဝယ်သူရောက်လာပြီး ဝယ်ယူသွားခြင်းစသော အံ့သြဖွယ်ဖြစ်ရပ်ဆန်းများ များစွာရှိခဲ့လေသည်။

ဘုန်းဘုရားကြီး ဘိုးပေါက်ဆိန် မိန့်ကြားခဲ့သော သြဝါဒစကားများထဲတွင် ဗုဒ္ဓဝါဒများအထူးမှတ်သားထားသင့်သော စကားတခွန်းမှာ

” မင်းတို့ ငွေတွေ မကုန်စေချင်ရင် လှူ ပစ်ကွ……လှူ ပစ်ရင် မကုနိဘူးကွ | သုံးပြစ်မှကုန်မှာ ”

ဟူသော သြဝါဒသည် အလွန်မှန်ကန်လှပေသည်။

ဆရာတော်ဘုရားကြီး၏ တပည့်ရင်းဦးသုမိတ္တရသည်၎င်းဆုရ၍ငွေလေးများကို လှူ ပစ်ပြီးနောက် မကြာမီပင်ဆွေမျိုးသားချင်း ဒကာ ဒကာမများကလှူ ဒါန်းလိုက်သောနဝကမ္မဝတ္တုငွေကို လူကြုံထံမှ ရရှိရာကုန်သွားသောငွေထက်ပင်ပိုလာကြောင်း သိရှိရလေသည်။

” အဲဒါနဲ့ ကျွုပ်လည်း ရလိုက် လှူ လိုက်| လှူ လိုက် ရလိုက်ပဲဗျ | လှူ မှရတာကိုး| သုံးတာက ကုန်သွားတာဗျ|အဲဒါ…ဘုန်းဘုရားကြီး ဘိုးပေါက်ဆိန်ရဲ့ လက်သုံးစကားပဲ”

ဘုန်းဘုရားကြီး ဘိုးပေါက်ဆိန်သည် ဘုရားတည် |သာသနာပြုရင်း|မြနိမာသက္ကရာဇ် ( ၁၃၂၆ ) ခုနှစ်| ပြာသိုလဆန်း(၁၄)ရက်နေ့| နံနက်(၁၁) နာရီ (၂၀)မိနစ်အချိန်တွင် ထွက်ရပ်လမ်းသို့ ကြွမြန်းခဲ့လေသည်။
ဘုန်းဘုရားကြီး၏ ရုပ်ကလပ်တော်ကို ရန်ကုန်မြို့ |မရမ်းကုန်း ရှစ်မိုင်လမ်းဆုံ ကျိုက်ဝိုင်းဘုရားကြီးအနီးရှိပေါက်စေတီ ကျောင်းတိုက်တွင် ရုပ်ကလပ်တော်ကိုအခေါင်းတွင်ထည့်၍ စေတီတော်တွင် ဌာပနာခဲ့လေ သည်။

(မူရင်းရေးသားသူအားလေးစားစွာဖြင့်ခရက်ဒစ်ပေးပါသည်။)🙏

22/06/2024

ပြန်လည်မျှဝေပါသည်
#ဘုန်းဘုရားကြီးဘိုးပေါက်ဆိန်နှင့်
#ဝိဇ္ဇာပျောက်ရှာပုံတော်"
----------------------------------------------------

*ရန်ကုန်မြို့ ဝိပဿသိဒ္စိကျောင်းတိုက်တွင်
ဘုန်းဘုရားကြီးဘိုးပေါက်ဆိန်ထံ သိလိုသည်များကိုမေးမြန်းရန် ပရိသတ်များ ရောက်ရှိနေကြသည်။
မေးလျှောက်ကြသည်ကို မဆိုင်းမတွ ဒိုးခနဲဒေါက်ခနဲဖြေကြားနိုင်သည်မှာ အံ့သြစရာပင်။ထိုစဉ် တံခါးဝသို့
ရသေ့ကြီး တစ်ဦးနှင့် တပည့်ဖြစ်ဟန်တူသော
ဖိုးသူတော်တစ်ဦးတို့ ရောက်ရှိလာသည်။

ရသေ့ကြီးသည်
အတော်လေးကျင့်ကြံအားထုတ်ထားပုံရ၏။
တုန်တုန်ရီရီနှင့် နေမကောင်းဖြစ်နေဟန်တူသည်။
သင်္ကန်းကလည်း ခပ်နွမ်းနွမ်း။
ခရီးဝေးက ကြွလာလာရသောကြောင့် ပင်ပမ်းနေပုံရ၏
ခြေထောက်တွင်လည်း ရွှံ့ဗွက်တို့ ပေကြံနေ၏။
တပည့်ဖြစ်သူ ဖိုးသူတော်က…

"ဒီရသေ့ကြီးက ကျိုက်ထီးရိုးတောထဲကကြွလာ
တာ"ဟု တတွတ်တွတ်ပြောနေ၏။

အားလုံးက
ဝိုင်းကြည့်နေစဉ်မှာပဲ ရသေ့ကြီးက ကိုယ်ကိုရိုသေ
စွာကိုင်းညွှတ်ရင်း ဘုန်းဘုရားကြီးရှေ့သို့လျှောက်
လာသည်။

"တပည့်တော် ကျိုက်ထီးရိုးမှာ နေရတာ ကြာလှပါ
ပြီဘုရား၊ဒါကြောင့် ဟိမဝန္တာဘက်ကို ပြောင်းရွှေ့ခွင့်
ပေးပါ ဘုရား"

ဘုန်းဘုရားကြီးက
"အေး အေး ကောင်းပါပြီ ကောင်းပါပြီ"
ဟုပြောလိုက်သောအခါ......

ဘုန်းဘုရားကြီးအား ထိခြင်းငါးဖျာနှင် ရိုသေစွာ
ကန်တော့လျက် လက်အုပ်ချီပြီး ဘုန်းဘုရားကြီး
ကို မျက်နှာချင်းဆိုင်၍ နောက်ဆုတ်နောက်ဆုတ်
နှင့် ဖြည်းဖြည်းချင်းထွက်သွားလေတော့သည်။

ပရိသတ်များက ငြိမ်ချက်သားကောင်းနေစဉ်

"မင်းတို့ ဝိဇ္ဇာဆိုတာ မြင်ဘူးကြရဲ့လား"

'မမြင်ဖူးပါ ဘုရား"

"အေး အဲဒိရသေ့ကြီးက ဝိဇ္ဇာကြီးပဲ"ဟု

မိန့်လိုက်သောအခါ ပရိသတ်တို့သည် အစပိုင်း
တွင် ကြောင်နေကြပြီးနောက် ရုတ်တရက် တိုင်ပင်
ထားသည့်အလား ဝုန်းခနဲ ထရပ်လိုက်ကြပြီး ရသေ့
ကြီးနောက်အပြေးလိုက်ကြရန်ပြင်ကြသည်။

ထိုအခါ တံခါးဝတွင် လူများ ပြွတ်သိပ်နေတော့၏။
ထိုးထွက်လာ နိုင်သူများက ဖိနပ်တောင်မကောက်နိုင်ဘဲ
ခြေဗလာဖြင့် ဒရောသောပါး ပြေးလိုက်သွားကြ၏။
မိနစ်ပိုင်းမျှပင်ရှိသေးသော်လည်း ရသေ့ကြီးနှင့်
ဖိုးသူတော်တို့မှာပျောက်ချင်းမလှပျောက်သွား
လေတော့သည်။အရိပ်ယောင်ပင်မမြင်ရတော့ချေ။

*ဘုန်းဘုရားကြီးရှေ့တွင် ပရိသတ် လေးငါးဦးသာ
ကျန်ခဲ့သည်။ဘုန်းဘုရားကြီးက

"ခက်တာပဲကွာ ငါက ဝိဇ္ဇာပဲလို့ ပြောလိုက်တာနဲ့
ပြေးလိုက်သွားကြတာ အတုံးအရုန်းပဲ။ဝိဇ္ဇာက လာ
ကန့်တော့ပြီး အခွင့်တောင်းသွားတဲ့ ငါ့ကိုတောင်
ပစ်ပြီး ဝိဇ္ဇာနောက်ကို ဝုန်းခနဲအပြေးလိုက်သွားကြ
တော့တာပဲ"

#ဝိဇ္ဇာကလာကန်တော့ပြီးဦးတိုက်သွားရတဲ့
#ပုဂ္ဂိုလ်ကဘယ်လိုလူစားမျိုးလဲဆိုတာတောင်ထည့်
#မစဉ်းစားမိကြတော့ဘူး။

အဲဒါ ဘာလဲ သိရဲ့လား
#ဝိဇ္ဇာကိုရှာနေတဲ့သူတွေက
#အဝိဇ္ဇာဖုံးနေကြလို့ပဲကွ။

ဘုန်းဘုရားကြီးဦးပေါက်ဆိန်

သုခိအတ်တာနံ ပရိဟရန်တု

Oukar Oo -ပူဇော်သည် 2018 ခုနှစ်

16/06/2024

သောကြာသက်ရောက်
ခရီးအသွားအလာများတတ်
စီးပွားချမ်းသာ တိုးတက်
အိမ်ခြံမြေ ရွှေ ငွေ ပစ္စည်းဝင်တက်
အိမ်ထောင်ကျတက် အကျိုးပေးတက် အလုပ်အကိုင် ရာထူးအဆင့်အတန်း လခကြေးငွေ တိုးတက်ရရှိမည် ဆင်းရဲနွမ်းပါးသူသည်လည်း အဆင်ပြေမည့်ကာလဖြစ်
ကြည်ညိုလေးစား မည့်သူပေါများတတ်ကာလဖြစ်မည်
#တားရော့မေးမယ်ဟောမယ်
#တားရော့မေးမယ်
Lin Thein

14/06/2024

ကြာသပတေးသက်ရောက်
ခရီးသွားရတတ် စုတ်ရောလာဘ်ရောဝင်တက်
မြေနဲ့ပတ်သက်သော ကိစ္စများပေါ်ပေါက်နိုင်
အမွေအနှစ်များငွေကြေးများ ရရှိတတက်
ချစ်သူခင်သူလည်းပေါများတတ်
#တားရော့မေးမယ်ဟောမယ်
#တားရော့မေးမယ်
Tun Lin

14/06/2024

သားသားလေးလား
သမီးလေးလား
အမျိုးသမီးတွေရဲ့ ကိုယ်ဝန်ဆောင်တဲ့ရောက်ဆဲအသက်ကိုကြည့်ရတာဖြစ်ပါတယ်
ဥပမာ မိမိ အသက်က ၂၅ ပြည့်ပြီးဆိုရင် ၂၆ ကိုယူရမှာဖြစ်ပါတယ်
ဇယားအကွက်ထဲက နံပါတ်တွေက အသက်ကိုကိုယ်စားပြုပါတယ်
ယေဘူယျအဖြေဖြစ်ပါတယ်

12/06/2024

ဗုဒ္ဓဟူးသက်ရောက်မထင်မှတ်ဘဲတနင်္လာငွေကြေးရရှိခြင်းများ ဝင်တက်
ရွှေဝင်တက်
စီးပွားဥစ္စာလဘ်လာဘများ တိုးတက်နိုင် ချစ်သူတွေ့တက် ကျမ်းမာရေးအညံ့ရှိတတ်
#တားရော့မေးမယ်ဟောမယ်
#တားရော့မေးမယ်
Lin Thein
Telegram

11/06/2024

အင်္ဂါသက်ရောက်
အိမ် ပတ်၀န်းကျင် အပေါင်းအသင်း အလုပ် ပြဿနာများဖြစ်ပွားတတ်
ဒေါသဖြစ်လောက်စရာ ကိစ္စများမကြာခဏကြုံ့ရတတ်
ခိုက်ရန်များခြင်းများဖြစ်တတ်
အခြားမိသားစု များနှင့် စကားများရတတ် ရန်သူအနှောက်အယှက်များကြုံတွေ့တတ်အပျိုအရွယ် လူပျိုအရွယ်များ ချစ်သူရည်းစားအပြိုင်အဆိုင်များ ပေါ်ပေါက်တတ်
ပစ္စည်းပျောက်ရှတတ် သူခိုးအခိုးခံရတတ် သွေးထွက်သံယိုဖြစ်ခြင်းများလည်းဖြစ်တတ်သည်
ချစ်သောသူများနှင့်ကွေးကွင်းရတတ်
#တားရော့မေးမယ်
#တားရော့မေးမယ်ဟောမယ်
Lin Thein
Telegram
https://t.me/tarotasking

10/06/2024

တနင်္လာဂြိုလ်သက်ရောက်
ခြေနှစ်ချောင်း၀င်တတ်
ရုတ်တရက် တရားဝင်သောငွေ တရားမဝင်သော ငွေကြေးများ ၀င်တတ်
အလှူဒါနများ ပြုရတတ်
အမှုအခင်း ကိစ္စများ ပြဿနာများအား အောင်မြင်စွာ ဖြေရှင်းနိုင်တတ်
အပျို လူပျိုဖြစ်လျှင် ချစ်ခင်သူနှင့်တွေ့ရတတ်
သွားလေရာ မျက်နှာပွင့်လန်းမည်
#တားရောမေးမယ်ဟောမယ်
#သက်ရောက်
Aung Lin Thein
#တားရော့မေးမယ်
Telegram
https://t.me/+pWjn5xYJ7GMxMzM1

07/06/2024

ါထာတော်အကြောင်းသိကောင်းစရာ
===========================
စက္ခုမာ စရ မာစိဏ္ဏော၊
ဓမ်မညူ ဓမ်မသာမိကော။
ဗလူပေတော ဗလဓရော၊
ဝရဒေါ ဒေတု မေ ဝရံ။

#စက္ခုမာ-
မံသ,ပညာ နှစ်ဖြာသောစက္ခုနှင့် ပြည့်စုံတော်မူ‌ထသော!
#စရံ -
စရဏတရား တစ်ဆယ့်ငါးပါးကို!
#အာစိဏ္ဏော -
အမြဲမပြတ် လေ့ကျင့်တော်မူအပ်ပြီးထသော!

#ဓမ္မညူ - တရားအားလုံးကို သိမြင်တော်မူပြီးထသော!
#ဓမ္မသာမိကော - တရားပိုင်ရှင် ဖြစ်တော်မူပေထသော !
#ဗလူပေတော -
ဉာဏ်တော်အင်အား ဆယ်ပါးနှင့်လည်း ပြည့်စုံတော်မူပေထသော !
#ဗလဓရော -
ကိုယ်တော်အင်အား ဆယ်ပါးကိုလည်း ဆောင်တော်မူထသော !
#ဝရေဒါ -
မြင့်မြတ်သမှု နိဗ္ဗာန်ဆုကိုလည်း ပေးတော်မူတတ်သော မြတ်စွာဘုရားသည် !
#မေ - တပည့်တော်အား !
#ဝရံ -ကောင်းကျိုးစုစု မြတ်သောဆုကို !
#ဒေတု - လျင်စွာမနှေး ပေးသနားတော်မူပါ့အရှင်ဘုရား။..................................................................
ဤဂါထာသည် ဘုရားဂုဏ်တော်များကို ဖွဲ့ဆိုထားပြီး ထိုဂုဏ်တော်အပေါင်းနှင့်ပြည့်စုံတော်မူသော ဘုရားရှင်အား ကောင်းမြတ်သောဆုကို ပေးသနားရန် လျှောက်ထားသော ဂါထာဖြစ်သည်။
``စက္ခု မာ,ဓမ္မညူ ,ဗလူပေတော , ဝရဒေါ - ဟူသော ဂါထာလေးပါဒ၏အစပုဒ်၌ ပါရှိသော အက္ခရာလေးလုံးကို ကောက်ယူ၍ ``စ-ဓ-ဗ-ဝ ဂါထာ´´ဟူ၍ အတိုကောက်ခေါ်ကြသည်။
--------------------------------------------------------
ဟူသော စမ အင်းများကို
ဘုရားစေတီများတွင် ပူဇော် ရေးထိုးထားသလို ..
လေးဆူဓာတ်ပုံ ရွှေတိဂုံစေတီတော်မြတ်ကြီး၏
အထက် ပန်းဆွဲတွင်လည်း ရေးထိုးထားပါသည်။
ဂါထာဖြင့် အဓိဋ္ဌာန်ပုတီးများ စိပ်ကြသလို
အလွန်အောင်မြင်မှု့ရသော ဂါထာတစ်ပုဒ်လည်းဖြစ်ပါသည် ။
၏ ဂါထာ မြန်မာပြန် အနက်ကိုလည်း
သိရှိသူအများအပြား ရှိခဲ့ကြပါသည်။
သို့ သော် ...,
ဟု အတိုကောက် ရေးထားသော အင်း_ စမ များ၏ အဓိပ္ပါယ်ကို ဗဟုသုတဖြစ်ဖွယ် တင်ပြပေးချင်ပါသည် ။

#စ .... အက္ခရာသည်..
ယခု့ ပွင့်တော်မူမည့် အရိမေတ္တယျ ဘုရားလောင်း
စကြာမင်းအားရည်စူး၍၎င်း..
#ဓ... အက္ခရာ သည်..
ဂေါတမဘုရား မိဂဒါဝုန်တော၌ ပဉ္စဝဂ္ဂီ (၅) ဦးတို့အား
ဓမ္မစကြာ တရားဦးဟောတော်မူရာတွင် လူမျိူး (၁၀၁)
ပါး (၇) ရက် သားသမီးများကိုပါ ထပ်တူထပ်မျှ
တရားများ ပွားစေရန်ရည်ရွယ်၍၎င်း ..
#ဗ... အက္ခရာ သည် ...
ဂေါတမ မြတ်စွာဘုရားအား ဗြဟ္မာမင်းသည်
ပဒုမ္မာကြာသင်္ကန်းကို ကပ်လှူခြင်းဖြင့်
လူမျိူး (၁၀၁) ပါး (၇) ရက်သားသမီးများပါ
အလှူဒါနအကျိူး ပြီးမြောက်ရရှိစေရန် ရည်ရွယ်၍၎င်း ....
#ဝ....အက္ခရာ သည် ...
ဝိဇ္ဇာရှစ်သောင်း ဆရာအပေါင်း ..
ရသေ့ရှစ်သောင်း ဆရာအပေါင်းတို့မှ
စောင်မ ကြည့်ရှု့စောင့်ရှောက်ခြင်းကို ရည်ရွယ်၍၎င်း ...
စမကြီးလေးလုံး၏ ရည်ညွန်းချက်ကို
ဗဟုသုတအဖြစ် တင်ပြပေးလိုက်ပါသည် ။
----------------------------------------------------------
((တစ်နည်း))

ဥဒေါင်း ဝံ
ပုစွန်နှင့် ငါး။ ။
မြီးကိုယ်မှာ ပေါ် - စမကို
သုံးကြ လူများ။ ။
(ရှေးစာ)
~~~~~~~~~~~~
-> ငါးရံ့အမြီးတွင် စ-လုံး အက္ခရာ။
-> ဥဒေါင်းအမြီး (ဒေါင်းမြီးကွက်) တွင်
ဓ-အောက်ချိုင့် အက္ခရာ။
-> ပုစွန်၏ ကိုယ်တွင် ဗ-ထက်ချိုင့် အက္ခရာ။
-> ဝံသတ္တဝါ၏ချက်တွင် ဝ-အက္ခရာ။

၎င်းတို့မှာ ကမ္ဘာဦးသတ္တဝါများ ဖြစ်ပြီး
အက္ခရာလေးလုံး တို့မှာ ကမ္ဘာတည်သရွေ့
မပျောက် မပျက်နိုင်သော အက္ခရာများ ဖြစ်သဖြင့်
ယင်းအက္ခရာလေးလုံးကို ဆေး, အင်း, မန္တန်, အဆောင်များအဖြစ်
စီရင်သုံးလျှင် သိဒ္ဓိပေါက်နိုင်သည်ဟု ယူဆကြသည်။
ရှေးက ပါဠိပညာရှိများကလည်း စာတလုံးစီကို တစ်ပါဒပြု၍ ဘုရားရှိခိုးဂါထာကို စီကုံးခဲ့ကြလေသတည်း။
****************************************
မူရင်း - credit

06/06/2024

တားရော့မေးမယ်ဟောမယ် Telegram gp ရဲ့ links လေးပါ
https://t.me/+pWjn5xYJ7GMxMzM1

05/06/2024