02/09/2025
ရာသီဥတုအေးလာလျှင် အဆစ်အမြစ် ပိုမိုနာကျင်လာတတ်သူများအနေနှင့် အောက်ပါအချက်များကို လိုက်နာသင့်ပါသည်။
✅ နွေးနွေးထွေးထွေး နေပါ။ အနွေးထည်၊ စောင်၊ ခြေအိတ်/လက်အိတ်နှင့် ခေါင်းစွပ်တို့ကို ဝတ်ပါ။ ရေချိုးလျှင် ရေနွေးနှင့်ချိုးပေးပါ။ အလွန်အေးသော ဒေသများတွင် အခန်းတွင်းအပူပေးစက် အသုံးပြုပါ။
✅ ကိုယ်အလေးချိန်များလျှင် လျှော့ချပါ။ လှုပ်လှုပ်ရှားရှား နေပါ။ အဆစ်နာကျင်ခြင်းကို ပို၍ မဆိုးစေသော ယောဂကျင့်ခြင်း၊ ရေကူးခြင်းစသည့် ကိုယ်လက်လှုပ်ရှား အားကစားတစ်ခုခုကို လုပ်ပေးပါ။ လေ့ကျင့်ခန်းများသည် အရိုးနှင့်ကြွက်သားများကို ပိုမိုသန်မာစေပြီး အဆစ်အပေါ် ကျရောက်နေမည့် ဝန်ထုပ်ဝန်ပိုးများကို လျော့ကျစေပါသည်။ လေ့ကျင့်ခန်းမလုပ်မီနှင့် လုပ်ပြီးတွင် အကြောလျှော့ပေးပါ။
✅ မလိုအပ်ဘဲ အဆစ်များကို ဝန်မပေးပါနှင့်။ အလေးအပင် မရန်ရှိပါက ကိုယ်တိုင်မမဘဲ အခြားသူများကို ကူညီစေခြင်းဖြင့် အဆစ်များကို သက်သာအောင်ထားပါ။
✅ အိပ်ရေးဝဝအိပ်ခြင်း၊ အာဟာရမျှတအောင်စားခြင်း၊ အင်တီအောက်စီဒင့် ကြွယ်ဝသော သဘာဝသစ်သီးများ စားသုံးခြင်း စသော ကိုယ်ခန္ဓာကျန်းမာစေမည့် အလေ့အထများအတိုင်း ကျင့်ကြံနေထိုင်ပါ။
✅ နာကျင်နေသော အဆစ်များကို ရေနွေးအိတ်ကပ်ခြင်း၊ ဒဏ်ကျေဆေးလိမ်းခြင်းတို့ကို ပြုလုပ်ပေးပါ။
✅ မသက်သာလျှင် သောက်လက်စ ဆရာဝန်ညွှန်ကြားချက်မလိုသော အကိုက်အခဲပျောက်ဆေးများရှိလျှင်လည်း သတ်မှတ်အညွှန်းအတိုင်းသာ ပမာဏတိုးသောက်ခြင်း (သို့) အခြားဆေးတစ်မျိုးမျိုးကို ထပ်မံဖြည့်စွက် သောက်သုံးခြင်းတို့ ပြုနိုင်ပါသည်။ ပိုဆိုးလာပါက ဆရာဝန်နှင့် တိုင်ပင်ပြီး ကုသမှုကို ခံယူပါ။
#ကျန်းမာရေး
