Servier Myanmar

Servier Myanmar Servier is a pharmaceutical company, committed to therapeutic progress to serve patient needs. SERVIER was established in Myanmar since 1997.

Founded to serve health, SERVIER is a global group governed by a Foundation that aspires to have a meaningful social impact, both for patients and for a sustainable world. With its unique governance model, it can fully serve its vocation with a long-term vision: being committed to therapeutic progress to serve patient needs. Our primary focuses are on Diabetes, Hypertension, Cardiology, Venous Dis

ease and Depression, supported by 150 professional staffs and 14 products. We are driven by shared values and guided by common vision with patients and health care professionals. SERVIER Myanmar has been certified as ‘Great Place to Work’ for 2 consecutive years since 2021. We will continue our presence with a broad range of evidence-based medicines supported by scientific collaboration with Health Care Professionals to serve Myanmar patient needs. Content on website links shared are provided for information purposes only. The information and materials contained on these websites are not intended to constitute a comprehensive guide concerning all aspects of the therapy, product or treatment described on the website. All users are urged to always seek advice from a registered health care professional for diagnosis and answers to their medical questions and to ascertain whether the particular therapy, service, product or treatment described on the website is suitable in their circumstances. Servier Myanmar does not endorse or in any way support therapy, service, product or treatment reflected in these sites, and shall not bear any liability for reliance by any user on the materials contained on this website. In the event of a side effect related to the use of a medicine or medical device, or any other product, please contact your physician. You can also submit a report through Myanmar FDA. You may also report any side effects or product complaints that you, your family or friends have experienced with the use of Servier products by sending us an email to pv_myanmar@servier.com. For any medical enquiry, please contact medicalinfo.mm@servier.com.

နှလုံးခုန်နှုန်း (Heart Rate) ဆိုသည်မှာ တစ်မိနစ်အတွင်း နှလုံးမှ ခုန်သည့် အကြိမ်အရေအတွက် ဖြစ်ပါတယ်။ တစ်ဦးနှင့်တစ်ဦး ကွဲပြ...
22/04/2026

နှလုံးခုန်နှုန်း (Heart Rate) ဆိုသည်မှာ တစ်မိနစ်အတွင်း နှလုံးမှ ခုန်သည့် အကြိမ်အရေအတွက် ဖြစ်ပါတယ်။ တစ်ဦးနှင့်တစ်ဦး ကွဲပြားနိုင်ပြီး အသက်အရွယ်၊ လှုပ်ရှားမှုပုံစံနှင့် စိတ်ခံစားမှု ကဲ့သို့သော အချက်များအပေါ် မူတည်၍ ပြောင်းလဲနိုင်ပါတယ်။
နှလုံးခုန်နှုန်းကို အနားယူနေပြီး စိတ်လက်ပေါ့ပါးနေချိန်တွင် တိုင်းတာရပါတယ်။ အနားယူနေချိန် ခန္ဓာကိုယ်အတွက် လိုအပ်သော အနည်းဆုံး သွေးပမာဏကိုသာ နှလုံးက ညှစ်ထုတ်ပေးနေသည့် အချိန်တွင်ရှိနေသော နှလုံးခုန်နှုန်းကို အနားယူနေစဉ်နှလုံးခုန်နှုန်း (Resting Heart Rate) လို့ခေါ်ပါတယ်။ လူကြီးတစ်ဦးအတွက် ပုံမှန်ကျန်းမာသော နှလုံးခုန်နှုန်းမှာ တစ်မိနစ်လျှင် (၆၀) မှ (၁၀၀) bpm ကြား ဖြစ်ပါတယ်။ အချို့သူများတွင် နှလုံးခုန်နှုန်းသည် အကြိမ် (၆၀) အောက် ရှိနိုင်သော်လည်း ပုံမှန်လို့ သတ်မှတ်နိုင်ပါတယ်။ ဥပမာအားဖြင့် အားကစားသမားများတွင် နှလုံးခုန်နှုန်း ပိုမိုနှေးကွေးနေတတ်ပြီး တစ်ခါတစ်ရံ အကြိမ် (၄၀) အထိ နည်းနေနိုင်ပါတယ်။ ထို့အပြင် Beta Blockers ကဲ့သို့သော ဆေးဝါးအချို့ကို သောက်သုံးနေသူများတွင်လည်း အနားယူနေစဉ်နှလုံးခုန်နှုန်း ပိုနှေးနေနိုင်ပါတယ်။
ကလေးငယ်များမှာ ၎င်းတို့၏ အသက်အရွယ်အပေါ် မူတည်၍ ကျန်းမာသော နှလုံးခုန်နှုန်းသည် လူကြီးများထက် ပိုမိုမြင့်မားနိုင်ပါတယ်။
နှလုံးခုန်နှုန်းကို သိရှိနိုင်ရန် လက်ကောက်ဝတ်၊ လည်ပင်းပေါ်တွင် လက်ချောင်းများတင်ကာ အကြိမ်ရေ စမ်းသပ်ခြင်းဖြင့်ဖြစ်စေ၊ နှလုံးခုန်နှုန်းတိုင်းစက်၊ စမတ်နာရီ (Smartwatch) များ အသုံးပြု၍ဖြစ်စေ တစ်မိနစ်အတွင်း နှလုံးခုန်သည့် အကြိမ်အရေအတွက်ကို တိုင်းတာစစ်ဆေးနိုင်ပါတယ်။ (၅) မိနစ်မှ (၁၀) မိနစ်ခန့် ထိုင်နေပြီး စိတ်ကို အတတ်နိုင်ဆုံး တည်ငြိမ်အောင် ထားကာ တိုင်းတာခြင်းဖြင့် အနားယူနေစဉ်နှလုံးခုန်နှုန်း (Resting Heart Rate) ကို သိရှိနိုင်ပါတယ်။

Ref Link: https://myhealth-partner.com/articles/everything-you-need-to-know-about-a-healthy-resting-heart-rate

17/04/2026

မြန်မာသက္ကရာဇ် ၁၃၈၇ ခုနှစ်မှ ၁၃၈၈ ခုနှစ်သို့ ကူးပြောင်းသော နှစ်ဆန်း ၁ ရက်နေ့မှ စတင်ကာ မြန်မာပြည်သူပြည်သားများသာမက ကမ္ဘာသူ ကမ္ဘာသားများအားလုံး -
🍀အနာရောဂါကင်းရှင်းကြပါစေ။
🍀ကျန်းမာကြပါစေ။
🍀စိတ်အေးချမ်းကြပါစေကြောင်း Servier Myanmar မိသားစုမှ နှစ်သစ်ဆုမွန်ကောင်းတောင်းလိုက်ရပါတယ်၊၊ 🙏🙏🙏

08/04/2026

နှလုံးကြောင့်ရင်ဘတ်စူးအောင့်ခြင်းရောဂါ (Angina) ခံစားရသူများဟာ ကိုယ်လက်လှုပ်ရှားမှု ပြုလုပ်နိုင်သော်လည်း နှလုံးကျန်းမာရေးကောင်းမွန်စေရန်လည်း သတိထားဖို့လိုအပ်ပါတယ်၊၊ ပုံမှန်ကိုယ်လက်လှုပ်ရှားမှုပြုလုပ်ခြင်းက နှလုံးကြွက်သားများကို သန်မာစေခြင်း၊ နှလုံးရောဂါဖြစ်နိုင်ခြေကို လျှော့ချပေးခြင်းတို့အပြင် သွေးတိုး၊ ဆီးချို၊ ကိုလက်စထရော မြင့်မားခြင်းနှင့် အဝလွန်ခြင်းတို့ကို ထိန်းချုပ်နိုင်ရန် အထောက်အကူဖြစ်စေပါတယ်။
နှလုံးကြောင့်ရင်ဘတ်စူးအောင့်ခြင်းရောဂါရှိပါက လေ့ကျင့်ခန်းကို ဖြည်းဖြည်းချင်း စတင်သင့်ပါတယ်။ ဥပမာအားဖြင့် တစ်ပတ်လျှင် (၂)ကြိမ်မှ (၃)ကြိမ်၊ မိနစ် (၃၀) ခန့် စတင်ပြီးနောက် အဆင့် တဖြည်းဖြည်းချင်း တိုးမြှင့်သွားပါ။ နှလုံးကြောင့်ရင်ဘတ်စူးအောင့်ခြင်းဝေဒနာကို ထိန်းချုပ်ရန်အတွက် ပေါ့ပေ့ါပါးပါးမှ အားထုတ်မှုအသင့်အတင့်ရှိသော လှုပ်ရှားမှုများသည် အကောင်းဆုံးဖြစ်ပြီး သင့်တော်သောလေ့ကျင့်ခန်းဖြစ်မဖြစ် ဆုံးဖြတ်ရန် အကောင်းဆုံးနည်းလမ်းမှာ လေ့ကျင့်ခန်းလုပ်နေစဉ်အတွင်း စကားပြောနိုင်သည့် အခြေအနေရှိ/မရှိ သတ်မှတ်ခြင်းပင်ဖြစ်ပါတယ်။ ရေရှည်စွဲမြဲပြုလုပ်နိုင်စေရန် နှစ်သက်သော လှုပ်ရှားမှုမျိုးကို ရွေးချယ်၍ (၁)ပတ်လျှင် စုစုပေါင်း (၂)နာရီခွဲခန့် ကိုယ်လက်လှုပ်ရှားမှု ပြုလုပ်ပေးသင့်ပါတယ်။
လေ့ကျင့်ခန်းပြုလုပ်သည့် အကြိမ်တိုင်းတွင် အကြောလျှော့ခြင်း (Warming Up)၊ လေ့ကျင့်ခန်းလုပ်ခြင်း (Exercising)၊ ပြန်အနားယူခြင်း (Cooling Down)အဆင့် (၃) ဆင့်ဖြင့် ပြုလုပ်ပါ။အကြောလျှော့ခြင်းက နှလုံးမှ တဖြည်းဖြည်းချင်း လိုက်လျောညီထွေဖြစ်စေပြီး ရုတ်တရက်ရင်ဘတ်အောင့်နိုင်ခြေကို လျှော့ချပေးပါတယ်။ လေ့ကျင့်ခန်းအပြီး (၁၀) မိနစ်ခန့် ခဏပြန်နားခြင်းသည် ခေါင်းမူးခြင်း သို့မဟုတ် မူးမေ့လဲခြင်းတို့ကို ကာကွယ်ပေးပြီး အကြောဆန့်ခြင်းက ကြွက်သားများ နာကျင်မှုကို လျှော့ချပေးနိုင်ပါတယ်။
လေ့ကျင့်ခန်းလုပ်နေစဉ်အတွင်း နေမကောင်းဖြစ်ခြင်း၊ ရင်ဘတ်အောင့်ခြင်း သို့မဟုတ် အသက်ရှူမဝခြင်းတို့ကို ခံစားရပါက ချက်ချင်းရပ်လိုက်ပါ။ ဘေးကင်းစွာ လှုပ်ရှားနိုင်ရန်အတွက် တစ်နေ့တာလုံး ပိုမိုလှုပ်ရှားနိုင်မည့် အခွင့်အလမ်းများကို ရှာဖွေပါ။ သောက်နေကျ ဆေးဝါးများနှင့် လက်ကိုင်ဖုန်းကို အမြဲဆောင်ထားပါ။ ဖြစ်နိုင်ပါက သူငယ်ချင်းမိတ်ဆွေများနှင့်အတူ လေ့ကျင့်ခန်းလုပ်ပါ။
အလေးမခြင်း၊ ပြိုင်ဆိုင်မှုပြင်းထန်သော အားကစားများ၊ အလွန်အေးသော ရာသီဥတုတွင် အပြင်၌ လေ့ကျင့်ခန်းလုပ်ခြင်း သို့မဟုတ် အားအင်ကုန်ခမ်းနေချိန်နှင့် နေမကောင်းဖြစ်ချိန်တွင် လေ့ကျင့်ခန်းလုပ်ခြင်းတို့ကို ရှောင်ကြဉ်ပါ။ လေ့ကျင့်ခန်းလုပ်ပြီး နောက်တစ်နေ့တွင် (သို့မဟုတ်) နောက်ပိုင်းလေ့ကျင့်ခန်းလုပ်ချိန်တွင် ရင်ဘတ်အောင့်ခြင်း သို့မဟုတ် မအီမသာဖြစ်ခြင်းတို့ကို သတိပြုမိပါက ဆရာဝန်ထံ ချက်ချင်း ဆက်သွယ်ပါ။ထို့အပြင် နှလုံးကြောင့်ရင်ဘတ်စူးအောင့်ခြင်းရောဂါကို ကောင်းစွာ ထိန်းချုပ်နိုင်ရန် (၄) ပတ်မှ (၆) ပတ်လျှင် တစ်ကြိမ် ဆရာဝန်နှင့် ပုံမှန်ပြသစစ်ဆေးမှုကို ပြုလုပ်ပါ။

Ref Link: https://youtu.be/H1LllowiMKk

တေးဂီတတွေနားထောင်ရင်း သွေးတိုးရောဂါကို ကုသဖို့ စိတ်ကူးကြည့်ဖူးပါသလား?တေးဂီတလို့ပြောလိုက်တာနဲ့ ပွဲလမ်းသဘင်၊ ဖျော်ဖြေပွဲမ...
01/04/2026

တေးဂီတတွေနားထောင်ရင်း သွေးတိုးရောဂါကို ကုသဖို့ စိတ်ကူးကြည့်ဖူးပါသလား?

တေးဂီတလို့ပြောလိုက်တာနဲ့ ပွဲလမ်းသဘင်၊ ဖျော်ဖြေပွဲများနဲ့ ပွဲတော်များကိုသာ ပြေးမြင်လေ့ရှိကြပါတယ်။ မကြာသေးမီက ပြုလုပ်ခဲ့တဲ့လေ့လာမှုအရ သွေးပေါင်ချိန်ထိန်းရန်အတွက် စိတ်အပန်းဖြေခြင်း အခန်းကဏ္ဍတွင် ဂီတသည် အရေးကြီးကြောင်း တွေ့ရှိရပါတယ်။
အဆိုပါလေ့လာမှုတွင် သွေးတိုးရောဂါကို ကုသမှုခံယူနေသော လူနာ (၄၈) ဦး ပါဝင်ခဲ့ပါတယ်။ လူနာ (၂၈ )ဦးသည် အသက်ရှူလေ့ကျင့်ခန်းများ ပြုလုပ်နေချိန်အတွင်း ကလက်စစ်(classic)၊ အိန္ဒီယန် (Indian) သို့မဟုတ် ဆလ်တစ်စ်(celtic) တေးဂီတများကို တစ်နေ့လျှင် မိနစ်( ၃၀) ခန့်ဖြင့် (၄)ပတ်ကြာ နားထောင်ခဲ့ကြပါတယ်။ နောက်ထပ်လူနာ (၂၀) ဦး တွင်တော့ နေ့စဉ်လူနေမှုပုံစံ မပြောင်းလဲပါ။ ဒီလေ့လာမှုမှတစ်ဆင့် ပထမအုပ်စုတွင် အပေါ်သွေးပေါင်ချိန်(Systolic Blood Pressure) သိသိသာသာ ကျဆင်းသွားသည်ကို သုတေသနပညာရှင်များက တွေ့ရှိခဲ့ကြပါတယ်။
ထို့ကြောင့် သုတေသီများက တေးဂီတသည် စိုးရိမ်ပူပန်မှုကို လျော့ချနိုင်ကြောင်း အကြံပြုထားကြပါတယ်။ တေးဂီတကို နားထောင်သည့်အခါ စိတ်အပန်းပြေစေပြီး စိုးရိမ်ပူပန်မှုများလျော့နည်းလာပါတယ်။ထိုသို့ စိုးရိမ်ပူပန်မှုလျော့နည်းခြင်းကြောင့်လည်း သွေးဖိအား ကျဆင်းလာစေပါတယ်၊၊ သို့သော်လည်း အားလုံးသိထားပြီးသည့်အတိုင်း သွေးတိုးရောဂါကို ကုသရန်အတွက် ဂီတတစ်ခုတည်းနှင့် မလုံလောက်ပါ။
ဆေးဝါးများကို မှန်မှန်သောက်သုံးရန် လိုအပ်သလို လေ့ကျင့်ခန်းလုပ်ခြင်း၊ ကျန်းမာရေးနှင့်ညီညွတ်သော အစားအသောက်များကို စားသုံးခြင်းနှင့် စိတ်အပန်းဖြေခြင်းတို့ကဲ့သို့သော ကျန်းမာစေသည့် လူနေမှုပုံစံများကိုပါ လိုက်နာဆောင်ရွက်ရမှာပဲ ဖြစ်ပါတယ်။

Ref Link: https://myhealth-partner.com/articles/music-relaxation-and-blood-pressure-reduction

အမျိုးအစား (၂) ဆီးချိုရောဂါ လက္ခဏာများကို ဘယ်လိုထိန်းချုပ်မလဲ? အမျိုးအစား (၂) ဆီးချိုရောဂါတွင် နောက်ဆက်တွဲ ပြဿနာများကို ...
25/03/2026

အမျိုးအစား (၂) ဆီးချိုရောဂါ လက္ခဏာများကို ဘယ်လိုထိန်းချုပ်မလဲ?
အမျိုးအစား (၂) ဆီးချိုရောဂါတွင် နောက်ဆက်တွဲ ပြဿနာများကို ကာကွယ်ရန်၊ နှောင့်နှေးစေရန်နှင့် ဘဝအရည်အသွေးကို ထိန်းသိမ်းရန်အတွက် နေထိုင်မှုပုံစံ ပြောင်းလဲခြင်း၊ ဆေးဝါးများ သောက်သုံးခြင်းနှင့် သက်ဆိုင်ရာဆရာဝန်နှင့် ပုံမှန်ပြသစစ်ဆေးခြင်းတို့ဖြင့် ရောဂါလက္ခဏာများကို အမျိုးအစား (၂) ဆီးချိုရောဂါ လက္ခဏာများကို ဘယ်လိုထိန်းချုပ်မလဲ?
အမျိုးအစား (၂) ဆီးချိုရောဂါ၏ လက္ခဏာများကို နေထိုင်မှုပုံစံ ပြောင်းလဲခြင်း၊ ဆေးဝါးများ သောက်သုံးခြင်းနှင့် သက်ဆိုင်ရာဆရာဝန်နှင့် ပုံမှန်ပြသစစ်ဆေးခြင်းတို့ဖြင့် ကာကွယ်နိူင်ပြီး နေ့စဉ်ဘဝကို ကောင်းမွန်စွာဖြတ်သန်းနိုင်မှာ ဖြစ်ပါတယ်၊၊
၁။လေ့ကျင့်ခန်းပုံမှန်လုပ်ပါ၊၊
လေ့ကျင့်ခန်းပုံမှန်လုပ်ဆောင်ခြင်းသည် လူတိုင်းအတွက် အရေးကြီးပါတယ်၊၊ အမျိုးအစား (၂) ဆီးချိုရောဂါ လက္ခဏာများ ရှိသူများအတွက် ပို၍ပင် အရေးကြီးပါတယ်။ လေ့ကျင့်ခန်းပုံမှန်လုပ်ခြင်းဖြင့် ...
- အချိန်တိုအတွင်း (သို့မဟုတ်) ရေရှည်ကာလကြာသည်ထိ ဆေးဝါးအကူအညီမပါဘဲ သွေးတွင်းသကြားဓာတ်ကို လျှော့ချပေးနိုင်ခြင်း
- ဂလူးကို့စ်ကို စွမ်းအင်အဖြစ် အသုံးပြုပစ်ခြင်း
- ဆဲလ်များ၏ အင်ဆူလင်အပေါ် တုံ့ပြန်မှုကို ပိုမိုကောင်းစေခြင်း
- ကယ်လိုရီများကို လောင်ကျွမ်းစေနိုင်ခြင်း
- ကိုယ်အလေးချိန် ထိန်းချုပ်နိုင်ခြင်း
- သွေးစီးဆင်းမှုနှင့် သွေးဖိအားကို ကောင်းမွန်စေခြင်း
- အင်အားတိုးစေခြင်း
- စိတ်ခံစားချက်ကို ကောင်းမွန်စေရန် မြှင့်တင်ပေးခြင်း
- စိတ်ဖိစီးမှုကို ကျော်လွှားနိုင်ခြင်း စတဲ့ အကျိုးကျေးဇူးတွေ ရရှိစေပါတယ်။
ကိုယ်လက်လှုပ်ရှားမှုအစီအစဉ်တစ်ခု မစတင်ခင် ကျွမ်းကျင်ပညာရှင်နှင့် တိုင်ပင်ပါ။ အထူးသဖြင့် အင်ဆူလင် အသုံးပြုနေရသူများမှာ ကိုယ်လက်လှုပ်ရှားမှု မပြုလုပ်မီ၊ ပြုလုပ်နေစဉ်နှင့် ပြုလုပ်ပြီးနောက် အထူးဂရုပြုလိုက်နာရန် အဆင့်များရှိနိုင်ပါတယ်၊၊ ခပ်သွက်သွက် လမ်းလျှောက်ခြင်း၊ စက်ဘီးစီးခြင်း၊ အပြေးလေ့ကျင့်ခြင်း သို့မဟုတ် ရေကူးခြင်းကဲ့သို့သော အသင့်အတင့် လှုပ်ရှားရသည့် အေရိုးဗစ်လေ့ကျင့်ခန်းများကို တစ်ပတ်လျှင် အနည်းဆုံး မိနစ် (၁၅၀) ပြုလုပ်ရန် ဖြစ်ပါတယ်။
၂။ကျန်းမာရေးနှင့် ညီညွတ်သော အစားအစာများကို စားသုံးပါ။
ပြည့်ဝဆီ၊ ပြုပြင်ထားသော ကာဗိုဟိုက်ဒရိတ်၊ အချိုဓာတ်မြင့်မားသော ပြောင်းဖူးရည် (Corn Syrup) စသည်တို့ကို လျှော့ပြီး၊ အမျှင်ဓာတ် နှင့် မပြည့်ဝဆီ မြင့်မားသော အစားအသောက်များကို ရွေးချယ်စားသုံးသင့်ပါတယ်။
အောက်ပါတို့ကို အဓိကထား စားသုံးပါ။
- အဆီနည်းသော အသားဓာတ်များ (ကြက်သား၊ ကြက်ဥ၊ ငါး၊ ကြက်ဆင်သား)
- ကစီဓာတ်မပါဝင်သော ဟင်းသီးဟင်းရွက်များ (ပန်းဂေါ်ဖီစိမ်း၊ ပဲသီး၊ အရွက်စိမ်းများ၊ သခွားသီး)
- ကျန်းမာရေးအတွက်ကောင်းသော အဆီများ (ထောပတ်သီး၊ အစေ့အဆန်များ၊ သဘာဝမြေပဲထောပတ်၊ သံလွင်ဆီ)
- ပဲမျိုးစုံ၊ ဘယ်ရီသီးများ၊ ကန်စွန်းဥ၊ ဂျုံကြမ်းဖြင့် လုပ်ထားသော ပေါင်မုန့် ကဲ့သို့သော ကာဗိုဟိုက်ဒရိတ်များ
၃။ သွေးတွင်းသကြားဓာတ်ကို ပုံမှန်စစ်ဆေးပါ။
လက်ချောင်းထိပ်ကို ဖောက်၍ သွေးတွင်းသကြားဓာတ်တိုင်းစက်ဖြင့် စစ်ဆေးခြင်း (သို့မဟုတ်) ဂလူးကို့စ် စောင့်ကြည့်စက် (Continuous Glucose Monitor) ကို အသုံးပြုတိုင်းတာခြင်းသည် အမျိုးအစား (၂) ဆီးချိုရောဂါ လက္ခဏာများကို ကုသရန်နှင့် နောက်ဆက်တွဲ ပြဿနာများကို ကာကွယ်ရန်အတွက် အလွန်အရေးကြီးပါတယ်။

၄။စိတ်ကျန်းမာပျော်ရွှင်မှုကို အလေးထားပါ။
ဆီးချိုရောဂါရှိသူများသည် ဆီးချိုမရှိသူများထက် စိတ်ဓာတ်ကျရောဂါ ခံစားရနိုင်ခြေ (၂) ဆမှ (၃) ဆ ပိုများပြီး စိုးရိမ်ပူပန်မှုရောဂါ (Anxiety) ခံစားရနိုင်ခြေ( ၂၀) ရာခိုင်နှုန်း ပိုများပါတယ်။ အမြဲဂရုစိုက်ပေးနေရန် လိုအပ်တဲ့ နာတာရှည်ရောဂါတစ်ခုခံစားရသူများသည် စိတ်ပင်ပန်းမှုများပြီး ခက်ခဲသလို ခံစားရနိုင်ပါတယ်၊၊ အကယ်၍ စိတ်ဓာတ်ကျခြင်း သို့မဟုတ် စိုးရိမ်ပူပန်ခြင်း လက္ခဏာများကို ခံစားနေရပါက စိတ်ကျန်းမာရေး ကျွမ်းကျင်ပညာရှင်နှင့် တိုင်ပင်ဆွေးနွေးရန် အရေးကြီးပါတယ်။
Ref Link: https://myhealth-partner.com/articles/know-symptoms-type2-diabetes-better-management

18/03/2026

နာတာရှည်ခြေထောက်သွေးပြန်ကြောအားနည်းရောဂါကို ကာကွယ်ရန် အကောင်းဆုံး ကိုယ်နေဟန်ထားများ

သွေးလှည့်ပတ်မှု ကောင်းမွန်စေရန်နှင့် နာတာရှည်ခြေထောက်သွေးပြန်ကြောအားနည်းရောဂါ (Chronic Venous Disease) ကို ကာကွယ်ရန် သွေးပြန်ကြောကျန်းမာရေးကို ထိန်းသိမ်းရန်မှာ အလွန်အရေးကြီးပါတယ်။
သို့သော် သွေးပြန်ကြောတွင်း သွေးလှည့်ပတ်မှု ကောင်းမွန်အောင် ဘာတွေ လုပ်ရမလဲ? ခြေထောက်ကို မြှင့်ထားခြင်း၊ မှန်ကန်စွာ ထိုင်ခြင်းကဲ့သို့သော မှန်ကန်သည့် ကိုယ်နေဟန်ထား နည်းလမ်းများသည် သွေးစီးဆင်းမှုကို အကျိုးပြုနိုင်ပါတယ်။
(၁) လှုပ်ရှားတက်ကြွစွာ နေထိုင်ပါ။
ပုံမှန် ကိုယ်လက်လှုပ်ရှားမှု ပြုလုပ်ခြင်းသည် သွေးပြန်ကြောများ ကျန်းမာစေရန် အကောင်းဆုံးနည်းလမ်းတစ်ခုဖြစ်ပါတယ်။ လမ်းလျှောက်ခြင်း၊ စက်ဘီးစီးခြင်း၊ ရေကူးခြင်း၊ အပြေးလေ့ကျင့်ခြင်း ကဲ့သို့သော ခြေထောက်လှုပ်ရှားမှုပါဝင်သည့် လေ့ကျင့်ခန်းများသည် ခန္ဓာကိုယ်အောက်ပိုင်း သွေးလှည့်ပတ်မှုကို လှုံ့ဆော်ပေးပါတယ်။ ကိုယ်လက်လှုပ်ရှားမှုသည် သွေးပြန်ကြောများကို ဝန်းရံထားသော ကြွက်သားများကို သန်မာစေပြီး သွေးပြန်ကြောများ၏ လုပ်ဆောင်ချက်ကို ကူညီပေးပါတယ်။ တစ်ပတ်တာတွင် နေ့စဉ် အနည်းဆုံး မိနစ် ၃၀ ခန့် လေ့ကျင့်ခန်းအသင့်အတင့် ပြုလုပ်ပေးပါ။ နာတာရှည် သွေးပြန်ကြောရောဂါ ကုသရန်အတွက် ဝတ်ဆင်ရသောခြေအိတ် (Compression Socks) အသုံးပြုရသူများအနေဖြင့် လေ့ကျင့်ခန်းလုပ်နေစဉ်အတွင်း ၎င်းတို့ကို ဝတ်ဆင်ထားနိုင်ပါတယ်။
(၂) ခြေထောက်ကို မြှင့်ထားပါ။
ခြေထောက်များကို အနားပေးပြီး မကြာမကြာ မြှင့်ထားပေးခြင်းသည် သွေးလှည့်ပတ်မှုကို ကောင်းမွန်စေကာ သွေးပြန်ကြောများပေါ်တွင် သက်ရောက်နေသော ဝန်ထုပ်ဝန်ပိုးကို လျော့ကျစေပါတယ်။ ဖြစ်နိုင်သည့်အခါတိုင်း တစ်နေ့လျှင် အကြိမ်အနည်းငယ်၊ မိနစ် ၁၅ မှ ၂၀ ခန့်အထိ ခြေထောက်ကို နှလုံး၏ အမြင့်ထက်ကျော်အောင် မြှင့်ထားပေးပါ။ နှလုံးထက် မြင့်အောင်ထားရန် မဖြစ်နိုင်ပါက အနည်းဆုံး တင်ပါးထက် မြင့်သောနေရာတွင် ထားနိုင်ပါတယ်။ ဤသို့လုပ်ပေးခြင်းဖြင့် ကမ္ဘာ့မြေဆွဲအား၏ အကူအညီကြောင့် သွေးများ နှလုံးဆီသို့ ပြန်လည်စီးဆင်းရန် လွယ်ကူစေပြီး ရောင်ရမ်းမှုနှင့် မအီမသာဖြစ်မှုများကို လျော့ကျစေပါတယ်။ ခြေထောက်ကို မြှင့်ထားရန် ခြေထောက်အောက်တွင် ခေါင်းအုံးများ ဆင့်ထားကာ (သို့မဟုတ်) ခြေတင်ခုံ တစ်ခုခုကို သုံးကာပြုလုပ်နိုင်ပါသည်။ လဲလျောင်းနေရင်း ခြေထောာက်ကိုမြှင့်ထားပေးခြင်းက ပိုမိုကောင်းမွန်သော ရလဒ်ကို ရရှိစေပါတယ်။ အလုပ်တွင် ဖုန်းပြောနေစဉ်မှာလည်း ခြေထောက်များကို စားပွဲ၏ လွတ်နေသော ထောင့်တစ်နေရာပေါ်သို့ ခေတ္တတင်ထားနိုင်ပါတယ်။
(၃) အကြာကြီး ထိုင်ခြင်း / မတ်တပ်ရပ်ခြင်းကို ရှောင်ကြဉ်ပါ။
အကြာကြီး ထိုင်ခြင်းသည် ဆေးလိပ်သောက်ခြင်းကဲ့သို့ပင် အန္တရာယ်ရှိတယ် လို့ ဆိုကြပါတယ်။ အကြာကြီး ထိုင်ခြင်း (သို့မဟုတ်) မတ်တပ်ရပ်ခြင်းသည် ကျန်းမာသော သွေးလှည့်ပတ်မှုကို ဟန့်တားနိုင်ပြီး သွေးပြန်ကြောများပေါ်တွင် ဖိအားပိုများစေပြီး ခြေထောက်သွေးပြန်ကြောထုံးများ (Varicose Veins) ဖြစ်ပွားမှုကိုလည်း အားပေးနိုင်ပါတယ်။ လမ်းလျှောက်ပေးခြင်းဖြင့် ခြေလှမ်းတိုင်းသည် သွေးများကို နှလုံးဆီသို့ သဘာဝအတိုင်း ပြန်လည်ရောက်ရှိရန် ကူညီပေးသည့်အပြင် လှုပ်ရှားသွားလာသည့်အခါ ခြေသလုံးကြွက်သားများ ကျုံ့သွားပြီး ခြေထောက်ရှိ သွေးကြောများကို ဖိအားပေးခြင်းဖြင့် နှလုံးမှ ခြေထောက်နှင့် ခြေဖဝါးများအထိ သွေးစီးဆင်းမှု မှန်ကန်စေရန် ထိန်းသိမ်းပေးပါတယ်။
အချိန်ကြာမြင့်စွာ ထိုင်နေသည့်အခါ ကြွက်သားများက ငြိမ်နေပြီး သွေးလှည့်ပတ်မှုအတွက် အလုပ်အားလုံးကို သွေးပြန်ကြောများကသာ လုပ်ဆောင်ခြင်းဖြင့် သွေးစီးဆင်းမှုကို လျော့နည်းစေပြီး သွေးများ စုပုံစေကာ နာတာရှည် ခြေထောက်သွေးပြန်ကြောအားနည်းရောဂါ ဖြစ်စေနိုင်ပါတယ်။ နှစ်ရှည်လများ မလှုပ်မယှက် နေထိုင်ခြင်းသည် ရှိနှင့်ပြီးသား သွေးပြန်ကြောထုံးများကို ပိုမိုဆိုးရွားစေပြီး သေးငယ်သော သွေးကြောများကို အရေပြားပေါ်တွင် မြင်ရသော သွေးကြောထုံးကြီးများအထိ ဖြစ်သွားစေနိုင်ပါတယ်။

အချိန်ကြာမြင့်စွာ ထိုင်ရသော ရုံးအလုပ်မျိုး လုပ်ကိုင်ရပါက ခြေထောက်များကို ဆန့်ထုတ်ရန်နှင့် လှုပ်ရှားမှုရှိရန် ပုံမှန် အနားယူပေးပါ။ ခြေထောက်သွေးပြန်ကြောထုံးများ နှင့် အခြားကျန်းမာရေးပြဿနာများ ဖြစ်နိုင်ခြေကို လျှော့ချရန်အတွက် ပုံမှန်အားဖြင့် တစ်ခါထိုင်လျှင် မိနစ် ၆၀ မှ ၁၈၀ ထက် ပို၍ ဆက်တိုက်ထိုင်ခြင်းကို ရှောင်ကြဉ်ပါ။ အချိန်ကြာမြင့်စွာ မတ်တပ်ရပ်ရသူဖြစ်ပါက ကိုယ်အလေးချိန်ကို ခြေထောက်တစ်ဖက်မှ တစ်ဖက်သို့ ပြောင်းပေးခြင်း၊ လမ်းခဏလျှောက်ပေးခြင်း၊ ခြေဖျားထောက်ခြင်း၊ ခြေကျင်းဝတ် လှည့်ခြင်းကဲ့သို့သော ရိုးရှင်းသည့် လေ့ကျင့်ခန်းလေးများ ပြုလုပ်ပေးခြင်းဖြင့် သွေးစီးဆင်းမှု ချောမွေ့အောင် လုပ်ဆောင်နိုင်ပါတယ်။

(၄) မှန်ကန်စွာ ထိုင်ပါ။
နေ့စဉ် အချိန်အကြာကြီး ထိုင်နေရသူဖြစ်ပါက ရိုးရှင်းသော အလုပ်ခွင်ကိုယ်နေဟန်ထား နှင့် မှန်ကန်သည့် ထိုင်သည့်ပုံစံများသည် သွေးစီးဆင်းမှုကို ကောင်းမွန်စေပြီး ခြေထောက်သွေးပြန်ကြောထုံးများကို ကာကွယ်ပေးနိုင်ပါတယ်။ ခြေထောက် ချိတ်မထိုင်ပါနှင့်။ ခြေထောက် ချိတ်ထိုင်ခြင်းသည် ဒူးအနောက်ရှိ သွေးကြောများကို ပိတ်ဆို့စေပြီး သွေးလှည့်ပတ်မှု ပြဿနာများကို ဖြစ်စေနိုင်ပါတယ်။ ခြေဖဝါးကို ကြမ်းပြင်ပေါ်တွင် ပြားပြားကပ်ထားပါ။ ဒူးများကို တင်ပါးနှင့် တစ်ညီတည်း (သို့မဟုတ်) တင်ပါးထက် အနည်းငယ်နိမ့်သော အနေအထားတွင် ထားပါ (သို့မဟုတ် ရှေ့တွင် ဖော်ပြခဲ့သည့်အတိုင်း ခြေထောက်ကို မြှင့်ထားပါ)။ ထိုင်ခုံနှင့် ဒူးကြားတွင် နေရာလွတ် အနည်းငယ် ထားရှိပါ။ ဤကိုယ်နေဟန်ထားသည် သွေးစီးဆင်းမှုကို အများဆုံးဖြစ်စေပြီး ခန္ဓာကိုယ်၏ ဟန်ချက်ကိုလည်း တိုးတက်စေပါတယ်။

(၅) Compression Stockings ဝတ်ဆင်ပါ။
Compression Stockings များသည် ခြေထောက်များကို အသာအယာ ဖိအားပေးရန် ဒီဇိုင်းထုတ်ထားခြင်းဖြစ်ပြီး သွေးလှည့်ပတ်မှုကောင်းမွန်စေရန် ကူညီပေးကာ သွေးပြန်ကြောထဲတွင် သွေးများ စုပုံခြင်းကို ကာကွယ်ပေးပါတယ်။ ဤခြေအိတ်များသည် ခြေထောက်သွေးပြန်ကြောထုံးရောဂါ လက္ခဏာများကို သက်သာစေပြီး သွေးခဲနိုင်ခြေကို လျှော့ချပေးပါတယ်။ တစ်ဦးစီအတွက် သင့်တော်မည့် ဖိအားပမာဏနှင့် ခြေအိတ်အမျိုးအစားကို သိရှိနိုင်ရန် ဆရာဝန်နှင့် ဆွေးနွေးတိုင်ပင်နိုင်ပါတယ်။

(၆) ခြေထောက်သွေးပြန်ကြောထုံးများကို သက်သာစေမည့် လေ့ကျင့်ခန်းများ
လေ့ကျင့်ခန်းလုပ်ခြင်းသည် သွေးလှည့်ပတ်မှုကို ကောင်းမွန်စေသဖြင့် နာတာရှည်ခြေထောက်သွေးပြန်ကြောရောဂါ၏ လက္ခဏာများကို သက်သာစေနိုင်ပါတယ်။

ခြေဖဝါး အနိမ့်အမြင့် ကစားခြင်း (Foot pumps)
ခြေကျင်းဝတ် လှည့်ခြင်း (Ankle circles)
ခြေသလုံး ကြွက်သား မြှင့်ခြင်း (Calf raises)
ခြေထောက် မြှောက်ခြင်း (Leg raises)
အမှတ်စဉ်အတိုင်း လမ်းလျှောက်ခြင်း (Marching)
လေ့ကျင့်ခန်းသုံး စက်ဘီးစီးခြင်း (Cycling on a stationary bike) စသည့်လေ့ကျင့်ခန်းများသည် ခြေထောက်သွေးပြန်ကြောထုံးရောဂါ၏ လက္ခဏာများကို ထိန်းချုပ်ရန် ကူညီပေးနိုင်ပါတယ်။

သွေးလှည့်ပတ်မှု မကောင်းသည့် လက္ခဏာများ ခံစားနေရပါက မှန်ကန်သောရောဂါရှာဖွေမှုနှင့် ကုသမှုများ ရရှိနိုင်ရန် ဆရာဝန်နှင့် တိုင်ပင်ဆွေးနွေးရန် လိုအပ်ပါတယ်။



Ref Link: https://myhealth-partner.com/articles/the-best-postures-to-prevent-chronic-venous-disease

လိပ်ခေါင်းရောဂါလက္ခဏာများကို ထိရောက်စွာ သက်သာစေသည့်နည်းလမ်းများလိပ်ခေါင်းရောဂါလက္ခဏာများကို သိရှိနားလည်ခြင်းနှင့် ထိရောက...
11/03/2026

လိပ်ခေါင်းရောဂါလက္ခဏာများကို ထိရောက်စွာ သက်သာစေသည့်နည်းလမ်းများ

လိပ်ခေါင်းရောဂါလက္ခဏာများကို သိရှိနားလည်ခြင်းနှင့် ထိရောက်စွာ သက်သာပျောက်ကင်းစေခြင်း
လိပ်ခေါင်းရောဂါလက္ခဏာများနှင့် နာကျင်မှုကို သက်သာစေရန် အိမ်တွင်းကုထုံးများ၊ လူနေမှုပုံစံ ပြောင်းလဲခြင်း၊ အကိုက်အခဲပျောက်ဆေးများနှင့် လိမ်းဆေးများ အပါအဝင်နည်းလမ်းများစွာ ရှိပါတယ်။

လိပ်ခေါင်းရောဂါခံစားနေရတာကို ဘယ်လိုသိနိုင်မလဲ?
လိပ်ခေါင်းရောဂါသည် ကမ္ဘာတစ်ဝှမ်းရှိ သန်းပေါင်းများစွာသော လူများတွင် အဖြစ်များပြီး စိတ်မသက်မသာ ဖြစ်စရာ ဝေဒနာတစ်ခု ဖြစ်ပါတယ်။
ခြေထောက်သွေးပြန်ကြောထုံးများ (Varicose veins) လိုပဲ လိပ်ခေါင်းဟာ စအိုတဝိုက်ရှိ သွေးပြန်ကြောများ ရောင်ရမ်းဖောင်းကြွလာခြင်း ဖြစ်ပြီး စအိုအတွင်းတွင်ခံစားရပါက "အတွင်းလိပ်ခေါင်း" သို့မဟုတ် စအိုဝပတ်ပတ်လည်ရှိ အရေပြားအောက်တွင်ခံစားရပါက"အပြင်လိပ်ခေါင်း" ဆိုပြီး ခေါ်ဆိုပါတယ်၊၊
အောက်ပါ လက္ခဏာများကို သတိပြုမိခြင်းဖြင့် မိမိတွင် လိပ်ခေါင်းရှိနေကြောင်း ခန့်မှန်းသိရှိနိုင်ပါတယ်။
နာကျင်ခြင်း - ထိုင်နေစဉ် သို့မဟုတ် ဝမ်းသွားနေစဉ်အတွင်း နာကျင်ခြင်း (သို့မဟုတ်) ပူစပ်ပူလောင် ဖြစ်ခြင်းတို့ကို ခံစားရနိုင်ပါတယ်။
ယားယံခြင်း - စအိုတဝိုက်တွင် ယားယံခြင်း သို့မဟုတ် နေရထိုင်ရခက်ခြင်းတို့ကို ခံစားရနိုင်ပါတယ်။
အကျိတ်များ - အချို့သူများသည် စအိုတဝိုက်တွင် မာကျောပြီး နာကျင်တတ်သော အကျိတ်တစ်ခု (သို့မဟုတ်) တစ်ခုထက်ပို၍ စမ်းမိခြင်း ရှိနိုင်ပါတယ်။
သွေးကျခြင်း - သွေကျခြင်းသည် အတွင်းလိပ်ခေါင်းဖြစ်ပါက ပြသလေ့ရှိသော တစ်ခုတည်းသော လက္ခဏာ ဖြစ်ပါတယ်။
အတွင်းလိပ်ခေါင်းနဲ့ အပြင်လိပ်ခေါင်း လက္ခဏာကွဲပြားမှုရှိလား?
လိပ်ခေါင်းလက္ခဏာများသည် အတွင်းလိပ်ခေါင်း သို့မဟုတ် အပြင်လိပ်ခေါင်း ဖြစ်ခြင်းအပေါ် မူတည်၍ ကွဲပြားနိုင်ပါတယ်။

အတွင်းလိပ်ခေါင်းမှာ များသောအားဖြင့် နာကျင်မှုမရှိတတ်ပါ။ ဘာလက္ခဏာမှ မပြဘဲ ရှိနေနိုင်ပြီး ဝမ်းသွားနေချိန်မှာ သွေးကျခြင်းကို ဖြစ်စေနိုင်ပါတယ်။ ဝမ်းထဲတွင်၊ ဝမ်းသွားပြီးနောက် သန့်စင်သည့် တစ်ရှူးပေါ်တွင် (သို့မဟုတ်) အိမ်သာခွက်ထဲတွင် သွေးအနီရဲရဲ အနည်းငယ်ကို သတိပြုမိနိုင်ပါတယ်။
အပြင်လိပ်ခေါင်း လက္ခဏာများမှာတော့ ထိုင်နေစဉ် နာကျင်ခြင်း (သို့) နေရထိုင်ရခက်ခြင်း၊ ဝမ်းသွားစဉ် သွေးထွက်ခြင်း၊ စအိုဝတစ်ဝိုက် ယားယံခြင်းနဲ့ ရောင်ရမ်းခြင်းတို့ ဖြစ်နိုင်ပါတယ်။

လိပ်ခေါင်းလက္ခဏာတွေ ဘာကြောင့် ဖြစ်တာလဲ?
လိပ်ခေါင်းဝေဒနာများကို သက်သာစေရန်အတွက် ဘာကြောင့်ဖြစ်ရတာကို နားလည်ထားဖို့ အရေးကြီးပါတယ်။

လိပ်ခေါင်းရောဂါ ဖြစ်စေနိုင်သော အချက်များတွင်
ဝမ်းသွားစဉ် အလွန်အမင်းညှစ်ခြင်း - လိပ်ခေါင်းရောဂါဖြစ်စေသည့် အဓိကအကြောင်းရင်းများထဲမှ တစ်ခုဖြစ်ပြီး ဝမ်းသွားစေရန်ညှစ်ခြင်းကြောင့် စအိုတဝိုက်ရှိ သွေးပြန်ကြောများပေါ်တွင် ဖိအားအလွန်အကျွံ သက်ရောက်စေခြင်းကြောင့်ဖြစ်ပါတယ်။
နာတာရှည် ဝမ်းချုပ်ခြင်း (သို့မဟုတ်) ဝမ်းလျှောခြင်း - ယင်းတို့သည် ဝမ်းသွားစဉ်ညှစ်ရခြင်းနှင့် စအိုတဝိုက်ရှိ သွေးပြန်ကြောများကို ထိခိုက်စေခြင်းတို့ကို ဖြစ်စေနိုင်ပါတယ်။

အချိန်အကြာကြီး ထိုင်ခြင်း - အချိန်ကြာမြင့်စွာ ထိုင်ခြင်း (အထူးသဖြင့် အိမ်သာပေါ်တွင် ကြာရှည်ထိုင်ခြင်း) သည် စအိုရှိ သွေးပြန်ကြောများပေါ်တွင် ဖိအားကို တိုးမြင့်စေနိုင်ပါတယ်။
ကိုယ်ဝန်ဆောင်ခြင်း - ကိုယ်ဝန်ဆောင်စဉ်အတွင်း တင်ပါးဆုံရှိ သွေးကြောများပေါ်တွင် ဖိအားတိုးလာခြင်းကြောင့် လိပ်ခေါင်းဖြစ်နိုင်ခြေ မြင့်တက်စေပါတယ်။
အသက်ကြီးလာခြင်း - အသက်ကြီးလာသည်နှင့်အမျှ တစ်ရှူးများ အားနည်းလာခြင်းကြောင့် လိပ်ခေါင်းဖြစ်နိုင်ခြေ ပိုများလာပါတယ်။
အလေးအပင် မခြင်း - လေးလံသော ပစ္စည်းများကို ပုံမှန်”မ”ခြင်းသည် စအိုတဝိုက်ရှိ သွေးပြန်ကြောများကို ဒဏ်ဖြစ်စေနိုင်ပါတယ်။
ကိုယ်အလေးချိန်များခြင်းနှင့် အဝလွန်ခြင်း
အမျှင်ဓာတ် နည်းပါးသော အစားအသောက်များကို စားသုံးခြင်း
စအိုဖြင့် လိင်ဆက်ဆံခြင်း
ချောင်းဆိုးခြင်း၊ နှာချေခြင်းနှင့် အန်ခြင်း တို့သည်လည်း လိပ်ခေါင်းဝေဒနာကို ပိုမိုဆိုးရွားစေနိုင်ပါတယ်။

လိပ်ခေါင်းဝေဒနာများကို သက်သာစေရန် ထိရောက်သော နည်းလမ်းများ ရှိပါသလား?
လိပ်ခေါင်းရောဂါသည် နာကျင်ပြီး အနေရခက်စေသော်လည်း များသောအားဖြင့် ထိရောက်စွာ ကုသနိုင်ပါတယ်။ရိုးရှင်းသော လူနေမှုပုံစံ ပြောင်းလဲခြင်းဖြင့် ရောဂါလက္ခဏာများကို သက်သာစေနိုင်ပါတယ်။
- အမျှင်ဓာတ်ပြည့်ဝသော သစ်သီးဝလံ၊ ဟင်းသီးဟင်းရွက်နှင့် အစေ့အဆန်များ စားသုံးပေးပါ။ အမျှင်ဓာတ်သည် ဝမ်းသွားရလွယ်ကူစေပါတယ်။
- ဝမ်းသွားစဉ် ညှစ်ခြင်းကို ရှောင်ပါ။ အတင်းညှစ်၍ ဝမ်းသွားခြင်းက လိပ်ခေါင်းကို ပိုမိုဆိုးရွားစေနိုင်ပါတယ်။
- ဝမ်းသွားချင်လာလျှင် ချက်ချင်းသွားပါ။ အချိန်ဆွဲထားခြင်းသည် ဝမ်းသွားရန် ပိုမိုခက်ခဲစေနိုင်ပါတယ်။
- အိမ်သာထဲတွင် (၅) မိနစ်မှ (၁၀) မိနစ်ထက် ပိုမထိုင်ပါနှင့်၊၊ကြာရှည်ထိုင်ခြင်းက နာကျင်မှုကို ပိုဆိုးစေနိုင်ပါတယ်။ အကယ်၍ ထိုအချိန်အတွင်း ဝမ်းမသွားပါက ပိုညှစ်ဖို့ မကြိုးစားပါနဲ့။
- ရေများများသောက်သုံးခြင်းက ဝမ်းသွားရန် ပိုမိုလွယ်ကူစေပါတယ်။ ရေသည် အစာခြေစနစ်အတွင်းရှိ အမျှင်ဓာတ်များ၊ အညစ်အကြေးများနှင့် ပေါင်းစပ်ပြီး ဝမ်းပျော့စေရန် ကူညီပေးပါတယ်။ တစ်နေ့တာအတွင်း ရေ (၈) ခွက်ခန့် ပုံမှန်သောက်ပါ။
- အရက်နှင့် ကဖင်းဓာတ် (လက်ဖက်ရည်၊ ကော်ဖီ) လျှော့သောက်ပါ။ ၎င်းတို့သည် ခန္ဓာကိုယ်ကို ဖိစီးစေပြီး ဝေဒနာကို ပိုဆိုးစေနိုင်ပါတယ်။
- ရေပြည့်နေသော ရေကန်ထဲတွင် ဖြစ်စေ၊ တင်ပါးဆုံ ရေနွေးစိမ်ခြင်းနည်းဖြင့် (Sitz Bath) ဖြင့် ဖြစ်စေ ရေနွေးနွေးဖြင့် စိမ်ခြင်းကို တစ်နေ့လျှင် မိနစ် (၂၀) ခန့် အကြိမ်ရေများများ ပြုလုပ်ခြင်းဖြင့် ဝေဒနာကို သက်သာစေနိုင်ပါတယ်။ ရေနွေးနွေး၏ အပူရှိန်သည် ရောင်ရမ်းမှုကို လျော့ကျစေရန် ကူညီပေးပြီး ယားယံခြင်း၊ စအိုပတ်ပတ်လည် ကြွက်သားများ တင်းကြပ်နာကျင်ခြင်း (Sphincter Muscle Spasms) တို့ကို သက်သာစေပါတယ်။
- စအိုပတ်ပတ်လည် ဧရိယာကို ရေခဲအိတ်ဖြင့် ကပ်ပေးခြင်းဖြင့် နာကျင်မှု၊ ရောင်ရမ်းမှု၊ နေရထိုင်ရခက်ခြင်းတို့ကို လျော့ကျစေနိုင်ပါတယ်။ ရေခဲအိတ်ကို အဝတ်အစားပေါ်မှာတင်ခြင်း (သို့မဟုတ်) အဝတ်ဖြင့်ပတ်၍ အရေပြားပေါ်သို့ တိုက်ရိုက် တစ်ခါလျှင် (၁၅) မိနစ်မှ (၂၀) မိနစ်အထိ ကပ်ပေးနိုင်ပါတယ်။
- လေ့ကျင့်ခန်းလုပ်ခြင်းသည် ဝမ်းသွားရန် ပိုမိုလွယ်ကူစေသောကြောင့် တစ်ပတ်လျှင် (၄) ကြိမ်မှ (၅) ကြိမ်အထိ၊ တစ်ခါလျှင် မိနစ် (၃၀) ခန့် လေ့ကျင့်ခန်း လုပ်ပေးခြင်းဖြင့် ဝမ်းမချုပ်အောင် နေထိုင်ပါ။ တစ်ကိုယ်လုံး လှုပ်ရှားမှုပြုလုပ်ရသည့် စက်ဘီးစီးခြင်း၊ အပြေးလေ့ကျင့်ခြင်း သို့မဟုတ် ရေကူးခြင်းကဲ့သို့သော လေ့ကျင့်ခန်းများကို လုပ်ပါ။
- မာကျောသော ထိုင်ခုံများအစား လိပ်ခေါင်းကူရှင်( သို့မဟုတ် )အခြား ပျော့ပျောင်းတဲ့ မျက်နှာပြင်ပေါ်တွင် ထိုင်ခြင်းဖြင့် နေရထိုင်ရခက်ခြင်းကို လျှော့ချကာ လိပ်ခေါင်းရောင်ရမ်းမှုကို သက်သာစေပြီး လိပ်ခေါင်းအသစ် ထပ်မဖြစ်အောင်လည်း ကာကွယ်ပေးနိုင်ပါတယ်။
- ဆေးစာမလိုဘဲ ဝယ်ယူရရှိနိုင်သည့် အက်စပရင် (Aspirin) ကဲ့သို့သော အကိုက်အခဲပျောက်ဆေး သောက်သုံးပေးခြင်းဖြင့် နာကျင်မှုကို သက်သာစေနိုင်ပါတယ်။
- နေရထိုင်ရခက်ခြင်းကို ရှောင်ရှားရန် အိမ်သာတက်ပြီးနောက် ကြမ်းတမ်းစွာ ပွတ်တိုက်သန့်စင်ခြင်း မလုပ်မိစေဖို့ ဂရုစိုက်ပါ။ အိမ်သာသုံးစက္ကူအစို (သို့မဟုတ်) ကလေးသုံးတစ်ရှူးအစို (Baby Wipes) ကို အသုံးပြုနိုင်ပါတယ်။ အနံ့ပြင်းသော တစ်ရှူးအစိုများကို မသုံးသင့်ပါ။
- ရောင်ရမ်းမှု လျော့ကျစေရန် လိပ်ခေါင်းရောဂါသက်သာစေသော လိမ်းဆေးကို တစ်နေ့(၄)ကြိမ်ဖြင့် တစ်ပတ်ခန့် လိမ်းပေးနိုင်ပါတယ်။

ခွဲစိတ်ရန်မလိုသော ကုသမှုများ
ဆေးဆိုင်များတွင် အလွယ်တကူ ဝယ်ယူနိုင်သည့် Lidocaine၊ Hydrocortisone တို့ပါဝင်သော ခရင်မ်များ၊ ပတ်ဒ် (Pads) များနှင့် စအိုထည့်ဆေး (Suppositories) များသည် နာကျင်မှု၊ ရောင်ရမ်းမှုနှင့် ယားယံမှုကို ခေတ္တသက်သာစေပါတယ်။

ခွဲစိတ်ကုသမှုများ
လိပ်ခေါင်း အဆင့်ကြီးနေပါက(သို့မဟုတ်)အခြားကုသမှုများဖြင့် မသက်သာပါက လိပ်ခေါင်းကို ဖယ်ရှားရန်၊ ကျုံ့သွားစေရန်အတွက် ခွဲစိတ်မှု (သို့မဟုတ်) အခြားကုသမှုတစ်ခု လိုအပ်နိုင်ပါတယ်။
ထိုနည်းလမ်းများတွင် -
• လိပ်ခေါင်းကျုံ့သွားစေရန် ဓာတုဆေးရည်ဖြင့် ထိုးခြင်း (Sclerotherapy)
• လေဆာအသုံးပြု၍ သွေးကြောများကို ပိတ်ခြင်း
• သွေးစီးဆင်းမှု ရပ်တန့်စေရန် သားရေကွင်းဖြင့် ချည်ခြင်း (Rubber Band Ligation)
• သွေးစီးဆင်းမှု ဖြတ်တောက်ရန် Staple (စတေပလာ) အသုံးပြုခြင်း
• လိပ်ခေါင်း အလွန်ကြီးခြင်း (သို့မဟုတ်) ခဏခဏ ပြန်ဖြစ်ခြင်းများအတွက် လိပ်ခေါင်းကို ဖြတ်ထုတ်ခြင်း (Hemorrhoidectomy) တို့ ပါဝင်ပါတယ်။
အတွင်းလိပ်ခေါင်းအတွက် သီးသန့်ကုသမှု ရှိပါသလား?
အတွင်းလိပ်ခေါင်း ကုသမှုများတွင်
ဆေးဆိုင်များတွင် အလွယ်တကူဝယ်ယူနိုင်သော ဆေးဝါးများ နဲ့အသင့်ပြုလုပ်ထားသော ဆေးပစ္စည်းများ၊ ဂွမ်းဖတ်များ သို့မဟုတ် ရေနွေးနွေးဖြင့် ထိုင်ပေးခြင်း (Sitz baths) တို့သည် နေရထိုင်ရခက်ခြင်းနှင့် ယားယံခြင်းတို့ကို သက်သာစေနိုင်ပါတယ်။
လိပ်ခေါင်းကို သားရေကွင်းပစ်ခြင်း (Rubber Band Ligation) - ဒီကုသမှုကို နာကျင်မှုမရှိဘဲ ခွဲစိတ်ခန်းအတွင်း လုပ်ဆောင်နိုင်ပါတယ်။
လိပ်ခေါင်းကို ခွဲစိတ်ဖြတ်ထုတ်ခြင်း (Hemorrhoidectomy) - လိပ်ခေါင်းကို ခွဲစိတ်ဖယ်ရှားခြင်းကို များသောအားဖြင့် ကုသရခက်ခဲသော လက္ခဏာများ၊ အဆင့် (၃) သို့မဟုတ် အဆင့် (၄) ရှိသော အတွင်းလိပ်ခေါင်းများ (သို့မဟုတ်) အပြင်လိပ်ခေါင်းများအတွက် ပြုလုပ်လေ့ရှိပါတယ်။
Ref Link: https://myhealth-partner.com/articles/recognize-and-effectively-relieve-hemorrhoid-symptoms

သွေးပေါင်ချိန်ကျတဲ့လက္ခဏာတွေကို ဘယ်လိုသိနိုင်မလဲ?သွေးပေါင်ချိန်ဆိုသည်မှာ နှလုံးကတစ်ဆင့် ဦးနှောက်နှင့် ခန္ဓာကိုယ်အနှံ့သို...
04/03/2026

သွေးပေါင်ချိန်ကျတဲ့လက္ခဏာတွေကို ဘယ်လိုသိနိုင်မလဲ?

သွေးပေါင်ချိန်ဆိုသည်မှာ နှလုံးကတစ်ဆင့် ဦးနှောက်နှင့် ခန္ဓာကိုယ်အနှံ့သို့ သွေးများကို သယ်ဆောင်ပေးသည့် သွေးလွှတ်ကြောများအတွင်းရှိ သွေး၏ ဖိအားကို ဆိုလိုပါတယ်။ သွေးပေါင်ချိန် ကျဆင်းသွားသောအခါ သွေးဖိအားကို ပုံမှန်အတိုင်း ထိန်းထားနိုင်ရန် နှလုံးခုန် မြန်လာပြီး အခြား ခန္ဓာကိုယ်အစိတ်အပိုင်းများရှိ သွေးကြောများက ကျဉ်းသွားရမည်ဖြစ်သော်လည်း နှလုံးခုန်နှုန်း လုံလောက်အောင် မြန်မလာတာ သို့မဟုတ် သွေးကြောများက လုံလောက်အောင် ကျဉ်းမသွားပါက သွေးပေါင်ချိန် ကျသွားပါတယ်။ ဒါကို သွေးပေါင်ကျခြင်း (Low Blood Pressure / Hypotension) ဟု ခေါ်ပါတယ်။
သွေးဖိအားကို မီလီမီတာမာကျူရီ (mm Hg) ဖြင့် တိုင်းတာပြီး ယေဘူယျအားဖြင့် သွေးပေါင်ချိန် ၉၀/၆၀ မီလီမီတာမာကျူရီအောက် ရောက်ရှိနေပါက သွေးပေါင်ကျသည်ဟု သတ်မှတ်ပါတယ်။
သွေးပေါင်ကျခြင်းသည် မည်သည့်လက္ခဏာမျှ မပြဘဲ ရှိနေနိုင်ပြီး အောက်ဖော်ပြပါလက္ခဏာများလည်း ခံစားရနိူင်ပါတယ်၊၊
• အမြင်အာရုံဝေဝါးခြင်း သို့မဟုတ် မှောင်ကနဲ ဖြစ်သွားခြင်း
• ခေါင်းမူးခြင်း
• မူးမေ့လဲခြင်း
• မောပန်းနွမ်းနယ်ခြင်း
• ပျို့အန်ခြင်း
• အားအင်ကုန်ခမ်းခြင်း
• စိတ်ရှုပ်ထွေးခြင်း
• အာရုံစူးစိုက်ရန် ခက်ခဲခြင်း
• ဗိုက်မအီမသာဖြစ်ခြင်း
အထက်ပါ လက္ခဏာတစ်ခုခုကို ခံစားနေရပါက ဆရာဝန်နှင့် တိုင်ပင်ဆွေးနွေးရန် လိုအပ်ပါတယ်။
သွေးပေါင် အလွန်အမင်းကျဆင်းခြင်းသည် ရှော့ခ် (Shock) ရနိုင်သည့် အခြေအနေကိုဖြစ်စေပြီး ၎င်းဧ။် လက္ခဏာများမှာ -
• ဇဝေဇဝါ/မပြတ်မသားဖြစ်ပွားလာခြင်း (အထူးသဖြင့် သက်ကြီးရွယ်အိုများခံစားရပါတယ်)
• အသားအရေ အေးစက်လာခြင်း
• အသားအရေ ဖြူလျော့သွားခြင်း
• အသက်ရှူမြန်ခြင်း၊ အသက်ရှုရခက်ခြင်း
• သွေးခုန်နှုန်း မြန်ပြီး အားပျော့လာခြင်း တို့ ဖြစ်ပါတယ်။
Ref Link: https://myhealth-partner.com/articles/recognizing-low-blood-pressure-symptoms-and-its-causes

🌾 ယနေ့ မတ်လ (၂) ရက်နေ့မှာကျရောက်တဲ့ တောင်သူလယ်သမားနေ့မှာ ကျေးဇူးရှင် တောင်သူလယ်သမားကြီးများ အာလုံးကို Servier Myanmar မိ...
02/03/2026

🌾 ယနေ့ မတ်လ (၂) ရက်နေ့မှာကျရောက်တဲ့ တောင်သူလယ်သမားနေ့မှာ ကျေးဇူးရှင် တောင်သူလယ်သမားကြီးများ အာလုံးကို Servier Myanmar မိသားစုမှအထူးကျေးဇူးတင် ဂါရဝပြုလိုက်ရပါတယ်။ 🌾
#တောင်သူလယ်သမားနေ့

သွေးတွင်းအဆီဓာတ်မြင့်မားခြင်း (ကိုလက်စထရော မြင့်မားခြင်း) သည် နှလုံးရောဂါ ဖြစ်ပွားနိုင်ခြေကို မြင့်တက်စေနိုင်ပါတယ်။ ကလေ...
25/02/2026

သွေးတွင်းအဆီဓာတ်မြင့်မားခြင်း (ကိုလက်စထရော မြင့်မားခြင်း) သည် နှလုံးရောဂါ ဖြစ်ပွားနိုင်ခြေကို မြင့်တက်စေနိုင်ပါတယ်။

ကလေးငယ်များတွင်လည်း ကျန်းမာရေးနှင့် မညီညွတ်သော ကိုလက်စထရော ပမာဏ ရှိနိုင်သော်လည်း အသက်ကြီးလာသည်နှင့်အမျှ အသည်းမှ ကိုလက်စထရောများကို ဖယ်ရှားနိုင်စွမ်း လျော့နည်းလာခြင်းကြောင့် အသက် (၄၀) ကျော်သူများတွင် ပိုမိုအတွေ့ရများပါတယ်။ ကိုလက်စထရော မြင့်မားခြင်းသည် မျိုးရိုးလိုက်ခြင်းကြောင့်လည်း ဖြစ်နိုင်သော်လည်း များသောအားဖြင့် ကြိုတင်ကာကွယ်နိုင်သော၊ ကုသနိုင်သော ကျန်းမာရေးနှင့် မညီညွတ်သည့် လူနေမှုပုံစံ ရွေးချယ်မှုများကြောင့် ဖြစ်တတ်ပါတယ်။

ကိုလက်စထရော မြင့်မားရခြင်း၏ အဓိက အကြောင်းရင်းများမှာ -
အဆီများသော အစားအစာများ စားခြင်း - အဆီများသော အသားများ နှင့် အဆီအပြည့်ပါသော နို့ထွက်ပစ္စည်းများတွင် တွေ့ရသည့် ပြည့်ဝဆီ (Saturated Fat) များကို အလွန်အကျွံ စားခြင်း (သို့မဟုတ်) ထုပ်ပိုးထားသော အသင့်စားမုန့်များနှင့် အချိုပွဲများတွင် တွေ့ရတတ်သည့် အသွင်ပြောင်းဆီ (Trans Fats) များကို စားသုံးခြင်း
လေ့ကျင့်ခန်း လုံလောက်စွာ မလုပ်ခြင်း
ကိုယ်အလေးချိန် များခြင်း / အဝလွန်ခြင်း
ဆေးလိပ်သောက်ခြင်းနှင့် အရက်သောက်ခြင်း တို့ကြောင့်ဖြစ်ပါတယ်။

ကျန်းမာရေးနှင့် မညီညွတ်သော ကိုလက်စထရော ပမာဏကို ဖြစ်စေနိုင်သည့် ရောဂါအခံများတွင် နာတာရှည် ကျောက်ကပ်ရောဂါ၊ ဆီးချိုရောဂါ၊ HIV/AIDS၊ သိုင်းရွိုက်ဟော်မုန်း နည်းခြင်း (Hypothyroidism)၊ လူပတ်စ် (Lupus) ခေါ် ခုခံအားစနစ် ဖောက်ပြန်သည့်ရောဂါ တို့ ပါဝင်ပါတယ်။

ဝက်ခြံ၊ ကင်ဆာ၊ သွေးတိုးရောဂါ၊ HIV/AIDS၊ နှလုံးခုန်နှုန်း မမှန်ခြင်း၊ ကိုယ်အင်္ဂါ အစားထိုးကုသခြင်း တို့အတွက် အသုံးပြုရသော ဆေးဝါးအချို့ကြောင့်လည်း ကိုလက်စထရော ပမာဏကို ပိုမိုဆိုးရွားစေနိုင်ပါတယ်။

𝐂𝐚𝐫𝐞𝐞𝐫 𝐎𝐩𝐩𝐨𝐫𝐭𝐮𝐧𝐢𝐭𝐢𝐞𝐬(For Local Service Only)𝐒𝐞𝐫𝐯𝐢𝐞𝐫 (𝐒) 𝐏𝐭𝐞. 𝐋𝐭𝐝. (Myanmar Branch), a leading French Independent Pharmac...
21/02/2026

𝐂𝐚𝐫𝐞𝐞𝐫 𝐎𝐩𝐩𝐨𝐫𝐭𝐮𝐧𝐢𝐭𝐢𝐞𝐬
(For Local Service Only)
𝐒𝐞𝐫𝐯𝐢𝐞𝐫 (𝐒) 𝐏𝐭𝐞. 𝐋𝐭𝐝. (Myanmar Branch), a leading French Independent Pharmaceutical Company, having over 22,000 dedicated individuals worldwide, and our medicines are available to patients in nearly 140 countries worldwide, is looking to recruit the following position in major cities:
𝗠𝗘𝗗𝗜𝗖𝗔𝗟 𝗣𝗥𝗢𝗗𝗨𝗖𝗧 𝗦𝗣𝗘𝗖𝗜𝗔𝗟𝗜𝗦𝗧
(𝙔𝙖𝙣𝙜𝙤𝙣, 𝙈𝙮𝙚𝙞𝙠, 𝙋𝙮𝙖𝙮, 𝙈𝙖𝙬𝙡𝙖𝙢𝙮𝙞𝙣𝙚)
𝗥𝗲𝗾𝘂𝗶𝗿𝗲𝗺𝗲𝗻𝘁
• M.B.B.S./B.D. S/ Pharmacist
• Willing to learn and grow with a dynamic and people-oriented team
• Self-motivated achiever with initiation, enthusiasm to learn and strong inclination towards patient-care approach sales and marketing
• Possess pleasant and dynamic personality, good collaboration skills and be able to work as part of a dynamic and successful team
𝗦𝘂𝗺𝗺𝗮𝗿𝘆 𝗼𝗳 𝗝𝗼𝗯 𝗗𝗲𝘀𝗰𝗿𝗶𝗽𝘁𝗶𝗼𝗻
Responsible to provide scientific information of the Company’s products to the defined Health Care Professionals in the territory assigned to you, in accordance with the marketing strategy and the professional and ethical standards defined by the company.
* 𝗣𝗹𝗲𝗮𝘀𝗲 𝗶𝗻𝗱𝗶𝗰𝗮𝘁𝗲 𝘆𝗼𝘂𝗿 𝗰𝗵𝗼𝗶𝗰𝗲(𝘀) 𝗼𝗳 𝗹𝗼𝗰𝗮𝘁𝗶𝗼𝗻 𝗼𝗻 𝘁𝗵𝗲 𝘁𝗼𝗽-𝗹𝗲𝗳𝘁 𝗰𝗼𝗿𝗻𝗲𝗿 𝗼𝗳 𝘆𝗼𝘂𝗿 𝗮𝗽𝗽𝗹𝗶𝗰𝗮𝘁𝗶𝗼𝗻

Only short-listed candidates will be contacted for interview and successful candidates will be offered:
• An exciting career opportunity in a successful, ethical and people-oriented company.
• Attractive remuneration and packages.
If you are interested in these opportunities, please send your application with a Cover letter, Curriculum vitae, Passport Photo, Copy of Labor Registration Card, Transcripts and contact details to the following contact not later than 6 March 2026.
HR Assistant: nway-nway.tin-shwe@servier.com

18/02/2026

မိမိတို့ နေ့စဉ်ပြုလုပ်နေကျအမူအကျင့်များကို သတိမထားမိသော်လည်း ဒါတွေဟာ ကျန်းမာရေးကို ကောင်းကျိူးရော ဆိုးကျိုးရော သက်ရောက်စေပါတယ်။
📍အချိန်အကြာကြီးထိုင်နေရခြင်း၊
📍အစားအသောက်မညီမျှခြင်း၊သို့မဟုတ်
📍လေ့ကျင့်ခန်းလုပ်ပုံမှားယွင်းခြင်းတွေက
လိပ်ခေါင်းရောဂါ၊ သွေးပြန်ကြောများ ရောင်ရမ်းခြင်းလို နာတာရှည်ခြေထောက်သွေးပြန်ကြောအားနည်းရောဂါများကဲ့သို့ ကျန်းမာရေးဆိုးကျိုးများ ရေရှည်ခံစားရနိုင်ပါတယ်။
ဒါပေမဲ့ စိတ်ပူစရာမလိုတဲ့ ကောင်းတဲ့အချက်တစ်ခုကတော့ ရောဂါကာကွယ်ဖို့ မခက်ခဲလို့ပါ။
ကျန်းမာစေတဲ့ ပြောင်းလဲမှုသေးသေးလေးတွေ စတင်လိုက်တာဟာ ကျန်းမာရေးအကျိုးများစွာ ရရှိနိုင်တာကြောင့် နေ့စဉ်ပြုလုပ်နေကျအမူအကျင့်များကနေ ကျန်းမာစေတဲ့ ရွေးချယ်မှုများကို ယခုပဲ စတင်လိုက်ရအောင်။
ရိုးရှင်းတဲ့ ပြောင်းလဲမှုလေးတွေကနေ တကယ်ကိုပဲ ကြီးမားတဲ့ကွာခြားချက် ဖြစ်စေနိုင်ပါတယ်။
ရောဂါဝေဒနာများကို သတိထားမိကာ ကျန်းမာစေသောရွေးချယ်မှုအနည်းငယ်သာ ပြုလုပ်ပြီး ဆရာဝန်နဲ့ ဆွေးနွေးခြင်းအပြင် ခန္ဓာကိုယ်ရဲ့ အသံကို နားထောင်ပြီး ရောဂါကာကွယ်နိုင်ခြင်းဟာ ကျန်းမာရေးအခြေအနေတွေလည်း တိုးတက်စေနိုင်ပါတယ်။
ကနဉီးရောဂါလက္ခဏာတွေ ပေါ်မလာခင်ပဲ ယခုချိန်ကစပြီး မိမိကိုယ်ကို ကာကွယ်ပါ၊၊၊ဂရုစိုက်ပါ။
ကောင်းမွန်တဲ့ ကျန်းမာရေးကို ပိုင်ဆိုင်ဖို့ဆိုရင် ရောဂါဖြစ်မှ ကုသမယ့်အစား ယခုပဲ ကာကွယ်လိုက်ပါ၊၊
ရောဂါကာကွယ်ရေးဟာ ဘယ်တော့မှ မနစ်နာပါဘူး ၊၊ အကောင်းဆုံးသောအပြုအမူတစ်ခုပါ၊၊
သင်ရော ပြောင်းလဲဖို့ အဆင်သင့်ဖြစ်ပြီလား?

Address

No. 62, U Wisara Road, Dagon Township
Yangon
11195

Opening Hours

Monday 09:00 - 17:30
Tuesday 09:00 - 17:30
Wednesday 09:00 - 17:30
Thursday 09:00 - 17:30
Friday 09:00 - 17:30

Website

Alerts

Be the first to know and let us send you an email when Servier Myanmar posts news and promotions. Your email address will not be used for any other purpose, and you can unsubscribe at any time.

Shortcuts

Share

Category