Health's For Ladies II

Home
Health's For Ladies II

Health Education -We are just want to share Health news and Health knowledge better quality of life.

09/08/2024

👨‍⚕️👩‍⚕️👨‍⚕️👩‍⚕️👨‍⚕️
သားအိမ်အလုံးတည်ခြင်း ... ( Uterine Fibroids )

သားအိမ်အလုံးဆိုတာက သားအိမ်နံရံတခုခုကနေထိုးထွက်လာပြီး ကြွက်သားဆဲလ်တွေ တစ်သျှူးတွေနဲ့ဖွဲ့စည်းထားတဲ့အရာတစ်ခု ဖြစ်တယ်။ကင်ဆာအကျိတ်မဟုတ်လို့ အရမ်းကြီး စိုးရိမ်စရာမရှိပါ။(ကင်ဆာမဟုတ်ပါ။)
အမျိုးသမီးတစ်ယောက်မှာ သားအိမ်အလုံးတစ်လုံးကနေ အများကြီးအထိရှိနိုင်ပါတယ်။တစ်လုံး နဲ့ တစ်လုံးလည်းအရွယ်အစားချင်းမတူညီနိုင်ပါ။တချို့အလုံးတွေက သူ့အလိုလို ရှုံ့သွားပီး တချို့အလုံးတွေကတော့ပိုကြီးလာတတ်ပါတယ်။အဖြစ်များတဲ့အရွယ်ကတော့ အသက် (30) ကနေ သွေးမဆုံးခင် အသက် (45-50) အရွယ်တွေမှာ ဖြစ်နိုင်ခြေများပါတယ်။
အဓိကဖြစ်ရတဲ့အကြောင်းရင်းကတော့ အီစရိုဂျင်(Oestrogen)ဟော်မုန်းများတဲ့အတွက်ကြောင့်ဖြစ်ပါတယ်။အမျိုးသမီးအများစု သွေးဆုံးပီးနောက်ပိုင်းမှာ ဒီဟော်မုန်းနည်းသွားသည့်အတွက် သားအိမ်မှာတည်နေတဲ့အလုံးတွေက အရွယ်အစားသေးသွားတတ်ပါတယ်။

📌 သားအိမ်အလုံးတွေကို သားအိမ်ရဲ့နေရာအပေါ်မူတည်ပြီး အဓိကသုံးမျိုးခွဲထားပါတယ် ။
🔹1. သားအိမ်ရဲ့အပြင်နံရံမှာတည်ရင် (Subserosal fibroid)
🔹2. သားအိမ်ရဲ့ကြွက်သားနံရံထဲမှာတည်ရင် (Intramural fibroid)
🔹3. သားအိမ်ရဲ့အတွင်းနံရံမှာတည်ရင် (Submucosal fibroid) ဆိုပြီး ခွဲထားပါတယ်။တချို့သော သားအိမ်အလုံးတွေက သားအိမ်ကနေ အညှာတံလေးတွဲကျသလို ဖြစ်နေခြင်း (Pedunculated fibroid) မျိုးလည်းတွေ့ရတတ်ပါတယ်။

📌📌📌 သားအိမ်အလုံးတည်လျင် ဖြစ်နိုင်သော လက္ခဏာများ ...
🔹 ရာသီလာတဲ့အခါ ပုံမှန်ထက် သွေးအများကြီးဆင်းခြင်း / အတုံးအခဲများပါခြင်း ၊
🔹 သွေးဆင်းများတဲ့အတွက် အားအင်ကုန်ခမ်းပီး ဖြူဖတ်ဖြူ‌ရော်ဖြစ်ခြင်း ၊
🔹 ရာသီလာတဲ့အခါ ပုံမှန်ထက် ကိုက်ခဲနာကျင်ခြင်း ၊
🔹 ခါးကိုက်ခြင်း / ခြေထောက်ကိုက်ခြင်း ၊
🔹 လိင်ဆက်ဆံစဥ် နာကျင်ခြင်း ၊
🔹 ဆီးမကြာခဏသွားခြင်း ၊
🔹 သားအိမ်အလုံးက အူလမ်းကြောင်းကိုဖိတဲ့အခါ ဝမ်းချုပ်ခြင်း စသော လက္ခဏာများ ဖြစ်နိုင်ပါတယ်။
အလုံးကကြီးတဲ့အခါ ဗိုက်ကနေ အလုံးအကျိတ်စမ်းမိတာမျိုး ဖြစ်နိုင်ပါတယ်။ အလုံးရဲ့အလေးချိန်ကြောင့် သားအိမ်ကျတဲ့လက္ခဏာလည်း ဖြစ်တတ်ပါတယ်။တချို့တွေမှာတော့ လက္ခဏာပြလေ့မရှိဘဲ ကိုယ်ဝန်ရလို့ အာထရာဆောင်းရိုက်ကြည့်မှ သိရခြင်း /ရောဂါတခုခုရှာဖို့အတွက် အာထရာဆောင်းရိုက်မှ သိရသော အခြေအနေများလည်း ရှိပါတယ်။

📌🤰🤰🤰📌
သားအိမ်အလုံး နှင့် ကိုယ်ဝန်ဆောင် ...

သားအိမ်အလုံးရှိတဲ့သူတွေဟာ ကလေးရဖို့ အခက်အခဲရှိနိုင်ပါတယ်။
🔹 သန္ဓေတွယ်ကပ်မယ့် နေရာမှာ အလုံးဖြစ်နေရင် သန္ဓေတည်လို့မရတဲ့အခြေအနေ ၊
🔹 တချို့အမျိုးသမီးတွေမှာတော့ သားအိမ်အလုံးလည်းရှိတယ် ကိုယ်ဝန်လည်းရှိသော အခြေအနေလည်း ရှိပါတယ်။ ဒါကတော့ သားအိမ်အလုံးတည်တဲ့နေရာပေါ်မူတည်ပါတယ်။
🔹 တချို့‌သော အမျိုးသမီးများတွင် သားအိမ်အလုံး‌သည် သန္ဓေသားဝင်နေရာယူရမယ့် အမေ့သားအိမ်တွင်းက နေရာတစ်စိတ်တစ်ပိုင်းကို လုယူအပိုင်စီးထားလို့ ကိုယ်ဝန်ရပီးမှ ပျက်ကျခြင်း ၊ အချင်းအရှေ့ရောက်ခြင်း ၊ ကလေးအနေအထားမမှန်ခြင်း ၊ လမစေ့ဘဲစောမွေးခြင်း ၊ ပေါင်မပြည့်ခြင်း အခြေအနေများ ဖြစ်နိုင်ပါတယ်။
🔹 ကလေးမွေးဖွားတဲ့အချိန်မှာလည်း သားအိမ်မှာအလုံးရှိနေတဲ့အတွက် မိခင်ညှစ်အားမရှိခြင်း အခြေအနေကြောင့် ခွဲမွေးရနိုင်ပါတယ်။

📌 သားအိမ်အလုံးတည်လျင် ခွဲဖို့ လိုအပ်ပါသလား ... ?

သားအိမ်အလုံးရဲ့ အရွယ်အစားပေါ်မူတည်ပါတယ်။ အလုံးကသေးတယ် ဘာလက္ခဏာမှလည်း မပြဘူးဆိုလျင် ဘာမှလုပ်စရာမလိုပါဘူး။ကိုက်ခဲခြင်းရှိလျင် အကိုက်အခဲပျေက်ဆေးသောက်လို့ရပါတယ်။တခြားတား‌ဆေးတွေ ဟော်မုန်းထိန်းညှိပေးနိုင်သည့် ဆေးများဖြင့် အလုံးသေးအောင် ကုသနိုင်သလို့ သွေးဆင်းများတာ ကိုက်ခဲနာကျင်တာ သက်သာအောင်လုပ်လို့ရပါတယ်။ (ဆရာ၀န်ညွန့်ကြားချက်အတိုင်း လိုက်နာရန် အရေးကြီးပါတယ်။ )
သားအိမ်အလုံးက အရွယ်အစားကြီးမားပြီး လက္ခဏာများက မခံနိုင်အောင်နာကျင်ခြင်း ၊မိမိရဲ့ နေ့စဉ်လုပ်ဆောင်မူများကို ထိခိုက်လာလျင် ခွဲစိတ်ရပါမယ်။ခွဲစိတ်မူတွင် အလုံးကိုပဲထုတ်ပီး သားအိမ်ကို ချန်ထားခဲ့လို့ရပါတယ်။ သို့သော် သွေးမဆုံးသေးခင် အီစရိုဂျင်(Oestrogen)ထိတွေ့မှုရှိနေလျင် အလုံးပြန်တည်နိုင်ခြေ ရှိပါတယ်။ အလုံးအရွယ်အစား ကြီးမားပြီး သားအိမ်ကြွက်သားနံရံထဲ၀င်သည့် အခြေအနေမျိုးတွင် သားအိမ်တစ်ခုလုံး ထုတ်ပစ်ရနိုင်ပါတယ်။
အမျိုးသမီးတွေအနေဖြင့် သားအိမ်အလုံးတည်တဲ့လက္ခဏာများ ဖြစ်ပေါ်ခဲ့လျင် ရောဂါအခြေအနေ မပြန့်ပွားခင် သက်ဆိုင်ရာဆရာ၀န်ဖြင့် ပြသသင့်ကြောင်း အကြံပြု ဖော်ပြလိုက်ပါတယ်။
"အားလုံးကျန်းမာပျော်ရွင်သော ဘ၀တွေပိုင်ဆိုင်ကြပါစေ။"
(မှတ်ချက် - ပြန်လှန်ကူးယူဖော်ပြခွင့် "လုံး၀" မပြုပါ။)
📣📣
Booking တင်မည် လူနာများအနေဖြင့် အသေးစိတ် သိရှိလိုပါက " Clinic For Ladies II " Messager Chatbot တဆင့် မေးမြန်း (Booking)တင်နိုင်သလို့ ဖုန်းနံပါတ် 09- 774369161 ကို တိုက်ရိုက်ခေါ်ခြင်းဖြင့် Booking တင်၍ ဆွေးနွေးတိုင်ပင်နိုင်ပါပြီခင်ဗျာ ။

Dr. Kyaw Zin Latt
M.B.,B.S (MDY)
********************************************
အမျိုးမျိုးသော အခက်အခဲတွေကြားမှာ နှစ်ကြောင်းပြလို့ အဆင့်သင့်မဖြစ်သေးသူများ
ဆရာဆီဆွေးနွေးတိုင်ပင်ကာ အာမခံဖြင့် ဆေးမှာယူနိုင်ပါတယ်။
📲📲📲 - 09-983385616 (phone &Viber )

06/07/2024

👨‍⚕️👨‍⚕️👨‍⚕️👨‍⚕️
ကလယ်မိုင်းဒီးယားရောဂါပိုးအကြောင်း (Chlamydia Infection)
ကလယ်မိုင်းဒီးယားသည့် လိင်မှတဆင့် ကူးစက်‌တတ်သောရောဂါများထဲမှ အဖြစ်အများဆုံး ရောဂါထဲမှာ ပါပါတယ်။
ကလယ်မိုင်းဒီယားက အားပျော့သည့် ဘက်တီးရီးယား အမျိုးအစားထဲ ပါပါတယ်။မှီခိုတွယ်ကပ်စရာ ဆဲလ် (Cell) မရှိလျင် ပြင်ပလောကမှာ အသက်မရှင်နိုင်ဘူး။အရေပြား ဆဲလ်ကိုလည်း မတွယ်ကပ်နိုင်ခြင်းကြောင့် မျက်ခမ်းစပ် ၊ ဆီးလမ်းကြောင်း ၊ သားအိမ်ခေါင်းဝ ၊ စအိုတွင်း တွေထဲ ရွေးချယ်တွယ်ကပ်ရပါတယ်။
မျက်ခမ်းစပ်ရောဂါဖြစ်စေတဲ့ ဘက်တီးရီးယားနဲ့ မျိုးစုတူညီပြီး၊ မျိုးခွဲ အနည်းငယ် ကွဲပြားပါတယ်။
ဘက်တီးရီးယားရဲ့ အားပျော့တဲ့ သဘာဝကြောင့် ပွေ့ဖက်ခြင်း ၊ အိမ်သာတခုတည်း အတူအသုံးပြုခြင်း ၊ ရေကူးကန်တခုမှာ အတူကူးမိခြင်းက မကူးစက်နိုင်ပါ။
အဓိကအားဖြင့် လိင်ဆက်ဆံခြင်းကတဆင့် ကူးစက်ပါတယ်။

📌 ဒီရောဂါက မည်သို့ ကူးစက်နိုင်ပါသလဲ ... ?

🔹ရောဂါပိုးရှိသူဖြင့် လိင်ဆက်ဆံခြင်း (ပါးစပ် ၊ စအို အားလုံးပါ၀င်တယ်) ၊
🔹ရောဂါဖြစ်ဖူးပြီး ပျောက်ကင်းသွားသည့်တိုင် ရောဂါရှိသူဖြင့် လိင်ဆက်ဆံမိလျင် ရောဂါ ထပ်ဖြစ်နိုင်ပါတယ်။
🔹ရောဂါပိုးရှိသူ ကိုယ်၀န်ဆောင်မိခင်ဖြစ်လျင် ကလေးငယ်ဆီ မွေးဖွားချိန်မှာ ကူးစက်နိုင်ပါတယ်။

📌 ရောဂါဖြစ်ကြောင်း ဘယ်လိုသိနိုင်မလဲ ... ?
ဒီရောဂါသည် အမျိုးသားရော အမျိုးသမီးပါ ရောဂါကူးစက်နိုင်ပါတယ်။
🔷 လက္ခဏာများက
🔹 ဆီးပူဆီးကျင်ခြင်း ၊
🔹အဖြူဆင်းခြင်း ၊
🔹အမျိုးသားလိင်တံမှ အရည်ထွက်ခြင်း ၊
🔹ဝှေးစေ့တစ်ဖက် (သို့) နှစ်ဖက်စလုံး နာကျင်ခြင်း
🔹မိန်မကိုယ်မှ ပုံမှန်မဟုတ်သည့် အရည်များဆင်းခြင်း ၊
🔹ဆီးစပ်ကိုက်ခြင်း စသည့်လက္ခဏာများ ဖြစ်နိုင်ပါတယ်။
ရောဂါလက္ခဏာ မပြခြင်းကြောင့် ရောဂါရှိမှန်း မသိလိုက်တာ များပါတယ်။

📌 ကလယ်မိုင်းဒီးယားရောဂါပိုးက စိုးရိမ်ရသပါလား ... ?

မိမိအနေဖြင့် အချိန်မှီ ရောဂါဖြစ်မှန်းသိလျင် ကုသမူအတွက် မစိုးရိမ်ရပါ။ရောဂါ ပျောက်ကင်းရန် လွယ်ပါတယ်။ ရောဂါဖြစ်ပြီးနောက်ပိုင်း ကုသမူနောက်ကျခဲ့လျင် ပိုးဝင်တဲ့ လမ်းကြောင်းတလျောက် ရောင်ရမ်းပိတ်ဆို့တတ်ပါတယ်။

🔷 အထူးသဖြင့် အမျိုးသမီးများတွင်

🔹သားသမီး မရနိုင်ခြင်း ၊
🔹 သားဥပြွန်သန္ဓေတည်နှုန်းမြင့်လာခြင်း ၊
🔹 ဆီးစပ်တဝိုက် နာကျင်ကိုက်ခဲခြင်း ၊
🔹တင်ပါးဆုံရိုးရောင်ရမ်းခြင်းရောဂါ ၊
🔹 ကလေးမရနိုင်ခြင်း အထိ ဖြစ်နိုင်ပါတယ်။

📌 ကုသမူများ ...

ရောဂါပိုးရှိကြောင်း သေချာလျင် ကုသမူ လွယ်ကူပါတယ်။ ရောဂါအခြေအနေအပေါ်မူတည်ပြီး ပိုးသတ်ဆေး တစ်ပတ် မှ
နှစ်ပတ် သောက်လျင် သက်သာပါတယ်။များသောအားဖြင့် ရောဂါလက္ခဏာ မရှိခြင်းကြောင့် ဘယ်သူမှ ရောဂါစစ်ဆေးမူအတွက် ဆေးရုံဆေးခန်း ရောက်ရှိခြင်း မရှိပါ။
ယနေ့ခေတ်တွင် လွယ်လွယ်စစ်ဆေးနိုင်တဲ့ test kit လေးတွေဖြင့် စစ်ဆေးမူ ပြုလုပ်နိုင်ပါပြီ။ဖွံဖြိုးပြီးနိုင်ငံများ အချို့တွင် ရောဂါလက္ခဏာရှိသည်ဖြစ်စေ ၊ မရှိသည်ဖြစ်စေ တနှစ်တခါလောက်တော့ ပုံမှန်စစ်ဆေးမှု ခံယူရန် တိုက်တွန်းထားပါတယ်။

📌 ကလယ်မိုင်းဒီးယားရောဂါကို ကာကွယ်ရန် ...
🔹 လိင်ဆက်ဆံမူတွင် (Condom) အကာအကွယ်အသုံးပြုရန် ၊
🔹လိင်ဆက်ဆံဖော်များခြင်းကို ရှောင်ကျဉ်ရန် ၊
🔹မိမိလိင်ဆက်ဆံဖော် ရောဂါအခြေအနေ သိရှိရန် စသည့်အချက်အလက်တွေကို သတိထားလျင် မိမိကိုယ်ကို ကာကွယ်နိုင်ပါတယ်။
ကလယ်မိုင်းဒီးယားရောဂါသည် စိုးရိမ်ရသည့် ရောဂါတစ်ခုမဖြစ်သော်လျင် ရောဂါဖြစ်မှန်သိပြီး ပေါ့ပေါ့ဆဆနေခဲ့လျင် စိုးရိမ်ပါတယ်။ ဒါကြောင့် မိမိအထက်ပါ ရောဂါလက္ခဏာများဖြစ်ခဲ့လျင် ပေါ့ပေါ့ဆဆ အနေသင့်ကြောင့် လိုအပ်သည့် စစ်ဆေးခံယူသင့်ကြောင်း အသိပေးလိုက်ပါတယ်။

"အားလုံးကျန်းမာပျော်ရွင်သော ဘ၀တွေပိုင်ဆိုင်ကြပါစေ။"
(မှတ်ချက် - ပြန်လှန်ကူးယူဖော်ပြခွင့် "လုံး၀" မပြုပါ။)
📣📣
Booking တင်မည် လူနာများအနေဖြင့် အသေးစိတ် သိရှိလိုပါက " Clinic For Ladies II " Messager Chatbot တဆင့် မေးမြန်း (Booking)တင်နိုင်သလို့ ဖုန်းနံပါတ် 09- 774369161 ကို တိုက်ရိုက်ခေါ်ခြင်းဖြင့် Booking တင်၍ ဆွေးနွေးတိုင်ပင်နိုင်ပါပြီခင်ဗျာ ။

Dr. Kyaw Zin Latt
M.B.,B.S (MDY)
********************************************
အမျိုးမျိုးသော အခက်အခဲတွေကြားမှာ နှစ်ကြောင်းပြလို့ အဆင့်သင့်မဖြစ်သေးသူများ
ဆရာဆီဆွေးနွေးတိုင်ပင်ကာ အာမခံဖြင့် ဆေးမှာယူနိုင်ပါတယ်။
📲📲📲 - 09-983385616 (phone &Viber )

27/06/2024

👨‍⚕️🦠🦠🦠👨‍⚕️
ဂနိုရောဂါ (သို့) ဆီးပူညောင်းကျရောဂါ (Gonorrhoea Infection)

ဂနိုရောဂါကို ဆီးပူညောင်းကျ‌ရောဂါလိုလည်း များသော်အားဖြင့် ခေါ်လေ့ရှိတယ်။လိင်ဆက်ဆံရာမှ အဓိက ကူးစက်သည့်ရောဂါဖြစ်ပြီး ( Neisseria Gonorrhoea ) ဆိုတဲ့ ဘက်တီးရီးယားပိုးကြောင့် ဖြစ်တယ်။

📌 ဂနိုရောဂါက ဘယ်လို ကူးစက်နိုင်သလဲ ... ?
ဂနိုရောဂါပိုးရှိသူဖြင့် အကာအကွယ်မဲ့ လိင်ဆက်ဆံခြင်းမှတဆင့် ကူးစက်နိုင်ပါတယ်။ မိန်းမကိုယ်နဲ့ လိင်ဆက်ဆံခြင်း ၊ ပါးစပ်နဲ့ လိင်ဆက်ဆံခြင်း ၊ စအိုနဲ့ လိင်ဆက်ဆံခြင်း စသည့် ဆက်ဆံမူအားလုံးက ကူးစက်နိုင်သည့် နည်းလမ်းများဖြစ်တယ်။ လိင်ဆက်ဆံခြင်းမှ ကူးစက်ခြင်းအပြင် အာသာဖြေရာမှာ သုံးတဲ့ လိင်အထောက်အကူပစ္စည်း (S*x Toys) များကို ရောဂါပိုးရှိသူဖြင့် မျှဝေသုံးစွဲမူမှလည်း ကူးစက်နိုင်ပါတယ်။
( Neisseria Gonorrhoea ) ဘက်တီးရီးယားပိုးသည် ပြင်ပလောကမှာ အချိန်အကြာကြာ အသက်မရှင်နိုင်ပါ။
ဒီအချက်ကြောင့် ...
🔹 ပွေ့ဖက်ခြင်း ၊
🔹အိမ်သာတခုတည်း အတူသုံးစွဲခြင်း ၊ 🔹ရေကူးကန်တခုမှာ အတူ‌ရေကူးခြင်း စသည့်တို့ဖြင့် မကူးစက်နိုင်ပါ။ အဓိကအားဖြင့် လိင်ဆက်ဆံခြင်းကတဆင့် ကူးစက်နိုင်ပါတယ်။ ‌

📌 ရောဂါပိုး ဘယ်နေရာမှာ အများဆုံး ပေါက်ဖွားနိုင်သလဲ ... ?
ခန္ဓာကိုယ်၏ ပူနွေးစိုစွတ်တဲ့နေရာများဖြစ်သည့် ...
🔹မျက်လုံး ၊
🔹လည်ချောင်း ၊
🔹မျိုးပွားအင်္ဂါ ၊
🔹ဆီးလမ်းကြောင်း ၊
🔹မိန်းမကိုယ် နှင့် မွေးလမ်းကြောင်း ၊
🔹စအို အစရှိသည့် နေရာများတွင် အများဆုံး ပေါက်ပွားနိုင်ပါတယ်။

📌📌 ရောဂါလက္ခဏာများ

🔴 အမျိုးသမီးများတွင် ..

🔻မကြာခနဆီးသွားခြင်း ၊
🔻 ဆီးပူ၊ ဆီးကျင်၊ ဆီးအောင့်ခြင်း ၊
🔻အတူတူနေစဉ် နာကျင်ခြင်း ၊
🔻 အချို့သော အမျိုးသမီးများတွင် ရာသီပေါ်ရက်ကြားထဲမှာ သွေးအနည်းငယ်သာဆင်းခြင်း ၊
🔻 ရောဂါရှိသူ အမျိုးသမီး၏ ဆီးလမ်းကြောင်းဝ၊ သားအိမ်ခေါင်းဝ/ မွေးလမ်းကြောင်းမှတဆင့် ဖြူ/ဝါ/စိမ်းဝါ အရည်ပြစ်ပြစ်တွေ ဆင်းခြင်း ၊
🔻 ကိုယ်ဝန်ဆောင်ချိန် မိခင်တွင် ရောဂါပိုးရှိလျင် မ မွေးကင်းစကလေး မျက်ဝတ်ထွက်၊ မျက်စေ့နာ ဖြစ်ခြင်း ၊
🔻စအိုတွင် ယားယံခြင်း နှင့် နာကျင်ခြင်းများ စသည့် လက္ခဏာများဖြစ်နိုင်ပါတယ်။

🔴 အမျိုးသားများတွင် ..

🔻မကြာခနဆီးသွားခြင်း ၊
🔻 ဆီးပူ၊ ဆီးကျင်၊ ဆီးအောင့်ခြင်း ၊
🔻 လိင်တံယောင်ရမ်းခြင်း ၊
🔻လိင်တံထိပ်မှ ပြည်ကဲ့သို့ အရည်များထွက်ခြင်း ၊
🔻ဝှေးစေ့နာခြင်း (သို့) ယောင်ခြင်း ၊
🔻စအိုတွင် ယားယံခြင်း နှင့် နာကျင်ခြင်း ၊
🔻၀မ်းသွားချိန် ပုံမှန်ထက် ပိုညစ်ရခြင်း စသည့် လက္ခဏာများဖြစ်နိုင်ပါတယ်။

📌📌 ရောဂါရှိခြင်းကို မည်သို့ သိနိုင်မလဲ ... ?
ရောဂါသံသယရှိသူ လူနာ၏ ရာဇဝင်ကို အသေးစိတ် ဆွေးနွေးပြီး ဆရာဝန်၏တွေ့ရှိချက်များကို ဆက်စပ်၍
🔹 လိင်အင်္ဂါမှထွက်သော အရည်ကိုဂွမ်းစဖြင့်ယူ၍ ဓာတ်ခွဲစစ်ဆေးခြင်း ၊
🔹 ဆီးစစ်ခြင်းတို့ဖြင့် စစ်ဆေသိရှိနိုင်ပါတယ်။

📌📌 ရောဂါကုသခြင်း ...

🔹 ဂနိုဘက်တီးရီးယားကို ပိုးသတ်ဆေးထိုးခြင်းဖြင့် ကုသနိုင်ပါတယ်။( စုံတွဲအလိုက်ကုသမှုခံယူရန် လိုအပ်ပါတယ်။)
🔹 တခါတရံမှာ ရောဂါပိုး တမျိုးမက တွေ့ရခြင်းကြောင့် ဆေးယဉ်ပါးမည်ကို စိုးရိမ်ရသဖြင့် သောက်ဆေးနဲ့ တွဲဘက်ပီးပေးရတာမျိုးလည်း ရှိနိုင်ပါတယ်။
🔹 ဆေးထိုးပီး ရက်အနည်းငယ်အတွင်း ဝေဒနာ သက်သာလာမှာပါ။
၄။ လိင်ဆက်ဆံခြင်းကို နှစ်ပတ်အထိရှောင်ရှားရပါမယ်။
(🚨 အိမ်သုံးကုထုံးများဖြင့် ကုသ၍မရပါ။)

📌📌 ဂနိုရောဂါ မဖြစ်အောင် ဘယ်လို့ ကာကွယ်နိုင်မလဲ ... ?
ဂနိုရောဂါသည် လိင်ဆက်ဆံရာမှတဆင့် အဓိကကူးစက်တာဖြစ်တဲ့အတွက် ကာကွယ်မူအတွက်ဆိုလျင်
🔻လိင်အပျော်ပါးလိုက်စားခြင်းရှောင်ပါ။
🔻 မည်သို့လိင်ဆက်ဆံမှုဖြစ်စေ (ပါးစပ်နဲ့ (သို့) စအိုနဲ့ (သို့) မိန်းမကိုယ် မည်သို့ဖြစ်စေ ကွန်ဒုံးသုံးပါ။
🔻 အာသာဖြေရာတွင်ပစ္စည်းများသုံးပြီးဖြေပါကလည်း မိမိပစ္စည်းကိုမျှဝေသုံးစွဲခြင်း ၊သူတပါးပစ္စည်းများကိုမျှဝေသုံးစွဲခြင်းတွေကိုရှောင်ပါ။
🔻 ကိုယ့်မှာ ရောဂါရှိနေပြီလို့ သံသယရှိတဲ့အခါ ဆေးကုသမှုသေချာခံယူပါ။ ကိုယ့်ရဲ့လိင်ဆက်ဆံဖော်ကိုလဲ ဆေးကုသမှုခြင်း ပြုရန် လိုအပ်ပါတယ်။

📌📌📌 ဂနို့ရောဂါ၏ နောက်ဆက်တွဲ ပြဿနာများ ...
ရောဂါဖြစ်ပြီး စောစီးစွာ ကုသမူ မခံယူခဲ့လျင် အမျိုးသမီးများတွင် ...
🔻 သားသမီး မရနိုင်ခြင်း ၊
🔻သားအိမ်ပြင်ပတွင် သန္ဓေတည်ခြင်း (ectopic pregnancy) ၊
🔻 ဆီးစပ်တဝိုက် ကိုက်ခဲနာကျင်ခြင်း ၊
🔻 တင်ပါးဆုံတွင်း ရောင်ရမ်းခြင်းရောဂါ (PID) စသည့်အခြေအနေများအထိ ဖြစ်ပွားနိုင်ပါတယ်။

အမျိုးသားများတွင် ...
🔻ဆီးလမ်းကြောင်းအမာရွတ်ဖြစ်ခြင်း ၊
🔻မျိုးပွားမှုကို ထိခိုက်စေနိုင်ခြင်း ၊
🔻လိင်တံအတွင်း၌ နာကျင်သောပြည်တည်နာဖြစ်ခြင်း ၊
🔻ဝှေးစေ့အနီးရှိ သုက်ရည်သယ်ဆောင်သည့်ပြွန်များရောင်ခြင်း ဖြစ်နိုင်ပါတယ်။
(သတိထားအချက်ရမည့်အချက်က
ကလေးတွေမှာဂနိုကြောင့်ဖြစ်တဲ့မျက်မြှေးရောင်ရောဂါကို မကုသဘူးဆိုရင် မျက်လုံးကွယ်ခြင်း အထိဖြစ်နိုင်ပါတယ်။)
ဂနိုရောဂါနှင့် ပတ်သတ်ပြီး သက်ဆိုင်ရာ ရောဂါလက္ခဏာများနှင့် မိမိတွင် တွေ့ရှိခဲ့လျင် နှောင့်နှေးမနေဘဲ စောစီးစွာ သက်ဆိုင်ရာ ကျန်းမာရေးငှာနတွင် စမ်းသပ်စစ်ဆေးမူ ခံယူသင့်ပါတယ်။ "အားလုံးကျန်းမာပျော်ရွင်သော ဘ၀တွေပိုင်ဆိုင်ကြပါစေ။"
(မှတ်ချက် - ပြန်လှန်ကူးယူဖော်ပြခွင့် "လုံး၀" မပြုပါ။)
📣📣
Booking တင်မည် လူနာများအနေဖြင့် အသေးစိတ် သိရှိလိုပါက " Clinic For Ladies II " Messager Chatbot တဆင့် မေးမြန်း (Booking)တင်နိုင်သလို့ ဖုန်းနံပါတ် 09- 774369161 ကို တိုက်ရိုက်ခေါ်ခြင်းဖြင့် Booking တင်၍ ဆွေးနွေးတိုင်ပင်နိုင်ပါပြီခင်ဗျာ ။

Dr. Kyaw Zin Latt
M.B.,B.S (MDY)
********************************************
အမျိုးမျိုးသော အခက်အခဲတွေကြားမှာ နှစ်ကြောင်းပြလို့ အဆင့်သင့်မဖြစ်သေးသူများ
ဆရာဆီဆွေးနွေးတိုင်ပင်ကာ အာမခံဖြင့် ဆေးမှာယူနိုင်ပါတယ်။
📲📲📲 - 09-983385616 (phone &Viber )

#ဂနိုရောဂါ

26/06/2024

📌📌📌
ဒီလအစမှာ ထပ်မံပြီး အဆင်မပြေသေးတဲ့အခက်အခဲတွေအတွက် ဖြေရှင်းဆောင်ရွက်ပြီးတာအချို့နှင့် ထပ်မံပို့ဆောင်ထားတာတွေပါ။

📦 5.6.2024 👉 တောင်ကြီး
📦 8.6.2024 👉 ကျိုင်းတုံ
📦 10.6.2024 👉 ချောင်းသာ
📦12.6.2024 👉 ရွှေညောင်
📦 17.6.2024 👉 ရပ်စောက်
📦 24.6.2024 👉 မန်းလေး
📦 25.6.2024 👉 မန်းလေး

အကြောင်းအမျိုးမျိုး‌သောအခက်အခဲများကြောင့် မျည်းနှစ်ကြောင်းပြလို့ ကိုယ်၀န်ယူရန် အဆင့်သင့်မဖြစ်သူများအနေဖြင့် ဆရာဆီ ဆွေးနွေးတိုင်ပင်ပြီး အာမခံဖြင့် ဆေးမှာယူနိုင်ပါတယ် ...

Dr. Kyaw Zin Latt
☎️☎️ : 09-983385616 (Viber)

18/06/2024

👨‍⚕️👨‍⚕️👨‍⚕️
လိင်အင်္ဂါရေယုန်ရောဂါ နှင့် ပတ်သတ်ပြီး သင့် ဘာတွေ သိထားပြီးပြီလဲ ... ?
(Ge***al Herpes )

လိင်အင်္ဂါရေယုန်ရောဂါ(Ge***al Herpes) သည် ရေယုန်ဗိုင်းရပ်စ်ပိုးတစ်မျိုး (Herpes simplex virus) ကြောင့် ဖြစ်ပွားပြီး လိင်အင်္ဂါအပေါ် နှင့် လိင်အင်္ဂါနားတဝိုက်တွင် အလွန်နာကျင်စေသော အရေကြည်ဖုများကို ဖြစ်ပွားစေပါတယ်။ လိင်မှတဆင့်ကူးစက်တတ်သော ရောဂါတစ်ခုဖြစ်ပြီး ရောဂါပိုးတစ်ကြိမ်ဝင်ပြီးပါက ပထမ(၂)နှစ်အတွင်း လေးကြိမ်မှ ငါးကြိမ်ထိ ပြန်လည်ဖြစ်ပွားတတ်ပါတယ်။ ရေယုန်ရောဂါပိုး (Herpes simplex virus) ကို (HSV - 1) နှင့် (HSV - 2) ဟူ၍ခွဲခြားထားပြီး နှစ်မျိုးလုံးမှာ တိုက်ရိုက်ထိတွေ့ခြင်းဖြင့် ကူးစက်နိုင်ပါသည်။ ရေယုန်ရောဂါပိုးသည် လိင်အင်္ဂါအတွင်းပိုင်း၊ လိင်အင်္ဂါပတ်ဝန်းကျင် နှင့် ပါးစပ်စသည့် စိုစွတ်သော နေရာများတွင် ပေါက်လေ့ရှိသည်။

📌📌 လိင်အင်္ဂါရေယုန်ရောဂါဖြစ်ပွားရသည့် အကြောင်းရင်းများ ...
လိင်အင်္ဂါရေယုန်ရောဂါသည် အထက်ဖော်ပြထားသည့်အတိုင်း ရေယုန်ရောဂါပိုး (Herpes simplex virus)ကြောင့် ဖြစ်ပွားခြင်းဖြစ်ပြီး ထိုရောဂါပိုးသည် အရေပြားခြင်းထိတွေ့ရာမှ လွယ်ကူစွာကူးစက်နိုင်သည်။ လိင်ဆက်ဆံခြင်းမှ အများဆုံးကူးစက်နိုင်ပြီး လိင်အင်္ဂါ၊ ပါးစပ်နှင့် စအိုတစ်ဝိုက်တွင် အဖြစ်များသည်။
ရေယုန်ရောဂါပိုးသည် အရေပြားမှဝေးကွာသွားလျှင် လျင်မြန်စွာသေဆုံးတတ်ခြင်းကြောင့် မျက်နှာသုတ်ပဝါ ၊ ရေခွက် စသည့် အသုံးဆောင် ပစ္စည်းများမှတဆင့် မကူးစက်နိုင်ပါ။( ဒါပေမဲ့ - လိင်ပိုင်းဆိုင်ရာပစ္စည်းများဖြစ်သည့် (s*x toys) ကို အတူသုံးစွဲခြင်း ၊ မျှဝေ သုံးစွဲခြင်းမှ ကူးစက်နိုင်ပါတယ်။ )

📌📌 လက္ခဏာများ ...
လိင်အင်္ဂါရေယုန်ရောဂါသည် တခါတရံ ရောဂါပိုးဝင်ပြီး လေးရက် မှ တစ်ပတ်အတွင်း ရောဂါလက္ခဏာများ ပြတတ်သော်လည်း အများအားဖြင့် လက္ခဏာပြလေ့မရှိပဲ မိမိကိုယ်ခံအားနည်းချိန်မှပေါ်လာတတ်သည်။ ထို့ကြောင့် မိမိတွင် ရောဂါရှိနေသည်ကို သတိမထားမိဘဲဖြစ်တတ်သည်။ ရောဂါပိုးဝင်ပြီး ပထမဦးဆုံးပြသော ရောဂါလက္ခဏာများမှာ ပြင်းထန်လေ့ရှိသည်။
🔷ရောဂါစတင်ဖြစ်ပွားပြီး ပထမအပတ်တွင် ...
🔹 ဖျားနာခြင်း ၊
🔹ခေါင်းကိုက်ခြင်း ၊ ကိုယ်လက်ကိုက်ခဲခြင်း ၊
🔹ဆီးသွားချိန် နာကျင်ခြင်း ၊
🔹အနာဖေးတတ်ခြင်း ၊
🔹 ပေါင်ခြံတွင် အကြိတ်ဖြစ်ခြင်း ၊
🔹 လိင်အင်္ဂါ နှင့် စအိုတစ်ဝိုက် ၊ ပေါင် နှင့် တင်ပါးတို့တွင် အရည်ကြည်ဖုများပေါက်ခြင်း
🔹 အရည်ကြည်ဖုများ နှင့် ပြည်ဖုများပေါက်ခဲ့လျင် နီရဲသော အနာများဖြစ်ပေါ်စေခြင်း ၊
🔹မိန်းမကိုယ်မှ အရည်များဆင်းခြင်း ၊
🔹 အမျိုးသမီးများတွင် သားအိမ်ခေါင်း၌ အရည်ကြည်ဖု နှင့် အနာများပေါက်ခြင်း စသည့် ရောဂါလက္ခဏာများမှာ ရက်(၂၀)မျှကြာတတ်သည်။
အထက်ပါရောဂါလက္ခဏာဖြစ်ပွားပြီး ရောဂါပျောက်ကင်းသွားသည့်တိုင် ဗိုင်းရပ်စ်ပိုးမှာ အာရုံကြောအတွင်းခိုအောင်းနေပြီး ကိုယ်ခံအားနည်းချိန်တွင် ပြန်လည်ဖြစ်ပွားတတ်သည်။

📌 နောက်တစ်ကြိမ် ရောဂါ ဖြစ်ပွားသည့်အခါ
🔹 လိင်အင်္ဂါတဝိုက်၊ စအို၊ ပေါင် နှင့် တင်ပါးတို့တွင်် အလွန်နာကျင်သော အနီရောင် ရေကြည်ဖုများဖြစ်ပြီး ပေါက်ထွက်ခြင်း ၊
🔹 အရည်ကြည်ဖုများ မပေါက်မှီ လိင်အင်္ဂါတဝိုက်နှင့် ခြေထောက်တို့တွင် ကျဉ်ခြင်း ၊ ပူစပ်ခြင်း ၊ ယားယံခြင်း ဖြစ်တတ်ပါတယ်။
🔹 အမျိသမီးများတွင် သားအိမ်ခေါင်းတွင် အနာ နှင့် အရည်ကြည်ဖုများပေါက်ခြင်း များ ဖြစ်တတ်ပါတယ်။
ထို့သို့ နောက်တကြိမ်ပြန်ဖြစ်ချိန်တွင် သွေးတွင်း၌ ရေယုန်ပိုးကိုပြန်လည်တိုက်ခိုက်သော ကိုယ်ခံအားဓာတ် (Antibodies) များပေါ်ပေါက်နေပြီးဖြစ်သောကြောင့် ပထမအကြိမ်‌မှာလောက် ဆိုးဆိုးရွားရွား မခံစားရနိုင်ပါ။

📌📌 ရောဂါ၏ နောက်ဆက်တွဲ အခြေအနေများ ...
🔹 ဦးနှောက် အမှေးပါရောင်ခြင်း ၊
🔹 HIV/ AIDS ရောဂါရှင်များသည့် ကိုယ်ခံအားလွန်စွာနည်းခြင်းကြောင့် ရေယုန်ရောဂါဖြစ်သည့်အခါ ဦးနှောက် ၊ မျက်စိ ၊ အသည်း နှင့် အဆုတ်အထိ ရောဂါပိုး ပြန့်နှံနိုင်ပါတယ်။
🔹ကိုယ်၀န်ဆောင်ချိန် မိခင်တွင် လိင်အင်္ဂါရေယုန်ရှိပါက မွေးဖွားသည့်အခါ ကလေးငယ်ကို ထိခိုက်စေနိုင်သည်။
🔹 ကိုယ်ဝန်မဆောင်ချိန်တွင် မိခင်တွင် လိင်အင်္ဂါရေယုန်ရောဂါဖြစ်ပွားဖူးပါက ကိုယ်ခံအားဓာတ် (Antibodies) များရှိနေခြင်းကြောင့် ကလေးငယ်အား ကူးစက်နိုင်ခြေ လွန်စွာနည်းပါတယ်။
🔹မိခင်လောင်း ကိုယ်ဝန်ဆောင်ချိန် (26 weeks) အတွင်း ရောဂါရရှိပါက သားပျက်သားလျောဖြစ်ခြင်း ၊ ကလေးငယ်အား ကူးစက်ခြင်း တို့ဖြစ်နိုင်သည်။
🔹 မိခင်လောင်း မွေးဖွားပြီး ကလေးကို ကူးစက်ပါက အရေပြား ၊ မျက်စိ ၊ ပါးစပ် ၊ အာရုံကြော အဖွဲ့အစည်းတို့ကို ထိခိုက်မူ ရှိပါတယ်။ အလွန်ပြင်းထန်သော အခြေအနေတွင် အခြားအင်္ဂါ အစိတ်အပိုင်းများကိုပါ ထိခိုက်နိုင်ပြီး အသက်ဆုံးရှူံးသည့်အထိ ဖြစ်စေနိုင်ပါတယ်။

📌📌 ရောဂါစစ်ဆေးမှုများ ...

🔹အနာ (သို့) အနာဖေးကို ဓာတ်ခွဲစစ်ဆေးခြင်း ၊
🔹သွေးထဲတွင် HSV Antibodies ရှိမရှိ စစ်ဆေးခြင်း ၊
🔹 သွေး (သို့) အနာ (သို့) ခါးဆစ်အတွင်းရှိအရည် (spinal fluid) စသည့်တို့ကို အသုံးပြုခြင်းများ ပြုလုပ်နိုင်ပါတယ်။
‌နောက်တစ်ချက် အနေဖြင့် လိင်အင်္ဂါရေယုန်ရောဂါရှိသူများအနေဖြင့် အခြားသော လိင်မှတဆင့်ကူးစက်တတ်သော ရောဂါများကိုလည်း စစ်ဆေးမူများ ပြုလုပ်ရန် လိုအပ်ပါတယ်။

📌📌 ကုသမူများ ...
ယနေ့အချိန်အထိ ရေယုန်ကို လုံး၀ ပျောက်ကင်အောင် ကုသနိုင်သည့် ဆေးဝါး မရှိသေးပါ။ ရေယုန်ရောဂါကို ရောဂါသက်သာအောင် ၊ အနာအမြန်ကျတ်အောင် ၊ မကြာခဏပြန်ဖြစ်ပွားမူ လျော့နည်းအောင် ၊ ကူးစက် မရှိအောင် ကုသပေးနိုင်ပါတယ်။ အထက်ပါအခြေအနေမျိုးအတွက် ကုသရာတွင် ပထမဆုံးအကြိမ် ဖြစ်ပွားခြင်းဖြစ်ပါက (Aciclovir) ဗိုင်းရပ်စ်သတ်ဆေးကို တနေ့လျှင် ငါးကြိမ်ဖြင့် အနည်းဆုံး ငါးရက်သောက်ရမည်။ ဆေးသောက်နေစဉ် ရေယုန်ဖုများထပ်မံထွက်လာပါက ဆေးကို ဆက်သောက်ရန်လိုအပ်သည်။ကုသမူအနေဖြင့် (Aciclovir) အပြင် (Famciclovir) ၊ (Valaciclovir) နှင့် ( Antiviral) တို့ကိုလည်း အသုံးပြုနိုင်ပါတယ်။

📌📌 ကာကွယ်ခြင်း ...

🔷 ကြိုတင်ကာကွယ်မူများ
🔹 လိင်ဆက်ဆံမူတွင် ကွန်ဒုံး သုံးပါ။
🔹ရောဂါရှိသူ နှင့် လိင်ဆက်ဆံခြင်း ရှောင်ကျဉ်ပါ ။
🔹ကိုယ်၀န်ဆောင်မိခင်တွင် ရေယုန်ရောဂါ ရှိပါက သက်ဆိုင်ရာ ဆရာ၀န် စောစီးစွာ ကုသမူ ခံယူရန် လိုအပ်ပါတယ်။

🔴 ရောဂါရှိသူများအနေဖြင့် ရှောင်ရန် / ဆောင်ရန် ...

🔻 မိမိတွင် လိင်အင်္ဂါရေယုန်ရောဂါရှိနေပါက တခြားသူအားမကူးစက်စေရန် အရည်ကြည်ဖုများ ၊ အနာများ၊ ယားယံခြင်းများပျောက်ကင်းမူ မရှိစဉ် ကာလအတွင်း လိင်ဆက်ဆံမှုကို ရှောင်ရှားရပါမည်။
🔻 ပါးစပ်တွင်ရေယုန်ပေါက်နေပါက အခြားသူတစ်ဦးအား နမ်းရှုတ်ခြင်း ရှောင်ကျဉ်ပါ။
🔻 ရောဂါလက္ခဏာများ ပျောက်ကင်းသွားသည့်တိုင် လိင်ဆက်ဆံမူတွင် အကာအကွယ် ကွန်ဒုံးကို သုံးသင့်သည်။ မိမိတွင်ရောဂါရှိနေပါက မိမိ၏ အတူနေဖော်ကိုလဲ ရောဂါရှိ / မရှိ စစ်ဆေးမူ ခံယူသင့်ကြောင့် တိုက်တွန်း‌ပြောကြားသင့်ပါတယ်။

အထက်ပါဖော်ပြချက်အတိုင်း မိမိအနေဖြင့် လိင်အင်္ဂါရေယုန်ရောဂါ၏ လက္ခဏာများ ခံစားရလျင် ပေါ့ပေါ့ဆဆ မနေသင့်ကြောင်း သက်ဆိုင်ရာ ဆရာ၀န်ဖြင့် လိုအပ်သည့် စစ်ဆေးမူ ၊ ကုသမူ ခံယူသင့်ရန်လိုအပ်သည့်ကို အသိပေးလိုက်ပါတယ်။

"အားလုံးကျန်းမာပျော်ရွင်သော ဘ၀တွေပိုင်ဆိုင်ကြပါစေ။"
(မှတ်ချက် - ပြန်လှန်ကူးယူဖော်ပြခွင့် "လုံး၀" မပြုပါ။)
📣📣
Booking တင်မည် လူနာများအနေဖြင့် အသေးစိတ် သိရှိလိုပါက " Clinic For Ladies II " Messager Chatbot တဆင့် မေးမြန်း (Booking)တင်နိုင်သလို့ ဖုန်းနံပါတ် 09- 774369161 ကို တိုက်ရိုက်ခေါ်ခြင်းဖြင့် Booking တင်၍ ဆွေးနွေးတိုင်ပင်နိုင်ပါပြီခင်ဗျာ ။

Dr. Kyaw Zin Latt
M.B.,B.S (MDY)
********************************************
အမျိုးမျိုးသော အခက်အခဲတွေကြားမှာ နှစ်ကြောင်းပြလို့ အဆင့်သင့်မဖြစ်သေးသူများ
ဆရာဆီဆွေးနွေးတိုင်ပင်ကာ အာမခံဖြင့် ဆေးမှာယူနိုင်ပါတယ်။
📲📲📲 - 09-983385616 (phone &Viber )

08/06/2024

👨‍⚕️👨‍⚕️👨‍⚕️
လိင်အင်္ဂါကြွက်နို့ ဆိုတာ ဘာလဲ ... ?
(Ge***al / A**l Warts)
လိင်မူရေးရာ နှင့် ပတ်သတ်ပြီး ပွင့်လင်းလာသည့်နှင့်အမျှ လိင်ပိုင်းဆိုင်ရာ ကူးစက်ရောဂါများ နှင့် ပတ်သတ်ပြီး ပို၍ လေ့လာသိရှိနားလည်ရန် လိုအပ်ပါတယ်။
လိင်အင်္ဂါကြွက်နို့ (Ge***al / A**l Warts)သည် Human papillomavirus (HPV ဗိုင်းရပ်စ်) လို့ခေါ်ပြီး လိင်ကတစ်ဆင့် ကူးစက်တတ်တဲ့ အဖြစ်အများဆုံး အရေးပြားရောဂါတစ်ခုဖြစ်ပါတယ်။
လိင်အင်္ဂါကြွက်နို့သည် လိင်အင်္ဂါတစ်ဝိုက်တွင် ပေါက်သော ကြွက်နို့ရောဂါဖြစ်ပြီး သေးငယ်သော အသားရောင် အဖုလေးများ (သို့) ပန်းမုန်လာလို ပုံစံများ ရှိတတ်ပြီး သေးငယ်လွန်းသောကြောင့် တော်ယုံဖြင့် သတိမထားတတ်ပါဘူး။
လိင်အင်္ဂါကြွက်နို့ရောဂါသည် အလွန်အဖြစ်များတတ်ပြီး အမျိုးသားများထက် အမျိုးသမီးများတွင် ကြွက်နို့ပေါက်နိုင်ချေပိုများပါတယ်။အသက်အရွယ်မရွေးဖြစ်နိုင်ပြီး
အမျိုးသမီးများ၌ ကြွက်နို့သာမက ကင်ဆာကိုပါ ဖြစ်စေနိုင်ပါတယ်။

📌📌📌
ဘာကြောင့် လိင်အင်္ဂါကြွက်နို့ ဖြစ်ရတာလဲ ... ?
လိင်အင်္ဂါကြွက်နို့ကို ဖြစ်စေတာက (HPV)ဗိုင်းရပ်စ်ကြောင့်သာ ဖြစ်တယ်။ (HPV) အမျိုးအစားပေါင်း (200) လောက်အထိရှိသော်လည်း တချို့ကသာ ရောဂါရစေနိုင်ပါတယ်။ အရေပြားမှာဖြစ်တဲ့ ကြွက်နို့တွေက (HPV-1) နှင့် (HPV-2) ကြောင့်ဖြစ်တယ်။ လိင်လမ်းကြွက်နို့ကို (HPV-6) နှင့် (HPV-11) ဗိုင်းရပ်စ်တွေကြောင့် ဖြစ်တယ်။ မျက်စိ၊ နှာခေါင်း၊ ပါးစပ် နှင့် လည်ချောင်းတွေမှာလဲ ဒီပိုးတွေကို ဖြစ်စေနိုင်တယ်။ အမျိုးအစားပေါင်း (30-40) တို့က လိင်ဆက်ဆံလို့ ကူးစက်တယ်။ လိင်အင်္ဂါကြွက်နို့ဟာ လိင်မှတဆင့် ကူးစက်ရောဂါတွေမှာ အများဆုံးဖြစ်ပြီး (Condyloma) လို့လဲခေါ်တယ်။ တချို့မှာ ပိုးရှိနေပေမဲ့ ကြွက်နို့မပေါ်သည့် အခြေအနေများစွာ ရှိပါတယ် ။
📌📌
လိင်အင်္ဂါကြွက်နို့ ကူးစက်နိုင်မူများ ...
လိင်အင်္ဂါကြွက်နို့သည့် လိင်ကတစ်ဆင့် အဓိကကူးစက်ခြင်းဆိုတာ အထက်မှာ ဖော်ပြထားပြီ ဖြစ်ပါတယ်။
🔹 လိင်ဆက်ဆံမူ ၊
🔹(စအို) နှင့် ဆက်ဆံခြင်း (A**l S*x) ၊
🔹 ပါးစပ်ဖြင့် လိင်ဆက်ဆံခြင်း (Oral S*x) ၊
🔹လိင်အင်္ဂါချင်းထိတွေ့ခြင်း စသည့် လိင်ဆက်ဆံမှုအားလုံး အကျုံးဝင်ပါတယ်။
🔹 မိခင်ကနေ သန္ဓေသားကို မွေးလမ်းကြောင်းကနေတစ်ဆင့်ကူးစက်နိုင်ပါတယ်။
🔷 လိင်အင်္ဂါကြွက်နို့ဖြစ်ခြင်းက လိင်ကတစ်ဆင့်ကူးစက်မူ မဟုတ်သည့် အခြေအနေများလည်းရှိပါတယ်။ အထိအတွေ့ (Close Human Contact) ကနေလည်း ကူးတတ်ပါတယ်။နောက်တစ်ချက် မိမိရဲ့ တစ်ကိုယ်ရေသန့်ရှင်းရေး အားနည်းသည့် အခြေအနေမျိုးမှာ ဖြစ်နိုင်ပါတယ်။
🔷 ကလေးငယ်အချို့မှာ လိင်အင်္ဂါမှာကြွက်နို့ ပေါက်ခဲ့လျင် လိင်ပိုင်းဆိုင်ရာစော်ကားခံရခြင်း/ သက်ငယ်မုဒိမ်း (S*xual Abuse) စတာတွေကိုထည့်သွင်း စဉ်းစားရန် လိုအပ်ပါတယ်။
လိင်အင်္ဂါကြွက်နို့က ခန္ဓာကိုယ်ခြေလက်တွေမှာပေါက်တတ်တဲ့ ရိုးရိုးကြွက်နို့တွေထက် ပိုပြီး ကူးစက်မူလွယ်ကူ ပါတယ်။

📌📌 ဘယ်သူတွေမှာ လိင်အင်္ဂါကြွက်နို့ ပေါက်နိုင်ခြေပိုများပါသလဲ ... ?
🔹လိင်ဆက်ဆံဖော်များသူများ ၊
🔹အကာအကွယ်မသုံးသူများ ၊
🔹အခြားသော လိင်ကတစ်ဆင့်ကူးစက်တဲ့ရောဂါတွေပါ ယှဉ်တွဲရှိသူများ (ဥပမာ။ HIV/AIDS , Syphilis) ၊
🔹အများသုံး အသုံးအဆောင် ပစ္စည်းတွေ မျှဝေသုံးစွဲသူများ (ဥပမာ -အများသုံးရေချိုးကန်/အိမ်သာ ၊ အဆောင် ၊ အကျဉ်းထောင် )
🔹တစ်ကိုယ်ရေသန့်ရှင်းမှုအားနည်းတဲ့သူများ ၊
🔹 အဟာရချို့တဲ့သူများ စသည့် အခြေအနေရှိသူများတွင် အဖြစ်များနိုင်ပါတယ်။

📌📌 လက္ခဏာများ ...

လိင်အင်္ဂါကြွက်နို့တွေဟာ အရွယ်အစား/ပုံသဏ္ဌာန်/ အရေအတွက်အနည်းအများ မျိုးစုံ ဖြစ်နိုင်ပါတယ်။

🔹ယားယံခြင်း ၊ သွေးထွက်လွယ်ခြင်း ၊နေထိုင်ရခက်စေခြင်း ၊
🔹မျက်နှာပြင်မညီညာမူမရှိသည့် အသားရောင် အသားစိုင်အလုံးအဖုလေးများ (မာတာလည်းရှိသလို့ ပျော့တွဲတွဲ အသားစိုင်တွေ အစုလိုက်အစုလိုက် ပုံစံမျိုးနဲ့လည်းဖြစ်နိုင်ပါတယ်။)
🔹အမျိုးသားများတွင် အမျိုးသားလိင်တံထိပ်တစ်ဝိုက် ၊ လိင်တံ ၊ ကပ်ပယ်အိတ် ၊ ပေါင်ခြံ နဲ့ ပေါင် နေရာတွေမှာ ပေါက်တတ်ပါတယ်။
🔹အမျိုးသမီးများတွင် မိန်းမကိုယ်အဝတစ်ဝိုက် (V***a) ၊ မိန်းမကိုယ်အတွင်းဖက် (Vaigna)၊ သားအိမ်ခေါင်း (Cervix) နှင့် ပေါင်ခြံ (Grion) တွေမှာပေါက်တတ်ပါတယ်။
🔹စအိုတစ်ဝိုက်တွင်လည်း ကူးစက်ဖြစ်ပွားနိုင်ပါတယ်။
🔹 လိင်ဆက်ဆံသည့်အခါ အမြင်မလှစေခြင်း ၊
🔹ကြွက်နို့ကို ဆွခြင်း ၊ ဆိတ်ခြင်း ၊ကုတ်ဖဲ့ခြင်း ပြုလုပ်လျင် နောက်ဆက်တွဲ ဘက်တီးရီးယားပိုးဝင်ပြီး အရေပြားရောင်ရမ်းခြင်းအထိ အခြေအနေဆိုးစေနိုင်ပါတယ်။

📌📌 ကုသမူ နည်းလမ်းများ ...

ဆရာဝန်က ကြွက်နို့ကို အသားစ (Biopsy) ယူပြီး အဏုကြည့်မှန်ပြောင်းသုံးကာ ကြွက်နို့ ဟုတ်/မဟုတ် အတည်ပြုပေးပါလိမ့်မယ်။ကြွက်နို့အရွယ်အစား နဲ့ လူနာအခြေအနေပေါ်မူတည်ပြီး ဆရာဝန်က သင့်တော်တဲ့ ကုသမှုပေးပါလိမ့်မယ်။
🔹လိမ်းဆေး၊ ထိုးဆေး၊ သောက်ဆေး အမျိုးမျိုး ရှိပါတယ်။
🔹လိုအပ်လျင် ဆရာဝန်က ကြွက်နို့ကိုလှီးဖြတ်ခွဲစိတ်ခြင်း ပြုလုပ်ပေးပါလိမ့်မည်။
🔹Laser လေဆာသုံးကုသမှုတွေ ခံယူနိုင်ပါတယ်။
🔹Liquid Nitrogen နှင့် ကြွက်နို့ကို အေးခဲသေဆုံးစေတဲ့ကုသမှုတွေလည်း ပြုလုပ်နိုင်ပါတယ်။
🔹Electrocautery လို့ခေါ်တဲ့ လျှပ်စစ်သုံးပြီး ကြွက်နို့ဖယ်ထုတ်ကုသမှုတွေလည်း ပြုလုပ်နိုင်ပါသေးတယ်။
🔹လိင်အင်္ဂါကြွက်နို့က ပျောက်ကင်းအောင်ကုသပြီးသည့်တိုင်အောင် ပြန်ပြန်ဖြစ်တတ်လို့ ကုသမှု ထပ်ခါထပ်ခါ လိုအပ်နိုင်ပါတယ်။
🔹ကြွက်နို့ကုသတာဟာ ပျောက်ကင်းဖို့အချိန်ယူရသော ရောဂါတစ်ခု ဖြစ်သည့်အတွက် ဆရာဝန်နဲ့ ရက်ချိန်းကို မပျက်မကွက် မှန်မှန်ပြသရပါမယ်။
🔹လိင်အင်္ဂါကြွက်နို့ရှိတဲ့ အမျိုးသမီးတွေမှာ သားအိမ်ခေါင်းကင်ဆာအကြိုစစ်ဆေးမှုပြုလုပ်ရန် လိုအပ်ပါတယ်။

📌 ဘယ်လိုနည်းလမ်းများဖြင့် လိင်အင်္ဂါကြွက်နို့ကို ကာကွယ်မလဲ ... ?
လိင်ဆက်ဆံမူတိုင်းမှာ (ကွန်ဒုံး) အကာအကွယ်သုံးရန်လိုအပ်ပါတယ် ။သို့သော် ကွန်ဒုံးသည့် ကြွက်နို့ရှိနေနိုင်သည့် လိင်အင်္ဂါတစ်ဝိုက်က အရေပြားနေရာ အားလုံးကို မကာကွယ်မအုပ်နိုင်သည့်အတွက် အပြည့်အဝကာကွယ်မှုမပေးနိုင်ပါ။
🔻တစ်ကိုယ်ရေသန့်ရှင်းရေးကို အလေးထားပါ။
🔻မိမိမှာ လိင်အင်္ဂါကြွက်နို့ဖြစ်နေလျင် မိမိ၏ လိင်ဆက်ဆံဖော်ကို အသိပေးပါ။မရှက်ပါနဲ့။လိုအပ်ပါက ကုသမှုအတူခံယူရန် လိုအပ်ပါတယ်။
🔻ကာကွယ်ဆေး (HPV Vaccine) ထိုးနှံထားလျင် လိင်အင်္ဂါကြွက်နို့ကိုပါ ကာကွယ်ပြီးသားဖြစ်စေပါတယ်။ အမျိုးသားရော၊ အမျိုးသမီးပါ အသက် ၉ နှစ်အရွယ်ကစပြီး ထိုးနှံနိုင်ပါတယ်။
🔻လေ့လာမှုတွေအရ ဆေးလိပ်သောက်သူတွေမှာ မသောက်သူတွေထက် လိင်အင်္ဂါကြွက်နို့ပိုဖြစ်နိုင်လို့ ဆေးလိပ်ဖြတ်သင့်ပါတယ်။
🔻 လိင်အင်္ဂါကြွက်နို့သည် ကူးစက်ပျံ့နှံမူနူန်း မြန်သည့်အတွက် ရောင်ပျောက်ကင်းသည့်အထိ လိင်ဆက်ဆံတာကို ရှောင်ရပါမယ်။
🔻 ရောဂါဖြစ်ခဲ့လျင် ကြွက်နို့တွေကို ဆွခြင်း၊ ဆိတ်ခြင်း ၊ ကုတ်ဖဲ့ခြင်းများ မပြုလုပ်ရန် လိုအပ်ပါတယ်။

နောက်ဆုံးအနေဖြင့် မိမိတွင် လိင်အင်္ဂါကြွက်နို့ရောဂါ ခံစားနေရလျင် မရှက်ပါနဲ့ ၊ မိမိလက်တွဲဖော်အထိ ကူးဆက်နိုင်သောကြောင့် သက်ဆိုင်ရာဆရာ၀န် အမြန်ဆုံးပြသပြီး လိုအပ်သည့် ကုသမူ ခံယူသင့်ကြောင့် အသိပေးလိုက်ပါတယ်။

"အားလုံးကျန်းမာပျော်ရွင်သော ဘ၀တွေပိုင်ဆိုင်ကြပါစေ။"
(မှတ်ချက် - ပြန်လှန်ကူးယူဖော်ပြခွင့် "လုံး၀" မပြုပါ။)
📣📣
Booking တင်မည် လူနာများအနေဖြင့် အသေးစိတ် သိရှိလိုပါက " Clinic For Ladies II " Messager Chatbot တဆင့် မေးမြန်း (Booking)တင်နိုင်သလို့ ဖုန်းနံပါတ် 09- 774369161 ကို တိုက်ရိုက်ခေါ်ခြင်းဖြင့် Booking တင်၍ ဆွေးနွေးတိုင်ပင်နိုင်ပါပြီခင်ဗျာ ။

Dr. Kyaw Zin Latt
M.B.,B.S (MDY)
********************************************
အမျိုးမျိုးသော အခက်အခဲတွေကြားမှာ နှစ်ကြောင်းပြလို့ အဆင့်သင့်မဖြစ်သေးသူများ
ဆရာဆီဆွေးနွေးတိုင်ပင်ကာ အာမခံဖြင့် ဆေးမှာယူနိုင်ပါတယ်။
📲📲📲 - 09-983385616 (phone &Viber )

31/05/2024

🦠🤰🤰🤰🦠
ကိုယ်ဝန်ဆောင်ချိန် နှင့် ကာလသားရောဂါ ( Syphilis )

ကိုယ်ဝန်ဆောင်အမျိုးသမီးများ အနေဖြင့် ပထမဆုံး ဗိုက်အပ်သည့်အခါ ဆရာဝန်က သွေးစစ်ရန် ဆောင်ရွက်ပါသည်။ သွေးစစ်သည့် အကြောင်းအရာများတွင် ( Syphilis ) ကာလသားရောဂါ ရှိ / မရှိလည်း စစ်ရပါတယ်။ ကာလသားရောဂါ ရှိပါက ( ပင်နီဆီလင် ) ထိုးဆေးဖြင့် ကုသပေးပါတယ်။
ကာလသားရောဂါသည် လိင်ဆက်ဆံခြင်းမှ အဓိကကူး‌စက်‌သော ရောဂါတစ်ခုဖြစ်တယ်။ အကာအကွယ် ကွန်ဒုံး အသုံးပြုသည့်တိုင် ကူးစက်နိုင်ခြေ ရှိပါတယ်။ အကာအကွယ် ကွန်ဒုံး မသုံးလျှင် ပိုကူးစက်နိုင်ပါတယ်။ မိခင်တွင် ကူးစက်ခံရပါက ကလေးကို အချင်းမှတဆင့် ကူးစက်နိုင်တယ်။ သို့မဟုတ် မွေးနေစဉ် မွေးလမ်းကြောင်းမှတဆင့် ကူးစက်နိုင်ပါတယ်။အချို့‌သော ကိုယ်၀န်ဆောင်အမျိုးသမီးများသည့် သွေးစစ်ချိန်မှာ ရောဂါ မရှိပါ / သွေးစစ်ပြီးနောက်ပိုင်းမှ ရောဂါကူးစက်လာသည့် အခြေအနေများ အဖြစ်များလာပါတယ်။

📌📌 ကာလသားရောဂါလက္ခဏာများ ...

🔷 မည်သည့်ရောဂါလက္ခဏာမှ မပြခြင်း(သတိမထားမိတာ ရှိတတ်သည်။)

🔷 ကာလသားရောဂါတွင် ပထမအဆင့်। ဒုတိယအဆင့်। တတိယအဆင့် အဆင့် (3) ဆင့်ရှိပါတယ်။ ပထမအဆင့်တွင် မနာသောအနာများကို ပါးစပ် ၊ လိင်အဂါၤဆအနီးတဝိုက်တွင် တွေ့ရတတ်သည်။ထို့အနာများနှင့် လိင်ဆက်ဆံချိန် ထိတွေ့ရာ၌ ကူးစက်ပါတယ်။ထို့နောက် အနာကပျောက်သွားပေမဲ့ ရောဂါပိုးကတော့ ဆက်လက်ရှိနေ ပြီး ဒုတိယအဆင့် သို့ တက်ပါလိမ့်မယ်။ ဒုတိယအဆင့်တွင် လက်ဖဝါး। ခြေဖဝါးအပါအဝင် ခန္တာကိုယ်၌ အနီကွက်। အနီစက်များ ထွက်လာနိုင်သည်။ ဖျားခြင်း । ခေါင်းကိုက်ခြင်း ।အကျိတ်များထွက်ခြင်းကို လအတန်ကြာ ခံစားရနိုင်သည်။ ထိုလက္ခဏာများ ပျောက်သွားပြီးနောက် တဖြည်းဖြည်းနှင့် အချိန်ကြာမြင့်ပြီးကာ တတိယအဆင့် သို့ပြောင်းသွားပြီး နှလုံးပျက်စီးခြင်း। ဦးနှောက်ပျက်စီးခြင်း।အရိုးပျက်စီးခြင်းများဖြင့် ဘဝနိဂုံးမလှမပ ဖြစ်ရသည်။ တတိယအဆင့်ကို ပိုးစဝင်ပြီး ၁-နှစ် မှ ၃၀-နှစ် အတွင်း ခံစားရနိုင်သည်။

🔷 ကိုယ်၀န်ဆောင်ကာလ ကလေးကူစက်ခံရပါက
🔹အသားဝါဖြစ်ခြင်း ।
🔹 လမစေ့ ပေါင်မပြည့် မွေးခြင်း ।
🔹 မွေးသေ ဖြစ်ခြင်း ।
🔹အကြားအမြင်ပျက်စီးခြင်း ।

🔹နှာခေါင်းပုံပျက်ခြင်း ।
🔹 အရိုး နှင့် သွားများပျက်စီးခြင်း ।
🔹အသည်းဘေလုံးကြီးခြင်း।
🔹အကျိတ်များထွက်ခြင်း စသဖြင့် ဖြစ်နိုင်သည်။ ( မွေးဖွားပြီး ဘာလက္ခဏာမှ မပေါ်ပဲ အသက် ၈-နှစ်လောက်ရောက်မှ နားကန်းသွားတာလည်း ဖြစ်နိုင်ပါတယ်။ )

📌📌 ကုသခြင်း ...

ကာလသားရောဂါကို ပင်နီစီလင် ထိုးဆေးဖြင့် ပျောက်အောင်ကုသနိုင်ပါသည်။ ရောဂါအဆင့်အလိုက် ထိုးရမည့်ဆေးပမာဏ နှင့် အကြိမ်အရေတွက်တော့ ကွာသည်။ ကိုယ်ဝန်ဆောင်ကာလ သွေးစစ်ခြင်းတွင် ရောဂါတွေ့ရှိပါက ကိုယ်ဝန်ဆောင်နှင့်အတူ အမျိုးသားပါ ကုသမှု ခံယူရမည်။

📌📌 ကာကွယ်ခြင်း

🔹မိမိဖြင့် မသိတဲ့သူစိမ်းတွေ့ဖြင့် အကာအကွယ်မဲ့လိင်ဆက်ဆံတာကို ရှောင်ပါ။
🔹လိင်ဆက်ဆံတိုင်း ကွန်ဒုံးကို အသုံးပြုပါ။
🔹အဓိကအချက်အနေဖြင့် အမျိုးသမီးများ ကိုယ်ဝန်ဆောင်ချိန်လိင်ဆက်ဆံလို ရပါသည်။ သို့ပေမဲ့ လိင်ဆက်ဆံမည့် ဖခင်က အပြင်က ရောဂါယူမလာရန် အရေးကြီးပါတယ်။
ဒါ့ကြောင့် ကိုယ်၀န်ဆောင်မိခင်လောင်းများအနေဖြင့် ကိုယ်၀န်ဆောင်ကာလတွင် အထက်ပါ ရောဂါလက္ခဏာများ ဖြစ်လာခဲ့လျင် ပေါ့ပေါ့ဆဆ မနေပဲ သက်ဆိုင်သူ အမျိုးသားနှင့်အတူ ဆေးစစ်ကုသမူ ခံယူရန် လိုအပ်ကြောင်း အသိပေး ဖော်ပြလိုက်ပါတယ်။
"အားလုံးကျန်းမာပျော်ရွင်သော ဘ၀တွေပိုင်ဆိုင်ကြပါစေ။"
(မှတ်ချက် - ကူးယူဖော်ပြခွင့် "လုံး၀" မပြုပါ။)
Dr. Kyaw Zin Latt
M.B.,B.S (MDY)

📣📣
Booking တင်မည် လူနာများအနေဖြင့် အသေးစိတ် သိရှိလိုပါက " Clinic For Ladies II " Messager Chatbot တဆင့် မေးမြန်း (Booking)တင်နိုင်သလို့ ဖုန်းနံပါတ် 09- 983385616 ကို တိုက်ရိုက်ခေါ်ခြင်းဖြင့် Booking တင်၍ ဆွေးနွေးတိုင်ပင်နိုင်ပါပြီခင်ဗျာ ။
********************************************
အမျိုးမျိုးသော အခက်အခဲတွေကြားမှာ နှစ်ကြောင်းပြလို့ အဆင့်သင့်မဖြစ်သေးသူများ
ဆရာဆီဆွေးနွေးတိုင်ပင်ကာ အာမခံဖြင့် ဆေးမှာယူနိုင်ပါတယ်။
📲📲📲 - 09-983385616 ( Viber )
&pregnancy

25/05/2024

👨‍⚕️🤰🤰🤰👩‍⚕️
ညှပ်ဆွဲမွေးဖွားခြင်း ဆိုတာ .... (Forceps)

📌 မွေးဖွားချိန် ဘယ်လို အခြေအနေမှာ ညှပ်ဆွဲ‌မွေးဖွားရနိုင်သလဲ ... ?

ညှပ်ဆွဲမွေးရခြင်းဆိုတဲ့ အကြောင်းအရင်းက လေစုပ်မွေးဖွားရခြင်းနှင့် အတူတူပါပဲ။ (ရှေ့တွင် ရေးသား ဖော်ပြထားပြီ ဖြစ်ပါတယ်။)
အခြေအနေများအနေဖြင့်
🔹 ဆုံဖွားတွင် ဦးခေါင်းဖွားစေရန် သုံးနိုင်တယ်။
🔹လမစေ့သေးသည့်ကိုယ်၀န် ကလေးငယ်အတွက် အသုံးပြုနိုင်တယ်။
🔹 မျက်နှာဖွားမှာ လိုအပ်လျင် ညှပ်ဆွဲ မွေးဖွားပေးနိုင်ပါတယ်။

📌 ညှပ်ဆွဲမွေးခြင်းဆိုတာ ဘယ်လိုလဲ ... ?

(Forceps) ဖော့ဆက်ဆိုသော ညှပ်က အပေါက်ဖေါက်ထားသော ဇွန်းအကြီးစားနှင့် တူပါတယ်။ ဘယ်၊ ညာ နှစ်ခုပူးညှပ်ပြီး သုံးရတာပါ။ညှပ်က ပုံစံ အမျိုးမျိုးရှိသော်လည်း အခြေခံ ပုံစံကတော့ အားလုံးတူတူပါပဲ။
မွေးလူနာ မိခင်ညှစ်အား ခဏနားနေချိန် ညှပ်ကို ချောဆီသုတ်လိမ်းပြီး ဘယ်/ ညာ တခုစီထည့်ရပါတယ်။ ထည့်နည်းမှန်ကန်ရန် လွန်စွာ အရေးကြီးပါတယ်။ ညှပ်နှစ်ခု အသားကျရင် အံဝင်ခွင်ကျ ဖြစ်ပါတယ်။ အံဝင်ခွင်ကျ မဖြစ်ရင် လုံးဝ မဆွဲရပါ။ ဗိုက်နာလို့ ညှစ်ချင်ပီဆိုတာဖြင့် မွေးလမ်းကြောင်းအတိုင်း အလိုက်သင့် ကူဆွဲရပါတယ်။ ဦးခေါင်းမွေးဖွားပြီးသည့်နှင့် ညှပ်ရဲ့ တာ၀န် ပြီးပါပြီ။

📌 မိခင်နဲ့ ကလေးအပေါ်သက်ရောက်မှုက ညှပ်ဆွဲမွေးခြင်း နှင့် လေစုပ်‌မွေးခြင်းက ဘာကွာခြားပါသလဲ ... ?

မိခင်အတွက်က ညှပ်ဆွဲရန် လိုအပ်လျင် မွေးလမ်းကြောင်းချဲ့ဖို့ လိုအပ်ပါတယ်။မွေးလမ်းကြောင်း စုတ်ပြဲခြင်း ဖြစ်နိုင်ခြေ ရှိပါတယ်။ ကြွက်သားရှုံ့တွေပ စုတ်ပြဲခဲ့လျင် နောက်ပိုင်းမှာ ဝမ်းမထိန်းနိုင်ခြင်း ၊ ဝမ်းမလုံခြင်းအထိ ဖြစ်နိုင်ပါသေးတယ်။ဒါ့ကြောင့် မွေးဖွားချိန် ညှပ်ဆွဲရန် လိုအပ်လျင် အာရုံကြောထုံဆေး မပေးလျင် ညှပ်ဆွဲမွေးဖွားရန် မရပါ။ မွေးမိခင်အတွက် အားစိုက်ရသက်သာပါတယ်။ အောင်အောင်မြင်မြင်မွေးနိုင်ခြေ ပိုများပါတယ်။
ကလေးငယ်အတွက် ထူးခြားတဲ့ ကွာခြားမူ မရှိပါ။ ညှပ်ဆွဲမွေးဖွားခြင်း ခံရလျင် ညှပ်ရာပါခြင်း ရှိပါတယ်။ ရက်အနည်းငယ်အတွင်း သူဘာသာ ပျောက်ကင်းသွားပါတယ်။

📌 မွေးမိခင်အနေဖြင့် လေစုပ်မွေးခြင်း နှင့် ညှပ်ဆွဲမွေးခြင်းကို ရွေးချယ်ခွင့်ရှိပါသလား ... ?
ကိုယ်၀န်ဆောင်ကာလမှာ မွေးဖွားမူဖြစ်စဥ် အခြေအနေ အကြောင်းအရာများကို မွေးမိခင်လောင်းများအနေဖြင့် သေချာ လေ့လာထားသင့်ပါတယ်။အခြေအနေ အကြောင်းအရာများကို သေချာသိလျင် ကျိန်းသေပေါက် ရွေးချယ်ခွင့်ရှိပါတယ်။
မွေးမိခင်များအနေဖြင့် ကိုယ်၀န်ဆောင်ကာလတွင် ကျန်းမာရေးဖြစ်စဉ်များကို မသိကျိုးရွံ မပြုဘဲ မိမိလေ့လာနိုင်သလောက် လေ့လာသင့်ကြောင်း ထပ်မံ၍ အသိပေး ပြောကြားလိုပါတယ်။
"အားလုံးကျန်းမာပျော်ရွင်သော ဘ၀တွေပိုင်ဆိုင်ကြပါစေ။"
(မှတ်ချက် - ကူးယူဖော်ပြခွင့် "လုံး၀" မပြုပါ။)
Dr. Kyaw Zin Latt
M.B.,B.S (MDY)

📣📣
Booking တင်မည် လူနာများအနေဖြင့် အသေးစိတ် သိရှိလိုပါက " Clinic For Ladies II " Messager Chatbot တဆင့် မေးမြန်း (Booking)တင်နိုင်သလို့ ဖုန်းနံပါတ် 09- 983385616 ကို တိုက်ရိုက်ခေါ်ခြင်းဖြင့် Booking တင်၍ ဆွေးနွေးတိုင်ပင်နိုင်ပါပြီခင်ဗျာ ။
********************************************
အမျိုးမျိုးသော အခက်အခဲတွေကြားမှာ နှစ်ကြောင်းပြလို့ အဆင့်သင့်မဖြစ်သေးသူများ
ဆရာဆီဆွေးနွေးတိုင်ပင်ကာ အာမခံဖြင့် ဆေးမှာယူနိုင်ပါတယ်။
📲📲📲 - 09-983385616 ( Viber )

Address

11091

Website

facebook.com

Alerts

Be the first to know and let us send you an email when Health's For Ladies II posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic?

Country:

City: