30/04/2024
🙏2024အတွက် ကိုဗစ်ကာကွယ်ဆေးရပါပြီ🙏
👨⚕️ တုပ်ကွေးကာကွယ်ဆေးဆိုသည်မှာ💉
လူ့ခန္ဓာကိုယ်မှ ပြင်ပမှဝင်ရောက်လာသည့် တုပ်ကွေးဗိုင်းရပ်စ်ပိုးများအား ခုခံတိုက်ခိုက်ပေးသည့် ပဋိဇီဝပစ္စည်းများ ကိုယ်တွင်းမှထွက်ရှိနိုင်အောင် လှုံ့ဆော်ပေးသော ဆေးဖြစ်သည်။ အန္တရာယ်မပေးနိုင်တော့သည့် ဗိုင်းရပ်စ်ပိုးအသေ(Inactivated Killed Virus)🦠🧪 ပမာဏဖြင့် ထုတ်လုပ်ထားသဖြင့် ကာကွယ်ဆေးထိုးခြင်း💉 မှတဆင့် တုပ်ကွေးရောဂါ လုံးဝမဖြစ်ပွားစေပါ။ H1N1ကဲ့သို့သော တုပ်ကွေးရောဂါဖြစ်စေသောဗိုင်းရပ်စ်ပိုးများသည် နှစ်စဥ်ပြောင်းလဲနေသောကြောင့် တစ်နှစ်တစ်ကြိမ် ကာကွယ်ဆေးထိုးနှံ ပေးရန် လိုအပ်ပါသည်။
⌛ဆေးထိုးသင့်သည့်အချိန်🕐
ကာကွယ်ဆေးထိုးပြီး အချိန်၂ပတ်မှ ၃ပတ်အကြာမှသာ ကိုယ်ခန္တာမှ ခုခံစွမ်းအားပဋိပစ္စည်းများ အပြည့်အဝထွက်ရှိပြီး ဗိုင်းရပ်စ်များအား ကာကွယ်နိုင်မည်ဖြစ်ပါသည်။ တုပ်ကွေးရာသီမရောက်ခင် ကြိုတင်ဆေးထိုးထားခြင်းဖြင့် ထိရောက်မည်ဖြစ်သည်။
👨⚕️ဆေးထိုးသင့်သူများ👪🤱👨🦱👩🦰👴👵
-မြန်မာနိုင်ငံကဲ့သို့သော H1N1အဖြစ်များသောနေရာတွင်နေထိုင်နေရသူများ၊ ကျန်းမာရေးဝန်ထမ်းများ၊ လူအများနှင့် ဆက်စပ်ထိတွေ့မှုရှိသူများ
-ကလေးသူငယ်(အသက်၆လမှစ၍)၊ သက်ကြီးရွယ်အိုများ
-နှလုံး၊ သွေးတိုး၊ ဆီးချိုရောဂါရောဂါအခံရှိသူများ၊ နာတာရှည် ရောဂါရှိသူများ(အဆုတ်၊ ကျောက်ကပ်၊ အသည်းစသည်)၊ ကိုယ်ခံအားမကောင်းသူများ၊
-ကိုယ်ဝန်ဆောင်မိခင်များ အဓိကထိုးထားသင့်ပါတယ်။ (ကိုယ်ဝန်ဆောင်မိခင်များအနေဖြင့် သက်ဆိုင်ရာဆရာဝန်နှင့် တိုင်ပင်ထိုးသင့်ပါတယ်)
-ယခင်နှစ်များက ကာကွယ်ဆေးထိုးဘူးသူများ
👨⚕️ဆေးမထိုးသင့်သူများ 🚫
-လတ်တလော ဖျားနာ၊ နေမကောင်းဖြစ်နေသူများ
-ကြက်ဥနှင့် ဓာတ်မတည့်သူများ
-Neomycin, Gentamycin, Formaldehyde, Octoxinol-9, Salicylate,အစရှိသည့် ဆေးဓာတ်မတည့်သူများ
များ၊
-ယခင်က တုပ်ကွေးကာကွယ်ဆေးထိုးရာတွင် ဓာတ်မတည့်မှုဖြစ်ဘူးသူများ၊
-ကြွက်သားအားနည်းရောဂါ (Guillain-Barre Syndrome)နှင့် ကိုယ်ခံအားကျစေသောဆေးများ (ဥပမာ-ကင်ဆာဆေး)သောက်သုံးနေသူများ၊ သွေးကျဲဆေးသောက်နေသူများအဖို့ ဆရာဝန်နှင့်တိုင်ပင်ပြီးမှ ထိုးသင့်ပါသည်။
👨⚕️အခြားသိကောင်းစရာများℹ️
တုပ်ကွေးကာကွယ်ဆေးသည် H1N1 အပါအဝင် အခြားInfluenze Virus ၄မျိုးခန့်အထိ ကာကွယ်ပေးနိုင်ပါသည်။ Common coldကဲ့သို့သော အအေးမိဖျားနာခြင်းများကိုမူ ကာကွယ်မပေးနိုင်ပါ။ ၎င်းသည် တုပ်ကွေးလက္ခဏာနှင့်ဆင်တူသဖြင့် တုပ်ကွေးကာကွယ်ဆေးထိုးထားပါလျက် နေမကောင်းဖြစ်သည်ဟု အမှတ်မှားတတ်ကြပါသည်။
💉 ဆေးအာနိသင်အပြည့်အဝရစေရန်
တုပ်ကွေးကာကွယ်ဆေး (Flu Vaccine)၏အာနိသင်ကို အပြည့်အဝရစေရန် ထုတ်လုပ်သည့်နေရာမှစ၍ ထိုးနှံမည့်နေရာအထိ အပူချိန် 2°Cမှ 8°C (cold chain)အတွင်း ထိန်းသိမ်းထားရန် အလွန်အရေးကြီးပါသည်။ ဤအပူချိန်အတွင်း မထိန်းသိမ်းနိုင်ခြင်း၊ အအေးချိန်လွန်၍ခဲသွားခြင်း၊ နေရောင်တိုက်ရိုက်ထိခြင်းများကြောင့် ဆေးအာနိသင်အပြည့်အဝရရှိနိုင်မည်မဟုတ်ပါ။
🙏 2024 တုပ်ကွေးကာကွယ်ဆေးထိုးနိုင်ရန် စာရင်းပေးသွင်းနိုင်ပါသည်။
***အရေအတွက် အကန့်အသတ်ရှိနိုင်ပါသည်***
