7887 First Aid Training ရှေးဦးပြုစုနည်းသင်တန်း

13/02/2026

Happy Birthday General Aung San
13.2.2026 မှာကျရောက်တဲ့ (111) နှစ်ပြည့် “ဗိုလ်ချုပ်အောင်ဆန်းမွေးနေ့” အား လေးစားစွာဖြင့် ဂုဏ်ပြုအပ်ပါသည်။

12/02/2026

အထိုင်များတဲ့ အန္တရာယ်
++++++++++++++
ဒီနေ့ခေတ်လူတွေကြားမှာ အဖြစ်များတဲ့ ပြဿနာတစ်ခုဖြစ်ပါတယ်။ အိမ်မှာပဲဖြစ်ဖြစ်၊ အလုပ်မှာပဲဖြစ်ဖြစ်၊ ခရီးသွားနေတုန်း ကားပေါ်မှာပဲဖြစ်ဖြစ် ထိုင်တာကြာလာရင် ဖြစ်တတ်တဲ့ပြဿနာတွေက လူတိုင်းကြုံလေ့ကြုံထရှိကြပါတယ်။ ၂၀၁၃ တုန်းက လုပ်ခဲ့တဲ့စစ်တမ်းတွေအရ လူတစ်ယောက်ဟာ တစ်နေ့လုံးမှာ ထိုင်ချိန် စုစုပေါင်း ၁၃ နာရီရှိရမှာဖြစ်ပြီး အိပ်ချိန်က ၈ နာရီရှိရမှာဖြစ်ပါတယ်။ ဒီစစ်တမ်းဟာ အမေရိကန်နိုင်ငံမှာ ပြုလုပ်ခဲ့တဲ့ စစ်တမ်းဖြစ်ပါတယ်။

အထိုင်များရင်
အထိုင်များရင်တော့ မြန်မာလိုနားလည်လွယ်အောင် ပြောလိုက်တာပါ။ အမှန်တော့ တစ်နေရာတည်းမှာ အကြာကြီး ကိုယ်လက်လှုပ်ရှားမှုမရှိဘဲ ထိုင်နေတတ်တာ၊ တစ်ခုခုကို အာရုံစိုက်ပြီး ထမင်းမေ့၊ ဟင်းမေ့ ထိုင်နေတာမျိုးပေါ့။ အဲဒီလိုထိုင်တာ ကြာလာတဲ့အခါ လေ့လာစမ်းသပ်ချက်တွေအရ

ဗိုက်အဆီစုလာခြင်း
ဝမ်းဗိုက်အဆီစုတာ၊ ဗိုက်ခေါက်ထွက်လာတာတွေက အထိုင်များခြင်းနဲ့ အများဆုံးသက်ဆိုင်နေတာ တွေ့ရပါတယ်။ သင်က ထိုင်တာကြာလေလေ သကြားဓာတ်နဲ့ အဆီဓာတ်တွေ ပိုမိုစုလာလေလေ ဖြစ်တာကြောင့် ဝမ်းဗိုက်ပိုင်းတစ်ဝိုက်မှာ အဆီတွေ ပိုမိုစုဝေးလာပြီး ဗိုက်ခေါက်ထွက်လာရတာပဲဖြစ်ပါတယ်။ တချို့ရှိပါတယ်။ ဗိုက်ခေါက်တွေထွက်လာလို့ ညစာမစားတော့တာတို့၊ တစ်နေ့လုံးမှာမှ နေ့လယ် ထမင်းတစ်နပ်ကိုပဲ ကောင်းကောင်းစားလိုက်တာတို့ပေါ့။ အဲဒီလိုလုပ်ခြင်းအားဖြင့် ဗိုက်ခေါက်ကို ကျစေတာ မဟုတ်ဘဲ လိုအပ်တဲ့အာဟာရ ဓာတ်တွေပါ လျော့ပါးသွားစေတာမို့ မလိုလားအပ်တဲ့ ရောဂါတွေပါ ထပ်ဝင်လာနိုင်ပါတယ်။ ဒါကြောင့် လိုအပ်သလောက်တော့ စားပါ။ နောက်ပြီး နှလုံးရောဂါ၊ လေဖြတ်ရောဂါ၊ ဆီးချိုသွေးချိုရောဂါ၊ ကင်ဆာရောဂါတွေလည်း ဖြစ်နိုင်ခြေရှိပါတယ်။

နှလုံးရောဂါ
အထိုင်များခြင်းဟာ ခန္ဓာကိုယ် ကိုယ်တွင်းအင်္ဂါအစိတ်အပိုင်းတွေကိုပါ ထိခိုက်စေနိုင်တယ်လေ။ အထူးသဖြင့် နှလုံးကျန်းမာရေးကို ပိုမိုထိခိုက်စေပါတယ်။ တစ်နေရာတည်းမှာပဲ မရွှေ့ဘဲ အချိန်အကြာကြီး ထိုင်နေတာဟာ နှလုံးအပါအဝင် ခန္ဓာကိုယ်တစ်ခုလုံးကို သွေးစီးဆင်းမှု နှေးကွေးစေနိုင်ပါတယ်။ အဲဒီလို သွေးစီးဆင်းမှု လျော့နည်းခြင်းဟာ သွေးကြောတွင်း သွေးခဲဖြစ်ပေါ်မှုနဲ့ နှလုံးသွေးကြောကျဉ်း / ပိတ်ခြင်းကို ဖြစ်ပွားစေနိုင်ပါတယ်။ ဒါ့အပြင် သွေးဖိအားမြင့်တက်ပြီး ကိုလက်စထရောတွေ စုပုံစေလို့ နှလုံးသွေးကြောရောဂါတွေဖြစ်ဖို့ ပိုဖိအားပေးစေနိုင်ပါတယ်။
အဲဒီလို သွေးစီးဆင်းမှု လျော့နည်းခြင်းဟာ သွေးကြောတွင်း သွေးခဲဖြစ်ပေါ်မှုနဲ့ နှလုံးသွေးကြောကျဉ်း / ပိတ်ခြင်းကို ဖြစ်ပွားစေနိုင်ပါတယ်။ ဒါ့အပြင် သွေးဖိအားမြင့်တက်ပြီး ကိုလက်စထရောတွေ စုပုံစေလို့ နှလုံးသွေးကြောရောဂါတွေဖြစ်ဖို့ ပိုဖိအားပေးစေနိုင်ပါတယ်။

နောက်ကျောတက်၊ ဇက်ကြောထိုးခြင်း
နေရာအပြောင်းအရွှေ့မရှိဘဲ အထိုင်များလွန်းရင် နောက်ကျောတက်တာ၊ ဇက်ကြောထိုးတာတွေ ဖြစ်တတ်ပါတယ်။ နောက်ပြီး ကျောရိုးမကြီးအောင့်တာတွေလည်း ဖြစ်တတ်ပါတယ်။ အဲဒီလိုဖြစ်ရတာဟာ တစ်နေရာတည်းမှာ အကြာကြီးထိုင်တာကြောင့်လည်းပါသလို အာရုံစူးစိုက်မှု အကြာကြီးလုပ်ရင်လည်း ဖြစ်တတ်ပါတယ်။ အထိုင်များလို့ဖြစ်ရတဲ့ပြဿနာမို့ ထိုင်တာကြာလာရင် လမ်းထလျှောက်လိုက်တာ၊ ပုံစံမပျက်ထိုင်တာထက် ပုံစံလေး နည်းနည်းချိန်းပြီး ထိုင်တာမျိုးလုပ်ပေးတာက အကောင်းဆုံးဖြစ်ပါတယ်။

သွေးတွင်း သကြားဓာတ် များပြားလာခြင်း
လူတွေဟာ ကိုယ်ဘာကြောင့် ဆီးချိုသွေးချို ဖြစ်ရသလဲဆိုတာ အချိုတွေအရမ်းအစားများလို့၊ လက်ဖက်ရည်၊ ကော်ဖီတွေ အသောက်များလို့ဆိုပြီး ထင်ကြပေမယ့် အထိုင်များခြင်းဟာလည်း ဆီးချိုသွေးချိုဖြစ်ဖို့ လမ်းစတစ်ခုဖြစ်တယ်လို့ ဆိုပါတယ်။ အထိုင်များခြင်းဟာ သွေးတွင်း သကြားဓာတ်စုပုံခြင်းကို ဖြစ်ပေါ်စေတာမို့ ဆီးချိုေသွေးချိုဖြစ်စေပါတယ်။ ဒါကြောင့် အထိုင်များတာနဲ့အမျှ နေ့စဉ် ကိုယ်လက်လှုပ်ရှားမှုတွေလည်း လုပ်ပေးဖို့ လိုပါတယ်။

ကင်ဆာဖြစ်ပွားမှုမြင့်မားစေခြင်း
အူမကြီးကင်ဆာ၊ ဆီးလမ်းကြောင်းကင်ဆာ၊ သားဥအိမ်ကင်ဆာ၊ အူသိမ်ကင်ဆာနဲ့ ဆီးကျိတ်ကင်ဆာဖြစ်ပွားမှုတွေနဲ့ ဆက်စပ်နေပါတယ်။ အစာစားပြီးပြီးချင်း ထိုင်ပြီး အလုပ်လုပ်တာတွေက အူသိမ်ဦးပိုင်းမှာ ကင်ဆာဖြစ်ပွားမှုကို တိုးမြင့်စေတဲ့အပြင် သွေးတွင်းသကြားဓာတ်စုပုံမှုကို ပိုမိုဖြစ်ပွားစေနိုင်ပါတယ်။

စိတ်ကျန်းမာရေးကို ထိခိုက်လာစေနိုင်ခြင်း
ဦးနှောက်နဲ့ ခန္ဓာကိုယ်အတွင်းကို သွေးစီးဆင်းမှု နှေးကွေးခြင်းကြောင့် ဦးနှောက်မှတ်ဉာဏ်ကို ထိခိုက်စေလာနိုင်ပါတယ်။ ဒါ့အပြင် စိတ်ထွက်ပေါက်မရှိသလို ခံစားလာရပြီး တစ်ခါတစ်ခါ သတိလက်လွတ် ဖြစ်ဖြစ်သွားတာတွေလည်း ဖြစ်လာတတ်ပါတယ်။

ကြွက်တက်ခြင်းနှင့် ခြေထောက်ဖောရောင်ခြင်း
ကြွက်တက်ခြင်းဟာ အထိုင်များလို့ အကြောတွေ အားနည်းပြီး ခြေထောက်သွေးမလျှောက်လို့ ခြေထောက် ဖောရောင်ခြင်းတွေ ခဏခဏ ဖြစ်တတ်ပါတယ်။ ခါးနာခြင်း၊ ခါးအကြောညပ်ခြင်းတွေလည်း ဖြစ်တတ်တာကို သတိထားသင့်ပါတယ်။ ကားအကြာကြီး ထိုင်စီးလာတာ၊ အလုပ်အကြာကြီး ထိုင်လုပ်တာ ဒါမှမဟုတ် လေယာဉ်ပျံအကြာကြီးစီးလာတာမျိုးမှာ ခြေထောက်တွေ ဖောလာတာတွေ့ရမှာပါ။ အဲဒီလို ဖောရောင်လာတာကြောင့် နာကျင်မှု ပိုမိုလာတတ်ပါတယ်။

ဘာလေးတွေ လုပ်ပေးသင့်သလဲ
- မကြာခဏမတ်တပ်ရပ်ပေးသင့်ပါတယ်။ လမ်းလေးလျှောက်ပေးပါ။
- အကြာကြီး မိနစ် ၃၀ လောက် အလုပ်လုပ်ပြီး ဆယ်မိနစ်လောက် လမ်းလျှောက်ပေးပါ။
- ဖြစ်နိုင်ရင် လမ်းလျှောက်သွား လမ်းလျှောက်ပြန်လို့ရတဲ့နေရာမှာ ကားစီးတာ၊ ဆိုက်ကားစီးတာမျိုးမလုပ်ပါနဲ့။
- လှေကားတက်ရင်လည်း လမ်းလျှောက်တက်ပါ။ တတ်နိုင်သမျှ ဓာတ်လှေကားစီးတာမျိုး မလုပ်ပါနဲ့။
- လေ့ကျင့်ခန်းလုပ်တာ၊ ယောဂလေ့ကျင့်တာတို့၊ နေ့တိုင်း ကိုယ်လက်လှုပ်ရှားမှု တစ်ခုခုကို အလေ့အထဖြစ်အောင် ပြုလုပ်ပေးသင့်ပါတယ်။
- ထိုင်နေတုန်းမှာလည်း မှန်ကန်တဲ့ ထိုင်နည်းမျိုးနဲ့ ထိုင်ပါ။ ခါးမတ်မတ်ထိုင်ပါ။ ထိုင်နေရင်း ခြေဆန့်လက်ဆန့်လေး လုပ်ပါ။ သက်သောင့်သက်သာဖြစ်အောင် အနားယူပါလို့ အကြံပေးပါရစေ။

Credit : တနိုင်းခ

12/02/2026

ပြည်ထောင်စုနေ့အား ဂုဏ်ပြုကြိုဆိုအပ်ပါသည်။

07/02/2026

လေဖြတ်လူနာအား ရှေ့ဦးပြုစုနည်း
++++++++++++++++++++
လေဖြတ်ခြင်းဆိုသည်မှာ ဦးနှောက်၏ အစိတ်အပိုင်းသို့ သွေးစီးဆင်းမှု ပိတ်ဆို့ခြင်း သို့မဟုတ် ဦးနှောက်အတွင်း သို့မဟုတ် အနီးတစ်ဝိုက်တွင် သွေးယိုစီးမှုကြောင့် ဖြစ်ပွားသည့် ဆေးဘက်ဆိုင်ရာ အရေးပေါ် အခြေအနေဖြစ်သည်။ လေဖြတ်လူနာအတွက် စက္ကန့်တိုင်းမှာ အရေးကြီးပါသည်။ တစ်စုံတစ်ယောက် ရုတ်တရက် လေဖြတ်လျှင် မှန်ကန်စွာ ရှေးဦးပြုစုပေးနိုင်ပါက အသက်ရှင်နိုင်ဖို့နဲ့ ပြန်လည်ကောင်းမွန်ဖို့ အခွင့်အလမ်း များပြားသွားပါသည်။
လေဖြတ်ခြင်းတွင် အရေးအကြီးဆုံး အဆင့်များထဲမှ တစ်ခုမှာ ရောဂါလက္ခဏာများကို လျင်မြန်စွာ သိရှိနိုင်ခြင်းဖြစ်သည်။ လေဖြတ်ခြင်း၏ အဖြစ်များဆုံး လက္ခဏာများကို မှတ်မိရန် လွယ်ကူသော နည်းလမ်းမှာ -
• Face: လူနာကို ပြုံးခိုင်းပါ။ မျက်နှာတစ်ဖက်က ပုံစံမမှန်နေဘဲ မျက်နှာတစ်ခြမ်းသေ ပါးတစ်ခြမ်းရွဲ့ရှိလား။
• Arms: လက်နှစ်ဖက်လုံးကို မြှောက်ခိုင်းပါ။ လက်တစ်ဖက်က အောက်ကို ပြုတ်ကျနေသလား။
• Speech: ရိုးရှင်းသော စကားစုတစ်ခုကို ထပ်ခါတလဲလဲ ပြောခိုင်းပါ။ စကားပြောတာ ပုံစံမမှန် သို့မဟုတ် ထူးဆန်းနေပါသလား။
• Time: ဤလက္ခဏာများထဲမှ တစ်ခုခုကို သတိပြုမိပါက အရေးပေါ်လူနာတင်ယာဉ် ချက်ချင်းခေါ်ပါ။
လူနာတင်ယာဉ်စောင့်နေစဉ် ရှေ့ဦးပြုစုပေးပါ။ နည်းလမ်းမှာ -
1. စိတ်ငြိမ်ငြိမ်ထားပါ။
2. လူနာကို စိတ်ချရတဲ့နေရာမှာ ထားပါ။ ယာဉ်အန္တရာယ် သက်ရောက်ခြင်းမရှိတဲ့နေရာ ဖြစ်ပါစေ။
3. လူနာ သတိရှိ မရှိ စစ်ဆေးပါ။
4. လူနာနဲ့ စကားပြောကြည့်ပါ။ လူနာကို နာမည်နဲ့ အခြားမေးခွန်းတွေ မေးကြည့်ပါ။ လူနာ စကားမပြောနိုင်ဘူးဆိုရင် မေးခွန်းမေးတဲ့အခါ လက်ကိုညှစ်ပြီး တုံ့ပြန်အဖြေပေးဖို့ ပြောပါ။ လူနာ လုံးဝတုန့်ပြန်မှုမရှိတာက သတိမေ့နေလို့ ဖြစ်နိုင်ပါတယ်။
5. လူနာကို ဘေးစောင်းအနေအထား ထားပေးပါ။
6. တင်းကျပ်လွန်းသော အဝတ်အစားများကို ဖြေလျှော့ပေးပါ။
7. လူနာ အေးနေပါက နွေးထွေးစေရန် စောင် (သို့) တစ်ခုခုဖြင့် ခြုံထားပေးပါ။
8. လူနာကို အကူအညီတွေ လာနေပြီဆိုတာ သိအောင် အားပေးစကား ပြောကြားပါ။
9. လူနာရဲ့ရောဂါလက္ခဏာတွေကို မှတ်သားထားပြီး အပြောင်းအလဲ ရှိ၊ မရှိ ကြည့်ရှုပါ။ လူနာအခြေအနေကို အရေးပေါ်ကူညီတဲ့လူတွေကို သေချာပြောပြပေးဖို့ အရေးကြီးပါတယ်။
10. အသက်ရှူလမ်းကြောင်းနဲ့ အသက်ရှူ၊ မရှူ သေချာစောင့်ကြည့်ပါ။ ပါးစပ်ထဲမှာ အရာဝတ္ထု (သို့) အန်ဖတ်တစ်ခုခု ဆို့ပြီး အသက်မရှူနိုင်ဘူးဆိုရင် လူနာကို ဘေးစောင်းထားပြီး အသက်ရှူနိုင်အောင် လုပ်ပေးပါ။
11. အသက်မရှူပါက သို့မဟုတ် နှလုံးရပ်ပါက နှလုံးနှိုးဆွခြင်း (CPR) စတင်ပါ။
Dr. SMHM
M.D., Indonesia
7887 Healthcare

04/02/2026

04/02/2026

အဆိပ်သင့်သူအား ရှေးဦးပြုစုနည်း
++++++++++++++++++++++++++
• လူနာအား ဘေးကင်းစိတ်ချရသော နေရာသို့ ရွှေ့ပါ။
• ဓာတုဗေဒအဆိပ်အတောက်များနှင့် အငွေ့များနှင့်တိုက်ရိုက်ထိတွေ့ခြင်းကို ရှောင်ကြဉ်ပါ။
• လူနာသတိလစ်နေပါက (သို့) အသက်မရှူပါက အရေးပေါ်ကျန်းမာရေးဌာနသို့ အမြန်ဆုံးဆက်သွယ်ပါ။
• အသက်ရှူအားကူခြင်း (CPR) တတ်မြောက်ထားပါက လုပ်ဆောင်ပါ။
• လူနာအား အတင်းအကြပ်အန်ခိုင်းခြင်း မပြုပါနှင့်။
• ကျန်းမာရေး၀န်ထမ်း၏ အကြံပြုချက်မပါဘဲ အစာနှင့်ရေတိုက်ကျွေးခြင်း မပြုပါနှင့်။
• လူနာ၏ ပတ်၀န်းကျင်တွင် အဆိပ်သင့်စေသော အကြောင်းအရင်း (ဆေး၀ါးများ၊ ဓာတုဗေဒပစ္စည်းများ စသည်) ကို ရှာဖွေသိမ်းဆည်းပါ။ အဆိပ်သင့်လက္ခဏာများနှင့် ၀င်သွားသော အဆိပ်ပမာဏ၊ အချိန်တို့ကို မှတ်သားပါ။
• အဆိပ်အမျိုးအစားပေါ်လိုက်၍ ရှေးဦးပြုစုပါ
• ဆေးဝါးများ၊ အစားအစာများ (သို့) ဓာတုဗေဒပစ္စည်းများ အဆိပ်သင့်ခြင်းဖြစ်ပါက လူနာ၏ပါးစပ်ကို ညင်သာစွာဆေးကြောပေးပါ။ အရေးပေါ်ဆေးအကူအညီကို ချက်ချင်းယူပါ။
• အဆိပ်ငွေ့များရှူမိခြင်းဖြစ်ပါက လူနာအား လေကောင်းလေသန့်ရမည့်နေရာသို့ ချက်ချင်းရွှေ့ပါ။
• လူနာ၏အ၀တ်အစားများကို ဖြေလျှော့ပေးပါ။ အသက်ရှူကြပ်လာပါက အရေးပေါ်ဆေးအကူအညီယူပါ။
• အရေပြား (သို့) မျက်လုံးထဲသို့ အဆိပ်၀င်ပါက စီးဆင်းနေသောရေ (running water) ဖြင့် အနည်းဆုံး ၁၅မိနစ်မှ မိနစ်၂၀ကြာဆေးကြောပါ။ မျက်စိကို ရေသန့်ဖြင့်ဆေးပါ။ မပွတ်ပါနှင့်။ လူနာ၏စွန်းထင်းနေသော အ၀တ်အစားများကို ချက်ချင်းဖယ်ရှားပါ။
• အဆိပ်ထိုးသွင်းခြင်း သို့ အကောင်ကိုက်ခြင်းဖြစ်ပါက အပ် (သို့) တိရစ္ဆာန်၏ဆူးကို ချက်ချင်းဖယ်ရှားပါ။ ထိုးသွင်းထားသောနေရာကို ဆပ်ပြာနှင့်ရေဖြင့်ဆေးပါ။ ရေခဲကပ်ပေးပါ။ ဓာတ်မတည့်လက္ခဏာများကို စောင့်ကြည့်ပါ။
• အရက် (သို့) ဆေးလွန်ခြင်းဖြစ်ပါက လူနာအား တစ်ယောက်တည်းမထားပါနှင့်။ စိတ်ချရသော ဘေးစောင်းအနေအထားထားပြီး လူနာ၏ အသက်ရှူပုံကို စောင့်ကြည့်ပါ။ အသက်ရှူပုံမမှန်ပါက အရေးပေါ်ကျန်းမာရေးဌာနသို့ သွားရောက်ပါ။

• အောက်ပါလက္ခဏာများရှိပါက အရေးပေါ်ကျန်းမာရေးဌာနသို့ ချက်ချင်းသွားပါ
-လူနာသတိလစ်ခြင်း (သို့) တက်ခြင်း
-အသက်ရှူရခက်ခဲခြင်း
-နှုတ်ခမ်းလက်သည်းများပြာခြင်း
-အဆက်မပြတ်အန်ခြင်း
-ပိုးသတ်ဆေးသောက်ထားခြင်း
-ကလေး၊ကိုယ်၀န်ဆောင် (သို့) အသက်ကြီးသူဖြစ်ခြင်း
Dr. Hazel
Ref: Mayo Clinic

01/02/2026

မဖြစ်မနေ တတ်ထားသင့်တဲ့ ရှေးဦးပြုစုနည်းသင်တန်း

29/01/2026

တက်လျှင် တက်နေသောသူ၏ ခေါင်းအောက်တွင် အဝတ်ထူထူ (သို့) စောင်ကို ထည့်ပေးပါ။ ခေါင်းကို မထိခိုက်မိစေရန်ဖြစ်သည်။ ဘေးစောင်းပေးပါ။ ခေါင်းကို အနည်းငယ်မော့ပေးထားပါ။ ပါးစပ်ထဲသို့ မည်သည့်အရာမှ မထည့်ပါနှင့်။ သွေးထွက်များလျှင် သွေးထွက်သောနေရာကို နှလုံးအထက်တွင် မြှောက်ထားပေးပါ။ ဖိထားပေးပါ။ အနာထဲတွင် အခြားအရာများရှိပါက အနာဘေးပတ်ပတ်လည်ကိုသာဖိပါ။

26/01/2026

မဖြစ်မနေ တတ်ထားသင့်တဲ့ ရှေးဦးပြုစုနည်းသင်တန်း

22/01/2026

မဖြစ်မနေ တတ်ထားသင့်တဲ့ ရှေးဦးပြုစုနည်းသင်တန်း

21/01/2026

အသံဖိအားကြောင့် နားစည်ပျက်စီးခြင်း အသံကျယ်များ၊ ပေါက်ကွဲမှုများကြောင့် ဖြစ်ပေါ်လာသော ပေါက်ကွဲသံများသည် နားအတွင်းရှိ နားစည်ကိုထိခိုက်ကာ ပေါက်ပြဲစေနိုင်သည်။ ပြင်ပမှအရာဝတ္ထုများကြောင့် နားစည်ပေါက်ပြဲခြင်း၊ ဥပမာ - ဂွမ်းလုံးတံ၊ နားဖာချေးတံ၊ ဆံညှပ်ကလစ်များ အသုံးပြုခြင်းကြောင့် နားစည်ကို ထိခိုက်ပေါက်ပြဲစေသည်။

10/01/2026

ကြွက်တက်ခြင်း၊ကြွက်သားနာကျင်ခြင်းနှင့် ခြေချင်း၀တ်လိမ်ခြင်းတို့အတွက် ရှေးဦးပြုစုနည်းများ
မင်္ဂလာပါ။ အခုတလော ခရီးသွားရာသီဖြစ်တဲ့အတွက်ကြောင့် တောင်ပေါ်ဒေသတွေကို တောင်တက်ခရီးသွားကြတာတွေရှိကြပါတယ်။ အဲဒီအခါမှာ ကြွက်တက်တာတို့၊ ကြွက်သားတွေနာတာတို့၊ ခြေချင်း၀တ်လိမ်တာတို့ အဖြစ်များကြပါတယ်။ ဒါ့ကြောင့် အဆိုပါလက္ခဏာများနဲ့ပတ်သက်တဲ့ ရှေးဦးပြုစုခြင်းအကြောင်းကို ဖော်ပြပေးလိုက်ပါတယ်။
ကြွက်တက်ခြင်းနှင့်ကြွက်သားနာကျင်ခြင်းအတွက် ရှေးဦးပြုစုခြင်း
• အနားယူပါ။
• ကြွက်တက်နေသောခြေသလုံး (သို့) ပေါင်အား ဆန့်တန်းပြီး ခြေထောက်ကိုဖေးမထားပါ။ ထို့နောက်ဖြစ်သည့်နေရာမှာ ကြွက်သားကို ညင်သာစွာ နှိပ်နယ်ပေးပါ။
• ဆုံးရှုံးသွားသော ရေနှင့်ဓာတ်ဆားများ ပြန်လည်ဖြည့်တင်းနိုင်ရန်အတွက် ‌ဓာတ်ဆားရည်နှင့် အားဖြည့်အချိုရည်များကို သောက်သုံးပေးပါ။
• ကြွက်တက်သည့်နေရာ (သို့) နာကျင်သည့်နေရာကို အပူ (သို့) အအေးကပ်ပေးပါ။
• လိုအပ်ပါက ဒဏ်ကြေလိမ်းဆေးလိမ်းပါ။ အကိုက်အခဲပျောက်ဆေး သောက်သုံးပါ။
ခြေချင်း၀တ်လိမ်ခြင်းအတွက် ရှေးဦးပြုစုခြင်း
• R- Rest- အနားယူပါ။
• I-Ice- ရေခဲကပ်ပါ။
• C- Compress- ခြေချင်း၀တ်ကို elastic bandage ဖြင့်ပတ်ပါ။
• E- Elevate- ခြေချင်း၀တ်အရောင်သက်သာစေရန် ခြေထောက်အား နှလုံးနေရာအထက်ကို မြှောက်ထားပေးပါ။
• လိုအပ်ပါက လိမ်းဆေးလိမ်းခြင်းနှင့် အကိုက်အခဲပျောက်ဆေးသောက်သုံးခြင်းတို့ ပြုလုပ်ပါ။
Dr. Hazel
Ref: St. John Ambulance, Mayo clinic