27/10/2023
"ကျီးပေါင်းရောဂါ"ဆိုတာ ...
- ကျောရိုးမှာရှိတဲ့ အဆစ်လေးတွေပါးပြီးပျက်စီးလာတာ...
- လည်ပင်းဆစ်ကြားရိုးတွေ ပြားလာတာ...
- လည်ပင်းဆစ်ကြားရိုးတွေ ကျွံတာ...
- အရိုးအတက်ထွက်တာ...
- အရွတ်တွေ တောင့်နေတာအစရှိတာတွေ
ကြောင့် ဖြစ်လာရတာပါ။
အရိုးကျီးပေါင်း ရောဂါလက္ခဏာများ -
- သွေးတိုး သွေးကျ မရှိပဲ
ခေါင်းမှုးခြင်း၊ ခေါင်းကိုက်ခြင်း...
- ဇက်ကြော နောက်ကြော မကြာခဏတက်ခြင်း
- မကြာခဏ လက်ကပ်ခြင်း၊ လက်ပြင်ကြောငုပ်ခြင်း
- ခါးနာခြင်း၊ ခါးတောင့်ခြင်း
အစရှိတာတွေပဲဖြစ်ပါတယ်။
- ကျီးပေါင်းရောဂါဆိုတာ...
လူကြီးတွေမှာအဖြစ်များတဲ့ ရောဂါလို့
လူတော်တော်များများထင်ကြပေမဲ့
တိုးတက်လာတဲ့ခေတ်နဲ့အညီ
နေထိုင်မှုပုံစံတွေပြောင်းလာတာနဲ့ အမျှ
လူငယ်တွေကပါ ကျီးပေါင်းရောဂါနဲ့
ကြုံတွေ့လာကြရပါတယ်။
ကျီးပေါင်းရောဂါကို လုံးဝပျောက်ကင်းအောင်ကုသဖို့ဆိုရင်တော့ အရိုးအကြောဆရာဝန်နဲ့သေချာပြသဆွေးနွေးတိုင်ပင်ကုသသင့်ပါတယ်…
အနှိပ်အကြောပြင်ပညာရပ်ရှုထောင့်ကနေဆိုရင်တော့ ကျီးပေါင်းဖြစ်နေတဲ့ နေရာဝန်းကျင်က အကြောဘေးများကို နှိပ်နယ်ပေးခြင်းဖြင့်အကြောများကို ပြေလျော့စေပြီး သက်သာစေနိုင်ပေမယ့် အရှင်းတော့မပျောက်နိုင်ပါဘူး…ကျီးပေါင်းဖြစ်နေတဲ့နေရာကိုတော့ တိုက်ရိုက်နှိပ်နယ်ခြင်းမပြုသင့်ပါဘူး…
ရေနွေးအိတ်လေးနဲ့ကပ်ပေးခြင်းဖြင့်လည်း ကျီးပေါင်းကြောင့် အကြောတင်းနေခြင်းများကို လျော့နည်းသက်သာစေနိုင်ပါတယ်…
