Dr.Aung Kyaw Win

02/03/2026

# # # AI နဲ့ ယှဉ်တွဲနေထိုင်ခြင်း # # #

ဆရာ ... AI မှာမေးထားတာ ဆီးပိုးဝင်တာ အပြင် ဆီးကျောက်တည် တာလဲဖြစ်နိုင်တယ်တဲ့။

ဟေ။ ဟုတ်လား။

# # # # # # # # #
လူနာတွေထဲ လူငယ်တွေက ကျန်းမာရေးအတွက် AI ကိုစိတ်ဝင်စားသုံးနေကြပါပြီ။ ဒါက ခတ်ရေစီးကြောင်းတစ်ခု။ ‌လက်ခံရမယ့် ကိစ္စတစ်ခု ဖြစ်ပါတယ်။ ဒီလို လူနာတွေနဲ့ ပေါ့ပေါ့ပါးပါး ‌ဆွေးနွေးရတာ စကားပြောရတာ ကောင်းတဲ့ ကိစ္စတခုပါ။
# # # # # # # # #

ဆရာလည်း AI ပြန်ကြည့်လိုက်သေးတယ်။ အခု ညီမ ဖြစ်နေတာကတော့ ဆီးပိုးဝင်တာပါပဲ။ ဆီးကျောက်တည်တာ မဟုတ်ပါဖူး။

လူနာ ရာဇဝင်ကို ပြန်ကြည့်ရင် သူငယ်ချင်းတွေစုံတယ်။ အပြင်ထွက်စားတယ်။ ဝမ်းပျက်တယ်။ ပြီးတော့ ဆီးပူတယ်၊ ကျင်တယ်၊နောက်တော့ ဖျားပါဖျားလာတယ်။

ပုလင်းချိတ်တယ်။ ဓာတ်ဆားတိုက်တယ်။ပိုးသတ်ဆေးထိုးတယ်။ သက်သာသွားတယ်။

AI က ကိုယ်မေးတဲ့ အချက်အလက်တွေပေါ် မူတည်ပြီး အဖြေပြန်ထုတ်ပေးပါတယ်။ ကိုယ်က လူနာရာဇဝင် စမ်းသပ်မှု အချက်အလက် တွေကနေ ဘယ်အချက်အလက်တွေသူ့ကိုပေးမလဲ။ သူပြန်ဖြေရင်ကော ဘယ်ဟာတွေကို ယူမလဲ။ ဘယ်ဟာတွေကို ပယ်မလဲ ဆိုတာ သက်ဆိုင်ရာ ပညာရပ်နဲ့ဆိုင်တဲ့ background knowledge တော့ ကိုယ့်မှာ ရှိထားရပါမယ်။

အရင် ဆောင်းပါးမှာ ပြောခဲ့ သလိုပဲ AI ကိုမေးတာ ဖြစ်နိုင်ခြေတွေ ကုသမှုနည်းလမ်း‌ တွေ မကျန်ခဲ့အောင်အတွက်။ မေးတတ်ဖို့ ဆုံးဖြတ်ချက်ချဖို့ တာဝန်ကတော့ လူပေါ်မှာ ကျန်သေးပါတယ်။

နောက်ပိုင်း တနေ့နေ့ AI က software အနေနဲ့ စက်ထဲမှာတင်မနေတော့ဘဲ ရုပ်ရှင်တွေထဲကလို လူကိုယ်လုံးနဲ့ စက်ရုပ်ဖြစ်လာမယ်။ လူနာ ရာဇဝင်လဲ သူ့ဖာသာမေးတတ်လာမယ်၊ သူ့ဖာသာ လူနာကို စမ်းသပ်တတ်လာမယ် ဆေးထိုးခွဲစိတ်တွေပါလုပ်တတ်လာမယ် ဆိုရင်တော့ ... ... 😊😊😊

Dr.AungKyawWin
March 1,2026

25/11/2025

https://youtube.com/shorts/q2zTsLcmHXc?si=-7fXVWzWjVUt1Uf0

Taking antibiotics wrong can make them stop working. 💊 This is a global health threat. Learn some rules for using antibiotics properly to protect yourself a...

10/11/2025

TA-65 အသက်ရှည်ဆေး အဓိက အနှစ်ချုပ် by Deepseek

· TA-65 သည် အိုမင်းမှုကို တိုက်ရိုက်ကုသတဲ့ဆေး မဟုတ်ပါ။ ဖြည့်စွက်စာ (Supplement) တစ်မျိုးသာဖြစ်ပါတယ်။
· ထိရောက်မှုရှိကြောင်း လုံလောက်တဲ့ သိပ္ပံနည်းကျ အထောက်အထားများ မရှိသေးပါ။
· ကင်ဆာဖြစ်နိုင်ခြေ ဆိုင်ရာ စိုးရိမ်မှုများ ရှိနေပါတယ်။
· ဈေးအလွန်ကြီးပါတယ်။

အကြံပြုချက်：
TA-65 ကိုစိတ်ဝင်စားပါက၊ သင့်ရဲ့ ဆရာဝန် (အထူးသဖြင့် အသက်အရွယ်ကြီးရင့်မှုဆိုင်ရာ ဆရာဝန်) နှင့် အရင်ဆုံး တိုင်ပင်ပါ။ သင့်ရဲ့ ကျန်းမာရေးရာဇဝင်နဲ့ ကင်ဆာဖြစ်နိုင်ခြေကို စစ်ဆေးပြီးမှသာ သောက်သုံးသင့်မသောက်သုံးသင့် ဆုံးဖြတ်သင့်ပါတယ်။ အိုမင်းမှုကို နှေးကွေးစေဖို့ဆိုတာ ကျန်းမာရေးနဲ့ညီညွတ်တဲ့ အစားအစာ၊ ပုံမှန်ကိုယ်လက်လှုပ်ရှားမှု၊ စိတ်ဖိစီးမှုလျှော့ချခြင်း၊ အိပ်ရေးဝခြင်းစတဲ့ သက်ရှည်ကျန်းမာရေးနည်းလမ်းတွေက ပိုပြီး ထိရောက်မှုရှိပါတယ်။

30/10/2025

Shared Decision Making

What if your doctor's appointments felt like a true part...

20/10/2025

21/09/2025

21/09/2025

စင်ကာပူမှစိတ်လှုပ်ရှားစရာကောင်းတဲ့ ဆေးဘက်ဆိုင်ရာ ပြုပြင်ပြောင်းလဲမှု

စင်္ကာပူနိုင်ငံမှာရှိတဲ့ ပြည်သူ့ဆေးရုံတွေဟာ ကျန်းမာရေးစောင့်ရှောက်မှုစနစ်ကို ပြောင်းလဲဖို့ စတင်နေပါပြီ။ နဂိုကဆိုရင် လူနာတစ်ယောက်မှာ ရောဂါမျိုးစုံရှိနေရင်၊ အထူးကုဆရာဝန်အမျိုးမျိုးနဲ့ သူတို့ရဲ့အဖွဲ့တွေနဲ့ ဆုံတွေ့ရလေ့ရှိပါတယ်။ ဒါပေမဲ့ အခုတော့ 'အဓိကဆရာဝန်' (Principal Doctor) တစ်ဦးတည်းကနေ ဦးဆောင်မယ့် ပြုပြင်ပြောင်းလဲမှုအသစ်တစ်ခုကို ကျင့်သုံးတော့မှာဖြစ်ပါတယ်။
ဘာကြောင့် ဒီလိုပြောင်းလဲဖို့ လိုအပ်တာလဲ။
၂၀၂၆ ခုနှစ်ရောက်ရင် စင်္ကာပူနိုင်ငံမှာ လူဦးရေ ၅ ဦးမှာ ၁ ဦးက အသက် ၆၅ နှစ်နဲ့အထက် ရှိလာမှာဖြစ်လို့ "အလွန်အိုမင်းရင့်ရော်တဲ့ လူ့အဖွဲ့အစည်း" (super-aged society) ဖြစ်လာပါမယ်။ ဒီလိုအခြေအနေမျိုးမှာ အသက်ကြီးတဲ့လူနာတွေဟာ ရောဂါတစ်ခုထက်မက ပိုရှိလာတတ်ပါတယ်။
ဥပမာအားဖြင့်၊ မူးလဲတာကြောင့် ခေါင်းဒဏ်ရာရပြီး ဆေးရုံတက်ရတဲ့ သက်ကြီးရွယ်အိုတစ်ဦးကို ကြည့်ပါ။ အရင်ကဆိုရင်-
* ဦးနှောက်သွေးခဲ ရှိမရှိ စစ်ဆေးဖို့ ဦးနှောက်အထူးကု (neurosurgery) ဆရာဝန်၊
* နမိုးနီးယား ဒါမှမဟုတ် အဆုတ်မှာ ရေဝင်နေလား စစ်ဖို့ အဆုတ်အထူးကု (lung specialist)၊
* မူလကတည်းက ကျောက်ကပ်ရောဂါရှိလို့ ကျောက်ကပ်အထူးကု (kidney specialist) စသဖြင့် အထူးကုဆရာဝန် သုံးလေးဦးနဲ့ တွေ့ရတတ်ပါတယ်။
ဒီလိုမျိုးဆိုတော့ လူနာဟာ သူ့ရဲ့ရောဂါရာဇဝင်ကို ဆရာဝန်တိုင်းကို ထပ်ခါတလဲလဲ ပြောပြရတယ်။ စစ်ဆေးမှုတွေ၊ သွေးဖောက်တာတွေလည်း ထပ်နေတတ်ပါတယ်။ ဆေးဝါးတွေအမျိုးမျိုးသောက်ရပြီး ဆေးရုံကဆင်းပြီးတဲ့အခါမှာလည်း နောက်ဆက်တွဲ ပြသရမယ့်ဆေးခန်းတွေအများကြီးကို သွားရလို့ လူနာတွေ၊ မိသားစုဝင်တွေအတွက် ရှုပ်ထွေးမှုတွေ ဖြစ်စေပါတယ်။
'အဓိကဆရာဝန်' စနစ်က ဘယ်လိုကူညီပေးနိုင်မလဲ။
ဒီစနစ်အသစ်မှာတော့ လူနာတွေဟာ 'အဓိကဆရာဝန်' (Principal Doctor) တစ်ဦးတည်းကိုပဲ အဓိကထား ဆက်သွယ်ရတော့မှာဖြစ်ပါတယ်။ ဒီဆရာဝန်က လူနာရဲ့ရောဂါအခြေအနေကို ခြုံငုံသုံးသပ်ပြီး ဆုံးဖြတ်ချက်တွေချပေးမှာဖြစ်ပါတယ်။ လိုအပ်တဲ့ကျွမ်းကျင်မှုတွေအပေါ်မူတည်ပြီး ကွဲပြားတဲ့ ပညာရပ်နယ်ပယ်က ကျန်းမာရေးဝန်ထမ်းတွေပါတဲ့ အဖွဲ့တစ်ဖွဲ့နဲ့ ပူးပေါင်းဆောင်ရွက်သွားမှာပါ။ လူနာရဲ့အခြေအနေပြောင်းလဲလာရင် အဖွဲ့ကိုလည်း ပြောင်းလဲဖွဲ့စည်းနိုင်ပါတယ်။
ဒီလိုလုပ်ခြင်းအားဖြင့် လူနာအတွက်-
* အချိန်ကုန်သက်သာမယ်။
* ဆရာဝန်အမျိုးမျိုးကို ထပ်ခါတလဲလဲ ပြောပြနေစရာမလိုတော့ဘူး။
* ကုသမှုအစီအစဉ်တစ်ခုတည်းနဲ့ ဆေးဝါးတွေကို နားလည်ရလွယ်ကူစေမယ်။
* ဆေးရုံဆင်းပြီးနောက် လိုက်နာရမယ့် နောက်ဆက်တွဲ ပြသမှုတွေ နည်းသွားနိုင်တယ်။
အရည်အသွေးပိုင်းကကော အားနည်းသွားနိုင်သလား။
ကျန်းမာရေးဝန်ကြီးဌာန (MOH) ကတော့ လူနာရဲ့ကျန်းမာရေးစောင့်ရှောက်မှု အရည်အသွေးကို ဘယ်တော့မှ ထိခိုက်စေမှာမဟုတ်ဘူးလို့ အလေးအနက်ထား ပြောကြားထားပါတယ်။ တစ်နေ့ကို လူနာဘယ်နှစ်ဦးကို ကုသပေးနိုင်မလဲဆိုတာကလည်း လူနာတွေရဲ့ရောဂါအခြေအနေအပေါ် မူတည်ပါတယ်။ ရှုပ်ထွေးတဲ့ရောဂါတွေရှိတဲ့လူနာဆိုရင် ဆရာဝန်တစ်ဦးကို လူနာနည်းနည်းပဲ တာဝန်ယူရမှာဖြစ်ပြီး၊ ရောဂါပေါ့တဲ့လူနာဆိုရင်တော့ လူနာဦးရေပိုများနိုင်ပါတယ်။
‘အဓိကဆရာဝန်’ ဆိုတာဟာ ကျယ်ပြန့်တဲ့အသိပညာနဲ့ အတွေ့အကြုံရှိတဲ့ အထူးကုဆရာဝန်တစ်ဦး ဖြစ်နိုင်သလို၊ ပညာရပ်မျိုးစုံကို လေ့ကျင့်ထားတဲ့ ဆေးရုံတွင်း ဆရာဝန် (hospital clinician) တစ်ဦးလည်း ဖြစ်နိုင်ပါတယ်။ ဒါ့အပြင်၊ ပြည်သူ့ဆေးရုံတွေမှာရှိတဲ့ ဆရာဝန်တွေအတွက် Family Physicians and Family Medicine Specialists, Hospital Clinicians, နဲ့ Specialists ဆိုပြီး အဓိက လုပ်ငန်းခွင်လမ်းကြောင်း (၃) ခုကိုလည်း ဖော်ဆောင်ပေးလိုက်ပါတယ်။
တကယ်လို့ လူနာတစ်ဦးမှာ ရုတ်တရက် အရေးပေါ်အခြေအနေအသစ်တစ်ခု ဖြစ်လာတယ်ဆိုရင်၊ လက်ရှိ 'အဓိကဆရာဝန်' ကနေ ဒီအခြေအနေကို ပိုပြီးကျွမ်းကျင်စွာ ကိုင်တွယ်နိုင်မယ့် တခြားအထူးကုဆရာဝန်တစ်ဦးဆီကို လွှဲပြောင်းပေးနိုင်ပါတယ်။
ဒီလိုပြုပြင်ပြောင်းလဲမှုတွေဟာ စင်္ကာပူရဲ့ အနာဂတ် ကျန်းမာရေးစောင့်ရှောက်မှုစနစ်ကို ပိုမိုထိရောက်ပြီး လူနာဗဟိုပြုစနစ်တစ်ခုအဖြစ် ဦးတည်နေတာကို ပြသနေပါတယ်။ ဒါဟာ အသက်ကြီးလာတဲ့လူနာဦးရေအတွက် အရေးပါတဲ့ အပြောင်းအလဲတစ်ခုပဲဖြစ်ပါတယ်။

Source: CNA
#စလုံးသတင်း

13/09/2025

https://www.facebook.com/share/p/195Q8y1SNE/

02/08/2025

*** AI အသုံးဝင်မှု ***

ကိုယ့်တိုင်ဖြစ်စေ ကိုယ့်မိသားစုဝင်တွေဖြစ်စေ ရောဂါဖြစ်လာရင် Internet ကနေရှာပါ။ ဆေးပညာ websites တွေကြည့်ပါ လို့ ကျွန်တော် အမြဲပြောခဲ့တယ်။ အခုတော့ နည်းပညာက နောက်တဆင့်တက်လှမ်းလာပါပြီ။ AI ခေတ်ကိုရောက်လာပါပြီ။

ဘာနဲ့တူလဲဆိုတော့ ခုနက ကျွန်တော်က Google ကရှာ ဆေးပညာ websites တွေကရှာ ဆိုပြီး ကိုယ်ဖာသာ တခုပြီးတခု အများကြီး အင်တာနက်ပေါ်လိုက်ရှာရတာကို AI က ကူရှာပြီး ပြန်ပြောပြတာမျိုး။

ပိုလွယ်ကူလာတယ်။ AI ကိုခိုင်းတတ်ဖို့ပဲလိုတယ်။ AI ကလဲ အင်တာနက်ပေါ် လိုက်ရှာပြီးပြန်ပြောပြတာ ။သူလဲဆရာဝန်တော့မဟုတ်လို့ အမှန်အမှားတွေ မသိဘဲ ရှာတွေ့တာတွေပြန်‌ ပြောပြမှာပဲ။(ဆရာဝန်တယောက်လို train ပေးထားတဲ့ AI တွေတော့ပေါ်လာနိုင်တယ်။)

ကွန်ပြူတာနဲ့ လူကြားမှာ စဉ်းစားတာ လူက သာနေသေးပြီး မှတ်ဉာဏ်ပိုင်းမှာတော့ စက်ကသာပါတယ်။ ဒါကြောင့် စဉ်းစားရတဲ့ လူနာဘာဖြစ်လဲဆိုတဲ့ diagnosis သာ ကျွန်တော်တို့ဖက်က မှန်အောင်ပေးနိုင်ရင် ဘယ်လိုကုရမလဲဆိုတာ သူ့ဖက်က ပြန်ပြောတာ မှန်ပါလိမ့်မယ်။

ဒါကြောင့် ရောဂါ တခုခု ဖြစ်ရင် Google ကရှာဝာာကနေ မစတော့ဘဲ AI ကစပြီးမေး။ ပြီးရင်တော့ ဆေးပညာ websites (medscape) မှာ ပြန်ထပ်တိုက်ကြည့်ရင် အမှားနဲပြီး အလွန်အကျိုးရှိပါလိမ့်မယ်။

ဆေးပညာ websites တွေမှာ English လိုတွေ medical terms တွေနဲ့မို့ နားမလည်နိုင်ဖြစ်နေနိုင်ပါတယ် ။ အဲ့တာမျိုးကိုလဲ ဆေးပညာ websites များမှသာပြန်လည် ဖြေကြားပေးပါလို့ AI ကို မြန်မာလို တည့်တည့် မေးပါ က မြန်မာလိုပြန်လည်‌ ဖြေကြား‌ ကြောင်း။

Dr.AungKyawWin
Aug 2,2025

22/06/2025

Celebrating my 9th year on Facebook. Thank you for your continuing support. I could never have made it without you. 🙏🤗🎉