Pharma Apex Co., Ltd

06/10/2025

🎊 သီတင်းကျွတ်ဆုတောင်း 🎊

🎉 ဝါလကင်းလွတ် သီတင်းကျွတ်
အချိန်အခါသမယတွင်
ချစ်ခင်လေးစားတန်ဖိုးထားရပါသော
ချစ်မိတ်ဆွေလူကြီးမင်းများ အားလုံး
ကိုယ်စိတ်နှလုံးကျန်းမာခြင်းနှင့်
ချမ်းသာခြင်း မင်္ဂလာအဖြာဖြာ ပြည့်စုံလျှက်
ဘေးအန္တရာယ်ဟူသမျှကင်းဝေး၍
အခက်အခဲဟူသမျှအောင်မြင်စွာ
ကျော်လွှားနိုင်ပြီးစီးပွါးလာဘ်လာဘများ
ဒီရေအလား တိုးတက်ကြီးပွါးပါစေကြောင်း Pharma Apexမိသားစုကဆုတောင်းမေတ္တာပို့သပေးလိုက်ပါတယ် 🙏🙏🙏

#သီတင်းကျွတ်ဆုတောင်း

19/07/2025

#၁၉ဂျူလိုင်မမေ့နိုင်

ယနေ့ကျရောက်သော (၇၈) နှစ်မြောက် အာဇာနည်နေ့ တွင် ကျဆုံးလေပြီးသော အာဇာနည်ခေါင်းဆောင် (၉) ဦးတို့အား Pharma Apex မှ အောက်မေ့သတိရစွာဖြင့် ဂါရဝပြုအပ်ပါသည်။

’𝐒 𝐃𝐀𝐘

09/07/2025

ဝါဆိုလပြည့်နေ့၊ ဓမ္မစင်္ကြာအခါတော်နေ့မှာ

စိတ်​၏ချမ်းသာခြင်း၊
ကိုယ်​၏ကျန်းမာခြင်းများနဲ့ ပြည့်စုံပြီး အလုပ်အကိုင်ကြံစည်သမျှ အဆင်ပြေချောမွေ့ကြပါစေ
လာဘ်လာဘများပေါကြွယ်ဝပြီး ကောင်းကျိုး
လိုရာဆန္ဒများပြည့်ဝကြပါစေကြောင်းPharma Apexမိသားစုက
ဆုမွန်ကောင်းတောင်းလိုက်ပါတယ် 🙏

#ဝါဆိုလပြည့်နေ့

15/06/2025

15.6.2025 တွင်ကျရောက်သော ကမ္ဘာလုံးဆိုင်ရာအဖေများနေ့မှစပြီး ကမ္ဘာပေါ်မှာရှိတဲ့”အဖေ”များအားလုံးသက်ရှည် ကျန်းမာစွာဖြင့် မိသားစုများနှင့်အတူပျော်ရွှင်ဖြတ်သန်းရပါစေလို့ Pharma Apex မိသားစုမှ ဆုမွန်ကောင်း တောင်းပေးလိုက်ပါတယ်။

11/05/2025

ကဆုန်လပြည့်နေ့မှ စိတ်နှလုံးအေးချမ်းပြီး ငြိမ်းချမ်းကြပါစေကြောင်း PHARMA APEX မိသားစုမှ ဆုမွန်ကောင်းတောင်းပေးလိုက်ပါတယ်။

01/05/2025

မေလ (၁)ရက်နေ့Labor Day (အလုပ်သမားနေ့) ဆိုတာက အလုပ်သမားတွေရဲ့
အားထုတ်မှုနဲ့စွမ်းဆောင်ရည်ကို ဂုဏ်ပြုတဲ့နေ့အဖြစ် ကမ္ဘာတစ်ဝှမ်းမှာ
ကျင်းပလေ့ရှိပါတယ်။

Labor Day နှင့်ပတ်သက်သည့် အချက်များ
အဓိပ္ပာယ် -အလုပ်သမားများ၏ အခွင့်အရေး၊
လူမှုရေး တရားမျှတမှုနှင့် စီးပွားရေး ဖွံ့ဖြိုးတိုးတက်မှုအတွက်
သူတို့၏ ကြိုးပမ်းအားထုတ်မှုကို အသိအမှတ်ပြုသောနေ့ဖြစ်ပါတယ်။

ကျင်းပသည့်နေ့ - အမေရိကန်နှင့် ကနေဒါတွင် စက်တင်ဘာ၏
ပထမတနင်္လာနေ့ (ဥပမာ 2023 ခုနှစ်တွင် စက်တင်ဘာ ၄ရက်)။
အခြားနိုင်ငံများ (ဥရောပ၊ အာရှ၊ လက်တင်အမေရိက) တွင်
မေလ ၁ရက် (May Day) ကို အပြည်ပြည်ဆိုင်ရာ
အလုပ်သမားနေ့အဖြစ် ကျင်းပကြသည်။

သမိုင်းကြောင်း -၁၉ရာစုအတွင်း အလုပ်သမားများ၏
အလုပ်ချိန် ၈နာရီ၊ လုပ်ခ မျှတမှု စသည့် တောင်းဆိုမှုများမှ စတင်ခဲ့သည်။
ပထမဆုံး Labor Day ကို ၁၈၈၂ခုနှစ်တွင် အမေရိကန်၌ စတင်ကျင်းပခဲ့သည်။

မြန်မာနိုင်ငံတွင် Labor Day - မြန်မာနိုင်ငံ၌
မေလ ၁ရက်နေ့ကိုအလုပ်သမားနေ့ အဖြစ် သတ်မှတ်ပြီး
အလုပ်သမားသမဂ္ဂများက ဂုဏ်ပြုအခမ်းအနားများ ပြုလုပ်လေ့ရှိသည်။

အရေးပါမှု - အလုပ်သမားများ၏ အခွင့်အရေး ၊ လုပ်ခလစာ ၊
လုပ်ငန်းခွင်ဘေးကင်းရေးစသည့် အကြောင်းအရာများကို
အလေးထား ဆွေးနွေးသောနေ့ဖြစ်သည်။
လူမှုရေး တိုးတက်မှုအတွက် အလုပ်သမားများ၏
အခန်းကဏ္ဍကို မီးမောင်းထိုးပြသည့်နေ့။

ဒါကြောင့် Labor Day ဆိုတာ ကမ္ဘာတစ်ဝှမ်းက အလုပ်သမားတွေရဲ့
ရပိုင်ခွင့်နဲ့ ဂုဏ်သိက္ခာအတွက် ဂုဏ်ပြုကျင်းပတဲ့နေ့ ဖြစ်ပါတယ်။

🛠️၁.၅.၂၀၂၅ (ကြာသပတေး‌နေ့)သည် အပြည်ပြည်ဆိုင်ရာကမ္ဘာ့အလုပ်သမားနေ့ဖြစ်ပြီး

🛠️လုပ်ငန်းခွင်အသီးသီးမှ ကာယ၊ဉာဏလုပ်သားများအားလုံးကို
Pharma Apexမိသားစုကလေးစားစွာဂုဏ်ပြုကြိုဆိုလိုက်ပါသည်။

#အလုပ်သမားနေ့

21/04/2025

13/04/2025

💌သင်္ကြန်ဆုတောင်း💌
ဘဝရဲ့ ပန်းတိုင်တွေကို ဘေးဘယာကင်းကင်းကျန်းကျန်းမာမာဖြတ်သန်းနိုင်သောနှစ်သစ်ဖြစ်ရပါစေလို့ Pharma Apexမိသားစုမှ ဆုမွန်ကောင်းတောင်းပေးလိုက်ပါတယ်။ 💊💥

11/04/2025

မြေပြင်​ပေါ် ဖျာခင်းအိပ်ခြင်း​ကြောင့် ဖြစ်လာကြ
သည့် ​ဆိုးကျိုးရောဂါလက္ခဏာများ‼️

ငလျင်ဒဏ်ခံစားပြီး​နောက် လူ​တွေဟာ တိုက်တာအ​ဆောက်အဦးမှာ မအိပ်နိုင်ကြ​တော့ဘဲ ည အချိန်၌ ကွင်းလပ်မှာ ဖျာခင်း၊မိုးကာခင်း အိပ်ကြရသည်။

တ​နေကုန် ပူပြီး ည အချိန်တွင် ​မြေ​ငွေ့ပျံခြင်း​အ​ပေါ် ကာလအချိန်အ​တော်ကြာ အိပ်ကြရသည့်အတွက် ​အောက်​ဖော်ပြပါ ​ရောဂါများ ခံစားလာကြရသည်ကို ​တွေ့ရပါသည်။

- ပါး​စောင်များ ​ရောင်ရမ်းခြင်း

- မျက်ဝတ်များ ထွက်ခြင်း၊မျက်စိဝါးခြင်း

- ဆီးပူ၊ဆီး​အောင့်ခြင်း

- ဂုတ်​ကြောများ​တောင့်တင်းခြင်း

- ခါးနာခြင်း

- အ​ရေပြား ယားယံပြီး အနီစက်ထွက်ခြင်း

- ​ခြေဆစ်၊လက်ဆစ်များ ကိုက်ခဲခြင်း

- ​ချောင်းဆိုး ရင်ကြပ်ခြင်း

- ​ခေါင်းကိုက်၍ စိတ်မကြည်လင်ခြင်း စသည့် ​ရောဂါလက္ခဏာများ နှင့် ဒွန်တွဲ ​တွေ့ရပါသည်။

အထက်ပါလက္ခဏာများ ခံစား​နေရပါက ​မြေပြင်​ပေါ် တိုက်ရိုက် မအိပ်ဘဲ
ခုတင်(စင်)တခုခု​ပေါ် ​ပြောင်းအိပ်သင့်​ပါတယ်။

ခန္ဓာကိုယ်အပူများပြီး ဖြစ်လာတဲ့အတွက် ​ရေများများ​သောက်​ပေးပါ။

ဝမ်း မချုပ်ပါ​စေနဲ့။
အရည်ရွှမ်း အသီးအနှံများများ စား​ပေးပါ။

ဓါတ်ဆားရည် ​သောက်လို့ရပါတယ်။

လူငယ်​တွေ ခံစား​နေရတာ မသိသာဘဲ အသက်အရွယ်ရ လူကြီး​တွေအတွက်​တော့ ​တော်​တော်ခံစားကြရပါတယ်🥲။

#​မိမိရဲ့မိသားစုအပေါ်ချစ်ခင်ကြင်နာနိုင်ပါစေ။

#ဂရုစိုက်ကြပါနော်။

#ဘေးဘယာကင်းဝေးကြပါစေလို့Pharma Apexမိသားစုကဆုမွန်ကောင်းပေးလိုက်ပါတယ်။

#အနာရောဂါကင်းဝေးကြပါစေ။



-N

06/04/2025

ငလျင်အပြီး Aftershock လာနိုင်တာကြောင့် အရေးပေါ်အိတ် Emergency Bag တွေ ပြင်ထားဖို့ လုံးဝ အရေးကြီးပါတယ် ‼️

ဘေးအန္တရာယ်ဆိုတာ အချိန်မရွေးကျရောက်နိုင်တာကြောင့် ဘယ်အချိန်မှာမဆို ထွက်ပြေးနိုင်ဖို့၊ ကိုယ့်ကိုယ်ကို ကယ်တင်နိုင်ဖို့အတွက် အရေးပေါ်အိတ်ထဲမှာ ဒီပစ္စည်းတွေ ရှိဖို့လိုအပ်ပါတယ်။

Emergency Bag ထဲမှာ ထည့်သင့်တဲ့ Item List ✅

1. 💧 သောက်သုံးရေ (အနည်းဆုံး ၁ လီတာ)

သောက်သုံးရေပြတ်တာတွေ ဖြစ်နိုင်တဲ့အပြင်သန့်ရှင်းတဲ့ရေတွေ ရှာရခက်ခဲလာနိုင်တာကြောင့် ရေသန့်တစ်ဘူးတော့ ဆောင်ထားပါ။

2. 🥫 တစ်နေ့တာ စားလို့ရတဲ့အစားအစာများ

Read Made စားရလွယ်တဲ့ Canned Food စည်သွပ်ဘူးတွေ၊ Biscuit လို သယ်ရလွယ်၊ အထားခံတဲ့ Dry Food တွေ ဆောင်ထားပါ။

3. 🔦 ဓာတ်မီး(Torchlight) + Battery

လျှပ်စစ်မီးပြတ်တောက်လို့ မီးပြတ်တဲ့အချိန်တွေ၊ ညဖက်တွေအတွက် အရမ်းအရေးကြီးပါတယ်။

4. 🔋 Power Bank (fully charged)၊ Phone Charger အားသွင်းကြိုး

အခုက ဖုန်းတွေမရှိရင် ဆက်သွယ်လို့ မရနိုင်တာကြောင့် ဖုန်းအားသွင်းကြိုးတွေအပြင် Power Bank တစ်ယောက်တစ်လုံးလည်း ဆောင်ထားဖို့လိုတယ်နော်။

5. 🩹 First Aid Kit

ပိုးသတ်ဆေး၊ ပလတ်စတာ၊ ပတ်တီး၊ အနာလိမ်းဆေး စတဲ့ အရေးပေါ်လိုအပ်တဲ့ဆေးတွေ၊ ကိုယ့်ကျန်းမာရေးအတွက် အမြဲသောက်ရတဲ့ဆေးတွေကိုလည်း အနည်းငယ်ပြင်ဆင်ထားပါ။

6. 😷 Mask + 🧴 Alcohol Wipes / Sanitizer

လူများတဲ့နေရာမှာ ဖြစ်ဖြစ်၊ ဖုန်တွေ သဲတွေများတဲ့နေရာမှာဖြစ်ဖြစ် ရောဂါကင်းစင်ဖို့ ကြိုတင်ကာကွယ်တဲ့အနေနဲ့ ဒါမျိုးတွေ ပြင်ထားတာ မမှားပါဘူး။

7. 🪪 ID Card ၊ အရေးကြီး စာရွက်စာတမ်း၊ 💵 ငွေသားအနည်းငယ်

အရေးကြုံလာရင် မိမိကိုယ်ကိုယ် ဘယ်သူဘယ်ဝါမှန်း ထောက်ပြဖို့နဲ့ တဖြည်းဖြည်း ပြန်လည်ထူထောင်တဲ့အခါ အကူအညီတောင်းဖို့လည်း ဒီလိုမျိုး Documents တွေက လိုအပ်လာပါလိမ့်မယ်။

8. ☔ ထီး/ Raincoat / မိုးကာပလပ်စတစ်

သဘာဝဘေးအန္တရယ်ဆိုတာ မှန်းမရသလို မိုးရွာချင်ရွာနိုင်တာမလို့ ထီးဖြစ်ဖြစ် မိုးကာဖြစ်ဖြစ် အဆင်သင့်ထည့်ထားပါ။

9. 👕 အဝတ်အစားသန့်သန့် ၁ set + 🪥 တစ်ကိုယ်ရေသုံး သန့်ရှင်းရေးပစ္စည်းသေးသေးတွေ

အပြင်မှာ နေရမယ့်ရက်များရင် လုံးဝလိုပါတယ်။

10. 📣 Whistle

အကယ်၍ ကိုယ်က ပိတ်မိနေလို့ အကူအညီတောင်းဖို့ဖြစ်ဖြစ်၊ ထွက်ပြေးရင် အသံနဲ့ အကြောင်းကြားနိုင်ဖို့ ဝီစီလေးတစ်ခုတော့ ဆောင်ထားပေးပါ။

11. 📻 Battery သုံး Radio

ဖုန်းတွေ ရှိပေမယ့် အင်တာနက်လိုင်းတွေ Network တွေ ပျက်တဲ့အချိန်မှာတော့ သတင်းအချက်အလက်တွေ Update သိနိုင်ဖို့ Radio လေး ဆောင်ထားတာက မမှားပါဘူးနော်။

12. 📞 Emergency Contact List (စာရွက်ပေါ်ရေးထားတဲ့ဖုန်းနံပါတ်များ)

ဖုန်းထဲမှာပဲ Contact တွေ မှတ်ထားတတ်ကြတာကြောင့် တကယ်လို့ ဖုန်းဖွင့်မရရင်၊ Memory ပျက်သွားရင် ကိုယ့်ချစ်ရသူတွေနဲ့ ဆက်သွယ်နိုင်အောင် သူတို့ရဲ့ ဖုန်းနံပါတ်လေးတွေကို စာအုပ်ထဲ ကြိုရေးမှတ်ထားပါ။

13. 🧻 စက္ကူတစ်ထုပ် / Wet Tissue

အရေးပေါ်အခြေအနေမှာ သန့်ရှင်းရေးအတွက် တချို့အချိန်တွေဆို ရေမရနိုင်လို့ ပြင်ထားသင့်ပါတယ်။

14. 🛍️ ပလပ်စတစ်အိတ် (Ziplock / Garbage Bag)

ချွတ်ထားတဲ့အဝတ်အစားတွေထည့်ဖို့၊ အမှိုက်စွန့်ပစ်ဖို့ တို့အတွက် အသုံးဝင်ပါတယ်။

15. 🛠️ Multi-tool / Swiss Knife

တစ်ခုခုဆို ပိတ်တာဖွင့်တာ၊ လှီးဖို့ညှပ်ဖို့လိုလာတာ၊ ပြင်ဆင်ရတဲ့ အလုပ်အမျိုးမျိုးအတွက် အသုံးဝင်ပါတယ်။ (အကြီးမဟုတ်တောင် ဘေးကင်းတဲ့ One-Piece Tool လေးတွေလည်း ရပါတယ်။)

16. 🍼 ကလေးရှိတဲ့ ကလေးမိဘတွေအတွက် ပစ္စည်းများ (သက်ဆိုင်သူများအတွက်)

ကလေးရှိသူများအနေနဲ့ Diaper၊ Baby Formula၊ အခြားကလေးပစ္စည်း စတာမျိုး ထည့်ထားဖို့လိုပါတယ်။

17. 📝 Notebook + Pencil / Pen

ဖုန်းသုံးလို့မရတဲ့အခါ စာရေးဖို့၊ လမ်းညွှန် Map တွေရေးဖို့၊ အသေးစိတ်မှတ်သားဖို့ အသုံးဝင်ပါတယ်။

18. 🎙️ အသံဖမ်းစက်/Voice Recorder (နည်းပညာသုံးနိုင်သူများအတွက်)

အရေးပေါ်အခြေအနေမှာ ဖြစ်ပျက်နေတဲ့ အကြောင်းအရာတွေ၊ အချက်အလက်မှတ်သားဖို့ အသုံးပြုနိုင်ပါတယ်။

အရေးကြီးသော သတိပေးချက်‼️

• ကိုယ့်ရဲဲ့ Emergency Bag အိတ်ကို မိသားစုဝင်အားလုံးသိတဲ့နေရာမှာထားပါ။
• Emergency Bag တစ်ခုချင်းစီကို အိမ်မှာသာမက ရုံး၊ ကားထဲမှာတောင် သေးသေးလေးဖြစ်ဖြစ် ပြင်ထားတာကောင်းပါတယ်။
• တစ်အိမ်လုံးအတွက် အိတ်တစ်အိတ်မဟုတ်ဘဲ လူတစ်ယောက်စီ တစ်အိတ်စီ သီးသန့်ပြင်ထားပါ။
• မိသားစုကိုယ်တိုင်အပြင် အိမ်မွေးတိရစ္ဆာန်လေးတွေရှိရင် သူတို့အတွက်လည်း သန့်ရှင်းရေး၊ အစားအစာအတွက် ပြင်ဆင်ထည့်စဉ်းစားပေးဖို့လိုပါတယ်။
• နှစ်ရက် တစ်ကြိမ် (သို့မဟုတ်) လေးရက် တစ်ကြိမ် ပြန်စစ်ကြည့်ပါ။ (အစားအစာ Expiry / Battery သက်တမ်း)
• Aftershock မဖြစ်ခင် ကြိုတင်ပြင်ထားတာကပဲ ကိုယ့်အတွက်ကိုယ် သေချာပေါက်ကယ်တင်နိုင်မှာပါ။

02/04/2025

#လက်ရှိဖြစ်ပွါးခဲ့တဲ့အင်အားကြီးငလျင်ဒဏ်ကြောင့်ခံစားခဲ့ရသော

မြန်မာနိုင်ငံအနှံအပြားမှမြန်မာပြည်သူပြည်သားများအားလုံးအတွက်

Pharma Apex မိသားစုမှထပ်တူဝမ်းနည်းစိတ်မကောင်းဖြစ်ရပါသည်။

ဘေးဘယာကင်းဝေးပြီးကျန်းမာချမ်းသာကြပါစေကြောင်း

ဆုမွန်ကောင်းတောင်းပေးလိုက်ပါသည်။

25/03/2025