https://www.facebook.com/165819659939376/

MOMENTUM Physiotherapy & Movement Studio, 6/8, C(1), Ground Floor, Byaing Yay Oe Zin Street, Tamwe Township, Yangon (2025)

08/09/2025

Sep 8 မှာ ကျရောက်တဲ့ World Physiotherapy Day ကို ဂုဏ်ပြုသောအားဖြင့် ဘိုးဘိုး ဘွားဘွားတို့ လုပ်သင့်သော လွယ်လွယ်ကူကူ လေ့ကျင့်ခန်းများကို အသက် ၉၁နှစ် အရွယ် ဘွားဘွားမှ မော်ဒယ်လုပ်၍ တင်ဆက်ပြသထားပါသည် 💖💖💖

တက်ကြွပျော်ရွှင်သော သက်ကြီးဘဝကို ပိုင်ဆိုင်ဖို့ လေ့ကျင့်ခနိးလုပ်ကြပါစို့

28/06/2025

💢 Hello 👋🏻 ဒီနေ့မှာတော့ အားကစားသမားတွေအပြင် အသက်အရွယ်အမျိုးမျိုး မှာအဖြစ်များတဲ့
ပုခုံးအရွတ်ရောင်ရမ်းခြင်း
(Supraspinatus tendonitis)💢အကြောင်းပြောပြပေးသွားမှာဖြစ်ပါတယ်။

🤷🏻ပုခုံးအရွတ်ရောင်ခြင်းဆိုတာဘာလဲ ❓

ကျွန်တော်တို့ရဲ့ပုခုံးလှုပ်ရှားမှု‌တွေကိုလုပ်ဆောင်ပေးတဲ့ကြွက်သား‌များဖြစ်‌တဲ့ Rotator Cuff MusclesတွေထဲကSupraspinatus Muscleရဲ့ကြွက်သား‌ကြော(သို့)အရွတ်ရောင်ခြင်းဖြစ်ပါတယ်

🤷🏻ဘယ်လိုအ‌ခြေ‌ နေတွေမှာဖြစ်တတ်လဲ ❓

✔️Gymတွင် နည်းစနစ်မှားယွင်းစွာဆော့ကစားမိခြင်း။

✔️ကြွက်သားအားနည်း‌‌နေချိန်အလေးပင်မလွန်းခြင်း။

✔️စာရေးခြင်းကဲ့သို့အချိန်ကြာမြင့်စွာပုခုံးတစ်ဖက်တည်းအသုံးပြုခြင်း။

✔️အိပ်စက်ချိန်တွင်လက်မောင်းကိုဖိအိပ်မိခြင်း

✔️အသက်ကြီးလာ၍အရွတ်များပျက်စီးလာခြင်း

✔️ယခင်က ပုခုံးထိခိုက်ဖူး‌ခြင်း

စသည်တို့ကြောင့်အများဆုံးဖြစ်တတ်ပါတယ်။

🤷🏻ဘယ်လိုကုသနိုင်လဲ ❓

⛑️ အနားယူခြင်း(Resting)
အနားယူခြင်းကထိခိုက်သွားတဲ့/ပျက်စီးသွားတဲ့ အရွတ်တွေ ကြွက်သားတွေမှာ healing မြန်မြန်ပြန်ရ‌စေတာမလို့ အနားယူသင့်ပါတယ်။

‌⛑️ ရေခဲကပ်ခြင်း(Cryotherapy)
ရေခဲကပ်ခြင်းက ရောင်ရမ်းခြင်းကိုလျော့ကျ
စေပါတယ်။စဖြစ်ချိန်မှ ၄၈ နာရီအတွင်းကပ်ဖို့အ‌ရေးကြီးပါတယ်💢။ အနည်းဆုံး ၁၅-၂၀ မိနစ် ကပ်ပေးပါ။

⛑️ရေနွေးအိပ်ကပ်ခြင်း(heat pack)
ရေနွေးအိပ်ကပ်ခြင်းက နာကျင်နေတဲ့ ကြွက်သားနာကျင်ကိုက်ခဲခြင်း ကိုသက်သာ‌ စေတာမလို့ တစ်နေ့ကို ၂ကြိမ် နဲ့
မိနစ် ၂၀အနည်းဆုံးကပ်‌ပေးပါ။

⛑️ Electrical Stimulation (ES),Ultrasound, Infraredစတဲ့ therapeutic modelities များနဲ့
လဲ နာကျင်ရောင်ရမ်းမှုများကို လျော့ကျ‌စေရန်ကုသမှုခံယူနိုင်ပါတယ်။

⛑️လေ့ကျင့်ခန်းပြုလုပ်ခြင်း (exercise)
နာကျင်မှုသက်သာသွားတဲ့ အချိန်ကပြီး‌ပြုလုပ်ပါ။
ပုံမှန်အတိုင်းပြန်ပြီးလှုပ်ရှားနိုင်ဖို့နဲ့ကြွက်သားတွေအားမနည်းသွားဖို့ လေ့ကျင့်ခန်းလုပ်ခြင်းကအရေးကြီးပါတယ်။
💢📌Home exercise တွေလုပ်နိုင်သလို ကျွမ်းကျင်တဲ့
Physiotherapist နဲ့ ဆွေးနွေးတိုင်ပင်ပြီး physiotherapist မှ ရေးဆွဲပေးတဲ့
exercise plan အတိုင်းလုပ်နိုင်ပါတယ်။

💢💢သတိထားရန်အချက်များ💢💢

📌 ပုခုံးအားအလွန်သုံး၍အလေးမခြင်းကိုရှောင်ပါ။

📌 ကိုယ်ကာယအသုံးပြုရသောအလုပ်လုပ်ကိုင်ပါကမှန်ကန်‌‌သောကိုယ်နေဟန်ထား
နှင့် ပစ္စည်းများကို မ ပါ။

📌 ပုခုံးနာလာပါကချက်ခြင်းရပ်ပြီးအနားယူပါ။

📌ပခုံးကိုအလွန်အကျံအသုံးပြုခြင်းကို‌
ရှောင်ကျဉ်ပါ။

📌ပခုံးတစ်ဖက်အား ကြာရှည်စွာဖိမအိပ်မိစရန်သတိပြုပါ။

📌 ဆရာဝန်နှင့်စောစောတိုင်ပင်ကုသပါ။

❗ပုခုံးနာကျင်မှုမှာကြာရှည်ပြီးပြင်းထန်နေပါကအရွတ်စုတ်ပြဲခြင်းများဖြစ်နိုင်တဲ့အတွက် MRIရိုက်ပြီး သက်ဆိုင်ရာဆရာဝန်နှင့် ဆွေးနွေးတိုင်ပင်ပြီးကုသမှုခံယူပါ။‼️

“𝙋𝘼𝙄𝙉 𝙁𝙍𝙀𝙀, 𝙈𝙊𝙑𝙀 𝙒𝙀𝙇𝙇”

#######################################xx

🟣 Momentum (Physiotherapy & Movement Studio)

⌛ ဖွင့်ချိန်: 8:00 am - 6:00 pm

🗓️ ဖွင့်ရက်: Monday - Sunday, ပိတ်ရက်မရှိ

☎️ ဖုန်းနံပါတ်: 09880004525, 09880004515

📌 လိပ်စာ: 6/8, C(1), မြေညီထပ်, ဗျိုင်း‌ရေအိုးစင်လမ်း, တာမွေမြို့နယ်, ရန်ကုန်မြို့

🗺️ Google Map Link: https://goo.gl/maps/1cqfGZh4vyz2FTeFA
(Momentum ရဲ့ နေရာအတိအကျကိုတော့ ဒီမြေပုံlink က တစ်ဆင့် ဝင်ကြည့်နိုင်ပါတယ်နော်။)

14/06/2025

Hello Everyone 👋🏻👋🏻👋🏻
ဒီနေ့မှာ‌တော့
Rehab Pedal Machineလို့ခေါ်တဲ့ပြန်လည်သန်စွမ်းရေးစက်ဘီးလေးအကြောင်းသိထားသင့်သမျှကိုမျှဝေပေးသွားမှာဖြစ်ပါတယ်။

🚨Rehab Pedal Machineဆိုတာဘာလဲ 🤔❓

Rehab Pedal Machine(သို့)ပြန်လည်သန်စွမ်းရေး ခြေနင်းစက်ဆိုတာကလူနာများ၏ ကြွက်သားများ ပြန်လည်သန်စွမ်းလာစေရန်၊သွေးလည်ပတ်မှုကောင်းမွန်စေရန်နှင့်အဆစ်အမြစ်လှုပ်ရှားမှု ကောင်းမွန်စေပြီးကြွက်သားတောင့်တင်းမှုကိုပြေလျော့စေရန်ကူညီပေးတဲ့ ပြန်လည်သန်စွမ်းရေးသုံး စက်ဘီးလေးဖြစ်ပါတယ်။အိမ်တွင်ဖြစ်စေ၊ဆေးရုံ/ဆေးခန်းများတွင်ဖြစ်စေအသုံးပြုနိုင်ပါတယ်။

🚨ဘယ်သူတွေသုံးသင့်လဲ 🤔❓

✓လေဖြတ်ထားသူများ
✓Spinal Cord Injury (SCI)သို့မဟုတ်Traumatic Brain Injuryကြောင့်Rehabilitationလုပ်ရန်လိုအပ်သူများ
✓ပေါင်ရိုး ဒါမှမဟုတ် ခြေထောက်ရိုးကျိုးပြီးခွဲစိတ်မှုခံယူထားသူများ
‌✓ ကြွက်သားတောင့်တင်းရောဂါSpasticityရှိသူများ
✓‌ ခြေထောက်ကြွက်သားအားနည်းသူများ
✓အရိုးအဆစ်များနာကျင်ကိုက်ခဲခြင်းနဲ့လှုပ်ရှားရာတွင်ကောင်းမွန်စွာချောချောမွေ့မွေ့မလှုပ်ရှားနိုင်သူများ
✓အသက်ကြီးသူများနှင့်ဘိုးဘိုးဘွားဘွားများ
အတွက်အထူးသင့်လျော်ပါတယ် 🤗💯✔️✔️

🚨Rehab Pedal machine အသုံးပြုခြင်းဖြင့်ဘာအကျိုး‌ကျေးဇူးတွေရရှိနိုင်မလဲ 🤔❓

⚪သွေးလည်ပတ်မှုကောင်းပြီးအာဟာရများလိုအပ်သည့်ကြွက်သားများသို့ရောက်ရှိခြင်း။
⚪အားနည်းနေသည့်ကြွက်သားများသန်မာလာခြင်း။
⚪လှုပ်ရှားမှုများများချောမွေ့ လာစေခြင်း။
⚪ဦးနှောက်နှင့်အာရုံကြောများတိုးတက်ကောင်းမွန်လာခြင်း။
⚪စိတ်ကိုလန်းဆန်းစေပြီးအိပ်စက်မှု ကောင်းမွန်‌စေခြင်း။

စတဲ့အကျိုးကျေးဇူးများရရှိနိုင်ပါတယ်။
🛑Rehab Pedal machineတွေကအမျိုးစားအမျိုးမျိုးရှိတဲ့အတွက် ‌‌‌‌‌‌‌‌‌‌‌‌‌‌‌‌‌ကိုယ်နဲ့အဆင်ပြေမယ့်
အမျိုးအစားကိုရွေးချယ်ဝယ်သင့်ပါတယ်။

အမျိုးအစားတွေကတော့ 💁🏻‍♀️
✓Manual Pedalအမျိုးအစား
ဒီအမျိုးအစားကတော့Resistanceကိုမူလီနဲ့ချိန်ညှိနိုင်ပြီးအသုံးပြုနိုင်ပါတယ်။
✓Electronic Pedal အမျိုးအစား
လျှပ်စစ်နဲ့အသုံးပြုရတာဖြစ်ပြီးResistanceကို Remoteဒါမှမဟုတ်ခလုတ်နဲ့ချိန်ညှိနိုင်ပါတယ်။

🚨ဘယ်လိုအသုံးပြုရမလဲ 🤔❓

ထိုင်ခုံ/wheelchairပေါ်မှာ
ခါးမတ်မတ်ထိုင်ပြီးRehab Pedalစက်ကိုရှေ့တွင်တည့်တည့်ထားကာခြေထောက်ကိုကွင်းထဲသို့‌ သေချာထည့်နိုင်သည့်အကွာအဝေးတွင်ထားပါ။စက်ကိုသေချာနေရာချပါ။ချော်ကျမှုမဖြစ်စေရန်သေချာဂရုစိုက်ပါ။အသုံးပြု‌နေချိန်အတွင်းရှေ့သို့ စက်ရွေ့လာနိုင်တဲ့အတွက်ဘေးမှစက်ကိုကိုင်ပြီးကူထိန်းပေးပါ။

💢အရမ်းမဝေးဖို့နဲ့အရမ်းမနီးဖို့ကိုသတိပြုပါ💢

🛑အစပိုင်းမှာအကြိမ်ရေ ၅၀-၁၀၀ အထိ လုပ်နိုင်ပြီးတဖြည်းဖြည်းအကြိမ်အရေအတွက်တိုးသွားပေးပါ။
(ဥပမာ-ပထမတစ်ပတ်အကြိမ်၁၀၀
ဒုတိယပတ်အကြိမ်၂၀၀အစရှိသဖြင့်တိုးသွားပါ)
💢ပိုရောင်လာတယ်၊နာလာတယ်ဆိုရင်
ချက်ချင်းရပ်ပြီးဆရာဝန်နှင့်တိုင်ပင်ကုသပါ။🚨‼️

RPM သည်လူနာများအတွက်လွယ်ကူသော လေ့ကျင့်ခန်းတစ်ခုဖြစ်ပြီးအိမ်မှာပဲအဆင်ပြေစွာအသုံးပြုနိုင်ပါတယ်။
💪🏻ကျန်းမာရေးနှင့်ညီညွတ်သောနေထိုင်မှုပုံစံဖြင့် ဘဝကိုပိုမိုအရည်အသွေးပြည့်ဝစွာဖြတ်သန်းနိုင်ကြဖို့🤗

Physiotherapy and Movent studio မှဆုမွန်ကောင်းတောင်းလိုက်ပါတယ်🚴‍♂️...

"Pain Free, Move Well"

05/06/2025

Hello🙋🏻‍♀️‼️
ဒီနေ့မှာတော့ Momentum မှာရှိတဲ့ Ultrasound စက်လေးအကြောင်းနဲ့ ကုသ‌ ပေးနိုင်တဲ့ရောဂါတွေကို ပြောပြ ပေးသွားပါမယ်💢

‼️Ultrasound စက် ဆိုတာဘာလဲ?⁉️

Ultrasound စက် ဆိုတာ ကြိမ်နှုန်းမြင့်အသံ(High-frequency soundwave) ကို
အခြေခံထားပြီး အသံကနေ အပူစွမ်းအင်ထုတ်လုပ်‌ပေးတဲ့စက် ဖြစ်ပါတယ်။
Deep heating modelity တစ်ခုဖြစ်တာမလို့ tissues တွေ muscle တွေရဲ့ အတွင်းပိုင်းအထိကို အပူစွမ်းအင်ထုတ် ပေး နိုင်ပါတယ်။ Ultrasound therapy ကိုခံယူနေချိန်အတွင်းမှာ နွေးနွေးလေး ခံစားရမှာဖြစ်ပြီး အရမ်းပူတဲ့ အပူမျိုး မဟုတ်တဲ့အတွက် အပူလောင်မှာ စိုးရိမ်စရာမလိုပါဘူး။🙅🏻‍♀️💢💯

‼️Ultrasound therapy ခံယူခြင်းကနေဘာအကျိုးကျေးဇူးတွေရမလဲ?💁🏻‍♀️

🛑နာကျင်မှုလျော့ချပေးတယ် – thermal effect (အပူ) ကြောင့် နာကျင်မှုတွေသက်သာစေတယ်။

🛑ရောင်ရမ်းမှုကျစေတယ် – သွေးလှည့်ပတ်မှုကောင်းအောင် လှုံ့ဆော်ပေးတဲ့အတွက် ရောင်နေတာတွေ လျော့ကျစေပါတယ်။

🛑Healing effect ရှိတဲ့အတွက် ဒဏ်ဖြစ်နေတဲ့
တစ်ရှူး(tissue)တွေ ပြန်ကောင်းစေတယ်၊အရိုးကျိုးထားတဲ့နေရာတွေမှာပြန်‌‌ဆက်အောင်ကူညီပေးပါတယ်။

🛑အမာရွတ်တွေကို ပျော့ပျောင်း လာစေ ပြီးcollagen တွေထွက်လာ စေလို့ ပုံပျက်တဲ့အမာရွတ်တွေ ဖြစ်မလာအောင်ကာကွယ်‌ ပေးပါတယ်။ တကယ်လို့ ပုံပျက်တဲ့အမာရွတ် တွေရှိနေရင်လဲသက်သာလာစေပါတယ်။

‼️ဘယ်လိုအခြေ‌နေ‌တွေမှာ ultrasound therapy ခံယူနိုင်လဲ?💁🏻‍♀️

💢ဒူးနာ၊ ခါးနာ၊ ဇက်ကြောတက်ခြင်း

💢ကြွက်သားများ တောင့်တင်းခြင်း
(muscle spasm)

💢အရွတ်ရောင်ခြင်း(Tendonitis)

💢အဆစ်အမြစ်ရောင်ရမ်းနာကျင်ခြင်း(Arthritis)

💢ပခုံးကပ်ခြင်း(Frozen Shoulder)

💢 Bursitis လို့ခေါ်တဲ့ အရွတ်(သို့)တစ်ရှူးနဲ့အရိုးကြားမှာ မှာလှုပ်ရှားမှုလွယ်ကူအောင်ပြုလုပ်‌‌ပေးတဲ့အရည်အိတ်လေး ရောင်ခြင်း

💢အဖြစ်များတဲ့ ခြေထောက် ခေါက်လဲပြီး
ခြေကျင်းဝတ်လည်ပြီး အရွတ်များပြဲ ပြီး ရောင်ခြင်း (‌Ankle Sprain)

💢ဖြစ်ခါစအမာရွတ်၊ကြာပြီးပုံပျက်နေသောအမာရွတ်‌‌များ(Adherent scar)

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‼️ဘယ်သူတွေကသတိထားပြီး Ultrasound therapy ယူသင့်လဲ?💁🏻‍♀️

⚪ကိုယ်ဝန်ဆောင်အမျိုးသမီးများ(ဗိုက်နားတဝှိုက်အသုံးပြုခြင်းကိုရှောင့်သင်ပါတယ်)

⚪Cancer (သို့) အလုံးအကျိတ်ရှိသူများ

⚪နှလုံးစက်တပ်ထားသူများ

⚪အရိုးကျိုးပြီးစတီးရိုးထည့်ထားသူများ၊ဒူးဆစ်ရိုးပေါင်ဆစ်ရိုးအစားထိုးထားသူများ

စတဲ့အ‌ခြေအနေရှိတဲ့သူတွေအနေနဲ့ သေချာ လေး သတိထားသင့်ပါတယ်။

💢သက်ဆိုင်ရာ ဆရာဝန် (သိူ့) Physiotherapist ကိုလဲ ဒီအခြေ‌အ နေ တွေရှိတယ်ဆိုတာကိုပြောပြဖို့
မမေ့ပါနဲ့လို့အကြုံပြုလိုက်ရပါတယ်။💢

"Pain Free and Move Well'

Momentum(Physiotherapy and Movent Studio)

⌛ ဖွင့်ချိန်: 8:00 am - 6:00 pm

🗓️ ဖွင့်ရက်: Monday - Sunday, ပိတ်ရက်မရှိ

☎️ ဖုန်းနံပါတ်: 09880004525, 09880004515

📌 လိပ်စာ: 6/8, C(1), မြေညီထပ်, ဗျိုင်း‌ရေအိုးစင်လမ်း, တာမွေမြို့နယ်, ရန်ကုန်မြို့

🗺️ Google Map Link: https://goo.gl/maps/1cqfGZh4vyz2FTeFA
(Momentum ရဲ့ နေရာအတိအကျကိုတော့ ဒီမြေပုံlink က တစ်ဆင့် ဝင်ကြည့်နိုင်ပါတယ်နော်။)

15/05/2025

MNA Inflight Magazine မှာ ပါဝင်ထားတဲ့ Momentum အကြောင်းလေးကို လေယာ်ဉ်စီးပီး ဖတ်ရှုပေးပါအုံး 🤍

04/05/2025

‼️Hello 🙋

ဒီနေ့မှာတော့ Deep Vein Thrombosis (DVT) ဆိုတာ ဘာလဲ?🤷နဲ့ ကာကွယ်ဖို့ ဘာလေ့ကျင့်ခန်းတွေလုပ်ရမလဲ?🤷ဆိုတာ ရှင်းပြပေးမှာဖြစ်ပါတယ်💢💢💁💁

DVT(Deep Vein Thrombosis)ဆိုတာက သွေးပြန်ကြောထဲ သွေးခဲပိတ်တဲ့ရောဂါဖြစ်ပါတယ်။ ခြေထောက်၊ ပေါင်၊ တင်ပါးမှာရှိတဲ့သွေးပြန်‌ကြောတွေမှာဖြစ်ပွားတတ်ပြီး‌တော့ (အထူးသဖြင့် ခြေသလုံးမှာရှိတဲ့ သွေးပြန်‌ကြောပိတ်တာ‌‌ တွေ့ရများပါတယ်)

သွေးခဲကြောင့် သွေးစီးဆင်းမှုနှေးသွားနိုင်ပြီး သွေးခဲပြုတ်ထွက်သွားပါက လေဖြတ်ခြင်း၊ နှလုံးသွေးကြောပိတ်ခြင်းအပြင် ချက်ချင်းအသက်အန္တရာယ်ရှိတဲ့ အဆုတ်သွေးကြောပိတ်ခြင်း (Pulmonary Embolism)အထိဖြစ်နိုင်ပါတယ်။

⛲️⛲️⛲️⛲️⛲️

📍‼️အောက်ပါအချက်တွေက DVT ဖြစ်နိုင်ခြေကို မြင့်စေပါတယ်။ 💢

1.သွေးစီးဆင်းမှုနှေးခြင်း – ဥပမာ ခြေထောက်လှုပ်ရှားမှုနည်းခြင်း၊ ခွဲစိတ်ကုသမှုခံယူပြီး အိပ်ရာထဲလှဲနေရခြင်း၊လေဖြတ်၍မလှုပ်ရှားပဲနေခြင်း ။

2. သွေးကြောနံရံထိခိုက်မိခြင်း – ခွဲစိတ်တာကြောင့် ဒါမှမဟုတ် ထိခိုက်ဒဏ်ရာရရှိခြင့်ကြောင့်ဖြစ်နိုင်ပါတယ်။

3. သွေးပျစ်မှုများ၍ သွေးခဲနိုင်ခြေမြင့်တတ်ခြင်း - ခွဲစိတ် စိတ်ပြီးနောက် သို့မဟုတ် ကိုယ်ဝန်ဆောင်အမျိုးသမီးတွေမှာ သွေးဥမွှားအရေအတွက် တက်လာခြင်း (အထူးသဖြင့် ကိုယ်အလေးချိန်များသူတွေ)။

4. ဆေးဝါးသုံးစွဲခြင်း – ဥပမာ ကိုယ်ဝန်တားဆေး။

5. ယခင်က DVT ဖြစ်ဖူးတာ ဒါမှမဟုတ် သွေးကြော/သွေးရောဂါရှိသူတွေ။

6.ဆေးလိပ်အလွန်အကျွံသောက်သုံးခြင်:

⛲️⛲️⛲️⛲️⛲️

📍တွေ့ရများတဲ့ ရောဂါလက္ခဏာ တွေကတော့

1.ခြေသလုံးအောင့်ခြင်း –ကြွက်တက်သလိုနာကျင်ကိုက်ခဲခြင်း။

2.ခြေသလုံး၊ခြေဖဝါး၊ခြေဖမိုးများ ရောင်ပြီးနီနေခြင်း၊ပူနေခြင်း

3. ကြွက်သားနာခြင်း – ခြေကျင်းဝတ်ကို အပေါ်ကော့ ရင် ပိုနာပါတယ်တယ် (Homans' sign)။

4. တစ်ခါတလေ လက္ခဏာမပြဘဲ လဲ ဖြစ်နိုင်ပါတယ်။

⛲️⛲️⛲️⛲️⛲️

DVT က အသက်အန္တရာယ်ရှိပေမယ့် ကာကွယ်လို့ရတဲ့ ရောဂါဖြစ်ပါတယ်။ *

📍DVT ကာကွယ်နည်းများ💢‼️
1. **လှုပ်လှုပ်ရှားရှားနေပါ** – ခရီးရှည်သွားရင် ၂ နာရီတစ်ခါ ခြေထောက်ဆန့်ပါ။

2. **ရေများများသောက်ပါ** – သွေးပျစ်ခြင်းကို ကာကွယ်ပေးတယ်။

3. Anti embolism stocking (TED Stockings)
သွေးမခဲအောင်ကာကွယ်ပေးတဲ့‌ အထူးထုတ်ခြေအိတ်ဝတ်ဆင်ခြင်း-သွေးခဲဖြစ်နိုင်ခြေကို ၅၀% အထိလျှော့ချပေးနိုင်တဲ့အတွက်ခွဲစိတ်ပြီးလူနာများဝတ်ဆင်ရန်အထူးသင့်တော်ပါတယ်။

4. DVT ကာကွယ်မည့် စနစ်ကျသည့် လေ့ကျင့်ခန်းများ လုပ်ဆောင်ရမည်ဖြစ်ပါသည်။ (လေ့ကျင့်ခန်းများကို Video နှင့်တကွ ဖော်ပြထားပါသည်)

4. ရောင်ရမ်းနေတဲ့ခြေထောက်ကိုရေနွနဲ့ ရေခဲ တလှည့်ဆီကပ်‌ပေးပါ။ရေနွေးအိတ် (၁၅ မိနစ်) + ရေခဲဝတ် (၁၅ မိနစ်)လှည့်ကပ်ပါ။

5. Leg Elevation (ခြေထောက်မြှောက်ခြင်း)**
- **အိပ်ရာမှာ ခြေထောက်ကို နှလုံးအထက် ၆ လက်မခန့်မြှောက်ထားပါ** (ညအိပ်ချိန်မှာ ၁၅ မိနစ်လောက်လုပ်ပါ)

6.ဆေးလိပ်ဖြတ်ပါ - ဆေးလိပ်က သွေးကြောကျဉ်းစေတဲ့အန္တရာယ်ရှိလို့ဖြစ်ပါတယ်။

⛲️⛲️⛲️⛲️⛲️

‼️💢သင့်လူနာမှာ DVT ရှိနေပြီလို့ သံသယရှိရင်‌တော့ လုံးဝမပေါ့ဆပဲ သက်ဆိုင်ရာ ဆေးရုံ၊ဆေးခန်းကို အမြန်ဆုံးသွားကာ.. D-dimer စစ်ခြင်း၊ Doppler Ultrasound ရိုက်ခြင်း ပြုလုပ်ပါ။

⛲️⛲️⛲️⛲️⛲️

🙅🏻‍♀️‼️သွေးခဲရှိ‌နေတဲ့ ခြေထောက်ကို နှိပ်တာ လှုပ်ရှားတာ အဲ့ဒီ ခြေထောက်အပေါ်မက်တပ်ရပ်တာမျိုးတွေမလုပ်ရပါဘူးနော်။သွေးခဲပြုတ်ထွက်နိုင်ခြေမြင့်လို့ဖြစ်ပါတယ်။ 🙅🏻‍♂️
သွေးခဲပြုတ်လျှင် အသက်အန္တရာယ်ရှိပါသည်။ 🙅🏻

⛲️⛲️⛲️⛲️⛲️

DVTက ကာကွယ်လို့ရတဲ့ အရာဖြစ်တာမလို့ အကြာကြီးထိုင်တာမျိုး၊အိပ်ရာထဲလှဲနေတာမျိုးမလုပ်ဘဲလှုပ်လှုပ်ရှားရှားနေပါ။ခွဲစိတ်ပြီးလူနာတွေမှာလဲလှုပ်နိုင်သမျှလှုပ်ရှားပေးဖို့နဲ့လိုအပ်ပါက ဘေးကအကူအညီနဲ့လှုပ်ရှား ပေးဖို့ အကြံပြုရင်း ကျန်းမာပျော်ရွှင်သော လူနေမှုဘဝကို ရပါစေလို့ MOMENTUM Physiotherapy & Movement Studio မိသားစုမှ ဆုမွန်ကောင်းတောင်းပေးပါတယ်။

⛲️⛲️⛲️⛲️⛲️

MOMENTUM Physiotherapy & Movement Studio
💒💒💒 No.6/8(C-1) ဗျိုင်းရေအိုးစင်လမ်း၊ တာမွေ။
📞📞📞 09880004515

⛲️⛲️⛲️⛲️⛲️

01/05/2025

-အထိုင်များသူအတွက် အညောင်းမိခြင်းမှ သက်သာစေရန်👌👌
-အထိုင်များခြင်းကြောင့် ခါးကြောတင်း ခါးနာခြင်းမှ သက်သာစေရန်👌👌
- Stretching သုံးမျိုးလေး ဝေမျှပေးထားပါတယ်ဗျ😇

# &MovementStudio

27/04/2025

ငလျင်ဒဏ်ရာတွေကနေ ပြန်နာလန်ထူဖို့ လွယ်ကူတဲ့ Physio နည်းလမ်းများ"**

ငလျင်ကြီးလှုပ်ပြီးနောက်ပိုင်း ခြေလက်တွေ၊ ခါးတွေ နာကျင်ကိုက်ခဲနေတာ၊ လှုပ်ရှားရခက်နေတာ ကြုံနေရလား?

ဒီဆောင်းပါးလေးမှာ အိမ်မှာ သက်သာအောင် လုပ်လို့ရတဲ့ **Physiotherapy နည်းလမ်းတွေ** ကို ရှင်းပြပေးမယ်နော်!

**🫨ပေါင်၊ ခြေသလုံး၊ လက်မောင်း ကျိုးထား၍ကျောက်ပတ်တီးစီးထားသူများ၊ခွဲစိတ်၍စတီးရိုးထည့်ထားသူများအတွက်

✔ ရေခဲကပ်ပါ

✔ **အိပ်ရာထဲမှာတင်လုပ်နိုင်‌ေသာလေ့ကျင့်ခန်းများ
: (လေကျင့်ခန်းတစ်ခုခြင်းကို အနည်းဆုံး၁၀ကြိမ်နဲ့ တစ်နေ့ကိုအနည်ဆုံး၂ကြိမ်လုပ်ဆောင်ပေးပါ)

1. တင်ပါးကြွက်သားကိုကျုံ့ထားပြီး5 secထိန်းထားပါ

2. ဒူးခါင်းကို ကုတင်ကိုဖိချ၍ ခြေချင်းဝတ်‌ကော့ပြီး 5secထိန်းထားပါ

3. ခြေချင်းဝတ်ကို နာရီလက်တံအတိုင်း၁၀ကြိမ်၊နာရီလက်တံပြောင်းပြန်အတိုင်း၁၀ကြိမ်လှည့်ပေးပါ

4. ကုတင်ကို ခါးနဲ့ ဖိချပြီး 5sec ထိန်းထား ပြီးပြန်‌ေလျှာ့ပါ

5. ဒူးကွေးပါ။ ခြေထောက်ကို တင်ပါးဆီသို့ဆွဲလာပြီးမူလနေရာကိုပြန်သွားပါ

6. ခြေခြင်းဝတ်ကိုကော့ပြီး‌ခြထာက်ကို ဆန့်ထားပြီးပေါင်ကို မြှောက်နိုင်သည်အထိမြှောက်ပါ။

7. ခြေထောက်တချောင်းစီဘေးကားပါ။

(ကျိုးထားလို့ ခွဲထားတဲ့ဘက်ကို ဘေးလူအကူအညီဖြင့် လေ့ကျင့်ခန်းလုပ်ပါ)

အထက်ပါလေ့ကျင့်ခန်းများက သွေးလည်ပတ်မှု‌ေကာင်းမွန် စေပြီး အနာကျက်မှုကိုမြန်ဆန် စေသလို ကြွက်သားအားနည်းခြင်း(Muscle wasting) ကိုကာကွယ်‌ေပးပါတယ်

‼️အရိုးကျိုးရင် မလှုပ်ရှားပဲနေရမယ်ဆိုတာအယူအဆအမှားပါနော်။ ဖြစ်နေတဲ့နေရာကိုသာ ချန်ပြီး ကျန်နေတဲ့လှုပ်ရှားလို့ ရသမျှ နေရာတွအကုန်လုံးက လှုပ်ရှားပေးရပါမယ်။မလှုပ်ရှားပဲနေရင်တော့ နောက်ဆက်တွဲ အနေနဲ့ ကြွက်သားအားနည်းခြင်းတွေ၊သွေးလည်ပတ်မှုအားနည်းခြင်းတွေ၊အရိုးအဆစ်တွေတောင့်တင်းခြင်းတွေ၊‌ေသွး‌ေကြာအတွင်းသွေးခဲခြင်း(DVT) စတဲ့ နောက်ဆက်တွဲပြဿနာတွဖြစ်ပွားနိုင်ပါတယ်‼️

---

# # # **🫨ခါးနာသူများ အတွက်**

✓ရေနွေးအိပ်ကပ်ပေးပါ(မိနစ်၂၀အထိကပ်နိုင်ပါသည်)

✔အိိမ်မှာပြုလုပ်နိုင်တဲ့လေ့ကျင့်ခန်းတွေကတော့

1. ပက်လက်လှန်အနေအထားနဲ့ ဒူးနှစ်ဖက်ကို ကွေးပြီး ခြေဖဝါးတွေကို ကြမ်းပြင်မှာ ချထားပါ။ တဖက်ခြေထောက်ကို ဖြေးဖြေးချင်း မြှောက်ပြီး ဒူးကို ရင်ဘတ်နားကပ်အောင် ကွေးပါ။ 5-10sec ထိန်းထားပြီး။ဖြေးဖြေးချင်း ပြန်ချပါ။

2. ပက်လက်လှန်လှဲပြီး ဒူးနှစ်ဖက်ကွေး၊ ခြေဖဝါးများ ကြမ်းပြင်မှာ ပြားပြားချထားပါ။ ခါးကို ကြမ်းပြင်နဲ့ ဖိထားပြီး 5sec ကြာ တင်းထားပါ။ ပြီးရင် ဖြေလျော့ပါ။ ၅-၁၀ ကြိမ်လုပ်ပေးပါ။

3. ပက်လက်လှန်လှဲပြီး ဒူးနှစ်ဖက်ကို ကွေးကာ ညာနဲ့ဘယ်ကိုတစ်ဖက်စီစောင်းပေးပါ

✔ **ခါးကိုက်လျှင်** : ခြေထောက်နှစ်ဖက်ကြား ခေါင်းအုံးညှပ်အိပ်ပါ
ခုတင်ပေါ်တွင် ဘေး တစောင်းလှည့်ချင်တဲ့အခါမှာလဲ ‌‌‌‌‌‌‌‌‌‌‌‌‌‌ဒူးထောင်၍ ဒူးခါင်းနှစ်ခုကြား‌ေခါင်းအုံးညှပ်၍ လှည့်ပေးပါ။

🫨 Stressများလို့အသက်ရှူရခက်ခဲတာ‌ေတွ၊ငလျင်အတွင်းဖုန်နှင့်သဲများအသက်ရှူလမ်းကြောင်းအတွင်းဝင်ရောက်တဲ့အတွက် အလျင်လို့ အသက်ရှူလို့သိပ်မ‌ေကာင်းတဲ့သူတွေအတွက် သက်သာစေဖို့ လုပ်လို့ရတဲ့** အသက်ရှူ‌ေလ့ကျင့်ခန်း ကတော့

-ထိုင်ခံု (ဒါမှမဟုတ်)ကုတင်‌ေပါ်မှာ ထိုင်လျက်အနေထားနဲ့ ခန္ဓာကိုယ်ကိုရှေ့သို့အနည်းငယ်ကိုင်းပါ

-လက်ကိုသက်တောင့်သက်သာအ‌ေနအထားထားပြီး အသက်ကို 2sec‌ေလာက်အထိပြင်းပြင်းရှူရှူသွင်းပါ

-ရှူထုတ်တဲ့အခါ ပါးစပ်ကို‌ေလချွန်သလိုဟရုံဟ၍ဖြေးဖြေးခြင်းရှူထုတ်ပါ

ဒီလို အသက်ရှူသွင်းရှူထုတ် cycle‌ေလးကို အသက်ရှူရတာအဆင်ပြေလာတဲ့အထိ ဆက်တိုက် လုပ်‌ေဆာင်ပေးပါ

⚠ ဒီလိုအခြေအနေဆို ဆရာဝန်ပြပါ!**
❌ ညဘက်နာကျင်မှု အရမ်းဆိုးလာလျှင်
❌ ထုံကျင်ပြီး အားမရှိသလိုခံစားလာရလျှင်
❌ ၃ ရက်ကျော်သည်အထိ မသက်သာလျှင်

**"ငလျင်ဒဏ်ရာက သင့်ဘဝကို ရပ်တန့်မသွားပါစေနဲ့"**
ဒီနည်းလမ်းလေးတွေနဲ့ တဖြည်းဖြည်း ပြန်လည်သန်စွမ်းလာပါစေနော်။

06/04/2025

💢ဒီနေ့မှာတော့လူတိုင်းကြားဖူးကြတဲ့ ခါးနာခြင်း(Back Pain) အကြောင်းကိုရှင်းပြပေးမှာဖြစ်ပါတယ်

🔴ခါးနာခြင်းဆိုတာဘာလဲ

ခါးနာခြင်းဟာ ကျား/မ မရွေး၊အသက်အရွယ်မရွေး
ကြုံ‌‌တွေ့ ခံစားရနိုင်ပြီး အဖြစ်များတဲ့ရောဂါတစ်ခုဖြစ်ပါတယ်။အနည်းငယ်နာကျင်ကိုက်ခဲခြင်းမှပြင်းထန်တဲ့ နာကျင်ကိုက်ခဲခြင်းအထိဖြစ်စေနိုင်ပြီးရက်အနည်းငယ်မှ ရက်သတ္တပတ်အနည်းငယ်အထိ(acute/subacute) သို့မဟုတ်နာတာရှည်(chronic)လအတော်ကြာအထိ
ဖြစ်ပွားနိုင်ပါတယ်။

🚩ခါးနာခြင်းဖြစ်ပေါ်စေနိုင်တဲ့အကြောင်းရင်းတွေကရော
ဘာတွေဖြစ်မလဲ

◽Muscle Strain - ခန္ဓာကိုယ်အနေအထားမမှန်ခြင်း(poor posture)၊အလေးအပင်များမခြင်း၊ခန္ဓာကိုယ်ကိုရုတ်တရတ်အလျင်စလိုလှုပ်ရှားခြင်းများကြောင့် ကြွက်သားများ(muscles)၊အရိုးနှင့်ကြွက်သားတွယ်
ဆက်‌ပေးသည့်အရွတ်များတွင် ဒဏ်ဖြစ်ခြင်း။

◽ခါးရိုးဆစ်များကြားရှိအရိုးနု(disc)ပြား‌‌လေးများ ကျွံခြင်း၊ အတက်ထွက်ခြင်း(ကျီးပေါင်း)များကြောင့်အာရုံ‌ကြောများဖိမိခြင်း

◽အဆစ်အမြစ်ရောင်ခြင်း – Osteoarthritis၊spondylosis စသည့် အဆစ်မြစ်ရောင် ရောဂါများ‌ကြောင့်ကျောရိုးဖွဲ့ စည်းပုံများပြောင်းလဲခြင်း၊အရိုးနုပြားလေးများပါးလာခြင်း

◽အထိုင်များခြင်း၊မှားယွင်းသောလူနေမှုဘဝနေထိုင်မှုပုံစံများ(လမ်းလျှောက်ပုံမမှန်ခြင်း၊ကွန်ပျူတာအသုံးပြုသည့်အခါ‌ရှေ့သို့အရမ်းကုန်း၍အသုံးပြုခြင်း)
◽Sciatica – Sciatic Nerveဟု‌ခေါ်သော အာရုံကြောကြီးကို ဖိမိခြင်းကြောင့် ကျောအောက်ပိုင်းမှ ခြေထောက်များအထိ နာကျင်ခြင်း။
◽Osteoporosis –အရိုးပွခြင်း ကြောင့် အရိုးအလွယ်တကူကျိုးနိုင်ခြင်း
◽Spinal Stenosis - ပုံမှန်မဟုတ်သောကျောရိုးပြွန်ကျဉ်းခြင်းကြောင့် အာရုံကြောမကြီးနဲ့ အခြားသောအာရုံကြောများအပေါ် ဖိအား(pressure)သက်ရာက်ခြင်း
◽ပိုးဝင်ခြင်း/အကျိတ်များ – ကျောရိုးတီဘီရောဂါ (Pott’s disease) သို့မဟုတ် ကင်ဆာကြောင့် အကြိတ်ဖြစ်ခြင်းများ
◽လေ့ကျင့်ခန်းမလုပ်ခြင်း ကြောင့်ခါးပတ်ဝန်းကျင်နှင့်‌နောက်ကျောရှိ ကြွက်သားများအားနည်းခြင်း
◽အဝလွန်ခြင်း – ကိုယ်အလေးချိန်များနေခြင်း
◽ဆေးလိပ်သောက်ခြင်း ကလည်း ကျောရိုးရှိအာရုံကြောတစ်ရှူးများသို့သွေးထောက်ပုံမှူနည်းစေပြီးအာရုံကြာပျက်စီးမှုကိုပိုဆိုးစေပါတယ်
◽စိတ်ဖိစီးမှုနှင့် စိုးရိမ်ပူပန်မှုတွေကလည်းကြွက်သားများ တင်းမာမှုနှင့် နာတာရှည် နာကျင်မှုကို ဖြစ်စေပါတယ်

🔴💢ခါးနာခြင်း၏ လက္ခဏာများ
🔻ကျောအောက်၊ အလယ်၊ သို့မဟုတ် အပေါ်ပိုင်းများတွင် နာကျင်ခြင်း

🔻တင်ပါး၊ ခြေထောက်များ (sciatica) သို့မဟုတ် ပခုံးများအထိ နာကျင်မှုကို ပျံ့နှံ့ခြင်း

🔻တောင့်တင်းမှုများဖြစ်လာခြင်း၊ပုံမှန်အတိုင်းလှုပ်ရှားသွာလားမှုမပြုလုပ်နိုင်ခြင်း

🔻လှုပ်ရှားမှုများပြုလုပ်နေချိန် ၊ထိုင်နေစဉ်သို့မဟုတ် ကြာရှည်စွာ မတ်တပ်ရပ်နေစဉ်အတွင်းနာကျင်မှုပိုဆိုးလာခြင်း

🔻ခြေထောက်များတွင် ထုံကျင်ခြင်း၊ ယားယံခြင်း သို့မဟုတ် ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌အားနည်းနေသည်ဟုခံစားရခြင်း
⬆️✔️အထက်ပါ ရောဂါလက္ခဏာများ ခံစားနရပြီဆိုရင်တော့ လိုအပ်တဲ့ ဆေးကုသမှုများခံယူသင့်ပါတယ်
သက်ဆိုင်ရာအထူးကုဆရာဝန်ကြီးများနှင့်တိုင်ပင်ကုသခြင်းနဲ့အတူ
ကိုယ်ခန္ဓာသန်စွမ်းရေးကျွမ်းကျင်ပညာရှင်များဖြစ်ကြတဲ့(Physiotherapist)များ နှင့်
ပူးတွဲကုသခြင်းက ခါးနာခြင်းကို အမြန်ပြန်လည်‌‌သက်သာပြောက်ကင်းစေမှာဖြစ်ပါတယ်။

Physiotherapy ကုထုံးများ အနေနဲ့
📌နာကျင်မှု လျော့ပါးသက်သာစေရန်
TENS/ES စသည့် လျှပ်စစ်လှိုင်းအခြေခံထားသည့်စက်များဖြင့်ကုသပေးခြင်း
Ultrasound (အသံလှိုင်းအခြေခံ ထားသည့်)စက်ဖြင့်ကုသခြင်း
Infrared (အနီအောက်ရောင်ခြည်အသုံးပြုထားသည့်)စက်ဖြင့်ကုသခြင်း
စသည့်စက်များဖြင့်နာကျင်မှုသက်သာ‌အောင်ကုသပေးပြီး
📌ခါးအနီးတစ်ဝှိုက်ရှိကြွက်သားအားနည်းမှုများကို သန်စွမ်းလာ‌စေရန်နှင့်ပုံမှန်အတိုင်းလှုပ်ရှားသွားလာနိုင်‌စေရန် လေ့ကျင့်ခန်းကုထုံး(exercise therapy )များဖြင်ကုသပေးခြင်း

📌ခါးအနီးတစ်ဝှိုက်ရှိကြွက်သား‌တောင့်တင်းမှုများ‌ပြေလျော့စေရန်အကြော‌‌လျော့လေ့ကျင့်ခန်း(stretching)များ ပေးခြင်း
📌ကျောရိုးဆစ်ပြားများကျွံခြင်း၊အာရုံကြောပြွန်ကျဉ်းခြင်းစသည်တို့ကြောင့် အာရုံကြောမကြီးဖိမိခြင်း၊အာရုံကြောအပေါ်ဖိအားသက်ရောက်မှုများခြင်း၊ sciatic nerveဖိမိ၍ပေါင်တန်း ခြင်း၊ခါးကျီး‌ပေါင်းစသည်တို့အတွက် lumber Traction, Ankle Traction စသည့်စက်ဆွဲကုသခြင်း
📌ခန္ဓာကိုယ်အနေအထား၊ကိုယ်‌နေဟန်ထားမှန်အောင်ပြုပြင်သင်ကြားပေးခြင်း
စသည်တိုဖြင့် လူကြီးမင်းတို့၏ရောဂါအခြေအနေနဲ့လိုက်ပြီး တစ်ဦးခြင်းဆွေးနွေးကုသမှူများခံယူနိုင်ပါတယ်

💕💕💕

09880004515
No.6/8(C-မြေညီ) ဗျိုင်းရေအိုးစင်လမ်း၊ တာမွေ..
MOMENTUM Physiotherapy & Movement Studio

18/12/2024

Scoliosis

ဒီနေ့မှာတော့ Scoliosis နဲ့ပတ်သက်ပြီး အနည်းငယ်ရှင်းပြပေးသွားပါမယ်။
Scoliosisဆိုတာကို အနည်းနဲ့အများတော့ ကြားဖူးကြမယ်လို့ထင်ပါတယ်။
Scoliosis ဆိုတာကတော့ ကျောရိုးလမ်းကြောင်းမူမမှန်စွာ ကွေးခြင်းဖြစ်ပါတယ်။ ကျောရိုးလမ်းကြောင်းက ပုံမှန်ဆို သူ့နေရာနဲ့သူ ကွေးတာ ခွက်တာတွေရှိတယ်ပေါ့နော်။ ဒါပေမဲ့ Scoliosis မှာတော့‌ ပုံမှန်မျိုးမဟုတ်တဲ့ပုံစံမျိုးတွေနဲ့ ကွေးကောက်ကြပြီး ပုံမှန်ကျောပြင်က‌ ခုံးလာတာတွေ ခါးတွေစောင်းလာတာမျိုးတွေထိ ဖြစ်လာစေပါတယ်။

Scoliosisမှာဆိုရင် အရိုးကောက်တဲ့လမ်းကြောင်းပုံစံက
C ပုံစံနဲ့ Sပုံစံဆိုပြီး နှစ်မျိုးရှိပါတယ်
ကောက်တဲ့နေရာကတော့ လူ တစ်ယောက်နဲ့တစ်ယောက်မတူပါဘူး တချို့ကတော့ ကျောပြင် လက်ပြင်ပိုင်းမှာ ကောက်(ခုံး )ကြတယ် တချို့ကြတော့ ခါးနားမှာ ကောက်ကြပါတယ်။ ခါးတွေစောင်းလာတာမျိုးလည်းဖြစ်တတ်ပါတယ်
S shaped ဆိုရင်တော့ ကျောရော ခါးရောမှာကောက်တာမျိုးတွေ့ရတာများပါတယ်။

ဘယ်လိုလူတွေမှာ ဖြစ်ကြလဲ ဆိုရင်တော့ အာရုံကြောနဲ့ ကြွက်သားဆိုင်ရာ အားနည်းတဲ့သူတွေမှာ အဖြစ်များပါတယ်။နောက်ပြီး မွေးရာပါတာမျိုးတွေလည်းရှိတတ်ပါတယ်။

ပိုပြီးဂရုစိုက်ရမှာက ဆယ်ကျော်သက် အရွယ်လေးတွေမှာဆိုရင် အရိုးနဲ့ကြွက်သားတွေက ဖွံဖြိုးစလေးတွေဖြစ်တယ်၊ အနည်းငယ်အားနည်းနေသေးတယ်၊ အဲ့တာကြောင့် နေပုံထိုင်ပုံတွေမှားတာ‌နဲ့ scoliosis ဖြစ်လာနိုင်ပါတယ်။ နေပုံထိုင်ပုံ မှားတယ် ဆိုတာက ခဏတဖြုတ်အထိုင်ပုံစံမှားတာမျိုးတင်မဟုတ်ဘဲ အကြာကြီးထိုင်တယ်။ အဲ့အကြာကြီးထိုင်တာမှာ ပုံစံမှားလာတယ်။ တစ်ရက်တည်းမဟုတ်ဘဲ နေ့တိုင်းပုံစံအမှားနဲ့ထိုင်တယ်။ အဲ့လို လူမျိုးတွေမှာ ဖြစ်ဖို့များပါတယ်။ ဥပမာ ဂိမ်းဆော့တာ များတဲ့ကလေးတွေ၊ ထိုင်ရင် နောက်မှီကို မှီပြီးထိုင်တဲ့ကလေးတွေ၊ ခါးနဲ့ထိုင်တဲ့ကလေးတွေ၊ စာရေးရင်လည်း ခါးအရမ်းစောင်းပြီရေးတဲ့ကလေးတွေ တချို့ကြတော့‌လည်း Accident ဖြစ်ပြီး၊ ချော်လဲပြီး scoliosis ဖြစ်တာမျိုးတွေလည်းရှိတတ်ပါတယ်။

ဒီတော့ scoliosis ဖြစ်တာကို ကိုယ့်ဘာသာ ဘယ်လိုနေရင်းသိနိုင်မလဲဆိုတာက အစပျိုးခါစ ဖြစ်ခါစဆိုရင်က မသိသာတဲ့အတွက် ခန္ဓာကိုယ် ပုံသဏ္ဍာန်တွေပျက်ယွင်းလာကြမှသိလာကြပါတယ်။ ကနဦးသိဖို့ကတော့ ဓာတ်မှန်ရိုက်ကြည့်ရုံကလွဲရင်မရှိပါဘူး။ နောက်ပိုင်းပိုဆိုးလာမှသာ လက်ပြင်တစ်ဖက်ခုံးလာကြတာ၊ ခါးတစ်ဖက်သိမ်လာတာမျိုးတွေမြင်ရတဲ့အတွက် Scoliosis ရှိတာကိုသိလာကြရတာပါ။

Scoliosis ဆိုတာက ကုသလို့ရ မရဆိုတာကိုသိချင်ကြလိမ့်မယ်လို့ထင်ပါတယ်။
Scoliosis ကတော့ အသက်အရွယ်၊ ခါး‌စောင်းနေတဲ့ ဒီဂရီပေါ်မူတည်ပြီး ပေါ်မူတည်ပြီး ကုသပုံတွေကွာခြားပြီး ကုသနိုင် မကုသနိုင်လည်း ကွဲသွားပါတယ်။

ကုသပုံမှာဆိုရင် Brace တပ်ခြင်း၊ လေ့ကျင့်ခန်းလုပ်ခြင်း၊ ခွဲစိတ်ခြင်းအမျိုးမျိုးရှိပါတယ်။

မကုသဘဲထားရင်ရောဘာပြဿနာတွေ ရှိလာနိုင်မလဲ ?
မကုသဘဲထားရင်
ခါးပိုစောင်းလာမယ်၊
အဆုတ်ကို ဖိသလိုဖြစ်လာတဲ့အခါ အသက်ရှူတဲ့အချိန် အဆုတ်ကို လေအပြည့်မရောက်တာတွေဖြစ်လာနိုင်တဲ့အတွက် အသက်ရှူမဝတာတွေ မောတာတွေဖြစ်လာနိုင်တယ်၊
နှလုံးသွေးကြောလေးတွေပိမိပြီး သွေးလည်ပတ်မှုလည်း နည်းလာစေနိုင်တယ်၊
အဲ့တော့ရင်ဘတ်အောင့်လာတာမျိုး ဖြစ်လာနိုင်တယ်၊
ခါးနာလာတတ်တယ်၊
လမ်းလျှောက်ရတာ အဆင်မပြေဖြစ်လာတာမျိုးတွေထိကိုဖြစ်နိုင်ပါတယ်။

ဒါဆိုရင် ဒီနေ့မှာဝော့ာ scoliosis အကြောင်းကိုအနည်းနဲ့အများသိသွားပြီလို့ထင်ပါတယ်။
အပေါ်မှာ မကုသဘဲထားရင် ဖြစ်လာမဲ့ အကျိုးဆက်တွေကို ပြောပြပေးထားတာဖြစ်တယ် ကိုယ့်မှာ scoliosis ဖြစ်လာပြီဆိုတာ သိရင် သက်ဆိုင်ရာ ပညာရှင်များနဲ့ကုသဖို့မမေ့ကြပါနဲ့နော်။

scoliosis ရဲ့ ကုသပုံစံအကြောင်း ရယ် Daily life မှာဘယ်လိုနေပေးရမလဲ ဘယ်လို posture လေးတွေနဲ့နေပေးရမလဲဆိုတာကိုနောက်ထပ် post တစ်ခုမှာ ထပ်ရှင်းပြပေးပါမယ်နော်။

သာယာသော နေ့လေးတစ်နေ့ဖြစ်ပါစေ။

31/08/2024

𝐇𝐚𝐩𝐩𝐲 𝐒𝐚𝐭𝐮𝐫𝐝𝐚𝐲 💐💕

ᴍᴏᴍᴇɴᴛᴜᴍ ရဲ့ ᴋɴᴏᴡʟᴇᴅɢᴇ ꜱʜᴀʀɪɴɢ ꜱᴇᴄᴛɪᴏɴ မှကြိုဆိုလိုက်ပါတယ်။

ဒီနေ့မှာတော့ သက်ကြီးပိုင်း တွေမှာ ဘာဖြစ်လို့
လေ့ကျင့်ခန်းတွေလိုအပ်ရတာလဲဆိုတာကို ပြောပြပေးသွားမှာ ဖြစ်ပါတယ်။

ဟုတ်ပါပြီ ဒါဆို သက်ကြီးပိုင်းဆိုတာက ဘယ်အသက်အရွယ်တွေကိုခေါ်တာလဲ?
ပုံမှန်ဆိုရင်တော့ အများစုက ဆံပင်တွေဖြူလာမှ၊ ပါးရေ‌ေတွတွန့်လာမှ ၊ မှတ်ဉာဏ်တွေအားနည်းလာတော့မှ ၊လမ်းမလျှောက်နိုင်ဘဲ အိပ်ယာထဲလဲတော့မှသာ အသက်ကြီးလာတယ်ဆိုပြီးထင်ကြပါတယ်

အယ် ဒါတွေက တစ်ပိုင်းတစ်စ‌အနေနဲ့တော့မှန်တယ်ဆိုသော်ငြားလည်း အတိအကျအနေနဲ့ဆိုရင်တော့ အသက် 65နှစ်ကျော်လာပြီဆိုရင်တော့ ဒါဟာသက်ကြီးပိုင်းထဲစဝင်လာပြီဆိုရပါမယ်

သက်ကြီးပိုင်းရောက်လာရင် ခန္ဓာကိုယ်မှာ ဘာတွေပြောင်းလဲလာမလဲ?
အမြင်အာရုံတွေချို့ယွင်းလာမယ်
အကြားအာရုံတွေချို့ယွင်းလာမယ်
အရိုးပွလာမယ်
ကြွက်သားတွေအားနည်းလာမယ်
ခါးကိုင်းလာမယ်
တုန်တုန်ရီရီဖြစ်လာမယ်
ကျန်းမာရေးချို့ယွင်းချက်လေးတွေရှိလာမယ်
မှတ်ဉာဏ်အားနည်းလာမယ်
ဒီအချက်လေးတွေကတော့ ယေဘူယျအချက်လေးတွေဖြစ်ပါတယ်။ အသက်ကြီးလာတဲ့လူတိုင်းမှာ ဖြစ်တယ်လို့တော့မဆိုလိုပေမဲ့ အများစုမှာဖြစ်ကြပါတယ်။

ဒီအချက်လေးတွေက အသက် 65ရောက်ပြီ ကျော်သွားပြီဆိုတော့မှ ဝုန်းဒိုင်းကြီး ကောက်ဖြစ်တာမျိုးမဟုတ်ဘဲ အသက် 50 မှစပြီး ကနဦးလက္ခဏာတွေပေါ်လာပါတယ်။ဒါကို အများစုက အသက်ကြီးလာလို့ ပုံမှန်ဖြစ်တာပဲ ဆိုပြီး လွှတ်ထားမိတတ်ကြပါတယ်။

ဒီလိုလွှတ်ထားမိရင်နောက်ဆက်တွဲမှာဆိုရင် သွားလာလှုပ်ရှားရတာအဆင်မပြေတော့ဘူး၊ လမ်းလျှောက်နည်းလာမယ်၊သွေးလည်ပတ်မှုတွေလည်းနည်းလာမယ် တခြား ရောဂါတွေလည်းဝင်လွယ်လာမယ် လမ်းလျှောက်ရင်လည်း ချော်လဲနိုင်ချေများလာနိုင်ပါတယ်။ ဒီလိုဆို နောက်ဆက်တွဲရောဂါတွေတိုးလာတာ အခြေအနေဆိုးလာတာရှိနိုင်ပါတယ်။

ဒီလို ဘိုးဘိုးဘွားဘွား‌တွေ ကြွက်သားအားနည်းလာပြီဆိုရင် ဘယ်သူ့ကို အကူအညီတောင်းရမယ် ဘယ်သူ့ဆီက ကုသမှုခံယူရမယ်ဆိုတာကို အများစုကမသိကြပါဘူး။ ဆီးချို သွေးတိုးကို ထိန်းပေးမဲ့ ဆရာဝန်တွေရှိကြသလို ကြွက်သားကို မပျက်စီး၊အားမယုတ်အောင် ထိန်းပေးမဲ့ Physiotherapist တွေဆိုတာ ရှိကြပါတယ်။

Physiotherapist တွေဟာဆိုရင် လူနာတစ်ယောက်ချင်းစီရဲ့လိုအပ်ချက်ကို လိုအပ်တဲ့အရာပေါ်မူတည်ပြီး ‌လေ့ကျင့်ခန်းတွေ လိုအပ်တဲ့ကုထုံးတွေ ပေးပေးတာမျိုးပါ။ ဘိုးဘိုးဘွားဘွားတို့အကြောင်းကို Physiotherapist နဲ့တိုင်ပင်ပြီးရင်
Physiotherapist ကလည်း တစ်ယောက်ချင်းစီ လိုအပ်တဲ့လေ့ကျင့်ခန်းနဲ့တကွ အိမ်မှာဘယ်လို နေထိုင်ရမလဲဆိုတဲ့ Knowledge တွေကိုလည်းသင်ပေး ပြောပေးပါဝယ်။ ဒါပေမဲ့ Physiotherapist ကုသမှုတွေ ခံယူရုံနဲ့ မပြီးပါဘူး ကိုယ့်ရဲ့အိမ်မှာလည်း ဒီလေ့ကျင့်ခန်းတွေ ဒီညွှန်ကြားတဲ့အရာ ကို လိုက်လုပ်ဖို့လိုအပ်ပါတယ်။

တကယ်တော့ လေ့ကျင့်ခန်းက လူကြီးလူငယ်မရွေး တစ်ရက်ကို အနည်းဆုံး 15မိနစ် နာရီဝက်လောက်အချိန်ပေးပြီးလုပ်ကိုလုပ်သင့်ပါတယ်။ ဒါမှ ကိုယ့်ရဲ့သွားလာလှုပ်ရှားမှု သွေးလည်ပတ်မှု စိတ်ပိုင်းဆိုင်ရာကျန်းမာရေးတွေကို အမြဲထိန်းထားနိုင်မှာဖြစ်ပါတယ် ။

လေ့ကျင့်ခန်းဆိုလို့ လူအများစု ထင်ကြတာတော့ အားမှလုပ်ရတာ၊ အချိန်ရှိမှ လုပ်ရတာ၊ အပြင်အလုပ်နဲ့ပိနေလို့ လေ့ကျင့်ခန်းမလုပ်ဖြစ်တာ၊ အိမ်အလုပ်တွေနဲ့တင်ကိုပဲ လေ့ကျင့်ခန်းလုပ်ပြီးသားဖြစ်တယ် ဆိုတဲ့အကြောင်းပြချက်တွေနဲ့ မလုပ်ဖြစ်ကြတာများကြတယ်။ ဘိုးဘိုးဘွားဘွားတွေမှာဆိုရင် သာမန်လေ့ကျင့်ခန်းတင်မဟုတ်ဘဲ walking aids သုံးပုံသုံးနည်းတွေပါလိုအပ်ရင် လိုအပ်သလိုသင်ပေးရပါတယ်။

ဒီတော့ သက်ကြီးပိုင်းတွေမှာ လေ့ကျင့်ခန်းလုပ်ဖို့နဲ့ physiotherapist ကုသမှုအကြောင်းအရင်းကိုသိကြပြီထင်ပါတယ်။ ဒီနေ့တော့ ဒီလောက်နဲ့ရပ်ပါရစေ။

သာယာသောနေ့လေးတစ်နေ့ဖြစ်ပါစေ။

MOMENTUM Physiotherapy & Movement Studio

08/09/2025

28/06/2025

14/06/2025

05/06/2025

15/05/2025

04/05/2025

01/05/2025

27/04/2025

06/04/2025

18/12/2024

31/08/2024

Address

Website

Alerts

Shortcuts

Share

Category