Dr. Nutrition, Thiri Mingalar street, Mayangone (2025)

24/08/2025

ကလေး ဖြည့်စွက်စာကျွေးရင် အရွက်တွေ အသီးတွေ လိုတာထက် ပိုကျွေးမိရင် ဘာတွေ ဖြစ်လာမလဲ?

ဝါစိမ်းနီ စုံတာ ကောင်းပါတယ်။ ဒါပေမယ့် အများကြီးမလိုပါ။ လိုတာထက် ပိုကျွေးမိရင် ကလေးမှာ ဘာဖြစ်လာနိုင်လဲ????

1. အစာမကြေခြင်း - အမျှင် ဓါတ်တွေ ကို အစာအိမ်က မချေဖြတ်နိုင်ပါဘူး။ အများကြီး စားမိရင် နေမထိ ထိုင်မသာ ဖြစ်ပြီး ဝန်ူသွားချင် သလိုလိုနဲ့ မသွားပဲ ဗိုက်ပွ သလို ဖြစ်ပြီး ကလေး က အီနေတတ်ပါတယ်။
2. အာဟာရချို့တဲ့ခြင်း - အမျှင်ဓါတ် ကို လိုတာထက် ပို စား မိရင် အူလမ်းကြောင်း က အာဟာရ ဓါတ် တွေ သိပ်မစုပ်ယူနိုင်တော့ဘူး။ အကြောင်းအရင်း ကတော့ အမျှင် ဓါတ် တွေ အူထဲ အလွန် ရှုပ်ထွေးနေလို့ပါ။ ကလေးတယောက် ကြီးထွားဖို့လိုအပ်တဲ့ ကာဗိုဟိုက်ဒရိတ်၊ အသားဓါတ်၊ အဆီဓါတ်တွေ ရဖို့ အခွင့်အရေး နည်းသွားနိုင်ပါတယ်။
3. Food intolerance ဖြစ်လာခြင်း - ဒါကအသက်ကြီး လာရင် ဖြစ်နိုင်ပါတယ်။ အလွယ်ပြောရရင် တခုခု စားပြီးတာ နဲ့ အစာမကြေသလိုလို၊ ဝမ်းသွာချင်သလိုလို ဖြစ်လာတာပါ။
4. ဝမ်းလျှောခြင်း
5. ရေဓါတ်ခမ်းခြောက် ခြင်း - အမျှင် ဓါတ် က ရေဆွဲ ပါတယ်။ သောက်သမျှ ရေ ကို အမျှင် ဓါတ် က ဆွဲနေတော့ ခန္ဓာကိုယ်ထဲ ရေ မရောက်လာတော့ ဘူး ပေါ့

ဒါကြောင့် ဖြည့်စွက်စာ ချက်ရင် အသီး အရွက် ထမင်းစားဇွန်း ၂ ဇွန်း လောက်ဆို လုံလောက်ပါပြီ။

အရောင်လှတိုင်း အမြင်လှတိုင်း အများကြီးထည့်စရာတော့ မလိုပါ။

ထမင်း၊ ဆီ၊ အသား၊ ပဲ တွေ ပါအောင် ထည့်ပါ။

လေးစားစွာဖြင့်
ဒေါက်တာ ညီညီကျော်

#ဖြည့်စွက်စာ #ဝါစိမ်းနီ #ကလေး #အာဟာရ

23/08/2025

ကင်ဆာ နှင့် ဝိသမလောဘ သားများ

👉 သိကြတဲ့အတိုင်း ကင်ဆာ ဆိုတာ နဲ့ လူတိုင်း တုန်လှုပ် ခြောက်ခြား သွားကြတာချည်းပါပဲ။ ဘယ်လောက်ပဲ စိတ်ဓါတ် ကြံ့ခိုင်တယ် ပဲ ပြောပြော ကင်ဆာ ရှိတယ် လို့ သိရင် ကြောက်စိတ် စိုးရိမ်စိတ် တွေ စိတ်ဓါတ်ကျ လာတာ တွေ က အနည်းနှင့် အများ ရင်ဆိုင်ကြရပါတယ်။

ကျွန်တော် ကတော့ အာဟာရ ဆရာဝန် ဆို တော့ ကင်ဆာ သမားတွေ အတွက် အာဟာရ ရှု့ထောင့် ကနေ ပဲ အကြံပေးလေ့ ရှိပါတယ်။

ကင်ဆာ ရှိပြီလို့ ကြားတာ နဲ့ အရပ် ၁၀ မျက်နှာ က ဆရာကြီး တွေ ရောက် လာပြီး ဒါ မစားနဲ့ ဟိုဟာ မစား နဲ့၊ ဒါသောက်ကြည့် ဟိုဟာ သောက်ကြည့် နဲ့ ပြောတာ ကို ကင်ဆာ ဝေဒနာရှင် တွေ ကြုံဖူးပါလိမ့်မယ်။

တချို့က စေတနာနဲ့ သိသလောက် ပြောတာပါ။ ဒါပေမယ့် ပေးတဲ့ အသိပညာ က မှားနေတော့ လူနာ ကို မရည်ရွယ်ပဲ ဒုက္ခပေးသလိုဖြစ်သွားတာပေါ့။

တချို့က တမင် ကို လူနာ ကြောက်အောင် ခြောက်ပြီး ဟိုဆေးရောင်း ဒီဆေးရောင်း ဖြည့်စွက်စာ ရောင်းတာတွေလုပ်တာပါ။ ဒါကတော့ သိသိလျက် နဲ့ လူနာကို ဒုက္ခပေးတာပါ။

တလောကဆို ဖတ် လိုက်ရတာ ကင်ဆာ ဝေဒနာရှင်တွေ ကို ကင်ဆာ အလုံးသေးအောင် ဆိုပြီး ထမင်း လို ကစီဓါတ်ပါတဲ့ ကာဗိုဟိုက်ဒရိတ် တွေ မစားခိုင်းဘူးတဲ့။ ဒါမှ လဲ လူတွေက ဘာစားရမလဲ မသိတော့ ထိတ်ထိတ် လန့်လန့် ဖြစ် နောက်ဆက်တွဲ ကတော့ သူတို့ ဖြည့်စွက်စာတွေ ရောင်းထွက်သွားတာမျိုးပေါ့ …. ရက်စက် လိုက်တာ ဆိုတာ….

အခြေခံစားရမယ့် ထမင်း လိုမျိုး အစားအစာ က စားကို စားရပါမယ်။ ကင်ဆာ အလုံးသေးသွားတာနဲ့လဲ မဆိုင်ပါဘူး။

👉 ကင်ဆာ အတွက် စားသောက် နည်းဆို တာ ရိုးရှင်းပါတယ်။

1. သန့်ရှင်း လတ်ဆက် တာစားပါ
2. အသားဓါတ် ပိုစားပေးပါ
3. အဆီ အများကြီး မစားပါနှင့်
4. အငန် လျှော့စားပါ
5. အချိုလွန်ကဲ တာ မစားပါနှင့် (ဆီးချို၊ သွေးတွင်း ကိုလက်စထရောများမှာ ကြောက်လို့ပါ။ ကင်ဆာနှင့်မဆိုင်ပါ)
6. ကီမိုဆေးသွင်းနေပါက လမ်းဘေး အသုပ်၊ အချဉ်ပေါင်း၊ လက်လုပ်ချဉ်၊ စိပ်ထားပြီးသား အသီးအနှံတွေရှောင်ပါ။ (သရက်သီးစိပ်၊ နာနတ်သီးစိပ်) (စားချင်လွန်းရင် အိမ်မှာ အလုံးလိုက်ဝယ်ပြီး သန့်သန့်ရှင်းရှင်း ခွဲစားပါ)
7. ကီမိုဆေးသွင်းနေပါက အသီးစားရင် တတ်နိုင်သမျှ အခွံမာသီးတွေ စားပါ။ လိမ္မော်သီး၊ ငှက်ပျောသီး (ရည်ရွယ်ချက် က အခွံပါး သီးတွေ ဆိုရင် အခွံပါ စားမိတော့ အဲ့ပေါ်က ရောဂါပိုးမွှား ကောင် တွေက ကိုယ်ခံအားကျနေတဲ့ ကီမိုဆေးသွင်းနေတဲ့ လူနာ တွေ ကို ဒုက္ခပေးလို့ပါ) ကီမို ဆေး course ပြီး သွားပြီ ဆိုရင် နှစ်သက်ရာ အသီး (တရုတ်ထမင်းပန်းကန်လုံး တခွက်စာ) တနေ့ကို ၁-၂ ကြိမ် စားပါ။
8. ကီမိုဆေးသွင်းနေပါက ဟင်းရွက် တွေ ကို ချက်ပြီးမှ စားပါ။ အစိမ်းမစားရ။
9. ပိုးသတ်ထား/ သေချာ ကျိုချက်ထားသော နွားနို့ သောက်ပါ (ကျိုနည်းကို page မှာ ရေးထားပါတယ်၊ ရှာကြည့်ပါ)
10. ဆန်၊ ဂျုံ၊ ပြောင်း၊ အာလူး၊ ကန်ဇွန်းဥ စတာတွေ ကို သာမာန်လူအတိုင်းစားလို့ရပါတယ်။

ကဲ ကျွန်တော်တို့ အခုလို ကုန်စျေးနှုန်းကြီးနေတဲ့ အချိန်မှာ မလိုပဲ နဲ့ ဖြည့်စွက်စာတွေ၊ တခါတလေ ဘယ်ကထုတ်မှန်းမသိ၊ ဘာတွေပါမှန်း မသိတာ တွေ သောက်နေမယ့်အစား အရသာ ရှိရှိ နဲ့ သာမာန် လူတယောက် လို စားသောက်နေထိုင်ပါ။ တကယ့်ကို အကျိုးရှိပါတယ်။

တခုတော့ ရှိပါတယ်။ လူနာ က အစာအမာလုံးဝ မဝင်တော့တဲ့ အခြေအနေ၊ အစာလုံးဝ မစားချင်တဲ့ အခြေအနေ၊ ကီမိုသွင်းတော့ ဘာမှ မစားချင်ပဲ ခံတွင်းပျက် လို့ အရည် လိုမျိုးလေးပဲ သောက်နိုင်တဲ့ အခြေအနေ ဆိုရင် သက်ဆိုင်ရာ အာဟာရမှုန့် တွေ ကို ဆရာဝန် ညွှန်ကြားချက်အတိုင်း ဖျော်စပ် ပြီး တိုက်ရပါမယ်။ အဲ့အချိန်မှာ ဖြည့်စွက်အာဟာရမှုန့် (meal replacement) တွေက အရေးပါ ပါတယ်။

သာမာန် လူကောင်း အတိုင်း စားနိုင်နေတဲ့ သူကတော့ အပေါ် က ပြောသလိုသာ စားရင် လုံလောက်ပါတယ်။

အခုလို ကာလ မှာ မလိုအပ်ပဲ ဖြည့်စွက်စာ စားဖို့ အရမ်း တိုက်တွန်း နေတဲ့ သူတွေလဲ ကိုယ်ချင်းစာ စိတ်လေး ထားပြီး၊ လူနာ သာ ကိုယ့် ဆွေမျိုးသားချင်း ဖြစ်ရင် ဆိုတဲ့ စိတ်ကလေး နဲ့ တွေးပြီး ကူညီပေးသင့်ပါတယ် ….

လေးစားစွာဖြင့်
ဒေါက်တာ ညီညီကျော်

#အာဟာရ #ကင်ဆာ

21/08/2025

ကင်ဆာ ဆိုတာ နဲ့ ဒီလိုလိုက်စားကြည့်ပါ

ကင်ဆာ ဆိုပြီး ထွေထွေထူးထူး ဆန်းဆန်းပြားပြား တွေ စားစရာ မလိုပါဘူး….

အခြေခံ အချက် လေးတွေ သတိထားပေးဖို့ပဲ လိုပါတယ်။

1. တနေ့ ကို အစား ၄-၅ ကြိမ် လောက် စားပါ
2. အကြိမ် တိုင်း မှာ အသား၊ ငါး၊ ပဲ၊ ဥ၊ နို့ တခုခု ပါအောင် စားပါ
3. အဝ မလွန်ပါစေ နှင့်
4. အသားစစ်စစ်၊ ငါးစစ်စစ် တွေ ကို ဦးစားပေးစားပါ
5. အသားငါး တွေ ကို ကျက်အောင်ချက်ပါ
6. ဖြစ်နိုင်ရင် အစေ့အဆန် ထမင်းစားဇွန်း (၂) ဇွန်းစာ စားပါ (မြေပဲ၊ နေကြာစေ့၊ သီဟိုစေ့)
7. သစ်သီးတွေ စားရင် ရေသေချာ ဆေးပါ။ အခွံ့နွှာစားပါ။ လမ်းဘေး က စိပ်ပြီးသား အသီးတွေ မစားရင် ပိုကောင်းပါတယ်။
8. လူလုပ်အချို များ လျှော့စားပါ။ (အချိုရည်၊ သကြားလုံး၊ ချောကလက်၊ မလိုင်လုံး)
9. ငန်လွန်းတဲ့ အစားအစာ တွေ ရှောင်ပါ။
10. ဆီများလွန်းတာတွေ လျှော့စားပါ။

လေးစားစွာဖြင့်
ဒေါက်တာ ညီညီကျော်

#ကင်ဆာ #အာဟာရ

20/08/2025

Sport Nutrition Class (အားကစားဆိုင်ရာ အာဟာရသင်တန်း) Batch (19)

ဘာတွေသင်မှာလဲ????

1. အားကစား အမျိုးအစား အလိုက် ဘယ်အချိန်မှာ (carbohydrates, protein, fat) စတာတွေ ဘယ်လို တွက်ပြီး စားရမလဲ?
2. အားကစား အမျိုးအစားပေါ် မူတည်ပြီး Carbohydrates, Protein, Fat တွက်စားနည်း
3. အားကစား သမားများ အများစု သောက်နေတဲ့ supplement အကြောင်း
4. အန္တရာယ်ရှိသော supplement များ
5. Energy enhancer နဲ့ Mass enhancer များ အကြောင်း
6. Weight Management

တက်သင့်သူများ

1. Gym trainer များ
2. Muscle တက်အောင် ကစားနေသူများ
3. အားကစားသမားများ
4. ဝိတ်လျှော့နေသူများ
5. အားကစား supplement ရောင်းချနေသူများ

သင်တန်း ကာလ - September (19, 20, 21) သုံးရက် ဆက်တိုက်

အချိန် - 6pm - 8pm

သင်တန်းကြေး - ၃၀၀၀၀ ကျပ်

သင်တန်းပြီးဆုံးပါက - e certificate ပေးပါသည်။

သင်ကြားမယ့် သူ - Dr. Nyi Nyi Kyaw Dr. Nyi Nyi Kyaw
M.B,B.S (Ygn)
M.Sc (Nutrition & Dietetics) (Bedfordshire, UK)
Member Nutritionist from Singapore Nutrition & Dietetic Association (Singapore)
Certified Sport Nutrition Specialist (NCSF, USA)
Fellowship in Clinical Nutrition (India)

#အားကစားအဟာရ

19/08/2025

ဆီးချိုမတက်အောင် အစာစားရင် ဒီအချက် (၅) ချက် လိုက်လုပ်ပါ

သက်ဆိုင်ရာ ဆရာဝန် တွေ ပေးထားတဲ့ ဆေးတွေ သောက်ပြီး နည်းမှန် လမ်းမှန် စားမယ် ဆိုရင်တော့ ဆီးချိုမတက်အောင် လုပ်လို့ရနိုင်ပါတယ်

1. လှုပ်လှုပ်ရှားရှား မလုပ်ခင်/ လုပ်ပြီး အချိန် နား တဝိုက် မှာ ကာဗိုဟိုက်ဒရိတ် (ဆန်/ ဂျုံ/ ပြောင်း/ ပေါက်မုန့်/ အာလူး) စားပါ။ လေ့ကျင့်ခန်း လုပ်ထားရင် အင်ဆူလင် လုပ်နိုင်စွမ်း ပိုကောင်းတော့ ဆီးချို သိပ်မတက်နိုင်ပါဘူး။

2. ကောင်းတဲ့ အဆီ (Good fat/ unsaturated fat) နဲ့ ကာဗိုဟိုက်ဒရိတ် တွဲစားပါ။ ဥပမာ - မြေပဲ၊ သီဟိုစေ့၊ ပင်လယ်ငါး၊ ငါးတန်၊ ငါးကွမ်းရှပ်၊ ငါးမုတ်၊ ငါးသေတ္တာငါး၊ ထောပတ်သီး။

3. Low GI အစားအစာ များ စားပေးပါ။ - ပဲအမျိုးမျိုး၊ အုပ်ဂျုံ၊ ပါစတာ၊ ဆန်လုံးညို၊ ဘာလီ၊ ခင်းဝါ

4. အမျှင်ဓါတ်များများ စားပေးပါ။ ထမင်းစားရင် အရွက် ကြော်များများ နဲ့ တွဲစားပေးပါ။ အရွက်ကြော်များများ စားလို့ ထမင်း စားတာ လျော့ သွားသလို အရွက်တွေ များလို့ အစာထဲ က သကြား စုပ်ယူမှု့ကိုလဲ ကျသွားလို့ပါ။

5. ဗိုက်ပြည့်ရုံ စားပါ။ တင်းကားအောင် မစားပါနှင့်။

လေးစားစွာဖြင့်
ဒေါက်တာ ညီညီကျော်

#ဆီးချို #အာဟာရ

18/08/2025

မီးယပ်သွေးဆုံးကိုင်ရင် ဘာတွေ စားပေးသင့်လဲ????

သွေးဆုံးခါနီး နဲ့ သွေးဆုံးပြီး နောက်ပိုင်းမှာ အမျိုးသမီးတွေ မှာ ဟော်မုန်းနဲ့ ပက်သက်တဲ့ လက္ခဏာတွေ ကြုံတွေ့နိုင်တာကတော့ဘအနည်းအများ ပဲ ကွာပါတယ်။ ကြုံတာတော့ ကြုံတွေ့ကြရတတ်စမြဲပါပဲ…..

အဲ့လို ကာလတွေ မှာ ဘာတွေ စားပေးသင့်လဲ? ဘာတွေ ရှောင်သင့်လဲ?

1. အသားဓါတ် - အနီရောင် အသားတွေထက် အဖြူရောင် အသား ကြက်၊ ငါး ဦးစားပေးစာပေးပါ။ ဥအမျိုးမျိုး၊ ပဲ၊ တိုဟူး၊ ပဲပြား
2. အဆီ - စားအုန်းဆီ၊ ဝက်ဆီ၊ ရေခွံ၊ ထောပတ်၊ မာဂျရင်း၊ သုံးထပ်သား စတာတွေ ရှောင်ပြီး ပဲဆီ၊ ပဲပိစပ်ဆီ၊ နေကြာဆီ၊ သံလွင်ဆီ စတာတွေ စားပါ။
3. ကယ်ဆီယမ် နှင့် ဗီတာမင် ဒီ အတွက် - နို့သောက်ပါ။ အစိမ်းရင့်ရောင် အသီးအရွက်၊ ပန်းပွင့်စိမ်း၊ ငါးသေးသေးလေး စားပေးပါ။မနက်ပိုင်း နေပူစာ ၁၀ မိနစ်ခန့် လှုံပါ။
4. အမျှင်ဓါတ် ရအောင် - အရွက်အသီး၊ အုပ်ဂျုံ၊ ဆန်လုံးညို၊ ပဲ စားပေးပါ။
5. ရေ - တစ်လီတာခွဲ ကနေ နှစ်လီတာ သောက်ပေးပါ။
6. အချိုရည်၊ အရက် ရှောင်ပါ။
7. ကော်ဖီ အလွန်အကျွံ သောက်ခြင်း ရှောင်ပါ။

အရေးအကြီးဆုံး ကတော့ ကြွက်သားလေ့ကျင့်ခန်း နှင့် လမ်းလျှောက်တာ ကို နေ့စဉ် ရအောင် လုပ်ပေးပါ။

လေးစားစွာဖြင့်
ဒေါက်တာ ညီညီကျော်

#သွေးဆုံး #ဓမ္မတာ #မီးယပ်သွေးဆုံး

16/08/2025

အသီးအရွက် တွေ အများကြီး စားရင် သတိထားပါ

အသီး အရွက် များများ စားပေး…. ကျန်းမာအောင်၊ ဗီတာမင် သတ္တုဓါတ်တွေ ရအောင်၊ ဝမ်းမချုပ်အောင် …. စသဖြင့် လူတိုင်း နီးပါး၊ ဆရာဝန်တိုင်း နီးပါး ပြောကြမှာပါ….

လိုတာထက် ပိုပြီး အသီးအရွက် စားတာ များလာရင် ရော????

တနေ့ကို

အရွက် - တရုတ် ထမင်းစား ပန်းကန်လုံး ၁ - ၂ ခွက်
(Edit - ချက်ပြီးသား ဆိုရင် ၁-၂ ခွက်/ မချက်ရသေးတဲ့ အစိမ်း ဆိုရင် ၃-၄ ခွက် - ချက်ပြီးရင် နွမ်းသွားလို့ပါ)

အသီး - တရုတ် ထမင်းစား ပန်းကန်လုံး ၁ ခွက်လောက် စားရင် အကြမ်းဖျင်း လုံလောက်ပါတယ်။

အဲ့လို မဟုတ်ပဲ fruits and Vegetables Diet ပုံစံမျိုး၊ တနေကုန် အသီး ၄-၅ ခွက်လောက် စားတာ၊ အရွက် ၄-၅ ခွက် လောက် စားတာ ကြာလာရင် ….

1. အစာမကြေခြင်း - အမျှင် ဓါတ်တွေ ကို အစာအိမ်က မချေဖြတ်နိုင်ပါဘူး။ အများကြီး စားမိရင် နေမထိ ထိုင်မသာ ဖြစ်ပြီး အိမ်သာ တက်ချင်သလိုလို၊ တကယ် အိမ်သာ တက်တော့ လဲ ဝမ်းက မသွားပဲ ဗိုက်ပွ သလို ဖြစ်တတ်ပါတယ်။
2. ဆီးချို ဖြစ်နိုင်ပါတယ် - အမ်…. ဟင်းသီးဟင်းရွက်တွေ စားတာ လေ ဆီးချို ကာကွယ် ပေးရမှာပေါ့ ???? အချိုများတဲ့ အသီးတွေ လိုတာထက် ပိုပြီး စားရင် ဆိးချိုဖြစ်နိုင်ပါတယ်။ ဥပမာ - ည စာ ထမင်း မစားဘူး ဆိုပြီး ဖရဲသီးတခြမ်း စားလိုက်တာမျိုး၊ ကျွဲကောသီး တခြမ်း စားမိတာမျိုးပေါ့
3. အာဟာရချို့တဲ့ခြင်း - အမျှင်ဓါတ် ကို လိုတာထက် ပို စား မိရင် အူလမ်းကြောင်း က အာဟာရ ဓါတ် တွေ သိပ်မစုပ်ယူနိုင်တော့ဘူး။ အကြောင်းအရင်း ကတော့ အမျှင် ဓါတ် တွေ အူထဲ အလွန် ရှုပ်ထွေးနေလို့ပါ။
4. Food intolerance ဖြစ်လာခြင်း - အလွယ်ပြောရရင် တခုခု စားပြီးတာ နဲ့ အစာမကြေသလိုလို၊ ဝမ်းသွာချင်သလိုလို ဖြစ်လာတာပါ။
5. ဝမ်းလျှောခြင်း
6. ရေဓါတ်ခမ်းခြောက် ခြင်း - အမျှင် ဓါတ် က ရေဆွဲ ပါတယ်။ သောက်သမျှ ရေ ကို အမျှင် ဓါတ် က ဆွဲနေတော့ ခန္ဓာကိုယ်ထဲ ရေ မရောက်လာတော့ ဘူး ပေါ့

အဲ့ဒီတော့ ဘယ်အရာမဆို မျှမျှ တတ နဲ့ အလွန်အကြူး မဖြစ်အောင် စားတတ် ကြဖို့ တိုက်တွန်း ပါရစေ။

လေးစားစွာဖြင့်
ဒေါက်တာ ညီညီကျော်

#ဟင်းသီးဟင်းရွက် #အစာမကြေ #ဝမ်းလျှော

15/08/2025

Quinoa (ခင်းဝါ လို့လဲ အသံထွက်ပါတယ်)

ကျွန်တော်တို့မြန်မာတွေ နဲ့တော့ သိပ်မရင်းနှီးသေးတဲ့ အစားအစာ တစ်ခု လဲ ဖြစ်ပါတယ်။

ချက်ပြီးသား Quinoa တခွက် (185 ဂရမ်) မှာ ဆိုရင်
* ကယ်လိုရီ - 222
* ကာဗိုဟိုက်ဒရိတ် - 39 ဂရမ်
* အဆီဓါတ် - 4 ဂရမ်
* အသားဓါတ် - 8 ဂရမ်
* အမျှင်ဓါတ် - 5 ဂရမ် (အတော်များပါတယ်)
* သံဓါတ်
* သွပ်ဓါတ်
* မဂ္ဂနီဆီယမ်
* မဂ္ဂနိစ်
* ဖောလိတ်
* ပိုတက်ဆီယမ်
* ကော့ပါး
* ဗီတာမင် B1,2,3,6 တို့ပါဝင်ပါတယ်

Quinoa (ခင်းဝါ) မှာ quercetin နှင့် kaempferol စတဲ့ ဓါတ်တိုးဆန့်ကျင် ၂ ခု ပါဝင်တဲ့ အတွက် ယောင်ယမ်းတာ၊ ကင်ဆာရောဂါ၊ စိတ်ကျရောဂါ စတာတွေ ကို ကာကွယ်ပေးနိုင်ပါတယ်။

ဘယ်လို လူတွေ စားသင့်လဲ?

1. အဝလွန်သူများ
2. ဆီးချိုရှိသူများ
3. သွေးတွင်းကိုလက်စထရော များသူများ
4. အဆစ်အမြစ် ယောင်ယမ်းနေသူများ
5. ဝမ်းချုပ်သူများ
6. Gluten free diet စားနေသူများ
7. အူလမ်းကြောင်းရောဂါ ရှိသူများ (irritable bowel syndrome (IBS), inflammatory Bowel Disease)
8. ကြွက်သားတက်အောင် train နေသူများ

Quinoa (ခင်းဝါ) ကို ချက်တော့မယ်ဆိုရင် တော့ မချက်ခင် ရေနဲ့ စိမ်ထားသင့်ပါတယ်။ ဒါမှ သူ့မှာ ပါတဲ့ အာဟာရဓါတ် စုပ်ယူမှု့ကို အနှောင့်အယှက် ဖြစ်စေတဲ့ phytic acid က ကုန်သွားပြီး ပါဝင်တဲ့ အာဟာရဓါတ် တွေ ကို အူလမ်းကြောင်း က ကောင်းကောင်း စုပ်ယူနိုင်မှာပါ။

ချက်နည်း (အကြမ်းဖျင်း)

- ရေနွေးဆူအောင် တည်ပါ
- Quinoa (ခင်းဝါ) ထည့်ပါ
- ဆားအနည်းငယ် ထည့်ပါ
- ၁၅-၂၀ မိနစ် ပြုတ်ပါ
- ဒါဆို စားလို့ရတဲ့ အနေအထားရပါပြီ။
အဲ့နောက်ပိုင်းမှ ထမင်းကြော်ပုံစံ လို ကြော်စားတာ၊ သုတ်စားတာ စတာတွေ လုပ်နိုင်ပါတယ်။

လေးစားစွာဖြင့်
ဒေါက်တာ ညီညီကျော်

#ခင်းဝါ

14/08/2025

မီးယပ်သွေးဆုံးကိုင်ရင် ဘာတွေ စားပေးသင့်လဲ????

သွေးဆုံးခါနီး နဲ့ သွေးဆုံးပြီး နောက်ပိုင်းမှာ အမျိုးသမီးတွေ မှာ ဟော်မုန်းနဲ့ ပက်သက်တဲ့ လက္ခဏာတွေ ကြုံတွေ့နိုင်တာကတော့ အနည်းအများ ပဲ ကွာပါတယ်။ ကြုံတာတော့ ကြုံတွေ့ကြရတတ်စမြဲပါပဲ…..

အဲ့လို ကာလတွေ မှာ ဘာတွေ စားပေးသင့်လဲ? ဘာတွေ ရှောင်သင့်လဲ?

1. အသားဓါတ် - အနီရောင် အသားတွေထက် အဖြူရောင် အသား ကြက်၊ ငါး ဦးစားပေးစာပေးပါ။ ဥအမျိုးမျိုး၊ ပဲ၊ တိုဟူး၊ ပဲပြား
2. အဆီ - စားအုန်းဆီ၊ ဝက်ဆီ၊ ရေခွံ၊ ထောပတ်၊ မာဂျရင်း၊ သုံးထပ်သား စတာတွေ ရှောင်ပြီး ပဲဆီ၊ ပဲပိစပ်ဆီ၊ နေကြာဆီ၊ သံလွင်ဆီ စတာတွေ စားပါ။
3. ကယ်ဆီယမ် နှင့် ဗီတာမင် ဒီ အတွက် - နို့သောက်ပါ။ အစိမ်းရင့်ရောင် အသီးအရွက်၊ ပန်းပွင့်စိမ်း၊ ငါးသေးသေးလေး စားပေးပါ။မနက်ပိုင်း နေပူစာ ၁၀ မိနစ်ခန့် လှုံပါ။
4. အမျှင်ဓါတ် ရအောင် - အရွက်အသီး၊ အုပ်ဂျုံ၊ ဆန်လုံးညို၊ ပဲ စားပေးပါ။
5. ရေ - တစ်လီတာခွဲ ကနေ နှစ်လီတာ သောက်ပေးပါ။
6. အချိုရည်၊ အရက် ရှောင်ပါ။
7. ကော်ဖီ အလွန်အကျွံ သောက်ခြင်း ရှောင်ပါ။

အရေးအကြီးဆုံး ကတော့ ကြွက်သားလေ့ကျင့်ခန်း နှင့် လမ်းလျှောက်တာ ကို နေ့စဉ် ရအောင် လုပ်ပေးပါ။

လေးစားစွာဖြင့်
ဒေါက်တာ ညီညီကျော်

#သွေးဆုံး #ဓမ္မတာ #မီးယပ်သွေးဆုံး

13/08/2025

Uric Acid များနေရင် မစားသင့်တဲ့ အသီးများ

အောက်ပါ အသီးတွေ က uric acid ထုတ်တာ ကို အားပေးစေတဲ့ အတွက် uric acid များနေရင်/ ခြေဆစ်လက်ဆစ် ကိုက်ခဲနေချိန် တွေ ဆိုရင် ရှောင်သင့်ပါတယ်

Purine ပါဝင်မှု့နည်းပေမယ့် သကြား (fructose) ပါဝင်မှု့များလို့ uric acid တက်စေနိုင်ပါတယ်

1. ဒူးရင်းသီး
2. အသီးခြောက်
3. စွန်ပလွန်/ စပျစ်သီးခြောက်
4. Logan သီး (သမင်မျက်လုံးသီး/ လိုဂန်သီး)
5. ပိန္နဲသီး
6. လိုင်ချီး
7. ကြက်မောက်သီး
8. အသီးဖျော်ရည် (အသီး အလုံးလိုက် စားတာ သာ ပိုကောင်းပါတယ်)

လေးစားစွာဖြင့်
ဒေါက်တာ ညီညီကျော်

#ယူရစ်အက်ဆစ် #အသီး

12/08/2025

ကလေးတွေ ကို ကြက်ဥ ကာကျက် ကျွေးလို့ ရလား

(1) နှစ်အောက် ကလေး - မရပါ

(5) နှစ် အောက် ကလေး - ကြက်ဥ က ပိုးသတ်ထားတာ မဟုတ်ရင် - မရပါ

ကျန်းမာရေး အဖွဲ့အစည်း အများစု က အခု လို ထုတ်ပြန်ထားပါတယ်။

ဆယ်မိုနဲလား ပိုး ကို ကြောက်လို့ပါ။

မြန်မာ တနိုင်ငံ လုံး အတိုင်းအတာ အနေနဲ့ ပိုးသတ်ထားတဲ့ ကြက်ဥ မရနိုင်တဲ့ အတွက် မကျွေးသင့်ပါဘူး။

ကာကျက်ပဲ မဟုတ်ပါဘူး။ half fried ကြက်ဥ အနှစ် မကျက်တကျက် ကြော်တာ တောင် (၅) နှစ်အောက် ကလေး မှာ မကျွေးသင့်ပါဘူး။

ပြုတ်မယ် ဆိုရင် - ရေနွေးဆူပြီး ၉-၁၂ မိနစ် အထိ ထားပြီး ပြုတ်ကျွေးသင့်ပါတယ်။

အရေးအကြီးဆုံး က ကြက်ဥ ကို ကျက်အောင်ချက်ပေးပါ။

လေးစားစွာဖြင့်
ဒေါက်တာ ညီညီကျော်

#ကြက်ဥ #ကာကျက်

12/08/2025

Basic Nutrition Class (အာဟာရ အခြေခံ သင်တန်း)

Class ( #အာဟာရ #အခြေခံ သင်တန်း) batch (39) (3 ရက် ဆက်တိုက်) အတန်း စတင်လက်ခံပါပြီ

သင်ကြားပေးမည့် ခေါင်းစဉ်များ

1. တွက်ချက်နည်း
2. တဦးချင်းစီ အလိုက် ကယ်လိုရီ လိုအပ်ချက် တွက်ချက်နည်း (BMR/TEE)
3. #ကာဗိုဟိုက်ဒရိတ် အကြောင်း
4. #အသားဓါတ် အကြောင်း
5. #အဆီဓါတ် အကြောင်း
6. အမျှင်ဓါတ်
7. ဗီတာမင် နှင့် သတ္တုဓါတ် အကြောင်း
8. အစားအသောက်များ ၏ ကယ်လိုရီ တွက်ချက်နည်း (exchange list)
9. Label (အာဟာရတန်ဖိုး ဇယား) ရေးနည်း/ ဖတ်နည်း
10. #သွေးတိုးရောဂါ အတွက် အစားအသောက်ပုံစံ
11. #ဆီးချို အတွက် အစားအသောက်ပုံစံ
12. #သွေးတွင်းအဆီဓါတ်များသူများ အတွက် အစားအသောက်ပုံစံ
13. #ကင်ဆာရောဂါ အတွက် အစားအသောက် ပုံစံ
14. နာတာရှည် #ကျောက်ကပ်ရောဂါ အတွက် အစား အသောက်ပုံစံ
15. #ဝိတ်ချ၊ #ဝိတ်တင် နေသူများအတွက်Diet plan/ meal plan ရေးနည်း

စတာတွေ ကို သင်ကြားပေးမှာ ဖြစ်ပါတယ်။

တက်ရောက်သင့်သူများ

1. trainer
2. box လုပ်သူများ
3. နာတာရှည်ရောဂါသည် ကို ပြုစုနေသူများ
4. #ဝိတ်ချ၊ ဝိတ်တင်နေသူများ
5. #ကျန်းမာရေး နယ်ပယ်မှာ လုပ်ကိုင်နေသူများ

သင်ကြားမယ့် ပုံစံ ကတော့ - zoom meeting နဲ့ပါ

သင်တန်းရက် ကတော့ - Batch - 39 (September 12, 13, 14) - 6 pm - 8:00 pm

သင်တန်းကြေး - ၃ သောင်း ကျပ်

သင်တန်းပြီးဆုံးကြောင်း Certificate ကိုemail ပို့ပေးပါတယ် ခင်ဗျာ

Messenger က တဆင့် စုံစမ်းပြီး အပ်လို့ရပါပြီ ခင်ဗျာ

#အာဟာရအခြေခံ

Dr. Nutrition

24/08/2025

23/08/2025

21/08/2025

20/08/2025

19/08/2025

18/08/2025

16/08/2025

15/08/2025

14/08/2025

13/08/2025

12/08/2025

12/08/2025

Address

Website

Alerts

Contact The Practice

Shortcuts

Share