ATHA Yoga Corner

08/12/2025

အသစ်အသစ်တွေကို သင်ယူကြတဲ့အခါ၊ ဒါမှမဟုတ် အကြောင်းအရာတစ်ခုကို တစ်စုံတစ်ယောက်က ပြောတာကြားရတဲ့အခါမျိုးမှာ ဒါသည်သာအမှန်ပဲလို့ ချက်ချင်း လက်ခံလိုက်ခြင်းဟာ လူသားတစ်ယောက်ရဲ့ ကျိုးကြောင်းဆီလျော် ဆင်ခြင်တွေးခေါ်ခြင်း အတတ်ပညာကို သေဆုံးစေပါတယ်။

များသောအားဖြင့် ပြောတဲ့သူဟာ သူ့ရဲ့ ရှုထောင့်ကနေသာ မြင်ရပြီး ပြောတာဖြစ်လို့ ဖြတ်သန်းကြီးပျင်းမှု ပုံစံတွေ ကွဲလွဲတဲ့ အခြားလူတစ်ယောက်အတွက် အမှန်တရား ဖြစ်ချင်မှ ဖြစ်နေမှာပါ။ ဒီလိုပြောလို့ ပြောသမျှ လက်မခံပဲ အပြိုင်အဆိုင် အငြင်းပွါးနေဖို့လည်း မလိုအပ်ပါဘူး။

ဒါကြောင့်အကြောင်းအရာ တစ်ခု သိရ၊ ကြားရရင် ကျွန်တော်တို့ အနေနဲ့ ကိုယ့်အတွက် ဟုတ်မဟုတ်၊ တကယ်အလုပ်ဖြစ်မဖြစ် ပြန်လည် စစ်ဆေးနိုင်ဖို့အတွက် ကိုယ်တိုင် လိုက်လုပ်ကြည့်လို့ ရပါတယ်။

ကိုယ်တိုင် ထိတွေ့ခံစား လေ့ကျင့်ဖြတ်သန်းပြီး ရရှိလာတဲ့ အတွေ့အကြုံ (experiential knowledge) တွေကတော့ ကိုယ့်အတွက် အတိုင်းအတာတစ်ခုထိ ယုံကြည်လို့ ရနိုင်ပါတယ်။ ကိုယ်လျှောက်တဲ့ လမ်းအတွက် ခိုင်မာတဲ့ မြေပုံတစ်ခုလည်း ဖြစ်လာပါလိမ့်မယ်။

ကျိုးကြောင်းဆက်စပ်တွေးခေါ်ဆင်ခြင် ခြင်းသည် အပြန်အလှန်အငြင်းပွါးရန်မဟုတ်ပဲ သူတစ်ပါး ပါးစပ်ဖျားမှာ လမ်းဆုံးမနေစေရန် သာ ဖြစ်ပါတယ်။

YOGA ကို မှန်ကန်စွာလေ့ကျင့်ခြင်းဟာ လူ့တစ်ယောက်ဖြစ်တည်မှုရဲ့ စိတ်ရောခန္ဓာကိုယ် ကျန်းမာရေးအတွက် အများကြီး အထောက်အပံ့ ပေးနိုင်ပါတယ်။

ကျွန်တော်ပြောတာ မယုံပဲ ကိုယ်တိုင် လေ့ကျင့်ခံစားကြည့်ပါ။



#အောက်ခြေခိုင်အောင်အခြေခံကစကြမယ်

07/12/2025

အကြောင်းအရာတစ်ခုကို သင်ယူလေ့လာကြတဲ့အခါ သင်ကြားသူတစ်ယောက်တည်း ကပဲတောက်လျှောက် ပြောသွား အချိန်ပြည့်တော့ သင်တန်းပြီးဆုံးသွားတာထက်စာရင် သင်ယူသူတွေကပါ မေးခွန်းတွေ အပြန်အလှန် မေးကြရင်း လက်တွေ့ လေ့ကျင့်မှုတွေနဲ့ ကိုယ်စီအတွေ့အကြုံတွေကနေ တူတူအဖြေရှာ၊ အဖြေပြန်တိုက်ကြတဲ့ အခါ ပိုပြီး မှတ်မိလွယ်ပါတယ်၊ ခေါင်းထဲစွဲပါတယ်။

မေးခွန်းတွေ မေးကြတဲ့အခါ ကိုယ်သိချင်တဲ့ အကြောင်းအရာနဲ့ မေးရခြင်းရဲ့ ရည်ရွယ်ချက် ရှင်းလင်းပြတ်သားနေတဲ့အခါ အဖြေတွေလည်း ရိုးရှင်းလွယ်ကူစွာ ရရှိနိုင်ပါတယ်။

နောက်တစ်ခုကတော့ သင်ယူသူတွေဘက်က မေးခွန်း ပြန်မေးတယ်ဆိုတာဟာ စာပြန်လုပ်ဖြစ်နေတယ်လို့ အနီးစပ်ဆုံးကောက်ချက်ချလို့ ရပါတယ်။ နောက်တစ်နည်းပြောရရင် သင်ယူထားတဲ့ စာတွေကို လေ့ကျင့်မှုတွေမှာ တကယ် လက်တွေ့ အသုံးပြန်ချဖို့၊ နှီးနွယ်ယူဖို့ စတင်ကြိုးစားနေပြီလို့လည်း သတ်မှတ်လို့ ရပါတယ်။

ဒါကြောင့် မေးခွန်းတွေကို ကြိုဆိုပါတယ်။ မေးခွန်းတွေ အပြန်အလှန်မေးပြီး သင်ကြားမှုမှာ အထောက်အကူပြုနိုင်ဖို့ တစ်ရက်စာ တစ်ရက် စာပြန်ဖတ်ပါ။



#အောက်ခြေခိုင်အောင်အခြေခံကစကြမယ်

06/12/2025

လူ့ခန္ဓာကိုယ်အကြောင်း လေ့လာကြတဲ့အခါ တကမ္ဘာလုံးမှာ တူညီစွာ အသုံးပြုကြတဲ့ Anatomical Standard Form ဆိုတဲ့ အခြေခံအချက်ကလေးကို သိထားရင် အရိုးတွေရဲ့ အရင်း၊ အဖျား ကို သတ်မှတ်တဲ့အခါ အင်မတန် လွယ်ကူပါတယ်။

Anatomical Standard Form ကို ဆေးရုံ၊ ဆေးခန်း တွေက လူ့ခန္ဓာကိုယ်အကြောင်း ပိုစတာ တွေအပြင်၊ ခန္ဓာကိုယ်ပုံစံငယ်တွေ နဲ့ Application တွေမှာလည်း လွယ်ကူစွာ တွေ့ရှိလေ့လာနိုင်ပါတယ်။

အထူးပြု ပြသချင်တဲ့ အခြားသော အကြောင်းအရာသာမရှိဘူးဆိုရင် လူတစ်ယောက် မတ်တပ်ရပ်နေစဉ် လက်နှစ်ဖက် ပက်လက်လှန်ထားတဲ့ ပုံစံဟာ တစ်ကမ္ဘာလုံးမှာ တူညီစွာ အသုံးပြုနေတဲ့ Anatomical Standard Form ဖြစ်ပါတယ်။



#အောက်ခြေခိုင်အောင်အခြေခံကစကြမယ်

05/12/2025

လူ့ခန္ဓာကိုယ်အကြောင်း သင်ယူရတဲ့ Anatomy မှာ ကြားကနေ တစ်ခုချင်း ဖောက်စဉ်းစားတာထက်စာရင် အပေါ်ကနေ အောက်ဆင်း (သို့) အောက်ကနေအပေါ်တက်၊ တဆင့်ချင်း စဉ်းစားသွားရင် ပိုပြီးလွယ်ကူသလို ကြားထဲမှာ မေ့ကျန်ခဲ့တာမျိုး မဖြစ်စေတာမို့ Easy Anatomy Learning Tips အနေနဲ့ တင်ဆက်လိုက်ပါတယ်။



#အောက်ခြေခိုင်အောင်အခြေခံကစကြမယ်

04/12/2025

20Hrs Basic Anatomy Course Batch 03 ကို Nov 27 မှာ စတင်မယ်လို့ ကြေညာထားပေမယ့် ကျန်းမာရေးအခြေအနေကြောင့် နောက်တစ်ပတ်ဆုတ်ပြီး ဒီနေ့ Dec 04 ကျမှ မန္တလေးမြို့၊ ရဲမွန်တောင်က Aura Wellness Center မှာ စတင်ဖွင့်လှစ်သင်ကြားပါတယ်။

ရှေ့မှာဖွင့်လှစ်သင်ကြားခဲ့တဲ့ Basic Anatomy Course တွေနဲ့ နည်းနည်းကွဲပြားသွားတာလေးကတော့ သင်ကြားချိန်ကို ၁၅ နာရီအစား နာရီ ၂၀ အဖြစ် ၅ နာရီစာ ထပ်ပေါင်းထည့်လိုက်တာဖြစ်ပါတယ်။

ပေါင်းထည့်ထားတဲ့ အချိန်တွေမှာ Yoga လေ့ကျင့်တဲ့အခါ၊ အားကစား၊ လေ့ကျင့်ခန်း အသီးသီး လုပ်ကြတဲ့အခါမှာ အဓိက အသုံးပြုရတဲ့ လူ့ခန္ဓာကိုယ်ရဲ့ အရိုး နဲ့ ကြွက်သား အဖွဲ့အစည်းတွေရဲ့ လုပ်ငန်းဆောင်တာတွေအကြောင်းကို ပိုပြီး ကျယ်ကျယ်ပြန့်ပြန့် သိရှိနားလည်ပြီး အပြန်အလှန်ဆွေးနွေးနိုင်​မှာ ဖြစ်ပါတယ်။



#အောက်ခြေခိုင်အောင်အခြေခံကစကြမယ်

22/11/2025

Spinal Mobility လေ့ကျင့်မှုတွေရဲ့ နောက်ဆုံးနေ့ဖြစ်တဲ့ Day 3 မှာတော့ မတ်တပ်ရပ်အနေအထားကနေ ကြမ်းပြင်ကို လှန်ချရတဲ့ Drop Back အမျိုးမျိုးနဲ့ Inverted Back Bend အမျိုးအစားဖြစ်တဲ့ chin stand, chest stand အတွက် အသက်ရှူနည်း တွေကအစ စာတွေ့ လက်တွေ့ သင်ကြား လေ့ကျင့်ကြရပါတယ်။

နောက်ရက်မှာတော့ Handstand လေ့ကျင့်မှုတွေ စတင်ပါတော့မယ်။

#နီးစပ်ရာမှာYOGAကျင့်ပါ
#အခုကစYOGAကျင့်ပါ
#အောက်ခြေခိုင်အောင်အခြေခံကစကြမယ်

21/11/2025

Spinal Mobility Day 2 မှာတော့ လူအနောက်ကိုလှန်ချတဲ့အခါ အန္တရာယ်ကင်းဖို့ အရေးကြီးတဲ့ အစိတ်အပိုင်းတွေနဲ့ အားစိုက်ထုတ်မှုတွေအကြောင်း စာတွေ့၊ လက်တွေ့ သင်ကြားလေ့ကျင့်ကြပါတယ်။

#နီးစပ်ရာမှာYOGAကျင့်ပါ
#အခုကစYOGAကျင့်ပါ
#အောက်ခြေခိုင်အောင်အခြေခံကစကြမယ်

20/11/2025

19.11.2025 က​နေ 23.11.2025 အထိ ရန်ကုန်က Phyu’s Yoga Studio မှာ ကျင်းပပြုလုပ်နေတဲ့ Two Transformative Workshop ရဲ့ Day 1 spinal mobility အတွက် စာတွေ့၊ လက်တွေ့ လေ့ကျင့်သင်ကြားမှုများ

#နီးစပ်ရာမှာYOGAကျင့်ပါ
#အခုကစYOGAကျင့်ပါ
#အောက်ခြေခိုင်အောင်အခြေခံကစကြမယ်

19/11/2025

ဒီနေ့ ၁၉ ရက်နေ့မှာ စတင်တဲ့
Two Transformative Workshop မှာ
တီချယ်ဖြူရဲ့ မျှဝေမှုလေး ✨

16/11/2025

၂၀၂၅ ခုနှစ်မှာ ကိုယ့်ပညာရပ်လမ်းကြောင်းအတွက် ထိုက်ထိုက်တန်တန် Upgrade လုပ်ဖြစ်ခဲ့တဲ့ အတန်းလေး။ (01.10.2025 ~ 16.11.2025)

ကိုယ်တကယ် စိတ်ဝင်စားတဲ့ အရာတွေကို ရှင်းရှင်းလင်းလင်း၊ ရဲရဲဝံ့ဝံ့လုပ်ကိုင်နိုင်ဖို့ အသိပညာ၊ အတတ်ပညာနဲ့ အသိအမှတ်ပြုလက်မှတ်ကိုပါ တခါတည်း ရအောင် ယူနိုင်ခဲ့ပြန်ပြီ။

ဒဏ်ရာ ပြင်းပြင်းထန်ထန်ရထားပြီး ဆေးပညာဘက်ဆိုင်ရာ ခွင့်ပြု၊ ထောက်ခံချက်နဲ့ပဲ ဖြစ်ဖြစ်၊ ဟိုနားနာ ဒီနားနာ ဖြစ်နေပေမယ့် ဆေးရုံဆေးခန်း သွားရလောက်အောင် မဆိုးရွားတဲ့သူတွေအတွက် လေ့ကျင့်ခန်းတွေ အန္တရာယ်ကင်းကင်းလေ့ကျင့်နိုင်ဖို့ တစ်ဖက်တစ်လမ်းက အထောက်အကူပေးနိုင်မယ့် Rehab Training Course။

ထိခိုက်ဒဏ်ရာကင်းရှင်းစွာနဲ့ Yoga လေ့ကျင့်ချင်ရင်၊ Movement Restoration အတွက် Rehab Training တွေ လေ့ကျင့်ချင်ရင် Private Class အတန်းချိန်လေးတွေ ညှိုနှိုင်းစုံစမ်းလို့ ရပါပြီ။

09965828642


#နီးစပ်ရာမှာyogaကျင့်ပါ
#အခုကစYOGAကျင့်ပါ
#အောက်ခြေခိုင်အောင်အခြေခံကစကြမယ်

15/11/2025

မန္တလေးမှာ Anatomy Course
In-Person အတန်းတက်ချင်သူတွေအတွက် ✨

20Hrs Basic Anatomy Course – Batch 03

Yoga လေ့ကျင့်ခြင်းဟာ လူသားတစ်ယောက်ဖြစ်တည်မှုရဲ့ အခြေခံအကျဆုံးအချက်ဖြစ်တဲ့
မိမိကိုယ်ကို ခံစားနားလည်နိုင်စွမ်း နဲ့ ပျော်ရွှင်ပြည့်ဝစွာ ရှင်သန်နိုင်မှု ကို တိုးတက်ကောင်းမွန်စေနိုင်ပါတယ်။ 🌿

Asanas လေ့ကျင့်မှုများအတွင်း မိမိရဲ့ အားသာချက်နှင့် အားနည်းချက် ကို အရှိအတိုင်းလက်ခံပြီး
ခန္ဓာကိုယ်အစိတ်အပိုင်းများ၏ တည်နေရာ၊ အခေါ်အဝေါ်နှင့် အသုံးပြုနိုင်စွမ်း ကို နားလည်သဘောပေါက်နိုင်ပါက
လေ့ကျင့်မှုတစ်ခုစီကို ပိုမိုထိထိရောက်ရောက် ပြုလုပ်နိုင်မည်ဖြစ်ပါတယ်။

ဒီ 20Hrs Basic Anatomy Course သည် လူ့ခန္ဓာကိုယ်အကြောင်းကို အခြေခံမှစ၍
အစိတ်အပိုင်းတစ်ခုချင်းစီ၏ တည်နေရာ၊ အခေါ်အဝေါ်နှင့် လုပ်ငန်းဆောင်တာများ ကို သေသေချာချာ လေ့လာသင်ကြားပေးမည်ဖြစ်ပြီး
Aura Wellness Centre, Mandalay တွင် November 27, 2025 ရက်နေ့မှစတင်ဖွင့်လှစ်ပါမည်။

ဒီသင်တန်းကိုတော့ ATHA Yoga Corner ၏ Founder & Main Instructor – ဆရာပြည့် မှ
Anatomy Based Yoga Class များအတွေ့အကြုံဖြင့် တာဝန်ယူသင်ကြားပေးသွားမည်ဖြစ်ပါတယ်။

သင်တန်းအကြောင်းအရာများသည် —
🧘‍♀️ တစ်ရက် ၂ နာရီဖြင့် ၁၀ ရက်ဆက်တိုက်
🧠 ခန္ဓာကိုယ်နဲ့ စိတ်ပိုင်းဆိုင်ရာအတွက် အသုံးဝင်သည့် သဘောတရားများကို မျှဝေသင်ကြားခြင်း

ကိုယ်တိုင်လေ့ကျင့်သူများ၊ သင်ကြားသူများအတွက်ပါ
မိမိခန္ဓာကိုယ်အကြောင်းကို ရင်းရင်းနှီးနှီး နားလည်နိုင်ဖို့ အထူးသင့်တော်သော သင်တန်းလေးဖြစ်ပါတယ်။

ဘာသာစကားအခက်အခဲများကြောင့် သင်ခန်းစာများကို နားလည်ဖို့အခက်အခဲရှိနေသူများအတွက်ပါ
အခြေခံအုတ်မြစ်ခိုင်မာအောင် တည်ဆောက်ပေးမည့် သင်တန်းဖြစ်ပါတယ်။

💬 ဒီ Batch 03 မှာ ပျော်ရွှင်ပေါ့ပါးစွာနဲ့ စီးမြောသင်ယူကြရအောင်နော်။

📅 Date: 27 November 2025
📍 Venue: Aura Wellness Centre
40A Street, 54 x 55 ကြား, ရဲမွန်တောင်, မန္တလေးမြို့
☎️ Contact: 09-404889885

📣 သင်တန်းအချိန်နှင့် အသေးစိတ်အချက်အလက်များကို မကြာမီတွင် ပြန်လည်ကြေငြာပေးပါမည်။

13/11/2025

ခါးနာနေတဲ့ ညီမလေး ၂ယောက်ကို ဒီနေ့ မှာတော့ Online Private Session လေး စ ပေးဖြစ်တယ်။

Risk Assessment အနေနဲ့ ခါးနာတဲ့ရာဇဝင်အကြောင်း၊ ခုလက်ရှိလုပ်နေတဲ့ အလုပ်အကိုင်၊ နေ့စဉ်ဘဝဖြတ်သန်းမှုနဲ့ လေ့ကျင့်ခန်းလေးတွေ အကြောင်း သေချာမေးဖြစ်တယ်။

သူတို့ခံစားနေရတဲ့ Pain Level ကို သေချာသိနိုင်ဖို့၊ ကိုယ်ကိုင်လို့ရတဲ့ scope ထဲမှာ ရှိမရှိသေချာသိရဖို့ Evaluation အနေနဲ့ ASLR test, Overhead Squat Assessment, Waiter Bow Test, Slump Test နဲ့ Flexion & Extension Test လေးတွေ အရင်စမ်းကြည့်လိုက်တယ်။ Slump test လေးစမ်းကြည့်ချိန် နှစ်ယောက်လုံးမှာ Sciatica Pain နည်းနည်းစီ ရှိနေတာလည်း တွေ့ရတယ်။

ဒီနေ့ခေတ် Lifestyle အရ အဖြစ်များတဲ့ Poor Posture အတွက် Postural Assessment နဲ့ Breathing Assessment လည်း လုပ်ခိုင်းလိုက်ပါတယ်။ မေးစရာရှိတာလေးတွေ မေးပြီး စစ်စရာရှိတာတွေစစ်ကြည့်ပြီးချိန်မှာတော့ ကိုယ် လေ့ကျင့်ပေးရမယ့် အရာတွေကို သဲသဲကွဲကွဲ သိသွားပြီမို့ လေ့ကျင့်ခန်းလေးတွေ ပြပေး၊ တခါတည်း form မှန်အောင် တူတူလေ့ကျင့်အပြီး ကြားရက်တွေမှာ ဆက်လုပ်ရမယ့် အိမ်စာလေးတွေလည်း ပေးထားလိုက်ပါတယ်။

ကိုယ်နေဟန်ထားမှားခြင်းနဲ့ အသက်ရှူမှားခြင်းဟာလည်း ခါးနာခြင်းကို ဖြစ်စေတဲ့ အဓိကအကြောင်းအရင်းတွေ ဖြစ်တာမို့ Postural & Breathing Restoration ကို နေ့စဉ်ဘဝ ဖြတ်သန်းမှုတွေမှာ မှန်ကန်အောင် လေ့ကျင့်သင့်ပါတယ်။

ဒူးနာ၊ ခါးနာ ဒဏ်ရာရထားလို့ rehab training လုပ်ချင်တာဖြစ်စေ၊ Yoga လေ့ကျင့်တဲ့အခါ Injury ကင်းကင်းနဲ့ လေ့ကျင့်ချင်ရင်ပဲ ဖြစ်စေ တစ်ဦးချင်းဖြစ်ဖြစ်၊ Group လိုက်ဖြစ်ဖြစ် Private Session ယူပြီး လေ့ကျင့်နိုင်ဖို့ အချိန်ညှိနှိုင်းနိုင်ပါပြီ။

ATHA Yoga Corner
09965828642


#နီးစပ်ရာမှာYOGAကျင့်ပါ
#အခုကစYOGAကျင့်ပါ
#အောက်ခြေခိုင်အောင်အခြေခံကစကြမယ်