04/02/2026
အိုက်တယ်ဆိုပြီးညဖက်ရေချိုးသူများသတိထားပါအိုက်တယ်ဆိုပြီးညဖက်ရေချိုးသူများသတိထားပါ
___________
အသုဘဖိတ်စာတစ်စောင်ရောက်လာသည်။ ကွယ်လွန်သူက ၆၅ နှစ်ဖြစ်သည်။ ကိုယ့်ထက် ၄ နှစ်ငယ်သည်။ သို့သော် သူက အလျင်အသက်ဆုံးသွားသည်။
ဘာရောဂါနဲ့ ဆုံးတာလဲဖိတ်စာလာဝေသူကို မေးကြည့်မိသည်။
ဘာဖြစ်မှန်းမသိဘူး။ ညက ပူတယ် ပူတယ်ဆိုပြီး ရေချိုးတယ်။ အပြင်မှာ ထွက်အိပ်တယ်။ မနက်ကျတော့ အသက်ဆုံးပါးနေတာပဲ
မည်သူ့ကိုမျှ ဒုက္ခမပေး။ အေးအေးဆေဆေ ကွယ်လွန်ပေးလိုက်တာလည်း တစ်မျိုးတော့ကောင်းတာပေါ့ဟု မှတ်ယူလိုက်ပါသည်။
အသုဘက နေ့ချင်းချသည်။ ပူလွန်းလှသည့် နေပူထဲကို မလိုက်နိုင်သဖြင့် အသုဘမပို့နိုင်ခဲ့ပါ။ ရက်လည်မှသာ ကူငွေပေးရင်းသွားရမည်။ ဖိတ်စာတွင် ရက်လည်ကိုပါတစ်ခါတည်း ဖိတ်ထားသည်။
ဖိတ်စာတစ်စောင်သည် ကိုယ့်ကိုပါ သတိပေးနေသည်။ သင်လည်း အချိန်မရွေး ထိုဖိတ်စာပိုင်ရှင်ဖြစ်သွားနိုင်သည်"
ညက ကျွန်တော်လည်း အိပ်မရပါ။ လျှပ်စစ်မီးက ၉ နာရီတွင်လာသည်။
၁ နာရီတွင် ပြတ်သည်။
ပူသောရာသီကို ပန်ကာလေလေးနှင့် ကျော်ဖြတ်ရသည်။ အိပ်ချိန်ကို မီးပြတ်သဖြင့် ပန်ကာလည်းမဖွင့်နိုင်။ အိပ်ရာထဲတွင် ချွေးတွေရွှဲနေသည်။ လက်က ယပ်တောင်ကို မပြတ်ခတ်နေရသည်။ အိပ်မရတော့။
၁နာရီခွဲတွင် မီးလာသည်။ အိပ်မရသည့်အတွက် စာထရေးသည်။ ရာသီဥတုက ထိုင်နေလည်း ချွေးပြိုက်ပြိုက် ကျသည်။ စာရေး၍ကောင်းတုန်း ၂ နာရီခွဲတွင် မီးပြတ်သွားပြန်သည်။
အိပ်မည်ကြံတော့ ချွေးတွေရွှဲနေသည်။ မနေနိုင်သည့် အဆုံးတွင် ရေချိုးလိုက်သည်။
အိပ်ရာထဲဝင်ပြီး အမှန်တကယ်အိပ်မည်ကြံသော်လည်း အိပ်မရ။ လေကလည်း မတိုက်။ အရေးပေါ် မီးလုံးလေးဖွင့်ကာ စာဖတ်နေမိသည်။ စာဖတ်လျှင် အိပ်ချင်မည်ထင်နေရာ မအိပ်ချင်သည့်အပြင် မျက်လုံးက ပိုပြီး ကျယ်လာသည်။
မနက် ၄ နာရီထိုးသွားသည်။
၄ နာရီထိုးလျှင် အိပ်ရာကထနေကျဖြစ်သဖြင့် ပြန်အိပ်၍မရတော့။ ထိုအချိန်မှမီးကလာပြန်သည်။ မီးသည် တစ်ညကို ၃ ကြိမ်လောက် လာသည်ဟု သူများတွေ ပြောသလို ပြောရမည်ထင်သည်။
၄ နာရီထိုးစာထရေး။ Facebook ပေါ်ကို ၅ နာရီထိုးတော့ စာတင်။ မျက်နှာထသစ်သော်လည်း လူကမလန်း။ အိပ်ရေးမဝသလို ဖြစ်နေသည်။ လမ်းလျှောက်က ထွက်ရဦးမည်။ ၅ နာရီခွဲတွင် လမ်းလျှောက်ထွက်သည်။ အိပ်ရေးဝလျှင် လူကလမ်းလျှောက်ရတာလည်း လန်းဆန်းသည်။ အိပ်ရေးတွေပျက်တာ ညစဉ်ဆက်တိုက် ဖြစ်လာသောအခါ လူကလည်း လမ်းသာလျှောက်နေရသည် မလန်း။
သို့သော် သတ်မှတ်အချိန်၊ သတ်မှတ် နာရီအထိတော့လျှောက်လိုက်သည်။
ဈေးထဲဝင်သည်။ စားချင်တာလေးတွေဝယ်သည်။ မနေ့က ငါးသည်ကောင်မလေးထံတွင် အကြွေမရှိသဖြင့် ပိုက်ဆံ တစ်ထောင်ထားခဲ့သည်။ ငါတန်းကိုလာပြီး ပိုက်ဆံတစ်ထောင် လာပြန်ယူသည်။ ကြာလျှင် မေ့သွားမည် စိုးသောကြောင့်ဖြစ်သည်။
ထိုငါးဆိုင်က မထွက်။ ဘေးနားက ဆိုင်ကို မေးကြည့်မိသည်။
ဒီဆိုင်က မထွက်ဘူးလား
မထွက်ဘူး ... အဲဒီကောင်မလေး ဆုံးသွားပြီ
ဟင် ဟုတ်လား ... ဘာဖြစ်လို့လဲ
ပူတယ်ဆိုပြီး ရေထချိုးတာ ခေါင်းပါလောင်းချိုးတယ်တဲ့လေ။ လေဖြတ်သလိုဖြစ်ပြီး လဲကျသွားတာ။ အသက်ပါ ပါသွားတယ်
ဟာ
ထိုအချိန်မှ ကိုယ့်ကိုယ်ကိုယ်လည်း
ဟာ ညက ငါလည်း ရေချိုးလိုက်သေးတာပဲ ဟု တွေးလိုက်မိကာ ကြက်သီးထသွားမိသည်။
ပူသည်
အလွန်ပူသော နှစ်တစ်နှစ်၏ အထွဋ်အထိပ်အချိန်ကို လူတွေ ကျော်ဖြတ်နေကြရသည်။
အပူထဲတွင် ကြီးသူရော၊ ငယ်သူတွေပါ တဖြုတ်ဖြုတ် ကြွေနေကြရသည်။
မေ.သအောင် ကြံဖန်တွေးပြီး သတိလေးနှင့် နေစေချင်ပါသည်။
မေ.သ, ေ.သအောင် ကြံဖန်ကာ နှိပ်စက်နေသော ဘေးဒုက္ခများကြားတွင် အသက်ရှင်နိုင်ရေးအတွက် ရုန်းကန်တိုက်ခိုက်ကာ ရပ်တည်နေနိုင်ခြင်းကလည်း အောင်ပွဲဖြစ်သည်။
ဆရာ ဗန်းမော်တင်အောင်၏ စကားလေးတစ်ခွန်းကို ကိုးကားချင်ပါသည်။
ကိုဌေးမြိုင်ရေ ... ရန်သူက .ေသစေချင်တဲ့အခါ၊ မေ.သအောင် နေပေးရတာလည်း တိုက်ပွဲတစ်ခုဗျ
မိမိပြုသောကံမိမိထံပြန်လာမည်
မိမိကိုယ်ကိုယ် ချစ်သလို သင့်မိတ်ဆွေတွေကိုလဲချစ်ခင်တန်ဖိုးထားတယ်ဆိုရင် ဒီဆောင်းပါးကို မိတ်ဆွေများဆီ မျှဝေshareနိုင်ပါတယ်
နောက်ထပ် ဆရာကြီးများရဲ့တန်ဖိုးရှိလှတဲ့ဆေ:နည်းများကိုသိရှိလိုလျှင်တော့ကောမန့်မှာ YESလို့မန့်ပေးပါနော်.တစ်ဆင့်ပြပြန်လည်မျှဝေခြင်းဖြစ်ပါသည်
+++++++++++
လေးစားစွာဖြင့်မူရင်းရေးသားသူကို
ေးပါတယ်
🙏🙏🙏
ကျန်းမာရေးဗဟုသုတများကိုနေ့စဉ်နှင့်အမျှတင်ဆက်ပေးနေတာကြောင့် page ကိုlikeလုပ်ထားဖို့အကြံပေးပါရစေpageထဲလဲဝင်ရောက်လေ့လာဖို့ဖိတ်ခေါ်ပါတယ်ခင်ဗျာ...
